كاتب الموضوع :
نسايم نجد
المنتدى :
الارشيف
البارت كان جاهز من الليل لكن النت مارضى يفتح معي
الرجاء عدم طمر السطوررررر
البارت الثمانون
عند مساعد
بعد ما شاف اخوانه يتقدمون عند زوجته ماقدر يبقى اكثر ويشوف الشي الي بينحره مشى بخطوات سريعه تاركهم وراه
ركب سيارته وسمح لنفسه يبكي بحرقه حط راسه على الدركسون ينتفض من البكي
بكي بنحيب موجع الي فيه قهر الرجااال
بكى بنته وبكى حاله تمنى يموت الف موته ولا طاع لطيفه
ارخص بنته لغريب وقدمهاا له علشان شي هو متاكد منه
سمع ضربات خفيفه على الشباك مايدري كم له وهو على حاله رفع راسه ودموعه مغرقه وجهه
ناظر المتطفل شاف حارس الفندق فتح الشباك وبصوت باكي / خير
كانت عيونه الحارس على مساعد لين ركب شافه حط راسه على الدركسون ولما شافه طول خاف انه صايبه شي
الحارس باحراج / سلامتك لكن خفت صايبك شي
مساعد بصوت مبحوح / مشكورر
رق قلبه على حال الرجال الباكي قدامه ويعرف ما ينزل دمعة الرجال الا شي كبير
الحارس بجديه / اقدر اخدمك
مساعد بعصبيه / تساعدني ارجع مكانك
انحرج من رد مساعد ورجع مثل ماجاء ومساعد حرك سيارته بيبعد عن المتطفيلين
عند لطيفه
اخذت الشرشف وعيونها على بقعت الدم قربت من عبد العزيز ومدت الشرشف قدام عيونه
وبنحيب / شوف طهارة بنت اخوووووك
بقق عيونه من هول الصدمه
صالح بصدمه موجعه / وش هذا يا بنت الاجواد
لطيفه بنحيب موجع / حلفت لكم وجبت شهود وكذبتوني وهذا الدم يدل انها بريه من تهمت ولد اختك ولا بتكذبونه بعد
نزلت دموعه بحراره / انتقمتي منا واحسنتي الانتقام لو ابقى طول عمري اتحسف على الي سويته مكفاني
هذا الي كانت تتمنااااااه تشوف حرقتهم مثل ما حرقوهااا
لطيفه بقسوة / تدري بفعلتكم وش صار لبنتي
قربت اكثر من صالح وعيونها الحاقده بعيونه / فقدت عقلهااا صارت مجنونه
وبصراخ محروق / قولي بتقدر ترجع لها عقلها وكرامتهاااا
وبقسوة اكثررر / تدري وين كنا كنا دافنين نفسنا بالبر بين البهايم خليتو قدرنا من قدرهم
عسااااااااااكم انبسطتو بسواتكم
قطع عليهم صوت طيحه قويه التفت لاخوه شافه متمدد على الارض والزبد طالع من فمه ركض له جلس على الارض مقابل اخوه الطايح
صالح بصوت باكي / عبدالعزييييييييييييييز
على صراخه تجمع موظفين الفندق شافو عبدالعزيز الطايح ر كضو لطبيب الفندق لحظات وهو واقف قدامهم
لطيفه ماهتز لها شعره فرحانه فيهم
سمعت صوت الدكتور / ضغطه مرتفع
فتح الشنطه وعطاه ابره منظمه لضغط
دقائق فتح عبدالعزيز عيونه الي كلها دموع
لطيفه بقسوه / عساكم من هالحال واردى
صرخ فيها صالح بصوت باكي موجوع / اسسسسسسسسسسسكتي يكفيه الي شافه وسمعه ما يحتاج كلمه زياده
رفع اخوه المحروق الموجع الي سمعه فوووووق احتماله وطاقته
صار قدامها ذليل مايقدر يرفع وجهه ويطالعها ولسانه انخرس عن الكلام
مشى منكسر ووجهه بالارض ركب الاصنصير ركبو سيارتهم وكلن دموعه على وجهه يحلفون لو مات عيالهم ماحزنو مثل هاليوم اليوم يوم عظييييييييم مستحيل سنينهم الجايه تنسيهم
حركو سيارتهم وكانت الجو هدوء الا من بعض التنهيدات والشهقات الحارقه
عبدالعزيز بصوت موجع / ودني لبيت اختك
صالح بصوت مبحوح ومقهور / وش تبي فيهم
عبد العزيز بصوت باكي مقهور / لا تراددني
سكت صالح الي فيه يكفيه ويزود وصلو لبيت ام طلال
فتح عبدالعزيز بابه ونزل ومشى بدون لا ينتظر اخوه طق الجرس
فتحت له الشغاله دخل لصاله شاف اخته جالسه وقفت مصدمه من شكل اخوهاا
عبدالعزيز بدموع وبعصبيه / وينه ولدك ياحصه
ام طلال برعب / وش صاير المفروض انكم بعرس نوره
عبدالعزيز بصوت محروق / فعلة ولدك كسرتني ودمرت وحده مالها ذنب
ام طلال بصوت باكي / قولو الي جابكم تراني معاد احتمل
عبدالعزيز بنحيب / ياليتهااا ماتت مظلومه ولا شفت ذنبي بعيني
سمعت صوت اخوهاا صالح بصوت باكي / بنت اخوك انجنت و سوو لها عرس علشان نشوف بعيونا سواد وجيهنااا
عبد العزيز بحرقه / وش تبين تسمعين ياحصه مساعد جاب رجال وزوجه بنته تدرين ليه
ام طلال تناظره تبيه يكمل وقلبهااا يرجف من الي بتسمعه
عبالعزيز بصوت مخنوق / علشان يورينا دمها وانها مظلومه
حطت يدها على راسها وبفجعه وبنحيب / ياكبرهااااااياا كبرهااااااااا ياكبرهااااااا كبرهااا
ناظرت فوق والتفتت لاخوانها وبصوت باكي / طلعوه من بيتي واذا بغيتو اذبحوه مااااااابي اشوفه
كان بيطلع عبد العزيز لكن يد صالح منعته وبرجاء باكي / شلنا ذنب وحده لا تخلينا نشيل ذنب الثاني
عبد العزيز بصوت باكي / عاقبنا المظلومه والظالم عايش حياته براحه
صالح بحرقه / يا خوك الولد متحسف ولو بايده صلح كل شي
الي سواه ساعة تهور والحين ندمان
عبد العزيز بحرقه وقهر / لا تشوفه عيني مدامني حي واذا شفته تراني ذابحه
طلع واخوه جنبه ركب السياره / روح لمكه
صالح بقق عيونها / الحين باخر الليل تبينا نسافر لمكه
عبدالعزيز بحرقه / يمكن اذا جيت بيته يغفر ذنبي الي وسخني فيه ولد اختك
صالح بصوت مبحوح / الله يغفر لنااا
عند ام طلال
بعد ما طلعو اخوانها طلعت لغرفة ولدها فتحت الباب بعصبيه وبصوت باكي / اطلع من بيتي ولا تشوفك عيني
وقف طلال من الصدمه / وش صار
ام طلال بنحيب / الي صار موتك ما يصلحه ولا كان بيديني ذبحتك
طلال قرب من امه ووقف قدامها ودموعه نزلت / والله اني ندمااااااااااان واذا يرضيكم احرق
نفسي علشان ترتحون حرقتها ليش مانتم راضين تسامحوني
ام طلال بنحيب / ما ينفع ندمك وبنت خالك بسبتك فقدت عقلها وبسبتك انهانت كرامتهااا
بقق عيونه من الفجعه / نوره انجنت
ام طلال بنحيب / وش تنتظر يصير لها وهي متهمينها بذنب مو فيها والكل متجمع بيذبحها وهي مظلومه يا كبر ذنبك
جلس بين رجول امه ينتحب / بصلح غلطتي وبتزوجهااا
صدت عنه امه وبحرقه / سبقك لها الي اظهر برائتها قدام عمانك
طلال وعيونها الدامعه على امه / شلون اثبت برائتها
ام طلال بصوت باكي محروق / خل عقلك الصغير يقولك والحين مابي اشوفك في بيتي واذا مت لا تحضر عزاي
وقف طلال وصار وجهه مقابل لوجه امه قرب منها اكثر وباس جبينهااا
وبصوت باكي موجوع / طالع وتاكدي منتي بشايفتني الا اذا بغيتي لكن ابيك تتاكدين اني تبت وياليت تسامحيني
قست قلبها طلعت بدون ما تلتفت وراها متاكده بعد بوسته وكلامه بتحضنه وبتسامحه لكن مستحيل ترصى بهالشي لازم ولدها يعرف ان ذنبه عظييييم
دخلت غرفته وتفكيرها في بنت اخوهااا تمنت هالحظه تشوفها
عند طلال
اخذ بوكه ومفاتيح سيارته طلع من بيته ومن الحي الي عاش فيه طول عمره ما يدري وين يروح ولا و ين بيستقر لقى نفس واقف مقابل بيتهاااا
صرخ بصوت عالي باكي / ااااااااااااااااااااااااااااااااااه ياليتها تطفي ناري
ياليتننننننننننني مت وماصار الي صارر
قالو اني كسرتك وانتي كسرتيني زمان والحين
عند نوف
كانت بالصاله وعيونها على الساعه تنظر عروس تركي متلهفه تشوفها
دخلت عليها شوق وبستغراب / غريبه مراحتي عند خالتي مها ولا هي جتك
نوف بابتسامه / الليلة زوح عمك تركي
شوق بصدمه / شلون نسيت زواجه
وناظرت بوجه امها / وجهك منور الي يشوفك يقول مبسوطه بزواجه
نوف بابتسامها / وانا مبسوطه بزواج عمك وانتظر عروسه
شهقت شوق بصدمه / بيجيبها عندك وش يفكر فيه عمي مستحيل اسمح لها يجيبها
نوف بجديه / تدرين انها مجنونه
شوق بصدمه / شلون مجنونه
نوف تبتسم على تعابير الصدمه في وجه بنتها وبتاكييد / مجننننننننونه
شوق بصدمه / عمي وش قاصره علشان يتزوج مجنونه
نوف بحقد / عمك قاصره كل شي وزين رضت فيه المجنونه
شوق بجديه / وانتي من قال لك ان زوجته مجنونه
نوف بحقد / عمك اتصل وقالي عن زواجه بالمجنونه وطلب مني استقبلهااا
شوق بصدمه / بينكم اتصالات
نوف بحقد وسخريه / نسيتي انك مزوجتني له واكيد بيتصل علشان يعكر دمي
شوق بجديه / منتي مجبره تردين عليه ولا انتي مجبره اطيعينه وتستقبلين مجنونته
نوف بحنان / اذا برضى تسكن المجنونه عندي مو علشان عمك علشانها هي
شوق بعصبيه / وش يخصك فيها عمي تزوجها يتحمل مسئولية اختياره
نوف بحقد / عمك ماخاف ربه بالعاقل بيخافه بوحده مجنونه
شوق بعصبيه / يمه حرام عليك تظلمين عمي صحيح عمي قاسي لكنه يخاف ربه
نوف بحقد / والي يخاف ربه يحرم ام من عيالها ويتهمها بعرضها واذا يخاف ربه يتزوج المجنونه علشان تذبحني ويفتك مني
جمدت الكلمات بحلقها الي تسمعه من امها صدق لكن وش سالفة المجنونه الي متزوجها علشان تذبح امها
شوق بصدمه / وداريه انه جايبها علشان تذبحك وبتستقبلينها في بيتك
نوف بحنان / عمك بينفيها عندي وانتي واخوك تعرفون مستحيل عمك بيدخل بيتي
والمجنونه بدال لا يستغلها عمك وتصير مجرمه بحميهااا منه
شوق بضيقه / يمه ليش انتي كذا يمه زود الطيبه خبال
نوف وعيونها على بنتها / الي بين صدري قلب مو حجر مثلك ومثل عمك
شوق باختناق / قولي وش نفعتك طيبتك بزمن ابوي اهانك وذلك قدامنا والحين بتعيدين ماساتك مع عمي تركي
نوف بحرقه / انتم قربتو هالاعم وذنبي برقبتكم لين اتخلص منه
شوق رجع لها تانيب الضمير / لجاء عمي بتفاهم معه واخليه ياخذ مجنونته معه
نوف ماهتمت لكلامها الي متاكده منه بتصير حرب في بيتها لقابلت عمهاااا
عند تركي
منسدح على السرير وعيونه عليها وهي عيونها عليه كل واحد فيهم خايف من الثاني هو خايف اذا سهى عنها تفاجئة
وهي خايفه انه يستغل نومها ويقرب منهااا ويصير الي مستحيييييييل تسمح فيه
تركي تاملهااا كانت متزينه كاعروس كانت ملامحها بنظره عاديه مازينها المكياج كانت نحيفه حد المرض
من بعد ماشاف نوف مستحييييييييل أي وحده تعجبه لو كانت ملكة جماااااااااااال هذيك اخذت القلب والعقل والروح وقربهاااااااا امنيه يتمناها ويخاف تكون مستحيله
تنهد بحرقه و بصوت عالي / بتصيرين قريبه ولا بتضلين طول عمرك بعيده ومستحيل اوصل لك
فزت نوره من كلماته
كمل تركي بعشق / ااااااااااااااه يا نوف حبيت حروفك وكل شي فيك شوفتك تجنني وبعدك معذبني ااااااه من حبي لك تعدى كل الحدود ومعااااااااااد اقوى ارحمي قلب العاشق ورديه لي
نوره تاكدت من كلامه انه عاشق ومعذب وشكل الحبيبه مو معبرته
سمع طق الباب وقف وقرب من الدولاب اخذ ثوبه والبسه ولبس غترته
فتح الباب / شاف لطيفه واقفه عند الباب وبصوتها المنكسر / بشوفها
انتقلت عيونها عليها / دقائق
انحرجت منه لطيفه / خلاص بنتظر برى
لما شاف امها تبعد قفل الباب ورجع عندهااا وقف مقابلهااا
وبصوت هادي / لو سمحتي ممكن تبدلين ملابسك مابيهم يكشفونك
نوره ما تقدر تتحرك لان ملابسها غرقانه
وبطفش / وينها هدومك
نوره / .........
تركي بطفش / لا تغيرين ملابسك لكن اجلسي على السرير
عيونها متعلقه عليه بدون رد
اضطر يفتح الباب لما ما شاف منها أي اجابه على كلامه
دخلت لطيفه با للهفه وانعصر قلبها على بنتها
لطيفه طالعته برجاء / ممكن تخلينا لحالنا
تركي بهدوء / ان شاء الهل وياليت تخلينها تلبس عباتها باخذها لبيتي
لطيفه بحرقه / بتاخذها معك
تركي بجديه / اكيد ولا نسيتي انها زوجتي
لطيفه بضيقه / لكن مثل ما تشوف يبي لها معامله خاصه
تركي بجديه / والمعامله الخاصة بتلقاها في بيتي وتطمني فيه الي بيهتم فيهاااا
لطيفه برجاء يلكي / تكففففففففففى اهتم فيهااا وتحملها واذا عجزت عنها كلمني ويجيك ابوها يرجعهااا لنا وانت ماقصرت و بيض الله وجهك
تركي بجديه / ما تزوجتها علشان ترجع
طلع تركي
ولطيفه قربت من بنتهااا وحضنتهاا / مبررررررروك يمه برائتك
شافت ملابس ينتها المبللها
وبحنان / اكيييييييد خوفك لكن الي صار لازم يصيرررر علشان ارتاح وترتاحييييييين
نوره في نفسهاااا / شلون لدريتي ان الدم من فخذ الغريب مو مني والله سواته جميل ماقدر انساه
كملت بصوت مقهور / ياليتك بعقلك كان فرحتك اليوم مالها حد شفتهم منكسرين والندم ماكل قلوبهم وعمك العود طاح من طوله لما شاف عفتك وطهارتك بعيونه
بشهقات موجعه / سامحيني يمه اااااااااااه ياليتك تفهميني الي بقوله علشان اوصيك على نفسك
وبصوت باكي موجع / ووصيك على زوجك لكن ابوك وعمانك ماخلو بقلبي فرحه
وقفت ومدت يدها لبنتها دخلتها الحمام سبحتهااا ولبستهااا ملابس مريحه
قربتها من التسريحه وصارت تمشط شعر بنتها المفجوعه من شكلها بالمريه لها سنتين ماشافت وجهااا تحلف ان الي بالمرايه غير عنهااا الي بالمريه هيكل انساان
بعدت عن المرايه وامها استغربت من هالشي
بعد ما خلصت من تعديل شعر بنتها لبستها عباتهاا وغطاهااا وبحنان / يمه صيري هادي ولا تضايقينه
نوره من بعد ما شافت شكلها تفكيرها كل بالانتقام من طلال الي قلب حالها حتى شكلها غيره وخلاها ما تعرف نفسها
فتحت امها الباب وطلعت بيد ماسكتها والثانية شايلة الشنطة ما صحت الا بمسكه خشنه على يدهاا انتفضت
شافت الغريب واقف ماسك يدهااا
تركي بجديه / وينه ابوهااا
لطيفه بحرقه / مدري عنه وصااتي بنتي
تركي بجديه / بالحفظ والصون ياله اترخص
مشى تركي ونوره تمشي معه وعيون امها تلحقهاا لين اختفت تمنت تلحقها وتوصلهاا لبيتها وتطمن عليهااا لكن شي كبير داخلها مانعها
صحها صوت باكي / عساك ارتحتي وقلبك سامحني
التفتت لصوت شافت زوجهااا حالته تصعب على الكافر حاولت تقسي قلبها عليه / الي كان رابطني فيك وراحت ياليت نفترق
مساعد بصوت مبحوح / تبينا نفترق بعد ما صرنا وحيدين وين بتروحين اذا طلقتك ولا وين اروح حياتنا ارتبطت ببعض اكثر ودوري لك حل غير الفراق
طالعت بعيون باكيه / تبيني ابقى معك خلنا نترك الديره كل شي فيهاا يذكرني بسواتك
مساعد بجديه / وين بترحين
لطيقه برجاء باكي / بروح الامارات ونبدا حياتنا هناك
مساعد بصدمه / الامارت
لطيفه بجديه / نسيت انهم طالبيني هناك
بقق عيونه / بترجعين لطب
نوره وعيونهاا عليه / وانت بترجع للهندسه ولا مبسوط بالوايت
مساعد بحرقه / وبنتك
لطيفه بحرقه / بنتك تزوجت وزوجها باين انه رجال يخاف ربه وبيصونهااا وحنا مراح نقطع في بنتنا وبنتصل عليه يطمنا عليها ويسمعنا صوتهااا
مساعد بصوت مبحوح / والحين وين تبينا نروح
لطيفه باصرار / لو نسافر الليلة احسن يمكن اقدر انسى وا بدا حياتي معك بدون مالتفتت للماضي
مساعد بجديه / اذا جوازك معك بنسافر بالسياره الحين
لطيفه بضيقه / روح لبيتك بتلقاه بمكتبي
مساعد بحرقه / ماقدر ادخله
لطيفه بحزن / قو قلبك وادخله انت اقوى مني
نزلت مع زوجها ركبت السياره جنبه بعد دقائق وصلو لبيتهم
لما شافت بيتها صدت عنه وكل الي صار رجع لها بهالحظه انقلبت الدموع شهقات مساعد عارف الي فيها لانه هو حاس فيه
قوى نفسه ودخل بيته الي صار مهجور والغبار مغطي كل شي فيه
اخذ حاجته بسرعه وطلع من بيته
ركب سيارت وزوجته على حالها تمنى سفرته للامارت تعالج جروحهم
عند تركي
مستغرب من هدوءها لكنه مرتاااح يتمنى الهدوء الي يسبق العاصفه والعاصفه تنزل على راس الصايعه
فتح لها الباب ركبت بهدوء قفله تقفيل الامان بعدها ركب سيارته
كل لحظه يطالعها بالمرايه ما يشوف الا عيونهااا السرحانه
تركي بنفسه / المجانين وش بيفكرون فيه
مل من الهدوء المميت / اذا محتاجه لشي قولي ترى المسافه طويله
طالعته بدون اهتماااام
تركي بحقد / اذا وصلنا بوديك لبيتها ولا اوصيك كل جنونك طلعيه هناك وتراك مرخوصه تستخذمين السكين وتذبحينهااا ترى دمهااا حلال و محدن بمحاسبك
وبابتسامه / ليس على المجنون حرج
انصدمت من كلامه وبنفسها / هذا وش يخربط ومنهي الي يبيني اذبحهااا
معقوله متزوجني علشان اذبح له احد وبنفسها / كلهم حقيييييييييييييرين
كمل / وياليت تذبحينها بسرعه وتفكيني منهااااا
نوره بنفسهااا وبصدمه / من تكون وش مسويه فيه علشان يبيها تنذبح ويتخلص منهااا
وابتسمت في نفسها / التم تعيس لحظ على خايب الرجاء جارحتك وحده وتبيني انتقم لك منهااا ليش ما تاخذ حقك بايدك مثل ما تمنى اخذه بايدي من طلال وابرد حرة وقهر سنيني
صحاها صوته / وصلنااا ومثل ماوصيتك
نزل وفتح بابها ومد يده لها لكنه رفضت تمسكهااا
نزلت بدون ما تقرب منه وهو سبقها صارت تمشي وراه
طق الجرس
عند شوق
كانت بالصاله سمعت صوت الجرس ركضت وداخلها قهر وعصبيه
طلعت بالحوش فتحت الباب شافت عمها واقف وشافت وراه سواد حطت يدينها على الباب تمنع دخوله
بعصبيه وقهر / ارجع فيها مالها مكان بهالبيت
التفت تركي لنوره وبدون مايهتم لكلام شوق / ادخلي ونفذي وصاتي
كلام عمها زاد من عصبيتهااا / موصيهااا تذبح امي على جثتي تدخل هالبيت
قرب منهاا تركي بقسوه دفها عن الباب وسحب نوره ودخلها
تركي بعصبيه / اذا بنت ابوك طلعيها وتعرفيني ماهدد انفذ
خافت شوق من عصبية عمها
شافته يطلع ويقفل الباب بقسوه
نوره عيونها على شوق وانعجبت بقوتها الي ذكرتها بنفسها لكن ما بقى من القوه الا الضعف والانكسار
صحاهااا صراخ شوق / ياااااااااااااااويلك تدخين داخل ترى احط حرتي كلهااا فيك
مشت بدون ما تهتم لنوره
نوره مبسوطه بشوق ومتاكده ان تصرفها نابع من خوفها على امها الي ناوي عليها الغريب ومن واجبها تحميها
مشت خطوتين وقررت تكمل تمثيلية الجنون
جلست بوسط الحوش ورمت عباتها وصارت تنفش شعرهاااا
عند شوق
دخلت وهي تغلي من العصبيه شافت امها بوجهاااا
نوف وعيونها على بنتها / وش فيك داخله وشياطينك معك
شوق بعصبيه / عمي جاب مجنونته
نوف بستغراب / وينها فيه
شوق بعصبيه / بالحوش وبتبقى فيه لين يرجع لها وياخذها معه ومستحيل تدخل داخل البيت وتنفذ الي يبيه عمي
نوف بعصبيه / وش هالقسوة الي فيكم عمك نافيهااا عندي ولو تبقى بالحوش سنه مدرى عنها وانتي بترمينها بالشارع
خافي ربك بهالمسكين ترى نعمة العقل زواله
طلعت برا شافت نوره بمنظرها المحزن نزلت دمعة من عيونهااا
قربت منها وبحنان / قومي حبيبيتي
نبرة الحنان خلتها ترفع راسها وتناظر بصاحبة الصوت
انصعقت من الجمال المدمر الي تشوفه نست جنونها وجلست دقائق وهي تناظرها
نوف ابتسمت بحنان لهااا / ليكون خوفتك
انتبهت على نفسها وصدت عنها نزلت لمستواه ورفعتها بحنان وحضنتهااا باليد / لا تخافين مني حبيبيتي بنصير صديقات
نبرة حنان نوف غصب خلت دموعها تنزل
حنانها حقيقي طالع من قلبها ذكرها بحنان امهاااا
دخلت داخل وشافتهم شوق وكشرت بوجها لكنها ماردت
ونوف ماهتمت فيهااا تمشي وهي حاضنه نوره وبحرقه / حسبي على الي مايخاف ربه
صارت نوره تتلفت بفضول ادور على الانسانه الي يبي الغريب موتها لكن ماشافت احد غير البنت الي قابلتها بالمستشفى
دخلتها غرفتهااا / وينهااا ملابسك
تذكرت الشنطه الي كان شايلها الغريب شكل استقبال البنت له نساه شنطتها
لكنها ماردت
فتحت نوف دولابها واخذت من ملابسها الفاسخه وحطته قدام نوره
بققت نوره عيونها من صدمتهااا
نوف فهمت نظراتها وبابتسامه / مو عاجبك
تعالي اختاري اللبس الي تبينه
اسلوبها معها مثل اسلوب عيالها كله طفوله وحنان
ارتاحت نوره لهالانسانه وبدت تدخل قلبها الموجوع
مشت بخطوات متردد لازم تختار لها لبس ولا تورطت بالبس بعمرها مالبست مثله
اختارت لها لبس استر الموجود كان فستان بدون اكمام طويل ناويه اذا لبسته تحط شيلتها على كتوفها او تبقى محبوسه بهالغرفه مثل ما كانت عند اهلهااا
لنا لقاء باذن الله قريب
اختكم نسايم نجد
|
13-06-12, 06:26 AM
جديد مواضيع قسم الارشيف
العرض العادي
