لكل متابيعي روايتي بارت السبت بنزله بدري يمكن الليله لان السبت عندي موعد وبنشغل عن نزول الروايه
مثل قبل ماحب اخل بموعد روايتي الا لظرورف طارئة عني ( والبارت جاهز باقي انسقه وبنزله يمكن بعد ساعه وليش التاجيل مادامه جاهز )



اختكم نسايم نجد

البارت السابع



في بيت ام فواز


ام فواز واميره جالسات بالصاله دخل عليهم فواز انفجعت امه من شكله واضح انه في مصيبه بيقولها

ام فواز بخوف / ابوك صاير له شي

قرب من امه / ناصر مات

ام فواز وقفت بخوف / أي ناصر

فواز بحزن / ناصر ولد اختك مات وهو بالمطار

ام فواز صارت تبكي بحرقه / وانت من قالك وخالتك شلون حالها

فواز بحزن / قالي ابو سعود الله يصبرهم ويرحم ناصر

اميره وقفت وهي مفجوعه / يمه لازم نطلع لخالتي تحتاجنا نوقف معها

ام فواز بصوت باكي / ادخلي غرفتي جيبي عباتي ماقدر اتحرك من فجعتي وانتي البسي عباتك وتعالي معي

طلعت فوق وبدقائق وهي نازله لابسه عباتها وعباية امها بيدها




في بيت الجده


دخلت ام فواز مع اميره ببيت اختها ودخلت شافت اختها منهاره قربت منها

ام فواز وهي تبكي بحرقه / عظم الله اجرك

ام سالم بصوت باكي / اجرنا واجرك

قربت اميره من خالتها وباستها على راسها

اميره / عظم الله اجرك الله يرحمه

ام سالم بصوت باكي / اجرنا واجرك
اميره بتسال / ساره وشوق وينهم

ام سالم / ساره بغرفتها مع بنات ناصر الصغيرات
وشوق الله يكون بعونها منهاره بغرفتي من صدمتها بابوها ما تقدر تتكلم

ام فواز بحزن / الله يصبرهم

اميره بحزن / خالتي تسمحين لي اطلع لها لغرفتك

ام سالم بحزن / يمه اتركيها مابيها تنحرج منك وهي حالتها مو قاصره
اطلعي لساره استعجليها تنزل قبل لا يتجمعون الناس

طلعت اميره وهي موجوعه على حال خالتها وتفكيرها بعيال ناصر وراحمه شوق كثير تتمنى لو بيدها تقدر تساعدها

وصلت لغرفة ساره طقت الباب ودخلت شافت ساره دافنه راسها في المخده وتبكي بحرقه قربت منها وجلست بطرف السرير وسحبت ساره لحضنها

اميره بصوت باكي / كنت اتمنى ادخل غرفتك بظروف احسن من هذي اعرف الي تحسين فيه شي كبير مستحيل اقدر اخففه عنك

ساره تمسكت بقوه بحضن اميره وبصوت مبحوح / مات ناصر راح ياميره معاد راح نشوفه
اميره بصوت باكي / ادعي له بالرحمه المفروض تصبرين خالتي المنهاره بدال ما تنهارين وتزدينها عليها

رفع ساره نفسها عن حضن اميره / بناته ياميره طول ليلهن يبكن بحرقه تذكرت حالتي ووجعي يوم مات ابوي

اميره بصوت باكي / الله يرحمهم ويعوضه بالجنه خير عن الدنيا
ساره / امين

وقفت وسحبت معها ساره وقفتها / ادخلي الحمام والبسي وبنتظرك ننزل سوى

جلست على سرير ساره تنتظرها طلعت ساره وهي لابسه ونزلو تحت

قربت ساره من خالتها وسلمت عليها وجلسو سوى ينتظرون المعزين

دخلت هيا وهي شايله ماهر طالعه من المطبخ

ام سالم بوجع وحرقه / هاتيه

اخذته من هيا وصارت تضمه وتبكي بحرقه

ام سالم بحرقه / وينه اخوانه

هياء / فارس مع المربيه والباقين عيال عمهم والبنات اخذتهم من غرفة ساره بيفطرن وبينزلن

ام فواز بامتنان / الله يجزاك خير يا هيا ويعطك اجر الايتام

هيا قربت من خالتها وتكلمت بحنان / هاتيه عنك يا خالتي انتي تعبانه

ام سالم بصوت باكي / خليه اشم فيه ريحت الغالي الي فقدته وصارت تبكي بحرقه

ام فواز بصوت باكي / الله يصبر قلبك ويعوضك بعياله

اميره بجديه / هيا تحتاجين مساعده
هيا / تسلمين ما تقصرين

ساره بصوت باكي / يمه شوق بتنزل ولا بتبقى بغرفتك

ام سالم بوجع / اتركيها ترتاح مع ان الراحه بعيده عنها وهي بحرقتها ما نست اخوانها بالدقيقه تسال عنهم وانا اطمنها


نزلت شوق وشكلها يوجع القلب قربت منهم وام فواز حضنتها بحب / الله يرحمه يمه ويصبر قلبك على فقده

صارت تنتفض في حضن ام فواز
ام فواز بحنان ودموعها على خدها / ادعي له يمه

اميره غصب عنها صارت تبكي بوجع وصار تمسح على ظهر شوق الي في حضن امها

اسحبت شوق نفسها من حضن ام فواز ورمت نفسها بحضن اميره والثنتين صارو يبكون بشهاق
وام فواز وام سالم وساره عيونهم عليهم ويبكون بحرقه

هياء بصوت باكي / الله يهديكم اميره بدال ما تصبرينها تزيدين عليها
اميره رفعت شوق من حضنها بصوت باكي / سامحيني شوق ما قدرت على نفسي صيري قويه ودعي له هذا الي يحتاجه منك الحين وهو بين ايدين ربه

شوق قربت وجلست جنب جدتها وحضنتها وصارت تبكي بحرقه




عند منى


جالسه بالصاله عيونها مانزلت عن ولدها وهي خايفه عليه ما تدري وش تسوي مره تقول الي فيه عين خايفه تطور حالته ويروح من بين ايدينها وهي تتفرج
شافته يفتح عيونه / يمه

قربت منه وبحنان / يا روح وعيون امك تبي شي
وليد جلس / جوعان
منى بحنان / دقائق والاكل عندك

دخلت وصلحت له فطور وجابته عنده وحطته بالطاوله الي قدامه

منى بابتسامه / ابيك تخلص كل الاكل الي قدامك

وليد دخل الحمام غسل يده وطلع وقرب من الكنبه وصار ياكل وعيون منى تراقبه بخوف وضعه وحالته مو طبيعية والحزن مرسوم على وجهه خايفه تصدق احلامه واكيد بتكون نهايتها هم اجمل شي بحياتها وعايشه علشانهم




عند صقر


اتصل على تركي الي كان بالمسجد رد عليه بصوت باكي

صقر / الو

تركي بصوت باكي متعب / هلا صقر

صقر بخوف / تركي وش صاير ليش تبكي

تركي صار يشاهق يبكي بحرقة وعيونه ما نزلت عن اخوه الي مكفن ومتمدد قدامه ينتظرون الصلاه عليه

صقر بصراخ ورعب / ترررررركي قول وش صاير

تركي بصوت مقطع من البكي / ناصر يطلبك الحل

صقر بصدمه وبحزن / الله يرحمه ويصبركم على فقده

تركي ببكاء ومراره / البارح مات بالمطار من قبل لا نشوفه والحين بالمسجد بنصلي عليه ما قدر يكمل المكالمه صار يبكي بوجع قفل الجوال



عند صقر


موجع على حال صديقه المنهار تمنى انه موجود عنده يواسيه لكن مستحيل يعطونه اجازه رفع الجوال واتصل على الخطوط لقى حجز له ولركان بعد ساعه

طلع من مكتبه لمكتب ركان بيحط خبر عنده بيسافرون سوى



عند ركان


كان بمكتبه مرتاح اليوم ما عنده تحقيق دخل عليه صقر ووجه متغير وقف ركان بخوف عن كرسيه

صقر بحزن / ناصر اخو تركي توفي البارح بالليل ودفنه بعد صلاة الظهر

ركان جلس على كرسيه بحزن / ان لله وانا اليه راجعون تقدر تسافر لتركي وتوقف معه بمصيبته

صقر بجديه / حاجز لي ولك بعد ساعة طايرتنا

ركان بحزن / اعذرني ما قدر اترك ابوي سافر وصل تعازي لتركي وانا بتصل عليه

صقر بعصبيه / لازم الليله تلقى حل لبوك حتى بالواجب تعتذر

ركان باستسلام / خلاص لا تزيدها علي

صقر بجديه / طالع للمطار وبالليل راجع

طلع من عنده وركان يفكر من وين يجيب زوجه لبوه بالمواصفات الي يبيها




عند صقر

طلع من مكتب ركان ركب سيارته راجع للبيت مر سوبرماركت شرى كثير من الشكولاتات الي تحبها ديما وصل ودخل البيت وهو محمل بالاكياس

دخل لصاله لقى امه جالسه وجنبها ديما ونجود والجو هدوء يتابعون برنامج بالتلفزيون

قرب منهم باس راس امه

صقر بابتسامه / وش حاطه على راسك

ام صقر / حنا

ركضت له ديما باسته على راسه

صقر بابتسامه حب مد لها الكيس / خذي الكيسه لك

ديما بفرح / ووووووواو فديتك احلى خال وطالعت بنجود بابتسامه

وكملت / تعرف عندي افه تتسلط على اكلي

جلس ركان جنب امه وطالع بنجود / نجوده حبيبتي جهزي لي شنطتي بسافر

ام صقر / وين بتسافر ومتى بتجي

صقر بحزن / يمه ناصر ال...... البارح توفي بالمطار وهو جاي من فرنسا

ام صقر بحزن / بسافر معك بعزي ام سالم هذي اختي لازم اوقف معها بمحنتها

صقر بجديه / ارتاحي يمه تعب عليك راجع بالليل

ديما بحزن / من البارح اتصل على ساره ما ترد يا قلبي عليها

خالي بروح معك ساره تحتاجني

صقر بحزم / خلاص تبون تعزون عندكم التلفون والجوال كلموهم وعزوهم انا حجزت و وبالليل وانا عندكم

طالع بنجود وهي واقفه / نجود اليوم اذا جيت اسمع ردك النهائي بموضوع بدر الرجال حرق جوالي

نجود بحزن التفتت لاخوها / ما قدر اوافق
صقر بحب / الحين مستعجل الليله لي جلسه معك مطوله

طلعت نجود من عندهم قربت ديما من خالها حطت راسها على كتفه

ديما بحب / خالي حبيبي نجود ما عندها مانع تتزوج بدر لكن ما تبي تعيش بعيد عنا وبدوله غير وهذا سبب رفضها

ام صقر بحزن / وهذا الي موجع قلبي بنتي بتعيش بغربه وبدر ما ينرفض رجال والنعم فيه

صقر بجديه / مو سبب مقنع ترفض بدر بسبته وانتم لا تساعدونها بالرفض لسبب تافه

وقف صقر دخل غرفته بيستعد لسفره شاف نجود ترتب شنطته الصغير والحزن مرسوم على وجهها قرب منها
صقر بحنان / خلصتي الشنطه

نجود بحب / ايه كل شي جاهز

صقر مسك يدها بحنان وتكلم بجديه / ما عاش من يغصبك على شي ما تبينه لو انه منى عيني اشوفك ببيت بدر لكن برضاك

نجود بحيا / صقر انا ما عندي مانع على بدر بس

كمل صقر بجديه / ما تبين تتغربين وتبعدين عن هلك

نجود بحزن/ ايه

صقر بجديه / تضمنين ان الي بتعيشين معه جنب اهلك بيسعدك يمكن سعادتك مع الي بيعيشك بعيد عنهم لا تنسين ان بدر ولد عمك قبل لا يكون زوجك نعرفه ونعرف اهله

استخيري والخيره فيما اختاره الله

تركها ودخل الحمام اخذ شور طلع ما لقاها لبس ثوبه واخذ شنطته الصغيره وطلع



في الجامعه

كانت سلوى طفشانه جالسه وحيده منقهره ان ديما ومرام متفقات وغايبات من دون لا يحطون عندها خبر ناويه لطلعت من الجامعه تكلم ديما وتشوف سبب غيابهم

قررت تطلع وطنش باقي محاضراتها اتصلت على اخوها كان انتظار

بعد دقائق اتصل عليها معصب

مروان بعصبيه / خير وش عندك متصله تبين شي

سلوى بجديه / ابي اطلع من الجامعه خوياتي كلهم غايبات وانا جالسه بالحالي

مروان بسخريه / انطقي بجامعتك ماني رايق لك

سلوى بثقة / بتجي يا مروان انتظرك برى

قفلت بوجهه ما نتظرت رده لبست عباتها وطلعت بعد ربع ساعه جاء مروان افتحت الباب ودخلت ومروان مقهور منها

رفعت جوالها واتصلت على ديما


سمعت صوت ديمه

سلوى / يا لخاينات غايبات وما قلتو لي اغيب معكم

ديما بحزن / اجل مرام غايبه

سلوى بسخريه / بتفهميني انها صدفه

ديما بجديه / البارح كانت عندي ما قالت انها بتغيب وانا قمت اليوم وحسيت بكسل وكملت نومي
سلوى بجدية / صوتك مو عاجبني

ديما بحزن / اخو ساره مات

سلوى بستغراب / منهي ساره
ديما بجديه / صديقتي من كنت صغيره واهلي يعرفون اهلها امي صديقة امها وخالي صقر صديق اخوها

سلوى بمرح / صداقه متشعبه

ديما بمرح / عليك نور

سلوى بكذب / بيخلص شحني يله مع السلامه

ديما بمزح / يا البخيله مستخسره فيني المكالمه

سلوى باستعجال / بكلمك بالليل يله مع السلامه

ديما / مع السلامه


التفت عليها مروان

مروان بخبث / هذي ديما خويتك
سلوى بسخريه / خير ليش تسال عنها ليكون ناوي تضمها لعشيقاتك

مروان بوقاحه / وش الي بيمنع
سلوى بجديه / تحلم يابا هذي ديما واحسن لك تبعد عنها ترى خالها ضابط ولا ناوي اطيح ولا احد يسمي عليك

مروان بوقاحه / بجيب راسها ولا همني الضابط خالها

سلوى بجديه / وشلون بتجيب راسها ياليت تفهمني ترى ديما مو سهله

مروان بابتسامه خبيثه / كل شي بوقته حلو يا حلوه
سلوى بجديه / لا تنسى اني حذرتك وانت بكيفك
مروان بسخريه / مشكوره على تحذيرك





في بيت الجده


بعد الصلاة والدفن استقبل اخوان ناصر وعياله تركي وماجد وعادل وعدنان عزاء ابوهم باستثناء سالم الي بالمستشفى

والحريم تجمعو عند ام سالم جنبها شوق الي جنبها ام فواز وساره كانت بجنبها اميره وهياء الي تصب القهوة للمعزين

التوائم والعيال الصغار بجناح هياء معهم المربيه ما تبيهم ينزلون ويخافون وهم يشوفون الكل يبكي


عند الرجال

سمع تركي جوال اخوه يتصل ( البقره تتصل بك ) طلع برى المجلس

تركي بصوت مبحوح / الو هلا من معي

نوف مستغربه من الي يرد على جوال زوجها غيره / اخوي هذا جوال ناصر

تركي شك انها زوجته وبصوت مبحوح / ايه خير تامرين على شي

نوف بخجل / لو سمحت انا زوجته ابي اكلمه

تركي بقرف وبقهر / وش تبين فيه يزوجته

نوف مستغربه اسلوبه / موضوع خاص

تركي بعصبيه / قولي موضوعك بوصله له ما يقدر يكلمك

نوف بستسلام / قول له ان زوجتك الحين ولدت وجابت بنت

تركي بعصبيه وقهر باكي / ناصر بقبره جعلك تلحقينه انبسطي مراح تحادين عليه انفك عنك الحداد وهذا الي تبينه وعيالك لو تحبين السماء ما شفتيهم

تفاجئت من صراخه وعصبيته بوجهها وانصدمت من الكلام الي يقوله ضنت انه مو طبيعي

نوف بصدمه / اخوي انت صاحي ولا تهلوس

تركي بقوه وقسوه / لا وبشرك شوق من صدمتها بابوها صارت ما تتكلم وولدك سالم منهار وطايح بالمستشفى

نوف بصوت باكي / من معي

تركي بقسوه / معك تركي الي حرقتي قلبه على اخوه وحرمتي اهله من فرحتهم برجعته

نوف صارت تصرخ بحرقه / مجنننننننننننون
مجنننننننننننننون

صار يسمع بكاء موجع مع نحيب وشهاق بعده انقطع الخط بينهم ورجع للمجلس

رجع لمكانه جنب اخوه ما يدري الي سواه مع زوجة اخوه صح ولا غلط هذي طلعته من طوره تكلمه تبشر انها والدت وهم يبكون اخوهم انقهر اكثر انها ولدت بعد ما ندفن اخوه وانفك عنها الحداد لو بكيفه تركها تحاد عليه العمر كله


عند نوف

قفلت الاتصال من تركي وانهارت وصارت تبكي وتصارخ بهستيريا على حال عيالها ما هتمت بوفاة ناصر الي موته كانه عيد عندها ناصر هم خانقها ونزاح من على صدرها قربت بنتها من صدرها وضمتها بحنان وغرقتها بدموعها وش ذنب هالطفله تنولد يتيمه





عند مبارك


طلع من بيته بيجلس عند صديقه فاتح مكتب عقار دخل عليه

مبارك / السلام

عايض / وعليكم السلام

قرب وجلس شاف صديقه يقراء بالجريده

مبارك بابتسامه / وش فيك دافن راسك بالجريده

عايض بجديه / فيه نعي عن زوج اختك الي بفرنسا مات بيدفنونه بعد صلاة الظهر

مبارك بصدمه سحب الجريده وقراء النعي وقف من غير لايتكلم

وصل لبيته اخذ رقم بيت ناصر بفرنسا اتصل عليه



عند نوف

مازالت على حالها تبكي بنحيب موجع سمعت تلفون البيت ركضت له توقعته احد من عيالها رفعته وتمنت انها مارفعته صوت اكره مخلوق بالوجود عندها

مبارك / الو

نوف بوجع وقهر / نعم

مبارك / عظم الله اجرك

نوف في نفسها / يا جعلهم يعزوني فيك

نوف بحزن / اجرنا واجرك

مبارك بقسوة واصرار / الليله احجزي وارجعي للجنوب مالك قعده هناك بعد موت ناصر

نوف بوجع وتعب / توني والده وتعبانه

مبارك بفرح / يعني انفك حدادك

نوف بطفش وقهر هذا الي هامه ماسال عن احوالها

نوف بقرف / لا ولدت قبل لا يموت ناصر ولازم احد عليه في بيته بفرنسا

مبارك بقسوه / اذا خلص حدادك وانتي عندي

نوف بقهر / يصير خير

مبارك بعصبيه / اذا ما جيتي جيتك وتعرفين الي بيصير

نوف باستسلام / قلت لفكيت حدادي جيت لعندك
بعد ماخلص كلامه سكر التلفون



عند مبارك

صارت افكار ادور في راسه لازم ينفذها مدام العالم مشغوله بوفاة ناصر

طلع من بيته وصل لبيت ركان وهو ناوي ما يطلع من عنده الا منفذ الي براسه



عند ركان


طالع من شغله متضايق بعد ماقاله صقر عن خبر وفاة ناصر

سمع طق الباب فتح لمبارك ودخلو بغرفة ابوه وجلس

مبارك / شلونه ابوك ياركان

ركان بضيق / بخير يبيله اهتمام وعنايه احاول قد ما قدر ما تاخر عليه اطلع من شغلي علشانه

مبارك بمكر / تعب عليك يولدي ليه ما تتزوج

ركان بابتسامه / زوجتي ما يحل لها تغير لبوي
جالس افكر ازوجه

مبارك بقسوة واجرام / اجل عروسته عندي والليلة الملكه

ركان يتهرب / بزوج ابوي وحده كبيره وعندها عيال

مبارك بخبث / والي عندي نفس طلبك ارمله وعنده اربع بنات وسبع عيال وتبي الستر

ركان بفرح / زين منهي

مبارك بقسوة / اختي نوف

ركان باستعجال / اجل توكلنا على الله الليله تنور بيتها

مبارك بارتباك / المشكله انه ماهي بالديره مسافره وبترجع بعد اربع شهور

ركان / اجل نملك لجت بالسلامه

مبارك باصرار / ليش التاخير مدامها موافقه انا ولي امرها وهي موكلتني ازوجها

ركان مستغرب / ما فهمت شلون تملك على ابوي وهي غايبه

مبارك بخبث / كل شي بسويه عنها بالنيابه

ركان بجديه / وليه الاستعجال

مبارك باجرام / خير البر عاجله واختي موصيتني ادور لها شايب تكسب اجره وتهتم فيه

ركان اقتنع مراح يخسر شي / اهم شي اسمع موافقتها قبل لا تملك

مبارك / وهذا الي بيصير وبتسمع باذنك موافقتها


ركان بجدية / الليله موعدنا اجل

مبارك بطمع / بتكون الملكه ببيتك اهم شي المهر علشان تجهز نفسها

ركان بجدية / الي تشوفه والمهر اطلب الي تبيه

مبارك بطمع / خمسين الف

ركان بجديه / الليلة لملكنا بيكون المهر عندك

بعد ما تطمن من نجاح خطته طلع من بيت ركان وهو فرحان بالخمسين الف الي بيستلمها الليله

رفع جواله وتصل على اخته



عند نوف


مستمره بنحيبها وبكاها الموجع محتاجه احد جنبها يواسيها على مصابها وعلى حرمانها من عيالها كلام تركي الجارح ودعوته عليها موجعها ما تدري ليش كل هالكره بصوته وليه بيحرمها من نور عيونها حست الدنيا سودا بعيونها

قررت تطلع لشقة ناصر الثانيه الخاصة بجرايمه تبي تبعد عن المكان الي يخنقها للمكان الي يوجعها ويرعبها الي بيذكرها بجرايم ناصر

سمعت صوت التلفون ركضت له عندها امل يكون سالم ولدها

رفعت التلفون بصوت تعبان / الو

مبارك بوقاحه / بالليل باتصل عليك وبتقولين موافقه

نوف بقهر ووجع / على ايش موافقه

مبارك بقسوة / مو لازم تفهمين اول ما تصل عليك تقولين موافقه مابي غير هالكلمه

نوف بطفش وتعب / طيب انا طالعه من البيت لشقة ناصر

مبارك بصراخ / عطيني رقم المكان الي بتروحين له

نوف تبي تفتك من صوته الي يخنقها عطته رقم شقة ناصر وقفلت بوجهه


نوف بصوت باكي / وش المصيبه الي مجهزه لي يا مبارك مكالمتك ما تبشر بخير وقلبي مستحيل يامن لك



عند صقر

وصل لمطار الرياض وقرر يزور بيت اخته وصل لبيتها دق الجرس فتح له وليد حضنه

صقر / شخبارك
وليد / الحمد لله تفضل

دخل صقر لصاله شاف غلا اطالع بافلام كرتون شافت خالها ركضت له حضنها

صقر بحب / شخبار عروستنا
غلا بفرح / الحمد لله خالي ليش ما جت معك ديمه وجده
صقر / انتم تعالو عندنا

دخل وليد عند امه بالمطبخ
وليد / يمه خالي صقر بالصاله

منى مستغربه / غريبه ما تصل ولا قال انه بيجي الله يستر

غسلت يدها وطلعت لاخوها اول ماشافها حبها على راسها

صقر بحب / شخبارك

منى بقلق / الحمد لله غريبه زيارتك المفاجئه

صقر بحزن / جاي اعزي تركي بوفاة اخوه ناصر

جلس صقر وجلست جنبه

منى بحزن / انا لله وانا اليه راجعون متى جاء من سفره ومتى مات

صقر بحزن / مات البارح بالمطار صلو عليه صلاة الظهر
منى بضيق / الله يصبر امه ويكون بعونها بروح معك اعزيهم وببقى عندهم

صقر بجدية / بوصلك معي ودبري احد يرجعك مابي اتاخر على المطار

منى / معليك بلقى من يرجعني

دخل وليد بالقهوه وحطهم على طاوله بمنتصف الصاله وصب القهوه ومد الفنجال لصقر

وقفت منى / بتتغداء عندنا بكلم سلطان بحط عنده خبر بجيتك
مشت وتركته وكلمت سلطان ولما درى ان صقر موجود تهرب خايف انها مشتكيه عليه تعذر ان عنده استلام وبيجي بالليل متاخر




عند نايف

دخل الشقه سمع صوت بالمطبخ دخل شاف عبدالله يقطع السلطه

نايف بابتسامه / والله انك رجال بيت ممتاز يا بختها زوجتك

عبدالله بابتسامه / تحلم اطبخ لها هذا الي ناقصني

نايف / تحتاج مساعده

عبدالله / وش ابي من واحد ارفل مثلك منت بفالح بشغل البيت

نايف / هههههههههه يبيني اخذ كورسات منك

عبدالله بعصبيه / فيه واحد ما يعرف يكنس المشكله انها مكنسه كهرب تعبك انك تشغلها

نايف / ههههههههههههه على قولتك ارفل ودعله

عبدالله / صاير شغل الشقه كله على راسي زين منك تنظف غرفتك

نايف / تستاهل قايل لك بنجيب لنا طباخ وهندي ينظف شقتنا انت الي رافض
ويقلد صوته / مابي طباخ ما دري وش بيحطن لنا بالاكل والهندي حرام ندفع له على شقه اصغر من القوطي

كمل / انا اعرف قدراتي رشحت هالحل لكن انت مصر على التعب

عبدالله / الغداء جاهز ادخل غرفتك ونزل كتبك وتعال شيل معي الاغراض

نايف / ههههههه هذي سهله اعرف اسويها

دخل غرفته ونزل كتبه وفسخ ثوبه وغترته وعلقهم ولبس قميص بيتي وطلع

دخل المطبخ اخذ السفره بسطها على الارض ورجع ياخذ صحون السلطه واللبن والماء وزعهم على السفره

حط عبد الله صحن الكبسه على السفره بدو ياكلون بهدؤ

نايف بجديه / صراحه لك نفس حلو بطبخ حتى الماء بيدك يطلع طعمه غير

عبدالله بابتسامه / هذا من فضل ربي

نايف وهو يحط السلطه على الرز / حتى تقطيعك لسلطه تقطيع فنان

عبدالله بابتسامه / تحسبني نايف الي السلطه يقطعها بشكال هندسيه وياليته صغيره الا كبر عينه

نايف / هههههههههه دايم تكسر مجاديفي

عبدالله بابتسامه / والله ما شفتها المجاديف علشان اكسرها لك

نايف بجديه / تصدق اليوم جاني ولي امر طالب متضايق من المناهج المطوره عصب علي
عبدالله بحماس / ايه وبعدين

نايف / طلعني من طوري قلت اذا عندك شكوى روح للوزاره احنا انطبق التعليمات

عبد الله / تبي الصراحه فاجئونا بالمناهج المطوره كثير مدرسين يدرسونها عن جهل وضاعو فيها الطلاب لو انهم مجبرين المدرسين على دورات تساعدهم بتدرس هالمناهج كان احسن

نايف بجديه / الحمد لله اني دخلت هالدورات ولا كان صرت مثل الاطرش بالزفه

عبدالله وهو يشرب كاس اللبن / الله يعين شكلي بسجل بدوره تساعدني السنه الجايه بيطبقونه عندنا

نايف وهو يجمع صحون السلطه ويحطهم بصحن كبير

نايف بابتسامه / اش كثر حوستك وهم ما طبقوة شلون لو طبقوه

عبدالله واقف بيده صحن الرز / هههههه بتساعدني وتشيل معي الحوسه




في بيت الجده


طلعو كل المعزين وام فواز وبنتها بغرفة الضيوف يرتاحون
سالم وتركي داخلو قسم الحريم بعد متاكدو ان مافيه احد

تركي شاف شوق سرحانه بعالم غير العالم قرب منها وجلس بنفس الكنبه الي جالسه عليها

سحبها بحضنه وصار يمسح على ظهرها

تركي بحرقه / يا روح عمك ابكي محد بلايمك هذا ابوك لا تكتمين بنفسك ولا تشيلين هم انك ما تتكلمين كلها يومين وتزعجينا بصوتك

حس بارتعاشتها وبكاها الصامت شد عليها

سالم اشر بعيونه لامه وبصوت باكي / يمه سالم ولد ناصر من صدمته في ابوه مااااااااااااااات المستشفى متصلين علي يخبروني

الكل انصدم ام سالم كاشفته من عيونه

شوق الي رفعت نفسها من حضن عمها صرخت صرخه قويه هزت المكان/ ااااااااااااه ياعمي مات ابوي مات اخوي بيوم واحد وتيتمت يا عمي تيتمت رجعو لي ابوي رجعوه رجعو لي اخوي رجعوه صرت يتيمه ياعمي وصارت تبكي بهستيريا

قرب منها سالم وهو فرحان لكن كلامها اوجعه
مسح على ظهرها

سالم ببكاء / احنا اهلك احنا عزوتك لا ضاقت تلقينا سند لك ونذرن علي ما تنزل دمعة قهر وضيم وانا عايش
واخوك سالم مامات لكن لازم نصدمك نبيك تتكلمي

رجعت رمت نفسها بحضن تركي تبكي بحرقه وعمها يمسح على شعرها ودموعه تنزل

الكل بالصاله متاثر ويبكي

رفعت شوق راسها من حضن عمها وبحزن/ اخواني وينهم ابيهم

هياء بصوت باكي / الصغيرين بغرفتي تطمني وتركي وماجد مع سعود وفهد

شوق بخوف / وسالم وينه

تركي بحزن / تعب علينا وانهار والحين بالمستشفى

شوق ببكاء / تكفى عمي بشوفه

سالم بحزن / ان شاء الله البسي عباتك

وقفت وطلعت لغرفة جدتها دقائق الا نازله بعباتها
طلعت مع عمها سالم للمستشفى



بالمستشفى
عند سالم


فاق من المهدي منهار يصارخ يحاول يفك اسلاك المغذي من ايدينه

سالم يبكي وبصررخ / دخيلكم فكوه بودع ابوي قبل لا يدفنونه

انفتح الباب كانت شوق وعمها ركضت لاخوها الي تشوفه يبكي بحرقه ووجع

قربت منه وحضنته بحب وهي تبكي / الله يرحمه ياخوي احنا بحاجتك

رفع راسه من حضن اخته / عمي بطلع اودع ابوي قبل لا يندفن

سالم وعيونه تدمع / دفناه يا بوك اكرام الميت دفنه

سالم بصررراخ موجع / ليييييييييش يا عمي تدفنونه ابي اودعه حرام عليكم وصار يبكي بشكل
هستيري ويحاول يفك الاسلاك بقسوة

شوق حاولت تهديه وتمسك يده لا ياذي نفسه قرب منهم عمهم صار يحاول يهدي سالم المنهار لكن حالته زادت سوء

اسرع لزر الاستدعاء وضغطه ضغط متواصل

ثواني دخلت عليهم الممرضه

الممرضه / وش المشكله

ابو سعود بصراخ / نادي الدكتور بسرعه

خافت من صراخ ابو سعود وطلعت وبعد دقائق دخل الدكتور عطاه ابره مهدئة وطلع

شوق جالسه جنب اخوها شافته هدء والنوم تسلل لعيونه

التفتت لعمها المهموم المتضايق

شوق بصوت باكي / عمي لمتى بيستمر على المهدي

ابو سعود ودموعه على خده / لين تخف صدمته يله بنطلع يا بوك ماله دعي قعدتنا

وقفت وغطت سالم بالشرشف وسكرت عليه نور الغرفه وطلعت مع عمها




عند تركي


بعد ما طلع سالم مع شوق كان الجو بالصاله حزن وبكاء طلع لغرفته انسدح على سريره

رفع جوال اخوه مستغرب ليش اخوه مسجل اسم زوجته بالبقره

ابتسم في نفسه / اكيد انها غبيه ودبه مثل البقره

تذكر البنت الي جت ناصر اوجعه قلبه تيتمت قبل لا تشوف ابوها


تركي بنفسه بحقد / لازم اخذ بنتنا منها لازم تذوق وجع الفقد والحرمان

ما قدر يجلس بمكانه نزل بيتاكد اذا اخوه رجع من زيارة سالم



تحت

كانت ام سالم بالصاله معها ساره وعيال ناصر تضمهم وتشم فيهم ريحة ولدها

هياء طلعت لجناحها ترتاح


دخل سالم معه شوق شافت اخوانها متجمعين ركضت وحضنت تركي وماجد وسمر وسحر وصار تبكي من قلب

قربت من جدتها وركعت اخذت ماهر من حضنها وقف فارس غيران من اخوه شالته وضمته بيدها الثانيه وقفت فيهم

تركي وهو نازل شافها شايله اخوانها الاثنين خاف عليها قرب منها وسحب فارس منها

تركي يبوس خده / فديته حبيب عمه

شوق جلست على الكنبه وبحضنها ماهر

تركي التفت لاخوه / اخبار سالم

سالم بحزن / حالته ما تسر انهار علينا يوم درى ان ابوه اندفن من غير لا يودعه وعطو ابره مهدئة


ام سالم تبكي / يويلي على وليدي عمري ما شفته يبكي من كان صغير دايما قوي كسره موت ابوه

سالم حس بتعب طلع بيرتاح بغرفته

تركي يطالع بشوق بقهر / امك اتصلت على جوال ابوك ولدت جابت بنت

شوق كانها فاقت من صدمه / امي شلون نسيتها وهي بالغربه لحالها تعبانه وبحاجتي

تركي بقرف / معليها ما تاثرت لما سمعت موت ابوك وولدت بعد وفاته البنت فكت احداها

شوق برجاء / عمي والي يعافيك بسافر عندها الحين هي بحاجتي

تركي بقسوة / مافي سفر امك ما تحتاجك قويه من غيركم

شوق بعصبيه / ما توقع انك تترك جدتي وهي بحاجتك اذا كانت ظروفها نفس ظروف امي بيطاوعك قلبك تتركها تعاني بالغربه

تركي / ............

شوق بصراخ / كلكم بكفه وامي بكفه مستحيل تعوضوني عنها واخر يوم لي عندكم اذ بتفرقون بينا

ام سالم بعصبيه وبصوت باكي / وينها امك يا شوق وينها من تزوجت ابوك ما شفتها ولا فكرت تتعرف على اهل زوجها واذا جت اجازه رمتكم مع ابوكم الرضيع قبل الكبير جاوبي ليش ما حضرت معكم وانتم بحاجتها وكملت ببكي مستحيل اسامحها وهي السبب بموت ولدي الي هو ابوكم


شوق بصراخ وصوت باكي / يا ويلكم من ربي لهدرجه الظلم سهل عندكم ابوي مات بالرياض وامي بفرنسا ولا انتم ادورون على امي الزله ولازم تركبونها الغلط

كملت بحزن موجع وبصوت باكي / امي تبكي بوجع وهي تودعنا وتترجى ابوي وتتوسله انها تسافر معنا لكن ابوي يرفض وقدامنا يقول لها ما تشرفيني عند اهلي من تزوجت ابوي ماجت السعوديه لو تجيها ضاعت فيها

تركي وام سالم مكذبين / .............


تركي قرب من اخته / والله امي طيبه وتحبكم هي الي شرت هداياكم وطلبت منا ما نقول انها منها ما تبينا نقطع فيكم وانتم تبونا نقطع بامنا ابيع العالم كله واشتري امي

شوق بوجع / يقسو قلوبكم

ساره وهي تبكي / الله يهداكم مو وقت هالكلام الصغيرين خايفين من صوتكم العالي

وقفت وسحبت بيد سحر والثانيه سمر وقفو معها واخذتهم وطلعت لغرفتها


تركي في نفسه بحقد / والله وقدرتي تلعبين بعقول عيال ناصر ماني غبي بتمشي علي هالحركات عيالك قدرو يسكتونا والله ما يطيح الي براسي

ام سالم في نفسها / ناصر الحنون الطيب ينقال فيه الكلام قدرت بنت ابليس تفر عقولهم هين والله لو اطيحين بايدي مارحمتك


عند ساره

دخلت غرفتها ومعها البنات طلعت لهن ملابس من شنطتهن طلبت من سحر تدخل تاخذ شور

دخلت سحر وباقي سمر عند عمتها جالسه معها على سريرها

طلعت سحر لابسه روب الحمام الطفولي
دخلت سمر الحمام بتاخذ شور

قربت ساره من سحر وصارت تنشف شعرها بالمنشفه بعد جففته بالاستشوار

ساره / سحوره ادخلي غرفة التبديل البسي ملابسك
دخلت غرفة التبديل اطلعت لابسه فستان بناتي لتحت الركبه
ساره / سحوره اجلسي على الكرسي بمشط لك شعرك
طلعت سمر من الحمام بروبها الطفولي طالعت باختها ودخلت غرفة التبديل

ساره جالسه تمشط بشعر سمر البني يوصل لرقبتها حطت لها شباصه من قدام
طلعت لهم سمر من غرفة التبديل لابسه نفس فستان اختها

ساره تبتسم / الحين شلون بفرق بينكم

سمر / عمتي ابي نفس تسريحه سحوره

ساره / هههههههههه بعد

قامت سحر من كرسي التسريحه وجلست عليه سمر سوت شعرها نفس اختها طلعن نسخه من بعض ما حد يقدر يفرق بينهم

ساره بجديه / الحين ابن امه يعرف من سحر ومن سمر اذا انا مخربطه فيكم

سحر رفعت اصبعها / انا سحر
سمر بابتسامه / انا سمر
ساره بجديه / شلون افرق بينكم مافي علامه تفرقكم

سحر / عمتي طالعي بعيوني افتح من عيون سمر
ساره بابتسامه / مشوار اطالع بعيونكم عشان افرق بينكم

سمر بحب / امي تفرق بينا بسهوله

ساره بجديه / امكم تعرفكم بقلبها لان قلب الام ما يضيع


عند سالم

دخل جناحه شاف المكان مظلم بارد من التكيف العالي قرب من التكيف ونزل في برودته
وقرب من سريرها شاف روحه نايمه بهدوء لو يلف الكون مايلقى مثل طيبتها وحنانها وطهارة قلبها ماتحقد على احد على فعايل امه فيها عمرها ماشكت ولا كرهتها

قرب منها ودخل بسريره سحبها لحضنه وضمها بحب وهي من الارهاق ماحست بوجوده من التعب نام وهو حاضنها



تحت


تركي جالس بالصاله مع امه وعيال ناصر ساكتين بعد كلام شوق وتركي

ام سالم بحنان / شوق يمه اطلعي غرفتي ارتاحي

شوق التفتت لعمها بحزن موجع / الليله يا عمي بسافر لامي سواء برضاك او من دونه معاد يهمني شي

تركي كتم غضبه وعصبيته / بعد العزا ابشري بالي يوديك لامك الحين ارتاحي

شوق بحزن وبقوة / بصبر لبعد العز وبشوف انت قد كلمتك

تركي باصرار / اطلعي ارتاحي

وقفت شوق وشالت ماهر ومسكت بيدها فارس وطلعت لغرفة جدتها

تركي وقف طلع من الصاله دخل المجلس يمكن يجيه احد من المعزين قبل صلاة العصر جلس على الكنبه كان قدامه قهوه صب له فنجال صار يرشف من فنجاله

طلع جوال اخوه صار يفرفر بالارقام لقى اسم البقره ضغط على الزر الاخضر سمع الجوال مغلق اتصل بوقت لاحق

سمع صوت اذان العصر وقف دخل الحمام توضا وطلع تقابل مع اخوه سالم عند الباب طلعو سوى للمسجد

رجع طلع فوق لغرفته فوق شاف شوق طالعه من غرفة جدتها

قرب منها / شخبارك شواقتي

شوق صدت عنه زعلانه على تحامله على امها

تركي عارف انها زعلانه منه بسبب امها

قرب منها ومسك يدها / يهون على شواقه تزعل على عمها حبيبها

شوق بحزن / عمي الي احبه ما يحب امي ومتحامل عليها


سحبها بيدها ودخلها غرفته / شواقه تفضلي بغرفتي نوريها

دخلت مع عمها وجلست على كنب جانبي وجلس جنبها

شوق بحب / عمي والله احبك فوق ما تتصور دخيلك لا تجيب سيرة امي لا بخير ولا بشر مابي من جد اكرهك

تركي انرعب من فكرت ان شوق تكرهه / خلاص وعد ما جيب سيرتها لا بخير ولا بشر كله ولا حبيبت عمها تكرهه

شوق حطت راسها على كتفه بحب / ربي يخليك لي ولا يحرمني منك

تركي بحب / ولا منك يا روح عمك

رفعت راسها / وينه خطيبي ماشوفه

تركي رفع حواجبه / من خطيبك

شوق بمزح / يا سوري فديته وينه ما شوفه نايم معك

ضربها على راسها / يسوري من العزاء ما شفته مع اخوانك

شوق بابتسامه / بتمصلح معه وبدلعه يمكن يلتفت علي ويعبرني فيه غرور طالع لابوه

تركي فتح عيونه بكبرهم / يالي ما تستحين تسبيني وانتي جالسه بغرفتي

شوق بجديه / لانك صدق مغرور وشايف نفسك بس يحق لك

تركي بابتسامه / زين صلحتي غلطتك هذي هيبه من ربك مو غرور


شوق بقوة / غرور وغرور وغرور مدري متى تجي الي تكسر غرورك

تركي بقرف / ماعاشت الي بتكسر تركي ال .......
شوق رفعت راسها من كتف عمها
شوق بجديه / عمو منت ناوي تتزوج وتفرحني فيك منت بصغير شايب بعدين تطيح بكبد جدتي ولا وحده ترضى فيك

تركي يطالعها بابتسامه وبغرور/ طالعه امي على غفله البنات ينتظرن من اشاره علشان اوافق اتزوج وحده فيهن

شوق بابتسامه / عمي قلبك ما عمره دق وحبيت

تركي بجديه / لا ما ضنتي بيدق او بيعرف الحب لان مافيه وحده تستاهل انه يدق علشانها

شوق / ولا حتى ام ياسر

تركي / ولا حتى ام ياسر زواجنا ماستمر الا شهر وكرهتني زود بصنف الحريم

شوق بجديه / والله اميره طيبه عط نفسك فرصه ورجعها صدقني بتحبها

تركي بعصبيه / شوووووووق اتركي عنك هالسالفه

شوق بحزن / تدري عمي بحياتي ما حسيت امي وبوي متزوجين

تركي بقرف / لا صدقي والا شلون جو هالبزارين

شوق بجديه / تصدق عمي بحياتي ما شفتهم مثل أي زوجين من الي اسمع عنهم

تركي بحماس / شلون

شوق بجديه / ما عمري شفتهم جالسين قريبين من بعض ولا نايمين بغرفة وحده ولا بينهم حركات رومنسيه

تركي / هههههههه اجل من وين جو العيال بالمراسله

شوق بحزن موجع / تدري عمي ابوي ما ينادي امي الا يا بقره من صغرنا نحسب اسمها بقره ابوي ظلمها كثير

تركي بجديه / اكيد امك مهمله بنفسها من كثر الولايد وصايره دبه كبر البقره

وقفت شوق وتضحك بحزن / هههههههههههه امي كبر البقره اجل ما عرفتها لهدرجه راسمين صوره شينه عن امي بنزل تحت استقبل المعزين مع جدتي قبل ما تتعمق ويطلع منك كلام اقوى من لي قلته ونزعل وحنا تونا متراضين


طلعت وتركت تركي بمكانه جالس على الكنبه ماهتم بالي قالته شوق عن امها

تركي / اكيد كل بنت بتشوف امها قمر لو انها اقبح مخلوق

دخل الحمام اخذ شور ولبس ونزل دخل المجلس شاف وجود معزين سلم عليهم وجلس بجنب تركي ولد ناصر


موعدنا الاحد باذن الله


توقعاتكم

اختكم نسايم نجد

الله يعين نوووف ويصبرها ...
خلصت من ناصر طاحت في مبارك حسبي الله عليه
وش يبي بالفلوووس وهو لحاله ليكون مفكر إنه بيأخذها معه لـمات
وتركي وش يحس فيه وهو يبلغها الخبر بهالطريقة صدق ما عنده أحساس ..
بس إن شاء الله شوق و أخوانها يوقفووون في وجه الجده والعم والخال تخلخلت ضلوووعه ...


نسوووومه عساك على القوة ..

هلا وغلا منوره يالغاليه مشكوره على اللتزامك بالبارتات وهذا الى متعودينه منك

تركى وشوق بيروح معها لامها عشان تشوفها ويرجعونها معهم وبكذا بياخذ الظرف الى تركه له ناصر واتوقع بيكون فيه كل شى عنه وبيعرف ان نوف مظلومه وبينصدم فيها وفى جمالها وصغرها

بس الى مستغربته شلون نوف تحمل وتجيب عيال وهى ما تنام مع ناصر بس الاكيد انها مثل ماقلت اول عيال ناصر من حريم متفرقات او من اللبنانيه


مبارك مب صاحى شلون يزوجها وهى بالحداد بس عشان ياخذ المهر اللله يعينه من الى بيجيه


الخوف على ديمه من مروان اتمنى يكشفونه قبل مايسوى فيها شى


بنتظارك على خير