كاتب الموضوع :
نسايم نجد
المنتدى :
الارشيف
ياهلا ومرحبا بالمتاااااااااابعين الجدد ما تتخيلون سعادتي بتواجدكم وهذا التواجد يزيدني حماس ابدع اكثر لعيووونكم
وفاقده اخوات غاليات علي كثيرررررررر اتمنى المانع يكون خير يهمني يكونون بصحه وعافيه وابيهم يتاكدون اني فاقدتهم كثيررررررررر مايحتاج اذكر اسمائهم اكيد يعرفون انفسهم
واشكر الاخوات الي رايهم سلبي بالروايه ومن اتهمو الروايه انها حشوووو اقول لهم هذي الروايه اكثر مصداقية من روايتي الاولى واغلب القصص والاحداث واقعيه اذا مو كلها والكلام الي انقال ان الروايه ما تقدمت اقول لهم كل الاحداث الي صارت وبنظركم ما تقدمت بامكاني اختصرها لكم بسطرين لكن مستحيل يرضيكم ( فعلن رضى الناس غاية لاتدرك )
الي اتهم ركان بالانانيه ( فعلن ركان اناني لكنه ما ينلام عايش معاناه وصراع بين شغله وابوه واخيرا لقى الي بتريحه صعبه يتخلى عنها
والي اتهم نوف انها سلبيه وضعيفة شخصيه فقوتها كانت مستمدتها من بنتها وصديقتها وفي وضعها الحالي ظهر الجانب السلبي بوضوح ( سبق ووضحت هالشي ومثل مايقولون الطبع غلب على التطبع
يمكن لو كانت رافضه واقعها من اعماقها كان صار لها تصرف ثاني هي شافت بضاحي الابو قبل الزوج وركان الاخو ومصدر قوتها
نوف الغالب بشخصيتها الطيبه المباااااااالغ فيها وهذي الطيبه يعتقدها الكثيرين سذاجه
بارت اليوم بارت طوووووووويل وكله احداث بتحرك مشاعركم
في بارت اليوم انتقاااااااااااام شوق من مبارك
( تابعو البارت وبتعرفون انتقامها القاسي في مبارك )
في بارت اليوم انكشاف قصة نوره الموجعه
( تابعو البارت وبتعرفون قصتها )
في بارت اليوم مصيبه جديده بطيح على راس تركي ( تابعو البارت وبتعرفون المصيبه )
في بارت اليوم ظهور شخصيه جديه ولها قصه
في بارت اليوم ظهور عااشق جديد بيمشي بدرب العشق والغرام منهو ( تابعو البارت وبتعرفونه )
بارت اليوم بسميه بارت ( شوق وركان )
الرجااااء عدم طمر السطورررررررر
البارت السادس والثلاثون
عند شوق
كانت بالطياره تحس الوقت طويل وداخلها قهر مراح يطفي لين تبرد قلبها فيهم وتاخذ حق امها منهم سمعت اعلان عن ربط الاحزمه ربطت حزمها التفتت شافت اخوها سرحان ومرسوم الحزن بوجه شفته يربط الحزام استقرت الطياره وقفت قبل الكل ونزلت وتركي وراها دخلت صالة المطار وصارت تبحث بعيونها عن حمامات شافت حمام نسائي
شوق بجديه / تركي بدخل الحمام ابدل ملابسي وانت انتبه للمكان
تركي بصدمه / تغيرين ملابسك ليكون
شوق بجديه / ايه
تركي بخوف / بتورطينا معك
شوق باصرار / انت معليك الا انك تنبه لداخل والخارج
تركي بستسلام / طيب
دخلت الحمام وحمدت ربها ما في احد قفلته عليها اخذت مرايه ولبست عدسات بنيه لان لون عيونه مشكله لبست ثوب سعود وغترته بمهاره وصارت ولد خكري تلطمت بالغتره وطلعت لقت تركي
شوق بجديه / يله مشينا
تركي بابتسامه / طلعتي حريفه بلبس الغتره
شوق بضيقه / يله بنطلع بنوقف لنا تكسي يوصلنا لبيت الزفت خالك
طلعو برا المطارمدت الجوال على اخوها / اتصل عليه وقول ان له دين عندنا واخذ الوصف منه ترى اسمه مبارك
رفعت الجوال واتصلت عليه وحطته على السبيكر
ومدته على اخوها اخده من يد اخته مافي رد
تركي بجديه / شوق ما يرد
شوق بقهر / ارجع اتصل عليه لين يرد ولا كيف بنوصل له
اتصل عليه ثاني مره سمع صوته
عند مبارك
جالس يفطر لحاله سمع صوت جواله شاف رقم غريب طنش لكن صوت الجوال ازعجه اضطر يرد
مبارك بنفس شينه / الووووووو
تركي بارتباك / مبارك
مبارك بعصبيه / تتصل على جوالي ومنت متاكد ماتعرف صاحبه
لما سمعت شوق صوته حست بقرف سحبت الجوال من يد اخوها خافت يكشفهم
شوق خشنت صوتها / اخ مبارك لك امانه كانت عند ابوي الله يرحمه ولازم اسلمها لك
مبارك ترك الاكل من يده / وشهي الامانه
شوق بحقد / مبلغ كبير معي بالشنطه والمشكله ماعرف عنوانك علشان اوصل لك الامانه
مبارك وقف / انت وينك فيه
شوق بكره / بالمطار
مبارك بفرح / اجل لا تتحرك بجيك عندك اخذ الامانه
شوق باصرار / لازم اقابلك بالبيت تعرف المبلغ كبير اخاف احد يشوفنا بشارع وينسرق
قال لشوق وصف بيته وشوق تحفظ العنوان واخوها يكتب بورقه
كمل / لا تجي الا بعد ساعه اكون وصلت للبيت
شوق بجديه / بينا اتصال اذا وصلت اتصل علي وبكون عندك
مبارك / انتبه للامانه يله مع السلامه
طلع مبارك من المخيم وركب سيارته راجع لبيته
عند شوق
بعد ما انهت اتصالها طلبت من اخوها يوقف لهم تكسي يوصلهم لبيت مبارك
شوق بجديه / تركي وقف لنا تكسي وعطه الورقه الي معك واترك الشنط عندي
مشى تركي من قدام اخته وعيونها تلحقه
شافت تكسي وقف لخوها حطت شنطتها على كتفها وشالت شنطة تركي بيدها
لما شافها اخوها تشيل الشنط قرب منها وشال الشنط عنها
فتحت باب السياره ركبت وراء وحطت الشنط بجنبها وتركي ركب قدام عند السواق السعودي
عيونه تسرق النظرات لشوق مستغرب من الرجال المتلثم بغترته توقع انه مريض او انه خايف ينعدي
مد تركي ورقة العنوان لسواق
تركي بجديه / ياليت توصلنا للعنوان المكتوب
السواق اخذ الورقه وفتحها وبجديه / المشوار نص ساعه بتدفعون لي 50 ريال وصلتكم واذا رفضتو انزلو
شوق تخشن صوتها وبجديه / لو تبي ميه دفعنا المهم توصلنا للعنوان
بعد كلام شوق السواق حرك سيارته بطريقه لبيت مبارك
ذكرت انها ماطمنت اهلها عنها ومتاكده انهم عصبو لما درو بسفرها مالها خلق تكلم وتسمع كلام يقهرها فو ماهي مقهوره من تصرف مبارك قررت ترسل رساله اطمنهم عليها رفعت جوالها وارسلت رساله لعمها سالم
عمي يا ليت ما تزعل مني على سفري للجنوب من غير علمك لكن سفري كان لضروره ومايتاجل واذا جيت شرحت لك اسبابي وباذن الله الليله راجعه واذا بتاخر اتصلت عليك ارسلت الرساله وحطت جوالها على الصامت ورجعت لشنطتها
عند سالم
بعد ما قالت له ساره عن سفر شوق ما ترك غرفته ماله خلق لمواجهة امه سمع نغمة رساله
اخذ الجوال فتحه قراء الرساله
شاف هيا طالعه من الحمام / شوق ارسلت تقول انها بالجنوب عند امها
هيا بجديه / توقعتها تتصل
سالم بضيقه / تقول ان سبب سفرها امر ضروري وبترجع الليله
هيا جلست على كرسي الكمودينه تنشف شعرها / تتوقع شنو الضروري الي يخليها تسافر والناس نايمه
سالم بجديه / اخاف جاها خبر ان امها مريضه
هيا بتفكير / من بيوصل لها الخبر
سالم بجديه / نسيتي الحرمه الي كلمتها امس يمكن شوق اتصلت عليها واحنا نايمين ووصلت لها ان امها مريضه
هيا بجديه / اكيد هي الي قايله لشوق عن امها لما كلمتني واضح انها كانت تبكي
سالم بضيقه / مدري القاها من غياب تركي ولا ترك سالم للمستشفى ولا من شوق
هيا بصدمه / سالم طلع من المستشفى
سالم بقهر / ايه ترك المستشفى ولا ادري وينه و له فوق شهر صاحي من الغيبوبه و مايبنا ندري
هيا بصدمه / ليش ما يبكم تدرون
سالم بضيقه / ما عاد افهم لعيال ناصر زواج امهم عفسهم وخلاهم يتصرفون بدون وعي
هياء بحزن / شلون طاوعها قلبها تتزوج وتشتت عيالها وتكسرهم والله يا سالم عيالها فاقدينها كثيررررررر البنات كارهات الجلسه عندنا والعيال اشوف الوجع والحرمان بعيونهم دخيلك سالم لا تحرمون العيال من امهم مهما عوضتوهم مستحيل تقدرون تحلون مكان امهم
سالم تنهد / مستحيل احرمهم من امهم الي حتى مافكرت تتصل وتسمع صوتهم امهم يا هيا بدون قلب تزوجت بليلة دفن ابوهم وفوقه الزوج نساها تسال عن عيالها الي محترقين بسبب بعدها
عند عبد الله
طول ليله ما قدر ينام يراقب صديقه خايف ترجع له الحاله وهو نايم وما يدري عنه كل شوي يقرب منه ويتاكد من انفاسه
صحى على صوت نايف يصحيه / عبد الله قوم الساعه بتصير عشر وانت نايم
عبد الله بتعب / اطلع وسكر الباب ما شبعت نوم
نايف بجديه / افطر وارجع نام مشتري فطور من الي يحبه قلبك والاكل مجهزه على السفره
فتح عبدالله عيونه بخوف / شلون تطلع من الشقه وانت تعبان ليكون سايق السياره
نايف فاهم صديقه / هذاني واقف قدامك ما فيني الا العافيه بطلع انتظرك تفطر معي
طلع نايف وعبد الله دخل غسل وجهه واسنانه وطلع شاف نايف جالس مقابل الاكل جلس مقابله تامل الفطور كان مشكل من فول وعدس وشكشوكه وكبده
عبد الله وعيونه على الاكل الموجود على السفره / انت ما تعرف تشتري على قدنا واذا شريت كانك عازم لك قبيله صدق انك مبذر
نايف يفتح كيسة الخبز ويمد خبزه لعبد الله / اكل واذا زاد بعطيه لحارس العماره ومنها نكسب اجره
عبد الله بعصبيه / هذي حالتك كل ما شريت اكل وزعناه على الي حولنا مره لعامل البقاله ومره لجارنا المصري وهالمره للحارس
وكمل بسخريه / كان عزمتهم احسن بدال ما تتعنى وترسل لهم
نايف ببرود / افطر وتعوذ من ابليسك الي مصبحنا والزود بنتعشاه وماله داعي نرسل اذا هالشي بيخليك تعصب
عبد الله بعصبيه / بتجنني ابيك توفر الكم قرش الي تصرفهم بالاكل الزايد
نايف بحزن / ولمين بوفر زواج ماني بمتزوج وما عندي اهل اصرف عليهم
عبد الله بعصبيه / وفر لنفسك ما تدري يمكن يجي وقت تحتاج القرش واذا هذي حالتك احلف مراح تلقاه
نايف بيمتص عصبية صديقه / خلاص بحاول اوفر واذا تبيني اسلمك راتبي تحفظه لي ترى ما عندي مانع
عبد الله بعصبيه / افطر لا ارتكب فيك جريمه
نايف بدا ياكل ورفع عيونه لصديقه الي يراقبه
نايف بضيقه / لا تحسبني ما حسيت فيك وطول ليلك تراقبني وكل دقيقه تتحسس تنفسي بيدك لا تخلي تعب ساعه يوسوس فيك انا بخير والله اني احسن من اول
رمى عبد الله الخبزه من يده وبحزن وضيقه / الظاهر ما تعرف مكانتك عندي ما اتخيل حياتي بدونك وتعبك ذاك اليوم ماثر عل نفسيتي تكفى يا خوي لا تهمل صحتك وتضغط على نفسك علشان ما تضايقني
نايف بجديه / والله ما حس بشي صحتي حديد والي كاتبه ربي بيصير ومراح يغيره حرصك الزايد من المكتوب
عبدالله وقف / الله يعين
نايف بجديه / وووووين ماكلت شي
عبدالله بتعب / النوم ساد نفسي عن الاكل برتاح شوي قبل صلاة الظهر
نايف بجديه / بشيل الاغراض وبلحقك انام
شال نايف الاغراض وعبد الله دخل الغرفه انسدح على السرير ونام
في بيت صقر
ام صقر بغرفتها تصلي الضحى متضايقه وصورة نوف وهي تبكي موجعتها
ام صقر بضيقه / حسبي الله عليك يا مبارك ويا اخذ حق هاليتيمه منك
عند نجود
متضايقه وهي تشوف الضيقه بوجه امها وعارف مصدر ضيقتها زوجة ضاحي دخلت الغرفه شافت امها على سجادتها
قربت منها وبحنان / يمه ما يسوى عليك زيارتنا لبيت ضاحي من جيتي وانتي متضايقه
ام صقر بحزن / قاطعه قلبي هالمسكينه جعل ما يطيح حظك مثل ما طاح حظها ولا بنت وش كثر شبابها وزينها ما خذتن شايب وبتضيع عمرها بخدمته
نجود بحنان / يمه الله يخليك لا تضيقين روحك البنت مستانسه ومعليها ويمكن حياتها مع الشايب خيره لها
ام صقر بتنهيده / جعله خيره الا وينها ديما
نجود بجديه / بالصاله وضيقتك مضايقتنا
وقفت ام صقر / وصقر مارجع
نجود وقفت / لا بعده ما جاء
طلعت ام صقر لصاله ديما اول ماشافت جدتها وقف وحضنتها بدلع
ديما بابتسامه / اخيرا حنيتي علينا وطلعتي من قصرك العالي
ام صقر وهي تجلس على الكنب وبضيقه / يالله قصور الجنه
ديما / امين
نجود بجديه / بجهز لنا شي ناكله
ديما جلست جنب جدتها وبابتسامه / بموت من الجوع مقابل زوجة الشايب اشغلني عن الاكل
نجود بعتاب / فشلتينا عندها وش بتقول وانتي كل دقيقه تساسريني
ديما بابتسامه / من بعد ما شفتها تتكلم وشفت الدلع وطريقتها بالكلام استحيت انطق بحرف لاني لو تكلمت بوجودها صرت رجال عندها
ام صقر بعصبيه / اذكري ربك لا تصكينها بعين يكفيها الي فيها
ديما برجاء / يمه منتي بمريحه فضولي وتقولين اش قالت لك زوجة الشايب
ام صقر تنهدت بحرقه / قومي عني ماني برايقه لك
نجود تركتهم ودخلت المطبخ تجهز لهم اكل
عند لطيفه
كانت جالسه مع بنتها بالمطبخ تتاملها شافت بنتها تتثاوب وعيونها تقفل تبي النوم وقفت
لطيفه / نوره يله نطلع انام
نوره / ماما بشوف بااااااااع
لطيفه بحنان / حبيبتي كم مره قلت البنت الشاطره تسمع كلام امها وطيعها
وقفت نوره مستجيبه لكلام امها حضنتها لطيفه بيد ودخلت معها لغرفتها سدحتها على السرير وانسدحت جنبها صارت تمسح على شعرها بحنان وتراقبها لين نامت سحبت نفسها بهدوء من جنب بنتها بعده طلعت من الغرفه وقفلت الباب بالمفتاح ورجعته بمكانه
دخلت غرفتها وانسدحت على سريرها وتفكيرها مثل كل الايام في بنتها وماساتها وفجئة هداها تفكيرها عند الضيف واكيد جميل زوجها بيكون سلاح انه يوافق على الشي الي تبيه منه ويكون بيده اثبات لبرائة بنتها فزت من سريرها بسرعه لبست عبايتها ونقابها طلعت من غرفتها تركض وصلت لقسم الرجال
عند تركي
بعد ما خلص فطوره حط الصنيه عند الباب رجع بيده كاس الماء جلس مكانه فتح كيس العلاج شاف كراتين حبوب اخذ من كل كرتون حبه اكلهم وبعده تمدد بمكانه سمع صوت خطوات الي تنبئ بدخول احد عليه ركز عيونه على الباب لكنه ما شاف احد سمع نفس صوت الحرمه الي كانت مهتمه فيه
لطيفه بصوت قوي / يا بن الاجواد تسمح لي بالدخول ابيك بموضوع ضروري
تركي تعدل بجلسته / تفضلي والبيت بيتكم ما يحتاج تستاذنين
قلبه قارصه من وجودها ومن الامر الضروري الي تبيه فيه
رفع عيونه ارتاح وهو يشوف قدامه كتله من السواد ما يبان الا رموشها من فتحت النقاب
تركي بجديه / يا ليت تقولين الي عندك وجودك معي بروحنا ما يجوز
لطيفه رمت نفسها عند رجوله بكل ذل وانكسار وتركي منصدم ومتفاجئ عيونه مثبته عليها ينتظر منها تفسير لحركتها
لطيفه بصوت باكي / والله محدني على الي سويته الا الوجيعه اترجاك يابن الاجواد ترحم ضعفي وانكساري وتنفذ طلبي
تركي وعيونه عليها وهي طايحه عند رجوله بارتباك / من غير ما تذلين نفسك وابشري بالي تبينه
وقفت ومشت قدام تركي الي تبعها بنظرته جلست مقابله بالجهه الثانيه
لطيفه وبصوت باكي / طلبي انك تتزوج بنتي
تركي كان احد صاب عليه مويه حااااااره ما توقع يكون هذا طلبها
تركي بصدمه / شلون ترضين لبنتك المذله وتزوجينها لواحد حتى اسمه ما تعرفونه
لطيفه بنحيب / بنتي انذلت بيد غيرك وبيدك ترجع لها كرامتها وترفعنا من الذل ونقدر نواجه العالم بعيون قويه
تركي للحين مو فاهم شي
تركي باستفاهم / شلون زواجي من بنتك بهذي الطريقه يرجع كرامتها ويرفع عنكم الذل
لطيفه بصوت باكي موجع / ما سالت نفسك ليش تركنا العالم وسكنا بارض خاليه الا من الذيابه الي كل ليله تحوم حول بيتنا
تركي بجديه / سالت الرجال الي انقذني وقال انه يعاقب نفسه
لطيفه بصوت باكي / قال لك المختصر لكن بقولك التفصيل ويا ليت تسمعني وتحس باحساس ام موجوعه ومحروقه على بنتها
تركي بجديه / قولي الي عندك
وكملت بصوت كله وجع وقهر وحرقه ودموعها تنزل بحراره / الي تكلمك دكتوره استشاريه بالاورام الخبيثه كونت اسمي وسمعتي وصار الكل يشهد بشطارتي والناس تجيني من برا السعوديه
تركي فاتح فمه بصدمه / دكتوررررره
تركي ساكت وكله حماس يعرف قصتهم
كملت بنحيب / وزوجي الي انقذك اسمه مساعد اكبر مهندس بالرياض عنده شركه كبيره مسئوله عن تنفيذ اكبر المشاريع
تركي ما قدر يسكت بستغراب / ليش تركتو مستقبلكم وعتزلتو العالم الي محتاجكم
زاد صوت البكي والنحيب / بعد ما جبنا بنتنا نوره مساعد صابه مرض يمنعه عن الانجاب حمدنا ربنا على نوره وربينها احسن تربيه كبرت وصارت افضل البنات من حيث الجمال والذكاء
كبرت قدام عيونا وكل ما كبرت حبينها اكثر وزاد تعلقنا فيها اكثر صارت لي بنتي واختي وصديقتي
دخلت طب بنفس التخصص الي دخلته ومرت سنتين وهي من المتفوقات والكل يتكلم عنها باعجاب وصرنا نفتخر ان نوره بنتنا و كل ام كانت تتمناها زوجة لولدها جمال وتعليم وثقافيه وحياء وستر وحشمه حتى اظفرها من سترها ما ينشاف كانت كامله والكامل الله
كثر خطابها وهي ترفض كانت ماجله موضوع الزواج لين تخلص الجامعه وتستقر بوظيفتها
زاد نحيبها الموجع الي يقطع قلب الكافر / لكن الي ما يخافون الله ما تركوها بحالها
عند مساعد اخت ولها ولد من كبرت نوره وهو يخطبها وهي ترفض
الولد ما يعيبه شي دكتور ومستقبل وغني وكل بنت تتمناه لكنها رافضته با صرار ولا حبينا نجبرها عليه
انقهرت من اصراره بخطبتها وعلى رفضها له يرجع من جديد يخطب ومصر عليها كان شاريها لكنها ما كنت تطيق تسمع اسمه
وقبل سنه خطبها عصبت وثارت وقررت انه يسمع رفضها منها يمكن يقتنع ويشيلها من باله وباصرار منها طلعت له وقلت له عن رفضها وياليتها اكتفت بالرفض تلاسنو بالكلام ومن عصبيتها جرحته بكلامها طلع ونسينا الموضوع لكن هو ما نساه وبحقاره نسى انها بنت خاله وان يربطهم دم وقرابه نفذ خطه دمرها فيها
تركي كان بصدمه / دمررررررها
لطيفه بنحيب / هي جرحته بالكلام وهو دمرها بالفعل اخذ صورتها وركبها على صورته
ونزلت راسها بوجع / والصوره كانت بغرفة النوم بوضع مخل
وبقهر / والله ان الصوره كانت مركبة وكذبته ما يصدقها عقل الطفل لكن الخسيس حط الصور بظرف وارسلها لعمها الكبير المعروف بعصبيته لما شاف الصوره ثار وجمع اخونه ومن بينهم مساعد بيجبرونها تتزوجه ويستر عليها لكنه ركبت راسها ورفضته واختارت الموت عن زوجها منه فرو راس ابوها وطلبو منه يذبحها لانه سودت وجيهم بفعلتها الشينه
تدخلت وحلفت لهم ان بنتي انظف من الثوب الابيض وطاهره محد دنسها
صارت تبكي بحرقه / كذبوني ومارضو يسمون مني
كان حلي الوحيد ني اثبت برائتها عن طريق كشف دكتوره نسائيه عليها وبالفعل سحبتها وكشف عليها بدال الدكتوره عشر وكلهم اثبتو انها بنت وانها برئيه وطلبت منهم تسجيل كلامهم بورقه طبيه اخذتها وحطيتها قدام عيونهم لكنهم كذبوني
صارت تبكي بحرقه / قلت يمكن اذا تكلمو الدكتورات قدامهم وسموعو منهم برائة بنتي يمكن يصدقون ذليت نفسي وترجيتهم وجبتهم معي لكن اطردوهم من المجلس من غير لا يسمعون منهم حرف واحد
حشو راس مساعد على بنته وباليوم المشئوم كان الوقت المغرب سحبها من قدامي وهي تبوس رجوله تترجاه وتحلف انها مظلومه وانها تربيته كيف يصدق فيها لكن قسى قلبه وصدقهم واخذ سكينه من المطبخ وترجيته وحبيت رجوله علشان يتركها حاولت بكل الطرق امنعه واحمي بنتي منه لكنه انقلب وحش مايرحم دزني من طريقه ما رحم ضعفي وانهياري سحبها بالقوه بدون ما يسترها وطلع وقفل الباب علشان ما قدر الحقهم بعد اربع ساعات جاء وهي معه لكنها مو نوره رجعها لي مجنونه الله انقذها من بين ايدينه بعد ما اخذ عقلها
ولما رجع شغل سيارته واخذنا بنتنا وجينا هنا عشنا بالبدايه بخيمه لكن مساعد بناء بعدها هالبيت وبعد الي صار وبنتنا طول الوقت واسم الحقير على السانها شايفته بطل
تركي تاثر واوجعه قلبه على قصة بنتهم لكن ما عجبه
تركي بجديه / الي فهمته من كلامك انك تبيني اصير زوج مستعار لليله اثبت بكارة بنتكم قدام عمانها الي اتهموها
لطيفه نزلت عيونها / ايه
تركي بقهر / تتوقعين بوافقك واصير حيوان ونفذ طلبك وقدام الكل
لطيفه بانكسار ورجاء / تزوجها واثبت برائتها ومنت مجبور تعيش معها تكفى لا ترفض انت الامل الوحيد الله يستر على حريمك ولا يذوقك الحاجة والذل لحد
لطيفه حاطها يدها على قلبها تحس حياتها مرتبطه بالكلمه الي بيقولها
تركي بضيقه / لو اني بوضع غير ها لوضع مستحيل اقلل من قيمة نفسي وانفذ كلامك و تاكدي بسوي هالشي وانا كاره نفسي لكن جميلكم رابطني
ولما سمعت موفقته حست روحها ردت لها واخيرا جت الفرصه الي تحط عينها بعيونهم وتكون هي القويه
وكمل بضيقه / يا ليت تصير با سرع وقت لاني برجع لاهلي
لطيفه وقفت و بفرح / متى ما بغيت ادري ان ها لشي صعب انك تقبل فيه لكن زواجك من بنتي مؤقت وبعده كلن يروح لطريقه اذا جاء ابوها اخطبها منه وانا بفهمه كل شي وزواجك منه بيكون قدام عمانها
تركي بضيقه / يصير خير
مشت لطيفه بعد مازرعت الهم والضيقه بقلب تركي
تركي بقرف / وينها كرامتك يا تركي وانت تنفذ طلب بهالحقاره لهدرجه صرت بنظرهم حيوان
ورجع يفكر / لا تنسى ان الي بتسويه عمل انساني لوحده مظلومه وبيدك برائتها
وبصراخ / وش معنى انا يدورون عل غيري ويدفعون له ثمن نومة ليله لكن لا يمسكوني بمعروفهم
طلعت قدامه صورة نوف الي شقلبت حاله ابتسم بحرقه / من بعد ما شفتك معاد لي حاجه بالحريم وبيكون زواجي منها رد للجميل
عند طلال
كان بغرفته منسدح على سريره من بعد الي صار لبنت خاله بسبته اعتزل الناس وصار وحيد بغرفته تغيرررررر كثير ما صار طلال الاولي الدنيا سوداء بعيونه ودمعته ما تجف من الندم وتانيب الضمير ما عاد يحس لا بلذه النوم او طعم الاكل ترك شغله واهمل شكله
كاره نفسه شلون بساعة شيطان دمر انسانه اغلى عليه من روحه توقع اقل تصرف انهم يزوجونهم لبعض ما توقع السالفه بتوصل لذبح تمنى هو الي انذبح بدالها وزاده من حاله هجر امه له من بعد الي صار ما تكلمه واذا نزل بصدفه وشافته تركت مكانه ودخلت غرفتها
كل يوم يطلع من الصبح ويرجع بالليل يركب سيارته ويدور عليهم يمكن يلقاهم وبيعترف لخاله بالحقيقه
تنهد ودمعة ندم نزلت على خده / وش سويت يا طلال انت سبب بدمار نوره الي حبها كبر معي لين معاد صرت اتحمله خطبتها بدال المره عشر وبغرورها ترفضني وش يعبني علشان تكسر قلبي اااااااااااااااااه يا نوره سامحيني وينك ياخالي والله لثبت برائت بنتك قدام الكل والعقاب الي بيجيني استاهله
حس الغرفه خنقته نزل شاف امه جالسه اول ما شافت ولدها وقفت
ركض لها ومسكها قبل لا تمشي / يمه هجرك لي ذابحني دخيلك يكفي الي فيني لا تقسين علي
طالعته ودموعها على خدها / الي فيك من ايدك انت اتهمت بريه بشرفها ما خفت الي سويته يرجع لاختك ومدام اخوي غايب وبنته مظلومه يحرم علي اجلس معك بمكان واحد او لساني يخاطب لسانك وقلبي غاضب عليك
طلال بانهيار وصراخ / يمه ادري اني اذنبت وذنبي ما يغتفر لكن وينه خالي واهله علشان اعترف بعظم ذنبي
ام طلال بقهر / عندك عمانها الي ارسلت لهم صورتك معها ولا تعرف تغلط وماتعرف تصلح روح اعترف لهم ببرائة بنتهم الي ذبحوها
طلال بصراخ وصوت باكي / خالي مستحيل يذبح بنته اكيد انحاش فيها بيحميها من اعمامها
ام طلال بصوت باكي / مساعد ذبح بنته وذنب هالمسكينه برقبتك ليوم الدين انفضت يد ولدها وطلعت لغرفتها وطلال جالس على ركبته على الارض يبيكي بنحيب
سمع صوت اخته بحرقه / ادري انك تحبها وتعشقها عشت حبك لها شلون طاوعك قلبك تسوي فيها الي سويته
طلال بنحيب موجع / احبهااااااااااااااا والله العظيم احبها وحبها تمكن فيني من زمااااااان من كنا صغار
دخلت طب علشانها تقدمت لها بدال المره مرات عندي امل توافق لكن بعد ما رفضتني وسمعت رفضها بلسانها وياليتها اكتفت بالرفض الا جرحتني وقالت انها تكرهني ولو اخر واحد ما فكرت تتزوجني صغرتني قدام نفسي وخلتني استجيب لشيطاني كنت ابيهم يزوجونا لبعض مو يذبحونها
والله اني ندمان لكن معاد ينفع الندم خال هج من الديره وامي زعلانه علي
وصار يبكي بحرقه / احساس صعب انك تكون سبب موت الي تحبهم شلون بموت نوره ماتت مذبوحه ظلم يااويلي من ربي انا سبب موتها معاد لحياتي طعم احلفك بالله الي تشوفينه طلال الاولي
هند بجديه / نفذ كلام امي و اعترف لعمانها بفعلتك ودور على خالي ورجعه معزز مكرم يمكن تقدر تحس براحه
يا خوي دعوة المظلوم مستجابه اخاف تصيبك دعوه من خالي او لطيفه واذ بنتهم عايشه متاكده بكل سجده بتدعي عليك
عن شوق
وصلت بيت مبارك وقفت عند البيت الشعبي الي من برى واضح عليه انه قديم
شوق بقرف / هالبخيل عايش في بيت مثل هالبيت حتى القطاوه ماتسكن فيه
تركي متفاجئ / متاكده ان هذا بيته اخاف جاين لعنوان غلط
شوق بجديه / على وصفه بيكون هذا بيته
سمعو صوت سياره التفتت شافت ددسن يوقف عند البيت وشافت الرجال يرفع جواله عند اذنه
ثواني سمعت صوت جوالها شافت رقمه تاكدت انهم بالعنوان الصح
رفعت الجوال / احنا عند بيتك
مبارك بجديه / اجل بجي عندك اخذ الامانه
شوق بحقد / مايصلح لازم تستلمها في بيتك
مبارك باستعجال / اجل يله انتظركم
شافت مبارك يفتح بيته فتحت باب السياره ونزلت
شوق تكلم راعي التكسي / تقدر تروح وتمرنا بعد ساعه
السواق بجديه / خذو رقم جوالي لو كنت قريب بمركم
تركي اخذ رقم جوال السواق نزل وفتح الباب الخلفي شال الشناط مشى واخته معه فتحت
الباب وقبل لا تدخل حطت شنطتها على كتفها
وبجديه / اترك شنطتك جنب الباب واذا طلبت منك طلب تنفذه بدون ما تناقشني هذا الي باع امك وزوجها غصب عنها لازم ناخذ حقها منه ولازم تقوي قلبك الاشكال هذي الطيب ماينفع معهم
تركي هز راسه موافق على كلام اخته
دخلو البيت تركو الباب وراهم مفتووووووح
البيت من داخل قديم ويصلح متحف شافت مبارك واقف
قربت منها / السلام
مبارك وعيونه تتفحص الرجال الي قدامه
ومستغرب انه متلثم باستعجال / وعليكم وينها الامانه
فتحت شنطتها وطلعت عصى كهربائيه ومسدس
مبارك انفجع وهو يشوف المسدس
شوق رفعت المسدس بوجهه وبصراخ / يا الخسيس تبيع وتشتري في امي تضن ان ما وراها احد
مبارك برعب / من انت
شوق بعصبيه / كم وحده بايعها
مبارك بصدمه ورعب / انت سالم ولد نوف
شوق بعصبيه / طلع الفلوس الي بعت امي فيها ولا طلعت روحك
مبارك برعب / امك زوجتها والي قايل لك اني با يعها كذاب
شوق بصراخ / تركي ادخل وقلب البيت واي شنطه تشوفها جيبها اكيد خاش فلوسه فيها ها لاشكال ما يحط وفلوسه بالبنك يخاف البنك يسرقه
تركي دخل وشوق تنتظر مبارك بحق د / والله لاطلع كل الي سويته بامي قولي كم دفع لك الزفت زوجها
مبارك برعب وهو يشوف شوق تتقدم منه والمسدس بيدها اوعيونه مركزه على فتحت المسدس خايف تنطلق رصاصه وتذبحه وبخوف / ما دفع شي
شوق بصراخ ومدت بوجه العصا / شكلك ماتعرف شنهي هالعصاء هذا عصاء كهرب بكهربك فيها بعدد كل فلس اخذته ثمن لامي
وبصراخ فجر طبلة مبارك / ام سالم ما تباع يا لخسيس
صارت شوق تتقدم ومبارك يرجع وراء وينتفض من الرعب لين لصق بالجدار وما يقدر يهرب
مبارك لما شاف مافيه مفر
بتمسكن / يا ولدي لا تنسى اني خالك وشايب وما يجوز الي تسويه فيني
شوق بصراخ / والي سويته بامي باي شرع يجوز
شوق حطت العصى على كتف مبارك / خذها مني وانا شوق بنت ناصررررررر
شغلت العصى ومبارك انتفض من لسعة الكهرب وصار يتوجع
سمعت صوت اخوها / شوق لقيت هالشنطه فتحتها شفتها مليانه فلوس
استغربت شنطه كبيره مليانه فلوس وعايش بالخرابه
شوق هاتها عندي بخلي هالبخيل يوقف قلبه وهو يشوف فلوسه قدام عيونه تحترق
تركي تقدم بالشنطه شوق / حطها هناك علشان يسهل علي حرقها
مبارك دقات قلبه سريعه فلوسه الي جمعها سنين بطير بلحطه
مبارك برجاء / سو فيني الي تبيه لكن لا تحرق فلوسي
شوق بسخريه / لا تستعجل بسوي فيك الي بيبرد قلبي وفوقه بحرق فلوسك وبحرق قلبك مثل ما حرقت قلب امي وحالفه ماطلع لين اشوفك تبكي مثل ما بكيت امي
شوق وعيونها على تركي / دور شي في بيت هالشايب نقدر نربطه فيه
تركي وعيونه على غترة مبارك / مايحتاج نربطه بغترته
شوق بجديه / اربط الشايب وانا بفتح الشنطه
مبارك بضعف / يولدي حرام عليك هذا شقى عمري حرام
شوق بعصبيه / الا حلال فيها الحرق
وبصراخ / عطني رقم امي بكلمها
مبارك بضعف / بعطيك رقم بيتها لكن لا تقرب لفلوسي ارجاك يولدي ارحم شيبتي
رمت جوالها على اخوها / سجل الرقم بالجوال
بعده
سجل رقم بيت ركان و ربط يدين مبارك بالغتره وحطه قدام شوق
فتحت الشنطه وشافت افلوس منثورها حتى الريالات موجوده
شوق بسخريه / شكلك تجمع الريال على الريال غريبه ما شفت قروش ليكون تبلعهم تخاف تنسرق
شوق بقسوة / تركي هات كبريت او ولاعه
مبارك بصراخ / لا احرقني ولا تحرق فلوسي
تركي دخل وجاب معه كبريت مده على شوق الي اخذته منه
شوق بعصبيه / تركي اخذ جواله من جيبه واتصل على زوج امي ابيه يجي علشان يرص جنبه ويصير العقاب جماعي
مد تركي يده لجيب مبارك وطلع الجوال ومده على شوق
شوق بعصبيه / وش اسمه الحقير
مبارك وعيونه على فلوسه الي بيد شوق / اسمه ركان
صارت تقلب با لارقام شافت رقم ركان
عند ركان
كان بيركب سيارته مع صقر شاف رقم مبارك
ركان بحقد / اخيرا اتصل الجبان
صقر بستغراب / من الجبان
ركان بجديه / مبارك الحقير
صقر بحقد / جت وجابها ربك خلنا روح نتفاهم معه
ركان بجديه / خلني ارد على اتصاله اشوف وش عنده وبعده لي تفاهم معه
رفع الجوال / الوووووو
شوق بعصبيه / يالحقيرررررر تعال لبيت مبارك مانتظرت رده قفلت الجوال بوجه
ركان منصدم / واحد متصل يقول عني حقير ويبيني في بيت مبارك
صقر بصدمه / من يكون وليه متصل عليك من جوال مبارك
ركان بجديه / علمي علمك ما ضنتي بيجي من وراء مبارك خير
ركب سيارته وركب صقر جنبه
عند شوق
بعد ما قفلت الجوال بوجه ركان اخذت عود من الكبريت ولعته على عين مبارك الي يتامل حركتها وقلبه بيوقف من الرعب وبعده طفت الكبريت ورجعت ولعت واحد ثاني وطفته بدون ماتحرك فبوسه بحركتها بحرق اعصابه
شوق عيونها على مبارك وشافت عرقه يتصبب
بقوة / تركي احفر حفره بنشب بفلوس الشايب ونتدفئ فيها
وصار يحفر بالحوش الي كله تراب بعد ماخلص حط كل الفلوس الي بشنطه فيها
مبارك حسن نفسه يضيق وروحه بتطلع وهو يشوف فلوسه بالحفره استعداد لحرقها هذا موت بطي لمبارك
اخذت شوق 500 وفردتها قدام عين مبارك ولعت فيها ورمتها على باقي الفلوس وصارت تحترق ومبارك روحه اخترقت وصار يبكي بحراره
مبارك باستعطاف / حرام تحرقها ترها نعمة ربك
شوق بسخريه / ماشفتك استفدت بنعمة ربك وضنتي حتى زكاة ما تزكيها
عند ركان
وصل لبيت مبارك وللحين منصدم من المكالمه ومن الشخص الي كلمه شاف الباب مفتوح وجنبه شنطه
ركان بستغراب / الباب مفتوح لمن هالشنطه
صقر بجديه / اكيد اذا دخلنا بنعرف سالفة الشنطة وسالفة الي كلمك
دخلو بهدوء شافو رجال معرضهم جنبه متلثم ومعه بزر وانصدم وهم يشوفون نار شابه بوسط الحوش شاكلهم يحرقون شي ورفعو نظرهم وانصدمو لما شافو مبارك مربوط منهار يبكي ويصارخ ويترجئ الرجال الملثم الي واضح مستمتع بنهيار مبارك
ركان بصوت واطي / تشوف الي اشوفه
صقر بصدمه / هذا وش بينه وبين مبارك ليش مربطه بهالشكل
ركان بجديه / شكله يحرق فلوس الشايب كان شوف مولع 500
صقر بفرح / تسلم يده الي احرقت فلوس الشايب البخيل خله وسوى فيه الي بخاطري اسويه
ركان قرب منهم و بصوت عالي / يا لاخو وش قاعد تسوي وليش مربط الرجال
التفتت شوق لجهة الباب شافت رجالين تاكدت ان واحد منهم زوج امها / من فيكم ركان الزفت
ركان بعصبيه / عدل الفاظك ومعك ركان
شوق بسخريه / اووووف طلعت خواف جايب معك لوح يحميك
صقر بصوت واطي بسخريه / كلامه فيه اهانه لي
ركان بسخريه / الاهانه وصلتني قبلك قال اني حقيررر
تقدم صقر وعيونه تتفحص شوق وماعجبته مياعته وبصوت عالي / ما بقى الا الخكاريه يتطاولون علينا قول وش عندك
شوق وعيونها اطالع ركان من فوق لتحت وبقرف / وطلعت بزر توقعتك اكبر من كذا
ركان بعصبيه / الظاهر انك ما تشوف ابعد من خشمك ما البزر غيرك يا لخكري
شوق بعصبيه / يا ليت تواجهني بدون ظلك الي جايبه معك يا لجبان
صقر بعصبيه / لو رجال ارفع اللثمه وعرفنا من تكون
شوق بعصبيه / يا ليت تنطم ما بيني وبينك كلام كلامي مع الي واقف جنبك
صقر بيتقدم بيضرب شوق لكن ركان مسكه بيده
ركان بعصبيه / صقر اتركني معه وبشوف وش يبي
شوق بجديه / اصبر شوي ما كتمل عقابي لشيبه اذا خلصت جاء دورك
عند صقر بصوت واطي / الخبل متفرعن شايف نفسه والي بيده مسدس لعبه
ركان بستغراب / شلون عرفت
صقر بابتسامه / الخبل ناسي ورقة السعر ما تشوفها تلمع
ركان بجديه / شكل فيه مرض بعقله
صقر بجديه / زين ربي سلط على مبارك هالمجنون بيسوي فيه الي ماسواه العاقلين
شوق صدت عنهم رجعت عند مبارك وبيدها رماد
وبقسوة / اكيد مبسوط وانت تشوف الفلوس قدامك تحترق
ورمت الرماد على وجهه / خذا الرماد لذكرى
قولي كم لسعه لسعتك بالعصى وكم باقي
ولا وش رايك اكهربه لين يخيس جلدك
رجعت وحطت العصا على كتب مبارك وشغلتها ومبارك ينتفض مثل الطير المذبوح وكررت الحركه اكثر من مره قدام عيون صقر وركان الي منصدمين صار يصارخ بصوت عالي موجع
شوق بقسوة / صارخ محد بفاكك من يدي ما جابني موجوعه من الرياض غيرك ذوق قهري وانا ادري بسواتك في امك
ركان انصدم وهو يشوف العصى / هذا شكله بالمباحث ولا كيف وصلت له هالعصاه
صقر بصدمه / شكله استغل شغله اسوى استغلال ما يدري ان فيه عقاب لمن يستخدام الاسلح
ه الي مؤتمن عليها لا غراض شخصيه
ركان وعيونه على مبارك الي ينتفض من لسع الكهربا
ركان برحمه / مارحم الشايب وهو ينتفض قدامه
مشى من قدام صقر بينقذ مبارك من شوق لكن صقر مسكه
صقر بوناسه / والله ما تتقدم وانك ما تحميه من الرجال السنافي والله ان صراخه مثل البلسم على قلبي
ركان باصرار / ماني عديم احساس مثلكم ما قدر اسمع صراخه وجعه ومساعده وفكه من يد ها لمجرم
صقر وهو ماسك يد ركان / خل احساسك المرهف بوقت ثاني لا تخرب علي استمتاعي
ركان باصرار / لا والله ما تركته يكمل على الشايب يكفيه انه حرق له فلوسه
انفلت من يد صقر واستغل انشغال شوق وحاوطها من خصرها وسحبها متفاجئ من نعومه وليونة الجسم الي ماسكه
وشوق انتفضت من مسكت الرجال الغريب
وتركي تفاجئ من حركة ركان وقف مبلم
شوق تحاول تتفكك وتتخلص من قبضت ركان لكن بدون امل
شوق بعصبيه وصراخ / هدني يا لجبان ما قدرت تواجهني من قدام جايني من خلف
ركان بصراخ / صقر فك مبارك ومسك الولد وركبه سيارتي
ركان سحب شوق بقوه وشوق تحاول تتخلص من ركان وصارت تركله برجلها لكن ركان صامد بدون ما يتاثر من ضربها وكانها تضرب بجدار ما يحس استسلمت ومشت معه وصل لسياره قفلها بقفل الحمايه بعده ركبها وراء وركب جنبها ويده ماسكتها بقوه شوق داخلها مولعه قهر
شوق بعصبيه / انت هيه فك يدي تطمن ماني بهارب مو جبان مثلك
ركان بسخريه / وش تقول مبسوط بمسكتك ما يطاوعني قلبك اهدك
صدت بوجها لجة شباك السياره شافت اخوها شايل شنطتها وشنطته ويمشي بهدوء وراء صديق الغثيث الي جنبها
ركب تركي جنب ركان من الجهه الثاني وركب صقر قدام وحرك سيارته بطريقه لشرطه
عند مبارك
بعد مافكه صقر ركض لنار يحاول يلحق على فلوسه دخل يده بوسط النار لكن ماطلع بيده الا جمر ورماد وصار ينثر الرماد بشكل هستيري
ويبكي ببحرقه ويصارخ بجنون فلوسسسسسسسسسسسي راحت فلوسسسسسسسسسي ااااااااااه فلوسسسسسسسسي وبصوت اعلى / حسبي عليك الله يحرقك مثل ما حرقت فلوسي شقى سنيني
عند شوق
متضايقه من مسكة ركان لها وشوي يجلسها بحضنه صارت تقرص جنبه تبيه يفكها لكن بدون فايده وركان يحس جنبه تقطع من قرصتها لكنه يمثل عدم الاحساس وهو يتوجع وبعناد شدد مسكته ليدها حتى حست يدها بتنكسر بيده بخاطرها تفك اللثمه وتعضه لين يفكها غصب زادت قرصها
لو دققت بوجه ركان لمحت الالم والوجع بوجه حس انها حفرت جنبه من قو قرصتها لكنه مثل البرود وقرر يفهم منه ليش كل هالحقد عليه يجهل هويته شاك انه من المجرمين الي كان يحقق معهم لكن انتقامه لمبارك ينفي شكه
ركان بجديه / ليش كل هالكره وكاني ذابح ابوك ياليت تفهمني وش بينك وبيني وبين مبارك واذا كان بينكم شي اسلوبك اجرامي المفروض تشتكيه لشرطه مو تنتقم منه تظن الدنيا سايبه مافيه قانون يحميه منك
شوق بحقد / ما اكتمل انتقامي كان بخاطري انهيه فيك لكنك جبان ما قدرت تواجهني
ركان بسخريه / شكلك مصدق عمرك ترى بنفخه مني تطير لا تظن تصرفك مع الشايب يعتبر بطوله وتشوف نفسك عنتر زمانك
شوق بسخريه / ابي افهم انت مو مقفل باب السياره من بر ليش لاصق فيني بعد عني بنزل اجلس جنب اخوي
ركان انتبه لصوت الانثوي وبعصبيه وقرف / انت ما تستحي تتشبه بالحريم اصطلب وصير رجال
شوق صارت تنعم صوتها اكثر / كيفي ابي اتشبه بالبنات اذا مو عاجبك يا ليت تحط نفسك تحت كفرة سيارة خويك يمكن بعدها ترضى
ركان كاتم ضحكته من الفاظه واسلوبه على كثر المجرمين بعمره مامر عليه مجرم يوسع الصدر مثله
صقر بعصبيه / ناس ما ينعرفون هم بنات ولا عيال الله يطهر الارض من اشكالكم
شوق بعصبيه / يطهرها منك ومن خويك يا مصاصين الدماء
صقر بسخريه / ركان تصدق صرنا مصاصين دماء شكل فيه واحد ثقيل طينه يبينا نمص له دمه
وصل صقر عن باب المركز / وصلنا يالخكري ورنا شجاعتك
نزل صقر وفتح الباب لركان الي ماسك ذراع شوق بقوة وشوق تحس بالقرف / فكككككككككك يدي
ركان بسخريه / اذا دخلنا ابشر بحط بدالها كلبشات
دخل ركان مكتبه وشوق بيده
فك يد شوق وجلس على مكتبه / ممكن تقول الي عندك قبل ادخلك السجن
شوق بشهقه / سجن
ركان بسخري / ليه يا حبيب ماما تتوقع الي سويته عادي ما يعاقب عليه القانون
شوق برجاء / طيب ممكن اكلم امي تجي اطلعني
ركان بسخريه / مدامك ولد الماما ليش طلعت من حضها وسويت نفسك رجال
شوق ما حبت تكشف شخصيتها عند ركان ما تبيه يتشمت فيها قررت تواجه بامها
شوق بحقد / بلاها طولة اللسان لا تستقوي علي بوظيفتك
ركان بجديه / على ذكر الوظيفه وش تشتغل
شوق بسخريه / حرامي وسفاااااااح
ركان بستغراب / من وين لك العصى
شوق تناظره بسخريه / ذبحت ضابط واخذت عصاه وعقبال غيره
ركان بسخريه / ما ضنتي انك تقدر تذبح نمله بتذبح ضابط وبعدين ليش ما تفك الثام بشوف الوجه الحلو
شوق بسخريه / ليكون الثام تهمه يعاقب عليها القانون
ركان بسخريه / الرجال ما يخش وجهه عن الرياجيل
شوق بقرف / ما شوف قدامي رياجيل
ركان بعصبيه / عليك لسان يبي له قص
شوق بحقد / قبل لا ينقص بنقص لسانك وفوقه يدك
وصرخت بوجه / ممكن التلفون وممكن تعطيني وصف المركز
ركان بقرف / هذا التلفون قدامك وحنا بمركز شرطه ال ........ كلم امك براحتك وانا عند الباب
طلع ركان يتاكد من وصول صقر شافه يمشي ورها تركي
عند شوق
تذكرت ان جوالها مع اخوها طلعت شافت ركان يتكلم مع صقر
شوق وعيونها على ركان باحتقار / هيه ممكن اخذ جوال اخوي اتصل منه
صقر بعصبيه / محد علمك احترام الي اكبر منك
شوق بقرف / الاحترام لغيركم اخلصو ابي اكلم
ركان وعيونه على تركي / عط اخوك الجوال شكل اليوم يا ذابح يا مذبح والسبب اخوك
شوق بحقد / ا ن شاء الله انك انت المذبووووح
اخذت شوق الجوال ودخلت وتركي واقف بعيد عنهم
صقر / هالبزر نافخ ريشه على شنووووو
ركان بسخريه / على تفرعنه وطولة لسانه طلع خيخه لما سمع ان السالفه فيها سجن انتفض وطلب يكلم امه تجي اطلعه
صقر بجديه / من شفته وانا ما خاب ضني قايل انه خكري ولده امه وطلع كلامي بمحله
ركان بجديه / عليه غرور وشوفت نفس صرنا قدامه صرصير مو اوادم
صقر / هههههههههههه لاتنسى انه قال
نعم صوته ويقلدها / مصاصين دماء وربي اشتهيت اشرب دمه
ركان بجديه / تتوقع وش بينه وبين مبارك
صقر بجديه / على ثقالت دمه وسلوبه الزفت لكنه برد قلبي بامبارك تمنيتنا متاخرين كان تلقاه حاط مبارك فوق فلوسه وحارقهم
ركان بستغراب / الي بعرفه وش بيني وبينه ليش حاقد علي كل هالحقد الي يسمعه يقول بينا ثار
صقر بجديه / ليش ما قالك وش بينه وبينك
ركان بجديه / الولد مو شايفني شي علشان يجاوب على اسئلتي
صقر برجاء / خلني احقق معه وربي لانسيه غروره وشوفت نفسه وبخليه يحب رجولنا علشان نطلعه
عند شوق
لقت رقم مسجل بدون اسم اتصلت على بيت ركان
في بيت ركان
كانت نوف نايمه سمعت الشغاله صوت تلفون البيت رفعته
شوق بجديه / الو
الشغاله / من معي
شوق بجديه / نادي مدام نوف قولي بنتك شوق على التلفون
حطت الشغاله السماعه على جنب ومشت طقت الباب على نوف
عند نوف
كانت نايمه ازعجها صوت الباب وقفت وفتحته بعصبيه شافت الشغاله
نوف بعصبيه / خيرررر
الشغاله / بنت انتي شوق على التلفون
لا شعور مالقت نفسها الا ماسكه سماعة التلفون وترد
نوف بلهفه ودموعها على خدها / الو
شوق بصوت باكي / يمه انا شوق
نوف بصوت باكي / ياروح امك اخيرا سمعت صوتك شخبارك واخبار اخوانك
شوق بصوت باكي / يمه انا بالجنوب وبالشرطه اخذت حقك من مبارك
نوف برعب / ياااااااويلي ذبحتيه
شوق بقهر / ياليت ذبحته وذبحت زوجك معه يمه ما عندي وقت انا بشرطة ال ......... ياليت تجين اطلعيني
نوف برعب / مسافة الطريق وبكون عندك
قفلت من بنتها وركضت لغرفتها لبست بنطلون ساتر ووبلوزه طويله ولبست حجابها وطلعت من البيت تمشي بالشارع العام وقف لها تكسي وقالت له العنوان و باقل من عشر دقائق كانت واقفه قدام الشرطه نزلت وكلمت السواق
نوف بجديه / انتظر بترجعني
نزلت ودخلت وقلبها عند بنتها مشتااااقه لها وخايفه من تهورها
صارت تمشي من غير ما تدري وين بتلقاها انصدمت وهي تشوف ركان من بعيد اتفاجئت وهي تشوف احب مخلوق لقلبها ولدها تركي قربت منه وسحبته لحضنتها وصارت تبوسه بحب وحرمان ودموعها غرقته وتركي الصدمه الجمته عن الكلام صار يبكي بحضن امه
عند ركان
انصعق وهو يشوف نوف داخله وانصدم اكثر وهو يشوفها تحضن الولد الي كان معهم تاثر بالموقف الي قدامه
عند ركان وصقر
صقر وعيونه على نوف / ركان بديت افهم السالفه
ركان بقهر / انا فهمتها وخلاص هذولا عيال نوف والي صار انتقام لامه من الي سواه خاله فيها
صقر باعجاب / سلمت يد ربتهم والله لو داري انهم عيالها ما طاوعتك وجبتهم هنا
ركان بضيقه / لو داري من الاساس انهم عيالها ما جبتهم هنا كان اخذتهم عند امهم
عند نوف
بعدت تركي عن حضنها وجها غرقان دموع وشافت الدموع مغرقه وجه ولدها مدت يدها وصارت تمسح دموعه بحنان / شلونك يمه مشتاقه لكم
تركي ودمعه تنزل بحراره / يمه ليش تزوجتي وتركتينا
رجعت وسحبته لحضنها وضمته بقوه بطفي لهيب شوقها لهم / فيه وحده تقدر تترك روحها انتم روحي يا بعد روحي امسح دموعك وتاكد يا عيوني مستحيل انساكم او اتخلى عنكم كلها ايام وبنجتمع مثل اول في بيت واحد
رفع نفسه وبفرح / صدق يمه بنجتمع مثل اول
نوف بجديه / وعد بنجتمع مثل اول ومدامكم جيتو لعندي مستحيل اسمح لكم ترجعون
الا وينها اختك
تركي بحض امه / داخل بالغرفه وزوجك هو الي جايبها
نوف بعدت ولدها عن حضنها بصدمه / زوجي
تركي اشر على ركان وفهمت انهم يظنون ان ركان زوجها تبي لوصلت البيت تعرفهم على لضاحي
انقهرت من ركان شلون يتعامل مع عيالها بهالطريقه يجيبهم لشرطه وبحياتهم مايعرفون طريقها
قربت من ركان وبعصبيه / ما هقيتها منك يا ركان تستضيف عيالي بالشرطه وفوقه تستقوي على بنت
صقر
من دخلت نوف وعيونه ما قدرت تصد عنها وصار غصب يتاملها
صحاه صوت ركان العالي باحراج / والله مادريت انهم عيالك لو داري ما جبتهم هنا اخذتهم معي لبيتي واكرمتهم لكنهم الله يهداهم ماقالو لي من يكونون
نوف بعصبيه / وش سويت في بنتي يا ركان
ركان بعدم استيعاب / ما شفت بنات ولدك الثاني بمكتبي
نوف بعصبيه / بنتي مكلمه من هنا وطالبه مني اجي وهي الي عطتني العنوان
ركان بداء يستوعب ان الخكري الي متلثم بنتها
ركان بجديه / تعالي معي شوفيها وتطمني اني ما سويت لها شي
دخل ركان مكتبه وعيونه على شوق
ركان بنفسه / معقول هالمغرور و طويل السان تكون بنتها
دخلت نوف وره اول م اشافتها شوق فزت من الكرسي وركضت ورمت نفسها بحضن امها وصارت تبكي بحرقه
ركان واقف يتاملهم / والله وطلع حساس ويبكي
شوق بصوت باكي / يمه لما دريت بالي سواه مبارك فيك ما قدرت اقعد دقيقه واخذت حقك منه
رفعتها من حضنها وبصوت باكي / يا روح امك ذبحني الشوق لكم
شوق بصوت باكي / بنتك اخذت حقك من مبارك ومستحيل يقرب منك ولا يعيد الي سواه فيك باقي الزفت زوجك مستحيل اتركه
ركان وعيونه على نوف بصدمه / الي حاضنته ولدك ولا بنتك
نوف طالعته بابتسامه وغمزت له فهم من غمزتها ا ن الي بحضنها شوق بنتها
ركان في نفسه / ياويل حالك ياركان كنت ماسك بنت ومتشبث فيها \والله ما تصورت ولا واحد بالميه ان بنت الانسانه المسالمه الطيبه تطلع بالقوة والشراسه
صحى من تفكيره وهو يسمع صوت شوق
شوق انتبهت ان امها بدون عبايه / يمه انتي بالسعوديه شلون جايه بحجابك وينها عباتك ونقابك
نوف تضربها على راسه / وانتي وينها عباتك ولا كلامك ما ينطبق عليك
شوق بابتسامه / عباتي نزلتها بالمطار وثوب سعود وسيع علي ومتلثمه كاني لابسه نقاب
ركان مستمع لكلامهم وهو مازال بصدمته
سحبت نفسها من حضن امها وقربت من مكتب ركان
شوق وعيونها على ركان تقيمه وبسخريه / تبيني اقول لك عمي مو يقولون زوج امي نقول له عمي والله ومبارك طلع عنده ذوق واختار لك زوج كله جمال وشباب وفوقه وظيفه ترفع الراس اول مره اصدق ( ان حاميها حراميها )
التفتت لامها ورجعت تناظر بركان بحقد / تدرين يمه بخاطري يكون في يدي موية نار ورشها على هالوجه المزيون يمكن بدال لا يصير ضابط يصير شحاذ ومحد يطالعه
نوف بصراخ / شوووووووووق
شوق وبنظرات كلها حقد / لا تظن امي بتشفع لك عندي بسوي فيك اقوى من الي سويته بمبارك
ركان منصدم من الكلام الي تقوله وفهم انها تضنه زوج امها
ركان وعيونه على نوف / اخذي بنتك وسبقوني لسياره
شوق بصراخ / خذاك عزرائيل قول امين
نوف بعصبيه / شوووووووق احترمي الرجال اكلتيه
شوق بعصبيه / اكله اسد ان شاء
نوف تفشلت من تصرف بنتها سحبتها بيدها وطلعت من مكتب ركان شافت تركي واقف
نوف بحب / حبيبي يله بنطلع للبيت
نوف حضنت كل واحد بيد وطلعت برا
عند ركان
بعد ما طلعت شوق صار يضحك بهستيريااااااا /هههههههههههههههههههههههههههههههه وطلع دمهااااا خفيف
دخل عليه صقر / ليكون انجنيت بسبته
ركان بابتسامه / تدري ان الولد الخكري طلع بنت
صقر جلس بصدمه / بنت بنت
ركان بابتسامه / هذي بنتها شوق
صقر بصدمه / اووووووووف عروس المستقبل وكنت متمسك فيها شلون ماشكيت انها بنت تعرف نعومة البنات غير عن خشونتنا
ركان بسخريه / الي يسمعك يقول متعود على مسكت البنات توقعته خكري لكن تكون بنت للحين منصدم وماني بمصدق
صقر بجديه / نعمة من ربي انك شفتها قبل لا تتوهق بزواجك منها
ركان باعجاب / عاجبتني ودخلت مزاجي بالاول كنت متردد بزواجي منها لكن الحين معزم اتزوجها
صقر بسخريه / البنت امطرت عليك بالسب والكلام القاسي وانت بتتزوجها
ركان بهيام / تعرفني احب الحرمه القويه ما حبها تكون ضعيفه و فوقه يبي لها كسر راس ومحد بكاسره راسها غيري
صقر بسخريه / متاكد انها هي الي بتكسر راسك البنت قويه وفوقه جريئة من يصدق انها بنت الانسانه المسالم كذب الي قال ( اقلب الجره على فمها تطلع البنت لامها ) الي شفتها دناصور
ركان بجديه / امها تقول يجيها خطاب وتنحشهم
صقر بسخريه / مدام هذا السانها اكيد بينحاشون هذي وجها مو وجه زواج هذي تصلح مجرمه يا كافي من لسانها متبري منها ماسلمنا من لسانها
ركان بابتسامه / متشوق اخطبها واشوف شلون بتنحشني
صقر بعصبيه / مستحيل اسمح لك ترمي بنفسك لتهلكه
ركان باصرار / مستحيل افرط فيها هذي فيها مواصفات فارسة احلامي
صقر بسخريه / الا فيها موصفاة حمارة القايله الي يخوفون فيها البزارين
وقف ركان / هههههههه بوصلهم للبيت وانت دبر لك احد يرجعك
عند شوق
واقفه مع امها عند سيارة ركان وطفشانه من تاخره
شوق بعصبيه / الزفت وين ذلف
نوف بعتاب / ماسمح لك تسبينه تراه غالي عندي كثير
شوق اطالع امها بطرف عينها / صرتي محاميه لحضرته
نوف بجديه / يستاهل اني ادافع عنه ماشفت منه الا كل شي زين
شوق بتعب / ابي انام قبل لا ارجع
نوف برعب / والله ما ترجعون ما صدقت افرح بشوفتكم
شوق بضيقه / يمه لا تحلفين جايتك ومحد يدري عني ولا تنسين خواني هناك بحاجتي
نوف باصرار / من بيتي منتم بطالعين واخونك بيرجعون لي مثل ما رجعتو لي
وبابتسامه / ما تبين تشوفين اختك الي تمنيتيني اجيبها
شوق بحب / شلون نسيت اختنا الجديده الا وش اسمها
نوف بابتسامه / شادن يعني اقتنعتي تجلسين عندي
شوق بحقد / اذا جلست عندك فيه خطر على حياة زوجك يمكن تترملين للمره الثانيه
نوف بابتسامه / زوجي لعرفتيه بتحبينه
شوق بقرف / حبته جنيه
عند ركان
وصل عند سيارته وشافوهم واقفين ينتظرونه فتح الباب
ركان باحترام / السموحه اني تاخرت عليكم
شوق بعصبيه / اخلص افتح سيارتك لحرقها لك مثل ماحرقت فلوس مبارك
نوف بشهقه / حرقتي فلوس مبارك
شوق بجديه / يحمد ربه اني ما حرقته
فتحت باب السياره وركبت وراء مقعد ركان و امها جنبها وتركي جلس قدام
نوف بحماس / وش صار عليه وهو يشوف فلوسه تحترق
شوق بقرف / شتتوقعين من بخيل يشوف فلوسه تحترق قدام عيونه
من سمعت خبر زواجك وبيع اخوك لك حلفت لبكيه واقهره مثل ما قهرك لكن ماكملت فيه والبركه في بعض الناس
رفعت عيونها وتقابلت عيونها بعيون ركان كان يطالع بالمرايه واذنه عندهم
وكملت بحقد / وعقبال الي في بالي وقرررررريب ان شاء الله
شافت ابتسامة ركان الواضحه بعيونه وفهمت ان هذا تحدي وتقليل من قدرها
شوق بتسمع ركان / يمه سمعتي المثل الي يقول النار من صغار الشرر
نوف مستغربه / غريبه شطحتك شوق وش داخل نار وشرر
شوق / تعرفين شطحاتي وبصوت عالي / يمه برجع وباخذك معي مكانك بين عيالك
ركان سمع الكلمه ضرب بريك بسرعه وهو خايف نوف تستجيب لبنتها الي واضح قوتها
شوق ضرب راسها بكرسي ركان وبعصبيه / الله ياااااااخذك مدامك ما تعرف تسوق كان قلت لي اسوق بدالك والله الخبل الي معطيك رخصة سواقه
ركان بخوف / ليكون تعورتي
شوق بعصبيه / ادري انك قاصدها و ياليت تنتبه لطريق اذا عايف حياتك احنا نبيها
ركان حرك السيار وبعصبيه / ساكت عنك احترام للي جالسه جنبك
نوف با احراج / امسحها بوجهي ركان شوق ما تثمن كلامها
شوق بعصبيه / كل كلمه اقصدها وياليت تصير رجال واطلق امي لانك لو ما طلقتها بدال ماتصير مطلقه بتصير ارمله وعليك الاختيار
ركان بسخريه / منتي بصاحبة الشان علشان تتكلمين على لسانها
شوق بعصبيه مدت يدها وضربت راس ركان بيدها بقوةةةةةة / بطلقها غصب عنك وعن الي جابوك
ركان اوجعته ضربتها المفاجئة وقف سيارته على جانب الطريق والتفت لها وعيونه كلها شرر ومسك يدهااااااا ولوها بقوتها سمع صوت طقطقته ومتاكد ان يدها انكسرت
وبصرررررراخ / شفتينا سكتنا عن لسانك الطويل تتويقحين وتمدين يدك هذا الي مستحيل اسكت عنه الرياجيل مايتجروءون يمدون اصبع بوجه ركان ضاحي تجين انتي تمدينها
نوف من كثر احراجه تمنت تختفي تعرف لو جادلت شوق بتزيد وبتنتظر لوصلت البيت بتتفاهم معها
شوق سحبت يدها من يد ركان بقوه من الوجع ودها تبكي وتصااارخ لكنها مثلت القوة قدام ركان ما تبيه يتشمت فيها حطت يدها لموجوعه بحضنها
ركان التفت ومركز نظره عليها وعلى فمه نص ابتسامه بيتشمت فيها لكنه تفاجئ من صلابتها متاكد ان مسكته القويه تكسر يد اشجع الرجال شلون بيد شوق الناعمه
ررجع عيونها لقدام وحرك سيارته بهدوء
نوف بعصبيه / شوق ترى الي كليته مو زوجي
شوق بصدمه / شلون مو زوجك ومبارك قايل ان ركان زوجك وهو الي معطيني رقمه
نوف بجديه / اذا جيتي البيت بتتعرفين على زوجي
شوق بحقد / والزفت زوجك جالس بالبيت وتاركك تطلعين لحالك ويعرف انك ما تدلين واكيد بتضيعين صدق حقيرررررررر
ركاان التفت لها وعيونها كلها شرر وبعصبيه / انطممممممممي ولا كلمه الا زوجهاااااااا ما سمح لك تغلطين عليه بحرف
شوق بسخريه / يمه خوووووووووفتني
نوف برجاء / شوق علشان خاطري اسكتي ورحمي الرجال من لسانك اذا وصلنا البيت بفهمك كل شي
استجابت لكلام امها وحاولت تشغل نفسها وتراقب الطريق من الشباك الي جنبها
لنا لقاء باذن الله الاسبوع الجاي
اختكم نسايم نجد
|
17-07-11, 02:25 PM
جديد مواضيع قسم الارشيف
العرض العادي
