كاتب الموضوع :
نسايم نجد
المنتدى :
الارشيف
سالم العم حنون وطيب وبار بامه مايرضا انها تنام وهي زعلانه عليه علشان كذا البعض اتهمه انه ضعيف شخصيه
الرجاء عدم طمر السطووووور
البارت الثاني والسبعون
عند تركي
دخل المجلس شاف سالم جالس
قرب منه وبجديه / وش فيك مانمت
سالم بجديه / طول نهاري نايم ومافيه تلفزون يسليني
تركي بجديه / تدري ان صاحب هالبيت مهندس وزوجته دكتوره
سالم بصدمه / من جدك وذا مثل ماتقول وش مسكنهم بهالمكان
جلس تركي بمكانه / سالفتهم طويله وتعور القلب
سالم بحماس / شوقتني اعرف سالفتهم الي خلتهم يتركون التطور ويعشون بهالبر
تركي بجديه / سالفتهم ما يصدقها العقل
سالم باصرار / قول سالفتهم
تركي بجديه / اذا تزوجت بنتهم قلت لك
سالم بستغراب / وانت شلون تعرفت عليه
تركي سند ظهره على الجدار / ضعت بالبر وبغيت اموت ساعدني وجابني بهالمكان وقالي قصتهم وطلب مني اساعده
سالم بستغراب / شلون رضى يزوجك بنته وهو مايعرفك
تركي بجديه / بنته هي السالفه واكثر من كذا ماني بقايل
سالم بجديه / وهو وينه فيه ليش ماجاء
تركي بجديه / هو يشتغل على وايت ويبيع الماء للقرى القريبه
سالم بصدمه / الله واكبر يترك الهندسه ويصير سواق وايت والله امره غريب
تركي بتاثر / انجبرو انهم يعيشون بهالمكان ولازم يتعايشون مع ظروفه
سالم بستغراب / الحين شلون يعرفون وقت صلاتهم وهم لا عندهم مسجد ولا تلفزون يعرفون فيه الوقت
تركي بجديه / اذا جاء اسئله
سالم بابتسامه / تتوقع بتوقيتهم الفجر اذن
تركي بجديه / اغلب الظن انه اذن
سالم بجديه / بتنام ولا بتنتظره و يمكن ما يجي
تركي بجديه / غلطتي اني ماخذت رقم جواله كان اتصلت عليه وحطيت عنده خبر اني بيجيه
سالم بابتسامه / غلطت الشاطر بالف
تركي بجديه / ذابحني الجوع
سالم بابتسامه / وانت نايم انطق باب المجلس وسمعت صاحبت البيت تناديني اخذ الغداء تغديت ورجعت لها الصحون فاضيه
تركي بضيقه / والحين وش بسوي لا فيه مطاعم قريبه والوقت بدري انها تصحى وتسوي لنا فطور
عند لطيفه
كانت قريبه من المجلس بتتاكد انهم موجودين سمعت كلامهم وابتسمت
دخلت المطبخ سوت لهم اكل يشبعهم وبعد ماخلصت اخذت الصحون وحطتهم قدام الباب
لطيفه بصوت عالي / الفطور عند الباب
تركي باحراج / كثر الله خيرك تعبناك معنا الا مساعد وينه ماجاء
لطيفه بحرقه / مساعد بيجي ان شاء الله انتم افطرو واذا ناقصكم شي نادو علي
سمعو خطواتها تبعد
سالم بابتسامه / ليكون سمعت كلامك وسوت لك الفطور
تركي بعصبيه / قوم هات الفطور وخل عنك الهذره
وقف سالم واخذ صحون الفطور
قرب من عمه وحط الصحون قدامه / بتصلي ولا بتفطر
تركي بجديه / خلنا نفطر وبعدها نصلي الوقت بدري
بدو ياكلون بعد ماخلصو تركي بجديه / رجع الصحون مكانها
شال الصحون وحطها عند الباب
دخل تركي الحمام توضا وبعدها داخل سالم صلو الفجر جماعه
وقف تركي وبجديه / تخاويني اتامل الشروق
سالم بخبث / الشروق والغروب للعشاق وانا ماني منهم وانت منهم
تركي بتنهيده / عمك منهم
سالم بابتسامه / والله منت بخالي ياعمي منهي الي قدرت تملك قلبك
تذكر تفاصيل نوف الي دمره وخلته عاجز قدامها
تركي بابتسامه / اقدرت فيه الي تسواهم
سالم بزعل / والله امي الي تسواااااهم وبدويتك هذي ما تجي شي عند امي
تركي / هههههههههه اكيد امك ماتسواهم خلني اطلع قبل لا تغثني بامك
عند سالم
كان نايم بالمجلس صحى على صوت ولده
سعود قرب من ابوه وبصوت خفيف / يبه قوم صل الفجر
فتح عيونه شاف نفسه نايم بالمجلس بصوت كله نوم / الحين بقوم
سعود بستغراب / ليش نايم بالمجلس
جلس سالم وبجديه / من التعب غفت عيني وماحسيت روح للمسجد وبلحقك
اعتدل بجلسته واخذ بوكه وجواله من على الطاوله وطلع فوق لغرفته فتح الباب
شاف هيا جالسه على الكنب اول ماشافته فزت واقفه
قرب منها وبضيقه / غفت عيني بالمجلس وماحسيت
تاملت وجه زوجه الحزين / شفتك نايم بالمجلس
سالم بحرقه وبتنهيده / تصرفات امي بتذبحني
هيا برجاء / تكفى يا سالم مابي اسمع هالكلام ولا ابي اشوفك مقهور
سالم بحرقه / شلون ماتبيني انقهر واختي الله عالم بحالها
هيا بجديه / صقر رجال فيه خير وباذن ربك بيصونها واهله ناس طيبين ماينخاف عليها وهي عندهم
صقر بجديه / اليوم بروح لها اذا شفتها مقهوره والله هالزواج مايتم
هيا بقهر / الله يهداها خالتي
سالم وهو يمشي وبقهر / امي كل ماكبرت زاد تسلطها وظلمهااا
دخل الحمام توضا وبعده طلع لصلاه
عند شوق
دخلت على ساره شافتها سانده ظهرها على السرير ودموعها مغرقه وجهااا
قربت منها وبعصبيه / ابي افهم ليش كل هالدموع
رفعت عيونها لشوق وبصوت باكي / ليش رجعتي
قربت شوق وجلست على الكرسي وبجديه / ماطلعت علشان ارجع
ساره بصوت مبحوح / وينك من اليوم
شوق بهدوء / بكفتريا المستشفى
ساره بصوت باكي / توقعتك رحتي وتركتيني
شوق بجديه / مستحيل اتركك ولو ما قهرتيني ماطلعت من الغرفه
ساره بصوت باكي / جدتك جرحتني جرح مايبرى
شوق بجديه / ممكن تفهميني ليش جدتي سوت هالتصرف
ساره بصوت باكي مقهور / علشاني قلت مابيه وكانه مو حقي ارفض او اقبل الزواج
شوق بجديه / للحين ماني بمصدقه انك زوجة لصقر والمصيبه من زمان ولا احد قال
ساره بصوت باكي / ناس عقولهم فارغه شافو الولد يلعب مع البنت زوجوهم
شوق بستغراب / معقوله مافي احد عاقل يقول ياناس الي تسونه غلط
ساره بحرقه / الي سووها تحت التراب
شوق بجديه / الله يرحمهم
ساره بصوت باكي / ماصدق ابوي الحنون يرميني هالرميه
شوق بجديه / تبين الصدق صقر رجال والنعم فيه وكل بنت تتمناه يكفيه انه ربى بنت اخته وصار لها الابو واكيد حنون وبينسيك الي صار
ساره بحرقه / امه تنحط على الجرح يبرى انسانه كلها حنان وطيبه تمنيتها امي
شوق بجديه / بترجعين لهم
ساره بحرقه / وين تبيني اروح
شوق بجديه / تروحين معي عند امي
ساره بحرقه / امك حالتها اردى من حالتي الله يعينها على تركي
وانا مالي الا بيتهم وغصب عني ارضى بهالصقر زوج لي
يمكن ديما وجدتها يحببوني بالعيشه عندهم
شوق بضيقه / حياتك وانتي حره فيها على اني رافضه ترجعين لهم بهالطريقه ابيهم يتعبون لين ترجعين لهم ويعرفون قدرك
ساره بحرقه / يعرفون قدري جدتك ماقصرت علمتهم قدر ومكانة بنتها عندهم
شوق بستغراب / ليش تتهربين تقولين امي
سار بحرقه / تشوفين الي سوته تسويه ام لبنتها ومستحيل اسامحها
شوق بحزن / تهاوشت مع جدتي وعطتني كف من الي يحبه قلبك طلعت من بيتها واخذت اخواني عند امي
ويوم وصلت لبيتها شفت صقر شايلك
شهقت ساره وبروعه / شايلني
شوق بخوف / بسم الله عليك لا تطلع روحك من الشهقه
ساره بقهر / شلون بوريه وجهي وهو شايلني
شوق بهدوء / شايلك بعباتك ماشالك مفسخه
ساره بعصبيه / عيببببببببببب
شوق بتخفف عليها / ابشرك الرجال ما اقرب منك ولا شافك امه حالفه عليه مايشوفك ولا يقرب منك الا بعد العرس
ساره بحرقه / ماشافني ولا قرب مني وهو شايلني
شوق بابتسامه / تبينه يخليك تفطسين واجبه يشيلك ويعالجك
ساره بستغراب / اشوفك راضيه عليه وادافعين عنه من متى المحبه
شوق بمزح / زوج عمتي صار عمي ولازم اصير بصفه
ساره بعصبيه / عمى بعينك
شوق بجديه / قولي شلون استقبلتك امه
ساره بجديه / امه استقبلتني بالاحضان وقالت اني بنتها وبتكون معي على ولدها شفت الحب والخوف بعيونها حسستني صدق اني بنتها
بلحظات شفت منها حب ماشفته من امي
شوق باعجاب / من كلامك وكلام ولدها عنها حبيتهاااااا ولازم ازورهاا واتعرف عليهاااا
ساره بعصبيه / اكيد بتزورينها لاني بكون في بيتهم ولا بتهجرني
شوق بضيقه / مدري شلون بروح الشغل وانا سهرانه
ساره بجديه / بروح معك
شوق بجديه / وانتي من صدقك بداومين وانتي تعبانه
ساره بجديه / بموت من الجوع اخر شي اكلته امس معك
شوق بعصبيه / وليه صايمه ترى مافي احد يستاهل انك تموتين نفسك علشانه
قطع عليهم دخول الممرضه قربت من ساره ومدت لها ورقه / اصرفي الدواء من صيدلية المستشفى
ومدت لها ورقه ثانيه / وهذي ورقة الموعد
شوق / بتطلع الحين
الممرضه / ايه كل شي اوكيه
طلعت الممرضه
ساره وعيونها على شوق / كلمي السواق
شوق فتحت شنطتها واخذت جوالها واتصلت على السواق
ساره بضيقه / ابي ملابسي واغراضي حتى جوال ماعندي
شوق يجديه / ذكرتيني بجوالك تراه معي
فتحت الشنطه واخذت الجوال ومدته على ساره
ساره باصرار / ابي ملابسي واغراضي
شوق بضيقه / ماقدر اروح هناك بكلم خالتي ترسلهم لك
وقفت ساره بجديه / ترى الفجر اذن
شوق / بنصلي
دخلت ساره الحمام توضت وبعدها دخلت شوق بعد ماصلو طلعو لصيدليه اخذو الدواء
ساره بتعب / ماقدر امشي من الجوع
شوق بجديه / بنمر الكفتريا نفطر وبعدها نطلع
مرو الكفتريا افطرو سمعت شوق جوالها شافت رقم السواق / يله مشينا
طلعو وركبو وساره كاره ترجع لبيت صقر لكن ماحبت تبين هالشي لشوق
عند صقر
صلى الفجر بمسجد المستشفى وبعده دخل وصل لغرفة ساره استغرب وهو يشوف الباب مفتوح قرب من الباب ووقف على جنب
صقر / شوووووق
ماسمع رد
دخل شاف السرير مرتب تاكد ان شوق اخذتها
صقر بعصبيه / هالعنيده لازم تمشي الي براسها الحين وش بقول لامي لسالتني عنهااا
اتصل على ركان
عند ركان
كان عند باب المسجد سمع صوت جواله رفعه شاف رقم صقر
ركان بجديه / بشر عن مدامتك
صقر بعصبيه / زوجتك هذي يبي لها كسر راس اذا ماكسرته لها انا الي بكسره
ركان بعصبيه / خيررررررر وش فيك عليها
صقر بعصبيه / زوجتك تجلط قلت لها تنثبر عند عمتها لين اجيهم واطلعهم وحضرتها طلعت واخذتها معها واكيد بترجعها لبيتهم
ركان بجديه / الحين عند امها واكيد زوجتك هناك
صقر بعصبيه / روح شوف وينها فيه علشان لسالتني امي اعرف اجاوبهااا
ركان بجديه / اشوف همك امك وهي ماهمتك
صقر بعصبيه / هي لو ربي يفكها من زوجتك بتكون بخير
ركان بجديه / قفل خليني اشوف وينهم
عند ركان
وصل لبيت نوف / الحين وش يجيبني عندهم بهالوقت اكيد انهم نايمات
رفع جواله واتصل على نوف لكن مافي رد
ركان بجديه / مادامها ماردت اكيد انها نايمه
رجع لبيته دخل غرفته اخذ شور لبس بدلته العسكريه ونزل فتح الثلاجه صب له عصير شربه وبعدها طلع
عند شوق
كانت بالسياره والجو هدوء وقفت السياره عند بيت امهااا
ساره بحرقه / هاتي لي لبس من عندك
شوق بجديه / وش رايك تنزلين معي
ساره بحرقه وقهر / لا برجع بيتهم
شوق بجديه / الناس نايمه واكيد ماعندك مفتاح للباب
ساره بضيقه / اكيد امه قايمه تصلي وبتفتح لي الباب
فتحت شوق الباب / بجيب لك ملابس وماني بمطوله
طقت الجرس فتحت لها جالكلين وحضنتها بحب بعدها طلعت فوق دخلت غرفة امها ابتسمت وهي تشوفهم نايمين على الارض وامها بوسطهم حنت لذيك الايام
شافت شنطتها بالارض سحبتها برا
اخذ لبس يصلح لساره وحطت الشنطه جنب الباب
ورجعت للغرفه صارت تفتش على شنطه تحط فيها الملابس مالقت الا كيس كبيررر حطت الملابس فيه
قربت من تسريحة امها اخذت عطر وفرشاة لشعر وحطتهم بالشنطه
طلعت من الغرفة وصارت تركض على الدرج
طلعت برا البيت حطت الكيس قدام وهي ركبت جنب ساره
ساره بضيقه / وش عندك ركبتي
شوق باصرار / بوصلك وبعده بارجع
طلبت من السواق يوصلهم لبيت صقر
وقف عند بيت صقر فتحت ساره الباب ونزلت فتحت الباب الامامي اخذت الكيس ومشت
وقفها صوت شوق / بتصل عليك و يمكن امرك بالليل
كملت طريقه بدون ماترد على شوق قربت من الباب رفعت يدها وضغطت على الجرس
عند شوق
لما شافت ساره تدخل طلبت من السواق يوصلها لبيت امها
نزلت وطقت الجرس فتحت لها جاكلين
دخلت وطلعت فوق كانت بتدخل غرفة امها
لكن غيرت رايها ودخلت غرفتها فسخت عباتها ورمت نفسها على السرير ثواني وهي بسابع نومه
عند ام صقر
كانت جالسه على سجادتها سمعت صوت الجرس استغربت من بيزورهم الفجر طلعت وهي لابسه جلال الصلاه فتحت الباب شافت ساره واقفه
ام صقر بحب / الله يحيك وينه صقر مافتح بمفتاحه
دخلت ساره وسكرت الباب وراها وبحرقه / جايه مع شوق
ام صقر بحنان / ليش ماعزمتي عليها تنزل
ساره بحرقه / بتروح لامها
ام صقر بحنان / الله يجزاها خير انها وصلتك عندي
ساره باحراج / اسفه خالتي
ام صقر بستغراب / وش سويتي علشان تتاسفين
ساره بصوت مخنوق مقهور / شيلتك همي
ام صقر حضنتها بحب وساره جاوبتها بالبكي
ام صقر بحنان / انتي بنتي وهالكلام يزعلني
يكفيك بكي اوجعتي قلبك وقلبي ادخلي غرفتك وارتاحي
سحبت ساره نفسها من ام صقر / شوق كانت بتاخذني عند امها
وكملت بحرقه / لكني قلت لها توصلني عندكم
ام صقر بحب / حياك الله في بيتك ولو انك رايحه معها كان جيتك ورجعتك البيت بيتك يابنتي وحنا اهلك
ساره بصوت باكي / مشكوره خاله
ام صقر بحنان / ياليتك تقولين يمه والله اني حاستك بنتي
حنان ام صقر يخليها غصب تبكي
نزلت راسها تبكي وام صقر مدت يدها ومسكت ذقن ساره ورفعت وجهاا
ام صقر بحنان / ماعاش الي بينزل راسك راسك مرفوع يابنت الضامي
دخلو داخل وصلتها لغرفتهااا
ام صقر برجاء / طالبتك يا بنتي لتقفلين عليك الباب اخاف الي صار ينعاد
وتطمني محد بداخل عليك الا برضاك
ساره بصوت باكي / ان شاء الله
طلعت ام صقر وسكرت الباب وراها
عند ساره
نزلت عباتها وفتحت كيس شوق اخذت لها بجامه دخلت الحمام اخذت شور
طلعت وتفاجئت من وجود اكياس مرميه بالغرفة
ساره بستغراب / من جايب كل هالاكياس وش داخلها
فضولها خلها تقرب من الاكياس وتفتحهم
نزلت دموعهااا / امي بعمرها ماشرت لي حلاوه وهي تشتري لي كل هالاكياس
وبحرقه / ياليتها امي بدال امي لكن خساره ما نقدر نختار اهلنا لازم اشكرهاا
اخذت عباتها ولبست شيلتها ونقابها وطلعت كانت متردده تدخل داخل البيت
وقفت عند باب غرفتها وصارت تنادي على ام صقر / خاااااااالتي
ام صقر كانت جالسه بالصاله سمعت صوت ساره
ام صقر تبيها تتعود على البيت وتاخذ عليهم
ام صقر بحب / تعالي يمه ماعندي احد
مشت تجاه ال صوت شافتها جالسه قربت منها بحياء
ساره باحراج / خالتي ليش تكلفتي وشريت كل هالاغراض
ام صقر بحنان / تستاهلين اكثررر
عيونها على ساره / يا بنتي ليش لابسه عباتك مافي غريب بالبيت واذا على صقر من جت خالته اكله ونومه بالمجلس
جلست ساره وباحراج / خاله بروح الشغل مع شوق
ام صقر بحنان / يابنتي انتي تعبانه ومالك طوقه على الشغل واكيد بنت اخوك تعبانه لانها سهرانه معك
ساره بجديه / بكلمها اذا بتروح الشغل خليتها تمرني
ام صقر بحنان / على راحتك يابنتي لكن قبل لا تروحين افطر معي
ساره بابتسامه حزينه / على اني مفطره مع شوق لكن مراح ارفض عزيمتك
وقفت ام صقر بحنان / اجل بجهز فطورناا
وقفت ساره وباصرار / والله ما تقومين وانا جالسه بصلح الفطوررر
ام صقر بحنان / يابنتي انتي تعبانه
ساره بحرقه / وتبيني ارضى انك تقومين تطبخين وانا جالسه
ام صقر بحنان / الله يسعدك يابنتي اجل بكلم صقر يجب لنا فطور جاهز
ساره بابتسامه / يكون احسن لاني بجرب فيك بعمري ماطبخت
ام صقر بجديه / خلاص بكلم صقر وانتي جهزي الحليب
وقفت ساره نزلت عباتها ونقابها وشيلتها وحطتها على الكنب كان شعرها مسدول والبجامه زايدتها براءه وفتنه وجمال
مشت وعيون ام صقر تتاملها باعجاااب
وفي نفسها / وينك يا صقر تشوف الي اشوفه والله لا تنسى قصرها
اتصلت على ولدهاااا
عند صقر
بسيارته سمع صوت جواله شاف رقم امه
صقر يكلم نفسه بعصبيه / الحين اذا سئلتني عنها وش جوابي حسبي عليك يلي في بالي
صقر بحب / هلا بالغاليه
ام صقر بحنان / كلمتك ابيك تجيب لنا فطور
استغرب ان امه ماسالت عنها / ابشري وش تبين فطور
ام صقر بجديه / اصبر خلني اسئل ساره وش تبي
صقر بصدمه / ساره عندك
ام صقر بحنان / بنت اخوها وصلتها
صقر براحه / غريبه بتفطر معك وهي طول امس حابسه نفسها
ام صقر بجديه / الحمد لله اليوم نفسيتها زينه تسولف وتبتسم
صقر بجديه / وهي وينها فيه الحين
ام صقر بابتسامه / بالمطبخ تصلح حليب
صقر بابتسامه / والله تطورات وصلت انها تدخل المطبخ
ام صقر بعصبيه / اذكر بك لتنقلب حالها
صقر بابتسامه / ماشاء الله عليها ماصدقت الامور تتعدل
ام صقر بحنان / الله يتمم عليها ويبرد على قلبها
صقر براحه / امين خلاص بجيب لكم فطور على ذوقي
ام صقر بجديه / لا طول علينا البنت شكلها تعبانه وتكابر وما صدقت انها ترضى تاكل
صقر بجديه / ماني بمطول
انهى اتصاله من امه واتصل على ركان
عند ركان
كان في مكتبه سمع صوت جواله على طول رد
ركان بلهفه / بشر عرفت مكانهم
صقر بجديه / ظلمت زوجتك جالس اسب فيها وهي موصلتها لبيتنا
ركان بابتسامه / طول وقتك ظالمها
صقر بجديه / بهذي ماصدقت ماقلت شي عنها الا فيهااا
ركان بعصبيه / ترى الطوام ينتظرك مو تنسى نفسك
صقر بجديه / باقي كثير على الدوام
ركان بطفش / تعال سليني بدال ماني قاعد لحالي
صقر بسخريه / والله ماني بخبل مثلك اداوم قبل الدوام بثلاث ساعات
ركان بجديه / وانت وينك فيه شكلك بسيارتك
صقربجديه / اشتري فطور
ركان بجديه / والله بفقد قهوة وفطور زوجتك ومدامها ماهي جايه اكيد مافي اكل وبيذبحني الجوع ياليت تجيب لي فطور معك
صقر بسخريه / وزوجتك وش شغلتها ولا عايش على قفا غيرك
ركان بحرقه / زوجتي لو تشوفني اموت من الجوع مامدت علي كسرة خبز
صقر بعصبيه / تستاااااااهل الي تسويه فيك راضي بفعايله فيك وساكت
ركان بضيقه / خلها على ربك وبيعدلها
لنا لقاء باذن الله الاسبوع الجاي
اختكم نسايم نجد
|
17-04-12, 07:13 PM
جديد مواضيع قسم الارشيف
العرض العادي
