كاتب الموضوع :
نسايم نجد
المنتدى :
الارشيف
بارت اليوم بارت طويل ومتنوع اتمنى يكون على قدر انتظاركم وشوقكم له
الرجاء عدم طمر السطور
البارت الرابع والثلاثون
عند منى
جالسه بالصاله وعيونها على وليد الي يلعب مع اخته براحه
اليوم اخر امتحانات ولدها و نتيجته السبت وبعده بتاخذ اجازه وبتسافر للجنوب
لكنها محتاره مع منو تسافر وما تبي تسافر مع سلطان واجب عليها تاخذ موافقته بالسفر لكن بتاجل كل شي لسبت
تذكرت اخوها عبدالله منى في نفسها / مالي الا عبد الله اسافر معه
ارفعت جوالها وتصلت على اخوها
عند عبد الله
من بعد الحاله الي صابت نايف مافارق صديقه خايف تجيه الحاله وهو بعيد عنه من بعد صلاة المغرب طلع مع نايف لارض فاضيه تنعكس عليها انوار الشارع
نايف وعيونه على عبدالله / وش فيك من اليوم مقابلني ما تحرك الا وانت معي
عبد الله بجديه / خايف تجيك الحاله الي صابتك اليوم وانت بعيد عن عيني
نايف بضيقه / مستغرب الحاله الي جتني ومستغرب اكثر من كلام الدكتور انه دلع والله ان روحي كانت بتطلع من بين ضلوعي
عبدالله بجديه / الحمد لله على سلامتك واجب علينا نتصدق على سلامتك
نايف بحزن / عبد الله تصدق بالاحاسيس المشتركه بين اشخاص غايبين
عبد الله رفع حاجبه مستغرب / هذا بالافلام وما صدق هالخرافات
نايف بحزن / تصدقني لو اقول لك قلبي مو مرتاح حاس ان مبارك محتاجني او مر بالي مريت فيه اليوم واكيد لما تحسن تحسنت حالتي
عبدالله بضيقه / انت قلبك رهيف وحساس يمكن لو جارنا ينصرع يمكن القاك منصرع عندي
بزمنا ماينفع الا القاسي
نايف دمعت عيونه / هذا اخوي وابوي شايل همه وهو شايب جالس في بيته من غير ونيس لا سمح الله لو صار له شي محد بيدري عنه
عبد الله بجديه / هو الي مايبي الونيس والي سواه فيك هججك من الديره الي هو فيها لو مهتم فيك كان رفع جواله واتصل عليك او استقبل اتصالك عليه بترحيب مو يغثك بكلام ماله داعي
نايف بصوت عالي / ااااااااااااااااااااااااااااااااه فقدت امي وابوي حتى الاخت ومابقى لي الا هالاخو الي اشوف كرهي بعيونه
والسبب اني وقفت بوجه ورفضت استغلاله لي ويكثر ندمي ليتني جلست عنده وعطيته كل راتبي
عبد الله بضيقه / الله يهداك لا تحمل نفسك فوق طاقتها اخوك بخير واليوم صقر مكلمني
وبكذب / ومطمني عليه
نايف بفرح / صدق مبارك بخير
عبد الله بقهر / متى كذبت عليك
نايف بفرح / الحين اشتهيت اشرب قهوتك واكل من حلاك ولو تجيب لي تيس مشوي اكلته
عبد الله بابتسامه / حلمك اجيب لك تيس مشوي حدك كم قطعه لحم
نايف بفرح / انا الي بجيب التيس
عبد الله بصدمه / وش هالتبذير تيس على شخصين اذا فلوسك واجد هات وراي زواج
نايف بابتسامه / انت تتزوج وتنبسط وانا ادفع
قبل لا يرد على صديقه سمع النغمه الي مخصصها لاخته رفع جواله وابتسم
عبد الله بلهفه / يله حيها
منى بابتسامه / شخبارك معاد مريتني
نايف بجديه / مابي اقابل سلطان بعد سواته يمكن لشفته ذبحته
منى بضيقه / اذا بتذبح اذبح اختك الي طلبت منه يتزوج عليها
عبد الله بقهر / اذا اختي خبله يطيعها
منى بضيقه / سالفه وصارت لا تضيق صدرك فيها كلمتك ابي اشوف اذا بتسافر للجنوب
عبد الله وعيونه على صديقه / ما ضنتي اني بقدر اسافر بجلس ودور على شقه مناسبه
منى بخيبه / الله يوفقك ولبغيت مساعده ترى اختك بالخدمه
عبد الله بجديه / ما تقصرين وذا سافرتي الله الله بديما تقربي منها اكثر واذا صدتك مره لا تياسن مصيرها بتلين لك هي حاسه بفقدك لكنها تكابر
منى بضيقه / ان شاء الله اجل بحجز لنا رحله للجنوب قبل لا تصير الحجوزات فل
عبدالله بجديه / وسلطان وينه ليه ما يوصلك ويرجع
منى بضيقه / رفضو يعطونه اجازه واحتمال يرجعني
عبدالله بجديه / متى السفر
منى بجديه / على حسب الحجوزات
عبدالله بجديه / باذن الله بمرك قبل لا تسافرين
منى بجديه / انتظرك يله مع السلامه
عبدالله بجديه / مع السلامه
قفل من اخته وبقلق / صوتها ما عجبني شكل فيه شي مضايقها
نايف بجديه / يمكن زواج زوجها مضايقها
عبدالله بجديه / الله يهداها هي الي دزته على الزواج
نايف بجديه / الله يعينها ويصبرها
عبد الله بجديه / شكل الوقت بيروح وحنا ما تعشينا وش رايك نتعشى بالبيت
نايف بجديه / اصلن مليت من الجلسه ودي ارتاح
وقف عبدالله وبجديه / اجل يله مشينا وعشانا باذن الله بالبيت
وقف نايف وجمع اغراض القهوه والشاهي وحطهم بالسله وعبدالله شال الفراش وحطو الاغراض بشنطة السياره وركب عبدالله ونايف ركب جنبه وحرك السياره مرو مطعم اخذو اكل سفري ورجعو لبيتهم
في بيت الجده
كانت جالسه بالصاله وهيا عند عيال ناصر الصغار تطمن عليهم نزلت ومعها بنات ناصر
ام سالم بحب / تعالو حبيبات جدتهم
البنات من جو من فرنسا يتجنبون الجلوس مع جدتهم شخصيتها تخوفهم
ام سالم تترقبهم يجون عندها لكن انصدمت من نظرات الخوف
سحر بخوف / بنروح مع عمه هيا
هيا بعتب / عيب سحوره سلمي على جده
سمر بصوت خفيف مايسمعه الا هيا / عمه اخاف منها
هيا بزعل وبصوت واطي / عيب هالكلام هذي جده تحبكم
امسكتهم بيدهم وقربتهم من ام سالم الي حضنت كل وحده بيد وجلستهم جنبها
ام سالم بحب / لازم اعزم عليكم علشان تسلمون علي
سحر بحيا / احنا نخاف منك
ام سالم بصدمه / جده تحبكم ليش تخافين منها
سمر بارتباك / انتي ما تحبين ماما ودايما نسمعك تقولين فيها كلام مو حلو
قاطعتها سحر بخوف / والي مايحب ماما ما نحبه
ام سالم بصدمه / ما تحبون جدتكم
البنات نزلو عيونهم اجابه بالاثبات على سوال جدتهم مستغربات من شوق شلون تحب جدتهم وهي ماتحب امهم
ام سالم ماقدرت ترد على كلامهم توقعت كل شي الا ان عيال ناصر يكرهونها والدليل بناته الباقين كبار يغطون على مشاعرهم لكن اكيد انهم يكرهونها بسبب تطاولها على امهم
ام سالم بضيقه وحزن / روحو مع عمه
البنات ما صدقو تخلصو من جدتهم وركضو لهيا
هيا كانت واقفه تستمع لهم واوجعها قلبها وهي تسمع الكلام من البنات وحزنت على نبرة الحزن بصوت خالتها لكنها ما تلومهم على كرهم لجدتهم لانها ماحترمت طفولتهم وهي تسب امهم وتبين كرها لها قدام عيالها وهذي النتيجه زرعت الكره بقلوبهم
اخذتهم هيا وطلعت فيهم فوق سمعت صوت جرس الباب استغربت من بيزورها الساعه 9 با لليل
طلبت من الشغاله تفتح الباب مالها نفس باستقبال اي ضيف
انتظرت دقائق شافت اختها واميره داخلين عليها وقفت لهم قربت اميره من خالتها وباست راسها وام فواز سلمت على اختها رجعت ام سالم وجلست بمكانها وجلسو جنبها
ام سالم بعتب / توقعت انكم نسيتوني من بعد العزا ما شفتكم كان كل واحد منا بديره
اميره بحب / انشغلنا شوي ونطلبك السماح
ام فواز بجديه / كنا مسافرين لشرقيه عند اهل ثريا عزمونا وماقدرنا نردهم
ام سالم بسخريه / لا يكون ما نعينك تكلميني
اميره بتغير الموضوع / وينهم البنات مشتاقه لهم
ام سالم بحزن / يزورون سالم الله يرده لنا
ام فواز بجديه / غريبه مارحتي معهم
ام سالم بضيقه / قلبي محروق على عمه
ام فواز بخوف / اي عم فيهم
ام سالم بحزن / تركي طلع من امس بحاله مايعلم فيها الا ربك وناسي جواله وقلبي مو مرتاح
اميره انغرس رمح بقلبها وطلع من ظهرها تركي حبيب عمرها وروحها غايب ومحد يدري عنه واحتمال صاير له شي شين من غير شعور صارت تنتفض
ام سالم وام فواز خافو من شكلها
ام فواز بخوف / بسم الله عليك يمه
ام سالم بخوف / يمه اميره استهدي برحمن ان شا ء الله ما فيه الا العافيه
زادت حالتها سوء ام فواز برعب / يويلي بنتي زاغ عقلها من الروع
ام سالم برعب / وش تنتظرين خذيها للمستشفى ليصير للبنت شي بسبتنا
ام فواز بحنيه / يمه قومي معي
قامت اميره مع امها وهي مثل الخرقه كانت هيا نازله وشافت اميره ساندتها امها ركضت عند ام فواز بخوف
هيا بخوف / خاله وش فيها
ام فواز بضيقه / من غيره الي بيذبحها بوجوده وغيابه
مشت ام فواز قدام هيا الي منصدمه من كلام ام فواز لها طار تفكيرها لتركي
هيا بنفسها / وش مسوي تركي مخلي اميره تنهار والله انه ما يستاهلها
ماعندها الشجاعه تسال خالتها عن السبب لحال اميره ما صدقت انها تسلم من لسانها
دخلت المطبخ تجهز رضاعه لماهر وتفكيرها عند اميره
عند ام فواز
ركبت سيارة سواق اختها وجنبها اميره المنهاره
وبصوتها الضعيف / يمه تركي راح
ام فواز بضيقه وبعصبيه / واذا راح تنهارين امه ما سوت سواتك فضحتيني قدامها معاد لي وجه وبنتي منهاره بسبت ولدها الي مدرى عنها
اميره صارت تبكي / غصب عني الي صار والله مابي افشلك قدام خالتي
ام فواز بعصبيه / بعد الي صار مسحيل اتفرج فيك وانتي تنتظرين تركي يحن عليك ويرجعك
اميره بصوت باكي / غير تركي مستحيل اتزوج لو اجلس طول عمري بدون زواج
ام فواز بعصبيه / اجل افرحي مراح يفكر فيك واكيد قريب بتسمعين زواجه من غيرك
اميره بعصبيه / والله لذبح الي بتتزوجه تركي لي
ام فواز بعصبيه وقهر / تركي مو لك ومستحيل نسمح لك ادمرين حياته الي ماشافها معك انت وهو ما تصلحون لبعض افهمي هالكلام وحطيه براسك يمكن تفكيرك ينعدل
اميره لفت وجها للجهه الثانيه وصار صوت بكاها مغطي على جو السياره وامها تنرفزت من حالها
ام فواز بعصبيه / مابي اسمع صوت بكاك فضحتينا عند السواق
عند مها
بعد ماقفلت من هيا صارت تدور بمكانها والنار شابه داخلها والدموع على خدها وعيونها على جوالها تنتظر اتصال من شوق
دخل ابو ثامر والقى السلام واستغرب من زوجته الي ماردت عليها قرب منها انصدم وهو يشوف دموعها
قرب اكثر / مها
انتبهت لصوت زوجها العالي طالعت فيه بعيون كلها دموع / اهلين
ابو ثامر بستغراب / وش فيك غريبه ما خذتيني كالعاده بالاحضان
مها رمت نفسها بحضن زوجها وصارت تبكي بحرقه
ابو ثامر بحب / سامحيني ماكنت ادري انك تعبانه لغيابي هالكثر
مها بدون مقدمات وبصوت باكي / باعها اخونها للمره الثانيه خايفه عليها
رفعها عن حضنه / من الي باعها اخوها
مها بصوت باكي / ام سالم اخوها زوجها لواحد بيعذبها مثل ماعذبها ناصر
ابو ثامر جلس على الكنب وبصدمه / من صدقك متى يمديه يزوجها وهي ما جت عنده الا اليوم الظهر والحين احنا بالليل
مها جلست على الكنب مقابل لزوجها
وبقهر وصوت باكي / شكل النذل مخطط من زمان وطابخ السالفه مع المجرم زوجها قولي شلون اتطمن عليها او اعرف الي صار لها
ابو ثامر بجديه / هذي صديقك وبورطه وانتي محاميه دافعتي عن الغريب واخذتي له حقه وهذي صديقتك اقرب
مها بقهر / شلون اخذ لها حقها وبينا كل هالمسافات
ابو ثامر بجديه / لا تعتذرين بالمسافة متى ما طلبتي تروحين لها بتكون الطياره تحت امرك
مها بصوت باكي / بسافر لها وبحاسبهم على سواتهم لكن الحين ما قدر اسافر عندي قضايا ماقدر اتركهم وهذا الي حارق قلبي
ابو ثامر بجديه / كلمي عيالها قولي لهم الي صار لامهم عيالها كبار وهذا وقت نفعتهم
مها بجديه / كلمت شوق بقول لها ومالقيتها
ابو ثامر بابتسامه / وش معنى شوق
مها بابتسامه من بين دموعها / لاني واثقه بقوتها وشراستها ومستحيل تسمع الي صار لامها وتسكت وهي الوحيده الي بتسوي فيهم الشي الي بيبرد قلبي
ابو ثامر بابتسامه / شبيهتك كانك انتي الي امها مو صديقتك
مها باعجاب / سبحان الله فيها كثير مني علشان كذا احبها واعتبر نفسي امها
ابو ثامر بزعل / منتي بمعشيتني تراني مشتهي طبخك
وقفت مها / من عيوني دقائق والعشاء عندك
مشت من قدامه ودخلت المطبخ وابو ثامر تمدد على الكنبه
عن سميه
بعد ما خلصت ترتيب شنطتها دخلت غرفة البنات وساعدتهم بترتيب شناطهم حست نفسها تعبت وقفت
سميه بابتسامه / عمتكم تعبت بترتاح وانتم كملو ترتيب شناطكم
ريما بجديه / شنطتي بقفلها وحنين خلصت باقي شنطة ميار
سميه بحب / شنطة ميار علي ومدامكم خلصتو وش رايكم نطلع برا نتعشى
ريما والدموع تلمع بعيونها / من زمان ما تعشينا بمطعم اخر مره مع امي
سميه بضيقه / الله يرحمها يله البسي انتي وحنين وبنتظركم بالصاله
ريما بحزن / ان شاء الله عمه
لبست حجابها وطلعت من عندهم وهي متضايقه مهما سوت مستحيل تنسيهم حزنهم على امهم
جلست على كنب عند مدخل الباب تنتظرهم دقائق طلعو لها
فتحت باب الشقه ونزلت مع البنات ركبت بسيارة السواق
سميه بابتسامه / تراني مادل المطاعم السنعه بفرنسا اخاف اوديكم مطعم ياكلكم لحم خنزير
ريما / ههههههه السايق يدل المطعم الي كنا نروح له اكلهم حلال
سميه بشك / متاكده انه حلال مابي اخر عمري اكل لحم خنزير ولا يشربوني خمر
ريما / ههههههههههههه تطمني عمه اكلي على ضمانتي
سميه بابتسامه / باكل على ضمانتك
ريما / ممدوح اطلع للمطعم الي دايم نروح له
استجاب السايق لكلام ريما وساق متوجة للمطعم
عند نوف
طلع من عندها ركان بيخلص اوراق خروجها حاسه براحة نتيجة قرارها انها تكون مع ركان وابوه
دخل عليها ركان بابتسامه / خلصت اوراق خروجك تقدرين تمشين ولا بجيب لك عربيه
نوف ضحت ضحكة ضيعت عقل ركان / ههههههههههه ليكون صدقت اني عجوز وبتخدمني ترى عمري اصغر من عمرك المفروض انت الي تنخدم
ركان في نفسه / اعوذ ب الله منك يابليس لا تنسى ياركان انها زوجة ابوك وفوقه اختك لا تخلي الشيطان يلعب بعقلك
نوف وعيونها على ركان / هذا وش فيه كل دقيقه مبحلق فيني وسرحان
وقفت نوف وبصوت عالي فز منه ركان / ركان وش فيك
ركان انتبه وبارتباك / لا ما فيني شي لكن سهيت شوي
نوف بجديه / اجل يله مشينا لا اتاخر اكثر على شادن
لبست حجابها على نظر ركان بخاطرها يجبرها تتغطى لكن غصب يرضى ويسكت ما صدق انها توافق تبقى معهم ولو شدد عليها بتنفر من عنده
مشى وهي تمشي وراه ركب السيارة وفتحت الباب الي جنبه وركبت
رفع جواله بيتصل على صقر يحط عنده خبر انهم جاين
عند صقر
كان ماسك الصحن يوكل ابو ركان سمع صوت جوال شاف رقم ركان رفعه
صقر بسخريه / اشوفك نسيت تتصل تطمن على ابوك
ركان بابتسامه / راجع البيت ياليت تضف وجهك وتطلع للمجلس
صقر بمزح / وليه اضف وجهي خلها تجي وتجلس معنا على الاقل نشوف وجيه سنعه تحببنا بالحياه بدال مقابل الوجيه الي تجيب الضيقه
ركان بعصبيه / اقول ربع ساعه وانا بالبيت اشوفك بنحرك
صقر بابتسامه وبينرفزه / تراها بحسبت امي يمكن تحتاجني اكلها مثل ما وكل ابوك
ركان بعصبيه / اذا فيك خير القاك مكانك لان امك الليلة بتبكيك
صقر مستمتع بنرفزة صديقه / الله يهداك كان عطرت ابوك مو ريحته المخنزه بتهجج العروس لكن شكلي بعطره من عطري يمكن يثمر فيك انت وابوك
ركان بعصبيه / صقررررررررررررررر
صقر بخبث / ابيك تسجل الدخله بالكمرات الي عندك ابي اتعلم تعرف وراي زواج
ركان من عصبيته قفل بوجه صقر الي مات من الضحك اول مره ينجح برفع ضغط صديقه
اخذ الاكل ورجعه للمطبخ وطلع لبيتهم متاكد لشافه ركان بيذبحه
عند سالم وثامر
من دخلو الفندق ما طلعو منه خايفين اذا طلعو احد من اهل سالم يشوفهم
طلبو عشاء بغرفتهم دخل سالم الحمام وثامر ينتظر الاكل سمع صوت الباب فتحه للعامل الي دخل وجهز الاكل لهم وطلع
ثامر جلس مقابل الاكل / سااالم العشاء جاء
سمع صوت الباب شاف صديقه يدخل ويتمدد على سريره
ثامر بجديه / سالم لا تنام بدون عشاء
سالمبضيقه / مو مشتهي وتفكير بالسفر الي مدري متى يصير
ثامر بجديه / صعبه اكلم ابوي واقول له ابي طيارتك وهو يضن اني بالجنوب من يومين
سالم وقف وبعصبيه / والحل
ثامر بجديه / الحل نسافر مثل العالم بالطياره
سالم بضيقه / قالو لك مافيه حجوزات قبل اسبوعين
ثامر بجديه / فيه طريقه وحده
سالم بلهفه / قول الله يخليك
ثامر بجديه / اسف مراح اقولك لين اشوفك مقابلني تاكل
قرب سالم وجلس مقابل صديقه / هذاني جلست مقابل لك
اخذ ثامر خبز وغمسها بحمص ومدها لصديقه / اكل اول
سالم اخذ الخبز من يد ثامر وحطه بالصحن / قول الي عندك لا تستفزني
ثامر بجديه / بنسافر عن طريق البر
سالم بسخريه / من الي يسوق فينا انت الي ماعندك رخصه او انا حتى السواقه ماعرف
ثامربجديه / السواق شريف
سالم بصدمه / وش بتقول لعمك وانت ماخذ سواقهم وفوقها مسافر
ثامر بجديه / عمي ماله شغل بالسواق السواق لابوي موفره لي ولمشاويري ومراح يمانع لدرى اني مسافر معه
سالم بياس / سو اي شي اهم شي اكون بالجنوب الليله قبل بكره
ثامر بجديه / اليله مافي سفر بكره يمكن
سالم بضيقه / يكفيني الايام الي صابرهم بتزيدها علي بيوم
ثامر وهو ياكل / في العجله الندامه
سالم وقف / الله يصبرني
ثامر مسك يده وجلسه / والله ما تقوم الا متعشي
استجاب لصديقه وصار ياكل بدون مايحس بطعمه داخله مرار يغطي على حلاوة الاكل الي قدامه
عن شوق
جالسه مع ساره برا غرفة الدكتور وسالم داخل
شوق بجديه / عمي طول داخل
ساره بسخرية / والله راحمة الدكتور الي طح بيدك اول وبيد عمك تالي وهو ماله ذنب
شوق بجديه / والله الي سويته فيه شوي ولا يطيع سالم بكذبته ويوجع قلوبنا عليه
ساره بلوم/ الله يسامحه سالم ما شاف حرقت امي عليه شلون طاوعه قلبه يحرمها من فرحتها بشوفته
شوق بعصبيه / والله امك واخوك السبب متاكده انهم منكدين عليه بكلامهم الي يغث وسالم حساس يكتم بنفسه
ساره بعصبيه / حتى ولو يعرف جدته وطبعها يتحملها مثل ماغيره متحمل مو يوجعها فوق وجعها بفقدها لابوه ماهقيتها من سالم الحنون
شوق بعصبيه / لو اني رجال كان هجيت ومحد عرف لي طريق بسبب المز والغمز الي اسمعه
ساره بسخريه / الي يسمعك يقول ماقد هجيتي وحرقتي قلب امي
شوق بعصبيه / ورى ما تنطمين لخليهم يحجزون لك غرفة هنا
ساره بمزح / احشمي عمتك معاد فيه حياء ولا مستحا
شوق بسخريه / ياهالعمة الي بلاني فيها ربي
ساره بغرور / الا نعمة ربي منعهما عليك ولا كان شققتي ثيابك من الطفش
شوق بطفش / تراني مليت وانا انتظر وش رايك ادخل
ساره بسخريه / والي يرحم والدينك انثبري مكانك ناويه تجلطين الضعيف الي داخل متاكده من بعد الي صار بيعتزل الطب ويشتغل حلاق
شوق بجديه / رحمته مني الورقه الي كتبها ولا كان الحين مودع
تدرين ان يدي تحكني ودي اضرب احد وش رايك اضربك
ساره بسخريه / انتي تحبين المشاكل ودورين عليها لا وتبين تشتغلين بالمباحث والله انك تصلحين مجرمه مو شرطية
شوق بجديه / الا على ذكر صديقتك ديما اخوها بالمباحث خليه يتوسط لي ويشغلني بالشرطه
ساره بجديه / اخوها بالجنوب ناويه اطيرين هناك
شوق بحزن /يمكن يكون احسن علشان اعيش عند امي
ساره بجديه / وبتعيشين مع زوج ام
شوق بضيقه / خير واذا سكنت عنده تراه يصير عمي
ساره بجديه / ما تسمعين سوالف زوجات الاب اخاف بكره يخليك تنظفين وتمسحين بسيارته
شوق بعصبية / يخسى والله لحطه تحت كفرها وادوسه
ساره بجديه / لا تنسين ماقدر افارقك واذا اشتغلتي بكون مشتغله قبلك وبنفس المكتب ولا ارفضي الشغل
شوق بسخريه / من قال اني ابيك معي انت وجهك مو وجة شرطه بتقعدين ترتجفين اذا شفتي المجرم وزين ما تسوينها بثيابك
ساره / لا عاد ماوصلت اني اسويها بثيابي واصير عار على الشرطه وقت الصمله محد بقوتي
شوق بسخريه / مشتاقه اشوف وقت صملتك
قطع عليهم دخول سالم / يله مشينا
شوق بجديه / عمي وش فيك تاخرت عند الدكتور
سالم بجديه / جلست اعلمة درس بالاخلاق
شوق بحماس / ضربته
سالم بابتسامه / يعني لازم اضربه علشان اعلمه الاخلاق الكلمه الحلوه لها مفعول اقوى من السحر
شوق بجديه / من اليوم واحنا ننتظرك وتاليتها كلمه حلوه توقعتك متوطي ببطنه وصاير وجهه شوارع
سالم يضربها على راسها / هههههههههههههه ليه كل هذا ليكون ذابح ابوي علشان اتوطى في بطنه كل الي سواه انه تعاطف مع سالم ونفذ رغبته
فهمته ان وظيفته مقدسه المفروض ما يستجيب له وهو متاكد ان اهله يحترقون باليوم مليون مره على حال ولدهم ويحرمهم من فرحتهم برجعت ولدهم للحياة بعد ماضنو انه ميت
ساره باعجاب / كفو يا بو سعود مو المجرمه هذي الي ماتتفاهم الا بذبح والسلخ
وصلو لسياره ركب السياره وشوق ركبت قدام وساره ورى
عند صقر
دخل بيتهم دخل الصاله شاف امه مع البنات جلس على الكنب
ام صقر بجديه / شخبارها عجوز ضاحي ماكلمك ولده يطمنك
صقر في نفسه / يحليك يمه تقولين عنها عجوز الي يعنك على الصدمه لا شفتيها
صقر بابتسامه / ايه كلمني وطلب مني اضف وجهي يغار على زوجة ابوه
ديما بسخريه / يبختها العجوز قام حضها اخر عمرها لقت احد يحسسها بقيمتها ويغار عليها
نجود بابتسامه / متشوقه اشوفها العجوز الفرنسيه
ديما بحماس / صقور كلم خويك قول امي بتزور زوجة ابوك ومعها البنات
ام صقر بجديه / بكره خميس بناخذ فطورنا ونفطر معها
نجود بابتسامه / جابتها ام صقر بكره بصلح فطور معتبر ونزورها
ديما بفرح / زين ان بكره خميس ولا كان صار فيني شي لو رحتو بدوني
صقربسخريه / تطمني ما فيه روحه من دونك معزمات تزورونها الصباح
ديما بحماس / على اني اكره قومت الصبح وخصوصي بالاجازات لكن لهفتي لشوفة زوجة الشايب تخلين اصر على ان زيارتنا لها الصبح
صقر بجديه / يمه اكلم ركان واقوله انكم بتزورونه الصباح
نجود بجديه / اسئله اذا يناسبها الصباح او لا اذا ماناسبها نزورها العصر
صقر بجديه / اجل بكلمه الحين يشاورها ويرد لنا خبر
رفع جواله واتصل على ركان
عند ركان
وصل البيت ونزل ونزلت نوف الي تركت ركان وراها ودخلت مشتاقه لبنتها دخلت المطبخ اخذت شادن وضمتها وطلعت فيها لصاله وشافت ركان يدخل
ركان بابتسامه / كل هذا شوق ولهفه لها الي يشوفك يقول لك سنين غايبه عنها
نوف بحزن / زاد خوفي عليها بعد سوات عمها
ركان جلس مقابل لها / وش سوى تركي
نوف بحزن / بيخطفها من حضني ما يكفيه انه حارمني من عيالي بيكمل علي بشادن
ركان بحنان / شكل لك ماضي مع ناصر وماضي موجع مع مبارك لكن الماضي ماقدر اغيره وارفع ظلمهم عنك لكن وعد ما خليهم يلمسون شعره من شعرك بالحاضر وانتي بحماية ركان ضاحي وتاكدي قبل لا يرشونك بالماء اكون راشهم بالنار انتي اختي الي ربي رزقني فيها على كبر
نوف كلام ركان وحنيته خلتها لا ارادي تبكي
وبصوت باكي / كلامك مثل الثلج الي طفى النار الي بداخلي ووعد اني اكون لك الاخت ولبوك الزوجه المخلصه الي تحفظه بغيابه وبحضوره وبكرس عمري كله بالاهتمام فيه وقبل لاشوفه زوج بشوفه ابو
وابتسمت بحزن / يمكن الحسنه الوحيده الي سواها مبارك بها الزواج انه عرفني على اخو يكون لي الظهر والسند يحميني ويخاف علي ياما تمنيت اشوف هالشي من اخوي الي من لحمي ودمي لكنه اعتبرني حمل ثقيل عليه وباعني برخيص
ركان بحنان / ياليت ماعاد اشوفها دموعك لا بوجودي او غيابي
نوف مسحت دموعها / الظاهر عيوني تعودت على الدموع وعدت صديقتي اصير قويه وماتنزل ودموعي خانت الوعد ونزلت
قطع عليهم صوت جوال ركان ابتسم وهو يشوف رقم صقر
ركان بسخريه / وينها شجاعتك جيت مالقيتك
صقر / هههههههههههه والله ماني مستغني عن عمري
ركان بمزح / وش تبي متصل علي يالغثة
صقر بمزح / معاد تبي شوفتنا ما تنلام الي عنده القمر ماله ومال النجوم
ركان بعصبيه / ياليت تترك سخافتك وتقول وش عندك
صقر بجديه / والله امي تبي تصبح على زوجة ابوك وتفطرها قلت اتصل عليك اذا يناسبها الوقت قلت لها تجيكم واذا ماناسبكم يجونها العصر
ركان وعيونه على نوف / لحظه بسالها وارد لك لا تقفل
ركان وعيونه على نوف / ام صقر وبناتها بيجونك بكره الصبح بفطورهم يناسبك الوقت ولا قلت لهم يزورونك العصر
نوف بابتسامه / قول لهم الله يحيهم باي وقت وبنتظرهم الصبح
ركان رجع يكلم صقر / تقول الله يحيهم ونتنظركم الصبح
صقر بجديه / ببشر البنات الي متشوقات لشوفت زوجة الشايب
ركان بمزح / متشوق اشوف امك لشافت خويتها الي متعشمه تتسلى معها
صقر وعيونه على امه / مخليها لهم مفاجئة وص زوجة ابوك تنتبه لهم من الصدمه اخاف يصير لعقولهم شي
ركان / ههههههه يله فارق ووصل كلامها لامك
صقر / طيب
عند صقر
اول ما خلص مكالمته نطت ديما / وشهي المفاجئة
صقر وقف / بكره بتشوفينها وانتبهو لامي من الي بتشوفه
ام صقر بستغراب / وش بيصير فيني لشفت المفاجئة
صقر بابتسامه / خليها لبكره وبسالك وش رايك بالمفاجئة الي بتحصلينها عند زوجة الشايب
ديما برجاء / صقر قول الحين مافيني صبر لبكره
صقر بجديه / دايخ بنام وانتي بلاها الاستعجال كل شي بوقته حلو
مشى من قدامهم وديما جالسه مقهوره / نجود شغلي مخك وش تتوقعين المفاجئة
نجود بجديه / يمكن القبيله الي بنشوفها بكره
ديما بجديه / لا ما تعتبر مفاجئة عندنا خبر ان عندها قبيله دوري غيرها
نجود ببرود / على قولة صقر ليش الاستعجال
ديما بعصبيه / يا بردك شلون بنام وتفكيري بالمفاجئة الي بشوفها عند العجوز
ام صقر بجديه / ياليت تنامون علشان بكره تصحن بدري وتسون الفطور لا نتاخر على الحرمه
عند ركان
بعد ماقفل من صقر وقف / بطلع لغرفتي ارتاح طول نهاري تعبان
نوف بحزن / سامحني اني نكدت عليك وضايقتك بزواج ابوك
ركان بجديه / صار خير اهم شي العبره بالنهاية والحمدلله كسبت وجودك
نوف بحزن / شناطي برى وين احطهم وعندي مربيه لبنتي ابي لها غرفه
ركان بجديه / البيت بيتك اختاري الغرفه الي تصلح للمربيه واختاريها ولا تنسين شغالتك ياليت تنام مع المربيه وشناطك عندك غرفة ابوي اذا مكفتهم بالبيت غرف حطيهم فيها
نوف بصدمه / شغالتي
ركان بابتسامه / ايه جبتها خصوصي لك تساعدك بشغل البيت
نوف بحزن / ماني عجزانه عن شغل البيت وما تعودت احد يخدمني
ركان بحنان / اختي وبدلعها وبجيب لها بدال الخدامه الف اهم شي راحتها
نوف حمرت خدودها / جعلك سالم
ابتسم على خجلها وطلع فوق دخل غرفته وتمدد على سريره وشغل جهاز المراقبه الي قدامه
ركان بجديه / والله انها طيبه مستغرب كره تركي واهله لها سبحان الله تدخل القلب
عند نوف
بعد ماطلع ركان وقفت ودخلت المطبخ شافت جاكلين جالسه والشغاله ترتب المطبخ
طلبت من الشغاله ادخل شناطها والكراتين وتحطهم برى غرفتها دقائق طلعت من المطبخ شافت الشناط مقابل لغرفتها الجديده اخذت شنطة ملابسها ودخلتها الغرفه فتحت شنطتها طلعت لها بجامه كحليه بدون اكمام والبنطلون كحلي بدوائر بيضاء يوصل لنص الساق
حطت بنتها النايمه على السرير ودخلت الحمام اخذت شور ولبست وطلعت
عند ركان
فتح فمه باعجاب وهو يشوفها بالبس الي كله فتنه مطلع بياضها المبهر حاول يشغل نظره عنها بشغلات بغرفة ابوه
عند نوف
قربت من بنتها وحضنتها بحب وفكت عنها اللفه وصارت البنت تحرك يدينها باستها رجولها ويدها وغيرت حفاظتها
وانسدحت جنبها سمعت ونين التفتت سمعت الصوت تاكدت انه صوت ابو ركان
عند ركان
سمع صوت ابوه اوجعه قلبه مسك نفسه بيجلس بيشوفها وشلون بتتصرف معه
عند نوف
قربت من ابو ركان شافت عيونه فاتحه تذكرت ابوها نفس نظراته لا ارادي باسته على جبهته بحنان
نوف بحنان / يا قلبي شكلك جوعان مثلي ماعاش الجوع انتظرني ثواني اجيب لك شي تاكله
طلعت من عنده
عند ركان
استغرب وتفاجئ من حنيتها وانصدم من بوستها لجبين ابوه وقلبه يرقص فرح لتصرفها
عند نوف
دخلت المطبخ ماشافت الشغاله شكلها نامت فتحت الثلاجه شافت خضار اخذتها نظفتها قطعتها فتحت الادراج لقت قدر حطتهم فيه وحطت عليهم ماء وسلقتها بعد ماخلص طلعتهم وحطتهم بكيس وصارت تضربهم خفيف بالكاس لين انهرس وحطتهم بصحن
ودخلتها بالفريزر تبيه يبرد شوي ماتقدر توكله وهو حار
طلعت برا المطبخ اخذت شنطه وسحبتها معها للمطبخ فتحتها واخذ كيس فيه قهوه فرنسيه
فتحت الادراج ادور على ابريق تسوي فيه القهوه لكنها ماحصلت لقت ابريق صغير عادي طلعته من الدرج وصلحت لها القهوه
فتحت الفريزر اخذت الاكل من الفريزر وحطته بصحن وحطت القهوة بفنجال ورجعت فتحت الشنطه طلعت حليب مزاز من شنطتها وحطته مع اكل ضاحي قفلت شنطتها وحطتها على جنب بكره بترتبها بالمطبخ اخذت الصحن ورجعت لغرفتها حطت قهوتها على جنب اذا خلصت من عشاء ضاحي بتشربها
قربت من ضاحي اخذت الطاوله الي جنب سريره وحطتها بحضنه رفعت سريره بوضع الجلوس صارت تاكله بحنان وهو من الجوع ياكل لما خلص الاكل
نوف بحنان / يا بطل باقي الحليب
فتحت الحليب وحطت المزاز في فمه وبدى يشرب
وهي توكله حست ان روحها تعلقت فيه وربي انزل حبه في قلبها مستحيل تبعد عنه
بعد ما خلص طلعت من شنطتها منديل معقم مسحت فمة و جلست مقابله تسولف معه
نوف بحب / سبحان الله الي نزل حبك بقلبي اول ما شفتك تذكرت ابوي
صارت تضحك / ههههههههه تصدق اني مبيوعه لك وولدك رافض يقول كم دفع
البيعه الاولى كانت تسديد ديون والحين مدري لكن كسبت ابو شمت ريحة العود الي ذكرتها اكثر بابوها الي مستحيل بيوم تنساه
بدون وعي رمت نفسها بحضنه وصارت تبكي بوجع وحرقه / كان نفسي ارتمي بحضن ابوي واشكي له معناتي ووجعي لكن ابوي تحت التراب
وصار تضحك من بين دموعها / يمكن الحسنه الي سوها مبارك انه عرفني عليك وعلى ولدك الي وربي اعتبره اخوي الي بيحميني يوم الدنيا غدرت فيني
عند ركان
كل الي صار قدام عيونه فوق احتماله من حنيتها الزايده مع ابوه وتفاجئ يوم شافها ترمي نفسها بحض ابوه
متاكد انها محتاجه لحضن الابو الي مات ونحرمت منه تعاطف معها كثير اوجعه كلامها وشكوها لابوه غصب عنه نزلت دموع حاره على خده وفرح انها تشوفه الاخو الي بيحميها وان الله عوضها فيه
مرتاح كثير بوجودها بحياتهم ومتاكد الي يشوفه قدامه حقيقه مو تمثيل يشوف تعابير الحنان بوجها والطيبه بعيونها
ركان بوجع ودموعه على خده / والله لرفع عنك الظلم واصير لك سند واخو واحميك من غدر الايام ووقف بوجه الكل واولهم تركي لو حاول ياذيك
صدقيني من اليوم بشيل الكمرات مستحيل مثلك ينتراقب وينشك فيه
خذا الجهاز من قدامه وقفله وحطه على جنب وقطع الاسلاك الموصله له ورجع لسريره ومن ارهاقه نام
عند نوف
بعد ماحست براحه بحضن ضاحي سحبت نفسها بهدوء وطالعته كان نايم بهدوء ابتسمت
قامت من سريره حطت قهوتها الي ماشربتها بالصحن ورجعتهم للمطبخ وبعد ماغسلتهم رجعت لغرفتها قفلت النور واكتفت باناره خفيفه من الثريا
قربت لبنتها خافت اطيح سحبت السرير بصعوبه صار لاصق بالجدار حطت بنتها جهة الجدار انسدحت جنبها وكل ماقفلت عيونها شافت احداث اليوم الي كانت صعبة وقاسيه عليها ما توقعت تنتهي وهي منسدحه براحه بسريرها الجديد
في بيت الجده
بعد ماطلعت من عندها ام فواز وهي تغلي قهر على حال اميرها توقعتها تحب تركي لكن مو لدرجة انها تنهار
شافت سالم والبنات يدخلون عليه
ام سالم / شلون ولد اخوك
سالم ماحب يضايق امه بالليله / مثل ماهو
البنات مستغربات تصرف سالم لكن ماحبن يتدخلون بالموضوع
شوق بصوت واطي / ساره ليش عمي ماقال الحقيقه لجدتي
ساره بجديه / اكيد مايبيها تتضايق وتشيل وبيقول لها لتاكد ان سالم بفرنسا
ام سالم بعصبيه وعيونها على البنات / انتم ما تستحون كم مره قلت اتركو عنكم المساسر قدامي
شوق قربت من جدتها وحضنتها / كله من بنتك هي الي بدت بالمساسر
ساره / صدق انك نذله وطبعك ما تتركينه
شوق / يمه شوفيها
ام سالم تبعد شوق عنها / ياليت تفارقني لغرفتكم
سالم بابتسامه / يله اطلعو فوق
شوق قامت عند ساره / امشي معي مشى بطنك ولا وقف
ساره / بعدويني ان شاء الله
ام سالم بعصبيه / فووووووووووووق
ركضت ساره بخوف من صراخ امها وشوق تمشي بهدوء على الدرج شافت هيا طالعه من غرفة اخوانها
قربت منها وحضنتها / شلونك اليوم
هيا بحب / الحمد لله فيه وحده اتصلت من فرنسا على تلفون البيت تبيك
شوق بستغراب / وحده متصله على البيت ومن فرنسا ما قالت منهي
هيا بجديه / اسمها مها
شوق بستغراب / خالتي مها غريبه ليش متصله ومن عطاها رقمكم
هيا بجديه / تقول لازم ضروري تتصلين عليها
شوق بجديه / الحين الوقت متاخر عندهم بكره الصبح باذن الله باتصل عليها
هيا بجديه / بدخل انام ما صدقت اخوانك ينامون
شوق بحب / الحين تحتاجين لراحه خليهم عندي
هيا باصرار / والله ما يهتم فيهم غيري لين يرجعون لامهم وانتي انبسطي مع ساره
شوق بحب / الله لا يحرمنا منك
هيا / ولا منك
دخلت غرفتها وشوق دخلت عند ساره الي كانت منسدحه على السرير معصبه من حركة شوق ومن صراخ امها
ساره بعصبيه / روحي نامي عند امي مابيك
شوق رمت عباتها وانسدحت عناد على السرير / اذا مو عاجبك وجودي بغرفتك اطلعي نامي عند امي
ساره بعصبيه / انبسطتي يوم امي سفلت فينا
شوق بسخريه / يارقيقه الي يسمعك يصدق انك اول مره احد يسفل فيك ترى تهزي امي مثل الفتامين لك
ساره بعصبيه / نامي مابي اسمع لك نفس
شوق ببرود / واذا قلت لك ماني نايمه عناد وبشغل فلم وبتفرج فيه لحالي
ساره بعصبيه / وعناد بتابعه معك
شوق بابتسامه / وانك زعلانه علي وما تبيني بغرفتك
ساره بحماس / الحين رضيت يله طلعي فلمك وبجهز قرميش السهره
وقفت شوق واخذت فلم جديد شاريته وساره فتحت الثلاجه واخذت انواع من الشبسات والشكولاتات والمشروبات الغازيه وطلعت لصاله الي فوق شافت شوق تركب الدي في دي
جلست بالكنب مقابل لتلفزون بعد م اصار الفلم جاهز رجعت شوق لورا وجلست جنب ساره وشغلته بريموت
ساره بصدمه / فلم مرعب
شوق بسخريه / ليش معودتك تشوفين معي افلام رومنسيه كل افلامي مرعبه او اجراميه وان تطورت بوليسيه
ساره بضيقه / شكل بيزيغ عقلي بسبت افلامك والله صايره بعد كل فلم احلم بكوابيس
شوق وهي مركزه بلقطه بالتلفزون / ارجعي لغرفتك نامي ما جبرتك اتابعين معي
ساره قفلت عيونها لما شافت لقته رعب قويه / الله لا يعطيك العافيه شلون مبحلقه عيونك وتشوفين هالمناظر
شوق بحماس / استمتع بهالقطات مو مثلك يالخيخه لا وتبين تتوظفين بالشرطه ترى عندهم مناظر اقوى من هالافلام الي تشوفينها
ساره بجديه / لو بشتغل بكون بمكتب وبحقق مع المجرمين
شوق بجديه / وشلون بتعزرين فيهم لين يعترفون بجريمتهم
ساره بستغراب / وليش اعزر فيهم بيعترفون من غير تعزير
شوق بسخريه / اجل ترجيهم وابكي قدامه معلشان يعترفون
ساره بجديه / لوقتها يصير خير يليت تغيرين فلمك هذا اقوى من الي دايم اشوفه
شوق وهي مستمتعه / لو اشوفك منجلطه ما غيرت ماعجبك هذي غرفتك ادخليها ونامي
وقفت ساره بعصبيه دخلت غرفتها وانسدحت على سريرها ونامت وشوق اتابع الفلم
عند مساعد
بعد ما كتبت له زوجته ورقه بالفتامينات الي يحتاجهم تركي طلع لرياض شارهم ورجع للبيت دخل المجلس شاف تركي على نومته وبنفس وضعه لما تركه دخل داخل وقبل لا يدخل غرفته مر غرفة بنته الي نادر يدخلها او يمرها
بداخله نار مولعه بسبتها على كل البراهين والمواثيق على برائتها لكن ماقدر ينسى نظرة اخوانه واصرارهم انه يذبحها
وبتهور استجاب لهم والنتيجه ضياع عقل بنته وجنونها
اخذ المفتاح المعلق على الباب فتح غرفتها بيدين تنتفض
شاف المكان مظلم الا من نور داخل من شباك غرفتها ويسمع صوت تكسير
دخل وهو ينتفض من الخوف شافها تكسر اغراض الغرفه والغرفه ماتنشاف من الاغراض المنثوره قرب اكثر شافه معرضته ضهرها وتلعب بالاغراض المكسوره
اوجعه قلبه عليها لانها كثيررررررررر تغيرت بعد شعرها الطويل امها قصته لها ولد لانها بصعوبه تسمح لها تمشطه وجسمها الي كان مضرب للانوثه صارت عظم وجلد
قرب اكثر وجلس وحط يده على كتفها التفتت وانصدم من الهالات بعيونها والعظام الي بتخرق خدها اول ماشافته انرعبت وصارت تركض بتختفي عنه وجلست بزاويه بعيده وهي تنتفض وعيونها كلها رعب اطالعه هي مثل الطفل مسالمه مامنها خطر او اذى
بعد الي شافه غصب عنه نزلت دموعه وبكى بحرقه لانه هو السبب الي صار لها
كانت اغلى من روحه وهي بنته الوحيده الي ماقدر يجيب غيرها بسبب عجزه
وقف ومسح دموعه وعيونه تشوف بعيون بنته خوفها ورعبها منه طلع من غرفتها وقفل عليها الباب ورجع المفتاح مكانه
دخل غرفته شاف زوجته متسنده على سريرها
لطيفه وعيونها عليه وبضيقه / شفتها
مساعد رمى غترته على التسريحه وحط كيسة العلاج على جنب ومن غير لا يرد عليها دخل الحمام
متاكده انه شايف بنته والي فيه ندم على سواته واستجابته لا خوانه
طلع من الحمام ووجهه احمر من كثر مابكى صعبة انك تكون السبب بضياع عقل انسان شلون لو كان هالشخص قطعه من الروح
لطيفه بقهر / معاد ينفع الي تسويه بنفسك خلاص بنتنا راحت وماهي براجعه مثل اول
مساعد بصوت مبحوح / يا بنت الحلال فكيني من كلامك الي كل يوم تعيدين وتزيدين فيه قولي وش الي بيرضيك علشان تنسين هالموضوع
لطيفه ودموعها صارت تنزل وبحرقه / وش بيعوضني عن فقداني لبنتي الوحيده بسبب تهورك حلفت لك ان بنتك طاهره ونظيفه وسحبتها من قدامي مارحمت دموعي ولا صدقت حلفي لولا رحمة ربك كان الحين بنتك مدفونه بقبرها من غير لا نظهر برائتها قدام الكل ونحاسب الي كان السبب صرت معهم على بنتك مارحمت ضعفها يامساعد وترجيها وينه قلبك والحين تبيني اسكت مراح اسكت لين الكل يعرف ان بنت لطيفه ومساعد طاهره
مساعد باختناق / خلاص معاد ينفع والكل قال ان شهودك شاريتهم من المستشفى لانك تعرفينهم
لطيفه بعصبيه / وانت صدقتهم والله يامساعد ان بنتك محد قرب منها ولا دنسها ماحسيت بوجعي وانا اخذ بنتي البريه عند دكتورة تكشف عليها وبنتك تنتفض من الحياء والدكتوره تكشف عليها شلون بتسمح لرجال يعشرها بالحرام
شوفت عيني بنتك بنت لكن ماصدقت نفسي وديتها بدال الدكتوره عشر علشان تثبت برائتها وطهارتها من الكلام الي انقال بحقها والصوره الي مركبينها وانت يالمهندس صدقت اجل الجاهل وش بيسوي
ولما جيت عند اهلك وواجهتهم كذبوني خلوني اذل نفسي عند الدكتورات واترجاهم يجون معي ويقولون لكم الحقيقه ولما جو معي فضحوني قدامهم وطردوهم واتهموني اني متفقه معهم علشان يثبتون برائة بنتي يويلكم من ربي رميتو محصنه بريئة وبغيتو تذبحونها
مستحيل اسامحك يامساعد انت واخوانك لين يثبتون برائتها قدام الي اتهموها ومثل مانشرو فضيحتها زور ينشرون برائتها وقدام الكل وياخذون حقها من الي كان السبب
مساعد بعصبيه / اسكتي معاد ابي اسمع صوتك
لطيفه بعصبية / صوت الحق يوجع مستحيل اسكت لين الله يثبت برائتها او ياخذ روحي
مساعد بعصبيه/ وش بيجلسني عندك بطلع انام عند الضيف
لطيفه بهدوء/ تسهل عنده وحاول تعطيه العلاج
مساعد اخذ كيسة الدواء الي على جنب وطلع من غرفته ودخل المجلس شاف تركي نايم ماله خلق يصحيه او يعطيه العلاج حط الكيسه عند راس تركي
وطلع برى البيت يمشي وداخله هموم وضيقه انحاش من نظرات العالم الي ماترحم وكلامهم
الي يوجع بعرضه وفي من باغلى مايملك بهالدنيا
لكنه ماسلم من لسان زوجته الي يجلد روحه
داخله مصدق كلام زوجته لكن ساعة الغضب ينعمي البصر
مساعد وعيونه بالسماء / ياحي ياقيوم برحمتك استغيث اصلح لي شاني كله ولا تكلني الى نفسي طرفة عين
جلس برى على صخرة ماله خلق يدخل والنوم من بعد كلام زوجته طار
مساعد بصوت باكي / شلون اثبت برائتك قدام الكل يانوره وارجع لك كرامتك وحط عيوني بعيون الكل واقول لهم بنتي بريه بنتي طاهره محد دنسها
وبصوت حزين / معاد ينفع والعقل راح مثل ماراح غيره ياحسرة قلبي عليك يان وره من بعد ماكنتي اجمل البنات زين وعقل ومنطق كل هذا راح وصرتي مجنونه
كله مني شلون صدقت فيك وانتي تربية يدي حسبي على الي ما يخافون الله الي خلوني افقد عقلي وبغيت اذبحك ذبح شاه
لما تذكر عيونها وهي بين يدينه والخوف الي صابها وهي تشوف السكين على رقبتها
صار ينتفض من البكي الي تحول لشهقات موجعه
تذكر الشلل المؤقت الي صاب يده بدال ما ينحرها طاحت السكينه من يده
شلون مافهم وقتها ان الي صابه وعجزه عن ذبحها بعد اصراره كل هذا يثبت برائتها وطهارتها
صار يبكي اكثر واكثر وستمر على حاله ساعات وهو ينتحب وماحس بنفسه الا على طلعت النور وصوت الغنم حوله
عند لطيفه
بغرفتها تبكي بحرقه الدموع مافارقت عيونها من بعد الي صار تذكرت بنتها وطلعت من غرفتها واخذت المفتاح وفتحت الباب شافتها نايمه بالزاويه قربت منها وداخلها غصه ووجع
رفعتها من كتفها فتحت نوره عيونها شافت امها حست بالامان والراحه ابتسمت
لطيفه بحنان / ليش نايمه بهالمكان كم مره اقول لك لا تنامين بالزوايا تعالي ياروح امك نامي بحضني
نوره بطفوله / وحش كبير دخل هنا
لطيفه / هذا مو حش هذا بابا ويحبك
نوره بصراخ / لا وحش بيده سكينه بيذبحني وياكلني
لطيفه بحرقه / الله يسامحك يمساعد البنت نست كل شي الا السكينه
لطيفه وعيونها على الحوسه الي صايره بالغرفه / ليش مكسره الاغراض الي شاريتهم لك
نوره بطفوله / مابيهم ابي اطلع العب برى
لطيفه تمسح على شعر بنتها بحنان / حبيبتي كل يوم اطلع معك برى عند الغنم وتنبسطين لكن بالليل لازم اقفل الباب خايفه عليك
نوره تحك شعرها بطفوله / طيب جوعانه ماكلت شي
لطيفه بحب / ولا يهمك الحين نطلع نسوي لنا فطور ونفطر سوى لكن قبل لازم اسبحك وامشط شعرك ونطلع نفطر ونتمشى مع بعض
نوره بحزن / ماما لما شفت الوحش سويتها بملابس الحين انا مو شاطره
لطيفه بدموع حضنتها / انتي شاطره لان كل الي اقوله لك تسوينه والوحش مراح يدخل غرفتك مرة ثانية علشان ما تسوينها بملابسك
نوره بطفوله تمسح دموع امها وبحزن / ليش تبكين من مزعلك اكيد الوحش بقول لطلال يذبحه
لطيفه لما سمعت اسم طلال حست باختناق هذا الاسم ماصار يغيب عن لسان بنتها وتشوفه قوي وهو الي حرق قلبهم على بنتهم
لطيفه من كل قلبها / حسبي عليك ياطلال الكلب
نوره كشرت بوجها / طلال حلو مو كلب
لطيفه وقفتها وبضيقه / يله نتسبح ولا ماتبين تفطرين
نوره وقفت وسبقت امها للحمام وطلعت راسها / يله سبحيني علشان اشوف باااااع
لنا لقاء باذن الله الاسبوع الجاي
اختكم نسايم نجد
|
03-07-11, 05:14 PM
جديد مواضيع قسم الارشيف
العرض العادي
