كاتب الموضوع :
نسايم نجد
المنتدى :
الارشيف
كثير من الغوالي عاتبوني ببطئ الاحداث لكن اساس الروايه بدايتها والاحداث اغلبها بالبدايه واوعدكم بتمر ايام واسابيع وشهور وسنوات تحملو البدايه
انتقادكم على عيني وراسي ومستحيل ازعل لاني منكم استفيد
انتم تطلبون البدايه وبعدها النهايه بامكاني اختصر الاحداث بسطور لكني ببتفقد الروايه جماليتها
لا تنسون ابطالي كثيرين ولازم اعطيهم حقهم اطلب منكم تعيشون معهم بكل احداثهم انتم تطلبون تطور الاحداث بدون مقدمات
والي طلب مني اكثر من بارت بالاسبوع لانهم ملو الانتظار للبارت الجديد اوعدكم بحاول انزل 3 او 2 بارت بالاسبوع لكن بتكون قصيره وهذا بيكون بعد العيد
واذا ربي اراد بيكون موعدنا بعد العيد / الاحد / والثلاثاء / والخميس اذا تاخرت يوم لا تلوموني
حابه اوضح نقطه نوف الحين بالجنوب وبالبارت الجاي او الي بعده بتكون بالرياض وبتصير احداث بتعجبكم ان شاء الله
سبق وضحت لكم ان حياة نوف تمر بعدة مراحل المرحله الاولى بفرنسا بالاحداث الي صارت وبالجنوب والاحداث الي عشتوها وبالرياض بالاحداث الي بتعيشونها بكل تفاصيلها والمرحله الاخيره في بلد ثاني واحداث ثانيه
اوعدكم كل ابطالي بتستمتعون بحياتهم الشخصيه
ارجوكم تحملوني كلها كم بارت وبندخل بالعميق
الرجاء عدم طمر السطور
البارت الثاني والاربعون
عند نوره
تظاهرت بالنوم في حضن امها تبي تختلي بنفسها ودور حل للمصيبه الي طاحت عليها
لطيفه شافت بنتها نايمه سدحتها على السرير وباست راسه وطلعت وقفلت الباب وراها
لما سمعت نوره تقفيلة الباب جلست وقلبها منكوي من الي سمعته من امها
نوره بقهر وحرقه / بحياتي ما نذليت لاحد ااااااه يمه ليش تذليني وتخليني عطية للغريب الي بياخذ مني الي يبيه ويرميني رميت كلاب ورفعت خشمها بغرور منكسر والله ما نذل وانا نوره وبتشوف شلون بطفشك وكرهك عيشتك يالغريب الله يسوقك لي ياطلال وطلع فيك قهر وحرقة ايامي والله لو انتفك مليون نتفه ماطفيت ناري
عند ام سالم
كانت تحت سمعت صراخ ولدها
وقفت وطلعت لدرج شافت ساره تدخل غرفتها
لحقتها بعصبيه / وش فيه اخوك يصارخ
ساره بعصبيه / مدري عنه اساليه
ام سالم بعصبيه / تسنعي وانتي تكلميني ولا تبيني اربك من جد وجديد
ساره بهدوء / مدري عنه
طلعت من غرفة بنتها ودخلت غرفة تركي
عند تركي
بعد الكلام الي قالته له نوف وهو مثل البركان الثاير
تركي / ااااااااااااااااااه يالقهر ولا وحده مثل هذي تقول لتركي الضامي هالكلام وفوقه تقفل الخط بوجهي
تذكر صوتها وبحقد / بنت بليس عليها صوت يدوخ اكيد مستفيده منه بصياعتها ولا عجوز من بيطالعها
سمع صوت الباب شاف امه واقفه
ام سالم بعصبيه / خير وش فيك لاج الارض بصوتك
تركي حاول يهدء ويمسك اعصابه / بنت ولدك ما خلت فيني اعصاب
دخلت وجلست على كرسي التسريحه وبعصبيه / بنت ولدي حسابها معي عسير قولي انت وين كنت غايب
تركي بضيقه / كنت ضايع بالبر وربي ساق لي ابن حلال ساعدني ولا كان الحين عشاء لذيابه
ام سالم بصدمه / وش موديك للبر بهالحر
تركي بحزن / حتى انا مدري وش موديني صدمتي بسالم خلتني مثل المهبول ماعرف طريقي
ام سالم بحزن / الله يخليه لنا والله اني ضنيته راح وفقدته الحمد لله على رجعته لي سالم
تركي بقهر / ضاقت فيني وانا سبب طيحت اخوي من تهمه والله اني بري منها كله بسبت الصايعه
ام سالم بحقد / الصايعه بتخرب بنت اخوك الي تركتنا وراحت عندها وبتمشي ممشى امها الفاسد
تركي بجديه / اذا ما رجعت بكيفها بترجع غصب عنها
ام سالم بسخريه / وشلون يالفالح بترجعها وانت ماتعرف وينه فيه بيت امها
تركي بثقة / بترجع من غير لا اتعب واسافر
وقفت / بنشوف
طلعت من غرفته ولدها دخلت غرفتها تمددت على سريرها لحظات وغطت بنومه
عند منى
كانت جالسه مع سميه بالصاله والبنات بغرفة غلا
سميه بجديه / من اليوم جالسه وشكلي بنام ولا عطيتيني علومك
منى بضيقه / علومي نفس ماتركتيني زادها زواج سلطان
سميه بحقد / سليطين هذا ترك الثريا وراح لثرى
منى بجديه / تدرين انه قال بيطلقها علشان ارجع له لكني رفضت
سميه بعصبية / خبله ترفضين يطلق شريكتك ويرجع لك
منى بصدق / وش ذنبها بنت الناس وسلطان من زمان مايهمني ومضيق علي الحين بزواجه مرتاحه
سميه بجديه / صحيح ماعليه حسوفه لكن سواتك ماعجبتني الرجال يمكن يومه تزوج عرف قدرك
منى بقهر / اذا ماعرف قدري من اولها ماله داعي يعرفها بعد ما تزوج وزجته بنت حلال ياليته يعرف قدرها لا تضيع الثانيه من يده
سميه بستغراب / بحياتي ماشفت وحده تمدح شريكتها
منى بصدق / بنت الناس ماشفت منها الا كل خير وهي ضحيه لابوها الي رماها لسلطان مابي اكون مع القدر عليها
سميه بحماس / صحيح ماقلتي كيف عرفها وتزوجها
منى بجديه / ابد خطبها مسيار ووافق ابوها وتزوجها وبيقهرني خلى المسيار علني
رفعت سميه يدها / احمدك يارب اني ارمله وماعندي زوج يغثني و يقهرني
منى بجديه / ما حسيت انك بنعمه الا بعد ما تركت سلطان الله يديم الراحه علينا
وقفت منى / شكلي سهرتك روحي نامي وانا برتب شناطي
وقفت سميه وبستغراب / على وين بتسافرين
منى بجديه / بسافر لهلي من زمان عنهم
سميه بستغراب / والمدرسه
منى بجديه / مدام عيالي خلصو امتحانات انا باخذ اجازه وانتي مكاني اكيد جايه متحمسه للمدرسه
سميه بجدية / اكيد متحمسه لكن المدرسه بدونك ماتسوى
منى بابتسامه / كلها اسبوع بترتاحين مني
سميه بصدق / مدري شلون تحملت غيابي عنك كل هالفتره بتكملينها بسفرك لاهلك كان اجلتيها كم يوم
منى بجديه / محتاجه اسافر للجنوب واشوف امي والبنات واودع الجنوب كلها اسبوع وهم بالرياض
عند ركان
كان بالسياره مع صقر وبجديه / رجعني لبيتي
صقر بستغراب / بعد ما وصلنا للاستراحه بترجع
ركان بضيقه / مالي خلق لملاغة الشباب امش ونكمل السهره بالبيت
صقر بابتسامه / ليكون مشتاق للحبايب
ركان بهيام / اكذب لو قلت ماني مشتاق الا بموت من شوقي الله يقرب البعيد ويبعد تركي عنا
صقر بصدق / لو منك مانتظرت لين اسافر الرياض كان طرت لعمها سالم وخطبتها وبيوم ملكت عليها وصارت حلالي رسمي
ركان بضيقه / ياسهل الحكي ليت الفعل مثل الحكي كان ماغلبنا
صقر بجديه / والله انت الي مصعبها ولا هي سهله
ركان بضيقه / الي مصعبها خويك ماقول الا الله يشغله عنا
صقر بجديه / امين يله وصلنا انزل بوقف سيارتي عند بيتنا وبجيك
نزل ركان ودخل بيتهم وصقر وقف السياره عند باب بيتهم نزل لحق ركان الي كان واقف ينتظر صقر عند باب المجلس
عند ثامر وسالم
كانو جالسين بسجنهم الضيق وثامر متضايق وسالم ساكت
ثامر بضيقه / بكره الجمعه
سالم بجديه / اكيد الجمعه وش عندك
ثامر بضيقه / سمعت الشرطي يقول ان الضابط بيحقق معنا السبت من بيصبرنا بهالمكان لسبت حتى اكل مثل الناس ماعطونا
سالم بعصبيه / اسكت فجرت راس بتحلطمك يكفيني الي فيني خالي الي اول مره اشوفه اشوفه ميت لا وميته ما تتمناه لعدوك والموجع اني انظلم بذبحه
ثامر بضيقه / قول الحظ الردي الي جابنا عنده وفوقه الضابط بايجازه يخوفي تكمل معنا وما يجي السبت
سالم بحزن / الله يصبرنا لسبت
ثامر بجديه / ليكون الي فينا عقاب من ربك
سالم بستغراب / وش سوينا علشان يكون هذا عقابنا
ثامر بجديه / العقاب لك لكنه شملني
سالم بعصبيه / وش سويت
ثامر بجديه / اسال نفسك ليش احنا بالجنوب
سالم بجديه / الي جابني امي من حقي اقابلها وافهم ليش تزوجت وليش تركتنا وماسالت عنا وينه الذنب الي تقوله
ثامر بجديه / سالم انت صدقت عمك وجدتك وحكمت على امك قبل لا تشوفها وتفهم منها
سالم بحرقه / ليش ماصدقهم وامي متزوجه بيوم دفن ابوي وش السبب لزواجها الا مثل ماقال عمي مشفوحه على الزواج
ثامر بدفاع / ماصدق ان خالتي تزوجت منا والطريق اكيد ان فيه سبب وقوي
سالم بقهر / وهذا الي جابني ابي اعرف ليه تزوجت اذا كان سبب زواجها مقنع ببارك لها واذا شفاحه على الزواج
قاطعه ثامر / واذا شكك بمحله وش بتسوي
سالم بقهر/ بعطيها فرصه تختار بيني وبين زوجها ان اختارتني نسيت الي سوته واذا اختارت زوجها تنسى اني ولدها
ثامر بعصبيه / ما هقيتها منك ياسالم ورثت من ابوك وعمك قسوة القلب هم ممكن القى لهم عذر لكن انت لا مهما صار فهي امك وانت بنفسك معترف انها ماشافت من ابوك الا العذاب ليش ماتبيها تبداء حياتها من جديد مع زوج يحبها ويعوضها عن ابوك
سالم بضيقه / تبداء حياتها واحنا وين مكانا من حياتها
ثامر بعصبيه / تبيها ترهن حياتها لكم ولا تبقى على ذكرى ابوك الي معيشها بجحيم فكر بعقلك لا تفكر بعاطفتك
سالم بتهرب / خل تفكيرك بوضعنا الحين واذا طلعنا يحلها الحلال
دخل عليهم الشرطي شايل كيس كبير بيساره وكيس بيمينه
مد الشرطي الكيس الكبير عليهم / في الكيس لحاف ومخدات لكل واحد منكم شرشف ومخده
ومد عليهم الكيس الثاني / وهذا عشاكم
اخذو كيسة العشاء والشرطي حط الكيسه الثانيه على جنب وطلع
ثامر فتح الاكياس شاف سندويشات / جاء الاكل بوقته لو متاخر كان مت من جوعي
سالم ببرود / هني وعافيه
مد ثامر سندويشه لصديقه / اخذ شكلهم يشهي
سالم بضيقه / عليك بالعافيه مالي نفس
ثامر بجديه / ما ذقت شي من بعد عشانا البارح
سالم بعصبيه / قلت لك مالي نفس اذا جعت الاكل قدامي باكل
رجع ثامر سندويشته للكيسه / اجل انا ماني ماكل وذنبي برقبتك
سالم بعصبيه / اكلت ولا ماكلت بكيفك انا مالي نفس
حط ثامر الكيسه على جنب وقرب منه كيسه اللحف طلع مخدة وشرشف وحطهم على الارض القاسيه انسدح وعيونه على صديقه الجالس ينتظره يحن عليه وياكل لكن مافي امل من تعبه نام بجوعه
وسالم ساند راسه على الجدار وتفكيره بالي ينتظره يوم السبت وينتظره لطلع من السجن حاس بضيقه لو وزعها على العالم لزادت
عند نوف
كانت بغرفتها منسدحه ترضع بنتها انتبهت لحركة شافت ولدها تركي جالس
انتبه تركي لسرير ضاحي تامله / يمه هذا ابو زوجك
وقفت نوف وجت عند ولدها وجلست جنبه / يمه هذا زوجي
تركي فتح عيونه بصدمه /الشايب زوجك
نوف بزعل / لا تقول شايب قول جدي
تركي بستغراب / جدي
نوف بجديه / هو مثل جدك
تركي بستغراب / يمه هذا طايح يبي له ممرضه تعالجه
نوف باست ولدها على خده / هذا الي قلت لك انه بحاجتي وماقدر اتركه وبصير له ممرضه
تركي سكت ماعنده رد على كلام امه
نوف وقفت ومسكت ولدها بيده وبحنان / من جيت وانت نايم تعال معي تعشى
وقف مع امه ودخل معها المطبخ جهزت له عشاء خفيف صار ياكل وعيونه على امه
جلست نوف مقابله وبحنان / حاسه بعيونك كلام قول الي بقلبك
تركي نزل عيونه على الصحن الي قدامه / احنا مع منو بنعيش
نوف بجديه / اكيد بتعيشون معي
تركي بحرقه / عمي تركي مستحيل يرضى نسكن عندك
نوف بحقد / عمك بيرضى تطمن اهم شي لا تشيل هم
تركي بفرح / صدق
نوف بجديه / عمري ماوعدتك وكذبت واوعدك انكم بترجعون لي في فلتنا الي بالرياض
دخلت الراحه لقلب تركي امه على ضعفها لكنها بعمرها ماقالت او وعدت عيالها بشي الا نفذته
عن شوق
كانت بالصاله سمعت صوت جوالها شافت اسم ساره ماردت خافت يكون عمها مالها خلق له وقفت واخذت جوالها ودخلت عند امها بالمطبخ شافتها جالسه مع تركي
شوق بزعل / اشوفك ماطليتي علي من لقاء احبابه نسى اصحابه
نوف بابتسامه / كلكم احبابي تركتك ابيك تنامين ليش مانمتي
شوق بضيقه / وين انام من وجع يدي
نوف بستغراب / ليش ماكلتي علاجك
شوق بحقد / مستحيل اكل علاج شاريه الغثيث
نوف بعصبيه / انتي حتى بصحتك تعاندين مامتوجع غيرك وركان مدرى عنك
شوق بجديه / يمه ابي اطلع الحوش اشم هواء واخاف يشوفني الغثيث
نوف تتامل بنتها بالوردي بابتسمه / ركان لا شافك اضمن لك مراح يصبر لين يسافر الرياض من بكره وهو عند عمك
شوق بقهر / فكينا من ها لبلوى الي بليت نفسي فيها ابي اطلع تاكدي انه مو فيه ولا حطي عنده خبر
نوف بجديه / اجل انتظري لين اشوفه
مشت نوف من قدام بنتها
عند ركان
جالس مع صقر بالمجلس سمع صوت خاف نوف تدخل عليهم وقف ومشى بسرعه شافها واقفه عند باب المدخل
ركان بجديه / خير فيه شي
نوف بجديه / حبيت اتاكد اذا انت موجود ولا طالع
ركان بجديه / ليكون بنتك تعبت
نوف بابتسامه / لا بتشم هواء بالحوش وماتبيك تطلع لها
فز قلب ركان / خليها تطلع وانا مع صقر بالمجلس وحرصي عليها لا تجي قسم الرجال
نوف بجديه / تعرف بنتي تعاند لو اقول لها لاتجي مجلس الرجال بتجيه
ركان تذكر يدها / الا شلون وجع يدها
نوف بحنان / للحين يدها توجها ورافضه تاكل الدواء
ركان بسخريه / وخير وش عندها ليكون تعاند بعد الوجع
نوف بابتسامه / لا تعاندك انت
ركان بستغراب / وش يخصني علشان تعاند
نوف بابتسامه / ناسي انك شاري العلاج
ركان بعصبيه / بنتك الكسر شوي فيها
نوف بجديه / الله يعين على هالبنت برجع لها
دخلت نوف ماشافت بنتها تاكدت انها طالعه
عند شوق
طلعت برى سمعت صوت رساله افتحتها كانت من ساره
يا زفته ردي على اتصالي
صارت تمشي وتتامل المكان قربت من حديقه صغيره ورى مجلس الرجال
اتصلت على جوال ساره / الو سارونه
ساره بعصبيه / زين رديتي يازفته
شوق / هههههههههههههه شكل عمي تركي دابغك
ساره بعصبيه / اذا دبغني بسبتك
عند ركان
جالس مع صقر سمع صوتها وحس برجفه صابته وداخ على صوت ضحكتها وتمنى لو انها شايف ضحكتها
صقر بسخريه / هذي ضحكت الدناصوره غريبه توقعت ما تعرف تضحك
ركان / مارد واذنه عندها
صقر بسخريه / الله يعوض علي الظاهر صوت الحبيبه نساك وجودي
وقف بيمشي صرخ عليه ركان / وين بتطلع ماتسمع صوت البنت برى
صقر بسخريه / وش اسوي فيك اكلمك مطنشني وقلبك مع الي برى
اسحبه ركان وجلسه / معك معك اهم شي انثبر عندي
عند شوق
شوق بمزح / جلدك متعود على دبغ عمي
ساره بحزن / ارجعي ولا تركي بيجيك والله انه متحلف فيك
شوق بعصبيه / عمي اذا بيحلف يحلف على نفسه وتعرفيني ماخاف الا من الي خلقني
عند ركان
جالسين بهدوء واذانيهم برى مع مكالمة شوق العاليه
صقر بصدمه / هذي من جدها ما تخاف من تركي اذا انا يارجال ارتجف لشفته معصب
ركان بجديه / بنت اخوه اكيد طالعه عليه
صقر بتسال / الا هي مع من تتكلم
ركان بابتسامه / ما سمعتها تقول سارونه ولا جاك الصمخ وماسمعت اسم زوجتك
صقر بسخريه / ياهالزوجه الي نسمع عنها وما نشوفها
ركان بجديه / اذا مستعجل على شوفتها تدل طريق اهلها
صقر بجديه / شكلي باقول لامي تكلم امها يحطون عندها خبر ونستعجل الزواج
ركان بفرح / زين انك اقتنعت فيها
صقر بجديه / مالي مفر عنها واذا ماعجبتني بدال الحرمه الف وربي حلل لي اربع
ركان بسخريه / اول شي خذ الوحده وبعدها فكر بالاربع
صقر / اقول اسكت خلنا نسمع مجنونتك
ركان بابتسامه / ترى التجسس حرام
صقر بجديه / والله محد طقها على يدها وقال لها تكلم برى وعند مجلس الرجال ولا تبيني اسكر اذوني علشانها
ركان بابتسامه / ياخوفي جنيتي تجيب العيد بسوالفها
صقر بسخريه / وش رايك تطلع لها وتقول لها تكمل مكالمتها داخل
ركان بمزح / قالو لك بايع نفسي لو بتتكلم وسطنا ما تدخلت
صقر بابتسامه / والله وخوفتك بنت ناصر
ركان بهيام / بنت ناصر اخذت قلب خويك
صقر بسخريه / يالقلب الي ماحركه الا السب والشتايم
ركان بحب / على قلبي عسل
صقر بمزح / الله يهنيك بالعسل وفوقه قرص النحل
عند شوق
ساره بجديه / ناوي يجيك ويسحبك بالقوة
شوق بعصبيه / ماعاش ولا كان الي يسحب شوق بنت ناصر
واذا شفتي عمي قولي له شوق من بيت امها مراح تطلع واذا يبي العنوان بقوله ويوريني وش بيسوي
ساره بعصبيه / شوق استهدي بارحمن ولا تعاندين تركي ولا تنسين كل الي يسويه خوف عليك
شوق بعصبيه / قولي من منو يخاف علي
ساره سكتت
شوق بعصبيه / بقولك خايف علي من امي
ساره سكتت
شوق بعصبيه / ليش سكتي
عند ركان
ركان معجب بقوتها وارتاح كثير من كلامها وتاكد انها بتوقف معه ضد تركي
صقر بسخريه / ول كل هذا غرور من يكون ناصر الي كل دقيقه غاثتنا فيه مستحيل هالادمية تكون حرمه
ركان بهيام / فديتها وفديت ناصر واهلها كلهم
صقر بسخريه / ماشا ء الله تتفداها وتتفداء اهلها وانا لي سنين معك بعمرك ما تفديتني
ركان بحب / ما توقعت بيجي اليوم الي بنت تملك قلبي وعقلي سبحان من ساقها وجابها بدون ميعاد
صقر بمزح / الا حظك الردي الي جابها وجاب امها قبلها
ركان بصدق / والله وجودهم في البيت رجع لبيتي الحياه
صقر / صدق القط يحب خناقه
عند شوق
انهت المكالمه من ساره وحطت الجوال بجيب بنطلونها وصارت تمشي تستكشف المكان
قربت من اغصان الريحان قطفت لها كم غصن وحطتهم على شعرها
شوق باعجاب / ياحلو ريحته الحين صرت رسمي من سكان الجنوب
عند ركان
في قلبه / ياحظ الجنوب فيك
صقر بسخريه / ماشوفك علقت على كلمتها
ركان بعصبيه / ماعندي شي اقوله انت ماتقصر كل دقيقه معلق على كلامها
عند شوق
شافت بعض الاحجار على الجدار قربت شافت شلال كان منظره خيالي
مدت يدها على الماء وباعجاب / ووووووووووووواو منظر خيالي والله وطلع الغثيث عنده ذوق
مدت يدها المكسوره حست بوجع / اااه الله يكسر رقبتك مثل ماكسر يدي وبصراخ / يعالم غثيييييث لا يطاااااااااااااااق
عند ركان
انصدم من دعوتها وانقهر من تلقيبها له بالغثيث طالع بصديقه تمنى انه ماسمعها لكن ليس كل ما يتمناه المرء يدركه
صقر / هههههههههههههههههههههههه اكيد انت الغثيث وانت الي لا تطاق حتى بغيابك ماسلمت منها
ركان بعصبيه / اقول ورى ماتنطم ولا تذلف لبيتك
صقر بابتسامه / كنت بروح لبيتي لكنك مسكتني وزين انك مسكتني علشان اسمع بذني الغزل على اصوله
ركان بضيقه / ودي اطلع لها وقول وش شفتي مني علشان اصير غثيث وليه لا طاق
صقر بجديه / الي شافته منك انك مزوج امها لابوك وهذي عندها جريمه مستحيل تغفرها لك
ركان بحزن / شكلي بتعب معها كثير لين اكسب حبها
صقر بجديه / انت بالبر بيدك تكنسل الموضوع وتريح راسك
ركان بحرقه / يا ليت اقدر لكن وش بسوي بقلبي المتعلق فيها
صقر بجديه / اجل يبي لك صبرررررر ولا صبر ايوب بتعامل معها
ركان بضيقه / الله يجيب الصبر من عنده
وقف صقر / برجع للبيت
ركان بجديه / اطلع سيده لا تلتفت لا يمين ولا يسار
صقربجديه / صوتها اختفى شكلها دخلت
وقف ركان وبابتسامه / ماضمنك بطلع اشوف اذا كانت برى ولا دخلت
سبق ركان صقر فتح باب الحوش التفت لمكانها ماشافها دخل لصديقه / اطلع المكان امان
طلع صقر لبيته وركان دخل المجلس قرر ينام الليله بالمجلس فتح درج صغير طلع له لحاف انسدح على الكنبه وكل تفكيره ومشاعره مع شوق
ركان بتنهيده / وش الذنب الي سويته علشان حبها عقابي والله اني بار بابوي وبعمري ماذيت احد حط يده على قلبه وحس دقاته
متى تهداء يا قلبي وتخف دقاتك وهو بافكاره نام
عند صقر
دخل البيت شاف الانوار مقفله واضح ان امه والبنات نايمات دخل غرفته اخذ شور وبعدها نام
احداث يوم الجمعة
رجوع ماجد وسيف لرياض واستقرارهم مؤقت بالفندق
مروان استسلم لزن ابوه وافق ياخذ اهله وتهاني لرياض للبحث عن اهلها
تركي يحاول يفاتح امه بموضوع زواجه من نوره لكنه مالقى فرصه
شوق استقرت بالغرفه الي تحت متجنبه دخول غرفة امها
وتركي استقر بغرفة ركان على طلبه
نوف تعد الدقائق لرجوعها لرياض ورجوع عيالها لها والتقائها مع مها الي اتصلت عليها تبشرها برجعتها السبت لرياض
سالم وثامر مر عليهم يوم الجمعه ثقيل ينتظرون السبت على احر من الجمر
منى خلصت استعدادها لسفر بيكون فجر السبت
سميه رجعت الجمعه لبيتها ونامت فيه مع بنات اخوها جاها اتصال من ماجد انه بالرياض والسبت بيكون عندهم
ركان صار نومه بالمجلس يدخل احيان داخل يطمن على ابوه ويطلع
صقر ملازم لركان يجيب غداه وعشاه عنده وياكلون سواء ماحبو يثقلون على نوف بالطبخ
السبت
عند منى
صحت على اذان الفجر دخلت تتوضاء طلعت على صوت جوالها شافت رقم صديقتها
رفعت جوالها بحب / صبحك الله بالخير
سميه بجديه / انا عند الباب بوصلك للمطار قبل لا اروح للمدرسه
منى بعتب / مايحتاج تتعبين نفسك وتصحين من الفجر علشان توصليني
سميه بابتسامه / شبعانه نوم وماعندي شي اسويه قلت اكسب اجرك واوصلك
منى بجديه / انزلي لين اصحي العيال ويلبسون وطلع اشناطي
سميه بجديه/ اجل افتحي الباب وجهزي لي شي اشربه جايتك على جوعي
منى بحب / ابشري
نزلت منى فتحت الباب لسميه ودخلت معها الصاله
سميه بستعجال / اخلصي صحي عيالك لا تفوتكم الرحله
منى بجدية / اجل ادخلي عند الشغاله وقولي لها تسوي لك شي تشربينه
سميه بجديه / معليك مني بدبر حالي
طلعت منى وصحت وليد وغلا لبسو وطلعت شناطهم برى غرفتهم ودخلت غرفتها لبست ونزلت بعباتها شافت الصاله فاضيه دخلت المطبخ شافت سميه تفطر والشغاله مخلصه شغلها طلبت منها تنزل الشناط وتحطهم بالسياره
وصول للمطار على وقت الرحله سمعت النداء الاخير
سميه بجديه / الحمد لله جينا بالوقت
منى باحراج / الحمد لله سميه بترك الشغاله عندك ياله لقيت حجزلنا الثلاثه
سميه بجديه / بالحفظ والصون
اخذت صديقتها بالحضن ودعو بعض ودخلت منى بعياله داخل وسميه طلعت برى المطار كانت ساعتها 6 طلبت من السواق يرجعها لبيت منى اخذت الشغاله نزلتها في بيتها وطلعت لمدرستها
عند ركان
بعد مارجع من صلاة الفجر دخل المجلس ونام وصحى على صوت جواله كان المتصل صقر
ركان بصوت كله نوم / خير وش عندك متصل
صقر بعصبيه / تدري كم الساعه
ركان ببرود / كم الساعه
صقر بعصبيه / سبع ونص
اعتدل ركان بجلسته / تاخرت على شغلي فيه قضايا الصبح
صقر بجديه / تراني مثلك راحت علي نومه لولا ام صقر كان مكبر مخدتي
ركان بعصبيه / كله منك سهرت وسهرتني معك
صقر بجديه / اخلص بنتظرك بمكتبك
ركان بعصبيه / انت مالك مكتب تنثبر فيه
صقر / مع السلامه
ركان بعصبيه / وجع ماتترك حركاتك الي تبط الكبد
قام بكسل اخذ شور سريع دخل المقلط الي في ملابسه بيطلع بدلته العسكريه مالقاها
ركان بطفش / هذا وقت ضياع البدله
بعد ربع ساعه من التفتيش تذكر انها عند شوق قرر يداوم بثوبه
ركان بضيقه / الله يعيني اداوم بثوبي
لبس على السريع وطلع
عند صقر
وصل لمكتبه جلس سمع صوت الباب يطق ثواني ودخل عليه شرطي
صقر بجديه / فيه قضايا
الشرطي بجديه / ايه قضية قتل متهم فيها ولدين
صقر بجديه / متى صارت الجريمه
الشرطي بجديه / الخميس بالليل
صقر بجديه / والولدين وينهم فيه
الشرطي بجديه / بسجن التوقيف ينتظرون فتح التحقيق معهم
صقر بجديه / والمقتول وش صار عليه
الشرطي بجديه / بثلاجة الموتى بمستشفى ال .......
صقر بجديه / اداه القتل
الشرطي بجديه / القتيل كان محروق وجهه ويده اليسار
صقر بضيقه / لاحول ولا قوة الا بالله بطلع لمكتب ركان دخلهم علي بعد نص ساعه
الشرطي بجديه / حاضر
طلع الشرطي وصقر وقف وطلع من مكتبه شاف ركان توه داخل
دخل وراء ركان صقر بجديه / شكلك سايق بسرعه ولا كان مادخلت مكتبك قبلي
سكر ركان الباب وراه / المهم فيه قضايا ولا نطلب لنا فطور
جلس ركان بمكانه وصقر جلس مقابله وعيونه على صديقه / الا وش عندك كاشخ بالثوب تراك بدوام مو حاضر زواج
ركان بابتسامه / بدلتي تسلم عليك وتودعك
صقر بصدمه / ليكون خربتها المغسله عليك
ركان بابتسامه / صارت من ممتلكاتها
صقر بستغراب / ممتلكات منو
ركان بحب / زوجة المستقبل
صقر بعصبيه / هذي من خطبة استولت على بدلتك وصارت من ممتلكاتها اجل لتزوجتها وش بتاخذ منك
ركان بحب / اخذت قلبي مابعده شي
صقر بجديه / اترك عنك الغزل وخلنا نتفرغ للقضيه الي بين ايدينا
ركان بجديه / وش قضيته
صقر بجديه / ثنين متهمين بقتل واحد حرق
ركان بجديه / يعني مافي فطور
صقر بجديه / بنفطر عليهم
ركان بجديه / اجل قول لشرطي يجيبهم
صقر بجديه / عد للعشره بتلقاهم قدامك
مامداه يخلص كلامه الا سمع صوت طق الباب
صقر بجديه / اكيد هذاهم
دخل الشرطي بيمينه سالم ويساره ثامر دخلهم وطلع
عيون ركان على سالم شاك انه شايفه من قبل
صقر بعصبيه وعيونه عليهم / الي مثلكم بمدارس وانتم مشتغلين مجرمين
سالم وعيونه على ركان متاكد انه شايفه من قبل وشاك انه صديق لعمه ويتمنى ان شكه ماله اساس
ركان وعيونه على سالم بيتاكد / ممكن تقول لي اسمك
سالم بضيقه / سالم ناصر الضامي
فتح صقر فمه بصدمه وركان
صقر بعصبيه / منو قاتل يا سالم
سالم بضيقه / ما قتلت احد جيت خالي بساله بموضوع خاص لقيته ميت انقذته وشلته للمستشفى وبدال ما يشكروني احبسوني واتهموني بقتله
صقر بصصدمه / مبارك مات
وقف ركان من الفجعه / مبارك مات
صقر وعيونه على ركان المفجوع / المجرم طليق وانتم مالكم ذنب
ركان بعصبيه / صقررررر مبارك مات قضاء وقدر
صقر بسخريه / انت ادرى شلون مات والمفروض اخته مكانه
سالم بعصبيه / تتكلمون عن اختي شوق
ركان بعصبيه / صقر اتقي شري مبارك مات قضا وقدر شوق مالها خص
سالم بعصبيه / وش دخل اختي بالموضوع
صقر بعصبيه / اختك هي سبب وفاة خالك الي بسبته انت داخل السجن
ركان بعصبيه / صقررررررررررر اطلع لمكتبك نتفاهم بعدين
صقر بهدوء / ركان الي قدامك برين وحنا شاهدين على برائتهم لا تخلي غيرها مكانها
ركان بعصبيه / لاحووووووووول قلت لك شوق مالها علاقة والي قدامي بيطلعون معي مكرمين والقضيه بتتقفل
سالم وثامر منصدمين من الي يصير قدامهم وسالم بينفجر شلون يعرفون اخته ولا وحبيبه لواحد منهم لو بمكان غير هالمكان كان رباهم لكن السلطه لهم
سالم بعصبيه / ممكن اعرف شلون تعرفون اختي وشلون شفتوها وهي بالرياض
ركان بجديه / اختك في بيتي
سالم حس الدنيا ادور فيه ودمه نشف من الي يسمعه اخته في بيت واحد غريب
قرب سالم بعصبيه / ممكن تفهمني شلون اختي في بيتك وبسخريه / ياحضرة الضابط
ركان بجديه / اذا طلعت معي لبيتي بتعرف ليه اختك عندي
سالم بعصبيه / الحين تفهمني
ركان وقف / تعال معي وانت يقصد ثامر اجلس مع صقر
استسلم سالم لركان وطلع معه من الشرطه والهواجس توديه وتجيبه والشيطان يلعب براسه
ركب جنب ركان وبعد ربع ساعه وصل البيت نزل وركان فتح الباب بمفاتيحه
ركان بابتسامه / كنت اتمنى زيارتك لنا بموقف غير هالموقف لكن تفضل حياك الله
سالم بعصبيه/ اخلص ابي افهم علاقتك باختي
ركان مشى وسالم وراه وصل للمجلس / ما يصلح اقولك عند الباب تفضل اجلس بدخل دقائق وبتعرف كل شي
دخل سالم وجلس على الكنبه وركان وصل عند الباب الداخلي طقه دقائق سمع صوت نوف
عند نوف
كانت بالمطبخ تصلح لها قهوه فرنسيه وشوق بالغرفة نايمه
سمعت صوت طق الباب متاكده انه ركان طلعت لصاله / ادخل شوق نايمه
دخل ركان بجمود واضح من شكله الضيقه
نوف بخوف / ركان فيك شي
ركان بجديه / فيه شي يهمك بالمجلس ياليت تروحين تشوفينه
نوف بستغراب / شي يهمني شنو
ركان بجديه / ياليت تشوفينه بنفسك وانا بابقى بالصاله
نوف فتحت الباب ومشت من قدام ركان ودخلت قسم الرجال قربت شافت واحد منزل راسه
عرفته ومستحيل ماتعرف الي دمعتها مانشفت بسبت قلقها وخوفها عليه ركضت له وصارت عند رجوله / يمه سالم
انصدم سالم من وجود امه بهالمكان وبصدمه / يمه
نوف بصوت باكي / عيون وروح امك طمني عنك
سالم بضيقه / يمه ليش انتي هنا
نوف وعيونها تتامل وجه ولدها وتنتظر ردت فعله / انا في بيت زوجي
وقف سالم وفي باله ان ركان زوجها / ليش يمه لييييييييييش كسرتي وجهي وتزوجتي وقبر ابوي مانشف ابوي الي نايم بحضن قبره وانتي نايمه بحضن غيره
وقفت معه وقربت منه اكثر / اسال عن حالي قبل لا تحاسبني
سالم وعيونه على امه يتامل لبسها كان فستان قصير لركبه وعلاقي
سالم بحرقه / ما يحتاج اسالك عن احوالك شكلك عايشه بسعاده بعيد عن عيالك كنت مكذب عمي لما قال انك مشفوحه على الزواج
ماسكته الا كف حار انطبع على خده
نوف بعصبيه / ماهقيتها منك ياسالم انت تقول عني ماشفوحه زواج اتهمت امك وصدقت عمك الي يكرهني
وبعصبيه وبصراخ في وجه ولدها / الي صار غصب عني والله اني كارهه هالشي لكن حسبي الله على من كان السبب
وصارت تسحبه بشكل هستيري ودخلته غرفة ضاحي شافهم ركان لكنه حب يبقى مكانه ويتركهم يتفاهمون مع بعض
دخلت مع ولدها للغرفه وقربت من سرير ضاحي حاولت تمنع دموعها الي خانتها ونزلت على خدها بحراره
وبعصبيه / هذا زوجي الي اتهمتوني اني مبسوطه ونايمه بحضنه شفت شلون امك مشفوحه زواج
قببل الاتهام من كل الناس الا منك ياسالم اوجعتني يمه حرقت قلبي
سالم وعيونه على ضاحي ورجع يناظر في امه وبضيقه / ممكن تفهميني شلون تزوجتي هالشايب ومن يكون الي كان معي
نوف بصوت باكي / الي كان معك ولده والي زوجني الشايب مبارك اخوي باعني له برخيص والله كنت ابي اتطلق ابي ارجع لكم لكن فيه شي اقوى مني ومنكم علقني فيه
سالم بامل / اتركيه وتعالي معي
نوف بقوه / والله ماقدر احس روحي تعلقت بروحه ماقدر اتركه
سالم بقسوة / واذا خيرتك ياعيالك ياهو
عند شوق
صحاها صوت الصراخ وانصمت وهي تسمع صوت اخوها وقفت وركضت ودخلت عليهم
شوق بصراخ / ساااااااااااااالم تساوم امي فينا
سالم التفت على اخته وبصدمه / امي فهمت ليش هي هنا انتي وش جابك
شوق بعصبيه / انا جيت اخذ حقها من اخوها وافهمه ان ورها عيال ياكلونه لو مس شعره من امهم
سالم بعصبيه / مبارك الي ذبحتيه وجثته بالمستشفى تنتظر الي يدفنها
شوق بصدمه / مبارك مات مستحييييييييييييل
سالم بعصبيه / مو هذا الي كنتي تبينه
شوق بضيقه / حرق قلبي وحرقت قلبه بفلوسه لكني ماذبحته
سالم بعصبيه / اقولك مات وانتي السبب
شوق بعدم تصديق / انت اش قاعد تقول وبعدين من قالك انه مات
سالم بعصبيه / بيديني شلته جثه للمستشفى وتهموني بقتله وولد هالشايب طلعني من السجن
شوق نزلت دموعها صحيح كانت تبي تذبحه لكن لما مات بسبتها حست بعظم ذنبها
نوف لولا حياها من عيالها كان لولشت ورقصت على خبر موت مبارك سعادتها بهالخبر مستحيل تنوصف
لنا لقاء باذن الله الاسبوع الجاي
اختكم نسايم نجد
|
19-10-11, 08:08 AM
جديد مواضيع قسم الارشيف
العرض العادي
