(موضوع حصري) يادنيتي يكفيني عذاب - الصفحة 117

25-07-11, 01:50 AM

المشاركة رقم: 581

المعلومات
الكاتب:	شموخ السلاطين
اللقب:

البيانات
التسجيل:	May 2010
العضوية:	164128
المشاركات:	229
الجنس	أنثى
معدل التقييم:
نقاط التقييم:	103

االدولة

مدونتي

الإتصالات
الحالة:
وسائل الإتصال:

كاتب الموضوع : نسايم نجد المنتدى : الارشيف

]دموع الوادي انا بعد معك انتي وعاشقة انفاس

متشوقه لردت فعل شوق لاشافتزوج امها
في انتظار نايف ولقاءه مع نوف

حبيبتي نسومه في انتظارش

25-07-11, 02:46 AM

المشاركة رقم: 582

المعلومات
الكاتب:	نسايم نجد
اللقب:	ليلاس متالق

البيانات
التسجيل:	Aug 2010
العضوية:	182238
المشاركات:	478
الجنس	أنثى
معدل التقييم:
نقاط التقييم:	645

االدولة

مدونتي

الإتصالات
الحالة:
وسائل الإتصال:

كاتب الموضوع : نسايم نجد المنتدى : الارشيف

الحمد لله على سلامة كل من كان غايب وحضر نورتو الرواية الي مشتاااااااااقه لكم كثير

رسالة لكل متابعين روايتي اقول لهم نسايم ماتزعل من استفساركم وعتبكم رمز لمحبتكم وافرح بتوقعاتكم وتحليلكم لشخصيات واستفيد منها

والاخوات الي بنظرهم دخول مساعد واهله زايد عن الروايه ( تبون الصراحه ماكنت مخططه لوجودهم وطلعو براسي فجئة ) وحطيتهم لغرض بتعرفونه بعدين

نوره نفس شخصية شوق مع بعض الاختلافات البسيطه وبنفس العمر وجودها بيزيد الروايه جمال ,,,,,, ( وعليكم الفهم )

( فيه اخوات مو عاجبهم يكون بارت اسبوعي اقول لهم باذن الله بحاول بعد العيد نرجع للجدول الاولي ثلاث بارتات باسبوع واذا مقدرت اكيد بتعذروني )

وكما عودتكم بروايتي السابقه في رمضان اتوقف عن الكتابه لانه شهر عباده نشغله بقراءة القران والعباده افضل من قراءة الروايات

الله يبلغنا واياكم رمضان ويجعلنا من صوامه وقوامه

البارت طووووووووووووويل فوق الطبيعي والسبب لطوله انه البارت الاخير قبل رمضان

بارت اليوم دسسسسسسسسم مليئ بالاحداث وابشركم بيعجبكم لاني تعمقت بالاحداث المحببه لقلوبكم

فيه مفاجئااااااااااااااات داخل الروايه ممكن تبسطكم او العكس تابعو الروايه وبتنكشف لكم المفاجئة

في بارت اليوم خطبت تركي لنوره ورد مساعد على طلبه

في بارت اليوم ظهور سلوى وتهاني ومروان وسوزان ووائل الي طول غيابهم

في بارت اليوم ماجد طلب من سيف طلب غريب ( تابعو الروايه وبتتعرفون على الطلب )

في بارت اليوم شوفت شوق لضاحي وش كان ردت فعلها بتشوفونه بالبارت

في بارت اليوم ردت فعل مها لما درت بسواة شوق

في بارت اليوم ام سالم اجبرت بنتها على شي تابعو الروايه وبتعرفونه

في بارت اليوم بتتعاطفوووووون كثير مع ركان

الرجاء عدم طمر السطورررررر

البارت السابع والثلاثون

عند ثامر وسالم

سالم بسياره جالس جنب صديقه و ثامر ماحب يجلس قدام ويتركه وحيد وراء قرر يجلس معه
من ركب السياره مانطق بحرف عقله وتفكيره عند امه مل من طول الطريق سالم بتعب / ثامر ما تدري كم باقي

ثامر بخوف / اذا تعبان وقفنا نرتاح قدامنا طريق طويل
سالم بتعب / كم باقي

ثامر بجديه / مدري لكن اغلب ضني 8 ساعات اذا مو اكثر

سالم بضيقه / لاحول يا طولها المسافه

ثامر بجديه / بعد ساعه بنوقف نتغدى ونرتاح بغرفه وبعدها نكمل طريقنا

سالم بضيقه / ابي اختصر المسافه وانت بطولها علينا بوقفتنا
ثامر بحنان / حط راسك ونام وبيضيع عليك الوقت ماتدري الا وحنا واصلين

سالم بضيقه / من وين اجيبه النوم

في بيت ابو مروان

في غرفة سلوى

كانت تهاني عند شنطتها تفتح فيها وسلوى متمدد على فراشها

سلوى / وش رايك اقول لبوي يطلعنا

تهاني التفتت عليها وبحزن / اطلعي وش يخصني
سلوى قربت منها / الطلعه لك ابيك تغيرين من الحزن الي انتي فيه

تهاني نزلت دموعها على خدها بحراره / الحزن بيبقى لين اخذ حقي منهم

سلوى بضيقه / تهاني ما يصير حتى الغرفه ما طلعتي منها
تهاني اخذت لها ملابس من شنطتها وقفت / ما قالك عمي متى بنسافر لرياض

سلوى بضيقه / قال لمروان ومن بعدها مروان طلع ماشفناه
تهاني بستغراب / مروان رجع
سلوى / اكيد ما تدرين عن الداخل والطالع وانتي دافنه نفسك بالغرفه

تهاني بحرقه / تبيني اقابل الناس وانا منبوذه من اهلي وعايشه عاله عليكم

سلوى بعصبيه / كل يوم تعيدين هالكلام بكره بطلع معك أي مكان وغصب تروحين معي

طالعتها بعيون كلها دموع وطلعت من الغرفه

عند ام مروان
كانت بالصاله تفكر بحال بنت اختها سمعت صوت الباب يفتح ركزت نظرها على الباب شافت تهاني واضح انها كانت تبيكي وقفت وقربت عندها وحضنتها بحب

ام مروان بحنان / يمه لا توجعين امك بقبرها اذا ماتت امك انا موجوده
تهاني زاد نحيبها بحضن خالتها / ااااااااااااه يالخاله ابوي نبذني وكاني شي وسخ مايبيه امي اشتغلت خدامه وهي مريضه وهو يرمي فلوسه على زوجته وعياله
ام مروان بعدتها عن حضنها وبجديه / الذنب ذنب امك ابوك ما نبذك ولا تخلى عنك امك الله يرحمها اخذتك وانحاشت فيك ما تبيه يا خذك منها

تهاني وجها غرقان دموع / نفسي اصدق هالكلام علشان ارتاح
ام مروان / يمه هذا الي صار وامك قالته لي قبل لا تموت كان بياخذك منها اذا صار عمرك سنه خافت تنحرم منك اخذتك وتركت بيته وجت عندنا واكيد ان ابوك تعب يدور عليك واذا لقاك بيفرح فيك

تهاني بصوت كله قهر / خالتي هالمبررت الي تقولينها مستحيل اصدقها او اقتنع فيها ومصير الايام بتثبت كلامي
اسمحي لي خاله بدخل الحمام

مشت من قدام خالتها دخلت الحمام وقفلت عليها الباب ودخلت تحت الماء وصارت تبكي بحرقه

عند مروان

من درى ان تهاني ساكنه بيتهم وهو ساكن مع صديقه عامر بشقته المفروشه

عامر بابتسامه / وش عندك مرابط عندي بالشقه مو عوايدك
مروان بسخريه / فيه ضيفه غثيثه في بيتنا ماني بطايق البيت بوجودها

عامر بجديه / متى بتخلص من موضوع خويتك الي صجيتني فيها هذي مثل الي نسمع عنها ومستحيل نوصل لها

مروان بثقه / قرررررررررريب بتكون بحضني

عامر بيستفزه / متتتتتتتتتتى كله كلام
وقف مروان بعصبيه / بتشوف مو مروان الي يستعصي عليه شي والبنت بتكون بحضني واذا كمل الشهر وما صار ماكون مروان

عامر بسخريه / بنشوف

طلع معصب لمتى وهو ينتظر الفرصه علشان تصير له هو الي بيصنع الفرصه ركب سيارته ووصل للبيت فتح الباب ودخل الصاله وحمد ربه انه ماشاف امه فتح باب غرفة سلوى شاف اخته لحالها

مروان بسخريه / وينها تهاني
سلوى بجديه / بالحمام
مروان بعصبيه واصرار / الليله الفديو عند
سلوى بصدمه / شلوووووون
مروان باصرار / بعد العشاء القاك جاهزه بوديك لها
سلوى بضيقه / مروان لي فتره ماداومت ولا كلمتها شلون ازورها
مروان بعصبيه / كلامي بتنفذينه ولا بتشوفين شي مايرضيك

طلع من غرفة اخته وشاف تهاني طالعه من الحمام مشى ماعبرها ومثل مادخل البيت طلع منه

دخلت تهاني على سلوى الي رجعت تنسدح على فراشها والضيقه مرسومه على وجها

تهاني بجديه / وش عنده مروان
سلوى بضيقه / يبي الفديو الليله وبعد العشاء بياخذني عندها مدري شلون بزورها بعد الغيبه

تهاني ببرود / كلميها وقولي لها الي صار وانك بتزورينها علشان تغيرين من جو الحزن الي عايشته
سلوى بجديه / واكيد بتروحين معي
تهاني بحزن / مالي خلق اشوف احد او اقابل احد روحي وبنتظرك

اجل بتصل عليها الحين اخذت جوالها من شنطتها وتصلت على ديما

عند ديما

كانت بغرفتها منسدحه سمعت صوت جواله شافت رقم سلوى ردت بسرعه
ديما بلهفه / وينك الله يهداك ليش مقفله جوالك وليش غايبه عن الجامعه
سلوى بحزن / ماتت خالتي ومالي خلق اداوم بالجامعه ولا استقبل اتصالات

ديما بحزن / عظم الله اجرك
سلوى بجديه / اجرنا واجرك شخبارك

ديما بجديه / الحمد لله كان اتصلتي وقلتي لنا علشان نجيك ونعزيك

سلوى بحزن / كنت بحاله ما يعلم فيها الا ربك
ديما بتاثر / الله يكون بعونك شلونها بنتها
سلوى وعيونها على تهاني الي انسدحت على الفراش وبجديه / الله يعينها ديما اذا منتي بطالعه مكان بزورك بغير من جو الحزن

ديما بفرح / يا هلا فيك وياليت تجيبين بنت خالتك معك تغير جووو
سلوى بجديه / يبيلها فترى علشان تتقبل وفاة امها وترضى تطلع من العزله الي عايشتها

ديما بجديه / الله يصبرها بنتظرك
سلوى بجديه / بعد العشاء بكون عندك
ديما بجديه / حياك الله بكل وقت
سلوى بجديه / يله مع السلامه
ديما بجديه / مع السلامه
قررت ترتاح عشان السهر والعصر بتكلم مرام وتعزمها وبتكون سهره صباحي مدام بكره جمعه

في بيت الجده

في غرفة ام سالم

كانت بغرفتها متمدده على سريره ومخنوقه من من غياب تركي وزاده غياب شوق وكل واحد فيهم طالع بدون جوال تقدر تطمن عليهم
وقفت و طلعت من غرفتها وعلامات الحزن والضيقه مرسوم على وجها نزلت لصاله شافت ساره جالسه
قربت وجلست وبضيقه / ما كلمتك شوق

ساره بقهر / شلون بتكلمني وجوالي ماخذته معها
ام سالم بلهفه / اتصلي على جوالك ابي اكلمها
ساره وقفت / طيب وينه جوالك
ام سالم بجديه / بغرفتي

طلعت ساره لغرفة امها شافت الجوال بشاحن اخذته ونزلت

ورجعت عند امها وجلست جنبها
ام سالم تناظر الجوال بيد بنتها بعصبيه / وش تنتظرين اتصلي على بنت اخوك

اضغطت ساره على رقم جوالها سمعته يدق لكن مافي رد

ساره / يمه ماترد
ام سالم باصرار / اتصلي لين ترد

عند مها

جالسه بمكتبها متضايقه مالها خلق لشغل وتفكيرها بنوف وبنتها

مها بقلق / وينك يا شوق ليش ما تصلتي معقوله ماقدرتي تسافرين لامك
اتصلي يامها على اهلها وسالي عنها لو سافرت اكيد بتدرين فتحت شنطتها واخذت جوالها واتصلت على بيت اهل ناصر

في بيت الجده

الجوال بيد ساره تتصل وشوق ماترد منقهر من اصرار امها سمعت صوت تلفون البيت

ام سالم بلهفه / اركضي ردي اكيد انها شوق

وقفت ساره وركضت لتلفون ورفعته

ساره بجديه / الووووووووو

مها بجديه / السلام
ساره بجديه / وعليكم السلام
مها بجديه / لو سمحتي شوق موجوده ابي اكلمها
ساره بجديه / شوق مسافره من اقول لها لرجعت
مها بفرح / ما يحتاج برجع اتصل عليها مع السلامه
ساره / مع السلامه

عند مها

حست براحه لما درت ان شوق سافرت متاكده انها سافرت عند امها لكن باقي شوق اطمنها بالي سوته هناك
مها / اتصلي ياشوق حرام مخليتني على اعصابي

عند ام سالم

شافت ساره ترجع السماعه مكانها / من المتصل
ساره بستغراب / وحده تبي شوق
ام سالم بجديه / منهي
ساره بستغراب / مارضت تقول منهي وقالت بتكلمها لرجعت
ام سالم بعصبيه / اياني وياك تقولين لشوق عن الاتصال واذا اتصلت مره ثانيه قفلي الخط بوجها

ساره بستغراب / ليه
ام سالم بحقد / هذي اكيد امهم
ساره وهي تتذكر صوت مها الناعم / ما ظن انها امهم صوتها يقول انها صغير يمكن تكون من صديقات شوق

ام سالم بعصبيه / الي قلته تنفذينه شوق لا تكلم احد ما نعرفه واذا قلتي لها عن الي اتصلت ياويلك ارجعي اتصلي عليها

ساره ارجعت وجلست على الكنب / يمه ماترد اكيد نايمه ولا جوالها بعيد عنها

عند شوق

كانت بالسيارة ركان وشنطتها بحضنها حست بصوت هزاز طنشت اول مره لكن ثاني مره تذكرة جوالها الي حاطته على الصامت طلعته شافت رقم جوال جدتها

نوف وعيونها على شوق / ردي وش فيك كانك خايفه من الجوال
شووق بابتسامه / ما تبيني اخاف والي متصله ام سالم على سن ورمح

نوف بابتسامه / ما ضنتي انك تخافين من احد ردي وقولي لها انك بتبقين عندي

شوق بجديه / يمه الله يهداك للحين ماقلت لك بجلس وماضن بقدر وام سالم وراي

ركان اذنه وقلبه وكل حواسه عندهم ما يدري ليش حس بضيقه من فكرة رجوعها

نوف بحزن / ويرضيك تسافرين وتتركني وانا ما صدقت اشوفك

ركان بعصبيه ما يدري سببها / وش رايك امك تبوس رجولك علشان تتفضلين وتتنازلين وترضين تجلسين عندها

شوق بعصبيه / يااااااااااويلي من القافه ام وبنتها وش حاشرك وسطهم وفرضن لو فكرت اجلس كله علشان انكد وسود عليك عيشتك

نوف برجاء وبصوت باكي / شوق كلها فتره وبنستقر بالرياض جنب بيت جدتك طالبتك لذاك الوقت لا تتركيني

شوق بجديه / وش رايك ترجعين معي وتستقرين بفلة ابوي الي جنب فلة عمي تركي

ركان بعصبيه / امك من بيتي مالها طلعه

شوق بعصبية / طلعت روحك امييييييين كل دقيقه حاشر نفسك وسطنا يالبزر ما تعرف ان اللقافه قرافه

والتفتت لامها / وتبيني ابقى وهذا موجود صدقيني بارتكب فيه جريمه

ركان في نفسه / هاذي كل ما سبتني قلبي ينتفض وش صار لك يا ركان ليش حسيت بضيقه لما قالت انها بترجع معقول اني حبيت هالذيبه

لا اردي صار يضحك / ههههههههههههههههه

نوف وشوق مستغربات من ضحت ركان المفاجئة

شوق توقعت انها ضحكته سخريه منها

شوق بقرف / يقولون الضحك بدون سبب قلة ادب

نوف وعيونها على جوال شوق الي ماوقف / جوالك انحرق من كثر ما يدق ردي على جدتك وطمنيها انك عندي

شوق بضيقه / يبيني ارد عليها وبالي رايق والحين ماينفع

نوف مستغربه من طول المسافه وبجديه / ركان بتكسي المسافه 10 دقائق ومعك اشوف المسافه طولت

ركان متعمد يطول المسافه عاجبه الوضع / دقائق بنوصل

شوق تذكرت انها ماكلمت مها و شهقققققت بصوت عالي

ركان ضرب بريك فجئة وضرب راس شوق للمره الثانيه

شوق بكل عصبيه تحاول تفتح الباب / افتتتتتتتتح الباب بانزل

ركان ببرود حرك سيارته / امسكي شيطانك لين نوصل

شوق بعصبيه / انت الشيطاااااااااااااااااااااان ومعه ماجلس

نوف تمسح على ظهر بنتها بتخفف من عصبيتها / استهدي برحمان ركان وقف لان شهقتك خوفتنا

شوق بعصبيه / هذا وجه وجه واحد يسوق والي نجحه في اسواقه المفروض يعدمونه

ركان في نفسه / وش فيها حااااااااقده علي وكل شي تفهمه مني بسوء نيه لو انها رجال على طول هالسان والله كان من صيد امس لكن مع كل هذ عاجبتتتتتتتتتتتني بنت قويه ماينداس لها على طرف

نوف بخوف صارت تتحسس بنتها / يمه وش فيك ليش شهقتي

شوق بجديه / نسيت اتصل على خالتي مها اطمنها

نوف بستغراب / وش اطمينها عليه
شوق بجديه / ما سالتيني شلون دريت عن زواجك

نوف بجديه / الا صحيح من قالك

شوق بجديه / خالتي مها اتصلت علي وقالت لي وكانت مره متاثر اول مره اسمعها تبكي

نوف بحب / يا قلبي عليها كله مني انشغلت وما طمنتها علي اكيد انها اتصلت على مبارك وهو الي قايل لها وخوفها

عند مها

من بعد مادرت ان شوق مسافره وتوترها وقلقها زاد خايفه انها ورطتها بساعة انفعال ما قدرت تجلس على مكتبها من التوتر صارت تحوس بالمكتب وتفتح الادراج بدون هدف تحاول تشغل نفسها عن التوتر الي بيذبحها طلعت الملفات والاورق وصارت ترتبهم بعد ماخلصتهم رجعت تحوسهم وترتب

سمعت صوت جواله ركضت له شافت رقم غريب سعودي بلهفه رفعت الجوال

عند شوق

وصل ركان للبيت وشوق عيونها على الجوال نزلت نوف مع ولدها تركي ودخلو البيت

ركان قرب من الباب الي كان مقفل حمايه وفتح الباب الي جنبها ماعبرته وكملت تضغط على الارقام مطنشه وجوده
انتظر دقائق يبيها تنزل لكن لاحياة لمن تنادي ولع وانقهر من تطنيشها

ركان في نفسه / هذي وش فيها ما تنزل ليكون تبيني اعزم عليها

ركان بجديه / وصلنا

شوق وعيونها طالعته بنظرات غرور / ما تشوفني اتصل ياليت تضف وجهك لين اخلص مكالمتي

طالعها وبعصبيه / اجل خيسي بالسياره

كانه يكلم عمره ماعبرته ولا بلتفاته بحياته مامر بهالموقف الي يكون فيها مهمش ولا كانه موجود
حب يقهرها ويكسر غرورها قفل المكيف والسياره وسحب المفتاح ومشى تركها

صار يمشي وكل دقيقه يلتفت وراه لكن شافها على نفس وضعها

عند نوف

دخلت وهي حاضنه ولدها بيدها ما تبيه يبعد بعد ما ربي رده لها دخلت معه الصاله

وجلست وجلسته جنبها وحطت راسه على كتفها وتمسح شعره بحنان / حبيبي لا تزعل على امك انت سمعت وشفت كل شي والي صار غصب عني وبدون رضاي

تركي بجديه / طيب اتركيه وارجعي معنا

تكلمه وهي دفنه وجها بشعر ولدها وتستنشق ريحته الي مشتاقه لها حتى الموت

نوف بحب / اذا دريت ان فيه واحد بحاجتك بتتركه ولا بتساعده

تركي بجديه / بساعده

نوف بجديه / وانا ما قدر اتركه واسافر معكم وهو بحاجتي
بعدت ولدها عنها حبيبي انتظرني بالصاله دقائق وراجعه

وقفت ومشت من قدامه اخذت بنتها من المربيه ودخلت عند ضاحي وارتاحت لما شافته نايم جلست على الكنبه وبنتها بحضنها وصارت ترضعها

عند شوق

جالسه في السياره وماهتمت من الي سواه او قاله ركان سمعت صوت مها

شوق / الو
مها بلهفه / شخبارك شوق

شوق بجديه / الحمد لله بخير انتي شلونك

مها بعدم صبر / بلاها المقدمات قولي وش سويتي

شوق بفخر / ربيت اخوها وباقي زوجها جايه الدور
مها بحماس / وش سويتي لخوها

شوق بحقد / كل الي سويته اني حرقت فلوسه الي مجمعهم بشنطه قدام عيونها ولسعته كم لسعه بالعصى الكهرب كنت بكمل عليه لين اشوفه متمدد قدامي لكن واحد حقير انقذه من بين يديني

مها بفرح / قايله ما راح يبرد قلبي وتسوي فيه الي بسويه غيرك تسلم ايدك ما تدرين وش صار عليه

شوق ببرود / اخر ماشفته مقابل فلوسه الي تحولت رماد ينوح ويصيح واكيد انه انجن

مها بفرح / جعله من هالحال واردى الا وينها امك بكلمها

شوق بضيقه / امي داخل الي قاهرني انها مستسلمه لفعلتهم وفوقه مبسوطه من هالزوج

مها بجديه / شوق حبيبتي اذا شفتي امك مبسوطه وزوجها ادمي وابن حلال لا تخربين عليها يكفي الي شافته من ابوك

شوق بعصبيه / وارضى لها المهانه
مها برجاء / شوق اترجاك لا تخربين على امك حياتها ما تدرين يمكن الزواج خيره لها

شوق بضيقه / لازم يتربى على طريقة زواجه من امي اذا شفت امي متمسكه فيه تركتهم بحالهم

مها بجديه / بترجعين لرياض ولا بتبقين عندها

شوق بحيره / امي تترجاني اجلس وانا بين نارين

مها باصرار / اجلسي عند امك وحميها من الي بيضرونها وانا نهاية الشهر بكون عندكم

شوق بضيقه / يصير خير يله مع السلامه واذا دخلت اتصلت عليك

مها بجديه / مع السلامه ترى اذا ماتصلتي بتصل عليك من نفس الرقم
شوق بجديه / الجوال بيكون معي

بعد ما خلصت مكالمتها تا ملت يدها الي مسكها ركان شافتها حمر رفعتها وحس بوجع لا يطاق

شوق بحقد / الله ياخذه كسر يدي والله ماخليه يفرح فيني

بتفتح الباب وبتنزل تذكرت انه مقفل عليها كانت السياره محتفظة ببرودتها

انقهرت من تصرفه وبحقد / اوريك شلون تتجرء وتسويها فيني وتقفل علي

طمرت قدام وفتحت الدرج واي شي يطيح بيدها تنتفه لقطع صغيره حتى استمارة السياره ما سلمت منها

ابتسمت وهي تشوف الرخصه / مدامك ما تستاهلها لازم اخلصك منها

عند ركان

قبل لا يدخل البيت القى نظره على سيارته شافها على وضعها دخل البيت ودخل غرفة ابوه شاف
نوف جالسه ترضع بنتها

ركان بعصبيه / بنتك هذي اطلع الواحد من هدومه

نوف وعيونها على بنتها / الا وينها

ركان بجديه / قفلت عليها السياره علشان تتادب

قرب من ابوه وباس راسه وجلس بالكرسي الي جنبه

نوف باحراج / ادري انها تتطاولت عليك وقلة ادبها معك ومتاكده انها ضايقتك وجرحتك بطول لسانها تاكد اني رافضه تصرفها واكيد ماخذ بخاطرك علي اني ما هاوشتها ووقفتها عند حدها لكن شوق مع المحايل والطيبه تسمع منك لكن مع العناد والهوش تزيد
صدقني لو انك مطنشها ما زادت بنتي اعرفها حريقه
وفوقه معتبرتك عدو ماخذ امها منها وسبق وقلت انها قويه وما تصلح

قطع كلامها وبجديه / للحين ابيها و زاد اصراري اني اتزوجها واعتبريني خطبتها منك اذا وافقتي بكره سافرت عند عمها وخطبتها منه

نوف بصدمه / بعد كل الي سوته معك بتخطبهاااا قول غيرها ركان

ركان بجديه / اول كنت ماخذ موضوع زواجي من بنتك زواج والسلام لكن الحين ابيها ومتمسك فيها
نوف وعيونها على وجه ركان تحاول تكشف سر اصراره من زواجه من بنتها لكن وجهه جامد / قول الصدق ليش مصر على زواجك من شوق

ركان بابتسامه / تقدرين تقولين عاجبتني قوتها ولسانها الطويل

نوف بجديه / بنتي كرهتك وحاربتك اول ما شافتك ومعناته انها مستحيل توافق عليك وشوق لكرهت مستحيل ترجع تحب الي كرهته صدقني لتزوجتها بتقلب حياتك نكد

ركان باصرار / انتي حاولي فيها بكل الطرق توافق وشروطها كلها مجابه

نوف بجديه / بحاول معها على انه من سابع المستحيلات توافق وشوق ما تنجبر على شي ما تبيه
حط في بالك انها بترفضك علشان ما تنصدم لوصلك رفضها

عند صقر

وصل لبيته بسيارة تكسي شاف البياض بالسياره توقعه ركان يدور على شي مضيعه قرب من السياره واتضحت له الصوره وانصدم من الاوراق الي ماليه السياره منتفه

و شوق كانت مشغوله ما نتبهت لصقر لما تاكد انها بنت نوف مشى بهدوء تارك المكان
وقف عند باب بيتهم وعيونه على سيارة صديقه

صقر بستغراب / هذي وش مجلسها بسياره ركان بهالحر شكلها عاندت وماتبي تدخل بيته وحطت حرتها باوراقه

ابتسم ورفع جواله واتصل على ركان

عند ركان

قطع عليه كلامه مع نوف صوت جواله شاف رقم صقر ابتسم ورد / الو
صقر / هههههههههههههههههههه
ركان بسخريه / انهبلت ليش تضحك

صقر بسخريه / مصاص الدماء لعب باوراقك

وقف ركان بصدمه / وش تقول

صقر / هههههههه الحق هذا اذا باقي شي تقدر تلحق عليه

قفل من صقر

نوف وعيونها على ركان / ركان وش فيك

ركان بعصبيه / بنتك اليوم ذابحها وشارب من دمها

وقفت نوف / يا ويلي وش سوت بعد

طلع بدون مايرد عليها

نوف طلعت عند ولدها

نوف بضيقه / تركي يمه اطلع شوف شوق وش مهببه

وقف تركي واستجاب لكلام امه ومشى من قدامها

عند ركان

فتح باب الشارع وصار يركض شافها جالسه قدام وشكلها تحوس بشي بيدها

وصل لسيارته و فتح الباب بهدوء ونصدم من اوراقه المتنتفه ومرميه بسياره
وبصرخه فزت منها شوق / يا لمجنونه وش سويتي

رفعت راسها وبسخريه / الشرهه على الي مقفل على المجانين بسيارته

ركان وعيونه على اوراقه وبضيقه / انزلي لا بارك الله فيك وفي الساعه الي ركبتي فيها سيارتي

فتحت الباب ببرود ومشت قدامه بغرورها الي قهره اكثر مالقى نفسه الا ساحبها بيدها الي توجعها وشاد عليها اكثر من اول
ركان بيتفجر من العصبيه / انتي ما تدرين عن اهمية الاوراق الي منتفتهم

شوق روحها بتطلع من الوجع ومسكته زادتها وجع حاولت تقوي نفسها وتبلع وجعها ولا يتشمت فيها الغثيث وبعصبيه / هدددددددد يدي كانك استحليت مسكتها بما انك مو زوج امي ما يجوز تمسك يدي وبسخريه / لانك مو محرم لي ولا ما عندك فواصل بحياتك

نفض يدها من يده وبصرخه / انقلععععععععععي وادددددددددخلي عند امك

شوق ببرود وغرور / من تكون علشان تامرني اذا بمشي بمشي بمزاااااااااااااااااجي وبصراخ / تفهم بمززززززززززاجي

ركان بعصبيه / ادخلي فضحتينا عند الجيران

لفت وبحقد / صدق حقيرررررررررررر

كان بخاطره يكسر راسها لكن ماحب يتصرف معها أي تصرف وتجمع عليهم العالم

عيونه تتبعتها ومتنرفز من مشيتها الي كلها غرور واضح انها تقهره بمشيتها لما شافها دخلت جلس بالمقعد وعيونه كلها قهر على اوراقه

عند صقر

كان واقف عند باب البيت يطالعهم وكانه يطالع تمثيليه قدامه لما شافها دخلت تحرك من مكانه و مشى عند صديقه الي كان بسياره مصنم وهو يطالع الاوراق

صقر/ هههههههههههههه اتوقع ان الحرب العالميه الثالثه صارت بسيارتك

ركان رفع راسه لصديقه وبضيقه / شفت المجنونه وش سوت كل الاوراق نتفتهم وما قدر اجمعهم

صقر بابتسامه / زين الي سوته فيك علشان تشيلها من بالك

ركان وبيده بعض الاوراق يحاول يعرف هويتها الي ضيعت شوق ملامحها

ركان بجديه / خطبتها من امها

صقر وعيونه على الاوراق وعلى ركان / اكيد بعد دمارها الشامل لا وراقك اكيد بتعتذر لامها عن الخطبه

ركان با صرار / الا زاد اصراري عليها ابيها ومابي غيرها

صقر بصراخ / مجنووووووووووووووون انت بتتزوج علشان ترتاح ولا متزوج علشان تنقلب حياتك حرب

ركان حط اورقه بدرج وقفل عليهم / تصدق اليوم لما قالت بترجع حسيت بضيقه

صقر بسخريه / قول انك حبيتها علشان اتوطاك

ركان بجديه / ما اعرف الحب ولا جربته لكن بالمختصر عاجبتني وداخله مزاجي تصدق اني مع كل سبه اتعلق فيها اكثر تدري ان المسافه من الشغل للبيت صارت ساعه

صقر بسخريه / وليه ان شاء الله صار مشوار 10 دقائق ساعه

ركان بجديه / مستمتع بوجودها معي بسياره ما بيها تغيب عن عيني

صقر بسخريه / صدق الي قال العشق جنون وحبك لها قمة الجنون

وبسخريه اكبر / واكيد كل ها لمسافه ما سلمت من لسانها الي ينقط سم

ركان بابتسامه / لا ابشرك تطورت ومدت يدها

صقر بصدمه / كسر الله يدها بتضربك يويلك لو سكت عنها

ركان باعجاب / لويت يدها وحسيت عظامها يدها تكسرت بيدي لكنها ما تاثرت من مسكتي الي تكسر جدار انتظرت اشوف الوجع لكني شفت قوتها الي يشوفها يقول اني امسح على يدها مو كاسرها

صقر بسخريه / اشك انها بنت وربي مافي دليل انها بنت الا صوتها

ركان بيقهره / ترى البنت لعمتها

صقر برعب / اذا عمتها مثلها عزاله هونا عن الزواج لو فيها ذبح وقتل

ركان طلع من سيارته وبجديه / شكلي بروح معك لبيتك

صقر وبسخريه / ليكون طاردتك من بيتك هذا الناقص

ركان بجديه / ما ابي اكون موجود وامها تعرفها على ابوي وما ينضمن وش بتسوي خلني بعيد ابرك

صارو يمشون ويتكلمون

صقر بمزح / ترى حياتك بخطر مدام الدناصور في بيتكم اسكن ونام عندي لين ترجع لبيتهم

ركان باصرار / مستحيل اخليها ترجع

صقر بسخريه / صدق القط يحب خناقه ادخل بجيب لنا شي ناكله

عند شوق

دخلت البيت وكانت نوف باستقبالها مسكت يد بنتها

نوف بعصبيه / وش سويتي
شوق ببرود / ما سويت شي المهم وينه العله زوجك بتعرف عليه واعطيه النصيب

نوف بعصبيه / شوق وبعدين معك جايه تحاربين

شوق تذكرت اغراضها / كلمي الخبل الي وصلنا ينزل شنطتي لا تنفجر عليه

نوف بابتسامه / وش حاطه فيها

شوق بابتسامه / كل ماخف حمله ودمر فعله

نوف ضربتها على راسها / ادخلي عند اخوك وبسوي لكم شي تاكلونه

شوق بجديه / وينها شدونه

نوف بجديه / ادخلي الصاله وبجيبها لك

مشت مع بنتها وشوق تتامل المكان باعجاب / يمه منو مصمم البيت
نوف بجديه / مدري
شوق بسخريه / بصراحة تصميم حلو معقوله الغثيث عنده ذق هذي البيوت مو خرابت اخوك الي ماتسكنها القطاوه

نوف بحزن / خرابت اخوي غاليه على قلبي لكنه نجسها بوجوده فيها

وصلت لصاله وجلست على الكنب مقابل لتركي شوق بتعب / يمه عادي افسخ الغتره ذبحني الحر واخاف الغثيث يدخل ويشوفني

نوف بابتسامه / الغثيث اسمه ركان وللحين برى ما رجع مدري وش سويتي فيه يا خوفي انك ذابحته

شوق بقرف / تطمني ماصابه شي مع اني تمنيت الا يمه ما قلتي مدامه مو زوجك وش يصير

نوف بارتباك / الحين بدلي لبسك وبعدين بنسولف

شوق لاحظت ارتباك امها لكن حاولت ماتبن احساسها يقول ان فيه مصيبه للحين ما تدري عنها

سندت شوق راسها بتعب على الكنب لها يومين ما نامت
شوق بتعب / تعبانه وقرفانه من نفسي باخذ شور ينشطني والمشكله الشنطه نسيتها بسيارة الغثيث

وقفت نوف بجديه / بعطيك من ملابس لين تجيك شنطتك

شوق فتحت شنطتها وطلعت علبة العدسات وبمهارة طلعتها من عيونها وحطتها بالعلبه

دخلت نوف غرفتها وفتحت شنطتها اخذت منها فوطة و تنوره جنز للفخذ وبلوزه وردي علاقي

رجعت لبنتها مدت الملابس على شوق اخذتها من امها وبدت تقلبها بيدها وعيونها على التنوره

شوق بصدمه / يمه وش هذاااااااااا
نوف بجديه / وش تشوفين ملابس
شوق بصدمه / تلبسينهم هنا
نوف بجديه / ايه ليش مستغربه

حطت الملابس على الكنبه جنبها
/ وعندي امل انه يطلقك من بعد مالبستي هالبس ماضنتي بيطلقك وبيصير لصقة عنزروت

نوف بجديه / من قال لك ابي اتطلق

شوق بتغير موضوع / ما ينفع البس هالبس ابي شي يستر ما يفضح

نوف بابتسامه / الي يسمعك يقول ما عندك مثلهم
شوق بابتسامه / عندي لكن ما لبسهم قدام من هب ودب

نوف بزعل / تعرفين لبسي كله من هالنوع

شوق بجديه / طيب فيه سوق قريب بطلع اشتري لك لبس يصلح بدال البس المفصخ

نوف باصرار / لبسي مراح اغيره واذا بتشترين اشتري لنفسك

شوق حضنت نوف وبابتسامه / اكيد لشفتيني لابستهم بتعجبك وتلبسين مثلي

نوف بابتسامه / وش تقولين احب البس نفس ملابسك

شوق بتعب / اقدر ادخل غرفتك اخذ لي لبس يصلح لي
نوف بارتباك / لا زوجي نايم واذا دخلتي بيصحى بدخل اجيب لك بجامه ساتره

شوق بعصبيه / جعلها نومة مايقوم منهااااا

نوف بعصبيه / استغفري ربك لا تدعين عليه ما تخيل حياتي بدونه

شوق بغيره / ماعرفتيه الا امس وتعلقتي فيه اجل لو جلستي عنده اكثر وش بيصير

وقفت نوف ومشت من قدام شوق الي منقهر من هالزوج الي اخذ امها منهم لما جت كانت تتمنى تشوف امها تعيسه ممكن انانيه لكن هذي امها غصب ما تبي احد ياخذها منهم

دخلت نوف غرفتها وصارت تقلب بملابسها ادور شي ساتر لقت بجامه استر الموجود بنطلون استرتش وردي يوصل لتحت الركبه واكيد على شوق بيصير طولها والبلوزه علاقي بيضاء وفيها صورة بنت بالوسط

اخذت الملابس ورجعت عند بنتها اخذتهم منها شوق واقتنعت تلبسهم لانها شبه ساتر وهي تلبس افسخ
وقفت وبجديه / يمه وينه الحمام
نوف باحراج / مادل شي بالبيت اكيد فوق فيه حمامات تحت فيه بغرفتي وفيه اضن عند المطبخ

شوق بجديه / وش يطلعني فوق ادخل الي عند المطبخ
مشت من عند امها وفتحت الحمام الي واضح انه محطوط للغسيل بدون دش

رجعت عند امها / يمه مافيه رشاش ماقدر اسبح

نوف بجديه / اجل اطلعي فوق واكيد بتلقين حمامات و اذا خايفه تركي بيطلع معك

شوق باحراج / خلاص بدخل الحمام مابي اطلع ويشوفني الغثيث

نوف بستغراب / شلون بتسبحين بدون رشاش

شوق بابتسامه / بسحب الغساله وبجلس مكانه وبيكون هذا الشور

نوف / ههههههههههه وش رايك نتسبح سوى

شوق بابتسامه / ماعندي مانع بالمره تسوين لي مساج الشايب هد حيلي
نوف بجديه / اجل باخذ لي ملابس وبنطلع فوق وناخذ شور عدل

( شوق وامها متعودات ياخذون شور مع بعض بالملابس الدخليه )

عند صقر

دخل صقر ومعه ركان لفت انتبهه بقعة دم بثوب صديقه

صقر مد يده على المكان بيتاكد الي يشوفه دم فز ركان متوجع من مسكة صديقه

صقر بصدمه / ركان هذا دم ولا يتراوالي

ركان تذكر لما شوق حفرت له جنبه بابتسامه / ايه
صقر بصدمه / طول وقتي معك من وين جاك الجرح وشكله عميق
ركان بابتسامه / من ثمرات بنت زوجة ابوي
صقر بصدمه / وانت مستسلم لها لين جرحتك
ركان بيقهره / ومبسوط بعد
صقر بعصبيه / تستاهل اليوم جنبك بكره بتقص رقبتك صدق انها متوحشه
ركان جلس / هات شي اتسمم فيه لاني برجع اغير لبسي وبنام
صقر بعصبيه / انثبر نام هنا وبعطيك من لبسي ولا تروح لعزرائيل برجولك
دخل صقر البيت وغصب انرسمت ابتسامه على وجهه اليوم يوم خيالي

عند صقر

دخل شاف امه وديما بالصاله ونجود بالمطبخ تحضر الغداء شافت ديما الابتسامه مرسومه على وجه خالها

ديما بحماس / صقر حبيبي قول سبب الابتسامه
صقر تذكر شوق / ههههههههههه زوجة ضاحي عندها ضيفه

ديما متفاجئة من ضحكة صقر / وش يضحك بالضيفه

قرب من امه وباس راسها وجلس مقابلها

صقر باعجاب / بنت نوف سوت سوايااااااااااااااااااا ولا بالافلام

ام صقر بستغراب / وش سوت

صقر / هههههههه قولي وش ماسوت لما درت بالي سواه خالها بامها جت من الرياض خصوصي علشان تنتقم لمها حرقت فلوس خالها وفوقه ضربته تركناه ينوح ويبكي على فلوسه بنتها مجرمه

ام صقر بفرح / الله يبيض وجها خلها تاخذ حق امها من اخوها الله يسلط ناس على ناس وربي سلطها عليه

ديما باعجاي / شوقتني اشوفها ونصير صحبه

صقر بجديه / يمه ماقلت لك ان نوف زوجة ناصر الضامي

ام صقر بصدمه / انا بنت ابوي نوف هي زوجة ناصر ماصدق
شهقت ديمااااااااااا / قول غيرها يصقر مستحيل تكون زوجة ضاحي نفسها زوجة ناصر اخو ساره

صقر بجديه / ليه منصدمات ما سالتوها من كانت متزوجه
ام صقر بصدمه / يامك انت متوكد ترى اذا الكلام الي تقوله صدق عزاله ظلمتها ام سالم
ديما بصدمه / صقر يعني شوق بنت نوف زوجة ضاحي عمتها ساره

صقروعيونه تنتقل بين ديما وامه الي مصدومات / هههههههههه انتبهو ليصير لعقلكم شي من الصدمه
ام صقر بجديه / يمك السالفه ذي ماتتحمل المزح

صقر بجديه / زوجة ضاحي نفسها زوجة ناصر الضامي واكيد انهم قايلين فيها الي ماينقال وكارهينها مثل تركي لما كرها هم ماعمرهم شافوها ولا يدرون منهي زوجة ولدهم ناصر كاذب على اهله وناقل صورة شينه عن ام عياله

ام صقر بصدمه / طيب ليش يبي اهله يكرهون زوجته والله من كثر ما تسبها موضي اني كرهتها طلعت مظلومه والظالم ولدها

ديما بصدمه / للحين ماني مصدقه ان الي شفناها اليوم نفسها الي منقهره منها ساره
طيب صقر ليش م اتسافر مع عيالها عند جدانهم بدال ماتخليهم يسافرون مع ابوهم الرضيع قبل الكبير قالو عنها قبيحه ودبه والي شفتها ماخلت من الجمال والذرابه والذوق شي حتى الحنان والطيبه بوجها

ورفعت عيونها لصقر / فيه شي غلط واكيد فيه سر بسالفه

صقر وقف وبجديه / صدمتي اقوى من صدمتكم الي يشوف ناصر ما يصدق انه ممكن يكذب او يظلم لله اعلم وش خاش ناصر من بلاوي ثانيه

مشى ودخل المطبخ شاف نجود تحوس بالمطبخ
صقر بجديه / نجود ركان عندي اذا فيه اكل جاهز هاتيه

نجود التفتت لاخوها / الغداء باقي عليه نص ساعه واذا مستعجل فيه فطائر مشكله

صقر بجديه / لا ما فينا حيل ننتظر جهزي الفطائر وكاسين شاهي

نجود بجديه / فيه قهوه جاهزه خذها لين اجهز الشاهي

مسحت نجود يدها وفتحت درج سحاب وطلعت بيالات وفناجيل وحطتهم بصينيه فتحت الدرج وطلعت كاكاوات مشكله وحطتهم بصحن وخذت سله صغيره ووزعت فيها الفطائر وحطت ترمس القهوه

ومدتها على صقر اخذها منها وقبل لايطلع التفت لنجود وبابتسامه / اطلعي وانصدمي مثل امك وديمه

نجود بخوف / وش فيه

صقر / اطلعي عندهم وبيجيك العلم

كمل طريقه التفت لصاله شاف امه وديما يطالعون بالفراغ وكل وحده تراجع الي انقال وتفكر فيه
ابتسم من اشكالهم ومشى راجع لصديقه

عند ركان

بعد ماتركه صديقه نزل عيونه على جنبه وشاف بقعه دم كبيره واضح ان الجرح عميق

ابتسم وهو يتذكر لما كانت تبي تفلت وهو يجذبها له اكثر ويشد عليها والنتيجه الجرح الي بجنبه

ركان بابتسامه / خليتي لك ذكرى بجسمي معقوله كنتي قريبه مني كل هالقرب وجسمي لاصق بجسم انثوي شلون ما نتبهت ولا حسيت صدق اني عديم احساس

دخل صقر شاف ابتسامة صديقه حط الاغراض على طاوله جانبيه وجلس قريب منها
/ شكلنا انهبلنا نتبسم ونضحك من غير سبب والفضل لدناصور

ركان / هههههههههههههههه والله على كل الي سوته اليوم انه افضل ايام حياتي

صقر بسخريه / يبيلها تخرم راسك علشان تنبسط اكثر

ركان وعيونه على الاكل الي بطاوله / جايب الاكل نتفرج عليه

صقر صب له فنجال قهوه واخذه منه ركان وحط الحلى قدام صديقه

صقر بجديه / امي انصدمت ان زوجة ابوك نفسها زوجة ناصر
ركان وهو ياكل الحلى / اكيد ا نه واصلهم المعلومات الي وصلتنا عن زوجة ناصر

صقر بجديه / ايه الي بفهمه وش مصلحته يذم بام عياله قدام اهله

ركان بجديه / انت شفتها فيها صفه وحده من الي قالها لنا تركي
صقر بهياااااااااااااام / لا والله عيني ما شافت مثل جمالها لو شايفها قبل لاتصير زوجة ابوك كان صارت زوجتي
ركان بعصبيه / تتغزل في زوجة ابوي قدامي صدق ما تستحي

صقر بابتسامه / انت سالت وانا جاوبت
ركان بعصبيه / لاني ثور يوم سالتك وانت ما صدقت وفليت الشريط
صقر بيقهره / الجماااااااااال يخلي الجماد ينطق وزوجة ابوك خلت صقر يتغزل
راكان بعصبيه / اذا ماسكت رجعت لبيتي

صقر بمزح / انت الي بتضرر اكيد بعد ما شافت ابوك تنتظرك عند باب بيتكم هههههههه بعصاها ومسدسها اللعبه بتسوي فيك مثل سواتها بخالها

ركان / هههههههههههههههههههه البنت هذي عجيبه

عند نجود

طلعت لصاله شافت امها وديما سرحانات قربت منهم وجلست

نجود بستغراب / يمه وش الي صادمكم
ديما صحت على صوت نجود / تدرين منهي زوجة ضاحي

نجود بجديه / اخت مبارك

ديما بجديه / طلعت زوجة ناصر الضامي اخو ساره

نجود بصدمه / مستحيييييييييييييل

ديما بسخريه / قلتها قبلك ماعندك غيرها

نجود بصدمه / الي شفناها عكس الي سمعناه عن زوجة ناصر
ام صقر بجديه / المفروض ان الواحد مايصدق الي ينقال لين يشوفه

ديما بستغراب / على أي اساس قالوه الكلام عن زوجة ولدهم الي بعمرهم ماشافوها

ام صقر بجديه / ناصر هو سبب كره اهله بزوجته وموضي قالت ان والدها الي يشكيها عند امه وكرهتها من كره ولدها لها

نجود بجديه / طيب لييييييييش اذا مايبها يطلقها
ديما بجديه / واحد يملك كل هالجمال وتبينه يطلقه اكيد مستحيل اعند نوف جواب لكل اسئلتنا
ام صقر بعصبيه / وش رايك تروحين لها وتسالينها
نجود سخريه / من زود القافه تسويها

ديما بابتسامه / للحين ماخذت عليها اذا صرنا ربع اكيد بسالها
وقفت نجود وبسخريه / وش رايك تجين معي تساعديني يمكن تطفى لقافتك

ديما تذكرت زيارة سلوى بجديه / ترى سلوى كلمت بتجي الليله
نجود بجديه / واخيرا عبرتك وش مغيبها كل هالفتره
ديما بجديه / خالتها ماتت
ام صقر بجديه / الله يرحمها ويغفر لها

نجود بجديه / الله يرحمها اجهز عشاء ولا بتطلبين
ديما بحيره / اخر مره جتني طلبنا وش رايك
نجود بجديه / اجل بنذوفها طبخنا
ام صقر بجديه / اجل اعزمو نوف وبنتها

ديمابجديه / خلي عزيمة نوف وبنتها مره ثانيه
ام صقر بجديه / الي تشوفونه واكيد ان بنتها تعبانه من السفر و مشتاقه لمها بتجلس ولو عزمتيه ماضنتي بتجي

عند سوزان

دخلت البيت وهي ما تشوف قدامها من العصبيه شافت وائل منسدح على الكنب اعتدل بجلسته لما سمع الباب يتسكر بقوه وشاف سوزان معصبه

وائل بجديه / وش فيك سوزي

سوزان بعصبيه / الحقيرررررررر سافرت قبل لا انتقم منها
وقف وائل وبصدمه / شلون سافرت قبل لا اذوقها كله منك سوزي كم مره اقولك وانتي مطنشه

سوزان قربت من وائل وبعصبيه وصراخ / اطللللللللللللللللللللللع من بيتي ولا اشوفك

وائل وقف وحضنها وهي تنتفض من العصبيه وائل بحنان / سوزي خلاص سافرت يعني الصراخ والعصبيه مراح ترجعها

سوزان تصارخ في حضن وائل / بترجع واذا ما رجعت سافرت لها

وائل جلس وجلسها جنبه / شلون بتسافرين

سوزان بجديه / نسيت اني ممرضه بارسل اوراقي وبشتغل بالمكان الي هي موجوده فيه

وائل بجديه / كيف بتسافرين وتشتغلين وانتي لك فتره طويله تاركه التمريض

سوزان بثقة / اعرف ناس بيخلصون كل شي ومعلي الا السفر

وائل يبوس خدها / اكيد بدبرين لي وظيفه معك ما قدر على بعد

سوزان في نفسها / حتى انا ما قدر ابعد عنك ادمنت على النوم بحضنك

قطع عليها / اش قلتي

سوزان وقفت / اذا سافرت بتكون معي
وائل بغرور / اعترفي انك تحبيني وما تقدرين على بعدي

سوزان بعصبيه / وااااااااااااااااائل

عند لطيفه

من بعد ما طلعت من تركي دخلت غرفتها وتمددت على سريرها فرحانه بموافقة تركي الي بيساعده تكشف برائة بنتها ومتضايقه من التنفيذ

لطيفه تنهدت تنهيده طالعه من اعماق روحها / شفتي لوين وصلتي يا لطيفه تركعين عن رجول رجال غريب ما تدرين هو صالح ولا طالح وتكشفين له سر بنتك ااااااااه ادري ان الي طلبته العقل والاخلاق ترفضه لكن ما عاد بيدي حيله حسبي الله على الي جبرني الجاء لطريقه المشينه شلون بقدر اشيل الحياء واضغط على نفسي وشهدهم على بكارة بنتي

لما تخيلت هلموقف حست كل جسمها ينتفض وصارت تبكي بحرررررقه

عند تركي

من بعد ما تركته لطيفه وهو يحس انه جالس على جمر
دخل عليه مساعد وشافه سرحان / السلام
رفع تركي نظره لمساعد / هلا جاي بدري

جلس مساعد بالمركى الي جنب تركي / سيارتك واقفه برا تقدر تتساهل عند اهلك وانتبه لتعيد سواتك
تركي ما يدري يقول ولا ياجل الموضوع وينتظر زوجته الي تقول له لكن قرر انه يقول

تركي بجديه / طالب القرب منك وبخطب بنتك

مساعد انصدم من طلب تركي وبضيقه / ماعندي بنت لزواج
تركي باصرار / عندك بنت واسمها نوره ياليت ترضى بزواجي منها

مساعد حس عرق براسه بينفجر / قول الصدق قابلتك امها

كان رد تركي انه نزل راسه ومساعد بكل عصبيه / تسهل لاهلك ماعندنا بنت لزواج

تركي مس يد مساعد / دريت بسالفتها وابي اساعدك

مساعد وجهه اسود بعصبيه / ما طلبت ترد معروفي بزواجك من بنتي المجنونه وامها شغلها عندي الظاهر انها انجنت مثل بنتها

تركي برجاء/ حلفتك بالله ما تلمسها وانا راضي ببنتك لكن امهلني فتره اخواني توهم ميتين وبنتك بتزجها وبسوي لها حفله تليق في اهلها
مساعد غصب دمعت عينه / قوممممممم تسهل عند زوجتك وعيالك ولا تفتح مواجعي

تركي بجديه / انا واحد مطلق جربت العاقلين وما ناسبوني يمكن ان بنتك هي الي بتسعدني

مساعد بضيقه / لا تتعاطف معنا ومستحيل ارضى المهانه لبنتي وازوجه بهطريقه ولاني بظلمك ومزوجك زوجة ناقصه

تركي باصرار / الزواج بعد شهر قول تم
مساعد نزل راسه
تركي باصرار / قول تم
ما قدر ينطقها عارف انه تخطيط زوجته وعارف انها الي اجبرته انه يخطب بنتها علشان تنفذ الجنون الي براسها

وقف مساعد بكل انكسار ودخل غرفته شاف زوجته وقرب منها وقفه بكل قوته من السرير

مساعد بعصبيه / وصلت فيك انك تفضحينا عن ضيفنا وتطلبين منه يتزوج بنتك علشان الخبال الي بتسوينه

لطيفه بقهر وعصبيه / بسبتكم انزرع الخبال الي تقوله براسي وماني بمرتاحه لين انفذه وغصب عنك بتوافق عليه

مساعد حذفها بكل قوته على السرير / رفضته وبارفضه شلون طاوعتك نفسك تترجين غريب يتزوج بنتك

لطيفه بوجع ومرار وبصرااااااااااخ / كله منكم الله لا يوفقك انت وخوانك حسبي الله عليك يامساعد حسبي عليك

مساعد ما قدر يسمع زوجته تتحسب عليه طلع من الغرفه وضرب الباب وراه بقوته

طلع براى البيت وصار يمشي حافي باتراب الحار بعز القايله لكن كانت النار الي بروحه اقوى بكثيررررررررر صعبه عليه انه يسمع دعاوي زوجته عليه اليوميه له سنه من بعد الي صار وهي تتحسب وتدعي عليه

عند تركي

لما سمع الصراخ وسمع الصفق على الباب خاف وحاول يلحق مساعد يهديه لكنه شافه يمشي مثل المجنون وكانه منحاش من شي يلحقه تبعه بهدوء وقف يستمع لكلامه مع نفسه

مساعد بصراخ / حررررررررررررررام عليك يالطيفه ليش ما تشوفين الندم بعيوني والله اني ندمان واتوجع اكثر من وجعك انا سبب ضياع عقل بنتي وانا السبب لخوفها مني وانا السبب لكرهك لك

يااااااااااااااااااااارب اخذني وريحني ماعاد لي طاقه اعيش بالحياه

سمع صوت تركي / وافق وبترتاح ان شاء الله وبترجع الامور مثل قبل

مساعد التفت وبقهر ووجع / ما ضنتي بيرجع لبنتي عقلها ولاضنتي ان لطيفه بتحبني بعد ما كرهتني
وابتسم بحرقه / وتدعي لي عقب ماصارت تدعي علي
لو بزواجك من بنتي يصير كل هذا وافقت
بوجع / لكن الي انكسر مايتصلح الي انكسر مايتصلح وحياتنا انكسرت

تركي غصب الدمعه خانته ونزلت بسبب انكسار وضعف الرجال الواقف قدامه
تركي مسح دمعته قبل لا ينتبه لها مساعد وبقهر وضيقه / منت بخاسر شي اذا وافقت وبنتك لتزوجها بتصير زوجتي ماني بمطلقها واذا على قولتك انها مجنونه تراني شاري نسبك الا اذا كنت ماني بعاجبك

ابتسم بالم / معاد ينشرى نسبنا بعد مالعار لطخها

تركي بضيقه / قدرك عالي والي ما يخاف ربه هو الي دنسه وهذا اختبار لصبركم وتاكد اذا ضاقت بتفرج
مساعد بضيق وقهر / موافق عليك علشان لطيفه جرحتها وكنت سبب وجعها وحرقت قلبها يمكن بموافقتي على هالزواج الي كارهه ترجع البسمه والراحه لها
وبابتسمة حزبنه / شكلنا ما نعرف اسم بعض انا مساعد وبصوت مخنوق يمزق روحه / ابو نوره

تركي بجديه / اسمي تركي الضامي عمري 35 مطلق عندي ولد عمره 6سنين ساكن عند اهلي اشتغل بشركة الضامي شركتنا الخاصه

مساعد / والنعم فيك
تركي بعد ماكان متضايق من فكرة زواجه بهطريقه بعد مقابلته وكلامه مع ابوها حس براحه وزاده اصرار لا تمام الزواج وبزوجه بيفرج كربه قبل لايرد جميل لشخص الي انقذه

تركي عيونه على رجول مساعد الحافيه وحاس ان الشمس من قوة حرارتها يغلي منها دماغه

تركي بضيقه / ادخل داخل واكل لك شي شكلك من طلعت ماطب الاكل فمك

مساعد بهم / من صار الي صار والشهية مسدوده معاد استطعم للاكل طعم ياله اكل كم لقمه علشان تقويني على الشغل

تركي مسك يد مساعد ومشاه معه لداخل ومساعد استجاب له دخلو المجلس

تركي بجديه / ادخل داخل طيب خاطر زوجتك

مساعد بضيقه خانقته العبره / معاد لشوفتي رغبه خلني انام عندك هذا اذا قدرت انا من ضيقتي

اخذ مخده وتمدد بمقابل تركي غطى وجهه بغترته وسمح لدموعه الي حارقته بالنزول وتحولت الدموع الى شهقات يحاول يكتمها لتفضحه قدام الضيف قمة القهر والوجع والالم انك تكون مصدر شفقه لناس ومرار انك توافق على شي مجبر عليه ورافضه

تركي عيونه تراقبه لين شافه يتمدد ويغطي وجه بغترته متاكد انه يبكي ماحب يتكلم ويضايقه لان الي هو فيه حتى الدموع ماتبرده ولا تمحو الوجع الي بداخله

تركي في نفسه بقهر / ياليته يطيح بيدي والله الموت حلال فيه ما يخاف ربه دمر عايله كامله وسبب انكسارهم وبسبته شفت قهر الرجال ودموعهم

انسدح بمكانه للحين يحس بالتعب والارهاق

عند ماجد

كان بمكتبه يراجع الاوراق الي قدامه وفي مناقصات كثير محتاجه مراجعه تاجلت بسبب وفاة نوره وغيابه عن الشركه سمع طق الباب عرف صاحب الطقه المميزه

ماجد وعيونه على الاوراق / ادخل سيف
دخل سيف وبوجه ابتسامه / حاولت اغير طقتي ومع هذا كشفتني

ماجد رفع عيونه عن الاوراق / انت الوحيد الي تطق الباب والباقين ينتظرون برى لين السكريره تقولي عنهم اذا عندهم موعد دخلتهم واذا ماعندهم صرفتهم

جلس بالكرسي الي مقابله / اشوفك محتاس بالاوراق الي قدامك تحتاج مساعده تراني حاضر

ماجد بجديه / بتساعدني ابيك تطلع المطار وادور رحله لسميه والبنات بيرجعون لرياض

سيف بجديه / طيارتي تحت امرك مو من كثر ما ستخدمها زود البطاره شاريها وراكنها بالمطار

ماجد بجديه / خلاص اليوم بيرجعون

سيف بجديه / بتجلس في شقتك وحيد تعال عندي مدام كلنا عزابيه

ماجد بضيقه / من شقتي مالي طلعه الا اذا رجعت

سيف بصدمه / ليش بترجع

ماجد بضيقه / بصفي اعمالي وبرجع واستقر هناك
سيف بضيقه / وتتركني هنا لحالي

ماجد وعيونه على صديقه / وانت ما عاد لقعدتك هنا لازمه وخل رجعتنا بطياره وحده

سيف بضيقه / ما قدر
ماجد بجديه / مافكرة بامك الي بحاجتك اذا عاشت اليوم مو عايشة لك بكره روح وتسامح منها بسبت غيابك وهجرك لها وياليت السبب كان يستاهل
سيف بضيقه / ما اقدر ارجع صدقني ما صدقت انسى وجعي وقهري

ماجد بجديه / وش رايك تتزوج

سيف بحقد / طابت نفسي من الحريم

ماجد بجديه / لو خطبتك لختي سميه بتردني
سيف بضيقه / بظلمها معي وانت تعرف كرهي للحريم

ماجد باصرار / خلاص زواجك منها بعد رجعتنا نبي نفرح ونرمي الحزن ورى ظهورنا

سيف تذكر نظرات سميه له / واختك عندها خبر من نظراتها واضح انها تكرهني

ماجد بجديه / سميه يبي لها الي يعالج جروحها انت وهي مجروحين ويمكن بيد كل واحد علاج الثاني
سيف بستغراب / شلون مجروحها والي فهمته انها كانت متزوجه ومات زوجها

ماجد بجديه / سميه جوهره ياسيف ويبخته الي يملكها وانت الي بتقدرها

سيف مصر يعرف / ليش تتهرب من ذكر وجع اختك اذا وافقتك بيصير بينا زواج شلونا اقدم على هالخطوه وانا اجهل كل شي عن ماضيها مابي اتفاجئ وانجرح يكفيني جروح

ماجد بصوت حزين / سميه تزوجت من احمد من افضل الشباب كان ولد عمي واخوي حب سميه حب ما ضنتي موجود مثله بهالزمن
وبغصه / بثالث يوم من زواجهم مات وترملت
سيف بصدمه / شلون مات
ماجد بحزن / حادث سياره
سيف بجديه / كانت معه
ماجد خانق عبرته وهو يتذكر الماضي احمد كان غالي كثير عنده / لا كانت عندنا وهو جاي بياخذها بيطلعون للمطار بيسافرون لشهر العسل الي انقلب لعزاء

سيف بجديه / وش صار عليها لما درت
ماجد بحزن / ما توقعت انها من بعد موت احمد بتعيش لكن سبحان الله مافيه احد يموت لموت احد
سيف بجديه / ثلاث ايام ما يمديها تتعلق فيه لهدرجه

ماجد بحزن / حبهم كبر معهم وملكتهم طولت وفيها حبهم زاد

سيف بجديه / ليش للحين ما تزوجت

ماجد / يجيها خطاب كل واحد احسن من الثاني وهي ترفض وحلفت ما تتزوج بعده

سيف بجديه / اذا هي حالفه شلون بتوافق تتزوجني
ماجد بجديه / بغصبها مستحيل ارضى لها تعيش عمرها وحيده
وانت حاول تتحملها وتعالجها كلكم سبب عقدتكم واحد انت كاره طليقتك ومعيفتك بالحريم وهي حبت زوجها وعافت من بعده الرياجيل

سيف بجديه / قول لها تتحملني لاني ماضمن نفسي وش بسوي فيها وانت تعرفني كاره صنف الحريم ومتعقد منهم

ماجد بجديه / متاكد من قدري عندك منت بقاهرها وظالمها وهي اخت ماجد صديقك و يكفيها الدنيا ما قصرت فيها

سيف بيغير الموضوع / اتصل عليهم وقول لهم عن سفرهم بطيارتي

رفع جواله واتصل على اخته

عند سميه

كانت تتغداء مع البنات سمعت صوت جوالها شافت رقم اخوها
سميه بابتسامه / قلبي يقول انك بتبشرنا ان سفرتنا اليوم
ماجد بابتسامه / من قالك
سميه بابتسامه / الحاسة السادسه
ماجد بجديه / جهزو اغراضكم وبتسافرون بطيارة سيف

سميه بسخريه / عنده خبر ان طيارته بيركبها حريم
ماجد بابتسامه / اكيد وهو الي متبرع
سميه بسخريه / يا خوفي حاط فيها متفجرات بيقضي علي وعلى بناتك
ماجد وعيونه على صديقه / لا تطمني شكله قريب بيحب الحريم

سميه بجديه / ان شا ء الله بنتظرك توصلنا المطار ما نبي نسافر قبل لا نشوفك
ماجد بجديه / اكيد يله مع السلامه

عند سيف

مستمع للمكالمه شاف صديقه يحط جواله على المكتب

سيف بسخريه / شكلها ذامتني
ماجد بجديه / كاشفه كرهك للحريم وخايفه حاط متفجرات بطيارتك لما درت انك متبرع فيها لهم

سيف بضيقه / تبي الصراحه لو مافيها بناتك كان فجرت اختك ورتحت من هالزواجه الي حاكم علي فيها

وقف ماجد / بطلع اوصلهم المطار

طلع مع صديقه تفرقو برا كلن ركب سيارته ومشى بطريقه

عند سميه

سكرت من اخوها وطلبت من السواق ينزل الاغراض نزلهم
تذكرت مها لازم تودعها قبل لا تسافر

رفعت جوالها واتصلت على مها

عند مها

بعد ما قفلت من شوق رجعت للبيت وهي فرحانه صلحت الغداء وجالسه مع عيالها تتغداء ابو ثامر عنده شغل بيجي بالليل سمعت صوت جوالها الي كان بغرفتها تركت الملعقه وقفت دخلت غرفتها

شافت رقم سميه / اهليييييييين سميه اخيرا سمعة صوتك
سميه بابتسامه / شخبارك ابي اشوفك قبل لا اسافر
مها بحزن / كلكم رجعتو وخليتوني
سميه بجديه / كلنا بنجتمع بالرياض الا ماكلمتك نوف

مها بضيقه / نوف سالفتها سالفه الله يكون بعونها
سميه برعب / وش صار لها
مها بقهر / اخوها مثل ماباعها لناصر باعها لمجرم ثاني

سميه كانت واقفه من الصدمه جلست على اقرب كرسي وبعصبيه / حسبي الله عليه الله لا يوفقه الي ما يخاف ربه مستقبلها بصدمه جديده

مها بجديه / بنتها سافرت لامها وبردت قلبي بخالها

سميه بستغراب / وش سوت
مها بجديه / حرقت كل فلوسه قدام عيونه وقهرته عليه وضربته بالعصى الكهرب شافته يبكي وينوح

سميه بفرح واعجاب / والله لو شفتها لبوس راسها والله انها تستاهل

مها بفرح / انا الي مكلمة بنتها اعرفها دمها حار وقويه ماترضى على امها والي يرش امها بالماء ترشه بالنار
سميه / لو اخوها طاح بيدي نتفته بسنوني

لا تروحين مكان بمرك وبودعك ماعندي وقت لسوالف ماجد وصل

مها بجديه / لا تقاطعيني اتصلي طمنين عنك مو اذا وصلتي نسيتيني مثل مانستني نوف نوف كان عندها عذرها لكن انتي مالك عذر

سميه بابتسامه / بغثك وبطفشك باتصالاتي يا خوفي اطنشيني
مها بابتسامه / نشوف من بيطفش من

سميه وعيونها على اخوها الي يطالعها / يله مع السلامه

بعد مانهت المكالمه حطت الجوال بشنطتها

ماجد بجديه / من تكلمين
سميه بجديه / مها لازم امرها قبل لا اسافر
ماجد بجديه / تامرين
نزلت مع اخوها والبنات كل وحده شايله شنطه بيدها

ركبت السياره شافت ماجد يكلم السواق الي كان يطلبه يسبقه للمطار رجع لهم وركب والتفت شاف بناته جالسات ومرسومه الابتسامه على وجيهن مايدري شلون بيتحمل البيت بعدهم

عند سيف

في السياره وتفكيره بزواجه من اخت ماجد قلبه رافض الفكره وعقله يصرخ ويقول متى بتجلس بدون زواج وعيال
سيف بضيقه / الي تهرب منه اجبرك صديقك عليه والله معاد لي رغبه بالحريم معاد اتحمل اتعلق بوحده وتغدر فيني
صرخ شي بداخله / انت اخذت درس من زواجك الاولي والمؤمن لا يلدغ من جحر مرتين وزوجك منها علشان العيال والحب مشيول من قاموسك
مستحيل اسلم قلبي لوحده ثانيه كلهم غدارات ومصلحجيات اذا كان ماعي صرت الحبيب واذا مامعي انقلبت عدو

عند منى

قامت من نومها مصدعه من خربطت النوم صار ليلها سهر ونهارها نوم كله لخاطر ولدها
شافت ساعته 1 الظهر دخلت الحمام توضت وطلعت بسطت سجاده صلت وطلعت من غرفتها دخلت غرفة وليد ونصدمت وهي تشوفه صاحي

منى بصدمه / يمه وليد مانمت
وليد بخوف / يمه خااااااااااااااايف
ركضت له ودموعها على خدها وحضنته بتهدي خوفه / تعوذ من ابليس وصل الظهر وبترتاح

وليد بحزن / صليت بالمسجد
منى بحزن / طيب نام واذا اذن العصر صحيتك واذا مافيك نوم انزل معي نتغداء سوى
وليد بضيقه / بنام
منى باصرار / تنام مو تمثل انك نايم واذا مانمت بزعل عليك
وليد حط راسه على المخده / بناام
باسته على راسه ومشت من فدامه قفلت النور ونزلت وكلها هم وضيقه وزنها نزل نصه بسبب تفكيرها وخوفها على ولدها
موجوعه وهي تشوف ولدها هيكل قدامها وعيونه حولها هالات سوداء والحزن مايفارقه

جلست على الكنب وصارت تبكي بحرقه ووجع / يارب ماني معترضه على قضاءك يارب خذ روحي قبل روحهم يارب لا تفجعني فيهم ياربي ما قدر اعيش بحياه مو فيها يارب خذ من عمري وعطيهم

صارت تشاهق / والله الي فيني يهد جبال لازم ابوه يتدخل بالموضوع
رفعت جوالها وتصلت على سلطان

عند سلطان

كان يتغدى مع ندى ومثل العاده الحوار بينهم معدوم سمع صوت جواله شاف رقم منى ينوره جواله صار يرمش بعيونه بيصدق ودخله يرقص فرح
اخاف انه يتهيئ له
في نفسه / معقوله مشتاقه لي مثل شوقي لها والله صرت اشوف وجها بكل الوجيه

سلطان رد بكل بهيام / اخير ذكرتي ان لك زوج

منى بصوت باكي / بحاجتك يا سلطان لا تخليني
سلطان بدون شعور / جايك يا روح سلطان
اول مره منى تبين حاجتها لسلطان الي فز واقف وبدون شعور فتح الباب ومثل الصاروخ عندها

عند ندى

جالسه تتامل سلطان الي وجهه فضح حبه وعشقه حست بنار داخلها وهي تشوف فرحة سلطان باتصال منى غيره من ربي ما تقدر تمنعها

عند منى

بعد ما انهت اتصالها ندمت انها كلمت سلطان لكنها مثل الغريق الي متعلق بقشه
سمعت صوت الجرس وقفت معقوله يكون سلطان جايها بهالسرعه متعوده على بروده
تفاجئت وهي تشوفه واقف قدمها

عند سلطان
طق الجرس ودقات قلبه سريعه اشتاق لها شوق فوق الوصف له اكثر من شهر محروم منها فتحت الشغاله مانتظرها تفتح الباب كامل دزه ودخل شافها وقفه ونصدم من الدموع الي تلمع بوجها الجميل الي يعشقه ركض لها بيحضنها لكن منى حطيت يدها قدامها تمنعه من الاقتراب منها
سلطان بضيقه / لمتى بتصديني يامنى والله بعدك كاويني
منى ماتبي تضعف وهي تشوف الشوق والعشق بعيون سلطان

منى بارتباك / تفضل حياك
سلطان بقهر / ليش تحسسيني اني غريب واستقبالك لي مثل استقبالك للغريب
منى بقسوه / من بعد ماتزوجت معتبرتك غريب ومستحيل تصير قريب
سلطان وعيونه على وجها / لو بغيت حقي منك اخذته غصب لكني طالب رضاك

منى بتوقف هالمهزله / ولدك تعباااااااااااااااان ياسلطان وحتمال نفقده
سلطان من الخوف جلس على الكنب / انا ملاحظ انه متغير وجسمه ضعفان والتعب واضح بعيونه وش فيه يامنى
منى جلست وصارت تبكي بضعف / مدري
سلطان / اخذتيه للمستشفى
منى بصوت باكي / خايفه اوديه للمستشفى ويفجعوني دخيلك اخذه انت
سلطان بضيقه / الحين وينه
منى بصوت باكي / بغرفته لا صار ينام ولا ياكل وداخله خوف من الموت

سلطان بجديه / اطلعي عنده وقولي له ينزل باخذه المستشفى

وقفت منى ومشت قدام سلطان الي داخله حسره وقهر

عند منى

وصلت لغرفة ولدها شافته صاحي مثل ماتوقعت اول ملمح امه حاول يمثل النوم قربت منه ومسحت على شعره
منى بحب / ابوك تحت بياخذك مشوار
وليد رمى الحاف / وين المشوار
منى بضيقه / ابوك بيقول لك

طلعت من عند ولدها ماحبت ترجع عند سلطان دخلت غرفتها

عند سلطان

كان جالس ينتظرها ترجع لكنه شاف ولده نازل على الدرج وقف
قرب وليد من ابوه وحضنه / يله مشينا

طلعو وركب وليد جنب ابوه والجو هدوء تفاجئ
وهو يشوف ابوه يوقف قدام المستشفى

دخل سلطان وولده المستشفى الي يتعالجون فيه قال لموظف الاستعلامات الاسم ورقم الملف وجلسو بغرفة الانتظار
بعد نص ساعه دخل عند الدكتور

جلس سلطان وولده مقابل الدكتور
الدكتور / وش المشكله
سلطان بجديه / ولدي تعبان صاير ماينام ووزنه نازل
الدكتور وعيونه على وليد الي واضح عليه التعب / خلاص بنسوي له فحوصات وتحاليل شامله
سلطان بجديه / متى النتيجه
الدكتور بجديه / بعطيكم موعد بعد اسبوع وبتكون النتائج عندي والحين بكشف عليه كشف مبدئي وليد اطلع على السرير

استجاب وليد لكلام الدكتور وانسدح على السرير
وبعد ماكشف على وليد التفت لسلطان / الكشف الاولي كل شي سليم وباقي التحاليل والاشعه والممرضه بتوصلكم
مد لسلطان ورقه فيها التحاليل والاشعه المطلوبه
طلع مع ولده والممرضه وراهم وبعد ساعه من الفحوصات والتحاليل استلم ورقة الموعد

عند شوق

جالسه بالصاله وتركي نايم على الكنب وعيونها بالغصب تقدر تفتحهم من النوم شافت امها داخله وبيدها كيسه كبيره

وقفت / وش جايبه

نوف بابتسامه / مستلزمات الحمام ولا نسيتي
شوق بتعب / شكلك راعية طويله مهدوده من التعب ادور الفراش علشان انام عليه وانتي بتتفركين وتدلكين
نوف طالعت بولدها النايم وبضيقه / ياحبيب امه نام بدون ماياكل كان منعتيه لينام

شوق بتعب / حرام امنعه لنا يومين مانمنا زين مني مانمت جنبه

نوف بحنان / اجل بجيب له لحاف المكيف بارد عليه حطت لكيسه على الكنب
دخلت اخذت مفرش سريرها ورجعت عند شوق قربت من ولدها وباست خده وغطته بالحاف
شوق بطفش / يمه خلي غرامياتك لبعدين
نوف بابتسامه / يله

طلعو فوق وصارو يفتحون الابواب يدورون على حمام واخيرا لقو حمام كبير وفيه بانيوم شكله مغري

دخلت نوف وغسلته وبعد ماتاكد من نظافته حطت فيه رغوه لما شافت كل شي تمام طلعت لبنتها الي سانده جسمها على الجدار تنتظر امها

نوف / يله
دخلت شوق ومثل ماتعودو كل وحده ادلك الثانيه وضحكاتهم ماليه الحمام وكل وحده تاخذ فقاعات الرغوه وترميها على الثانيه كان حمامهم كله لعب ووناسه

عند ركان

لما تقهوى دخل صقر يبيه يرتاح و ياخذ قيلوله لكن ركان ماقدر ينام متعود على نومته في بيتهم وقف وطلع من بيت صقر ودخل بيتهم لما وصل عند مدخل الصاله تذكر بنت نوف طق الباب

ركان بصوت عالي / ياوووووووولد
ماسمع رد
كرر الكلمه بصوت اعلى / ياوووووووووووولد
نفس الشي قرر انه يدخل قرب من الصاله شاف ولدها نايم
طلع فوق وقبل لا يدخل غرفته سمع ضحكات ولجه مشى باتجاه الصوت سمع صوت نوف وبنتها بالحمام استغرب وانصدم

ركان في نفسه / وش يسون بالحمام وليش كل هالضحك
بخاطره يدخل ويكشف وش يسون لكن هذا الشي مستحيل يسويه

رجع لغرفته دخل وشغل النور ورمى ثوبه ونزل فنيلته ابتسم وهو يشوف الجرح

كان الجرح واضح انه من اظفر وفيه جلد بسيط مقشوع

ركان ويده تمسح على الجرج بابتسامه / طلعتي ذيبه تخربشين وهذا وانا لابس ثوبي قشعتي جلدي شلون لو ماكنت لابس

دخل الحمام اخذ شور وطفى النور ودخل بسريره وتفكيره بشوق وباليوم الغريب

عند شوق

طلعت مع امها من الحمام ووصلت غرفة ركان / يمه الغثيث رجع
نوف بجديه / لا شكله عند صديقه
شوق بخبث / وينها غرفته
نوف بعصبيه / شووووق خلي الجنان عنك
شوق باصرار/ تعرفيني مجنونه واذا حطيت شي براسي بسويه
نوف بعصبيه / انزلي ليجي ويالقاك بغرفته
شوق تطمني باخذ احتياطاتي مراح يدخل وانا موجوده حطت يدها على باب غرفة ركان / احساسي يقول ان هذي غرفته

نوف بطفش / نازله

عند ركان

سمع الكلام وتيبيس ماقدر يقوم وبداخله يبي يشوف الذيبه سمع الباب يفتح وصارت عيونه تفتح اكثر حاول ما يبين وجوده هو ناوي على يتزوجها متشوق لشوفتها وربي ساقها له

عند شوق

اول ما دخلت قفلت وراها الباب بالمفتاح خايفه من دخول ركان شمت ريحة العطور المنتشره

بالغرفه الغرفه مظلمه / الله يقطع ريحتك يالخايس

ركان لا ارادي صار يشم ريحته وفي نفسه / والله توني متسبح وريحتي كلها عطر

شوق حطت يدها على مفتاح النور وشغلت كل الانوار
ركان يسمع صوتها ومايشوفها لان قبل غرفة ممر
سمع خطواتها تقرب شاف بنت كلها نعومه وانوثه لافه شعرها بفوطه ولبسها كله فتنه حس حرارته صكت الميه ودقااااات قلبه سريعه
ركان في نفسه / يويلي معقوله ذي الي شرشحتني وحفرت جنبي
شوق وعيونها على ملابس ركلن المبعثره / الله ياخذك ماوسخك

ركان في نفسه / هذي وش فيها كل دقيقه تدعي علي ياليتني داري ان لقافتك بدخلك لغرفتي كان رتبتها وعطرتها وسلمت من لسانك

قربت من التسريحه وصارت تنشف شعرها بالفوطه رمت الفطه على الكرسي وشعرها الاشقر طاح على ظهرها وغطاه
وركان انصدم الي قدامه يحلف انها اجنبيه وماهي سعوديه من بياضها لشعرها الي واضح انه اشقر طبيعي وانجذب وانبهر بلون عيونها الي يشوفه فوق احتماله صار يتصبب عرق وتنفسه يزيد ودقات قلبه سريعه خاف انه تفضحه عندها وتكشف انه يراقبها

ركان وعيونه تتامله باعجاب / هذي ناويه تذبحني والله شوفتها عقاب ماتحمله

شوق شافت صوره لركان بالبدله العسكريه معلقه جنب التسريحه
عيونها على الصوره وصارت تكلمه / صدق انك حلووووووو لكن غثيييييييث وما تنطاق حرام فيك البدله العسكريه الي لابسهم حدك الثوب ويخب عليك
رفعت يدها الي توجعها / ااااااااه توجعني يدي شكلها ماكسوره كسرها الله يكسر رقبته شلون بقدر انام من الوجع الحل اكل مسكن يهدي الوجع

ركان اوجعه قلبه انه سبب كسر يدها لكنها هي السبب الي طلعته من طوره

ورفعت عيونها وتاملت ركان / مدامك منت بزوجها من تكووووووون ليش امي تتهرب ماتبي تقولي قلبي يقول فيه مصيبه للحين ما كتشفتها

ركان انصدم ان نوف للحين ماعرفت عيالها بابوه ومستغرب ليش ماجله هالموضوع

شافت مجموعه من العطور على التسريحه وكانت كلها مركات غاليه صارت ترشرش بعشوائيه

جمعت العطور وبحقد / بما انك خايس فاكيد ماتحتاج للعطور الي ماتناسبك اخذتهم ورمتهم بالزباله

اخذت كيس الزباله وربطته وفتحت الشباك ورمتهم وبابتسامه وهي تشوف الكيسة تطيح بالارض واكيد تكسرت / باي بااااااااااااااي

ركان داخله يصرخ / حرررررررررام عليك ليش
تكسرينهم توهم جديده من يومين شاريهم

فتحت دولابه ابتسمت وهي تشوف البدله العسكريه طلعتهم

عيون ركان طارت ووصلت عند بدلته متاكد ان بدلته بتلحق العطور لكنه تفاجى وهو يشوفها شايلتها وداخله الحمام

عند شوق
دخلت الحمام ولبست البدله وطلعت بتشوف شكلها

ركان انصدم وتفاجى ويحلف ان بدلته زادتها جمال

صارت ادور بالبدله قدام ركان الي حس ان قلبه بيوقف من كثر مايدق

شالت اسم ركان المعلق بالبدله و بقسوة رمته على الارض بحقد وبابتسامه / ههههههه الضابط شوق ناصر وبدلتك صارت من ممتلكاتي فتحت الادراج ادور الكاب العسكري لقته وحطته على راسها

ركان صار ياخذ شهيق زفير بيريح قلبه تمنى انها مادخلت غرفته ولا شافها
انصدم وهو يشوفها ترجع للحمام و طلعت وهي لابسه بدلته وشاف بيدها ملابسها
شافها تمشي بطريق الطلعه سمع صوت الباب

يفتح ويقفل تاكد انها طلعت رمى الحاف

ركان بضيقه / الحين شلون بداوم وبدلتي صارت من ممتلكاتها
حط يده على قلبه وحاس بشعور حلو لذيذ يدغدغ مشاعره
وبستغراب / وش فيك ياركان من شفتها وانت منت بطبيعي وبابتسامه / والي شفتها تخلي للواحد عقل الشكل كله برائة والافعال اجراميه وينك يا صقر شوف حالة صديقك بنت قلبتني وعفستني عفيسه
شاف فوطتها قام من سريره قرب من الفوطه وقربها من انفه وستنشقها بعمق
ركان بعشق / يحلووووووووو ريحتها زين تركت لها شي لذكرى اخذ الفوطه معتبرها شي ثمين وغالي دخلها بدولاب ملابسه الخاصه خايف ترجع وتاخذها

من بعد ماشافها طار النوم وكان له سنه نايم انسدح على سريره

عند منى

من طلع ولدها مع ابوه ودموعها ماجفت وداخلها خوف من جيتهم وخوف من الي بتسمعه سمعت صوت الجرس ركضت وسبقت الشغاله وفتحت الباب
شافت سلطان ماسك اوراق بيده
منى بخوف / وش صار وش قال الدكتور
سلطان منقهر انها تكلمه من عند الباب واضح انها طرده / عطانا موعد بعد سبوع وبتطلع النتيجه
منى بضيقه / من بيصبرني اسبوع
شافت ولدها يدخل البيت وهي متضايقه من وجودها مع سلطان

منى بضيقه / ماقصرت تعبناك معنا تقدر ترجع لبيتك

سلطان بقهر / لا صار شي كلميني

منى ماردت شافته يمشي سكرت الباب وسلطان اوجعه قلبه من قسوتهاااااا

عند نوف

نزلت ودخلت عند ضاحي وتذكرت انه ماكل شي من الصبح ومتاكده انه يحتاج تنظيفه لكن داخلها مايقدر لكن حاولت تجبر نفسها
طلعت من غرفتها ودخلت المطبخ شافت شنطتها على جنب فتحت الشنطه وعيونها على الشغاله صارت اطلع الاغراض وتحطهم بالارضيه المطبخ
وبجديه / هذي اغراض وتاشر على الادراج حطي داخل دولاب

قربت الشغاله منها واخذت الاغراض
وقفت نوف وبعيونها ادور عن السطل الي شافته مع ركان اليوم لكنها ماشافته دخلت الحمام الجانبي شافته اخذه فاضي بتعبيه بموية الحمام الي بغرفتها وهي طالعه تقابلت مع بنتها وتفاجئت وهي تشوف بدلت ركان عليها

نوف بعصبيه / ليش لابسه بدلته
شوق ببرود / عاجبتني ومن اليوم صارت ملكي وهو يدور له على غيرها

نوف برعب / واذا ماعنده غيرها تبينه يتفنش من شغله
شوق بحقد / بكون اسعد الناس اذا طردوه من شغله
نوف بضيقه / تراه ما يستاهل الي قاعده تسوينه فيه
انتبهت لسطل الي بيد امها / الا ليش شايله السطل وش تبين فيه

نوف بارتباك / ابيه بنظف حمام غرفتي فيه
شوق بستغراب / يمه ليش غرفتك تحت فوق الغرف كثيره

نوف بتهرب / غير لبسك وبعدين بفهمك
شوق باصرار / ماني بمتحركه من مكاني لين تقولين لي وش خاشه عني
نوف بستسلام تعرف اصرار بنتها / امشي معي وبتعرفين الي خاشتها

عند ركان

ماقدر ينام قرر انه ينزل تحت ويجلس بالمجلس

وهو على الدرج سمع اصرار شوق تتعرف على ابوه حط يده على قلبه لما سمع صوتهم اختفى دخل بالصاله علشان يسمع مرعوب من الي بيصير

عند شوق

مشت نوف وبنتها وراها وقبل لا تدخل / اوعديني شوق تتفهمين الموضوع وابيك ما تنفعلين

شوق بعصبيه / وش البلوى الي تنتظرني داخل الي بطلعني من طوري

نوف فتحت الباب وشغلت النور وبتنهيده وخوف وترقب / ادخلي الله يهداك

دخلت شوق وعيونها طارت لسرير الي قدامها شافت شايب بحجم طفل عيونها تتفحص ضاحي بصدمه وبعده ركزت على امها الي واضح عليه الرعب

شوق غصب عنها كل قوتها انهار وصارت دموعها تنزل بحراره وبصوت مقهور / اتمنى الي فهمته يكون غلط

نوف بارتبك / الي فهمتيه صح

شوق بصوت باكي / يعني الشايب المخرف العاجز زوجك

نوف نزلت راسها

شوق بصدمه / يعني الحقير الي شفته ولده وجايبك شغاله تنظف وسخ ابوه والدليل السطل الي بيدك

نوف نزلت دموعها
شوق بانكسار / ليه يمه لييييييييييييييييييه رضيتي بالمذله لييييييييييه

نوف بصوت باكي / محتاجه لابو وضاحي صار ابوي وركان صار اخوي

شوق بصراخ / منتي بمحتاجه لحد عندك عيالك وانا موجوده مستحيل اسمح لحد مهما كان يكون سبب انه يذلك
نوف بوجع / طول عمري منذله وخدامه لابوكم وياليتني شفت منه كلام حلو يعاملني مثل الجاريه
وخدمتي لضاحي على قولتك فرحانه فيها اولن لانه بحاجتي ومنها اكسب اجر

شوق بصراخ / انتي تدرين اني كنت اوقف بوجه ابوي وكنت بسوي شغلا ت كثيره لكن انتي منعتيني لكن الحين مستحييييييييييييل اسكت وقعددددددده عند الشايب مااااااااااااااااافي وبترجعين معي

نوف بانهيار / ما قدر يا شوق مااااااقد احلف لك روحي تعلقت بالشايب الي قدامك تبيني اموت ابعديني عنه
شوق تاملت ضعف امها واوجعها قلبه ما تقدر تشوف امها بهالوضع المهين وتسكت وماتقدر تبعدها عن شي متعلقه فيه امها عانت مع ابوها كثيررررررر حست الغرفه خانقتها طلعت وتركت امها وطلع وصار تبكي بحرقه وصوت بكاها يقطع القلب

عند ركان

مستمع لكل الي صار بين نوف وبنتها وهو مايلوم بنتها على الي قالته لانه هو لو بمكانها مارضى ان امه تخدم شايب طايح لكن صارت كذا انصدم وهو يسمع البكاء الي يقطع قلب الكافر توقع أي شي الا البنت القويه تبكي بهالطريقه الموجعه

عند شوق

دخلت الصاله ونوف وراها الي تفاجئت من وجود ركان وقفت تراقب الوضع من بعيد متاكده انه سمع الي صار

شوق من غير شعور ونست انها مو لبسه شي يسترها تقدمت منه

عن ركان

تفاجئ من دخولها وقربها منه وانبهر من شكلها الي من قريب مدمر صحاها عصبيتها وصراخها في وجهه

شوق بعصبيه وصرررراخ / انت خسيس وحقيررررر واستغلالي عرفت تستغل قلب امي وتصير خدامه لبوك الله ياخذه وياخذك معه
ركان فقد اعصابه لما سمعها تدعي على ابوه ضربها كف من قوته طاحت على الارض

نوف شهقت من الصدمه واوجعها قلبها وهي تشوف بنتها تنضرب قدامها لكن رجوله تيبست مكانها من الصدمه ماقدرت تتقدم وترفع بنتها

ركان بعصبيه وعيونه عليها وهي طايحه وشعرها مغطي وجها وبصراح / لهنا وطفح الكيل ادعي علي لكن انك تدعين على ابوي لسانك اقصه

شوق مصدومه وحاسه نفسها في الا وعي تنضرب من اكره مخلوق عندها
جدتها لما ضربتها تركت الرياض وسافرت فرنسا وبترجي جدتها رجعت

حاولت ماتبين له دموعها وضعفها رفعت راسها وطالعته بعيون كلها حقد

ركان ندم على تهوره وحس بوجع وهو يشوف يده مطبوعه بخدها متاكد انها تتوجع بعمره ماكان قاسي لكنها طلعت ركان مايعرفه

شوق بحقد وعيونها متعلقه فيه وبصراخ / والله الكف هذا لرجعه لك كفوف مو شوق بنت ناصر الي تنضرب

وقفت قدامه بغرور وكبرياء وقربت من اخوها تركي / تركي قوووووووووم
وقف تركي خايف / بنرجع لرياض
ناظرها تركي مستغرب قبل لا ينام كان بيجلسون
نوف اخيراتقدمت منهم وناظرت ركان بنظرات كلها لوم قربت من بنتها وحضنتها وشوق استسلمت لحضن امها بهدوء

نوف بصوت باكي / احلفك بربك تجلسين وما تسافرين وركان شغله معي

شوق سحبت نفسها وبكبرياء / يمه جدتي لما مدت يدها علي حرقت قلبها واخذت اخواني وسافرت فيهم لفرنسا ومارجعت الا بعد ما ترجتني بدموعها ارجع وحلفت ما تزعلني

وبصررررررررراخ / بيت انضربت فيه ماجلس فيه وهنا انضربت ورفعت نظرها لركان / والمصيبه الي ضربني واحد حقيرررررررر

ركان بخاطره يعتذر منها علشان تبقى لكن كرامتها ماطاعته

نوف بصوت باكي / مستحيييييييييييييل تطلعين من البيت واعرف انك ماتعصيني

شوق ونظراتها كلها حقد لركان / البيت مايتحمل وجودنا اذا جلست يطلع هو من البيت واذا رفض انا الطالعه

ركان انصدم من طلبها والموت اهون عليه من تنفيذه

شاف عيون نوف تترجاه يوافق على الطلب المجننون يشبه الي طالبته شلون يترك بيته لها ويترك ابوه بدون لا يشوفه

ركان برجوله / لو طالبه غير هالطلب وافقت مو لاني غلطان لكن مو من الرجوله امد يدي على بنت لكن انتي الي حديتي على الشين
واذا جلستي بتكونين عندي معززه واوعدك مامد يده عليك وبرضيك والي تبينها انا حاضر ووعد انفذها لك مهاما كان باستثناء طلعتي من البيت واذا رفضتي واصريتي على كلامك بوصلك معزز للمطار

شوق في نفسها / طييييييييييب بترضيني وبتنفذ طلبي والله وجت لعندك يا شوق ونتقامي منك باجله لين تنفذ لي امنيتي

شوق وعيونها عليها / قد رضاوة شوق ناصر
ركان ارتاح ان فيه شي غير تركه للبيت / اقدر يا بنت ناصر

شوق بقوة / ابي اتوظف بالمباحث وعمتي معي

ركان بصدمه / بالمباحث وتضنين عمانك يوافقون

شوق ببرود / مو شغلي انت وعدتني واذا رجال نفذ وعدك

ركان جلس وهو يفكر بطريقه ينفذ لها طلبها وهداه تفكيره لحل

ركان بجديه / فيه حل واحد علشان يوافقون عمانك انك تشتغلين بالمباحث ومحد يقدر يعترض

شوق ببرود / قول الحل

ركان خايف من ردت فعلها اذا سمعت الي بيقوله
وبارتباك / قبل لا قوله تاكدي اني كنت طالب هالشي قبل لا تطلبين الوظيفه وسئلي امك
شوق بسخريه / قول حلك ما يحتاج كل هالموال

ركان وحس كل جسمه ينتفض من دقائق ضاربها والحين يطلب منها هالطلب الي متاكد بترفضه ومراح يسلم من لسانها

شوق لما شافته ساكت وعيونه على يده وكان الطلب شي صعب

شوق باصرار / قوله

ركان حس ريقه ناشف مو قادر يتكلم ولسانه ناشب بمكانه مو راضي يطلع ويقول الي يبيه
رفع عيونه لنوف يترجاها تقول وتريحه
فهمت نوف نظرته وبارتباك / شوق ركان خطبك مني واذا تزوجتيه مستحيل احد يعارض شغلك

شوق في نفسها / حقيررررررر وخسيس والله وقرب انتقامي منك يالزفت لكن انت وسيله لتحقيق امنيتي وحلمي

ركان لما شافها ساكته وماتكلمت نزل راسه وصار يفرك يده بقوة ينتظرها تسبه

شوق وعيونها على ركان وبداخلها تسب وتلعن فيه لو خاطبها بظروف غير كان قطعته مليون قطعه وماكفها على طلبه الثقيل وعلمته شلون يتجرء ويخطبها لكنها معتبره زواجها منه وسيله لوصولها للي تبيه وتكون غبيه اذا ماستغلت الوضع لصالحه

شوق بقرف / موافقه

رفع عيونه بصدمه وتوقع ان سمعه خانه وسامع غلط واكيد انها قايله مو موافقه

طالع نوف الي مستغربه اكثر منه وماتوقعت بعد الي صار بتوافق عليه توقعت اذا سمعت بخطبة ركان تهد الدنيا على راسهم لكن انها توافق هذا ولا بالحلم

نوف بصدمه / شوق ركان خاطبك ويبك تكونين زوجته

شوق ببرود / وانا موافقه وياليت الملكه تكون قريب وما يحتاج شوفه شريعه هذاني واقفه قدامه وبابتسامه اخذت قلب وروح ركان / وبلبسك العسكري

وقف ركان وكرر الكلام الي قالته نوف للحين مو راضي يصدق ان الي كارهته توافق على زواجها منه بسهوله و لا وفوقه مستعجله على الملكه

ركان وعيونه عليها / انتي موافقه تتزوجني

شوق وعيونها على ركان المصدوم / ليكون انسحبت من الخطبه ومعاد تبي تتزوج مني

ركان بستعجال / لا مانسحبت لكن مصدوم توقعت موافقتك من المستحيلات لكن تكون بهسهوله ماتوقعت

شوق بنفسها / ومستحييييييييييل تتوقع الي بسويه فيك

شوق ببرود / اجل اخطبني من عمي سالم وستعجل الملكه

ركان مستغرب جرائتها الي مثلها اذا انخطبت وجها ينصبغ الوان وهذي هي الي مستعجله على الزواج

في نفسه / متاكد انها مو حبا فيني كله علشان تتوظفين بالمباحث معقوله حبها لشرطه يخليها توافق وتستعجل بالملكة

ركان بجديه / بكره بسافر عند عمانك وبخطبك

شوق ودها تخنقه لين تطلع روحه لكن مثلت الهدوء والبرود
شوق ببرود / اذا نقلت لرياض اخطبني شلون بتخطب والعروس في بيتك ولا تنسى عمتي تكون قبلي بالوظيفه

ركان ماحب يقول لها ان صقر زوج عمتها خايف يخرب كل الي صار

ركان متاكد ان ان صقر مستحيل يرفض او يمانع اذا طلبه هالشي

ركان بثقة / وعمتك قبلك بالوظيفه

شوق بقرف / خلاص انتهينا ياليت تورينا مقفاااااااااااك
ركان احرجته بكلامها لكن اذا تزوجها بيربيها من جديد الحين ماله سلطه عليها

فرحته ما توصف بموافقتها عليه كان خايف ترفضه وبقدرة ربي وافقت

مشى من قدامها وشوق تناظره بحقد مستحيل قلبها الاسود بينسيى الكف الي للحين معلم على وجهااااااا

لنا لقاء باذن الله بعد العيد

اختكم نسايم نجد

25-07-11, 02:55 AM

المشاركة رقم: 583

المعلومات
الكاتب:	Red Roz
اللقب:

البيانات
التسجيل:	Jul 2011
العضوية:	226896
المشاركات:	44
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : نسايم نجد المنتدى : الارشيف

هلا نسووومه روايتك روووعه وحبيت نووف مررره الله يسعدهها مهجووله تتشمى بدون عباااه ^نسووومه تريني في ابهاا يعني مثلا خلي نوووف تسير علي كني جااارتهاا او نتقابل في السوق ^غصب دخليني الروايه هخهخه وتركي تكفين خليه يمووت عليهااا اكثررر وبعدين ماابيه يعرف انهاا نفس الصوره و سااالفتهاا الابعد الزواااج^^ودي اشوف وجهه لادراا خخخخ اكيد عيونه بتطلععع ...وفديت راكاااان شيخ الشبااااب ^لو يبيني اخدم ااابوه عاااادي الجيران اولى بالمعروف بس يطلق نوووف ههههه ^داخله جووووو

25-07-11, 04:04 AM

المشاركة رقم: 584

المعلومات
الكاتب:	Red Roz
اللقب:

البيانات
التسجيل:	Jul 2011
العضوية:	226896
المشاركات:	44
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : نسايم نجد المنتدى : الارشيف

نسوووومه نزل الباارت وماشفته من الطفقه ..وشيخ الشباااب راااح ل شوق ,,,بس ماعليه تسستااااهل القدعه قوووويه واتووقع تركي بيتزوووج نووره وتعقل ع خفيف ولو ان اللي صااار له كبيييير ..وبعد بيتزززوج نوووف ,,,,^يعنى الله يعين اميرررره واااتوووووقع تركي يوافق على راااكان بشرط ان ابوووه يطلق نووف ,,, ياااهووو حماااس لمااايتجمعووون كلهم في الرياااض وكل عاااام وانتم بخير واعااننا على صووامه وقوووامه^ويااليت رمضاان يجي عندهم في الروايه خهخهععع اااايه لحظه وش اللي يتسبحووون سووا وخزيااااه وعيباااه والله لو اقولهاا امي تمصع رقبتي خهعخهعخ ,,,بس نووف شنزليزيه عااادي عندهم الوضع ميوهااات ههعههعغهعغ

25-07-11, 07:19 AM

المشاركة رقم: 585

المعلومات
الكاتب:	احاسيس منسيه
اللقب:	عضو راقي

البيانات
التسجيل:	Feb 2011
العضوية:	215609
المشاركات:	7,385
الجنس	أنثى
معدل التقييم:
نقاط التقييم:	1978

االدولة

مدونتي

الإتصالات
الحالة:
وسائل الإتصال:

كاتب الموضوع : نسايم نجد المنتدى : الارشيف

نسوووووووووووووومه
ايش هالبارت الخوووووقاقي
الله يسلم هالايدين اللي كتيت
وااااو ايش يصبرني لبعد رمضان
بس حلوووووو لو رجعتي 3 بارتات بالاسبوع

بارت ممييييييييييييييييييييييييز جدااا
يسسسسسسلموووو نسوومه