كاتب الموضوع :
نسايم نجد
المنتدى :
الارشيف
اسفه كثير على تاخري واشكر الجميع
بارت اليوم بارت خفيف مكمل للبارت الي فات في بارت اليوم ظهور عايله جديده لها دور بالروايه
في بارت اليوم بتعرفون ردت فعل مها لما اكتشفت زواج نوف
وفي بارت اليوم موقف نوف من الي طلبه ركان
وفي بارت اليوم موقف اهل سالم لما دروى انه فاق من غيبوته
في بارت اليوم راي ساره بصقرررررررر
الرجاء عدم طمر السطور
البارت الثالث والثلاثون
في بيت الجده
في غرفة الطعام ام سالم مع ولدها سالم وعيال ناصر وسالم وشوق وساره وهيا يتغدون داخل
ام سالم وعيونها على ولدها سالم / كيفك اليوم
سالم رفع عيونه عن اكله / الحمد لله
ام سالم تركت الاكل الي بيدها على انها ما ذاقته ولا حست بطعمه من قلقها على ولدها
سالم بحنان / يمه وش شاغل بالك ومانعك عن الاكل
ام سالم مسكت الملعقه وبدت تاكل / ماتشوفني اكل
سالم وعيونه بوجه امه / تركي مارجع
ام سالم تنهدت تنهيده / لا
سالم وقف / الله يهداك يمه ليش ماقلتي لي اروح ادور عليه
ام سالم خافت على سالم من الانفعال / اخوك مافيه الا العافيه تلقاه عند واحد من ربعه او بفندق
رجع سالم وجلس / اذا الليله ما بات في البيت بطلع ادوره وجيبه معي
ام سالم وقفت / ان شاء الله بيجي قبل الليل
طلعت من الغرفه وجلست بالصاله وخوفها يزيد على ولدها
عند شوق
كانت جالسه تتغداء بطاولة المطبخ مع هيا وساره
هيا / عندي لكم مفاجئة انتم اول من يدري عنها بعد سالم
ساره بسخريه / دايما سالم سابقنا بكل شي
شوق بحماس / قولي حدي متشوقه
هيا بابتسامه / انا حامل
فزت شوق بحب وحضنت هيا
شوق / الف مبروك
سارة بمزح / ناقصين ويع واااااااااوع ماصدقنا يزيد يكبر
هيا بابتسامه / الي يسمعك يقول انتي الي بتهتمين فيهم وتربينه
ساره بمزح / اذا تزوجت مستحييييييل اجيب عيال يصدعون راسي ويخربون جسمي
شوق بجديه / انا اموت بالاطفال بصير مثل امي كل سنه ولد وعلى هذا جسمها خياااااااااال
ساره بسخريه / اجل ابشرك بيتزوج عليك وبيحذفك بكبودنا
شوق بسخريه / اجل انتي بيحنطك عنده وش يبي فيك على الاقل بكون الولود الودود
ساره بسخريه / قلنا الولود ممكن لكن الودود ماني قادره ابلعها
شوق بجديه / تبين الصدق حتى انا ماضن بصير ودود
هيا بابتسامه / اتوقع بتحطين له لغم في سريره
ساره / ههههههههههه حلوه
شوق بابتسامه / خبله اذبحه مره وحده لا انا اموت بالموت البطيئ واتلذذ بالتعذيب
( نسومه تقول ما تستاهل ياركان الي بتسويه فيك شوق )
عند صقر
دخل بيت ركان دخل المطبخ مد البنت للمربيه اخذتها جاكلين منه بابتسامه
صقر بسخريه / اخيرا شفنا سنك يالعجوز شكلنا بنطقها صحبه
جاكلين بابتسامه / ازعجتك شادن
صقر بسخريه / هذي وش تقول مافهمت الا اسم شادن كلامهم يتعذبون لين يطلعونه مدري وش تقولين بطس عند الشايب ابرك من مقابل وجهك وسماع كلامك الي يصدع براس
طلع من عندها ودخل غرفة ضاحي وانسدح على الكنبه وطار تفكيره لنوف
صقر بجديه / غريبه هذي ما تشبه اخوها مبارك ولا حتى لمحه
تذكر نايف / شلون نسيت نايف اخوها نسخه منها معقوله نايف يدري عن اخته وعن معاناتها وراضي مستحيل يدري ان عنده اخت
بتصل على عبدالله وبساله
رفع جواله واتصل على اخوه
عند عبدالله
كان بالسياره راجعين للبيت سمع صوت جواله شاف رقم صقر
عبدالله / الو
صقر / كلمتك بسالك نايف عنده خوات
عبدالله وعيونه على نايف الي بعالم ثاني / لا عنده وحده من زمان ماتت بسخونه
صقر بجديه / من قال انها ما تت
عبد الله بجديه / اخوه مبارك قال صايبتها سخونه وهي صغيره وبسبت ارتفاع حرارتها ماتت
نايف لما سمع اسم مبارك التفت لصديقه يسمع المكالمه
صقر فهم ان مبارك كاذب على اخوه بسالفة اخته / خلاص يله فمان الله
عبدالله بستغراب / وش عندك تسال عن اخت نايف
صقر بجديه / بعدين بتفهم
قفل من اخوه ونايف بصوت حزين / وش عنده صقر يسال عن اختي الله يرحمها
عبد الله هز كتوفه / مدري العلم عند صقر
نايف بجديه / كان اصريت عليه يقول لك
عبد الله بجديه / يمكن سمع ان عندك اخت وحب يتاكد
نايف بحزن / ياليت عندي اخت والله لحطها بعيوني وقفل عليها
عبدالله بجديه / لا تضيق على نفسك الله له حكمه بكل شي لا تعترض على حكمته
نايف / اللهم لا اعتراض
عند مها
صحت من نومها حاسه بصداع طلعت عند عيالها شافتهم يتغدون
دخلت ا لصاله وقلبها عند نوف تعرف صديقتها مو قد المواقف الصعبة الي ممكن تتعرض لها
مها بضيقه / ياربي شلون اقدر اتطمن عليها وجوالها اكيد مايستقبل الله يهديها منبهه عليها تطمني لوصلت على منو اتصل مافيه الا النذل اخوها رفعت جوالها فتحت قائمة المكالمات لم يتم الرد عليها كان من بين الارقام رقمه
ضغطت بضيقه على رقم مبارك
عند مبارك
كان منسدح بالخيمه سمع صوت جواله الي كان بجيب ثوبه طلعه وشاف رقم صديقة اخته رد
مبارك بنفس خايسه / خير وش عندك متصله
مها بعصبيه / ما كلمتك لسواد عيونك كلمت ابي اكلم نوف
مبارك بوقاحه / اذا تبينها اتصلي على بيت زوجها
مها بصدمه / شتقووووووووول
مبارك بسخريه / ما ضنتي انك ماتسمعين صديقتك تزوجت والحين في بيت زوجها
مها بعصبيه وقهر / اكيد بعتها يامبارك لكن والله لخليك تخيس بالحبوس انت وزوجها
مبارك ببرود / عندك غير هالكلام لاني مابي وجع راس
مها بعصبيه / عطني رقم زوجها لي تفاهم معه
مبارك بعصبيه / يله تقلعي وصديقتك انسيها واياني وياك تتصلين على رقمي
مها بتنفجر من العصبيه / انت ما تعرفني وتبيني اجي للجنوب خصيصي علشان اربيك احسن لك عطني رقمها
قفل الجوال بوجها
عند مها
بعد ما قفل بوجها ثارت وصارت مثل المجنونه / الله ياخذك يا مبارك ويدمرك ياربي شلون اوصل لها وانقذها من المجرمين الجدد الي بيدمرونها اكثر
صارت تبكي بحرقه / مالي الا شوق هي الي بتبرد قلبي
رفعت الجوال واتصلت على ولدها
عند ثامر
كان يتغداء مع سالم في لوبي الفندق شاف رقم امه ابتسم
ثامر بحب / هلا بالغاليه
مها بصوت باكي / شخبارك ثامر واخبار سالم
ثامر بخوف / يمه انتي تبكين وش صاير
مها بصوت باكي / عندك سالم
ثامر بخوف / ايه لكن محد يدري انه فاق غيرك
مها بحزن / ابي رقم شوق
ثامر التفت لصديقه والجوال بيده / امي تبي رقم اختك شوق
سالم بستغراب / شوق ماعندها جوال كلنا نترك جولاتنا بفرنسا
ثامر طالعه بستغراب / ليش
سالم بضيقه / عودنا ابوي من كنا صغار اذا سافرنا تركناها بفرنسا وهنا نجلس ايام ما نحتاجها
سمعت كلامهم مها / ثاااااااااااااامر
سمع صوت امه / هلا يمه يقول ماعندها جوال
مها بصوت باكي / ابي رقم بيت جدته
ثامر برعب / يمه خوفتيني عليك ليش البكي ليكون صار لبوي شي
مها تحاول تمنع نفسها عن البكي / ابوك بخير بسرعه عطني الرقم
ثامرالتفت لصديقه / عطني رقم بيتكم
سالم عطاه الر قم واخذته مها وقفلت الجوال
التفت لصديقه الي مستغرب اكثر من ثامر وش الشي الضروري الي تبي شوق علشانه
سالم بستغراب / امك وش عندها مع شوق
ثامر بضيقه / امي تبكي
سالم بخوف / انتظر ساعه وكلمها اسالها ما قدر اصبر اخاف صاير شي ما تبي تقوله لنا
عند ركان
كان جالس وعيونه عليها دخلو الممرضات بيعطونها ابره ويركبون المغذي طلع وانتظر برى
ركان بضيقه / حسبي عليك يا مبارك الي خليتني اشاركك بتعذيب هالمسكينه دمعتها جمرة تحرقني حسبي عليك استغليت يتمها وحاجتها لك وصرت تبيع وتشتري فيها لكن هين دواك عندي
شاف الممرضات يطلعون من غرفتها دخل عليها وجلس بالكرسي مقابل لها
وعيونه عليها وفي نفسه / سبحان الله وجها كله طيبه والواحد لا شافها يرتاح لها ولا وده يفارقها
شلون لرجعت لعيالها وبصوت عالي كله حزن / يارب تعرف حاجتي للام وراحت يارب لا تحرمني الاخت الي ظهرت بحياتي من غير ميعاد
نوف سمعت كلامه ورق قلبها له مثل حاجته للاخت هي بحاجة للاخو
نوف عدلت جلستها وبحنان / بكون لك الاخت الي تتمناها وبكون امك اذا بغيت
ركان ارتبك من صوتها واستحى انها سمعته / مستحيل اجبرك على العيشه عندي ما قدر اشوف دموع انا سببها
نوف بابتسامه / رجع لي عيالي ياركان
ركان بثقة / وعد اجيبهم لحضنك لو فيها اني اخسر صداقتي مع تركي
نوف بحزن / عندي ورقة تنازل منه ومن اهله عن عيالي لكن بعد زواجي خايفه تصير ورقة التنازل ضدي
لو بفرنسا الورقه بتجبره غصب عنه يجيب لي عيالي لكن هنا ماعرف قوانينكم
ركان مستمتع بنبرة صوتها وسرحان بالحرف وطريقتها شلون تطلع من فمها وخاق على الالماسه الي تلمع بسنونها زايدتها جمال ولا يدري وش تقول
نوف انتبهت لنظرة الاعجاب وبارتباك / نزلت حرارتي بطلع عند بنتي
ركان بارتباك وبابتسامه / بنتك مع صقر
نوف بخوف / منو صقر
ركان بجديه / صديقي الي كان معي لا تخافين عليها وهي معه
نوف بجديه / ابي اطلع لبيت مبارك قبل لا ادخل لبيتك
ركان بضيقه / مبارك حسابه معي انتي ارجعي لبيتك وارتاحي فيه
نوف بحزن / كم دفع فيني ابوك
ركان برجوله / اذا اخوك باع احنا اشترينا كنز مايقدر بثمن والخسران اخوك لانه ماعرف قدرك
نوف بابتسامه حزينه / الي يسمع كلامك يقول تعرفني من سنين مو دقائق
ركان بجديه / عمري ما جاملت احد وقلت فيه شي مو فيه انتي وجهك يتكلم عن الي داخلك سيماهم في وجوههم
ركان بابتسامه / تدرين اني اعرف عنك شغلات كثيره ولا توقعت حتى بالصدفه اشوفك
نوف بوجع / اكيد الشغلات الي تعرفهم عني شينه ناصر رسم لي صوره مشوهه عند كل الي يعرفهم حتى اهله كرهوني قبل لا يشوفوني او يعرفوني وتركي كان بيدمرني لكن ربك ستر
ركان بصدمه / تركي يدمررررررك
نوف يضيقه / مستحيل اقول لك لان الاكيد انك بتكذبني
ركان بجديه / مابي اعرف وش سوى لك تركي لاني ماضمن ردة فعلي لسمعت الي بتقولينه والاهم اذا وثقتي فيني طلعي الي بقلبك
نوف تغير الموضوع / شنو وظيفتك
ركان فهم عليها / مدير بالمباحث العامه
نوف باستغراب / مافهمت شنو مباحث
ركان بابتسامه / مثل الشرطه الجنائيه
نوف ابتسمت واستغرب ركان ابتسامتها
نوف بابتسامه / شوق حلمها وامنيتها تكون بالشرطه الجنائيه
ركان باستغراب / منهي شوق
نوف بحب / بنتي تدرس قانون ولو تدري اني اعرف احد بالشرطه كان طلبت مني اتوسط لها عندك
تعشق الافلام البوليسيه والاجراميه تعلمت مكياج الخدع تقول يمكن يفيدني بشغلي
ركان بجديه / ماضنتي اهلها يرضون بنتهم تشتغل هالشغله الصعبة
نوف بحب / فديتها شوق اذا حطت شي براسها تسويه ولا يهمها اكبر راس
ركان معجب فيها / ماينفع بالزمن الا البنت القويه
نوف بمزح / احجزها لك
ركان / ههههههههه عاد شروطي بفارسة احلامي صعبه شوفيني وصلت 35 وللحين ما تزوجت
نوف باعجاب / شوق بتنسيك عمرك كله
ركان / هههههههههه شكلك خايفه ان بنت تعنس بترمينها علي
نوف بابتسامه / الخطاب طوابير يتمنون منها اشاره لكن هي ماتبي تتزوج تبي مواصفات خياليه بزوج المستقبل
ركان بابتسامه / ا ن شاء الله فيني
نوف بجديه / من طيبتك وحنيتك اتمنى من جد تكون انت نصيبها باتاكد انك مستحيل تظلمها
ركان بجديه / ولا يهمك اذا نقلت لرياض بخطبها من عمها
نوف بزعل / ركان بنتي مو سلعه اعرضها عليك بنتي قدرها غالي وكلامي كان مزح
ركان بجديه / وانا اتكلم من جدي كبرت و مصيري متزوج اذا مو بنتك غيرها فمدامها بنتك شاريها لان البنت لامها وابتسم / وبتكون حماتي حبوبه وطيبه
نوف بابتسامه / يمكن ما تعجبها وطفشك مثل ما طفشت غيرك
ركان باستغراب / شلون بطفشني
نوف بابتسامه / حلمك اقولك شلون بطفشك جرب وتشوف
ركان بابتسامه / والله تحمست اجرب وشوف شلون بطفشني
في بيت صقر
بعد ماطلع صقر من عندهم دخلت ام صقر لغرفتها تصلي والبنات طلعو لغرفتهم
في غرفة ديما
منسدحه ديما على سريرها ونجود جالسه
ديما بجدية / وش رايك نزور زوجة ضاحي الفرنسيه
نجود بجدية / توها عروس ننتظر ايام وبعده بنزورها
ديما بسخريه / مصدقه انها عروس ترى زواجهم صوري بدال مايجيب خدامه لبوه جاب عروس تخدمه
نجود بجديه / تبين الصراحه انا ضد زواج ضاحي لكن لم اتذكر ان عندها عيال ارتاح شوي
ديما بستغراب / خير وش الي يريحك
نجود بحنان / عجوز وتتزوج اكيد الي حادها على الزواج الحاجة
قاطعتها ديما بجديه / يمكن انها طمعانه لا تنسين ان ضاحي بطران وماله الا ولد وحيد وزواجها من الشايب مراح يدوم متاكده انه بيفنقش وبتارثه
نجود بجدية / كل شي جائز
ديما بجدية / ياليت تطلعين بنام
نجود بجديه / انزلي نتقهوى سواء دايما ذا الوقت نايمه
ديما بسخريه / تحسبيني مثلك طول نهارك نايمه ومرتاحه لك نفس تتقهوين
نجود بجديه / شخبارها صديقتك سلوى
ديما بضيقه / مدري عنها وقلبي ماكلني عليها
نجود بجدية / اتصلي عليها
ديما بضيقة / حرقت جوالها بتصالاتي وكله مغلق
نجود بجدية / طيب شلونها ساره
ديما بابتسامه / فديتها سارونه زوجة صقر الي مايستاهلها
نجود بعصبية / انكتمي ليسمعك صقر
ديما بجدية / ذكرتيني فيها بتصل عليها تفرفشني شوي
نجود بابتسامه / تعجبني ذا البنت
رفعت ديما جوالها واتصلت على ساره
عند ساره
بغرفتها نايمه بعد الغداء وشوق نايمه بسريرها
سمعت صوت جوالها رفعته ردت عليه وهي نايمه
ساره بصوت كله نوم / خيررررررر
ديما بابتسامه / اصحي ديما على سن ورمح تكلمك
ساره بتعب / وش رايك تقفلين وتنامين وتخليني ارتاح
ديما بابتسامه / مشتاقه لك يالخايسه
ساره بطفش / كلمي المغرب وعبري عن اشولقك الحين اقلبي وجهك
ديما بصراخ / ووووووووووووووجع قومي
فزت ساره من صراخ ديما / حسبي على شيطانك فجرتي طبلتي وطيرتي النوم من عيني
ديما / ههههههههههههه وهذا المطلوب
ساره تسندت على سريرها / هذاني صحصحت قولي الي عندك
ديما بمرح / عندي اخبار الموسم
ساره بملل / متاكده ما وراك الا الدجه لكن خلينا نتبع الكذاب لحد الباب
ديما بجديه / زوجة ضاحي الي قلت لك عنها جت اليوم
ساره بحماس / الفرنسيه بالجنوب
ديما / ههههههه ابشرك انحاشت لما شافت الشايب
ساره / ههههههههه لو مكانها انتحرت من بعد فرنسا لشايب طايح وفوقه مخرف الله يجبر مصابها
ديما بجديه / لا تنسين انها عجوز المفرض تحمد ربها وتشكره لقت لها ولد وفوقه زوج غني لو مات صارت تاجره بعد الفقر
ساره بجديه / على كلامك عندها عيال مو بحاجة لولد ضاحي
ديما باعجاب / شفت بنتها عيونها تشبه عيون بنت اخوك شوق زرقاء الظاهر الي يولدون بفرنسا تطلع عيونهم زرق
ساره بجديه / اصلا شوق طفره جينيه كل اخوانها عيونهم عاديه الا هي غير
ديما بحقد / الا شخبارها امهم
ساره بصوت واطي / ما قدر اتكلم شوق نايمه عندي وكلامنا في امها يزعلها هجت لفرنسا والسبه هالموضوع
ديما بحقد / تبين الصراحه اكره امهم انسانه عايشه لنفسها ماهتمت بعيالها لو يحترقون واكيد ما تصلت تطمن عليها تزوجت ونستهم
سارة وعيونها على شوق / وبعديييييييييييين
ديما بطفش / خلاص سكت قولي اخبارك
ساره بسخريه / صح النوم الحين تذكرتي اخباري طيبه وبخير
ديما بجديه / وش رايك تصيفون عندنا بالجنوب
ساره بسخريه / انهبلت علشان اترك ارض الله الواسعه واجي الجنوب علشانك
ديما بخبث / وش رايك ازوجك صقر علشان تلزقين عندي
ساره بجديه / بسم الله حولي وحولي قلو الرجال علشان اخذ الشايب خالك
ديما باعجاب / صقر شيخ الشباب غصب عنك ولها فخر الي بتكون زوجة صقر
ساره بسخريه / الله يخلي القرد لهله
ديما بجديه / لو كلمتك من جد وش عيبه صقر علشان ترفضينه
ساره بجديه / عيبه انه مو فارس احلامي وفوقه اكبر مني بعشر سنين وياليت تقفلين الموضوع الي يغث
ديما بجديه / تدرين صقر جاه نقل لرياض
ساره بفرح / بتسكنون عندنا
ديما بفرح / صقر شرى فله اخوك تركي والثانيه لضاحي
ساره بفرح / ووووووواو بنتعرف على عجوز ضاحي ونفلها مع الفرنسيه
ديما بجديه / ما ضنتي بتكون موجوده اول يوم انحاشت ومرضت وترقدت بالمستشفى اكيد بتجبر ولده يطلقها من ابوه وبترجع لفرنسا
ساره بجديه / فيها حيل تنحاش
ديما بابتسامه / مثلك مستغربه
ساره / يله مع السلامه بقوم شوق وبنطلع نزور سالم
ديما بجديه / للحين سالم بغيبوبته
ساره بحزن / بدينا نفقد الامل انه يصحى
ديما بجديه / الحمد لله انه عايش
ساره / الحمد الله يله مع السلامه
ديما / مع السلامه
عند ديما
كانت نجود مستمعه للمكالمه / بغيتي تتهورين وتكشفين لها المستخبي
ديما بحزن / تقول ان صقر مو فارس احلامها وانه اكبر منها بعشر سنين وفوقه الموضوع يغث كنت بقول لها الحقيقه والي فيها فيها حرام تبقى طول عمرها مخدوعه
نجود بجديه / مالنا شغل الي سوها الكبار هم الي يبلغونها يمكن لو قلتي لها تكرهك
ديما بضيقه / لازم اقربهم واحببهم في بعض لو بالصدفه لكن مدري شلون
نجود بجديه / تدرين متاكده لشافها صقر بيحبها ساره فرفوشه وحبوبه تدخل القلب على طول
ديما بجديه / ما ضنتي ساره بترضى بالصقر وتنجبر عليه واذا انجبرت متاكده بطفشه وتكره بحياته
عند ساره
خلصت مكالمتها من ديما ودخلت الحمام اخذت شور دخلت غرفة التبديل لبست وطلعت قربت من شوق
سارة بجدية / شوق قومي بنتاخر على الزياره
شوق فتحت عيونها / طيب ثواني واخلص
قامت شوق دخلت الحمام وساره طلعت من الغرفة مرت غرفة امها شافتها جالسه بالظلمه
قربت من امها وبخوف / يمه يوجعك شي
ام سالم بصوت مبحوح من البكي / مافيني شي تعبانه شوي
ساره بحنان / اطلعي معنا بنزور سالم
ام سالم بضيقه / الدنيا ضايقه فيني ماني قادره ازوره اليوم
جلست جنب امها / يمه قولي الي مضايقك الزعل بيرفع ضغطك
ام سالم بحزن / اخوك له يومين غايب ولا ادري وينه وجواله ناسيه هنا حتى فلوس ماعنده لان بوكه هنا
ساره بحنان / يمه تعرفين تركي اذا زعل او تضايق يغط فتره ويرجع ماله مكان الا هالبيت انتظري وبتشوفينه داخل علينا
ام سالم بضيقه / قلبي مو مرتاح لغيابه قلبي يقول ان صاير فيه شي
ساره باست راس امها / ان شاء الله بخير منتي بمغيره رايك وتطلعين معنا
ام سالم بحزن / تسهلو الله يستر عليكم
طلعت ساره من غرفة امها نزلت شافت شوق جالسه بعباتها
ساره بستغراب / غريبه مامرتي غرفة امي
شوق بجديه / شفتك عندها قلت يمكن بينكم سر ماتبوني اسمعه
ساره بزعل / وش هالكلام من متى وبينا اسرار كل شي تعرفينه قبلي
شوق بجديه / ادري لكن ماحبيت اقطع سوالفكم بدخلتي يله بنمشي
طلعو ركبو بسيارة السواق بطريقهم للمستشفى
عند مها
بعد ماخذت الرقم من ولدها كل ماتصلت الخط مايشبك وبصعوبه شبك
مها بجديه / الو بيت الضامي
هيا بجديه / ايه وصلتي من معي
مها بجديه / صديقة شوق بفرنسا ممكن اكلمها
هيا بجديه / شخبارك
مها بضيقه / الحمد لله من معي
هيا بجديه / معك هيا زوجة عم شوق
مها بجدية / سمعتك الطيبه واصلتني شخبارك واخبار العيال
هيا بجديه / الحمد لله طيبه ممكن اعرف اسمك
مها بضيقه / شوق عندك بكلمها ضروري قبل لا يقطع الخط
هيا بجديه / شوق طالعه وبترجع بالليل
مها بقهر / اذا جت قولي مها بفرنسا تبيك بامر مهم لازم تكلمني ضروري الله يخليك لا تنسين
هيا بجديه / طيب تعرف رقمك
مها بضيقه / على انها تعرف الرقم لكن سجليه عندك احتياط
سجلت هيا رقم مها وبعد قفلت التلفون
كان سالم وراها
سالم بجديه / من تكلمين
هيا بجديه / صديقة شوق بفرنسا
سالم بجديه / غريبه محد اتصل فيها من فرنسا حتى امها
هيا بستغراب / حتى انا مستغربه يمكن شي يخص الجامعه
سالم بجديه / بطلع ازور سالم وبعده عندي موعد شغل
هيا بابتسامه / بتلقى البنات قدامك اليوم سبقوك بزيارة سالم
سالم بعصبيه / البنات مايتركون عنهم الطفاقه مايقدرن ينتظرن لين نطلع سوى
هيا بحب / هدي نفسك مافيه شي يعصبك
سالم بجديه / يله طالع لا تنظريني للعشا
في المستشفى
دخلت سارة وراها شوق دخلو غرفة العنايه انفجعو لما شافو السرير فاضي
شوق بصوت باكي / وينه سالم
ساره / ليكون
صارو يبكون دخلت الممرضه / ليش فيه يدخل هنا
شوق عيونها احمر من البكي / وينه سالم
الممرضه / فيه يطلع برى مستشفى
ساره بعصبيه / يابقره شلون يطلع برى وهو له شهر بغيبوبه
ممرضه / فيه يصحى من غيبوبه من زمان
شوق بجديه / بنطلع لدكتور اكيد بيفهمنا وش تقول الخبله
طلعو ودخلو من غير استاذن لغرفة دكتور سالم المصري
شوق بجديه / وينه سالم ناصر الضامي
الدكتور بستغراب من دخول البنتين عليه من غير استاذن / طلع بالليل من المستشفى
ساره بعصبيه / على كيفك اطلعه من غير لا تحط عند اهله خبر انه فاق من الغيبوبه
الدكتور بجديه / هذا طلب المريض وحنا محترمين طلبه ونفذناه له
شوق بسخريه / الا قول انه انه شرى ضميرك بكم فلس مافكرت ولا حسيت بمعاناة اهله وينها امانتك الطبيه
الدكتور بعصبيه / اطلعي برى المكتب تجاوزتي حدودك معي
شوق بعصبيه / الحين بتشوف تجاوزي لحدودي صح
والتفتت لساره وبعصبيه / ساره قفلي المكتب
ساره بخوف / وش بتسوين يالمجنونه
شوق بعصبيه / قفلي الباب واذا خايفه اطلعي بسبته وقفت قلوبنا خوف على سالم
استجابت ساره لها وقفلت الباب وقفت عنده
شوق قربت منهم / شوف ابيك تكتب ورقه انك مستلم فلوس رشوه من سالم ولا والله لخليك
قاطع كلامها الدكتور بخوف / ماخذت رشوه من احد
شوق بعصبيه / اجل الله يعينك بنصرخ وبنقول مقفل علينا وناوي فينا الشينه
الدكتور برعب / انتي مجنونه ما تخافين على سمعتك
شوق بعصبيه / اهم شي انظف المستشفى من اشكالك
اخذت ورقه من دفتر كان قدامه ومدته عليه / يله اكتب وبعد للعشره اذا ماكتبت بنصرخ ونجمع عليك كل الي بالمستشفى
الدكتور اخذ الورقه بيد ترتجف وكتب كل شي صار بينه وبين سالم من اول يوم ولي سواه على طلب من سالم مد الورقه لشوق
اخذت الورقه وفتحت باب الغرفه وطلعت
قرت الورقه و انصدمت سالم له شهر صاحي من الغيبوبه ومايبي احد يدري انه فاق من غيبوته ليش مارحمهم وهو يسمع صوت بكاهم عليه تعرف اخوها حنون من دمعه ينهار لكن مستغرفه اصراره انه يبقى بغيبوته الوهمية
شوق بصوت باكي / ساره تدرين سالم له شهر صاحي من غيبوبته ومايبي احد يدري انه صاحي من الغيبوبه
ساره بحزن / يمكن امك السبب
شوق بضيقه / اكيد جدتي وعمي تركي لهم يد بالسالفه
ساره بجديه / يمكن ماله وجه يقابل احد بعد سوات امه
شوق بعصبيه / وش سوت امي ماسوت شي نستحي منه
وقف عندهم سالم والخوف على وجهه / شوق وينه اخوك
شوق بصوت باكي / سالم طول الشهر صاحي ويمثل علينا الغيبوبه قولي عمي ليش مايبينا نفرح انه رجع لنا
سالم بخوف / طيب وين طلع
شوق بصوت باكي / اكيد رجع لفرنسا كره الديره بسبتكم
سالم بعصبيه / شوق ثمني كلامك واعرفي انك تكلمين عمك سالم مو عمك تركي
شوق رمت نفسها بحضن عمها وصارت تبكي
شوق بنحيب / عمي تشتتنا دخيلك جمعنا
ترى اخواني فاقدين امي اولهم تركي الي كل مدخلت الغرفه عليه اشوفه يمسح دموعه مايبي يبين ضعفه قدامنا
ماسالت سبب السخونه الي ملازمه ماهر وفارس كل شوق لامي لكن مايقدرون يعبرون عن فقدهم لامي الا بسخونه امي شي كبيررررر بحياتنا فوق ما تتخيل
سالم كلامها سكاكين تقطع قلبه رفعها من حضنه
وبحنان / اذا تبين الحين تسافرين تشوفين امك سافرت معك لكن سامحيني ماقدر اترك اخواني يربون بعيد عن عيوني هم امانه عندي اخاف ينظلمون من زوج امك لو كانت هنا ما مانعت انكم تعيشون عندها لانكم بتكون قريب عند نظري اذا مافيه خير اخذتكم من عنده لكن بعيد لو تعيشون النار مادريت عنكم
شوق بصوت باكي / ادري ياعمي انك خايف علينا لكن نبي امي كلنا محتاجين لها مستحيل احد يعوضنا عنها
سالم بضيقه / يصير خير خلينا نشوف سالفتك اخوك
عند مساعد
وقت المغرب
في طريق الرجعه بالوايت لبيته بعد مفضى الوايت في بعض البيوت بالرياض فالوايت مصدر اساسي للدخل ترك القصيم بسبب ظروف واستقر في البر ومن حسن حضه كان فيه بير ماء حلوه بنى بيت صغير جنبه وبعد فتره اشترى وايت وترزق الله بماء البير
شاف من بعيد بطريق رجعته سياره واقفه تفاجئ وبصدمه / وش جايبه هالمقرود بهالمكان الخلا
قرب اكثر ونزل من الوايت قرب من السياره شاف البيبان كلها مفتوحه تفاجئ / هالخبل تارك سيارته مفتوحه ماخاف ان الذيابه تتعشاه دخل راسه شاف رجال بفانيله وسروال متمدد بالسياره واضح من شكله التعب والعطش قرب اكثر / يولد قوم معي باخذك لبيتي قبل لا تجيك الذيابه
تركي لا حياة لمن تنادي
مساعد / شكل / الرجال مغمي عليه ولا ميت قرب اكثر وحط يده على انف تركي حس بنفسه الحار
مساعد / الحمد لله الرجال للحين حي
رجع للوايت طلع طاسه حط فيها ماء من خرطوم الويت ورجع عند تركي
حط بيده ماء وصار يغسل وجه تركي الي بدا يون بتعب
اخذ مساعد قليل من الماء باصابعه وصار يسقي تركي الي يشرب بدون احساس
وقفه مساعد وركبه معه الوايت
وتركي نص صاحي ونص فاقد للوعي ركبه بصعوبه جنبه
عيون مساعد على تركي / الله يهداك احد يسوي سواتك ويجي بهالديره من غير لا يعرف طريقه معجزه انك سالم
سمع تركي اسم سالم بغيبوته وبصوت باكي / ياحرقة قلبي عليك ياسالم والله اني مالي علاقة بزوجة اخوك وبري من التهمه الي ملفقينها علي اااااااه مت وانت زعلان مني
مساعد بستغراب / هذا وش يخربط شكل الي جايبه هنا مصيبة طايح فيها وش سالفتك يارجال
وصل لبيته الوحيد بالمكان نزل ونزله معه استقبلته زوجته وستغربت من الرجال الي سانده زوجها
لطيفه بستغراب / من الرجال الي معك
مساعد / واحد لاقيه بالبر بين الحياة والموت
لطيفه بجديه / دخله داخل بالمكان البارد
دخله دخل بالمجلس سدح تركي على الارض اخذ مخده وحطها تحت راس تركي
دخل داخل عند زوجته الي دخلت البيت لما شافت الرجال الغريب
مساعد وعيونه على زوجته وبضيقه / ياليت تعالجينه واذا احتاج ادويه جبت له
لطيفه بضيقه / من بعد الي صار وانا نسيت وظيفتي
مساعد بضيقه / ادري ان شنطتك الطبيه موجوده معك طلعيها و افحصي عليه
لطيفه دخلت غرفته البدائيه واخذت شنطتها كانت دكتوره الكل يشهد بشطارتها لكن قصه صارة اجبرتهم يعتزلون الناس
لبست نقابها وعباتها ودخلت عند تركي حطت السماعه على صدره سمعت تنفسه طبيعي
لطيفه بجديه / الحمد لله مافيه الا العافيه شكل الي فيه من الجوع والعطش يحتاج فتامينات ومغذي يعوضه عن حرمانه الاكل وبحزن / والمغذي بهالمكان مو موجود لازم تجيب له فتامينات ومقويات
مساعد بابتسامه حزينه / اشوفك مانسيتي وظيفتك مثل مانسيت اني مهندس وصرت سايق وايت
لطيفه بقهر / هذا امر الله وش تبينا نسوي
مساعد بضيقه / الا احنا السبب اهتمينا بشغلنا ونسينا بنتنا
لطيفه بعصبيه / ليش منت براضي تصدق انها بريه بسبتك فقدت عقلها مايكفيك
مساعد بحزن/ من يثبت انها بريه
لطيفه بحرقه / بنتك والله انها بريه وبشهود لكن
قاطعها مساعد وبصوت كله وجع / لكن شلون بنثبت للعالم بعد مانفضحنا وصارت سيرتنا على كل لسان القريب والبعيد يعيروني فيها
لطيفه بعصبيه / خل العالم تنبسط وحنا عايشين بالبراري وبنتك فاقده عقلها وصارت مجنونه يمكن يرحمونا من لسانهم
مساعد بضيقه / انتبهي لا تطلع من غرفتها وتفضحنا عند الرجال
لطيفه بحزن / لازم تتزوج و تثبت للعالم طهارتها
مساعد بصوت مخنوق / من بيتزوج مجنونه لما كانت بعقلها تكبرنا على الخطاب ياليتني ما رفضت وزوجتها لاول واحد طق بابي كان سلمنا من فضيحتها
لطيفه مشت من قدامه وهي مقهوره متاكده من تربيتها لبنتها واثقه ومتاكده انها طاهرة و زوجها متاكد ان بنته بريه وندمان على الي سواه فيها لكن مو راضي ينسى هالموضوع الي نحشهم من وسط الناس لارض خاليه مافيها الا هم والبير وبعض الغنم من بعد ماكانت دكتور متخصصه بالامراض الخبيثه صارت بدويه راعيت غنم وزوجها الي كان اكبر مهندس وله اسمعه الحين صار راعي وايت ومعتمد عليه وبنتهم الي كان الكل يحسدهم عليها صارت مجنونه
تنهدت بحرقه / حسبي الله على الي كان السبب
لنا لقاء باذن الله الاسبوع الجاي
اختكم نسايم نجد
|
26-06-11, 02:13 PM
جديد مواضيع قسم الارشيف
العرض العادي
