كاتب الموضوع :
نسايم نجد
المنتدى :
الارشيف
رد: يادنيتي يكفيني عذاب
حابة اقول للاخوات الي علقو على وظيفة ساره بالمباحث وكيف تستلم قضية وهي مالها خبره بهالمجال
على حسب معرفتي ان القضايا النسائية مسئول عليها نساء يحققون مع المتهمات تحت اشراف ضابط له خبره بالمجال
وهذا الي صار بقضية ديمااا استلمهااا ساره تحت اشراف ركان
ولولا اصرار ساره وان خالها مدير المباحث ماقدرت تمسك القضية ( وكلنا نعرف الواسطه لاعبها بالمجتمع لعب )
للمعلوميه / ساره تعتبر وسيلة لسحب اعتراف سلوى واثبات برائت صديقتهااا والباقي على غيرهااا
والاخوات المعترضات على تصرف تركي كيف يسحب تهاني من الشرطه
تصرف تركي تحت تاثير العصبية ولو ركزتو بالبارت الي فات
بتقرون كلام ساره مع اخوهااا بحطها لكم لتاكيد
ساره برجاء / تركي وين ماخذهااااا البنت بالشرطة مو في بيت ابوك تسحبها على كيفك
تركي بكل عصبيه / انقلعي عني لحطك فوقهاااا
فتاكدو اني مستحيل استخفيت بعقولكم و بعيد عن موضوع ساره شي مايختلف فيه ثنين ( ياما بسجن مظاليم )
محد فيناا بينكر ان فيه قضاياا انسجنو فيها اشخاص مظلومين بدون تحقيقات وبعد سنين طلعهم لانهم ابرياء ( والسجون تشهد )
اما الاخوات المعترضات على نوف وعدم تاقلمهاا بالسعوديه ورفضه لعباة والنقاب
سبق ووضحت لكم والحين بعيد الي قلته
نوف انسانه كرهت مكان واشخاااااص واجبرتها الظروف ترجع لنفس المكان اكيد بتنكر انتمائها لهم وبترفض تنفذ شغلات تثبت هالانتماء وهذا يتمثل بالعباة والغطااء
وملاحظة ( الي قام بتربية نوف جاكلين الفرنسية يعني الوازع الديني ضعيف زين منها مغطيها شعرها وتصلي )
وهذا الكلام ليس له علاقة بالتعليم او الجهل فنوف مجموعه من عقد صارت بالماضي وبالحاضر
ووضحت لكم قبل ان نوف ضعيفة الشخصية وتستمد قوتها من شوق ومهااا وتحاول تكون قويه لكن مثل ماقريتو الطبع غلب التطبع
نوف متعلقة بعيال ناصر وتخاف تفقدهم وهذا الي زاد من ضعفها
والاخوات الي ملو من الحزن والدموع بالواية
الروايه ماخذه من اسمهاا النصيب الاكبر لكن احب اقول لكم بالاجزاء الجاية بيتخلل البارتات نوع من الفكاهه
والاخوات الي ربطو بين اسماء الرواية واشخاص بالواقع
الاسامي من خيالي واذا صادفت اسماء بالواقع فتاكدو انه غير مقصوووووود مع احترامي لهالقبيلة لكن ( اول مره اعرف ان فيه قبيلة اسمها عجاج )
الرجاء عدم طمر السطورررررر
البارت التاسع والثمانون
عند تركي
كان بيطلع لكن تذكر كلمة شوق رنت براسه انها تسلم بنات لشباب التفت لها بعصبية مجنونه قرب منها وناظرها بحقد وقرف مالقى نفسى الا يضربهاااا
وياليته اكتفى بالضرب بل زاده بالسب والالفاظ الجارحه
بعصبية وبصراخ / جرارة وتقولين انك بنت الضامي يالصايعه يالضايعه
قاطعته تهاني بصوت موجوع / اعترف اني ضيعت بنات مالهم ذنب كله علشان احصل كم ريال
صار يضربهاا بعنف وبصراخ وعصبية / الله ياخذذذذذذذذذك تعترفييييييييييين قداميييييي بلا حيا او مستحااا
طالعته تهاني بحقد وبصوت باكي موجوع / انت جربت الفقر جربت تنام جوعان شفت امك مريضه تطلع من بيت لبيت تخدمهم
وبحقد / والمشكله يكون عندك اهل وصارت تاشر باصبعها بالغربه
وبصوت ينتحب / يملكوووووون كل هالعز
ورجعت طالعته بعيون كلها حقد وكره / اذا انا استذنبت في البنات انتم السبب انتم وصلتوني لهالشي وخليتو عيال الحرام يشكلوني على كيفهم
لو انقال هالكلام لسالم كان حضنهاا وعوضهااا عن الحرمان الي عاشته لكنه انقال لتركي الي اكبر همه سمعة الضامي
رجع لهااااا وشدها من شعرهااا وصرخ بوجهاااااا / ارمي بلاك علينااااااا تحسبين باصدق انك بنت ناصرر
تهاني تتوجع من مسكته لشعرهاا وبقوة / بتعترفون فيني غصب عنكم لاني بنته بالاوراق الرسميه وقريب بثبت اني بنته بالتحاليل
عطاهاااا كف وبعده كف وبصراخ / تخسيييين تسوين هالتحليل تحسبين اذا طلعتي صدق بنت ناصر بنعترف فيك صدقيني بحفر قبرك وبدفنك ولا تتشوه سمعتنا بسبتك
تهاني من طبعها ماتخاف و كلام تركي الي قاله ماهز فيهاا شعره وبداخلها تتوعد فيه وفي كل هالعيلة الي انكروهااااااا
تركي فتحت الباب بيطلع والتفت لهاااااا / راجع لك ان ماخليت جلدك ينفسخ عن عظمك ماكون ولد الضامي
طلع وقفل الباب وراه مقهوررررر منهاااا
نزل وهو معصب قابلته هيا الي انتبهت لشكله / تركي وش فيك
تركي بعصبية / الكلبه الي فوق لاحد يجيها او يعطيهاا شي خليها تموت وتريحنا من عارهاااا
خافت من عصبيته وكانت تضن المقصود ام سالم
لما شافته اختفى طلعت تركض على الدرج تناست انها حامل وصلت للغرفه الي فيها تهاني وحطت فمها على الباب
وبصوت واطي / ام سالم تسمعيني
عند تهاني
مرمية على الارض تسمع الصوت الضعيف وماتدري وش تقول
عند هيا لما ماسمعتها ترد زاد خوفهاا على
بخوف / حسبي على بليسك ياتركي وش سويت فيهاااا
صارت تنادي / ام سالم انتي بخيررر
صارت تتلفت خايفه من تركي / بحاول فيه يفك سجنك بس تحملي وقوي نفسك
عند تهاني
مستغربة من تكون ام سالم الي تناديها البنت من وراء الباب طنشت وتغطت بعباتها ومن التعب نامت
عند ساره
مقهوره من اخوها شلون ياخذ تهاني من الشرطه وش بتقول لخالها اذا سالهااا
رجعت لمكتبهاا ودقت على رقم خالها وهي خايفه من ردت فعله
ساره باحراج / خالي عندك احد
ابو عماد بجديه/ لا
ساره بارتباك وخوف / فيه مصيبة صايره ولازم تعرف عنهاااا
ابو عماد بجديه / تعالي بسرعه انتظرك
طلعت من مكتبها وصلت لمكتب خالها فتحت الباب
قربت منه وعيونها على خالها خايفة من ردت فعلة
بارتباك وخوف / خالي تركي اخذ تهاني للبيت
رفع ابو عماد حواجبه وبستغراب / منهي تهاني
ساره جلست وبارتباك / وحده من المتهمات بقضية ديماا
وبعصبية اكثررر / ومن يكون اخوك علشان يطلع وحده متهمه
نزلت ساره راسهااا وعصبية خالها خوفتهااا / تهاني تصير بنت ناصرررر
ابو عمااد وقف وبعصبية / لو انهااااااا انتي يا ساره يطبق عليك القانون على كيفه اخوك يطلعهااا وينفذ صيطرته بالشرطه
ساره باحراج / حاولت امنعه لكنه ماطاع
وقف وبعصبية / الشرهه علي الي سمعت كلامك ومسكتك هالقضية
ساره نزلت دموعهاااا وبصوت باكي / تعرف تركي لا عصب ما ينتحارش تكفى خالي لا تشيلني غلطت تركي والله ماكلمته ولا قلت له يجي شوق الله يهداها هي سبب كل الي صار
ابو عماد بعصبية / روحي كلمي اخوك يرجعهااا لاني لو تدخلت حبسته معها هذا اعتداء على القانون
ساره بخوف / بتصل عليه وبقوله يجيبهااا لكن لا تعصب
ابو عماد جلس وعيونه على ساره الي واضح عليها الخوف رحمهااا هو متاكد ان تركي اذا بغى شي محد يقدر يمنعه
وبهدوء / الحين تتصلين عليه وقدامي
رفعت جوالهاا واتصلت على اخوهااا
عند تركي
عند باب سيارته بيركبها سمع صوت جواله شاف رقم اخته
بعصبيه / وش عندك
ساره خافت من اخوها رمت الجوال على خالهااا
اخذه ابو عماد بعصبية / تركي البنت الي اخذتها ترجعهااا
تركي بصدمه / خالي وش لك فيهاااااا بنت صايعه وبنربيهاا
عماد بعصبيه / كل شي بتخليه يمشي على كيفك اذا مرت ساعه ومارجعتها صدقني بتمسي بالسجن
تركي بقهر / البنت بتفضحنا تقول انها بنت ناصر
ابو عماد بعصبية / البنت متهمه بقضية للحين مافتحناه وجاي تاخذه ليكون شايف الشرطه ملك ابوك تتصرف بمزاجك
تركي باصرار / البنت من بيتي ماهي بطالعه الا لقبرها
ابو عماد بعصبيه وبصراخ / اقسم بالله اذا مارجعت خلال ساعه ليصير علم ما يعجبك
وقفل مانتظر تركي يرد عليه الي انقهر من خاله ويعرف خاله اذا قال فعل
وهو مو متحمل ينسجن لخاطر وحده مكذب انها بنت اخوه رجع للبيت وطلع لغرفتها وفتح الباب شافها نايمه على الارض
وبقسوه سحبهاا / على سوااااااااااد وجهك نايمه
فزت مرعوبة على سحبته شافته يطلعها برا الغرفة وبعده برا البيت ويركبها السياره
دقائق وصل لشرطه
دخل لمكتب وحذفها على الارض وقرب من اخته
وبعصبيه وتهديد / تعرفين تشكين لخالي لكن هين حسابك معي بعدين
ساره خافت من اخوهااا / خالي المسئول عن قضيتها وسئل عنهااا وقلت له انك ماخذها وطلب مني اتصل عليك
التفت لتهاني وبحقد وعصبيه / ان سمعت انك جبتي اسم ناصر وعايلتنا بالتحقيق تشهدي على روحك
تهاني مقهوره وبتعانده صارت تصرخ باعلى صوتهااااااااااااا / انا تهاااااااااااااني ناااااااااااااااصر الضاااااااااااااامي
انجنننننننننننننننننننننننننننننننننن منهاااا تقدم منها بيضربهاااا لكن وقفه دخول الشرطيه
ساره حمدت ربهاا انها دخلت بوقتهاااا
ساره عيونها على الشرطية / اخذيهاا لسجن
تقدمت الشرطيه لتهاني وكلبشتهااا واخذتها معها
بعد ماطلعت الشرطية زاد خوفها من اخوهاا الي بعمرها ماشافته معصب هالكثررر
ساره بخوف / تركي هدي
تركي التفت عليها وبعصبيه / انا الحمار الي رضيت تشتغلين هالشغله وتجيبين لنا هالمصايب
ساره باختناق / وانا وش يخصني انا مثلك متفاجئه ومصدومه وانت وهقتني مع خالي
تركي بعصبية / الكلام الي يخص اسم اخوك والعايلة ماينكتب بالتحقيقات
ساره بضيفة / فوق يا تركي انا مجرد شرطية وتوني متعينه ولولا خالي ماحلمت امسك هالقضية
وبعدين خلها تسوي التحليل يمكن صدق ماتطلع بنت ناصر وتفك نفسك من كل هالحوسة
تركي بشك / واذا طلعت بنته
ساره بجديه / غلطت اخوك لازم نصلحها وترجع البنت لهلها ونعترف فيهااا
تركي بعصبيه / تمووووووووت ولا اعترف في وحده بتطلخ سمعتناا بسواد افعالها
انقهرت من اخوها واعتزازه بقبيلته هزت راسها وهي تشوف اخوهااا يطلع جلست على مكتبهااا
عند تهاني
دخلت السجن شافتها سلوى وقف وركضت لهاا / انتي للحين عايشه
مشت تهاني وبصوت مبحوح / وش تشوفين قدامك
سلوى / توقعته ذبحك
تهاني جلست وبحرقه وحقد / والله لحرق قلبه بغاليه
بالمغرب
عند نايف
من الصباح وهو داخل طالع للمكتبه يسال اذا وصلهم شي او لا وهو جالس شاف اشارة من الفاكس ركض للموظف / اكيد التوكيل
بعد ماستلمها الموظف وصار يطالعها ابتسم بيريح القلقان الي قدامه / ابشرك وصلت
نايف اخذها وبراحه / مابغينااا
عند ساره
بمكتبها مهمومه ومتضايقه وراسها بينفجر من التفكيره مره تفكر بديما ومره بتهاني ومره بنفسهااا
ساره بحرقة وضيق / كلن له بيت الا انا اذا تزوجت شوق كيف بيكون وضعي استحي من امها وانا متطفله وعايشه معهم
اااااااااااااااااااااه من حالت التشرد الي انا فيهااا يارب افرجها علي
عند ركان
كان عند صديقه وقف / يلة تعال معي
صقر بطفش / وين تبيني اروح والبيت منه مطرود ولا تبيني كالغريب اسكن بالفنادق
ركان بزعل / افااا وبيتي وينه
صقر تنهد بوجع / بيتك بتسكنه حرمه ولا بترميني بالملحق
قرب من صديقة وسحبه بقوة / انت ما تنتشاور تنجبر
وقف ومشى مع صديقه قبل لا يقفل الباب شاف صينية الفطور الي ماكملها
رجع
ركان بستغراب / وش فيك دخلت
صقر بضيقه / بطلع الصحن والا تبيه يعفن بمكتبي
شال الصنيه وطلعها برا وقفل الباب ومشى مع صديقه قربو لمكتب ساره
ركان بهدوء / طيعني واعتذر منهااااااا واشكرها على الفطور
صقر بحرقه وضيقه / ماااااقدر صعبة علي اسويهاا
ركان بزعل / سهل انك تجرح وصعبة انك تعتذر
صقر بضيقة / وش تبيني اقول لها واي اعذار بتنقال البنت تبي الطلاق وبطلقهاااا
ركان بجديه / الطلاق مو عذر انك ما تعتذر تفارقو ومحد فيكم شايل على الثاني
استجاب لصديقه
صقر التفت لصديقه / انت متاكد انها بالمكتب
ركان بجديه / ايه وخالها بمكتبه شكلهم بدو تحقيق بالقضية
صقر بصدمه / سحب القضية منك
ركان بجديه / ايه ماني قادر استحمل الرجال اخاف اذبحه
صقر بحرقه / عساااااااه الموت مثل ماماتت
وقف مقابل الباب مد يده وطقه
عند ساره
سمعت طق الباب لبست نقابهاااا / تفضل
ثواني وينفتح الباب ويدخل صقر ويسكر الباب وراه
ساره بحقد وعصبيه / خيررررر وش مدخلك مكتبي وياليت تفتح الباب وتطلع
صقر ماقدر يعتذر لقى نفسه يشكرهاا / مشكوره على الفطوررررر
ساره بققت عيونها من الصدمه شلون عرف معقوله شافها لكنها متاكده انها ماشافها
حاولت تكون طبيعيه
ساره بحقد / ماني خبله افطرك وانت جارحني
شكك بكلام الموظف لان الي قدامه وحده حاقده ومستحيل بتجيب له فطور
عرضها ظهره بيطلع سمعها / طلقني بهدوء
رجع يلتفت عليهاااااا وبسخريه / انا تزوجتك علشان اطلقك
غصب عنها كلمته سكتتهاااااااااا
طلع ماشاف صديقة طلع برا شافه عند السياره
قرب منه
ركان شافه فتح الباب وركب وصقر ركب جنبه
صقر بجديه / تقول ماجابت الفطور
ركان بابتسامه / زوجتك هذي خطيرررره تتصرف عكس ماتبي وقلبها الضغيف مسيرها
صقر بحرقه / الي اشوفه عكس الي تقوله البنت حاقده علي وكارهتني وطلبت من جديد الطلاق
ركان بجديه / نصيحه لا تضيعهاا من ايديك البنت عجينه سهله تقدر تشكلها على كيفك
طنش كلام صديقه وصار يناظر الطريق وباله مشغول ومهموم
بعد ربع ساعه هدوء تكلم صقر بصوت موجع / تتوقع صدق انها مظلومه
ركان استغرب / احساسي يقول وانت القريب منها اخبر بالي تقوله
صقر بحرقة ووجع / لو صدقت انها مظلومه شلون تفسخت
ركان بهدوء / كم لنا بالمباحث ومرت علينا بلاوي نسيت البودرات المخدرة الي ياما مسكناها وصادرناه ولا الخواتم الي اذ مسكتهاا الوحده صارت مسيره مو مخيره
ويمكن صديقتها استعملت واحد من هالاشياء والبنت مشت ونفذت الي تبيه بدون وعي
حس برعشة وجع مشت بجسمه معقوله تكون ضحية لهالسوالف وذبحهااا ظلم حس بروحه وصلت لحلقه
صقر باختناق موجوع / ركان خذني لمزرعة ال .......
ركان انصدم / وش بيقلعني لهالمزرعه
بصراخ محرررررروق / اذا ماوديتني ركبت تكسي يوديني
ركان / بوديك
وصلو بعد ساعه للمزرعه نزل صقر يركض للمكان الي ترك ديماااا فيه
ماشافهااااااااااا وبصراخ / وينهاااااااااااااا تاركها بهالمكان
ركان بصدمه / ليكون تارك بنت اختك بهالمزرعه مكان المروجين والمجرمين كيف طاوعك قلبك تتركها بهالمكان وانت تعرف وش بيصير عليها
ماحب يزيدها على صديقه الي واضح بدا يفكر بموضوع ديما بعيد عن الغضب الي اعماه وبدا يشك ببرائتها واضح من هاللحظه بداية عذاب الضمير الي متاكد بيدمر صديقه
ركان قرب من صديقه / خلنا نرجع
صقر بوجع / ارجع وخلني بهالمكان
ركان سحبه وبعصبيه / مانخبلت اتركك بالمكان وبتمشي معي غصب
سحب صديقه بقوة وركبه السياره
عند ام صقر
شافت ديما نامت طلعت لولدهااا / كلمك صديقك
عبدالله بهدوء/ لا
ام صقر باصرار / اذا جاب ورقة التوكيل خله يملك على طول
عبدالله بصدمه / تبينهم يملكون بالمستشفى
ام صقر بجديه / ايه ماصدقت انها توافق اخاف لاطال الموضوع يصير عندها علم ثاني
عبدالله بقهر / البنت ماتبيه
ام صقر بحرقه / البنت انظلمت وجاها الفرج تبينا نصك بابنا عنه
زواجها لازم ديما لازم تعيش ويصير لها عيال ولا تبيها طول عمرها بدون زواج وتدفع ثمن هالذنب الي كلنا وهو اولنا عارف انها مظلومه
عبدالله بحرقه / الله يكتب لهم الصالح
شاف صديقه من بعيد مشى له
عند نايف
شاف عبدالله جاي له وقف
عبدالله بجديه / وصلت الرساله
نايف بابتسامه / ايه
عبدالله بحرقه / امي تبيكم تملكون الحين
نايف بجديه / وهذا الي جاي علشانه
عبدالله بحرقه / وش هالاستعجال الي يخليكم تملكون هنا
نايف بجديه / اسئل الدكتور اذا تقدر تطلع ملكنا بشقتك لاني للحين ماحجزت شقة
عبدالله بضيقه / مادري عنكم الوضع كله مو عاجبني
نايف بجديه / وسع صدرك الي يسمعك يقول مزوجها واحد سكير مايخاف الله مو كاني صديقك وحافظني اكثر من نفسي
عبدالله بحرقه / شكلك ماجبت مهرها ولا سئلت عن شروطهااا
نايف بزعل / ليكون تتوقعني بتزوجها بلوشي كل الي عندي بقدمه مهر لها وشروطها مستجابه من قبل لا اسمعهااا
تنهد عبدالله بحرقة / احلفك بالله انت مقتنع بزواجك منهااا ومصدق انها مظلومه
نايف بصدق / مقتنع فيها وابيها اكثر من اول وسالفة انها مظلومه فمتاكد من هالشي
عبدالله بجديه / بقول لك الصدق البنت رافضتك مو عيب فيك لكنهاا توقعتك متزوجها بتستر عليهاااا وهذا موجعهااا
نايف بجديه / تحسبني باورط نفسي بزواجهااا علشان بس استرهااا
عبدالله بجديه / روح جيب الشيخ لشقتنا وباخذها هناك مستحيل تملكون بالمستشفى
نايف بجديه / قبل لا اجيب الشيخ بروح ادور لنا شقة مفروشه
عبدالله بجديه / ليش شقة والشقة موجوده وانا بروح اسكن عند امي مدامها طارده صقر
نايف كاره وحاقد على صقر وماحب يدخل بموضوع يخصه
نايف بجديه / طلعت نتائج تحاليلها
عبدالله بجديه / على كلامهم يمديها طلعت لكني مارحت استلمهااا
طلع نايف الورقه من جيبه / خذها وانا باخذ الشيخ وبسبقكم لشقة
مشى نايف
رجع لامه
ام صقر بجديه / وش عنده صديقك
عبدالله بجديه / جايب الورقه وبيسبقنا لشقه ومعه الشيخ
ام صقر بحرقة / البنت ماتقوى تقوم شلون بتطلع من المستشفى
عبدالله بهدوء/ كل الي فيها رضوض و اذا طلعت معليها خلاف
ام صقر بضيقة / اجل بقول لها والله يصبرني على الي بسمعه
عبدالله بضيقة / لبسيها عباتها وباخذ نتيجة التحليل ونطلع
دخلت ام صقر وولدها راح لدكتور الي كان رافض خروجهاا لكن بعد اصرار عبدالله وافق وقبل لا يطلع سلمه النتيجه
عند ام صقر
شافت ديما جالسه بحنان / يمك الولد مستعجل على الملكه وبيملك بعد العشاء بشقة عبدالله
ديما بحرقة ووجع / والمطلوب مني
ام صقر بقهر / المطلوب انك تحذفين الي صار وراء ظهرك
ديما نزلت دموعها وبصوت موجع / يمه شلون تبيني انسى وانا خسرت اغلى شي تملكه البنت وفوقه خسرت ابوي وخالي صقررر يمه الوجع الي داخلي بسبايب اغلى صديقه وتبيني انسى خسارتي عظيمه ما تنسي
ام صقر صارت تمسح دموعها كلام بنتها نحر قلبهااا معاناتهااا محد يتحملهاا شلون بديما الي بنظرها بزر
دخل عليهم عبدالله وتاثر منهم صار يمنع دمعته تنزل لازم يكون هو الاقوى
بصوت مبحوح / يله مشيناااا
عند نوف
دخلت غرفة بنتها النايمه قربت منها وجلست على طرف السرير وصارت تهزها على خفيف / شوق قومي الحين المغرب جننتيني وانا اصحي فيك
شوق بتعب / يمه لي يومين صاحية
نوف بجدية / وصلاتك
شوق بتعب / العلة جتني الفجر يعني ماصلي تكفين خليني نايمه لين اقوم من نفسي
وقف وبحنان / طالعه وانتي كملي نومك لبكره
طلعت برى نزلت لصاله اخذت جوالها واتصلت على ولدهااا
عند سالم ولد ناصر
جالس بالمطعم مع ثامر شاف رقم امه استغرب لانها من زوجها لعمه وهي ما تكلمه هو الي يتصل عليهااا
على طول رد / اهلييييين بالغاليه
نوف موجوعه على عقابها لولدها / شخبارك
سالم بابتسامه / اكيد مبسوط مدامك سامحتيني وكلمتيني
نوف بجديه / اذا صدق تبيني اسامحك وانسى الي سويته تجي الاربعاء الجاي لزواج اختك واي شي اطلبه منك تسويه
سالم بحب / على اني مضغوط هالاسبوع لكن لخاطر رضاك بجيكم الثلاثاء بطيارة عمي ابو ثامر
نوف بقسوة / اهم من جيتك تنفذ الي ابيه منك وانت ساكت
سالم بجدية / من عيوني
نوف / مع السلامه
انهى اتصاله من امه وناظر بصديقه
التفت على صديقه / امي تبيني احضر زواج شوق
ثامر بجديه / عندك امتحااااااان
سالم بهدوء / الاختبار ملحوق عليه اهم شي رضاها علي
بحضر الزواج وارجع ثاني يوم
ثامر بستغراب / مستغرب خالتي كيف قدرت تقسى عليك
سالم بضيقه / استاهل ابي خيرها وضريتهاااا لكن كله بسبايب شوق
ثامر بجديه / سواتك قوووووووويه انت واختك ولا تزوجون امكم بدون علمهااا وانتم متاكدين انها تكره عمكم
تنهد سالم وبضيقة / كل ماتذكر سواتي اكره نفسي اني كنت سبب دموعهااا
وزعلها علي ذابحني لكنها هانت قالت لنفذت مني الي اطلبه منك رضيت عليك
ثامر بشك / اخاف الي بتقوله اقوى من انك تنفذه
سالم بقهر/ بانفذ لها وانا ماكل تببببببببببن سواتي فيها للحين معذبتني
عند نوف
قفلت الجوال من ولدهااا ودخلت غرفتهاا فتحت الدولاب وطالعت بالفستان الي ماتخيلت بعمرها بتلبسه
وبحقد / تبيني اصير شغاله بعرسك بتشوف منهي الشغاله ياتركي الزفت
وجود ولدهااا ضروري لها بتستمد منه القوة
ماتبي احد يدري بالي ناويه عليه متاكده شوق بترفض و ماتضمن ردة فعل مها
لكنها مصره على الي براسهااا وبنفس الوقت مرعوبه من المواجهه لكن الي متاكده منه ان الي بتسويه بيبرد قلبها بتركي
عند عبدالله
من طلعو من المستشفى والكل ساكت وصلو للعمارة
ام صقر فتحت الباب ونزل وفتحت الباب لديما قرب منهم عبدالله وصار يساندها لين دخلها الشقه
دخلها غرفته / اكيد نايف والشيخ جاين بالطريق
ام صقر بحرقة / روح استقبلهم بالمجلس
طلع عبدالله وام صقر نزلت عباة بنتهاااااااا الي مثل الصنم
ام صقر برجاء / يمه انتي عروس ابيك تلبسين شي زين قدام الرجال
ديما بحرقة / بيشوفني مثل مانا
ام صقر برجاء / يمك ماهو زين تستقبلينه بهالبجامه الي لبستهااا
ديما بصوت مخنوق / دخيلك يمه لا تجبرني على شي مابيه مايكفيك اني مجبوره على الزواج
ام صقر وعيونها على ديما / والله يابنتي استحي يشوفك بهالبس وكانك معه سنين مو كان اليوم اول يوم لكم مع بعض
ديما باصرار / اول ولا اخر لبسي ماني بمغيرته
عند نايف
وصل لمكتب الشيخ اخذه واتصل على صديقه الي قال انه بالشقه
بدا يحس برهبة وقلق وارتباك من الزواج والمشكله انهم بيبقون الليله سواء هي منهاره وهو مايعرف يتعامل مع البنات
وصل لشقه اخذ نفس عميق يهدي ربكته وخوفه من يصدق انه نفسه الي كان يتكلم مع عبدالله وامه بجراءه لكن اذا جاء الجد تغيرت الامور
الشيخ / ياولدي لنا نص ساعه وحنا جنب هالعماره تراني مرتبط مع ناس لا تاخرني عليهم
نايف باحراج / السموحة ياشيخ
الشيخ بهدوء / مسموح ياولدي
نزل نايف ونزل الشيخ شايل شنطته وصلو فوق ونايف زادت رجفته
ما كان يتمنى يتزوج بهطريقة السكاتيه كان نفسة يفرح كمعرس واحبابه حوله تنهد وطق الباب دقائق وعبدالله يفتح لهم
دخل الشيخ وهو وراه جلسو بالمجلس صب عبدالله فنجال قهوه ومده لشيخ وقرب من صديقه الي واضح انه متوتر
الشيخ ببجديه / يابوك ناد العروس اسمع رايها بهالطيب
وقف عبدالله / ان شاء الله
دخل لداخل شاف امه جالسه وديما متمدده على السرير بالبجامه
عبد الله بجديه / الشيخ بيسمع موافقتهااا
ديما بضيقه / جيب الدفتر اوقعه ماني متحركه من فراشي
عبدالله برجاء / واذا قلت علشان خاطري وخاطر جدتك
قرب منها ووقفها وهي استجابت له وصلها عند الباب الفاصل القريب من مجلس الرجال
دخل وعيونه على الشيخ / حياك
وقف الشيخ مع عبدالله وقفه قدام الباب وبهدوء/ البنت وراء الباب تسمعك
الشيخ بجديه / يابنتي ترضين بنايف ال... زوج لك
كل الاحاسيس الموجعه تحسها ديما بهاللحظه صارت تبكي
كرر الشيخ كلمته / ترضين بنايف زوج لك
ام صقر كانت وراها وتقطع قلبها على بنتها الي تبكي بصوت مكتوم
ام صقر بهدوء / ايه ياشيخ موافقه
الشيخ / لازم اسمع الموافقه منهااا
ام صقر اطالع ديما بنظرات رجاء
ديما بلعت غصتها وحرقتها وبصوت ضعيف موجوع / ايه
رجع الشيخ للمجلس وفتح الدفتر وصار يسجل فيه التفت لعبدالله / البنت لها شروط
عبدالله وعيونه على نايف ماتوقع بيوم بيزوج اغلى شخصين على قلبه لبعض
/ ايه ياشيخ اولهاا مايمنعها من الدراسه
الشيخ / والمهر
نايف سحب الظرف من جيبه / هذا مهرهااا
واذا كان ناقص بزوده
عبدالله اخذه منه / احنا نشتري رجال
الشيخ يلتفت بالمجلس / وينهم شهودكم
طالع نايف بعبدالله والعكس مايدرون كيف نسو الشهود وان وجودهم لازم باتمام العقد
عبدالله رفع جواله واتصل على اثنين يعرفهم من سكان العماره وقال لهم انه محتاجهم يشهدون دقائق وهم داخل بعد ماوقع ووقع نايف
مد الشيخ الدفتر لعبدالله / خلها توقع
اخذه منه ودخل عند ديمااااا الي وقعت بحرقه لولا جدتهاا ماوفقت على الي يصيررر
اخذ منها الدفتر وسلمه لشيخ
وقف الشيخ / ابيكم ترجعوني لبيتي
وقف نايف يتهرب من الانفراد بعروسه / انا بوصلك
عبدالله بجديه / لا تطول باخذ امي وبنرجع لبيتنا
نايف بارتباك / دقائق وانا عندكم
طلع نايف مع الشيخ وعبدالله دخل داخل
عند ديما
بعد ماوقعت حضنتها جدتها / مبروك يابنتي وعساه العوض
ديما زاد نحيبها بحضن جدتهاااااااا الزواج عقدتها الازليه شلون بهالظروف
ام صقر تمسح دموعها / يابنتي ارحمي حالك وارحمي جدتك العجوز
سحبت نفسها من حضن جدتهااا الي ساعدتها توصل للغرفة
جلستها على السرير / يابنتي مايحتاج اوصيك بزوجك ابي كل طيب يطلع منك ترى الرجال بدنيته وحيد وخليك كل اهله و صيري شريكته بكل شي اكسبيه باخلاقك وروحك الطيبه
زاد نحيبهاااااااا هي بقايا انثى شلون ينطلب منهااااااا تعطي
دخل عليهم عبدالله الي اوجعه قلبه على ديما عروس بالبجامه وفوقه تنتحب ياقسيها الظروف الي خلتك بهالحالة بيوم عرسك ياديمااا باذن الله نايف يقدر ينسيك
قرب منهم وبحرقه / مبروك
طالعته وزادت شهقاتهاااا
عبدالله جلس مقابله / الي ماخذه نايف يسعدها ويهناها بدال لا تفرحين تنتحبين
خافي ربك بجدتك الي حرمتيها تفرح بزواجك
ديما بصوت باكي موجوع / مخنوووقه ياعبدالله والله مخنوقه ماني قادرة اتحمل نفسي شلون برجال الي راميني بحلقة
عبدالله بعصبية / ديمااااااااااااا الرجال خاطبك ولولا اصراره مارضيت فيه بهظروف
ام صقر بصوت باكي / وينه صديقك
عبدالله بحرقه / راح يودي الشيخ وبيرجع والله يعينه على الي بيشوفه ويسمعه
ام صقر بهدوء / بنتي عاقله ماهي غلطانه بحق رجال ربي قربه وصار زوجهااا وتعرف عقوبة زعلة
عبدالله بجديه / يمه البسي عباتك بنرجع لبيتنا
ام صقر بصدمه / ونتركها وهذا حالهااا
عبدالله بجديه / وجودنا ماله داعي وزوجهاا موجود
وحط المهر جنبهااا / وهذ مهرك مثل كل البنات واذا ماعجبك بيزيده والدراسة شرطك
صدت عن الظرف المحطوط على السرير
سمع صوت الجرس
طلع شاف نايف بقسم الرجال / لا وصيك عليها ترى انت خابر حالتهااا
نايف بارتباك / لا تخاف عليها وهي معي وتاكد بحطها بعيوني
عبدالله بحزن موجع / تحملهاااااااا يمكن بتسمع منها شي يوجعك لكن اعذرها الي مرت فيه مو سهل وزواجهاا بهالظروف غلط
نايف بابتسامه ارتباك / عبدالله شوي علي تراني مرتبك وخايف و انت زدتهاا علي تعرفني جاهل وماعرف اتعامل مع البنات
قربت منهم ام صقر وبحزن / امانتك ديمااااااااا ولولا ثقتنا فيك ومتاكدين بتصونهااااا مازوجنها لك وهذا حالهااا
قرب منها وباحراج باس راسهاا / ان شاء الله اكون قد الامانة
فتح عبدالله الباب سبقته امه وهو قبل لا يطلع
بحرقه / البنت مكسره مو قادره توقف على حيلها خل بالك منهاا
نايف انحرج من كلام صديقه / طيب
نزل وبقى نايف وديما بالشقة لحالهم ديما المنهاره ونايف المحروم من الجنس الانثوي
عند ام صقر
كانت واقفه برا الشقه تنتحب سمعت ولدهاا / يمه اسكت بديما تبكين والله تعبت
ام صقر مسحت دموعها بطرف شيلتهاا / يا حر قلبي على حالها ولا فيه عروس هذا حالهااا
عبدالله بضيقة / لا تشيلين همهااا ونايف زوجهااا
ام صقر بحرقه / الولد ماينعاب لكن البنت من زمان كارهه الزواج والحين اكثر من اول
وفجئة تلقاء نفسها متزوجهاا وزجها عندهاا
عبدالله / الله يهديهااااااااا
نزلو الدرج وركبو السياره
ام صقر بحرقه / مر على بيت صديقة اختك
عبدالله بجديه / تعرفين عنوانهااا
فتحت الشنطه وطلعت جوالها الي اخذته من الشقة واتصلت على منى لكنهاا ماردت واتصلت على سميه وبعد السلامات قالت بتمر تاخذ بنتها سمية ماعارضت لان الخطبة والملكه بتصير في بيت اهلهاا ولازم وجودها
عشر دقائق وقفت السياره مقابل بيت سميه الي كانت واقفه بعباتها جنب منى
ركبت مني وام صقر نزلت وسلمت على سميه
باحراج / اعذرينا يابنتي تاخرنا عليهاا لكن الله عالم بظروف الي اشغلتنا عن بنتا
سمية بهدوء / منى منوره بيتي والله اني بفقدهااا
ام صقر بجديه / عساك سالمه ماقصرتي
سميه بجدية / خالتي بنتتم الخطبه وماجد مستعجل على الزواج
ام صقر موجوعه من الظروف الي زوجت فيها بناتهااااا
ام صقر بحرقه / خليه يجي بالوقت الي يناسبه
سميه باحراج / خالتي ماجد يبي زواجها بنفس يوم ملكته
ام صقر بحرقه / الله يقدم الي فيه خير مع السلامه يابنتي
رجعت سميه لبيتهاااا وام صقر ركبت جنب ولدهااا وحرك عبدالله سيارته
التفت على امه و بهدوء / طولتي معهااا عساه خير
ام صقر بهدوء / بيجي اخوها يملك على منى
وقف سيارته من صدمته من كلام امه
عبدالله بصدمه/ يمه وش قاعده تقولين
ام صقر بحرقه / الرجال بيخطبها منك ويبي الزواج بيوم الملكه
عبدالله بصدمه / منى مريضه وينها وين الزواج
ام صقربحرقة / اذا تزوجت طابت
عبدالله بقهر / يمه شلون البنت وامها يتزوجوون بنفس الاسبوع وبدون عرس الناس بتاكل وجهيناااا
ام صقر بحرقه / معلينا من كلام الناس مدام ماسوينا حرام
عبدالله بضيقه / ديما امنا بالله وزجناه لصديقي لكن منى ليش تبينها تتزوج وهذا حالهااا
ام صقر بحرقة / الزواج علاج اختك
عبدالله نزلت دمعة قهر / يمه ماني بعجزان اعالج اختي تبيني اسلمهااا لرجال ماني بواثق فيه وهي مريضه وكاني ابي الخلاص منهاااا
رق قلبها على دمعة ولدهااا / الرجال فيه خير مثل صديقك اذا ماكان احسن
عبدالله حرك سيارته وداخله حرقه على هالثنتين الي ذاقن من الويلات الكثير والمشكله زواجهم بنفس الظروف وهو عاجز يوقف هالزواج مايبي يشوف ضعف امه ودموعهااا
عبدالله بصوت مبحوح / وش عرفك ان فيه خير يمكن اردى من سلطان ويعذبهااا
ام صقر بهدوء / الرجال ميته زوجته ومحتاج ام لبناته واختك متعلقه بهالبنات وحابتهم
عبدالله بحرقة وقهر / بيستغل فقدها لعيالها وتصير شغاله لبناته وتقولين فيه خير
ام صقر بجديه / اختك موافقه عليه ولا بتحرم اختك الزواج
عبدالله بصدمه / منى موافقه
ام صقر بتاكيد / ايه
كمل طريقه وهو ساكت ماله كلام بعد موافقت اخته
عند نايف
وقف مقابل مراية بقسم الرجال وصار يضبط شكله بتوتر / زين اني من يومين حالق
تامل شكله كان لابس ترنق رياضي
نايف بسخريه / فيه معرس يدخل على عروسه بترنق رياضي
قرب من المغاسل وحمد ربه ان عبدالله ناسي عطره قرب من المغسله وسحب العطر وصار يبخ على نفسه بعشوائية
بعد ماخلص وبنفسه / ادخل الحين والا انتظر شوي
طق الباب الداخلي بعده دخل صارت عيونه ادور بالمكان بيعرف أي غرفة موجوده فيهااا
غرفة عبدالله فاتحه ومافيهااا احد اكيد بغرفته
وقف مصنم مقابل الباب وبحيره / اطق الباب ولا ادخل بدون ماطق
لقى نفسه يطق الباب ماسمع رد
نايف بضيقه / واذا دخلت وش اول كلام اقوله ياليتني شاري كتاب عن الزواج يثقفني
سمع شهقاتها الموجوعه انعصر قلبه على حالهاااا
في نفسة / شلون بدخل وهي تصيح اخاف تحذفني بقرب شي عندها عبدالله قال تحملهاا الله يسترررر والله بعمري مامريت بموقف صعب هالكثر
وقف مده طويله مقابل باب الغرفه يحاول يراجع ويحفظ كلمات يقولها لهااا
فتح الباب بايدين ترتجف دخل وعيونه بالارض ماتجراء يرفعهااا على انها حلاله بعمره مارفع عينه في بنت
نايف بارتباك / حمممممم الس لاااااااام عليكم
رفعت راسها وتفاجئت من وجود رجال غريب قدمهاا شلون غريب وهو زوجهاااا رجعت تناظر يدها وتكتم شهقاتهاا
ربع ساعه واقف / ياربي وش بقول اخاف اقول كلمة وطيحني من عينهااا ياليتني سالتك ياعبدالله وش اقول
صار يقلب الكلمات براسه / اسمي نايف
حاس انا الكلمه مو بمكانها وبنفسه / صدق اني خبل اكيد تعرف اسمي وش هالوهقة
ماسمع منها رد وزاد احراجه وارتباكه / مدرس علوم مع خالك بمدرسته
ديما تسمعه ومستغربه تعريفه بنفسة وكانه بمقابلة شخصية طنشته ماردت
نايف زاد توتره و عرق بالرغم من برودة المكان
وبارتباك اكثر وبخربطة / وش تبين اجيب عشاء
ماسمع رد
وبنفسه / ياربي هذي بنت مو خويي عبدالله اسئلها عن العشاء البنات شلون يسولفون معهم والله اني دفش وبجننها معي
ديما احراج نايف وارتباكه ساعده تتجرء وتقول الي بخاطرهاا
صحاه من تفكيره الصوت الانثوي الناعم مليئ دف وحنان الي هزه هزززززززز
ديما بحرقة ووجع / مشكوررررر انك سترت علي
كلمتهاااااااا اوجعته وغصب رفع عيونها / شاف بنت حلوه كلها نعومه ووجها خالي من أي زينه برغم من الكدمات لكن جمالها حاد
نزل عيونه وبنبهااار ورجفه وفي نفسه / ياربي وش فيني صرت ارجف والله اني خايف ومرتبك اكثر منهااا والله كاني العروس مو هي
ديما وبصوت مبحوح / خذ
رفع راسه لها وانصدم من الظرف الي مادته طالعها بناظرات استفهام
ديما بشهقات مكتومه وبحرقه / مهرك ماني بحاجته
نايف بارتباك / هذا مهرك لك ومستحيل اخذه
ديما بحرقه / المهر يندفع للزوجة وانا مستحيل اكون لك زوجة
طعنننننننننننننننننننننات بقلبة الحنون عايفته مهما كان فهو رجال يرفض يعيش مع وحده عايفته وكارهته
لكنه تقبل كلامها بهدوء لانه مقدر وضعها وازمتهاا
عجز يلقى رد على كلامهااااا بدون أي تخطيط لقى نفسه يتكلم
وبهدوء / اذا كنتي رافضتني زوج فقبليني اخو الي اعرفة انتي ماعندك اخوان وانا ماعندي خوات والمهر لك مستحيل اخذه
ديما بصوت مبحوح / المهر بيخليني احس اني زوجه وبصوت باكييييي / وانا ماقدررررررر
نايف اوجعه قلبه / وانا راضي فيك اخت ومتى مارضيتي اكون زوج لك بكون اسعد الناس
كلامه ونبرة صوته زرعت الراحه بقلبهاا تجرئت تناظره
شافته بترنق رياضي ضحكت على سخرية القدر عروس بالبجامه ومعرسها بترنق رياضي
ارتفعت عيونهاا لوجهه جماله يطيح أي بنت غيرهااا لكنها ماتهتم لهشكليات
ركزت على وجهه شدتهاا ملامحه الي متاكده انها شايفتهااا من قبل طريقة كلامه وابتسامته يشبه احد تعرفة
حطت يدهااا على فمها بصدمه يشبه نوف زوجة الشايب ضاحي نسخه لها
الي تعرفه ان نوف ماعندها غير مبارك لكن هالشبه بيجننها نست حالها وركزت بنظرهاا عليه تحلف انه يقرب لهاا مستحيل يكون الشبه صدفه
انتبه لنظراتها زارد ارتباكه / يارب وش فيها اطالعني اكيد في وجهي شي غلط على اني شاف شكلي قبل لا ادخل
ابتسم / ليكون خقت عليك يانايف
الله كريم البنت ماتشوفني الا خوهااا ومستحيل تفكيرها يتعدا هالشيئ
صحااه من افكاره صوتهاا الهادي المبحوح / متاكد مالك خوات
نايف انصدم من كلمتهاا / كان عندي اخت ماتت صغيره الله يرحمهااا
ديما باحراج وبصوت مبحوح / فيه وحده اعرفها تشبهك
نايف بحراج / يخلق من الشبه اربعين
ديما مستغربة من حياااااااه المبالغ فيه ومنصدمه من جرائتهااا معه
لكنها ماتنلام نايف الي يشوفه يرتاح ويتكلم معه براحه
كانت بتوقف لكن عفست وجهاا وفهم انها تتوجع وموقادره على الوقوف
نايف باحراج / ممكن اساعدك
ديما انحرجت منها / اقدر اوقف
نايف بزعل / ياليت تعتبريني صدق اخوك وتتعاملين معي على هالاساس
وكمل بابتسامه / خليني افرح ان لي اخت
ديما تشوفه منحرج اكثر منهاا لكنها يكابر
ديماا بابتسامه غابت عنهاااااااا ايام وحلت محلها الدموع والوجع
بابتسامه احراج / خلني اتعود عليك وصدقني
بطفشك
نايف بابتسامه / طفشك راحه
حس انها استخف دمه بوقت غلط / وش مشتهية تتعشين
ديما طيبته تجبرهاا على احترامه / ماشتهي
نايف باصرار وبابتسامه / بتتعشين علشان يصير بينا خبز وملح
ديما وعيونها على يدها وباحراج / على ذوقك
نايف بابتسامه / اذا على ذوقي عشيتك كبسة
ديما باحراج وضيقه / والله ماشتهي شي وتكفيني سندويشه
نايف بمزح شبابي / افا ياذ العلم تبيني اصير بخيل واعشي اختي سندويشه
ديما باحراج / الي بتجيبه باكل منه
نايف بابتسامه / بعشيك على ذوقي مو تقولين اخوي ماعنده ذوق بالعشاء
من كثر مايعيد كلمت اختي صارت تشوفه صدق اخوهاااا وحبت هالاحساس كانت تتمنى يكون لها اخو اكبر منها مثل صديقاتها صحيح لها خوال لكن وجود الاخوان ناقصهااا
طلع وهو فرحان بوجود الانثى بحياته متاكد بتصير الشقة احلى
وهي رجعت تتمدد على سريرها تتمنى وجود نايف كاخووو ينسيهااا الي مر عليهااا
تنهدت بحرقه / يارب
بعد مده دخل عليها نايف بعد ماطق الباب / يله قومي تعشي
اعتدلت بجلستها / اسبقني وبلحقك
صار يتصرف بطبيعته وكلامه معها زال كل الاحراج والاتباك
نايف بابتسامه / ماني بطالع الا وانتي قدامي
حاولت تضغط على نفسها وتوقف / هالمره بساعدك غصب عنك
قرب منها وجها قلب الوان من الاحراج حط يده ورا ظهرها ونعومة جسمها الانثوي خلته يتكهرب تمنى انه ما تهور وقرب منهاااا
بسرعه سحب يده من ظهرها ومسك يدهاا
وبارتباك ورجفه / يله قومي
ارتاحت انه بعد يده عن ظهرها وقفت معه
وصلها للمطبخ حاول يكون طبيعي مع ان قربها منه مو طبيعي فهو رجال وهي زوجته وشكلها بالبجامه البناتية الضيقه كهربته وخربطت حاله
يحاول مايقرب منهاااا لان قربها منه موجع له
صار يحركها من بعيد
جلسها وجلس مقابلهااا
ديما عيونها على السفرة المبسوطه على الارض ومنفجعه من كثر الاكل
مشويات وسندويشات وبيتزا و وجبات سريعه متاكده انهم من اكثر من مطعم
نايف بابتسامه / سمي بالرحمن واكلي
ديما بصدمه / الاكل كثير
وكمل بابتسامه / احترت مدري وش يعجبك مريت كل المطاعم الي اعرفها اخذت منها قلت اذا ماعجبك واحد اكيد بيعجبك الثاني
بدفاشة رجوليه يقطع الخبز ويحذفه بجهتها
اخذت خبز وصارت تقطعه صغير وتاكله على الناشف نفسها مسدوده عن الاكل
يسرق النظرات لها شافه ماتاكل / ليش ماتاكلين ليكون الاكل ماعجبك
ديما باحراج ومستحيه تاكل قدامه / ماتعودت اتعشا ثقيل
نايف وعيونه على السفره وبزعل / بتاكلين والا اكلتك بالغصب ماجبت العشاء علشان ارميه
ياشر على الصحون / ابيك تاكلينهااا كلهاا
انفجعت معقوله يبيها تاكل كل هالاكل
توقعاتكم
البارت الجاااااااااي بارت خاص بزواج تركي وركان
ويتخلله مقابلة نوف مع اخوها
الى اللقاء الاسبوع الجاي
اختكم نسايم نجد
|
21-11-12, 02:19 PM
جديد مواضيع قسم الارشيف
العرض العادي
