كاتب الموضوع :
نسايم نجد
المنتدى :
الارشيف
بالبدايه حبيت اشكر من توجني بالوسام واتمنى اكون استاهل
واشكر من اعماقي كل من بارك لي وفرح من اجلي
اقول لهم الله يقدرني واكون قد الثقه الي منحتوها لي
.......................................
من بين سطور الروايه وضحت لكم ان شوق تشبه جدتها كثير وهذا سبب محبت ام سالم لها وزاد المحبه انها بنت ولدها الغالي ناصر
والي عندهم شك ان ساره ما تكون بنت لام سالم احب اكد لكم ان ساره بنتها
لكن شخصية ام سالم اقتبستها من واقعي لي قريبه عندها 7 عيال وبعدهم ربي رزقها بالبنت توقعنا الدلع والدلال للبنت لكن صار العكس الدلع للعيال والعذاب للبنت
وكل من شاف معاملتها لبنتها يدعي
ربي ان بنتها تتزوج وتفتك من قسوة هالام
والاخوات الي منقهرين من موقف شوق وسالم وانهم ما ريحو عمهم وقالو لهم عن نوف
سبق وقالت شوق رايها بالموضوع وانها متخوفه من ردت فعل عمها تكون عكس
وبعدين شوق متهورررررره ومستعجله بتصرفاتها وعقلهم مو ناضج لدرجه يكون تصرفهم صح
وعمهم استغل هالشي
رساله لكل من يكره شوق / اقول لهم ترى شوق مو شينه لهدرجه وهي اقرب الشخصيات لقلبي احبهااا ومارضى عليهاااا
شوق ما يعيبها الا قسوتها على ركااان
ولها مواقف بتحببكم فيها
شوق قوتها بتسحب الظلم عن ساره وعن امها
وعن نوره وبيكون لها يد بنصرت ديماااااااااا
و كل هذا وتكرهونهااااااااااا مالكم حق
بوضح شغله غايبه عنكم / الي صار لساره مقابل الي صار لنوف فسبحان الله الدنيا سلف ودين و من دفعت الثمن لا حول لها ولا قوة
البارت طوووووووووووووويل على طلبكم
الرجاء عدم طمر السطورررررررر
...................................
البارت التاسع والستون
سحبت بنتها من يدها بقسوه
ساره ثبتت رجولها بالارض لكن قوة امها قدرت تسحبها
ساره بنحيب وخوف / يمه وين بتوديني
ام سالم بعصبيبه / لبيت زوجك الي متبطره عليه
ساره برجاء وبصوت باكي محروق / لااااااااتووووووووديني له واسوي الي تبينه
ام سالم صارت تسحب بنتها متجاهله توسلات ساره الي توجع القلب
لين وصلت لباب الشارع
ساره لما يئست من امها صارت تصرخ باسم اخونها يمكن ينقذونها من امها
ساره بنحيب وبصراخ / ساااااااااااااااااااااااااالم تررررررررررررركي
فقدت الامل وهي تشوف نفسها بالشارع وتاكدت ان الي ناويه عليه امها بيصير
وصلت لبيت غريب اول مره تزور اهله شافت امها توقف عند الباب وهي غصب واقفه معها
زاد نحيبها وهي تشوف امها ترفع جوالها
كرهت امهاااا ومستحيل تسامحها لكنها مصره ترفض الزواج لو الثمن موتها
ساره بصوت باكي محروق ذليل / بعمري مراح اسامحك كل شي توقعته لكن انك تذليني وتهيني وتسلميني لهم جاريه
وبصوت منكسر / شلون بقدر اطالعهم
وكملت بنحيب / وامي راميتني لهم صارو متفضلين على بنتكككككككك
وبصراخ باكي / بنت الضامي صارت ذليله بفضلك يمه
ام سالم كلام بنتها اثر فيها لكنها كابرت وكملت اتصالها بام صقر
.............................
عند ام صقر
سمعت صوت جوالها شافت رقم ام سالم
رفعت الجوال / هلا موضي
ام سالم بعصبيه / افتحي الباب معي امانه لكم
ام صقر باستغراب / امانه
ام سالم بعصبيه / اخلصي علي
قفلت جوالها بوجه ام صقر
ام مرام وعيونها على وجه اختها / من المتصل الي قلب حالك
ام صقر بقلق / موضي برا وتقول معها امانه لي
ام مرام بجديه / طيب روحي لها
ام صقر بقلق وخوف / اسلوبها وعصبيتها خوفتني وخايفه من الامانه الي جايبتها القلب معاد يحتمل مصايب
ام مرام بجديه / روحي لها بدال لا تحرقين بنفسك
مشت ام صقر وبداخلها تدعي ان الي جابته ام سالم خير
فتحت الباب وانفجعت من ام سالم والبنت المنهاره
دخلت ام سالم وبنتها بيدها وبعصبيه / سنه لين تفتحين الباب
ام صقر وعيونها على ساره المنهاره وبخوف / وش فيها بنتك
ام سالم بقسوه / هذي هي الامانه
ام صقر بصدمه / وش تقولين
ام سالم بعصبيه وقسوة / زوجة ولدك و جاية لبيتها
ام صقر بعصبيه / لا منتي بصاحيه ساحبتها لبيتي بدون مهر و عرس
ام سالم وبعصبيه / وبعدددددين
ام صقر وعيونها على ساره وبحرقه / خافي ربك في بنتك تراك بتنسالين عن الي تسوينه فيها يوم الحساب
ام سالم بعصبيه دخلت ساره وطلعت وقفلت الباب وراها بدون لا ترد
ام صقر منقهره من تصرف ام سالم في بنتها وماتدري ليش سوت هالشي
شافت ساره مثل الورقه تنتفض قربت منها وسحبتها لحضنها
ام صقر تمسح على ظهر ساره بحنان وساره تنتفض من الخوف والرهبه و القهر
ام سالم بحنان / والله ثم والله ما يدخل عليك ولدي بدون عرس او مهر ولين يصير هالشي انتي بنتي
اوجعها قلبها من شهقات ساره الموجوعه / خفي على نفسك يا بنتي وان شاء الله ما تنقهرين وراسي حي وانا معك على ولدي
سحبت ساره نفسها من حضن ام صقر وبنحيب وبرجاء وتوسل / خالتي مابيه مابيه تكفين خليه يطلقني
ام صقر بحنان / يابنتي ترى الطلاق من اكره الحلال والي تطلبه بدون سبب ما تشم ريحة الجنه
ساره بنحيب وحرقه / شلون تبيني اعيش معه وامي راميتني عليه
وبشهقات موجعه / بصير بعيونه رخيصه
ام صقر نزلت دموعها وبصوت باكي / والله منتي برخيصه و بتكونين اغلى من بناتي وربي شاهد
زادت شهقات ساره من حنان الانسانه الي قدامها
ام صقر بصوت باكي / ادخلي برجلك اليمين وهذا بيتك قبل لا يصير بيتنا
ساره بصوت باكي موجع وبرجاااااء / خالتي خليني هنا ماااااقدر ادخل
ام صقر بصوت باكي وبحنان / يابنتي لا توجعين قلبي ودخلي
ساره بشهقات موجعه / والله ما اقدر ادخل تكفيييييين خالتي خليني على راحتي
ام صقر بصوت باكي / وانا امك لا تيبسين راسك ماتشوفين الشمس حاره واذا جلستي هنا بتمرضين
ساره بصوت باكي موجوع / النار الي بداخلي اقوى من حرارة الشمس تكفين خالتي خليني
ام صقر برجاء / طالبتك يابنتي لا تطلعين وترجعين لبيتكم ماضمن امك وش بتسوي فيك
ساره بشهقات وبحرقه / امي طردتني ومستحيل ارجع لبيتها وماعندي بيت غيره اروح له
ام صقر بصوت باكي / الله يسامحها امك على سواتها بدخل ولا تتاخرين
مشت وقلبها عند ساره كارهه جلوسها لحاله لكنها ما حبت تضغط عليها
عند ساره
لما اختفت عنها ام صقر صارت تمشي بتبعد عن الكل لين وصلت لمكان خلف البيت اختارت لها زاويه وجلست فيها والشمس عاموديه على راسه
دفنت راسها بركبتها وصارت تبكي بنحيب غرقت نقابها الي رفضت تشيله لانها في بيت غريب عنها وحاسه فيه بالغربه والضياع
...................................
عند ام صقر
دخلت وهي موجوعه على حال ساره دخلت الصاله ودموعها على خدها
شافتها اختها وقفت مرعوبه / وش فيك تبكين وبعدين وينها الامانه الي جابتها لك موضي
قربت من اختها وجلست وبحرقه / ااااااااااه من موضي قلبها قاسي ولا فيه ام تسوي سواتها مع بنتها الوحيده
ام مرام جلست وبستغراب / انتي وش تقولين وش دخل قلبها وبنتها بالامانه الي جابتها
ام صقر بقهر / الامانه هي بنتها
ام مرام بستغراب / موضي وش له تجيب بنتها عندك وبعدين وينها البنت
ام صقر بحرقه / نسيتي ان بنتها زوجه لصقر
ام مرام بجديه / ادري
ام صقر بقهر / جابتها وتقول اخذي زوجة ولدك والبنت حالتها تقطع قلب الكافر
ام مرام بصدمه / اكيد ماهي صاحية ترمي بنتها هالرميه والبنت وينهااا فيه الحين
ام صقر بصوت باكي / مصدومه ومقهوره ورافضه تدخل
ام مرام وقفت وبقهر / وانتي ليش ماجبرتيها تدخل
ام صقر بحرقه / البنت ماتعودت علينا وعادتنا اغراب وامها كملتها عليها
وواجعت قلبي يوم ترجتني ماقدرت اجبرها وادخلها غصب عنها
ام مرام بقهر / لمتى بتقعد برا والشمس حاره
ام صقر بصوت باكي / اطلعي لديما يمكن تقدر فيها
ام مرام بستغراب / وديما وش يخصها
ام صقر بصوت باكي / ساره خويتها
وقفت ام مرام وبجديه / وساكته كان من اليوم قايله لها يمكن تخفف عنها
...............................................
عند شوق
تقدمت من صقر وضربت بيدنها الثنتين على مكتبه انفزع صقر من الصوت العالي
شوق بعصبيه / وشششششش هالجنان الي قلته
صقر بعصبيه / الجنان تصرفات غيري انا الي قلته صار
شوق بعصبيه / بهطررررريقه توصل لها المصيبه
وقف صقر وبعصبيه / تشوفين زواج عمتك مني مصيبه
شوق نزلت دموعها وبعصبيه / مصيبه وبلوى ودمار لها حررررررررررررام عليك ساره حساسه والي سمعته منك ذبحهاا
صقر بعصبيه / الكلام هذا لا تقولينه لي انا مثل عمتك مظلوم بها الزواجه
شوق بصوت باكي وبعصبيه / والله لو صار عليها شي لشرب من دمك
...................................
عند ركان
كان قريب من مكتب صقر وانصدم بصوت شوق العالي الي طالع من مكتب صديقه دخل وانصدم من الي يشوفه شوق واقفه مقابل صقر وصقر واقف والعصبيه مرسومه على وجهه
وقف وراء شوق وبعصبيه / خير ليش اصواتكم عاليه
صقر بعصبيه / زوجتك تلومني اني قلت لعمتها عن زواجنا
ركان بصدمه / قلت لها
صقر بعصبيه / لاززززززززم تدري لان بيدها الحل
ركان بعصبيه / وش الحل الي تنتظره منها
صقر بجديه / اذا ما تبيني بطلقها
شوق بعصبيه / طلقهاااااااااااااااا
صقر بعصبيه / اذا طلبت طلاقها من ثاني يوم وورقتها عندها
ركان بعصبيه / وانت تشوف الطلاق شي سهل
صقر بعصبيه / وانت تشوف سهل اني اعيش مع وحده ماتبيني
شوق كل قوتها انهارت وصارت تبكي تفاجئو بصوت نحيبها
صقر ناظر ركان بنظرات مصدومه وركان بادله نفس النظرات
قرب منها ركان وشوق بدون شعور رمت نفسها بحضنه وصارت تبكي بحرقه
تفاجئ ركان وانحرج من وجود صقر وفي نفسه فرحان بقربها
ركان جت عيونه على صقر شافه يبتسم وقف صقر وغمز له وطلع وقفل وراه الباب
ركان بداخله يشكر صديقه انه تركهم لحالهم لانه متاكد هالفرصه مستحيل تتكرر
ركان يمسح ظهرها بحنان و ضمها بقوة
ركان بحنان وصوت ذايب / خلاص قطعتي قلبي
ماسمع الا صوت نحيبها كان يتمناها بدون شيله علشان يدفن خشمه بشعرها الاشقر ويستنشق ريحته
شوق انتبهت لنفسها ونسحبت من حضن ركان وباحراج وبارتباك / اسفه ماكنت اقصد
ركان بعشق وهيام / ياليت كل يوم ترتمين بحضني ما تدرين اني عطشان وانتظر منك ريق حلو
التفتت لمكان صقر وماشافته / وين راح
ركان مد يده وكشف عن وجها الي مشتاق لشوفته
وبابتسامه / طلع وترك لنا المكان
تغافلها وطبع بوسه عميقه على فمها وهي دفته بقسوه
شوق بعصبيه / حقيررررررررر علشان رميت نفسي بحضنك تستغل هالشي
ركان بهيام / انتي حارمتني من هالشي ومتاكد مراح يحصل مره ثانيه والشاطر يستغل كل الفرص
شوق حطت النقاب على وجهااا وبعصبيه / حقيرررررررر وغثيث
طلعت بدون ما تنتظر رده وداخلها تلوم نفسها على الي سوته وضعفها قدام ركان ومعصبة من حركت ركان
دخلت مكتبها وهي متوقعه تشوف ساره لكنها انفجعت وهي تشوف المكتب فاضي
دخلت الحمام الجانبي شافته فاضي
اخذت جوالها واتصلت على ساره سمعت صوت الجوال بالمكتب
شوق بخوف / وين راحت حسبي عليك ياصقر
اتصلت على السواق / ساره معك
السواق / سارا ببيت
قفلت وهي مرعوبه / شلون تطلع يارب سترك
رجعت اتصلت بالسواق / انت وين
السواق / انا ينزل ساره ويجي
شوق بعصبيه / تعال بسرعه انتظرك
قفلت من السواق اخذت شنطة ساره وشنطتهاااا
وطلعت وهي تركض برا
شافها صقر وانصدم وكمل طريقه لمكتبه
...............................................
عند ركان
جالس بالكرسي وهو ذايب على الاخر
ركان بابتسامه / واخيرا اخذت منها شي يبرد قلبي ياليتها كل يوم تضعف و تجيني الفرصه اخذ منها الي ترفض تعطينيه برضاها
سمع صوت فتحت الباب شاف صقر
صقر بابتسامه / ما طولت رومنسيتكم
ركان بابتسامه / اختمتها بالسب والشتم
صقر قرب وجلس وبسخريه / مو غريبه الغريب الي صار من شوي المتوحشه تنقلب صوص وترتمي بحضنك
ركان بعصبيه / الحين لقيت ممسك بتغثني عليه
صقر بابتسامه / تصدق للحين قلبي يرجف منها كثر الله خيرها انها ما مدت يدها هذي تسويها مدري شلون متحملها ياخي هذي مافيه ذرة انوثه
ركان بعصبيه / انت شلون تتصرف بهالغباء وتقول للمسكينه عن زواجكم ماتعرف تجي وتاخذ شوري
صقر بضيقه / تهورت وهذي النتيجه اوجعت قلبي ماضنيتها ضعيفه
وكمل بجدية / الا وش فيها جنيتك طالعه برا تركض مثل المجنونه
وقف ركان وبخوف / ليكون صاير لعمتها شي
وقف صقر بضيقه / لو صار لها شي مراح اسامح نفسي
ركان بعصبيه / امش نشوف وش السالفه
طلعو برا المركز ماشافو احد
صقر بضيقه / شكلها طلعت للبيت
ركان بعصبية / بشوفها بمكتبها
دخل ركان وصقر واقف ينتظره
وصل ركان لمكتب شوق طق الباب وبعدها دخل ماشافها بالمكتب تاكد انها طالعه
رجع عند صقر
صقر بلهفه / موجوده
ركان بجديه / المكتب مافيه احد انت شفت شوق لحالها ولا معها عمتها
صقر بضيقه / لحالها
ركان رفع جواله واتصل على شوق لكن مافي اجابه
ركان بعصبيه / هذا وقتها ماترد
........................................
عند شوق
كانت في السياره سمعت صوت جوالها طلعته من الشنطه توقعت المتصل ساره لكنها شافت رقم ركان كشرت بوجها ورجعت الجوال مكانه
................................................
عند تركي
بعد ما افطر مع ولد اخوه مر البنك سحب المهر وبعدها كمل طريقه لمساعد
شاف سالم نفسه في البر
سالم بستغراب / عمي ليش داخل بالبر
تركي بابتسامه / عمك زوجته ساكنه بالبر
سالم بصدمه / تتزوج على امي بدويه وساكنه بالبر وش هالذوق ياعمي
تركي بعصبيه / وش فيها البدويه
سالم بصدمه / مافيها شي لكن عمي الي شايف نفسه وما يعجبه العجب يتزوج وحده من البر
تركي بعشق / ومازال عمك مايعجبه العجب وبعد ماشفتها ماعجبني واخذ قلبي غيرها
سالم يتوقع عمه يتكلم عن البدويه
سالم بابتسامه / ماهقيت ان البراقع يفتنني
تركي بستغراب / وش جاب البرقع بالسالفه
سالم بجديه / بدويه اكيد شايفها ببرقعها
تركي لما فهم تفكير ولد اخوه / هههههههههههههههه ياحلوك وانت على نياتك
قال وش البراقع يفتتني عمك مايفتنه شي سهل
سالم بزعل / وش على نياتي تراني افهم شغلات ماتفهمها و تراك دقه قديمه
تركي بعصبيه / طلع سواد وجهك ياولد امك
سالم بابتسامه / امي لشفتها تصروعت بمحلك
تركي بحقد / اكيد شوفت امك بتصروعني علشان كذا متنازل عنها
سالم شاف بيت من بعيد / هذا بيت العروس
تركي بابتسامه / عليك نور
وصل تركي لبيت مساعد ماشاف الوايت تاكد ان مساعد بالرياض وقف سيارته ونزل وطق الباب بصوت عالي
عند لطيفه
كانت بغرفتها وتفاجئت بطق الباب لبست نقابها وجلالها ونزلت تحت وقفت وراء الباب
لطيفه بجديه / من
تركي بجديه / انا تركي
لطيفه بفرح / حياك الله
تركي بجديه / مساعد وينه
لطيفه بفرح / بالرياض وبيجي بالليل
تركي بجديه / اجل بقضي لي كم مشوار وبالليل ارجع له
لطيفه خافت يروح ومايرجع وباصرار / والله ماتروح وانت راعي محل
فتحت الباب ودخلت وتركي لما تاكد انها دخلت فتح الباب ودخل المجلس
وسالم يتفحص المكان مستغرب شلون عمه عرف هالناس
جلس بالمجلس
سالم وعيونه تتفحص المكان / عمي متاكد ان صاحب هالبيت صديقك
تركي بجديه / ايه
سالم بستغراب / شلون تعرفت عليه
تركي بعصبيه / والله اني جايبك معي غثاء
سالم بابتسامه / انت الي غاصبني وتحمل اسئلتي
تركي بعصبيه / وش رايك تطلع وتساعد صبيهم بالغنم وتريح راسي
سالم بابتسامه / بجلس ساكت ولا اتبهذل بالغنم
سمعو صوت لطيفه / القهوة عند الباب
وسمع خطواتها تبعد
تركي بجديه / فز وهات القهوه
وقف سالم اخذ القهوه ودخل عند عمه
سالم بتعب / تعبان بنام
تركي بتعب / اجل خل القهوه على جنب وخلنا ننام علشان لجاء مساعد نكون مصحصحين
سالم اخذ القهوه وحطها بعيد عنهم وتركي اخذ المخده الي وراه وحطها تحت راسه وانسدح على الارض وسالم سوى مثل عمه ومن تعبهم ناموو
....................................
عند شوق
وصلت للبيت ونزلت بسرعه فتحت الباب بمفتاحها دخلت تركض طلعت لغرفة عمتها شافتها مرتبه
دخلت وحطت الشنطه على السرير وبخوف / ياربي وين راحت
رجعت تتصل على السواق / محموود انت متاكد انك جبت ساره لبيتنا
السواق بجديه / ساره كان واجد تعبان ويبكي كثير فيه ينزل يدخل بيت
شوق بعصبيه / يعني الحين طمنتني عليها ساره مو في البيت وين وديتها
السواق بخوف / والله في بيت
قفلت بوجه السواق ورمت الجوال على السرير
طلعت من الغرفة ودخلت غرفة امها ماشافت احد نزلت تحت دخلت المطبخ شافت الشغاله
شوق بجديه / ساره جت البيت
الشغاله / ساره يجي يبكي ويصارخ
شوق بعصبيه وصراخ / والحين وينهاااااااااااا
الشغاله بخوف / فوق في غرفة
شوق بعصبيه / عساك الوجع الغرفة مافيها احد
الشغاله خافت من عصبية شوق / مافي معلوم
طلعت من المطبخ وجلست بالصاله محتاره وين بتكون ساره
شوق بعصبيه / يمكن مع امي
رفعت جوالها واتصلت على جدتها
...........................................
عند ام سالم
كانت بمكتبها شافت جوالها ينور وهي حاطته على الصامت رفعته شافت رقم شوق رجعته لمكانه
ام سالم بعصبيه / بتهل علي المكالمات تسئل عن الي سويته لكن لجيت البيت بحط حد لكل شي
تكلم ضميرها / والي سويته صح يا موضي الي سويته لبنتك ماتسويه عدوه
وش هالقلب القاسي مالان وهو يشوف دموع بنتك ومارحم ضعفها ليش كل شي تاخذينه بالقوه والقسوه هذي بنتك
تكلمت بصوت عالي / لو خليتها على كيفها تطلقت قبل لا تتزوج والي سويته لمصلحتها صقر بدال البنت الف تتمناه لو طلق ساره من بيفكر فيها وهي مطلقه قبل لايدخل عليها
وتكلم ضميرها / حرمتي بنتك من ابسط حقوقها تفرح بزوجها وتلبس فستان مثل كل البنات زفيتيها لزوجها بعباتها بدون لتتزين له
كل ام تتمنى تشوف بنتها عروس بكامل زينتها وانتي ليش غير عن باقي الامهات
راسها بينفجر من الكلام الي يدور براسها المناقض لتصرفاتها
..............................................
عند شوق
بصوت باكي و صراخ / اووووووووووف جدتي ليش ماترد
وبصوت باكي / وينك ياساره خايفة سوت بنفسها شي الله لا يوفقك ياصقر على سواتك
نزلت هيا مرعوبه من صراخ شوق
قربت منها وانفجعت من دموع شوق
هيا بخوف / وش فيك
شوق بصوت باكي / مصيبه وصارت وساره مختفيه
هيا بخوف / الله يكفينا شر المصايب وش فيها عمتك
شوق بصوت باكي / واحد اسمه صقر مدير ساره بالشغل قال انه متزوجها من زمان وهي انهار وطلعت ومادري وين راحت
هيا ضربت صدرها وبخوف / وهذا ليش يقول لها ويفجعها وعمتك وين راحت
وبعد تفكير / سئلتي السواق
شوق بصوت باكي / سئلته وسالت الشغاله وقالو انها جت للبيت
هياء بثقه / طول يومي صاحيه ماشفتها ولا سمعت لها صوت ومستحيل تدخل غرفتها ولا انتبه لها
شوق بصوت باكي وبخوف / وين راحت خايفه سوت بنفسها شي
هيا نزلت دموعها وبجديه / الله لا يقوله عمتك عاقله
شوق بصوت باكي / والي سمعته يخلي بالواحد عقل وياليته سامعته من اهلها سامعته من واحد يقول لها انا زوجك
هيا بصوت باكي / كلمتي جدتك وسالتيها
شوق بعصبيه / اتصلت عليها و ماردت
هيا بصوت باكي / لازم تكلمين عمانك يدورون عليها
شوق بصوت باكي / عطيني جوالك بتصل على عمي تركي جوالي فوق
مدت جوالها على شوق اخذته منها واتصلت على عمها تركي لكن جواله مقفل
شوق بقهر وعصبيه / اووووف وش فيه مقفل جواله
هيا بصوت باكي / اتصلي على سالم
اضغطت شوق على رقم عمها
.............................................
عند سالم
كان يمشي باسياب الشركه سمع جواله طلعه من ثوبه رفعه شاف رقم هيا
سالم بابتسامه / اهلين
شوق بصوت باكي / عمي الله يخليك تعال البيت
سالم بخوف / هيا صار عليها شي
شوق بصوت باكي / عمتي بخير
سالم بعصبيه / ومدامها بخير ليش تبكين وهي وينها
شوق بصوت باكي وبرجاء / عمي تعال
سالم بعصبيه / بجي ويا ويلك لو في عمتك شي وماقلتي
انهى اتصاله وطلع من الشركه وساق سيارته بسرعه جنونيه خايف على شريكة حياته
بعد نص ساعه وقف عند باب بيتهم نزل يركض ووجه اسود من الخوف دخل البيت شافته
هيا ركضت له ووقفت قدامه وبحنان / استهدي برحمان مافيه الا كل خير
وناظرت شوق بنظرات كلها لوم انها خوفت سالم
سالم تنهد براحه / الحمد لله انك بخير
وركز نظره على شوق وبعصبيه / وش فيك تبكين
شوق بصوت باكي / عمتي ساره مدري وينها
سالم بعصبيه / شلون ماتدرين وينها وهي تروح وتجي معك
شوق بصوت باكي / صارت سالفه بالشغل ونهارت وطلعت ومدري وين راحت
سالم بعصبيه / وانتي وينك عنها ليش تخلينها تطلع وهي منهاره وبعدين وش السبب الي يخلي ساره تنهار
شوق بصوت باكي / درت عن زواجها الي خاشينه عنها
سالم بصدمه / من قال لها
شوق بصوت باكي / زوجها
سالم جلس وبعصبيه / وين قابلته علشان يقول لها
شوق بعصبيه / نسيت انه مديرها بالشغل واكيد هذا تخطيط منكم
سالم بعصبيه / الحين وين راحت
شوق بصوت باكي / السواق والشغاله يقول انها جت البيت وانا طلعت فوق ماشفتها وعمتي هيات تقول ماجت
سالم وعيونه على هيا وبجديه / متاكده انها ماجت
هيا بجديه / ايه
سالم بجديه / ليكون بشغلها
شوق بصوت باكي / دورت عليها بالمكتب والحمام مالقيتها
سالم بعصبيه / والشغل بس مكتب وحمام يمكن جلست بمكان ثاني
شوق بجديه / تبيني ارجع ادور عليها
سالم بعصبيه / خليك بارضك بكلم ركان يشوفها موجوده ولا لا
رفع جواله واتصل على ركان
..........................................
عند ركان
مع صقر بسيارته وقريبين من بيت ركان سمع صوت الجوال شاف رقم سالم
التفت لصديقه وبخوف / هذا سالم اكيد صايره مصيبه
صقر بخوف / رد عليه
رفع الجوال وبارتباك / هلا ابو سعود
سالم بعصبيه / انت بالشغل
ركان بجديه / لا قريب عند بيتي
سالم بعصبيه / خويك انجن يوم يقول لساره انه زوجها مالها اهل يقولون لها
ركان انتقلت عينه على صقر وباحراج / هذا الي صار
سالم بعصبيه / بنتنا الي فجعها صديقك ماندري وينها
ركان بصدمه / شلون ماتدرون وينها
سالم بعصبيه / ارجع لشغل وشوفها يمكن بوحده من الغرف وقول لخويك ياويله لو صار في بنتنا شي
ركان بهدوء / يابن الحلال صديقي كان نيته خير وانقلبت عليه ماكان يبي يضرها
سالم بعصبيه / حسابه معي خلنا نلقى البنت
ركان بجديه / الحين برجع لشغل وان شاء الله بنلقاها
سالم بعصبيه / مع السلامه
قفل من سالم
صقر بخوف / وش صار للبنت
ركان بعصبيه / سالم يتهدد ويتوعد فيك البنت مختفيه ولازم نلقاها ليذبحك
صقر بحرقه / ان لله وانا اليه راجعون وش قردني وقلت لها
ركان بعصبيه / معاد ينفع كلامك خلنا ندور عليها
صقر بضيقه / وين بندور عليها
ركان بجديه / خلنا ندور عليه بكل شبر بالمركز واكيد بنلقاها ولا وين بتروح
..................................................
عند سميه
صلت الفجر وقومت منى الي صلت ورجعت انسدحت
قربت منها سميه وبحنان / لمتى بتبقين نايمه
منى / .................
سميه بحنان / امس خليتك على راحتك لكن اليوم لا
منى بصوت باكي وبحرقه / سميه مشتاقه لوليد ولغلا
سميه نزلت دمعتها / الله يرحمهم
منى بنحيب موجع / صدري مشتاق يضمهم ومشتاقه اشوفه
وبحرقه / امي تصدقت بلبسهم وتخلصت من صورهم
قربت منها سميه / امك سوت هذا علشانك
منى بصوت باكي / من بعدهم ماشوف غير السواد
سميه بعصبييه / اكيد بتشوفين الدنيا سواد لانك معيشه نفسك بالسواد
وسحبتها بقسوة بيدها / لا تتهربين مني بالنوم انا ماني بامك اطبطب عليك بتمشين مثل مابي وغصب عنك
قربت سميه من دولابها طلعت لبس لمنى / البسي بنطلع نفطر برا
منى بصراخ / ماتفهمين مابي اطلع ماني مشتهيه اكل
سميه بعصبيه / تصرفك هذا يغضب ربك
سحبتها سميه ودخلتها الحمام وصارت تلبس منى الي في البدايه قاومت لكن بعدها استسلمت لصديقتها
طلعت من الحمام وبيدها صديقتها / بتلبسين عباتك ولا البسها لك
مدت سميه العبايه لمنى اخذتها ولبستها ودموعها تنزل بحراره على خدها
سميه بابتسامه / كذا ابيك شاطره وتسمعين الكلام
لبست سميه عباتها ومسكت صديقتها بيدها وطلعو برا البيت
افتحت الباب لمنى وانتظرتها تركب بعدها ركبت وسكرت الباب
ناويه كل اليوم تقضيه برا البيت
وصلو مطعم نزلت وشافت منى جالسه مالها نيه تنزل قربت من جهة منى فتحت الباب واجبرت صديقتها على النزول
دخلت المطعم والموجدين مستغربين نحيب منى
سميه كملت طريقها وماهتمت بنظراتهم جلست بطاوله وجلست منى مقابلها وطلبت يحطون لهم حاجز يفصلهم عن الناس
بعد ربع ساعه والفطور عندهم بعد ما تاكدت ان القرسون طلع قربت من صديقتها وشالت نقابها
رجعت لمكانها وبحنان / اذا لي خاطر امسحي دموعك انا ماقصدي اقسى عليك ابي اطلعك من الحزن الي معيشه نفسك فيه
منى جاوبتها بالدموع
سميه بحنان / طلبت لك الفطور الي تحبينه اترجاك اكلي لك يوم ماكليتي شي
منى بصوت باكي / مالي نفس للاكل وعيالي بالقبر
سميه بعصبيه / بتاكلين غصب اكلي خلصيني
بدت سميه تاكل وتسرق النظرات لمنى الي سرحانه وتحرك الملعقه من غير لا تاكل
اخذت سميه قطعه من البانكيك وقربتها من فم منى وبحنان / اكليها
منى دفت الاكل عن فمها وبعصبيه / شوفيني اكل
سميه بهدوء / الي اشوفه انك ماحطيتي شي بفمك
سميه باصرار / مراح اطلع من هنا لين تنظفين الصحون
منى بدت تاكل
سميه بهدوء / بعد الفطور بنروح لبيت ماجد وتشوفين بناته الي ربي حرمهم امهم
طالعتها منى بعيون دامعه / .........
سميه بحزن / الله اخذ عيالك واخذ امهم يعني متساوين
زاد نحيب منى
سميه بهدوء / اكيد مستغربه كلامي
منى / .............
سميه بحرقه / ماجد عنده 3 بنات محتاجين امهم وانتي محتاجه لعيالك
زوريهم كل يوم وتقربي منهم حطي امومتك الي تبكينها فيهم انتي بحاجه لهم وهم بحاجه لك
فهمتي ليش قلت انكم متسا وين
منى كلام سميه دخل قلبها وعقلها
....................................................
عند ساره
في مكانها تبكي بحرقه ومن كثر مابكت صارت تبكي بدون دموع ووناتها وشهقاتها تزيد لين اختفى صوتها ورحمها ربي بالنوم نامت بمكانها
.............................................
عند ام مرام
طلعت لغرفة ديما وفتحت الباب شافتها نايمه قربت منها بهدوء
ام مرام بصوت واطي / ديمااا قومي
ديما استغربت ان خالتها تقومها فتحت عيونها بتعب / هلا خالتي
ام مرام بصوت واطي ماتبي تصحي بنتها / انزل جدتك تبيك
وقفت ديما من طولها وبخوف / امي صار لها شي
ام مرام / لا ماصار شي تبيك بموضوع
ديما بجديه / بالبس وانزل
ام مرام باصرار / الحين انزلي
ديما بخوف / لهدرجه الموضوع مهم طيب بغسل وجهي وبلحقك
ام مرام مشت وبجديه / لا تتاخرين على جدتك
ديما / ان شاء الله
دخلت ديما غسلت وجها على السريع وهي تفكر بالموضوع الي تبيها جدتها علشانه
مسحت وجها ونزلت تحت شافت جدتها وخالتها قربت من جدتها وباست راسها وباست راس خالتها
دققت بوجه جدتها شافت عيونها حمراء حمراء ديما بخوف / يمه انتي تبكين
ام صقر بصوت مبحوح / تعالي يمك فيه موضوع ابيك تسوينه
ديما بخوف / وهالموضوع يخليك تبكين قولي يمه وبسويه ولو حياتي الثمن
نزلت دموع ام صقر بحراره / روحي دخلي خويتك رافضه تدخل
ديما بصدمه / يمه منهي خويتي وليش جايه
ام صقر بحرقه / سارررره
ديما بصدمه / ساره برا ورافضه تدخل طيب ليش
ام صقر نزلت دموعها / روحي وخلي عنك الاسئلة
مشت ديما من قدام جدتها طلعت برا ماشافت احد رجعت بسرعه
ديما بجديه / يمه مافي احد بالحوش
وقفت ام صقر مرعوبه / وين راحت
ديما بستغراب / يمه وش جاب ساره وليش تبكين وحالتك حاله
ام صقر بصوت باكي / ساره درت بزواجها من خالك
ديما بصدمه / واذا درت وش يخصني تجي عندي
ام صقر بصوت باكي / البنت حالتها تصعب على الكافر ولازم ادخلينها البيت
ديما بجديه / يمه مافي احد بر يمكن رجعت لبيتهم
ام صقر مشت وبخوف / لرجعت لامها بتذبحها
طلعت ام صقر وانفجعت وهي ماتشوف ساره / يا الله سترك البنت راحت لامها
.......................................
عند ديما
بعد ماطلعت جدتها وبستغراب / خاله وش صاير تراني للحين ماني فاهمه شي
ام مرام بصوت باكي / امها جابتها وقالت اخذو زوجت ولدكم
ديمااا بصدمه وصرخه وعصبيه / على كيفها
ام مرام بتاثر / ياقلبي عليها حالتها حاله ورافضه تدخل
ديما نزلت دموعها / طيب ليش جدتي ماغصبتها تدخل
ام مرام بصوت باكي / تعرفين امك حنونه يوم ترجتها البنت تجلس برا قلبها ماطاعها تجبرها وهي تشوف حالها
ديما بعصبيه / الله ياخذ امها
ام مرام بعصبيه / لا تدعين على الحرمه
ديما بعصبيه / هذي حرام تكون ام وين قلبها ليش تسوي في بنتها هالشي ليش مستخسره الفرحه على بنتها
دخلت عليهم ام صقر بصوت باكي / البنت مدري وينها اخاف اكلم امها اسال عنها مافتك من لسانها هذي ماخافت ربها في بنتها بتخافه فيني
وقفت ام مرام وبصوت باكي / لا تتصلين يمكنك يوم دورتيها ماشفتيها خلينا نطلع وندور عليها واكيد بنلقاها
طلعو كلهم يدورون بالحوش وديما راحت للجهه الخلفيه وشافت سواد طايح ركضت له
قربت من ساره برجلين تنتفض وبخوف وصوت باكي / ساره وش مجيبك بهالمكان
ساره /..........
قربت منها اكثر وبصوت باكي موجوع على حال صديقتها
ديما بصوت باكي / ساااااااااااره
سمعت هذيان ساره قربت اكثر ورفعت النقاب عن وجه صديقتها اوجعها قلبها وهي تشوف ساره نايمه ودموعها على خدها
ديما بقهر / الله لا يسامح امك على الي سوته فيك
ساره بهذيان / يمه مابيه حرام عليك مابيه
جلست ديما على ركبتها وصارت تضرب خد ساره على خفيف / ساره قومي
فتحت ساره عيونها واستغربت وجود ديما / انا وين وانتي وش جابك
ديما مسحت دموعها ماتبي تزيدها على صديقتها
وبجديه / انتي في بيتنا وخالي صقر هو
جلست ساره و بصوت باكي وبعتب / ليش ماقلتي لي وخليتي خالك هو الي يقول لي
وبنحيب / لو قلتي لي ماجيتكم ذليله حتى الخدامه اغلى مني
ديما بشهقات / لا تقولين هالكلام انتي جيتي لبيتك وامي بتصير امك وانا بصير اختك
ساره بنحيب / بعمري ماضريت احد ودايما ارفض تصرفات امي وتركي الظالمه ليش يكون هذا جزاي
ديما بصوت باكي / انتي لعرفتي صقر بتحبينه صقر طيب وحنون وكل بنت تتمناه زوجها
ساره بصوت باكي محروق / طول عمري ببقى بعين خالك بلا قيمه ويمكن يعايرني بهالسالفه
ديما بثقه / مستحيل صقر يسويهااااااا وعلى ضمانتي
ساره بصوت باكي موجع / واذا سواها مايلاااااااااام لاني جيته بسهوله بدال لا يتعنى لي جيته بدون لا عرس ولا مهر جيته بلبسي وعباتي خالك بيصير متفضل علي علشان كذا مااااااابيه
ديما بصوت باكي / اذا رجعتي لامك تضمنين لطلقك صقر انها ما تزوجك على كيفها وبدون شورك والي سوته اليوم ينعاد لكن احنا نعرف منهي ساره لكن غيرنا مايعرف
ساره جلست وحضنت نفسها وبكت بنحيب يقطع القلب وبصوت يترتجف / بردااااااانه وحرانه وخايفه
ديما حضنت ساره الي تنتفض بحض ديما
رفعتها ديما عن الارض وداخلها منفطر على صديقتها وبقهر / خلينا ندخل داخل الشمس حرقتنا
ساره بصوت باكي / بجلس هنا مابي ادخل
ديما بصوت باكي / لمتى بتجلسين هنا ادخلي بالبيت وارتاحي واذا ماتبين تشوفين احد وعد ماحد بشايفك
ساره بصوت باكي وشهقات / والله ماقدر ادخل
ديما بصوت باكي وبعصبيه / بتدخلين لا تخليني اكلم صقر يشيلك
ساره وقفت برعب وبصوت باكي ورجاء / تكفين لا تكلمينه مابي اشوفه ولا يشوفني الله يخليك لا يدري اني موجوده
وبصوت مقهور / وان امي حاذفتني عليه
ديما بصوت باكي / لمتى
ساره بنحيب / اذا درو اخواني بياخذوني مستحيل يرضون بالي سوته امي واكيد بيتهاوشون معها
ديما بصوت باكي وبرجاء / اقتنعي بنصيبك وصقر ما ينعاب عطي نفسك فرصه تعرفينه واذا ماجاز لك ذيك الساعه محد بلايمك لطلبتي الطلاق
الحين تعوذي من ابليس وادخلي امي مثل المجنونه يوم ماشافتك بالحوش وصدقيني امي بتصير احن عليك من امك ومتاكده بتتمسكين بالجلسه عندنا اذا مو علشان صقر علشان امي
ساره ماتنكر حنان ام صقر بلحضات شافت منها حنان ماشافته من امها بسنوات
مشت ديما وهي حاضنه ساره و استجابت لديما واملها باخوانها
شافتهم ام سالم وام مرام وكانت بتجي لكن ديما اشرت بيدها تمنعهم يلحقونها دخلت داخل
ديما بصوت مخنوق / بتدخلين غرفة امي ولا احطك بغرفة الضيوف
ساره انسحبت من ديما و بصوت باكي / ابي غرفه ما يجيها احد وياليت تكون بمفتاح
ديما بصوت مخنوق / اجل بدخلك غرفة الضيوف وماله داعي تقفلينها محد بداخل عليك بدون رضاك
ساره بصوت باكي / الغرفه فيها حمام
ديما بجديه / ايه وفيها ثلاجه صغيره
ساره بحرقه / يكفيني الحمام
دخلت ديما وهي ماسكه ساره
شافت الغرفه صغيره وفيه سرير صغير ودولاب وتسريحه وكرسين على جنب وبينهم طاوله اصغر من غرفتها بكثير
وشافت باب عليه ستاره ماتدري وش
جلست على الكرسي وبصوت باكي / ديما ممكن تتركيني
ديما برجاء / بتركك لكن توعديني لطقيت الباب تفتحينه
ساره بصوت باكي / خليني اجلس لحالي ويمكن انام
مشت ديما وصلت للباب وقبل لا تطلع التفتت على صديقتها وبجديه / تبيني اجيب لك لبس
ساره بحرقه / اللبس الي جيت فيه بابقى فيه
ديما ماحبت تجادلها / براحتك
اول ماطلعت ديما / قفلت الباب ثلاث تقفيلات نزلت عباتها وشيلتها
بصوت باكي موجع / اااااااااه ياساره معقوله الي انتي فيه حقيقه اليوم ادري اني متزوجه وانفجع بتصرف امي
تذكرت ام شوق / هذا ذنبك يانوف والله كنت رافضه زواجك ورافضه ظلمهم لك
وبحيب / و يصيبني اعظم اااااااااه من الايام الجايه بتنصروني ياخواني ولا امي بتقدر فيكم مثل العاده
دخلت الحمام وتوضت وفتحت الدروج لقت سجاده وجلال صلاه
بسطت سجادتها ولبست الجلال وصلت بسجودها دعت ربها يفرج عنها كربتها
بعد ماخلصت صلاتها تمددت على السرير وكملت بكي ونحيب بعمرها ما تخيليت يصير لها هالشي
.....................................
عند ديما
كانت واقفه عند الباب واوجعها قلبها على نحيب صديقتهااا
رجعت لصاله شافت جدتها وخالتها
ديما بصوت باكي وبعصبيه / حرام تكون هذي ام ياويلها من ربي
ام صقر بحرقه / وينها صديقتك
ديما بصوت باكي / بغرفة الضيوف
ام صقر بحرقه / ليش مادخلتيها بغرفتي
ديما جلست وبصوت باكي / ساره مو ساره تصرف امها ذبحها
ام صقر بحرقه / روحي عندها لا تخلينها لحالها
ديما بقهر / البنت ماتبي تشوف احد وقفلت الباب عليها
ام صقر بعصبيه / ليش ماسحبتي المفتاح من الباب
ديما بصوت باكي / ساره رافضه وجودها بوسطنا وبغصيبه قدرت اقنعها تدخل تبون مني اسحب المفتاح
ام مرام بقهر / الله يسامح امها
ديما بصراخ / الله لا يسامحها
ام صقر بحرقه / خويتك ماقالت لك ليش امها سوت هالشي
ديما بعصبيه / الي قالته ان ولدك هو الي قال لها عن زواجهم والباقي مادري عنها
ام صقر بصدمه / صقر الي قايل لها شلون وكيف
ديما بعصبيه / اجوبت اسئلتك عند ولدك
ام مرام بصوت مبحوح / والبنت بطول مقفله على نفسها
ديما بقهر / خلوها على راحتها البنت مصدومه وجيتكم من عندها وانا اسمع صوت بكاها الي يوجع القلب
وبقهر / الي بعرفه امها لها قلب شلون تشوف بنتها بهالحاله وتتركها
ام صقر بحرقه / امها قاسيه وماضنيت ان قسوتها توصل لبنتها
ام مرام بجديه / فاطمه كلمي صقر
ديما بعصبيه / لا تتصلون عليه لانها ماتبيه يدري انها موجوده ما تبيه يدري ان امها مرخصتها له
ام صقر بكت بحرقه / الله يكون بعونها والله ان قلبي منفطر عليها وما تمنيت انها تدخل بيتي منكسره لكن وش اقول بسوات موضي
ديما بصوت باكي وبرجاء / يمه لايشوفها خالي البنت حتى ثياب ماعندها وانتي ماترضين اصير بمكانها
ام صقر بصوت باكي محروق / انا حلفت قدامها ان خالك مايدخل عليها الا بعرس ومهر
ديما بصوت باكي / كنت بجيب لها لبس ورفضت
ما تبينا نتفضل عليها وبعدين نعايرها
يمه ساره نفسها كريمه وامها ارخصتها وهي مصره على الطلاق خايفه من نظرة صقر لها وهي جايته مذلوله
ام صقر بصوت باكي / يشهد الله انها بتصير بغلاك وبتصير بنتي وبكون معها على صقر
ام مرام بقهر / الي مايعرف البنت وواثق من تربيتها بيقول دنست سمعت اهلها ورامينها هالرميه
ديما بعصبيه / خالتي وش هالكلام لو تسمعه يمكن تذبح نفسها
ام صقر بجديه / الي صار مانبي احد يدري عنه تعرفين الناس يكبرون السوالف والبنت بنسوي لها عرس كلن بيحضره والمهر بيندفع لها
وقفت ديما وحضنت جدتها وبصوت باكي / ربي يخليك لنا يمه ويفرحك مثل ماتفرحينها
....................................
عند نوف
بغرفتها منسدحه على السرير وقلبها موجعها على سالم تعرف انه مايقدر بعمه ومقهوره انها قست عليه
نوف بحرقه / على سواتك اوجعت قلبي عليك ياليتني قلت مسامحتك لاني متاكده ان الي صار تدبير شوق
وعدتني بطلاقي ومتاكده انك منت بقد وعدتك وخايفه معاد اشوفك
صار كلام صديقتها ينعاد براسها / الي انوخذ بالحيله يسترد بالحيله لازم نحاربه بقلبه
نوف بعصبيه / اوووووووف وش جاب كلامك لراسي انا اضعف من اني انفذ الي تبينه
عساه الموت الي يريحني منه
وقفت دخلت الحمام اخذت شور دافي يريحها بعده نزلت
دخلت المطبخ صلحت لها قهوه فرنسيه تعدل مزاجها
دخلت الصاله وصارت ترشف من فنجالها بهدوء
نوف بقهر / الحين بيجيب العيال عندي بالطيب ولا اخذهم بالغصب
وبابتسامه حزينه / من كلامه بيجيبهم و يبيني خدامه لهم
وبحرقه / ما يدري اني طول عمري خدامه لهم ولابوهم حتى الاكل محرم علي اكل معهم
وبخوف / ليكون يسوي سوات اخوه
تذكرت كلامه / الحمد لله انه كاره شوفتي ولا كان انعادت ماساتي مع اخوه
بعد ماخلصت قهوتها رجعتها للمطبخ واخذت كتاب ورجعت لصاله تقراه بهدوء القراء تنقلها لعالم ثاني
...................................
عند ركان وصقر
كل زاويه وشبر بالمركز فتشو فيها
ركان بضيقه / وين راحت
صقر بعصبيه / تسالني وش يدريني
ركان رفع جواله واتصل على سالم
.................................
عند سالم
بالصاله يحرق بنفسه من القهر والخوف على اخته سمع صوت جواله رفعه على طول
سالم بلهفه / بشر لقيتها
ركان بجديه / لا والله يابو سعود مالقيناها
سالم بعصبيه / دورتو عليها بكل مكان
ركان بجديه / سئلتو السواق يمكن موصلها لمكان
سالم بعصبيه / السواق يقول انه جايبها البيت والي في البيت ماشافوها
ركان بجديه / لو سمحت باخذ السواق وبحقق معه واذا مخفيها بنخليه يعترف بمكانها
سالم بعصبيه / السواق له سنين بعمرنا ماشفنا عليه شي
ركان بجديه / مدامها طالعه معه اكيد بيعرف وينها ومدامها مو في البيت اكيد موديها مكان ثاني وبطريقتنا بنخليه يعترف
سالم بضيقه / خلاص تعالو اخذوه
شوق بصوت باكي / وش قال
سالم بضيقه / شاكين بالسواق انه مخفيها
شوق بصوت باكي / كل شي جائز
سالم بخوف / ان شاء الله شكهم مو بمحله لو السواق له يد بتكون مصيبه
هيا بجديه / قلبي يقول انها مع خالتي
سالم بعصبيه / امي ماترد على اتصالتنا
شوق بصوت باكي / ساره من متى تروح لامي من غيري
..........................................
عند ركان
بعد ربع ساعه و اقف عند بيت سالم شاف السواق يغسل سيارته نزل ببدلته العسكريه واخذ السواق الي ينتفض خوف منهم
صقر وعيونه على السواق / شكله دلخ ماضنتي ان وراه شي
ركان بجديه / لا تغرك اشكالهم
صقر بجديه / بندخله بيتك بدال لا نرجع لشغل لاني مافيني شده
ركان بعصبيه / تقول هالكلام وكل الي احنا فيه بسبايبك
صقر بعصبيه / نزله في بيتك هنا وهناك تحقيق لو مسوي شي من اول كف بيعترف
اخذو السواق ودخلوه لبيت ركان ودخله بالمجلس
جلس السواق على ركبته ينتفض بخوف
ركان بعصبيه / انت اخذت ساره من شغلها
السواق يهز راسه بالموافقه
ركان بعصبيه / وبعدين وين اخذتها
السواق بصوت باكي / يروح البيت
ركان بعصبيه / مافي يروح بيت انت وين يودي ساره
السواق بصوت باكي / والله العظيم في بيت
ركان بعصبيه وصراخ / وين وديتها
السواق بصوت باكي / في بيت
عطاها كف والسواق انتفض وعطاه كف ثاني والسواق مصر على كلامه
.................................................
عند سميه
بعد ما خلصت مطعم مرت السوق وصارت تدخل المحلات وبيدها منى وتاخذ رايها بالشغلات الي اشترتهم
طلعو من السوق على اذان الظهر
سميه بجديه / وسيم فيه روح بيت بابا ماجد
وصلت لبيت ماجد نزلت وسحبت صديقتها معها افتحت البيت بالمفتاح الي معها دخلت الصاله وانحرجت من اخوها
منى وقفت مكانها وسميه راحت عند اخوها وباحراج / معي ضيفه
ماجد لاحظ الهيكل العضمي الي بعبايه / من الي معك
سميه بجديه / منى
ماجد رحمها وبصوته الجهور / حياك الله ياخت صقر
نزلت دموعها وتحولت لشهقات متعوده الكل يناديها باسم ام وليد والحين حتى الاسم احرموها منه
ماجد اوجعه قلبه وهو يسمع شهقاتها غصب طلع تارك لهم المكان
رجعت لها سميه وبحرقه / وش صار علشان تبكين
منى بحرقه / اسمي ام وليد مو اخت صقر حتى اسمه بتدفنونه
سميه بحرقه / خلينا نطلع للبنات ويا ليت تمسحين دموعك لا تخوينهم
مشت ورا سميه وطلعت فوق شافت سميه تفتح باب ودخلت وراها شافت البنات
سميه بجديه / نزلي عباتك ما قدامك احد
دخلت وعيونها متعلقه بالبنات
قربت من حنين وحضنتها بقوه ذكرتها في بنتها نفس العمر ونفس الطول ونفس لون الشعر
سميه عيونها على صديقها ولاحضت احتضانها لحنين متاكده انها تذكرت بنتها من الدموع الي تنزل بحراره على خد صديقته قربت منهم وسحبت حنين وبابتسامه / سلمي على خواتها
سلمت على البنات وعيونها على حنين تحس بنتها رجعت لها
..........................................
بعد العشاء
سالم ازعج ركان باتصالاته وركان يرد عليه ان السواق ماعترف بشي
وشوق صارت تبكي بحرقه تاكدت ان عمتها خلاص راحت
ساره بغرفتها مستمره بالبكي والنحيب ورافضه تفتح الباب لديما ماتبي شفقه من احد
ام سالم بمشغلها مطنشه الاتصالات
................................................
عند صقر
جالس يطالع بركان وهو يحقق مع السواق الي عذبه بالكفوف
صقر بجديه / يابن الحلال شكله صادق موصل البنت لبيتهم
ركان بعصبيه / ويومه موصلها البيت وينها فيه الحين
صقر بضيقه / وش يدريني
ركان بعصبيه / مدامك ماتدري ليش تدخل ما يكفي اني ماكلت شي وكله خوف عليك من سالم الي حرق جوالي باتصاله
صقر بعصبيه / وش هاليوم الاغبر
ركان بجديه / تعال حقق معه تعبت
صقر وعيونه على السواق الي يرتجف من الخوف ودموعه مغرقه وجهه وعلامات الكفوف معلمه بوجهه
صقر وقف / بروح للبيت اجيب لنا شي ناكله واذا ماعترف وريتك فيه
طلع صقر
.................................................
عند ام صقر
الكل مجتمع بالصاله ومالهم سيره الا ساره الي ذبحت نفسها من البكي ورافضه تفتح الباب وتاكل شي
ام صقر بضيقه / البنت اذا بتبقى كذا بتموت
ام مرام بحرقه / وش تبين نسوي اكيد لجاعت بتطلع
ديما بصوت باكي / الله ياخذ امها
مرام بتاثر / ماني مصدقه ان امها تسوي فيها كذا
ديما بصوت باكي / كانت تشكي لي من قسوة امها وخوفها منها لكن ماتوقعت توصل لها الحد
سمعو صوت نحنحه صقر وقفت مرام وامها
ام مرام بجديه / انا بطلع وانتي كلمي ولدك
طلعو فوق وديما لحقتهم ماتبي تسمع الكلام الي يوجع بصديقتها
................................................
عند صقر
دخل شاف امه جالسه قرب منها وباس راسها
صقر بجديه / ليش جالسه لحالك
ام صقر نزلت دموعها
صقر بخوف / افا تبكين وراسي يشم الهواء
ام صقر بصوت باكي وبحنان / عسا عمرك طويل اجلس فيه موضوع لازم تدري عنه
جلس صقر وهو خايف من جديه امه / خير يمه
ام صقر بحرقه / زوجتك هنا
وقف صقر وبصدمه / هنااااااااااااا والعالم قالبه الدنيا عليها
ام صقر بحرقه / اجلس الله يرضى عليك مابعد خلصت كلامي
صقر بجديه / خليها ترجع لهلها من الصبح واهم يدورون عليها وفيه واحد مسكين مظلوم بسبتها
ام صقر بعصبيه / زوجتك وفي بيتك ومالها طلعه منه
صقر بعصبيه / وش هالكلام البنت لازم ترجع لهلها ترى سالم يهدد ويتوعد
ام صقر بعصبيه وباصرار / البنت مهب راجعه يا صقر
صقر بعصبيه / يمه شلون تقبلينها على ولدك يخطف البنت من اهلها ويتزوجها
ام صقر بعصبيه / البنت جايبتها امها وقالت زوجة ولدك في بيتها والبنت حالتها حاله
صقر بعصبيه / وش قصدها بهالتصرف بتجبرني على بنتها لو ما بيها تراني صقر مايلوي ذراعه
ام صقر بعصبيه / الي صار من امها والبنت زوجتك
صقر بضيقه وقهر / اذا امها جابتها اخوانها بيقومون الدنيا علي وانا ماني بناقص مشاكل
ام صقر بعصبيه / اذا بيسون مشاكل يسونها مع امهم هي الي جابت بنتها وذلتها وكسرت نفسها
صقر بقهر / يمه وينها البنت برجعها لبيتهم
ام صقر بعصبيه / تبيني اسوي سوات امها لا والله البنت صارت بنتي وماتطلع من بيتها
صقر بضيقه / شكل امها سوت الي براسها بدون علم عيالها وانتي تعرفين عيال الضامي اذا عصبو مايتفاهمون
ام صقر باصرار / يعصبون على امهم والبنت مالها طلعه من بيتك
صقر بضيقه / والبنت وينها الحين
ام صقر بحرقه / بغرفة الضيوف مقفله عليها وصوت بكاها يقطع القلب
صقر بقهر / البنت رافضتني ومغصوبه علي ماقدر اعيش مو وحده ما تبيني
ام صقر بعصبيه / وش ناوي تسوي
صقر بجديه / بطلقها وكلن يروح بحاله
ام صقر بعصبيه / طلاق مافي والبنت مصدومه ومع الوقت بترضى بنصيبها
صقر بعصبيه / وش الي حادني انتظرها لين ترضى فيني
ام صقر بعصبيه / هذا اخر كلامي والبنت منت بشايفها ولا متكلم معها لين نسوي لها زواج وتعطيها مهر
صقر صار يفرك وجهه من القهر / الله يخليك يمه انا ماني مستعد لزواج وبذات من وحده ما تبيني
ام صقر باصرار / حتى البنت ماهي مستعده واذا استعديتو سوينا الزواج
صقر بضيقه / يمكن الوقت يطول
ام صقر بعصبيه / حطها في بالك يا صقر اذا تبيني اغضب عليك شوفها وكلمها
وقبل العرس اعتبرها اجنبيه عنك ولا يوسوس لك الشيطان بشغلات مالها داعي
صقر وقف وبعصبيه / شايفتني مراهق ماتحكم بتصرفاتي والبنت ماهتميت لها من قبل ولا بهتم فيها وهي رافضتني
وكمل بحرقه / بروح لصقر يترك هالمسكين الي استذنبنا فيه
طلع صقر وداخله هموم تهد جبال شلون بيقابل سالم ويقول اختك في بيتي وامي رافضه تاخذونها
دخل بيت ركان
........................................
عند ركان
جالس على الكنب بيرتاح والسواق قدامه
شاف صقر داخل والهم مرسوم على وجهه وقف ركان
ركان بخوف / وش فيك معتفس
صقر وعيونه على السواق / فك هالمسكين تراك ظالمه
ركان بجديه / لقيتوها
صقر فتح بوكه واخذ 1000 ريال ومدها على السواق
ركان بصدمه / وش هذا
صقر بضيقه / ثمن كفوفك
صقر وعيونه على السواق / خلاص روح
السوق وقف وطلع يركض
جلس ركان وجلس صقر
ركان بجديه / وين لقيتوها
صقر بحرقه / فيه مصيبه طاحت براسي
ركان بخوف / واضح من شكلك وش صاير
صقر بقهر / البنت في بيتنا
ركان بصدمه / في بيتكم
صقر بقهر وعصبيه / ايه في بيتنا
ركان بصدمه / وش جابها لبيتك
صقر بقهر وضيقه / المشكله ان امها الي جايبتها لبيتنا وقالت لامي زوجة ولدك وفي بيتك وامي رافضه ترجعها وبتمم الزواج
ركان بصدمه / والبنت وش رايها
صقر بحرقه / البنت رافضنتي ومغصوبه علي
ركان بعصبيه / وامها تتصرف من راسها ماهتمت براي البنت
صقر بقهر / الام قشرى ما تنتعارض وتفرض الي تبيه على عيالها ومحد له كلام بعد كلامها
ركان بجديه / وامك وش رايها بالي صار
صقر بقهر / امي رافضه انها تطلع من البيت وعطتني موشح طويل عريض اني ماكلمها ولا اشوفها الا بعد العرس
ركان بجديه / البنت زوجتك وحلال تنام معها
صقر بعصبيه / الي مايبيني مابيه والبنت رافضتني ولولا امي كان طلقتها
وامي ناويه تسوي لها عرس وانا اجلت السالفه يمكن تقتنع بموقفي وتوافق اني اطلق البنت
لكن لقيتها مصره وتقول وهي مو مستعده يعني طيب غصب بتزوجها لي
ركان بضيقه / والله اني رحمت البنت الي ضايعه بالنص
صقر بفهر / وانا ضايع بالنص البنت رافضتني ومغصوبه علي وسالم يتهدد ويتوعد انا ماقدر اغير شي من الي صار
قولي الحين شلون بقابل سالم واقوله ان اخته عندي كان يتهدد ويتوعد علشان قلت لها اجل لادرى انها في بيتي وش بيسوي
ركان بجديه / حتى انا ماقدر اواجه واقوله وبعدين امهم ليش للحين ماقالت لهم
صقر بعصبيه / ماقلعتها
ركان بجديه / بكلم شوق واقول لها تقول لسالم
صقر بجديه / والله جنيتك هذي تخوف اكثر من سالم
رفع ركان جواله اتصل على شوق
.......................................
عند شوق
بغرفة عمتها تبكي غياب ساره وكل مامر الوقت خوفها يزيد
سمعت صوت جوالها شافت رقم ركان اول مره ترد عليها بلهفه
شوق بلهفه / لقيت ساره
ركان ماعجبه اسلوبها لكن ماحب يوجع راسه
ركان بجديه / تعالي عند امك بشوفك هناك
شوق بعصبيه / هذا وقتك السواق قال شي عن ساره
ركان بعصبيه / تبين تعرفين وينها عمتك تعالي عند امك
شوق بعصبيه / ما قدر اطلع من البيت
ركان بجديه / اجل اطلعي افتحي لي الباب مابي عمك يدري بشي
شوق خافت من كلام ركان
شوق بخوف / الحين نازله افتح لك الباب
قامت من سريرها كانت لابسه قميص بيتي بدون اكمام ويوصل لنص الساق فتحت غرفتها ونزلت حمدت ربها ان عمها طالع يصلي العشاء فتحت باب الحريم
واتصلت عليه / فتحت لك الباب الثاني
دخل ركان وقفل الباب وراه تعلقت نظراته على شوق وتامل لبسها وضاع الكلام الي بيقوله
ذاب وهو يشوفها بلبسها البسيط المغري
انحرجت من نظراته وبعصبيه / جاي تتمنظر فيني قول وش صاير على ساره
ركان وناظراته عليها وبجديه / جدتك وينها
شوق بعصبيه / جاي ومطيرني علشان تسال عن جدتي
ركان بعصبيه / انتي متى تتعدلين وتردين على السؤال بدون ما تلفين ودورين
شوق بهدوء / جدتي من الصبح بمشغلها
ركان بجديه / قبل لا اقول كلامي ترى صقر واهله مالهم ذنب وصقر توه درى بالي سوته جدتك
شوق قلبها يرجف من الخوف / وش سوت جدتي
ركان بجديه / جدتك اخذت عمتك لبيت اهل صقر وقالت استلمو زوجة ولدكم
شوق كلام صقر مثل الصاعقه الي طاحت على راسها وبقهر / مستحيل جدتي تسوي هالشي هذي بنتهااااا
ركان بجديه / والله هذا الي صار واذا جت جدتك اسئليها
شوق متاكده ان كلامه صدق والدليل ان جدتها ماترد على اتصالاتهم
شوق بعصبيه / واذا جدتي تصرفها غلط ليش يسكتون ويخلون ساره عندهم تلقاهم فرحانين وفرو العرس والمهر لكن مستحيل اسكت
ركان بعصبيه / اووووووووص ولا كلمه اهل صقر ماذنبو والمفروض تشكرينهم انهم اخذوها عندهم ولا تبينهم يطرونها
شوق بصوت باكي / ليش جدتي تقسى على ساره وترميها هالرميه
ركان بحنان / صقر رجال ماينعاب وامه حالفه انها تسوي زواج لعمتك الكل بيحضره
شوق بصوت باكي / وش ينفع العرس والبنت مطروده من بيتها جدتي كسرت فرحة بنتها لكن مستحيل اخلي المهزله تستمر ماعاش من يذل ساره لو كانت جدتي
ركان بعصبيه / صقر بيتصرف لكن امه حلفت عليه ان عمتك ماتطلع من بيتها وبتصير لها بنت ومنعت صقر يشوفها او يكلمها ويعتبرها غريبه لين يصير الزواج
شوق بحرقه / طلعت ام صقر احن من امها عليها
ركان بحنان / لا تتصرفين تصرف تضرين فيه عمتك بدال لا تنفعينها
شوق بعصبيه وقهر / لازم جدتي تتحاسب مو بكره تسوي فيني سواتها
ركان بعصبيه / احترميها ترها جدتك وهالكلام مايصلح تقولينه عنها يمكن عند جدتك اسبابها اذا جتكم اسئلوها وبالكلام الطيب ياتقنعونها يا تقنعكم
شوق بحرقه / باقي ساعتين لين تجي وش بيصبرني
ركان برجاء / شوق اول مره اطلبك شي حاول تخففين من الموقف الي صار ترى سالم شايل من صقر وصقر ماله وجه يقول ان ساره عنده
شوق بحقد وبعصبيه / جعل سالم يحرق صديقك هو سبب البلى
ركان برجاء / طالبك يابنت الناس لا تشبينها
شوق وعيونها على ركان وبجديه / بعمري ماكتمت قهري بنفسي وما اقدر اوعدك اسكت لشفت جدتي
ركان بابتسامه / انتي و جدتك بكيفكم لكن فكي صقر واهله من شرك
شوق بهدوء / خلاص اذا كذا بنفذ طلبك لكن لا تعيدهاا
ركان بابتسامه وبحب / فديتك وانتي مطيعه
ارتبكت شوق / خلاص روح وانا بدخل وبسكت لين تجي جدتي ونفهم منها السالفه
ابتسم ركان من احراجها / قايل لصقر مايحلها الا شواقتي حبيبتي
شوق باحراج وعصبيه / اقول وراء ماتروح لصديقك ابرك
مشت من قدامه لين اختفت
وركان / ههههههههههههههههههههه شوق تستحي وش صاير بالدنيا
طلع لبيته
...........................................
عند شوق
دخلت وبعصبيه / صدق غثيث وبعدين وين راح لساني ليش ماشرشحته علشان ما يعيدها
جلست على الكنب
دخلت عليها هيا / وش فيك تحلطمين
شوق بعصبيه / اتحلطم من سوايا جدتي الي تجلط
هيا جلست / وش فيها جدتك
شوق بعصبيه / ساره جت لجدتي تهاوشها على زوجها من صقر وجدتي بدال لاتمسح دمعت بنتها شالتها ورمتها في بيت صقر وقالت خذو زوجتكم
شهقت هيا ونزلت دموعها / وانتي من قالك هالكلام مستحيل خالتي تسويها
شوق بعصبيه / سوتها ورخصت بنتها لناس بكره يستحقرونها بسبت سوات امها
هياء بصوت باكي / سالم مستحيل يرضى ويسكت اكيد بيجيبها ويطلب لهاا عرس
شوق بقهر / وتضنين العرس بيعالج جروح ساره الي سببها امها
هيا بصوت باكي / ماقال لك ركان شلون حالتها
شوق بقهر / انتي ماشفتيها يوم درت عن زواجها انهارت واكيد جدتي كملتها عليها
هيا بصوت باكي / ساره حساسه وماتستاهل الي صار
شافو ام سالم داخله بكل ثقه وكانها ماسوت شي
فزت شوق وقربت من جدتها وبعصبيه / وينها ساره
ام سالم بعصبيه / ساره في بيت زوجها والي عنده كلام يبلعه
شوق بعصبيه / هو على كيفك ترمين بنتك عند ناس اغراب وتقولين زوجتكم اخذوها
ام سالم بعصبيه / ساره بنتي لو احرقها محد بيفتح حلقه ويويلك ياشوق لو سويتي شي يزعلني
لنا لقاء بعد 3 اسابيع
اختكم نسايم نجد
|
23-03-12, 10:21 PM
جديد مواضيع قسم الارشيف
العرض العادي
