في بارت اليوم قنبله بتفجرها ام سالم
الرجاء عدم طمر السطور
البارت الخامس والاربعون
عند ابو مروان
وصل بيته واول ماوقف سيارته نزلت بنته وصكت الباب وراها بقهر فتح ابوها باب البيت ودخلت سلوى على طول لغرفتها
دخل الصاله شاف ام مروان جالسه مقابله القهوه
ابو مروان نزل حذيانه ودخل / السلام
ام مروان بهدوء / وعليكم السلام انت الي جايب سلوى
ابو مروان بهدوء / ايه
ام مروان بستغراب / غريبه
ابو مروان بابتسامه / هي الي مكلمتني وطالبه مني ارجعها للبيت
ام مروان بصدمه / مكلمتك ومدامها تبيك ترجعها ليش معصبه
ابو مروان يصب له قهوه وبقهر / اكيد انها متفشله مني قدام خوياتها
ام مروان بجديه / الله يهديها
عند سلوى
دخلت غرفتها واغلقت الباب وراها بقوه صحت تهاني من نومها بخوف
تهاني بخوف / وجع وش فيك خوفتيني
سلوى بضيقه / نامي ماني ناقصتك
تهاني ببرود / ليش كل هذا
رمت سلوى شنطتها على الارض وعباتها
سلوى ودموعها تنزل / قرفانه من كل شي
تهاني بسخريه / ادري انك قرفانه لكن وش الجديد
سلوى بصوت باكي / عاجبك حياتي بهالخرابه ولا هالابو الشايب الي متمسك بسيارته القرمبع
تهاني ودموعها صارت تنزل / صحيح ما كانت عاجبتني عيش الفقر الي كنت فيها لكن بعمري ماقسيت على امي او شفت نفسي عليها وعاملتها بغرور عمري ماخجلت ا ن امي شغاله كنت اتعذب لما اشوفها راجعه تعبانه ياما ترجيتها اشتغل بدالها خدامه وهي ترتاح الله يرحمه كانت تقول اذا تبين راحتي اهتمي بدروسك وارفعي راسي
انت ياسلوى عيشتي نفسك فوق مستواك بواجد وهذا بيجننك
سلوى بعصبيه / الحين بتسوين علي مصلحه اجتماعيه مدامك كذا ليش وافقتي وشاركتينا بجرايمنا
تهاني بقهر / يلعنها الحاجه الي خلتني ذليله لاخوك شاركتكم لاني كنت بساعد امي وارحمها من مصروفي
سلوى بجديه / الحين طلعتي غنيه منتي بحاجتنا
تهاني ابتسمت بين دموعها / تدرين اني متاكده مثل ما انا متاكده انك قدامي انهم بيتبرون مني وبيطردوني زين منهم مايسجنوني اني ماخذه هويتهم
سلوى بستغراب / طيب ليش بتروحين لهم مدامك متاكده من هالشي
تهاني بحقد / مثل مايقولون تصفية حساب وروحتي لهم مو حبا فيهم بروح لهم وادمر حياتهم وتدرين مصره اشاركم اكثر من قبل علشان وادعي ربي اني انمسك علشان اشوه سمعتهم ويصير مالهم وجه قدام العالم
سلوى برعب / فال الله ولا فالك ناويها علينا انتي
تهاني بسخريه / هذا المتوقع لنهايتنا ولا تبينهم يعطونا وسام شكر مصيرنا السجن
سلوى بجديه / وبعدين ما حطيتي في بالك لو انسجنتي ودرو عنك انهم بيذبحوك ويدفنوك ومحد درى عنك
تهاني بصوت باكي / زين منهم يذبحوني ويخلوني الحق امي مابيهم
عند سميه
طلعت من المدرسه ومرت سوبر ماركت وشرت اغراض تحتاجهم للغداء بعدها كملت طريقها لبيتها الي ورثته من احمد
ماجد كان رفض تسكن لحالها لكنها اصرت لانها رفضت تسافر معه لفرنسا وماتبي تسكن عند اعمامها الي كل واحد يدوبه يصرف على اهله ومن ثقة ماجد باخته وافق انها تسكن بالبيت بعد ماتاكد انا جيرانها فيهم خير
دخلت البيت تاكدت من تنظيف وترتيب قسم الرجال بعده دخلت حطت الاغراض بالمطبخ وطلبت من الشغالات يجهزون الي تحتاجه وبعدها طلعت تغير ملابسها لبست لبس خفيف يساعدها بالشغل وبعده نزلت تكمل شغلها
عند صقر
كان منسدح تذكر الشغاله طلع من الغرفه ودخل المطبخ شافها جالسه اول ماشافت صقر رفعت ثوبها عن ساقها وسوت حركات اغراء بتجذب فيها صقر
لما شافها جن جنونه ودخل غرفة ضاحي واخذ عقاله ورجع المطبخ وصار يضرب فيها
صقر بعصبيه قرب وشدها بشعرها / يالكلبه بتغريني قالو لك خبل بطالع لشكالك
الشغاله بين ايدينه تترجاه بلغتها لكن صقر ماصار يسمع سحبها ورماها بالحوش
وعلشان ضاحي مايقدر يطلع يوديها المكتب كلم واحد يعرفه
صقر بعصبيه / عزيز تعال البيت عندي كلبه ابيك توديها المكتب
عزيز بصدمه / أي كلبه واي مكتب
صقر بعصبيه / ماني بناقص خبالك بسرعه تعال لبيت ركان
قفل من خويه وكمل ضرب وبعصبيه / مالومه ركان يومه بيطلعك والله مايجي منكم الا الخراب والفساد
سمع صوت هرن سياره طلع شاف سيارة عزيز الي نزل وانفجع من شكل الشغاله
عزيز بعصبيه / انت مهبول تضربها هذولا يفتعلن المشاكل علشان يشتكن
صقر بعصبيه / اقول اقلعها
فتح عزيز الباب الي ورى وقفله بقل الامان وركب قدام وحرك سيارته
رجع صقر داخل وجهز غداء ضاحي واكله وبعده بدل له وسمع صوت اذان العصر توضاء وطلع
عند ماجد
طالع بساعته شافها 2 التفت على صديقه المنسح على السرير / يله مشينا لا نتاخر
سيف مايبي يوجع راسه قام ودخل الحمام اخذ شور سريع ولبس بدله رسميه
ماجد كان لابس ثوب بابتسامه / مامليت من البدل ماشتقت للبس الثوب
سيف بضيقه / تدري لي فتره برى من وين اجيبه الثوب وحنا مالنا الا يومين هنا
ماجد بجديه / يبي لنا تغير جو بدال الخنقه هذي
سيف بجديه / انا بسافر للجنوب منها الجو حلو سياحه ومنها عندي شغل هناك
ماجد بعتب / وناوي تسافر بدوني
سيف بعصبيه / هذاني قلت لك اذا بتخاويني حياك
ماجد بجديه / عزيمه بدون نفس الا متى بتسافر
سيف بجديه / يمكن المغرب ولا بكره الصباح
ماجد بجديه / قبل لا تسافر لازم تمر امك
سيف / امي عند اخوها بالطائف اذا خلصت من الجنوب مريت مكه اعتمر وبعده مريتها
ماجد بجديه / يله تاخرنا
عند سميه
بعد ماخلصت الطبخ طالعت بساعتها 2 طلعت برى جلست ترتاح بالصاله
سميه بطفش / وش قاردني اقول لماجد الغداء متاخر الحين خلص اكيد بيثلج قبل لا يجون
ارفعت جواله واتصلت على ماجد الي بالسياره ينتظرؤ سيف يركب
سميه بجديه / الو
ماجد بجديه / اهلين سميه
سميه بجديه / غداكم خلص لا تتاخر
ماجد وعيونه على صديقه الي يجلس ويقفل بابه / وانك قايله متاخر
سميه بابتسامه / ماتوقعت اخلصه بدري
ماجد بمزح / ليكون مسوبه معلبات
سميه / هههههههه تطمن مسويه لك المشمر والمحمر وفوقه المقلي
ماجد وعيونه / محظوظ الي بيتزوجك
سميه بضيقه وبتهرب / يله انتظرك مع السلامه
عند ماجد
ماجد بضيقه / من جبت طاري الزوج ضاق خاطرها وقفلت الجوال
سيف بسخريه / اذا ضاق صدرها على سيره الزواج اجل لقلت لها اني بتزوجها وش بتسوي
ماجد بضيقه / شايل هم مفاتحتها بالموضوع مضايقني سكنها لحالها
سيف بحقد / اجل ريحها وريحني ولاتفتح الموضوع لها
ماجد باصرار / الا بعجل فيه
عند سميه
قفلت الجوال وتنهدت بالم / الله يرحمك ياحمد
وقفت ماتبي تستسلم لاحزانها دخلت المطبخ جهزت القهوه والشاهي
بعد نص ساعه سمعت صوت الجرس طلبت من الشغاله تفتح الباب دقائق وماجد واقف عند باب المطبخ
ماجد باعجاب / الله الريحه الدوخ
سميه بابتسامه / كل مالذ وطاب
ماجد بشوق / وينهم البنات
سميه بجديه / فوق بغرفتهم
ماجد بشوق / بطلع لهم على بال ماتجهزين الغداء
سميه بستغراب / منت بمقهوي خويك
ماجد بجديه / خوي يقهوي نفسه اهم معلي بناتي
طلع فوق وكله لهفة وشوق لبناته سمع صوتهم طالع من غرفه فتح الغرفه والبنات تطامرن لابوهم الي حضنهم بحب شال ميار ونزل مع بناته لقى سميه مجهزه الاكل على طاوله الطعام دخل عند صديقه شافه يشرب قهوه
ماجد بجديه / اترك عنك القهوه وتعال تغد
سيف بعصبيه / انت جايبني علشان تتركني لحالي
ماجد بجديه / مشتاقه لبناتي عقبال ماتجرب
سيف بتهرب / يله بيذبحني الجوع
دخلو الغرفه وانبهر من التنسيق والترتيب ونفتحت شهيته وهو يشوف الاكل
جلس وبداء ياكل
سيف وهو ياكل من السمك الي قدامه وبجديه / والله طلعت سنعه وتعرف تطبخ
ماجد بجديه / تطمن ماغشيتك اختي كامله والكامل وجهه
سيف بحقد / مايحتاج تمدحها مجبور فيها حتى لوكان فيها عيوب الدنيا
ماجد بزعل / لو ماعرفك كان اخذت خاطري من كلمتك لكن تاكد اني ابي لك الزين
سيف وهو ياكل من قدامه وبسخريه / ايه بغيت لي الزين
عند ديما
نامت وهي تبكي وصحت وهي مو طايقه نفسها دخلت وتوضت وصلت العصر وغيرت ملابس الجامعه وجلست ماتبي تنزل ماتبي الي صار الظهر ينعاد سمعت صوت طق
ديما بضيقه / ادخلي من متى الذرابه
فتح وليد الباب وهو عارف رد اخته اول ماشافته ديما تكهربت وبعصبيه / خير وش تبي
قرب اكثر ووجلس فاجئها وهو يرمي نفسها بحضنها اول مره يسويها
بعدته وتاملته وبستغراب / وليد وش فيك ليش احسك مو انت
نزلت دمعه وبصوت باكي / ديما احبك وادري انك ما تحبيني
ديما ماعندها أي رد وحالته ماخليتها بذهول
وصعقها
وليد بصوت باكي / ديما اذا مت بتبكيني ولا بتفرحين
حست شعرها وقف من كلامه ولا شعور منها رجعته لحضنها وضمته بقوه
ديما بحنان / وليد انت اخوي ليش تقول هالكلام وجعل عمرك اطول من عمري
وليد فرحان بالكلام الي تقوله اخته اول مره يحس صدق انها اخته كان ومبسوط بحضنها
ديما بعدته عن حضنها / امك وينها
وليد بجديه / ليش تكرهين امي والله تحبك اكثر منا
كل ما شافت شي حلو قالت لديما
صارت تشتري لك اكثر من غلا ومجهزه احلى غرفه في بيتنا وتقول الغرفه لديما محد يدخله حتى الدولاب كلها ملابس لك
حست كلام وليد يزيد جروحها وقبل لا تنهار وباختناق / وليد انزل تحت بسبح وبجيكم
طلع وليد وقفت وقفلت الباب بالمفتاح وصارت تبكي هي تدري ان امها تحبها
وبصراخ / ليششششششش مو راضيه احبها ليش مو قادره امثل اني احبها ليش انهار لشفتها
سمعت طق على الباب
نجود كانت طالعه وسمعت صراخ ديما خافت لقت الباب مقفل خافت اكثر
نجود برجاء / ديما افتحي انا نجود
ديما فتحت الباب دخلت نجود وقفلت الباب وراها
نجود بحنان / وش فيك ليش تصارخين
ديما بصوت باكي / ليش مو راضيه اسامحها ليش مو مثل البنات تفرح لشافت امها بعد غياب
ليش شوفتها تخليني انهار قولي لي يانجود ليش مو قادره انسى او اسامح ليش منزوع حبها من قلبي ادري انكم تلومني لكن والله حاولت اتقرب منها لكن مو قادره
الي مادرو عنه ان منى سمعت كلام بنتها فيها سندت نفسها على الجدار وصارت تبكي بحرقه تمنت لو انها ما طلعت ولا سمعت الي سمعته
فتحت الباب بشكلها المرعب بصوت باكي / ادري اني غلطانه اذبحيني قطعيني مليون قطعه اهون من كلامك الي قلتيه ياليتني مت اريح لي واريح لك
طالعتهم نجود الي بين نارين نار ديما المنهاره ونار منى المنهاره
قررت تطلع وتخليهم يمكن حل مشاكلهم يوجهون بعض طلعت وسكرت الباب وراها وقلبها موجعها على حال الثنتين الي تركتهم
طالعت منى بنتها الي وجها احمر وعيونها مثل الدم من كثر البكي وديما تحاول ماتناظر امها
منى بصوت باكي / من وين جبتي قساوة القلب يابنتي
سنين اترجى قربك والظاهر اني اترجى سراب ادري اني غلطت واذنبت لكن جزاء ذنبي اكبر
ديما زادت بكي / وينك من ذكرياتي ولا شي قولي وش يثبت امومتك الهدايا الي تجيبينهم ركضت لدولابها وصارت ترمي بالاكياس
وبصوت باكي / شوفيهم بكرتينهم واكياسهم مثل عطيتنيها حتى ماشفتهم ولا ابيهم
بصوت باكي / وينك عني يوم امرض قولي لي يوم تزوجتي كم مره اتصلتي تسالين عني قولي كم عيد جيتي وعايديتني قولي وينك عني يوم عندي امتحانات ليش ماجيتي بالاجازات وخذتيني عندك وحببتيني باخواني الي كرهتهم بسبتك ماعرفت ام غير امي فاطمه خلتني ماحتاجك ونسيت ان لي ام انتي الي حملتي ورميتي وهي الي اخذتني وربتني وخذت دورك بالكامل واكثر
الحين يوم كبرت وصرت ماحتاجك رجعتي
منى ماصارت تشوف من دموعها والوجع الي تحسه يهد جبان مو انثى
تدري ان بنتها صادقه بكل حرف
طلعت بهدوء ودخلت غرفة اخوها بتختلي بنفسها بعيد عن عيون امها واختها وعيالها صارت تبكي بحرقه
اخذت جوالها واتصلت على سلطان
عند سلطان
كان بسيارته سمع صوت جواله شاف اسم منى ينور الشاشه
رفع من اول رنه وبحب / اهلين منى يهون عليك تشكيني عند صقر
منى معاد صارت تسمع / سلطان وغلاتي عندك تجيني وتاخذني
سلطان برعب / منى وش فيك ليش تبكين
صقر سوى لك شي
منى بانهيار / تعال رجعني لرياض
سلطان بجديه / الحين جايك
منى بصوت باكي / مع السلامه
كان واصل لبيته لكن غير طريقه وسافر للجنوب منى تبيه ويتاخر
سلطان بخوف / الله يستر وش صاير لك يا منى والله قلبي مو مرتاح حاس بمصيبه صايره ولا بتصير
نسومه تقول انت رايح لنهايتك
عند منى
دخلت حمام صقر وصارت تغسل وجهها وبعد ماحست ان معالم البكي اختفت طلعت من غرفة صقر ونزلت شافت امها بالصاله تصنعت الابتسامه
نجود
كانت جالسه مع امها وقلبها كان فوق بغرفة ديما وامها تتكلم وماهي معها
ارتاحت وهي تشوف منى نازله والابتسامه مرسومه على فمها
قربت منهم وجلست
ام صقر بجديه / وينك يمه
منى بحزن / كنت بغرفة ديما
ام صقر بضيقه/ اكيد انها ضايقتك بكلامها القاسي
منى بحرقه / مصير الايام تلينها
ام صقر بعصبيه / الظاهر الدلع خربها
منى بحرقه / اذا مالقت الدلع عندك وين بتلقاه
حست نجود بخيبت امل
عند ديما
بعد ما طلعت امها كانت بتلحقها وتعتذر منها
لكن قررت تاجل اعتذارها لين تحس براحه وتقدر على الاعتذار
مواجهتها مع امها رمت حمل ثقيل كان كاتم على صدرها انسدحت بتنام لين الليل
في بيت الجده
بعد ماصلت العصر نزلت وجلست بالصاله تنظر عيالها يجون من الصلاه وتتقهوى معهم
نزلت هيا شافت خالتها جالسه لحالها قربت منها
هيا بابتسامه / السلام شلونك اليوم
ام سالم بنفس شينه / من الله بخير
هيا بابتسامه / خالتي اجيب قهوتك
ام سالم بعصبيه / بدال الشغاله 2 بيجبون قهوتي ماني بحاجتك
تدري ان معاملة ام سالم تهين كرامتها لكن هدفها تكسبها لكن مع ام سالم صعب واصعب من الصعب
تذكرت انها ماقالت لاحد عن حملها ومن الواجب ان خالتها تدري
هيا بجديه / خالتي انا حامل
طالعتها ام سالم بنص عين
ام سالم بسخريه / وحملتي لنتي اول من حمل ولا حملك الاول
وبقسوه / لا تنسين انك كبرتي والحمل على كبر يصيب البزر بامراض
حست بطعنه تخترق روحها اكسرت خالتها فرحتها وزرع الخوف على الي في بطنها
اندمت انها قالت لها من غبائها توقعت تشوف الفرحه بعيونها
وقفت مشت من قدام ام سالم ماعاد تتحمل تبقى اكثر وام سالم ماهتمت وكانها ماقالت شي
دخلت هياء المطبخ ونزلت دمعت قهر امسحتها ماتبي تنفضح قدام الشغالات صارت تشتغل بعشوائيه تتهرب من احزانها
عند سالم وتركي
صلو العصر بالمسجد ودخلو الصاله شافوا مهم جالسه
تكلم تركي بصوت واطي يسمعه سالم
تركي بجديه / سالم الحين بنكلم امي بموضوعي مدامها لحالها
سالم بستسلام / بكيفك
قربو من ام سالم الي مزاجها متعكر جلسو على الكنب مقابل لامهم تركي يطالع اخوه يبيه يفتح الموضوع
انتظرو دقائق وتكلم سالم بجديه / يمه تركي بيتزوج
انتقلت عيونها لتركي وبسخريه / ومن هذي الي بتتزوجها
تركي بارتباك / بنت صديقي
وقفت ام سالم بعصبيه / وين الي مواعدني يرجع اميره اخرتها تجي وتقول بتزوج بنت صديقي
تركي بهدوء / الشرع حلل اربع زواجي مايمنع اني ارجع ام ياسر
ام سالم بعصبيه وصراخ بوجه تركي / وتضن اميره بترضى يكون لها شريكه
تركي بعدم اهتمام / مايهمني رضاها متزوج متزوج وهي اذا برجعها علشانك واذا رفضت ابركها ساعه
ام سالم بعصبيه / واذا قلت لك مافي زواج
تركي وقف بعصبيه / وانا اقول لك زواجي نهاية الشهر
ام سالم بعصبيه / تعصاني ياتركي وتتزوج غصبن علي
سالم وقف / يمه الله يهداك يمكن اميره ترضى يكون لها شريكه
ام سالم بعصبيه / قبل لا يتزوج يكون متملك على اميره
سالم مانتظر رد اخوه لانه عارف بيخرب كل شي بعصبيته / لك الي تبينه
ام سالم باصرار / الحين يروح معي لبيت خالته ويرجعها
تركي بعصبيه / سالم لا تتكلم على لساني وتركي ما ينتساوم وام ياسر ماني بمرجعها وزواج باتزوج
ام سالم بعصبيه / بترد اميره غصبن عليك ولا انت تعرف الي بيجيك
تركي بعصبيه / ذليتيني بحلالك الي ماسكه مابيه بتركه لك واكتفي بنصيبي من ناصر
ام سالم بسخريه / نسيت ان مالك شي من نصيب اخوك ولا نسيت انه كاتب كل شي باسم زوجته
سالم بيقطع المشاده وبرجاء / تركي الله يهداك منت بخسران رجع اميره مو لازم تكون زوجه اقلها تربي ولدها احسن لك ولزوجتك وانت تزوج وعيش حياتك
تركي اعجبته الفكره بعمر اميره مراح تكون زوجته
حتى لو رجعها
تركي باصرار / اذا برجعها علشان ولدها ومالها أي حقوق وانا متنازل عن حقوقي
ام سالم بعصبيه / بتصير زوجتك وبتجيب منها اخوان ياسر
عند ساره
كانت بغرفتها مع بنات ناصر سمعت صوت الصراخ طلعت من غرفتها وقفت عند الدرج سمعت صوت صراخ امها وصوت صراخ تركي
ساره بجديه / اكيد الحرب قامت مدام امي وتركي صوتهم مرتفع انزل ولا مانزل اخاف انزل ويحطون حرتهم فيني دايما بوجه المدفع
بنزل وبشوف وش فيهم
نزلت شافت امها واقفه وواضح عليها العصبيه وتركي واقف وحاله اردى من حال امها
قربت منهم وبخوف / وش فيكم
ام سالم وعيونها على بنتها وبسخريه / اخوك بيتزوج
ساره بفرح قربت من اخوها / الف مبروك اخيرا مابغيت تفرحنا
ام سالم بعصبيه وبصراخ / انقلعي فوق جايه تباركين له
ساره فزت من صرخت امها وبصدمه / وش سويت علشان تعصبين علي
ام سالم بعصبيه / لاني رافضه زواجه ومصره يرجع اميره
ساره وعيونها على امها وبجديه / يمه كل شي ينغصب عليه الا الزواج وتركي تزوجها اول مره والنتيجه ولد وطلاق لا تظلمينهم مره ثاني
سكتها كف حار من يد امها
ام سالم بعصبيه وصراخ / تجادليني وتقولين اني ظالمه هذا الي تستاهلينه واذا ماطلعتي غرفتك جاك كف ثاني
قرب تركي من اخته الي دموعها على خدها الاحمر
وحضنها وبحنان / حقك علي
ساره صارت تنتفض بحضن اخوها
تركي بضيقه / يالمدلعه خلاص لا تقطعين قلبي امسحيها بوجهي ورضاوتك علي
سحبت نفسها من حضن اخوها الي على عصبيته وقسوته كله حنان
مشت من قدامهم وطلعت فوق
عند هيا
لما سمعت صراخ خالتها طلعت شافت خالتها تضرب ساره وانحرق قلبها على ساره اول ماشافتها طلعت فوق لحقتها بتحاول تخفف عليها
عند ساره
دخلت غرفتها ورمت نفسها على سريرها وصارت تبكي خافو بنات ناصر
دخلت هيا وانصدمت من شكل البنات كانو مرعوبات من شكل عمتهم
هيا وعيونها على البنات وبحنان / سموره سحوره اطلعو برى عمه راسها يوجعها
طلعو البنات وقربت من ساره وصارت تمسح شعرها بحنان / سارونه اذا لي خاطر لا تبكين
رفعت ساره راسها ووجها احمر غرقان دموع
وبصوت باكي / لمتى امي تعاملني بهطريقه احيان كثيره اشك انها تكرهني
هيا بحنان / خالتي تحبك لكنها ماتتحكم بتصرفها لعصبت
ساره بصوت باكي / تدرين اني اغار من شوق ومعاملة امي لها مابيها تعاملني نفسها لكن تحترمني عمري 21 سنه وانضرب
هيا بجديه / انتي الله يهداك ليش نزلتي كان جلستي بغرفتك انا كنت بالمطبخ ماتجرئت اطلع لاني لو طلعت لهم بيصيبني من خالتي اعظم
ساره بصوت باكي / القراده نزلتني او تقدرين تقولين اللقافه
هيا بابتسامه / اجل بعدي عنك اللقافه علشان تسلمين
ساره ابتسمت بين دموعها / ماقدر اوعدك لان اللقافه تسيرني
هيا بابتسامه / ياحلوها ابتسامتك ماعاد ابي اشوف الدموع لانها ماتناسب وجهك الحلو واليوم عازمتك للعشاء
ساره بضيقه / بدون شوق الخايسه الطلعه مالها طعم
هيا بحب / البيت ماله طعم بغيابها الا ماتدرين عن اخبارها
ساره بقهر / الهانم مبسوطه بامها ونستنا
هيا بجديه / الله يهنيها ويهني امها فيها ويجمعها مع عيالها والله الي تسويه خالتي وتركي مايجوز
ساره تذكرت زواج تركي وبحماس / تدرين ليش شابه حريقه تحت
هيا بابتسامه / اكيد مادري مافيني لقافتك علشان ادري
اعتدلت ساره وبحماس / تركي بيتزوج وامي رافضه
هيا بصدمه / بيتزوج طيب ليش خالتي رافضه
ساره بقهر / مدخله اميره بالنص صحيح احبها لكن اميره ما تصلح لتركي وانجبر عليها وشوفي النتيجه لما قلت لمي هالكلام ضربتني كف ولو ماطلعت يمكن ضربتني كف ثاني بهالبيت كلمة الحق ماتنقال
هيا بجديه / المشكله لو خالتي متاكده ان اميره بترفض رجوعها لتركي كان ماتحمست ترجعها اميره رافضه الخطاب على امل يرجعها اخوك
ساره بقهر / حرام نوقف حياة تركي علشان اميره يحق له يتزوج ويختار شريكته مو ينجبر عليها حتى البنات محد يجبرهم على الزواج
( نسومه تقول الله يعنين على القادم )
هيا بجديه / ماضنتي خالتي بتقدر على تركي اذا عزم على زواجه
ساره بجديه / ودي اعرف وش الي غير رايه بهالوقت ومنهي هذي الي بيتزوجها
هيا وقفت وضربتها على راسه / وش رايك يالملقوفه تسالين تركي
ساره بابتسامه / اكيد بساله ما ستنيتك تقولين
هيا بابتسامه / ما تتوبين يخوفي تركي يسوي فيك اعظم من خالتي
ساره بجديه / تركي بيعصب علي لكنه مايمد يده ماعجبه تصرف امي واعتذر وقال بيراضيني وش اختار رضوتي
هيا بحب / فديتك بسرعه ترضين وتنسين
ساره بجديه / البركه فيك سحبتي ضيقتي ونسيتيني الزعل لو ماجيتيني كان رميت نفسي من دريشة غرفتي
هيا بابتسامه / اجل زين لحقت عليك قبل لا ترمين نفسك يله بروح اشوف بنات اخوك انفجعن وهم يشوفنك تبكين
ساره بضيقه / بقوم معك مدري شلون مانتبهت لهم يكفيهم الي فيهم
طلعت ساره من غرفتها مع هيا لقت البنات جالسات بالصاله الفوقيه يطالعون افلام كرتون
قربت منهم وباست كل وحده على خدها وبطفوله / يالخاينات اطالعون توم وجير بدون ماتقولون لعمتكم
ابتسمت سمر / توه بادي
جلست ساره جنب سحر وصارت اطالع معهم بعيونها وقلبها كله هموم طبعها تظهر الابتسامه والفرح لو داخلها يحترق
وهيا تعرف هالصفه بساره هزت راسه اسى ودخلت غرفتها جلست على الكنب وحطت يدها على بطنها
هيا بصوت باكي / الله يجيبك صحيح متعافي يارب راجيتك انه يطلع متعافي
الله يسامحك خالتي كسرتي فرحتي وزرعتي خوفي على الي في بطني
تحت
تركي بضيقه / الي بفهمه وش دخلها ساره علشان تضربينها والكلام الي قالته عين العقل
ام سالم بعصبيه / هذا الي قاصر جاي تعلمني شلون
اتعامل مع اختك
سالم بضيقه / يمه ماعندك الا هالبنت وقاسيه عليها يمه بنتك بحاجة لحنانك
ام سالم بعصبيه / وبعدين معك انت واخوك اخر عمري بتربوني
تركي بعصبيه / مدامك ماتبينها ليش ترفضين تزوجينها والي خطبوها كل واحد احسن من الثاني يمكن تلقى عندهم الحنان الي مالقته عندك
ام سالم فجرت قنبلتها / اختك متزوجه وزجها ماينعاب
سالم وتركي بصوت واحد / متزوجه
سالم بضيقه / يمه احنا مو بالجاهليه والحجر حرام
تركي بعصبيه / وانا رافض تتزوج بدون رضاها
ام سالم جلست وبعصبيه / اختكم تزوجت ماتفهمون تزوجت مثل مانت ياسالم متزوج باقي الدخله وبتكون قريبه
تركي بعصبيه / تتزوج بدون ماندر وبدون موافقتنا وش هالجنون ومن الخسيس الي وافق يتزوجها من ورانا
ام سالم ببرود / بتعرفه قريب وبتزف اختك له
سالم باختناق / يمه وش هالكلام تراها بنتك مو عدوه ترمينها هالرميه
ام سالم بعصبيه / اختكم متزوجه واياني واياكم يوصلها خبر بموضوع زواجها واذا جاء الوقت بقول لها
تركي بعصبيه / والله اخر زمن وحده متزوجه وماتدري انها متزوجه
سالم برجاء / يمه منهو هذا الي زوجتيه بنتك
ام سالم بعصبيه / بعدين بتعرفونه
تركي بعصبيه / بتقولين منهو لو انه رجال مارضى يتزوج بهالطريقه والله لو طاح بين يديني لذبحه واشرب من دمه
سالم بضيقه / طيب يمه نعرفه ولا غريب
ام سالم باصرار / لا تسحب الكلام كل شي بتعرفه بوقته
سالم بحزن / ليش يمه تهمشين وجودنا وتزوجين اختنا بدون ماتعطينا اقلها علم يمه هذي اختنا مانرضى لها المهانه
ام سالم بعصبيه / وزوجها رجال وبيكرمها
تركي بعصبيه / لا تقولين زوجها لان زوجها هي الي بتوافق عليه مو انتي تجيبينه وتقولين زوجها والله مايلمس شعره منها مدامني حي
ام سالم بعصبيه / زوجها وبيلمسها غصبن عليك انت واخوك
سالم بضيقه / يمه لا تعاندين وتخربين حياة بنتك لانها بعمرها مراح تسامحك
ام سالم بجديه / كلامك مايقدم ولا ياخر واذا بتتجادلوني بالموضوع ياليت تفارقوني
تركي بعصبيه / انتي الي فتحتي الموضوع وتبينا نقول لك السمع والطاعه على كلامك المجنون
ام سالم بعصبيه / الظاهر يبي لك كف يعلمك شلون تتكلم مع امك
سالم ضاق فيه المكان طلع فوق ودخل غرفته
فزت هيا وهي تشوف وجه سالم اسود
قربت منه وبخوف / سالم وش فيك
سالم بضيقه / امي بتجلطني معاد اقدر اتحمل تصرفاتها
هيا بحنان / الموضوع يخص تركي اسحب نفسك منه هي وتركي يتفاهمون تركي ماينخاف عليه
سالم جلس وحط يده على راسه وكله هموم / ياليته موضوع تركي كان ماهتميت وضاقت فيني الدنيا
هيا برعب / وش صار بعد
سالم بقهر / امي مزوجه ساره من ورانا الي بيذبحني انها ماقلت لنا منهو
شهقت هيا بصدمه / ما يجوز والله مايجوز حرام عليها خالتي ليش بدمر بنتها
ونزلت دمعتها / ساره قالت امي تكهرني وكنت اكذب هالكلام لكن الحين متاكده ان خالتي تكهره بنتها لكن ليش
سالم بحزن / والي بيذبحني شلون رضى على نفسه يتزوج بهالطريقه وبعدين متى سوت ساره الفحص ومن وقع بدالها اساله بتفجر راسي
هيا نزلت دموعها / ياقلبي عليك يا ساره هي رافضه تركي ينغصب شلون لدرت انها ان خالتي مزجتها بدون علمها تكفى سالم حاول بخالتي ترحم بنتها من هالزواجه
سالم / ااااااااااااااااااه امي كتفت ايديني لو قالت لي منهو بشتري طالقها لوادفع الثمن كل الي املكه
هيا بصوت باكي / وتركي وش ردت فعله
سالم بضيقه / تركي يتهدد ويتوعد بدال ماكنا بمشكلة زوجه صرنا بمشكلة ساره
تحت
تركي ما قدر يطلع بدون ما يعرف الخسيس الي تحداهم وتزوج اختهم من وراهم
اكيد له هدف ثاني غير الزواج الاكيد طمعان فيهم لكن الي بيموته قهر منهو
تركي برجاء / يمه قولي منهو
ام سالم باصرار / قلت بتعرفه بعدين لا تحن وتصدع راسي
تركي باصرار / اذا خايفه اني اذبحه اوعدك مايصيبه شي مني قولي منهو
وقفت ام سالم وبعصبيه / مدامك جالس تحن على الموضوع ادخل غرفتي ابرك
مشت من قدام ولدها الي صاير بركان بينفجر
وبصراخ هز البيت هز / قولي منهوووووووووووو ماولدته امه الي يتحدى تركي وياخذ منه شي بالغصب شلون اذا كان هالشي ا خته الوحيده
والله لاوريه واخليه هو الي يجيب ورقتها والله ثم والله ان زواجها مايتم والله مايتم وبتشوفين تعرفيني لهددت نفذت
كملت طريقها ماهتمت بصراخ ولدها
لنا لقاء الاحد باذن الله ببارت يبكي الحجر ( سامحوني مقدما )
اختكم نسايم نجد
15-11-11, 10:04 PM
جديد مواضيع قسم الارشيف
العرض العادي
