الغوالي الي يطلبون مني تطويل البارت انا اشوف البارتات طووويله يمكن الاخير اقل من الباقيه ( لكم اوعدكم احاول اطولها لعيونكم )
كنت مخططه الملكه تكون بهالبارت لكن فيه احداث لازم تكون قبل الملكه والملكه بتكون بيوم ثاني واكون مخمخه عليها عدل
لتلبية رغبة الغوالي البارت طويل ومن طوله اوجعتني اصابعي وماقدرت اكمل
الرجاء عدم طمر السطورررررر
البارت الخامس والخمسون
عند ركان
صحى من نومه وطالع بساعته فاته صلاة العصر دخل الحمام توضا وصلى وبعدها دخل اخذ شور وطلع لبس ثوب وغتره ونزل دخل المطبخ شاف الاغراض مثل ماهي دخلهم بالثلاجه وبعده طلع
انصعق وهو يشوف تركي ساند نفسه على باب البيت الي دخلت منه زوجة ابوه بشكل مشبوه ركض له
عند تركي
دخلت شوق قدام عيونه ولو بكيفه دخل وراها غمض عيونه وسند نفسه على بابها الي اكيد فيه لمساتها
قفل عيونه و صار ياخذ شهيق وزفير يمكن تهدء دقات قلبه
تركي بصوت كسير ومحروق / يارب ادري اني ابتليت بالعشق الي كنت ناكره يارب مابي اكون من ضحياه
صحاه صوت ركان بعصبيه / وش تسوي عندك
فتح عيونه وبحزن / انت وش جابك عندي
ركان بعصبيه / جاي اخلصك من المهزله الي انت مسويه
تركي بتنهيده / وش مسوي
ركان بعصبيه / صاير تتصرفاتك متهوره فرضن لو جاء زوجها وشافك بهالشوفه تتوقع بيخليك سالم
تركي مشى من قدامه وبحقد مصحوبه بغيره/ هذاني مشيت قبل لا يجي زوجها
مشى ركان وهو يتنهد على حال صديقه الي لو حلفو له انه بيجي الزمن الي يشوف تركي ينكوي بالعشق ماصدق
ركان بجديه / وش صار على موضوعنا
تركي بضيقه / روح بكره المستشفى وبتلقى النتيجه جاهزه
ركان بلهفه / اجل الملكه بكره بالليل
تركي بضيقه / كيفك
دخلو البيت ودخلو المجلس
تركي بضيقه / البيت بيتك بطلع لغرفتي شوي و راجع
ركان / خذ راحتك
مشى من قدامه
ركان بنفسه وبضيقه / حالتك ميئوس منها والله ماني قادر اتفرج عليك وانت تتعذب لكن وش الحل وهي زوجة ابوي وفوقه ذاقت منكم الويلات
عند تركي
دخل الصاله شاف امه جالسه واضح عليها العصبيه ماله خلق يجادلها مشى من قدامها بيطلع لغرفته
ام سالم
شافت ولدها بيطلع فوق بدون مايهتم بوجودها
ام سالم بعصبيه / تركيييييييييي وين وديت عيال اخوك
التفت عليها تركي وغصب نفسه ونزل وقرب منها وباس راسها
تركي وبحرقه / شوق عند صديقتها وطلبت تاخذ اخوانها معها
ام سالم بعصبيه / ومنهي هالصديقه الي نوديها عيالنا
ترمي بحرقه / الي رحتي لها امس
ام سالم ابتسمت وستغرب ولدها انها هدت وتفاجئ بابتسامتها
تركي بستغراب / اشوفك مبتسمه
ام سالم باعجاب / لو انها متاخره شوق شوي كان رحت معها ذاك الوجه يفتح النفس وماينمل من مطالعه
تركي يصرخ بنفسه / حررررررررررررام عليك يمه والله الطعن بالميت حرام خفي على ولدك ولا تجيبين سيرتها يمكن انساها
مشى من قدام امه مايبي يبقى دقيقه وتكمل عليه امه
ام سالم وعيونها تلحق ولدها / هذا وش بلاه من امس مو صاحي
عند ام سالم
وقفت وطلعت فوق دخلت غرفتها ودخلت الحمام اخذت شور وطلعت وانسدحت على سريره
وصوره نوف طول اليوم تزورها / البنت فيها سحر مو طبيعي ولا انا ام سالم اهوجس بسبت بنت والقهر انها متزوجه كان ما تركتها الا مزوجتها لتركي ولو بالغصب
عند صقر
بعد ما دفن عيال اخته ركب سيارته ودموعه تنزل بحراره على خده
سمع صوت جواله رفعه شاف رقم غريب
اخذ الجوال وبصوت مبحوح / الوو
ابو محمد / جوال صقر ال..........
صقر بصوت مبحوح / وصلت يالاخوو
ابو محمد بارتباك / عظم الله اجرك
صرخ صقر صرخه فز منها ابو محمد / منى ما تتت
ابو محمد بالاتباك / اعزيك بعيال اختك
صقر بصوت باكي / الله يجزاك خير لكن من انت يالاخو
ابو محمد بجديه / اتصلت عليك بقولك ان اختك بخير
صقر بلهفه / وينهاااااااااااا فيك والله تعبت وانا ادور عليها
ابو محمد بجديه / عيال الاجواد شافوها منهار بالحادث وانقلوها معهم لرياض والحين هي بمستشفى ال .........
صقر بخوف / قولي شلون حالتها
ابو محمد بجديه/ الي سمعته ان حالتها مستقره لكن
صقر بصرخه / لكن شنوووووووو
ابو محمد بجديه / رافضه تصحى بالبدايه شكو انها بغيبوبه لكنها تهذي باسم عيالها واخر كشف لها قالو ان حالتها نفسيه
صقر بصوت باكي / لا حول ولا قوة الا بالله ان لله وانا اليه راجعون ماقصرت يالاخو
ابو محمد بجديه / يمكن تواجدكم عندها يساعدها
صقر بصوت باكي / باذن الله جاين لها الليله فمان الله
وقف سيارته على جنب وحط راسه على الدركسون وصار يبكي بحرقه
رفع راسه واخذ جواله واتصل على صديقه وبصوت باكي / ابو غازي ابيك تخدمني وتحجز لي 4 تذاكر لرياض
ابو غازي بخوف / صقر تبكي
ماقدر يتحمل وصار يبكي بحرقه
سمع صوت صديقه / صقر خوفتني وش صاير
صقر بصوت باكي / سلطان زوج اختي وعياله ماتوووو
ابو غازي بصدمه / ان لله وانا اليه راجعوت متى صار حادثهم
صقر بصوت باكي / لهم يومين واليوم دفناهم ياليت تحجز لي لرياض باقرب وقت
ابو غازي بضيقه / ان شاء الله
انهى الاتصال من صديقه وكلم اخوه
صقر بصوت مبحوح / الو
عبدالله بجديه / هلا صقر
صقر بجديه/ كم باقي وتوصل لرياض
عبدالله بجديه / 6 ساعات
صقر بصوت مبحوح / شكلكم تمشون براحه
عبدالله بجديه / تعرف معنا شايب لازم كل دقيقه موقفين
صقر بصوت مبحوح / ان شاء الله ماتعبكم
عبدالله بجديه / ماله حس الا شخبار الوضع عندكم
صقر بضيقه / النذل فيصل اخذ اخوه وترك العيال
عبدالله بعصبيه / وش شايف نفسه
صقر بجديه / خلاص دفنتهم
عبدالله بغصه / الله يرحمهم
صقر بصوت مبحوح / اختك بمستشفى ال ............
عبدالله بفرح ممزوج بالصدمه / متاااااااااااااكد صقر من الي تقوله
صقر بضيقه / واحد كلمني وقال انها بالمستشفى وانا بسافر باليوم وبتاكد من كلامه
عبدالله بخوق / يومه كلمك ماقالك شلون حالتها
صقر بصوت باكي / اختك نفسيتها تعبانه ورافضه تصحى والله يستر من تاليتها
عبدالله بصوت باكي / الله يكون بعونها والا الي صار لها يضيع عقل الرجال شلون باختك
صقر بصوت باكي / الله يفرجها عليها ويعوضها خير
عبدالله بجديه / امين
صقر بجديه / مع السلامه معي خط ثاني
عبدالله بجديه/ مع السلامه
عند عبدالله
التفت على صديقه الي يطالعه / منى لقيناها بمستشفى ال
نايف بجديه / وشلونها
عبدالله بضيقه / الحادث ماثر على نفسيتها
نايف بحزن / صدمته قويها لها وهي تشوف موت عيالها قدامها ومابيدها تنقذهم
عبدالله بحرقه / الله يكون بعوونها وتتطلع من مصيبتها باقل الخسائر
عند صقر
كان الاتصال من ابو غازي رد عليه
صقر بلهفه / بشر ان شاء الله لقيت حجز
ابو غازي بجديه / بعد ساعه انت والاهل بالمطار
صقر بجديه / ماقصرت يابو غازي
ابو غازي بجديه / يارجال ماسويت شي وهذا واجبنا
صقر بجديه / ماتقصر وجعلك سالم
ابو غازي بجديه / يله مع السلامه
في بيت ام صقر
في غرفة ديما
ديما دافنه وجها وتبكي وتنتحب بصوت عالي
ونجود جالسه على الكرسي تبكي بصمت
ومرام على سرير ديما تمسح على ظهرها تحاول تخفف عنها
مرام برجاء / ديما خلاص ذبحتي نفسك بالبكي
ديما تجاوبها بنحيبها
مرام بجديه / ترى النحيب مايجوز وانتي تعرفين هالشي
ديما تبكي بحرقه وكلام مرام بدال مايخفف عليها يزيدها
التفتت مرام لنجود وبضيقه / نجود وبعدين معكم اسكت فيها ولا قيك تبكين تعلمو الصبر من خالتي صابره ومحتسبه الاجر
نجود مسحت دموعها وبحرقه / العين تدمع والقلب يجزع لفقد الاحبه يامرام
امي موجوعه والله يستر لطيح علينا امي تكتم بنفسها ياليتها تبكي
ديما رفعت وجها المنفوخ من كثر البكي ومن كثر مابكت صارت تبكي بدون دموع
ديما بشهقات متقطعه / ابي اشوف امي
مرام بحنان / ان شاء الله بتشوفينها
ديما بشهقاتها / وين بشوفها وهي مختفيه وماندري وينها
كله مني انا اسبب ياليتني انا الي ضعت ولا مت ولا صار لهم شي
مرام بعصبيه / مايجوز تدعين على نفسك والي صار مقدر ومكتوب
المصيبه تقرب الواحد من ربه مو تبعده غسلي
وجهك ونزلي تحت
قربت منها نجود وبرجاء / امي فيها الي كافيها لاتصير هم زود على همها
ديما كله ولا جدتها يصيبها شي ماترضى تصيبها شوكه ضغطت على نفسها ودخلت غسلت وجهها وطلعت
ديما ودموعها تنزل / نجود ماقلك خالي متى بنسافر
نجود غصب بكت على حال اخوها الي بعد انهياره قدامهم ماشافته
نجود بصوت باكي / صقر من بعد الي صار ماشفته الله يعينه
فتحت مرام بتنزل بعده رجعت
مرام بجديه / الاجودي عند ذكره صوته تحت
نجود مانتظرت مرام تكمل كانت شايله هم اخوه وبتزل تتطمن عليه
تحت
ام صقر بالصاله جالسه وام مرام تصلي بغرفة اختها دخل صقر قرب من امه الي فزت لدخوله
ام صقر بحرقه / وينننننك يمه قلبي شغلني عليك
مسح دمعه نزلت / بخير لا تشيلين همي وابشرك بنتك لقيتها
ام صقر القويه هالحظه بكت من قلب / صدق يمه لقيتها وينها وشلون حالها
صقر قرب من امه وباس راسها وجلسها / يمه منى محتاجتك الحين هي بالمستشفى بالرياض وصحتها بخير لكن نفسيتها تعبانه
ام صقر بحرقه / ياقلبي عليك يابنتي والله ان فقد الظنا مر شلون وهي فاقدتهم ثنين يارب يثبتها
نجود دخلت على كلام اخوها الاخير بفرح / صدق لقيت منى وينها فيه
صقر يمسح دموعه الي كل مامسحها عاندته ونزلت / واحد ابن حلال كلمني وقال انها بالرياض
نجود بصدمه / بالرياض شلون نقلوها هناك والحادث بالجنوب
صقربصوت مبحوح / الي ساعدوها انقلوها معهم لرياض هذا الي قاله
ام صقر بصوت باكي / صقر يمك بسافر لها بنيتي بحاجتي وماقدر اجلس براحه وانا داريه انا طايحه بالمستشفى
صقر بضيقه / هذا الي جابني بعد ساعه رجلتنا لرياض ياليت ماتتخرون بواسطه لقيت حجز
ام صقر وقفت / مافي وقت نجهز اغراضنا بروح بثيابنا الي لابسينها ولا تفوتنا الطياره
نجود بجديه / يمه انا جهزت ملابسك بالشنطه وانا وديما بناخذ لنا كم لبسه واذا احتجنا نشتري من هناك
ام صقر مشت داخله غرفتها بدون ماترد
ام مرام مستمعه لهم ودموعها تنزل محترق قلبها عند بنت اختها لو بكيفها كان راحت معهم ووقفت جنبهم لكن ماباليد حيله
قرب صقر وكانه قراء افكار خالته / منتي بمتعوذه من ابليس وتخاوينا لرياض بدال قعدتك لحالك
ام مرام بصوت باكي / اول رافضه لكن بعد الي صار لو داريه قبل كان قلت لك احجز لي ووحجز لمرام
صقر بجديه / انا نسيت احجز لشغاله ومدامك بتروحين بكلم واسطتي تحجز 4 تذاكر
رفع جواله واتصل على ابو غازي
صقر باحراج / الو
ابو غازي بجديه / اهلين ليكون بتلغي حجزك
صقر باحراج / لا باله ابيك تخدمني باربع تذاكر
ابو غازي بجديه / لانك اجودي فيه عايله الغو حجزهم
صقر براحه / اجل سجل الاسامي هذي عندك وحطهم بدال العايله
وذكر له الاسامي
ابو غازي بجديه / تعال للمطار باقي اقل من ساعه على الرحله
صقر / الحين طالعين للمطار
قفل من صديقه والتفت لخالته الي تنتظره بلهفه
صقر بجديه / ابشرك لقينا حجز
ام مرام بحب / جعلك سالم ياوليدي لكن ماجهزنا اغراضنا
ام صقر بجديه / بنتك تلبس من ملابس ديما وانتي تلبسين من ملابسي لين ربي يفرجها
نجود بجديه / ايه خالتي اهم شي تروحون معنا والبس يتدبر
صقربجديه / اطلعي فوق وقولي لهم ينزلون لاتفوتنا الطياره
طلعت نجود فوق ودخلت غرفة ديما شافتهم وقفات
نجود بجديه / ابشري ديما لقينا امك
ديما بهفة وبصوت باكي / وووووووووووينها فيه وش صار عليها
نجود بجديه / الحين بنروح لرياض وبنشوفها
ديما بصدمه / الحين
مرام حست بضيقه لسفرهم هي مالها احد بعد امها الا خالتها وعيال خالتها واذا سافرو بتفضى عليهم الجنوب
قربت منها نجود وبحنان / وانتي البسي عباتك بتروحين معنا
مرام بصدمه / اروح معكم ليه
نجود بجديه / خالتي ماتقدر على بعاد اختها وطلبت من صقر يحجز لكم وزين لقى له حجز والحين طالعين للمطار
مرام باحراج / ماجهزت شناطنا
نجود برجديه / اذا على البس تلبسين من لبسي او لبس ديمه واذا ا حتجنا شي اكثر ماكثر الله الاسواق
ديما مشت من قدامهم وفتحت دولابها خذت شنطه فوق وصارت ترمي ملابسها بعشوائيه
وفتحت دولاب نجود وسحبت كل البس المعلق وحطته بالشنطه وجلست عليها
ديما بجديه / نجود سكري السحاب
نجود بصدمه / ماخليتي شي شلون بتسكر
ديما بعصبيه / بسرعه سكريه مابقى وقت
نجود بصعوبه قدرت تسكرها
نجود بجديه / قدرنا نسكرها شلون بنقدر نشيلها
مرام بجديه / نتعاون عليها
ديما قربت من علاق العبايات اخذت عباتها ولبستها ولبست شيلتها ونقابها متلهفه على شوفة امها
طالعت بمرام وبنجود وبعصبيه / بسرعه البسو عباتكم مانبي نتاخر
نزلت نجود ومرام عباتها عليها اخذت شيلتها ونقابها ولبستهم وطلعت وهي تسحب الشنطه مع ديما ونزلنها درجه درجه
شافهم صقر ركض لهم وبحنان / الله يهداكم كان طلبتو من الشغالات ينزلونها
مرام نزلت عيونها بحيا
وديما بصوت باكي / خالي امي شلونها
صقر اوجعه قلبه عليها قرب منها ونزل الشنطه وحضنها بيده وهي دفنت وجها بكتفه وصارت تبكي
صقر نزلت دموعه الي ماتصور بيوم تنزل بدون حيا لكن الفجيعه تجبرك على شغلات ما تتوقعها
صقر بحنيه / امك بخير وبحاجتنا حولها تعرفين الي فيها مو سهل ولازم انطلعها منه
هزت ديما راسها
صقر بحنان / اذا شافتك بهالشكل بتزيدين عليها بدال ماتخففين عنها
سحبت نفسها من حضن خالها ومسحت دموعها
ديما بصوت باكي / بصير قويه ومراح ابكي وبانكسار / ابيها تسامحني
نزلها صقر وهو حاضنها وبجديه / امك تتمنى هاليوم الي تجينها وتقولين من كل قلبك يمه تبينها تزعل عليك وتصدك
ديما بصوت باكي / خايفه تكرهني لاني سبب الي صار لها
ام مرم بصوت باكي / امك مستحيل تكرهك لو انك انتي الي بيدك ذابحتهم البكر حبه زود وانتي بكرها
ام صقر بحنان / امك الحين نفسيتها تعبانه اذا عصبت اعذريها الي فيها يهد جبال وواجبك تتحملينها وهي باصعب ظروفها
ديما بصوت باكي / والله لو تضربني مازعل
صقر بجد / تاخرنا
قامت ام صقر وقامت ام مرام ونجود نزلت بشنطه بيدها
نادو على الشغالات الي بسرعه طلعو من البيت شايلات الشناط
وطلعو كلهم برى البيت ام صقر قدام والباقي وراء
بعد 10 دقائق وصلو المطار وعلى دخولهم سمع اسم رحلتهم حمد ربه انه جاء بالوقت المناسب لو انه متاخر دقيقه يمكن فاتتهم الرحله صارو يمشون بخطوات سريعه
ركبو الطياره كلن بمقعده
ام صقر جنب اختها والشغالات جنب بعض ومرام وديما ونجود جنب بعض دقائق والطياره بالجووو
في بيت الجده
بالمجلس
كان ركان متمدد على الكنب ينتظر تركي الي دخل وماله نيه يطلع
شاف سالم ولد ناصر داخل المجلس قرب وجلس
ركان بابتسامه / زين انك جيت كاني جربان بالمجلس لحالي عمك قال بدخل دقايق وظاهر نام ونساني
سالم بابتسامه / كان قيلت مدامه داخل
ركان بجديه / سالم مابي عمك يدري ان امك زوجة ابوي
رفع سالم حاجبه مستنكر
ركان بجديه / الصدفه خلت امك زوجة ابوي وهالشي بيسبب زعل تركي ومابي هالشي يصير بينا وتخرب صدقاتنا
سالم بجديه / ابشششر
ركان بجديه / اذا ما عليك امر قول لها تجي لبيتي اليوم ابوي بيوصل
كلام ركان مثل الطعنات يطعنه فيها طالبها تجي بيته علشان تخدم ابوه الظاهر امه مكتوب
عليها الشقى والتعب طول عمرها وهو مكتف اليدين وكله بسبة امه الي مايبي يكسر كلمتها عليه
نزل راسه باختناق / مايحتاج اقول لها انت وصل لها الي تبيه
ركان حس بانكساره وانقهر عليه وبجديه / شلون بتصل عليها وامك ماعندها جوال
وقف سالم بضيقه / بعطيك رقم جوال شوق تقدر تتصل عليها منه
ركان وده يرقص جته على طبق من ذهب
ركان بثقل وجديه / اذا مافيه غيره هاته
سالم وهو منزل راسه / 05050000000
سجل الرقم وهو متلهف يسمع صوتها
وقبل لا يطلع سالم / الجوال مو جوال شوق مستلفته كلها ايام وبترجعه لراعيته
ركان بجديه / تطمن بكلم امك وبمسح الرقم
مشى من قدام ركان وركان طلع من المجلس راجع لبيته مكالمتها يبي لها هدوء بالمكان والاعصاب
عند سالم
دخل البيت واستغرب البيت هادي طلع فوق وقبل لا يدخل غرفته التفت لغرفة اخوه يبي يفهم منه الي حاسه اليوم
عند تركي
كان يتامل الصوره كل ماجاء يرجعها مكانها انشد لها اكثر سمع طق الباب وانصدم من دخلت سالم السريعه وخش الصوره تحت مخدته
سالم شاف اخوه وهو يخش له شي تحت مخدته لكنه ماهتم الي جاي له اهم جلس على الكرسي وعيونه على تركي الي زاد ارتبكه من نظرات اخوه
سالم بجديه / ممكن تفمني الي صار بشركه
تركي ببرود / وش صار ماذكر
سالم بهدوء / حبيتها ياتركي
تركي بارتباك ماخففى عن سالم / وش قالو لك خفيف احب وحده من اول شوفه
سالم بجديه / هذا الي كنت اضنه لكن تصرفك خيب ضنوني
تركي بحرقه / تطمن لا حبيتها ولا راح احبها
سالم وعيونه على تركي الي وجهه ينطق عكس كلامه وبشك / ياليت مثل ماتقول
تركي بيغير الموضوع / بكره ملكة بنت اخوك
سالم بصدمه / وش العجله عند خويك مامداه يخطب علشان يملك البنت مو ماخذها من الشارع بتسوي حفله وتفرح وتعزم خوياتها
تركي وبجديه / ماقلت لا تسوي حفله لكن بكره الملكه وعشاء واذا البنت تبي تفرح سوينا لها حفله بالمكان الي تختاره
سالم وقف / كلم بنت اخوك حط عندها خبر والعشاء بياذن متى بتجيبهم
تركي بجديه / لتصلت رحت جبتها
بغرفة هيا
كانت تنتظر زوجها وهي على نار مابقى الا ساعه على صلاة العشاء وهي متشوقه تزور ام شوق
ارتاحت وهي تسمع صوت الباب يفتح
استقبلته بلهفه / وش فيك تاخرت
سالم بابتسامه / ورى لهفتك شي
هيا بحب / دايما ملهوفه ومتشوقه لك
سالم بحب / تراني سالم وادري ان وراك شي
هيا بجديه / تبي الصراحه شوق طالبه مني اجيها عند صديقتها
سالم بمزح / وش هالصديقه الي بتاخذ كل العايله
وسكت شوي / شوق عند امها
هيا بجديه / سالم ماتعودت اكذب عليك مع ان شوق مامنتني ماقول
قطع كلامها سالم / يعني الصديقه كذبه وهي عند امها
هيا برجاء / سالم والي يعافيك يكفيهم تركي الي رافض انها تروح لامها و بعد ماقالت انها بتروح لصديقتها وافق وبنفسه وصلها وعازمتني علشان انام ويقتنع تركي بنومتهم عند صديقتها
سالم جلس بحرقه وبقهر / الله يهداه تركي الي حدها على تكذب والا يرفض روحتهم لامهم ويوافق تروح صديقتها الي ماندري منهي بنته ماادري باي عقل يفكر تركي
هيا براحه / يعني انت راضي انها تروح لامها
سالم بزعل / ماهقيتها منك يام عيالي من متى وانا اظلم ولا احب الظلم وعلى الي سوته زوجة ناصر هذولا عيالها وحرام نمنعهم عنها
هيا بابتسامه / يعني افهم انك موافق اروح لهم
سالم بجديه / اكيد لا
هيا بزعل / طيب ليش وبعدين هذا طلب شوق علشان تقدر مع اخوانها ينامون عند امهم
سالم بجديه / بينامون عند امهم بدونك وزيارتك لها خليها لبعدين امهم مشتاقه ومتلهفه لعياله ومالك لزمه بوسطهم
هيا بجديه / افهم ان ماعندك مانع ازورها
سالم بجديه / وليش امنعك وبعدين اعرف لهفتك لشوفتها
هيا بابتسامه / كاشفني
سالم بجديه / ترى ملكة شوق بكره
هيا بصدمه / بكره ما يمدينا
سالم بجديه / الملكه بكره بدون حفله عشاء بسيط
هياء بزعل / ليش تحرم شوق من فرحتها بهالمناسبه
سالم بجديه / اذا بغت حفله تبشر بنسويها بيوم ثاني وبكره على الضيق لان الرجال مستعجل
عند ركان
دخل البيت وطلع غرفته وتمدد على السرير ورفع جواله واتصل عليها والابتسامه مرسومه على وجهه متاكد انها بتهزئه وتسمعه كلامها الجارح لكنه مشتاق لكل شي فيها
عند شوق
كانت حاطه راسها في حضن امها وهي فرحانه بجمعتهم من جديد سمعت صوت جوالها اخذته من الطاوله الي قدامه شافت رقم غريب توقعته من صديقات ساره
رفعته بجديه/ الو
فز قلب ركان وهو يسمع صوتها
ركان بهيام / يالله حي الصوت
انصدمت من الصوت الذكوري
شوق بعصبيه / خير يالاخو تراك غلطان بالرقم
ركان بعشق / لا ماني بغلطان والدليل اسمك شوق ناصر الضامي
فزت شوق وعتدلت بجلستها وبعصبيه / ياتبن يا ثور يازباله والله لو اتصلت مره ثانيه لبلغ عليك الهيئه ومايحتاج اقولك وش بتسوي لك الهيئة
ركان ابتسم و في نفسه / الحمد لله كلمها الجارح مو خاص فيني
ركان / ههههههههههههههههههههههههه عطيني امك قولي لها زوجي ركان يبيك
شوق فورت وبعصبيه / انت من سمح لك تتصل على جوالي وفوقه تستخف دمك يالغثيث
ركان يحاول يكتم ضحكه وبسخريه / الجوال اولا مو لك مستلفته لو داري ماعندك شاريت لك وصار ملكك بدال قطة الوجه لناس
شوق لو قدامها فجرته لكن مستحيل ترضى يكون منتصر عليها وبعصبيه / خل جوالك لك ورجاء لا تقوووووووووول زوجتي
ركان بهدوء / ليش ماقال لك عمك ملكتنا بكره
شوق بصدمه / شنووووووووووووو
ركان بيستفزها / بكره بتصيرين زوجتي حلالي
شوق بجنون / حللللللللللللللللللك بطنك قول امين وجعلك بالمرض والطاعون والجدري والجذام الي تاخذك وتفكني منك
ركان في نفسه / ووووووووووواه مشتااااااق لكلامها الي كله سم
ركان بيقهرها / اااااااه يا قلبي ماتحمل كلام الغزل الي طالع من لسانك على قلبي مثل العسل
شوق بعصبيه وصراخ / انققققققققققققققققققلع مابييييييييييييك هونت مابي اتزوجك
ركان بيقهرها اكثر وببرود / خساره راحت عليك الوظيفه كان المفروض انتي وعمتك دوامكم يبد بعد بكره ماقول الا الله يعيني ارجع اوراق التوظيف
شوق ودها تبكي الغثيث قدر يلوي يدها لكن حسابه بعدين
شوق بقهر / خذ امي
مدت الجوال لامها ووجها احمر من العصبيه
نوف / ههههههههههههه هلا ركان
ركان / هههههههههههههههههههه بنتك علميها تقول كلمتين حلوه على بعض ليكون بكره لتزوجنا بتقولي طاعون وجذام
نوف وعيونها على بنتها الي تتحلطم / ههههههههههههههههههههههههههههههههههههههههههههههههههههههههههه وابشرك باكثر من الي قالته
ركان بمزح / مافيه اكثر من الي قالته الا انها تذبحني وتحطني بكياس
نوف تمسح دموعها من كثر الضحك / ههههههههههههههه مع شوق كل شي يصير
ركان بجديه / الليله ابوي بيجي ياليت تكونين بالبيت
نوف بجديه / الحين عيالي عندي وبينامون عندي واذا جاء بكره جيت
ركان بجديه / بكره لازم اداوم الصباح وماقدر اتاخر او استاذن لاني توني ناقل هنا ومابيهم ياخذون فكره مو زينه عني
نوف وعيونها على عيالها / اجل بجيك بالليل وباخذهم معي لبيتنا
شوق بصراخ / ارجع لبيتنااااااااا ولا اروح لبيت الغثيث
ركان بجديه / قولي للي تتكلم وراك الوعد بعدين
نوف بحزن / عادي احضر ملكتك ولا مو معزومه
ركان اوجعه قلبه على نبرة الحزن هذي بنتها لازم تحضر ملكتمه وتوقف معها لكن مرعوب من جيتها
ركان بضيقه / انتي امها وحظورك لازم
نوف حست بركان ونزلت دمعه من عينها وبصوت حزين / ما اقدر ماحضر كلكم غالين عندي ماني بحاضره بصفتي امها وبغصه / بحضر بصفتي صديقتها
وبقهر / تقبلوني صديقه لبنتهم وماتقبلوني امها
ركان بحرقه / الايام بتجبرهم غصب يتقبلونك بس لازم صبر
نوف بتهرب / يله ركان بجلس مع عيالي قبل لا يرجعون بيتهم
قفلت من ركان وطالعت بنتها الي بدت تهداء / لازم ترجعين لبيتكم
شوق بجديه / عمتي هيا عازمتها
نوف بجديه / عمتك لدرت ان ملكتك بكره بتهون عن الزياره
مها توها داخله كانت تسوي العشاء / بتملك شوق بكره
شوق بسخريه / والله حاله كل شي سريع سريع كانهم خايفين اطيرررررر
نوف بعصبيه / يبيني اقص اذنك على طريقة تعاملك مع ركان الرجال بكره بيصير زوجك الهبال الي قبل انسيه
شوق بزعل / الامهات بصف بناتهم وانتي معه ضدي ومابعد صار شي
نوف بعصبيه / وحده فيها ذره عقل تدعي بطابور من الامراض والاوبئه على زوجها
مها ماقدرت تمسك نفسها / هههههههههههههههههههه نوف فديتك قولي الي صار حسافه فاتني
قالت نوف كل الي صار ومها ميته ضحك من شوق
شوق بعصبيه / يقهررررررر ولله لولا الوظيفه كان فنقشت الملكه بكره ولا همني
نوف بسخريه / زين ان ن الوظيفه هامتك ولا كان انذبختي من عمانك
مها بجديه / يقولون اللسان يقول عكس القلب
وتغمز لشوق وبخبث / ادري انك تحبينه وماتبين مشاعرك تفضحك استبدلتي كلام الغزل بالسب
شوق تاشر على نفسها وبقرف / اناااااااااااااا احب الغثيث للحين بعقلي مانجنيت علشان احبه
( نسومه تقول ماسمعتي المثل الي يقول ما حب الا بعد عداوه )
مها / بتنامون ولا هونتووووووووو
شوق بضيقه / اذا علي بنام وماهمني ان ملكتي بكره لكن امي شكلها مستعجله على لقاء الشايب
نوف بعصبيه / الشايب زوووووووووووجي وفوقه احبه واجبي مايجي بيته الا انا قبله
والتفتت على مها / ولا كلامي غلط
مها بجديه / كلامك زين العقل علمي بنك لا تفضحنا عند الرجال
نوف بجديه / تعرفينها الكلام يدخل من اذن ويطلع من الثانيه
من راسها وراسه يصطفون
دخلت مها وبعد دقائق نادتهم للعشاء
عند ركان
مبسوط انه قدر ينرفزها ويصير هو الغالب
ركان بابتسامه / هذي شلون بتكون حياتي معها وهي شايلة كل هالكره لي
مصيرها بتعرف منهو ركان وتنمسح الصوره الي راسمتها الي والا انا غثيث الكلمه الي غثتني فيها
يامتى يجي بكره وتصير الملكه وكلها شهر وانتي زوجتي وفي بيتي وبروضك برواقه اذا ماخليتك تعشقيني اكثر من عشقي لك واذا انذكر اسمي انتفض قلبك ماكون ركان
( نسومه تقول ان شاء الله يتحقق كلامك مع اني شاكه )
سمع صوت جواله كانت نوف
فز قلبه / هلا
نوف بجديه / ركان انت بالبيت
ركان بجديه / ايه
نوف بجديه / انا جايه الحين ياليت تفتح لي
ركان وقف وبجديه / بنتظرك عند الباب نزل تحت وفتح الباب وعيونه تنتقل بين بيت ابو ثامر وبيت تركي وهو مرعوب وخايف تركي يشوفها داخله عليه ويصير الي خايف منه
شاف نوف وورها بنتها الي شايله واحد والثاني مع اختها والباقي يمشون قربو منه ابتسم لشوق الي كملت طريقها لبيت عمها بدون ماتلتفت له وهو انقهر
دخلت نوف وهو حمد ربه ان تركي ماشافها لو انها تتغطى ماخاف كل هالخوف لكن مشكلته انها تكشف
عند شوق
دخلت البيت شافت ساره جالسه بالصاله نادت الشغاله ومدت عليها اخوانها والباقين طلعو فوق
شوق فهمت اخوانها مايقولون انهم عند امهم وخوفتهم لقالو بيمنعونهم يجون لها
قربت من ساره / السلام
ساره بعصبيه / وين هايته وتاركتني
شوق بابتسامه / والله محد قالك نامي ولا كان اخذتك معي
ساره بزعل / من وين جايه
شوق بابتسامه / جايه من صديقتك
ساره بزعل / اكذبي غير هالكذبه
شوق بهدوء / وليش اكذب
ساره بسخريه / والي تروح لصديقتها تاخذ معها طابور العسكر
وقفت شوق وبابتسامه / والله صديقتي طالبه اجيب لها طابور العسكر
وقفت ساره وبجديه / وبعدين من متى لك صديقه بالرياض وماعرفها
شوق بارتباك / بعدين بتتعرفين عليها طلعت فوق مطنشه ساره وصلت لغرفة جدتها دخلت بهدوء وعلقت عباتها وشيلتها والتفتت لسرير جدتها شافتها اطالعها
قربت منها وهي متوقعه انها بتعصب عليها قربت من جدتها وباستها على راسها وبرجاء / دخيلك يمه اجلي هواشك لبعدين
ام سالم بجديه / وليش اهاوشك
شوق بصدمه / تهاوشني اني اخذت اخواني ورحت لصديقتي
ام سالم بابتسانه / وابيك تعزمينها ولازم تجي ملكتك البنت من شفتها ماغابت عن بالي
شوق بنفسها / البدايه مبشره بخير الحمدلله ان امي جميله ولا كان ماقالت جدتي هالكلام والله دنيا عجيبه صار الانسان ينقاس بجماله
شافت جدتها تقفل عيونها وهي تفكيرها ببكره الي تعتبره يوم مشئوم الي بتصير زوجه لانسان الي حتى ماطيق تنطق اسمه ماتدري شلون بيشوفها وتشوفه
شوق في نفسها / يخسى يشوفني خلني اقهره وحرق دمه مثل ماحرق لي دمي
عند صقر
وصلت طيارته على الساعه وحده بالليل ركبو تاكسي
صقر بجديه / اليوم بنرتاح بالفندق وبكره من الصبح عندها
ام صقر بضعف / يمك ماصدقت اجي اشوفها تبي اجيها بكره خله يوصلنا للمستشفى
صقر بجديه / يمه الزياره لها اوقات والوقت متاخر
ام صقر بصوت باكي / يمك قلبي محروق على اختك وبرضاي عليك لاتحرقه زود وخلنا نروح لها
عطى صاحب التكسي عنوان المستشفى وبعد نص ساعه واقفين عند الباب حمد ربه ان المستشفى خاص والزياره مسموحه بكل وقت
دخلو وسئلو الاستعلامات عن غرفة منى عطوه رقم الغرفه ومشو كلهم مع صقر دخل الغرفه وبسرعه طلع
صقر بصدمه / عندها وحده نايمه
ام صقر بلهفه / بدخل عليها
ديما بصوت / وبدخل معك
صقر بجديه / اجل بنتظركم تطلعون وبعده بندخل
مشت ام صقر ووراها ديما الي ترتجف دخلت الغرفه سمعت صوت اجهزه شافت وحده منسدحه على الارض ماهتمت الا ببنتها الي متمدد ومعالم وجها متغيره
وديما انهارت من شكل امها
وام صقر خافت على ديما الطايحه / يمه ديمه
صحت سميه برعب على الجسم الي طاح عليها
سميه برعب / بسم الله الرحمن
شافت حرمه كبيره بالسن والبنت الطايحه نسخه من منى لكن على اصغر
سميه حطت راس ديما بحضنها وصارت تصب بيدها من علبة الماء الي جنبها وتغسل وجها / اذكر ربك امك بخير
ام صقر بصوت باكي / وين الخير ووجها كله انفوخ
سميه اطالع بديما الي بدت تفتح عيونها الي كلها دموع
سميه بهدوء / الدكتور طمنا لكن نفسيتها تعبانه تحتاج كل الي حولها قوين واذا شافت احد منهار بتزيد حالتها
قربت ام صقر من بنتها وباستها على خدهاوبصوت باكي / الله لا يذقني حزنك
دخلت الحمام توضت وصلت قيام الليل وصارت تدعي وتبكي باذلال وتطلب رب العباد يشفي بنتها
وديما وقفت برجول ترتجف وقربت من امها ورمت نفسها بحضن امها وبصوت باكي / يمه قومي والله مازعلك مني وبصير لك البنت الي تمنيتيها
وبشهقااات / وبفرح بهدياك وبلبسهم
وصارت تهز امها على خفيفي وتبكي / قومي يمه انا اسفه والله ماقول شي يضايقك
منى حاسه فيهم
وبنفسها / ااااااااااه ياديما رجعتي لي متاخر معاد ابي ارجع لدنيا عيالي مو فيها
ونزلت دموعها بحراره
انتبهت سميه لدموع منى وفزت عندها / امك حاسه بوجودكم شوفي دموعها
مدت ديما اصابعها الناعمه ومسحت دموع امها / يمه والله احبك وبابقى معك طول العمر
(نسومه تقول لك متاكده بتبقين عندها طول العمر )
فيه جزئيه حماسيه كنت بكتبها بهالبارت لكن اصابعي اوجعتني وبتاخر عليكم قلت اجلها للبارت اللجاي
لقائنا باذن الله الثلاثاء
اختكم نسايم نجد
25-12-11, 02:33 PM
جديد مواضيع قسم الارشيف
العرض العادي
