السلام عليكم ورحمة الله و بركاته

مساء الخير و الرضا من الرحمن

أول شيء يا هلا و يا مرحبا فيج بين كوكبة كاتبات ليلاس

دايما يقولون الكتاب باين من عنوانه .اول شيء شدني العنوان و قريت البداية و ما قدرت

إلا أني اكمل كل البارات بداية أكثر من رائعة أسلوب سلس و راقي بالطرح و الأكثر من هذا

اللهجة يالبييييييييه تهبل يازينها و يازين من يتكلم فيها ..

==================================
(( شهد و سعود ))

ضحية زواج ثاني قد يكون بسبب أو من غير سبب بس بالنهاية كانوا نتاج هالزواج اللي ولد الحقد لهم

من غير ما يكون لهم ذنب سوى أنهم من زوجه ثانية أخذت زوج من زوجته ..و هذا الحقد و الكره

من الكل ولد شخصيات قد تكون هشة و ضعيفة و تنظر لنفسها بالدونية لأنها دايما تحسن بالنقص من

أقرب الناس لها و لكن مع كثرة التجارب بالحياة راح يشتد و يقوى عودهم و تكون لهم شخصية غير

و الواضح أنه سعود شخصيته أقوى بحكم أنه صبي وأم صالح ما تقدر عليه و الاهم أنه هالاثنين مو

حاسين بوجود الاب اللي مسيطرة عليه زوجته مو معطته مجال يحوي هالعيال ..السؤال منو امهم

و وينها و هل لها علاقة بعائلة أبو محمد و أبو فيصل مادري عندي احساس أنها تكون أختهم و تكون

متوفيه ...

===================================
(( أبو صالح و ام صالح و عيالهم ))

الواضح انه ماله شخصية أبد اللي مخلي المرآة تسيطر عليه و تعذب عياله و هو موجود و الامر من هذا

أنها مخليتهم بالكراج حتى لو داخل البيت و بغرفة صغيرة كان أهون أبو صالح من لقائه مع شهد بعد رجعته

مبين أنه يحبها فهي بالنهاية بنته بس للأسف أنه ما يقدر يعبر عن هالحب الاكيد أنه خوف من أم صالح لانها

ممكن تكون ماسكه عليه شيء كبير أو الحلال بيدها .أما أم صالح كره و حقد على عيال مالهم ذنب بشيء

سوى أنه أبهم أخذ أمهم و كل شيء تسويه بهالعيال بتشوفه بنفسها و عيالها الواضح أنهم اكتسبوا منها قساة

القلب و الكره و الحقد لاخوانهم ..أما اللي سوته أم صالح لشهد من تجهيزها مو حب فيها لا بالعكس هو

رياء لناس و أنهم هي مرة الابو الحنون و اتوقع هالعشى راح يحضرونة أهل الديرة مع أم فيصل ...

===================================
(( أبو فيصل و أم فيصل ))

تقريبا نفس شخصية أم صالح بس الفرق أنه أبو فيصل له كلمة على أم فيصل اللي مهما كانت قوية بس يبقى

له كلمة .أم فيصل من كلام خالتها أنها من بنات الديرة بس عيتشها بالرياض غيرتها و خلتها تنظر لأهلها و

ناسها بالدونية و أنهم أقل منها بكل شيء و لدت هالاحساس لعيالها طلال و غلا .بعكس نجود أما فيصل فهذا

حكاية ثانية اللي واضح أنه أمه لها تدخل كبير بحياته اللي خلاه يتخلى عن بنت عمه بعد ما كان محيرها ...

===================================
(( فيصل و لمياء ))

الواضح أن حياتهم ما هي مستقرة أبد حتى قبل ما يلقى فيصل الورقة " الغامضة " اللي اتوقع أنها لها

علاقة كبيرة بحياتهم ممكن تكون ورقة علاج للمياء .. أما لمياء تعتبر فيصل الدرع الحامي لها من أخوها

و مرته أبد ما حبته و كل التغير اللي صارلها ما هو إلا عشان تكسبه بصفها و تستمر حياتها معاه .. أما

فيصل مبين أنه لمياء مو من اختياره و انه أمه لها دور بهالاختيار بس عشان ما يتزوج بنت عمه .. أما

هو ممكن يكون يبي بنت عمه بس بعد ما يقدر يرفض لامه طلب أتوقع البنت هي هويا اما اللي قالته أم فيصل

للمياء بالعشى أنه البنت اللي تكلمت هي خطيبة فيصل سابقا ...

===================================
(( هويا و نوير و منيرة و سارة ))

هويا شخصية هادئة و راكزة و رزين بالاصح شخصية قمة من كل النواحي بالاضافة إلى القوة اللي تتحلى

فيها ...اتوقع هي اللي كان فيصل محيرها و تخلى عنها برغبة أمه و هذا اللي مخليها مو متزوجه للحين

أما نوير فشخصية مرحه و حلوه حابة تتعرف و تعيش حياة غير اللي عايشتها تبي تشوف الدنيا بقولها بس

أكيد أن جيتها للرياض ما راح تمر مرور الكرام و بتصي لها أشياء تكرهها بالرياض كثر ما حبت و تشفقت

على جيتها و اتوقع كل اللي بيصيرلها بيكون طلال له دور كبير فيه ...

منيرة شخصية هشة و ضعيفة و الاكيد من تخلي أبوها عنهم و انه يطالب فيها و بيزوجها على رغبة زوجته

و أكيد استمرارها بهالخوف له سبب و انه ممكن باي لحظة بيجي أبوها و ياخذها من وسط الناس اللي عاشت

أما سارة فهاذي شيء ثاني منو أمها اللي ولدتها و ليش مخليتها تعيش عند أم سعد و هل أمها هي زوجته أبوهم

و هل لها علاقة بشهد و سعود ...

===================================

بانتظارج بكل شوق لكشف اسرارهم لنا

اعذريني على التطويل

ياليت تحددين ايام لتنزيل البارتات

السلام عليكم بداية الرواية رائعة تسلسل الأحداث ممتع
بالنسبة لمياء وفيصل أتوقع متفقين على تأجيل الخلفة
وحملت لمياء وخافت من ردة فعل فيصل واستشارة
صديقتها فأشارة عليها بالإجهاض وهولايعلم .
مشكووورة أختي على الرواية بانتظارالبارت القام .