الغوالي الي مو عاجبهم حال تركي اقو لهم العشق مايعرف قوي وضعيف
حبه لنوف يعتبر عقوبه بيدفع ثمنها وبتزيد لكتشف هوية الحبيبيه
حابه اوضح نقطه مهمه / تركي مازال معتز بكبريائة والدليل انه مقهور من نفسه ان شوق كشفته وزاده قهر انه ضعف قدام اخته
الي يصير فيه غصبن عنه وياما سمعنا عن قصص العشاق الي عشقهم قتلهم
تركي بينتقم من زوجة ناصر وبيكره نوف فيه اكثررررر وبالمقابل يزيد حبه وتعلقه فيها اكثر
اعترف ان نوف شخصيتها ضعيفه ما فادها دروس مها وشوق استمدت قوتها من ضعف امها
يمكن شخصيتها تتغير مع الوقت
منى وساره وديما وسميه يقاسمونها البطوله لكل وحده منهم حياتها مع الشخص الثاني وبيكون هناك مد وجزر
مابي اتكلم اكثر واحرق الروايه
والاخوات الي ينتقدون كتابتي التفاصيل الصغيره
لا اخفيكم حاولت كثير اتجاوز عنها لكن اثنا كتابتي لروايه اكون مع ابطالها وعيش معهم وابيكم تعيشون معهم باصغر تفاصيلهم
الرجاء عدم طمر السطورررررر
البارت الستون
عند تركي
رفع جواله واتصل على الاسعاف وعيونه على صديقه المنهار من البكي
بعد ربع ساعه جت الاسعاف وشالو ضاحي
طلع تركي وراء ضاحي الممد على السرير
وركان دخل بخطوات سريعه بيلبس وبيلحق بابوه
قبل لا يطلع فوق التفت لصاله شاف نوف تبكي بحرقه
عند نوف
شافته ركضت له ووجها كله دموع
وبصوت باكي منهار / بروح معكم
ركان بصوت باكي / ابوي مات وانتي ما يجوز احد يشوفك
نوف صارت تشاهق من البكي / يعني ضاحي راح مثل ماراح ابوي
ركان بصوت باكي / يا بنت الحلال الي فيني يكفي لا تزيدنها علي
مشى من قدامها وصوت بكاها يغطي المكان
دخل غرفته وصار يبكي بنحيب فتح الدولاب ولبس على السريع ونزل شاف نوف مثل ما تركها واقفه منهاره
قرب منها بحنان وسحبها وجلسها على الكنبه
على كل الحزن الي هو فيه لكن قلبه موجعه عليها وما يقدر يطلع ويتركها وراه منهاره
رفع جواله وارسل رساله لشوق
بعدها طلع من البيت وتركه مفتوح لشوق
ركب السياره جنب صديقه وعيونه على سيارة الاسعاف الي فيها جثت ابوه صار يبكي ويشاهق
وتركي منحرق على صديقه لكنه خلاه يبكي على راحته هو جرب موت اعز ناسه حرك سيارته بهدوء
عند شوق
كانت متمدد على سرير بغرفة ساره سمعت نغمة الرساله
شافت رقم الغثيث عفست وجها و فتحت الرساله وفزت واقفه
شافتها ساره وخافت من شكل شوق
ساره بخوف / وش فيك نقزتني ونقزتيني معك
شوق بضيقه / امي بحاجتي لازم اطلع لها الحين
ساره بجديه / من بيسمح لك تسافرين للجنوب
شوق بضيقه / امي بالرياض وزوحها مات
ساره بحزن / الله يكون بعونها تبيني اروح معك
شوق وهي تلبس عباتها وبحرقه / لا ماني ناقصه سوالف جدتي
ساره بتاثر وحزن / اتصلي علي طمنيني على امك الله يكون بعونها بسنه ترملت مرتين
شوق اخذت الجوال
واتصلت على اخوها الي كان نايم
عند سالم
سمع صوت جواله وشاف رقم عمته استغرب
سالم بصوت نايم / هلا ساره
شوق بضيقه / سالم اصحى ابيك تاخذني عند مي
فز سالم من نبرة اخته / امي صايرعليها شي
شوق بضيقه / زوجها مات والحين اكيد انها منهار ه
سالم بصرخه فرح فز منها ثامر / الشااااااااايب مات
شوق بضيقه / ايه
سالم بجديه / انتظرك
قفل من اخته ما يدري يفرح لموت ضاحي ولا يحزن على حال امه اخيرا امه صارت حره
طالعه ثامر وبستغراب / وش صاير
سالم براحه / مثل ماسمعت زوج امي الشايب مات
ثامر بجديه / اشوفك كانك فرحان
سالم براحه / اكذب عليك لو قلت لك لا
زواجها كان خانقني والحين زال
ثامر بعصبيه / وش هالكلام فيه احد يفرح بالموت لو كان لعدوه
وقف سالم بدون ما يرد على صديقه لبس وطلع شاف شوق واقفه بالحوش
وصلو لبيت ضاحي شافو الباب مفتوح دخلت شوق بخطوات سريعه فتحت غرفة ضاحي ما شافتها دخلت الصاله شافتها بفستانها وجها منحاس من كثر الدموع قربت من امها وجلست جنبها
وسالم قرب من امه وجلس جنبها وسحبها لحضنه
سالم بحنان / يمه الله يخليك لا تبكين
نوف بشاهق / ابوي مات
شوق تمسح على ظهر امها بحنان / هذا يومه
رفعت راسها وعيونها بوجه ولدها وبصوت باكي / صرت يتيمه اول مره كنت صغيره ماحسيت لكن الحين موت ضاحي حرقني
سالم بحنان / يمه يمكن موته خيره لك ولنا
نوف بنحيب / ادري انكم فرحانين بموته ضاحي
ضاحي ابوي الي فرحت برجعته وماكملت الفرحه ماااااااااات وتركني
شوق ودموعها صارت تنزل على خدها بحراره / يمه احنا نغنيك عن ابوك وزوجك
نوف بصوت باكي / ماحد بيكون مثل الابو الابو امن وحمايه مات ابوي وانا صغيره وضعت بعده والحين وش بيصير فيني
سالم بحنان / يومك صغيره ماكنا حولك الحين ياويله لو احد قرب منك لا تقولين صغار ما يقدرون يدافعون عني من اليوم ورايح انا ارجال الي بيحميك من الكل
نوف بصوت باكي / وبتحميني من اهلك يا سالم
سالم برجوله / واحميك من نفسي بعد اذا بتضرك
شوق وقفت ودخلت المطبخ صلحت لامها عصير ليمون
رجعت لمكانها وسحبت امها من حضن سالم ومدت لها الكاس وبحنان / علشاني اشربي العصير
وقفت نوف بحرقه / بدخل غرفتي اغير لبسي مكتوب علي اعيش ارمله مرتين
مشت وهي منكسره ومجروحه دخلت غرفتها وشافت سرير ضاحي فاضي صارت تبكي بصوت عالي
عند شوق وسالم
سالم وقف / انا طالع بوقف مع زوجك
وانتي اجلسي عند امي وحاولي اطلعينها من الي هي فيه
طلع سالم وشوق وقفت ودخلت غرفة امها شافتها تبكي
ماعندها خبره بها لامور محتاجه احد كبير يوقف معها
طلعت من الغرفه ورجعت لصاله فتحت شنطتها واخذت جوالها واتصلت على مها
عند مها
كانت سهرانه مع سميه سمعت صوت جوالها
طالعت بالساعه شافتها 3
مها بخوف / اللهم اجعله خير من الي بيتصل علي بهالحزه
سميه بجديه / ردي شوفي من محد بيتصل عليك هالوقت الا فيه شي ضروري
وقفت مها ومشت لين وصلت عند الطاوله اخذت جوالها شافت رقم شوق حطته على اذنها
مها بخوف / هلا شوق
شوق بصوت مخنوق / خالتي محتاجتك
مها بخوف / وش فيك وش الي صاير عندك
شوق بضيقه / انا عند امي زوجها مات وهي منهاره
مها بصوت عالي وبصدمه / زوجها مات متى
شوق بضيقه / توه ميت ومتصله عليك محتاجتك تعرفيني ماعرف بهالسوالف ابيك تجين وتوقفين معها
مها بضيقه / الحين جايتكم
شوق برجاء / الله يخليك لا تتاخرين قلبي موجعني على حالها
مها بجديه / الحين جايتكم
قفلت من شوق وكلها ضيقه سمعت صوت سميه
سميه بقلق / من الي متصل ومنهو الي مات
مها وعيونها / نوف زوجها مات الظاهر مكتوب عليها الحزن
وقفت سميه وبحزن / لا اله الا الله بروح معك
مها بجديه / بطلع لغرفتي البس وبنزل لك
دخلت مها غرفتها غيرت لبسها ولبست عباتها ونقابها ونزلت شافت سميه واقفه عند الباب تنتظرها
طلعو من البيت وصلو لبيت ركان كان الباب مقفل دقت الجرس
عند شوق
كانت واقفه اطالع امها المنهاره سمعت صوت الجرس ركضت للباب
فتحت عرفت مها لكنها ماعرفت سميه
شوق بصوت باكي / خالتي امي بغرفتها منهاره
دخلت مها ومعها سميه بدون ماترد على شوق
دخلت الغرفه شافت نوف دافنه راسها بالمخده تبكي بنحيب قربت منها وبحنان مسحت على ظهرها
مها بحنان / عظم الله اجرك
نوف صارت تنتفض من البكي بدون ما ترفع راسها
سميه واقفه اطالعهم وجنبها شوق
مها بحنان / اذا زوجك مات احنا لك
كان رد نوف لها استمرارها بالنحيب
جلست مها جنبها وسحبتها من المخده وحطتها بحضنها وبحنان / ما اقدر امنعك تبكين او تحزنين عليه لكن اطلبك ارحمي نفسك
شوق التفتت لسميه وشافت وجها الغرقان دموع
شوق باحراج / تفضلي اجلسي
سميه وعيونها على مها ونوف متاثره من نحيب نوف الي ذكرها بالماضي وفقدانها لاحمد
مها رفعتها بالغصب وشافت وجها المتورم من كثر البكي
مها بحنان / قومي اغسلي وجهك وموت زوجك لازم يقويك بدال ما يضعفك
نوف بصوت كله نحيب / من بيحميني بعد موته
مها عصبت و انفضتها بقسوه / اصحي الي مات شايب طايح ما يقدر يحمي نفسه لا تدورين الحماية من غيرك الضربه الي ما تكسرك اتقويك وهذا الي بيصير لك وغصب عنك
شوق بعصبيه / خالتي شوي على امي ما تشوفينها شلون منهاره
مها بعصبيه / قلنا زوجها مات وامنا بالله الا انها تقول انها ادور الحمايه من شايبن طايح هذا الي ماقدر اتحمله
امك تعودت على الي يطبطب عليها ويمسح عليها امك لازم تصحى من الضعف والاتكال الي هي فيه
وبصرخه فزت منها سميه وبقسوة / انتتتتتتتتتتي قويه فاااااهمه قويه لاموت الشايب او غيره بيضعفك والله يا نوف لو شفت هالدموع مره ثانيه اعتبري اخر مابينا ومتبريه من صداقتك لاني ما احتاج لضعفك
نوف مسحت دموعها / تتبرين من صداقتي يامها
مها بقسوة / ايه وبنسى ان لي صديقه اسمها نوف
نوف مسحت دموعها وحاولت توقف عن البكي وبصوت مخنوق / لكن انا مستحيل اسمح لك تنسين صداقتنا
مها بعصبيه / اثبتي لي انك شاريه صداقتنا
نوف بصوت مخنوق / بثبت لك بعدين لكن لا تمنعيني ابكي ابوي الي مات
مها بعصبيه وبقسوة / ابوك مات من 21 سنه والي مات بعمره ماكان ولا راح يكون ابوك
شوق مستمعه وعاجبها كلام مها حتى هي ماحتاجه ان امها تصحى من الضعف الي هي فيه
سميه واقفه عاجزه عن الرد معرفتها الجديده لنوف مايعطيها الصلاحيه تدخل بين الصديقات
وتمنت انها ماحضرت ولا شافت الجو المشحون كانت جايه على اساس توقف مع نوف بمصيبتها
كانت ضد تصرف نوف وانهيارها المبالغ فيه علشان زوجها الشايب الي ماعرفته الا من ايام ومتاكده ان موته خيره لها علشان تعيش حياتها بدون ما تدفن نفسها مع الشايب مشت بهدوء ودخلت الصاله وجلست
عند سالم
مستمر على حاله يبكي بحرقه على اخوه ناصر سمع صوت اذان الفجر
التفت شاف هيا نايمه وقف دخل الحمام توضاء ولبس وبعدها طلع من غرفته مر غرفة اخوه دخلها شافها مرتبه
سالم بعصبيه / هذا وينه فيه من المغرب ماشفته
طلع وسكر الباب وراه
مر جنب غرفة اخته شاف نور الغرفه شغال فتح الباب شافها متسنده على السرير اول ماشافته اعتدلت بجلستها احترام له
سالم بابتسامه / وش فيك ما نمتي
ساره لاحظت تورم وجه اخوها وبجديه / سالم وش فيه وجهك
سالم بضيقه / وش فيه
ساره بشك / ليش عيونك حمراء ووجهك منفوخ كانك باكي
سالم بارتباك / وش هالكلام وش بيبكيني
سارة بشك / ابو سعود وجهك كاشفك
سالم بضيقه / لا تتوهمين الي تشوفينه بوجهي من كثر الرقاد
ساره بابتسامه / اجل لا تكثر الرقاد الي مخلي وجهك يخرع
سالم بابتسامه / تامرين عمتي الا وينها شوق
ساره بارتباك / عند امها
دخلت عليهم ام سالم وسمعت اخر كلامهم
ام سالم بعصبيه / منهي الي عند امها
ساره بخوف وارتباك / شوق
ام سالم بعصبيه / عند امها وهالمره مع من مسافره
ساره بارتباك / امها بالرياض
ام سالم بعصبيه / تحسبها سايبه تجي الرياض وتسحب عيالها واحد وراء الثاني
سالم بعصبيه / العيال لامهم وما يفرقهم عنها الا الموت
ام سالم وعيونها على ولدها وبعصبيه / مالها عيال عندنا وجودها بحياتهم خطر عليهم
سالم بعصبيه / وش هالكلام هذي امهم رضينا ولا ما رضينا
ام سالم بعصبيه / اشوفك ترفع صوتك على امك
سالم بحرقه / تعرفيني اطاوعك بكل شي الا الظلم واخذك لعيالها قمت الظلم ولا تنسين ان الظلم عقوبته بالدنيا
ام سالم بعصبيه / انا ظالمه يولد بطني وتنصر بنت بليس على امك
سالم قرب من امه وباس راسها / يمه ترى دعوة المظلوم مستجابه لاتوصلينها انها تدعي عليك وتنزل فيك مصيبه وبعدها تندمين يوم معاد ينفع
ساره بتقطع الجو المشحون / زوج امها مات وراحت توقف مع امها
ام سالم بحقد / ياليتها هي الي ماتت لكن هالاشكال ما تموت الا بعد ما تموت كل الي حولها
سالم بعصبيه / لاحول ولا قوة الا بالله بدال ما تروحين تعزين ام عيال ولدك وتوقفين معها بمصيبتها تتمنين لها الموت وبتيتمين عيالها
ام سالم بحقد / ياجعلني احضر عزاها
سالم مخنوق من كلام امه ومعاد يقوى على مجادلتها لان الي فيه كافيه
مشى من قدام امه وغصب نزلت دموعه
سالم في نفسه بصوت باكي / اااااااااااه يمه ياليتك تدرين عن حقيقة ولدك يمكن ترحمين هالمسكينه الي فيها من المصايب مايكفيها
ماضنتي يمه بتتحملين حقيقة ولدك اكيد بتروحين فيها اااااااااااااااه يارب قدرني على حفظ هالسر وساعدني ارفع الظلم عنها
عند ام سالم
طالعت في بنتها وداخلها بينفجر من العصبيه
ام سالم بعصبيه / ليش مامنعتي بنت اخوك لا تروح لامها
سار بخوف / ليش امنعها وهي رايحه لامها
ام سالم بعصبيه / اذا منتي قادره تمنعينها كانت قومتيني امنعها واكسر راسها
ساره / ...........
طلعت ام سالم من غرفة ساره وهي تغلي قهر من نوف ومن شوق
عند تركي
بعد ساعتين رجع للبيت شاف امه جالسه بالصاله
قرب من امه والحزن مرسوم على وجهه
باس راسها
ام سالم دفته عنها / وينك من امس ما شفناك
جلس بهدوء / موجود ماطلعت مكان
وكمل بحزن / ابو ركان مات
ام سالم بصدمه / لاحول ولا وقة الا بالله ولده يملك امس والابو يموت اليوم
تركي بضيقه / البنات وينهم
ام سالم بعصبيه وقهر / بنت اخوك راحت لامها تقول ان زوجها مات يجعلها تلحقه
تركي بعصبيه / تدرين ان بنت ولدك خططت مع وامها على زواجها من ركان واحنا مثل المهابيل قربنا بنتها عندها
ام سالم بستغراب / وش قاعد تخربط
تركي بعصبيه / تدرين منهو زوج امها
ام سالم بحقد / قول منهو
تركي بحقد / ابو ركان
ام سالم بصدمه / اش قاعد تقول وتخربط شلون وصلت عند ضاحي
تركي بحقد / هذي حقيره مايصعب عليها شي كل همها شلون تجمع وتزيد حساباتها ومافيه صيده احسن من ضاحي شايب طايح ورجله والقبر
ام سالم بحقد / لا يكون ذابحتن الشايب مثل ما ذبحت اخوك
تركي بحقد / توقعي منها كل شي الي مدخله عليها رجال ومنومته بفراشها مو صعبه عليها تقتل
ام سالم بحقد / ورثت كل حلال اخوك والحين ورثت حلال ضاحي زين لو تركت للولد شي
تركي بعصبيه وضيقه / ركان صديقي وغالي علي لكن بسبتها مستحيل اترك زواجه من شوق يتم واحقق لصايعه الي تبيه
ام سالم باصرار / زواج شوق بيتم وامها دواها عندي
تركي بستغراب / توقعتك تصرين على طلاق شوق لكن اشوفك مصره
ام سالم بابتسامه / انت ما تشوف ابعد من خشمك وزواج شوق بيكون من صالحنا وكل فلس اخذته بنت ابليس من اخوك بيرجع وفوقه حلاوة
تركي بستغراب / شوق مستحيل تكون معك على امها زين ماتاخذ منك وتعطيها
ام سالم بثقه / ماني بطمعانه بشوق الحل بيدك انت
تركي بستغراب / الحل بيدي انا شلون
ام سالم بجديه / كل شي بوقته حلو
وقف تركي / الله يستر من تخطيطك بطلع اغير لبسي وبرجع لركان وبنصلي على ابوه العصر
ام سالم بجديه / الله يرحمه كلم بنت اخوك خلها ترجع مو زينه تجلس في بيت ركان وهي للحين ما تزوجته
تركي بجديه / من بيفهم بنت ولدك الي ماتمشي الا على شورها
انا خلاص رفعت يدي منها ومالي خلق لعنادها عندك جوالها اتصلي فيها وقولي لها الي عندك
ام سالم بجديه / بسكت عنها يومين اذا ماجت جبتها بطريقتي
لنا لقاء باذن الله ما اقدر احدد اليوم والوقت لكن اذا خلصت البارت نزلته
اختكم نسايم نجد
01-02-12, 06:06 AM
جديد مواضيع قسم الارشيف
العرض العادي
