بصراحة اذا بنتكلم عن المشكلة في كل شخصية
انا ما اقصد اقيم الرواية انا بس حبيت اناقش وكلنا اناقش
تصرفات الشخصيات في الرواية بحيث كل حد يعطي رايه
في الشخصية وكيف المفروض يتصرف هذه المواضيع الي
تخص المجتمع تعيبني وتخليني اتخيل لو كنت انا هالشخصية كيف
بتصرف فمثلا الي يقولو انه عادي انه الواحد يتزوج على حرمته وحدة
ثانية بالنسبه لي لا ولا والف لا و ما تتخيلون كيف احس بكره شديد
اتجاه هالاشخاص لان انا اشوف ان الشرع صح حلل اربع بس وقت
الحاجة او مشكلة او اي سبب مقنع مب عسب الرفاهية واللعب
وبصراحة اشوف ان 96% بالميه للوناسه والرفاهية وغيرهم ينقهر
وينجلط والشرع يوم حلل تعدد الزوجات كان ليه اسباب مقنعة جدا
لان اولا كان الناس يحتاجون التعدد لان الحريم يقومون بكل شي
والرياييل كاننو يسافرووو بالاسابيع والاشهر وغير كذا الاهم يعددون
عسبب كثرة الانجاب لان اول كانو قبايل متفرقه وقلليله وبعدين عسب
تقوية الامة الاسلامية بس الحين كل شي غير الحين حتى العدل ما
حد يقدر عليه هالايام لان العيشه غير واسلوب الحياه غير وتفكير الناس
تغير بشكل كبيييييير والالتزاامات كثيرة شو اقول بعد بس صدق صدق
و جد جد الزمن الي نحن عايشينه لا يستحمل التعدد و الا اذا احتاج وللضرورة
واخيرا حرااام ليش تحرقون قلوبنا نحن البنات وتتزوجون علينا راعو مشاعرنا والله
ان قلبي يتقطع يوم اسمع عن وحدة ريلها متزوج عليها

نوف : مثل الورده تميلها الريح وين ما تبى ولا حياة لمن تنادي ما الها الى دموعها
وها الضعف في الجنس الناعم ما حبه لاني لي راي ولي شخصية ولي كيان خاص
مهما قلنا ان الجنس الخشن(خخخخخ)(احب هالمسطلح لان يليق وايد عليهم) له
مستحقات او يمكن نقول انه صاحب القرار الاخير وغالبا هو الي يفرض الراي والتحكم
بالمراءة بشكل عام عن بعض قراراتها وهذ كله جاء من الشريعة ان الرجل مسؤول
عن محارمه وعن طاعة الزوج وغيره بحكم ان النساء لن يقدرن على تحمل المسؤوليه
لضعف المراءة وقوة الرجل ولكن مستحيل اني اسمح له انه لزوجي في المستقبل انه
يفرض رايه صح لازم يسمحلي بالشي الي اباه بس مب هو الي يفرض علي قراراته
الي هو يريده مهما كانت الضروف الا اذا انا اقتنعت فيها فعسب كذا تبادل الاراء شي
حلو ويحبب الزوجين من بعض مب فرض الراي وكسر خشوم وتحدي ، الصراحة نوف
اشوف ان شخصيتها راح تضيعها واقول الحياة صعبة
بس نحن الي لازم نواجه الصعوبات ونمحورها ونخليها لصالحنا
و نتماشها وياها اذا في مصلحتنا بس نوف ضحت بكل شي مقابل
اخو وابو بس في الواقع هي عايشة ف ظلام ما تعرف شو مصيرها ،
احب شي لي هو اني اعرف طريقي عدل ما اقعد اقول اذا صار كذا
بسوي كذا والا بكرى نشوف او بخلي الامور تمشي مثل ما تبى هذا
الشي ماحبه احب الوضوح فكل شي وامشي بطريق سيده انا اختاره
و بما اني بنت و اني احترم دور الرجل الي مستحيل اي وحدة انها ترفض
وجوده ولكن في نواحي محدده وليس كل الجوانب .

تركي : بصراحة تفكيره من ناحية نوف طبيعية لان مستحيل اي
رجل انه يتقبل اي شي ينفرض عليه من قبل امراءه هذه امور يمكن
نقول طبيعة الكون والشرع وانا اقول الريال الي ينفرض عليه شي بدون
رضاه من قبل مراءة (مب ريااااااااال ) بس يعجبني الرجل مثل ما نقول
يكون شخصية وله هيبة والي يفرض رايه باسلوب حلو شو اقول غير ان
الحريم ترى مسخرة اي كلمه حلوه توديهن القمر خخخ وبعدين طريقة لعب
نوف وصديقتها مها تشكك الواحد فعمرة يعني هو هب غلطان لانه يسمع
ويشوف اشياء غلط والشي الي شافه كانت نتيجه لتذمر اخوه ناصر على
زوجته نوف وكلامه المناقض للواقع عن زوجته يعني يكذب اخوه ويصدق وحد
ما شافها فحياتها بعد كل شي بالعقل و يوم انه تنازل عن عيال اخوه لنوف
ترى اي رجل ما بيتقبل انه يشوف شواذ ولا بعد ...... احم احم يعني تعرفو الباقي
وفلا تقولو انه جبان الصراحة تنقال "( انا قلت من قبل اني ضد الرجل ما اعرف ليش
بس احس اني ما اتقبلهم بس انا ارمس عن شي واقعي وبعدني اكره الرجال
وخاصة الي يتزوجون عل حريمهم وهم مب مقصرين بشي يكسرو خاطري الصراحة )

الجده : ما خذه بعمرها مقلب بس يالله بحسن الخاتمة


سالم ابو سعود: عسل وربي عسل هيك الرجال والا بلا يعجبوني الرجال
الي يحبون حريمم ويهتمون فيهم ويكونو حنوني على الكل وطبعا الي يخاف ربه .

اميرة : اشوف انها مقلله من قيمتها وشخصيتها لو منها بكسر خشمة وبتزوج
ما بتم استناه يردني وهو يعرف اني احب شو هالحب الي يذللني ما عاش
ولا بعيش الي يذلني وقلل من قيمتي وبالنسبه لولدها تراها غلطانه الف
بالمية على الي سوته احس لو انه صار الواقع وما تركت ولدها كان رجعها
عشان ولده شخصيتها واايد مهزوزه .


شوق : الله يخليج لراكان عاد صدق تليقون على بعض وشخصيتها
خطييييرة والله ان شخصيتها اتمناها فكل الحريم صدق بيتقير اشياء واااااااايد

اخوها سالم : رقيق وايد وهالشي مب من صالحة ابدا اتمنى انه يحصل امه
البارت الياي لانه بيتغير اشياء وايد بس يحصلها
ويعرف اللبس في الموضوع وان الزواج غصب عليها


تهاني : الصراحة صعقت بالخبر الي قالته لها امها وانا كنت اقول اكيد
ناصر في رحمة والي يسويه في سالفه وراها يجبره يسوي هالشي بس
صدق بتصرفه ويا بنته تهاني طلع نذل كيف ما دورها او كتب شي فالوصية
يدل على انه عنده بنت ل هالدرجة هو بايع عياله ، وسالفة انتقامها ان بصراحة
وياها بس يكون انتقام لابوها لان الباقيين ما يعرفو شي بش المشكله ان الخسيس مات


منى : تقهر تقهر الصراحة واايد عليج وشووو مرحبابج فاي وقت فبيتي والبيت
بيتج الصراحة حالتها صعبة تحتاج طبيب نفسي


نايف + عبدالله = يجننوووووووووووون ياحبي لهم عسل هالشخصين
هالشخصيات الي حبيت اتكلم عنهم والباقيين انشاءالله ياي دورهم خخخخ

الرواية روووووووووووووووووووعة بس حبيت اناقش الشخصيات واتخيلها فالواقع خخخخخخ

السلام عليكم
حبيبتي نسايم نجد روايتك بمنتها الروعه وانا ماشتركة بالمنتدى الى علشان روايتك الى احلى من الرائعه ومتشوقع اشوف لقاء تركي ونوف ابي اشوف الصدمه لما يشوفها ويحياتي نواف لما يدري ان اخته موجوده ومحتاجتله وشوق لما تدري ان امها تحتاجها
الله يسلم يديك الثنتين على الكتابه يروحي

نسومه يعطيش العافيه
نوف تكسر الخاطر الله يعوضك بوقفت تركي معك
سالم لاتظلم امك مع ظلم الايام لها وقف جنبها
نوف متشوقه تعرفين ردت فعلش لما تشوفين زوج امش
طلال اتوقع له يد في قصة ظلم نوره وجنونها