الغوالي الي يسالون عن سبب كره ام سالم لهيا سبق وانذكر بالاحداث ( سالم تزوج هيا غصب عن امه وبمساعدة ابوه وحط امه امام الامر الواقع وشخصية ام سالم تعتبر هذا تحدي ومستحيل تستسلم له )
والغوالي الي سالو عن حمل نوف المستعار وشلون بنتها ماكتشفتها ( الواحد ما يبحت ويفتش وراء الشي الا اذا كان شاك فيه وعيالها مصدقين امهم
و نوف كانت حريصه على انها ماتنكشف رعبا من ناصر )
اتمنى البارت يعجبكم مثل ماوعدتكم
الرجاء عدم طمر السطوررر
البارت الثاني والخمسون
عند ام سالم
ام سالم انتبهت لحال ولدها / وش فيه انقلب حاله وطلع بدون لا هرجه ولا درجه
شوق في نفسها / كله منك ياجده قلبتي عليه المواجع
شوق بضيقه / مدري عنه
وقفت شوق ماقدرت تنتظر اكثر بتلحق عمها وبتخفف عنه
ام سالم بعصبيه / وانتي وين بتروحين
شوق بضيقه / بروح استسمح من عمي
ام سالم بجديه / زين تسوين
مشت شوق ودخلت قسم الرجال وصارت تتلفت ادور عمها فتحت باب الحوش شافته جالس على عتبت الباب
قربت منه وحطت يدها بحنان على كتفه
التفت تركي وبحزن / وش جابك
شوق بحنان / مانسيتها ياعمي معقوله للحين حافظ ملامحها من صوره
ماسمعت الا تنهيدات عمها الي كوت قلبها
شوق بحنان / عمي انت بتتزوج وتبدا حياه جديده لازم تشيلها من قلبك وعقلك
تركي بابتسامه حزينه / قلت كلامك لكن القلب ماطاع
وبصوت حزين وبامل / شوق هي نفسها الي زارتها امي
شوق بارتباك / لا
طالع قدامه وبحزن / لو تقولين مليون لا قلبي يقول انها هي
شوق بحزن / واذا كانت هي وش بتستفيد
تركي بحرقه / ليش جت علشان تعذبني اكثر
تدرين ليش جالس عند الباب
شوق بحرقه / لا
تركي بحرقه / عيوني على بيتهم يمكن تطلع واشوفها
شوق بكذب / هي جايه زياره وكلها كم يوم وبتسافر
تركي باختناق / ادخلي ياشوق معاد اصدقك
شهقت شوق برعب / لا ياعمي بعمري ماكذبت عليك
تركي بحرقه / كل شي يخصها كذبتي فيه و استكثرتي علي اعرف اسمها واليوم بالصدفه عرفت اسمها قسيتي على عمك ياشوق
شوق بعصبيه / تبيني اقول لك الصدق اجل
البنت متزوجه وعندها عيال وتكرهك وتتمنى الموت ولا تشوفك الحين ارتحت بالصدق الي سمعته
تركي بقق عيونه وبصدمه / تكرهني وتفضل الموت على شوفتي وش شافت مني
شوق بعصبيه / السؤال تساله لها لاني مستحيل اجاوب بالنيابه عنها
تركي بعصبيه / ادخلي داخل ماني متحمل وجودك
شوق بضيقه / بدخل ياعمي وياليتك ماتلحق سراب
عند شوق
دخلت شوق وهي معصبه شافتها جدتها / خير وش فيك بتنفجرين
شوف بعصبيه / كله من ولدك اعوذ با لله كبريت
ام سالم بجديه / تعالي خلي عمك عنك كانك ماتعرفينه هذا عمك من ربي خلقه
قربت شوق من جدتها ومدن يدها / يله يمه
ام سالم بستغراب / وين بتاخذيني
شوق بنعاس / تعرفيني ماقدر انام الا بحضنك وانا دايخه بانام
عند ركان
متمدد على الكنبه والجوال باذنه يتصل على صقر وداخله قلق وخوف من وصل وهو يتصل على صقر ومافي رد
ركان بقلق / الله يستر من تطنيشك ياصقر
يسمع صوت تركي عالي وكانه يصارخ على احد وقف يمشي وراء الصوت استغرب وهو يشوفه جالس على العتبه
عند تركي
مستمر بمكانه وعيونه تسرق النظرات لبيت الجيران يمكن يلمحها او يشوفها
تركي بحرقه / معقوله الي صار بينا بفرنسا كرهك فيني اكيد ضانه اني لعاب وراعي خربيط وناوي فيها الشينه
شلون بقدر افهمها اني عشقتها من صوره وشوفتها ضيعة عقلي وكنت اضنها حلم وبلمسي بتاكد انه واقع
سمع صوت ركان / خير وش مجلسك هالجلسه
تركي بحزن / مخنوق قلت اشم هواء برا البيت
ركان بجديه / وش فيك تتكلم مع نفسك وتصارخ
تركي بضيقه وحرقه / جت هنا وما يفصلنا الا بيت
ركان رفع حواجبه بستغراب / منهي الي جت
تركي بابتسامه حزينه / نوف اخيرا عرفت اسمها
ركان بارتباك / منهي نوف
تركي بحرقه / حبيبت تركي الي طلعت تكرهه وتفضل الموت على شوفته
ركان حس الارض تهتز من تحته بسبب الصدمه
قرب من تركي وجلس بجنبه وصار يطالع بالفراغ وبارتباك / من قال لك
تركي بابتسامه / امي زارتها وجلست ساعه تمدح فيها وقالت صفاتها الي مرسومه بقلبي وروحي
ركان بارتباك / يمكن امك تقصد غيرها لا تعلق نفسك بوهم
تركي ضرب على صدره / قلبي قال هي وشوق اثبتت لي وجودها وكملت علي وقالت انها تكرهني وتفضل الموت علي سالتها ليش قالت اسئلها وين بشوفها علشان اسئلها
معقوله ان الي صار بينا بفرنسا هو سبب كرها لي طيب ما شافت بعيوني العشق والحب
ركان في نفسه / من يصدق انك تركي الي مايهزه شي شلون قدرت تهزك زوجة اخوه والله انك مسكين ماتدري ليش كرهتك كرهتك بسبت سواتك انت واخوك فيها
الله يعينك على قلبك الظاهر مكتوب علينا نحب الي يكرهونا على الاقل انت معروف السبب لكن انا كارهتني بدون سبب
ركان بضيقه / مدري وش بقول لك او شلون بخفف عليك لكن مثل ماقلت لك قبل تزوج وبتنسى
تركي بابتسامه حزينه / تبي زوجتي المجنونه تنسيني ولا تبي ام ياسر تنسيني
ركان بجديه / منت ملزوم فيهم اختر وحده على ذوقك وعيش حياتك معها وجيب منها عيال وصدقني بتنسى
تركي بحزن / الي على ذوقي مالي نصيب فيها
ركان بخبث / لو فرضنا ان الي حبيتها زوجة اخوك ناصر
تركي بقرف وحقد / قلو الحريم علشان تفرض هالافتراض انا تركي الضامي احب الصايعه الدبه الفيله قولي على وش بحبها على زينها ولا على زين اخلاقها
ركان في نفسه / حكمت ربك اقوى منك ياتركي وخلتك تنكوي بنار عشقك لنوف زوجة اخوك الي تذمها
ركان بعصبيه / قلنا فرضن وانت طلعت موشح سب بارملة اخوك
تركي بحقد / من سيرتها اتقرف وانت تقول احبها مستغرب من ناصر شلون جاب عياله منها
ركان بعصبيه / تركييييييييييييي خلاص ارحم بنت الناس من لسانك
تركي بعصبيه / انت الي غثيتني بسيرتها وانا لسمعت اسمها يصيبني مليون جني
ركان بتغير الموضوع / امش معي لبيتي
تركي التفت عليه وبستغراب / وش بيوديك لبيتك
ركان بجديه / بشوف اذا محتاجه شي يمكن بكره يجي ابوي ولازم اتاكد ان المكان ماقاصره شي
تركي بجديه / الفلل كلها ماثثه واثاثها جديد وغالي ولما انباعت انباعت بالاثاث معليكم الا ملابسكم
ركان بجديه / الا صدق الفله الرابعه من شراها
تركي بقهر / لا تذكرني والله اني مقهور على بيعتها لكن سالم اجبرني ومقدر اخالف ابو سعود
ركان بستغراب / شلون انجبرت
تركي بقهر / القهر بعتها للي سوى فتنه بيني وبين اخوي وقال اني بغتصب الصايعه
ركان بجديه / وينها فلة ناصر
الفله الي لاصقه بفلتنا وجنبها فلة صديق سالم والفلل الباقيه تعرف اصحابها
ركان بجديه / الحمد لله ان فلتي جنب فلة صقر ولا كان قلت لك تبادلني بفلت اخوك
تركي بقهر / معاد هي بفلة اخوي الحلال صار لصايعه وياليتها قدرت هالشي لناصر تزوجت بيوم دفنه
ركان بعصبيه / لو سمحت تركي لاسمعك تقول عنها صايعه ترى القذف حرام
تركي بعصبيه / احنا نطلع من سيرتها ونرجع لسيرته قطع الله سيرتها
ركان بينفجر من صديقه / ترى من اليوم ورايح مراح ارضى عليها ومستحيل اسمح لك تغلط عليها ولو بحرف
تركي بسخريه / خير ان شاء الله صاير محامي عنها
ركان بجديه / لا تنسى ان ربي قربها وصارت ام زوجتي وبمثابة امي ومستحيل اسمح لك تغلط عليها
تركي بسخريه / ياحظك بام الزوجه ويعطيك ثمرتها امش بندخل داخل
ركان بجديه / الليله باذن الله نومي بفلتي وانت اذا تبي حياك معي
تركي بضيقه / تبيني اقرب من بيتها خلني في بيتي ارحم
وقف ركان وببجديه / امش معي نتسلى بدال مانام لحالي
تركي بجديه / ترى بيتك قاصره الاكل والماء خلنا نطلع نشتري النواقص وبعده نرجع له
ركان بجديه / شورك وهداية الله
فتح تركي سيارته وركب وركب ركان جنبه
عند نوف
كانت جالسه تشرب عصيرها وسرحانه ماتدري وش تقول مها
مها بصراخ / نووووووووووووووف
نوف فزت / بسم الله وش صار
مها بحنان / ليش اشوف الضيقه على وجهك بعد ماكنتي مبسوطه
نوف بجديه / جالسه افكر وقلقانه بكره بروح لسالم واعترف له بسوايا اخوه
مها بصدمه / مجنونه لاتنسين انه من عايلة الضامي وماضنتي بيختلف عن امه واخوه
نوف بثقة / سالم غيررررررر وانتي تعرفين يا مها الحمل الي فيني خانقني يمكن لو احد من اهل ناصر درى يمكن يقل الحمل
مها بجديه / نصيحه لا تفتحين على نفسك نار ناصر اخوه واثق فيه ومستحيل بيصدق وحده جايته اطلع فضايح اخوه
نوف بجديه / انا معزمه اروح بكره لهم لشركه وبشوف وش لي وش علي مستحيل اخليهم ينهبون وبقابل سالم وبشوف وش اقدر اقول له
مها بابتسامه / بخاطري اشوف وجه المغرور لدرى انك زوجة اخوه
نوف بابتسامه / مراح يدري اني زوجة اخوه بخاطري العب فيه
مها بابتسامه / وش بتلعبين فيه
نوف بابتسامه / تقولين يحبني بالعب بقلبه وبحرقه لك يمكن ناري الي شعلها تطفي
مها بابتسامه / ياخوفي ينقلب السحر على الساحر وانتي الي يلعب بقلبك
نوف يحزن / قلبي لعيالي ومسحيل يكون لغيرهم صايره راهبه محرم علي الزواج وانتي عارفه السبب
مها بحرقه / حسبي عليك ياناصر
نوف بابتسامه / لا تحزنين وتتاثرين معاد لي رغبه بالزواج والله يطول بعمر ضاحي واصير زوجته للابد
مها بجديه / زوجك شايب اذا عاش لك اليوم مراح يعيش لك بكره
نوف وقفت بعصبيه / جعل عمره طويل
مها وقفت / مايحتاج تعصبين تعالي نتعشى
نوف بضيقه / كلامك سد نفسي عن عشاك
مها بجديه / اقول بلاها بياختك امشي نتعشي وانام
نوف بجديه / نومي ببيتي
مها بسخريه / يارعية البيت عندك مفتاحه
نوف باحراج / لا
مها بسخريه / ليكون بتنطين الجدار
نوف بجديه / اكيد لا
مها باصرار / اجل نومتك عندي وخلي بيتك لبعدين
نوف باستسلام / الله يعين
عند صقر
عند ضاحي يبكي بحرقه على عيال اخته الي معتبرهم عياله وعلى اخته الي غيابها كاسر ظهره يسمع صوت جواله ومتاكد انه ركان لكن ماله خلق يكلم احد حتى لبيتهم ماراح مايبي يشوف البكاء بوجه امه واخته وحارقه قلبه ديما
سمع ونات ضاحي وقف وقرب منه كان واضح انه جوعان طلع من عنده جهز اكل على السريع ورجع لضاحي وصار ياكله وقلبه محروق
في بيت صقر
ام سالم بالصاله تحاول تقوي نفسها وجنبها اختها الي خايفه على ام صقر
ام مرام بصوت باكي / فاطمه البكي مو حرام لاتكتمين بنفسك يصير فيك شي
ام صقر خانقتها العبره / البنات منهارات لو شافوني كبيرتهم منهاره زادت حالتهم
ام مرام بصوت باكي / بنتك وش حالها
ام صقر بتنهيده / الله يكون بعونها ويصبرها ماعلى لسانها الا انا السبب والله ياخذني وبعد الي صار ماطب جوفها شي حتى الماء
ام مرام بصوت باكي / الله يبرد على قلبها
ام صقر / امين
عند عبدالله
بعد مادفنو مبارك وهو يرفر بسيارته بيخفف على نفسه قبل صديقه
نايف بتعب / لمتى بندور بسياره
عبد الله بحزن / كنت بروح لبيتنا وحسيتك ماتبي وتعرف كل شي الا غصيبتك
نايف بارهاق / روح لبيتكم اهلك بحاجتك الحين
عبدالله بحزن / بدون ماني برايح لهلي
نايف بتعب / بروح معك
عبدالله بجديه / اجل بروح لاهلي مدامك راضي
وغير طريقهم لبيتهم وصل البيت ونزل ونزل معه نايف وهو هادي بدون بكي لكن الحزن مرسوم على وجهه
دخلو البيت ودخلو المجلس / تفضل بجيب لنا شي ناكله
نايف بضيقه / لا تكلف على نفسك ماشتهي شي
عبدالله بعصبيه / غصب عنك بتاكل ماسمعت كلام الدكتور اذا انت مستغني عن حياتك انا ابيها
نايف بنعاس/ ادخل واتركني انام واذا صحيت اكلت
عبدالله بجديه / اجل بجيب لك شي يغطيك
طالع بصديقه شافه مقفل عيونه دخل فتح الباب شاف مرام وبيدها كاس اول ماشفته انتفضت حيا
قربت منه وبخجل مدت يدها وبحزن / عظم الله اجرك
عبدالله مسك يدها وعيونه بعيونها وبحزن / الله يجزاك خير
تاملها وهي نزلت راسها يحبها ويموت فيها حبه لها انولد معه لكن مشكلته مايعرف يتغزل
عبدالله بحب / مرامي
رفعت وجها مصدومه فقدت الامل بعبدالله هي متاكد انها يحبها لكن عذره يستحي
عبدالله بابتسامه / وش في وجهك منقلب ليكون جبت العيد
مرام بابتسامه خجوله / لا بس استغربت اسمي
عبدالله تنحنح / شخبار امي وديما
مرام بحزن / خالتي تكابر على حزنها وديما ذبحت نفسها بالبكي وانجود تواسيها ودموعها على خدها
عبدالله بتاثر / الله يصبرهم اقول صديقي جوعان ابي شي ياكله
مرام بجديه / تبي شي دسم ولا خفايف
عبدالله بجديه / عشاء لانه توه طالع من المستشفى والدكتور منبه على تغذيته
مرام بابتسامه / ان شاء الله على 8 يكون عشاكم جاهز
عبدالله بحب / الله لا يحرمني منك
انقلب وجها للاحمرار كان بخاطرها ترد عليه وتقول ولا يخليني منك لكن ماتجرئت
عبدالله بجديه / عند امي احد
مرام بجديه / امي عندها
عبدالله بجديه / اجل بدخل عندهم لين يخلص عشاك
دخل عبدالله ومرام حست براحه ودخلت المطبخ وبدت تفكر وش بتسوي وهداها تفكيرها لكم طبخه سهله وماتاخذ وقت
عند عبدالله
دخل الصاله شاف امه ثابته وخالته الي تبكي قرب منهم وباس راس امه وخالته
ام مرام وهي تمسح دموعها / عظم الله اجرك بعيال اختك
عبدالله بحزن / اجرنا واجرك والله يفرحنا برجعة امهم
ام مرام زات بكي / امين ويصبر قلبها على فقدها لعيالها
ام صقر بصوت باكي / ماحرقن قلبي الا امهم الي مادري وش حالها
عبدالله بيقه / يمه معزم اسافر لرياض وبدور عليها بفلتها قلبي يقول انها هناك
ام صقر بحزن / ماقول الا يارب مايخيب ضنك
ام مرام بجديه / متى ناوي تسافر
عبدلله بجديه / الفجر ان شاء الله
ام صقر بجديه / خويك بيروح معك
عبدالله بجديه / ايه بيروح معي وكان بخاطري نروح سواء لكن مدري عن صقر
ام صقر بضيقه / اخوك عند ضاحي مبتلش فيه من الصباح ماشفناه روح له يمه خفف على اخوك الحزن كاسر ظهره
وقف وبحزن / طالع اشوفه
قبل لا يطلع مر المجلس شاف صديقه نايم ارتاح وطلع من بيتهم وصل لبيت ضاحي شاف الباب فاتح دخل بهدوء
وصل لغرفة ضاحي شاف اخوه جالس على الكنبه حاط يده على راسه يبكي بحرقه
قرب من اخوه
صقر حس بحركه رفع راسه مسح دموعه / وش جابك
عبدالله بحزن / امي تحاتيك ومرسلتي اتطمن عليك
صقر بصوت باكي / ارجع لها وطمنها وقول لها صقر نايم
جلس جنب اخوه وحط يده وراء ظهر صقر / ادري ان فجعتك كبيره فيهم لكن الي تسويه مراح يغير شي
صقر بصوت باكي وبحرقه / ياليتني مارحت وشفتهم كل ماقفلت عيوني طلعت لي صورتهم
عبدالله بصوت باكي / الله يرحمه ويرجع لنا امهم
صقر بحزن / شخبار خويك
عبدالله بحزن / نايم في بيتنا
صقر بصوت مبحوح / زين جاء معك
عبدالله بصوت مبحوح / بتخاويني بسافر الفجر
صقر وعيونه على ضاحي / تقدر تاخذ ضاحي معك ولده حرق جوالي ومقدر ارد عليه
عبدالله بجديه / معندي مانع بس اخاف نتوهق فيه بطريق المسافه طويله
صقر بصوت مبحوح / بحط له اكل بصحون واذا وصلتو روحو لولده وهو عليه الباقي لا تقولون له أي شي عن الي صار الرجال بيفرح مابي اخرب فرحته
عبدالله بحزن / وانت متى ناوي تسافر
صقر بصوت مبحوح / شكلنا بنسافر بالطياره ماني قادر اسوق وهذي حالتي
عبدالله بجديه / والاغراض
صقر بجديه / بقول لامي والبنات ياخذون ملابسهم والباقي نجيبيه بعدين
عبدالله بجديه / اذا فيه اغراض ضروريه بناخذها معنا
صقر / روح لامي وقول لها
وقف عبدلله وبحنان / تعال تعش معنا وبعدها ارجع لضاحي
صقر بحرقه / تعشو بالعافيه انا بنام خفافي
احترم عبدالله رغبة اخوه وطلع راجع لبيتهم
عند ماجد
جالس مع سيف بصالة انتظار الرجال
سيف بطفش / لمتى بنجلس هنا
ماجد بتعب / مدري لين سميه تطلع صعبه اخليه واروح
سيف بعصبيه / واختك المصون متى بتخلص وترجع البيت
ماجد بجديه / من حالتها ماضنتي بتروح للبيت
سيف بعصبية / وان شاء الله بجلس تحت رحمة اختك
ماجد بعصبيه / محد جابرك تجلس اذا طفشان روح لبيتك
وقف سيف وفي باله موال طلع شاف سميه جالسه وخويتها طالعه قرب من سميه يسمع صوت بكاها
سيف بعصبيه / لمتى ان شا ء الله بتنتحبين وتجلسينا معك
سميه الي فيها يهد جبال يجي هالمتطفل يعصب عليها
طالعته بسخريه / ممكن تروح لخويك لان لا الوضع ولا المكان بيجبرني احترمك
سيف بسخريه / وش بتسوين استاذه سميه
سميه صارتاخذ نفس ماتبي تغلط وبهدوء / تسهل الله يرحم غاليك اتركني مابي اصغر عقلي واتلاسن معك
سيف بهدوء / الي بفهمه نحيبك وجلستك عندها وش بيفيد خويتك
طالعته بعيون باكيه / تقدر تترك خويك لو بمكانها
انتفض سيف بمجرد التخيل شلون لو صار
مشى من قدامها ماعنده أي رد على كلامها لانه مستحيل بيترك ماجد لو بمكانها بيدفع كل الي يملكه علشان يتعافى صديقه وبيجلس عنده ليل نهار وصل عند ماجد وجلس جنبه
ماجد بجديه / وين رحت
سيف بهدوء/ رحت لدورات المياه امش معي ناكل لنا شي ونجيب لختك ناكل
وقف ماجد / بموت من الجوع واكيد سميه مااكلت شي من الصبح
طلعو لمطعم قريب اشترو شاورما وعصير ورجعو للمستشفى
اخذ ماجد سندويشه وعصير لاخته ومشى عند اخته شافها على وضعها من الصبح
قرب منها ومد لها الكيس رفعت راسها / وش هذا
ماجد بحنان / جبت لك اكل يقويك
سميه بتعب / مشكور ماجد النفس عايفه الاكل
ماجد برجاء / علشان خاطر اخوك لاترديني وكلي
سميه اخذت منه الكيسه / ان شاء الله
مشى من قدامها وسميه حطت الكيسه بشنطتها لو اكلت لقمه بتستفرغ
وقفت ودخلت عند منى تاملت وجها الضربات صايره ازرق ومشوهه وجها متاكده اانها بطيب وبتختفي لكن الي بروحها ماضنتي بيطب والحادث وفقدها لعيالها مستحيل بيمر بسلام على منى الي تعرف وش كثر تحب عيالها ومتعلقه فيهم
شافت دولاب جنب صديقتها فتحته شافت شرشف ابيض اخذته وابسطته بالارض وحطت شنتطتها تحت راسها وانسدحت وعيونها تتامل صديقتها ودموعها تنزل بحراره
راميه بعرض الحائط كلام الدكاتره ومنعهم من جلوسها عند منى
عند شوق
منسدحه على السرير تنتظر جدتها الي بالحمام طلعت ام سالم من الحمام وقربت من شوق وتمددت على السرير
ام سالم بحنان / للحين مانمتي
شوق بابتسامه / انتظرك تعرفين مدمنه حضنك
ام سالم بحنان / بفقد حضنك لا تزوجتي
شوق بحزن / حتى انا بفقد حضنك وحضن امي
ام سالم بخبث / حضن زوجك بينسيك حضن جدتك
شوق بقرف / ومن قالك اني بنام معه
ام سالم بسخريه / ليكون بتنامي بغرفه وهو بغرفه
هذا الي شوق مخططه عليه وبقرف / هذا الي بيصير ماتخيل نفسي انام معه بغرفه شلون بسرير واحد
ام سالم بصدمه / وش ناويه عليه يابنت ناصر ترى الرجال مايقدر يتحمل بعد زوجته عنه اذا معطته الي يبيه برضاها بياخذه غصب عنها ويمكن توصل لضرب
شوق بحقد / يخسى يضربني ومستحيل ياخذ شي غصب عني
ام سالم بنعاس/ اقول نامي وفكيني من هبالك
شوق بحضنها مو متخيله الي قالته جدتها يصير لازم تفكر تحمي نفسها من ركان من الحين وتصير هي الاقوى
( نسومه تقول ياقلبي عليك يا ركان من الي بتسويه فيك شوق )
عند ركان
وصل البيت مع صديقه وبيده اغراض دخل المطبخ
ركان بابتسامه / شمر عن كمك وتعال ساعدني بالترتيب
تركي بتعب / خلهم مكانهم وبكره ناد السواق يرتبهم
ركان بجديه / تبي اسوي قهوه ولا بتنام
تركي بارهاق / انفجر بطني من شرب القهوه
ركان بجديه / اسوي لك حليب
تركي بابتسامه / ما شاء الله عليك شاطر بالطبخ وشوق حتى البيضه ماتعرف تسلقها
ركان بجديه / لنعدام العنصر الانثوي في بيتنا اضطريت اسوي شغلتهم
تركي بسخريه / امش ولا بتنومنا بمطبخك
ركان اخذ علبتين عصير وطلع مع تركي وطلعو فوق ودخلو الغرفه
كانت الغرفه وسيعه وكانت بورق حائط سماوي بنقشات و الاثاث باللون الابيض السرير كان لنفرين ومرتفع عن الارض بكثير ومحطوط على جنب سلم صغير
وكانت مليانه تحف ولوح مزوده جمالها وكانت الغرفه قمه بالفخامه وكان فيه ثلاجه صغيره على جنب و الحمام داخل غرفة التبديل
صارت عيون ركان ادور بالغرفه باعجاب / وش كل هذا
تركي بابتسامه / تستاهل وش رايك بذوقي
قرب من السرير وركب على الدرج الصغير وجلس / حلوووووو لكن السرير ماكانه مرتفع كثير
تركي قرب من صديقه وركان ترك له مكان ركب الدرج وجلس
تركي بابتسامه / ليكون خايف اطيح
ركان بابتسامه / لو طحت بتكسر
تركي بابتسامه / الليله بشاركك بسريرك
ركان بابتسامه/ ترى نومي خفيف اذا ترافس دور لك مكان بعيد عني
تركي بابتسامه / تطمن نومي اخف من نومك ويخوفي انت الي ترافس
ركان / بتنام ولا بتسهر
تركي تمدد على السرير / وين اسهر وراي دوام وبكره فيه اجتماع
ركان بجديه / زين بتنام كنت بجاملك وبسهر معك
تركي بجديه / مد يدك وطف النور
ركان مد يده وطفى النور / احس شي ان مفاتيح النور جنب السرير مايحتاج اتعنى واقوم
تركي بابتسامه / تهمني راحتك طال عمرك
ركان بجديه / مشكور واذا صحيت صحيني بشوف شغلي الجديد
تركي بجديه / يابختك شغلك قريب من بيتك لو بغيت رحت له مشي
ركان بجديه / شكلك مدلعني بقوة
تركي بحب / كم ركان عندي اترك السوالف ونام
عرض ركان ظهره وطار تفكيره للحبيه وتنهد تنهيدت من اعماقه يمكن تخفف شوقه لها
سمع ركان التنهيده / تعوذ من ابليس ونام
مارد عليه
عن عبدالله
بعد ماطلع من بيت ركان دخل بيتهم لقى صديقه صاحي دخل وقال لامه عن كلام صقر وارسلت معه الشغلات الضروريه الي ماتقدر تستغني عنها وبعد ركب سيارته وقربها من بيت ضاحي طلع صقر وضاحي بين ايدينه كانه طفي رضيع فتح السياره ورى وسدح ضاحي
وحط اكله تحت ووصى عليه وبعدها حركو سيارتهم راجعين لرياض
اليوم الثاني
عن نوف
قامت وصلت الفجر ماقدرت تنام من القلق والرهبه من مقابلة سالم رجعت ودخلت الحمام اخذت شور بتستعد لطلع ولبست بنطلون جنز وبلوزه ورديه بخطوط ضعيفه بالابيض توصل لركبه وحجاب وردي
طلعت كانت الصاله فاضيه دخلت المطبخ شافت الشغاله طلبت منها قهوه فرنسيه وجلست بالصاله
عند مها
صلت الفجر ونزلت بتصحي نوم لصلاه انصدمت وهي تشوفها لابسه وبيدها القهوه
مها بصدمه / وش مجلسك
نوف بخوف / ماجاني نوم خايفه من مقابل سالم
مها جلست مقابلها / منتي مجبوره اذا خايفه اجلسي
نوف / وين الي تقويني وتطلب مني اواجه الحين تبيني اتراجع عن الي تعلمته
تنهدت مها / الحرب الي هي الحرب اذا تبين تكسبينها لازم تجهيز وستعداد من فتره وانتي جايه امس بتواجهين اليوم
نوف باصرار / يكفي المده الي بالجنوب تخليني اقدر اواجه
مها بجديه / الله يقويك
نوف بضيقه / امين
تاملت مها لبس صديقتها / لاتقولين بتروحين الشركه بهالشكل
نوف بجديه / اكيد
مها بضيقه / وش ناويه عليه لو طلعتي بهالشكل تاكدي منتي براجعه سليمه
نوف بسخريه / وليه ان شاء الله
مها بجديه / ياما انتي بالسعوديه منتي بفرنسا وهنا لازم تلبسين عباه وتغطين وجهك ولبسك هذا تلبسينه هناك
نوف باصرار / مخليه العبايه لك ولشوق انا هذا لبسي هنا وهناك ومستحييييييل اغيره
( نسومه تقول بنشوووووووف )
وقفت وبجديه / وينه سواقك ابيه يوصلني لشركه
مها برجاء / طعيني ولبسي عباه وتغطي
نوف بعصبيه / مهاااا وبعدييييييييييين
مها بستسلام / خلاص لا ينفجر فيك عرق
وبابتسامه / الله يعظم اجرك بالمغرور مدامك طالعه له بالوردي
نوف وقفت وبعصبيه / الله ياااااااااخذه علشان تفكيني من سيرته
مها بهدوء / اجلسي تو الناس والشركه مقفله الا اذا بتجلسين تنتظرين عن الباب هذا شي ثاني
رجعت وجلست / متى اروح
مها بجديه / اذا بدري 6 ونص واذا متاخر من 8 ووراء
نوف بجديه / مابي اروح بدري ولا متاخر ابي اقابل سالم قبل الدومات
مها بجديه / روحي 6 ونص لان اغلب الشركات دوامها الرسمي 7
نوف بطفش/ اووووف باقي كثير الحين 5
مها بجديه / على مانفطر ونغسل جاء الوقت
في بيت الجده
في غرفة ساره
صحت من نومها صلت الفجر ولبست لبس الجامعه وحط مكياج خفيف وطلعت من غرفتها ودخلت غرفة امها كان النور طافي قربت من السرير بجهة شوق
وبصوت واطي / شوق قومي
فتحت ام سالم عيونها وبجديه / وش عندك تقومينها
ساره بارتباك / بتروح معي الجامعه
ام سالم سحبت نفسها من حضن شوق / شوق روح مع عمتك
شوق فتحت عيونها وبكسل / كم الساعه
ساره بجديه/ 6
شوق ببحه / متى دوامك
ساره بجديه / 8
تعدلت وقفت وفتحت دولاب جدتها اخذت روبها وفوطه ودخلت الحمام
وساره طلعت لغرفتها وام سالم كملت نومها
عند سالم
صحى بدري ودخل غرفة اخوه مالقاه استغرب دخل غرفة الضيوف كانت فاضيه ودخل المجلس كان فاضي
سالم بستغراب / وينه هذا مايدري ان فيه اجتماع مهم لازم يحضره يمكن سبقني لشركه
عند تركي
صحاه صوت المنبه طالع بجواله كانت 6 قفله ودخل الحمام اخذ شور وشاف باقي وقت على الدوام نزل تحت
تمدد على الكنبه وراح بنومه
عند ركان
صحى من نومه والتفت جنبه ماشاف صديقه دخل الحمام اخذ شور واخذ ثوبه المعلق ولبسه
نزل تحت دخل المطبخ شرب كاس ماء وطلع لصاله شاف صديقه نايم قرب منه
ركان بجديه / تركي قوم تاخرت على الشركه
فتح عيونه بتعب / كم الساعه
ركان بجديه / 7 الا ربع
تعدل بجلسته وتمغط بكسل / مستغرب للمكان مانمت عدل
ركان بجديه / اشرب كاس كافي وبيطير النوم
وقف وتامل ثوبه المعفوس / يوه لازم اطلع للبيت وغير ثوبي
ركان / اجل روح لبيتكم وانا طالع لشغلي وياليت تاخذ بنت اخوك تسوي فحوصاتها لاني بطلع من شغلي للمستشفى
تركي بجديه / طيب
طلع تركي ومعه ركان ركب ركان مع السواق يوصله لشغله وتركي قبل لا يدخل بيتهم القى نظره على بيت ابو ثامر وتنهد
دخل شاف شوق لابسه عباتها قرب منها
تركي بستغراب / وش عندك لابسه وين النيه ان شاء الله
شوق بجديه / بروح مع ساره لجامعتها
تركي بجديه / ارتاحي بوديك على 9 المستشفى تسوين فحوصات
شوق بصدمه / وش فحوصاته الحمد لله ماشكي من شي
تركي بابتسامه / نسيتي انك مخطوبه ولازم تسوين هالفحوصات علشان يتم الزواج
بقلبها جعل الفحوصات ماتركب وانرحم من هالزواجه
شوق بضيقه / بروح مع ساره وخذني من الجامعه اسوي الفحوصات
تركي بجديه / على راحتك
دخلت عليهم ساره وبيدها كاسين حليب مدت واحد
لتركي
ساره بابتسامه / تفضل
تركي بابتسامه / اشوفهم كاسين شكلكم ماحسبتو حسابي
ساره باحراج / ماكنت ادري بوجودك ضنيتك طلعت مع سالم
تركي بجديه / عليكم بالعافيه يادوب الحق على الشغل
طلع تركي غرفته وساره مدت الكاس لشوق
اخذت شوق الكاس وشوق اخذت كاسها وجلست على الكنبه
ساره بابتسامه / قايله لك بتقدرين تراضين تركي
شوق بضيقه / للحين زعلان والي خلاه يكلمني بياخذني ازوجي فحوصات الجنازه
ساره بعصبيه / وووجع بسم الله عليك
تركت شوق الكاس ووقفت / امشي نروح ولا هونت
ساره بجديه / لوش تهونين بلبس نقابي ونطلع
لبست نقابها وشوق لبسته وطلعو لقو السواق واقف عند الباب ركبو
عند نوف
تفطر وهي مرتبكه
مها بحنان / وش فيك منتي على بعضك
نوف بخوف / قلبي بيوقف من الخوف
مها بجديه / انتي الي جبتيه لنفسك
نوف باصرار / لازم اشوف سالم يربطنا شغل وقبله عيال يمكن يتفهم موضوعي
مها بجديه / لادرى ان العيال عيال ناصر احلمي تشوفينهم
نوف بضيقه / ماضنتي بقدر اقوله الحقيقه كامله
مها بجديه / اجليها لبعدين والحين ناقشيه بنصيبك بشركتهم
نوف نزلت دمعتها / تعبت والله تعبت ابي لحطيت راسي على المخده اقدر انام ابي ارتاح وعيش حياتي بدون خوف
قربت منها مها وحطت يدها على ظهرها
مها بحنان / حاسه فيك وبنارك لكني ضد انك تكشفين سرك انسي الماضي وعيشي الحاضر لانك لو فتحتي اوراق الماضي اول شي بتخسرينهم عيالك
نوف بصوت باكي / ااااااااااااااااااااه وهذا الي كاسرني ومتاكده لعرفو حقيقتي بيكرهوني وبينسون كل الي سويته لهم
مها برجاء / اجل لا تقولين
وقفت نوف امري لله ويحرقه / الله يفرجها علي
مها / امين
اخذت شنطتها وبتمشي وقفتها مها ومدت عليها جوالها / خذي جوالي اخاف تحتاجينه
اخذته من صديقتها وحطته بالشنطه وحضنتها بحب / الله يخليك لي
مها بحب / ويخليك لي
سحبت نوف نفسها من حضن صديقتها وقفت عدلت حجابها و طلعت برا البيت ركبت السياره مع السواق وقالت له اسم الشركه
بعد ساعه وصلت لشركه ودقات قلبها سريعه خوف وقلق ورعب سمت برحمن وقبل لا تنزل
نوف بضيقه / شريف لا تروح
السواق / حاضر مدام
نزلت برجول تنتفض الكلام سهل لكن التفيذ صعب ومرعب
اول مره بتقابل اهل ناصر اول كانت تترجاء ناصر تشوفهم حب لهم لكن اليوم الوضع غير ترتجف خوف من اللقاء تخاف ثقتها بسالم تهتز وهي حاطه كل املها فيه الي سمعته انه حقاني ومايرضى يظلم عكس اخوانه
وصلت لمكتب سالم شافت على المكتب رجال لابس ثوب وغتره قربت منه وهو من الصدمه وقف
نوف بارتباك وخوف / الاستاذ سالم بمكتبه
السكرتير انصدم انها تطلب سالم الي الكل يحلف باخلاقه
السكرتير بنفسه / يويل قلبي هذي من وين طلعت ياصينه الصبح الي بنصبح بمثل هالوجه والله ان عندك ذوق ياسالم
السكرتير وعيونه اطالعها باعجاب / ايه نعم بمكتبه
انحرجت نوف من نظراته وبارتباك / ممكن
اقابله
جلس السكرتير وحاول يشتت نظره عنها خاف تكون مهمه لسالم ويدري عن نظراته ويطرده من شغله
السكرتير وعيونه بالكاس الي قدامه / عندك موعد
نوف بارتباك / لا لكني من الاهل وياليت تدخلني بدون ماتقوله بسويها مفاجئة
حمد ربه انه ما زودها معها والا اكيد مطرود مطرود
السكرتير بارتباك / تفضلي
طقت الباب بنعومه سمعت سالم يسمح لها بالدخول
عند سالم
جالس بمكتبه يراجع الاوراق الي بيناقشها بالاجتماع
سمع صوت الباب
سالم بجديه / تفضل جمال
عند نوف
دخلت تقدم رجل وتوخر الثانيه وعيونها على الجالس قدامها وصارت دقات قلبها تزيد
سالم حس بالهدوء رفع راسه وانفجع من البنت الي تصرع بجمالها والوردي عليها يصرخ
وتفكيره اخذه لبعيد
وقف وبصدمه / خير اختي هذا مكتب محترم
ابتسمت وباحراج / لو انه مو محترم ما شفتني واقفه قدامك
سالم اشر لها على الكرسي ماقدر ينطق شوفتها نشفت ريقه
سالم في نفسه / هذي وش فيها مصبحتنا بهشكل الله يستر وش جابها
جلست نوف على الكرسي بنعومتها
سالم شتت نظره متاكد ان العين بتزني لناظرات الي قدامه
جلس بهدوء وعيونه بالملف الي قدامه / بيش ممكن اخدمك
نوف بارتباك / بينا موضوع مهم
سالم بصدمه / بيني وبينك موضوع مهم متى شفتك يابنت الناس شكلك مضيعه بالعنوان
نوف بجديه / انت سالم .............. الضامي ابو سعود امك موضي ال ..... واخوانك ناصر وتركي ولك اخت اسمها ساره
بقق سالم عيونه مصدوم تعرف عنه كل شي وهو اول مره يشوفها
رجع جلس وبهدوء / قولي موضوعك باقي اقل من دقيقتين على الاجتماع
نوف بجديه / موضوعي طويل يابي له ساعات
سالم بجديه / اجل تعالي بيوم ثاني ماقدر اسمعك وراي اجتماع
نوف بقوه وعيونها تتامل سالم الي واضح عليه الصلاح تجرئت وبداء الخوف يزول / ممكن احضر معك الاجتماع
سالم بصدمه / تحضرين الاجتماع وشلون
نوف بارتباك / مثل ما بتحضره
سالم بعصبيه / انا بحضره بصفتي المدير انتي بصفتك شنو بتحضرين
نوف حاولت تقوي نفسها / بصفتي صاحبة اكبر حصه بالشركه
وقف سالم و بصرخه / شنوووووووووووووو
نوف بقوه / مثل ماسمعت
سالم بعصبيه / لا باله مجنونه وماني برايق لجنونك
نوف باصرار / الاجتماع بحضره ولا بتسرقوني يا سالم
سالم انفجر عصبيه / الي قال لك المعلومات عني ماقال لن ان سالم مستحيل يدخل بطنه فلس حرام
وقفت نوف بعصبيه / الي تقوله عكس فعلط
دخل عليه السكرتير / استاذ سالم الكل مجتمع
سالم بجديه / الحين جاي
طلع السكرتير
وسالم التفت على نوف / ممكن تطلعين تاخرت على الاجتماع
نوف باصرار / من هنا لغرفة الاجتماع
سالم بعصبيه / اللهم طولك ياروح افهم من كلامك بتحضرين غصب عني
نوف بعصبيه / قول وش يمنعك توافق اني دخل معك الاجتماع
سالم بهدوء / الي يمنع الشركه كلها رجال ووجودك بينهم غلط
نوف بعصبيه / ما توقع هذا عذر كافي
سالم بعصبيه / وبعدين معك يابنت الناس اقول يمين تقولين شمال اذا حضرتي بشكلك هذا بتشتتين ذهن الموظفين عن القضايا المطروحه بالاجتماع
نوف بعصبيه / وش فيه شكلي
سالم في نفسه / هذي وش ناويه عليه كل كلمه اقولها تقابلها برفض ولو ببقى اجادلها بيجي الليل ما خلصت
سالم بهدوء / المفروض تطلعين من بيتكم محتشمه مو بهالشكل افهمي يابت الناس انتي فتنه خافي ربك بالشباب الي يطالعك
نوف حمر وجها من العصبيه / قولي وش بفتنهم فيه باللبس الفضفاض الي لابسته ولا بالحجاب ولا بالوجه الخالي من المكياج
سالم بهدوء / بتفتنينهم بو جهك الي كاشفته وبجمالك الفاتن تدرين لو لا فضل ربي علي كان طالعتك بنظرات شينه
والسبب اني رجال وفتنتيني بجمالك المكشوف و كسبتي ذنبي
شلون اذا حضرتي الاجتماع بتكسبين ذنب كل الموظفين الي بيطالعونك وبتتحملين ذنبهم
نوف بهدوء / وموضوعي مايتاجل
سالم بجديه / انتظريني هنا او اطلعي وبعد ساعه تعالي
نوف بستسلام وضيقه / خلاص تسهل للاجتماع وبنتظرك بالمكتب
سالم بجديه / براحتك
مشى من قدامها وهي جالسه بالكرسي فتحت شنطتها ادور كتاب تشغل نفسها لين يخلص اجتماعه
لكنها مالقت
عند تركي
دخل الشركه يركض وصل لمكتب اخوه ماشاف السكرتير
فتح الباب بقوته وانصدم من الي يشوفه حبيبته معذبته واقع قدامه
عن نوف
سمعت صوت الباب ينفتح طالعت وكان اخر شي تتمنى تشوفه حست بالرجفه رجعت لها
وقفت وانصدمت وهي تشوف تركي يدخل ويسكر الباب وراه
نوف برعب / ليش دخلت وسكرت الباب
تركي فاقد الوعي قرب منها وصار مقابلها
وبعشق / انتي واقع والا خيال
نوف صرت تمشي على وراء وبرعب وبعصبيه / بعد عني واياني وياك تلمسني والله لصرخ وجمع عليك الموضفين
تركي اوجعه قلبه وهو يشوف الرعب مرسوم بوجها
وبصوت طالع من اعماقه يحمل كل العشق والحب للانسانه الي قدامه / لا تخافين ببعد وتاكدي مستحيل اضرك لكني ماني بمصدق انك قدامي
غمض عيون بعشق ومد يده ببطئ بيمسك وجها عذابه انصدم وهو يسمع صوت باب المكتب يتسكر فتح عيونها وكانها كانت سراب
تركي معقوله شوقي لها وصل لدرجة اني اشوفها قدامي
بيتاكد طلع من المكتب مالها اثر وشاف السكرتير
حاول يرجع لطبيعته قرب منه / كانت فيه بنت بمكتب سالم ماتدري من تكون
السكرتير بجديه / دخلت عند الاستاذ سالم بصفتها قريبه لكم
تركي بصدمه / قريبه لنا
السكرتير بخوف / هذا الي قالته
رجع لمكتب اخوه وجلس بمكانها بعد شوفتها كره يحضر الاجتماع لازم يعرف من اخوه من تكون
حط يده على قلبه / اهدء ياقلب اخاف توقف دقاتك من شوفتها
صايره شوفتها تسكرني وتخليني بدون واعي الحين تاكدت اني لاعب بدال ما نفي التهمه عني اثبتها
وبحزن / يارب ماقوى على العشق الي مامنه امل
لنا لقاء باذن الله الثلاثاء
توقعاتكم
اختكم نسايم نجد
17-12-11, 05:24 PM
جديد مواضيع قسم الارشيف
العرض العادي
