كان من المفروض اغلق الروايه وقت الامتحانات حرصن مني على ا لطالبات لكن بكون مجبوره اكمل لاني بكون غير متواجده بالاجازه





والطالبات ياجلون الروايه لبعد الامتحانات





الرجاء عدم طمر السطورررررررر





البارت الرابع والخمسون







عند ركان





وصل لبيت كان تعبان ومايشوف من النوم سمع صوت اذان الظهر دخل الحمام توضا وطلع صلى بالمسجد بعده رجع لبيته




دخل المطبخ فتح الثلاجه طلع منها بعض المعلبات الجاهزه وزعهم بصحون وجهز له كاس عصير اخذهم وحطهم على الطاوله وبدا ياكل وتفكيره بشوق وبحركتها الي سوتها صحيح يحبها وراضخ لتصرفاتها لكن لما يملكها بيعرف شلون يروضها






ركان بصوت عالي / هين ياشوق تصرفاتك تعدت الحد خليني بس املك عليك وتصيرين حلالي و بطلع لك وجهي الثاني




( نسومه تقول لك كان غيرك اشطررررر )




تغير تفكير في ابوه وزوجة ابوه / الحين هذي شلون بتصل عليها واقول لها تجي لبيتي وتكون حاضره لجاء ابوي




من بكره بيصير دوامي طويل واحتمال ماطلع الا المغرب وماقدر من بدايتها اطلع واطنش الشغل





مالي الا ولدها بجيه في بيت عمه وبقول له يجيب امه لبيتي






وقف وترك الصحون على الطاوله مثل ماهي وطلع غرفته ورمى نفسه على السرير ومن التعب نام









عند شوق







كانت بالسياره تسرق النظرات لعمها من بعد اخر حوار بينهم وهم ساكتين




وتركي طول الطريق يفكر بالحبيبيه خرب عليه انسجامه صوت شوق



شوق بجديه / عمي




التفت لها تركي وبقهر / خير وش بتقولين




شوق بارتبااااااااااك / بروح لها وبنام عندها وباخذ خواني معي






تركي رفع حاجبه / منهي الي بتاخذين اخوانك لها





شوق وعيونها مركزه على عمها / امي




انتفض بعصبيه ماتركها تكمل كلامها / امك انسيها ومستحيل اسمح لك و لاخوانك تروحون لها اوتشوفونها



امكم باعتكمممم افهميها باعتكممممممممممم وفضلت الزواج عليكم




ماحبت تجادله وهو معصب صدت للجهه الثانيه تراقب الطريق




شوق في نفسها / باذن الله رايحه لها وبرضاك لكن خلني امخمخ بالطريقه الي تخليك توافق اني اروح لها



صحاها من افكارها صوت عمهااااا





تركي بصوت حزين / كم عندها عيال



شوق وهي صاده وبنفزه / 11





تركي بعصبيه / لما اكلمك اطالعني وتردين بادب ولا امك معلمتك شلون تكلمين الكبير






شوق بعصبيه / امك وامك اذا بتعيب باخلاقي انتم الي مربيني صايره اجلس عندكم اكثر من جلوسي عن امي






تركي بعصبيه / هذا الي طلع معك يابنت ناصر






شوق بهدوء / اسفه عمي لكن لما تجيب سيرتها اتنرفز البنت مو لك ومستحيل تكون لك وفوقه


متزوجه وتحب زوجها




ترضاها على زوجتك واحد يعشقها وهي بذمتك






تركي بصراخ / اسكتي مابي اسمع لك نفس واعتبريها اخر مره اسالك عنها






لفت وجها وهي متضايقه لو بتجادل عمها بتزيد بينهم وهي ما صدقت انه يسامحها





ارتاحت وهي تشوف البيت وقف سيارته ونزلت وقفت تنتظر عمها عند الباب





فتح تركي الباب وشوق دخلت البيت وطلعت فوق دخلت غرفة جدتها قبل لا تسكر الباب شافت عمها يدخل غرفته






علقت عباتها وانسدحت على سريرها وبقهر


وصارت تتكلم بصوت عالي / والله ان عمي مريض يحب امي ويكره امي بيجنني مع عشقه وكرهه ماعنده حل وسط





وسندت ظهرها على السرير وبصدمه / الا امي ليه جتهم الشركه وش عندها وليش ما قالت لي لازم اشوفها وافهم منها




وبضيقه / اووووووووف عمي رافض اروح لها ومابي اروح من وراه ياربي شنو الحل





ابتسمت على الفكره الي طلعت لها متاكده ان عمها بيوافق بدون نقاش





فزت من السرير وطلعت من غرفة جدتها قربت من غرفة عمها طقت الباب ما سمعت صوت فتحت الباب بهدوء ودخلت راسها كان السرير فاضي



دخلت



شوق بصوت عالي / عميييييييييييييي



طلع لها تركي من مكتبه الصغير دخل الغرفه



وبعصبيه / خيررررررر وش عند وبعدين الواحد قبل لا يدخل يستاذن




شوق باحراج / طقيت الباب وبعدها دخلت



قرب من سريره وجلس / وش هالشي الضروري الي جايبك عندي





قربت وهي تدعي ربها / عمي بروح لنوف




فز قلبه وبعشق / بتروحين لها





شوق عورها قلبها انها استغلت حب عمها علشان تشوف امها هو الي اجبرها / ايه



تركي بحرقه / اااااااااااااااه ياشوق وش تبيني اقول لك لا تروحين وانتي تدرين اني صعبه اقولها روحي لها




شوق بارتباك / باخذ اخواني معي





تركي بعصبيه / ماهقيتها منك يابنت ناصر تلعبين بمشاعري قلتي مدام عمي رافض اني اروح لها اكذب عليه الكذبه السخيفه ومتاكده اني بوافق كل يوم صدمتي فيك تزود




شوق بنفسها / يمه منه كاشفني ان الي حديتني على هالشيئ




شوق بضيقه / والله بروح لنوف وانت تعرف مكانها اذا منت بواثق فيني وصلني





تركي بحرقه / وش عندك بتسحبين معك اخوانك





شوق بجديه / كلمتني وترجتني اجيبهم معي تحبهم كثير ومتعلقه فيهم واخواني يحبونها






تركي بضيقه / ما يكفيها عيالها عن اخوانك



شوق بصدق / طبيعتها تحب البزارين




تركي في نفسه وبعشق / يا ليتني بزر و تحبني وتحرصين على شوفتي




اااااااااااااااااه شفت لوين وصل فيك العشق صاير تتمنى المستحيل





شوق على نار تنظر رد عمها وبقلق / عمي اش قلت






تركي بحرقه / تجهزي العصر بوديك لها



شوق قربت من عمها وباست راسه / الله يخليك لي يا حلى عم




تركي بابتسامه حزينه / اذا نفذت طلباتك صرت احلى عمي





شوق بحب / والله انك احلى واكشخ وارز عم




تركي بضيقه / روحي لغير رايي



طلعت شوق





وتركي وقف وفتح الدولاب وطلع صورتها الي عاهد نفسه مايفتخها ركز بنظره على ملامحها


الي كل مره تتجدد عن المره الي قبلها





تركي بعشق وهيام / كل شي فيك يذبح تذكرها يوم كانت اطالعه برعب وهو كان مبلم يطالع عيونها





تركي يكلم الصوره بعشق وهيام / ادقق بصورتك يمكن القى شي ينفرني منك لكن سبحان من صورك العيون هلاكي والخدود دماري والفم عذابي والشعر والجسم وش اوصف وش اخلي


ياخوفي اكون قتيل جمالك






قرب الصوره من قلبه الي دقاته سريعه / اسمعي دقات قلبي والي خلقك مادقت لغيرك ادري ان الي اسويه ما يجوز لكن وش حيلة العطشان




ااااااااااااه شوفتك بالشركه القشه الي قسمة ظهري




ارحميني ولا تخليني اشوفك لان شوفتك تخليني افقد شعور وصير مثل السكران يتخبط






عند شوق




طلعت من غرفة عمها تركي وطقت على غرفة هيا سمعت هيا تسمح لها تدخل




فتحت الباب ودخلت شافت هيا جالسه على الكنبه مقابل التلفزون





هيا بابتسامه / راضيه علي زايرتني بغرفتي




قربت شوق وجلست جنب هيا وبابتسامه / وينهم اخوني




هيا بجديه / نايمين



شوق بجديه / بقول لك شغله وابيك تساعديني





هيا بجديه / اذا فيها خير اكيد بساعدك




شوق بابتسامه / اكيد فيها خير بزور امي العصر وباخذ كل خواني معي



هيا بصدمه / ما فكرتي بجدتك وعمك اذا درو





شوق بجديه / عمي كذبت عليه كذبه وصدقها ومدام عمي تركي موافق بيقنع امي






هيا بصدمه / وش هالكذبه الي غيرت رايه ورضى انكم تشوفون امك





شوق بجديه / الكذبه سالفتها طويله بعدين اقولها لك لكن الي ابيه منك تجين باليل عند امي وتقولين ان صديقتي اجبرتنا انام عندها




هيا بصدمه / وش يوديني لامك وينومني عندها




شوق برجاء / دايما امدحك عند امي ومتشوقه تشوفك انتي مو متشوقه تشوفين امنا زوجة ناصر





هيا بصدق / اذا تبين الصدق ميته واشوفها لكن خايفه من جدتك وما ضنتي سالم بيوافق





شوق بخبث / عمي سالم البسي له احمر ولا اوصيك باروج الاحمر بيخق وبيوافق بدون شعور




هيا بابتسامه / هذي الطريقه سويه لزوج المستقبل لبغيتي منه شي لكني مستحيل اخذ موافقة عمك بهالطريقه





شوق بحقد / يجيب ربي مطر البس له بيوافق وهو مايشوف الدرب




هيا بسخريه / انتي الي بتنفيذين الي يبيه وانتي ما تشوفين الدرب خليك زوجه عاقله وكسبيه بالحب مو بالصراخ والهواش تتعقد الامور





وقفت شوق وبتهرب / بطلع انام وانتي لا تنسين بعد العشاء وانتي هناك




هيا بحب / اذا وافق عمك ابشري




شوق بابتسامه / اذا تبيني اتوسط لك انا حاضره



هيا بحب / ما بيني وبين سالم وسائط





شوق بجديه / الله يهنيكم ومايغير عليكم




هيا بجديه / امين




طلعت شوق دخلت غرفة جدتها انسدحت على السرير








عند صقر






جالس بالانتظار ينتظرهم يخلصون الاجرائات طالع بساعته له اكثر من ساعه





دخل عليه الممرض يقول له ان كل شي جاهز وقف وطلع من المستشفى شاف سيارة الاسعاف الي فيها جثث عيال اخته قرب من السواق



صقر بصوت باكي / مغسلة ال ........




ركب صقر سيارته بعد 10 دقائق واقفين عند المغسله



كان بيغسلهم لكن المغسل بعد ماشاف شكل غلا منعه يدحل وهو مع انه شافها لكنه استجاب مايبي يضعف وينهار وباقي الصلاه والدفن




جلس ينتظر بر المغسله ساعه بعده شافهم شايلينهم مكفنين قرب من وليد وفتح عن وجهه وباس جبينه ودموعه غرقت وجه وليد



المغسل سحبه ما يبيه يفتح الكفن الثاني




ركبوهم قدام عيونه سيارة الاسعاف وهو ركب سيارته وصار يبكي بحرقه وبصوت عالي



وصلو للمسجد نزلوهم وحطوهم قدام الامام بينتظر لين وقت صلاة العصر الي باقي عليها اقل من ساعه








عند طلال






من بعد الي صار له من عمه عبدالعزيز وعمه صالح دموعه ما جفت دموع ندم وتوبه



مقفل عليه باب غرفته حتى صلاته بالغرفه حاس انه لو بيصلي في المسجد ربي مراح يقبل صلاة المصلين بسبته



ما اكل شي له ايام وعلى هذا يحس بغثيان





تحت




امه دموعها على خدها محروق قلبها على ولدها الي بغرفته ماتدري اذا هو كان حي او ميت كل لحظه تطلع وتحط يدها على الباب تتاكد اذا فتح او لا لكن مستحيل تخل بحلفها وتكلمه او تترجاه يرد






دخلت عليها بنتها هند وقربت من امها وبصوت باكي / يمه ماصارت حاله انتي دمعتك على خدك وطلال معتزل العالم ومقفل عليه غرفته صاير بيتنا ما ينطاق كله هم وحزن وضيقة خلق




ام طلال وبحرقه وبعصبيه / لو الي صاير لنوره صاير لك بيكون هذا كلامك





هند تبكي بحرقه / يمه طلال غلطان واقولها بدال المره مليون وقلبي محروق على نوره الي اندفنت ظلم لكن وش بيدينا نسوي نستمر بهالحزن الي بيموتنا ناقصين عمر ولا نتعايش مع الوضع





ام طلال بصوت باكي مقهور / لا تحسبيني فرحانه بحال ولدي والله ان قلبي موجعني عليه وهو له ايام قافل غرفته مدري ان كان حي او ميت لكن حلفت وحلفي مكتفني ماقدر اطالعه او اسولف معه لاني اذ جت عيني بعينه شفت جريمته وظلمه لهالمسكينه




اذا سامحه مساعد سامحته مدام مساعد غايب انا بكون غايبه عنه




وقفت هند ورجعت لغرفته وتتمنى ترجع حالهم مثل اول قبل لا يصير الي صار









عند عبدالعزيز





من بعد مادرى انه ظالم بنت اخوه وهو بغرفته


دخل عليه صالح




صالح بضيقه / وبعدين معك عبدالعزيز لك ايام حابس نفسك وهامل شغلك





طالعه بعيون حزينه / وانت شايف ان السالفه الي دريت عنها هينه معاد لي وجه اشوف احد او اقابل احد وانا ظالم





صالح بعيون دامعه / بدال مانت حابس نفسك امش معي اندور على اخوك اكيد بنلقاه





عبدالعزيز يمسح دموعه بالمنديل / واذا لقيت اخوي قولي باي وجه اقابله وانا ذابح بنته




صالح بصوت باكي / والحل نبكي مثل النسوان




عبدالعزيز بصوت باكي / يمكن دموعنا تغفر فعلتنا ااااااااااااااااااااااااه شلوك كان حالها وهي مذبوحه ظلم ومنهي اليد الي ذبحتها يد ابوها


بتحريض من عمانها الي المفروض نحميها ذبحنااااااااااها وتبيني بعد كل هذا اطلع واعيش مرتاح





كان بكا صالح هو الجواب لكلام اخوووووووووه






عند سميه






جالسه بمكانها وحاطه يدها على راس صديقتها سمعت همهمات من صديقتها قربت وحطت اذنها عند فم منى سمعتها توووووون



هذا يدل انها صاحيه والغيبوه وهم طلعت من غرفة منى ودخلت غرفة الدكتور الي انصدم من دخول سميه عليه بدون استاذان




سميه بلهفه / الي بالغيبوبه يتكلم




الدكتور بجديه / يحس لكنه مايتكلم




سميه بفرح / يعني صديقتي صاحيه




وقف الدكتوور وبصدمه / شلوون تكلما مافهمت




بدون شعور وبفرح سحبت يد الدكتور الي راعى مشاعرها ومشى معها بهدوء دخلته غرفة منى





قرب الدكتور كان المكان هادئ قرب اكثر من منى ماسمع صوت



التفت لسميه وبشك / يمكن تتوهمين




سميه باصرار/ والله سمعت صوتها




كان بيطلع سمع صوت متقطع منى / وول ي د غ غ لا




قرب منها اكثر تاكد من الي يسمعه اخذ السماعه وكشف على صدرها كان الوضع مطمئن




التفت لسميه الي دموعها غرقت نقابها موجوعه على وجع صديقتها





الدكتور رحمها وبابتسامه / الحمد لله على سلامتها




سميه بصوت باكي / ليش ماتفتح عيونها




الدكتور بجديه / هي صاحيه وتسمعنا لكن يمكن الي فيها من صدمتها بالي صار وكلها ايام وبتشوفينها بوسطكم



سميه برجاء / ياليييييييييييت



الدكتور بجديه / اذا جد على حالتها جديد عند راسها جرس اضغطيها وبنكون موجودين



سميه بجديه / ان شاء الله


طلع الدكتور وسميه رجعت وجلست على كرسيها ومسكت يد صديقتها البارده




وبصوت باكي / اصحي الله يخليك كلنا نحبك ونبيك تنورين حياتنا




منى / ............




سميه بصوت باكي / ادري انك مؤمنه بربي وبتحسبين الاجر




منى / .................




سمعت صوت الباب التفتت شافت خيريه



خيريه وعيونها على منى / وشلونها اليوم



سميه بصوت / صارت تتكلم والدكتور طمنا وقال انها صحت من الغيبوبه لكنها مثل ماتشوفين مو راضيه تفتح عيونها



خيريه بجديه / اطلعي لبيتك غيري ملابيك وارتاحي وانا بجلس عندها لين تجين


سميه باصرار / انتي روجي لزوجك وانا مثل مادخلت معها بطلع معها



خيريه بحنان / لا تنسيك منى نفسك واضح من شكلك الارهاق والتعب



سميه بصوت باكي / معلي خلاف نومي عندها واكلي عندها وياليت ماتنسين تتصلين على اخوانها



خيريه بجديه/ اذا وصلت للبيت اتصلنا عليهم



سميه برجاء / لا تفجعونهم وصلو لهم الخبر بسهاله



خيريه بجديه / ان شاءالله



طلعت خيريه وسميه صارت تقرا على صديقتها






عند شوق




سمعت صوت اذان العصر طلعت من غرفة جدتها ودخلت غرفة ساره شافتها نايمه طلعت عند خواتها




شافتهم يلعبون مع عدنان وعادل وياسر




شوق بجديه / سمر سحر عدنان عادل البسو بروح مشوار





ياسر بزعل / ابي اروح معكم



سمر بطفوليه/ وين المشوار




شوق بجديه / مشوار بيعجبكم




ياسر بضيقه / شوق بروح معكم




رحمته شوق وبخاطرها تاخذه معهم الكنها خايفه يفضحها عند ابوه





قربت منه ونزلت نفسها له وباسته على خده و بابتسامه / اليوم باخذهم وبكره وعد اخذك لحالك وللمكان الي تبيه




ياسر بطفوليه / مو تكذبين علي




شوق تمثل الزعل / افاااااااا من متى وعدتك بشي وكذت






وقفت وطلعت من عندهم وطلبت من الشغاله تجهز ماهر وفارس وتجهز شنطتهم




بعدها رجعت لغرفة جدتها ودخلت الحمام توضت وطلعت صلت




وبعده فتحت الدولاب طلعت له بنطلون جنز وبلوزه بنفسجيه ناعمه خلت شعرها مسدول وحطت مكياج ناعم





لبست عباتها وشيلتها ودخلت على الشغاله شالت فارس ومسكت ماهر بيده طلعت شافت اخوانها ينزلون على الدرج



نزلت شافت عمها تركي وعمها سالم جالسين بالصاله حمدت ربها ان جدتها للحين بالمشغل




سالم طالعهم وبصدمه / وين على الله




وقف تركي وبجديه / باخذهم مشوار




سالم بجديه / مدامك بتاخذهم اجل وينه ولدك ليش ماخذته معهم




شوق بجديه / المره الجايه بيروح معي ياسر




سالم فهم انهم بيروحون لامهم لكن الي مستغربه شلون اخوه وافق ومعجزه انه بيوصلهم لها




استبعد هالشي لانه متاكد من رفض اخوه وامه ان عيال ناصر يشوفون امهم وهو رافض ظلمهم لامهم المسكينه





طلعت شوق ولحقها عمها وشال ماهر وطلعو برا البيت




تركي بجديه / اركبو السياره





شوق بابتسامه / بسياره والبيت لاصق بالبيت




تركي بابتسامه / يعني رايك نمشي




شوق بابتسامه / ايه على الاقل توفر بانزين




مشو والبنات وراهم كل وحده ماسكه اخوها بيدها قربو من البيت




شوق بجديه / سموره طقي الجرس




تركي بجزن / قولي لها ان عمي مو راعي بنات او راعي خرابيط





شوق بجدبه / وش لها عندك لو انك كل يوم مع بنت





تركي بعصبيه / لا تجادليني ووصلي لها كلامي




شوق بضيقه / زين بقول لها لا تعصب علي




وكمل بحزن / وقولي لها لا تجي الشركه




شوق بستغراب / ليش




طالعها بعيون حزينه / ماضنتي انك تجهلين ليش





نزلت دمعه من عيون شوق شافها عمها




تركي في نفسه / لهادرجه صار ينبكي على حالتي ااااااااااااااااه عند بابها والله لولا الحرام كان دخلت وكحلت عيوني بشوفتها





كانت بتدخل وقفها صوت عمها المخنوق الي زاد من دموعها





وبصوت حزين وبرجاء / اذا لعمك خاطر اجبريهاااااااااااا تتغطى





شوق بصوت مبحوح / ان شا ءالله





عند نوف





كانت جالسه مع مها تشرب عصير ومها تشرب قهوه سمعت صوت الجرس





نوف بستغراب / من بيجي هالوقت وابو ثامر قلتي انه مسافر




مها بابتسامه / يمكن عجوز بليس جايه تشوفك




نوف بجديه / من المتخلف الي يزور الناس بدون لا يتصل




مها وقفت / برسل الشغاله تفتح الباب وبنعرف الي جاينا




فتحت الشغاله الباب وسبقتهم شوق





عند نوف



شافت بنتها وبيدها ماهر وفارس يمشي نست الدنيا وكل شي وركضت لهم واخذت ماهر من شوق وصارت تضمه وتشمه وغرقته بدموعه




وشالت باليد الثانيه فارس وصارت تبوسه بكل مكان





نوف بصوت باكي / مها قولي اني بعلم وعيالي رجعو لي




شوق يكفيها حال عمها يكمل عليها الي تشوفه صارت تبكي




مها قربت وهي تمسح دموعها اخذتهم من نوف خايفه من قو ضمها لهم تخنقهم





نوف برجاء وبصوت باكي / خليهم مشتاقه لهم مابعد شبعت منهم حست بثوبهاا يهتز نزلت عيونها شافت عدنان مدتهم لمها



ونزلت لعدنان الي صار يبكي وعادل شاف اخوه يبكي صار يبكي ضمته وباستهم بكل قطعه بوجهم




نوف بصوت باكي / فديتكم مشتاقه لكم وربي




سمر وسحر ماسكين ايدين بعض وعيونهم على امهم مشتاقات لها وحاسات بفراغ بغيابها مو مصدقات الي قدامهم امهم





سمر بصوت باكي / ماااااااااااااااااااااما




نوف انسحبت من حضن عيالها




وبصوت باكي / ياروح وحياة امكم تعالو




وفتحت يدها لبناتها اركضو ورمو نفسهم




بالحضن الحنون / ماما لا تتركينا



نوف بصوت باكي / انا هنا ومعكم مستحيل اتركم وبعدت عن بناتها ومسحت دموعهم باصابع يدها



وبابتسامه / بيتي جنب بيت جده



سحر بصوت باكي / مانبي جده نبيك انتي




قربت شوق وبصوت باكي / سحور سمور ماشتقتو لجاكلين ترها بالمطبخ



ركضو للمطبخ




مها حست ان شوق عندها كلام / عدنان عادل العيال فوق على الكمبيوتر اطلع العب معهم




انسحبو قدام امهم



نوف رجعت وجلست على الكنب ومها جلست وبيدها ماهر




نوف بعصبيه / ليه تصرفون العيال ماشبعت منهم




انصدمت من شوق الي رمت نفسها عند رجول امها وسحبت يد امها وباستها




شوق بصوت باكي / يمه طالبتك لا ترديني




سحبتها ورفعت بنتها وجلستها جنبها





نوف بزعل / مايحتاج هالحركه علشان اوافق على الي تبينه قول الي عندك





شوق بصوت باكي وبرجاء / يمه تطلقي من الشايب وتزوجي عمي تركي





انتفضت نوف بعصبيه / وبعدددددددددددددددددين مع هالسالفه الشايب زوجي واحبه ومستحيل اتطلق منه



واذا تدورين لعمك على زوجه انتي غلطانه العروس مو انا ومستحيل بيوم اكون انااااااااااا




( نسومه تقول ماضنتي انك بتكونين قد كلامك )





شوق بصرخت قهر / عمييييييييييي يحبك افهمي يحببببببببببببببببببببك ويتعذب بسبت





نوف بقسوه وبعصبيه / جعله من هالحال واردى والي صابه حوبتي وجعله من هالحال واردى





الي مثل عمك ماله قلب ويسعى وراء غرايزه عمك اذا حبني غهو حب شكلي مافكر ولا سال من تكون نوف الي حبهااا




عمك لو اخذ حاجته مني رماني رميت كلب ولا اهتم






شوق بصراخ / لااااااااااااااااااااا حرام عليك عمي يخاف ربه مو راعي خرابيط




نوف بسخريه / كثري منها يخاف ربه وهو دخل علي بمكتب اخوه سكران




مها قربت من نوف وبعصبيه / يالخبله الي شفتيه بعيونه والحركه الي سواه دليل حبه وعشقه



تمنيت سعد يحبني كثر ماتركي حبك وهو ماشافك الا مرتين




نوف بعصبيه / ياهوووووووو ياعالم مليت من هالسالفه ارحموني وقفلوها




شوق مسحت عيونها وبتغير الموضوع التفتت لامها


شوق بجديه / مادريتي عن اخر الاخبر




نوف رفعت حاجبها / شلون نسيت



وش صار بشوفه




شوق بحقد / المعرس طلع الغثيييييييييييييييييييث




نوف / هههههههههههههههههههههههههههههههههههههههههههههههههههههههههههه هه وطلعتي لها بحوستك





شوق بحقد / ايه وصار يتمسخر علي




نوف بابتسامه / تستاااااااااااااهلين ذنب الي قبله





شوق بضيقه / واليوم اخذني عمي تركي نسوي فحوصات




نوف بجديه / على ذكر عمك شلون ربي هداه وجابكم لي





شوق بضيقه / رفض اني اجيبهم لامي ورضى اني اجيبهم لحبيبته وفوقه هو الي موصلني





نوف وبحقد / وتلومييييييييييييييييني فيه ماكرهته من فراغ





مها بجديه / سبحانه الي طيحه بعشق الي يكرها انا كنت كارهته لكن من شفت حالته رحمته





شوق بضيقه / يمه عمي تركي يترجاك ماتجين الشركه




نوف بعصبيه وباصرار / بجي الشركه غصب عنه مابقى الا هذا بسمع كلامه





شوق بستغراب / وش لك في الشركه يوم رحتي لها




نوف بعصبيه / نسيتي ان ثلاث ارباع الشركه لي ولا تبينهم يسرقوني




شوق بجديه / اذا خايفه من عمي تركي فتاكدي عمي سالم مستحيل يسرقك




نوف بجديه / شفته وارتحت له سبحان من خلق وفرق





شوق بجديه / عمي سالم درى انك امنا





نوف بقهر / كنت بقوله لكن كان عنده اجتماع دخل انتظرته وبعدها شفت عمك وطيرني من الشركه




شوق بابتسامه خبيثه / اكيد بيطرك ولا عمرك شفتي مثل وسامته ولا كشخته ولا رزته ولا ثقله


عمي جنتل مان حلم كل بنت يكون فارس احلامه




نوف بعصبيه بحقد / شفت ابوك نسخته





شوق بجديه / ابوي صحيح وسيم ويشبه عمي تركي لكن عمي تركي احلى بكثير









توقعاتكم






لنا لقاء باذن الله الاحد مع ملكة شوق والكل معزووووووووم






اختكم نسايم نجد

واااااى بارت رروعه يمكن اكون متابعه من خلف الكواليس ررائعه بمعنى الكلمه يالغااااااليه


يااارب شوق تطيح بحب راكااااااااااااان يالله بشوف فيها يوم بس


امم ونوف بعد بقوة عليهم متحامله هذول الي يحبونهم يسون كذاا

يانى بتشفى فيهم << مجرمه


بنتظااااارك وكلنا شووق والله يعطيك العافيه وتكفين لاتغيرين رايك وتاجلين الباااااااارات ترانى متشووقه حيل للروايه

سلام نسومه نوف الرجال بموت عليها ولاهي داريه عنه لانها ما عمرها حبت رجال ولاشافت نظرات العشق بالعيون ننتظر باقي المواجهات