كاتب الموضوع :
نسايم نجد
المنتدى :
الارشيف
رد: يادنيتي يكفيني عذاب
ملاحظه الردود السلبيه اتجنبتهاا لانها تحبطني كثيررررررر وانا بحاجه لتشجيع لتكتمل الرواية على خير
اعترف لكم اني طولت الروايه واعترف اني اخرت البارتات عن وقتهاا لكن قبلها ادخل واحط لكم موعد جديد للبارت ( مشكلتي اني بطيئة بالطباعه على الكيبور يمكن لو كتبت بالقلم كان الروايه منتهية من زمان ) اعذرررررررروني اعذروني
والي عندها رد مخالف تقفل الروايه وتنتظرها لما تكتمل وتقراهااا
الرجاء عدم طمر السطوررر
البارت التسعون
نايف بابتسامه وعيونه على السفره وبحنانه الفطري / امزح معك كلي قدر استطاعتك عارف منتي بقادره تاكلين كل هالاكل
نزلت عيونها على الصحن الي قدامهاااا
حناااااااانه يوجعهاااااااااا ماتقدر تتحمله يذكرت بخالها صقر وحنانه
لما شافها بتوقف ركض لها بيساعدهااا
ديما حطت يدها تمنعه يقرب منهاا وبصوت مخنوق / صدقني اقدر اوقف
نايف بحنان / كملي عشاك واذا مستحية مني بداخل داخل
ما قدرت توقف بدون مساعدته كل حصون القدرة على التحمل انهارت بكت بحرقه
نايف بتاثررر / ليش البكي
ديما بصوت باكي / وانت تشوف حالتي ما تستاهل اني ابكي
نايف بحنان / وش الي بيدي اسويه وماشوف دموعك
ديما بشهقات موجعه / ابي اشوفهااا واعرف ليش غدرت فيني والله ما سويت لها شي استاهل الي سوته فيني
العبرة خانقته / الخيانه ما تحتاج اسباب والكل متاكد ان الي صار لك مكيده
ديما بصوت باكي موجع / خالي صقر صدق فيني
وبحرقه ووجع وبصوت باكي / لما حسيت ا ني ميته تمنيت اشوفهاااا مابي غير اشوفها صدقني اذا عرفت ليش سوت فيني هالشي يمكن ارتاح
نايف بحنان / ماضنتي شوفتها بتخفف عليك الا بتذبحك ويمكن يصير فيك شي بسبتها
ديما بصوت باكي / مااتوقع فيه شي اكثر من الي انا فيه ابي اشوفهااااااا وهذي امنيتي
نايف بحنان وحرقه / مادام هذا الشي بريحك والله ما خليها بنفسك
ديما بصوت باكي / اذا نفذت لي ها لامنيه بعمري ما انسى جميلك
نايف بابتسامه حزينه / مابين الاخوان جمايل
اخذ جواله واتصل على عبد الله
عند عبدالله
كان داخل البيت لما دق جواله باسم نايف
استغرب مكالمة صديقه وهو عنده من دقائق خايف ان ديما مسويه شي
حط الجوال على اذنه
عبدالله بخوف / خير نايف
نايف بهدوء / عبدالله وش صار على قضية ديما
عبدالله بصدمه / وش صار بينكم علشان تسال هالسؤال بهالوقت
نايف بعتاب / اذا مهملين قضيتها فهي تهمني
عبدالله بهدوء / زوجة صقر ماسكة قضيتهااا
نايف بصدمه / وش علاقتها بالقضية
عبد الله بجديه / الي فهمته من امي ان زوجة صقر شرطية مع زوجهااا وصارت بينها وبين صقر هوشه قدامي وحلفت انها بتثبت برائت ديما قدام عيونه وبعدها تركته وراحت لهلهاا
نايف باستعجال / مع السلامه
عند نايف
التفت على ديما الي كانت مركزه على المكالمه
نايف بحنان / صديقتك ماسكة القضيه
ديما بصدمه / سااااااااره
نايف بحنان / يوم غدرت فيك صديقه ربي عوضك بصديقة وقفت بوجه صقر وتركته علشانك وحلفت انها تثبت برائتك
ديما باحراج / ممكن جوالك
مد لها الجوال اخذته وصارت تضغط رقم ساره
عند ساره
في السياره راجعه لبيت نوف سمعت صوت جوالها شافت رقم غريب ضنته خالها
ساره بهدوء / هلا
ديما بصوت باكي / شلونك ساره
انصعقت من صوت البنت الي يشبه صوت ديما / خير اختي
ديما بصوت باكي مكسور / ماعرفتي صوتي انا ديمااااااااااااا
نزلت دموعه من الصدمه والمفاجئة القوية وبصوت باكي / ديما انتي مامتي
ديما بصوت باكي / كان بيني وبين الموت شعره وربي انقذني
ساره بفرح وبصوت باكي / الحمد لله على سالمتك موتك ذبحني
ديما برجاء باكي / تكفين ساره بشوف سلوى
حست بحرقة صديقتهاااا وبهدوء / لازم تصريح علشان تشوفينهااا
ديما برجاء باكي / تكفييييييييين ساره لخاطر الصداقة الي بينا ابي اشوفهاا بموت اذا ماشفتها وما عرفت ليش غدرت فيني
ساره بصوت باكي متاثر / بحاول بكل الي اقدره تشوفينها اذا مارضو بزيارتك لها خليتك تشوفينها لما احقق معهااا
ديما برجاء باكي / تكفييييييييييييين حاولي يكون بسرعه
ساره بصوت مخنوق / ا ن شا ء الله بشريني عنك
ديما بصوت باكي محروق / وش تتوقعين حالي بعد الي صار
ساره بحنان باكي / ديمااااااا حبيبتي لا تضايقين وتوجعين نفسك الي صار صار وتاكد ربي بيعوضك بالخير
ديما لا ارادي رفعت عينهااا لنايف الي نزل عيونه لما رفعتهااا
ديما بصوت باكي / الله كريم
ساره بلهفة / وينك فيه الحين ابي اشوفك واصدق اني عايشه
ديما بتهرب / اذا بغيتيني اتصلي على هالجوال
سار بعصبية وزعل / وينك فيه وليش ماتبيني اعرف بمكانك
ديما بستعجال / مع السلامه
عند نايف
استغل انشغالها بالمكالمه صار يتاملهاااا ملامحهاا الناعمه الطفوليه جمالها الحااااااااااااد شعرها اسود يوصل لتحت رقبتهااا نزل عيونها لجسمهاا كان بياضهاا مع البجامه الي لا بستهااا فتنه وكل مازاد بتامله زادت دقات قلبه
نايف في نفسه / وش فيها نظراتي للبنت خبيثه البنت شايفتني اخو وانا اطالعها بهالنظرة
حط يده على قلبه / قلبي من شوفتهاا بيطير من صدري معقولها حبيتهااا وهي مالها الا كم دقيقة قدامي الله يستر من الجاي
صحاه صوتها وهي تعطيه الجوال / مشكوررررر
رفع عيونه عليها والاضطرابات الي يحسها تخربطه وبارتباك / ماسويت شي تشكريني عليه
ديما باحراج / ممكن تساعدني ادخل غرفتي
نايف وقف وهو متوتر وكاره قربها مد عليها يده وبمجرد مامسكت يده حس برجفه بجسمه
وصلها للغرفه وهو يحاول يتجنب المشاعر الي غزت روحه بعد ماجلسها طلع بخطوات سريعه من الغرفة قربهاا منه وشوفتهاا تخربطه وتوجع قلبه
وصل لغرفته ودخل الحمام وشغل الماء البار يمكن يخفف من حال الجنون الي صابته بسبتهاا
بعد يومين
_ صقر مازال منهاااااار وساكن بشقة عزاب رافض كل محاولات ركان انه يسكن عنده
_ سميه تحت اصرار اخوها بعد يومين ملكتهااا لكنها شرطت قبل لا تملك يكون متزوج منى
_ نوف مصره على الي في بالها واخذت كل الاستعدادت لهالشي
_ ديما خفت حالتهاا النفسية والجسمية ارتاحت كثير لنايف الي تصرفاته تذكرها بخالها عبدالله وهذ طيح الحواجز
_ نايف اخذ اجازه شهر وصارت شغلته مراقب ديمااا الي رغم حالهااا ذبحت قلبه و زاد تعلقه فيهاااا
مرتاح بوجود الانثى بحياته يعاملها معاملة اخويه عكس نظراته و مشاعره
مازال ينحرج منهاا ويستحي يطالعهااا
_ تهاني وسلوى مازالو بالسجن
_ ركان وتركي مشغولين باستعدادهم لزواج
_ شوق مقهوررره ان الزواج قرب وتتمنى يجي شي يمنعه
_ منى خطبهااا ماجد من عبدالله وبعد يومين ملكتها وبعد الملكة بياخذها لبيته
_ سيف تحدد ملكته من سمية بنفس يوم ملكة ماجد كاره الزواج الي غصبة مصديقه عليه واصر عليه ياخذها لبيته بيوم الملكة
عند نوف
كانت بالصالة دخلت عليها مهااا بلهفة / البشااااااره
وقفت نوف / الي تبينه
مهاا بابتسامه / المدرس اخوك
حست الارض ادور تحتهااا شي قويييييييييييي بعد كل هالسنين والعذاب اخوهاااااا موجود الي ربته موجود نسختهاا موجود اغلا واحد بعد ابوها موجود
ركضت لها مهااا / بسم الله عليك الي تمنيتيه صار
شفايفها زرقت من الصدمه والفجعه صارت تضربها على خدهاا
زاد نحيبهااا
حضنتهااا مها / تعوذي من الشيطان بدال لا تفرحين قلبتيها عزا
نوف باصرار باكي / ابي اشوفه
مها بحنان / بتشوفينه ان شاء الله بس هدي
نوف بنحيب موجع وبصراخ / ابي اشوففففففففففه
مها وهي تمسح على شعر صديقتها / رقم جواله عندي اذا هديتي اتصلت عليه وخليتك تشوفينه
نوف باصرار باكي / الحين بشوفه
مهاا بصدمه / الوقت ليل وش بيجيبه لبيتك
نوف بصوت باكي / ماقدر اصبر يكفيني صبر وحرمان كل هالسنين
مها باحراج / تبينا نتصل عليه بهالوقت و نخوفه
نوف برجاء باكي / طالبتك اتصلي عليه وخليه يجي الحين
مها خافت من انهيار صديقتهااا
فتحت شنطتها واخذت جوالها واتصلت على نايف
عند نايف
كان منسدح بينام وقلبه وكل جوارحه بالغرفة الي جنبه لها يومين معه ويحسها صارت كل شي بحياته
نايف بضيقة / والله ان تفكيري فيه تعدا تفكير الاخو باخته شوفتها تنفضني نفض
معقوله اني حبيتها بهاليومين
نايف بحرقه / اصحى يانايف البنت تشوفك اخوك رحت ولا جيت منت متعدي هالمكانه
تنهد / وقلبي المحروم من البنات وش حيلتي فيه
سمع صوت جواله وبستغراب / من بيكلم بهالوقت
رفع جواله شاف رقم غريب / الله يستر
رفع جواله تفاجئ بالصوت الانثوي
مها باحراج / الو
نايف بارتبك / هلا اختي
مها باحراج / انت نايف ال ...
نايف بهدوء / معك نايف امري اختي
مها باحراج / لو سمحت فيه موضوع ضروري لازم وجودك
نايف بصدمه / موضوع ضروري بهالوقت
مها باحراج / تقدر تقول فيه حياة وموت
نايف خايف تكون من الصايعات وتوهقه
نايف بشك / بنت الناس ماتكلم شباب اخر الليل وتقول له تعال
عيونها على نوف المنهاره وهي متاكده ان أي واحد بمكانه بيفكر بهالتفكير
مها باحراج / معك المحاميه مهااااااا الـ .... واذا خايف اني اورطك بمصيبه تقدر تجيب معك احد
حس الصدق بصوتها / ممكن تعطيني العنوان
مها عطته العنوان
بعد ما نهى اتصاله من مهااا جلس دقائق متردد يروح او يطنشها لكن استجاب لرغبة داخله يشوف موضوعهااا
لبس ثوبه وطلع
عند ديماا
صارت قليل تطلع من غرفتها ولولا الحاح نايف علشان الاكل ماطلعت
بهاليومين الي جلستهم مع نايف عرفت شخصيته الي مكشوفه قدامهااا
ديما بابتسامه وهي تذكر حياه / صرت استحي من حيااااااه
تنهدت وش اخرت الي بينا يانايف يا خوفي تمل من ثوب الاخو وتبي تلبس غيره
حاولت تنشغل عن نايف بموضوعهاااا / ساره قالت هاليومين بشوفهااا بقدر امسك نفسي عنك ياسلوى ولا بفقدها وذبحك قبل لا اعرف سبب الي سويتية
صحاها صوت طق الباب كانت بتوقف / لكنها سمعت صوته
باستعجال / ديما طالع مشوار ضروري واحتمال اتاخر
انصدمت وين بيطلع بهالوقت خافت صاير على احد يعرفه شي
عند مها
التفتت على صديقتهااا / الله يهداك خليتي اخوك يشك اني صايعه
نوف بلهفه / بيجي
مها بجدية / مدامه اخذ العنوان اكيد بيجي
عند نايف
ركب سيارته / اروح لحالي ولا اخذ معي احد
وبعد تفكير / باخذ عبدالله معي هالبنات ينخاف منهم وصل لبيت صقر واتصل على صديقه
عند عبدالله
كان بالمجلس مقهور بعد يومين ملكت اخته وحالها مايسر جلس مع الرجال وارتاح له
عبدالله / مدري صح ولا غلط تتزوجين وهذي حالتك
الرجال معليه خلاف لكن وش بتفيدينه وانتي تعبانه
تنهد / يارب اذا زواجها خيره تقدمه واذا شر تمنعه
سمع صوت جواله شاف رقم نايف
عبدالله بابتسامه / اهلين بالمعرس
نايف باستعجال / انا برا اطلع
عبد الله تعدل بجلسته / وش جابك بهالوقت وشلون تخلي ديما بالشقه لحالهاا
نايف باستعجال / اخلص علي لتخليني روح لها لحالي
عبدالله وقف وبستغراب / منهي الي بتروح لهاا
نايف بعصبية / لاحوووووووووووول اخلص علي
فتح الباب شاف سيارة صديقه وركب جنبه وقبل لا يسكر الباب حرك نايف
عبد الله بعصبية / وش هالعجلة خلني اسكر الباب اول
نايف بدون مقدمات / بروح لبيت وحده اقابلهاااااااا وما حبيت اروح الحالي
عبد الله بقق عيونه من الصدمه / موووووواعد وحده وفي بيتهااااااا وش هالجراءه الي ماعرفها فيك تزوجت وانفكيت مرة وحده
نايف بعصبية / اعوذ بالله منك ومن تفكيرك الوسخ
عبدالله بسخريه / وش تبي يكون تفكير وانت مواعد وحده في بيتها 12 من الليل
نايف بتنهيده وخوف / وحده كلمتني قالت تبي تشوفني والموضوع ضروري فيه حياة وموت
عبدالله بعصبية / يمكن تستدرجك لشقه مشبوه وتورطك
نايف بجديه / تقول انها محامية وقالت اسمهاا
عبدالله بجدية / والله انك طيب ويلعب عليك وانت مصدقهااا يمكنها بنت ليل
نايف بجدية / وبنت الليل وش تبي فيني وبعدين حسيت بالصدق في كلامهاا
عبدالله بهدوء / اتبع الكذاب لبيته
نايف انصدم وهو يشوف نفسه داخل بحارة بيت ركان
بارتباك / نفس المكان الي فيه بيت الشايب الي وصلناه لولده
عبدالله وعيونه على الفلل الي جنب بعض / وينه بيتها من هالبيوت
رفع جواله واتصل على مهاا
عند مها
كانت تهدي بنوف المنهااره سمعت صوت جوالها شافت نفس الرقم الي اتصلت فيه / هلا اخوي
نايف باستعجال / احنا قريب ياليت تقولين رقم بيتكم
مها بجدية / 455
نايف بارتباك / احنا قريب ياليت يستقبلنا رجال
مها بجدية / ا ن شا ء الله
قفلت من نايف
والتفتت على صديقتهااا المنهاره الي شهقاتها الموجعه تغطي المكان قهرررررر وحرقة سنين
مها بحنان / اخوك جنب البيت شلون بتستقبلينه بهالشكل
حاولت تقوي نفسهاا ووقفت
عند نايف
وصل للبيت وحس بضيقه ورعشة بكل جسمه / عبدالله رجولي متجمده ماني قادر انزل
عيونه على صديقه / اذا بتتعب نرجع ابرك
نايف باختناااااق / ريحت ابوي تخنقني حاس روحي بتطلع ياعبد الله
عبدالله بضيقة / يهالريحه الي ما تشمها الا بهالمكان
نايف برعشة / مخنوق عبدالله مخنوق
شاف انقلاب نايف / وش حادك خلنا نرجع
نايف بصوت تعبان / شفت احساسي ذاك اليوم ادخل بيت الرجال نفس احساسي اني ادخل هالبيت
عبدالله بهدوء / قو نفسك شلون بتدخل عليهم وهذا حالك يخوفي تنصرع قدامهم
فتح الباب وكل شي فيه يرتجف قرب منه عبدالله بيسانده اذا احتاج
وقف قدام باب الفلة وعبدالله رحم نايف وطق الجرس
ونايف خفقان قلبه زاد
عند تركي
وقف سيارته شاف رجالين يدخلون بيت اخوه طالع بساعته شافها 12 ونص جن جنونه / توووووووواعد موتك على يدي يابنت الحرام
نزل وهو ناوي على شر بعد خطوتين من البيت
رجع لعقله / مو بعيده تتبلاني مثل ما تبلتني فرنسا ومحد بمصدقني
خلني اجيب عليها شهود يصدقون انها صايعه وبنت حرام تشتغل على ثقيل مايشبعها رجال جايبه ثنين
رجع لبيته ورفع جواله واتصل على صديقه /
عند ركان
كان نايم سمع صوت جواله ضنه الشغل رفعه / الو
تركي بحقد / روح شوف الصايعه مدخلها عليها شباب
ركان فتح عيونه بصدمه / من تقصد
تركي بحقد / الي ماصدقتني فيها روح شوف الطاهره وش تسوي بهاليول
وقف ركان برعب ولبس ثوبه / معقوله نوف مثل ما يقول صديقه بنت ليل مستحيييييل يصدق بهالشي لكن حب يروح ويتاكد من كذب صديقه
عند تركي
دخل البيت وهو ناوي تكون فضيحتها علنيه بيطلقهاا وبياخذ عيالها غصب عنها
وصل لغرفة اخوه طق الباب / سالم ابيك
دقائق فتح سالم الباب وعيونه كلهاا نوم
تركي بحقد وقهر / روح شوف الطاهره الي اتهمتني وضربتني بسبتها وما صدقتني شوفها مدخله دشير عليها بهالليل
طار النوم من كلام اخوه / وش تخربط انت شارب شي
تركي بقهر وحقد / لهدرجة منت بمصدق فيها روح شوف بعيونك وبتعرف وش كثر ظلمتني ياخوي
سالم دخل ولبس ثوبه وطلع
وتركي دخل غرفته وتمدد على سريره وهو بداخله يرقص / اخير بتنصادين بجريمتك يالصايعه والكل بيشوف حقارتك
عند نوف
سمعت صوت الجرس / روحي افتحي الباب وشويات وبجيكم
مها بصدمه / وش يخصني هذا اخوك واستقبليه
نوف برجاء / افتحي له الباب بغسل وجهي يمكن اقدر اواجهه
نوف لبست نقابها وفتحت الباب ونصدمت ان بدال الرجال رجالين انحرجت تمنع الثاني لقت نفسهاا / اهلين تفضلو
عبد الله بقوة / قولي الي عندك
مها باحراج / ادخلو الموضوع الي عندي ما ينتقال قدام البيبان
عبدالله باصرار/ ما نقدر ندخل بيوت مافيها رجال
مها باحراج / تطمن مو مثل منت متصور
الموضوع كبير وصاحبته داخل
نايف بصوت مبحوح استغربته مها / ادخل وفكنا من المناقش
سبقتهم مها وبعدها دخل نايف وعبد الله شاف غلط يسكر الباب تركه مفتوح
دخلو المجلس ماشافو احد
جلس عبدالله مقابل الباب و نايف على جنب
عند مها
دخلت شافت نوف جالسه / دخلو المجلس واخوك معه رجال ياليت تتحجبين
نوف ماهتمت الي فيها اكبر من انها تهتم بكلام صديقتها وصلت للمجلس برجول ترتجف
دخلت شافت واحد مقابلها والثاني بالجهه القريبه من الباب شافتهم وهم ماشافوها
دخلت وهي تعرف اخوها وقلبها دلها عليه بمدرسة ولدها
شافته منزل راسه
عند عبدالله
سمع صوت الخطوات رفع راسه وياليته مارفعه شاف وحده عذاااااااااااب ودمار عيونه تعلقت فيها دقائق بعدها تذكر انه حرام و نزل عيونه
مها بصوت ضعيف مقهور وعيونها على اخوهااا / ناااااااايف
نايف كان منزل راسه ولما سمعها تناديه رفع عيونه شاف نفس البنت الي تعب قدامها وتمنى وقتها يقرب منها ويحضنهااا
قربت اكثر / نايف
نايف بصوت مرتبك موجوع من قربها / نعم
زادت شهقاته وقربت منه ووقفته بقسوه / طاااااااالع بوجهي ما يذكرك باحد
عبدالله كان مستمع وكله صدمه واستغراب
نايف نزل راسه مدت يدها بقسوه رفعت راسه وجبرته يطالعهااا / طالعني
نايف بغصة / يابنت الحلال الي تسوينه مايجوز
ضربته بقسوه على قلبه / هذاااااااااااا شنو ماعرف من اكون
عبدالله اوجعه قلبه على حال صديقه لكن ماحب يتدخل لين يفهم موضوعهااا
بصرررررررررراخ لج المكان / انااااااااااااااااا اختك نوف
كلمتها زلزلته صار مثل الريشه يرتجف ويحلف انه يتنفس من ثقب ابره صارت عيونه متعلقه فيه
نوف بشهقات موجعه / كان عندي امل كبيررر فيك
وبصراخ باكي / لكن ياخسسسسسسسسسسسسسساره
عبدالله ماقدر يشوف الوضع وضعف صديقه ويسكت
قرب منهم وبتاثر / خااااااافي ربك فيه بيموت بين ايدينك
انتقلت عيونها له وبنحيب موجع / وهو مخاااااااااف ربه فيني وانا انتظره سنيييييييييين ينقذني من ظلم الايااااااااااام
عبدالله عيونه على صديقه الي قلب لونه وواضح انه بين لحظة والثانيه بيطيح مغمي عليه من هول الصدمه
عبدالله بحرقه / ماكان يدري ان عنده اخت
نوف بصراخ موجع / كذذذذذذذذذذذذذذذذذذذذاب
نايف كل الكلام الي تقوله مثل القنبله الي فجرت روحه شي عظيم ان له اخت متشفق بوجودها وينكذب عليك ويقول ميتتتتتتتتتته يعظم جرمك يا مبارك
نوف بهستريا صارت تضرب فيه وبكلمات موجعه / صرت نسخت مباااااااااااااارك بعتوني ونبسطتوو بالبيعه بسبتكم صرت مجرمه ومستحيل اساااااااااامحك مثل مامستحيل اسامح مبارك
صارت بقسوة ادفه لباب المجلس / اطلللللللللللللللللللع مابي اشوفك لانننننننننني ماني بحاجتك
عبدالله لحق صديقه الي قلب بالكامل اسود سحبه من بين ايدينها وصار يفكك ازارير ثوبه
عبدالله برعب / نايف خذ نفسسسسسسسسس
التفت على نوف وبعصبية / انتي ماعندك قلب شلون طاوعك قلبك تنحرررررررينه وتزيد نحره
عند ركان
وصل للبيت شاف سالم بيدخل بصدمه / وش جابك ابو سعود
سالم بسخرية / الي جابك
دخلو شافو نوف وقدامها واحد سالم ماعرفه
لكن ركان عرفه وصار يلوم نفسها مليون مره شلون نسى موضوعهم
قرب لنوف المنهاااااره وحضنهاا / اسسسسسسسسسسسف سامحيني
سحبت نفسهاا وبعصبية وصوت باكي / كنت تدري بوجوده وماقلت لي
ركان بحرقه / ايه
نوف بصوت باكي / ياقسووووووووك ياركان
عبدالله وقف صديقه وطلع فيه
وسالم لما تاكد من الوضع طلع وقلبه يعتصر على نوف واخوهااا الي واضح انه ما يدري عن وجودهاااا
عند تركي
ماقدر ينتظر بغرفته لحظة يبي يشوفها محملة ويشفي غليلة وحقده منهاا
وقف عند باب بيتهم شاف رجال ساند واحد منهااار تاكد انه مضروب من ركان او يمكن من سالم لكن ماعجبة انه يطلعون بدون ماياخذون جزاهم اما الموت او الحبس
شاف اخوه يطلع صار يطالعه لين قرب منه وبحقد / شفت بعيونك
سالم بنظرات حزينه / البنت طاهره وشريفه وثبتت عكس ضنونك الشينه
تركي بصدمه / شايفهم بعيوني داخلين وشفتهم طالعين مع اني تمنيتهم مذبوحين
سالم بعصبية / ظنك وشكك فيها عظيم وبتتحاسب عليه قدام رب العالمين مدري شلون طاوعتك ورحت اشوف ظلمك لهاا
تركي بسخرية / رجال وخويه داخلين بيتها بوقت متاخر وتقول ظلمتهااا
سالم دفه وبعصبية / اخووووووووها ياثور لازم ظنوك توديك لشينه
استغفررررررررر الله
تركي بحقدر / حسببببببببببي عليهااا كان قلبتهاااااااا علي
دخل عكس ماطلع دخل غرفته وبعصبية ضرب وراه الباب
عند عبدالله
عيونه على صديقه الي شبه غايب عن الوعي
وصله للمستشفى وسنده ودخله لغرفة الطوارى وبعد الكشف طلع معه هبوط حاد بالضغط بسبب الصدمه
بعدها اخذ صديقه الساكت لشقه / نااااايف ادري ا ن الي صار كبيررر عليك
مافي رد
وصل لباب الشقه فتح الباب بالمفتاح الي معه ودخله لغرفته وسدحه وبعده طلع
طق غرفة ديما الي ضنته نايف فتحت الباب دخل عبدالله
ديما بصدمه / خالي وش فيه وجهك صاير شي
عبدالله بضيقه / نايف موجوع ومنهاااااااااااار تكفين ياديما خليك بجنبه
ديما بخوف / وش صاير عليه
عبالله بضيقه / نايف اليوم صدمته كبيره والي صاير عليه شي قوي
ديما بخوف / وش صار عليه
عبدالله بحرقه / بعد كل هالسنين يطلع له اخت واستقبالها له ذبحه
ديما بشك / نوف زوجة الشايب ضاحي
عبدالله بصدمه / شلون عرفتي
ديما بهدوء/ الشبه يقووووول انها اخته
عبدالله بقهر / ذبحته بكلامها وما قدر يتحمله بعمري ماشفته ضعيف ويكسر الخاطر كثر اليوم تمنيت اني مكانه واتحمل عنه الي صار
ديما بقهر / الله يكون بعونهم الاثنين اكيد هي مووجعه اكثر منه مو سهل عليها بعد كل الي شافته بحياتها من اوجاع يطلع لها اخو يقدر يخلصها من مبارك وظلمه
عبدالله بقهر / مبارك كذب عليه وقالت اختك ماتت محمومه
وقف وبرجاء / وقفي بجنبه يمكن ماراح يحتاجك كثر هاليوم
ديما منحرجه من الموقف الي حطها فيه شخص ماعرفته الا من يومين ويبيها تدخل بخصوصياته
شافت خالها يطلع وهي محتاره شلون بتدخل عنده وهو منهاااار
ديما بضيقه / يمكن الرجال يبي يختلي بنفسه وشكلي غلط اذا دخلت عليه
صوت داخلها يصرخ / الرجال ستر عليك ووقف معك بمصيتك اقل القليل توقفين معه
وقفت ومشت بهدوء وصلت لغرفته المفتوحه من تزوجته مانادته باسمه دخلت شافته متمدد على سريره وشكله يذوب الحجر
وقفت مقابل له وهو فيه من الوجع والقهر الكثيرر
ديما بارتباك / ناااااايف
وبارتباك / مو عيب ولا راح ينقص من رجولتك اذا توجعت وبكيت ترى الدموع تخفف الاوجاء وسئلني
ناظرهاا بنظرات موجعه
نظراته ذبحتهااااااااا ماقسى من نظرات القهر بعيون الرجال شلون بعيون ماشافت منها الا الحنان
ديما جلست على الكرسي القريب منه / عبدالله قال لي انك شفت اختك بدال لا تفرح يصير هذا حالك
نزلت دمعه من عينه وبصوت مخنوق / اخت بعد هذي السنين والحرمان يطلع لي اخت اكبر مني ياما تمنيت الاخت وحسدت غيري على خواتهم
وبشهقات طلعت غصب عنه / مبارك كذب علي وقال ماتت ليش مايدري اني شفقان على الاخت بعد ماصار عمري 25 تطلع لي اخت ونحرتني بكلامهاا تضن اني ادري بوجودهااا ومهملهاااا
وبحرقة / اول ماشفتها بالمدرسه انقلبت حالي حسيت الموت قريب مني
طلعت اختتتتتتتتتتتتتتتتتتتتي
وبوجع / ماقدرت ارد عليها وهي تسمعني كلام يوجع وشبهتني بمبارك واني بايعهاااااااااا
تمنيت اني صرخت بوجها وقلت والله ماكنت ادري شلون ادري ان عندي اخت وماشوفهااا
نزل عيونه بيده / قست علي والله قست عليه وماستاهل
وبصراخ طالع من روحه / وششششششششششش ذنبي انا ضحية مثلها ويمكن اكثرررررر
هي تدري بوجودي ليش مادورت علي ليش حطت اللوم كله علي وانا ماااااادري
نزلت دمعتهااا / نووووووف طيبه وصدقني فتره وبتتصل عليك و تعتذر منك
طالعهاا بصدمه / تعرفينهااااااااا
ديما ابتسمت من بين دموعها / تذكر يوم سالتك اذا متاكد ان عندك خوات
تراها البنت الي قلت لك عنهاااا
نواف مسك يد ديما انتفضت من مسكته ماحبت تسحب يدها وتحرجه متاكده انه بدون قصد
بصوت مبحوح / قولي عن حالها واحوالها وش سالفة البيعه الي قالت عنهااا
ديما وعيونهاا على يده الي على يدهاا والكلمات نشبت بحلقهاا / اختك تعذبت بحياتهااا
اخوك مبارك زوجها زوجها الاولي وعمرها 10 سنين
نايف شهق مفجوع موجوع / شلون يزوجها بهالعمر
ديما بقهر / زوجهاا كان استغلال استغل طمع اخوك وحبه للفلوس وشراء منه اخته كزوجه وسافرو لفرنسا
سكتت ديما
نايف مقهور من اخوه / ليش سكتي كملي
ديما بارتباك / بعد موت زوجها رجعت لديره لقت الفاجعه قدامها اخوك زواجها الشايب ضاحي عاجز وطايح وصارت خدامه له
نايف بصرخة وجع / شنوووووووووو وانا وين كنت ليش مادريت
ديما بهدوء / مالك ذنب اخوك استلم ثمن البيعه وماقال لك
تذكر الشايب ابو ركان والقهر والحرقه زادت / ابو ركان
ديماا / ايه تعرفه
نايف بقهر / وصلته لبيت ولده وقلبي حاس ان فيه احد غالي علي في بيته كنت اشم ريحة ابوي الله يرحمه ياليييييييتني دخلت بساعتهااا اقلها اكون انا الي جاي لهاا مو العكسس
ديما بتكمله / وبعد موت الشايب ضاحي بعد العده تزوجت عم عيالهااا
نايف بلهفه / عندها عيال
ديما شافت لهفته / ايه عندها 11 اكبرهم كبري
شاف اخته مستحيل تجيب كل هالعدد والي متاكد منه مستحيل يكون عندها بنت كبيره
نايف بصدمه / اكييييييييد تمزحين شلون 11 بزر وبنتها كبرك انا شفتها ضنيتها ماتزوجت
ديما بابتسامه / اكيد اعجبك جمااااااالها مثلي اول ماشفتهااا ماقدرت ارفع عيني عليهااا وتحسرت عليهاا انها متزوجه الشايب ضاحي
نايف انتبه ليده الي ماسكه يدها سحبها باحراج / هذا كان حال خالك اول ماشافها لكني انا ماقدرت اشوفها لاني تعبت قبل لا ادخل الغرفة
ديما بصدمه / خالي شافهااا
نايف ابتسم من بين دموعه / ايه وصنم وهو يطالعهااا
ديمااا بجدية / الله يكون بعونك يامرام لو تدري ان عبدالله شافها بتنجن
نايف بجديه / عبدالله عاقل وبينسى لانه يعرف انها حلال غيره
ديما ارتاحت وهي تشوفه رجع طبيعي برغم الحزن المرسوم على وجهه
وقفت / اذا احتجتني وسيط خير بينكم ابشر تراني امون عليهااا
وقف وبلهفة/ صدددددددددددق
ديما بابتسامه / اكيييييييييد
نايف بحرقة / ابيها تدري اني ماكنت اعرف بوجودهاا ومستحيل استرخصهاا واسوي فيها سوات مبارك
ديما بابتسامه / متى مابغيتيني اروح معليك الا تشغل سيارتك وتوصلني لبيتهااا
نايف بحزن / الحين انا تعبان وهي تعبان اذا حسيت نفسي اقدر اواجها وصلتك لهااا
ديما بثقة / وعلي مااطلع من عندها الا وانتم متصالحين
كانت بتطلع وقفها صوته / مشكورررررررره على وقفتك جنبي لولا كلامي معك مارتحت
ابتسمت لها ابتسامه ذبحت قلبه
طلعت وهو تنهد
عند نوف
جلسها ركان على الكنبه / قسيتي على اخوك ماكنت اتمنى يكون هذا ترحيبك بوجوده
نوف بشهقات / من يوم زوجني مبارك لناصر وكل سنه انتظره يخلصني زادت سنيني وعذابي وهو ماجاني وبالصدفه ادري بوجوده وانه صار رجال وصار شبيه لمبارك الي رباه
ركان بجدية /مايدري بوجودك اخوك كذب عليه وقال له ان صايبتك حمى وذبحتك
نوف بصراخ / ماااااااله عذررررررر ومستحيل اسامحه لاني كنت اشوفه الفرج ولما ماحتجته صار موجود
ركان / عطيه فرصة يقول الي عنده انتي اكلتيه بالكلام ومخليته يتكلم بحرف
نوف بشهقات / الي فيني كبيرررررررر ومستحيل أي اعذر يخففه
ركان وقف / مهما صار انتي اخته الوحيده وهو اخوك ومالكم غنى عن بعض وحطيها في بالك الوجع الي تحسين فيه اكيد يحس اضعافه وهو يشوف اخته الميته توقف قدامه وتحط عليه ذنوب ماله علاقة فيهاا
كنت بتتكلم لكن ركان قطع كلامهاا / حكمي عقلك وقلبك اتركي عنك القسوة الي ماتليق فيك فكري بكلامي
مشى من قدامها وهي وقفت دخلت داخل استقبلتها
مها بلهفة / وش صار بينكم
نوف بصوت باكي / ضربته وطردته
مهاا بققت عيونها من الصدمه / لو داريه بتسوين فيه هالشي رحمته وماتصلت عليه ولا اصريت عليه يجي لبيتك
نوف جلست بعصبية وبصوت باكي / ماني متحمله حرف الي فيني يكفيني
مهااا بعصبية / والله ياحبيبتي اذا تصرفك غلط بقول غلط بعينك وماهمني
اخوك جاي لبيتك واول مره تشوفينه تضربينه وتطردينه ماهقيتك قاسية هالكثر والمشكله لما قسيتي قسيتي على الا نسان الغلط
نوف بصراخ / اسكتتتتتتتتتي ولا ارجعي لبيتك
مها بعصبية / برجع لبيتي وماهو اخر كلامي بهالموضوع
لبست نقابها وطلعت لبيتها ونوف دخلت غرفتها شافت نوره نايمه تمددت جنبهااا وتفكيرها باخوه الي طلع بحياتهااا
يوم الزواج
عند اميره
من الصباح والكوفيرات عندهااا بجناجها بالفندق تبي تغير شكلها تبي اذا شافها تركي ينهبل على شكلها الجديد وكانها عروس جديده معتبره اول ايامها اليوم مع تركي
عند شوق
من الصبح وساره تصحي فيها وهي كلها برود
ساره بعصبيه / ووووووووجع قومي اليوم زواجك بتفشلينا قدام الناس
شوق فتحت عيونها ببرود / خليني نايمه يرحم والدينك ماني برايحه المشغل الا بعد العصر وش مطيرني بهالوقت
جن جنونها وسحبتها بقوه / اذا رحتي العصر وش بتسوين وش بتخلين
شوق بصوت كله نوم / مشغل جدتي بيخلصوني بالوقت وش هالصربعه
ساره بصدمه / من قال لك بتروحين لمشغل جدتك
شوق تسندت على السرير وعيونها على عمتهااا / مومعناته زعلانه من امك ومقاطعتها تقاطعين مشغلها ترى بالمعلوميه مشغل جدتي افضل مشاغل الرياض
ساره بضيقه / اذا بتروحين لمشغل جدتك فانا حاجزه بغيره
شوق برود / كيفك اذا مارحتي معي اكيد بلقى غيرك يروح معي
ساره بضيقه / بروح للمشغل واذا خلصت مريتك نطلع سواء للفندق
شوق وقفت / اوكهي
طلعت ساره وشوق دخلت الحمام وهي مخنوقه من الزواج الي تتمنى يصير شي ويلغيه
عند ساره
قابلت نوف وبجديه / السلام
نوف بابتسامه / وعليكم السلام بتروحين مع شوق
تنهدت ساره / حجزت بمشغل غير وشوق بتروح لمشغل جدتهاا
نوف حست بحرقة ساره من امهاا وانها مناست الي سوته فيهاا
نوف بحنان / اجل بروح معك
ساره بصدمه / شوق من بيروح معها
نوف بابتسامه / بتروح معها مها والبنات ابيها تتفاجئ من شكلي
ساره وعيونها على نوف وبحرقه / بركب السياره بنتظرك باقي ساعه على الموعد
نوف بهدوء / دقائق بدخل عند سالم ابيه بموضوع وبعدها بجيك
ساره بصدمه / سالم موجود
نوف بجديه / ايه جاء والكل نايم حتى انا ماشفته
ساره بزعل / الخايس مايعرف يصحينا ويفرحنا بجيته
نوف وهي تمشي بتجاه غرفة ولدها وبحب / فديته ما يبي يزعجنا
ساره بمزح / حسابه معي بالليل
نوف بابتسامه / انزلي لا تاخريني
نزلت ساره ونوف دخلت شافت ولدها نايم
نوف بهدوء / سالم
فتح عيونه لما شاف امه اعتدل بجلسته وباس راسهااا
نوف بزعل / ليش ماصحيتني
سالم بجديه / شلون اصحيك وزوجة عمي بغرفتك
نوف بجديه / نسيتهااا قبل لا اطلع ابي اقول لك ثمن رضاي عليك
سالم بارتباك / ابشري لو تبين عيوني ماترخص لك
قالت لولدهااااا الي تبيه منه وسالم فتح عيونه من الصدمه
بعد ماخلصت امه / يمه الي تطلبينه بيزعل عمي مني ويمكن يصير شي وتنقلب فضيحة قدام الناس
نوف بعصبية / همك زعل عمك ولا رضاي
سالم تنهد / كلهم مهمين
نوف وقفت بعصبيه / الي ابيه بتنفذه مثل مابليتني بعمك تخليني ابرد حرتي فيه
سالم بضيقة / بحاول اسوي الي تبينه واقنعه يدخل
نوف باصرار / لازم يدخل مثل ركان وش زوده عمك
سالم بضيقه / طيب ليش تبيني ادخل معك
نوف بهدوء / لانك سندي وقوتي ولا تشوف غير هالشي
سالم بستسلام / خلاص بنفذ الي تبينه لكن لا صار شي لا تحمليني مسئوليته
نوف / ماني بمحملتك مسئولية شي
سالم بتسال / وش معنى اليوم قررتي تنكشفين لعمي
نوف بحقد / لانه الوقت المناسب
وقفت / بطلع وخلك جنب جوالك ولا تنسى مر الفندق و واتفق معهم على الي قلته
سالم بضيقه / ان شاء الله
طلعت من عنده امه وهو مستصعب طلبهااا لكن مجبور ينفذه
نوف دخلت غرفتها قربت من نوره الجالسه / بطلع المشغل الليلة زواج شوق باخذك لبيت مها ماقدر اتركك في البيت لحالك
لبست عباتها وتاملت الفستان الي ناويه اذا رجعت من المشغل تلبسه
قربت من نوره ولبستها عباتهااا ومدت عليها الغطاء لبست نوره بهدوء ومشت معها وصلت لبيت مهاا شافتها لابسه عباتها
نوف بجديه / بتطلعين الحين
مها وعيونها على نوره / اكيد زوجة تركي
نوف بحنان / ايه ماقدرت اتركها لحالهااا قلت اخليها عندك وشوفك لابسة بتطلعين
مها بجديه / بروح المشغل مع شوق كلمتني تقول امي بتروح مع ساره
نوف وعيونها على نوره / وين ا خليها
مها بجديه / جاكلين والشغلات وبزارينك موجدين كلها كم ساعه وترجعين لهااا
نوف التفتت لنوره وبحنان / حبيبتي بتجلسين هنا وبعد الزواج برجع اخذك
مها ابتسمت / من يصدق انها شريكتك الي يشوف تعاملك معها يقول بنتك
نوف بعصبيه / فكينا من هذرتك الزايده اليوم متورترررره كثيرر
مها بسخريه / لو انك العروس اجل وش حالها بنتك
نوف بقهر / بنتي ثلجه توها تصحى ماكانه
الليلة زواجهااا
مها بابتسامه / بنتك عجيبه علشانه كارهه الزوج كرهت الزواج وناسيه ان العالم جاين الزواج بيشوفونها واذا ماعجبتهم حطو فيه مليون عله
نوف بقهر / الله يعين ركان عليها بتنكد عيشته
مها بابتسامه / روحي للمشغل لا تتاخرين والمفروض ما تهميني لانك رافضتي تخليني اشوف فستانك
نوف بابتسامه / قلت لك مفاجئة بتشوفينها بالزواج
مها بسخرية / ياخوفي تطلع مفاجعة
نوف في نفسها / الي يسمعك يقول كاشفة تخطيطي ياليته تكون فاجعه عليه
مها طلعت ونوف وصلت نوره لغرفه جانبيه ووصت عليها الشغالات وجاكلين وطلعت ركبت جنب ساره
تحركت السياره
انصدمت ساره من شكل نوف بدون عباية او نقاب
متاكده لو درى اخوها بيقوم قيامتهاا تعرفه غيرته ومستحيل يرضى تطلع بهالشكل
نوف باحراج / تاخرت عليك وصلت نوره لبيت مها خفت اتركها لحالها
ساره ببرود / باقي وقت على موعدي
نص ساعه وقفت السياره مقابل المشغل
نوف بجدية / انزلي عندي شغلات بخلصها وبجيك خلي حجزي المغرب
ساره بصدمه / المغرب متاخر وبتتاخرين على بنتك
نوف بابتسامه / ماني بمتاخره ان شاء الله
نزلت ساره ودخلت المشغل ونوف كملت طريقهااا
عند شوق
كلمتها مها تستعجلة ركبت جنب مها بسيارة سواقهم
مها بمزح / اهلين بالعروس النايمه
شوق بضيقه / ترى نفسي بخشمي ماني بناقصه تعليقاتك
مها / وش فيك انت وامك اليوم متكهربات وماتتحملن المزح
وصل السواق عند مشغل ام سالم
مها باعجاب / معقوله ها لمشغل لجدتك
شوق / ايه
مها بجديه / ياليت شغله مثل شكله
شوق بثقة / على ضمانتي بيعجبك
مها فتحت بابها / اتمنى
دخلو المشغل شافت جدتها جالسه والكوفيره تشتغل فيهااا
قربت من جدتها وباست راسها
التفت لها جدتها وتفاجئت من وجود شوق / اهلين شوق
شوق / شخبارك يمه ترى جايبه معي خالتي مها توصي فيهااا
ام سالم بزعل / الحمد لله زين شفتك بعد البطاء
قربت منهم مهااا يمكن وجودها يمنع ناقش ماله لزوم
مها بجديه / شلونك ام سالم
وقفت لها ام سالم وسلمت عليهااا
وطلبت من العملات يتوصون بشوق ومها واختارت لهم احسن عاملاتهااا
العشاء
قسم الرجال
عند ركان
لابس البشت وجالس بمكانه كامعرس تمنى ان ابوه حي ويشوفه بالبشت كتم غصته والتفت على صديقه اللي لابس البشت وجامد الي يشوفه يقول حاضر الزواج مو معرس
ابو سعود وعياله وعيال اخوه عند الاستقبال يرحبون بالضيوف
انتبه سالم ان الكرسي الي جنب عمه فاضي لازم يقول الي عنده ويخلص
وصل لهم وجلس جنب عمه وبابتسامه / مبروك عمي
تركي بضيقه / الله يبارك فيك وعقبالك
ركان بزعل / الحين بس عمك المعرس مافيه مبروك لزوج اختك
سالم بابتسامة احراج / مبروك
ركلن بابتسامه / الله يبارك فيك
سالم باحراج / عمي البنات مسوين زفه داخل يبونك تدخل وتتصور
تركي بعصبيه / انا اخو ساره ماني برخمه ادخل عند الحريم
سالم كان متاكد ان هذا بيكون رد عمه على طلبه
انقذه ركان / وش فيك منت بداخل انا بدخل انزف ماني معرس الا مره وحده
تركي ببرود/ مامنعتك تدخل لكن انا مستحيل ادخل
ركان بهدوء / اذا مادخلت من بيوصلني لعروستي اضرب عصفورين بحصاة وحده تدخلني وتنزف
واكيد بنات اخوك متشفقات يتصورن معاك وانت بمنزلة ابوهن لا تكسر بخاطرهن
تركي بدون نفس / طييييييييييب
حمل ثقيل طاح من سالم ابتعد عنهم \واتصل على امه
عند نوف
كانت بغرفتهااا سمعت صوت جوالهاا / هلا سالم
سالم براحه / عمي وافق يدخل
نوف ابتسمت بحقد / زين وانت تعال خذني للفندق
سالم يضيقه / لازم اجي
نوف بعصبيه / لازم تلبس الي جهزته لك
سالم بضيقه / يمه مو لازم بدخل معك مثل مانااا
نوف بعصبيه / سالم ربع ساعه وانت عندي
سالم / ان شاء الله
عند شوق
مكياجهاا لبناني وشعرها لامته كبابه وراء وحاطه تاج من الالماس بدون طرحه ولابسه عقد الماس هدية عمها سالم
وفستانها من الدانيل الفرنسي كان توب وماسك على صدرهاا وتحت الصدر منفوش بشكل ناعم
فيه قليل من شوارفسكي بالصدر وتحت ساده كان شكلها ناعم وراقي
ساره لابسه فستان صدره جلد نمر وتحت منفوش خفيف من التل السكري ولابسها اكسسوارت ذهبي وشعرها سوته ويفي صار شكلهااااااا ملفت وجمارها ابرزه المكياج
مها لابسه جكيت اسود مشغول وتنوره ستان اسود
ومكياجها ناااااااااااااعم
شوق بطفش / خلوناااا ننزل ترى مليت من جلستي لحالي
مها بابتسامه / العرايس يخافون ويرتبكن و انتي غ مصربعه على الطلعه ومقابل الحريم
ساره بابتسامه / يمكن زوجها خايف اكثر منهاااا
شوق خايفه ومرتبكه لكن تتصنع العكس
مها تاملتهاا / امك تاخرت شكلنا بنزفك قبل لا تجي
ساره بصدمه / شلون تنزف قبل لا تجي امهااا
مها رفعت جوالها وتصلت على نوف
مها بعصبيه / وينك لو انك العروس كان خلصتي
نوف بهدوء / نص ساعه وبجيكم
مهاا بحجدية / بنتك نزفهاا ولا ننتظرك
نوف بجدية / زفوها لا تنتظروني اخاف من زحمة الطريق اتاخر
قفلت من نوف / امك تقول زفوها وبتجيك عند الكوشه
نزلت شوق والمصوراه قدامهااا تلتقط لها صوره من كل الجهات والفديو مسلط عليها وصلت الكوشه وبعد مانتهى التصوير جلست والكل سلم عليها يبارك
عند الرجال
قرب منهم ماجد ولد ناصرر / جدتي تقول ادخلو
وقف ركان بحماس / مابغينا بغيت انام بمكاني
تركي وقف بملل لولا اصرار صديقه مادخل يحسها اهانه له يدخل جوف الحريم
دخل ركان وبجنبه صديقه اول مادخل لصالة النساء عيونه طارت عليها من يوم كان جالس وهو يحاول يرسم صورتها وهي عروس لكن الي يشوفه فوق كل تخيالاته شاف نفسه واقف قدامها استحى يبوس جبينها قدام الحريم بياجله اذا صارو لحالهم
قرب تركي من شوق وباس جبينه / مبروك
شوق بارتباك استغربه ركان الي متعود على جرائتها / الله يبارك فيك
صارت شوق بالوسط بين عمها وركان
تفاجئو من الاضاء الي ضعفت وانتقلت الانور والفلاشات عن باب الصاله كل العيون انتقلت للباب تترقب
سمعو صوت الاغنيه
تلفت الناس لامريت
تكسر رقاب خلق الله
الزين خذته ولا خليت
حرام لاتاخذه كله
وبوسط الاغنية تدخل عروس ثانيه اجمل بكثيررررررر من العروس الي قدامهم والمعرس يمشي جنبها وقدامها بنت شايله صندوق مفتوح
صارت تمشي بخطوات خفيفه وعيونها على تركي الي ينتفض من الصدمه صار يرمش اكثر من مره مكذب الي يشوفه يحس شوفتها بتذبحه حس بحراره بجسمه وصلت لراسه الي يشوفه اكبر من احتمال قلبه العاشق
تلفت الناس لامريت
تكسر رقاب خلق الله
الزين خذته ولا خليت
حرام لاتاخذه كله
لباقي الناس وش بقيت
ياللي لك اوصاف مكتمله
وتمر عادي ولا حسيت
حسنك به الناس منذهله
طلتك حلوه إلا طليت
ياحلوها جد من طله
الكل يصرخ إلا من جيت
هذا القمر وانقلب ظله
ركان
منصدم من تصرف نوف المتهور لا ارادي انتقلت عيونه لصديقه يشوف ردت فعله شاف عيونه مصنمه عليهااا
عند شوق
ماتوقعت ابد ان امها تسوي هالشي بزواج عمها وتنكد عليها
مقهورم من امها الفتره الاخيره صارت تتصرف تصرفات بدون علمهاا التفتت لعمها واوجعها قلبها عليه وهي تشوف الصدمه بوجهه
عند ام سالم
منبهره ومصدومه من دخلول نوف كاعروس بليلة زواج ولدها وبنت ولدهاا والي صدمها اكثر وهي تشوف سالم بالبشت صارت كل ضنونها ان سالم متزوجهااا
صارت تتلفت كاره وجود اخته بهالوقت
عند مها
تصرف نوف عجبهاا وماتوقعت تجيها القوه وتسوي الي سوته انتقلت عيونها لتركي الي واضح انه بهول الصدمه
عند ساره
انتقلت عيونها لاخوها شافت شلون متفاجئ بوجود الانسانه الي دااخ بسبتها شلون بيصير حاله وهي طالعه قدامه عروس
مقهوره من نوف الي اوجعت اخوووووووها
عند تركي
شافها تقرب وجنبها سالم صارت قريبه منهم تامل شكلها الموجع كانت لابسه فستان كله مشغول صايره فيه كانها كرستاله تامل شعرها الي رافعته من قدام وحطه تاج ناعم الماس
وانتقلت عيونه لوجها سبب هلاكه مكيااج مختصر بالكحل والروج الاحمررر لكنهاااااااااااا عذاب
تنهد على حاله
شافها تطلع درجات الكوشه زادت دقات قلبه حبيبته والي عشقهاا بكل مافيه قدامه بفستان الزواج وولد اخوه المعرس شلون سالم يغدر بقلب عمه ويتزوجهاا معقوله سالم سبب رفضها له
عند تركي
لما شافها تبوس ركان اشتعل من الغيره والحرقه باي صفه يشوفها ركان وباي حق تبوسه
قربت نوف من المسئوله عن الدي جيه وطلبت منها شي
دقائق والديجيه يشتغل باغنية
فرس فرس من حسنها الحسن انخرس
تتزاحم قلوب البشر بقبالها
وقفت فرس مشيت فرس لفتت فرس
من حقها تغتر حيل بحالها ..
كم ساحرا في عيونها النجلا درس
وكم شاعرا من حسنها غنى لها
واحلى الغواني بقربها كلن حرس
كل الحلى مغلوب فيها لحالها ..
كم قلب في درب مشت فيه انغرس
يحلم تمره لو بظل ظلالها
ما تلتفت حتى القوي لين المرس
مترفعه ما كل من جا طالها ..
ياما احترست من الغرام وما حترس
قلب تعلق في طرف سلسالها
واللي غرس فيها المحبه بي غرس
حب يفوق اللي في بالي وبالها ..
ياما احترست من الغرام وما حترس
قلب تعلق في طرف سلسالها
واللي غرس فيها المحبه بي غرس
حب يفوق اللي في بالي وبالها ..
فرس فرس لو حولها مية فرس
يوم لمحتها العين قلبي شالها
في خافقي اسمع لخطوتها جرس
ويرن في صدري صدى خلخالها ..
صارت ترقص رقصها المدمر مع ولدها وكل ماقربت من تركي غمزت له واشرت على نفسها تنفي وصفه لها بالفيله
عند تركي
غمزاتها وابتسامتها نشفت دمعه وقريب بيوقف قلبه المتيم فيهااا
صار يضغط على يد ركان بيفرغ من الي فيه متاكد انه بينفضح وبيطيح قدام الناس وبيعرفون انه من ضحايا العشق
تركي بصوت ضعيف / ركان تشوف الي اشوفه ولا يعوني تكذب علي
ركان انقهر من نوف الي نكدت على صديقه الي من دخلت يحس برجفته
ركان بقهر / الي تشوفه حقيقي
تركي بحرقه / ليش دخله وانت موجود وش علاقتها بسالم
ركان رحم حال صديقه / تبينا نطلع يكفينا جلوس
بعد ما اخلصت من الرقص وبكل انوثتها الذباحه قربت من تركي وباسته على خده وبصوت ضعيف حاقد / الفيله جت تبارك لك على الزواج
ما تحمل شوفتها شلون بفمها على خدها جلس على الكرسي لانه متاكد لو ماجلس طاح
طلعت بسرعه عكس دخولهااا
ركان رحم حاله / تراها حلالك
رفع عيونه لصديقه منصدم من الي سمعه / وش تقول
ركان بجديه / الي شفتها زوجتك وعدوك اللدود ام سالم ارملة اخوك
توقعاتكم
موعدنا الاسبوع الجاي
اختكم نسايم نجد
|
27-11-12, 01:43 PM
جديد مواضيع قسم الارشيف
العرض العادي
