كاتب الموضوع :
نسايم نجد
المنتدى :
الارشيف
لي فتره فاقده تواجدكم واتمنى انكم تتفاعلون معي لان تفاعلكم جمال لروايه
بارت اليوم طويل لكني قفلت الروايه بقفله قويه اكره القفلات لكن من التاثر ما قدرت اكمل
الرجاء عدم طمر السطوررررررر
البارت الثامن والستون
عند تركي
نزل شاف سالم واقف عند بيت ابو ثامر استغرب قرب من ولد اخوه
تركي بستغراب / ليش واقف عندك
تفاجى سالم من وجود عمه والتفت عليه وبعدها صد عنه ومارد على سؤاله
تركي بعصبيه / لاكلمتك تنطق مو تحقرني
سالم بضيقه وحرقه / ما كفاك الي قلته جاي تلحقني بتكملها علي
تركي بهدوء / تعال معي
سالم بحزن / طريقنا مو واحد
تركي باصرار / بتجي معي برضاك ولا شلتك
سالم تنهد بحرقه / عمي ماني طايق نفسي ولانك عمي مابي اغلط بحقك اترجاك خلني بحالي
تركي بحنان / ماني بمخليك لحالك وبتمشي معي
سالم بضيقه / بسافررر وبترك لكم كل شي
تركي بجديه / فيه كلام كثير بقوله لك ومايصلح ينقال بالشارع تعال معي بالسياره واذا ماعجبك الكلام انزل ماني بماسكك
استسلم سالم لعمه وركب جنبه وتفاجئ ان عمه حرك السياره
سالم بعصبيه / وين بتاخذني
تركي بابتسامه / لا تخاف ماني بخاطفك
سالم بعصبيه / وين ماخذني
تركي بابتسامه / باخذك معي شاهد على زواجي
سالم بعصبيه / تبيني اكون شاهد على ظلمك لامي مايكفي الي سويته لها
تركي بهدوء وبجديه / سالم خلنا نتكلم بعقلانيه بعيده عن العواطف ادري انها امك وتحبها لكن امك مستحيل تصير لي زوجه وتزوجتها علشان وصية ابوكم
سالم بعصبيه / وش يعيب امي علشان ما تكون لك زوجه
تركي بقرف / امك كانت متزوجه اخوي قبلي وانا رجال نفسي عزيزه ما تنزل لشي جاه غيري
سالم بعصبيه / شهالتفكير المتخلف ما توقعك جاهل وماتعرف ان الرسول تزوج الارمله والمطلقه
تركي بهدوء / والرسول قال هلا تزوجت بكراً تداعبها وتداعبك
سالم بجديه / عمي شفت امي
تركي بحقد / ليش كل ماقلت راي في امك انسئلت هالسؤال
سالم باصرار / لان اجابته تهمني
تركي بهدوء / لا ماشفتها
سالم بهدوء / اجل احلف لك بيتغير كلامك لشفتها
تركي بحقد / ما يحتاج تحلف لانه من المستحيلات اشوفها او ادخل بيتها وكلمتي وحده ما اثنيها
سالم بثقه / صدقني لشفتها بتصير كلمتك ثنتين
وبرجاء / طيعني ياعمي وتعال معي لبيتها شوفها واعتذر منها امي طيبه وحنونه بتنسى كل الي صار
تركي بحقد / حطها في بالك انا وامك مستحيل نجتمع في بيت وهذا اخر كلامي
سالم بعصبيه / لعرفت بعدين منهي ام سالم و جيت لبيتها وطلبت تسكنه انا الي بمنعك
تركي بجديه / اذا صار اطردني
سالم بهدوء / ياليت تتذكر هالكلام مو تنكره
تركي بثقه / ماني بناكره ولو تبيني اوقع عليه وقعت وسلمتك الورقه
سالم بهدوء /عندك ورقه
تركي بجديه / افتح الدرج بتلقى نوته صغيره وجنبها قلم
فتح سالم الدرج واخذ النوته والقلم
تركي بجديه / اكتب الي تبيه وهات اوقع
سالم بجديه / ياليت تكتب بيدك علشان ما تنكر ويكون خطك شاهد عليك
تركي بسخريه / والله حسستني بتنازل عن كنز مو شوفت امك
سالم بجديه / وانت بتتنازل عن الي اهم من الكنز
تركي بسخريه / الله واكبرررررررر كل هالكلام علشان امك
سالم بحب / امي شي كبيرررررر مستحيل لا شفته تقاومه
تركي بسخريه / هات الورقه لتقلب لنا امك اله وتقول اعبدوه
وقف تركي جنب الطريق كتب الورقه ووقعها
تركي بسخريه / يكفي التوقيع ولا ابصم
سالم بابتسامه / ابصم
تركي بعصبيه / تراني صغرت عقلي لك ووقعت مثل هالورقه
مد الدفتر لسالم
اخذ سالم الورقه وابتسم على كلام عمه / انا تركي الضامي اكتب هالوراقه وانا بكامل قواي العقليه
اتنازل عن شوفت والسكن مع المدعوه / ام سالم واذا فكرت وطلبت فجزائي الطرد والرجم
سالم بابتسامه / عاد وصلتها لرجم اجل بجهز حصى من الحين
تركي بسخريه / هذا الي ناقصني انرجم وانطرد بسبت امك
سالم بجديه / عمي ليش ما كتبت وعدم الخلوه بها
تركي بعصبيه / وش خلوته انت وجهك صدق شباب ما يستحي
سالم وعيونه على عمه / ان شا ءالله تنفذ المكتوب والورقه بتكون دليل على رفضك لامي
تركي حرك سيارته / لا يكثررررر
وكمل بجديه / وش رايك نصلي الفجر ونفطر ونكمل مشوارنا
سالم حط الورقه في بوكه وبجديه / رجعني وكمل طريقك
تركي بجديه / ما خذت رايك بنصلي وبنفطر وبمر البنك اخذ المهر وبعده نروح له
سالم بضيقه / اترجاك عمي اعفيني من هالمشوار
تركي بجديه / لخلصنا من الملكه قلت لك شغله مهمه مايدر عنها الا عمك سالم وانت
سالم وعيونه على عمه وبجديه / السالفه تخص من
تركي وعيونه بالطريق / تخص زواجي من العروس الجديده
سالم بستغراب / تخص زواجط
تركي بجديه / قلت لخلصنا الملكه قلت لك لاني بحاجه لوقفتك معي
سالم بجديه / وقفتي انا
تركي بجديه / ايه
سالم بستغراب / شلون بتملك بدون عمي سالم او يكون معك واحد كبير
تركي بجديه / انت تكفي عنهم
سالم بجديه / احس زواجك وراه سالفه
تركي بجديه / وهذي السالفه الي بقولها لك بعد الملكه
سالم بتردد / عمي انت لاعب على البنت
تركي بعصبيه / لعبت الكلاب براسك شايفني حقير العب ببنات الناس
سالم باحراج / اسف عمي
تركي بعصبيه / اسكت ابرك
وقف عند مسجد توضو ودخلوو
عند شوق
طول ليلها تتقلب على سريرها وكانها على جمر ودموعها بللت مخدتهاا
سمعت صوت الاذان قامت من سريرها ودخلت الحمام توضت صلت ورجعت للحمام اخذت شور ولبست وقربت من سرير عمتها
شوق بضيقه / ساره قومي
ساره فتحت عيونها الحمراء وبتعب / طول ليلي سهرانه ولما سمعت الاذان قفلت عيوني
شوق بعصبيه / وانتي استجبتي لشيطان ونمتي قومي لروشك
ساره جلست بارهاق / كله منك الحين شلون بداوم وهذي حالتي
شوق بضيقه / لجيتي المكتب حطي راسك ونامي تعرفينا لا شغله ولا عمله
وقفت ساره وبتعب / وهذا الي بيصير
( نسومه تقول لك الي بيصير هناك بينسيك النوم )
شوق بجديه / بنزل اجهز لنا شي ناكله وانتي لا تتاخرين
ساره بتعب / طيب
طلعت شوق وساره دخلت اخذت شور وقفت قدام التسريحه
ساره وبيدها الاستشوار وبعصبيه / اووووووف من هالشعر كل صبح يلعوزني معه اجلس ساعه ازبط فيه
لفت شعرها الطويل بعصبيه واخذت شنطتها بيد وعباتها باليد الثانيه ونزلت تحت
عند شوق
نزلت تحت شافت جدتها جالسه قربت منها وباست راسها
ام سالم بجديه / وش مصحيك بدري
شوق بحرقه / ما نامت علشان اصحى
ام سالم بقلق / عسا ماشر
شوق بحرقه / وين يجيني النوم وعمي صار زوج لامي
ام سالم بسخريه / اكيد من فرحتك بزواج امك طار النوم
شوق بحرقه وبعتب / ليش ماحضرتي ملكت عمي
ام سالم بحقد / ماني بتاركه اشغالي علشان شي ماله قيمه
شوق بزعل / امي شي ماله قيمه
ام سالم بعصبيه / تراني قايمه مروقه لا تخربين مزاجي بطاري امك
مشت شوق بدون ما ترد على جدتها حتى هي مالها خلق تعكر مزاحها
دخلت المطبخ جلست
عند ساره
نزلت شافت امها جالسه قربت منها باست راسها
ام سالم بعصبيه / وش فيك انتي الثانيه عيونك منفوخه
ساره بجديه / كنت سهرانه
ام سالم بعصبيه / فيه احد عاقل يسهر لصبح ووراه دوام
ساره تتهرب / يمه شوق وينها
ام سالم بعصبيه / بالمطبخ روحي لها
ساره بجديه / وش صار بينكم
ام سالم بعصبيه / جابت طاري امها واذا سمعت اسمها يركبني مليون جني
ساره هزت راسها دخلت المطبخ شافت شوق تفطر
ساره بعصبيه / يا الخاينه تفطرين بدوني
شوق بضيقه / محد قالك تتاخرين علي يدوب نلحق على دوامنا
ساره جلست وبابتسامه / انتي عندك واسطه مو انا
شوق بعصبيه / افطري لروشك بالحليب تراها واصله معي
ساره بقلق / من امس والمصايب تهل وقلبي قارصني حاسه بيصير شي اليوم
(نسومه تقول قلب المؤمن دليله )
شوق بضيقه / اكثر من الي صار
ساره بجديه / يمكن يفنشونا من الشغل انا وانتي صايرات عاله على الحكومه اكل ومرعى وقلت صنعه
شوق بعصبيه / ووووووجع شلون يفنشونا وانا ما سويت الي ابيه
ساره وقفت وبابتسامه / يابخت من كان الوزير خاله انتي معليك خوف الخوف علي انا
شوق بعصبيه / يا لخبله دربك دربي واذا طردوك بكون معك
ساره وهي تلبس عباتها وبسخريه / لصار الجد بتقلبين علي
شوق تلبس نقابها بمزح / يا لخبله انتي تسليني بالشغل بدونك انتحر من الملل والطفش
ساره تمشي وتاخذ سلة القهوه والشاهي من الشغاله
شوق بسخريه / صدقيني اذا بيفنشوك السبه هالسله الي شايلتها
ساره بابتسامه / ما يسلينا غيرها واليوم جبت فستق ننشغل فيه
شوق بجديه / بيزيد وزننا والسبه هالدوام اكل وراحه
ساره وصلت لباب المطبح وبجديه / يله بلا هذره زياده
طلعت ولحقتها شوق بعد ساعه وصلو لمركز الشرطه نزلت شوق وساره فتحت الباب وشالت السله
عند ركان
جالس على مكتبه وعيونه على الساعه الي قدامه
ركان بعصبيه / ليكون تسويها وما تجي اليوم
ابتسم وهو يسمع صوت ساره تهاوش شوق تسند على الكرسي وصار يسمع كلامهم
عند ساره
دخلت المكتب شافت شوق جالسه على كرسيها وبعصبيه / انتي شلون ماتشيلين معي
شوق بسخريه / تراها سلة وحده وش رايك نتشيلها سوى
حطت ساره السله على الارض وجلست على مكتبها
ساره بسخريه / سبعك ماله حس
شوق بعصبيه / الله يرحم والدينيك لا تجيبين طاريه يتصل علي عاد اليوم ماني رايقه له
ساره بجديه / تراك محظوظه انتي وزوجك بنفس المكان ما يفصلكم غير هالجدار
شوق بحقد / لو انك مكاني كان حذفتي نفسك من الشباك
ساره بمزح / شكلي بشبك مديري وخليه ينقلني عند مكتبه
شوق بسخريه / خليه يجي هالمدير الي من اشتغلنا وهو ماله وجود
ساره بحماس / تصدقين متشوقه اشوف هالمدير الي الدنيا عنده سايبه
شوق بجديه / مثله مثل بغلي كلهم غثيثين وما ينطاقون
عند ركان
مستمع لكلامهم احس براحه من كلام ساره وفيه امل كبير تتقبل زواجها من صديقه لكنه انقهر من تسميت شوق له بالبغل
رفع التلفون واتصل على مكتب شوق
عند شوق
سمعت صوت تلفون مكتبها وبعصبيه / شفتي الاقشر عند طاريه
ساره بابتسامه / يحبك لتحريف الامثال يالفاهمه الاجودي عند طاريه
شوق رفعت السماعه وبنفس شينه / نعم
ركان بعصبيه / ناعمه ترفسك ما تعرفين تردين مثل الناس
شوق بعصبيه / اذا مكلم بتهاوش تراني مالي خلقك ومابي اطلع جناني عليك بمكان شغلك
ركان بعصبيه / تعالي عندي
وقفل السماعه بوجهاا
ساره بسخريه / من وجهك واضح انه قفل الخط بوجهك
شوق بعصبيه / كلي تببببببببببببببببن
ساره / هههههههه روحي له اكيد يبيك تلمعين حذيانه
شوق بعصبيه / اقول انطمي
عند ركان
سمع كلامهم وما قدر يمسك نفسه من الضحك
ركان / هههههههه مو شينه اخليها تلمع لي حذياني واكسر غرورها
سمع صوت الباب
ركان برود / ادخلي
دخلت شوق بكل غرور وبعصبيه / خير
ركان بعصبيه / ليش ماجيتي امس
شوق بسخريه / الحين مناديني علشان تسالني عن امس
ركان بعصبيه / جاوبببببببي مثل العالم
شوق طالعت بركان بعيونها الزرقاء وببرود / كنت تعبانه وما قدرت ادوم
ركان بعصبيه / والتعبان ما يعرف يتصل ويقول انه تعبان ومراح يداوم
شوق تحاول تمسك اعصابها / نسيت اتصل وبعدها انشغلت بملكة امي
ركان بهدوء وعيونه بعيونها الي تسحره / هذي اخر مره اسامحك فيها
شوق بجديه / والحين تبي شي ولا ارجع لمكتبي
ركان بابتسامه / اليوم جبتو قهوه ولا
شوق بسخريه / اكيد كالعاده تبيني اجيب لك كاس قهوه وكاس شاهي
ركان بسخريه / هذي الزوجه الصالحه الي تفهم زوجها من عيونه
انحرجت من كلامه ومشت بدون ماترد عليه وركان ابتسم انه قدر يسكتهااا
عند شوق
دخلت وهي معصبه وقربت من السله
ساره بابتسامه / بتصبين له من قهوتي
طالعتها شوق بعصبيه / سلتك هذي صاير ذنب علي
ساره تحرك حواجبها وبمزح / قهوتي واسطه لالتقاء الازواج ولولاها ما شافك
شوق بعصبيه / وانا شكيت اني بذبح نفسي لو ما شفته
عند صقر
دق منبه الجوال رفعه شاف الساعه 7 ونص دخل الحمام اخذ شور ولبس بدلته العسكريه ونزل تحت
شاف امه وخالته جالسات قرب منهم باس راسهم
ام صقر بحنان / اليوم بداوم الصبح
صقر بجديه / ان شاء الله
ام صقر بحزن / والله ان شغلك بالليل يخوفني عليك
صقر بابتسامه / الي كاتبه ربك بيصير
ام مرام بجديه / صدق الي ربي كاتبه بيصير لكن الواحد مايرمي نفسه في النار ويقول ما تحرقني
صقر بابتسامه / اشوفك انتي وامي متفقات علي
ام مرام بحب / كله خوف عليك
صقر بحب / الله لا يحرمني منكم
وبجديه / ماكلمتو صديقة منى
ام صقر بحرقه / كلمتها وسئلتها عن منى وتقول احسن
صقر بجديه / ان شاء الله يله بطلع لشغل
ام مرام بحنان / افطر
صقر بجديه / بفطر مع ركان
وناظر امه وبحب / ادعي لي يالغاليه
ام صقر بحب / الله ينور دربك ويجعل الخير بطريقك
مشى صقر وطلع برا البيت وركب سيارته ومن كلام ركان عن زوجته وهو في راسه قرار لازم ينهيه علشان يرتاح ويريح الي حوله
وصل لشرطه نزل ودخل مكتب ركان الي تفاجئ بدوام صقر
وقف ركان وبفرح / يا هلا زين سمعت كلامي وداومت
قرب صقر وجلس على الكرسي وبضيقه / لمتى بتهرب منها
ركان بجديه / كلامك عين العقل
سمعو صوت الباب
ركان بجديه / ادخلي
دخلت شوق بعصبيه وقربت من مكتب ركان وحطت الكاسات بخشونه وماهتمت بوجود صقر طلعت مثل ما دخلت
صقر / هههههههههههه ول زين ما صحكتك بالكاسات صدق انها متوحشه
ركان وعيونه على الكاسات وبابتسامه / تبي قهوه ولا شاهي
صقر / هههههههه تبين اشرب شي جايبته المتوحشه اخاف حاطه فيه سم ولا بلى
ركان بابتسامه / ترى زوجتك توها تحش فيك وتتمنى لو تشبكك معك وتنقلها جنب مكتبك زوجتك حاسده زوجتي بقربها مني
عند شوق
دخلت وجلست على مكتبها وبهدوء / مديرك جاء
ساره بفرح / ووووووووووواو وناسه
شوق بسخريه / الي يشوف فرحتك يقول اني قايله انه بيخطبك
ساره بابتسامه / ما تدرين يمكن يخطبني
عند صقر
سمع كلام ساره وبعصبيه / كل يوم تسمع كلامهم بهالوضوح
ركان بابتسامه / ايه وهذا الي مسليني
صقر بعصبيه / هذا يعتبر تصنت
ركان بجديه / احنا بالشغل وبعدين خلك من هالكلام سمعت كلام زوجتك شكلها حاطتك براسها
صقر وقف وبجديه / هذا الي جابني اليوم
ركان بستغراب / تراني مافهمتك
صقر بضيقه / بعد شوي بتفهم الي اقصده
طلع من مكتب ركان وصل لمكت البنات وطق الباب بهدوء
عند شوق
سمعو طق الباب ناظرت ساره
شوق بجديه / شكله مديرك لان مديري تخصصه تلفونات
تنقبت ساره وشوق
شوق بجديه / تفضل
دخل صقر وترك الباب وراه مفتوح وعيونه على ساره
صقر بجديه / ممكن تجين مكتبي
ساره انتفضت من الخوف لان هيبت صقر وجديته بالشغل تخوف
ساره بارتباك / طيب
طلع
وشوق بسخريه / شكل امنيتك تحققت
ساره بخوف / يخووووووف تعالي معي
شوق بجديه / اتوقع طلبك انتي وش يجيبني معك
ساره بعصبيه / مجنونه انتي تبيني ادخل مكتبه لحالي ترى مايجوز
شوق بجديه / امري لله
عند صقر
جالس بمكتبه وتفكيره بالكلام الي بيقوله
سمع صوت طق الباب
صقر بجديه / ادخل
دخلت ساره متمسكه بشوق
صقر جت عيونه على ساره ولاحظ قصرها
صقر في نفسه وبسخريه / وطلعت قصيره الله يستر من المخفي
صقر بجديه تخوف / اتوقع اني طلبتك لحالك
التفتت ساره لشوق تترجاها تنقذها من الاجابه على سؤاله
شوق بحديه / اتوقع يا حضرة الضابط ما يجوز تبقى معها لحالكم
صقر بسخريه / وانتي المحرم
شوق ببرود / ايه
صقر وعيونه عليهم وبجديه / اتوقع ما فيه محرم
ووعيونه انتقلت لساره وبجديه / بين الزوج وزجته
ساره شهقت وبنفسها / ياويلي شكله سمع الي قلته لشوق ويتمسخر علي
شوق متفاجئة من كلام صقر
صقر وعيونه انتقلت لشوق وبرجاء / ممكن تتركينا لحالنا
شوق بعصبيه / انت ماتفهم مايجوز
قاطعها صقر بعصبيه / انتي صمخا ما تسمعين قلت لك انا زوجهاااااااااا
حست ساره بحراره بكل جسمها واطرفها ما تقدر تشيلها من الاحراج
شوق بعصبيه / شلون زوجهااا
صقر بعصبيه / اطلعي براااااااااااااااااا
ساره تمسكت اكثر بشوق وبصوت واطي / لا تتركيني معه شكله مو صاحي
شوق بجديه / بطلع وبوقف عند الباب اذا سوى لك شي ناديني
ساره برجاء / لا تتركيني خايفه منه
شوق بعصبيه / بلا خبال شوفي وش عنده
صقر بحنان / لا تخافين و علشان ترتاحين بترك الباب مفتوح
ساره ارتاحت انه بيترك الباب مفتوح لكنها منحرجه تبقى معه لحالهم بعمرها ما جلست مع رجال غريب
طلعت شوق وساره واقفه بمكانها عند الباب
صقر وعيونه عليها وبحنان / تعالي اجلسي بقول لك الي عندي
سار بارتباك وبخوف / قول الي عندك اسمعك
صقر برجاء وبجديه / يا بنت الحلال اجلسي خليني اخلص من الكلمتين الي منغصه علي حياتي
قربت ساره برجول تنتفض وجلست على الكرسي وعيونها على يدها وبصوت مرتبك / بسرعه قول موضوعك
صقر وعيونه عليها ولاحظ ربكتها وخوفها منه ما يدري شلون يبدا موضوعه
صقر بجديه / الي بقوله لك انكتب علينا من كنا صغار انا مثلك مالي يد بالي صار
زاد توترها ورفعت عيونها فيه واستحت ونزلتها
كمل صقر وبجديه / تدرين من انا
ساره استغربت سؤاله وبارتباك / انت مديري
صقر بهدوء / وغير مديرك
ساره بتفكير وبارتباك / وصديق ركان زوج شوق
صقر ابتسم على ردها / وغيره
ساره في نفسها / هذا وش فيه يسئل الاسئله الغريبه ليكون هذا مهم بشغل
ساره بجديه / وانك تشتغل بقسم المباحث الجنائيه
صقر حط يده على خده وبجديه / فيه شي مهم ما تعرفينه وهذا الي خلاني اول ما داومتي احول دوامي ليلي
ساره مستغربه ليش يقول لها عن خصوصياته لكنها سكتت
كمل ركان وعيونه عليها / تدرين لما كنا صغار كانو اهلنا جيران وكنت العب معك
وبابتسامه / اهلنا شافونا قالو بنزوجهم
تزوجنا واحنا بزارين
ساره رفعت عيونها فيه وشافت الجديه بوجه لكن الي يقوله جنون
ساره بجديه / انت وش قاعد تخربط ترى كلامك حتى المجنون ما يصدقه
صقر بقسوه / لازم تصدقين انتي زوجتي من زمااااااااان
ساره باختناق ودموعها نزلت / انت تفهم وش معنى كلامك الي تقوله
صقر اوجعه قلبه من دموعها / ماله داعي الدموع اذا ما تبيني مستحيل اجبرك
انا رضيت فيك زوجه وانتي اذا رضيتي فيني كملنا سوى واذا رافضتني افترقنا بالمعروف
ساره تحولت الدموع لشهقات موجعه
وبصوت باكي محروق / الله يخليك قول انك تكذب علي لو كلامك صدق معناها ان اهلي دمرو حياتي
صقر رحمها وصار يلوم نفسه انه تسرع وقال لها
انصدم من ردت فعلها توقعها تعصب عليه مو تنهار قدامه كان يعتقدها بقوت شوق
مسك يدها بحنان / الي قلته هو الي صار
سحبت يدها منه وقفت وبصوت باكي موجع وبصراخ / كذاااااااااااااب
دخلت شوق على صراخ ساره وانصدمت من انهيارها
التفتت ساره عليها بنظرات كلها ضياع وتشتت ورجعت تناظر بركان واشرت باصبعها عليه وبصوت باكي محروق / مجنون يقول انه متزوجني من زمان وحنا بزارين
وانقلب البكي لضحك / ههههههههه علشانه يلاعبني زوجوني له لو كل طفل يلعب مع بنت زوجوهم كان كل الاطفال تزوج
شوق وعيونها على صقر وبعصبيه / وش قلت لها علشان تنهار
صقر بهدوء / قلت لها انها زوجتي من يوم كنا بزران
لما سمعت ساره هالكلمه ماقدرت تبقى بالمكان وحست كل شي اسود بعيونها
انفلتت من يد شوق وصارت تركض بهستريا مفجوعه وموجوعه
شهقاتها ونحيبها العالي لج المكان
ركبت السياره
خاف السواق من شكلها ووتفاجئ انها بدون شوق
ساره بصوت باكي محروق / روح للبيت
استجاب لها السواق وساق بسرعه جنونيه خاف على ساره المنهار
بعد ربع ساعه وصلت للبيت ونزلت قبل لا توقف السياره وطقت الجرس بتواصل
فتحت لها الشغاله الي انفجعت من شكل ساره
دخلت ساره ركضت داخل البيت وصلت لصاله وانهارت بالكامل
وبصراخ موجع / يمممممممممممممممه
ام سالم كانت لابسه عباتها وبتنزل من الدرج وانفجعت من صراخ بنتها والي فجعها اكثر شكل ساره المنهار
ركضت لها ام سالم وبخوف / صاير لبنت اخوك شي
ساره بنحيب / همتك شوق وانا ماهميتك
ام سالم بعصبيه / وش فيها بنت اخوك
ساره تاشر على نفسها و بصراخ / انااااااااااااااا الي فيني قهرتووووووووووني
قربت منها ام سالم وصارت تهز بنتها وبعصبيه / قولي وش فيك
ساره بنحيب موجع / متى ناويه تقولين لي انكم مزوجيني لواحد حتى اسمه ما عرفه
ام سالم بصدمه / منهو الي قال لك
ساره بنحيب / هو الي قال لي
ام سالم بقسوة / بدال ما تفرحين انك متزوجه صقر تجيني منهاره
ساره بنحيب / حرمتوني اني احلم مثل كل بنت بزوج يتعنى لها ويخطبها وانا اوافق عليه او ارفضه انتم استخسرتو هالشي علي
ام سالم بقسوه / الزواج وتم والي تقولينه مراح يغير شي
ساره ولاول مره تصرخ بوجه امها
ساره بصوت باكي وبصراخ / انا ماني بلعبه بيدك والزواج مستحيل يتم
ام سالم بعصبيه وبقسوه / حطهيها براسك مالك زوج غير صقر
ساره بتهور / تزوجيه انتي ماااااااااااااابيه ومستحيل اتزوجه
ام سالم بتهور / تقولين هالكلام لي الحين بتصيرين زوجته وغصب عنك
سحبت بنتها من يدها بقسوه
ساره ثبتت رجولها بالارض لكن قوة امها قدرت تسحبها
ساره بنحيب وخوف / يمه وين بتوديني
ام سالم بعصبيبه / لبيت زوجك الي متبطره عليه
ساره برجاء وبصوت باكي محروق / لااااااااتووووووووديني له واسوي الي تبينه
ام سالم صارت تسحب بنتها متجاهله توسلات ساره الي توجع القلب
لين وصلت لباب الشارع
ساره لما يئست من امها صارت تصرخ باسم اخونها يمكن ينقذونها من امها
ساره بنحيب وبصراخ / ساااااااااااااااااااااااااالم تررررررررررررركي
لقائنا باذن الله بكره او بعده بيكون اخر بارت قبل الاجازه
اختكم نسايم نجد
|
19-03-12, 10:13 PM
جديد مواضيع قسم الارشيف
العرض العادي
