كاتب الموضوع :
نسايم نجد
المنتدى :
الارشيف
البارت التاسع والعشرون
تركي حاول بكل قوته يشيل اخوه لكن جسم سالم صعبه على تركي يشيله
ام سالم بصراخ / شيله وش فيك
تركي بصوت باكي / يمه ثقيل ما قدرت اشيله
وقفت ام سالم العجوز ونزلت نفسها وحاولت بكل قوتها تشيل ولدها متصوره انه سالم الرضيع الي بامكانه شيله نست ا نالي طايح قدامها كبر وصار رجال حاولت وحاولت لكنها ماقدرت
وتركي يدور بالغرفه مثل المجنون وعيونه على اخوه وعقلة توقف عن التفكير
تركي بانهيار وبصوت باااااكي / يمه سالم بيموت بين ايدينا
ام سالم بصوت باكي ويدها على سالم / ناد عيال اخوك يساعدونك بشيله
ام سالم جلست ورفعت يد ولدها لفمها وباستها بضعف وانكسار
بصوت يوجع القلب وبنحيب / يمه لا تموت وتتركني عيالك بحاجتك وعيال اخوك بحاجتك لا تتركني يمه انت عصاي الي اتعكز عليها والله ما قسى عليك ولا احرق قلبك حتى هيا والله لحبها وعاملها زين دفنت وجها برقبت ولدها وصارت تشم ريحته ودموعها بللته
عند تركي
طلع يركض وصار يفتح غرفه غرفه ماشاف احد صار يصارح بصوت هز البيت هز ينادي كل اسم بالبيت يمكن يساعدونه حتى الشغالات ناداهم ينادي والشغالات واقفات قدامه والرعب مرسوم على وجيهم من شكل تركي المرعب
تركي ودموعه مغرقه وجهه وبصراخ / تتفرجون فيني بسرعه تعالو
دخل تركي غرفته ودخلو معه انفجعو بشوفت المنظر الي قدامهم سالم طايح واضح انه ميت وامه دافنه وجها برقبته تبكي
تركي بصراخ / تعالو شيلو معي
شال تركي اخوه بمساعدات الشغالات وصار يركض فيه على الدرج
وام سالم ركضت لغرفتها لبست عباتها ونزلت تركض
وصل تركي لسياره فتحها الباب الخلفي وسدح اخوه
وركب لما جاء بيحرك سيارته تفاجئ بالباب يفتح شاف امه
ساق بسرعه جنونيه وقطع كل الاشارات الحمراء الي صادفته وصوت بكائة وبكاء امه يغطي على هدوء السياره
وصل للمستسفى وركض مثل المجنون دخل وام سالم عيونها على ولده وصوت بكاها مالي السيارها تمد يدها له وتمسك يده
ام بصوت عالي موجع / اااااااااه يا حرقة قلبي ليش الموت اخذ من اغلى عيالي يا قسوة موت الولد شلون ولدين
ثواني طلع تركي من المستشفى ومعه ممرضات يدفون سرير لما شافتهم ام سالم نزلت وفتحت باب السياره نزلو سالم من السياره وحطوه في السرير وتركي يدف سرير اخوه الموقف يتكرر للمره الثانيه لكن المره هذي اقوى بكثيررررر هو السبب في موت سالم اخوه عضيده بيعيش بدنيا وحيد بدون ظهر او سند رااااااح الاخو راااااااااح العضيد راح سالم الحنون الطيب
تركي وعيونه على اخوه وبصوت باكي / انا السبب في موتك يا خوي افتح عيونك وسمعني والله اني بريئ والله اني بري وماني بخسيس ظلمتني بتصديقك فيني
اااااه يا وجعي يا وجعي محكوم علي انكم تموتون قدام عيني وانا الي اوصلكم لمستشفى ويفجعوني بموتكم
كل الاعين بالمستشفى على الشخص الي يبكي ويهذي بصوت عالي ويدف السرير مع الممرضات تاكدو من شكله انه فاقد غالي
وام سالم تترنح مثل السكرانه بمشيتها من الخوف والرعب متاكده انه ميت لكن عندها امل ضعيف انه عايش ويكون هذا تعب خفيف ويزول
اخذو سالم من بين ايدين تركي وقفلو الباب بوجهه حط وجهه على الباب وصار يبيكي بوجع حس من كثر البكي روحه بتطلع
ام سالم تبكي بلوعه وعيونها على الباب وروحها متعلقه بالي داخل الغرفه
عند هيا
فجئة حست بنغزة بقلبها رمت الاكل من يدها وحست بضيقه وختناق
هيا بضيقه / بنات بنرجع للبيت
ساره بزعل / لاكل الحين جاء ماكلنا شي
هيا وضيقتها تزود / بترجعون معي ولا رجعت بالحالي
شوق انتبهت لتغير هيا / عمه وش فيك كنتي طبيعيه وش صار
هيا صارت تبكي بدون ما تدري عن سبب ضيقتها او دموعها / برجع البيت قلبي ناغزني شكل صاير شي
شوق بحنان / وصلت ياعمه انك تبكين علشان ترجعين يله مشينا كله ولا دموعك
هيا تحاول تمنع نفسها من البكي لقت نفسها تبكي اكثر
ساره بخوف / هيا يوجعك شي منتي طبيعيه
هيا بصوت باكي / مدري وش فيني احس ان روحي بتطلع من ضلوعي امشو بنرجع للبيت
ساره وقفت / بحاسب وانتي وشوق اسبوقنا لسياره
طلعت ساره ومرت عدنان وسلمان الي يلعبون بالالعاب
ساره بجديه / يله سلمان انت وعدنان بنرجع
سلمان بزعل / مالعبنا
ساره بجديه / بنجي بعدين ونلعب
سلمان باصرار/ كل مره تقولون كذا وما نجي
سار بعصبيه / شوف ولد عمك يسمع الكلام ان ما مشيت قدام كفختك قدام هالبزران وخليتهم يضحكون عليك
مشى سالم مغصوب خايف ان عمته تسويها ويتفشل
عند شوق
قربت من هيا وكلها خوف / عمه تحتاجين نوديك المستشفى
وقفت هيا بتعب / لا ابي ارجع البيت وبرتاح
شوق مسكت هيا بكتفها تساعده على المشي خايفه عليها
هيا بصوت باكي / شوق اقدر امشي لا تساعديني
شوق برجاء / دخيلك عمه خلينا نمر المستشفى نتطمن عليك
هيا بصوت باكي / والله ما حتاج المستشفى برجع البيت وبرتاح
مشت جنب هيا وعيونها عليهات خاف يصير فيها شي ركبت السياره وهيا ركبت مكانها دقائق وجت ساره والعيال واضح الضيقه على وجه سلمان ركبت طلبت منه يرجعهم للبيت
وصلت البيت نزلت و سبقت البنات داخلت الصاله ستقبلتها الشغاله
الشغاله بخوف / بابا سالم فيه يموت وماما وتركي فيه يروح
من غير لا تتاكد يكفيها احساسها اكبر دليل على صدق الشغاله صارت الارض تدور فيها وقبل لا توصل للارض شافها ولدها وسندها
سعود
كان بالصاله وسمع كلام الشغاله وانفجع وهو يشوف امه بطيح ركض وسندها ومشى فيها وسدخها على الكنبه
حط يده على قلبها سمع دقاته وتنفسها طبيعي
تاكد انها دايخه
دخلو البنات انصدمو من شكل سعود وهيا متمدده على الكنب ركضت شوق برعب
شوق برعب / وش فيها عمتي
الشغاله بلقافه / بابا سالم فيه يموت ومدام فيه يطيح
شوق بصراخ / يالبومه وش قاعده تقولين
سعود صرخ بوجه الشغاله / انقلعععععععععي
الشغاله انرعبت من صراخ سعود وراحت ركض للمطبخ
ساره كانت واقفه عند باب الصاله وسمعت كلام الشغاله
وصلت لعندهم وصارت تبكي بحرقه / ساااااالم راح مثل ماراح ناصر ماتوو اخواني
سعود من داخله منهار لكن يمثل القوة بصراخ / وحده منكم تجيب عطر ابي اصحي امي
شوق ودموعها غرفت نقابها فتحت شنطتها وطلعت عطرها ومدته لسعود
اخذه منها وبخ منه بكف يده وحط كفه عند خشم امه فتحت هيا عيونها و دموعها تنزل بحراره / سعود ابوك مات
سعود وداخله وجع ومرار / يمه لا تصدقين كلام الشغاله الحين بكلم عمي تركي وبيطمنا
هيا بصوت باكي / قلبي دليلي حسيت بضيقه وروحي بتطلع ابوك روحي ياسعود ماقدر اعيش بدونه
سعود والدمعه بعيونه / يمه يمكن ارتفع عليه السكر وهذا الي تعبه
عند شوق
جلست على الكنب جنب ساره المنهاره صارت تبكي بحرقه من ايام تيتمت من ابوها وصار عمها العوض عن ابوها وبتيتم للمره الثانيه
تحول البكي لنحيب موجع
سعود نزلت دموعه / اسكتووووووو ابوي بخير ان شاء الله شوق اتصلي على عمي
شوق اتصلت على جوال عمها الي ناسيه بغرفته مافي رد
شوق بصوت باكي / عمي ما يرد على جواله
هيا بصزت باكي / اكيد صاير لبوك شي منشغل فيه
سعود بصو مبحوح / اتصلي على جدتي
دقت على جوال جدتها الي من الربشه نست تاخذ شنطتها الي فيها جوالها
شوق بصوت باكي / جدتي ما ترد على جوالها اكيد صاير لعمي شي
تعدلت هيا بجلستها وصارت تبكي بحرقه / ابي اروح عند ابوك ابي اشوفه
سعود بصوت منهار / يمه مادري باي مستشفى علشان نروج عنده
في المستشفى
طال الوقت ومحد طلع يطمنهم على سالم بدت الاعصاب تنهار اكثر
طلع الدكتور من الغرفه شاف تركي مثل الصنم واقف بدون حراك وام سالم اطالعه بخوف ورعب
قرب منهم / اكيد انتم اهل المريض
تركي حس انه فقط حاسه النطق
ام سالم بختناق / ايه يولدي دخيلك لا تفجعني بخبر موت ولدي والله قلبي مايتحمل
الدكتور بجديه / المريض صابته جلطه لكن الحمدلله عدت على خير
ام سالم بعدم استيعاب / سالم ما مات
الدكتور / ايه
عند تركي
صار يراقب الشفايق تتحرك حس نفسه فاقد السمع سمع امه تقول مات والدكتور ياكد لها خبر وفاته مشى من قدامهم فاقد الوعي ودموعه على خده سالم مااااااااااات وهو زعلان عليه مات وهو يظنه فعل الشينه بزوجة اخوه
طلع من المستشفى وركب سيارته وساق بسرعه جنونيه بدون وعي صارت دموعه تنزل بحراره وقلبه ينزف دم على فقد اخوه معاد له رغبه بالحياه يتمنى يموت ويلحقه ولا يجي بكره ويدفن اخوه سالم مثل مادفن ناصر
عند ام سالم
انتبهت لحال تركي وخروجه لكن كان الي يهمها ولدها سالم رجع لها بعد ما توقعه مات حست من بعد كلام الدكتور ان رجولها ماتشيلها طاحت على ركبتها مقابل الدكتور
ام سالم بصوت باكي / احلف يمك ان ولدي رجع لي بعد ما ضنيت اني فقدته
الدكتور رحم ام سالم وتعاطف معها / ابشرك بخير والحمدلله الازمه عدت على خير لكن لاتزعلونه ما نضمن المره الجايه
قاطعته ام سالم بصوت باكي / والله ما زعله والله ماقسى عليه تو ماردت لي روحي ورجع الدم لعروقي
سجدت سجود شكر وصوت بكاها وشهقاته تقطع القلب الدكتور واقف متاثر
بعد ما خلصت رفعت عيونها المنفوخه من البكي / يمك الله يرحم والديك ابي اشوفه ابي ابرد قلبي بشوفته
الدكتور بتاثر / ادخلي عنده واذا فاق بيرجع معك البيت
ام سالم بفرحه / صدق بيرجع معي
الدكتور بابتسامه / ايه وللمره الثانيه الحمد لله على سلامته
ام سالم بفرح / الله يسلمك ولا يوريك حزن على غاليك
وقفت ام سالم برجول تنتفض فتح لها الدكتور الباب دخلت شافت سالم رد له لونه الطبيعي قربت منه وجلست على الكرسي فتح سالم عيونه شاف امه قدامه منهاره حاول مايقسى عليها وبصوت تعبان / لا تبكين ما فيني الا العافيه
ام سالم وحنان ولدها اوجعها اكثر / ليه يمه تخوفني عليك والله والي خلقك ورجعك لي بعد ما ضنيت اني بفقدك اني بريه من التهمه الي قلتها واخوك وبري
صد بوجهه عن امه الموضوع يحرقه ممكن انه يتحمل ويتغاضى عن كل تصرفاتهم الا الظلم وانتهاك العرض الجريمتين مستحيل يرضى ام يسمح فيها
ام سالم بصوت باكي / مصدق في امك يا سالم ومصدق في اخوك تربيتي تاكد لو انت تسويها فتاكد ان اخوك يسويها انت واخوك تربيتي لا تسمع الي ما يخافون الله ويبون يفرقونك عن اخوك
سالم يتكلم وهو بالجهه الثانيه بصوت مبحوح صادق / طرتيني علشان تركي طول عمره وتركي هو الافضل
ام سالم وقفت وجت للجهه الثانيه / كلكم بالغلى سواء والله اني احبك اكثر من اخوك اوجعتني بالكلام وحرقت قلبي بضربك لاخوك بتهمه هو بري منها سامحني اني قسيت عليك وطردتك ارحم امك الي بغت تلحقك لو صار لك شي
سالم بصوت كله الم / شلون ا كل معكم واشرب وبقلبي شك انكم منتهكين لكم عرض وظالمينه
ام سالم بصراخ / هات القران احلف لك اني ما ساعدت اخوك الي هو مثلي بري
سالم وعيونه على امه متاكد من برائتها لكنه شاك باخوه لو الي قال له غير ابو ثامر كان كذبه واتهمه مثلهم انه بيفرقه عن اخوه
سالم بقهر / ليش متاكده من برائة
ام سالم بانكسار / اسمع صوت قلبك ولا تسمع صوت احد غيره اذا قال لك ان اخوك سواها فهو سواها وان قال لا فصدقه يمه
المشكله ان قلبه رافض يصدق باخوه لكن هذا ابو ثامر مستحيل يكذب شاف القهر والصدق بوجه لما قال له الصدمه طيب اذا اخوه صادق وش بيستفيد صديقه من تشكيكه في اخوه بينجن من بين مصدق ومكذب
ام سالم برجاء / صدقه يمه مثل مانا مصدقته هذا تركي اخوك ماشفته وهو منهار يبي يعطيك من روحه علشان تعيش
سالم بصت مبحوح / وينه فيه
طلع من المستشفى وحالته ما تسر لا صديق ولا عدو ما يبي يدخل عليك ويضايقك بشوفته
سالم بتعب وضيقه / بصدق انه بري وان صديقي كاذب علي لكن والله لو صار هو الصادق والله بيدي هذي لذبحه
ام سالم برعب / تذبح اخوك ياسالم
سالم باصرار/ اذا سواها بذبحه وشرب من دمه
ام سالم بجديه / ارتاح مصيرك تكشف ان اخوك طاهر ومكذوب عليك
سالم بضيقه / بطلع للبيت ماله داعي وجودي هنا
ام سالم بخوف / يمه خلهم يتاكدون من صحتك بعده اطلع نور بيتك يانظر عيني
سالم باصرار / كانت ازمه صحيه وعدت
ام سالم بضيقه / الله لا يعيدها
دخل عليهم الدكتور وابتسم لسالم وامه / الحمد لله على السلامه خوفت امك واخوك عليك
سالم بجديه / دكتور ابي اطلع للبيت
الدكتور / ليش مليت منا
سالم بجديه / سريري فيه غيري محتاجه وانا الحمد لله ازمة وعدت
الدكتور بجديه / شوف ياخ سالم جتك جلطه لكن من رحمة ربك مرت بسهوله بدون أي مضاعفات ياليت انك تنتبه على نفسك وتسوي فحوصات دوريه على قلبك
سالم بجديه / الحمد الله قلبي حديد وبعمري ما شكيت منه
ام سالم بخوف / قول ما شاء الله لا تحسد نفسك ترى الواحد يحسد نفسه
سالم بابتسامه / ما شاء الله
الدكتور / تقدر تطلع الحين لكن لا تعرض نفسك لا نفعالات
سالم / ا ن شا ءالله
طلع الدكتور والتفت سالم لامه / كلمي تركي يجي يرجعنا للبيت
ام سالم بفرح / رضيت على اخوك وسامحته
سالم بجديه / لاني بعتبريه بري لين يصير العكس
ام سالم تلفتت حولها وتذكرت انها ماجابت معها شنطه / يمه من فجعتي عليك نسيت جوالي
سالم بجديه / اجل بتصل على البيت
في بيت الجده
الكل على اعصابه واحرقو جوال تركي وام سالم بالاتصالات لما ماردو تاكدو ان سالم صاير له شي الكل يبيكي وسعود نفذت كل قوت وصار يبكي هذا ابوه اذا مابكا خوف عليه اجل على من يبكي سمع صوت التلفون وكلهم ركضو لهم سبقهم سعود
سعود بصوت مبحوح / الوووووو
سالم حس بنبرة ولده انه باكي / وش فيك سعود
سعود انهار على الكنب / يبه انت وينك الشغاله روعتنا عليك
سحبت هيا التلفون من يد ولدها وصارت تبكي بحرقه وتشاهق / سالم انت بخير ماصابك شي
سالم بتاثر من صوت زوجته وتاكد ان الشغاله مخوفتهم عليه / الحمدلله بخير ومكلم ابي تركي يجي يطلعني من المستشفى
هيا بنهيار ةبعدم تصديق / احلف انك ما يوجعك شي قلبي يقول انك موجوع
سالم بتاثر ويصوت مبحوح / ازمه بسيطه وعدت والحين بجي وبتشوفيني بخير
هيا بصوت باكي / تركي مو فيه انت باي مستشفى باجي اتطمن عليك مافيني صبر انتظرك تجي
سالم التفت لامه / يمه احنا باي مستشفى
ام سالم / مستشفى ال .........
سالم رجع يكلم هيا / قولي لسواق يجي لمستشفى ال .............. واياني اياكم احد يجي معه
هيا بصوت باكي / طيب انتبه لنفسك
قفلت الجوال من زوجها ونهارت على الكنب تبكي
قربت منها شوق بصوت باكي / عمي الي كلمك
هيا بصوت باكي / ايه والحمد لله يقول انه بخير
سار ه بصوت باكي / ماني مصدقه انه بخير الحمد لله لك يارب
شوق بصوت باكي / الحمد لله يارب
وقفت شوق وجلست جنب ساره وهيا كلمت السواق وقالت له يروح لمستشفى ال ........ يجيب سالم وخالتها ورجعت تجلس على الكنب
سعود بعصبيه / خلاص لا تتفاولون على ابوي الحمد لله الي رجعه لنا والشغاله شغلها عندي طيرتنا وارعبتنا حسبي عليها
شوق بابتسامه / حسابها معي والله لخليها تحرم تنقل الاخبار الي مثل وجهها
سعود يطالع بشوق الجالسه بنقابها / مدامك انتي بتحاسبينها تكفين وتوفين اعرفك مجرمه والاجرام بدمك
ساره بابتسامه / وش رايك بهديتها
سعود تذكر وكشر بوجهه / مردوده لك يا لقطوه
شوق بعصبيه / قطوه بعينك ياسعيدان
ساره وقفت بجديه / يله بنطلع فوق نفسخ عباياتنا وننزل
شوق مشت ورا ساره وبعده التفتت وعيونها على سعود / قالت نطلع فوق نفسخ عباياتنا وننزل ياليت اذا نزلت ماشوفك
سعود طالع بامه لي واضح عليها الراحه والهدوء بعد سماع صوت ابوه ابتسمت لولدها الي فهم مغزى الابتسامه اضطر يسكت وعيونه راقبتهم لين اختفو
في المستشفى
وصل السواق للمستشفى ونزل يسال عن غرفه سالم وصل للغرفه وطق الباب
سمع صوت سالم يسمح له بالدخول
شافت ام سالم وقفت ووقف سالم معها
سبقهم السواق وسالم طلع يمشي بهدوء وام سالم تحس بوجع بظهرها من طيحت سالم عليها ما حست فيه الا بعد ما تطمنت على ولدها
طلعو من المستشفى ركب سالم جنب السواق وامه وراء
في بيت الجد
نزلت ساره وشوق وشافو هيا لحالها جلسو جنبها ينتظرون سالم وكان له سنين غايب مشتاقين لشفته
اول ماشافوه داخل من باب الصاله ركضت له شوق وساره وهيا وقفه عيونها تتفحصه
شوق حضنته وغصب عنها انهارت تبكي بحضن عمها الي يمسح على ظهرها بحنان / لاتبكين يابوك انا بخير وواقف قدامك
دموعها بللت صدره
سالم بضيقه / قلبي تعبان والي تسوينه يتعبه اكثر
شوق رفعت نفسها من حضن عمها ووجها احمر من البكي
شوق تحاول انها ماتبكي وبصوت مخنوق / الحمد لله على سلامتك
عيونه على هيا الي تبكي بحرقه لولا الحياء كان صارت بحضنه بدال وبكت مثلها
سمع شهقات التفت شاف ساره وبحنان / ساره تعالي لحضن اخوك
بعدت شوق من حضنه ورمت ساره نفسها بحضن اخوها وصارت تبكي وتشاهق / سالم ابوي مات وناصر مات انت ابوي الي ربيتي لا تموت وتخليني
سالم تاثر من كلامها وبصوت مخنوق من العبره / المفروض تستقبلوني بالفرح مو بالبكي كذا ضايقتوني اكثر
رفعت نفسها وباسته على راسه / جعل عمرك طويل
ام سالم ووعيونها على هيا / تعالي ساعدي سالم يطلع لغرفته
هيا ما صدقت ان احد يطلب منها ركضت عنده
سالم حس بوجعها حضنها قدام الكل وهي صارت تنتفض بحضنه من البكي
سالم بصوت تعبان / هيا دخيلك خلاص لا توجعيني
هيا وعيونها كلها دموع / جعل يومي قبل يومك يا سالم جعلهم يعزونك فيني قبل لا يعزوني فيك
سالم بتعب / تعبان بطلع لغرفتي ارتاح فيها
طلع سالم ومعه هيا والبنات طلعو لغرفتهم وام سالم طلعت لغرفة تركي
وانصدمت ماشافته
ام سالم / وين رحت ياتركي ليكون سمعت كلام اخوك وطلعت تسكن في بيت غير بيتي مستحيل ارضى بهالشي
انتبهت لجواله المحطوط على الكمودينه بدا الخوف يدخل قلبها اكيد من طلع معهم مارجع
طلعت من غرفة تركي ودخلت غرفتها
عند نوف
اخذت كل شي من البيت وحطته بشنط وكرتين وطلعتهم برا
طلعت مها وتفاجئت من كمية الكراتين والشنط
مها بابتسامه / يكثر اغراضك شلون بننقلها للمطار
نوف بابتسامه / اغلبها اغراض لعيالي بحطهم بالفله الي بالرياض مابيهم اذا جو عندي ينقصهم شي
نوف بحزن / مها تصدقيني لو اقولك شكل عيالي رجعو بعد موت ابوهم لان فيه شغلات حاطتها لهم لما سافرو لقيتها موجوده
مها بصدمه / ليكون راجعين مع عمهم
نوف بحرقه / لا مستحيل يكونون هالقرب وما شفتهم
مستحيل قلبي ماحس بوجودهم يا قهري لو الي تقولينه صدق
مها بضيقه / لا تقلبينها مناحه ترى تعبنا من الدموع والحزن صبرتي كثير وباقي ايام وتجتمعون من جديد
نوف يضيقه / على قولتك الهم والحزن تعبو مني
مها بجديه / ترى خلاص طيارتك باقي عليها ساعه يا دوب نوصل لشقة ناصر ونجمع اغراضك على السريع
نوف بجديه / واغراضي شلون اشيلهم
مها بجديه / سيارتي وسيارة السواق ان شاء الله تكفي واذا ماكفت اتركي الاغراض الي مالها داعي بكراتينها ادخلهم بيتي اذا جيتك جبتها معي
نوف اخذت حجابها ولبسته ومها نادت السواق وشال كل الاغراض ووزعهم بين سيارته وسيارة مها
ركبت جنب مها / تتوقعين الاغراض الي بالشقه لهم مكان
مها بابسامه / ا ن شا ء الله بنحشرهم مثل ماحشرنا الباقين
حركت سيارتها والسواق وراهم وصلت للعماره نزلت ونزلت معها مها
نوف برجاء / مها الله يعافيك رتبي اغراضي مع الشغاله مالي خلق اشوف شقة ناصر
مها بحنان / ا ن شا ء الله وانتي انتظريني عند سميه لين اخلص
طلعو فوق نوف فتحت شنطتها ومدت المفتاح لمها شافت مها دخلت بعده طقت على شقة ماجد
عند سميه
كانت بغرفة اخوها تحط اغراض نوره بكراتين وماجد بالبلكونه على حاله ازعجه سيف باتصالاته
سمعت صوت الجرس استغربت من بيجيهم على 8 وقف وطلعت من غرفة اخوها وناظرت بالعين السحريه شافت نوف افتحت لها الباب بلهفة وشوق
سميه بشوق / ياهلا فيك نور البيت
دخلت سميه ماسكه يد نوف / شلونك
نوف بحزن / الحمد لله قلت اجي اودعك قبل لا اسافر
جلست نوف وسميه / قررتي ترجعين
نوف بحزن / برجع مكرهه لو بكيفي جلست باقي عمري هنا
سميه بحنان / ان شاء الله برجعتك خيره
نوف بجديه / ا ن شا ء الله
عند ماجد
بغرفته سمع صوت الجرس طنش دق عليه سيف رد عليه
ماجد بتعب / الو
سيف بعصبيه / وجعه ليش مطنش اتصالي ما تترك طبعك الخايس
ماجد بضيقه / مكلم علشان تهاوش ترى بقفل لاني ماني بخلقك
سيف / وش صار بينك وبين زوجة ناصر تاركني على نار
ماجد بضيقه / وانت ليش محترق ومزعجني وش يهمك بالسالفه
سيف بعصبيه / نص ساعه والقاك نازل تحت عالم ماينفع معهم الطيب
ماجد بضيقه / لا تجي لاني ماني بنازل لك
سيف بعصبيه / بتنزل ورجلك فوق رقبتك لطلع لك واسحبك قدام بناتك واختك تعرفني مجنون واسويها
ماجد / ..........
سيف بعصبيه / نص ساعه وانت تحت
عند سيف
قفل من صديقه وطلع من قصره ركب سيارته وطلع لصديقه
عند ماجد
قتح باب عرفته بيطلع وسمع صوت انثوي مو غريب عليه
صار ينادي / سميه
عند سميه
كانت جالسه مع نوف سمعت صوت اخوها وقفت ودخلت الغرفه
ماجد بستغراب / عندك احد
سميه بجديه / زوجة ناصر
ماجد مستغرب / وش عندها ليه زايرتك هالوقت
سميه بحزن / بترجع لسعوديه وجايه تودعني
ماجد بجديه / زين انها سمعت شوري سوي لي طريق بنزل عند سيف
سميه بابتسامه / الي يسمعك يقول انك ما شفتها البنت لا بسه حجابها تقدر تطلع
طلع ماجد من غرفته شافها بجمالها الي يبهر الي حتى العمى يشوفه
ماجد باحترام / شلونك
نوف بابتسامتها الي تذبح / الحمد لله شلونك انت
ماجد بجديه / الحمد لله بخير سمعت من سميه انك بترجعين لديرتك
نفسها تصرخ بوجهه وتقول ديرتي فرنسا ماعرفت لي ديره غيرها
نوف بضيقه / سمعت نصيحتك مابي انصدم بمصيبه جديده
ماجد بجديه / زين تسوين يله فمان الله
طلع من الشقه وسميه دخلت عليها بالعصير
مدت عليها العصير بابتسامه اخذت نوف الكاس
جلست سميه / كنت بصلح قهوة سعوديه خفت تروشيني فيها
نوف بابتسامه / زين انك جبتي العصير
سميه بجديه / متى رحلتك
نوف بابتسامه / تعرفين طياره خاصه وبتكون على كيفنا
سميه بجديه / طيعيني وسافري الصباح اذا سافرتي الحين بتوصلين الفجر و منتي بلاقيه الي يستقبلك والعالم نايمه
نوف بضيقه / ماعندي الا مبارك بكلمه من الحين بيستقبلني والله يعني على مقابل وجهه
سميه بحنان / تحملي وضغطي على نفسك ولا تخلين له مجال يضايقك او يتحكم فيه انتي كبرتي وخذي حقك منه كامل مكمل
قطع عليهم صوت الباب نوف / اكيد مها
سميه بستغراب / مها جايه معك
نوف بابتسامه / ايه وستغليتها ترتب اغراضي
وقفت سميها وفتح لمها واخذو بعض بالاحضان
مها بحب / شخبارك سميه
سميه بحب / بخير بشوفتك تفضلي
مها بجديه / معاد فيه واقت وبتصل بالزفت اخوها يستقبلها
سمعت صوتها نوف وقفت / وينهم البنات بودعهم
سميه بجديه / نايمات وراهم مدارس ولا كان صحيتهم
نوف بحب / اجل بوسيهم بالنيابه
سميه حضنت نوف بحب / يوصل وانتي لا تنسينا كلمينا وطمنيا اذا وصلتي
نوف بحب / وانتي كلميني رقمي عندك
سميه بجديه / ماضنتي ان شريحتك بتشتغل هناك لازم تشترين شريحه سعوديه وتكلمينا فيها
نوف بحقد / شريحتي فرنسيه مستحيل اغيرها والي يكلمني يكلمني فيها
سميه بسخريه / حتى بهذي بتمشين كلامك اجل ابشرك حطي جوالك بدولابك وسكري عليه لان شريحتك مراح تسفيدين منها
مها / خلصو علي
نزلت نوف مع مها ركبت سيارتها وركبت نوف جنبها وصلت لفلتها اتصلت على جاكلين طلبت منها تطلع دقائق طلعت من البيت بشنطتين كبار وشنطة لشادن ركبت ورا وحركت سيارتها بطريقها للمطار
بعد ساعه وصلت للمطار نوف / خذي رقمه اتصلي عليه وقولي موعد رحلتي
مها بمرح / فكينا منه خلينا نفلها قبل لا تسافرين
نوف / بنتاخر
مها بابتسامه / نسيتي انك بطياره خاصه متى مابغيتي سافرتي وش معجلك
نوف بحزن/ تدرين لو بكيفي جلست
مها بحقد / اجل بتصل عليه وخليه يتنقع بالمطار ينتظرك نذاله فيه
نوف بضيقه / كانه مهتم فيني
مها بجديه / عطيني رقمه بخاطري انكد عليه نومه
افتحت نوف شنطتها ومدت ورقه فيها رقم مبارك لها اخذتها منها
نزلت مها من السياره وجاكلين ومها دخلو بالمطار وجلسو بكفتريا
طلعت مها جوالها من شنطتها وصارت تضغط على ارقام مبارك اول مره مافي رد تاكدت انه نايم وكررت الاتصال بتضايقه
عند مبارك
كان نايمه وصحاه من نومه ازعاج جواله شاف رقم غريب دولي طار تفكيره لاخته رفع جواله
مبارك بصوت نايم / الو نوف
مها بقرف / انا صديقتها واختك طارت طيارتها راجعه لكم
مبارك بصدمه / وليه غيرت رايها باقي 3 شهور على رجعتها
مها بقهر / كانت تضن انها ارملها لكن تفاجئت انها مطلقه من زمان
مبارك بفرح / زين سوا
مها بصدمه / نعم
مبارك تدارك نفسه / متى بتوصل عندنا
مها بخبث / الساعه عشر الصباح
مبارك / من 9 وانا بالمطار
مها بسخريه / تعال بدري مايندري يمكن تتقدم رحلتها
مبارك / طيب
قفل الجوال بوجه مها وقف لبس ثوبه وطلع من بيته بيزور ركان بيقوله عن رجعت اخته
عند ركان
منسدح على الكنب وصقر منسدح على الارض بينامون تفاجئو من صوت الجرس
صقر بجديه / من بيجيك بهالوقت
وقف راكان / علمي علمك الله يستر من زيارات اخر الليل
طلع من الغرفه فتح الباب انصدم من وجود مبارك
ركان بخوف / حياك مبارك تفضل
دخل مبارك وراء ركان دخل الغرفه الي منسدح فيها صقر
انصدم صقر من زيارة مبارك هالوقت وخايف انه جاي ومعه مصيبه جلس وعيونه عليه
جلس مبارك على الكنبه وقطع هواجسهم صوت مبارك / شخباره ابوك
ركان بطفش / بخير
صقر بسخريه / ما توقع جاي هالوقت علشان تسال عن ابوه قول الي جايبك
مبارك بحقاره / زوجة ابوك الضحى رجعه لديره وبجيبها من المطار لبيتك
ركان بعصبيه / هو على كيفك مره تقول بتجي بعد اربع شهور وتفاجئني وتقول بكره
مبارك ارتبك من عصبية ركان / ابوك متزوجها ما تفرق تجيه الحين ولا بعد اربع شهور وانا مثلك متفاجئ برجعتها مادريت الا الحين وجيت اقول لك
ركان بسخريه / ما تقدر تنتظر لبكره علشان تزف لي الخبر
مبارك / ماعندي وقت اجيك الصبح لاني من 8 بالمطار
ركان بسخريه / وليه ما تاخذها معك لبيتك لين يجي الليل ونسوي حفله صغيره بمناسبة زواجهم
مبارك بحقاره / ماله داعي الخسائر ابوك طايح واختي يالله حسن الخاتمه ليش نجمع الناس
ركان بعصبيه / احنا بيت كرم مستحيل اختك تدخله سكاتي بكره بيكون بدل العشاء غداء
وقف مبارك بارتباك / الي تشوفه
صقر طول الجلسه وعيونه على مبارك وبدا شكه فيه يزود الذيب ما يهرول عبث ماجابه اخر الليل يبشر برجوع اخته وبيجيبها من المطار لبيت ركان الا فيه سر وكبير
طلع مبارك وطار النوم من عين راكان وصقر
صقر بجديه / اقص ايدي وفوقه رجلي اذا ما كان وراء مبارك و اخته مصيبه
ركان بخوف / يرحم ابوك لا تخوفني انا بديت اتاكد اني تورطت لما ناسبته اكيد اخته مثله ويمكن العن
صقر بجديه / مصيبه ا ذا كانت مثله الانسان هذا ماطيقه و من الله اكره
ركان بجديه / متى يمديني ارتب البيت واشتري اثاث لها ولعيالها والله البلشه
صقر بجديه / لله يضيق عليك يا مبارك مثل ما ضيقتها علينا
ركان برجا / ساعدني ياخوي ما قدراسوي كل شي لحالي
صقربجديه / انا علي الذبايح والمطعم ونواقص البيت
ركان بضيقه / متى يمدينا نسوي كل هذا وبكره عندنا شغل
صقر بجديه / ليش ما جبرته ياخذ اخته عنده لين نكون مستعدين
ركان بجديه /هذا شكله حاذف اخته علينا بيني وبينك اخاف اتماسك معه ويخرب كل شي خليني اتبع الكذاب للباب وبشوف نهايتها مع مبارك واخته
صقر بجديه / اجل بكره بنقدم اجازه اضطراري علشان من الصباح نشتغل والنهار طويل باذن الله بنلحق نخلص
ركان تذكر اجهزت التجسس / نسيت
صقر بجديه / وش نسيت
ركان بضيقه / ما حطيت اجهزة المراقبه مستحيل تدخل لغرفة ابوي من غير لا حطهم براقبها بحضوري وبغيابي بتكون شغاله تسجل تصرفاتها مع ابوي
صقر بجديه / كنت ضد انك تتجسس على زوجة ابو لكن تصرفات مبارك المشكوك فيها تخليني اقتنع انك تحطها يخوفي تكون خطتهم ذبح ابوك واخذ فلوسه
ركان بضيقه/ اسكت لا تزيدها علي
صقر بجديه / نام بنقوم بدري ورانا حوسه لها اول ومالها تالي
ركان بضيقه / مبارك خلى فيها نومه طار النوم بسبته
لنا لقاء يوم الاثنين باذن الله بارت حمااااااااااااااااااااااااااس
اختكم نسايم نجد
|
10-06-11, 04:40 PM
جديد مواضيع قسم الارشيف
العرض العادي
