قبل لا بدء بارت اليوم



بنهي النقاش بالبارت السابق لانه سوى صجه من ناحية زواج نوف


اقول واعيد زواجها باطل لكن احيانا العقول تحلل المحرمات لمصلحتها العامه



فبعض الناس يسون شغلات متاكدين انها حرام وما تجوز و مع هذا يسونها




وابيكم تفهمون هالنقطه وتحطون عليها خط / صحيح انا كاتبه لروايه لكن تاكدو اني رافضه السلبيات الموجوده فيها وتناولتها
بالروايه مطالبه بالحل



نرجع لتعليقاتكم



من يلوم شوق لقسوتها واسلوبها فهي ضحيه من ضحايا المشاكل الاسريه




فهي كرهت الزواج لانها ترى كل زوج ابوها القاسي ورافضه تكون مثل امها الضعيفه




اما داخلها انثى طيبه وحساسه لكن لابسه قناع الشراسه
الايام كفيله بازالة القناع وترجع على فطرتها




والاخوات الكارهات لتركي / اقول ماتنلامون تركي يحركه حقده وللاسف الحقد لقى من يسقيه ويزيده
اولاها بناصر وام سالم والايام كفيله لتاديب تركي




من وصف تركي بانه ثور لانه ماربط بين الحبيبه وارمله اخوه في بارت اليوم بيثبت لكم انه ثورررررر
مع مرتبة الشرف لكنه معذور رسم بخياله صوره مشوهه لزوجة اخوه معتمد فيها على كلام اخوه
وتطلبون بعد كل هالسنين يفهم بالتلميحات لو قالوها صريحه هذي ارملة اخوك فمستحيل يصدق لان
عقله خزن وصدق تلك الصوره المشوهه



الرجاء عدم طمر السطورررر





البارت السادس والستون






حطها على السرير ويحاول يصرف نظره لكن عيونه تخونه وتجبره تطالع بالملاك الي قدامه




لما نظراته صارت عليها عاش بالغيبوبه الي تصيبه لشافها
نسى كل الي حوله ما يشوف غيرها الي ياما سهر يناجيها ياما زارته
باحلامه واكتوى بنياران عشقه لها



الي قدامه رجعت الشباب لقلبه بعد ماشاب


الي قدامه خلته ما يشوف غيرها ودمرت كل حصونه واستولت على كل مشاعره




التهمها بعيون عاشق مشتاق لكل تفاصيل الحبيبه تامل كل شي فيها ابتداء من بجامتها الحرير المخصره على جسمها زادتها عذاااااااب وفتنه ووجها الخالي من المكياج لكن المكياج الرباني يجمله



كل شي فيها يعشقه ويخليه يسكر ويعيش عالم غير العالممد يده المرتعشه من قو المشاعر
الفياضه بداخله مسح دموعها بحنيه خايف يخدش خدها الناعم



تكلم بصوت عالي وماتوقع غيره يسمعه لانه عايش بعالمها هي

ساره واقفه مذهوله من تصرف تركي وهو يجهل من تكون

شوق مثل كل مره تشوف عمها يعاني تتعذب من عذابه

تركي يتحسس وجها بعشق وهيام وبصوت ذايب / خفي على قلبي يابنت الناس حبك افقدني عقلي ويخوفي اصير قتيلك ااااااااااااااه عذبتيني بكرهك وزواجك ذبحني

ياليتك تفتحين قلبي وتشوفينه معاد يسكنه غيرك

وتامل وجها الشاحب / يا جعل الوجع الي صابك صابني يا روح تركي

ساره عيونها على اخوها مصدومه ان الي واقف قدامها تركي الي يخوف بهيبته وقسوته واقف بضعف قدام نوف واضح عشقه

للاعمى كانت ردت فعلها انها شهقت بصوت عالي

التفتت لها شوق وطالعتها بنظرات

صوت ساره صحاه من الغيبوبه

التفت لهم وهو محرج ما عنده أي كلمه اطلعه من الموقف الي حط نفسه فيه

مشى قدامهم وفتح باب الغرفه و طلع وجلس على الكنبه حط يده على راسه

تركي بحرقه / والله وانفضح عشقك للكل اااااااااااااااااه ليش اذا شفتها اضعف قدامها وما قدر اتحكم بتصرفاتي
حط يده على قلبه / اهداء يقلب معاد اقوى على ضرباتك



في الغرفه



ساره مصدومه / شوق الي كان هنا تركي

شوق بصوت باكي / ايه

شوق قربت من امها وحطت يدها على قلب نوف وارتاحت ان دقات القلب منتظمه طالعت بوجه امها وشافته رجع لطبيعته
ساره جلست على سريرها وبصدمه / سمعتي الي سمعته

شوق بصوت باكي / ايه
ساره بصدمه / اخوي مضيع على الاخر معقوله العشق يلعب بالرياجيل

شوق وعيونها على امها وبصوت باكي / قلت لك عمي يعشق امي وانتي مكذبتني وتتمسخرين على كلامك الحين بعيونك شفتي

ساره وعيونها على نوف وبصدمه / لو ماشفت بعيني كان ما صدقتك للحين منصدمه الي شفته مجنون ليلى مو تركي الجلف الي يكره الحريم

وبابتسامه / يا خوفي بكره اخوي يصير مجنون نوف ومحدن بلايمه امك فتنه متحركه خطر على الشباب والدليل انها قدرت بقلب تركي الحجر

وكملت بجديه / تدرين اني للحين ماني بمصدقه انها امك احس اني بحلم واذا جاء الصباح صحيت وختفي كل شي
شوق بصوت باكي / انتي بعلم

تمسح وجه امها بحنان بصوت باكي / يمه ساامحيني والله ما قصدت اقهرك

اكيد سمعتي عمي صدقتيني يوم قلت انه يحبك والي فيه اكثر من حب اكيد بتسامحيني

يمه اذا غلطت لاني كنت ابي لك العوض بعد ابوي بزوج يحبك وعمي يحبك والي فيه اكثر من حب

ساره بعصبيه / ليش ماقلتي لنا انها امك

شوق بصوت باكي / تتوقعين جدتي بتستقبلها

ساره بجديه / امي معجبه بامك ومانزلت عيونها عنها وسمعتيها يوم قالت لو ما كنتي متزوجه كان خطبتك لتركي

شوق بعصبيه / الكلام قالته لصديقتي مو لامي

ساره بجديه / لازم كل الي بالبيت يدرون

شوق بعصبيه / يا ويلك اذا قلتي لهم

ساره بعصبيه / ولمتى بتخشين

شوق بصوت باكي / لما يعرفون امي على حقيقتها وانهم طول هالسنين ظالمينها

لكن لو قلت لهم الحين خايفه من ردت فعلهم وانتي تشوف جدتي محملتها موت ابوي

ساره بجديه / بموت ابوك اشهد انهم ظالمينها مدري شلون يفكرون ابوك مات بالرياض وامك بفرنسا

شوق بحرقه / أي مصيبه عندهم لازم امي السبب






عند تركي





جالس يلوم نفسه على تهوره الي صار غصب عنه سمع صوت جواله شاف رقم الدكتور

تركي بصوت تعبان / هلا محمد

الدكتور بجديه / انا تحت

وقف تركي / الحين جايك

مشى تركي بخطوات سريعه فتح باب الشارع ودخل الدكتور

الدكتور بجديه / وينها المريضه

تركي بجديه / فوق

سبق تركي الدكتور طق على غرفة ساره

طلعت ساره وحاول يكون طبيعي / الدكتور جاء ياليت تتغطن

ساره بجديه / ان شاء الله

تركي باحراج / ويا ليت تغطينها

ساره بجديه / نوف تكشف

حس بقهر انها تكشف والكل يشوف جمالها

وبعصبيه / قلت غطيها يعني

ساره خافت من عصبيته / طيب

نزل تركي




عند ساره




دخلت وعيونها على شوق / غطي امك

شوق بجديه / امي لابسه حجابها ونتي تعرفين انها تكشف

ساره بجديه / والله هذا طلب العاشق

وبابتسامه / طلع يغار

شوق باصرار / ماني بمغطيتها يكفيني الي سويته فيها واكملها بالغطاء الي تكرهه

ساره بجديه / اجل كيفك واذا عصب تركي قولي له هالكلام

اخذت شوق عباتها ونقابها لبستهم وساره لبست لحظات ونطق الباب

شوق بجديه / ادخل
دخل وعيونه جت على نوف صار يغلي من العصبيه والقهر وهو يشوف وجها مكشوف التفت لساره وناظرها نظرات تخوف
خافت ساره من نظراته و نزلت عيونها با لارض

قرب الدكتور من نوف وهو مبهوررر من الي قدامه سرح بجمالها تركي عيونه على الدكتور وانتبه لنظرات الاعجاب

تركي بعصبيه / جاي تصورها ولا تكشف عليها

الدكتور خاف من عصبية تركي فتح شنظته الطبيه اخذ السماعه وبدا يكشف وهو يحاول يتجنب النظر لها خوف من تركي ولو الود وده ما نزل عينه

تركي مقهور من الدكتور وبعصبيه / وش طلع فيها

الدكتور بجديه / دقات القلب بمعدلها الطبيعي والنبض

ورفع راسه / ممكن افهم وش صار قبل لا يغمى عليها

شوق طالعت بعمها وبقهر / سمعت خبر شين وانهارت علينا

الدكتور بجديه / من ملامح وجها واضح عليها الارهاق والتعب واكيد الخبر كمل عليها

تركي لما تكلم الدكتور وقال ملامح وجها كان نفسه يقوم عليه ويدوس ببطنه بصعوبة قدر يمسك اعصابه

تركي بعصبيه / والزبده

الدكتور بجديه / كتبت لها مهدئات تاكلها وقت اللزوم

تركي بعصبيه / عطني ورقة الوصفه وانت مقصرت

الدكتور فهم من كلمة تركي انه يطرده مشى بهدوؤ وطلع بر الغرفه و تركي طلع يوصله
تركي فتح بوكه واخذ 500 ومدها لدكتور الي تفاجئ من المبلغ الكبير

تركي بجديه / مشكور ما قصر

الدكتور بجديه / والمبلغ اكبر عن سعر الكشف

تركي بجديه / اعتبرها حلاوة سلامة المدام

الدكتور بجديه / الله يخليها لك

تركي بصدق / امين

ركب الدكتور السياره ومشى وتركي دخل البيت وطلع فوق وداخله يغلي قهر من اخته الي مانفذت كلامه وسمحت لدكتور يطالعها بالنظرات الي كره يشوفها

فتح باب الغرفة بعصبيه وقرب من ساره وبصراخ / انا وش قلتى لك ما قلت غطيها
شووق بجديه / ترها تكشف ورافضه الغطاء والنقاب ومستحيل اسوي شي تكرهه

التفتت لشوق بعصبيه / ولك وجه تتكلمين وش مهببه معها ووصلها لهالحاله

شوق بسخريه / شغل مخك ياعمي اكيد بتفهم ليش انهارت وغمى عليها

تركي بعصبيه / شوق لا تختبرين صبري وانا وشي يدريني بالي صار بينكم

شوق بهدوء / ما سالت نفسك ليش انهارت واغمى عليها بيوم ملكتك

تركي حس بقشعريره سرت بجسمه

تركي بعصبيه / ليه بعد بهذي كذبتي

طالعته شوق بجديه / من صالحها كذبت

تركي بعصبيه / تقولين تكرهني وتتمنى الموت ولا تتمناني ليش ماقلتي ياعمي تحبك وانتي تعرفين
ان هالكلمه انتظرها من زمان

شوق ودها تمسك راس عمها وتضربه بالجدار يمكن يفهم وساره بخاطرها تضحك على غباء اخوها

وكمل بضعف / لهدرجه هنت عليك

شوق تغلي قهر من غباء عمها لو احد مكانه فهم ان نوف الحبيبه نفسها زوجته

وكمل بعصبيه / قلتي ان زوجها ميت ولا بعد هذي كذبه

شوق بعصبيه / نوف خلصت العده والحين تشوفها قدامك

تركي براحه / لا فاقت قولي لها اذا تبين عمي مره عمي يبيك الف مره وكلها ايام وبخطبها و قابل بكل شروطها

ساره ماقدرت تسكت / ههههههههههههههههههه

التفت تركي له بعيون كلها شرر / وش الي يضحك بكلامي

ساره بجديه / لان نوف

ساره كانت بتفضح ام السالفه

شوق قطعت كلام ساره وبارتباك / لصحت قلت لها

شوق بعصبيه / ممكن تطلع

القى نظره اخيره على نوف بنظرات لها الاف المعاني وطلع ولو الودد وده ماقارقها
ساره تتامل اخوها

اول ماطلع ساره / ههههههههههههههههههه ماتوقعت اخوي غبي

شوق بعصبيه / والله الاغبياء برين منه وش فيه ما يفهم التلميحات
ساره بعصبيه / ليش ماقلتي له انها زوجها

ولا تستمتعين بتعذيب الناس
شوق رصت على اسنانها وبعصبيه / لو كنت بقوله اول الحين مستحيل اقوله خليه يتعذب مثل معذبها

ساره برجاء / ما سمعتي نصيحتي يوم قلت لك تتراجعين عن الي بتسوينه بامك

وناظرت بنوف / وهذي النتيجه

وكملت / ويا ليت تقولين لتركي وصدقيني مصير المستخبي يبان واذا عرف من غيرك بتصير ردت فعله قاسيه وبيصيبك منها نصيب

شوق باصرار وبصوت باكي / والمسكينه الي قدامك ما كسرت خاطرك واخوك المصون يفجعها بهالخبر والله العالم وش قال لها خلها تطلع بالبجامه

وكملت بصوت باكي موجع / امي تطلع من بيتها بالبجامه تعرفين وش معناته طلعتها بالبجامه انها تصرفت بدون وعي

ساره بعصبيه / انتتتتتتتتتتتي السبب وسبق وقلت لك تركي بينتقم من امك وهذي اولها والله يستر من الباقي

شوق بعصبيه / انا بوقف بوجهه

ساره برجاء / ليش ما تقولين لتركي ان هذي امك وترحمين الاثنين من العذاب

شوق بحرقه / امي بكل الاحوال تكره عمي وقلت لها عن حب عمي وقالت لو الموت بيدها ارسلته له ولو كان اخر رجال ما تزوجته

ساره وعيونها على نوف وبحرقه / طيب ليييييش تبادل عشق تركي المجنون بالكره

شوق بقهر / وانتي تشوفين الي سواه عمي سهل يمنع العيال عن امهم

ساره بجديه / اذا عرف كل شي بيردهم لها

شوق باصرار / لا تحاولين خليه عمياني احسن وبشوف شلون بيتزوج زوجته

ساره بجديه / بسالك تركي يعرف اسم امك

شوق بجديه / مدري










عند ركان






كان جالس مقابل صقر بافخم المطاعم ينتظرون تركي الي تاخر عليهم

ركان بطفش / هذا وين ذلف

صقر بابتسامه / قايل لا دخل وشاف الزين بيسحب علينا

ركان بعصبيه / انت ما تستحي تتغزل فيها قدامي ترى تركي لسمعك بيدفنك

صقر بجديه / قلبي يقول ان هالتركي ما تزوجها لله اكيد وراه سالفه

ركان بجديه / والله حتى انا ماني مرتاح من هالزواجه الي مدرينا عنها الا بوقتها بعمرها ما صارت

صقر بجديه / لو جينا للجد انا موافقه على زواجه منها بدال لا يتشتتون العيال بين امهم وعمهم

ركان بجديه / من قالك اني رافض زواجه لكن طريقته ماعجبتني

صقر بجديه / مدامها راضيه فيه مالك راي

ركان بجديه / والله الي يسمع كلامها فيه ما يصدق انها الحين زوجته

صقر بجديه / يمكنها تنازلت علشان عيالها

ركان بجديه / يمكن اقول اتصل على خويك اساله بيجي ولا رجعنا لبيوتنا ورانا دوام

صقر بابتسامه / قول وراك دوام

ركان بجديه / وانت لمتى بيستمر دوامك ليلي

صقر بجديه / والله مدري

ركان بابتسامه / والله الوظيفه صارت فله بعد ما جاورت العنصر اللطيف

صقر بسخريه / والله الي يسمعك يقول انك ماخذ عنصر لطيف والله انك اللطف وانعم منها

ركان بابتسامه / والله زوجتك طلعت مصرقعه وخبله

صقر بضيقه / كملت انت متزوج وحده متوحشه وانا ماخذ خبله

ركان بابتسامه / طيعني وتعال بكره الصبح واستمتع معي بسوالف الثنائي المرح

صقر بعصبيه / وانت تارك شغلك وتتسمع لسوالفهم

ركان بجديه / والله هبالهم وسوالفهم خلت الشغل خفيف والدوام ينتهي بسرعه

صقر بعصبيه / خلني اتصل على تركي رفع جواله اتصل على تركي










عند تركي




دخل غرفته وهو طاير من الفرح

تركي بابتسامة فرح / فديتها طلعت تحبيني اوغمى بسبت ملكتي ياليتها تدري انها ما تسوى عندي ماطى رجولها ياليت الي صابها صاب الصايعه

تذكر شكلها وبعشق وهيام / يجعل عيني العمى اذا قد شفت بجمالك ولا بشوف انتي شيخة الحريم وغيرك معاد به حريم

تمدد على سريره رفع يده الي تحسست وجه الحبيبه وحطه على فمه استنشقها وباسها بكل عشق
قطع عليه صوت جواله

تركي بعصبيه / هذا وقتك

رفع جواله شاف المتصل صقر بابتسامه / شلون نسيتهم والله الي شفته ينسى الواحد نفسه

رفع جواله / اهلين

صقر بعصبيه / اشوفك سحبت علينا وحنا لنا ساعه ننتظرك

تركي وقف وبابتسامه / الحين جايكم

صقر بابتسامه / والله اني قايل لادخلت مراح نشوفك

تركي بسخريه / اقول لا تخفف دمك على حسابي مسافة الطريق وانا عندكم

صقربجديه / يله مع السلامه

قفل من صديقه / والله من بعد ماشفتها مابي عشاكم
شلون بطلع وهي موجده اخاف لا رجعت تكون راحت

وبجديه / شلون بتروح وهي تعبانه

لبس غترته وقبل لا ينزل التفت لغرفة ساره ولا اردي لقى نفسه يطق الباب
طلعت له شوق وهو ما عنده شي يقوله تمنى الي قدامه ساره لان شوق كاشفته

شوق بجديه / عمي تبي شي

تركي تنحنح وبصوت مرتبك / انا طالع قلت امر عليكم يمكن تحتاجون شي

شوق بابتسامه / متاكد ان هذا الي جابك

تركي بعصبيه / اجل وش بيجيبني

شوق بخبث / مدري العلم عندك

تركي بجديه / والعلم الي عندي يقول اني جيت بسالكم اذا تبون اجيب لكم عشاء وانا جاي

شوق بابتسامه / جيب لنا على ذوقك وترى الي طايحه داخل تعشق الاكل الصيني

تركي بدون شعور / بتتعشى هنا

شوق وعيونها على وجه عمها وبابتسامه جزينه / واحتمال تنام وبحاول فيها تبقى هنا كم يوم لكن فيه مشكله

تركي بتسرع / وش المشكله بجلستها عندك

شوق بخبث / فيه مراهق بالبيت واخاف عليها منه

تركي بعصبيه / شووووووق معاد تحشمين احد تراني عمك وفوقها اكبر منك

قربت شوق من تركي وباسته على خده / اسفه عمي كنت استخف دمي معك

تركي بعصبيه / لا تستخفين دمك مره ثانيه لانه ثقيل

شوق بجديه / ان شاء الله ولا تنسى العشاء

تركي بجديه / بجيب لكم اكل صيني

شوق بجديه / ماحبه نبي غيره

تركي بجديه / اكليه مو لازم تحبينه

شوق بزعل / والله ماكل شي ماحبه وياليت تجيب لنا من ماك ولا كودو

تركي بجديه / طيب لا تنامون تراني ماني بمطول

شوق بابتسامه / ادري مانك بمطول يمكن توصل للباب وترجع

تركي بعصبيه / اقول ادخل لا تشوفين شي ما يعجبك

دخلت شوق وهي تضحك كلامها مع عمها غير من نفسيتها
شافتها ساره بسخريه / ضحكينا معك

شوق بجديه / عمي بياكلنا اكل صيني

ساره بصدمه / لاااااااااا ماحبه وبعدين وش جاب طاري الصيني

شوق بابتسامه / قلت له امي تحب الاكل الصيني و قال بيجيب صيني وانتم اكلو مو لازم تحبونه

ساره بابتسامه / اليك العوض ومنك العوض راح اخوي وطي

عند نوف
فتحت عيونها واستغربت المكان الي فيه التفتت شافت شوق وساره تذكرت كل الي صار وكلام تركي
القاسي لها جلست ودفنت وجها بركبتها وصارت تبكي بحرقه ونحيب







عند شوق




لما شافت امها ركضت لها
شوق بصوت باكي / يمه

كان اجابت نوف لها البكاء الموجع
شوق التفتت لساره وبصوت باكي / روحي جيب ماء

وقفت ساره وقلبها منفطر على نوف ومقهوره من شوق
طلعت
قربت اكثر من امها وجلست بتحضنها لكن نوف دفتها بقوه
شوق بصوت باكي/ يمه والله لو ادري بيصير فيك كذا ما وقعت بدالك

رفعت راسها وطالعت شوق بنظرات قهر وانكسار وبصوت باكي مجروح / وقعتي على وفاتي

بتوقف و مسكتها شوق وبصوت باكي / اضربيني سوي فيني الي يريحك لكن سامحيني

نوف وقفت وبحرقه / سواتك مستحيل اسامحك عليها انتي كسرتيني ودمرتيني كنت حاطه املي كله فيكم وهذي النتيجه سلمتوني لعمكم وبيكمل الي بداه ابوك لكن المره هذا انا الي بموت

فزت شوق وبصوت باكي / جعل يومي قبل يومك

وقف شوق بتمنع امها لكن نوف دفتها وصلت للباب وقبل لا تطلع التفتت لشوق وبصوت باكي محروق / انسو ان لكم ام امكم دفنتوها بايدينكم

طلعت وهي تسمع صراخ وبكي بنتها / مستحيييييييل ننسى انك امنا








عند ساره




قابلت نوف بشكلها المنهار نازله من الدرج كانت بتتكلم لكن مهما كان هي اخت تركي ومراح تسمع منها

فتحت الباب على شوق وبعصبيه / شلووووون تخلين امك تطلع وهذي حالتها
شوق تبكي بنحيب موجع اوجع قلب ساره عليها قربت من شوق

ساره بحنان / والحل

شوق بصوت باكي / انا تساليني عن الحل ماعندي حل

ساره جلست على طرف السرير / وش صار بينكم

شوق / امي افقدت الثقه فينا وطلبت مني ننسى ان لنا ام

سار بحرقه / ما تنلام بكل كلامه تقولها او تصرف تسويه امك مجروحه

شوق بصوت باكي / بكره لعرفت عمي بتشكرني اني زوجتها له

ساره بجديه / اخاف ما تكشف هالشي الا بعد ما يفوت الفوت

شوق بصراخ / والله العظيم فهمتها ان عمي يحبها ويعشقها لكنها رافضه تسمع وتصدق

ساره بابتسامه / انامكذبه ام السالفه لكن المشاهده اكبر دليل والي شفته قيس مو تركي

شوق بحرقه / عمري ما تخيلت ان عمي تركي يحب والقدر خلاه يحب امي وشفت عذابه بعيوني كل ماشافها
انقلبت حاله وشفت الوجع مرسوم بوجهه تبيني اشوف كل هالعذاب والعشق وماتصرف
مثل مامي غاليه علي بعد عمي غالي ومارضى له العذاب

ساره بجديه / مدامه مادرى انه تزوج الي يحبها ماستفاد شي

شوق بجديه / تدرين خايفه لادرى ان الحبيبه هي زوجة اخوه ناصر الي ياما شكى لهم منها وكل صفه شينه حطها فيها وينقلب عشقه لكره خلي يتعذب بحبها علشان لدرى يعرف قدرها

ساره بجديه / وجهت نظر لكني رافضتها

شوق بضيقه / مو لازم توافقين عليها علشان تصير الي ابيه منك تقضبين لسانك ومحد يدري

ساره بجديه / وانا بايعه نفسي علشان اقول ديما اغلاطك تجي على راسي

شوق برجاء / دوري لي فكره تخلي امي تسامحني اعرفك ام الدواهي

ساره بجديه / الفكره بفلوس

شوق بسخريه / صدق انك مصلحجيه للقيتي الفكره لك الي تبينه

ساره بابتسامه / خليني اختلي بنفسي علشان القى الفكره الي ما تخرش الميه

شوق بجديه / اختلي فيها الحين

ساره بسخريه / اختلي فيها وانتي موجوده

شوق بسخريه / ومتى بتختلين فيها علشان اترك لك الغرفه

ساره بابتسامه / الحين الفكر ما فيه الا الاكل والنوم

شوق بجديه / متى يمديك والصبح دوام ولرجعتي نمتي

ساره بابتسامه / على ذكر الدوام زوجك المصون اتصل على مكتبي معصب على غيابك جلس يهدد ويتوعد والله خوفني

شوق بحقد / خليه يولي تلقينه مالقى اليوم احد يخدمه علشان كذا معصب

الله يعيني على شوفته بكره يكفيني الي فيني ماني ناقصه يعكر مزاجي

ساره بابتسامه / استخدمي معه دهاء الانثى وبتشوفينه خاتم بصبعك

شوق بسخريه / تاركه دهاء الانثى لك

ساره بابتسامه / بفطره دهاء واغديه دهاء واعشيه دهاء


( نسومه تقول بتكونين عند كلمتك ولا كلام الليل يامحوه النهار )


شوق بمزح / كاسر خاطري الي بيتزوجك اكيد انه عاق ولدينه وانتي عقوبته
ساره بابتسامه / الا بار بولدينه وانا بكون جزاء بره فيهم



عند نوف



قست قلبها وصارت تزل الدرج وهي تحس من قهرها بيغمى عليه ما صدقت نفسها وهي تشوف نفسها واقفه قدم باب مها
سبحان الله لا شعوريا قلبها يوصلها لصديقتها الي متاكده انها بتحس بوجعها ومعناتها
دقت الجرس




عند مها



كانت بالمطبخ سمعت صوت
طلعت من المطبخ وطلعت للحوش فتحت الباب وانصعقت من شكل نوف المنهار والي فجعها انها طالعه لشارع بالبجامه

حضنتها مها وبحنان / وش فيك ليش منهاره ما سمعت الا بكي نوف الموجع

سكرت الباب وحضنتها وبخوف / عيالك صار لهم شي لما ذكرتها بعياله زاد البكي

مها بحوف / اكيد الي صايبك كبير ولا شلون تطلعين بالبجامه الحين ترتاحين وبعدها بفهم منك
دخلتها لصاله وجلستها على الكنب

مها بحنان / كل شي له حل الا الموت
نوف بصوت موجع / عيالي باعوني لعمهم لكن مبارك باعني بفلوس وهم باعوني بلوشي

مها عقدت حواجبها مافهمت شي / كملي تراني ما فهمت شي وتاكدي بوقف معك

زاد بكي وشهقات نوف تعلى / باعوني لعمهم تركي

مها بصدمه / طلعي كل الي بقلبك اسمعك

نوف بصوت باكي ونحيب / شوق وسالم زوجوني لتركي

مها فتحت عيونها بصدمه / هي سايبه يزوجونك على كيفهم

نوف بصوت باكي موجع / صار على كيفهم زوجوني لزفت عمهم مثل مازوجني مبارك بدون علمي ومزورين توقعي ذبحووووووووني يامها ذبحووووني

وبنحيب يوجع القلب وبصوت ياله ينسمع من كثر البكي / شلون طاوعهم قلبهم يقهروني ويسلموني لعمهم الي متاكدين انه ينتضر الفرصه علشان ينتقم مني

مها بعصبيبه / يخسى يلمس شعره منك وبكره مثل ما تزوجك غصب عنه بيطلقك

نوف بحرقه / بينسجنون عيال

قاطعتها مها بعصبيه / ينسجنون ولا بالجحيم خلهم يدفعون ثمن سواتهم

نوف بصوت باكي / ما اقدر مهما صار هم عيالي

مها بقهر وعصبيه / صدق الي قال يامربي غير ولده ياباني بغير ارضه بتصرفهم اثبتو انهم عيال ناصر
نوف زاد نحيبها

مها بعصبيه / شافك شفتيه

نوف بصوت باكي مقهور / كلمني وقال انه ماقدرت تكمل وزادت شهقاتها

وبشهاق وبكى يقطع القلب / يقول عيالك حذفوك بحلقي وبلوشي وقال اني وسخه ومكاني الزباله

مها بعصبيه / ومدام هذا كلامه ليش ربط نفسه بالوسخ

نوف بصوت باكي / بينتقم

مها بقهر وعصبيه / هاتي رقمه بيطق فيني عرق اذا ما شرشحته وعرفته قدره

نوف بصوت باكي / جوالي بالبيت

وقفت مها وبحماس / امشي معي نروح لبيتك

وقفت نوف ورجعت لها الراحه بعد مافتحت قلبها لمها وانفعال صديقتها ووقوفها معها طمنهااا
دخلو البيت ودخلو الحوش شافو الجوال عند مكان نوف

تاملت مها الزاويه الي اشتغلت فيها نوف باعجاب صحاها من تاملها نوف تمد عليها الجوال

مها بعصبيه / افتحي على رقمه
نوف بصوت مبحوح / اخر رقم متصل
ضغطت مها على المكالمات الصادره شافت رقم بدون اسم ضعطت عليها وداخلها بركان بينفجر




عند تركي





سمع صوت الجوال رفعه شاف رقم نوف

تركي بقرف / هذي شكلها ما صدقت بتغثني بتصالاتها

وبحقد / خليني انكد عليها قبل لاتنام

رفع الجوال وبعصبيه / خير شكلك ماستوعبتي للحين انك محذوفه علي

مها بعصبيه / حذفوك بجهنم ان شاء الله تحسب ماوراها احد تفرد عضلاتك عليها

انصدم تركي من الي تكلمه وبسخريه / ومن حضرتك يوم تكلميني

مها بحقد وعصبيه / معك الي سجنتك بفرنسا وبتسجنك هنا

تركي بعصبيه / هناك وقدرتي علي لكن هنا تخسين انتي والي جابوك

مها بعصبيه / تخسى انت وشكلك للحين ما تعرفني بضغطت زر تكون مسحوب مثل الحراميه لان اشكالك مكانهم السجن

قطعها تركي بعصبيه / لا تحطين راسك براسي ترى انتي بالسعوديه مو بفرنسا
هناك لك معارفك وانا كل الي هنا ينتظرون مني اشاره علشان اسكت الكلاب

مها بعصبيه / ماكلب غير وبطلق غصب عنك

تركي بجديه / اتقي شري يا بنت الناس وهالسالفه مالك خص فيها

مها معاد تشوف من العصبيه / انت الي اتقي شري

تركي بعصبيه / لا تنسين انك حرمه وسهله علي الوث سمعتك واهدم بيتك ولو تحلفين لصبح محد بمصدقك

مها بعصبيه / خسيييييييييس وكل شي يتوقع منك
وقفلت بوجه وزاد حقدها وكرها لتركي ومستحيل ترتاح لين تبرد قلبها منه

نوف بصوت باكي / سامحيني

مها بعصبيه / اش حقه تعتذرين عنه تحملي هلكم يوم وهو يبيله تخطيط على ثقيل

نوف بصوت مبحوح / الي مطمني انه قال مراح يقرب مني ولا راح يشوفني

مها بعصبيه / قربه عزرائيل قولي امين
نوف من قلب/ امين








عند تركي



لما قفلت مها الجوال بوجه تركي / ههههههههههههههههههههههههههههه صدق حريم يبعبعن على الفاضي وبسهوله يخافن وينطمن
هذيك شغلها عندي تعرف تروح تتشكى للحين ما شافت شي

وصل للمطعم ونزل دخل وصار يتلفت يدور على طاولة ركان وصقر واخيرا شافهم قرب وجلس بالكرسي الفاضي

صقربسخريه / زين انك عبرتنا وجيت

تركي بجديه / طلبتو ولا باقي

ركان بجديه / نطلب والمعرس ماجاء

تركي حس بقرف من هالكلمه / ياليت ماسمع هالكلمه الي تلوع الكبد

ركان بعصبيه / ومدامها تلوع الكبد ليش تزوجت ولا شكوكي بمحلها

تركي بعصبيه / سبق وقلت لكم تنفيذ لوصية اخوي ولا مستحيل ام سالم تكون لي زوجه ولو ما بقى من الحريم الا هي

صقر بسخريه / كلام الليل يمحوه النهار

تركي وبعصبيه / تقول هالكلام لو كانت العروس غير ام سالم
صقر منصدم ان تركي شافها ويقول عنها هالكلام

صقر بجديه / شفتها يوم تقول هالكلام

تركي بقرف / لا ما شفتها ولا راح اشوفه

صقر بسخريه / شلون ما شفتها ومراح تشوفها


تركي ببرود / كلامي مفسر نفسه بنفسه

ركان بعصبيه وبصوت عالي كل الي بالمطعمك التفتو له / ومدامك منت بداخل عليها ليش تزوجتها

صقر انفجع من عصبية ركان / قصر حسك فضحتنا العالم اطالعنا

استوعب ركان انه بمطعم وجلس / وبصوت واطي / ليش تزوجتها مدام هذي نيتك

تركي بعصبيه / انت وش عليك بنيتي ام سالم صارت زوجتي فرجااااااااااء ركان لا تحشرن نفسك بينا

ركان وقف / صدقني بتندم وبتلعن الساعه الي كان هذا قرارك
ومشى طالع من المطعم وركب سيارته وهو مقهور من تركي
عند صقر
بعد ماطلع ركان صقر بعصبيه / اعجبك طلع معصب

تركي بعصبيه / صديقك هذا مسوي نفسه وصي عليها وناشب بحلقي

صقر بهدوء / كلامك يخلي الي دمه بارد يفور

تركي بجديه / اطلب لنا عشا ولا مشينا

صقر بجديه / خلنا نلحق ركان ونهديه

تركي وقف / روح له انا راجع للبيت

وقف صقر برجاء / لتصغر عقلك وتترك صداقتك مع ركان تنتهي باسباب تافهه

تركي بهدوء/ من قال لك بنهيها لكن لو قابلته بتشب بينا اكثر

صقر بجديه / اذا كذا زين وانا بتكلم مع ركان

تركي بجديه / بكره بالليل بسافر

صقر بستغراب / على وين

تركي بجديه / بروح لمساعد اعطيه مهر بنته واقولهم ان الزواج الاسبوع الجاي

صقر بجديه / للحين معزم على هالزواجه

تركي بجديه / ايه

صقر بجديه / امك شلون رضت انك تتزوج مجنونه

تركي بجديه / مدرت انها مجنونه

صقر بجديه / اجل وين بتسكنها لا تنسى انها مجنونه يبي لها مداره واهتمام

تركي بجديه / كل شي وله حل عند خويك

طلعو من المطعم وكلن ركب سيارته صقر رايح لركان




عند تركي



مر المطعم الصيني واختار تشكيله من الاكل الصيني

وكمل طريقه للبيت وداخله لهفه وشوق لرجوع للبيت

وصل البيت ونزل بسرعه وهو محمل بالاكياس فتح الباب دخل بخطوات سريعه وصار يطلع درجتين درجتين
وصل لباب غرفة ساره طق الباب بهدوء

سمع صوت ساره تسمع له بالدخول حط يده على مقبض الباب ودقات قلبه زادت
فتح الباب بهدوء

دخل واول ماجت عينه على مكانها الخالي
دخل وعيونه على ساره متجاهل شوق / خذي الاكل

وبتردد/ شلونها خويتكم

شوق بصوت باكي / طلعت لبيتها

قاطعها تركي بعصبيه وحرقه / ليش تسمحين لها تطلع وهي تعبانه

شوق بصوت باكي / تبييييني اربطها ماقدرت فيها لا وتقولي انسيني

تركي بعصبيه / تستاااااهلين ماجاك ولا تبين تجرحين قلبها وتسكت لك

ساره بجديه / وش جبت عشاء

تركي بعصبيه / احنا وين وانتي تفكيرك بالعشاء جبت عشاء صيني

ساره / ماحبببببببببه لا انا ولا شوق من بياكله

تركي بعصبيه / عطيه للقطاوه

طلع وهو معصب مقهور كان معشم نفسه بشوفتها لكن مثل كل مره تنكسر فرحته
دخل غرفته رمى نفسه على السرير وبقهر

تركي بقهر / الغبيه شلون ما قدرت تمنعها تروح الحين شلون بشوفها مره ثانيه يعني بنتظر فرصه ثانيه تخليني اشوفها ومدامها قطعت علاقتها مع شوق احلم اشووووووفها الا شوق وصلت لها اني ابيها

وقف وبسرعه فتح الباب وطلع من غرفته وفتح باب غرفة ساره بدون لايستاذن

تركي وعيونه على شوق الي تبكي / قلتي لها اني بخطبها

شوق رفعت وجها الي كله دموع / ما عطتني فرصه اقول

تركي بعصبيه / الخبل الي اعتمد عليك كان قلت لها الي ابيه

شوق ماردت وتركي بعصبيه طلع وضرب وراه الباب



عند ساره




عيونها على الاكياس المرميه / حرام من بياكل كل هذا

شوق بصوت مبحوح / قال لك عطيها القطاوه

ساره بجديه / وش رايك نطلع لامك وتراضينها

شوق بحرقه / امي معصبه مني واكيد قالت لخالتي مها وماني ناقصه اسمع كم كلمه منها

ساره بابتسامه / والله حالت اخوي تضحك وتبكي شكل ذنوب اميره صابته

شوق وعيونها على الاكياس وبحزن / شفتي من حبه لها ما نسى انها تحب الصيني وجاب لها اكل يكفي ديره

ساره بقهر / ونسانا

شوق بحرقه / وتلوميني يوم زوجته لامي هو الي بيحميها ويصونها

ساره بعصبيه / وانتي قلتي له علشان يصونها انتي تتلذذين بتعذيبه يويلك لو درى انك تلعبين بمشاعره

شوق بقهر / هو الغبي ليش ماطلب يشوفها عمي حكم على نفسه بالعذاب ماعنده لقافه يعرف الي تزوجها




عندي ضيوف لو ماكان البارت جاهز كان كاقدر اكتبه وانزله
رغم التعب والارعاق الي فيني وبعد مانامو ضيوفي ولعيونكم راجعته ونزلته




لنا لقاء باذن الله





اختكم نسايم نجد

هههههههههههههههههههههههههههه
جدتركي غبي
ولا هذا من العشق وقف التفكير عنده
متشوقه لحياةساره وصقر المرح والجموود الله يعين ساره
مشكوووووره ياقلبو
بنتظارك