كاتب الموضوع :
نسايم نجد
المنتدى :
الارشيف
رد: يادنيتي يكفيني عذاب
ياهلاااااااااا ومليون مرحباااااااا بالمشاركات الجدد واقول وجودكم زاد الصفحه نور لخلا ولا عدم
الاخوات الي كاسر خاطرهم تركي ومايبوني اعذبه اقول لكم توه عن العذاب الي راسمته له
مثل ماعذب بيتعذب ( وان شاء الله النهاية بتزين )
كنت بنزله بوقته لكن بين كل جزئية وجزئية يقفل المخ لان يحتوى على كومة مشاعر ابيها توصل لكم مثل ماهي ( بذات جزئية ديما )
البارت هذا اعتبره اصعب بارت مر علي ( بتعرفون هالشي اذا قريتوه )
الرجاء عدم طمر السطورررررررر
البارت السادس والثمانون
في سيارة عبد الله
قلبه اوجعه على نحيب امه
ام صقر بنحيب / ياويل قلبي عليك يابنتي ما يكفيها القهر الي فيهاا
عبد الله بامل / صقر يحبهااا مراح ياذيهااا
ام صقر بصوت باكي محروق / اخوك محروق قلبه والقهر معمي عينه والله الي شفته مو صقر ولدي واحد الشيطان بين عيونه
عبدالله بحرقه / ادعي ربي يحميهاا منه
ام صقر بنحيب / يارب انك تحميها من صقر وتردها لحضني
عبدالله تلفت يتمنى يشوف سيارة اخوه وكانه يبحث عن ابره بكومة قش
عبدالله بصوت باكي / يمه قولي وين بلاقيهم
ام صقر بشهقات موجعه / وش يدريني وينه ماخذهااا
عبدالله بصوت باكي / يمكن يهون عن ذبحتهااا صقر مهما كان قلبه مايطيعه على ديمااا
ام صقر برجاء / الله يسمع منك
عند صقر
ما رحم شهقاتها الموجعه ولا فكر يلتفت عليهااا داخله حقد وقهر منهاااا
نحيبها وشهقاته ماتجي بحر الوجع الي بداخله يبي يدفنها حيه يمكن تحس اش كثر عذبته ودمرته بسواتهااا
اختار طريق مافيه تفتش ولا اشارات مرور مايبي شي يوقفه وياخره عن الي ناويه
بعد ساعه وصل لمزرعه مهجوره صاد فيها من فتره مروجين مخدارات متاكد انها المكان المناسب لجريمته
دخل مسافه طويله داخل المزرعه
انتبهت للظلام الي غطا المكان هي من اخذها وهي متاكده انها مذبوحه لكن لسانها انربط ماقدرت تنظق بحرف واحد تتوسله وتترجاه وتاكد له انها تتعذاب عذاب لو وزع على العالم لزاد
نفسها ترتمي عند رجوله وتقوله مستحييييييييل اخون ثقتكم وتربيتكم واسوي هالجرم العظيم تشوف نفسها نجسة لو نظفت نفسها بكل منظفات الكون مانظفت
مووووووووووووجوعه انها زانيه وغصب عنهااا خايفه ان عقوبة الزنا تشملهاااا
نفسها تبكي و تصرخ باعلى صوتهااا وتقول كل الي صار بسبت غدر الصديقه
شافت السياره توقف في مكان كله ظلام الا من انوار السياره
صارت ترتجف صحيح تمنت الموت لكن انها تموت بهالمكان مقتوله هذا شي مرعب
رفعت يدها ومن بين شهقاتها الموجعه / اللهم انك تعلم ما خفي وما اعلن اللهم انك تعلم اني مظلومه من هالذنب اللهم اذا موتي بيد صقر طهاره لي من الزنا فياااااااااارب طهرني اللهم خفف عني نزعات الموت ) وزادت شهقاتهااا
نزلت السكينه والطمانيه لقلبها وهدات حالة الخوف وخف بكاها لانها ناجت واشتكت لرب العالمين وواثقه ان الي كاتبه ربها فيه خير
شافت خالها ينزل دقائق الا بابها ينفتح ويسحبها بقسوه
نزلت معه بهدوء عكسها قبل دقائق
عند نايف
وقف سيارته وطفى انوارها كانت انوار سيارة صقر تكشف الي يصير قدامه
نايف بصدمه / ليه جايبها بهالمكان المقطوع
خلي انزل اشوف سالفتهم فتح بابه ونزل
وقف بعد خطوات عن صقر يقدر يشوف الي قدامه يجهل السبب
عند صقر
فاجئها صقر انه رماها بقسوة على الارض وصار يرفسها برجوله بعنف وهي اطالعه
مصدومه شلون حنانه عليها ودلعه انقلب للقسوة والعنف الي تشوفه
صقر كان يضربها ودموعه تنزل وشهقاته الموجعه ترتفع
صقر تفوووووووو عليك / يال .......ويال....... كل الالفاظ السيئة قالها وهي توجعت من كلماته اكثر من وجع ضربه
عند نايف
انعصر قلبه وهو يشوف صقر يضربها بعنف حاول يتقدم يمنعه لكن رجوله عجزت تسيره
نايف برعب / يويلي شكله بيذبحها وشهي الجريمه الي تستاهل انه يجيبها بهالمكان ويضربها كل هالضرب
سمع صقر يتلقظ عليها بالالفاظ يستحي يسمعهااا معقوله هذا صقر الي الكل يشهد باخلاقه
وش الشي الكبير الي سوته هالبنت تستحق من صقر كل والضرب و الكلام
عاجز يحميها وهو جاهل بموضوعهم و ماله صلاحية يتدخل
نايف بجديه / والله ما ضربها صقر كل هالضرب وقال لها كل هالكلام الا انها مسويه شي يسود الوجه
لما شاف صقر يزيد بضربهاا اوجعه قلبه عليها
في نفسه / يارب رحمتك والله بتموت بين ايدينه مالي الا اخوه يمكن يقدر يخلصها بين ايدينه
رفع جواله واتصل على عبدالله لكن مافي رد
نايف بقهر / رد يرحم غالينك
رجع اتصل لكن مافي رد / اوووووووف والله مو وقت تطنيشك
عند عبدالله
سمع صوت جواله شاف رقم نايف لكن الحاله الي هو فيها ماتسمح له يكلمه طنش الجوال وحط جواله على الصامت
عند صقر
بعد ما تعب من ضربها وتاكد انها بتموت من ضربه
جلس على ركبته ورهااا وكل اوجاع الكون يحسها صقر هاللحظة
بشهقات وبكاء موجع وبضعف / ليه خنتي تربيتي لك قولي شي واحد يستاهل انك تبيعين نفسك لواحد خسيس بالحرام ماحترمتي بيتنا وخليتيه مكان لوساختك
وبصراح موجع / ليييييييه كسسسسسسسرتيني ليه خليتيني اذبحك ليييييييييييييه
عند نايف
اوجعه قلبه على صقر وتاكد من صحة شكوكه بهالبنت وحقد عليها انها ما حافظت على نفسها وخانت اهلها مع واحد والقهر في بيتهم لهدرجه مستغفلتهم
لكن محتار من تكون هذي الي سببت لصقر كل هالحرقه والوجع الاكيد انها غاليه
نايف بحقد / معقوله زوجته لكنه توه مالك عليه
عند صقر
بعد ثواني من نحيبه الموجع وقف يتظاهر بالقوة لكن شهقاته المؤلمه تفضح اشكثر هو منهار وضعيف / هذا اقل عقاب لك انك تمويتين بهالمكان وتصيرين عشا للكلاب
مشى من قدامهااا وهو منحني الظهر ديمته بنته تخونه وبيده يذبحهااا شيييييييي عظيم وكبير على صقر الانسان الحنون يتحمله الكل يعاتبه ويلومه لكنه ذبح روحه بذبحه لديما لكنه بيرد اعتباره المزيف
ديما بحرقة وقهررر وووجع وبصوت تتمنى يوصل لخالهااا / معقوله انت خالي وينها طيبتك علي وينه حنانك والله ماخنت تربيتكم برضاي الي صار حتى انا مادري شلون صار
عيونها عليه لين حرك سيارته وابتعد عن المكان
مستحيل تصدق ان خالهااا الي جابها بهالمكان والي ضربهااا اكيد انه واحد يشبه خالهاااا كله قسوة مارحمهااا ولا انتظرها تقول الي عندها حتى المحكوم عليه بالاعدام يخلونه يقول الي يبيه قبل لا ينفذون فيه القصاص
تذكرت نحيبه وشهقاته الي طالعه من قلب محروق مقهوررر
ديما بصوت باكي موووووووجوع / ليييييييييييش ياخالي تبكي ياليتك ذبحتني بدون لا تنزل دموعك والله ان دموعك وشهقاتك اقوى علي من كل الوجع الي فيني
معقوله انا سبب وجعك ياخالي ياليتني مت قبل لاشوف وجعك واكون سبب هالوجع
على حالها السي ووضعها المحزن
لكن قلبها مفطور الم ووجع على خالهاااا
بهاللحظة تمنت امنيه وحده قبل لا تموت تشوف سلوى
ديما بشهقلت موجعه / يارب مابي غير امنيه وحده قبل لا اموت اشوف سلوى وافهم ليش رمتني بهالمصيبه
مازالت مرميه على الارض وكل ذره بجسمهاا تصرخ وجع غير الوجع الداخلي الي اضعاااااااااف وجعها
طاحت يدها على صخره مزروعه بالارض صارت تضغط عليها بالم يمكن يكون متنفس لهاا
ديما بصراخ باكي / ااااااااااااااااااااااااااااااااه
صارت تئئئئئئئئئن ونات موجعه
عند نايف
يسمع ونينها الي يفجر قلب الحجر شلون بقلبه الرقيق
مع انه يشوفها تستاهل وهذا جزاء خيانتهااا لكن قلبه ماطاعه يتركهاا بالمكان وهي بهالحالة
لما شاف صقر يختفي ركب سيارته وقرب اكثر
عند ديما
شافت النور يرجع لكن نايف خفف النور علشان ما يكشفهاااا
تاكدت ان خالها رجع لها مستحيل يتركها بهالمكان
رفعت راسها تناظر انصدمت ان السياره مو سيارة خالها والرجال الي ينزل واحد غريب خافت على نفسها من هالغريب الي اكيد استغل وضعها لصالحه
بصوت ضعيف / يارب
سمعت خطواته تقرب الموت عندها اهون من انها تكون فريسه لذيب ثاني
الضعف الي تعانيه والوجع يمنعها ادافع او تحمي نفسها اذا قرب منها لفت عنه وبصراخ باكي مؤلم / ابععععععععععععد
فز مرعوب من صرختها كان يضنها من بعد ضرب صقر ميته او مغمي عليها لكنها حية وبوعيهااا وقف وهو معطيهاا ظهره
تنحنح يجهل وش بيقول
صرخت ديما برجاء ضعيف / الله يستر على امك وخواتك وزوجتك وبناتك بعد عني لا تاذيني
وبشهقات موجعه / والله اني اخاف الله وماني مثل ما تتخيل
نايف بارتباك وقهر / ليش خنتي اهلك وخليتي جزاك الذبح
ديما بصوت كسير موجع / والله اني مظلومه وربي شاهد على ظلمي
وبصوت موجع / سالتك بالله ابعد عنننننني تراني اخاف الله والي فيني ثمن الصدقه
كلامها وصوتها ياكد له انها مظلومه لكنه مافهم وش قصدها بثمن الصداقة
نايف بارتباك / ماني ناوي اضرك لحقت صقر بحميك منه وماقدرت ادخل بموضوع اجهله والحين بساعدك
ديما بحرقه / تساعدني وتحميني من خالي روح الله يستر عليك خالي صدق فيني وهذا الي ذابحني
نايف بدون شعور وبصدمه / انتي ديمااااااااا
ديما بحرقه موجعه / وصلت لك فضيحتي
نايف بتاثررر / انا نايف صديق خالك عبدالله
يا لسواء الحظ والقدر الي حطهاا قدام الشخص الي رفضته اكيد بيتشمت فيهااا
ديما بصوت مجروح / ما تعودت اتكلم مع غريب روح لا تحدني على شي اكرهه
نايف داخله يصرخ / والله مظلوووووووووومه وظليمتهاااا واضحه للاعمى
لكن وش الي صار عليهااااا
ديما بشهقات موجعه / لو سمحت ماني قادره اتحرك تكفى / اتصل على خالي عبدالله
كلمة تكفى انتقض لها نايف
نايف متاثر بوضعها كثير وماسك دموعه غصب
/ كلمته بدال المره عشر ومايرد على جواله
ديما بشهقات / اجل روح لهلك وخلني لمصيري
ماقدر يتحمل ضعفها وانكسارها غصب نزلت دموعه
وباصرار / ماقدر اخليك واروح
رفع جواله و اتصل على عبدالله لكن مافي رد
نايف بصوت مبحوح / مايرد قولي وش اقدر اسويه لك وبسويه
ديما بشهقات موجعه / الشمس بتشرق وانا بدون لا عباية او غطاء يسترني روح يكفيني حالي
نايف باصرار / قلت ماقدر اتركك تبيني اتصل على احد غير عبد الله اتصلت لكن اني اتركك لا
ديما بشهقات / اتصل على جدتي يمكن ترد
نايف مسك جواله ينتظرها تقول له الرقم لكنها ساكته
نايف بجديه / عطيني الرقم
ديما بوجع / اعطته الرقم وهي متاكده ان جدتها مراح ترد على ارقام غريبه بالليل
اتصل على ام صقر الي ناسيه جوالها بالشقه
نايف بقهر / ماترد
نايف حب يطمنهاا / ببقى لين يرد علي عبدالله ويجي ياخذك
جاوبته بشهقاتها المووووووجعه لقلبة الرقيق الحنون
تكره وجود هالانسان معها بهالمكان صاير وجوده حمل ثقيل عليها تخاف بوجوده معها يزيدها ذنب فوق ذنوبهااا
وهو كل خليه بجسمه تنزف وجع وحرقه على حالها واضح وضوح الشمس انها مظلومه شلون صقر خالها القريب منها ماصدقها وهو الغريب يحلف مليون يمن وعظيم انها مظلومه
نايف من بين دموعه / استهدي بالرحمن اكيد عبدالله مشغول والحين بتصل عليه وبيرد
اتصل عليه ومافي رد
ديما ماتبي وجوده الي يزيد وجعها / روح معي رب العالمين والي معه ربي مو بحاجه لخلقه
نايف باصرار وهو يمسح دموعه / اذا وجودي قريب منك يضايقك اركبي سيارتي وانا بجلس هنا
ديما بصوت ضعيف / لو سمحت ابي شي يسترني
منقهر ان مامعه شي ولو خفيف يمكن يسترها
لقى نفسه يفك ازرار قميصة وهو منحرج بعمره ما كشف صدره لاحد حتى عبد الله بعمره ماشافه يستحي منه
نايف باحراج / والله ماعندي شي غير قميصي وفسخته علشان تتغطين فيهااا
مشى بيقرب منها وهي صرخت / لا تقرررررب احذفه علي
حذفه اخذته ما هتمت وش تكون كل همها تستر راسها وذراعها المكشوف جلست بصعوبه معرضه السياره ظهرها حطت القميص على راسها وغطت كتوفهااا
وهو حط يده على صدره يستر فيها نفسه
مايدري شلون بيبقى بهالوضع الليل ساتره لكن اذا اشرقت الشمس مصيبة
تمنى عبد الله يجي ويخلصه من الوضع الي هو فيه
رجع يتصل لكن مافي امل انه يرد
ركب سيارته ارتاح وهو يشوف التظليل الخاص بالسياره اخذها وغطى فيها صدره العاري
عيونه عليهاااا وهو ما يشوف الا خيالهاااا لان نور السياره ضعيف
انتبه لكيسه قدام كانت مويه وعصير باقيه من الي شربهم
نايف بحنان / اكيد بحاجه لشي تشرف اكيد صياحها نشف ريقهااا
اخذ الكيس وفتح باب السياره ونزل
نايف بارتباك / جايب لك مويه وعصير اشربيهم
ديما بصوت باكي / رجعهم ماني بحاجتهم
نايف باصرار / يابنت الحلال اشربيهم اكيد ريقك ناشف
قرب اكثر مد يده وهو بعيد وحط الكيس جنبها وهي ارتجفت من قربه
بسرعه ابتعد عن المكان ماهتمت للكيس ولا قربت منه
عيونه عليها وانقهر وهو يشوفها ماخذت الكيس
اخذ جواله واتصل على صديقه ومافي رد
نايف بصرخ / اووووووووووووف منك كل هذا تطنيش ارحم حالي وحال بنت اختك ورد
رجع اتصل ونفس الشي
عند نوف
طلعت من غرفتها بتشوف بنتها طقت الباب
وبعده دخلت شافت ساره جالسه بعباتها وشوق عند التسريحه
قربت منهم بابتسامه / شخباركم ياحلوات
ساره تاملت لبس نوف الجريئ ونزلت راسهاا
انتبهت لها شوق وابتسمت / سارونه بتتعبين اذا بتستحين من لبس امي
ساره انحرجت من كلام شوق نوف قربت منهم وبمزح / ليكون كلام شوق صدق
رفعت ساره رسهااا ومازالت منحرجه من الفتنه الي قدامها / شوق خبله ماينوخذ بكلامهااا
نوف عيونهاا على شوق وبسخريه / عمك تركي بيتزوج وزواجه بيكون معك
شوق شهقت وبصدمه / عمي هذا ما يشبع وما يطفش من العرس وهالمره منهي العروس
نوف بسخريه / مدري يمكن مصيبة يبيها تذبحني مدام زوجته ماسوت شيئ
ساره بستغراب / من قال لك
نوف بحقد / اخوك المحترم كلمني يبيني احضر زواجه
شوق بضيقه / اوووووف من عمي مالقى يحط زواجه الا بيوم قرفي
نوف بسخريه / اشوفك متحمسه لزواجه كانها اول مره ولا اخر مره
ساره منحرجه من تصرف اخوها وتوقعتها منقهره من زواج تركي مرتين عليها بدون مايهتم فيهاا
ساره باحراج واعتذار / هو الخسران والا من عنده مثلك ويفكر مجرد تفكير يتزوج عليهااا
شوق بسخريه / لو شافها احلف انه مايطالع بعدها ولا يملا عينه غيرها
نوف تنرفزت من كلامهم الي يغث
نوف بطفش / بنزل اشوف شادن
طلعت وهي اكره ماعندها سيرة هالتركي الي لو تشرب من دمه ماكفاهااا
طلعت
اول ما طلعت التفتت ساره لشوق وبستغراب / شوق متاكده انها امك مو انتي امهااا
شوق بسخريه / وش تشوفين حضرتك
ساره باعجاب / الي اشوفه ان امك اصغر منك وعندها كل شي فري ولبسها الي لابسته انا البنت استحي البسه
شوق بقهر / امي جميله لكن حظها طايح
ساره بستغراب / اموت واعرف ليش اخوي ناصر مشوه سمعتها وخلانا نشوفها اقبح مخلوق على وجه الارض
شوق بحرقه / جمال امي ماهز بابوي شعره متزوجها ماكينه تفريخ وياليت قد شفت لو بالغلط حركات قلت ادب ولا معامله تثبت انها زوجه حتى نومتها معي مدري شلون حملت باخواني
ساره بصدمه / معقوله ناصر ماهزته امك اكيد يكابر
شوق بقهر / مايناديها غير يالبقره بله عليك وين البقره وين امي
ساره منصدمه من كلام بنت اخوها وبصدمه / اذا امك بقره اجل انا وش بكون
شوق بابتسامه / قرده
ساره بابتسامه / كلي تبن وقومي وصليني
شوق فتحت دولابها واخذت عباتها ولبستهم
ساره بخوف / قلبي بيوقف من الخوف
شوق بقهر / اذا انتي خايفه وش كان حالها المسكينه
ساره بحرقه / امشي
نزلو تحت شافت اخوها ماجد جالس طلبت منه يوصلهااا للبيت صقر
عند صقر
دخل بيتهم وحاس اختناقه وضيقتها زادت ضنه لو ذبحها بيرتاح لكن الحين بيموت من الضيقه والهم والحرقه
دخل المجلس وجلس على اقرب كنب والنور طافي وصار يبكي بنحيب عالي موجعععععععععععع
عند ام مرام
سمعت صوت شهقات فز قلبها وركضت لصوت سمعت الصوت طالع من المجلس قربت لين انفجعت من شكل صقر
شافته حاط راسه بين ركبته وينتحب
شغلت نور
قربت منه وهي ترتجف وتبكي متاكده ما يبكي صقر بهالوجع الا مصيبه
عند صقر
صار يبكيييييييييي بحرقه براكين من الالم والوجع زادت مع بكاااااه ومن بين شهقاااااته المؤلمه / ااااااااااااااااااااااااااه
ام مرام بصوت باكي / بسم الله عليك صقر وش بلاك ليش كل هالصياح
مو ناقصه الا خالته تجيه بهالوضع ما يدري ليش رجع البيت وهذي حالته
بهالوقت محتاااااج للوحده وحالته ماتسمح يتكلم
ام مرام زادت رجفتها لما شافته يزيد بالبكي الي فطر قلبهاااا
وبصوت خايف باكي / امك صاير عليها شيئ
صقر زاد نحيبه الموجع وصر يهز براسه ينفي كلامهاا يبيها تتركه بحاله وتدخل
ام مرام بصوت باكي / اختك صر عليها شي
رفع راسه وعيونه مثل الدم ووجه مخلوط بين الاحمرار والاسود والدموع مغرقه وجهه
صقر بصراخ باكي موجع / اناااااااااااااااااااااااا الي فيييييييييييييييييييييييييني ارتحتي روحححححححححححححي
ام مرام تروعت من صرخت وغصب عنه دخلت ما تحملت اكثر
عند ام صقر
بعد مامر ساعه ومافي امل يالقون صقر
بصوت باكي / رجعني للبيت يمكن نلقاهم هناك
عبدالله بحرقه / مستحيل بياخذها بيتنا
ام صقر بصوت باكي / اسمع الكلام ولا ترادد
استجاب لامه وغير طريقه لبيتهم
وصلو للبيت شافو سيارة صقر
ام صقر بصوت باكي / هذي سيارة اخوك
عبدالله برعب وخوف / ايه
وقف بسرعه وفتحو بابهم ونزلو وهم يركضون بيلحقون عليهم مع ان بداخلهم اكيد بعد ساعه صار شي مستحيل بيمنعونه
فتحت ام صقر البيت بمفتاحها ودخلت للمجلس شافت ولدها يبكي مايحتاج يقول لها وش سوى بديما شكله ونحيبها يكشف لها وش سوى
عبد الله شكل اخوه نشف الدم بعروقه معقوله ديما مات وبيد صقر اخوه صار يبيكي ويشاهق حرقه ووقهر على ديما
ام صقر قربت من ولدهااا وهي خايف تصدق شكوكها
وبصوت ينتحب / صقرررررررر
رفع راسه وبقوة مزيفه مسح دموعه وحاول يكتم شهقاته
عند ساره
من حسن حضها الباب فاتح كانت بتدخل قسم الحريم لغرفتهاا
لكن شدها صوت الصراخ والصوت كان لام صقرر
الي خلاها تتجراء وتقرب من المكان ان اسم ديما انذكر وهي تبي تطمن عليهاااا
سمعت ام صقر تصارخ على ولدهااا / وينهاااااااا ديماااااااا ليكون ذبحتهاااااااااااااا
والي اوجعهااا انها تسمع صقر يقول / ايه ذبحتهااااا والحين بقبرها ومن بكره عزاهاااا
لا ارادي ادخلت ولقت نفسها توقف قدام صقر
ساره بشهقات باكيه موجعه / شلون تذبحها بدون لا تتاكد انها بريه
صقر عرفهاا من جسمها وصوتهاااا
عبدالله استحى وانسحب
ام صقر وعيونهاا على ولدها وبصوت ينتحب
/ رجع لي بنتتتتتتتتتتي ولا تراني غاضبه عليك
صقر بقسوة / الاموات مايرجعووووووووون اذا بتسوين لها عزا الي مثلها مايستهلون من يبكي عليهم
ساره بصوت باكي صارخ / انت مجرررررررررررم شلون تذبحهاا وهي مظلومه دمها برقبتك بتتحاسب عليه يوم الحساب
مو ناقصهاااا الي فيه يكفيه ويزود وبانفعال غير محسوب وبعصبيه / اكيد انتي من طينتهااا وحاذفتك امك علي بتستر فضيحتك
سكته كف على خده من ساره طالعها بصدمه
وهي طالعته بعصبيه وحقد وكره
ساره بصراخ وعصبيه / قصصصصصصصصصصص لسانك الضامييييييي عرف يربي بنته والكل يشهد له ويعرفون منهي بنته
وبصراخ باكي / افتخررررررر اني صديقة ديما الي ماتت مظلوممممممممممممممه ماتت شريفه وطاهره
ام صقرر شهقت من الموقف الي قدامها والي صدمها اكثر كلمة ولدهااا
وكملت بشهقات موجعه / ياويلك من ربك شلون تذبحهاا وهي مظلومه شلوووووون
وبصراخ حاااااااااقد / وووووعد علـــــــي لكشف لك برائتهـــــــــــــــاااااا قـــــدام عيونــــــك
وبعدها بتنتحــــــــــــااسب
وبسخريه / مو معناته انك ضابط انك فوق القضاء ومرفوع عنك العقاب
صدت عنه وهي ما تدري من وين جتها كل هالقوة
قربت من ام صقر وباستها على راسهااا
وبصوت مبحوح / اسمحي لي يا خاله لولدك مستحيل ارجع وخليه
ولتفتت عليه وبحقد / يطلق برضاه ليجونه عيال الضامي ويدفعونه ثمن كلمته دمه
ام صقر بصوت باكي / امسحيها بوجهي صقر ما هو بوعيه يوم قال هالكلام
ساره بهدوء / وجهك ابيض يا خاله لكن بعد الي قاله مستحيل ابقى بهالبيت دقيقه
ام صقر برجاء / يابنتي تعوذي من ابليس ولا تخربين بيتك
رجعت تناظر بصقر و بحقد / الي ذبح بنت اخته البريه مااقد اتمنه على حياتي
مشت من قدام ام صقر وطلعت برا بترجع لبيت اخوها فتحت باب الشارع وقفها صوت
عبدالله سمع كل الي قالته وعجبه كلامها و قوتها يتمنى كلامها ياثر باخوه
عبد الله بصوت منحرج / بوصلك وين ماتبين
ساره وهي صاده عنه وبقهر / انت مشاركه بذنبه وصيناك عليها وخليته يذبحهااا
كلمتهاا ذبحته و نزلت دموعه
طلعت بدون لاتهتم ان الوقت ليل نست خوفها وصلت لبيت نوف حطت يدها على الجرس وانفتح الباب
شافها ماجد وانصدم انها رجعت لكنه يستحي يسال عمته
طلعت فوق وهي منحرجه وتتمنى ماتقابل احد
فتحت باب غرفة شوق حمدت ربها وهي تشوف الغرفه مظلمه حذفت عباتها ودخلت بالسرير وصارت تبكي بحرقه على ديما صارت شهقاته ترتفع
شوق صحاه صوت الشهقات التفتت وتفاجئت ان ساره بسرير نايمه تعدلت بجلستها
شوق بصدمه / ليش رجعتي وليش كل هالبكي
ساره وهي دافنه راسه بالمخده / الي مايخاف من ربي ذبحها
شوق بفجعه وصرخه / ذبحهااااااااااااااااااااااا
ساره بشهقات / ذبحها مظلومه
شوق تذكرت سالفة نوره وابوها الي كان بينحرها اكيد صقر نحرهااا او يمكن ذبحهاا
شوق بتاثر / شلون ذبحها وخالها وجدتها وينهم ماحموها منه
ساره بحرقه / جدتهااااا بتنجن من الروعه
شوق بحرقه / ان لله وانا اليه راجعون ماتت قبل لا نثبت برائتهااا
ساره بصراخ باكي / حتى لو ميته برائتها مسئوليتي ومن بكره طيب غصب بستلم قضيتها والي فيه خير يمنعني
شوق بحرقه / شلون قلبه طاوعه يذبحها أي قلب بين ضلوعه
ساره بحقد / قلبه حجررررررررر
مستحيل تقول لشوق كلمة صقر بحقهااا
لانها متاكده وش بتكون ردت فعلها
الي قاله صقر هي الي بتحاسبه عليه لكن بعد ماتثبت براءت ديمااا
بيت اميره
اتصلت ام سالم على اختهاا ووصلت لها كلام ولدهاا
ام فواز متاكده من حب بنتها لتركي لكنها كاره انها ترجع له بعد كل الي سواه مع بنتها
لكن بنتهااا رافضه كل الي خطبوهااا وماتبي غير تركي الي متاكده انه ماتقدم الا اجبار من امه
على انها حلفت اختها اذا كانت غاصبته على بنتها وحلفت انه فاجئها
وصلت لغرفة بنتها طقت الباب
كانت اميره بغرفتها من يومين راجعه من الشرقيه مع ابوها
صاير ياخذها معه بينسيهاا حزنها على تركي
قربت لبنتها وجلست على طرف السرير وعيونها على وجه بنتها
وبهدوء / خالتك كلمتني وقالت ان ولدها بيرجعك وبيكون زواجكم بعد سبوع
تفاجئت من كلام امها فقدت الامل بتركي بعد زواجه
اميره ودموعها بدت تنزل / يمه صدق تركي بيرجعني
انعصر قلبها على بنتهااا وبحزن / ادري انك موافقه لكن لا تنسين ان بذمته ثنتين وانتي الثالثة
اميره بثقة / لا تنسين اني الاوله وام ولده وما تزوج ام سالم الا علشان عيالها ومن ناحيتها مطمنه عجوز مستحيل يطالعهاا
وبغيره وحقد / خوفي من الثانيه الي مادري من وين طلعت
ام اميره بجديه / هالرجال من تزوج زوجة اخوه وهو منسعر على الزواج والمصيبه ان كل شي عنده سريع ما يمدي الوحده تجهز حالهاا
اميره بحقد / العجوز وش تبينها تجهز وهي عارفه انه متزوجهاا علشان عيالها
والثانيه لو كان راضي فيها كان ماطنشها وسكن عند خالتي
ام اميره بقهر / هالتركي الله يصلحه شايفن الزواج لعبه اذا ما صلحت هذي يمكن تصلح الثانيه ويخوفي يابنتي انك منتي بالاخيره
اميره بعشق / باذن الله اكون الاوله والاخير وبكسب قلب تركي وانسيه الي قبلي
وقفت ام فواز وبضيقه / هذا الي اتمناه ولله لو الشور بيدي ما خليتك ترجعين له
اميره حضنت امها بحب وفرح / يمه الله يخليك لا تكسرين فرحتي اليوم انا فرحااااااااانه وفرحته مالها حد
ام فواز بحب / الله يتمم لك الافراح ويسخر لك تركي
امير بجديه / اميييييييييييييين دخيلك يالغاليه كثري من هالدعاوي تراني بحاجتها بحياتي مع تركي
ام فواز بحزن / بكل لحظه ادعي لك شيلتيني همك
اميره بعشق / مدامني مع تركي لا تشيلين همي وتاكدي اني اسعد مخلوق بوجه هالارض
طلعت ام فواز
بعد ماطلعت امها سجدت سجود شكر لله الي استجاب دعوتها ورجعها لتركي
وبنت لها احلام ورديه وبطلهااا تركي على قسوته معها ورفضه لها لكن عشقها له نساها كل الي فات
متاكده انه بعد ماجرب غيرها عرف قدرها ورجعها برضاها لو برضى خالتها كان من زمان رجعت له او بلاصح ماطلقها وهي حامل بولده
تتذكر بعد طلاقها من تركي اش كثر انتظرت منه يرجعها قبل لا تنتهي العده وبعد ما ولدت ما فقدت الامل واخيرا بعد سبع سنين الامل يتحقق
من فرحتها خايفه قلبها الصغير مايتحمل كل هالفرحه
عند تركي
بعد مانهى اتصاله من نوف مايدري ليش كل ما ضحكت يتكهرب
حس غرفته ضاقت فيه طلع من غرفته صادف اخوه سالم على الدرج
سمع صوت اخوه / على وين نازل هالحزه
تركي بابتسامه سخريه / ليكون بترجعني للمراهقه وتفرض سيطرتك علي
تقدم سالم وجلس في الصاله العلويه وبابتسامه / ماضنتي انك كبرت عن المراهقه الظاهر انك فيها
التفت ولحق اخوه وجلس مقابله وبابتسامه / لا ابشرك بتزوج ذا الاسبوع
سالم بققت عيون من الصدمه / اشهد ان لا اله الله محدن سوا سواتك ثلاث باقل من سنه
تركي بسخريه / وش تقول عن حظ اخوك الطايح الثنتين الي عندي الطايحه والمنكسره والثالثة ما تباعدهن
سالم بعصبيه / خاف ربك بحريمك وبنات الناس لا تظلمهن
تركي بضيقه / الثالثة ام ياسر استجبت لحنتكم وبرجعها علشان ولدهااا
سالم بفرحه / زين انك فكرت هالمره بعقلك مو مثل كل مره
تركي بضيقه / صرت افكر بعقل علشان برجع ام ياسر محد فكر فيني وشي ابي
سالم رحم اخوه وبحنان / وانت منهي الي تبيها وانا براسي اخطبها لك والله لو مهرها مليون لدفعه وماخلي حسرتها بقلبك
وقف تركي وتنهد بحرقه / الامل فيها مستحيل ومن بعدها الحريم عندي سوا
سالم وقلبه يعتصر على اخوه وهو عارف حبيبته لكنه واقف عاجز يقول له من تكون
لان اخوه اول واخر بيتعذب بسبت وصية اخوه الظالمه
متاكد ان اذا شافها تركي مستحيل ينفذ الوصيه
وخايف عليهاا تنفضح وتدفع لحالها جرائم اخوه
سالم حب يغير جو اخوه / مجنونتك شخبارهااا
تركي بقهر / تصاحبت مع الصايعه شفتني من متزوج عجوز صايعه والثانيه مجنونه
سالم بخبث / يمكن ذا العجوز الي تسبها بالطالعه والنازله والي ماكلفت نفسك تشوفها شوفتها تنسيك حبيبة القلب
تركي حس بقرف / ههههههههههههههه ه
سالم بستغراب / وش فيك انفجرت من الضحك الي يسمعك يقول اني قايل نكته
تركي بقرف / الي قلته نكته وتفجر من الضحك تبي ذالعجوز الصايعه تنسيني
ههههههه يردات حظي اذا اخر عمري حبيت هالعجوز وفوقه صايعه
سالم بقهر / ترى اخوك مو من كبره علشان تصير زوجته عجوز تراك ظالمهاا
تركي بقرف / نسيت انها اكبر من اخوك
يمكنها بعمر امي
سالم مشى من قدامه وصل لغرفته وقبل لا يدخل التفت لاخوه الي كمل طريقه ونزل تحت
سالم بصوت حزين واطي / ياليتك تعرف ظلم اخوك قدوتك لهالانسانه
توقعاتكم
لا تقولون قصير لانه تعبنيييييييييييييييييييي كثيررررررررررررررررر
بيكون لقائنا باذن الله بعد اسبوع من الدراسه
اختكم نسايم نجد
|
23-10-12, 09:43 PM
جديد مواضيع قسم الارشيف
العرض العادي
