الي يسالون شلون اهل تركي مادرو عن الي صار لاهل صقر
احب اقول لكم ( الكل مشغول بحاله ام سالم انشغلت بملكة بنت ولدها وام صقر انشغلت بمصيبتهم فالمعروف ان الخبر دايم مايجي من اهل الميت
وسلطان ماندقن علشان يبداء العزاء والكل يدري
والغوالي الي راحمات تركي وانه جبل مايهده ريح ( اقول لهم للحين جبل مايهده ريح مع زوجة اخوه لكن مع الحبيبه ريشه يطيرها الهواء )
الرجاء عدم طمر السطوررررررر
البارت الثامن والخمسون
عند مرام
شافت صقر طالع دخلت وانعصر قلبها وهي تشوف منى الي كلن يتمنى نص جمالها وجها متغيره ملامحه
غصب نزلت دموعها بحراره
قربت اكثر وباست منى على خدها
ام مرام بصوت مبحوح / الشغلات وينهم
مرام بصوت باكي / جالسات برى
وبصوت باكي / ما كلمتكم
ام صقر بصوت باكي / الله كريم
مشت للجهه الي فيها ديما ووقفت اطالعهم عجزانه عن التخفيف او المواساه شكل منى يخلي الواحد غصب يبكي وينهار
عند هيا
شافت ماهر نايم طلبت من المربيه تشيله وقفت وعدلت لبسها طلعت من الغرفه كانت بترجع لصاله لكن هونت ودخلت غرفتها والصدمه ماثره عليها
تمددت على السرير وتفكيرها بهالموضوع
هيا بقهر وحرقه / حرام عليك يا ناصر ظلمت المسكينه وخليتنا نظلمها معك الي ابي افهمه ليش
الي قاهرني ان مافيها شي من كلامه عنها الي شفتها ملاك واضحه الطيبه والحنيه بوجها هذا غير جمالها الي يجلط
ابي افهم ليش قال عنها كل الكلام الي ماينقال وش كان هدفه من كرهنا لها الي اعرفه الزوج يحبب اهله بزوجته ليش هو العكس
وهي بتفكيرها وتساؤلاتها نامت
عند نوف
راقبت بنتها لين دخلت الغرفه الي مقابلتها مستغربه كل الي صار قدامها
نوف في نفسها / وش تقصد هالعجوز بالكلام الي قالته و ليش شوق زعلت يارب صبرني
وقفت نوف ما تحتمل تبقى اكثر مع العجوز / اسمحي لي خالتي بروح لبيتي
ام سالم باصرار / والله ما تطلعين الا بعد ما تتعشين
نوف رجعت تجلس مستسلمه لحلفان ام سالم
ساره بابتسامه / وش رايك تدخلين غرفتي
نوف بابتسامته / شوق تنام فيها
ساره بابتسامه / شوق تنام بغرفة امي
نوف بجديه / ليش ماطلعت
ام سالم بابتسامه / ماضنتي بتشوفين وجها بعد الي سمعته مني
نوف بحقد / اجل بدخل عندها اذا سمحتي
ام سالم بابتسامه / اكيد بسمح لك البيت بيتك
نوف في نفسها بحقد / تقولين البيت بيتي يعجوز بليس والله لو دريتي من انا طردتيني وحرمتيني اعتب بابه
نوف بابتسامة حقد / تسلمين خالتي
وقفت نوف وعيونها على ساره / ممكن تاخذيني لها
وقفت ساره وبابتسامه / حاضر
عند شوق
متمدده على سرير جدتها وتغلي من القهر كانت بتبرد حرتها بالرساله لكن قهرها زاد
شوق بقهر / اوووووووووف الحين شلون بطلع الكل مستانس وانا محبوسه كله من الغثيث جعله الموت
شافت الباب يفتح شافت امها وساره داخلات
قربت نوف من بنتها وجلست على طرف السرير
شافتهم ساره وماحبت تبقى بينهم / انا بجهز سهره لنا بغرفتي
التفتت لها نوف وبابتسامه / وش رايك نسوي حفلة رقص ونفرح بشوق
ساره بحماس / والله فكره بجهز الدي جيه بغرفتي وبعد العشا بنهضم بالرقص
شوق بقهر / ومن قال لكم اني ابيكم تفرحون وترقصون اليوم المفرض البسكم اسود بهالمناسبه
نوف صرخت بوجه شوق وبعصبيه / مدامك منتي فرحانه ليش من الاساس وافقتي ولا تبين تنكدين علينا وعلى نفسك وغصب عنك بتفرحين وبترقصين ويويلك يا شوق لو سمعت منك هالكلام
ساره واقفه ومنصدمه من انفعال نوف والي استغربته استسلام شوق لها
ساره باحراج / عن اذنكم
طلعت ساره
ونوف مدت يدها على رقبة بنتها وبجديه / هذا من شنو
حمر وجه شوق وباحراج / يمه
نوف بعصبيه / ليش كل من سال عن الي برقبتك انقلبتي احمر
شوق توقعت امها تسحب منها الكلام وباحراج / الي سواه الغثيث فيني مثل الي يسويه ابوي فيك
انرعبت نوف من كلام شوق معقوله ركان الهادي الطيب الحنون ضارب بنتها وبليلة ملكتها
تاملت بنتها وبشك / متاكده ان ركان الي سوى فيك هالشي
شوق بسخريه / لا من ابوه وبعدين يمه لا تكملينها علي انا مولعه قهر من الغثيث ولو تجيني فرصه ذبحته
وقفت نوف بقهر / ما يحتاج انا الي بوريك فيه
والحين ارمي ركان ورى ظهرك وطلعي افرحي وانبسطي
طلعت نوف وهي تغلي قهر من ركان مستحيل تسمح لشوق تعاني معاناتها مع ابوها واذا السالفه بتبدا بالضرب لازم الزواج ما يتم
عند صقر
بعد ما بارك لركان رجع للمستشفى دخل الغرفه وعيونه على اخته وقلبه موجعه اكثر على ديما الي من شافت امها وهي متمسكه فيها وتبكي بحرقه
ونجود جالسه على طرف السرير وعيونها على اختها وتبكي بصمت
قرب من ديما وحط يده على ظهرها وبحنان / دمدومه ارحمي نفسك واحمدي ربي الي رجع لك امك
ديما طالعت بخالها وعيونها منفوخه من كثر البكي وبصوت باكي / الحمد لله خالي ابيها تصحى والله لصير بنتها الي تمنتها
منى في نفسها / اااااااااااه يديما يوم بغيت حبك رفضتيه الحين انا مابي شي بهالدنيا
صقر حط يده على راس اخته / منى ارحمي حالنا ادري انك تسمعين نياحهم عليك يرضيك يرتفع ضغط امك بسبتك
خسرتي عيالك واذا رفضتي تصحين صدقين بتخسرين امك
ام صقر رفعت راسها وطالعت ولدها وعيونها كلها دموع / خف عليها يكفيها الي فيها
صقر بضيقه / يمه لك يومين لاكلتي ولا نمتي حتى علاجك نسيتيه
ام صقر بصوت / معلي خلاف اهم شي منى
صقر بجديه / اجل اطلعي معي ارتاحي والبنات موجودات يسدون مكانك
ام صقر بصوت باكي / وانا امك ما قدر اطلع واتركها الحمام غصب ادخله ما بيها تغيب عن عيني ما صدقت اشوفها بعد ما ضنيت خلاص بنحرم شوفتها
منى بنفسها تصرخ وتبكي بوجع / لا يمه لا تجبريني اصحى والله لكون بينكم ميته بدون روح وتندمون انكم اجبرتوني ارجع للحياه
ام مرام تمسح دموعها / استهدو برحمن وامك اذا تطمن على بنتها بتطلع
صقر حس رجوله تكسرت من وقوفه طول النهار
طلع برى وجلس على اقرب كرسي
عند ماجد
كان متمدد على كنبه بالصاله مايقدر يطلع ويترك البيت والبنات لحالهم وكاره انه يصحي سميه الي لها يومين ما نامت
وقف وطلع الدرج ودخل غرفة بناته شافهم جالسات ومرسوم الحزن على وجيهم متاكد انهم يفكرون بامهم الي مو راضي ينساها
قرب منهم وبابتسامه / يله تجهزو بنطلع للملاهي
البنات تناقزو فرحانات من وصلو لرياض ماطلعو
فرح لفرح بناته / يله انتظركم بسياره
طلع من غرفتهم ونزل تحت وطلب من شغالة البنات تطلع لبناته وتساعدهم بالبس
وبعدها طلع من البيت وركب سيارته
رفع جواله واتصل على صديقه الي من امس ماشافه
عند سيف
كان بسيارته شاف رقم صديقه
سيف بابتسامه / ياله حيه اشوفك اليوم ناسيني
ماجد بجديه / انت بسيارتك
سيف بجديه / ايه اكمل المشوار الي اخترب بسبت المصيبه الي شفناها
ماجد بصدمه / مسافر طيب ليش ماقلت لي
سيف بمزح / ومن قال لك اني ابيك تخاوينك صرت اتشائم منك اخاف لرحت معي نلقى مصيبه ثانيه وترجعنا
ماجد بعصبيه / الشرهه على الحمار الي متصل ويسال عنك ولا انت منت كفوووووو
سيف / هههههههههههه يابن الحلال لا تزعل كنت امزح معك اعوذ بالله صاير كبريت
ماجد بجديه / ومتى بترد
سيف بضيقه / الرياض خانقتني ما قدرت ابقى فيها بجلس بالجنوب لين احس اني قادر ارجع مو مغصوب اني ارجع
ماجد بعصبيه / والموضوع الي بينا
سيف بستغراب / أي موضوع
ماجد بعصبيه / لا تقول انك نسيت زواجك من سميه
سيف بضيقه / لا ما نسيت وهالموضوع يحتاجني ابعد عن جو الرياض واراجع حساباتي
ماجد بضيقه / الله يقويك وتنسى
سيف بجديه / وانت الله يقويك وتنسى وصدقني قبل لا تزوج تكون متزوج قبلي
ماجد بعصبيه / سيييييييييف
سيف باصرار / والله هذا الي عندي وقبل لا اتزوج اختك تكون متزوج
ماجد بعصبيه / انا غير عنك
سيف بعصبيه / لا منت بغير ولا شطارتك تغصبني وتبيني اعالج جرحي وترفض انك تعالج جرحك
قفل الجوال بوجه صديقه وتمنى انه ماتصل عليه لانه قلب عليه المواجع
شاف بناته وطالعهم بابتسامه مصنعه مايبي يحمل بناته فوق طاقتهم
عند مها
جالسه بالصاله وقلبها عند نوف وداخلها خوف على صديقتها
مها بقلق / يا ليتني ماخليتها تروح مايكفيها سالم طردهاا يخوفي تكمل عليها عجوز الغبره
رفعت جوالها بتتصل على أي احد ينسيها قلقها
صارت تقلب بالارقام شافت رقم سميه
نوف بجديه / لاحول شلون نسيتك ياسميه وانتي منبهه علي اتصل فيك لوصلت الحين مراح اسلم منك
اضغطت على رقم سميه
عند سميه
من جت من المستشفى وهي نايمه تحس لها سنين ما نامت تصلي وترجع تنام
صحاها صوت جوالها رفعت الجوال وردت بدون ما تشوف الرقم
سميه بصوت نايم / الوو
مها بابتسامه / كل هذا نوم
سميه بصوت نايم / من معي
مها بمزح / لا تقولين انك نسيتي صوتي ترى بذبحك
سميه بفرح / مهااااااااا
مها بجديه / الحمد لله على السلامه زين انك عرفتيني
سميه اعتدلت بجلستها طالعت الرقم شافته رقم سعودي وبستغراب / انت من وين تتصلين
مها بجديه / من الرياض
سميه بجديه / متى جيتي
مها بجديه/ لي كم يوم
سميه بزعل / لك كم يوم وتوك تذكرين تتصلين علي
مها بابتسامه / قايله مراح انفك منك لكن ضروفي اشغلتني
سميه بجديه / عسى خير
مها بجديه / نوف جت وسكنت جنبي وانشغلت معها
سميه بزعل / من لقى احبابه نسى اصحابه
مها بجديه / كلكم احبابي لكن نوف اشغلتني بموضوعها الي خابرتيه
سميه بحماس / صار جديد مدري عنه
مها بقهر / اليوم زارت سالم اخوه ناصر بشركه وقالت له كل شي
سميه بصدمه / كل شي
مها بقهر / قالت له كل الي صار معها من عرفت اخوه
سميه بصدمه / وش كان ردت فعله
مها بحقد / الحقير طردها واكيد بياخذ العيال منها
سميه بجديه / الله يهداها تسرعت كان انتظرت شوي
مها بجديه / نفس الكلام قلته لها وقالت ان الي يده بالنار مو مثل الي يده بالماء وانها تبي ترتاح
سميه بحزن / وش كان حالها
مها بتاثر / اوجعني قلبي على حالها وكل خوفها انها تفقد العيال اااااااااه بيذبحونها حسبي عليهم مايكفيهم سوايا ناصر
سميه بجديه / هي مظلومه والله بينتقم لها منهم الا هي عندك بكلمها
مها بضيقه / را حت لبيت اهل ناصر الليلة ملكة بنتها
سميه بعصبيه / ليش ما منعتيها الحين بينفردون فيها
مها بحرقه / لا تزدين خوفي والله اني من راحت وانا احرق والوم بنفسي اني الي اجبرتها تروح
سميه بجديه / ما ينفع الكلام بالتلفون تعالي عندي وجيبيها معك
مها بجديه / انتي الي تعالي وهاتي البنات معك ابو ثامر بيغيب سبوع
سميه بابتسامه / اجل نومي عندك الليله
مها بحب / الله يحيك
سميه بجديه / يله مع السلامه
مها / مع السلامه
وقفت سميه ودخلت الحمام اخذت شور ولبست وطلعت تشوف البنات
دخلت الغرفه ما شافتهم
نزلت تحت شافت الشغالات قربت منهم / وين بنات
الشغاله / يروح مع بابا ملاهي
سميه بجديه / سوي لي حليب وسندويشة جبن
الشغاله مشت تنفذ طلب سميه وهي طلعت لصاله
رفعت جوالها واتصلت على ماجد
عند ماجد
واقف عن وحده من الالعاب الي فيها بناته سمع صوت جواله شاف رقم اخته رد عليه
ماجد بابتسامه / صح النوم
سميه بابتسامه / صح بدنك شلون تاخذ البنات بدون ماتحط عندي خبر
ماجد بزعل / البنات مع ابوهم وما بغيت انكد عليك نومك
سميه بجديه / كنت باخذهن معي نزور وحده توها جايه من فرنسا واحتمال انام عندها
ماجد بجديه / روحي الله يستر عليك واذا خلصنا رجعنا ونمنا
سميه بجديه / اذا طفشنك البنات جيبهم عندي
ماجد بجديه / لا تحاتينهم اليوم وبكره مفضي نفسي لهم
سميه بجديه / الله يخليك لهم
ماجد شاف اللعبه توقف / اذا وصلتي خويتك اتصلي طمنيني
سميه بجديه / ان شاء الله يله مع السلامه
دخلت عليها الشغاله بكاس الحليب والسندويشه بعد ماكلت طلعت لغرفتها اخذت شنطه صغيره وحطت ملابس تكفيها الليله وبكره وجودها عند مها محتاجته بتغير من جو الحزن والكئابه
بعد 10 دقائق طلعت من البيت
عند مها
جهزت الضيافه وبعده طلعت لغرفتها لبست فستان ناعم وبعده طلعت من غرفتها شافت ثامر طالع من المطبخ
مها بابتسامه / بتجيني سميه واحتمال بتنام
ثامر بابتسامه / افهم ان هذي طرده
مها بابتسامه / اعرف ولدي ذكي يفهمها طايره
ثامر بابتسامه / كنت ناوي اطلع لسالم ومدامني مطرود بنام عنده
مها بجديه / اذا رحت له انتبهو على بعض ولاتطلعون برا بالليل الدنيا ماطمن
ثامر بجديه / ان شاء الله
سمعت صوت الجرس
ترك ثامر امه
ومها طلعت برى وفتحت الباب شافت سميه اخذتها بالاحضان وبالترحيب الحار
ناظرت مها ورا سميه وبستغراب / وينهم البنات
سميه بجديه / طالعات الملاهي مع ابوهم
مها بابتسامه / حياك تو مانور البيت
سميه بابتسامه / منور باصحابه
دخلو الصاله وجلست سميه وصارت مها تضيفها انتبهن ان سميه جالسه بعباتها
مها بجديه / هاتي عباتك
نزلت سميه عباتها ومدتها لمها الي اخذتها منها و علقتها بعلاق الضيوف
عند نايف
جالس مع صديقه يتعشون من الكبسه الي جايبها نايف
عبد الله بجديه / الحين مالقيت الا كبسه تعشيناها بالليل
نايف وهو يحط القمه بفمه وبابتسامه / الجوع ما يطفيه الا الكبسه
عبد الله وهو يحط سلطه على الرز / لكنها ثقيله بالليل
نايف بجديه / ثقيله اذا اكلتها ونمت لكن باقي وقت يمدينا هضمناها
عبد الله بابتسامه / شخبارها ريحة ابوك للحين تشمها
ترك نايف القمه من يده / افهم من سؤالك انك تتمسخر ولا تطمن
عبدالله بجديه / تبي الصراحه لا ذي ولا ذيك مستغرب حالتك الي مالها عندي تفسير
نايف بضيقه / ومالها تفسير عندي لكن لازم ارجع لبيت الرجال وبتاكد اذا برتجع لي الحاله ولا الي صابني من تاثري بموت اخوي
عبدالله بجديه / وعلى أي اساس بتروح له
نايف بجديه / انت قلت انه صديق اخوك
عبد الله بجديه / صديق اخوي مو صديقي الرجال ماشفته الا مرتين وكلها سلام وعليكم السلام
ماتوصل اني ازوره
وقف نايف وبعصبيه / الله الغني بزوره لحالي
وقف عبد الله بعصبيه / والله انك منت بصاحي والظاهر عقلك راح مع موت اخوك
نايف رجع وجلس على الكنب وبزعل / اعوذ بالله قلبتها نكد وش بيصير لرحت له لو انك حاس بناري كان سبقتني له
عبد الله بضيقه / السالفه مافيها شي لكن الرجال استحي منه بكره اهلي بيصيرون جيرانه وذيك الساعه بنلقاها سهله نزوره
وقف نايف وبرجاء / واذا طلبت منك اشوف بيته لو توقفني بالشارع المقابل بترفض
عبد الله رحمه وبستسلام / الله يصبرني على جنونك اغسل يدك وبنروح لريحة ابوك
وقف نايف وبابتسامه / ثواني
جمع عبد الله الاكل ودخله المطبخ وغسل يده شاف نايف طالع من غرفته
نايف بحماس / بسبقك لسياره
نزل عبد الله شاف صديقه واقف عند السياره
ركب وفتح الباب وركب نايف وحرك سيارته
بعد نص ساعه وصلو لبيت ركان استغربو زحمة السيارات عند باب جار ركان
نايف بجديه / شكل فيه مناسبه وش رايك ندخل
عبد الله بعصبيه / هذا الناقص
نايف نزلت دموعها الي خوفت صديقه
عبدالله بضيقه / ليش الدموع
نايف وبصوت ضعيف / دخيلك حرك سيارتك
عبد الله حرك سيارته وهو خايف على صديقه
نايف بصوت باكي / ياليت افهم السبب ليش اذا جيت بيته احس باختناق وكان روحي بتفارقني وابي ادخل بيته والضيقه تمنعني اااااااااااااااااااه ريحة ابوي من قوها ماني قادر اتحملها
ابي افهم ليش هالمكان وليش هالبيت بالخصوص
عبد الله جاوبه بدموعه ومعانده شي يقوله وصار يدعي على نفسها انه طاع صديقه على جنانه
عند نوف
طلعت من غرفة شوق ورجعت مكانها شافت ام سالم واقفه
طالعتها نوف بكره وابتسمت لها ام سالم / شخبارها شوق
نوف تغصبت على الابتسامه / معليها وبنسوي لها حفله صغيره نفرح فيها
ام سالم بجديه / زين تسوين وتفرحون هاليتيمه
العشاء جاهز انزلي تعشي وبعدها افرحن مثل ما تبين
نوف بجديه / اجل بدخل اقول لشوق
ام سالم باصرار / خلي شوق علي وانتي ادخلي لساره ونزلن تحت وانا بنزل مع شوق
نوف باحراج / وينها غرفتها
ام سالم واقفه عند غرفتها شوفيها الي هناك واشرت باصبعها على غرفة ساره
عند ساره
كانت عند كمبيوترها تجهز الاغاني وتشبك السماعات
سمعت طق خفيف على الباب
ساره بجديه / تفضلي
دخلت نوفها باحراج / انا
التفتت لها ساره وبابتسامه / حياك
نوف / خالتي تقول انزلو العشاء جاهز
ساره مشت عند نوف وفتحت الباب / عاد اليوم امي موصيه على العشاء تراه بوفيه محترررررررررم
نوف بابتسامه / اجل يله ننزل
عند شوق
بالغرفه وبخاطرها تطلع لكن منحرجه من جدتها
وقفت ودخلت الحمام غسلت المكياج وفتحت الدولاب وطلعت لها بجامعه قطنيه ورجعت لسريرها بتنام
شافت جدتها داخله صدت عنها قربت منها ام ام سالم بابتسامه / شكلك بتنام
شوق بزعل / كله منك
ام سالم بابتسامه / تدرين منهو منه لكن منتي بفهيمه يومك شفتي المصيبه كان اخفيتيها علشان ما نتكلم
شوق بضيقه / يليته عليك انتي المصيبه عمي سالم شافني وماسلمت من تعليقاته
ام سالم وقفت وبجديه / تستاهلين خلو الحماس لبعدين
قومي تعشي واخذي شال وحطيه على ارقبتك لتنفضحين عند الكل
طلعت ام سالم
وقفت شوق وكانها كانت تنتظر احد يطلب منها تنزل
نزلت ام سالم وشوق فتحت الدولاب وبدلت لبسها بفستان ناعم رقبته مسكره يغطي على فضيحتها
طلعت من غرفة جدتها ماشافت احد
عند نوف
كانت بغرفة الطعام ارتاحت وهي تشوف بنتها نازله ومغطيه رقبتها اوجعها قلبها على شوق وصارت بداخله تتواعد بركان الي كسر فرحت بنتها
تركت الي بيدها وقربت من بنتها وبحنان / شلونك الحين شوق
شوق بقهر وبصوت واطي / لولا الغثيث كان انا بالف خيررر
سكتت نوف وهي تشوف ساره جايه عندهم
ساره بابتسامه / بتسولفون وتنسون العشاء
شوق وعيونها على البوفيه / خبله اشوف الاكل الي يشهي وانسى اتعشى
ساره بسخريه / قلت يمكن بعد الملكه انسدت نفسك وتبينا نغصب عليك تاكلين
شوق بحقد / مافي شي يستاهل اني ماكل علشانه
نوف اخذت صحن وحطت فيه اكل من الي تحبه شوق وقربت من بنتها ومدته لها
شوق بحب / يمه الله يهداك اكلي انا بحط اكلي
ساره بصدمه / امك
نوف تدارك الوضع وبارتباك / تعرفين شوف وتمسخرها علشان حنيت عليها وجبت لها اكل قلت يمه
ساره صدقتهم لانه مستحييييييييييييل تصدق ان نوف ام شوق
عند ركان
بعد العشاء صار يدور على تركي مستغرب غيابه رجع للمجلس وجلس على الكنب والمجلس بداء يفضي من الرجال رفع جواله واتصل على تركي سمع صوت الجوال جنبه رفع الجوال شاف رقمه كان المتصل
طالع بسالم وبستغراب / ابو سعود هذا جوال تركي
سالم بقهر / من المغرب ماشفته احرجني عند الرياجيل
ركان بجديه / مدام جواله بالمجلس اكيد انه بالبيت يمكن نايم بغرفته
سالم بجديه / البيت ماليان حريم ما يقدر يطلع لغرفته
وقف ركان وبجديه / اكيد انه بغرفة الضيوف وراحت عليه نومه بدخل اشوفه
مشى ركان وطلع من المجلس
عند سالم
بعد ماطلع ركان وقف بيدخل يرتاح
طق الباب فتحت الشغاله
سالم بجديه / نادي ماما
دخلت الشغاله وبعد دقائق جته ام سالم وبحنان / تبي شي
سالم بتعب وضيقه / فيه احد ولا بطلع لغرفتي
ام سالم بجديه / اطلع وارتاح
سالم بجديه / انا بدخل وانتي ادخلي وقولي لهم لايطلعون لين ادخل غرفتي
ام سالم بجديه / ادخل محد بيمك
دخل سالم وطلع فوق ودخل غرفته شاف هيا نايمه والانوار شغاله قفل الانوار وتمدد جنبها ونام على الجهه الثانيه
رجع يفكر بالي سواه اخوه وصار كلام نوف ينعاد قدامه
صار يبكي بحرقه و يعض على يده يمنع شهقاته لتفضحه عند هيا
عند ركان
ودخل الغرفه
شاف صديقه يطالع بالفراغ قرب منه
ركان بعصبيه / صقر يسال عليك وراح ماقابلك وانت هنا وياليتك نايم كان عذرناك
تركي بضيقه / روح عن وجهي مابي احط حرت الي شفته فيك
ركان قرب من صديقه وجلس مقابله وبسخريه / وخير وش الي شفته ينسيك مقابل الرياجل ويخليك تزعل ابو سعود منك
تركي بحرقه / شفتها ويا ليتني ماشفتها الحين جالس وروحي عندها
ركان انتفض وبعصبيه / شلون شفتها وكيف تسمح تشوف وحده ماهي حلالك
تركي بحرقه / شوق عزمتها وماقالت لي كان رحمت نفسي وتجنبت شوفتها اااااااااااااااااااااه من شوفتها نحرتني
وبابتسامه حزينه / يوم شفتها كل حواسي وقفت تدري اني رجولي ما قدرت تشيلني ومعدت اقوى على الوقوف
ركان بعصبيه / البنت متزوجه ومجرد تفكيرك فيها خيانه وماضنتي انك ترضاها على نفسك
تركي صرخ بوجه ركان وبعصبيه / ليش مانتم فاهمين ان الي فيني غصب عني انت عمرك شفت المريض يختار مرضه هي مرض صابني واكيد انه ذابحني
ركان بضيقه / تعوذ من ابليس ورجع لنا تركي الاولي مابي اشوف ضعفك
تركي وهو يخنق عبرته / العشق ذابح اخوك ااااااااااااااه وغريمي شايبن مخرف
انتفض ركان من كلام صديقه وبارتباك / من قال لك انها هالكلام
تركي بحرقه / شوق قالت لي تركي الضامي صار ينشفق عليه
ترجتها تطلق من الشايب وتتزوجني
ركان داخله قهر / وانت عاجبك كلامها وبتوافقها
تركي بحرقه / اكيد لا وهاوشتها صحيح اني عشقتها غصب عني لكن مستحيل اكون سبب لطلاقها لو من هالشيب المخرف
ركان حس براحه من كلام تركي
و قرر يقول لصديقه عن سالفة زوجة ابوه علشان يرتاح
ركان بارتباك / فيه موضوع بقول لك عنه
تركي اعتدل بجلسته وبجديه / قول الي عندك
ركان بجديه / من شهرين جاني رجال وقالي زوج ابوك والعروس اختي وهي بفرنسا
شرطت اسمع موافقتها اتصل عليها وسمعت الموافقه بعدها تمت الملكه وعطيت اخوها مهرها
صقر عصب علي وقالي شلون وثقت بكلامه
وشاك انه ينصب علي
تركي قاطعه وبجديه / صادق وانت شلون تثق بكلامه يمكنه نصاب بياخذ الفلوس وبيهج
ركان بجديه / الفلوس ماكانت تهمني والي طلبه مهر قليل
تركي بحماس / وبعدين
بعد شهر جاني وقال اختي بتجي
وبعد الظهر جاء مع اخته الي انصدمت انها تزوجت ا بوي وصارت تبكي وانهارت واغمى عليها ورقدناها بالمستشفى
تركي بعصبيه / صدق اخوها خسيس
كمل ركان بجديه / ترجيتها تبقى وتعتبرني اخوها وابوي تعتبره ابوها
الاجوديه وافقت وسبحان الله صارت لي الاخت ولابوي البنت
تركي بجديه / وينه موضوعك ابوك وتزوج
ركان بارتباك / الموضوع بزوجته
تركي بجديه / ليكون تبي تطلق من ابوك
ركان وعيونه على صديقه / لا الموضوع يخصك
تركي بصدمه / وش يخصني بزوجة ابوك
بسويها نذاله وبنكمل بالبارت الجاي
لنا لقاء باذن الله الاحد
اختكم نسايم نجد
10-01-12, 06:00 PM
جديد مواضيع قسم الارشيف
العرض العادي
