كاتب الموضوع :
نسايم نجد
المنتدى :
الارشيف
بارت اليوم خفيف ولذيذ فيه مفاجئات بين السطور اتركم تكشفونها بنفسكم
الرجاء عدم طمر السطور
البارت الحادي والاربعون
عند ماجد
بعد مانهى اتصاله من صديقه طلع من الغرفه جلس بالصاله حط يده على وجهه وصار يبكي بحرقه سمع صوت الجرس
مسح دموعه فتح الباب شاف سيف واقف قدامه دخل سيف وقفل الباب وراه بقسوه
سيف بعصبيه / لمتى ياماجد تبكي الاموات
ماجد بصوت مبحوح / طول عمري
سيف بعصبيه / ترى حالتك ماينسكت عليها امش نطلع من جو البيت الي يخنق
ماجد رجع وجلس على الكنب وسيف جلس مقابل له وبضيقه / اطلع لحالك بنام
سيف باصرار / ومن الخبل الي بيسمع كلامك
ماجد برجاء / اترجاك تتركني
سيف مسك يد صديقه وبعصبيه / الشقه هذي مستحيل اخليك تدخلها مره ثانيه
ماجدر بصراخ / سييييييييييييييف تراني ماني بزر تتحكم فيني
سيف ببرود / والله مثل ما رضيت انك تتحكم فيني وتشكل حياتي على كيفك انت بتمشي حياتك على كيفي
بتطلع معي لبيتي وبتجلس فيه لين تسافر وهذي الشقه بسلمها لصاحبها
ماجد بصوت مبحوح / مايمديني اسكن معك بنسافر بعد كم ساعه وبطلع من الشقه للمطار
سيف بجديه / تطلع للمطار ابرك من جلستك بالمقبره الي معيش نفسك فيها
ماجد مارد على صديقه الي تركه ودخل لغرفة ماجد يجمع ملابسه وكل اغراضه بعد نص ساعه رجع لصديقه كان جالس مثل ماتركه هز راسه وقرب من خويه
سيف بضيقه / امش مامنك رجاء
ماجد انتبه لشنطة بيد سيف / ليش الشنطه بيدك
سيف بسخريه / ليكون بتسافر بدون شنطه
ماجد مشى / مو مهم
سيف بعصبيه / اقول اسكت لحط حرت رجعتي فيك الطياره تنتظرنا مراح ننتظر للفجر الحين بنسافر
ماجد طلع مع صديقه ماله خلق يجادله متاكد ان صديقه هو الغالب
عند مساعد
كان يتهرب من الرجوع للبيت البيت يخنقه ولطيفه زادت عليه
دخل بيته كاره نفسه سمع صوت لطيفه تصرخ عليه
لطيفه بصراخ / ويننننننه ضيفك يا مساعد وينه
مساعد بضيقه / رجع لهله
لطيفه بصوت باكي / حتى الامل الوحيد ضيعته مثل ماضيعت كل شي حلو حسبي عليك يامساعد
مساعد بصر اخ / خلااااااااااااااااااااص ماتملين من كثر ماترددين هالكلمه الضيف بيجي وبينفذ جنونك
دموعه خانته ونزلت قدام لطيفه وبضعف / يكفيني الي فيني اذا ماله وكارهه العيشه معي روحي لاهلك
لطيفه بحرقه / من بيستقبلني بعد سواتك مجبوره اعيش معك علشان بنتك ولا النفس عافتك يامساعد
مساعد بقهر / اذا نفسك عايفتني حتى انا عايف وكاره نفسي
وباختناق / روحي عند بنتك والي بينا انتهى
لطيفه مشت من قدامه من بعد الي صار انقلبت شخصيتها الهاديه الطبيه الى عصبيه
في مكان ثاني
سمعت كل الكلام الي بين امها وابوها ودموعها تنزل بحراره كان نفسها تطلع لهم وتضم ابوها وتواسي امها لكن حلفت تستمر بجنونها لين تنتقم من الي ظلمها وتثبت برائتها قدام الكل
من الحرقه الي داخلها وقفت وصارت ترمي كل شي حولها بجنون يمكن يطفي النيران الي داخلها لكن شلون بتنتقم واهلها معتزلين العالم
نوره بصوت باكي كله قهر / سنه ياطلال وانا مجنونه بسبتك صرت مثل البزر ابلل ملابسي سنه وانا اسمع بكا امي وقهر ابوي الي صدقك وظلمني رفعت يدها مسكت جرح السكينه المعلم برقبتها
وبحقد / هذي تذكرني فيك ياطلال شلوووووون اوصلك وانا مجنونه ومنفيه ومقفل علي
رجعت وجلست على الارض بمكانها المعتاد يمكن برودتها تطفي النار الشابه داخلها سمعت صوت الباب
قربت منها امها بحنان وحضنتها / ماما ليه جالسه على الارض كم مره اقولك اجلسي على سريرك
نوره بجنون / ماما خايفه من الوحش
لطيفه وقفت بنتها وجلستها على السرير / ماما الفرج جاء من ربي والكل بيعرف انك بريئه
نوره طالعت بامها مشاعرها مخربطه بين الفرح ببرائتها والاستغراب
كملت لطيفه بحنان / ماما ادري الي بقوله لك ما تفهمينه لكن هو الحل الوحيد
نوره بعقلانيه مانتبهت لها لطيفه / طيب شنو الحل
لطيفه بحنان / بابا ساعد واحد كان بين الحياه والموت جابه عندنا وهذا الي بيده الفرج وبيثبت برائتك
نوره مستغربه من كلام امها سكتت تنتظرها تكمل
لطيفه بصوت باكي كله قهر/ ترجيته يتزوجك رد لجميل ابوك عليه
انصعقت نوره من كلام امها وانتفضت من التكمله لانها واضحه وضوح الشمس
نفسهاااااااا تصرخ وتقول لهدرجه نوره صارت سلعه رخيصه اذا برئتها بهالطريقه الذليله مابيها اعيش عمري كله مظلومه ولا اتزوج بهالطريقه لا ارداي نزلت دموعه بحرقه ووجع ماتقدر تمانع او تبدي اي اعتراض لانها مثلت الجنون كل جسمها انتفض وارتجف من المستقبل الي ينتظرها مع غريب بياخذ منها اعز ماتملك والنتيجه برائتها
لطيفه مدت يدها بحنان ومسحت دموع بنتها / ماما ليه تبكين
نوره بقهر / ماما خايفه وصار تنتفض برعب
حضنتها امها بحنان ونوره صارت تبكي وتشاهق بحضن امها وتنتفض كانها وررقه
لطيفه بخوف / بسم الله عليك وش صار هذا وانتي ماتفهمين الي بيصير شلون لو كنتي بعقلك
نوره في نفسهااااااا / يا ليتني مو بعقلي واسمع هالكلام الي مثل الخناجر تقطعني
عند صالح
وصل لبيت اخته حط يده على الجرس وضغط باصرار فتحت له الشغاله ركض من غير لا يلتفت لام طلال الي كانت جالسه بالصاله شافت اخوها يركض على الدرج عرفت ليش جاي وقفت وبخطوات سريعه لحقته
عند طلال
كان منسدح على سريره وانفجع من فتحت الباب المفاجئة انصدم من وجود خاله كانت لحظات و خاله يخنقه
صالح بحرقه / يالخسيس نايم بسريرك مرتاح وناسي الي بسبتك ماتت
وصار يضرب فيه بدون وعي وطلال مستسلم بدون مايحاول يخلص نفسه من عمه انفتح الباب وركضت لهم ام طلال حاولت تخلص ولدها لكن بدون فائده
ام طلال بصوت باكي وبرجاء / حلفت عليك تتركه يكفيه الي جناه
التفت لاخته وفك يده منه وبقهر / تفوووووووووو عليك
انحرق قلب ام طلال وهي تشوف اخوها يهين ولدها
سحبت اخوها برى الغرفه معاد تتحمل منظر ولدها الكسير متاكده انه ندمان على كل الي سواه لكنها ماتقدر تسامحه
استجاب صالح لاخته وطلع معها ونزل تحت
ام طلال بصوت باكي / تعال ارتاح
صالح بحرقه / الدنيا ضايقه فيني ياخوك
ام طلال بصوت باكي / الذنب ذنب ولدي وذنب اخوك
صالح بصوت باكي / وانا شريك لهم بالذنب قولي لي وين بلقاء الراحه وبنت اخوك مذبوحه ظلم واخوك طاق من الديره ظلم
ام طلال صارت تبكي حرقه معندها كلام تقوله الي فيهم هم عظيم
ترك يد اخته الي ماسكته وطلع برى البيت ركب سيارته
عند تركي
بغرفته من دخلها ماطلع وعيونه على دولابه الي فيه صورة الحبيبه حاول يشغل نفسه عن نوف بشوق الي تصرفها مستحيل يعديه لها
تركي بعصبيه / لازم اسافر للجنوب والقاك يا شوق شلون بعرف ماكانها مالي الا اعرف بيت خالها وبطريقه بعرف بيت زوج امها وربيهم كلهم
مالي الا ركان و صقر يعرفون سكان الجنوب واكيد بيدلوني على مبارك
رفع جواله اتصل على جوال صقر
عند صقر
كان يسوق السياره وركان جنبه سمع صوت جواله شاف رقم تركي
صقر با بتسامه / كانه سامعنا نحش فيه
ركان باستغراب / منهو
صقر با بتسامه / من غيره عم الغاليه
ركان بصدمه / تركي
صقر بمزح / ايه عمك تركي
ركان بجدية / رد عليه وش تنتظر
حط صقرالجوال على اذنه / هلا بالغالي
تركي بجديه / المهلي مايولي شلونك انت
صقربجديه / الحمد لله كلنا بخير بشر عنك
تركي بجديه / الحمدل له مافيه خلاف متى بتجون عندنا
صقر وعيونه على ركان بابتسامه / البركه بخويك لولاه كان من زمان عندكم
تركي بستغراب / وش عنده خويك
صقر بجديه / ابد انشغل بزواج ابوه
ركان يحرك فمه لصقر يقوله لا يقول شي لتركي
تركي بجدية / اخيرا الشايب تزوج وبعدين خويك ليش ماعزمني كان جيت ابارك له
صقر وعيونه على ركان / كلها عشاء ماجاه احد
تركي بجديه / ان شاء الله انها بنت حلال مع اني شاك
صقر بجدية / ابشرك بنت حلال ومزيونه وطيح الطير من السماء
تركي بسخريه / مزيون وراضيه بالشايب اكيد انها طمعانه بحلاله
ركان منقهر من صديقه الي يتغزل بزوجة ابوه قدامه
صقر باصرار / قلت لك بنت حلال وتخاف ربي وازيدك تحب الشايب
تركي بقرف / فكنا منها ابي اسئلك تعرف واحد اسمه مبارك
صقر بستغراب / وش تبي فيه
تركي بجديه / ابيه بموضوع
صقر بجديه / قول وش تبي فيه يمكن اقدر افيدك بموضوعك
تركي بقرف / هذا يا طويل العمر اخو العلة الي كانت متزوجه اخوي ابي اعرف اخته وينها فيه
صقر بجديه / اخته متزوجه وش لك فيها
تركي بحقد / اذا عنها جعلها بحريقه لكن ابي عيالنا الي اخذتهم
صقر بكذب / للاسف ماعرف احد اسمه مبارك
تركي بسخريه / كل هالتحقيق قلت وراك علم عطني خويك يمكن يعرفه
صقر بجديه / انا بسيارتي وركان في بيته
تركي باصرار/ اجل بتصل عليه يله مع السلامه
انهى مكالمته من تركي التفت صقر لركان بجديه / الظاهر الي كنت خايف منه بيصير
ركان بستغراب / وش يبي فيك تركي
صقر بجديه / يسال عن مبارك يبي اخته بياخذ عيالهم على قولته
ركان بعصبيه / السماء اقرب له
صقر بجديه / الحين بيتصل عليك قوله هالكلام
ركان بجديه / من قال لك اني برد عليه
ماكمل كلمته الا جواله يدق شاف رقم تركي طنشه
صقر بجديه / رد عليه
ركان بضيقه / خله يحترق بشره ماني براد عليه
صقر بجديه / بكيفكم
عند شوق
دخلت امها تبدل لضاحي وشوق تفكيرها منحصر وش صار بين عمها وامها بفرنسا تعرف امها ماتحقد وتكره الا اذا كان السبب كبير اكيد عمها مسوي شي ماينغفر ماقدرت تصبر وداخلها نار رفعت الجوال وصارت تبحث عن رقم جوال عمها شافته ضغطت
عند تركي
سمع صوت جواله شاف رقم اخته ساره
تركي بعصبيه / خير ساره وش عند
شوق بجديه / انا شوق
تركي بستغراب / جيتي
شوق بسخريه / الي قالك عن سفري ماقال لك اني ماخذه جوال ساره
تركي باصرار / تبيني اجيك ولا عقلتي وبترجعين بنفسك
شوق بقوة / وش صار بينك وبين امي بفرنسا
تركي بارتباك وسؤال شوق صدمه / وش قالت امك اكيد سممت تفكيرك وشوهت صورة عمك قدامك
شوق باصرار / عمي لا تلف ودور قول وش سويت بامي بفرنسا
تركي بعصبيه / شوق احترميني والكلام الي قالته امك من راسها بتغطي فيه فضايحها
شوق بعصبيه / عمي لهنا وتسكت مستحيل اسمح لك تغلط بحرف واحد بحق امي
ماحست شوق الا بالجوال ينسحب من يدها شافت امها وبيدها الجوال
نوف بصوتها العذاب وبعصبيه / شوف يابن الناس علاقتي فيكم منتهيه بوفاة ناصر ولي يربطني فيكم عيالي
وبالغي هالرابط وباخذهم منكم غصب عنك واذا عندك كلام وفره لذاك اليوم الي وعد بيكون قريب
وتاكد الي صار بفرنسا اذا ماطلع منك مستحيل يطلع مني
تركي انصدم من صوت الحرمه على انه كم مره كلم زوجة اخوه لكن بعمره ماسمع صوتها بهالعذاب
مايكون تركي اذا سكت / انتي يالصايعه يالضايعه تتجرءين وتقولين هالكلام لتركي والله لطلع فيك الاولي والتالي
نوف عصبت / مالصايع والضايع غيرك واعلى مابخيلك اركبه وسكرت الجوال
شوق منصدمه من تصرف امها الي وجها احمر من العصبيه
شوق بصدمه / وش سويتي
نوف بعصبيه / للحين ماسويت شي ولا شاف مني شي
شوق بخوف / يمه الكلام الي قلتيه لعمي كبير مستحيل يسكت عنه او يسامحك عليه
جلست نوف بتهدي النفضه الي سرت بجسمها من اهانة تركي بعصبيه / عمك هذا يغلط ومايبي احد يغلط عليه ويجرح ومايبي ينجرح عمك بيذبحه غروره
شوق بابتسامه / ياليت الجوال مثل ماهو صوت صوره كان تغير الحوار من الاهانه للغزل والهيام
نوف بعصبيه / شوووووووووووووق وبعدين مع خبالك
شوق بجديه / ما ضنتي بعد كلامك الحلو لعمي بيحبك
نوف بحقد / حبه عزرائيل قولي امين
شوق بضيقه / يويلي منكم كل واحد فيكم يكره الثاني ويدعي عليه والمطلوب مني اسمع واسكت يارب صبرني
نوف وقفت / ادخل اسوي لنا شي نتعشاه ابرك من سوالفك انتي والسيد عمك
عند تركي
رمى الجوال بقوة على سريره يغلي من العصبيه وبصررااخ / انا تركي ينقال لي صايع وضايع وفوقه ينقفل الخط بوجهي هييييييييييييييييييين يابنت الشوارع اذا ما دفعتك الثمن غالي على كلامك الي قلتيه
انفتح عليه الباب ساره قربت من اخوها / تركي وش فيك تصارخ
تركي بصراخ / اطللللللللللللللللعي لكوفنك وحط حرتي فيك
خافت ساره من اخوها
طلعت برى الغرفة شافت اخوها سالم
سالم بابتسامه / وش في وجهك منقلب
ساره بزعل / اخوك من درى عن شوق وهو معصب والحين يصارخ ويسب بغرفته
سالم بجديه / يومه معصب ليش داخله عليه ماتعرفين اخوك ماينقرب منه اذا عصب
ساره بضيقه / هذا جزاتي اني بخفف عنه
سالم بجديه / انتي تعرفين اخوك مايحب احد يشوفه معصب اذا هدء بيطلع
ساره بجديه / منت بداخل عليه تهديه
سالم بضيقه / مدامني ادري عن سبب عصبيته فماله داعي ادخل عنده واوجع راسي
ساره بجديه / سالم تركي مايحق له يمنع عيال عن امهم
سالم بضيقه / اخوك شلون يفهم كلامك الي تقولينه تعرفينه يكره زوجة اخوك وبينتقم منها بعيالها
ساره بجديه / كره تركي لام سالم مبالغ فيه بعمره ماشافها ولا شفنا منها لا خير ولا شر
سالم بضيقه / لاتوجعين راسي وراسك وتركي مايتغير واذا كره كره
ساره بصدق / تصدق اني حبيت ام سالم وخايفه عليها من امي وتركي
سالم بجديه / زين انها بالجنوب ولا كان صارت علوم
ساره بجديه / اي والله خيره لها انها بالجنوب
سالم بجديه / نامي بدري لا يتخربط نومك
ساره بضيقه / اكيد بنام بدري مع منو بسهر
سالم / تصبحين على خير
مشى قدام اخته وبحب / ياليت امي وتركي يملكون قلبك ياسالم
عند مها
من بعد ماتطمنت على نوف نامت ماصحت الا على صوت ابو ثامر يصحيها
ابو ثامر يمسح على شعرها / مهاوي قلبي قومي العشاء اذن وانتي من الظهر نايمه
مها بتعب / سعد الله يعافيك خلني انام من زمان مانمت براحه
ابو ثامر بحب / جعلها دوم قومي صلي واكلي شي
فتحت عيونها بكسل / اولا معلي صلاه وثانيا شبعانه
ابو ثامر بجديه / طيب قومي اجلسي معي
سندت نفسها على السرير اطالع بزوجها / شكلك منت بخالي وراك شي
ابو ثامر بابتسامه / يا فاهمني بشاورك بموضوع ما يتاجل
مها بجديه / اجل انتظرني اغسل علشان اصحصح واقدر افيدك
ابو ثامر بجديه/ بطلع لصاله لا تتاخرين علي
باسته على خده / وانا اقدر اتاخر عليك
دخلت الحمام وابو ثامرطلع برى
بعد عشر دقائق طلعت لزوجها الي كان ينتظرها
قربت منه وجلست
ابو ثامر بزعل / هذي الي مراح تتاخر مليت وانا انتظرك
مها بابتسامه / بلا عياره كلهم عشر دقائق
ابو ثامر بجديه / خلينا بموضوعي
مها بحماس / قول الي عندك اسمعك
ابو ثامر بجديه / قررت ارجع لرياض قبل الوقت الي اتفقنا عليه
مها بصدمه / ترجع لحالك
ابو ثامر بجديه / كلنا بنرجع الفلة جاهزه
مها بجديه / والاشغال الي عندي وش بسوي فيها
ابو ثامر بجديه / اجليها واذا ماقدرتي حوليها على محامي شاطر
مها بجديه / ماقدر
ابو ثامر باصرار / واذا قلت علشان خاطري
مها بجديه / خاطرك على عيني وراسي لكن ياليت تفهمني سبب هالقرار المفاجئ
ابو ثامر بجدية/ اليوم جاء قرار نقلي لرياض وماقدر اتاخر
مها بجديه / ومدارس العيال
ابو ثامر بجديه / الحين بايجازه وبنسجلهم بالمدارس هناك
مها بستسلام/ ومتى بنسافر
ابو ثامر بجديه / السبت
مها بجديه / بعد بكره ما يمديني اخلص اموري
ابو ثامر بجدية / امورك تتاجل لكن السفر مايتاجل
مها بجديه / على اني ضد الرجعه بهالوقت لكنها خيره فيه امور معلقه تنتظرني بالسعوديه
ابو ثامر بابتسامه / اشوفك اختبوط لك بكل مكان امور معلقه
مها بجديه / كله كوم والي في السعوديه كوم
ابو ثامر بجديه / اقدر اعرف ولا سر
مها بجدية / من متى اخش عنك شي تذكر تركي اخو ناصر
ابو ثامر بكره / ايه اذكره وش فيه
مها بجديه / بربيه وبرجع للمسكينه عيالها وغصبن عنه وعن الي جابوه
ابو ثامر بجديه / شفته ومارتحت له قلت لاخوه سالم سواته مع زوجة اخوه
مها بعتب / الله يهداك ليش قلت له هي مو ناقصه مشاكل جديده
ابو ثامر بجديه/ ماجايها مشاكل من سالم هو الي بيرد حقها
مها بجديه / طاير بهالسالم ماضنتي بيختلف عن اخوانه
ابو ثامر بجديه / ما شفتيه ولا كان صدقتي كلامي سيماهم بوجوهم
عند مروان
وصل البيت وقف سيارته فتحت سلوى الباب نزلت وهي مخنوقه كانت بتمشي وقفها صوت اخوها / اخذي قدروك
ارجعت وفتحت الباب الخلفي اخذت الاغراض ودخلت البيت شافت امها وابوها بالصاله
قربت منهم / السلام
ام مروان بجدية/ وعليكم السلام مسرع ماجيتي
سلوى بضيقة / الفضل لولدك مارضى اجلس اكثر
ابو مروان بحب / تعالي يابوك اجلسي جنبي
اول مره تستجيب لابوها الحنون بحب قربت منه وباست راسه وجلست بينه وبين امها
عيونها تنتقل بين امها وابوها وتشوف الطيبه والدين بوجيهم شلون جابو مثل مروان احيان كثيره تشك ان مروان اخوها او ينتسب لعايلتها
صحاها من افكارها صوت ابوها الحنون وهو يمد لها الكيسه / خذي يابوك جبت الحلاو الي تحبينه لا تنسين بنت خالتك عطيها
سلوى اخذت الكيسه منه / مشكور الله يخليك لي
مستغربه من نفسها اليوم تتصرف عكس العاده وقفت ودخلت عند تهاني النايمه
غيرت ملابسها والنور مقفل دخلت فراشها وحطت راسها على المخده والفراش كانه شوك يقطع جسمها
سلوى في نفسها / سامحيني ديمااااااااا ادري اني غدرت فيك لكن ماقدر اقول لا لمروان الله يلعنها الفلوس شلون ذلتني ماعاد اقدر اتخلص من سيطرته علي ااااااااااااااااااااااااااااااااااااااااه احس باختنق من ضيقتي
تهاني تسمع تنهد بنت خالتها / وش فيك تنافخين
جلست سلوى بصوت باكي/ تعبت ومليت من جرايم مروان
تهاني بجديه / سويتي الي يبيه
سلوى بصوت باكي / ايه يليتك شفتيها ياتهاني نظيفه ومروان بيوسخها
تهاني بجدية / والي وسخهم اخوك مو نظيفات يمكنهم انظف من صديقتك
سلوى بدموع / يكفي انها صديقتي وتعاملني بحب اجي اغدر فيها واسلمها لمروان
تهاني بسخرية / غريبه توه يصحى ضميرك اجل لطلب منك تجيبينها له ارفضي
سلوى بصوت باكي / القهرررر اني ماقدر ارفض مروان شيطااااااان اخاف منه
تهاني بجديه / اول مره تقولين كلمة صدق مروان حتى الشيطان متبري منه
سلوى بصوت باكي / والحل ياتهاني مابيها تصير من ضحايانا ديما ماتستاهل
تهاني بجديه / فيه حل واحد انك تبلغين عليه قبل لا يقرب من ديما
سلوى بققت عيونها برعب / ابلغ على مروان والله ليدفني حيه
تهاني بسخريه / اجل كملي الي بديتيه مع ديما ونفذي اوامر مروان
سلوى ماردت على تهاني وغطت وجها بالشرسف وهي تفكر بالحل لكن الشيطان الي داخلها طلب منها تستجيب لاخوها لانها محتاجته اكثر من حاجتها لصديقتها
عند مروان
دخل شقة صديقه والابتسامه على وجهه وعيونه على جواله
وقف عامر وبحماس / ابي اشوف مدامك مانعني المسها
مروان بسخريه / اصبر خلني امتع عيوني فيها وبعدين تشوفها
سحب عامر الجوال من صديقه وعيونه على مقطع الرقص وعيونه التهمت ديما بفسانها الاحمر العاري
عامر برجاء / طالبك ابيها بعدك ولك الي تبيه
مروان بجديه / اذا شبعت منها بعطيها لك لكن بشروط
عامر باصرار / راضي بشروطك هذي تستاهل
مروان اخذ جواله من صديقه / اتوقع يكفيك الي شفته
عامر بزعل / حتى الشوفه باخل فيها
مروان بجديه / خلني امخمخ بخطه تجيبها لعندي بدون ماتعب
عامر بجديه / بتساومها بالصور
مروان بجديه / هذي غير عن الي قبلها لازم ننتبه اكثر ولا تنسى ان خالها ضابط اذا انكشفنا ضعنا
عامر بجديه / يخوفي نهايتنا على يد ديمتك بدال ماتسحبها لحضنك تسحبك لسجن
مروان يجلس بهيااااااام / تستاهل
جلس عامر وباعجاب / وانا اشهد انها تستاهل مو السجن الا انك تنعدم علشانها
مروان بجديه / اعوذ باله من فالك صاير بومه على هالفال الاقشر
توقعاتكم
لنا لقاء الاسبوع الجاي
اختكم نسايم نجد
|
06-10-11, 09:51 PM
جديد مواضيع قسم الارشيف
العرض العادي
