كتبت رد طويل وعريض لاصحاب الردود المخالفة لكن حذفتهااا لاني تعبت من كثر التكرار

بالمختصر الي ملت من الانتظار بدل لا ترد رد سلبي فيه الاسهل انها تضغط اكس وتقفل الصفحة وتبحث على رواية افضل والكاتبة ملتزمه

رجاااااااااااااااااااااء تابعو الروايه بعد اكتمالهااا ( كما سبق وقلت لولا وعدي لكم باكمالها كان من زمان وقفتها وصارت بالارشيف )




اكذب عليكم اذا قلت لكم بالتزم لان ظروفي ومشاغلي مو بايدي






اتمنى من المشرفات حذف الردود السلبيه والمخالفة لان أي رد سلبي يرجعني للوراءء وبدال لا اتحمس للكتابه صرت اكتب بدون نفسسسسسسسس والكتابه بدون نفس بتقلل من قيمة الروايه


بدال لا اسمع كلمة شكر القى عتاب ولوم ( انا مسئوله عن بيت واسره واطفال بمدارس وبدون مساعده ) ماكتبت هالشي علشان استعطفكم لكن احب احطكم بالصوره لاني اذا تاخرت با نزال البارت فبيكون غصب عني ( فانا قبل لا اكون كاتبه لروايه فانا ام وزوجة وربة بيت ) وصدقوني انا اشوف نفسي قارئة وحاسة باحساسكم وتشوقكم لنهاية فلا تجبروني انهيهااا لاجل الخلااااااص وتلوموني على نهاية بتكون اقل من المستوى


الباقي اقل بكثير من الي فات فمثل ماتحملتوني بالكثير كملو جميلكم وتحملوني بالقليل




الرجاء عدم طمررررررر السطور











البارت الحادي والتسعون



تركي بصوت ضعيف / ركان تشوف الي اشوفه ولا عيوني تكذب علي



ركان انقهر من نوف الي نكدت على صديقه الي من دخلت يحس برجفته


ركان بقهر / الي تشوفه حقيقي




تركي بحرقه / ليش داخله وانت موجود وش علاقتها بسالم



ركان رحم حال صديقه / تبينا نطلع يكفينا جلوس



بعد ما اخلصت من الرقص وبكل انوثتها الذباحه قربت من تركي وباسته على خده وبصوت ضغيف حاقد / الفيله جت تبارك لك على الزواج



ما تحمل شوفتها شلون بفمها على خده جلس على الكرسي لانه متاكد لو ماجلس طاح

طلعت بسرعه عكس دخولهااا



ركان رحم حاله / تراها حلالك


رفع عيونه لصديقه منصدم من الي سمعه / وش تقول




ركان بجديه / الي شفتها زوجتك وعدوك اللدود ام سالم ارملة اخوك


طالعه بعيون مصدمه تمنى انه سامع غلط



ركان بتاثر / الي شفتها زوجتك و الي حبيتها زوجتك



صددددددددددددددددددددددددددمه
صدددددددددددددددددددددمه

صددددددددددددددددددددددمه

ناظره بعيون مصدمه مكذبة للكلام الي سمعه لانه مستحيل يكون



ركان اوجعه قلبه وهو يشوف نظرات صديقه المصدومه المفجوعه ما كان يتمناه يعرف بهالظرف لكن

كله بسببهاا

بتاثر / الي شفتهاا زوجتك ملكك

بعدم تصديق وهو يطالع بطيفها المغادر وبصدمه / مستحيل الي تقول

ركان بجديه / الي سمعت صدقه هذي كانت ارملت اخوك وارملة ابوي والحين زوجتك ام سالم


نفضة وجع وحرقة والم بقلبة وبصوت تعبان مكسور و مرتجف / شلوووووووون

جلس ركان جنبه وبهدوء / قوم الله يهداك عيون الحريم عيونهم عليك بيشكون بحالك وهذا اكيد ما يرضيك


شوق عيونها عليهم وتسمع كلامهم وقلبها موجعها عليه متاكده انه مصدوم وصدمته بتطلع عليها لانها ما كشفت له امهاا


زعلانه من امها طلعت بالوقت الغلط مثل مانكدت على عمها نكدت عليهااا


وقف و مازال تحت تاثير الصدمه حاس بقلبه العاشق يوجعه مستحيل يتوقع بيوم انه بيحب ويعشق بهالجنون ولما حب حب الانسانه الغلط


رفع عيونها لشوق ونظراته كلها حرقة والم وعتااااااب موجع لقلبها تمنت لو انذبحت ولا شافت هالنظرات من عمهاا حاولت تمنع دمعتها من النزول




عند ساره



نزلت دموعها على حال اخوهااا ومتاكده ان الي فيه شي كبيرررررررر تعرف اخوهاا ماينهار بسهوله


لا شعوري لقت نفسها واقفه قدامه وبصوت مبحوح / تركي



تركي بغصة وحرقة وبامل / ساره اصدقيني منهي الي كانت هنا



ساره بصوت باكي / زوجتك ام ساللللللللم



تركي بضعف وانكسار / حسببببببببببببي الله عليكم


ساره بصوت باكي وبرجاء / تكفى تركي قوي نفسك لا تخليهم يكسرونك



تركي بضعف وصوت مخنوق / لو ما تبينهم يكسروني ما خليتيني بهالموقف الغبببببببببببببببببي


مشي مطنشهم


سارة قربت من شوق متناسية وجود ركان/ اعجبببببببببببببببك خليتي عمك فرجه للكل


وبصوت باكي / ما وجعك قلبك عليه وامك تكسر فرحته وادوس على قلبه بليلة زواجه



شوق بحرقة وبصوت مخنوق / والله اني مثلكم مصدومه من الي سوته امي
وماعندي علم لو كنت ادري مستحيل ارضى واكيد بمنعهاااا





سارة بصوت باكي / خلي امك تفرح وتتشمت بتركي لكن قولي لها تركي مستحيييييييييل يمررها لها بساهل


شوق بصوت مخنوق / ساره لا تزيدينها علي من جهه عمي ومن جهه امي كلهم غالين علي ومابى الي صار يصير


ركان بصوت واطي ساره / خفي عليهاااا هي مثلك مستحيل ترضى لعمهاا بالبهذلة



بعد كلام ركان طلعت


قرب من شوق ما يبي يحسس احد بشي مد يده لها وهي ناظرته بعيون حزينه اوجعته / قومي خليني الحق عمك المجنون اخاف يطلع ويترك عروسه


وقفت وهي خايفه الي يقوله يصير مشو بخطوات سريعه لين اختفو عن العيون

ركان بحنان / اطلعي البسي عباتك وانزلي وانا بشوف وينه عمك


طلعت للغرفة الخاصة فيها بدون لا تجادلة

وهو طلع وراء صديقه





عند ام سالم




متهوله ومصدومه من جرائت نوف مع ولدهاا وقدام الكل اذا هي زوجة سالم فالاكيد حرام قربها وتقبيلها لعمة



بخطوات سريعه تحركت من مكانهااا




عند نوف




قبل لا تطلع من باب الصاله القت نظرة شماته وحقد على تركي الجالس والواضح عليه التعب والانهيار


التفتت لولدها شافته يناظر لعمه بعيون حزينه

نوف بحقد / لا يكسر خاطرك تراه يستاهل



سالم بحرقه / ليش تعذبينه بقلبه مدامك تدرين انه يحبك



نوف بحقد / عذابي له مايجي شي لعذابه لي


سالم بحرقه / قولي باي وجه بقابل فيه عمي بعد الي صار


نوف بجديه / مانت بمقابله بتسافر بطيارة الليلة

مشى



وقفه صوت جدته / سااااااااااااااااااالم



التفتت عليها نوف وسالم مازال وجهه لقدام ماعنده شي يقوله لجدته


قربت منه وسحبته بكتفه


نوف بعصبية مسكت يد ام سالم و حذفتهاا عن ولدهااا



طالعتها بحقد وبعصبية / يدك ما ترفعينهاا عليه بوجودي



ام سالم طنشتهاا / من تكون هذي ياسالم



نوف بحقد وكره / امه الي حاربتوها قبل لا تشوفونهاا



ام سالم بصدمه / امك سالم


التفت عليها وبحزن / ايه امي



عيونها صنمت على نوف رافضة تكون هذي ام عيال ولدهااا اكيييييييييد فيه شي غلط مستحييييييييل الوحيده الي اعجبتهاا من كل هالبشر تطلع زوجة ناصر الي ذبحته


لكن هذي غيررررررررر والي يتكلم عنها ولدها غيرررر



كانت بتستفسر وتكذب الي سمعته لكن ماشافتهم




عند نوف



قبل لا تطلع وقفت عند الباب الخارجي / سالم انتظرني بطلع للعروس



سالم برجاء / دخيلك يمه يكفي الي سويتيه بعمي ترى زوجته ما تستاهل



نوف بزعل / بعطيها هدية زوجها وتاكد يا سالم امك ما تضر وحده ما ضرتهااا


وبهدوء لبست حجابها وطلعت لسياره الي كانت واقفه بمكان بعيد عن الرجال


فتحت الباب وخذت كيسه محطوطه جنب السايق



رجعت لصاله وطلعت لغرفة العروس لما وصلت نزلت حجابها



شافت عروس جمالهاااا هادي والفرح مرسوم على وجهااا


قربت منهم بابتسامتها المدمره



عند اميره



انصدمت من الجمال المبهر المدمر الي تشوفه بالفستان الابيض تحلف انها اجمل مخلوق شافته



شافتها تقرب لا ارداي وقفت والانبهار مرسوم على وجهاا باستها نوف وبصوتها العذاب / مبروك



ومدت الهديه / وهذي هديتك اتمنى تعجبك



اميره وعيونها عليهااا بارتباك / الله يبارك فيك


وبابتسامة احراج / عرفيني على نفسك اول مره اشوفك


ام اميره عيونها على نوف مبهوره بجمالها



نوف قربت منها وبصوت واطي / تاكدي اني مستحيل ا نافسك ومستحيل بيوم اصير لك عدوه واذا على زوجك فهو اكره مخلوق عندي


كلماتها افجعتهااا مافهمت من كلامها الا الجزئية الاخير وش علاقتها بتركي علشان تكرهه وبمجرد ما تتخيل ان تركي شافها انتفضت من الغيره


بصوت كله غيره / وش علاقتك بتركي



نوف وهي تبعد / مثل ماقلت لك اكره ماخلوق عندي وتاكدي لو الموت ينشرب شربته له

المفروض بدال لا ابارك لك اعزيك لانك متزوجته هالتركي



ام امير بعصبية / تركي رجال ويابختهااا فيه



نوف بابتسامة سخريه / والنعم فيه




مشت ماتبي تشد معهم بالكلام متاكده ان تركي صفحة وانطوت


لبست حجابها وطلعت شافت ولدها بالسياره / وصلني لبيت مهااا





عند تركي


وصل للباب الخارجي حس بوجود صديقه التفت عليه بعصبية / وش تبي


ركان بهدوء / نسيت انك معرس وعروسك تنتظرك




تركي بحرقه وعصبية / والي سويتوه يخليني اتذكر اني معرس ما هقيتها منك يا ركان تخش عني من تكون الي شكيت لك حبهااا



ركان بجديه / مو وقت عتاب ادخل على عروسك وبعدين نتقابل وكل واحد يفتح صفحاته ويحاسب الثاني ونعرف منهو فينا الغلطان


و كمل بهدوء / لا تكسر بخاطر عروسك ولا تحسسها بضيقتك وبعدها نتفاهم



تركي بضيقه / شلون تبيني اشوفها وانا ضعيف



ركان بجديه / تركي الضامي مايضعف بسبت حرمه


تركي ضرب على صدره وبحرقه / قلبي الغبي وش يفهمه بكلامك


شلون طاوعك قلبكم تخش عني من الي حبها قلبي


ركان بهدوء / خفت منك وعليك


تركي بحرقه / صارت مشاعري لعبة بيدك وبيد زوجتك


ركان بهدوء / ادخل على عروسك وانا باخذ عروسي والكلام يتاجل لبعدين



عند ام سالم



مازالت واقفه بمكانها من الصدمه مانتبهت لنوف الي طلعت لاميره ونزلت


تذكرت بنت اختهاا طلعت لها بغرفتهاا شافت وجه اميره مقلوب واختهاا نفس الشي خافت واصل لهم خبر عن الي صار بالقاعه



قربت لامير وبابتسامه فرح / مبروك ياعروس


اميره بضيقه / الله يبارك فيك


وبتردد / خاله بسالك فيه وحده دخلت علي لابسه فستان عروس وعطتني هديه لكنها رفضت تقول منهي


كل الي قالته انها مستحيل تنافسني والي ماني فاهمته انها قالت تكره تركي وتتمنى موته



ام سالم بعصبيه / عساها الموت بتذبح تركي مثل ما ذبحت اخوه



ام اميره بصدمه / منهي يا موضي



ام سالم بحقد / ام سالم الي ذبحت ناصر وبتكمل بتركي



اميره شهققققققققققققققت من الفجعه مستحيل تتخيل نوف بهالشكل المدمر كانت شايلتها من حساباتها وانها مستحيل تنافسها لكن الي شافتهااا مستحيل تتجرء وتقارن نفسهاا فيهااا


ام سالم انتبهت لدموع اميره / معليك منهااا تركي مستحيل يحبهاا او يطالعها وهي ذابحة اخوه



اميره بصوت باكي / خاله هذي غير عن الي انقال عنهااا هذي اصغر من شوق بنتها والله ماني مصدقه انها تكون ام سالم



ام سالم بعصبيه / مسحي دموعك يا لخبله ولا تحسسين تركي انك شفتيها او مهتمه فيهاا لان ها لشي بيعلقه فيها اكثر



اميره بغيره / شوفتها جننتني شلون بتركي


ام سالم بثقه / الي سوته الليلة بتركي بيزيده كره لهااا وصدقيني بيذيقها شر سواتهااا


ام اميره بعصبية / ليش كذبتو بوصفكم لام سالم وش قصدكم من تشويهكم لها



ام سالم بجديه / الي صدمكم صدمني والله اني للحين ماني بمصدقه ان هالمزيونه تكون زوجة ناصر الي ماخلا عيب وشين الا حطه فيهااا والله العالم يمكن ملعوب من بنت بليس وحنا بلعناه


ام اميره بصدمه / شلون ملعوب


ام سالم بجديه / الي شفتهاا مستحيل تكون ام سالم لا شكلها ولا جسمها انتي مصدقه الي شفتيهاا جايبه كل هالبزارين وبنتها وولدها اكبر منهااا


اكيد انها جايبه وحده ومتفقه معها تمثل هالتمثليه و تخرب فيها فرحتنا بالزواج


اميره بجديه / ما فيه سبب يخليها تكذب جت وجابت هديه وغاليه وحسيتها صادقه بكرهها لتركي


وبغيره / متاكده انها تكره تركي وياليت تركي يكرها مثل ماتكرهه


ام سالم بثقه / تاكدي انه يكرها واليوم زاد كرهه لها اضعااف



ام اميره بعصبية / وينه ولدك



ام سالم بجديه / عند الرجال واكيد ينتظر مني خبر علشان يدخل


نزلت ام سالم


وام اميره طالعت في بنتها بعيون كلها حزن وحسره متاكده الي شافتها جمالها يذبح قلب الرياجيل وبنتها الخسرانه لانها بتشاركها بتركي


تتمنى من قلبها ان الله يعمي عيون تركي عن جمالهااا ويشوف بنتها بعيونه الاجمل


قربت من بنتهاا / يمه مسحي دموعك وحافظي على زوجك وانسي الي شفتيه لانه بينكد عليك



اميره بغيره وبصوت باكي / يمه تركي شافهااا واكيد بيتعلق بجمالها الي يجلط



ام اميره برجاء / باذن الله بتصيرين بعينه اجمل منها



اميره من كل قلبهاااا / يارررررررررب




عند ساره



بعد ماهاوشت شوق كرهت تبقى اكثر بالصاله فكرت تسلم على اميره وتبارك لها وبعده بتطلع


لكن مستحيل ترجع لبيت الي اوجعت اخوها بليلة زواجه



حست بضيقه وخنفة ما تدري وين تروح امها طاردتهاا وزوجها من بعد جرحه لها صعبة ترجع وتعيش في بيته وبيت نوف بعد الي صار مستحيل تدخله


شافت امها بوجها طالعتهاا بحقد


ام سالم بسخريه / تشوفيني وتصددين عني ولا فكرتي تسلمين علي وكاني عودتك ماني بامك


ساره بصوت مبحوح / امي الله يرحمه ماتت بعد ما حذفتني لزوج مستحيل بيوم بيحترمني ومتوقعني مسوده سمعة اهلي وهذا كان جزاتي


ام سالم انعصر قلبها من كلام بنتها الممزوج بالحرقه والالم


ام سالم بهدوء / انتي شلونك



ساره نزلت دموعها وبعصبية / بفضلك صرت متشرده ما عندي بيت يضفني

الي سويته مستحيل تسويه ام في بنتهااا

نزلت وهي ناويه تطلع من بعد شوفتهاا لامها ماتقدر تشوف اميره الي بتشوفها بعدين وتعذر منهااا


عيون امها لحقتها وكلام بنتها مثل الرصاصه اخترقت قلبها بدون رحمه لكن مثلت عدم الاهتمام والبرود وكملت طريقهااا





عند ساره



لبست عباتها ونقابها وطلعت برا الفندق محتاره وين بتروح نزلت دموعها بحراره فتحت شنطتهاا


اخذت جوالها واتصلت على خالها وبصوت باكي / الو خالي


ابو عماد بصدمه / هلا ساره وش فيك تبكين


ساره بصوت باكي / وينك



ابو عماد بجديه / بالقاعه بعرس اخوك


ساره برجاء باكي / تقدر تطلع وتاخذني لبيتك



ابو عماد بخوف / وش صاير ليش بتتركين الزواج وخوك بعده مادخل



بصوت باكي موجوع / مخنوووووووووقه ماني قادره ابقى دقيقه




وقف ابو عماد وبخوف / انتي وينك فيه



ساره بصوت باكي / عند بوابة الحريم




ابو عماد بخوف / ثواني عندك



مشى ابو عماد قابله سالم وبصدمه / على وين ياخال



ابو عماد بقلق / الشغل طالبيني وما قدر اتاخر عنهم


سالم بجديه / تعش وبعدها روح لشغلك




ابو عماد باستعجال / زين منهم سامحين لي احضر الزواج



سالم ماحب يضغط على خاله / ماقصرت



طلع وقلبه مشغول عليهاا ركب سيارته ولف لقسم الحريم شاف وحده واقفه تاكد انها ساره



عند ساره



شافت سيارة خالها قربت فتحت الباب وركبت وبصوت مبحوح / السلام



حرك سيارته وبعد دقائق وبقلق / وش صار وقلب حالك



ساره بصوت باكي / قابلت اختك وشوفتها رجعت لي مواجعي




ابو عماد بهدوء / اجهل تفاصيل زواجك وحربك على امك




ساره بشهقات اوجعت قلب خالها / بنت اختك متشرده مالها بيت ترجع له تقدر تستقبلني الليلة


ابو عماد اوجعه قلبه عليها / البيت لك وانا الضيف



ساره بصوت باكي / جعلك سالم



بعد فتره من الهدوء بحنان / افتحي قلبك لخالك وقولي الي موجعك



ساره بصوت باكي محروق / حياتي موجعتني عندي ام وماعندي ام عندي اخوان وماعندي اخوان


وبحرقه / عندي زوج وماعندي زوج


شفت شلون حياتي يا خالي بنت اختك الوحيده الي المفروض تكون دلوعة اهلهااا طلعت من بيتهم ذليلة وطلعة من بيت زوجها مكسوره ورمت نفسها في بيت زوجة اخوهااا واليوم الاقامه عندها انتهت


ابو عماد بحنان / الي تقولينه مستحيل يوافق عليه سالم او تركي



ساره بصوت باكي / من له راي بعد راي اختك حتى تركي شكلت حياته بكيفهااا وسالم ضعيف على مواجة اختك



وبصرررررراخ باكي / محد بيفقدني اذا غبت او تاخرت وش لي بحياه وجودي فيها على الهامش



ضربها على يدها القريبه منه وبتاثرررر / اذا مالك بيت فبيتي بيتك وعيالي اخوانك وزوجتي اختك وانا ابوك و الي يفكر يزعلك لكون ذابحه حتى لو كانت امك




وقف عند مطعم / خالي ليش واقفت هنا


ابو عماد بابتسامه / افتحي بابك وانزلي بنتعشاء لي فتره عزوبي



ساره تعرف حنية خالها تستغرب ان اخو امهااا القاسية



فتحت بابهاا / وينها زوجتك



ابو عماد نزل / سافرت لطائف تزور ابوها تعبان


سكرت ساره بابها ومشت جنب خالهااا








عند تركي



اتصل على امه وبضيقة / يمه خليها تنزل استناها عند الباب



ام سالم حاسة بضيقة ولدهاا / اجبر بخاطرها وطلع لهاا


تركي بعصبيه / طلعه ماني بطالع ياتنزل يارحت وتركتهاا


امه خايفه منه لانها متاكده انه بيسويهاااا


دخلت على اميره وقالت لها طلب ولدها


اميره حز بخاطره انه تنزل له بدال لا يطلع ويشوف كشختها الي مسويتها علشانه لكن بعد ماشافت نوف وهي متاكده مراح ياثر فيه شكلهااا


فرق كبيررررررر بين جمالها وجمال نوف ومتاكده بكل حالاتها خسرانه



وقفت ولبستها امها عباتها 10 دقائق وهي واقفه قدام تركي الي اول ماشافها مشى تمنت يمسك يدهااا برومنسيه لكن هذا حلم صعب يتحقق

عاشت مع تركي ومتاكده انها مفروضة عليه مايهمها اهم شي انها زوجته وبتعيش معه ومصير الايام بتقربه منهااا


لولا اصرار فواز اخوها كان ركب بسيارته لكن استحى يرفض عزيمته بعد ربع ساعه وقفت السياره مقابل الفندق جاجزه سالم له ولركان

نزل مايشوف طريقه من الهم والضيقه تفاجئ باليد الناعمه ماسكه يده كان بيحذف يدها عنه لكن ماحب يجرحهااا




عند ركان


بعد ما تطمن على صديقه كلم سالم وطلب منه يستعجل شوق بالنزل

دقائق وشوق نازله بعباتها متضايقه من كل شي حولهاا تبي تخلص من المهزله الي هي فيهااا


استقبلها ركان بعيون كلها حب تقدم منها وهي طنشته وفتحت الباب وجلست شافته يجلس جنب خالهاااا


وهي جلست وتفكيرها وكل حواسه عند عمهااا





عند تركي



وصل لغرفته دخل قبلها وبضيقه فسخ بشته و حذفه بدولاب


وهي تنتظر منه أي ردت فعل لكن خاب املهااا طول عمره قاسي ويتجاهلهاا دخلت بهدوء عكس الحرقة الي بداخلهااا



شافته يدخل الحمام بدون لا يناظرها بعد ربع ساعه طلع لابس بجامته وشعره كله ماء خافت عليه يمرض من التكيف البارد لكنها قوة قلبها

وخذت لها قميص نوم ابيض ساتان يوصل لفخذها وفوقه دانتيل



دخلت الحمام


عند تركي


راح للماضي كان جالس مع اخوه


تركي وعيونه على العيال / ليش ماجت مع عيالهاااا

ناصر / رافضة تشوفكم وكارهتكم ولو بكيفها منعتني اجيكم

تركي بعصبية / تخسسسسسى تحرمك من اهلك ومنت رجال اذا طعتهااا


ناصر بحزن / ذبحتني ياخوي مهملتني ومهملها عيالهااا ومهملها نفسها

تبيها تجي وتفشلني قدام امي بوساختهااا هذي مافيها شي سنع يجملها بعيني


تركي بستغراب / شلون تزوجتها وليش ماتركتها من اول ولد



ناصر بحزن / رحمة حال ابوها كبرت عنده بدون مايجيها خطاب قلت اشيل همها من ظهر ابوها تزوجتهاا وهي اكبر مني بسنين وياليته بين بعينهاا بتسوي نفسها شيخة علي


تركي بصدمه / مدامها عجوز كيف جابت كل هالجيش



ناصر بتهرب / ياخوي بسبت كثر البزارين صايره مثل الكوره وكل علة فيهااا



رجع لواقعه

اعتدل بجلسته وحط يده على راسه يخفف من وجع الصداع بسبب التفكيرر
مر طيفهاا قدامه



بصرررررررخ / وينه كلامك ياناصررررررررر وينها العجوز الي شفتهاااااااا اصغر من شوق بنتك


وينهاااااااااا الدبه ياناصر الي شفتها جسمهاااااااذبحني


وينهاااااااا الششششششششينه الي شفتهااا جمالهااا ذبح قلب اخوك الجامد


بنننننننننننننجن كلامك الي قلته فيهااااا والله ماشوفه
معقوله تسنعت بعد موتك




عند اميره


بعد فتره طلعت شافته حاط يده على راسه وواضح انه مهموم ومتضايق وفيه شي كبير شاغل تفكيره



قربت من التسريحه صارت تفكك شعرها وعيونها على تركي الي يضغط على راسه




قربت منه وجلست على طرف السرير / تركي



التفت عليها والقهر والضيقه مرسومين على وجهه تمنى غيرها مكانهااا تنهد / نعم

اميره بحب وحنان / مضايقك شي


ناظرها تمنى صورتها تمسح صورة نوف لكن العين الي شافتهااا مو راضية تشوف غيرهااا


اميره متاكده انه يفكر بنوف ولاهو شايفها


اميره بحرقه / جتني وعطتني هديه غاليه


ركز على كلمهااا / من تقصدين


اميره بابتسامه حزينه / الي جالس تفكر فيها ومنسيتك كل شي حولك


مايقدر يكذب ويقول عكس كلامها لانه صدق يفكر فيها


تمنت تسمع منه كلمه تخيب ضنونها لكن سكوتهااا

يثبت كلامهاا



اميره / تدري اش قالت لي


تركي رغم الوجع والحرقه متلهف لسماع أي شي عنهااا / متى شفتيهااا


اوجعها قلبها وهي تحس بنبرة الاشتياق بصوته صعبه هالاحساس تحبه وتموت فيه ويحب غيرهاا


اميره تحاول ما تبكي / جتني تبارك لي ومعها هديه

وكملت وهي اطالع بوجه / قالت تاكدي اني مستحيل انافسك ومستحيل بيوم اصير لك عدوه واذا على زوجك فهو اكره مخلوق ولو الموت ينشرب شربته له


تغيررررررررررت ملامحه وحس بقلبه انتزع من صدره اول كان يجهل نظرات الحقد ويجهل سبب كرها له لكن الي كان يجهله عرفه اليوم وتمنى ماعرفه


شافت شلون تحولت ملامحه وواضح انصدم من الي قالته



كملت بقسوة / وقالت المفرض اعزيك بدال لا ابارك لكل لانك متزوجه تركي



كثيرررررررررررررر الي يسمعه كثيررررررررررر فز واقف خافت اميره لكن انصدمت وهي تشوفه طالع بالبجامه


صارت تبكي بحرقه / جننتك بجمالها يا تركي والاكيد حبيتها لانك طلعت بدون لا تنتبه انك طالع بالبجامه



عند تركي



شاف صديقه يدخل غرفته المقابله لغرفته وقبل لا يسكر ركان دف الباب بقوة ودخل


ركان انفجع من دخول تركي بليلة دخلته مع عروسه

ركان بصدمه / وش عندك



تركي وعيونه / كلامي ماهو معك مع شوق



سمعت صوت عمها التفتت وانفجعت وهي تشوفه بالبجامه ومتاكده انه ناوي على شر



رمت عباتها على السريع ولتفتت لعمهاا وبخوف / هلا عمي


تركي قرب منها وهو بركان ثاير عطاااااها كف


صرخ فيه ركان بعصبية / تضربها قدامي ياتركي ماحترمت وجودي



تركي بعصبية / لا تخليني اضربك مثلهااا


شوق انصدمت من الكف لكن بقرارت نفسها تشوف نفسها تستاهله


طالعت بركان وبضيقه / لو سمحت لا تدخل بينا

ركان وعيونه عليها وقلبه محترق عليهاا وعلى هدية عمها لها بليلة زواجها الكف الي معلم بخدهاا


دامها راضيه بضرب عمهاا الي موجع قلبه وبعد طلبه منه بعدم التدخل ماحب يبقى وتصير مشكله بينهم دخل غرفة الجلوس الجانبيه بينتظرهم يخلصون



تركي ضربها كف ثاني وهي مستسلمه


وبصوت مخنوق / اضرب ياعمي اذا ضربي بيبرد قلبك



تركي بحرقه / انتي الوحيده الي شهدتي ولاده حبي لامك ليشششششششششش مامنعتيني اتمادى بالحب لين صار يخنقني وماني قادر اتخلص منه


شوق نزلت دموعها على ضعف عمهاا وبصوت مخنوق / عمي احلفك بربك شفت فيها الكلام الي سمعته من ابوي



تركي بصراخ موجع / لا مااااااااااشفت لو شفت ما حبيتهاااا وابتليت بالحب



شوق بقهرر / قلت لكم ابوي ظالم امي لكن صدقتو ابوي وكذبتوني



وطالعت عمها بحنان / خفت عليك اذا دريت ا ن الي حبيتها نفسها الي تلومونها بذبحت اخوك



تركي بعصبية / قولي انك مبسوطه وانتي تلعبين بمشاعري انتي وامك

شوق بحنان / عمي انسى انها كانت زوجة اخوك وعاملها كحبيبه



تركي بعصبية / والله اذا قلبي بيذلني لامك بانزعه من صدري وادوسه تحت رجولي



شوق برجاء باكي / خل امي تعيش بسلام بعيد عن حقدكم وانتقامكم


تركي بعصبية / عطيني مفتاح بيتكم


شوق بصدمه / وش تبي بالمفتاح


تركي بصراخ وعصبيه / امك فتحت نار عليهااا والبادي اظلم



شوق / مستحيل اعطيك المفتاح وانا ادري انك بتاذيها

تركي باصرار وعصبيه / عطيييييييييني المفتاح


شوق بكذب / المفتاح بغرفتي في بيتنااا


تركي بعصبيه / خلي مفتاحك عندك والمفتاح بجيبه بطريفتي



رجع لهم ركان وبعصبيه / لو سويت لها شي يقهرها صدقني حسابك بيكون عسيرررر



تركي بقرف / وينك وانتم تلعبون بمشاعري مثل الكوره بينكم كلكم تدرون من الي احبها ومبسوطين على غبااااااائي


شوق قربت من عمهااا / والله ماقصدت العب بمشاعرك كم مره لمحت لك وحاولت افهمك ان امي هي نفسها الي حبيتهااا



تركي دفها بعصبيه / تفهميني بطرقك الملتويه ليش ما قلتيها صريحه وخليتني اعرف من احب
امك خلتني مثل الخبل وهي تفاجئني قدام الكل واثبتت اني خبل احب واكره نفس الانسانه والكل يعرف ويتفرجون على غبائي


وبحزن موجع / عشتي حبي من بدايته وكشفت لك كل الي بقلبي


شلون هنت عليك وانتي تشوفيني اتوجع بالحب الغبببببببببي وماقلتي ترهاا الانسانه الغلططططط لو اعرف من تكون ماحبيتهااااااااااااااااا

شوق / اسسسسسسفه عمي والله ماكنت احب اشوف هذي حالتك ولي سوته امي الليله والله ماعندي خبر عنه ترها اوجعتني ونكدت علي مثل مانكدت عليك

وبحزن / وانت كملتها علي وضربتني

تركي بقهر / تستااااااااهلين

ركان بعصبيه / تسهل لغرفتك بنرتاااااااح

تركي طالعه وبعدهاا طلع


شوق بعصبيه / شلون تطرده وهذا حاله

ركان بهدوء / الي يبي يفهمه فهمه ولا تبينه يصبح عندنا وحنا عرسان

شوق طالعته بقرف / اذا انت مصدق عمرك معرس فالاكيد انا ماني بالعروس

غمز لها بخبث / دقائق وثبت لك انك عروس وانا المعرس

نظراته اربكتهااا مشت وهي تاركته طلعت لها بجامه ساتر بكمام طويله

فسخت فستانها واخذ شور ولبست بجامتهااا طلعت


عن ركان


جالس على الكرسي وعيونه على باب الحمام تفاجى وهي تطلع بالبجامه الساتره شافها تمر مطنشته وشافها تفتح الدولاب وتاخذ لحاف وتتمدد على الكنب

ركان بسخرية/ بتعيشيني عزابي بليلة عرسي


شوق بضيقه / تراني ياله متحمله نفسي فيرحم ابوك خلي الليله السوداء تمر على خير


ركان ماحب يزيدها عليها وهو متاكد انها مهمومه ومشغول تفكيرها بامها وعمهااا

دخل الحمام وبعد ربع ساعه طلع لابس بجامه شافها معرضته ظهرها وشكلها نايمه


قرب منها وحط يده على جبهتهاااا ( اللهم إني أسألك من خيرها ومن خير ما جبلت عليه وأعوذ بك من شرها ومن شر ما جبلت عليه )

وغطااها بالحاف المرمي بجنبهااا
تركها وبسط سجاده وصلا ركعتين وبعدها خفف الاضاء وتمدد على سريره وعيونه عليها لين نام







عند نوف

وصلت لبيتها وفتحت باب السياره / ادخل اخذ شنطتك وعلى طول للمطار

نزل والحزن مرسوم على وجهه امه بدال لا تكسر عمهم وتضايقه بليلة زواجه ضايقته شلون بيسافر وهو ماشاف عمه


متاكد ان عمه اذا شافه بيسمعه كلام مستحيل يرضيه


وصل لغرفته فتح الشنطة اخذ لبس عشوائي لبس واخذ شنطته وطلع



عند نوف


دخلت غرفتها مبسوطه فسخت الفستان وحذفته بعنف لانها انحرمت تلبسه كعروس ولبسته كانتقام


نوف بحقد وحزن / حسبي الله على كل من حرمني البسك فرحانه


نزلت دمعتهااا حست اليوم بالغيره من بنتهااا وتمنت نفسها عروس وتحس باحساس العروس

دخلت الحمام اخذت شور بعدها بدقائق طلعت فتحت الدولاب اخذت فستان شيفون وردي مشجر لبسته شافت نفسها بالمرايه كان فستانها علاقي يوصل لفوق الركبه

استشورت شعرهاااا وخلته سايح وعلى الجنب مشبك وردي


حطت قلوس وردي لان بشرتها ما تحتاج للمكياج فهي بيضاء واخدودها ورديه والعيون كحيله



بعد ماخلصت رشت شوي عطر ونزلت تحت وهي متاكده ان بيت مها مافيه غير الشغلات وعيالها لان ثامر بفرنسا وابوه مسافر بشغل

فتحت الباب الفاصل ودخلت لصالة مها




عند مهاا


شافت صديقتها واقفه قدامها بابتسامة فرح / برررررررررررررافو اول مره تسوين شي يبرد الحره



نوف بستغراب / غريبه يكون هذا رايك



مها باعجاب / حركاااااااااات صايره تسوين شغلات بدون ماتقولين

وبحقد / كنت ببوس راسك وانا اشوفك كاسره هالمغرور اكيد الحين يعصر دموعه على حبه لزوجة اخوه



نوف بقرف / ماني بزوجة احد


مها بابتسامة / امشي للمطبخ جبت كيكه بنحتفل بهالمناسبه ياليتني مصورته كان حطتيت صورت وجه التعيس على الكيكه



نوف بابتسامه / ياليتك جبتي عشاء بدال الكيكه لاني من امس ماكلت شي يسد الجوع



مهااا بابتسامه / مانسيت العشاء مسويه عرس مصغر في بيتي حتى الدي جيه جبته اليوم سهرتنا صباحي


نوف بابتسامه / فيني رقصه


والتفتت حولهاا / الا البنات ونوره وينهم


مها بابتسامه / الكل نايم وبنقلبها هيصه وزنبليطه



جلست على الطاوله الي تتوسطها الكيكه وكاسين عصير ومع بعض الشموع


جلست مهاا وباعجاب / صرتي تعجبيني احسك بديتي تتغيرين للاحسن


نوف بحزن / اتمنى اصير قويه مثلك لكن ابو طبيع ما يجوز عن طبعه


مها بابتسامه / بيجوز عن طبعه ان شاء الله لكن حطي في بالك القوة وبتصيرن قويه خلي الضعف لغيرك



عند ساره

بعد ماخلصت عشاء طلعت مع خالها طول طريقهم للبيت ساكتين وصلو للبيت نزل ونزلت وفتح باب الشارع دخل وهي دخلت

ابو عماد / بتجلسين ولا بتنامين


جلست على الكنب وهو جلس مقابلهاا / بجلس وبعدها بطلع انام

ابو عماد بابتسامه / كل الغرف حلالك الا غرفتي

فسخت عباتها ونقابهاا

ابو عماد بجديه / حصنتي نفسك


ساره بابتسامه / عاجبتك خالي


ابو عماد يتامل شكلها وشعرهاا الطويل

ابو عماد بجديه / البنات صلعن وصارت شعورنا اطول من شعورهم وانتي فكتن شعرك ماخفتي عين تسدحك



ساره بابتسامه / شوق تترجاني اقصه وتقول مغطيك مثل الحيوانات



ابو عماد بابتسامه / تغااااااااار منك الفرنسيه


ساره بابتسامه / بتعصب عليك اذا سمعتك تقول عنها الفرنسيه



ابو عماد بابتسامه / وانا صادق ولا من يصدق ان ناصر الاشهب يجي له بنت شقرا وعيونهااا خضراء



ساره / ههههههههههه



دقائق من الصمت / خالي ديما كلمتني

رفع حاجبه بستغراب / منهي ديمااا


ساره بجديه / خالي مسرع نسيت صديقتي الي قلت لك خالها ذبحهااا


ابو عماد بستغراب / خالها ذبحها شلون كلمتك


ساره ابتسمت على كلام خالهاا / فهمنا غلط ماذبحها شكله كان راميه بمكان وفيه احد انقذهااا


ابو عماد بجديه / وش تبي لما كلمتك


ساره بجديه / بتقابل صديقتها الي غدرت فيها


ابو عماد بجديه / قولي لها ممنوع تقابلها قبل ما نحقق معها وناخذ اقوالها و من بكره بنعيد التحقيق حقق معهم


ساره بزعل / ابي احقق مع البنت وانت مع الرجال


ابو عماد بجديه / الي يهمك برائة خويتك قدام خالها وهذا الي بيصيرر


ساره بحزن / خالي وعدت نفسي اني اثبت برائتهاا قدام خالهااا


تنهد ابو عماد / امري لله لكن بوجودي


ساره بفرح / مشكور خالي


ابو عماد بجديه / روحي نامي وراي دوام بداومين بكره ولا بتغيبين



ساره بجديه / اكيد بداوم معك

ابو عماد / ليكون بداومين بهالفستان

ساره / يوووووووه نسيت شلون بنام عندك بدون ملابس لازم ارجع بيتهم واخذ لبسي

ابو عماد / اكيد انك تعبانه وبكره اجازه و بالعصر تروحين تاخذين ملابسك

وقفت / هذا الي بيصير


مشت جنب خالهاا وصلها لغرفة بنته وطلع بعدها بدقائق رجع وبيده بجامه / خذي البسيهااا

ساره باحراج / مايحتاج

ابو عماد بابتسامه / اخذي البجامه وانتي ساكته

اخذتها وهو طلع لبست ونامت على السرير الطفولي ومن تعبها نامت




عند ديما


ملت من جلستها بالغرفه تاملت لبسها كانت بجامتهاا الوحيده الي شرها لها عبدالله


فتحت دولاب خالها شافت قميص نوم استانست لما شافت ساتر واكمامه طويله



دخلت الحمام اخذت شور وجففت شعره ولبست
وغسلت بجامتهااا بتنتظرها تنشف وبعدها بتلبسهااا حطت البجامه على علاق الفوط وبعده طلعت


سمعت صوت طالع من المطبخ وقفت عند الباب شافته يفتح بالدروج ولاهو يم الدنيا


دخلت المطبخ بخطوات محرجه


ديما بحيا / وش تسوي


التفت وانصدم من شكلها وهي لابسه قميص صديقه


نايف في نفسه / وش بلاها لابسه لبس عبدالله ناويه تقلب لي صديق



شافت نظرات نايف المستغربه

وبابتسامة احراج / ماعندي غيربجامه يتيمه وكل ملابسي في بيتنااا



انقهر من صديقه شلون ينسى يجيب لها لبس
شلون مالاحظ من شافها وهي بنفس البجامه الاكيد تغسلها وتلبسهااا


ديما بتغير الموضوع / وش كنت تسوي



نايف وعيونه عليهاا يتامل الون الوردي الي غزاء خدودها واضح انها منحرجه وتكابر

نايف بابتسامه / كنت بسوي لنا عشا انتفخت بطونا من اكل المطاعم


جلست فوق رخامة المطبخ مقابل لنايف الي ذوبته بشكلها وبحركتها على انها لابسه ثوب صديقه الا ان كل شي فيها يدمر قلبه الي يتعب بحضورهااا


ديما بابتسامتها الخجولة / ما شاء الله طباااااااخ


نايف بارتباك بسبب دقات قلبه الي وصلت للالف وبارتباك / ويني وين الطبخ وانا مافرق بين الملح والسكر والبصل والطماط


ديماا بهدوء / اجل بتصير مهمتي الطبخ ومهمتك الغسيل


لا ارادي / ههههههههههههههههههه


رفعت حاجبهاا مصدومه من ضحكته المفاجئة


ديما باحراج مازالت تنتحرج منه / وش سبب هالضحكة


صار يشتت نظره عنها علشان يقدر يقول كلمتين على بعض / تذكرت سالفه صارت لي


ديماا باحراج / تقدر تقولها ولا خاصه



ابتسم باحراج / سالفه وهقني فيها خالك


تناظره متحمسه تبيه يكمل

كمل / مره كنت واقف الصباح عند باب المدرسه كان عندي مناوبه وشد انتبهي بنت بالجهه الثانيه تكلم عامل بلديه يكنس الشارع دقائق ويلحقهااا وتكررت السالفه سبوع كامل



وقلت لخالك ومن الفضول الي براسه طلب مني اصير زبال


ديما بصدمه / وسمعت كلامه

نايف بابتسامه / ايه بعد ما ترجاني


ولما جاء الصباح بدال لا اروح للمدرسه اخذت مقشه ورحت لزباله مكان العامل


ديما بحماااااس / جتتتتتتتتتتك البنت


نايف وعيونه اطالعه وهو منهبل عليهاا وعلى عفويتهااا الي اول مره يشوفهاا بطبيعتهااا / ايه جت وطلبت مني الحقهااا


ديما بحماس نسها نفسهاا / ولحقتهااا


نايف بابتسامه / تبين بعد هالتعب وكنس الشارع مالحقهاا لما وصلت الشقه فتحت الباب ودخلت وراهاا يشهد الله البنت كانت حشمه بلبستهاا


طلبت مني ادخل غرفه وتفاجئت انه المطبخ والمواعين واصله لسقف


طلبت مني اغسلهم ودخلتني غرفه جانبيه فيه ملابس قبيلة طلبت اغسلهم



وطلعت وقفلت الباب


ديما / هههههههههههههههههههههههههههههههه تستاهل هذي اللقافه وماتسوي


نايف انبسط لضحكتهاا الي ردت روحه / صرت مع كل غسلة ادعي على خالك الي وهقني وصرت اتحلف فيه

عاد غسيلي ماشي حالك

والملابس خلطتهم اسودهم وابيضهم وصبيت عليهم كلوركس بلتني بشي مافهمه ولا اطيقه


ديماااااااااا بحماس / وبعدي


نايف بابتسامه / حسبي عليها البخيلة حابستني بدون اكل

ماخلصت الا والعشاء ياذن فتحت الباب وكاني محبوس ماصدق بالافراج

من صباح الله خير وانا اغسل عندها ومطنش مدرستي وكل هذا بمية ريال


طلعت لقرب بوفيه شريت سندويشه وعصير واكلتهم ورجعت لخالك الي متلهف يعرف وش وراي


قلت له انهااا كريمه وعطتني 10 الاف


وطمع بالفلوس و اليوم الثاني ووقف مكان العامل وجته ودخلته المطبخ وقالت انها لا تسوي مثل الهندي الي امس كل شي اغسله رميته

وخالك عنده امانه و بيحلل 10 الاف اشتغل باخلاص حتى المطبخ والجداران نظفهم والثمن مية ريال


ديماا / هههههههههههه والله انكم نكته



نزلت من الطاوله وقربت منه وبابتسامه / وش مشتهي خلني اجرب طبخ فيك


نايف باستغراب / ماتعرفين تطبخين


ديما بابتسامة احراج / ماعرف


نايف وعيونه على لبسهااا الطويل / وش رايك نطلع نتعشى برا ومنها تشترين ملابس


ديمااا باحراج / مو لازم اطلع والملابس تكفيني هالبجامه لاني ماح اطلع لمكان


نايف بابتسامه / شكلك تبين الغصيبه


ديما باحراج / بكلم عبد الله يجيب لي ملابسي


نايف بزعل / كل هذا علشان ماتروحين معي

ديما حست بالحزن بصوته وبمجاملة / شلون بطلع بثوب عبدالله


نايف / عندي بنطلون جنز وبلوزته شاريهم ومالبستهم ماحب البس الا الثوب والبدل الرياضية


ديما منحرجه تلبس ملابسه / بكوي بجامتي وبلبسهم


نايف برجاء / واذا قلت علشان اخوك تلبسينهم لين يجيب عبدالله ملابسك وتلبسين عباتك وكلهاا ساعه نتعشى ونرجع

ديما باحراج واستسلام / طيب وينه لبسك


ماصدق ركض من قدامهااا ودخل غرفته وشاف البس معلق
سحبه وتامله كان بنطلون جنز وبلوزه بذنجاني


يتمنى يكون مقاسه لانه ماسك على جسمه

طلع لها شافها جالسه بالصالة قرب منها ومد لها اللبس


وقفت واخذته دخلت غرفتهاقفلت الباب ولبست شافت يمشي حاله صحيح وسيع لكنه ارحم من ثوب خالها


لبست عباتها ونقابها بيدهاااا / خلصت

طالعها شافها بالعبايه تمنى يشوف لبسه عليها
بابتسامه / ان شاء الله طلع مقاسك

ديما وهي تلبس شيلتها / شويات وسيع

نايف بابتسامه / ماضنتي شوياك اكيد واجد

لبست نقابها ونزلت معه شافته يفتح سيارته ركبت جنبهاا وعيونها تتفحص المكان من ايام ماشافت الشارع وكان لها سنين

ديما / وصلني لبيتنا اخذ ملابسي وبعدها نطلع للمطعم


نايفخاف عليها من صقر / اول المطعم وملابسك بيجيبهم لك عبد الله


فاهمه انه خايف عليهااا

نايف بابتسامة احراج / تراني جاهل بالمطاعم السنعه مادل الا جلسات البخاري

ديما باحراج / من نقلنا لرياض مادخلت مطاعمهااا
ماعرف الا مطاعم الجنوب


نايف / اجل بنخليها حظك نصيبك وال مطعم اشوفه سنع وقفت عنده


بعد ساعه من الفرفره وقف عند مطعم واضح من شكله راقي

نايف بابتسامه / مالنا الا هالمطعم شكله سنع وباين انه نظيف ومحترم


ابتسمت من وصفه للمطعم وكان يوصف شخص قدامهااا



عند تركي


نزل من الفندق وعيون الموظفين عليه معرس طالع ببجامته لانهم قبل شوي شايفينه داخل بزفة للفندق


ركب السياره وهو يغلي قهر وعصبية


وصل لبيتهم نزل طلع لغرفته شاف اخوه بيدخل غرفته التفت سالم وانفجع من وجود اخوه بالبجامه

قرب منه وبصدمه / صاحي ولا مهبول جاي بالبجامه

نزلت عيونه على لبسه ونصدم شلون مانتبه على نفسه

وبحرقة / ضيعو عقلي مدري شلون نزلت بهالشكل عزالة اني صرت فرجه الليلة من اوله الزواج لين هالساعه



سالم بستغراب / وش هالشي الي يخليك تفقد عقلك وتنزل بالبجامه


تركي بجديه / سالم منهي البنت الي كانت بمكتبك

سالم بسخريه / تارك عروسك وجايني بالبجامه علشان تسال منهي البنت وانت وش يخصك فيهااا



تركي بعصبية / لانكم مستحمريني طول هالفتره واكيد انك تدري من تكون


سالم بثقه / زوجتك ام سالم


تركي بعصبيه / الحين تقولها ليش ماقلت لي اول ماشفتها عندك انكشف حبي لها قدامك

ماخبرك يابو سعود قاسي وترضى لي بالعذاب



سالم بهدوء / وش الفايده وانت من قبل لا تجي وانت محاربها حتى المجانين دخلتهم بيتها علشان تذبحهااا


تركي بصراخ / ماااااااااااااااكنت ادري انها الي حبيتهااا والله لو داري ماحبيتهاااااااا ولا صارت هذي حالتي



سالم بهدوء / المهم انك حبيتهاااا وبنفس الوقت تكرهاا عاد لو تختار الثانيه احسن لك ولهاا لانك لو حبيتهااا مستحيل بتقرب منهاا ووصية اخوك مشنقه قدامك


تركي بسخريه / وانت تضني بعد مادريت من تكون بحبهااا


سالم بسخريه / ياهلقلب الي عندك يشتغل بضغطت زر اذا بغيته يحب حب واذا بغيته يكره كره


تركي بعصبيه / قلبي بشيله من صدري اذا بيذلني لها او لغيرها



سالم بسخريه / قول هالكلام لنفسك لاني متاكد بعكسه

تركي بعصبية / بتشوف


سالم مشى من قدامه بابتسامه وبخبث / لا تتهور معها وتنسى وصية اخوك الي برقبتك


اتركي بعصبيه / سالممممممم


سالم بسخريه / اترك عنك هالخربطه وروح لزوجتك الي تاركها بالفندق لحالها



طنش اخوه ودخل غرفته وفتح دولابه طلع له بنطلون جنز وقميص كحلي


فتح درج جانبي واخذ صندوق مليان مفاتيح بعد ربع ساعه من البحث لقى المفاتيح الي يبيهااا


اخذها وهو ناوي على شرررررررر قرب من التسريحه يتامل نفسه اخذ العطر وتروش فيه


تركي في نفسه / الحين بطلع اطين عيشتها اش حقه كاشخ ومتسبح بالعطر


نزل تحت وحمد ربه ان امه للحين ماجت بيخلص حسابه معها وبعدها بيرجع للفندق


وصل لبيتها وحط المفتاح بالباب اخذ نفس

للحين مكذب انها تكون نفسها الي حبهااا متاكد بيدخل وبيشوف غيرهااا لان الي صار مازال عقله رافضة


دخل الصاله والبيت هادي واضح ان مافيه احد

طلع فوق يعرف كل زاويه في البيت لانه سكن في فتره بعد طلاقة


وصل لدور الثاني صار يفتح بالغرف لين وصل لغرفتها وفتح الباب شاف الدنيا ظلام حس بنفضه بجسمه يتخيل يدخل ويشوفها نايمه وهي حلاله اذا وهي اجنبيه بصعوبه قدر يمسك نفسه عنها شلون وهي حلاله

تنهد / وش هالتفكيررر للحين قلبك الغبي عاشقهااا وهي جارحتك قدام الكل



شغل النور كانت الغرفه مرتبه بستثناء الفستان المرمي نزل واخذ الفستان الي جننه وهو يشوفها لابسته قربه لانفه وشمه ريحتهااا اسكرتها وخلته بعالمهااا

تذكر انها زوجة اخوه حذف الفستان بقسوة وطلع من الغرفة نزل تحت جلس بالصاله على كنبه تمدد وهو يحاول يبدل العشق لكره



الوقت طال عليه وهي ماجت قفل عينه وناام متاكد اذا دخلت بيصحى لانه معروف بنومه الخفيف



عند ام سالم

جالسه مع اختهااا من بعد مقابلتها لبنتها وهي متضايقه وكل تفكيرها منصب على بنتها شلون متشرده وهي الي حطتها في بيت زوجها ووينها ام صقر شلون سمحت لبنتها تطلع من بيت زوجهااا وش سبب طلعتهااا والحين وينها فيه

واختها سرحانه وتفكر في بنتهااا وفي نوف الي متاكده مهما سوت بنتها في نفسها ماتوصل لنصهااا


ام سالم بضيقه / زرت يساره في بيتها

ام اميره / وش عندك على هالسؤال

ام سالم / شلون خالتها معهاا

ام اميره منصدمه من اختهااا / غريبه انك تذكرتي ان عند بنتك وش الي جد ياموضي


ام سالم بعصبيه / جاوبي على قد السؤال

ام اميره بجديه / تبيني اقولك منهي ام صقر من بين الحريم انتي تعرفينها اكثر مني وتاكدي بنتك ماتنظام وهي في بيتهااا

صارت تشك بكلام بنتها يمكنها بتحسسها انها اذنبت بحقهااا تعرف ام صقر اكثر من معرفتها لنفسها





بعد اربع ساعات



عن نوف



دخلت بيتها ماسكه بيدها نوره والعيال سبقوها لداخل



عند تركي



صحى على سماع الاصوات صار يراقب الوضع وهو منسدح



شافها قدامه بشكلها العاري المدمررررر والقاتل حس بنفضه موجعه انتقلت من قلبه لجسمه


تركي حط يده على قلبه يمسك قلبه لا يطير عندهااا



في نفسه / شفتها وانهبلت وين الي بتعاقبها ااااااه منك يقلبي الي دمرتني




عند نوف



سحوره حبيبتي خذي نوره ودخليها غرفتي دقائق و بيجيكم






عند تركي



شاف المجنونه الي يبيهااا تذبحهاا شلون هاديه ومستسلمه لها عكس الي شافها قبل





تنهد وفي نفسه وبحرقه / اااااااااااه عقلتي المجانيني وجننتي العقال دخيلك يا قلبي اكرهااا



شافها تحذف حذيانهاااا بلع ريقه وكل فصول السنه حسهم بهاللحظه


الي قدامه ما تحملهاا وهي غريبه شلون وهي قريبه


وقف برجول تنتفض ويحاول يقوي نفسه متاكد انه ضعيف قدامها وهي نقطة ضعفه الوحيده




عند نوف


حست بحركه وراهاا التفتت شافته بققت عيونهاا بصدمه وبصوت عالي مفجوع / ترررررررررركي




نطقها لاسمه بطريقتهااااااا خلته يقرب اكثر وهو فاقد شعوره الي يسيره قلبه العاشق




صار يتاملها بعشق وبهيام صار واقف مقابلهاا ما يفقد عقله الا بوجودهااا


وهي طالعته بنظرات كلها حقد وبعصبيه / وش جابك لبيتيييييييييييي



حاول يقوي نفسه وينفذ تهديده ووعيده لكن كل كلامه صار بالهواء


نوف مشت معرضته ظهرهااا لكنه بدال لا ينفذ وعيده وتهديده سحبها لحضنه يمكن قلبه المنتفض يهداء وترجع دقاته طبيعيه


انفجعت من حركته وصارت ترتجف بحضنه حاولت تسحب نفسها منه لكنه كان حاضنهااا بقوووووو




توقعاتكم




اختكم نسايم نجد

السلام عليكم


عزيزتي نسايم تأكدي ان كل رد مخالف يحذف وتم التنبيه عدة مرات

شكرااا

شكراً لقلمك المياس وشكراً لذوقك الرفيع وشكراً لجهدك الواضح

اختي نسايم : المشاعر الصادقة ترسل رسائلها فتصل الى القلب مباشرة واعتقد ان رصاصة السلام ستصل الى قلب نوف وستخترقه بقوة .

وانتي قد اجدتي حبكة الموقف

نسايم عزيزتي... دخلت روايتكِ تقريباً متأخرة جداً ويا للأسف...
أرفع القبعة لك أجلالاً وأحتراماً على كونكِ كما قلتِ أم وزوجة وربة بيت لها أولادها لتعلمهم... فالأم هي المدرسة الأولى... وفوق ذلك أنتِ كاتبة متميزة بروايتكِ... لله دركِ كيف وفقت مع كل ذلك... فما أنتِ إلا أمرأة مدهشة...
عزيزتي لا تزعلي ولا تحبطي من بعض الكلام الغير مسؤول من الفتيات... لنقل هذا هوس المراهقة لدى البعض لا أكثر...
بالعكس لازم يفرحكِ لأن الجميع في أنتظار قلمكِ وروايتكِ الرائعة...
آسفة عزيزتي لا استطيع أن أتنبأ لأن دائماً فاشلة بالموضوع...
فصل أو جزء رائع جداً... وحبكة متينة للرواية... ومفاجأت متتالية...
الدور الأن على صقر ليفاجأ...
وفقكِ الله دائماً عزيزتي نسايم نجد