كاتب الموضوع :
نسايم نجد
المنتدى :
الارشيف
رد: يادنيتي يكفيني عذاب
لعيونكم نزلت البارت قبل الموعد الي قلت عنه بارت اليوم بارت دسسسسسسسسسم والنهايه محزنه كنت بكمل لكن ماقدرت والتكمله باذن الله البارت الجاي
اتمنى ان الروايه ما تلهيكم عن الصلاه
الرجاء عدم طمر السطوررررررررررررررر
الخامس والثمانون
عند نوف
مدت لها ام سالم القهوة وبابتسامه / ماشرب قهوة عربية
رفعت ام سالم حاجبه بستغراب
ردت عنها مهاا باحراج / نوف تشرب قهوه فرنسية لان كل حياتها بفرنسا
وبابتسامه / وقهوتنا ما تعجبهاا
ام سالم بابتسامه / تحبينها بسكر ولا بدونه
نوف بابتسامة مجاملة / سكر خفيف
مشت ام سالم قدامهم
مها بعصبية / ما تعرفين تجاملين وتطفحين الفنجال الي صبته لك
نوف بهدوء / والله ما جامل واشرب شي ماحبة
مها بعصبية / اشوفك مجامله وفاتحة الكشره تبتسمين لها
نوف بهدوء / هذا غير وشربي للقهوه غير
كانت بتتكلم مها الا على دخول ام سالم ومعهاا الشغاله شايلة صحن القهوه
جلست والشغاله تمد القهوه الفرنسيه لنوف
اخذت الفنجال وعيونها على ام سالم الي التهمتها بنظراتهاااا
حاولت تشغل نفسها عن نظرات ام سالم بشرب القهوه
عند شوق
بعد ماطلعت امها نزلت مع ساره تحت علشان ساره تاخذ راحتهااا
جالسات بالصالة كل وحده تفكر بطريقتها بموضوع ديمااا
ساره بحزن / لنا يومين مارحنا لشغلنا
شوق بسخرية / ياذا الشغل الي فقدنااا
ساره بجديه / اول ماكان عندنا شي لكن الحين لازم نستلم قضية ديمااا
شوق بجديه / ذكرتيني الله يذكرك بالشهاده خليني اكلم الغثيث يسلمنا القضية قبل لا يستلمهاا غيرنا
ساره بلهفة / بسرعه وش تنتظرين
شوق بكره / على ان اكره ماعندي اتصل عليه وانغث لكن من اجل عين تكرم مدينه
سحبت جوالها من الطاوله صارت تقلب بالارقام شافت رقم ركان اتصلت عليه
عند ركان
كان عند باب الشارع بيطلع لشغله سمع صوت جواله
استغرب وهو يشوف رقم شوق
ركان بستغراب / غريبه وش عندها متصله ماضنتي وراء اتصالهاا خير
رفع الجوال وبثقه / الو
شوق باستعجال / تعال بيتنا ابيك بموضوع ضروري
ركان بسخريه / قبل الهذره الزايده سلمي ولا تبيني اعلمك اداب الكلام
شوق بهدوء / انتظرك بالمجلس
ركان قفل بوجهااا ولعت من حركته مسموح لها تقفل بوجهه لكن يقفل بوجهاا شي عظيم
كان بيطنشها لكن فضوله يبيه يعرف الامر الضروري الي خلاها تتنازل وتكلمه
وصل لبيت نوف شافه مفتوح ابتسم / غريبه ما خلتني اللطع عند الباب
دف الباب ودخل شافها ببجامتهاا وشكلهاا الي اوجعه لكن حاول يقسي قلبه
قرب وبسخريه / ماعندك لبس غير ذا اللبس تستقبلين فيه زوجك
سفهته ودخلت بغرورها الي يذبحه
ركان في نفسه / كل الي سويته ماكسر غرورك يابنت ابوك
حط يده على الشاش الملفوف على راسه / الا انا الي كسرتي راسي حسبي على بليسك
وصل للمجلس دخل وجلس وهي جلست بعيد عنه
ركان بسخريه / اخلصي وقولي الي عندك ماني بفاضي
تكلمت بدون مقدمات / اتوقع خويك قال لك سالفة بنت اخته
ركان بعصبية / ليكون عاجبتك سواتهااا
شوق بهدوء استغربه ركان / البنت مظلومه وانا شاهده على برائتها ومستحيل اتفرج والكل ظالمهااا
ركان بسخريه / ماشاء الله شلون مظلومه وهي منصاده بجريمتهااا الي كسرت خالهااا
شوق بنفس الهدوء / اتوقع ياحضرة الضابط انت وخويك شكلكم ضباط بالاسم لو شغلتو عقلكم كان ما تهمتو المسكينه
ركان بجديه / جايبتني من بيتي علشان تكلميني عن صديقتك
شوق باصرار / ابي استلم قضيتهااا
رفع حاجبة وبهدوء / احلمي على قدك
وبسخريه / يابنت ناصر
شوق بدت تفقد سيطرتها على اعصابهاا لكن حاولت قد ما تقدر تضغط على اعصابهاا / اتوقع يا زوجي العزيز هذا اول طلب اطلبه منك ماضن بترفضه
كلمة زوجي العزيز هزت قلب ركان هز
ركان بهدوء / بعد زواجنا يصير خير
شوق بقرف / الزواج الاسبوع الجاي اليوم الي بعده تسلمني قضيتهااا
ركان بسخريه / ما توقع ياعروس انك بالداومين بصباحيتك
شوق بنفسهااا / صباحوك الشياطين الحمررر قول امين لكن حاجتي عندك لازم اساحلك
شوق بهدوء / متى بتسلمني القضيه
ركان بابتسامه / بعد شهر العسل افكر بالموضوع
شوق بقرف / من قال اني ابي شهر عسل
ركان بابتسامه خبيثة / اذا ما تبين انا ابي وابي عروسي جنبي وبحضني
شوق بحقد / مو من صالحك ابقى معك صدقني بتندم على هالزواج
ركان بسخريه / من حيث الندم ابشرك ندمان لكن قلت استر عليك
شوق ودهااا تقوم وتسطره لكن ماجله هالشي لبعدين
شوق بطفش / ما قدر اخذ اجازه شهر ياليت تفهم هالشي
ركان ببرود / ابشرك اخذت لنا اجازه تبدا من الاثنين وتنتهي بعد شهر
وقف ركان وعيونه عليها / عندك شي
وبسخريه / مهم ولا اطلع لاشغالي
شوق وعيونها عليه شافت راسه ملفوف ابتسمت بحقد
شوق بابتسامه شماته / سلمت يمين الي فقع راسك
ماحب يقول انه منهااا و تتشمت فيه / عقبال ما ينفقع راسك وعلى يدي وقريب ان شاء الله
شوق بغرور وسخريه / نشوف
قبل لا يطلع فاجئها احتضنها وباسهااااا بقوة على رقبتهاااا
دفته وبعصبيه / حقير
ركان بابتسامه / اهم شي اخذت منك شي يطيب خاطري بعد هالمقابلة الي تغث
شوق بعصبيه / كلك على بعضك غثيث وما تنطااااااق
ركان وعيونه على رقبتها وابتسم بيقهرهااا / لحد يشوف الي برقبتك وتنفضحين قدامهم ويقولون كلمته علشان وغمز بعينه لها
شوق بعصبية / الله ياخذك
قرب منها وسحب اذنهاا بقوة وهي توجعت
ركان بعصبية / الظاهر تبيني ابدا تربيتك من الليله
وبصراخ فجر طبلة شوق / اتقي شر الحليم اذا غضب ياشويقان
شوق من بين سنونها / شويقان بعينك يالخايس
سمعها وزاد من مسكته لاذنهاااا
صارت تتوجع لكن لو تموت ماتبين وجعهاااا
اوجعه قلبه على مكابره وتحمله للوجع
دفها بقوة / طسسسسي لداخل
التفتت عليه بحقد ومشت قدامه بغرور
لما غابت عن عينه ابتسم / يا عالم احبهاااااااا وبيذبحني غرورهاا
عند شوق
دخلت وهي تغلي من القهر والعصبيه تلوم نفسها شلون سمحت تطلع بدون ما تعلمه قدره
قربت من ساره
ساره بلهفة / ان شاء الله وافق
شوق جلست وبحقد / الله ياخذه قولي امين
ساره بجديه / بسم الله عليه
شوق تنهدت بضيقه / مدري شلون بعيش مع هالادمي
ساره بابتسامه / الا قولي ربي يعينه عليك
شوق بعصبيه / اقول انطمي
ساره بجديه / خساره فيك ركان انتي يبيلك واحد يصبحك طراق وينومك بطراق
شوق / اكلي ترررررررراب
ساره انتبهت للبقعه الحمراء برقبة شوق
ساره بابتسامه خبيثه / وش هالختم الي برقبتك
شوق حطت يدها على رقبتها وبعصبية / انطمممممممي
ساره بجديه / الليلة بروح لبيتهم
شوق بستغراب / وش عندك
ساره بضيقه / جالسه عندك وقلبي عند ديما بروح اتطمن عليهااا
شوق بجديه / براحتك
عند نوف
مارتاحت لنظرات ام سالم الي تلتهمهااا تدري انها نظرات اعجاب وهالنظرات تكرهااا وام سالم زودتهااا
صارت تناظر بمها الي جالسه وواضح انها طفشانه من كلام ام سالم الي كله غرور وشوفت نفس
ما قدرت تتحمل اكثر وقفت / اسمحي لنا لازم نرجع للبيت
وقفت مها ومعها ام سالم
ام سالم بابتسامه / بدري تعشو عندنا
مها بجديه / مانقدر ورانا عيال وبكره مدارس
ام سالم بهدوء / توعدوني بزياره ثانيه تتعشون عندي
نوف ساكته مستحيل تجي بهالبيت مره ثانيه
لكن مها ابتسمت مجامله / المره الجاية انتي الي بتزوريناا
اخذت مها عباتها ولبستها وتغطت ونوف اخذت الحجاب والعباة بيدهاا اذا وصلت لباب الشارع بتلبسهااا
عند العاشق الولهاااا
سمع صوت خطوات فتح الشباك شاف قفاها وهي تلبس عباتها وتاملها وهي ترفع شعرها وتغطيه بالحجاب
شاف امه تسلم عليهم عند الباب اوجعه قلبه وهو يشوفها تطلع بدون لايكحل عيونه فيهااا
شاف امه تدخل
طلع برا الغرفه دخل غرفة الحريم صار يطالع بالغرفه يتمنى يعرف وين كانت جالسه يجلس مكانهااا
جلس مقابل كوب القهوة الفرنسية شاف روجها الاحمر مطبوع على الكاس ما نتبه لامه الواقفه حط شفايفه مكان الروج وشرب القهوه بعشق موجع
يحس باحساس حلو ان شي من ريقها يدخل جوفه
ام سالم بصدمه / وش تسووووي
تركي انفجع ما يدري أي عذر بينفع مع امه
بتهرب / يمه منهم ضيوفك
جلست وعيونها على ولدها الي ماسك الكاس
ام سالم بعصبية / نزل عنك الكاس واذا تبي قهوه قول لنانا تسوي لك مو تشرب بقايا الحريم
تركي تنهد بنفسه / ماضنتي يمه بعد ريقها للقهوه طعم
تركي باحراج نزل الكاس
ام سالم بشك / وش عندك تسال عن ضيوفي ماهي من عوايدك ياتركي
تركي بهدوء / سؤال عادي ماقصدي وراه شي
ام سالم بجديه / البنت ما تصلح لك ياتركي
طالعها ينتظر يفهم السبب
كملت ام سالم بجديه / البنت مزيونه وتضيع العقل لكن ماهي ملتزمه لا بحجابها ولا بلبسهااا
تركي بنفسه / بتعلميني انها تضيع العقل ماضيع عقلي غيرها
تركي بكذب / ما يحتاج تقولين كل هالكلام والبنت الله يستر عليها لا شفت زينها ولا شينهااا
مشى من قدام امه وكلام امه قاله لنفسه لكن القلب وش يفهمه
عند نوف
طلعت انصدمت من الي يمسكها التفتت شافت ياسر ماسكها
ياسر برجاء طفولي / خالتي بروح معكم
نوف نزلت نفسها لمستواه وبحنان / حبيبي لازم تقول لبابا او جده ما يصلح تروح معي بدون ما يعرفون لازم يوافقون وبعدها تجي معي
مها قربت منها وبصوت ضعيف / قولي شلون بتخلصين نفسك من هالبزر هذا جزاء الي ينزل عقله لبزران
نوف بهدوء / بستاذن جدته اخذه معي يلعب وينام مع عدنان
مها صفقت يدينها في بعض وبسخريه / لا بله انهبلتي وش بتقولين لها ابيه يلعب مع ولد عمه
نوف طالعت بياسر الي يناظرها برجاء / روحي لبيتك ومالك شغل فيني انا بحلهااا
هزت مها راسها ونوف منحرجه لكن ما حبت تكسر بخاطره وهي عارفه ان امه منفصله عن ابوه
طلع لقسم الحريم تفاجئ وهو يشوفها واقفه عند الباب وبيدها ياسر
قرب منها وعيونه تلتهمها بعشق قرب لين صار مقابلها
ناظرته بعيون كلها حقد وكره
تركي اوجعته نظراتها الي يتمنى لو يعرف سببها
ياسر قطع عليهم / بابا بروح مع خاله نوف
ناظر في ولده ورجع يطالعهاا /
نوف بقوة / اذا ماعندك مانع الولد يبي يروح معي
تركي في نفسه / ااااااااااااااه صرت اغار عليك حتى من ولدي ومابيك الا لي لحالي حراام عليك علقتي ابوه فيك بتكملينهاا بولده
ياسر برجاء / بابا بروح
تركي بعصبية / ياسر ادخل مافي روحه
شافت وجه ياسر اعتفس وواضح بيكبي طالعته بحقد
وبعدها نزلت لمستوى ياسر وبطفوله
نوف بحنان انتفض له قلب تركي / يسوري حبيبي اسمع كلام بابا بعد يومين بسوي حفله ميلادي وبتحضرها
وبابتسامة / لا تنسى ابي هدية حلوه
ياسر ابتسم لهااا وناظر في ابوه / بابا اروح الحفله
تركي هز راسة لولده ودخل ياسر
لفت بتطلع وقفها صوت تركي بغيره / ياليت تغطين وجهك
نوف بعصبيه / ماااااااااالك شغل فيني لو اطلع بالشارع عريانه
تركي بوجع / ياليت افهم سبب كل هالحقد والكره الي بقلبك
نوف بحقد / لو الموت ينهدى صدقني هديته لك
كلمتها طعنت قلبه العاشق شلون تقابل عشقه بتمنيها الموت له
تركي بحرقه / طيب لييييييييه وش الي جاك مني
نوف وعيونها عليه وبحقد / ماشفت منك الا عذابي
تركي بصدمه / انا سبب عذابك كيف وشلون
نوف بحقد / شوف كم عذبت باكون انا اولهم
تركي بحرقة / لهدرجة شايفتني بهالسوء ظلمتيني يابنت الناس عمري ما عذبتك حتى لو ابي اعذبك صدقني ماقدر
نوف بسخريه / قدرت وانتهينا
كانت بتمشي تركي بعشق / بتزوجك
نوف عيونه جت بعينه الحزينه وبسخريه / انا متزوجة ولا نسيت ياولد الضامي انك ماتاخذ المستخدم
انفجع من كلمتها شلون عرفت بكلمته الي ماقالها الا لخوه والصايعه وولدهااا
وحب يتاكد / تعرفين ام سالم
نوف بابتسامة سخريه / انا وهي واحد
الحين عرف سبب حقدها عليه اكيد الصايعه مشوه سمعته قدامهااا
كان بيرد لكنها اختفت من قدامه
رجع وهو يغلي من نوووووف ام سالم ويبي يبرد حرقة قلبه فيهاااا
شافته امه يدخل ووجه اسود من العصبيه والقهر
وقفت / وش فيك
تركي بدون شعور / اخطبي لي بنت اختك والزواج مع زواج ركان وشوق الاسبوع الجاي واذا رفضت تراني هونت
ام سالم فرحت / بتووووافق
طلع بدون لا يرد على امه رجولته وكرامته تمنعه يلحق وراء وحده بايعته حتى لو يعشقهااا وش ينفع عشق بلا كرامه
انسدح على سريره رفع المخده شاف صورتها بهذيان موجع / مالك مكان بقلبي وبكره بيجيك خبر زواجي وبتتاكدين اني مالحق ورا المقفي
وبدعا من قلب / يااااااارب شيل حبها من قلبي
رفع جواله وصار يبحث عن رقم بيبرد فيها ناره
عند شوق
دخلت المطبخ صلحت بعض السندويشات وهذا اكثر شي تعرفه
رجعت لصالة
حطت الصحن على الطاوله القريبه من ساره
شوق بابتسامه / اكلي قبل لا تاكليني
ساره وعيونهاا على الصحن ورجعت اطالع بشوق
وبسخريه / ليش ما جبتي شي احدر فيه ولا تبيني اغص
شوق بابتسامه / كنت بسوي لك حليب لكن اغتثينا من كثر مانشربه نشربه اكثر من شادن اختي
ساره / والحل
شوق تذكرت الثلاجة الي بغرفة امهاا الخاصة لاخوانها الصغار
شوق بابتسامه / مالنا الا ثلاجة اخواني يمكن نلقى فيها شي
ساره بجديه / عجلي بموت من الجوع
شوق بسخريه / بطنك هذا مايشبع
ساره بعصبيه / اذكري ربك لاتسدحيني بعينك
شوق بجديه / غرفة امي كرهت ادخلها بعد ماجت فيها مجنونة عمي
ساره بابتسامه / اذا تعشيت ابيك تعرفيني عليها
شوق بسخريه / الظاهر انك كارهه الحياه وتبينها تذبحك
ساره بابتسامه / وانتي منتي بخيفه
شوق بغرور / بنت ناصر ما تخاف الا من ربها والباقي لاااا
دخلت غرفة امها المظلمه شغلت النور ودخلت بالغرفه
عند نوره
شافتها تدخل من بعد هواشها مع امها بستها ما شافتها
شافتها تدخل ولا التفتت عليهااا
ما تدري ليش معجبه بهالبنت وحابتها مع ان الي شافته العكس تذكرهاا بنفسها
عند شوق
فتحت الثلاجة شافت عصيرات وحليب
اخذت 2 عصير برتقال وطلعت قبل لا توصل للباب كانت نوره واقفه بوجهاا تمنعها تطلع
انصدمت شوق من حركتها وضنت انها بتاذيهاااا
شوق حاولت تبعد نوره لكنها متيبسه على الباب
شوق بعصبية / خليني اطلع ماني رايقه لجنونك
نوره ماتدري ليه سوت هالشي لكن رغبتها القويه خلتها تتصرف هالتصرف
نوره بعقل / لا تخافين مراح اذيك
شوق بسخريه / ومن قال اني خايفه العقال ما خوفوني تجين انتي تخوفيني
نوره نزلت دموع قهر السنين /
قلب شوق رق لدمعتهااا ولا مت نفسها شلون صرخت بوجهااا / اسفه
نوره بصوت باكي / محتاجتك تسمعيني
شوق بشك / انتي عاقله
نوره ابتسمت من بين دموعهااا / اعقل منك
شوق بصدمه / عمي يدري
نوره بصوت باكي / محد يدري غيرك
فوق راسها علامات استفهام ومستحيل تتركها بدون اجابه نزلت العصير على الكمودينه
شوق بستفهام / ليه تقولين سرك لي
نوره بصوت باكي / لانك تشبهيني
شوق بهدوء / والمطلوب
نوره بحقد / لي ثار ابي اخذه وابيك تساعديني
شوق جلست على كرسي التسريحه وعيونها المصدومه متعلقه بنوره وبصدمه / ثاااااااار
نوره وعيونها على شوق
نوره بابتسامه حزينه / شكلي نسيت الحكي لي سنتين مانطقت بجمله مفيده حتى عقلي له سنتين باجازه
نوره من بين دموعهااا / اكيد بتسالين ليه مثلت الجنون
شوق بستغراب / وش الي جابرك على هالعذاب
وكملت وهي تنتفض بحرقه وبصوت باكي / الي جابرني اني انظلمت عمرك حسيت بوجع الظلم
نزلت عيونها تحت
انصدمت شوق وهي تشوفها متبوله على نفسها تناظره تطلب منها اجابة للي تشوفه
نوره بصوت باكي موجع / صرت مثل البزر اسويها على نفسي
تعاطفت معهااا / كملي اسمعك
نوره باحراج / خليني اغسل وبرجع تكفيييييين لا تروحين ماصدقت القى احد اقدر اتكلم معه
شوق حبت اطمنهااا / بنتظرك
دخلت نوره وشوق استغلت دخولها و نادت شغالة مهااا نظفت المكان وبعده طلبت منها تجيب دخون
طلعت نوره شافت الشغاله تدخل وبيدها مبخره
قربت من شوق وبحراج / ادري اني وسخت المكان
شوق وعيونهاا تتامل نوره / وش الي وصلك لهالمواصيل
نوره جلست على السرير / قلتها لك الظلم
اشرت على الجرح الي برقبتها
شافت اثر جرح وواضح انه من شي حاد
شوق بهدوء / من جرحك
نوره بغصه ووجع / قولي وش منه
شوق عيونها على نوره الواقفه اشرت لها تجلس جلست وشوق سحبت الكرسي وجلست مقابلها
شوق بجديه / عمي وش دوره بحياتك شلون دخلهاااا
نزلت نوره عيونهااا و بحرقه / عمك له فضل علي كبيررررر مستحيل بيوم انساه
شوق بجديه / شلون تعرف عليكم
نوره بوجع / مادري لكن امي جتني وقالت انه بيتزوجني ( ماحبت تذكر التفاصيل الي صارت وان امها طلبت من عمها يتزوجها لا ثبات برائتها وهذا موجع لهاا وتحاول تنساه
شوق بقهر / عمي دخلك هالبيت علشان تذبحين امي
نوره باحراج / هذا الي فهمته منه
شوق حست انها طلعت برا الموضوع وبهدوء / قولي سالفت اسمعك
نوره بوجع / كنت دلوعة ابوي وامي الي مالهم غيري كنت اخاف ربي كل تفكيري بتعليمي
درست طب وكثرو الخطاب لكن ماكنت اشوف الا اني اصير دكتوره متخصصة بجراحة القلب
اتسعت عيون شوق من الصدمه لكن ظلت ساكته
كملت بحرقه / كان ولد عمتي دكتور ومن كبرت كل سنه يخطبني
وبصراخ فزت منه شوق / رفضته لكنه رجع وخطب بدال المره عشر رفضته لكنه فهم رفضي تحدي له حطني براسه وبينتقم مني
وجهااا اختنق خافت عليها شوق
شوق بخوف / اذا بيتعبك الكلام لا تكملين
نوره بشهقاتها الموجعه / لازم اكمل ماصدقت القى احد يسمعني ومتاكده انه بيساعدني اخذ ثاري
شوق بهدوء / كملي اسمعك واذا قدرت اساعدك وعد مني اساعدك
نوره بصوت باكي / لا تنسين انك وعديني
شوق بثقة / وانا عند وعدي كملي
نوره بصوت باكي مقهور / الي مايخاف ربه ارسل صورتي معه بوضع مخل ارسلها لعمي الكبيره لان كلمته مسموعه بين اخوانه واولهم ابوي
وبصراخ موجع / والله العظيم الصوره مركبه ومظلومه مالي علاقة بهالسوالف لكن عمي صدق الصور لانه مايفهم بمصايب الفتوشوب
عمي بدال لا يضرب ولد اخته راح لابوي بالصوره وبيغصبني اتزوج ولد اخته واستر فضيحتي
رفضت الزواج شلون اتزوجه واثبت التهمه علي اخترت الموت على زواجي منه
وبشهقات موجعه / امي صدقتني وفحصت علي بدال الدكتوره ثلاث وكلهم اثبتو اني مازلت عذراء
امي حاربت كثير لتثبت لهم برئة بنتهاا لكن عقولهم مقفله يصدقون الي يبونه ويكذبون الي مايبون
مارحمو ابوي وهم يحرضونه يذبحني
الماضي رجع من جديد قدام نوره وصارت ترتجف
طالعتها شوق شافت كل شي فيها يرتجف شافتها للمره الثانيه تتبول على نفسهاا
لكن نوره ماحست بنفسهااا وبصراخ موجع / ابوي صدق فيني وسحبني ماهتم لتوسلات امي وبكاهااا ركبني سيارته ونزلني بارض خاليه
صارت تشاهق بوجع / حط سكينته على رقبتي بينحرني مثل الشاه جرحني بسكينته لكن قلبه ماطاع يكمل نحري
رجع فيني للبيت ومن ذاك الوقت وانا مجنونه بعيونهم
صرت عار عليه هجر العالم وبدل عيشت القصور لخيمه وبدل وظيفته كمهندس لسواق وايت وامي الي كانت دكتوره تعالج الاورام دفنها بهالبر
وبصوت باكي محروق / يعاقب نفسه ويعاقب امي لانهم دلعونييييي والله ماخنت تربيتهم
وزادت شهقاته الموجعه
وبصراخ باكي موجع / وثاري لااااااااازم اخذه من طلال لاااااااازم اخذه
شوق تاثرت كثير من قصتهاا
شوق مسكت يد نوره بحنان / غلطتك انك صبرتي كل هالوقت وهربتي بالجنون بدال لا تظهرين برائتك
نوره بصوت باكي حاقد / اببببببببي اخذ ثاري منه وخليه يذوق اضااااف العذاب الي ذقته
وبرجاء باكي / تكفففففففففففين ساعديني
مالي بعد ربي غيرك
شوق بهدوء / الايام هذي مشغوله والتسرع بيخرب كل شي وسالفتك يبي لها فضاوة مخ
نوره برجاء باكي / لا تطولين علي مافيني اصبر اكثر
شوق بابتسامه حنان / صبرتي سنتين زيدي عليهم شهر وبتزين الامور
نوره بصوت باكي / امنتك سري لاحد يدري عنه
شوق بهدوء / تطمني ماسمعت ولا شفت شي
نوره بصوت باكي / ضني ماخاب فيك
شوق بحنان / من جيتي بيتنا ماطلعتي من هالغرفه ياليت تنزلين وتفكين عن نفسك ترى الحبسه بتخليك صدق مجنونه
نوره بصوت باكي / معاد اقدر امثل الجنون وخاف انكشف قبل لا اخذ ثاري
وقفت شوق وقبل لا توصل للباب
شوق باصرار / من بكره وانتي تحت وامي طيبه بيمشي عليها جنونك
نوره / طيب
تاملت شوق وهي تطلع من الغرفه تنهدت براحه غابت عنها طول هالسنتين كانت بحاجه للكلام لكن كانت تفقد الشخص واليوم لقت هالشخص شبيهتها بالماضي
نزلت شوق وكلام نوره ومعاناتها ذكرتهااا بديمااا معقوله خالها بينحرهاا مثل ماسوى ابوها لكن ابوها قلب الابو ماطاع لكنها متاكده صقر بيطاوعه قلبه يذبحهااا لكن عندها امل بخالها الثاني الي فهم السالفه انه يكون خلاص ديمااا
وصلت وجلست وهي سرحانه بتفكيرهااا صحاها صوت ساره
ساره بعصبيه / كل هالغيبه وجايه يدك فاضية
شوق بضيقة وهم / انشغلت ونسيت العصير
ساره تاملت شوق بهدوء / وش فيك
شوق تمددت على الكنب / مافيني الا العافيه
ماحبت تضغط على شوق الي واضح علي وجها الضيقه
و قفت ساره / بطلع ارتاح فوق
طلعت ساره وشوق سرحانه بتفكيرها كانت بمشكلة ديما وصارت بمشكلة نوره وفوق كل هالمشاكل زواجهااا والقهر الغثيث معطيها اجازه شهر شلون بتلحق تحل كل هالامور
عند نوف
دخلت بيتها سمعت صوت جوالها طنشته دخلت غرفتهااا
رجع جوالها يدق
فتحت الشنطه اخذت جوالها شافت رقمه مستحيل تنسى هالرقم الي ماجاها منه الا المصايب
حطت الجوال على اذنها وبهدوء / الو
تركي بعصبيه / يالصااااااايعه مو معناته اني عايفك تشوهين سمعتي تراني ماني مثلك سمعتي من الذهب ماتجين اخر الزمن تلوثينهاا
نوف جلست بهدوء / وغيره
تركي برودها خلته ينفجر عصبيه / انتي مجرررررررررد شغاااااااااااااااله لعياااااااااالك وبلاشششششششششش
نوف بنفس الهدوء / وغيره
تركي بعصبيه / يالفيلة زواجي بيكون مع زواج ركان وابيك تخدمين بالقاعه انتي خدامه فاااااااااااااااااااهمه خدااااااااااامه
نوف ماقدرت تمسك نفسهااا من كلمة فيله / هههههههههههههههههههه
انفجر من العصبية / ووووووووووجع قاعد اهينك واجرحك وتضحكييييييييين صحيح بلا احساس
اوجعهااا بكلامه لكن ماتدري ليش مو قادره توقف عن الضحك / ههههههههههههههههه
انفجر من ضحكها وقفل الجوال بعصبيه
التفتت لنوره الهاديه صارت تضحك ودموعها تنزل / هههههه اخوه يقول عني بقره وهو يقول عني فيله هههههههههه عايلة مريضة
نوره انصدمت منهو الاعمى الي يقول عن الي قدامها فيله و بقره
تحلف مليون انه ما شافها ولا ما كان تجرء ووصفها بهالوصف
وكملت بصوت حزين / ويقول اني خدامه
لعيالي و يبني احضر زواجه وصير خدامه هناك
اختار زواجه بيوم زواج بنتي علشان لازم احضر يبيني اصير مضحكه للعالم
وكملت بحقد / بحضرررررررر وبوريه منهي نوف وبدال لا يقهرني اكون قاهرته
يكفييني ضعف مع اخوه لازم ارجع قدمه قوية
نوره اعجبتها القوة الي لبستها نوف وتتمنها قول وفعل
شافت نوف تدخل غرفة الملابس
وبعده تطلع لابسه شورت رصاصي قطني وبلوزه قطنيه نفس اللون علاقي فيها صورة بنت بالوردي
ما يعجبها لبس نوف لانه يفضح اكثر من انه يستر
عند ركان
جالس بمكتبه يحقق مع مروان وهذا اول يوم بالتحقيق معه انصدم وهو يشوف صقر داخل
ركان بجديه / اطلع اذا خلص التحقيق ناديتك
صقر يمشي وعيونه الحاقده على مروان جلس مقابله بدون لا يهتم بكلام صديقه
صقر بحرقة ووجع / يحق لي احضر التحقيق
ركان باستسلام / اجلس بهدوء والا
قبل لا يكمل ركان صقر / تطمن بجلس هادئ
ركانوعيونه بالاوراق الي قدامه / قلت اسمك مروان الساعد وعايش بالجنوب
طيب متى تعرفت عليهااا
مروان وعيونه على صقر وبارتباك / من اربع سنين
صقر يضغط بقوة على يده يمنع انفعاله
ركان بجديه / شلون تعرفت عليها
مروان بارتباك وخوف / عند طريق الدرشه
لو كان صقر بعقله انتبه لكذبت مروان لان ديما قبل اربع سنوات ما عندها نت او لاب توب من سنتين اشترت لاب علشان الجامعه
ركان كمل بجديه / شلون تطورت علاقتكم
مروان وعيونه تنتقل بين ركان وصقر وبارتباك وخوف / صرنا نتواصل بالاتصالات والرسائل
كلامه يطعن صقررر لانه يسمع شلون استغفلوه
ركان بجديه / تطورت علاقتكم ولا استمرت تلفونات
مروان بارتباك / تقابلنا كثير واغلبها في بيتها بعد مايطلعون اهلها
كلامه ماتحمله صقر قرب منه وضربه بكس قوي على فمه
ركان بصراخ / صقر ارجع مكانك ولا اطلع برااا
رجع مكانه وعيونه على مروان يبي يذبحه
ركان بجديه / مو كل من قال انه قابل بنت بنصدقه لازم دليل
مروان عيونه على صقر وبخبث / لها صور بجوالي كنت معها بغرفتهااا
صقر صار يمسك يده بقوة يهدئ رجفت الغضب والعصبيه
سمع ركان يكلم يطلب جوال مروان
دخل عليهم الشرطي ومعه الجوال مده على ركان
ركان استحى يفتح الجوال قدام صقر ويكشف على بنت اخته
مد الجوال لمروان / افتح على دليلك وخل صقر يشوفه
ثواني فتح مروان على مقطع ديما بمكياج كامل ترقص بالفستان الاحمر العري
مده على صقر الي اخذ الجوال بيدين تنتفض القول والسمع غير الشوف
نزل عيونه على المقطع شافها ترقص وكانها بمرقص وقف وهو ينتفض من العصبيه
حذف الجوال الي تهشم وانطلق على مروان وصار يضرب فيه
ركان لما شاف صديقه بهالحاله تاكدت ان الصوره لبنت اخته
ترك مروان الي اغمى عليه و طلع من مركز الشرطه وكل جنون العالم راكبه وصل للعماره سحب مسدسه من السياره ونزل يركض
وصل لشقه كسر الباب بعصبيه دخل شافها بحضن امه
رفع مسدسه بوجهااا وبعصبيه وصراخ فجر المكان / بحضنك وهي قالبه بيتك مرقص لها ولعشيقه
ام سالم انفجعت من دخول ولدها وانفجعت من المسدس الي بيده صارت تنتفض خايفه من تهوره
وقفت بينه وبين ديما وبصوت باكي / حطها بصدر امك قبل لا تذبحهاااا
ديما انفجعت من كلام خالها والي ذبحها المسدس الي مصوب عليهااا
صقر صار يشهاهق يبيكي بكاا يفجر الحجر وبصراخ / خليني اذبحهاااااا ولا ذبحت نفسي
قربت منه وسحبت المسدس بيدها بعمرها ماشافت ولدها بهالحال الموجع حاولت تحضنه تخفف عنه
لكنه ما يشوف الا ديماااااا بعد عن امه وسحب ديما بشعرها وطلع فيهااااا
حاولت امه تلحقه وتمنعه لكن ما قدرت
تحت
كان بيوقف سيارته انصدم وهو يشوف صقر يسحب معه بنت من منظر صقر متاكد انه بيذبحهاا
رجولته و شهامته خلته يلحق وراء صقر وهدفه يخلص البنت منه
عند عبدالله
كان بسوبرماركت قريب من شقته يشتري بعض النواقص سمع صوت جواله شاف رقم امه
ام صقر بنحييييب / الحق علي صقر ذبح ديمااا
طاحت الاكياس من يده وصار يركض بسرعه وصل للفله طلع فوق شاف الباب مكسور دخل شاف امه تنتفض وتبكي
عبدالله ينتفض من الخوف وبصوت يرتجف / ديما وينها
ام صقر بنحيب / اخوك فاقد عقله الحقه قبل لايسوي بالبنت شي
صار عبد الله يبكي / ليش مامنعتيه ياخذهااا الحين وين بلقاه
كان بيطلع
لحقته امه وهي لابسه عباتها وبنحيب موجع / بروح معك اخوك مراح يسمع منننننننك
خلااااااااااااااااص ماقدرت اكمل
لقائنا باذن الله الاسبوع الجاي في نفس اليوم
توقعاتكم
اختكم نسايم نجد
|
16-10-12, 08:53 AM
جديد مواضيع قسم الارشيف
العرض العادي
