كاتب الموضوع :
نسايم نجد
المنتدى :
الارشيف
في بارت اليوم زواج تركي من نوره والتكمله بالبارت الجاي
الرجاء عدم طمر السطورررررر
البارت التاسع والسبعون
تركي وعيونه عليها وذايب فيها وبصوت مرتجف / قال لي السكرتير انك شريكتي
نوف بجديه / شريت املاك اخوك من زوجته وصرت شريكتك بدالها
انتقلت عيونه ليدها ومازلت الرغبه تزيد بداخله صار يمد يده عل وعسى تشتبك بيدها بيحققها لكن خايف من ردت فعلها
نوف حست بحرارة اصابعه وبسرعه سحبت يدها لحضنهااا
انقهرت من حركته ذكرتها بمحاولة اغتصابه لها حست بالحراره انتشرت بجسمها وروحهااا
وخوفها منه زاااد
شلون ماخافت منه وهي جالسه معه لحالها
الشخص الي قدامهااا وسخ وجريئ واكبر دليل جرائته بمسكه لاصابعها
ماقدرت تجلس اكثر متاكده لو جلست دقيقه بتستفرغ وقفت ووجها احمر
التهمها بنظراته شاف وجها انقلب احمر وداخ عليه يضن الحمار خجل من حركته ماتوقع يكون قرف منه
طالعته شافت نظراتها الوقحه وبصوت مرتبك / لازم اطلع
مانتظرته يرد عليها طلعت وقبل لا توصل للباب اخذت نفس وبصوت عالي ضنته ماتعدها / الله يا خذك يالوقح
كلمتها مثل السهم بقلب العاشق
لما شافها طلعت اخذ ملف قدامه وصار يهوي على وجهها
وبقهر / استااااااااااهل ولا فين العقل مني وانا بمسك يدها وهي اجنبيه
وش البلى الي يصيبني اذا شفتهااا حتى لساني ينشب بحلقي
ضاق فيه المكان طلع من مكتبه ومن الشركه وهو مو طايق نفسه بعد كلمتها ومتاكد ان معها حق كل ماشافها فقد عقله يحمد ربه انه ماتمادى اكثر وبدال لا يزين صورته قدامه زادها سوء
وصل لبيتهم ودخل شاف امه جالسه دخل بدون ما يسلم عليها وتصرفه قهرها
وقفت بتصارخ عليه وبتهاوشه لكنه اختفى من قدامها
عند ابو مروان
وصل لبيتهم وطول الطريق ساكت ومروان ماكلف نفسه يسال ابوه المهموم
وصل لبيته نزل وهموم الدنيا على راسه ما يبي يقول لها عن رفض عمها لها وهي من درت ان لها اهل وهي متغيره يشوف الحزن والحقد بعيونها
دخل لصاله وعقله مشغول شافته زوجته ومن شكل زوجها تاكدت ان الي خايفين منه صار
ام مروان بضيقه / تبرو من بنتهم
ابو مروان بحرقه / لا تسمعك ما ضنيت عمها قاسي وماعنده قلب كذبني وطردني وقال اذا لنا بنت حلال عليكم يتوقعني جايه ابي فبوسه جرحني
ام مروان بجديه / معهم حق بعد كل هالسنين نجيب لهم حرمه ونقول هذي بنتكم
ابو مروان بضيقه / مايلام لكنه ماحترم شيبتي وسمعني كلام اوجعني
ام مروان بجديه / وسع صدرك يارجال والي كاتبه ربك بيكون
عند صقر
رجع لصديقه شافه نايم طلع لشغله اذا خلص دوامه بيرجع له وبينام عنده
لما وصل الشغل دخل غرفة ركان جلس على مكتبه استغرب مايسمع صوت من غرفة البنات غير عن العاده وقف وطلع قرب من بابهم وطق الباب ماسمع صوت
فتح شوي من الباب / بناااااااات
مافي رد
فتح الباب ودخل راسه كان المكتب خالي وبستغراب / غريبه وينهم فيه معقوله مداومن اليوم وين حماسهن
رفع جواله واتصل على امه سئل عن ساره قالت انها عند شوق
قفل من امه ورجع لمكتبه
عند ساره
كانت بغرفة شوق تقنعها تكون طبيعيه
واقنعتها تتزوج ركان بسرعه قبل لا ينكشف الموضوع
طالعت بساعتها كانت 12 / لازم ارجع تاخرت عليهم والشغاله معي اكيد محتاجينهاا
شوق برجاء / اذا قابلتي امي قولي لها الي قلته لا تزيدين حرف ولا تنقصين
ساره بجديه / ان شاء الله وانتي ياليت تنزلين وتصيرين طبيعيه
شوق بجديه / طيييييييييب
نزل ودخلت المطبخ نادت الشغاله وطلعت وحمدت ربها انها ماشافت نوف طلعت من البيت وصلت لبيت صقر طقت الجرس فتحت لها مرام بابتسامه
اول مره تشوفها من جت البيت سلمت عليها وتكلمت مرام / انا مرام
ساره ونقابها عليها / انا ساره
دخلت ساره ومعها مرام دخلت لصاله شافت ام صقر ومعها وحده واكيد اختها قربت منهم باحترام باست ام صقر وام مرام
ناظرت ام صقر وباحراج / اسفه خالتي تاخرت شغالتكم عنكم
ام صقر بحنان / ماني بحاجتها اجلسي يمه ارتاحي وشيلي غطاك
ام مراو ومرام متلهفات يشوفون ساره وقفت ساره ونزلت نقابها وغطاها وطالعوها بانبهار اول ماشافوها انصدمو من قصرهااا لكنها لما كشفت انبهرو اكثر
وجمالها نساهم القصر وماشافو شعرها
ام صقر وعيونها على ساره وباعجاب / وش رايك بزوجة ولدي
ام مرام باعجاب / مشاء الله زين وعقل الله يحميها من العين
ساره انحرجت من مدح ام مرام وبابتسامة احراج / مشكوره خالتي
بالبدايه كانت ام مرام وام صقر يسحبون منها الكلام وبعده تجرت شوي وصارت تسولف على خفيف ام مرام تشبه ام صقر بالطيبه والحنيه وعلشان كذا اخذت عليها ساره
ديما ديما تتكلم عن مرام لكنها ماتوقعتها فرفوشه وتذكرها بنفسهااا لكنها بدون خبالها
عند نوف
بعد ماطلعت من مكتب تركي دخلت بيتها ودخلت لفلة مها من الباب الداخلي شافتها جالسه تقرا كتاب قربت من مها المشغوله
جلست بتعب / غريبه للحين صاحيه
مها وعيونها بالكتاب / رحتي له ولا هونتي
نوف بقرف / رحت له ويا ليتني مارحت واحد نسونجي وقليل ادب
تركت مها الكتاب وطالعتها بابتسامه / ليكون هالمره حضنك
نوف بقرف / حضنه قبره ان شاءالله
مها بحماس / قولي كل الي صار
قالت لها كل الي صار
مها / هههههههههه قلت لك الرجال رايح في خرايطها وشوفه لك اليوم طيرة العقل الباقي والمره الجايه اذا رحتي له اكيد بتلقينه مضيع
نوف برعب / تووووووووووبه مافي مره ثانيه
مها بجديه / وطلاقك
نوف بضيقه / ابيه لكن بدون ماقابله هذا صايع وخايفه على نفسي منه
وكملت بعصبيه / اهذا صايع راعي حريم ولا نسيتي جريمته بفرنسااا
مها بجديه / الي ادري عنه انه مجنونك وباقي عليه شعره وتشوفينه مشقق ثيابه ويدوج بالشوارع ويقول اشعار فيك
وقفت نوف وبعصبيه / يحب غرايزه واذا سو الي يبيه دور على غيري لكن السماء اقرب له يلمس شعره مني
مها بابتسامه / احمدي ربك انه مايدري انك زوجته كان صارت علوووم
حست بقرف من تفكير صديقتهاا وقفت / برجع لبيتي اشوف شوق وافهم سالفتهااا
مها بعصبيه / خلي بنتك بحالها لتنحشينها لبيت جدتهااا
نوف بجديه / يله اشوفك على خير
وصلت لبيتها شافت بنتها غير عن البارح كان ماصار شي قربت من شوق
وبابتسامه / لو داريه ان شوفتك لعمتك بتشيل ضيقتك كان من زمان مناديتهااا
شوق برجاء / يمه طالبتك ما ترديني
جلست وبستغراب / قولي الي عندك تعتمد عليه موافقتي
شوق برجاء / سالم ماله شغل بزواجك انا الي اقنعته ان زواجك من عمي مصلحه لك
صارت تغلى حقد وكره من ذكر هالاعم وبهدوء / اخوك طالب منك تتوسطين له
شوق بجديه / تعرفين سلوم ما يقوى على زعلك وهذا منكد عليه ويبيك تسامحينه متاكد انك قبل لا يسافر
نوف بصدمه / بيسافر
شوق وعيونها على امها / بيسافر مع ثامر يكملون دراستهم
نوف بحنان / كلميه وخليه يجي وقولي له امي مسامحتك
قربت من امها وحضنتهاااا / يابختنا فيك يمه
نوف بعتاب / وهذا الي خلاكم تضحون فيني لعمكم
شوق حضنتهااا بحرقه وندم / صدقيني يمه انتي وعمي اغلى ماعندي وابيكم سوى
نوف حست بحزن وضيقة بنتهااا / خلاص الي صار صار وازعلي عليكم مراح يرجع شي
سحبت نفسها من حضن امها / بتصل على سالم يجيك
اتصلت باخوها وبعد 10 دقائق دخل لصاله وقف مقابل امه الي كانت تناظره بنظرات عتاب
شافتهم شوق تركتهم على رحتهم
سالم بحزن / يمه سامحيني
نوف انكسرت من نبرة الحزن بصوت ولدها / مسامحتك وراضيه عليك
قرب من امه وباس راسها ويدها وبحزن / ماقدرت اجيب طلاقك من عمي
وفتح بوكه وطلع منه ورقه ومدها على امه الي اخذتها منه
وبحزن / هذا الي قدرت اخذه منه
طالعت بولدها الواقف والورقه بيدها / اجلس
جلس ونوف فتحت الورقه وقرت تنازل تركي عن شوفتها ابتسمت بسخريه / جزاه الله خير ما يبي يشوفني
سالم برجاء / يمه سامحيني من قلبك والله اني قاصد خير ابي لسافرت اتطمن ان فيه رجال يهتم فيك وفي اخواني وكنت اشوف ان عمي بيهتم فيكم
نوف تتهرب من موضوع تركي الي كل ماتكلمو عنه يزيد حقدها وكرها له / متى بتسافر
سالم عرف مقصد امه / بعد يومين
نوف بجديه / ابيك تشوف اوراقي وش ناقصهااا بنقل بجامعة عمتك ساره
سالم بجديه / وشوق للحين مو راضيه تبدل قسمها
نوف بجديه / مادري عنهاا شكل عاجبتها القعده بالبيت
سالم بعصبيه / مو بكيفها باقي لها سنه يا ترجع معي وتكملها هناك او تكملهااا هنهااااا
نوف بجديه / تخصصها غير متوفر بجامعات الرياض
سالم بعصبيه / تغير قسمهاا او تدخل دورات تساعدها
نوف بجديه / مدري عنهااا يمكن لتزوجت اهتمت بدراستهااا
سالم بجديه / ما ضنتي انها تتغير
في الليل
عند ركان
الدكتور رفض خروجه لانه بحاجه يبقى اكثر بالمستشفى
جالس صقر يتامله / ماقلت لي شلون صارت المداهمه
ركان بطفش / وش تبي تعرف مثلها مثل غيرها
صقر وبشك / وش جاب مداهمتك عند بيت زوجة ابوك
ركان بعصبيه / لا تنسى انها صارت زوجة لتركي وارملة ابوي
صقر بجديه / وانت تشوف تركي زوجها وهو مطنش حتى جنب بيتها مامر
ركان بعصبيه / مدامها راضيه مالك خص
صقر بشك / وش جابك لبيت زوجة تركي
ركان بعصبيه / ليش رابط مداهمتي فيهااا
صقر بسخريه / لاني لقيك منصرع عند بابهااا
ركان بتصريفه / كنت ابيها تعالج جروحي
صقر بسخريه / الله واكبر قفلوها المستشفيات ماصار يداويك الا الحبايب
ركان بعصبيه / وانت جالس عندي وفاتحهاا تحقيق
صقر وعيونه على صديقه / ليش تكهربت من سؤالي قلبي قارصني ويقول ان وراك السالفه
ركان يعرف ذكاء صديقه ومتاكد انه كاشف الي فيه مقهوررررررر من شوق ومقهور من نفسه تمنى انها سواه صدق لان العقاب اكبر من الجرم
يوم الاربعاء
عند مساعد
واقف مقابل محل خاص لفستاتين عرايس جذبه فستان كان بالبترينه نزل
ودخل المحل شاف سعره غالي طلع بطاقته ودفع ثمن الفستان على كرهه لزواجهااا لكنه ماقدر يمنع نفسه انه يشتريه ويشوفه عليهاااا
رجع لسيارته الي من زمان ماركبهااا من بعد ماصار الي صار لنوره وهو مخليها عند بيته والفجر اضطر يرجع لبيته اخذ السياره وترك الوايت عند البيت
فتح درج السياره الصغير واخذ جواله الي من سنتين مقفله متاكد انه يشتغل لانه تاكد من يومين انه شغال ودفع فواتيره لانه بيحتاجه
رفع جواله وارسل رساله لاخوه
بالطرف الثاني
عند عبدالعزيز
بمكتبه من بعد مادرى عن براءة بنت اخوه ما ترك مكان ماسال فيه عن اخوه لكن بدون امل
سمع نغمة رساله اخذ جواله رفع الجوال وانصدم ان الرساله من رقم اخوه وتوسعت عيونه من الصدمه
بدون شعور طلع من المكتب وبصراخ / صااااااااااااااااااااااالح
صالح بمكتبه وانفجع من صراخ اخوه فز من مكانه وركض لاخوه وبرعب / وش فيك عبدالعزيز
سحب خوه ودخله مايبي احد يسمع كلامهم مد الجوال لوجه اخوه شوف الرقم
اخذ صالح الجوال وصدمته اكبر من صدمت اخوه / مساعد
عبدالعزيز بخوف / اقرا الرساله ماقريتهااا
قبل لا يقر الرساله من جوال اخوه سمع نغمة رسال من جواله اخذ جواله من جيبه شاف رقم اخوه
عبد العزيز وبجديه / اكيد مساعد
فتح الرساله وانفجع من المكتوب وبصدمه / نوره زواجها الليله
عبدالعزيز بصدمه / البنت ماتت وشبعت موت شلون زواجها الليله
صالح براحه / مساعد ماذبحها ياعبد العزيز وانحاش فيها يحميها منا
عبدالعزيز نزلت دموعه / ادع ربك ان المكتوب صحيح ونوره حيه يمكن اقدر احط راسي وانام بدون ماتعذب
صالح بحرقه / اخوك للحين معتبرنا اخوانها عازمنا على زواج بنته
عبد العزيز برجاء منكسر / طالبك يا صالح تطلع السوق وكل شي غالي تشتريه ابي اقدمه لنوره يمكن تسامحنا والله صرت اصلي وانا اخاف ما تنقبل صلاتي بسبت هالذنب
صالح بصوت باكي / والله اني صرت كل ليله احلم فيها وهي تترجاني مذبحهااا واقوم مفزوع ولما اقوم كانها موجوده
وبصوت باكي / صعبة انك تكون سبب موت انسان بري شلون وهي نوره بنتنا الي ربيناهااا
جلس عبدالعزيز وبحزن / لازم نحضر زواجها ونعزها ونرزها ونستسمح من اخوك وبنته حتى امهااا لازم تسامحنااا
صالح بحرقه / ماضنتي بتسامحنا الي سويناه فيها كبيرررررر حتى مالنا عين انطالعا
عبدالعزيز باصرار / المغرب تمرني ونحضر زواجها ونوقف مع اخوك بزواج بنته يمكن هذا يغفر لنا عنده
عند طلال
كان منسح بغرفته الي صايره سجنه سمع نغمة جواله سحبه بدون نفس شاف رقم خاله اعتدل بجلسته وقلبه يرجف من المكتوب
فتح الرساله قرا المكتوب
مو مصدق ومتفاجئ من المكتوب وخايف ان عيونه ما شافت زين
طلع من غرفته وفتح باب غرفة اخته بقوه انرعبت هند من فتحت الباب التفتت شافت اخوها انصدمت من وجوده من زمان هاجر غرفتها
طالعته بصدمه / طلال
قرب من اخته الي جالسه على سريرها وحط الجوال بوجهااا / تكفين اقري الرساله وقولي انها حقيقه
اخذت منه الجوال وقرت الرساله وبصدمه / زواج نوره بنت خالي الليله شلون
طلال بصوت محروق / شلون زواجها الليلة وهي ميته من سنتين
هند بصدمه / مدررررررري
طلال بحرقه / زواجها الليله
هند بحزن / هذا الي كاتبه خالي لكن ليش عازمك
طلال بحرقه / بيحرق قلبي بخبر زواجهااا
ما يدري يفرح ان نوره عايشه او يبكي ان حب حياته زواجها الليله
هند بصوت مبحوح / بنزل ابشر امي
نزلت تركض شافت امها مثل دايم حزينه موجوعه والقهر كبرها
هند بصوت باكي / يمه نوره زواجها الليله
ام طلال بحزن / نوره من الي زواجها الليله
قربت من امها اكثر وجلست عند رجولها / نوره بنت خالي مساعد زواجها الليله
ام طلال بصوت باكي / بنت خالك ماتت وتحللت عظامها وانتتي تقولين بتعرس الله يعوضها بالجنه
هند بصوت باكي وباصرار / والله ان زواجها الليلة
ام طلال بامل وبصوت باكي / احد قالك والا الحكي من راسك
هند بفرح / خالي مرسل رساله يعزم طلال على زواجها الليلة
ام طلال بصدمه / من زين فعايل اخوك علشان يعزمه روحي عني وخلي عنك هالحكي
هند بجديه / اتصلي على خوالي اكيد خالي مساعد عازمهم
اخذت الجوال الي قدامها واتصلت على اخوها عبدالعزيز
واكد لها صحة كلام بنتها وهي زاد استغرابهااا
قفلت من اخوها وناظرت بنتها / اخاف خالك ناوي نيه بخوك
هند بجديه / لو ناوي عليه كان استفرد فيه وما عزم خوالي والفندق معروف وماضني خالي غبي بيذبح طلال بالفندق
ام طلال بخوف / قلبي يقول ورا مساعد سالفه
هند بجديه / بتروحين لزواجهااا
ام طلال بحرقه وبصوت باكي / شلون بقابله وولدي سبب مصيبة بنته
هند بجديه / خالي طيب وبيسامح
ام طلالبصوت باكي مقهور / مساعد طيب ويسامح لكن السالفه شرف بنته مستحيل بيسامح فيه
والدليل انه عازم على زواجها وخلنا طول هالمده نتعذب ونضنها ميته
عند تركي
العصر
واقف قدام المرايه يعدل بشته وبسخريه / يامتى البسك ياهاليبشت وانا فرحان اني معرس
مر عليه طيف نوف في اخر لقاء وبتهيده / ياليتك انتي العروس كان صارت حالتي غير
وبتفكير / الحين مدري شلون بتعامل مع هالمجنونه يخوفي تذبحني قبل لا تذبح الفيلة
رفع جواله واتصل على رقمهاا
عند نوف
شافت رقم غريب رفعت وبجديه / الو
حس بنفضه بجسمه صوتها يقلب موازينه وبارتباك / الليلة زواجي
نوف عرفته من صوت وزاد قرفها وبحقد / مبروك
تركي بقسوة / الليله بتستقبلين زوجتي وبتسكن عندك
نوف ببرود / حياها الله بيتي مفتوح لها واكيد بدونك
تركي بقسوة / ومن قال اني ابي شوفتك او شوفتهاااا نافيها عندك وحالها من حالك
لو انه قدامها كان قطعته بظروسها هذا يشوف بنات الناس لعبة يتزوج ويطلق ويطنش
نوف بحقد / ومادمك ما تبيها ليش متكلف ومتزجهااا
تركي بقسوة / لانهااا مجنونه وفاقده عقلها تزوجتها علشان تذبحك تخلصني
ما قدرت تحتمل قفلت بوجهه
نوف بعصبيه وقهر / معقوله يكون صادق ومتزوج مجنونه علشان تذبحني
وبابتسامه / الخبل ما يدري اني اعرف اتعامل معهم اذا ما قلبت السالفه عليك وخليتها بدال لا تذبحني تذبحك وتفكني منك
عند تركي
ابتسم / اكيد انقهرت ياليت المجنونه تفرحني بموتهااا
سمع صوت الباب شاف امه داخله من بعد مادرى عن سواتها بساره صار يتجنبهاااا
ام سالم بعصبيه / الليلة عرسك وما فكرت تجي تقولي
تركي ببرود / ما ضنتي انه يهمك
ام سالم بعصبيه / وانت وش فيك تتجنبني وما تحاكيني
تركي بقهر / شلون تبيني اعاملك وانتي ساحبة بنتك بدون شورنا لبيت صقر ذليتيها وذليتينا قبلها
يوم صقر قالي عن سواتك تمنيت الارض تبلعني ولا اسمع الي سمعته
ام سالم بعصبيه / زوجتك لا تشوفها عيني وبيتي يتعذرها
تركي مشى ووصل جنب امه الوقفه وببردو / ارتاحي منتي بشايفتها ابد
وطلع بدون ماينتظرها ترد
عند لطيفه
من درت عن موعد زواج بنتهااا وحالتها حاله حتى النوم ماجفيهاااا
كانت بالصاله شافت زوجهاا داخل وبيده اكياس واضح انها محلات ملابس
قرب منهااا وبحرقه / خذي هذا فستان زواج لبنتك
تصنمت وعيونها تعلقت فيهاا والكلمه هذي مثل القشه الي قسمت ظهر البعير صارت تبكي وترتجف بوججججججع وحرقه وقهر
خاف عليها وقرب منها كان بيلمها لكن متاكد بتصده صار مقابلها وعيونها عليها وبحنان / مو هذا الي كنتي تبينه
ماصار يسمع الا شهقاتها الي تقطع القلب
مساعد بحنان / لا توجعين قلبي ترى معاد فيه مكان بقلبي للوجع
بشهقات / زواج بنتنا كنت ابيه غيررررر
مساعد بحرقه لكن حاول انها ماتظهر / حتى انا كنت ابيه غير لكن هذا الي انكتب لهااا
طالعته بنظرات حقد اخذت الاكياس المرميه على الارض دخلت غرفتها قربت من دولابها نزلت شنطه وفتحتها اخذت علبه مكياج وطلعت لغرفة بنتها لازم تحسس بنتها انها عروس
ولازم تفرح ببنتهااا الرجال متمسك فيها برغم جنونهااا
دخلت غرفة نوره وبيدها الفستان وعلبة المكيااج الي لها سنتين ماستخدمته
حطتهم على جنب وقربت من بنتها النايمه على السرير
لطيفه بصوت موجوع / قومي يمه ازينك الليله زواجك
كلام امها مثل الصاعقه نزلت على راسها
انصدمت ان زواجها اليوم شلون بتفك نفسها من هالمصيبه ماتبي امها تشوف وجها متاكده بتعرف انها عاقله
صارت تمسح على شعر بنتها ودموعها تنزل / سامحيني ارخصتك للغريب بعد ما طعنك القريب
نزلت دموعها من كلام امها وزاد حقدها اكثر على طلال تتمنى تشوفه والله لتموته ماهمها لو احكمو عليها اعدام هو ذبحها من سنتين والليله بتنذبح مره ثانيه
وبتفكير يمكن زواجها من الغريب يكون بداية خروحها وانتقامهاا من طلال
جلست بهدوء ونظراتها ثابته على وجه امها التعبان والدموع مغطيته
عند تركي
ركب سيارته وهو متضايق من الزواج ومن امه ومن اخته الي رفضت ترجع معه متاكد انها خايفه من امها
ومتاكد انه مايقدر يحميها من امه بوجوده مستحيل امه تضايقها لكن اذا طلع بتقسى عليها وتوجها بالكلام
يدعي ربه ان ام صقر تعطيها الحنان الي احرمتها مها منه
ومقهور من زواجها والهدف منه بعمره مافكر بيجي يوم ويذل فيها نفسه بتنفيذ مثل طلب امها منه
رفع جواله واتصل على مساعد
عند مساعد
كان بالصاله جالس
سمع صوت جواله شاف رقم تركي وبضيقه / اهلين تركي
تركي سمع نبرة الحزن والضيقه بصوت مساعد بجديه / عزمت اخوانك ولا اعزمهم
مساعد بحرقه / عزمتهم
تركي بجديه / مساعد ترى الغرفة بالفندق محجوزه لبنتك من الصبح
مساعد بصوت مهزوز / بعد المغرب بتكون هناك
تركي بجديه / لازم تجون بدري
مساعد بضيقه / ان شاء الله
قفل من تركي وقف ومشى قرب من غرفة بنته طق الباب طلعت له لطيفه والدموع مغرقه وجها وبعصبيه / خير
مساعد يتاملها بحرقه / الرجال كلم ويقول الغرفه محجوزه لبنتك من الصباح
لطيفه بقهر / وش بيعجلنا لا فيه زفه ولا فيه معازيم متى ماخلصنا رحنا
بالقاعه
تركي مرتز بالبشت جنب مساعد الي عيونه على الباب ينتظر دخول اخوانه شافهم داخلين وتظاهر انه ما شافهم مستحيل قلبه يسامحهم الي في الحين من ذل بسبايبهم
تمنى ثالثهم معهم لكنه متاكد انه ماله وجه يقابله شاف اخوانه جاين عنده حاول يقوي نفسه قربو منه وحضنوه بحراره وهو حضنهم بجمود
سمع صوت جواله مشى مطنش اخوانه
عبد العزيز حس بوجع من صد اخوه
وصالح نزلت دمعته شاف مساعد متغيرررر كثير ولون لحيته انقلب للبياض
سحب اخوه وجلسو بعيد
عند لطيفه
بغرفة بنتها بالفندق بعد مامكيجتها ولبستها الفستان خلت شعرها على طبيعته بعدها قربت من السرير غطته بشرشف ابيض فيه بتظهر برائة بنتها
رفعت جوالها بصوت مبحوح / اخوانك جووو
مساعد بحرقه / ايه
لطيفه بوجع / خله يدخل وهاتهم معك
مساعد بحرقه / الوقت بدري على الدخله
لطيفه بعصبيه / مدامهم موجودين الوقت مناسب
نوره تسمع ورجفتهااا تزود دخلتها الحين وبيقفل عليها الباب وبتبقى وحيد مع رجال غريب ينقال عنه زوجه وماتدري وش وراه
عند مساعد
قرب من تركي وبصوت مخنوق / تقدر تدخل الحين
تركي بخوف وارتباك / تو الناس حتى العشاء ماذن
عيونه على اخوانه وبضيقه / انت عارف ليش تم الزواج وهذولا عمانها موجودين ومافي غيرهم
تركي عيونه على عمانها وبستسلام / طيب
مساعد بجديه / بوصلك فوق وبعدها بنزل اناديهم
تركي بضيقه / بكيفك
قبل لا يطلع قرب من اخوانه / لا تروحون ابيكم ضروري
طلع فوق مع تركي وصله لغرفة بنته طق الباب
عند لطيفه
سمعت صوت الباب يطق اعتصر قلبها على بنتها قربت من بنتها الجالسه على السرير وحضنتها بحنان / حبيبتي لا تخافين تراه طيب ولازم تسمعين كلامه علشان يجيب لك حلاوه
نوره بنفسها / توصيني اسلمه نفسها علشان حلاوه اااااااااااااه يانوره شوفي لوين وصلتي واكيد وراه بلى علشان يوافقهم ويتزوج مجنونه
لكن اذا ماخليته ينحاش قبل لا يدخل من الباب ماكون نوره
طلعت لهم لطيفه بغطاها وعباتهااا شاف زوجته نزل
قربت نوره من تركي وبانكسار / الشرشف على السرير لخلصت عطنيه بنتظرك عند الباب
بطلبها حسن اش كثر انه حقيرررررررر وحيوااااااااان
لسانه انربط ماقدر يتكلم
لطيفه باصرار / ادخل ابي اذا وصلو عمانها يكون كل شي قدامهم
دخل تركي وعيونها على الارض
نوره عيونها على الباب شافته ركضت وتجمعت كالعاده بالزاويه وصارت اطلع اصوات بتخوف فيها تركي
تركي رفع عيونه و ناظر اتجاه الصوت شاف جسم ابيض متكور مو واضح منه شي
خايف يقرب منها تاذيه لكن لازم يقرب وصل قدامها حست بقربه رفعت راسها وشافته قريب منها وقفت بتهجم عليه لازم تتقن الجنون علشان تهججه مسك ايدنها ورجعها مكانها وزادت هيجان نوره وعصبيتها
ركض تركي ورا الكنب وبصوت خايف / يابنت الناس لا تاذيني ولا اذيك ووفري كل هذا لليل فيه وحده ابيك تطلعين كل جنانك عليها
نوره هدت بعد كلامه ورجعت لمكانها
عيون تركي عليها شافها هدت ورجعت لمكانها تحرك ودخل الحمام غسل وجهه بيهدي خوفه طلع شافها بمكانهااا
قرب من دولابه علق بشته وعيونه تجي لا ارادي عليها خاف يعرضها ظهره تفاجئه بحركه منها غير متوقعه
فسخ ثوبه وعلقه وجلس على السرير انتبه لشرشف الابيض
وقف ورجع لثوبه اخذ الميداليه وكان فيها سكينه صغيره
رفع السروال وغمض عيونه وجرح نفسه شاف الدم ينزل سحب الشرشف وصار يمسح الدم النازل من فخذه
نوره كانت اتابع المشهد اول ماشافت السكينه لا ارادي خافت وتبولت بملابسهااا هذي الصدق بكل تمثيلها صارت اذا خافت ما تقدر تمسك بنفسها
استغربت وهي تشوفه يجرح نفسه و يمسح دمه بالشرشف فهمت قصده وارتاحت كثرررر
عند مساعد
نزل شاف اخوانه بمكانهم قرب منهم وبدون نفس / تعالو سلمو على بنت اخوكم
وقف عبدالعزيز وبحرقه / مساعد
مساعد صد عنه ببرود / اجلو كلامكم بعد سلامكم عليها
مشى مساعد ومشو وراه وصلهم لغرفة بنته شافو لطيفه قدام باب الغرفه
الي صدت عنهم وهي كانت بقمة توترها وقلبها مع بنتها الي داخل وكيف بتستقبل قرب الغريب منها وهي تخاف من ابوهااااا
لما شافتهم
طقت على تركي تستعجله قرب منها عبدالعزيز
وبضعف / شلونك ام نوره
طالعته بعيون حاقده / وش تتوقع حالي من بعد سواتكم
صارت تطق الباب تبيه يخلص ويفكها من مقابلهم
عند تركي
كان يربط على جرحه ما يبي ينكشف لهم سمع صوت الطق وقف اخذ الشرشف وفتحه ومده عليهم بدون ما يطلع لهم قفل الباب ورجع يتمدد على السرير ينتظرهم ينزلون علشان ياخذها ويطلعون من الفندق
عند لطيفه
اخذت الشرشف وعيونها على بقعت الدم قربت من عبد العزيز ومدت الشرشف قدام عيونه
وبنحيب / شوف طهارة بنت اخوووووك
بقق عيونه من هول الصدمه
صالح بصدمه موجعه / وش هذا يا بنت الاجواد
لطيفه بنحيب موجع / حلفت لكم وجبت شهود وكذبتوني وهذا الدم يدل انها بريه من تهمت ولد اختك ولا بتكذبونه بعد
لنا لقاء باذن الله قريب
اختكم نسايم نجد
|
07-06-12, 10:26 PM
جديد مواضيع قسم الارشيف
العرض العادي
