ادري اني تاخرت عليكم لكن احيانا النفس ماطيع تكتب
فيه نقطه حابه اوضحها نوف اخذت تنازل من تركي عن عيالها بدون حكم محكمه
الرجاء عدم طمر السطوررررررر
البارت الثالث والستون
عند مها
بالبيت وبمكتبها وفاتحه شنطة اوراقها الهامه رفعت ورقة تنازل تركي وابتسمت
مها وعيونها بالورقه وبابتسامه / اذا فيك خير اكسب القضيه يالمغرور
سمعت صوت رساله رفعت جوالها وقرت الرساله
مها / هههههههههههههههههههههههههه جبان بتحلها سلمي حسافه كنت ابيك تناطحني علشان اكسر غرورك لكن بشوف نهايتها معك
لازم اشوفك يا نوف وبشرك بنتصارنا بدون تعب
رجعت الورقه بالشنطه وقفلت الشنطه برقم السري
وطلعت من المكتب وقفلته بالمفتاح وطلعت فوق دخلت غرفتها اخذت عباتها
طلعت بالحوش وفتحت الباب الفاصل ودخلت بهدوء تعرف مافي البيت الا نوف وسالم ولدها
طلعت فوق قربت من الغرفه طقت الباب سمعت صوت نوف
نوف بجديه / ادخل سالم
دخلت راسها والابتسامه مرسومه على وجها / انا مها
نوف جالسه بالجلسه الجانبيه وتشرب قهوتها مها عيونها على صديقتها الي كانت لابسه شورت حرير وبلوزه علاقي اوف وايت
طالعتها نوف وبابتسامه / ادخلي وجهك منور يبشر بصباح حلووووو
مها باعجاب / خفي علينا يابنت والله جمالك يجلط ويذبح وهذا وانتي توك صاحيه
نوف بابتسامه / اذكري ربك ماني بناقصه عينك تصيبني
مها دخلت وسكرت الباب وراها وبابتسامه / ما شاء الله وعندي لك خبر بمليون ريال
نوف تشرب من قهوتها و بابتسامه / من شفت وجهك وانا مستبشره بالخير
مها جلست بالكرسي مقابل نوف / ورقة الاستدعاء وصلت للمغرور
نوف بلهفه / كملي لا تحرقين اعصابي
مها بابتسامه / صدمتي فيه كبيره توقعت بيتعبني معه وتاليتها قال بيحلها سلمي
نوف بصدمه / بيحلها سلمي متاكده من كلامك
مها بجديه / ايه اكيد منتي بمصدقه مثلي
نوف بجديه / معقوله بيسلم العيال والفلوس بارده مبرده ماصدق اخاف براسه شي ويسويه اخاف من طعنت الظهر يمها
مها بجديه / ماضنتي ان تركي من هالنوعيه
نوف بجديه / انتي ما سمعتي شلون يتكلم ولا كيف يهدد واصراره على اخذ العيال وتجين تقولين بيسلم كل شي سلمي
مها بجديه / يمكن ربك هداه
نوف بحقد / والله قلبي مو مرتاح لتصرفه وحاسه وراه مصيبه
مها بجديه / قومي نفطر سوا وخلي عنك الوساوس
وقفت نوف / ياليتها وساوس هالتركي مستحيل ارتاح له او امنه
مها وقفت / الي رابطه فيك العيال اذا اخذناهم بقلعته
نوف بضيقه / انزلي باخذ شور وبنزل لك
مها بجديه / مدامك مطوله برجع لبيتي وغداي عندك
نوف بجديه / انتظرك
مها بجديه / الساعه وحده وانا عندك
نوف بطفش / باقي كثير على ما تجي واحده خليك تحت وكلها دقائق وكون عندك
مها بجديه / ناقص البيت اغراض بطلع اشتريهم اذا ناقصك شي قولي اجيبهم معي
نوف بحب / ركان ما يخلي فيه ناقص كل شي يجيبه الي احتاجه ومحتاجه
مها بجديه / الله يجزاه خير على وقفته معك وحرصه عليك
نوف بجديه / امين
طلعت مها
ونوف دخلت الحمام تاخذ شور وتفكير بتصرف تركي وستسلامه بهالسهوله قلبها متاكد ان سكوته يسبق العاصفه
بتنهد وضيقه / الله يستر منك ياتركي
عند ماجد
بمكتبه يراجع بعض الاوراق سمع طق الباب رفع راسه وتفاجئ من دخول سيف وقف
ماجد بفرح / حيا لله القطوع وينك ياشيخ قلت بتغيب شهر والحين لك 4 شهور
قرب سيف من صديقه وبابتسامه / سلم علي وبعدين قول الي بخاطرك
تقدم منه ماجد وحضن صديقه بحب / والله اني فاقدك وخايف عليك
جلس سيف بالكرسي ورجع ماجد لمكانه / غيابي بشغل وعندك خبر وماله داعي تخاف
ماجد بزعل / مدامك بشغل ليش ما تتصل وليش مقفل جوالاتك
سيف بجديه / محتاج انفرد مع نفسي بعيد عن الكل
ماجد بجديه / وان شاء الله انفرادك مع نفسك فادك
سيف بجديه / لو مفاد ماجيت مكتبك اخطب اختك لي رسمي وعن اقتناع
ماجد بعتب / والي بيخطب يخطب بالمكاتب
سيف بجديه / ما تفرق بين مكتب وبيت والحين لو بغيت جيتك لبيتك خطاب
ماجد بجديه / لانك صديقي بقبل بخطبت المكتب وعطني فرصه كم يوم علشان افاتح سميه بالموضوع مثل ماكان صعب عليك تراه اصعب عليها
سيف بجديه / يا ليت ما طول برد لاني ماني بصغير ولا اختك صغيره
ماجد بجديه / يومين ويجيك الرد وبالموافقه ان شاء الله
وقف سيف وبجديه / اذا ما عندك شغل عازمك نفطر سوى
وقف ماجد وبابتسامه / لو عندي شغل بتركه علشانك و عزيمتك مقبوله
عند منى
طلعت من الغرفه بعد ملبستها ديما عباتها وهي تمشي مثل الاله بيد بنتها قرب منهم صقر وحط يدها ورا ظهرها ومشى ساندها
وامه وديما وراه عيونه على اخته وداخله اهات والم عليها
وصل لسياره فتح الباب الي ورا جلست منى وجلست جنبها ديما وام صقر ركبت قدام جنب ولدها وصارت تمسح دموعها وداخلها مكتوي على حال بنتها
سمعت تنهيدات صقر
طالعت بوجه والدها الي دموعه تلمع بعينه قربت يدها وضغطت يده القريبه منها
ام صقر بحنان / كلم اخوك بشره برجوع اخته
التفت لامه وبصوت مبحوح / ابشري
حرك سيارته وعيونه اطالع بالمرايه و تسرق النظرات لاخته
اخذ جواله واتصل على اخوه
عند عبدالله
كان جالس بالصاله مع نايف سمع صوت جواله رفعه شاف رقم صقر
عبدالله بحب / اهلين صقر
صقر بصوت مبحوح / الحمد لله على سلامة اختك
وقف عبد الله وبفرح / صحت منى
صقر بصوت مبحوح / ايه والحين طالعين للبيت
عبدالله بفرح / الحين جايكم
صقر بضيقه / يله مع السلامه
بعد ما قفل من اخوه سمع صوت نايف / مبروك سلامة اختك
عبد الله براحه / الله يسلمك وجعلها اخر الاحزان
نايف بتاثر / امين ماقالك صقر شلون نفسيتها بعد ما صحت
عبد الله بضيقه / اهم شي صحت والي غيره يهون
نايف بجديه / روح لا تتاخر عليهم
عبدالله وعيونه على صديقه بجديه / منت برايح معي
نايف بجديه / وش يوديني انت رايح تشوف اختك ليش احشر نفسي بالنص
عبدالله بجديه / بتطمن عليها وبرجع لك
نايف بجديه / اجلس مع اختك وتطمن عليها وانا بالشقه
عبدالله يلبس غترته / اذا بتاخر بتصل عليك
طلع عبدالله ونايف تمدد على الكنب
عند صقر
بعد ماانهى اتصاله من اخوه سمع صوت اخته
منى بصوت تعبان وكسير / ودني بيتي
طالع صقر امه وافهمت نظرته واشرت له براسها
صقر بضيقه / تعالي لبيتنا والعصر اوديك لبيتك
منى بحرقه وصوت باكي / ودني بيتي يا صقر
صقر بضيقه / تامرين امر
غير طريقه لبيتها بعد نص ساعه وصل
اول ماشافت بيتها فتحت الباب وصلت للباب والتفتت لاخوها و بصوت باكي / ماعندي مفتاح
قربت منهم ام صقر وفتحت شنطتها وطلعت المفتاح وفتحت الباب وسبقتهم منى داخل
دخلو وقفلو الباب وراهم
ام صقربصوت باكي / يقلبي عليك يا بنتي شكلها ادور عليهم
صقر بحرقه / شلتو كل الي يخص العيال وابوهم
ام صقر بصوت باكي / ايه
ديما تقدمتهم بتطلع عند امها
خوفهم صوت صراخ منى ركضت ديما وصقر وام صقر وراهم و بصعوبه تطلع الدرج وصلو للغرفه الي تصيح فيها منى كانت بغرفة وليد
دخلت ديما وانصدمت من انهيار امها وصارت تبكي بنحيب ودخل صقر شافها جالسه على ركبتها مقابل الدولاب وتنوح
وقف يطالعها ودموعه تنزل دخلت ام صقر
قربت من بنتها وبحنان وصوت باكي / يمه ليش تنوحين
منى بحرقه وجع / ليه شلتو اغراضهم ليش حرمتون من ريحتهم ما يكفيكم انهم راحو تكملونها علي
جلست ام صقر جمب بنتها وتمسح ظهرها بحنان وبصوت باكي / ماينفع واذا خلينا اغراضهم بيزيد عليك المواجع
ارسلنها للي محتاجينها اجر لك ولهم
منى بنوح وحرقه / ابي اشم ريحتهم وصارت تضرب على صدرها ببرد شوقي لهم
قرب صقر ورفعها ووجه كل دموع وبصوت مبحوح / تعوذي من ابليس ياخوك لا تضيعين اجرك بالنواح ما يجوز الي تسوينه ياخوك
طالعته بعيون كسيره ووجه كله دموع وبحرقه / يا ليت اقدر يا صقر ابي اشم ريحتهم يمكن تخف حالتي دخيلك صقر هات لي قطعه من لبسهم اشمها
صقر ودموعه تنزل وبصوت مبحوح / قومي اطلعي لبيتي مالك هنا الا الوجع
وقفت مع اخوها وبشهاق يقطع القلب / كنت ابي بيتيي علشانهم لكن الحين معاد لهم شي الله يسامحكم مايكفيكم انهم راحوووو تحرموني من ذكراهم
ديما كانت واقفه تبكي و تشاهق من الثاثر وعيونها عليهم
قربت ام صقر ولبست بنتها نقبابها / امشي يامك خالتك وبنتها بالبيت بيفرحون لشافوك
تحركت معهم بدون رد ما يسمعون الا صوت شهقاتها طلعو برى البيت وركبو السياره
عند عبدالله
وصل البيت فتحه بالمفتاح الي خذاه من صقر دخل شاف خالته بالصاله قرب منها
وباس راسها
ام مرام بحب / شخبارك يوليدي
عبدالله جلس جنبها وبابتسامه / الحمد لله ليش جالسه لحالك
ام مرام بضيقه / امك وعند بنتها الله يرجعها لها وديما اكيد طالعه مع صقر تشوف امها
عبد الله بفرح / ابشرك منى جايه بالطريق
ام مرام بصدمه / شلون جايه وهي تعيبانه
عبد الله بابتسامه / البارح صحت واليوم كتب لها الدكتور خروج وانا جيت انتظرهم هنا
نزلت دموع ام مرام وبفرح / يالله لك الحمد الي رحمت امها ورديتها لها
عبدالله بجديه / الحمدلله
سمعو صوت الباب
وقفت ام مرام وعبدالله الي وقف ومشى بسرعه بيستقبلهم
شاف اخته الي ساندها صقر واضح عليها التعب والارهاق وديما وراهم تبكي بصمت قرب من اخته وباس راسها
عبدالله بتاثر / الحمد لله على السلامه يام وقطع كلمته
طالعته منى بنظرات كلها وجع وحرقه / راح وليد و ما بقى لي الا الوجع والحرقه
نزلت دموع عبد الله وباعتذار / اسف يا خوك الي اوجعتك بكلمتي
ماصار يسمع الا شهقاتها الموجعه اخذها من يد صقر وحضنها بحنان
عبد الله ودموعه تنزل بحراره بحنان / تعالي ادخلك غرفتك ترتاحين فيها
ام مرام اطالعهم متاثره من الي تشوفه ماعندها كلام يواسي او يخفف على بنت اختها شافت عبدالله يدخلها غرفة امه
دخلها عبدالله الغرفه وسحب عباتها وشيلتها ونقابهاورماها على جنب وقربها من سرير امه وسدحها عليه
غطاها بالحاف وجلس على طرف السرير وبحنان / قولي معي اللهم اجبرني بمصيبتي واخلف لي خيرا منها
قول ياخوك والعوض عند ربك كبير
منى بصوت كله شهقات / اللهم اجبرني وصارت تبكي
عبدالله برجاء / كملي
منى بصوت باكي / اللهم اجبرني بمصيبيتي واخلف وصارت تشاااهق / خيرا منهااا
عبدالله بحنان / تبيني ادخلك الحمام تتوضين ولا انادي بنتك
منى بصوت باكي موجع / اقدر اقوم
وقفت منى وسمعت صوت اخوها / لا تقفلين الحمام وانا بنتظرك هنا
دخلت وتوضت وهي متجنبه تشوف وجها طلعت شافت اخوها جالس
وقف عبدالله واخذ سجادة امه وبسطها ومد لها شرشف الصلاه / صلي ركعتين وربي بيشرح لك صدرك
اخذت منه الشرشف ولبسته بعشوائية وهو قرب منها وغطى خصل شعرها الي طلعت وكبرت وبدت تصلي
شافها بدت تصلي طلع الحين هي واقفه قدام ارحم الرحمين ومتاكد انها لخلصت صلاتها ومناجاتها مع رب العالمين بترتاح
طلع شافهم مثل ما تركهم
قربت منه امه وبصوت باكي / نامت اختك
عبد الله بضيقه / تركتها تصلي وباذن الله بعد الصلاة بترتاح
كانت ديما بتدخل عند امها مسكها عبدالله وبحنان / خليها تصلي وتبكي براحتها ما تحتاج منكم شفقه عاملوها طبيعي علشان تنسى
سحب ديمه معه وجلس على الكنبه وجلسها جنبه وبضيقه / ديما امك عايشه بضياع وفراغ بعد عيالها حاولي تملين الفراغ الي تركوه اخوانك
ديما تهز راسها بالموافقه وهي تبكي
ام مرام بصوت باكي / الله يخليكم لها وتعوضونها عن الي فقدتهم
ام صقر بصوت باكي / امين
التفت عبدالله يدور بعيونه عن اخوه / وينه صقر
ام صقر بصوت باكي / طلع
وقف عبدالله و بجديه / بطلع اشوفه يمكن بالمجلس اذا دخلتو عندها عاملوها عادي اخفو تاثركم واحزانكم عنها هي ماحتاجه قوتكم
ام صقر بصوت باكي / ان شاء الله
دخل عبدالله قسم الرجال شاف اخوه بالمجلس جالس يبكي لما حس بدخول عبدالله كابر ومسح دمعته
صقر بصوت مبحوح / شلونها الحين
جلس عبد الله بحزن / ان شاء الله بخير
صقر بصوت مبحوح / الي صار لها صعب يبرى والي شفته منها ما يطمن
عبدالله بجديه / مدامها حيه بوسطنا كل شي بيرجع احسن من اول
صقر بصوت مبحوح / الدكتور طلب نعالجها عند دكتور نفسي
عبدالله بجديه / ماقالك عن دكتور نقدر نروح له
صقر بجديه / بسال تركي اكيد انه يعرف
عبد الله بجديه / مع اني ضد الدكاتره النفسين الي همهم مص الفلوس بدون فايده
صقر بصوت مبحوح / وانا مثلك لكن مدام علاجه عندهم ماتهم الفلوس
عبد الله بجديه / خلنا ناجل الدكتور النفسي ونبداء بعلاجها بالقران وهو شفاء لكل عله
صقر بجديه / الا بذكر الله تطمئن القلوب
وقف عبدالله / بدخل اشوفها
دخل عبدالله شاف امه وخالته بالصاله قرب منهم / وينها ديما
ام صقر بجديه / طلعت لغرفتها
تركهم ودخل غرفة امه شاف منى منسدحه على السجاده ولافه نفسها مثل الربيانه قرب منها تامل وجها الي كل دموعه ومن تنفسها واضح انها نايمه شالها بحنان وحطها بسرير امه ولحفها وقفل النور وطلع
طلع لصاله وجلس مقابل امه وخالته وعيونه على امه الي تمسح دموعها / تطمني يا لغاليه نايمه واذا قامت باذن الله بتكون احسن
ام صقر بصوت باكي / اختك معاد تنشاف من الضعف
عبد الله بجديه / يمه شغلو عندها سورة البقره والغرفه مانبيها تخلى من ذكر الله ومع القران بتتعافي
ام صقر بصوت باكي / ان شاء الله
وقف وبجديه / برجع لنايف واذا بغيتو شي كلموني
عند ركان
بمكتبه وتفكيره عند الغرفه الي جنب غرفته
وقف بيمر عليها تعود يناديها ويشوفها واليوم ما شافها من ملك ماشافها الا بالشغل ومتغطيه عنه
قرب من الغرفه وكانت اصواتهم عاليه ابتسم من الحوار الي بينهم
عند شوق
جالسه بمكتبها طفشانه
شوق بطفش / صبي من قهوتك شكل الوظيفه خلتني ادمن قهوه
ساره بابتسامه / والله الفضاوه الي خلتنا نشرب قهوه وشاهي ونقشر حب
شوق بطفش / مو هذا الي ابيه
ساره بمزح / احمدي ربك انك تتحركين من مكتبك وتروحين لمديرك مو انا مديري مدري وين اراضيه شكله فصل
شوق بحقد / يهالحركه الي كلها هاتي وسوي متاكده انه بيطفشني و يبيني اترك الشغل لكن بعيد عنه انا شوق وقد التحدي
عند ركان
في نفسه / هين يا شوق ماكون ركان اذا ما خليتك تترجيني علشان تتركين الوظيفه واسلوب الخدمه ما ينفع معك من بكره بجيب لك الطريقه الي بتحشك
رجع لمكتبه وارسل رساله على جوال شوق
عند شوق
رفعت جوالها الجديد شافت رساله من رقم ركان
شوق بحقد / جبنا سيرت اللقط جانا ينط هذي رساله من الغثيث
ساره بابتسامه / وانتي الصادقه الاجودي عند ذكره
فتحت الرساله وبفرح / ابشري بنطلع البيت لانها اوامر الغثيث
ساره بصوت عالي / الله يطووووووووول بعمره ويطلعنا كل يوم الساعه 10
عند ركان
سمع كلام ساره وبداخله يضحك على هبالها الي شافه بالايام الي اشتغلت فيها
ركان بابتسامه / ياليتك عندي يا صقر وتشوف خبال حرمتك
المهبولات ما يدرون ان كل الي يقولنه يوصلني وبابتسامه / على الاقل لقيت شي يسليني عن قرف الشغل
عند سميه
بعد ما صلت الفجر بغرفتها ترتب دواليبها بعد ماخلصت شافت الساعه 9
سميه بجديه / جاء وقت الزياره بروح اشوفك يا منى جعل ربي يردك لنا عاجلن غير اجل
دخلت الحمام اخذت شور ولبست ونزلت ركبت السياره وطلبت من السواق يوصلها للمستشفى
بعد نص ساعه وصلت عند غرفة منى
طقت الباب وانفجعت وهي تشوف السرير خالي ومرتب حست رجولها تنتفض من الرعب ركضت لغرفة الدكتور ودموعها تنزل
فتحت الباب بقوه وبصوت كله خوف / دكتور منى وينها ليكون
وصارت تشاهق
الدكتور بابتسامه / الحمد لله على سلامة صديقتك وبدال ما تفرحين لها تنوحين
سميه بصدمه / شلون افرح فهمني الله يخليك
الدكتور بابتسامه / بدال لا تزورين صديقتك بالمستشفى بتزوريها بالبيت
سميه بصرخه فز منها الدكتور / طلللللللللللللللعت
الدكتور بجديه / البارح بالليل صحت واليوم اصرت تطلع وطلعت
سميه حست الراحه رجعت لها / وصحتها شلونها
الدكتور بهدوء / وضعها الصحي بخير ومافي أي مرض عضوي لكن مرضها نفسي والدليل انها متحمله النوم كل هامده
طلبت من اخوها يعرضها على دكتور نفسي بسرعه قبل لا تطور حالتها
سميه طول الوقت تبكي وتشاهق ماتدري فرح برجوع منى ولا تاثر لحالتها
بعد ما خلص الدكتور كلامه طلعت وطلبت من السواق يرجعها للبيت وبتاجل زيارة منى لبكره
عند ام سالم
كانت جالسه تفطر انصدمت بصوت الباب الي انفتح بقوه شافت تركي وجه اسود واضح عليه العصبيه
وقفت ام سالم خوف من شكل ولدها
ام سالم بخوف / وش صار
تركي يقرب من امه بعصبيه / الصايعه بنت ابليس رافعه علي قضيه بتسحب العيال مني وفوقه مشتكيه تبي كل املاكي بتعيشني على الحديده
جلست ام سالم بهدوء / خوفتني ضنيت وراك شي طلعت بس هذي سالفتك
تركي بعصبيه / احر ماعندي ابرد ماعندك تعرفين اش معنى اني اروح لشرطه معناته اجيب شوشره لسمعتي واصير علكة بفم الي يسوى والي ما يسوى وكله من هالصايعه
ام سالم بهدوء / وحل كل هذا عند امك وبنقلب السحر على الساحر وبدال ما تاخذ نصيبك ناخذ نصيبها ونقضبها الباب
قرب تركي من امه / وش الحل الي عندك
ام سالم بهدوء / اجلس وبقولك
تركي جلس وبلهفه / قولي الحل الي عندك
ام سالم ببرود / تتزوجهاااا
تركي صرخ بعصبيه / ما عندكم سالفة الا تزوجهاااااااا ياعالم ما دانيها
ام سالم بحقد / علشانك ما تحبها وتكرها لازم تتزوجها وتقهرها
واذا على العيال بتصير خدامه لهم وبدال ما ندفع للخدامه هذي ببلاش وفوقه هي تدفع لنا
تركي بضيقه / يمه ماقدر اتزوجهاااااااا ماقدر لما اسمع اسمها واتذكر الي صار بفرنسا تشب داخلي نار ما تنطفي افهمي يمه صعب الي تطلبين صعب
ام سالم باصرار / بتقدر واذا ماتبي تشوفها لا تشوفها وبيتها لا تدخله وهذا عذاب لها وهذا المطلوب
تركي بحقد / والله اني كاره شوفتها لاني ماضمن نفسي لشفتها يمكن اذبحها واخذ فيها اعدام
ام سالم بحقد / منت بشايفها وزواجك منها مراح يطول بناخذ منها الي نبيه وبعدها نرميها رميت كلاب
تركي بضيقه وبتهرب / نسيتي ان زواجي من بنت مساعد ما بقى عنه شي وبروح لابوها وبقوله الموعد
ام سالم بعصبيه / لاحق على مساعد وبنته
تركي بضيقه / الظروف الي مرينا فيها اخرتني عنه والحين بيتوقعني هونت
ام سالم بعصبيه / قبل لا تملك على بنت مساعد تكون مالك على اميره
تركي / ههههههههههههه يمه وش شايفتني بتزوجيني ثلاث بنفس الوقت
ام سالم بجديه / انت المستفيد اول وتالي
تركي بنفسه / وش بستفيد من زواجي من المجنونه ولا من اميره
وطرت في باله فكره ابتسم لها / والله جتني على ما اتمنى والمجنونه بتاخذ حقي منها وبتذبحتها وعذرها مجنونه لكني انا لذبحتها اخذت فيها اعدام وياليتها تستاهل
ام سالم بسخريه / انهبلت تبتسم لحالك
تركي وقف / لا تحطين في بالك والاسبوع الجاي ملكتي على بنت مساعد وقبله بتزوج الصايعه
ام سالم بعصبيه / واميره متى تتزوجها
تركي بضيقه / لا تحنين على اميره اميره من زمان طابت نفسي منها واذا بتزوجها علشانك وعلشان ولدها الي مادرت عنه
مشى تركي قدام امه وقبل لايطلع / شوق رجعت
ام سالم بقهر / مدري عنها
تركي بجديه / للحين على زعلكم
ام سالم بضيقه / ايه
تركي بابتسامه / اجل شكل زعلكم بيطول
وكمل بسخريه / بطلع لها اخطب امها منها
ام سالم بحقد / حط في بالك انك تقنعها
تركي بابتسامة سخريه / البنت عارضه امها علي وحذفتها بحلقي
ام سالم بفرح / زيييييييييييين روح لها وانا بنتظرك هنا لا طول علي
تركي بجديه / ابشري
عند شوق
جالسه مع عمتها وداخلها طفش
شوق بضيقه / سارونه عاجبك شغلنا صايرات نهش ذبان
ساره بابتسامه / احد يلقى الراحه ويعافها
شوق بقهر / وينه الاكشن لي كنت احلم فيه ابي طخ وطيخ مو خدامه لحضرة الغثيث
ساره باعجاب / والله انك محضوضه فيه وظلمتيه يومك مسميته غثيث
شوق بعصبيه / يالي ما تستحين تتغزلي فيه قدامي
ساره بابتسامه / ما قلت الا الصدق رجوله وفوقه جمال ومنصب وانتي كل ماشفتيه قلبتي خلقتك وسمعتيه كلام يغث لو حلال كان اخذته منك
شوق بسخريه / ليه ما تاخذين صديقه تراه احلى منه بكثير
ساره بتنهيده وبمزح / وينه صديقه من توظفت وهو هاج كانه خايف اني افتنه
شوق بابتسامه وبسخريه / لا تصدقين عمرك الرجال شكله لمح خشتك واستقال من الوظيفه
ساره بابتسامه / وناسه اذا استقال حلوه الحياة بلا مدير
ورفعت حاجبها لشوق / وانتي اكبر دليل صاير على قولتك شغاله لمديرك زين ما يخليك تلبسينه الجوتي والشراب
قطع عليهم طق الباب دقائق انفتح شافو تركي
تركي وعيونه على شوق / تعالي ابيك
وبعدها طلع
وقفت شوق وبا بتسامه / بروح اشوف عمي الله يستر
طلعت ووصلت لغرفة تركي المفتوحه دخلت شافته جالس على طرف سريره قربت ووقفت قدامه
تركي بجديه / اجلسي
جلست وبجديه / خير عمي
تركي بجديه / بتمم موضوعك الي طلبتيه مني امس
شوق بابتسامة فرح / وافقت تتزوج امي
تركي بقرف / ايه وابي املك عليها بسرعه
قربت شوق وحضنت عمها وبفرح / جعله مبارك وصدقني مراح تندم انك تزوجت امي
تركي بحقد / خلينا من موشح المديح بامك وتركي الضامي لخطب ما ينرد وصلي كلامي لامك
شوق منقهره من غرور عمها لكنها متلهفة للموضوع اكثر منه تبي تنهي هالمشاكل وترتاح
بهدوء / امي لك يا عمي وهذا وعد مني
تركي بحقد / اجل بعد التحاليل الملكه
شوق وقفت / الحين طالعه لها وماني راجعه الا وانا جايبه معي الموافقه
تركي بحقد / بتوافق يا شوق ولا مراح يحصل طيب انتي الي خليتيني اتنازل لامك ويويلها لرفضت فاهمه
شوق بقهر / ليش الغرور والتسلط واحلف لك انك بتندم على كلامك الي تقوله بامي
تركي بقهر / اطلعي لامك والصباح تسوي التحاليل وبالليل الملكة
طلعت شوق من غرفة عمها بدون ماترد على كلامه
دخلت غرفة ساره وداخلها فرحانه انها قربت الحبيبه لعمها لكنها خايفه تكون ظلمت امها
لكنها متاكده مستحيل امها تلقى احد يحبها كثر عمها واكيد عمها الي بيعالج جرحها من ابوها
سار تفاجئت من سرحان شوق من دخلت تكلمها وهي ماترد صرخت / شوووووووق
طالعتها شوق بحزن / عمي وافق يتزوج امي
ساره بجديه / هذا الي تبينه ليش زعلانه
شوق نزلت دمعه / خايفه على امي من عمي
قاطعتها ساره بجديه / انتي السبب قربتيهم من بعض وانا ضامنه لك ان تركي بيجرح ويعذب امك ويا ليت مدامنا بالبدايه تتراجعين عن الي براسك
عيونها على ساره وبصدق / المشكله انك منتي فاهمه شي
ساره بجديه / وش الي مو فاهمته
شوق بتهيده / عمي يحب امي ويعشقها والي يحب مستحيل يعذب الي يحب مهما سوى
ساره / هههههههههههههههههههههه تركي يعشق امك ويحبها بعمره ماكره كثرها والدليل جلستكم عندنا
شوق بابتسامه حزينه / مو قايله لك منتي فاهمه شي عمي عشقه لامي بيذبحه وانا بقربه منها والباقي عليه
ساره بجديه / والله لو قال لي تركي انه يعشق ويحب امك م اصدقته اكيد تركي مسوي هالشي علشان تقربينه من امك وينتقم منها
شوق بابتسامه / لشفتي امي بتفهمين الي اقوله
ساره بحماس / متى اشوف امك
شوق بجديه / اذا ملك عليها عمي خليتك تشوفينها
ساره بطفش / شكلنا مطولين
شوق بجديه / عمي يبي الملكه بسرعه يعني يا بكره يا بعده
ساره بجديه / مدامه مستعجل ناوي على امك نيه مهببه
تذكرت ساره امها / ما تدرين امي درت بجنانك انتي وعمك
شوق ببرود / امك من بعد الي صار ما تكلمني وانا وش علي عمي وامه يتصافون اهم شي يصير الي ابيه
اخذت عباتها المعلقه ولبستها
ساره بستغراب / وين طالعه
شوق بابتسامه / بروح لامي اقول لها عن خطبت عمي وادعي من قلبك انها توافق مابي استخدم معها الحيله
ساره بجديه / لو اني بمكان امك لو تركي وزني بالذهب ما وفقت وهي ماشافته ماسلمت منه شلون لصارت قريبه
شوق بثقه / متاكده عمي بينخ لامي ويتغيرررر كثير وبيحميهااااا حتى من نفسه
ساره بسخريه / روحي لامك شكل فيوزاتك ضربت
شوق بثقه / بتشوفييييييين وبتقولين صدقت شوق
طلعت شوق نزلت شافت جدتها تحت قربت من جدتها كالعاده باست راسه وام سالم صدت عنها
شوق بجديه / طالعه لامي واذا تاخرت بنام عندها
طلعت وهي متاكده ان جدتها مراح ترد عليها
عند تركي
نزل شاف امه جالسه مثل ما تركها قرب من امه وجلس
ام سالم بجديه / بنت اخوك راحت لامها
تركي بحقد / راحت للعلة امها تقول لها عن الخطبه
ام سالم بجديه / يمكنها ترفض
تركي بحقد / تركي ما ينرفض وان فكرت ترفضه بتندم على الساعه الي قالت مابيه
ام سالم بسخريه / الي يسمع كلامك يصدق انك متلهف على الزواج
تركي بحقد / تبين الصراحه اكره معلى قلبي زواجي منها لكنك انتي زينتي لي الموضوع واي شي يضرها وينكد عليها يسعدني ومدام زواجي منها بيرجع كل شي اخذته بتزوجها وتحلم تشوفني وبيتها اموت ولا ادخله
ام سالم بسخريه / اخاف معاد نشوفك وتصير زوج بحق وحقيق
تركي بقرف / تخسسسسسسسسسسسى حدها شغاله لعيالها وخدامه لبنت مساعد
ام سالم بصدمه / بتسكن بنت مساعد عندها
تركي بابتسامه وحقد / ايه
ام سالم بصدمه / وانك منت بداخل بيتها ولا ناوي تهجر بنت مساعد وتنفيها عند بنت بليس
تركي بتهور / بنت مساعد هي الي بتفكنا منها
ام سالم بستغراب / شلون بنت مساعد بتفكنا منها
وقف وبتهرب / بعدين بتعرفين لتزوجتها وجبتها هنا
ام سالم بجديه / متى الزواج
تركي بجديه / الاسبوع الجاي بسوي الملكه ولزواج بفندق وعلى الضيق
ام سالم بعصبيه / واحنا مالنا حضور ولا متبري من وجودنا
تركي بيمتص عصبية امه / مابي اتعبكم واذا بتسون حفلة سويها لبنت اختك
ام سالم بفرح / اذا كذا كيفك سو الي تبيه مدامك بترجع ام ياسر الي بسوي لها حفله كل اهل الرياض يحكون عنه
تركي / براحتك
ام سالم بحقد / وبنت بليس منت بمسوي لها عرس
تركي بحقد / حدها ملكه وتحلم يصير فيه عرس لاني مستحيل ارضى فيها عروس
ام سالم / افهم انك منت بداخل عليها
تركي بقرف / دخلها جني حدها ملكه وبعده ما رجع حقوقنا بطلقها
ام سالم بفرح / زين تسوي
تركي بحزن / اصلن ناصر الله يرحمه بوصيته طلب اني مادخل عليها
ام سالم بحزن / الله يرحمه
لنا لقاء باذن الله
اختكم نسايم نجد
25-02-12, 09:25 PM
جديد مواضيع قسم الارشيف
العرض العادي
