كاتب الموضوع :
نسايم نجد
المنتدى :
الارشيف
الغوالي الي يسالون كم باقي بارت ( بصراحه مدري ) لكن باقي كثيرررررررر
بارت اليوم بارت خفيف
الرجاء عدم طمر السطورررررررر
البارت الخامس والسبعون
عند ركان
انقهر منها وبصوت عالي يبيها تسمعه بعصبيه / هيييييييييين ياشوق
دخل عليه صقر بسخريه / وش فيك يالاخو معصب وش مهببه بغلتك
ركان يطالعه بدون مايرد عليه
جلس صقر على الكرسي وبسخريه / وش فيك ليكون قاصة لك لسانك
ركان بعصبيه / لا تستخف دمك ترى بنفجر
صقر بابتسامه / زين انك للحين مانفجرت الي مثلك وهذي زوجته كانت انفجر من زمان
ركان بعصبيه / لا تشعلها وهي شابه
صقر بقهر / والله ان غرورها يجلط نعنبوها عليها لسان ولا المنشار
ركان بعصبيه / احترم نفسك تراك تتكلم عن زوجتي
صقر بسخريه / والله وهالزوجه
ركان بهدوء / الا وش فيها زوجتك مداومه وهي تعبانه
تنهد صقر بضيقه / شكلها بتهرب من بيتنا وحياتها معنا لكن هذا مصيرها
تصدقني لو قلت لك تمنيتها قويه مثل بنت اخوها كان ما وجعني قلبي عليها
ركان بقهر / وانت شايفني مبسوط بقوة الي عندي علشان تتمنى زوجتك مثلها
صقر بهدوء / الفجر جاني سالم اخوها وحرق قلبي زود
ركان بحماس / وش صار بينكم
صقر بهدوء / جاي بياخذها وبيطلع من بيتهم علشانها لكنها رفضت ترجع معه وتسبب مشاكل بينه وبين امها
ركان باعجاب / والله انها بنت رجال
صقر بضيقه وهم / مدري شلون بينجح هالزواج وهذي بدايته
ركان بجديه / باذن الله بينجح
عند شوق
دخلت الغرفه فتحت الباب بقوه وضربته وراها بقوه
ساره كانت نايمه وفزت مرعوبه من صوت الباب
ساره بخوف / ووووجع ليش تسكرين الباب بقوة ماتشوفيني نايمه
شوق بعصبيه / يومك تبين النوم ليش غاثتني ومخليتني اداوم كان نمتي وخليتني انام وافتك من الغثيث
ساره بجديه / الا صدق وش يبي فيك وليش معصبه
شوق جلست على مكتبها و بعصبيه / من متى جيتك من عنده مروقه الله ياااااااخذه
ساره بعصبيه / لا تدعين عليه
شوق بعصبيه / تدرين ليش مناديني
ساره بجديه / ليش
شوق بعصبيه / يقول الزواج بعد شهر
ساره بجديه / كثر الله خيره انه صابر كل هالوقت
شوق بعصبيه وحقد / السما اقرب له اكون زوجته
ساره بعصبيه / لو اني رايقه لك كان توطيت في بطنك لين يمكن يرجع عقلك
وبحزن / اذا انا الي محذوفه عليه كارهه الطلاق ترى الطلاق دماار للبنت
شوق بثقه / الطلاق بيصير وبيكون يوم سعدي
ساره بعصبيه / ومن الخبلان الي بيطعونك على جنانك
شوق بثقه / تعرفيني لابغيت الشي بيصير والطلاق بيصير
ساره بعصبيه / لا تبطريني على زوجك ترى ربي يبلاك بواحد يطلع فيك ذنوبه
شوق نزلت راسها على الطاوله / ومن قال لك اني بتزوج الغثيث خلاني اكره كل الرجال
عند ركان
كانو يسمعون كلامهم منقهر من شوق وعزم على الي ناوي عليه
ركان في نفسه / مو ركان الي يصير لك جسر يابنت ناصر ودواك عندي حديني على الشينه
وصقر معجب بكلام ساره وفي نفسه بابتسامه / والله منتي بهينه يالنتفه طولها شبر وكلامها درر
ركان انتبه لابتسامة صقر / اكيد فرحان بزوجتك ماقول الا الله يصبرني على بلواي
صقر بصدمه / من جدك زواجك بعد شهر وماقلت لي ومتى حددته
ركان بجديه / ايه يكفيني الي انتظرته
صقربجديه / ويمديك تخلص امورك
ركان بجديه / كل شي بيومين بيكون جاهز
صقر بجديه / هذي تتكلم عن الطلاق وانت تقول الزواج بعد شهر مجنونتك مايهمها احد ولي براسه بيصير وهي ناويه على الطلاق قبل العرس
ركان بجديه / لو تموت ماطلقتها والزواج بيتم غصب عنها
وبثقه / ويمكن تكون زوجتي قبل الشهر
صقر بستغراب / وش عندك واثق هذي جنيه اذا ما بغتك والله محدن غاصبها
ركان بثقه / انا الي بغصبهااا
صقر يتفحص صديقه وبشك / وش ناوي عليه تراني خويك وكاشفك
ركان بتهرب / ما وراي شي نسيت ان عمها تركي وجدتها موجودين وهم راضين فيني ومثل ما جابت عندك زوجتك بيجيبونها عندي
صقر بجديه / احلم تجيك بهالطريقه هذي تذبح نفسها ولا تنكسر لاحد
ركان بعصبيه / وانت وش يعرفك فيهااا
صقر بجديه / مشكلتك انك ماتعرفها لا تقارنها بعمتها العمه تختلف عن بنت اخوهااا لا تسوي معها شي تندم عليه
شوق
رفعت راسها من على الطاوله وبهدوء / شفتي صقيررر
رفعت ساره راسهاا / لسانك يبي له قص رجال طول بعرض وتقولين عنه صقير احترمي الرجال
عند ركان
صقر بعصبيه / وتلومني لكرهت زوجتك كل هالرجوله و مسميتني صقيرر
ركان / ههههههههه مايحتاج تعصب لقيت من يدافع عنك
صقر بعصبيه / الي دافع عني مدافع عنك قبل هذي اعوذ بالله ماتفك احد من لسانها
عند شوق
شوق بابتسامه / ولا تزعلين شفتي الشيخ صقر
ساره بطفش / ايه
شوق بحماس / كلمتيه
ساره بضيقه / استاذنت منه علشان اداوم
شوق بعصبيه / الحمد لله والشكر من اول يوم تستاذنين منه بعدين يشوف نفسه سي السيد عليك
عند صقر
عصب من كلام شوق وبعصبيه / خوش نصيحه ياليتها تبلع لسانها وتفكها من نصايحها الي تخرب البيوت
ركان بقهر / تبيها تصير مثلها من ملكنا ولا يوم اتصلت تستاذن شورها من راسهاا
صقر بعصبيه / يجعل هالراس للكسر
ركان باصرار / بكسررررره وقريب
صقر بسخريه / نسمع ومانشوف
عند شوق
تغمز لساره وبخبث / ماسوى لك حركة قلة ادب
ساره بعصبيه / من ملكتي وانتي صايره قليلة ادب وكلن يرى الناس بعين ادب
شوق بعصبيه / والله صديقه قليل ادب واكيد انه مثله
عند ركان
لما سمع كلام شوق تمنى الارض تنشق وتبلعه وتمنى صقر مايسمع كلامها
لكن صقر كان يبتسم / هههههههه وش سويت لها ياقليل الادب والله وطلعت منت بهين ياركان شكلي باخذ منك دروس
انقلب وجهه احمر من الاحراج والقهر من شوق
صقر / ههههههههههههههه والله وجاء الزمن الي ينقلب وجهك احمر
ركان بعصبيه / اقول طسسسسسسس لمكتبك
صقر / ههههههههه مستحيل افوت على نفسي اسمع فضايحك
ركان باحراج وعصبيه / شكلي بشيل الاجهزه الي ماوراها الا الفضايح
صقر بابتسامه / لا تشيلها والله صرت انبسط بمكتبك وصارت الجلسه عندك تشرح الصدر
ركان يدعي بقلبه ان شوق ماتجيب طامه اكبر من الي قالته
عند شوق
شافت ساره تفرك راسها باصابعهااا
شوق بجديه / وش فيه راسك
ساره بتعب / راسي بينفجر لي يومين ماشربت قهوة ولا شميت ريحتهااا
شوق بسخريه / هذي ضريبة القهوه الي تجيبينها شكلك ادمنتي عليهاا
ساره بتعب / ابي فنجال يمكن يعدل راسي
شوق بعصبيه / ومن وين بجيب لك قهوه ومدامك ما تستغنين عنها ليش ما جبتيهااا معك
ساره بضيقه / من وين اجيبهااا وما دريت ان راسي بيصدع كان اتصلت عليك وقلت لك تجيبينها معك
شوق بابتسامه / ابشرك امي ما تعرف تصلحها وقهوة امي سوداء تحرق الكبد
انتي ماشاء الله قهوتك لا يعلى عليها كان صلحتيها وجبتيهاا معك
ساره بضيقه وتعب / صعبه ادخل مطبخهم واسوي قهوه اذا امه العجوز شكلها ما تشربها الصبح
شوق بحنان / اكلي بندول وبيخفف وجع راسك
ساره باصرار / راسي ما يطيب الا بفنجال قهوه
شوق بسخريه / الي يسمعك يقول عجوز عمرها ستين
ساره بوجع / دوري لي شي اربط فيه راسي يمكن يخف عني هالصداع
شوق بحنان / اذا تعبانه طلعناااااااا منتي مجبوره تبقين
ساره بتعب / عطيني شيلتك اربط فيها راسي
شوق بسخريه / اذا عطيتك شيلتي وش البس
ساره بعصبية / حتى بشيلتك بخيله
شوق بابتسامه / وش رايك اجيب غترة صقير تربطين فيها راسك متاكده بيطيب
ساره بعصبيه / ووووووووووووجع
عند صقر
سمع كلامها ابتسم وركان استغل الفرصه / نزل غترتك يمكن لربطة راسها يطيب
وقف صقر / بطلع عندي شغيله بخلصها وبرجع
ركان بابتسامه / الهرب نص المرجله
طلعه بنظرات وبعدها طلع من مكتب ركان ودخل مكتبه رفع جواله واتصل على بيتهم
ردت عليه امه
ام صقر بحنان / هلا صقر
صقر باحراج / يمه جهزي قهوه ورسليها مع السواق
ام صقر بستغراب / غريبه يمك من منتى تاخذ قهوه لشغلك
صقر بارتباك / اليوم عندي ضيوف
ام صقر بحنان / ابشر بسويها وبرسلها مع السواق تبي اسوي لك شاهي
صقر براحه / ياليت
انهى مكالمته من امه ورجع لمكتبه
عند ركان
شاف صديقه داخل وبسخريه / وش هالشغله الي خلصتها بدقيقه مامداني افتك منك
صقر جلس بالكرسي بسخريه / شفت شلون ماقدر استغني عن شوفتك
ركان / ومكتبك مهجوررر
صقر بابتسامه / شكلي بجيب مكتبي عندك
ركان / هذا الي ناقص
بعد ربع ساعه اتصل عليه السواق وقال له انه برا
وقف صقر بجديه / بطلع
ركان بمزح / مابغيت
صقر بابتسامه / لا تفرح كلها دقائق وراجع
طلع من مكتب صديقه رفع جوالعه واتصل على السواق يطلب منه يدخل بعد دقائق شافه واقف عند الممر القريب من باب الشارع
تقدم منه اخذ السله واتوهق شلون بيوصلها اذا وصلها بنفسه بينكشف انه سامعها
وصل لمكتبهم حط السله وطق الباب طقات سريعه وبعدها دخل مكتب صديقه
عند شوق
بستغراب / غريبه من الي بيطق الباب علينا
ساره وهي تمسد راسها / شوفي وفكيني من قرقرتك الي زادت الصداع
فتحت الباب وتفاجئت بالسله قبل لا تدخلها التفتت لعمتها
شوق بابتسامه / حزري فزري وش عند الباب
ساره بتعب / وش يدريني
اخذت السله ودخلتهااا / شوووفي
فتحت عيونها ساره وبصدمه / سلة قهووه
شوق بابتسامه / ياليتك مشتهيه مليون ريال يمكن لقيتها بدال هالسله
ساره بلهفه / من جابها وشلون درو اني مصدعه بسبتهاا
شوق بابتسامه / علمي علمك واذا ماتبينها خليتها عند الباب
ساره وقف وجلست على الارض كالعاده وبلهفه / وش تخلينها بسرعه صبي لي فنجال
قربت منها شوف وجلست طلعت الدله والفناجيل وصبت فنجال شوق الي اخذته منها بسرعه
صارت ساره تستنشق ريحة القهوه / يازين ريحتهاااااااا
شوق بسخريه / الي يشوفك تشمين القهوه يتاكد انك مدمنه
صارت تشرب القهوه بتلذذ / جعل من سواها وجابها للجنه
عند صقر
دخل على صديقه وجلس بمكانه
ركان / وش عند من اليوم طالع داخل وش وراك
سمع كلام شوق وساره عن القهوه
ركان بابتسامه / هذي الشغله الي تركتني علشانها يالحنون
صقر بعصبيه / اقول انكتم
ركان بابتسامه / كان جبت لي قهوه اوفطور ولا من لقا احبابه نسى اصحابه
صقر بهدوء / ماني براد عليك
عند تركي
بعد ماشرب قهوته وقف ناظر ولد اخوه فهمه سالم وطلع من المجلس
وقف معه مساعد فتح بوكه واخذ بطاقه مدها على مساعد / هذا بطاقه فيها كل ارقامي اذا احتجتو شي اتصل فيني
اخذها منه مساعد وحطها بجيب ثوبه من غير لا يطالعها
تركي بجديه / يله بنمشي قبل الليل
مساعد بحرقه / الله يسهل طريقكم
مشى تركي ومعه مساعد وصله لسيارته وقبل ليقفل باب السياره بجديه / جناح بنتكم محجوز لها من الصبح تقدر تجي فيه
مساعد كاتم غصه بحلقه
وفي نفسه / ااااااااااااه والله اني معتبر هالزواجه جنازه لبنتي وبدال لا افرح خاطري ابكي
عند سميه
شافت صديقتها غاطة بنومتهااا قررت تروح وتنهي موضوع الزواج
لبست عباتها ونقابها وطلعت من البيت وركبت السياره شافت الساعه 10 ونص
طلبت من السواق يوصلها لبيت صقر
بعد ساعه كانت سيارتها واقفه قدام بيت صقر
نزلت وهي تدعي من كل قلبها ان الي جايه علشانه يصير
ضربت الجرس دقيقه وانفتح الباب
شافت ديما واقف
ناظرت بديما
سميه في نفسها / شلون نسيتك ياديما والله انك اصعب منهم لكن خلي العجوز توافق وباذن الله بقدر اقنعك
عند ديما
عيونها على سميه ولما شالت سميه نقابها عرفتها وقربت منها وبابتسامه / اهلين
سميه بابتسامه / شخبارك دمدومه
ديما وعيونها تناظر وراء سميه وبجديه / امي وينها
سميه بهدوء / تركتها بالبيت نايمه وجيت خصوصي لجدتك وبعد ماخلص منها لي جلسه معك
ديما بخوف / امي صاير عليها شي
سميه بهدوء / الموضوع يخص امك لكن غير عن الي في بالك وتطمني امك احس بكثير
ديما باحراج / اسفه خليتك واقفه حيالك امي وخالتي بالصاله
دخلت ديما وبجنبها سميه وصلت لصاله شافت ام صقر جالسه واختها جالسه جنبها قربت بهدوء شافوها داخله وقفو قربت منهم وباست على راس ام صقر وام مرام
ام صقر بجديه / شلونك يابنتي
سميه الحمد لله بخير شلونكم
ام مرام / الحمدلله
ام صقر / تفضلي اجلسي يمه
جلست سميه
ام صقر بجديه / جايه لحالك وينها منى
سميه بجديه / خليتها نايمه
ام صقر تتامل وجه سميه وبجديه / واضح ان عندك كلام بتقولينه
سميه رفعت نظرها لديما وبجديه / لو سمحتي ابي اكلم جدتك
ديماباحراج / بدخل اجيب القهوه
وقفت ام مرام بجديه / اجل بدخل علشان تقدرون تتكلمون براحتكم
سميه بجديه / اجلسي ياخاله
ام مرام باصرار / بدخل اصلي الضحى
سميه بجديه / تقبل الله منك
تركتهم ام مرام وبعد ماختفت من قدامهم
تكلمت سميه بارتباك / خالتي ابيك تسمعين الي بقوله لنهايه وصدقيني هذا هو علاج منى
ام صقر بهدوء / قولي يابنتي
سميه بارتباك / امس اخذت منى لبيت ماجد وشافت في بناته عيالها الي ماتو وتعلقت فيهم والوقت الي كانت معهم نست مصيبتها
وبنات اخوي من كم شهر ماتت امهم
ام صقر بحزن / الله يكون بعونهم ومن الي مهتم فيهم بعد امهم
سميه ارتاحت من سؤال ام صقر وبجديه / ابوهم يحاول يعوضهم ومثل منتي عارفه ياخاله وجود الابو مايغني عن وجود الام والبنات بحاجه لام تهتم فيهم ومراح يلقون مثل منى
ام صقر بستغراب / مافهمتك يابنتي وبعدين وش دخل منى في بنات اخوك
سميه بارتباك / يبيها تصير ام بناته
ام صقر بصدمه / بيتزوجها
سمية بخوف / ايه ياخاله
ام صقر بحزن / وانتي تشوفين حالها حال زواج منى دمعتها مانشفت على عيالهااا
سميه بتوتر / علشان حالها لازم ياخاله توفقين علشان منى وعلشان البنات
ام صقر بضيقه / يابنتي موضوع الزواج بدري عليه من ايام مطلعه من الاحداد ومريضه واذا تزوجت مراح تسلم من كلام الناس
سميه بجديه / هي ماجرمت علشان تستحي من كلام الناس بتتزوج وبتربي هالبنات
ام صقر بحيره / والله يا بنتي مدري وش اقول اذا منى وخوانها موافقين ماني برافضه
سميهبجديه / منى اذا شافتكم راضين بترضى وهي حبت البنات وتتمنى تبقى معهم على طول
تنهدت ام صقر وبحرقه / والله ما يهمني الا سعادتها وراحتها واذا زواجها من اخوك بيردها مثل اول
راضيه لو اني رافضه هالشي
سميه بجديه / صدقيني ياخاله لو شايفه زواجها من اخوي بيضرها ما تعنيت وجيتك
ام صقر بضيقه / وخوك يدري عن حالتهاا
سمية بجديه / ايه يدري وراضي تكفين ياخاله خلي هالزواج يتم وتكسبين اجر هالبنات
ام صقر بضيقه / الله يكتب الصالح
وقفت سميه / استاذن خاله
ام صقر بضيقه / اجلسي تقهوي
سميه بجديه/ بمر بيت اخوي اتطمن على بناته
ام صقر بجديه / ومتى بترجع منى
سميه بجديه / قريب بترجع وصدقيني ياخاله منى تحتاج القوة والقسوة علشان ترجع قويه لو سايرتوها بتزيد ضعف
ام صقر / القلب مايسخى فيها
سميه برجاء / خاله تسمحين اخذ ديما لبيتي وتنام الليله عند امها
ام صقر بضيقه / مسموحه يابنتي
مشت سميه شافت ديما طالعة من المطبخ وبيدها صحن القهوه
سميه بابتسامه / اتركي عنك القهوه وتعالي معي لبيتي عند امك
ديما بستغراب / جدتي وافقت
سميه بجديه / ايه وبتنامين عند امك الليله
ديما بابتسامه / اجل بحط القهوه عند امي وبطلع البس وا جهز لي لبس اخذه معي
سميه بابتسامه / اجل بنتظرك بالسياره
طلعت سميه وديما طلعت لغرفتها شافت مرام واقفه مقابل التسريحه
ديما بجديه / بروح مع صديقة امي اشوف امي ويمكن انام هناك
التفتت عليها مرام بجديه / وامك شلونهااا
ديما بجديه / تقول انها احسن من اول
تصدقين مرام صديقة امي هذي تدخل القلب بدون استاذن
مرام بجديه / ناس تشوفينهم تحبينهم وناس تنفرين منهم
ديما وهي تفتح الدولاب وطلعت لها بجامه / سبحان الله كاني اعرفها من سنين
مرام بجديه / بمل بدونك
ديما وهي تقفل شنطتها / تحملي كلها يوم
مرام بجديه / لو انك رايحه مكان ثاني كان لصقت فيك
ديما بجديه / وش رايك تروحين معي
مرام بجديه / والعجايز من بيهتم فيهم
ديما بحب / فديتك ذكرتيني بنجود القاطعه من تزوجت صارت بالقطاره تتصل شكلها توفر زوجهاا
مرام بجديه / اكيد بتوفره نسيتي انه طالب ويدرس منحة من الحكومه
وباعجاب / والله هالبدر مثابر
ديما لبست عباتها وتلف الشيله ونقابها بيدها / مع السلامه تاخرت على الحرمه
مرام بجديه / مع السلامه واتصلي مو تجحديني
ديما بابتسامه / ان شاء الله
نزلت دخلت الصاله قربت من جدتها / يمه انتي سمحتي اروح
ام صقر بضيقه تهز راسها بالموافقه
ديما شافت الحزن والضيقه مرسومين بوجه جدتها وبجديه/ يمه وش فيك
ام صقر بحرقه / روحي يمه ما فيني الا العافيه
قربت من جدتها اكثر وبجديه / يمه اذا متضايقه من روحتي عادي اجلس
ام صقر بضيقه / ماني متضايقه
ديما ماحبت تزودهااا باست راس جدتها وطلعت من البيت وركبت السياره جنب سميه
سميه بجديه / روح بيت بابا ماجد
حرك السواق السياره رايحين لبيت ماجد بعد ربع ساعه السياره واقفت مقابل بيت ماجد
ديما بجديه / امي في بيت اخوك
سميه بجديه / لا امك في بيتي
ديما باستغراب / ليش جايبتني هنا
سميه بهدوء / اذا دخلتي بفهمك
شافت سيارة اخوها اتصلت عليه
عند ماجد
كان منسدح بالمجلس والي صار الصباح ينعاد
سمع صوت جواله اخذه من على الطاوله شاف رقم اخته
ماجد بضيقه / هلا سميه
سميه بجديه / ماجد معي ضيوف ياليت تسوي لنا طريق
ماجد بضيقه / جايبتها معك
سميه وعيونها على ديما بجديه / لا
وقف ماجد اخذ المفاتيح وبضيقه / بطلع واذا طلعتو اتصلي علشان ارجع عند البنات
سميه بجديه / ان شاء الله
شافت سميه اخوها يركب سيارته التفتت لديما وفتحت بابها
ديما مثل الاطرش بالزفه فتحت الباب نزلت ومشت وراء سميه
ماجد ترك لهم الباب مفتوح دخلت سميه ونزلت نقابهااا ودخلت ديما
سميه بجديه / نزلي نقابك مافي احد
شالت نقابها ودخلت استقبلتهم ميار شالتها عمتهااا
ودخلت فيها داخل البيت بجديه / تفضلي ودقائق وراجعه لك
عند ديما
جلست على الكنب صارت تتفحص المكان الاثاث والديكور راقي وواضح ان صاحب البيت غني
ديما في نفسهاا / ليش جايبتني لبيت اخوهااا
سمعت صوت خطوات رفعت راسها شافت سميه ومعها بنتين والثالثه الي شافتها انجذبت لهم ولجمالهم واعجبها ادبهم الي واضح
وقفت قربو منها وسلمو عليها
قربت منهم سميه وجلست وعيونها على ديما / بنات ماجد اخوي
مدت ديما يدها واخذت منار / وش اسمهاا
سميه بجديه / هذي اصغرهم وسمها ميار والكبيره ريما والثانيه حنين
صارت تبوس خد ميار
سميه بجديه / ريما حبيبتي اخذي خواتك وطلعو لغرفتكم
وقفت ريما ووقفت معها حنين قربت من ديما ومدت يدها بتاخذ اختها لكن ميار تمسكت بديماا ناظرتها وبعده ناظرت بريما وبابتسامه / خليهااا
سميه / خليها تاخذ اختها الموضوع يبي منك تركيز
نزلت ميار ركضت لاختهاا طلعو فوق
ديما باحراج / خالتي ليش جايبتني لبيت اخوك
سميه ماتدري شلون بتبداء موضوعهااا / انتي كبيره يديما واكيد بتفهمين الكلام الي بقوله
دخل الخوف قلب ديما / اكيد بفهم الي بتقولينه
سميه بحزن / بنات اخوي الي شفتيهم امهم ماتت من كم شهر وجالسات بهالبيت مع الشغاله
ديما رحمتهم وبحنان / ليش ماتسكنين عندهم او يسكنون عندك
سميه بحزن / ابوهم رافض يسكنون عندي وانا ما قدر اسكن عندهم
ديما بحنان / طيب ماعندهم جده او عمه تجي عندهم
سميه بحزن / جدتهم ام امهم ساكنه بالديره وخالاتهم كلهم متزوجات
ديما بحزن / حرام يسكنون طول عمرهم لحالهم
احمدت ربها انها وصلت للي تبيه / اكيد لا وبيتزوج ابوهم
ديما بحزن / لا تخلينه يتزوج يمكن يجيب لهم وحده تعذبهم
سميه وعيونها على ديما / واذا كانت العروس امك بتعذبهم
ديما بصدمه / اميييي مستحيل
سميه بهدوء / ليش مستحيل
ديما بحزن / مابيها تتزوج يكفي انها تزوجت وتركتني
سميه بهدوء / تركتك عند جدتك وخوالك لكن هالبنات مثل ما تشوفين لحالهم
نزلت دموع ديما وبصوت باكي / امي سنين ما شفتها ولا تكلمت معها ويوم رجعت لي بتزوجينها اخوك
سميه قربت منها ومسحت ظهرهاا / الي ما تدرين عنه ان امك ماعشت مبسوطه بزواجها زوجها كان حارق قلبها وانتي كملتي عليها بصدك عنها
نزلت ديما عيونهاا
سميه بحنان / ماقلت هالكلام علشان تستحين انتي ماتنلامين لكنك زودتيها كثير
ديما بصوت باكي / خالتي حتى انا كنت اتعذب كنت بحاجتها وهي بعيده حتى اخواني كرهتهم لانهم اخذو امي عني
تمنيتها خذتني وربتني مع عيالها ولا رمتني عند جدتي
سميه بحنان / امك بالبدايه غلطت لكنك ماسمحتي لها تصلح غلطتها وتتقرب منك
ديما خليك ولو مره تهمك امك اكثر من نفسك ووافق على زوجها
ديما رفعت عيونها الي كلها دموع / وش مصلحت امي بزواجها من اخوك
سميه بهدوء / امك انحرمت من عيالها والبنات انحرمو من امهم بتعوضهم وبيعوضونهاا اذا رافضه زواجهاا اعتبريها مربيه وتكسب اجر البنات
انتي جربتي فقد الام مع ان جدتك معوضتك لكن هالبنات من الي بيعوضهم
لا تصرين انانيه انتي كبرتي ومنتي بحاجه لحنان امك مثل ماهالبنات بحاجته
زاد صوت بكى ديما تمنت ماطاعت جدتها ولا جت بهالمكان ولا سمعت هالكلام
سميه بحنان / ديما امك بنفس المدينه الي ساكنه فيها والبيت كبير تقدرين تسكنين عندهم
وقفت ديما وبصوت باكي / ممكن ترجعيني بيتنا
وقفت سميه وباصرار / بتروحين معي لبيتي وبتشوفين امك وبتقنعينها بالزواج
ماحبت تتكلم وتجادل سميه يكفيها خبر زواج امها تشوف زواج امها مصيبه صعب عليها تتحمله شلون تبيها تقنع امهااا
لنا لقاء باذن الله احتمال يكون بكره بالليل متاخرررررررررر
اختكم نسايم نجد
|
19-05-12, 06:14 PM
جديد مواضيع قسم الارشيف
العرض العادي
