كاتب الموضوع :
نسايم نجد
المنتدى :
الارشيف
رد: يادنيتي يكفيني عذاب
_ مشتاقه لكم كثيييييييير وتاكدو الي اخرني عنكم شي قوي
بداية برمضان وانتهائا بدراسة بنتي وانشغالي معهاااا
_حبيبااااااتي طالبتكم اتركو عنكم الردود السلبيه لانها تسببت باحباطي وبرودي
_ تاكدو اني هجرت روايتي الفتره الي راحت ولخاطركم ضغطت على نفسيتي لاكمالهاا لكم فياليت تحطون هالشيئ بحساباتكم وتقللون اللوم والعتاب
_ ولظروفي الجديده ولكي اكون ملتزمه معكم بنزل بارت اسبوعي لان الاحداث الجايه يبي لها تركيز والمخ عندي مشغول
_ بحاول اسارع بالاحداث دون الاخلال بالروايه وتخطيطي لهااا
_ كنت بقفل الروايه بقفلة مؤلمه ولاني ضد هالقفلات حبيت انزلها بالبارت الجاي كامله بدون ما تعب قلوبكم بالانتظار الموجع
الرجاء عدم طمر السطوررر
الرابع والثمانون
عند شوق
بغرفتها جالسه على سريرها و ساره تبكي بحرقه على صديقتهااا
دخلت عليهم نوف معصبة قربت من بنتها وبعصبية / انتي يا شوق تدخلين هالاماكن
شوق بضيقه / يمه والي يخليك افهمي الموضوع قبل لا تعصبين
انتبهت لساره الي تبكي جلست بهدوء / فهميني قبل لا اذبحك
شوق وعيونها على ساره / سالفة تخص ديما صديقة ساره
نوف بصدمه / ديما بنت اخت زوجك ياساره
ساره طالعت بنوف وكلمة زوجهك ماستغربتهاا هزت راسهاا بالموافقه
نوف بجديه / وش صار عليها علشان تدخلون ذا المكان
شوق بجديه / اسمه الهيئة لولاه لكثر الفساد وضاع البلد
نوف بهدوء / قول الي صار بالتفصيل
حكت شوق لامها كل السالفه وامها تسمع وهي مفجوعه ومتاثره من الي تقوله بنتهاا
نوف بحرقه / حسبي الله عليهم والبنت وش صار عليهااا
شوق بقهر / وش تتوقعين يصير عليها وهي تصحى بمكتب مدير الهيئة واصابع الاتهام عليها وزاده دخول خالها وتهديده انه يذبحهااا ماقول الله يكون بعونهااا
نوف بتاثر / حسبي الله عليهم وصديقتها ليش بتضرها
ساره بشهقات / ديما انغشت فيها مستحيل تكون صديقه وبتحط صديقتها بهالمصيبه والقهر مسلمتها لاخوه
نوف بتاثر / ياليتها جت معكم لين يهدا الموضوع
شوق بقهر / صعبه تجي معنااا
نوف بقهر / شلون بتطلع من هالمصيبه
شوق باصرار / انا وساره بنحقق بقضيتهااا ونكشف برائتها بعيون خوالها ونحاسب الخايسات
نوف بحرقه / حسبي الله عليها شلون تسوي كل هذا بصديقتهااا وديمااا طيبه ماتستاهل ينغدر فيهاا
زاد نحيب ساره قربت منها نوف وحضنتهاا و بحنان / معليه حبيبتي مصير الحق يبان
ساره من بين شهقاتهااا / خالها بيذبحهاااا حلف بهالشيئ
نوف بجديه / مستحيل يسوي هالشي وبعدين احنا مو عايشين بغابه يذبح على كيفه
سحبت ساره نفسها من حضن نوف وبصوت باكي / انتي ما تعرفين عقول بعض البشر المتخلفه
تحول قضية الاغتصاب قضية شرف وتنظلم البنت وتنذبح وش ذنبهااا البنت المغتصبة
بدال لا ياخذون لها حقها يذبحونهاا
نوف بجديه / لازم اروح لبيت صقر واتطمن عليهااا
ساره برجاء / تكفييييييين طمنينا عليها
وقفت نوف / ان شاء الله تكون بخير وخوفك ماله داعي
ساره تشك بكلام نوف
طلعت نوف من الغرفه دخلت غرفتها لبست حجابها لان لبسها كان ساتر
طلعت بخطوات سريعه لبيت صقر طقت الباب اكثر من مره بعد ما فقدت الامل رجعت لبيتها وقلبها عند ديمااا
عند عبدالله
وصل بيتهم نزل من سيارته فتح الباب بمفتاحه
دخل المجلس ورفع جواله يتصل على امه
عبد الله بصوت مبحوح / يمه تعالي انا بالمجلس
ام صقر بستغراب / ادخل مافي احد غريب
عبد الله باصرار / يمه ابيك بموضوع ضروري مابي خالتي تسمعه
توقعت ولدها بيكلمها عن شي يخص زواجه من بنت اختها
انهت اتصالها ودخلت المجلس شافت وجه ولدهااا
ام صقر برعب / وش فيك
وقف عبدالله وحضن امه / يمه ابيك تروحين معي مشواررر
ام صقر بخوف / اختك صايبها شي
عبد الله بجدية / يمه الله يخليك البسي عباتك وتعالي معي ومابي احد يدري انك معي
ام صقر وعيونها على ولدهاا / قول الي عندك هنا وبعدها اروح معك
عبد الله مشى قدام امه / انتظرك بالسياره لا طولين علي
لما طلع عبدالله من غير لا يجاوبها تاكدت انه وراه شي عظيم
دخلت داخل لبست عباتها ونقابها وعيون اختها عليهاا
ام مرام بستغراب / وين رايحه بهالوقت
ام صقر برتباك / مشيوير وراجعه
وقفت ام مرام وقربت من اختها وبشك / يوجعك شي
ام صقر بضيقه / مافيني خلاف
مشت من قدام اختها
ام مرام بستغراب / وش هالمشيوير الي بهاليل
عند ام صقر
طلعت شافت ولدها بسيارته فتحت الباب وركبت جنبه لما شاف امه ركبت حرك سيارته
ام صقر بخوف / وين موديني بهالليل
عبد الله بصوت مبحوح / بوديك لوحده بحاجه لوقفتك معها بمصيبتهااا ومحد بيطلعها من مصيبتها غيرك
ام صقر رفعت حواجبه بستغراب / منهي
عبدالله بحرقه / لا تستعجيلين اذا وصلتي شقتي عرفتيهااا
ام صقر تسمع عن زواج المسيار وخافت ان ولدهاا متزوج وزجته فيهاا شيئ
ام صقر بشك / انت متزوج مسيار
مارد على امه الي صار عندها الشك يقين وصل للعماره
عبدالله بقلق / وصلناا
نزل عبدالله وفتح باب امه نزلت وقلبها ماكلها من الي بتشوفه
وصل وبيدين ترتجف فتح الباب
عبد الله بارتباك وخوف / استهدي بالرحمن وحاولي تمسكين نفسك وما تنهارين
كلامه دخل الخوف لقلبها دفت الباب ودخلت وبعصبية / وش مخبي علي
تنهدت عبدالله بالم / بتعرفين الحين والله لو اني ملاقي حل كان ماجبتك وفجعتك
ام صقر عيونها ادور بالممر الفاضي التفتت شافت غرفه مقفل نورها
ام صقر بعصبيه / قول منهي الي جايبني علشانه تراك نشفت دمي
مسك يد امه وبحنان دخلها الصاله
شافت ديما نايمه على الكنبه وبصدمه / هذي بنت اختك وش جابها لشقتك
كانت بتتقدم لديما لكن يد عبدالله مسكتهااا
عبدالله برجاء باكي / يمه ديما بحاجتك وصقر يتهدد بذبحتها
انتنفض جسمها من الخوف وبرعب / وش مسويه يومه بيذبحهاا
سحب امه معه للمجلس وجلسها وام صقر قلبها بيوقف من الخوف متاكده انها مسويه شي كبير ولا شلون صقر الحنون بيذبحهااا
نزلت دموعها بحراره وبحرقه / قول وش مخبين علي من مصيبه
عبدالله بصوت باكي / يمه تكفييييييييين احميهاا من صقر لا تساعدينه عليهاا
ام صقر بصراخ باكي محروق / البنت وش هي مسويه علشان اخوك يذبحهااا
عبدالله بصوت باكي مقهور / ديما ضحية لصديقتهااا سحرتها
ونزل عيونه ما يبي يفجع امه بالباقي
ام صقر بعصبيه وخوف من الي بتسمعه وبارتجاف بصوتهااا / وش بلاك سكت كمل وش سوت صديقتهااا
رفع عبدالله عيونه الي كلها دموع وبشهقات / سلمتهااا لاخوهااا واغتصبهاا
وديما كانت فاقده الوعي
بهالحظه حست السماء طاحت على راسها طالعت بولدها بعيون مفجوعه مصدومه بنتهااا الي ربتهااا وتعبت بتربيتها تسمع فيها هالكلام لو سمعت انه صاير لغريبه لنفطر قلبها شلون بالي اقرب لها من روحهااا
ماقدرت تنطق بحرف الفجعه كبيره
عبد الله بصوت باكي / يمه ديما منهااره وكانت تبيني اتخلى عنها واسلمها لصقر يذبحهااا
ديما مفجوعه يمه طالببببببك لتزيدنهاا عليهاااا
ام صقر بشهقات وبكلمات مبعثره / يارب رحمتتتتتتتتك حسبييييييييييي الله على الي مايخافون الله حسبي الله عليهم قولي وش الدبره بهالبلوه
عبد الهه بنحيب موجع / يمه لو ادري بالدبره كان تصرفت
الحين لازم نحميهاا من صقر والباقي حله عند ربي
وقفت ام صقر برجول تنتفض وداخلها حرقه على بنتهااا لو وزعت على العالم لزادت
وبصوت باكي منحرق / البنت مالها طلعه من شقتك وبجلس معها لين ربك يفرجهااا
دخلت تاركه ولدها ورها قربت من ديما
جلست عند راسهااا وبحنان باكي / ديمااا
ديما سمعت صوت اكثر انسانه تحتاجها بهالوقت فتحت عيونها الدامعه وبصوت ضعيف منكسر / يمه
ام صقر ضمتهاا بحنان وبصوت محروق / ان الله مع الصابرين
زادت شهقات ديما / يمه قولي اني احلم والله ماطلع من البيت
ام صقر بشهقات / حسبي الله عليهم ربك بينتقم لك منهم
ديما سحبت نفسها من حضن امهااا وبصرخه موجعه
/ انا نجسسسسسسسسسسسسسسسه لحد يلمسني وركضت ودخلت الحمام وقفلته عليها
ام صقر ركضت ورا بنتها لكن ديما كانت اسرع منهااا وقفلت الباب عليها بالمفتاح
ركضت لولدهاا الي سمع الصراخ و جاء يركض وبرعب / وش صاير يمه
ام صقر بنحيب / الحق عليها قفلت عليها الحمام
عبدالله بصوت باكي / الله يكون بعونهااا
راح للحمام وبهدوء / ديماااااا اطلعي
قربت منه ام صقر وبرجاء باكي / يمه اطلعي علشاني
ديما كانت بالبانيوم مشغله المروش وجالسه تحته تبكي بحرقه موجعه تحس كل وسخ الكون لازق بجسمهااا صارت تفرك جسمهااا بقسوهاااا ماسلم من اظافرها تحاول تشيل جلدها يمكن ترجع نظيفه مثل قبل اختلط الماء بالدم وهي تزيد
ام صقر وعيونها على ولدها ويصراخ / اكسر الباب اخاف سوت شي بنفسهااااا
عبدالله ركض لغرفته وفتح درج المفاتيح اخذ مفتاح وركض عند امه فتح الحمام وفجعه المنظر الي يشوفه
ام صقر ركضت لديما الغرقانه وشافتها شلون جارحه نفسهااا
وبصوت باكي / حرام عليك وش سويتي بنفسك
قرب منهم عبد الله وحاول يشيلهاا لكن ديما تمنعهم من الاقتراب منهااا
ديما بصوت تعبان منهار باكي / لا تلمسوني اوسخكم
ام صقر وعيونها على ولدهاا / شيلهااااا
استغفلها وشالهااا وامه قفلت الحمام واخذت المفتاح معهاا من بعد الي شافته ديما ماتنضمن
دخلها غرفته وسدحهاا على سريره وشهقات ديما مغطية المكان
قربت منهم ام صقر وبصوت باكي / البنت فيها روعه اذا تعرف شيخ يقرا هاته
طالع بساعته شافها وحده / يمه من وين اجيب شيخ بهالليل
ام صقر وعيونها على ديما الي تنتفض وبصوت باكي / اذا ماجبته زاغ عقلهااا
عبد الله بصوت باكي محروق / وهي ناقصه ماقول الا ربي يعينهااا ويصبر قلبهاا
ام صقر وعيونها على بنتها / البنت غرقانه ومالها ملابس
قرب من دولابه وسحب بجامه ومدها على امه
عبدالله / لبسيها البجامه واذا اصبحنا رحت لسوق اشتري لها
ام صقر بصوت مبحوح / قول لمرام تجهز شنطة ملابسهاا
عبدالله بحرقة / مابي احد يدري عن الي صار تعرفين نظرت العالم ماترحم
عند صقر
بعد ساعه واكثر قضاها بالبكي والنحيب وصل لبيتهم ووجه ما يبشر بخير فتح الباب وحاول يمسك اعصابه
طق الباب الداخلي سمع صوت خالته تسمح له بالدخول
شافته ام مرام فزت واقفه / يمك وش بلاك
صقر باختناق / مافيني شي امي وينهااا
ام مرام بقلق / امك طالعه من اليوم وقلبي ماكلني عليهاا
صقر بصوت موجوع / عبدالله مركم
ام مرام بجديه / لا
ام مرام بطيبه / تراني خالتك قول يمك الي مضايقك
صقر بعصبية ما تعودت عليها ام مرام / مااااااافيني شي
ام مرام بحنان / اختك صاير عليهاا شي
صقر بعصبية / يرحممممممم ولدينك ماني متحمل كلمة وحده
اخذت بخاطرهاا من عصبيته عليها الي شافته مو صقر الحنون واوجعها قلبها انه طلع ماعبرهاا
على طلعت صقر نزلت مرام شافت امها واقفه / يمه وش فيك
ام مرام بزعل / الولد ماهو صاحي والله يستر من الي قالبه
مرام وصلت عند امهااا يستغراب / منهو الولد الي مهو صاحي
ام مرام مشت ترجع لمكانهاا / صقر رفع صوته علي وشكله مهموم
جلست مرام وبقلق / يمه الفجر اذن وديما ما رجعت
ام مرام بقلق / والله اني حاسة ببلوى صايبتهم خالتك طالعه مستعجله وديما وزوجة صقر للحين مارجعو
مرام بقلق / ديما جوالها مقفلته وزوجة صقر ماعرف رقمها
عند صقر
دخل مكتبه وهو ناااوي على مروان
اتصل على مدير السجون وبصوت مبحوح / السلام
المدير بجدية / وعليكم السلام
صقر ودموعه على خده وبصوت مبحوح / بسالك جاكم واحد اسمه مروان ال......
مدير السجن / لحظه اشوف السجلات
انتظره على التلفون بعد ثواني جاه صوت المدير / له دقائق بالتوقيف
صقر بحقد / خلهم يجيبونه لمكتبي
انهى الاتصال وصار يمسح دموعه الي صارت تنزل غصب عنه وما يقدر يمنعهااا صدمته باغلى الغوالي كبيره ومدمره لروحه
يمكنها لو ماتت مابكى عليها كثر بكاه من خيانتها لهم
عند مروان
كان بالتوقيف وعيونه على المكان وحس بوجع ضربات صقر وعبدالله بجسمه
مروان بضيقه / وينك يا عامر تفكني من هالمصيبه
يخوفي ان هالخبلات يورطني مع الشرطه و يعترفن علي
ياليتني منبهن على الي يقولنه لنمسكنااا
سمع صوت خطوات التفت شاف شرطي يدخل عليه
الشرطي بجديه / مدير المباحث طالبك
انتفض مروان وبرعب / الحين طالبني
الشرطي / ايه
قرب الشرطي من مروان حط الكلبشات بيده وطلع معه من التوقيف
عند صقر
جالس وداخله بركان بينفجر بينتظر هالحقير علشان ينفجر عليه سمع طرقات على الباب حاول يمسك اعصابه شاف الشرطي وبيده المجرم الي استغفلهم واستباح وتجرء على محارم صقر
ما قدر يتكلم خاف صوته يخونه ويفضحه عند الشرطي
طلب منه بلاشاره يفك قيد مرواون ويطلع
نظرات جت على مروان شاف نظراته كلها خوف
اما مروان انفجع ان مدير المباحث يكون خالهااا تاكد انه ميت ميت
تذكر ان اخته قالت ان خالهااا بالمباحث لكنه ماتوقع ان منصبه عالي
عند صقر
لما شاف الشرطي يطلع براكينه انفجرت وقرب من مروان وسحبه من شعره بقسوه
وبصراخ / يالصايع تحسب بخليك العب بشرف صقر ثمنه الموت وقبله التعزير
مروان صار ينتفض من الخوف قدام صقر
اخذ سوط من مكتبه و صار يضرب مروان بدون رحمه
صار يضربه بالسوط وبيده لعل وعسى ناره تنطفي
من قو ماضرب مروان اصبعه الصغير انكسر لكن ماحس فيه لان الوجع الي داخل اكبر من وجع الاصبع
مروان صار يتوسل لصقر لكن صقر مايسمع الا صوت حقده عليه
لما سمع توسلات مروان زاد الضرب حتى وجه مروان ماسلم من السياط
حاول يحمي نفسه من صقر وانخش تحت المكتب كل ذره بجسمه تصرخ وجع من ضربات صقر الموجعه
اما صقر جن جنونه وهو يشوف مروان تحت المكتب
وبصراخ مرعب / مدامك يالوسخ منت بقد سواتك ليش تتعدي على محارم الناس والله ما يطلعونك من هنا الا محمل بالنعش والي ماقدرت اسوي بالهيئة لي الصلاحية اسويه هنا ومحد بمانعني
مروان من دخل هالمكتب وشاف صقر وهو متاكد انه مراح يطلع من هالمكتب عايش لكن عنده امل احد يخلصه من يد هالمتوحش الي قدامه
نسى انه يستاهل واكثر لانه مجرم دمر واعتدى على كثيرات والي شجعه انه نجى من عملته ومحد حاسبه
لكن طيحته بيد صقر ثمن لجريمه
ياليته يعترف انه مالمسهااا ولا قربهااا لكنه متاكد بينسجن
لكنه اذا رمى كل شي براس بنت اخته بيطلع منها لان كل شي برضاهااا وهي المذنبه لانها اغرته
لكن المكتب ماحماه من صقر الي مد يده وسحب شعر مروان لين طلع وهو يتوجع من شعره الي متاكده انه شاله من مكانه
وكمل الي بداه من الضرب
عند ركان
من بعد ما درى عن حال خويه والنار شابه داخله سال عنه في بيتهم ما حصله ومر المحلات الي يجتمعون فيها ماله اثر اخر امله الشغل
دخل المكتب شاف صديقه طايح ضرب بواحد
ركض لهم وسحب صديقه / بتذبح الرجال
صقر بعصبيه وحرقه ووجع / خلني اشرب من دمه واشفي غليلي
ركان بصدمه / وش بينك وبينه
صقر غصب نزلت دموعه كانت موجعه لقلب صديقه
كان يبكي بصمت اكيد وراء هالدموع شي كبيررررر
ركان وعيونه على مروان وترجع لصقر وبصدمه / صقر انت تبكي
صقر بالم وحرقه / اااااااااااااااااااااااااه
قرب من صديقه وبتاثر / عسااها بعدوينك
انتقلت نظراته لمروان الطايح على الارض الي شكله يقطع قلب الكافر لكن ركان طالعه بحقد هذا سبب دموع صديقه فهم السالفه لانه فهم البدايه من شوق وتاكد ان هذا هو المجرم
ركان جلس صديقه على الكرسي وجلس مقابله وبحرقه / هذا الي بسبته كنت بالهيئة
طالعة صقر بصدمه لكن ماقدر يرد وش يقول لصديقه
لكن صقر عض باقوى ماعنده يمنع شهقاته تطلع وتكسر رجولته قدام عدوة وصديقه
لكن شهقاته خانته وطلعت وحرقت قلب ركان اكثررررررر
حال صقر كانت اثبات على صحة كلامه وضحت له الصوره كامله
ناظر بمروان ناظرات حارقه
لكنه حاول يكون اقوى ويسحب مصيبة صديقه ويخفف عليه
وبحرقه / لتنجس يدينك بدمه مايكون هذا الشنب على رجال ان ماخليته يخيس بالسجون ويتمنى الموت يريحه من عذابة
صقر حط وجهه بين ايدينه وصار يبكي بكاء يقطع قلب الكافررر من يصدق ان بيجي هالزمن الي بينتحب صديقه
ومابيده يمسح دمعته ويخفف عنه
بعصبيه قرب من مروان الملقى على الارض وكمل عليه ضرب كل شي يتحمله الا دموع وقهر صديقه لما شاف مروان ينزف ضغط زر وقبل لا يدخل الشرطي
تفل بوجه مروان و بعصبية / صدقني مارح تطلع منها سالم وبتدفع الثمن روحك يالكلب
دخل عليه الشرطي كلبش مروان وطلع فيه برا المكتب
رجع لمكتبه وعيونه على صديقه الي دافن وجهه بين ايدينه
ما يدري شلون بيقدر يطلع صديقه من الحاله الي فيهااا
ركان برتباك / كل مصيبة ولها حل
كلامه زاد نحيب صديقه ماقدر يحتحمل شهقات صديقه قرب من صقر وسحب يدينه من وجه شاف دموع القهر بوجه
الي بصديقه قهر الرجال الي تعوذ منه رسولنا الكريم دمعة الرجال غاليه وماتنزل الا من شي عظيم
صقر بصوت مبحوح موجع / اااااااااه مقهور يا ركان البنت حرقت قلبي وقهرتني مع هالخسيس
راكان بتاثر / ارم حملك علي لا تشيله لحالك
صقر بصوت موجع / بنت اختي الي ماقصرت بحقها وعتبرتهاا بنتي واغلى كافأتني انها تخون ثقتي فيهااا وتسوي علاقة محرمه مع هالكلب الي شفته
من الفجعه جلس ركان على الكرسي مقابل لصقر والكلمات وقفت بحلقه ماعنده أي حرف يخفف فيها عن صديقه
ركان بامل / يمكنها مظلومه
صقر بصوت باكي مقهور / الحيوانه موقعه على فعايلها والهيئة صايدينها بالجرم المشهود
ركان حقد على ديما ولو انها بين ايدينه كان ذبحهااا شلون تتجراء وترد جمايل خالها بهالحقاره
ركان بقهر / ان لله وانا اليه راجعون
وقف ركان / البكاء والدموع مو حل لهالمصيبه وجلستك هنا مالها داعي تعال معي لبيتي
صقر بصوت باكي مقهور / سواتهااا ذبحتني
ركان والعبره خانقته / اذا لي خاطر عندك امش معي ارتاح
وهي بحريقه زوجهاا من الي صاعت معه من غير لحد يدري بالموضوع وصدقني لتزوجته بيكون اكبر عقاب لهااا
صقر بصراخ باكي / تبيني ازوجهاا له الحل اني ادفنه وادفنها وعارها يندفن معهااا
ركان تنهد / لا تحل الغلط بغلط اكبر منه البنت غلطت وغلطهاا كبير
لكن ما تحله انك تذبحها وتنعدم بسبتهااا خل عنك التهور والافكار المجنونه
صقر مستحيل يسوي الي قاله ركان لانه ان سواه راح يكافئهم على سواتهم بالزواج مايشوف غير موتها هو الحل والي بيرد قلبه
بعد يومين
ابو مروان وامه جن جنونهم على غياب سلوى واخوهااا
ساره مازالت عند شوق و داخلها يحترق على ديما تبي تعرف اخبارها
منى مازالت عند سميه مع العالم ولا هي معهم
صقر رجع للبيت لكن تجنب يدخل داخل ماافيه حيل لتحقيقات خالته ومتاكد ان امه عند ديما في شقة اخوه ومازال مصر على تفكيره بذبح ديما
مقهوررررر من ركان الي استلم القضية ورافض حضوره
سلوى رافضه تعطي أي معلومات عن اهلهاا خايفه على ابوهاااا
تهاني عايشه ببرود وكانها مو بالسجن وهذا البرود كان سبب لمشادات بينها وبين سلوى
شوق ماهتمت بزواجهااا وامها ومها متكفلات بالتسوق وتجهيزها كعروس وهي لو بكيفها حضرت الزواج ببجامتهاا
ركان بدا يجهز بيته وداخله فرحان وخايف
فرحان انه بيتزوج شوق وخايف من ردت فعلها لكتشفت لعبته
سمية مستغربه ان اهل منى ما تصلو يسالون عنهاا وهذا الشي حز بخاطرهااا وبتحاول تعجل بزواج اخوها منها لكن قبل هذا براسها شي بتسويه لصالح منى
عند ابو مروان
مهموم وحزين وكل فكره شينه جت براسه بسبت غياب البنات ومروان وام مروان ماتقل حال عن زوجهااا
ابو مروان با ختناق / الكلب وين ماخذ البنات يا خوفي بايعهن لدشيره
ام مروان بحرقه / انت وش بلاك على الولد وش هالتفكير الشين الي تقوله مروان مايسويها
ابو مروان ودمعه نزلت من عينه / الي مايخاف الله ينخاف منه وولدك مضيع دينه
ام مروان بزعل / ماهقيتك تفكر بولدك هالتفكيررر
ابو مروان بوجع وحرقه / قولي وينهم لهم من يومين طالعين
ولو صاير عليهم حادث الخبر الشين بسرعه يوصل
ام مروان بصوت مبحوح / وش هالفال الاقشر
الله يطمنا ويخيب ضنك
ابو مروان بحرقه / الي ماكل قلبي البنات ولا ولدك ماهتميت بغيابة
ام مروان بصوت باكي / ربي بيطمن عليهم ان شاء الله
ابو مروان بحرقه / ماضنتي وراء اختفائهم خير ماقول الله يجعل العواقب سليمه
عند شوق
كانت جالسه على الكنب بغرفتها وساره جالسه جنبها سرحانه
شوق بضيقه / مابقى الا سبوع على جنازتي
ساره التفتت عليها بعصبيه / مجنونه وش هالكلام الماصخ
شوق بابتسامة سخريه / الظاهر مالنا حظ بالزواج
انتي حذفتك جدتي عليه ولا فرحتي بعرس وانا مغصوبه عليه
وبقهر / من يصدق شوق ناصر تنغصب لكن والله لطلع هالغصيبه من عيونه
ساره بحرقه / تتوقعين افقدوني وحسو بغيابي ولا وجودي مثل عدمه
شوق تحاول تخفف عنهااا / انتي تشوفين مصيبتهم تخليهم يذكرون انفسهم علشان يتذكرونك
ساره تنهدت بحرقه / بموت واعرف وش صار على ديماا اخاف الوحش ذبحهااا
شوق بجديه / ماضنتي ان اخوها الثاني بيخليه يقرب منها واذا جدتها وامها تفهمو الموضوع بيوقفون معهااا
شوق حاولت تغير الموضوع / دريتي ان زوجة اخوك في بيتنا
ساره طالعتها بستغراب / امك اكيد في بيتكم اجل وين تبينها تكون
شوق بقهر / اقصد زوجته الثانيه الي هي طبينة امي
ساره بصدمه / وش قاعده تقولين
شوق بابتسامه / الي بيطير عقلك انه متزوج مجنونه جايبها لبيتنا علشان تذبح امي
ساره بصدمه / وجعععععع خلي مزحك لاني ماني برايقه له
شوق بجديه / والله ما مزح واذا منتي بمصدقتني بتلقينها نايمه بغرفة امي
ساره نست حزنها وبصدمه / تركي اخوي يتزوج مجنونه طيب لييييش
شوق بجديه / زل لسانه وقال انه رد معروف والباقي في بطن اخوك
ساره بستغراب / شلون امك تستقبلها في بيتها كان حذفتها عليه وخلته يتوهق فيها
شوق بقهر / امي تستقبل العوجه والمنكسره ولما رفضت دخولها عصبت علي
والقهر انها تدري ان عمي جايبها علشان تذبحها وهي ببرود تنومها معها بغرفتهااا
ساره بابتسامه / ياليت تركي يدري ان المجنونه بغرفة حبيبته وانه جايبها علشان تذبحهااا
شوق بهدوء / قررت بعد زواجي اقوله ان حبيبته امي
ساره بققت عيونها من الصدمه / وش الي غير رايك مو انتي كنتي رافضه اقول له
شوق بجدي / لاني طالعه من البيت وعمي الوحيد الي برتاح ان امي معه
ساره بجديه / ماخفتي من ردت فعل تركي لدرى انك تلعبين بمشاعره
شوق بجديه / عمي لقلت له بينسى كل العالم وبيفرح ان حبيبته نفسها زوجته
نسومه تقول ( يويللللللللللللك من تركي )
عند نوف
دخلت غرفتها التفتت على سريرهاا شافت نوره نايمه تكلمت بحزن / ياقلبي عليها كله نايمه
قربت من نوره ومسحت بحنان على شعرهااا
نوف بحنان / قومي حبيبتي ننزل تحت من جيتي بيتنا وانت ماتطلعين من الغرفه وكله نايمه
نوره تسمعهااا وحنان هالانسانه يذبحهااا
نوره في نفسها / معقوله تكون مجرمه وقاتله والله لو اشوفها تذبح ما صدقت
قطع تفكيرهااا احتضان نوف لهاا وبحزن / متى انجنيتي وليش انجنيتي
احساسي يقول ماضيع عقلك شي سهل والله ان احيانا المجنون بنعمه يكثر ما تمنيت افقد عقلي علشان ماذكر الماضي الموجع
نوره زاد فضولهاا تعرف الاسرار الي ورا هالانسانه الي واضح من نبرت صوتها الحرقه والوجع
في شقة عبدالله
منسدح بالصاله طالع بساعته 9 الصبح
له يومين ماداوم خايف ان اخوه يجي بغيابيه ويسوي الي خايف منه
ماجاه نوم وهو يسمع بكاء ديما ونحيبها الي يحرق قلبه وينحره بكاء المظلوووم موجعه
المصيبه انها تشوف نفسها نجسه وكل ماقرب منهااا او جدتها تفز كانها مقروصه ماتبي تنجسهم
وهذا الي كرهه يدخل غرفتهاا ماتعود من ديما الا الابتسامه والفرفشه وبليله تنقلب حالهاا
هو اصغر من انه يتحمل هم ديما ووجعهااا تمنى اخوه صقر مكانه لو واثق من برائتها بيعرف يطلعها من حالتهاا متاكد الي زاد حالتها موقف صقر
مقهوررر على ديما وعلى حالهااا وصى ناس يعرفهم يدورون له على شيخ ثقه وللحين محد رد عليه
عند ام صقر
جالسه على الكرسي وعيونها على بنتها الي زين منها اذا نامت دقيقه على بعضها كله تفز مرعوبه
طول ليلها على سجادتهااا تناجي ربهاا بدموعها انه يبرد على قلب ديما وينتقم من الي ذبحوهاا
شافتها تفز قربت منهاا وبصوت باكي محروق / الله يبرد على قلبك يمه وياخذ لك حقك
ديما بصوت باكي موجوع / يمه انا زانيه
تنهدت ام صقر فوق المليون مره تسمع منها هالكلمة وهالكلمة تذبحهااا
ام صقر بصوت باكي / الله يرضى عليك ويفك مصابك لا عاد اسمعك تقولين هالكلمة الي توجع جدتك
عيونها صارت تنار بقرف جسمهااا وبصوت كله اوجاع والم / يمه
وبشهقات موجعه / جسمي استحله واحد بالحرام بصراااااااخ فجر المكان / شلون ما حسيت
ااااااااااااااااااااااه يمه صديقتي سلوى قدمتني قربان لاخوهاا
وبصراخ اقوى / لييييييييييييييييش
ام صقر بصوت باكي موجع / الله بياخذ حقك منهم انتي تعوذي من الشيطان ومابي اسمع هالكلام الي صار اختبار من ربك ومكتوب عليك وانتي ببطن امك
وبحنان / قومي يمه صلي ركعتين واطلبي من الله ينصرك
دديماا بصوت منهاار / يمه اترجاك ابي اشوف سلوى يمكن النار الي داخلي تنطفي اوعدك اذا شفتها ارجع ديمااا
ام صقر بحزن / شوفتك لها بتزيد النار مراح اطفيهااا
كلام جدتها زاد نحيبهاااا القهر والوجع الي تحس فيه مستحيل احد يحس فيه غير ديمااا
عند تركي
كان منسدح دخل عليه ولده بشنطته
جلس لولده وبحب / حيا الله الشيخ ياسر
ولده قرب من ابوه وصار يفتح شنطته وصار ينثر الكتب قدام ابوه
تركي بحب وبابتسامه / استلمت الكتب
ياسر بطفوله / ايه بابا والمدرس قال السبت نبدا اول درس
تركي بجديه / من جابك من المدرسه
ياسر بابتسامه / جيت مع عدنان
رفع تركي حاجبه / وعدنان من جابه
ياسر ببراءة / امه مع السواق
تركي بقرف / وش عندها البرنسيسة تنازلت وجابتكم
ياسر ببراءه / بابا احب ام عدنان ابيها تصير امي
كشر بوجه / حبها عزرائل قول امين وبعدين لا تحب الا امك
ياسر برجاء طفولي / بابا الله يخليك ابي امي تعيش معنا
تنهد تركي وبضيقه / الظاهر هذا الي بيصر يكفيك تشتت اقلها تجي تشوف حالك ولا انا معاد لي رغبة بالعرس
ياسر مافهم على ابوه / بابا مافهمت
تركي بابتسامه / بنجيب لك امك عساك انبسطت
قرب من ابوه وحضنه / احبك بابا
مستغرب من رغبة ولده ان امه تعيش معهم هو لاحظ كثرت روحاته عند امه واذا جاء من عندها محمل بالاكياس بيومين قدرت تكسب ولدها يتمنى بداخله انها اذا دخلت حياته تنسيه عشقه
تركي بصوت عالي / معقوله زواجي العلاج لنسياني لهااا
بقرارت نفسه متاكد انه مستحيل بينسى
قلبه ماعشق الا مره ومستحيل الي يحب بهالقسوة بينسى
ام ياسر مفروضه عليه اول وتالي اول من امه والحين من ولده مايبه يحس بالفقد ولا هو ماله رغبه بالزواج يتمنى يعيش على اطلال عشقه
ام سالم
بمكتبها بالمشغل من بعد تسرعها وهي حاسه بضيقه وتفكر اطلع نفسها من هالضيقه تذكرت مها
افتحت جوالها وصارت تقلب بالارقام شافت الرقم
عند مها
كانت عند نوف جالسات يفطرون سمعت جوالها قامت لشنطتها وافتحهااا
شافت رقم ام سالم الي مسجلته ماجامله لها وهي متاكده انها مراح تتصل
مها بستغراب / تدرين من الي يتصل
نوف ببرود / قولي مالي خلق لتفكير
مها بحقد / حماتك عجوز بليس
نوف بقرف / وش تبي
مها بابتسامه / خليني اكلمها علشان اعرف وش وراهااا
رفعت الجوال سمعت الصوت الرسمي
ام سالم بثقل / السلام
مها كشرت بوجها من غرور هالادميه / وعليكم السلام شخبارك ام سالم
ام سالم بجدية / شخبارها خويتك
مها تاشر على نوف وتبين انها تسال عنها
مها بجديه / معليهاا
ام سالم بجديه / موجوده عندك ولا سافرت
مها بجديه / موجوده
ام سالم بجديه / انتظر زيارتكم المغرب
مها منقهره من اسلوبها بالعزيمه و بجديه / بشوفها اذا ماعندها شغل جيناك
ام سالم باصرار / كلميها الحين وردي لي خبر
مها تكشر بوجهاا وبجدية / ان شاء الله
ام سالم بجدية / مع السلامه
بعد مانهت الاتصال صرخت بصوت عالي / خالتتتتتك هذي ما تنبلع
نوف بكره / مثل عيالها صدق انها امهم
مها بجديه/ تعزمك على قهوة بعد المغرب
نوف بجديه / اعتذري لها مالي خلق اشوفها
مها بجديه / والله انا ابي اروح لها وبما انها عازمتك بتروحين معي
نوف بجديه/ كنت اروح لها علشان عيالي وعيالي عندي وش له اروح
مها تغمز لها وبخبث / البسي كل الي بالحبل يمكن يشوفك العاشق الخبل ويطب ساكت وتفتكين منه
نوف بقرف / لا تغثيني بسيرته
بعد المغرب
عند نوف
كانت بغرفتهااا تتمكيج وعيون نوره عليهااا منبهره بالجمال الملائكي الي متاكده لو عاشت اضعاف عمرها ماشافت مثله ولا راح تشوف
مستغربه من الغريب شلون ماضعف قدام جمالها ويبي ذبحتهااا
نوف منتبه لنظرات نوره التفتت لها
بابتسامه وبحنان / حبيبتي اسفه كنت باخذك للمشغل وخليهم يعدلونك لكن انشغلت هاليومين
نوره بنفسهااا / يطيببببببببب قلبك ماخذه زوجك وبتعدليني والله ماحسستيني بغياب امي نفس حنانها ويمكن انتي اكثررر يابختهم عيالك انك امهم
وبحنان / حبيبتي مامليتي من الغرفه انزلي تحت والعبي مع شادن
نوره بققت عيونها وبنفسها / هذي كيف تفكر تدري اني مجنونه وجايبني اذبحها وبتنزلني عند عيالها والله احيان من نظراتها احس انها كاشفتني
نوف لما ماشافت أي تجاوب من نوره نزلت شافت صديقتها على الدرج
مها تناظر بنوف باعجاب كانت لابسه فستان احمررر لتحت الركب بخيوط مبرز بياضهااا والمكيج ناعم والكحل مكبر عيونها واروج الاحمر عذاااب عليهاااا
مهاا بابتسامه / ابصم بالعشره لشافك بيطب ساكت
نوف بتنرفز / والله اذ جبتي سيرته هونت عن هالروحه
مها حطت يدها على فمها / بسكت اهم شي تروحين معي
عند تركي
من بعد كلامه من ولده وهو يفكر بجدية برجعت اميره له علشان تنسيه عشقه وتهتم بولدها الي يوجعه كثير تشتته وعدم استقراره وقف مقابل غرفة امه
وفتح الباب شاف امه كاشخه واضح انها بتطلع
تركي بستغراب / على وين بهالليل
طالعته امه بسخريه / ليكون ناوي تمنع امك تطلع
تركي اخذ نفس من بعد سواتها مع ساره ماكلمهااا
تركي بهدوء / مجرد سؤال وانتي شبيتي فيني
ام سالم بعتاب / لسانك طايل على امك وفوقه زعلان ومطنشني كاني بنتك ماني بامك رضاي منك يدخلك الجنه
قرب من امه وباس راسها / اسف وحقك على راسي
ام سالم بجدية / انت بتطلع ولا جالس بالبيت
تركي بابتسامه / شكلك تبيني اطلع
ام سالم بجدية / بيجوني حريم
تركي بستغراب / منهن الفاضيات الي بيجيك بهالوقت
ام سالم بجديه / جارتنا ام ثامر وصديقتهاا نوف
فز قلبه لطاريهااا معقوله بعد لحظات بتجي ويشوفهاا لكن شلون بيشوفها بوجود امه
طلع من غرفة امه بدون لايحس اسمها واريها يفقده حواسه
دخل غرفته وهو يفكر شلون يشوفهااا
فتح دولابه لبس بنطلون جنز وبلوه بولووو زيتي مشط شعره
وتسبح بالعطر
شاف نفسه بالمرايه وابتسم على نفسه / والله وهبلتك بنت الناس وقلبتك اخر عمرك مراهق
تتزين علشانها من يصدق انك تركي الثقيل والرزين بسبتها طلعت خفيف
لكن السؤال الصعب شلون بشوفهااا
تذكر غرفة الضيوف الي شباكها يطلع على باب الشارع الخاص بالحريم ابتسم بفرحه ونزل تحت
وبدون لا حد ينتبه دخل الغرفه وقفل بابها وكانه مسوي جريمه خايف ينصاد فتح جزء بسيط من الشباك شاف ولده يلعب كوره مع ولد سالم وعيونه تعلقت بالباب
طال انتظاره وبدا يمل فجئة جاه الفرج وهو يسمع صوت الجرس كل حواسه تعلقت بالباب ثواني شافها بجمالها القاتل تدخل قربت وشاف الروج الاحمر على بياضهاا دااااااااخ
حط يده على قلبه وبهيام / يويل حالك يا تركي شوفتها زادت عذابك وزادت عشقك اكثر
عند نوف
وهي داخله متضايقه من العباة الي اجبرتها مها تلبسهااا فسختها اول ما دخلت
وعيون العاشق تلتهمها بعذاب يحلف ان شوفه لها بهالفتنه بيوقف قلبه الضعيف
الي يشوفه اكبر من تحمل هالقلب المسكين
عند نوف
مها بعصبيه / كان انتظري شوي وفسختي عباتك بتفشليني قدام الحرمه
نوف عيونها جت على ياسر الي يلعب كوره
نوف وعيونها على ياسر وبهدوء / ادخلي وبلحقك
مها شافتها تتقدم لياسر و بعصبيه / وش لك بالبز ما تشبعين من هالبزارين
طنشت مها والي طفشت منها و دخلت وهي منحرجه
ونوف قربت لياسر وجلست مقابله
وبحنان ذبح تركي حس بالعرق يتصبب من جسمه / ارحميني يابنت الناس
نوف بحنا / حبيبي ليش تلعب لحالك
ياسر يحب نوف وحنانها ابتسم لها
نوف قربت منه وباسته
تنهد تركي وبعشق / ياحظك ياولدي في بوستهاا ياليتني بمكانك
ياسر بابتسامه / خالتي تلعبين معي كورة
استغرب تركي من انسجام ولده معها وكانه يعرفها من زمان
نوف بابتسامه اقشعر لها جسم تركي وزادت حرارته
نوف بابتسامه / عندي لعبة احلى من الكوره
شالته وصارت تحذفه لفوق وترجع تمسكه بين ضحكاتها وضحكات ياسر
كانت مبسوطه معه ما تدري انها اجرمت بحق الي يناظرهااا
صحااها من اللعب صوت ام سالم / الله يهداك شاغلتن نفسك مع بزر
نزلت ياسر وانتقلت عيونها لام سالم
وبابتسامه / لشفت هالاطفال ارجع طفله وانسى الي حولي
ابتسمت لها ام سالم ومشت ونوف جنبهااا
تركي لما شاف امه وسمعها كان وده يصرخ ويقول لا تاخذينها بعدني ما شبعت من شوفتهااا
تركي حس بحنقه بعد ماشافها تغيب عن عينه
تسند على الجدار بحرقة عاشق / تقول بتنساهااا تلعب على نفسك ولا حالتي مالها علاج
فتح الباب وطلع شاف ولده وبدون مقدمات حضنه شم ريحتها بملابسه يحلف انها اجمل ريحها شمها وبيشمها بحياته اخذ شهيق يمكن ريحتها تبرد شي من عشقه المجنون
ابتعد عن ولده وطلع من باب الشارع وصل لسياره وبعدها رجع
وبعشق / ما اقدر اطلع وهي داخل ماقدر اترك المكان الي هي فيه
وبسخريه / جننك العشق ياتركي وصرت مجنونها
ياليت الي يلومون العشاق يشوفون حالتي
رجع لغرفة الضيوف عنده امل يشوفها اذا طلعت
داخل
دخلت نوف وجلست جنب صديقتهااا المنحرجه من تصرفهاا
مها انحرجت اول مادخلت من سؤال ام سالم عن نوف وقالت انها برى
استحت تقول لها تلعب مع بزر
صحاها صوت نوف / وش فيه وجهك معتفس
طالعتها كانت الغرفه مافيها الا هي ونوف وام سالم دخلت تجيب الضيافه
مها بعصبيه مكتومه / خلصتي لعب يالبزر
نوف بابتسامه / لولا هالعجوز كان للحين العب
مها بعصبية / ليكون العجوز شافتك تلعبين مع هالبزر والله لطيحين من عينهاا
نوف بثقه / من تكون علشان اهتم بنظرتهاا عني بطقاق هي ونظرتهااا
مها بعصبيه / اسكتي لتسمعك وتشوتك برا بيتها
سكتو على دخول ام سالم ووراها شغلات يشيلون انواع واشكال من الضيافه
بيكون لقائنا اذا الله اراد الاسبوع الجاي احتمال يكون صباح الاربعاء لانه بيكون مناسب لي
اختكم نسايم نجد
|
10-10-12, 12:59 AM
رد: يادنيتي يكفيني عذاب
جديد مواضيع قسم الارشيف
العرض العادي
