الاخوات الي كان رايهم ضد تصرف ماجد وسيف
راي من رايكم المفروض يتركونها تروح مع عيالها
او ياخذونها للجنوب لانها الاقرب لكن تصرفهم بدون تفكير احيان الظروف تجبرك تسوي شغلات بدون تفكير وبعد فتره تحس بكبر سواتك لكن بعد فوات الاوان
والاخوات الي يبون مواقف بين تركي و نوف اقول لكم ابشرو بيصير الي تبونه بالبارتات الجايه
الرجاء عدم طمر السطورررر
البارت الثامن والاربعون
عند عبد الله
جالس وعيونه على صديقه النايم بسبب المهدء شاف الباب يفتح ودخل دكتور ومعه ممرضه
وقف عبد الله احترام لدخول الدكتور قرب الدكتور من عبد الله
الدكتور وعيونه على عبدالله / انا الدكتور المشرف على حالته
عبد الله بقلق / دكتور صديقي انهار بسبب وفاة اخوه
الدكتور بهدوء / الي فيه امر بسيط وبعد الابره بيهدء وبيرجع لوضعه الطبيعي
عبدالله بحزن / لازم اليوم يطلع يدفن اخوه واخاف ينهار وقت الدفن
الدكتور بجديه / الابره الي اخذها صديقك باقي عليها ساعتين ويصحى واذا بيطلع لازم ياخذ ابره مهدئه اقوى من الي اخذها
عبد الله بجديه / والابره بتنومه
الدكتور بجديه / الدكتور المناوب اعطى صديقك ابره مهدئه فيه نسبه منوم
عبدالله بجديه / ومتى بيصحى
الدكتور بجديه / الحين الساعه 8 على 12 بيكون صاحي وبكون عنده وبعطيه الابره
عبدالله بجديه / باقي3 ساعات ويصحى
الدكتور بجديه / تقريبا
عبد الله بجديه / بطلع اسلم على اهلي واخاف يصحى قبل الوقت
الدكتور بثقه / تقدر تطلع وتاكد انه مستحيل يفوق قبل 3 ساعات
عبدالله بجديه / يقدر يسافر ولا فيه مشكله عليه
الدكتور بجديه / تطمن صديقك الي فيه اثر صدمته بموت اخوه والصدمه مؤقته
عبدالله بخوف / اخاف يدمن على المهدئ
الدكتور بابتسامه / تطمن المهدء علاج مايسبب ادمان
عبدالله بابتسامه حزينه / الله يشفيه
الدكتور بجديه / امين لكن لازم تحرص على تغذيته
عبد الله بجديه / ان شاء الله
قرب الدكتور من نايف النايم وفحص عليه وسجل حالته بالملف الي معه وبعده طلع
بامل عبدالله نايف ودقائق طلع من الغرفه ومن المستشفى ركب سيارته بطريقه لبيت اهله بيسلم عليهم وبيرجع قبل مايصحى نايف
في بيت صقر
وصل عبدالله البيت افتحه بالمفتاح الي معه ودخل لصاله انفجع من الي يشوفه
صقر جالس على الكنب منزل راسه يبكي بحرقه وام صقر تبكي بصمت
ونجود جالسه وبحضنها ديما الي تبكي بصوت عالي
ركض لهم عبدالله برجول تتنافض وبخوف / صقر يمه وش فيكم تبكون
رفع صقر وجهه المليان دموع
والتفتت عليه نجود بعيونه الحمر ووجها الغرقان بالدموع
عبدالله بصوت عالي / وش صار منو الي مات
صقر وقف وقرب من اخوه وحضنه / سلطان وعياله الله يرحمهم
سحب عبد الله نفسه من حضن اخوه و بصراخ / ماتوووووووو
صقر بصوت باكي / الله يرحمهم
انهار عبدالله بين ايدين صقر وقفت ام صقر مرعوبه وهي تشوف ولدها طايح عند رجول اخوه
وحطت راسه بحضنها / بسم الله عليك كلنا ميتين يمه
عبد الله ما يرد
صقر صرخ بوجه اختها / بسرعه هاتي شي اصحيه فيه
ديما ركضت عند خالها وجدتها وصارت تهز جسم عبد الله بيدينه وبصوت باكي يفطر القلب / عبد الله اصحى يكفيني خسرت اخواني لا تخليني اخسرك
جتهم نجود وبيدها بصله مدتها على اخوها اخذها وحطها عند انف اخوه
فتح عيونه ونزلت دموعه وصار يبكي بنحيب امس يحاول يقوي صديقه والحين محتاج الي يقويه بوفاة اخته وعيالها
عبدالله بصوت باكي / وينهم ياصقر بروح اودعهم
صقر بصوت باكي / سلطان وعياله بيطلعهم اخوه وبياخذهم للرياض
عبدالله صار ينتفض من قو البكي / ومنى وين بتندفن يا صقر
صقربصوت باكي / اختك حيه
رجع الدم لعروق عبدالله صحيح ان العيال فقدهم عظيم لكن اختها فقدانها اعظم
عبدالله بصوت باكي / وينها منى
صقر بصوت باكي / ربك اعلم
عبد الله بصراخ / شلون ربي اعلم هي وينها بالمستشفى ولا بالبيت
ديما بصوت باكي / امي ماندري وينها
عبدالله جلس وحط يده على راسه وصار يبكي / ندورها مع الميتين ولا مع الحيين
ام صقر بصوت باكي / مع الحين اختك راحت مع الي اسعفوها وباذن الله انهم بيحافظون عليها
وقف وصار مقابل لاخوه / لازم نسافر لرياض
وبصوت باكي / ونحضر دفن العيال وابوهم
ديما بصوت باكي / نسافر وامي بالجنوب
عبد الله بصوت / يمكن الي اسعفوها اخذوها لرياض واكيد انها الحين بفلتها هناك واذا مالقيناها بالرياض برجع للجنوب وادورها ماني بمرتاح وامك مادري عنها
ام صقر بصوت باكي / اختك بالجنوب الحادث صاير هنا وش بيودها لرياض
صقر باصرار / السفر فينا لازم نحضر دفن وعزاء سلطان وعياله وبعدها الله بيحلها
نجود بصوت باكي / متى بيدفنونهم
صقر بصوت مبحوح / اليوم بيجي عمهم وياخذهم يمكن بكره او بعده
ام صقر بصوت باكي / اكرام الميت دفنه ماله داعي ياخذهم كل هالمسافه علشان يدفنهم هناك يدفنهم بالجنوب
صقر بحرقه / مالي سلطه السلطه بيد عمهم ولو بكيفي ماندفنو الا هنا
ام صقر وعيونها على عبدالله / يمه صديقك شعلومه
عبدالله بصوت باكي / نفسيته تعبانه والحين راقد بالمستشفى
ام صقر بصوت باكي / الله يجير مصابه ويرحم حاله
اخذت نجود ديما الجالسه على الارض وتبكي بصوت عالي
نجود بصوت باكي / تعالي معي فوق وخذي مصحف وقري يمكن تهدين
استجابت ديما لنجود وطلعت معها
وصقر بصوت باكي / بروح اشوف ضاحي ولده فجر جوالي باتصاله
ام صقر بحنان / رد عليه يمه وطمنه على ابوه
صقر بصوت باكي / اذا رديت وسمع صوتي بيخاف وانا مابي اخرب موضوعه الي مسافر علشانه
طلع صقر وام صقر دخلت غرفتها دخلت الحمام توضت وطلعت بسطت سجادتها وصلت وصوت بكاها مختلط بصوت قرائتها
عند سيف
وقف سيارته قدام فلة ماجد الي زاد اختناقه وهو يشوف بيته الي جمعه مع نوره
ماجد بصوت حزين / سيف روح لبيت سميه
سيف بعصبيه / ليش ان شاء الله
ماجد بحزن / مابي ادخل بيتي بعدها ما ينبغى
سيف بعصبيه / احمد ربك على حالتك انت عندك خبر من مده ان زوجتك بتموت والمفروض متااقلم على الوضع
وش تقول عن المسكينه الي شايلينها انفجعت بثلاثه ماتو قدام عيونها واكيد انهم قبل الحادث يضحكون ويسولفون وفجئة ماتو الله يصبرها هذي المصيبه
التفت ماجد لمنى شافها ترفع راسها / الله يكون بعونها ويثبتها ويصبرها على فقدهم اذا انا يالرجال زوجتي للحين اتوجع من فقدانها شلون هي زوجها وفوقه عياله
منى بصوت باكي ضعيف / وليدددددددد غلاااااااا
سيف وعيونه على بيت ماجد / بسرعه نزلها
استسلم ماجد لصديقه ونزل فتح الباب ورجع لسياره فتح الباب الخلفي دخل ايدينه وشالها وهي مو حاسه بالدنيا طول وقتها تئن وتنادي وليد وغلا
دخل البيت وانشغل بمنى عن حزنه طلع لغرفته وفتحها وسدح منى على سريره
كانت اطالعه بالاوعي ودموعها تنزل بحراره وبصوت ضعيف محروق / وينهم عيالي
ماجد يكلمها وهو صاد بنظره عنها
وباحراج / انتي تحتاجين للمستشفى باتصل على اختي بتجيك وبعده بنجيب لك دكتور
منى بصوت باكي وصراخ / وينهم عيالي
ماجد بحزن / الله يرحمهم
منى بشهاق وبكى يقطع القلب / اااااااااااه كنت معهم غلا كانت بحضني ووليد ماسكته بيدي شلون ماتو وانا حيه
وزاد نحيبها الموجع / قولي شلون بعيش والروح فارقت الجسد
ماجد دمعت عيونه وحس براحه ان عقلها سليم وانها تذكر عيالها والكلام الي تقوله يصدر عن عقال
ماجد بصوت مخنوق / امانه عندك وربي رجعهم له لا تعترضين يالمؤمنه على قضاء ربك قولي ان لله وان اليه راجعون
منى بنحيب / ان لله وان اليه راجعون
بصوت محروق / ممكن تطلع ابي اجلس لحالي
ماجد طلع بدون مايتكلم
ومنى تكورت على نفسها وصارت تبكي وتبكي وتبكي بحرقه والم ووجع من كثر مابكت جفت دموعها يمكن البكاء يخفف حرقتها
عند ماجد
طلع وهو يسمع صوت بكاء منى الي يقطع القلب ام ثكلى مفجوعه بفقدان اغلى ماتملك بالدنيا
تسند على الباب وسمح لدموعه بالنزول كان ضاغط على نفسه وهو عندها
سيف كان يطالعه وبحزن / والله ان بكاها يقطع القلب الله يرحم حالها
ماجد بعصبيه / وش عندك واقف عند الباب
سيف بعصبيه / لان دخلتك وجلوسك معها مو
عاجبتني اخلص علي واتصل على اختك
ماجد رفع جواله واتصل على اخته
عند سميه
كانت باجتماع في مكتب التوجيه التربوي سمعت جوالها طنشته لان ممنوع الرد في الاجتماع
لما تكرر الاتصال اكثر من مره
سميه وقفت باحراج / استاذه خيريه ممكن اارد على جوالي
خيريه بعتب / المفروض جوالتكم مغلقه او على الصامت وقت الاجتماع
سميه باحراج / السموحه لكن اكيد المتصل يبي شي ضروري وكله ثواني وارجع
خيره بجديه / ياليت ما طولين بالمكالمه الاجتماع بينتهي بعد نص ساعه
سميه / دقيقه وراجعه
طلعت من المكتب وجلست على الكرسي اخذت جوالها وشافت 10 مكالمات من اخوها استغربت اصرار ماجد
اتصلت عليه رد بعصبيه / ليش ماردتيتي
سميه بجديه / كنت باجتماع وغريبه انك متصل علي بهالوقت
ماجد بجديه / الحين تجين لبيتي
سميه بجديه / ما اقدر اجي باقي نص ساعه ويخلص الاجتماع واليوم عندي ضغط شغل المديره مسافره وكل شي على راسي
ماجد بعصبيه / ضروري تجين السالفه فيها حياة وموت
سميه بخوف / ماجد تتكلم من صدق ولا تمزح
ماجد بعصبيه / والله السالفه صدق ماتحتمل مزح والسالفه مثل ماقلت فيها حياة وموت ويمكن لو تاخرتي ثانيه تموت
سميه بصراخ / منهي الي بتموت
ماجد بعصبيه / وبعدين معك لجيتي بتعرفين
سميه باصرار / ماجد ريح قلبي منهي الي بتموت
قفل ماجد الخط بوجه اخته وسميه زاد خوفها ورعبها من كلام اخوها رجعت لغرفة الاجتماع وقربت من الاستاذه خيريه
سميه ووجه متغير سميه بخوف / استاذه خيريه لازم اطلع
خيريه وعيونها على سميه / وش فيك ليش وجهك منعفس
سميه بخوف / اخوي كلم وقال ضروري تجين السالفه حياة وموت ولو تاخرت يمكن تموت
خيريه بصدمه / تموووووت
سميه بخوف / مدري عن شي قال لجيتي بتعرفين
خيريه بجديه / عساه خير ان شاء الله اطلعي واذا وصلتي طمنيني
سميه بخوف / مشكوره واذا تطمنت اتصلت عليك
اخذت شنطتها لبست عباتها وكلمت سواقها وطلعت برى بعد 10 دقائق والسواق واقف عند الباب ركبت السياره وداخلها خوف وقلق من الي ينتظرها في بيت اخوها
قطع عليها صوت جوالها كان ماجد اخوها / اهلين ماجد
ماجد بعصبيه / وينك
سميه بخوف / الله يهداك جايه
ماجد باصرار / بسرعه لا تتاخرين
سميه بعصبيه / لو بصاروخ ما وصلت بالسرعه الي تبيها
ماجد بعصبيه / بسرعه تراني عند الباب انتظرك
قفل جواله للمره الثانيه بوجه اخته وسميه زاد خوفها وقلقها
سميه بخوف / وسيم بسرعه
عند ماجد
بعد ماقفل من اخته طالع بسيف المتسند على الجدار
ماجد بسخريه / ممكن تنزل يالحارس
سيف بجديه / انزل قبلي
ماجد بجديه / بنزل وش قالو بدخل عليها
سيف بسخريه / كل شي جائز يله قدامي
نزل ماجد ووراه سيف
دخل سيف المجلس
ماجد بجديه / بطلع استقبلها عند الباب وانت خلك بالمجلس
سيف بجديه / الله يعينها على الصدمه الي بتجيها لشافتك بهالبس
ماجد انتبه للبسه الغرقان بالدم / ياربي شلون نسيت اغير ثوبي
سيف بجديه / كل ثيابك غرقانه بالدم يعني عليك العوض فيها
ماجد بحرقه / كل شي يتعوض الا روح الانسان
جلس سيف بالمجلس وماجد طلع عند باب الشارع
زاد توتره وهو يشوف سيارة اخته
عند سميه
زاد خوفها وهي تشوف ماجد طالع برا
سميه في نفسها برعب / معقوله الشيئ كبير مخليك تستقبلني برا يارب لطفك
نزلت وانفجعت وهي تشوف الدم بلبس اخوها
اركضت لين صارت بين ايدينه شهقت ونزلت دموعها / ياويلي هذا دم
وصارت تتفحص اخوها / ماجد صايبك شي
ماجد بهدوء / امسحي دموعك مافيني الا العافيه
سميه برعب / قولي وش منه الدم
ماجد بضيقه / ادخلي داخل وبتعرفين كل شي
دخل ماجد وهو ماسك بيد اخته ودخلو بالصاله
سميه بصوت باكي / ماجد معاد فيني اعصاب تتحمل قول وش فيك
ماجد بجديه / تدرين اني امس مسافر للجنوب مع سيف
سميه برعب / ايه ليكون صاير عليكم حادث
ماجد بحزن / صار حادث لكن مو علينا على ناس ثانيه
سميه بجديه / يعني الدم الي على لبسك دم الناس الي انقذتهم
ماجد بحرقه / للاسف كلهم ماتو مابقى الا امهم
سميه بتاثر / الله يرحمهم ويصبر امهم
ماجد كمل / قبل ما نوصل للجنوب بساعه شفنا وحده واقفه بالطريق تطلب المساعده مشينا وراها وشفنا سيارتهم مقلوبه وبصعوبه قدرنا انطلعم وللاسف كلهم ميتين
سميه بتاثر / كم كانو الي بسياره
ماجد بجديه / ابوهم وولد وبنت وامهم مصابه
سميه بحزن / الله يعينها ويصبرها
ماجد بارتباك / المشكله الي جايبك علشانها ان امهم كانت مصابه و تنزف ما قدرت اتركها مكان الحادث ومنعتها تروح بالاسعاف مع اعيالها خفت انها تتنفجع من شكل بنتها المتقطع
سميه بصدمه / ليكون جايبها لبيتك وهي الي خايف انها تموت
ماجد بارتباك / ايه والحين بغرفتي
سميه وقفت وهي تنتفض من العصبيه / انتم صاحين ولا مجانين قاطعين كل هالمسافه ومعكم وحده مصابه ليش ما خذتوها للجنوب ودخلتوها مستشفى ولا تركتوها تروح مع عيالها
ماجد بجديه / تصرفنا بدون عقل رحمناها وشلناها
سميه بصراخ وعصبيه / والمطلوب من سميه تصلح غلطتكم
ماجد بهدوء / ايه نبيك تقولين لنا الدبره
سميه بعصبيه وبصراخ / حرام عليكم والله حرام تدري بتصرفكم جنيتو على اهلها قبلها تلقاهم الحين يبكونها وهي حيه عندكم وهي الله اعلم انكم زدتو اصابتها وياليت ينفع الحين العلاج
ماجد بعصبيه / لا تعاتبيني قولي وش نسوي الحين
سميه بعصبيه / سوات ربك ابرك اذا مصابه لازم نوديها المستشفى واذا سليمه اخذنا رقم اهلها واتصلنا فيهم ياخذون بنتهم
ماجد برجاء / اطلعي لها وحاولي تخففين مصابها والله ان بكائها يفجر الحجر
سميه بضيقه / وش اخفف واخلي الله يلطف فيها ويبرد على قلبها
ومشت قدام اخوها وقبل لا تطلع على الدرج التفتت عليه / قول لسواق يجهز السياره بطلع فيها للمستشفى
ماجد بجديه / سيف بيجيب لها دكتور
سميه باصرار / بوديها المستشفى لازم يسون لها فحوصات واشعه والدكتور لو جاء بيقول هالكلام
ماجد بضيقه / سوي الي تشوفينه لكن ارجوك اهتمي فيها وحاولي اطلعينها من حزنها
سميه بضيقه / الله يعين الحرمه تقدر تمشي
ماجد بجديه / لا انا شلتها وطلعتها لفوق
سمية هزت راسه / بشوفها اذا قدرت انزلها مع الشغالات نزلتها واذا فيها كسور لا سمح الله بتصل بالاسعاف يشلونها
ماجد بجديه / ماضنتي فيها كسور
مشت سميه من قدام اخوها وهي منقهره منهم ومن تصرفهم الغير واعي
طلعت لدور الثاني سمعت صوت بكاء يقطع القلب مع وناااااااااااات موجعه
وصلت لباب الغرفه وحطت يدها على مقبض الباب وتنهدت / يارب قدرني على التخفيف عنها
دخلت شافت وحده متكوره على نفسها لابسه عبايه وراسها عليه لفه قربت منها بهدوء وحطت يدها على كتفها
سميه بحنان / انا لله وانا اليه راجعون ارحمي نفسك من البكي
عند منى
صاحبة الصوت محتاجتها كثير بعمرها ماطاحت بمصيبه او مشكله الا كانت اول من يوقف معها وتطلعها من همها رفعت منى وجهها وهي تتمنى الي قدامها سميه
رفعت منى راسها وبضعف / سميييييييه
عند سميه
سهم مسموم انغرس بقلبها صديقتها وتؤم روحها صاحبة المصيبه الي تاثرت وتوجعت لصاحبتها الغريبه شلون والمصيبه طاحت على اعز واقرب انسانه عندها
سميه قربت من وجه منى بتتاكد ا ن صديقتها هي الي قدامها وتدعي ربها انه يتهيئ لها
سميه بصدمه / منى
لما تاكدت منى انها سميه زاد البكي والنحيب / وليييييييييد راح كنت خايفه افقده فقدت اخته معه
سميه صارت ترتجف من التاثر والصدمه وجلست على ركبتها وصارت تجاوب منى بالنحيب والبكي
منى بصوت باكي / الي خفت منه صار ياسميه صااااااااار
سميه صارت تبكي بحرقه المصيبه طايحه على راسها مثل ماطاحت على راس صديقتها
منى بصوت باكي منكسر / خفت افقد وليد واعيش بدونه ماتو كلهم شلون باصبرعلى فقدهم ياليتني مت معهم
وقفت سميه وصارت تمسح دموعها وانفها بيدها وحاولت تقوي نفسها وتقوي صديقتها
سميه بصوت مبحوح / الله يرحمهم وعيالك احتسبيهم عند ربك لا تخربين اجرك بالبكي والجزع
قال الرسول صلى الله عليه وسلم (" مَا مِنَ الْمُسْلِمِينَ يَتَوَفَّى لَهُمَا ثَلاثَةٌ إِلا أَدْخَلَهُمَا اللَّهُ الْجَنَّةَ بِفَضْلِ رَحْمَتِهِ إِيَّاهُمْ : فَقَالُوا : يَا رَسُولَ اللَّهِ ، وَاثْنَانِ ؟ قَالَ : " وَاثْنَانِ ".
قَالُوا : أَوْ وَاحِدٌ ؟ قَالَ : " أَوْ وَاحِدٌ " ثُمَّ قَالَ : " وَالَّذِي نَفْسِي بِيَدِهِ إِنَّ السِّقْطَ لَيَجُرُّ أُمَّهُ بِسَرَرِهِ إِلَى الْجَنَّةِ إِذَا احْتَسَبَتْهُ
منى بصوت باكي يفطر القلب / اللهم اني احتسبتهم عندك فلا تحرمني اجرهم يارب لا تؤاخذني ببكاي عليهم وحرقة قلبي عليهم
وتحول البكي لنحيب / يارب فقدهم كسرني وفجيعتي فيهم قويه يارب انك تخفف علي ولا تجعلني اسخط على قضائك
سميه قربت منها وصارت تمسح وجه منى بيدها / قومي معي غسلي وجهك وبنطلع للمستشفى
منى بحرقه / مافيني شي لكن القلب محروق
سميه بصوت باكي / طيب اكلي لك شي او اشربي حليب
منى بصوت باكي / دخيلك سميه جيبي ماء مثلج يمكن يقدر يطفي الحريقه الي بداخلي
سميه صارت دموعها تنزل تدري ان كلامها مستحيل يشيل هم صديقتها لكن واجبها تحاول تخفف عنها والحمد لله انها مانجنت
سميه وقفت ومسكت منى بيدها استجابت لها منى / تعالي معي للحمام اسبحك ودور لك لبس
منى بصوت باكي / خليني يا سميه من التعب ماقدر اوقف
سميه بخوف / لايكون مكسوره
منى بصوت باكي وبحرقه / ياليت الكسر كسر العظام كان قدرنا نجبرها
رجعت منى وجلست بمكانها وحطت يدها على وجها وصارت تبكي تحاول تصير قويه لكن وين القوه مع الفجيعه
وقفت سميه وطلعت برى الغرفه وصارت تبكي بحرقه وانقلب البكي لشهاق لج المكان
عند ماجد
كان تحت وسمع صوت بكي اخته العالي خاف صاير شي ركض على الدرج وصل لعندها
شافها اخته منهاره بكي
ماجد برعب / ماتت
سميه بصوت باكي / شفت القدر ياماجد صديقتي تنقذها وتجيبها عندك وانا الي اخفف عنها مصيبتها
ماجد بصوت عالي / صددددددددديقتك كيف وشلون
سميه بصوت باكي / ياليتها صديقتي وبس الا اختي وتوئم روحي طول عمرنا مع بعض والحين ربك ساقها الي وهي باصعب موقف
وبحرقه / ااااااااااااه يا ماجد عيالها الي شهدت على موتهم والله انهم اغلى من عيوني الثنتين قولي شلون بواسيها وانا يبي لي من يواسيني
ماجد قرب من اخته وحضنها وسميه صارت تبكي بحرقه بحضن اخوها
ماجد بتاثر / سميه انتي قويه ولو شافتك بالحاله زادت ادخلي عليها ولا تتركينها لحالها
سميه سحبت نفسها من اخوها / خل صديقك يجيب دكتوره لانها تعبانه ولا تبي تطلع
نزل ماجد ورجعت سميه عند منى المتكوره على نفسها وتبكي بحرقه سميه جلست على اقرب كرسي وصارت تبكي
رفعت منى راسها / سميه بروح لبيتي
سميه مسحت دموعها / اجلسي هنا ايام وبعدها تروحين
منى بصوت باكي / سلطان مات وهو زعلان علي بروح لبيتي بحاد عليه هناك
سميه بصوت باكي / انتي محتاجه لرعايه وهناك ما عندك الا الشغاله
منى بصوت باكي / ما قدر اجلس هنا اكثر دخيلك بروح لبيتي
واذا خايفه علي تعالي معي
سميه بصوت باكي / اكيد بجي معك مستحيل اتركك لحالك
منى بضعف / سميه اقري علي قران
قربت منها سميه وجلست جنبها وحضنتها وصارت تقراء عليها بصوتها العذب السور الي حافظتهم يبادلها صوت بكى ونحيب منى صارت تتمسك بسميها وكل جسمها ينتفض
سميه استمرت بالقراءه ومنى زادت بالبكي والنحيب الى ان انكتم صوتها خافت عليها بعدتها عن حضنها
ارتحت وهي تسمع انفاس صديقتها واضح انها غاطه بالنوم
بعدتها ولحفتها وطلعت من الغرفه ودخلت المطبخ صلحت اكل خفيف لصديقتها
جهزته وطلعت لصاله ماشافت احد
ماتقدر تترك صديقتها اخذت الصينيه وطلعت فوق دخلت الغرفه نزلت عباتها وانسدحت جنب منى وصارت تمسح على ظهر منى وتدعي لها
عند ماجد
دخل على سيف بالمجلس بحزن / السلام
سيف بجديه / وعليكم السلام وش صار مع اختك
ماجد بضيقه / الي صار ما تصدقه
سيف بجديه / وش صار
ماجد بضيقه / طلعت صديقة سميه
سيف بجديه / سبحان الله وش سوت اختك لما شافتها
ماجد بحزن / سميه متعلقه بالعيال الي ماتو متاثره كثير والحين جيت وهي دخلت عندها والله ان شكلها اوجعني بقلبي
سيف بجديه / اختك ما ينخاف عليها الخوف على عقل المسكينه الي عندها
ماجد بجديه / على كلام سميه انها بخير ورافضه تروح للمستشفى وياليت تجيب دكتورك
سيف بجديه / بعض المصايب تاثيرها مايظهر على طول يظهر بعد مده وتصير انتكاسه قويه
ماجد بتاثر / الله لا يقوله
نسومه تقول ( صح لسانك سيف )
رفع سيف جواله واتصل على دكتوره
عند ركان
بعد ما رجع من المسجد وهو يتصل على صقر لكنه مايرد
تركي بجديه / وش عندك من اليوم ماسك جوالك
ركان بقلق / اتصل على صقر ومايرد
تركي بجديه / تلقاه نايم او جواله بعيد عنه حط راسك ونام واذا صحى بيلقى رقمك وبيتصل عليك
ركان بجديه / ياليت تتصل على بنت اخوك وتحط عندها خبر
تركي بستغراب / اتصل عليها بهالوقت اكيد انها بسابع نومه
ركان باصرار / اتصل اذا صاحيه بترد
ركان بنفسه / ياليتك تدري انها موجوده مع امها جنب بيتك يا خوفي تطلع لها وتسحبها بشعرها
رفع تركي جواله واتصل على جوال ساره
عند شوق
كانت تفطر مع امها وخالتها سمعت جوالها
وقفت
طالعتها نوف / افطري لاحقه على جوالك
شوق بابتسامه / لاحقه على الفطور بشوف من متصل علي بهالوقت
اخذت شنطتها شافت رقم عمها ردت وهي كارهه ترد
شوق بضيقه / الو
تركي بعصبيه / الحمد لله انك رديتي
شوق بضيقه / اهلين عمي
تركي بعصبيهى / متى بترجعين ولا تبيني اسافر عندك
شوق بضيقه / ما يحتاج تسافر من ساعه واصله لرياض
تركي بعصبيه / من جابك ان شاء الله
شوق بجديه / جيت مع امي وخواني
تركي بعصبيه / والعله وش يجيبها معكم كان انثبرت بالجنوب
شوق بعصبيه / عمييييييييييييي
ركان كان مستمع لتركي وانفعاله
تركي بعصبيه / الحين وانتي عندي
شوق شهقت / الحين
تركي بجديه / ايه وجايك خطيب والشوفه المغرب
شوق بعصبيه / اقول لك توني واصله وش خطيبه وش شوفته
تركي باصرار / كلامي ما ينعاد وبتجين مدام النفس طيبه عليك
شوق بستسلام / حاضر تامر امر
تركي بعصبيه / عندك ساعه قولي لاخوك يجيبك وان تاخرتي ما تلومين الا نفسك
شوق بستسلام / حاضرررر
قفلت من عمها وهي متضايقه دخلت على نوف ومها بالغرفه
شوق بضيقه / عمي يبيني اجيه الحين
نوف بعصبيه / اجلسي واتركي عنك عمك
شوق بابتسامه / لا وابشرك فيه خطيب والشوفه المغرب
نوف بصدمه / وش شوفته وش خطيبه وررررركان
شوق بابتسامه / الخطيب مثل الي قبله بيعض ثوبه وينحاش
نوف بابتسامه / بعدي بنتي نحشيه وياليت تنحشين عمك وراه
شوق بابتسامه / غريبه امي تشجعني على جناني
نوف بجديه / الحين ايه
مها وعيونها عليهم / منهو ركان
شوق بضيقه / مصيبتي الي ربي بلاني فيها
نوف بابتسامه / ولد ضاحي وخطبها وقدر يمسكها بيدها الي توجعها
شوق باستعجال / بطلع وانتم كملو كلامكم
كلمت شوق سالم الي كان بيطلع لبيتهم
شوق بجديه / سالم بطلع لبيتنا
سالم بجديه / لو متاخره مالقيتني هذاني عند الباب بروح لبيتنا
لبست عباتها ونقابها على السريع ورجعت لامها
شوق بجديه / يمه بطلع و بالليل بعد الشوفه بجي وبجيب اخواني
نوف بجديه / اخونك بجيبهم غصب عنهم
شوق قربت من امها وباستها / يمه تقربي من اهلي وخذيهم بمحبه مو بعدواه احنا نبيهم مثل ما نبيك ولا نقدر نستغني عنهم وعنك
نوف بسخريه / ويالفالحه كيف اتقرب منهم وهم رافضيني وكارهيني قبل لا يشوفيني
شوق بجديه / يبي لها تفكير الحين لازم اطلع
طلعت شوق
وومها تكلمت بجديه / نوف بامكاني ارجعهم غصب عنهم لكن انا مع كلام بنتك مالك الا الطيب لا تشتتين عيالك بعداوه هم بغنى عنها
نوف بجديه / من اهل ناصر ممكن اتقرب لكن حربي مع عمهم مستحيل اوقفها
مها بستغراب / وش حربه غير عيالك
نوف بحقد / ابيه يشحذ
مها بستغراب / وشلون بيشحذ والي اعرفه ان عنده فلوس تسد نور الشمس
نوف بابتسامه / الخبل كاتب ورقة تنازل بكل املاكه لاخوه وبما ان كل شي صار باسمي بورقه مثبته من ناصر
مها بصدمه / املاك تركي صارت لك
نوف بابتسامه / عليك نور وما يقدر يتصرف بريال الا بموافقتي
مهابجديه / طاح ومحد سمى عليه
نوف بحقد / بكره بزورهم بالشركه وبشوف الاوضاع
مها بجديه / تبين تجلطينه من وقفته معك بفرنسا واضح انه رايح فيها
نوف بستغراب / رايح فيها
مها بابتسامه / طايح بعشقك يا جميل
نوف بحقد / عشقه مايشفع له عندي وبعدين الي مثل تركي وناصر قلوبهم ما تعرف تحب
مها وقفت / خليهم عنك واخذي بنتك ونامي وبالليل نكمل سوالفنا
وقفت نوف ودخلت المطبخ شافت بنتها نايمه بحضن المربيه اخذتها ودخلت مع مها غرفة الضيوف
نوف بجديه / بكره نومي في بيتي
مها بابتسامه / من بعد بيتك تراه لاصق في بيتي وبينا باب
نوف بحب / الحمد لله الي حقق امنيتي
مها بجديه / يله نامي
طلعت مها ونوف غيرت ملابس بنتها وملابسها وانسدحت على السرير ولحظات وهي غاطه بنومها
عند شوق
وصلت لبيت عمها طقت الجرس فتح لها عمها الباب رمت نفسها بحضن عمها
شوق برجاء / عمي هذاني جيت اجل أي هواش لبعدين
تركي بعدها عن حضنه وقرب من سالم وسلم عليه / انتي واخوك يبي لكم كسر راس
سالم بجديه / عمي ما يحتاج كسر راس رحت لموضوع وخلصته وجيت
شوق برجاء / اجلو الهواش لبعدين انا مصدعه وفيني نوم
تركي بجديه / ادخلو داخل وانتي يا شوق ادخلي قسم الحريم عندي ضيف
شوق بابتسامه / الخطيب
تركي ضربها على راسها وبابتسامه / صدق بنات معاد تستحي
شوق بابتسامه / مو انت الي مناديني علشانه
وبحزن مصطنع / والاكيد انه بينحاش مثل الي قبله لكن هذا اخر واحده يشوفني جتني عقده من نحشتهم
سالم يبتسم عارف اخته وسوالفها ودايما يساعدها ويوقف معها رافض انها تنجبر
تركي بحنان / الخطيب هذا مالي يدي منه ومتاكد انه مو خبل ينحاش مثل الي قبله
شوق بحزن / مع اني اشك في هالشي لكن نشوف بكره
تركي بابتسامه / تاكدي انه مو منحاش واذا انحاش حلقت شنبي
شوق بحزن / لا تحط شنبك رهان لانك اكيد بتحلقه
تركي بجديه / فال الله ولا فالك ادخلي وارتاحي واذا جاء المغرب تكونين جاهزه
شوق وعيونها على اخوها / عمي ابي سالم هو الي يدخل معي ومابي احد معه
تركي بصدمه / انا بدخل معك وسالم معنا
شوق باصرار / اجل ماله داعي لشوفه
تركي بجديه / وليش سالم الي يدخلك واحنا لا
شوق بحزن / تعرف هيبة الشوفه ووجودك انت وعمي سالم بيزيدها علي
تركي بستسلام / لك الي تبينه وسالم هو الي يدخل معك
قربت من عمها / الله لا يذقني حزنك
تركي يحبها وتغير مزاجه وبابتسامه / صايره امي على غفله
شوق بجديه / الله يعيني على جدتي اكيد بتنتف اذني
تركي بابتسامه / انتي ساحره بتقلبين مزاجها مثل ما قلبتي مزاجي
شوق بابتسامه / قول للخطيب ينام عدل علشان يتاملني عدل
تركي بمزح / اقول روحي داخل لدفنك مكانك
ركضت من قدامه / ادخل احسن
دخل سالم ورا عمه وشوق دخلت داخل طلعت فوق ودخلت غرفة جدتها حمدت ربها ان جدتها نايمه نزلت عباتها وعلقتها ودخلت في حضن جدتها
ام سالم صحت شافت شوق / شوق
شوق رفعت نفسها وباست راس جدتها وبحب / اسفه يمه صحيتك
ام سالم بحب / نامي يمه بحضني وبعدين نتكلم
سحبت ام سالم شوق لحضنها وثواني وشوق غاطه بنومها
عند سميه
صحاها صوت طق خفيف على الباب وقفت شافت اخوها واقف
ماجد بجديه / الدكتور بيدخل
سميه بجديه / بلبس عباتي
لبست عباتها دقائق وفتحت له الباب دخل الدكتور المصري وبيده الشنطه
سميه وعيونها على منى / هذي المريضه
قرب من منى وانصدم من شكلها
بعد الفحص
الدكتور بجديه / الفحص يثبت ان فيها كسر برجلها اليسرى ولازم ننقلها للمستشفى تسوي اشعه على راسها نتاكد ان الضربه ما سببت لها نزيف داخلي
ولازم نجبر الكسر وحرارتها مرتفعه كثير ولونها اصفر واضح انه نزفت دم كثير وبحاجه لنقل دم
سميه شكت بكلامه قربت من صديقتها وحطت يدها على جبهة منى وانصدمت من حرارتها المرتفعه وتاملت وجه منى شافته اصفر شاحب
رجعت لدكتور وبحزن / اتصل بالاسعاف تجي تشيلها
الدكتور بجديه / الاسعاف تحت لاني طلبتها اول مادريت عن حالتها
دقائق ودخلو ممرضين ومعهم سرير حطو منى عليه وقربت منهم سميه وغطت وجه صديقته الي مو حاسه بالدنيا
رجعت لدكتور باصرار / بروح معهم
الدكتور بجديه / مع اني اشوف ماله داعي لكن اذا مصره روحي معهم
سميه باصرار / اكيد مصره
لحقتهم سميه قابلت اخوها عند الباب
ماجد بجديه / وين رايحه
سميه بصوت باكي / بروح معها مستحيل افارقها لين اتطمن عليها ونرجع سوى
ماحب يجادل اخته / براحتك وانا باخذ البنات لبيتي
سميه وهي تمشي قدام اخوها / بكيفك
ركبت بالاسعاف وحطت يدها على راس صديقتها وصارت تبكي وتدعي
لنا لقاء باذن الله الخميس
كنت بكتب لين الشوفه لكن ليس كل مايتمناه المرء يدركه
اختكم نسايم نجد
05-12-11, 07:04 PM
جديد مواضيع قسم الارشيف
العرض العادي
