بـــارت ثامن





يما وين انتي ..؟
خليتني ورحتي عني
يما دخيلج ارجعي لي
يما الدنيا جرحتني
والحزن غرقني
يما الكل طعني
قلبي ينزف وينزف
وما بقى قطرت دم فيني
والكل يريد شي مني
وانا مو رايمه اعيش اكثر بعد
وينج .. ليش خليتني بروحي
تعرفين شو صــار لي ...؟
تعرفين حبيبي وين راح ...؟
ابكي عليه ايام وهو مختفي
والله ما كان
ودي اقسى عليه
ما كان قصدي اجرح قلبه
لني اعرف جرح القلب ماهو سهل
لكن كيف ارضيه
دخيلج يما قولي لي
كيف أرجعه لاهله
امه تبكي على فراقه
وابوه مجنون على بعاده
ما ابي ابعد شخص عن اهله
وانا اكثر شخص تعرف هذا الشعور
يما وينج ...؟
يما ردي عليه
تعبت وانا اناديج
يماااااااااااااااااااااااااااااااااااااااااااا


سكرت الدفتر ودموعي تغرق عيني
مب رايمه اتحمل فراق خليفه
خليفه سافر بعد الملجه
امه تبكي ليل ونهار
وابوه مب عارف كيف يوصل له
كيف ارجعه وانا ما اعرف وينه
مسحت دموعي ورسمت ضحكت الالــم فويهي ونزلت للصاله
لقيت محمد وغيداء يتكلمون مع بعض
غيداء : منو كنت تكلم خلوف وين مختفي
محمد : قال انه فباريس عنده شغل
غيداء : الله يهديه يروح بدون ما يترك خبر قطع قلب امه متى ناوي يرجع
محمد :بعد 3 شهور وهذا اذا ما راح استراليا
( 3 شهور يعني بعد ما اتزوج ... نسيت اقول لكم اخر الاخبار صقر قدم عرسنا وصار بعد شهر ونص واليوم خطوبه اختي غيداء )
قعدت عدال غيداء واخذت كوب كوفي
غيداء : ايه هذا مالي
( جفتها ) : روحي سوي لج واحد ثاني
غيداء : اف ماما مسويه هذا لبويه وانا سرقته
: سبحان الله جفتي كــل أفــه وربج يسلط عليها أفــه ثانيــه
غيداء : ههههههههههههه مش حلوه دبس دبس شرات دمج
: ها عروسنا اليوم الخطوبه منو قدج كبرتي وصرتي حمار
محمد : ههههههههههههههههههههههههه
غيداء : نزلت راسها استحت ويوم سمعت حمار جافتني بنظرات غضب وفرت محمد بمخده وقالت لا تضحك
محمد : يالله يا صغيرون اليوم يومك
: انتي ما عندج موعد مع صــالون ... ليش ما اجت لين الحين لزم تتعدلين وتلبسين اليوم بترجين من مدرسه حمير الى مدرسه غزلان
غيداء : بسوي نفس بنت اعرفها قبل الخطوبه بساعه تلبست وتعدلت واول حرف من اسمها غزلان
محمد : هههههههههههههههههه
: سخيفه
غيداء : انتي تعالي ما شريتي شي لعرسج وعرسج الشهر الياي
ام محمد : لا تشترين شي .. جهازج هديه مني لج
غيداء : وانا وانا وانا من باجر بجهز نفسي
محمد : هههههههههههههههههههههههههه بعدها ما انخطبت وتريد تشتري كل شي
ام محمد : وانتي بعد.... هذا الاسبوع بنسافر بنروح باريس بنشتري جاهزكم من هناكي
غيداء : والله والله والله
ام محمد : هيه ابوج حجز التذاكر جهزو شنطكم
غيداء : الله
محمد : عيل انا بسافر وياكم بروح اجوف خليفه
ام محمد : زين عيل جهز شنطتك .
تذكرت كل شي وقت الخطوبه لما جفت ويهه وعلامات الحزن والانكسار
خليفه الي حبيته وطول عمره قوي وشامخ فهذا اختفت كل موصفاته
غيداء : ايه غزلان غزلان انا اكلمج
: ايييي ايدي عورتني ...شو تبين قولي عورتي راسي
محمد : اللي ماخذ عقلج يتهنابه
: ( عرفت انه يقصد صقر ) سخيف وما عندك سالفه
غيداء : تراني مسكتج كل يوم تكلمينه ويوم اسئلها تقول عبير ... كل دقيقه تكلم عبير
: هههههه يا غبيه والله اكلم عبير
ام محمد : لا تحلفين لا تحلفين مش مصدقينج
: ههههههههههههههههه ام محمد صرتي وياهم
محمد : اقول لج ترا صقر بيكون موجود
: خبير يا طير
محمد : اقول لج للعلم فقط
: وصلني الخبر مشكور
استاذنت من ام محمد اخذ الدريول عشان اروح المول
ورحت الكتبه اشتري لي الوان ودفتر رسم
قعدت ادور الالوان الي اريدها مش موجوده
حسيت باحد يمسك عباتي ويشدها
لفيت ويهي وجفت حمده بنت صقر تصيح
: حمده حبيبتي
حمده : اهى اهى غزلان اهى اهى
: شو تسوين هنيه
حمده : ما اعرف حمد وين راح
حظنتها .....وقلت لها : انتي يايه مع منو
حمده : مع خدامه وحمد
: عيل وين ابوكم الي صاير فيها استاذ ويقول انه ما يحب الخدمات لا الله الى الله مالت عليه بس شاطر يهدد
انزين حبيبتي خليني ادفع عن هذا وبنروح ندور على حمد
دفعت عن الاراض وبدينا ندور فمول على حمد لكني ما لقيت حد
مسكت حمده ورحنا لباسكن روبنز
: حبيبتي شو تبين اي واحد
حمده : اريد هذا وهذا
: اوكيه حياتي .... اريد 2 فانيلايا
واتصلت على بو محمد بعد رنه رنتين 3
: بو محمد بغيت رقم صقر لو سمحت
بو محمد : ما عندج رقمه
: ما اعرف انمسح كل شي من تلفوني
عرفت ان العذر قبيح وما يدخل الراس بس مب هذا المهم
بو محمد : رقمه 05********
: مشكور ابو محمد
اتصلت فصقر اول مره ما رد عليه ... ثاني مره ... ثالث مره رد اخير
: سلام عليكم
صقر : نعم شو تبين اختي ليش ازعجتينا
: بسم الله الناس تقول وعليكم السلام
صقر : وعليكم السلام ....مب فاضي لج قولي تامريني بحايه
: بس حبيت اقول لك اني غزلان وبنتك حمده معاي
صقر : غزلان .... من وين يبتي رقمي
: من الساحر
صقر : حمده وياج وين انتو
: انا فباسكن روبنز
صقر : دقايق وجاي عندكم
: مع سلامه ..... جفت حمده يله حياتي بابا الحين بيي
دقيقه ووصل صقر ومعاه حمد
حسيت ان ملاك واصل .. كان لبس بنطلون وقميص بولو وشعره على عينه
صقر : حمده حبيبتي وين رحتي حظنها بقوه .. كم مره قلت لج لا تروحين بعيد عن اخوج .. خوفتني طيحتي قلبي
جفته وهو يحظن بنته بحب وحنان ..... حسيت بغيره .. غيره طفل داخلي كان يتمنى يوم من الايام يكون بدالها اذا لقيت اهلي .... ابوي بيحظني نفسها .. ولكن فنفس الوقت كره على اهلي ... كبيرياء
حمد : غزلان
: نزلت لمستواء حمد : يا عيون غزلان
حمده : بابا جوف غزلان شو شرت لي دفتر تلوين واشترت لي اسكليم
حمد : وانا بعد اريد اسكريم
: من عيوني كم حمد عندي
صقر : روح واطلب الي تريده وانا بدفع لك ... جافني مشكوره غزلان
: العفووو
بست حمد وكلمت حمده : لا تروحين عن حمد بعيد مره ثانيه
حمده : ان شاء الله
: مع سلامه ومشيت اريد اروح
حمده : غزلان غزلان غزلان وتمت تصارخ
: ها حبيبتي
حمده :قلتي بتلعبين ويايه قعدي لعبي وياي الحين
: حبيبتي اليوم خطوبه اختي لزم اروح اتعدل والبس عشان اكون حلوه
حمده : اريد اروح وياج اريد اروح وياج
: جفت صقر .... خلها تروح وياي تراك انت بتي اليوم وانت رايح شلها
صقر : ما اريد اثقل عليج
: لا ثقل ولا اي شي
حمده : بليززز بليززززززز يبا بليززززززززز بصير شاطره وما بسوي ازعاج
صقر : بحزم قال لا باجر عليج مدرسه ولزم تلعبين باجر بوديج ملاهي مع حمد
حمده : بس انا اريد غزلان تروح معايه
صقر : ذا غزلان موافقه بنشلها معانا
: خلاص تم بنروح باجر يله انا استاذن .. باي حمد باي حمدوتي
حمده × حمد : بااااااي
~*¤ô§ô¤*~h~*¤ô§ô¤*~


غمضت عيوني وانا اجوف الدفتر قدامي
قبل ايام غيداء كانت توقع وكنت فرحانه بشكل ما تتخيلونه
لكن ليش الحين قلبي يتقطع
يعورني
ما ودي اوقع بدت ايدي ترتجف متردده
طاح القلم من ايدي
ورديت امسكه
سميت بالله ووقعت
بو محمد : يبوس راسي .. مبروك بنتي
غزلان تسلم عليه .. مبروك قلبي ... وامي والكل قعد يسلم عليه ويبوسني وانا ما اعرف شعوري الحين
خايفه لا يصير مثلا طلال .... اذا لقى الي يريده يتركني
يلست مع ام صقر واخته مها وكانت عنده خوات وايد ما حفظت اسم حد غيرها لنها كانت نفس عمري
مها : مبروك حياتي
: الله يبارك فيج حياتي
مها : اوب اوب واخيرا تزوج الشيخ فيصل
: هههههههههههه
مها : ما عليج اذا زعلج انا ايدج اليمين ولو كنتي انتي غلطانه
: هههههههههههه
مها : مش ناويه تجوفين اخوي
: ها شو لا لا
مها : قومي حاشرني من الصبح يقول اريد اجوف العروس
سمعنا صوت محمد : المعرس محتشر يريد يجوف العروس
وكل الي فصاله ضحكو
مها : جفتي عادي يدخل عندج هنيه اخوي اعرف انه مينون
لبست شيلتي ورحت للمجلس جفت فيصل يبدل فقنوات الاغاني
واول ما جفني حط رموت على طاوله ووقف
سلم عليه محمد : شحالك فيصل
فيصل : الحمدالله
محمد : جوف هذي العروس يبناها لك عن تنتحر
حك راسه
محمد : جوف عندك 3 دقايق لا اكثر ولا اقل
فيصل : ليش صقر خمس دقايق
محمد : لني واثق فصقر ...اما انت اشك فيك حتى نخاع
فيصل : حرمتي وكيفي
محمد : ما عدنا حرمتك لين العرس ولا تي بيتنا وايد خلك شرات صقر واذا ييت بطردك
فيصل : جفتي اخوج يريد يحرمني من ملاك الي قدامي
سكت وانا اضحك ويوم سمعته يقول ملاك نزلت راسي
محمد : مسك ايد صقر : خلصت 3 دقايق يله بيت امك وابوك يله روح وباجر تطلقها
فيصل : ايه ايه انته
محمد : ياخي ما تستحي على ويهك توك تجوف البنت وتتغزل فيها حتى حبر ما جف من الدفتر
فيصل : حرمتي وكيفي يله اطلع اطلع اريد اكلمها على راحتي
طلع محمد وهو يضحك
فيصل : شحالج
: نزلت راسي
فيصل : رفعي راسج خليني اجوفج واحلم فيج اليوم
: ليش فويهي سينما
فيصل : هههههههههههههه بل بل بل عليج لسان طويل ما اعرف القمر لسانه طويل بس ما عليه عسل على قلبي .... وبنقصره مع الايام
: ليش الاخ خياط
فيصل : هههههههههههه وتنكت يله عندها خفت دم بتخلني اضحك شويه
: ليش انا مهرج لك
فيصل : اقول انتي عندج بلاك بيري حشرتنيني تراج
: ههههه
دخل محمد راسه : دقيقه باقيه
فيصل : اخوج مستوي ساعه
محمد : نص دقيقه
فيصل : اريد رقمج
: وانا ما اريد اعطيك
فيصل : تستهبلين انا ريلج ريلج ماما
: لفيت ويهي على تلفزيون واشرت على تلفزيون وعلى بنات ... كيفي ما اريد اعطيك اياه عشان مره ثانيه تعرف تختار قناه حلوه
فيصل : راح وبند تلفزيون ووقف جبني وانا يالسه على كرسي ومنزله راسي اريد ارفع عيني بس ما اروم
نزل شيله من شعري ببطئ وطبع بوسه على راسي
فيصل : مره ثانيه اريد اجوف شعرج الاسود الحلو
وظهر من الملجس
وقفت وكنت بطلع من الغرفه دخل راسه وقال : عيوني
لفيت ويهي
فيصل : احبج
وكاني ما سمعت شي كملت لين ما ظهرت من ميلس
يلست فصــاله
ام محمد : ما شاء الله عليكم يا بنات كبرتو وتزوجتو
محمد : هذا فيصل ان جفت ريله فبيتنا يا ويله قولي له ماشي يجوفج الى وقت العرس
غزلان : هههههههههههه يستاهل
محمد : وانتي ما تبين تجوفين ريلج
جفت محمد بنص عين : وليش غزلان تخليها وانا ما تخليني
محمد : ريلج ما يستحي على ويهه صاير رومنسي زياده عن لزوم
غزلان : ههههههههههه والله ليش شو صار قول لي
محمد : اونه يقول لها قمر وما قمر جفتي ويها قرد بس شو نسوي القرد فعين زوجها حمار
: هههه يما جوفيه
ام محمد : محمد اصطلب هذي اختك بس ما قالت لنا رايها فزوج
: نزلت راسي
ام محمد : ههههههههههههههههههه
: انا بروح ايب لي كوب ماااي
دق تلفوني جفت وكان رقم غريب .رديت عليه
؟؟؟: ليش تردين على ارقام غريبه
: كيفي ... نعم اخوي منو تريد
؟؟؟: بدينا نتظارب وانا توني طالع من بيتكم
اكيد هذا فيصل : منو عطاك رقمي
؟؟؟: افا ما عرفتيني .. انا الي كنت ادق لج شهر كامل وما تردين عليه نسيتي طلال
تندمت لني رديت عليه
طلال : مبروك حبيبتي الملجه ... شو راي فيصل فيج ...
سكت لين الحين مب مصدقه الي يصير طلال شو يريد مني
كيف عرف ان اليوم ملكتي .. كيف عرف اسمه
: نعم شو تريد
طلال : ماشي حبيت اهني حبيبتي بخطوبتها
: الله يبارك فحياتك والحين شو مطلوب
طلال : غيداء او تبيني اقول حرم فيصل المصون
: من الاخير شو تريد مني الحين
طلال : اريدج انتي
: وانا خلاص طرت من ايدك وخذت واحد ثاني
طلال : بس انا اريدج وانا احبج والي اريده يوصل لي .. وانتي بترجعين لي غصبن عنج
: افهم من كلامك انك تهددني
طلال : لا ما اهددج بس اقول لج انتي من الاول الى الاخير لي انا
: تحلم تعرف شو يعني تحلم لني بظل حرم فيصل ولو على موتي
طلال : بعيد الشر
: سكرت فويه وانا خايفه ما اعرف شو الي ممكن يصير
اقول لمحمد لا لا اخاف تكبر السالفه .. اقول لفيصل اخاف يطلقني خليفه مش موجود
حسيت الدنيا تدور فيني
وصلني مسج من رقم غريب ثاني
( حياتي هذا رقمي ريلج فيصل )
عبالي انه طلال ويسوي فيني مقلب
رحت لمحمد واخذت رقم فيصل وكان نفس الرقم
لكن الحين مصيبه طلال شو اسوي فيها
كيف اتخلص منه يا ربي شو اسوي
يا ربي ساعدني

~*¤ô§ô¤*~h~*¤ô§ô¤*~


دق جرس رواح
حطيت كتبي فشنطه ورحت اركض
اسبوعين ما جفت امي ومشتاقه لها
تغشيت وتميت امشي لين ما وصلت لشارع رئيسي
وقفت تاكسي وركبته
: روح منطقه ****
خايفه من راعي التاكسي طول الطريق وانا اقراء قران
حمدالله اني كنت حافظه البقره وقريت الي تذكرته منها
وصلت البيت طلعت فلوس من جيبي وعطيته
فتحت الباب سمعت صوت حد يصارخ وينادي
بس ها المره كان غير عن كل مره
كانت تنادي باسم : غياهيب ... بنتي وين راحت .. بنتي غياهيب
تعرف اسمي تعرف بوجودي كنت احسب فراق خواتي نساها الدنيا كامله
سمعت صوت شي ينكسر خفت على امي ورحت اركض
جفتها يالسه على الارض وماسكه زجاج ودم يطلع من ايدها
وتنادي باسمي غياهيب غياهيب
عورت قلبي وحقدت على ابويه ومريم اكثر
رحت لها : يما يما انا هنيه يما انا هنيه
حظنتها ونزلت دموعي ما يكفيها فراق خواتي والحين انا
: يما لا تخافين انا موجود عدالج ما بخليج
مسحت على شعري وقالت بصوت فيه حنان عمري ما سمعته : يما وين كنتي طيحتي قلبي لا تروحين عني
حظنتها وانا اصيح كيف اقول لها : يما انا عندي معسكر فمدرسه ولزم اروح له .. تعرفين ليش ( قعدت قدامها وكلمتها مثل ما اكلم طفل ) ... عشان ايب نسبه حلوه تعرفين ان هذا اخر سنه لي وبتخرج
اريد ايب نسبه حلوه عشان يقولون بنت موضي ما شاء الله عليها شاطره وصارت دكتوره
موضي : ما اريدج تصيرين دكتوره بس اريدج ما تروحين عني
: اوعدج يا يما اوعدج ما بخليج وكل يوم بزورج ... بس يما انتي ما تبين تعرفين خواتي وين راحن غزلان غرام غيداء ... بدورهم لج ولزم اروح كل يوم ادورهم لج
وردت امي لماضيها وبعد صمت ردت تصيح وتنادي : غرام ... غزلان .. غيداء وينكم بناتي وينكم ردو لحظن امكم ردو 10 سنين وقلبي يحترق على فراقكم رجعو لي والله اخليكم تلعبون برع .. بخليكم تشترون الي تريدونه بس رجعو لي
حظنتها وانا اصيح اوعدج يما القاهم لج اوعدج
عطتها النيرس مهدى ونامت
طلعت من الغرفه وجفت عمتي نوره قدامي
نوره : من متى انتي هنيه
: انا من نص ساعه
نوره : كيف وصلتي
: بتاكسي
نوره : انتي مينونه ما تخافين على عمرج تركبين تاكسي بروحج
: لا مب مينونه اسوي اي شي بس عشان اجوف امي
نوره : تعالي خليني اوصلج المدرسه
والحمدالله وصلت مدرسه بسرعه نزلت من سياره عمتي وركبت سياره
دريول : وين انتي من سبح هزي خدامه دوري انتي داخل مدرسه
: مالك خص يله روح البيت
طلعت مذكره ابوي من الشنطه وقريت
( ها هي مرت 3 شهور وزوجتي تبكي على بناتنا
حاولت كثير اني اجعلها تخرج من حالتها لكن ليس هناك فائده
تبكي وتبكي وانا تعبت اريد ان اكمل حياتي
ولا اعرف ماذا افعل غير هذا
فــ يارب سامحني على ماذا فعلت اليوم
انك تعلم اني احبها وحبها يجنن قلبي
ولا استطيع رويتها وهي بهذي الحاله
قلت لها تعالي سوف اوصلك لبيت اهلك
وركبت معي السياره بكل هدواء
طول الطريق وانا افكر كيف سوف اقول لها
كيف سوف تعلم
هل اجعل اهلها بخبرونها ام انا
وصلت البيت ومسكت غياهيب من يدها وعطيتها للخادمه
خوفا عليها من ان يصيبها شي بعد ان تعرف موضي ماذا فعلت
قبلت راسها وقلت لها : موضي حبيبتي طول عمري بظل احبج .. وتعرفين غلاتج فقلبي بس انتي ما خلتي لي مجال
موضي انتي ... طالق ..... دمعت عيني بعد طلقتي الاولى ووردت عليها طلقه الثانيه ..... احسست ان قلبي سينفجر من الالم واخيرا حررتها مني ... طالق
رايتها ودموعها فعينيها لم اعرف هل هذي دموع فرقنا ام فراق بناتنا
دخلت للمزل
رايت طيفها يذهب من امامي تالم قلبي كنت اريد ان تكون بجبني طول العمر
ابكي على بكائها واضحك على ضحكتها )
سكرت المذكره ومسحت دموعي
ابوي هوالذي خله حالتها تزيد .. هو السبب كان من الممكن انها تطلع من حالاتها النفسيه لكن طلاق زاد الامور تعقيد
فكرت كيف الحين اتصرف كيف احلها كيف اخرجها من حالاتها
وصلت البيت تغديت ونمت
وبعدها دخلت الانترنت يمكن القى معلومات عن حريقه بيتنا
~*¤ô§ô¤*~h~*¤ô§ô¤*~


هذا ثالث يوم اقعد فيبت وملل اسر قلبي
جفت بدور
: بدوري حبيبتي عندج اليوم شي
بدور : امممم لا ليش
: خلينا نروح الصالون والسوق
بدور : خلاص متى تبين نورح
جفت كانت ساعه 3
: شو رايج نطلع ساعه 4
بدور : خلاص خليني اقول لــ علي اني بظهر
نزل عيسى وبدور تحسب انه علي بس ما اعرف كيف عرفت انه عيسى
بدور : علي
عيسى : هلا
بدور : بروح سوق مع غرام
جافني وقال : خلاص روحو
بدور : بتقول لعيسى اخاف اقول له
عيسى : هيه بقول له
صدمني الي يجوفه صدق يعرف انه علي وكيف ما يفرقون من بينهم وهم عايشين مع بعض اكثر عني
ببساطه لون عيون عليغير عن عيسى
ادري تقولن كيف جفت عيونهم وفرقت من بينهم
عيسى عيونه فيها لمعه ( حور ) وعلي عيونه غير عن علي
حسيت انه يريد يكمل تمثيليه وانه ياخذ شخصيه عي
قعد معنا
عيسى : شحالج غرام
: الحمدالله
عيسى : ما عطيتني الورقه اسامي اهلج متى بتعطيني اياهم
: رحت مع عيسى
عيبسى : اها شو صار
: ما لقيتهم وقلت بدور طريقه ثانيه
عيسى : شو رايج تقديم بلاغ في شرطه
: ما اعرف لزم اروح الشرطه وابلغ
عيسى : عيسى ظابط فشرطه بخليه يقدم بلاغ ..بس بشرط انتي تقولين له
: جفته وقلت له ان شاء الله
بدور : حد يريد شي من المطبخ
عيسى : اريد قهوه
بدور : أن شاء الله
وراحت المطبخ واول ما دخلت قلت له
: عيسى ممكن تقدم بلاغ
جافني عيسى وضحك : شكلج ملخبطه بيني وبين عيسى انا علي
جفته ورديت اضحك : اعرف افرق بينك وبين علي
ورحت غرفتي اتسبح ( عزكم الله ) واتلبس عشان اطلع اروح المول
جفت علي وعيسى قاعدين فصاله
سلمت على علي
بدور : هههه شو فيج تسلمين علي مره ثانيه
: حكيت راسي وقلت لها صدق عبالي انه عيسى وانا متعدمه عشان اقول لعيسى اني اعرف افرق من بينكم انتو الثنينه
ولو غيرتو مكانكم
: يله تعالي خلينا نروح
فاطمه : وين بتروحون
بدور : يما غرام تريد تشتري لها اغراض
علي : لا تتاخرون
بدور : كانت خايفه من وجود عيسى ... ان شاء الله
يلست اسمعهم يسولفون وعيسى طول الوقت ساكت وصلت بدور
بدور : يله خلينا نطلع
عيسى تكلم : بتطلعون جيه
جفت بدور كانت لبسه شيله وعبايه ومتغشيه
وجفت شكلي وانا لبسه بنطلون وقيص
: رديت عليه هيه جي اعرف ان لبس بدور ما فيه شي وانا بطلع جيه ولا بغير لبسي
عييسى : اذا طلعتي جذيه لا ترجعين البيت
: ضحكت وقلت له لا يكون تطرني من بيتك ولا بتظربني
طلعت من الباب وانا احس دمه احترق
بدور : أنتي مينونه تردين على عيسى جذيه
: لا مب مينونه لكني ما احبه ولا بحبه وبعدين عيسى عليكم انتو.... انا ما يمشي كلامي عليه ... لنه ولا شي قدامي لين ما يحترم عمره
بدور : الله يهديج
: الله يهدي اخوج
وصلت الصالون ونزلت
احترت ما اعرف اقص شعري ولا لا
يلست على كرسي
: ها بدور ما تردين شي من الصالون
بدور : لا
: ما تبين تغيرين شكلج
بدور : لا انا احب شكلي جيه طبيعي
رديت كلمت راعيه صالون وقلت لها اصبغيه اسود
راعيه صالوه : بس لون البوني بيكون احلى عليكي
: انا اريد اسود
راعيه صالون : على راحتك
صبغته اسود وكنت خايفه كيف بيطلع شكلي لو كان مب حلو عادي ارد اصبغه اشقر
استشورت شعري وانا ما كنت اريد اجوف شكله
اخيرا خلصت رفعت راسي اريد اجوف شكلي
انصدمت ما عرفت عمري .. حسيت اني وحده ثانيه ... ملامحي العربيه ظهرت فويهي اكثر واكثر
بدور : ما شاء الله عليج طالعه تجننين .., توني انتبه ان عيونج وساع
: عيونج حلوه حياتي
رحنا المول وبدينا نشتري ملابس وشريت لي شيله لني كنت ناويه اتحجب
بس فكره الحجاب ما اعرف مخوفتني
رديت البيت وما لقيت احد حمدت ربي
ودخلت غرفتي وبديت اطلع شيله من كيسه واحطها على راسي وانزلها
حابه الفكره بس متردده
لكني نيوت اني البسها من اليوم ورايح
وان شاء الله يوم بعد يوم بلبس عبايه
بس اهلي وين القاهم ... كيف القاهم
عيسى بيدورهم لي
ولا ما اعتمد عليه
تذكرت سيف وعلياء من شهر ما دقيت لهم
دقيت لهم
حنان: غرررررررررررررررام يما
: ( استانست وانا اسمع صوتها ) عيون غرام قلب غرام
حنان: وينج يا بنتي ليش ما تتصلين لي
: ( خاطري اقول لها سئلي احمد لكني سكت ) تعرفين مشغوله بين المستشفى واني ادور اهلي
حنان: ابوج كان يسئل عنج كل يوم
: اخباره ابويه واخبار الشباب
حنان: والله كلهم بخير ويسلمون عليج .... متى ناويه تزورينا
فكرت قلت خلني اروح لهم يومين 3 وارجع مدام اني ماخذه اجازه
: امممممممم قريب ان شاء الله
حنان: والله مشتاقين لج تعالينا
: ليش انتو ما تزورني وتزورون اهلكم
حنان: ودي يا بنتي ودي ازوركم لكن .....
: لكن شو ؟؟
حنان: ( غيرت السالفه ) اخبار عمتج فاطمه وبناتها
: يا ربي بناتها يجنوون حلوين وحبوبين لزم تزوجين وحده من عيالج
حنان: ازوج منو يا حظي الكبير ما يريد يعرس ... واحمد
: ( قلبي ) واحمد شو فيه
حنان: تزوج وحده وبعدين طلقها
: ايميليا
حنان: كيف عرفتيها
: اعرفها من زمان يحبها
حنان: الله يهدي احمد وسيف
: ليش يما شوصاير
حنان: اول ما قال لبوه يريدها ابوه زعل وطرداه من البيت ... قال ما تاخذ غير بنت بلادك ودينك لكن احمد اصر وبعدين تزوجها وبعد العرس بشهر كانت حامل
: مبروك مبروك يما صرتي يده
حنان: استغفر الله ما كانت بنته
: شووووو ...؟
حنان: فالاخير طلقها وسيف زعلان من احمد .. ما يكلمه.. واحمد ما ياكل ولا يسوي اي شي كله قاعد فبيت
: متى صار هذا
حنان: قريب من من اسبوع ...خايفه من سيف ما اعرف يفكر فشو
:مما يصير الى كل خير .....عيل وين ابوي اريد اكلمه
حنان : ابوج راقد الحين
: خلاص يما بدق لج بعدين عشان اطمن على ابويه هالله هالله بعمرج
حنان: ان شاء الله
جفت يا احمد جفت قلت لك لا تحبها .. البنت ما تحبك ما تريدم الى عشان فلوسك
دخلت موقع طيران الامارات وحجزت لي تذكره لنيويورك لباجر المغرب
طلعت لي شنطه من تحت السرير وبديت احط فيها اغراضي وبعدها
وانا افكر كيف بجوف احمد باجر
كيف بحط عيني فعينه
كيف بيكون شكله ... تعذب وايد لفرقها
بعده يحبها ولا نسى حبها





كيف سوف تتخلص غيداء من طلال ...؟
مستبقل غزلان مع صقر هل سيكون مشرق مثل ابتسامتها او سوف سلحقها الحزن للنهايه عمرها ...؟
وماهي مخططات غياهيب وكيف ستجد اخوتها ...؟
وغرام وسفرتها المفاجئه ما هو سببها هل هو احمد ام زياره عائلتها ..؟

بارت جميل سلمتي على تالقك

الجزء التاسع



وصلت عند الباب
ادخل ولا ما ادخل ... ادخل ولا ما ادخــل
اعرف ان اوجاعي بــتظهر اول مره فحيــاتي
الي بخلني اتعذب اكثر يوم بعد يوم
لكــن لين متى بظل جذيه ... لين متى
دقيت الباب ودخلت
: سلام عليكم
رفع راسه ...حسيت اني جايفته من قبل ... وعليكم السلام تفضلي
قعدت على كرسي وجفت اسمه (حسين خميس )
دكتور حسين : انتي غزلان
: هيه نعم
دكتور حسين : موصتني عليج دكتوره غرام
: وبعدين
دكتور حسين : شو رايج نبداء علاج .... اول شي اريد اعرف ليش نويتي تنتحرين ما تعرفين انه حرام وانه يدل على قله ايمانج ودينج
: اعرف ان حرام لكن الي يعيش حالتي الموت ارحم له ... الموت بنسبه لي نعمه
دكتور حسين : كيف تعرفين يمكن انج تعيشين فيه خيره
: صدقني الموت ارحم لي الف مره ... انت ما تعرف شو صار لي ولا اريد اقول لك ولا اريد اي عندك
مره ثانيه
دكتور حسين : مدام انج ما تبين تحضرين.. ليش ياتي الموعد ...؟
: لنهم كانو بيبلغون لني كنت بنتحر
ددكتور حسين : وانا لازم يوم اخلص من علاجج اقدم تقرير عن حالتج
: ومطلوب
دكترو حسين : انج تقولين لي ليش انتحرتي
: شي شخصي
دكتور : على راحتج اذا ما تريدين تقولين ....بعد صمت رد يقول
دكتور : اريد اعرف عن طفولتج
: وانا ما اريد اقول شي
دكتور : انتي ملزومه تـقـعدين عندي هنيه ساعه كامله رضيتي ولا لا
: عادي بقعد وانا ساكته
مرت نص ساعه وانا ساكته العب فتلفوني
وهو قاعد يكتب فـــ اوراق
تكلمت بدون حاسيه ما اعرف احساس فيني يريدني اصير احسن
او اريد اخلص وافتح قلبي لشخص على الاقل يساعدني

: طفولتي ما كانت طفوله جميله كانت بشعه ..... فبدايه كانت حلوه لكن فيوم تحول كل شي
اتذكر يوم كنت قاعده فبيت مع اختي غيداء كانت تحب تلعب بنار وقاعده تلعب بكبريت
امي مسكتها وظربتها على ايدها وطلعتنا برع نلعب مع ولد جيران حمد
ضحكت .. اتذكر يوم قال ما يريد يتزوجني يريد يتزوج اختي غيداء
ههههه وكيف طيحني هو وغيداء فحوض سباحه واتذكر اختي غرام كانت دايما جنبي كنت قريبه من الثنتين
الصبح مع غرام وفليل مع غيداء
كنا نسوي مقالب فامي وابوي كانت عدنا اخت صغيره اسمها غياهيب بس نناديها بوبي هههههههه غيداء طلعت لها هذا الاسم لنها ما رامت تحفظ اسمها
فيوم امي كانت تريد تودي بوبي المستشفى لنها تبعانه وابوي معها وغرام فمدرسه وانا وغيداء فبيت ام عبدالله حرمه جيران قعدنا نلعب وتذكرت دبدوب غيداء ورحت البيت
( سكت دقايق والمشهد يعيد نفسه فدامي ومسحت دموعي )
دخلت البيت ويلستها فصاله
قلت لها قعدي هنيه وانا بيب لج لعبه من الكبت
رحت الغرفه اريد اطلع الدبدوب من فوق الكبت ويوم مسكت دبدوبها سمعت صوت صراخ
طحت وتعورت ريلي....( ومسكت ريلي انا اتذكر طيحه غمضت عيوني )
نزلت تحت جفت غيداء ونار حولينها وتاكل كل شي فبيت وفايدها كبريت
مسكت ايدها وبدينا نركض
خايفه من ابوي يضربنا ولا امي تعاقبني ولا تخلينا نلعب مع حمد
خايفه من ام عبدالله
ما عرفت ان نقعد قدام الباب احسن لها ولي .... بيخفف العذاب الي بتحمله .. يمكن يعاقبونا طول العمر
لكن بتاكيد ما بيصير الي صار
بدينا نركض ونركض ونروح كل مكان وانا اسمع غيداء تصيح تنادي باسم امي
وانا خايفه عليها من امي وابوي
دخلت المسجد لني تعبت وغيداء شكلها تعبت وظلمت الدنيا
وجوع عذبنا خليت غيداء فمسجد وطلعت اجيب لها اكل
رحت لكل بيت اتشحت لين ما عطانا احد تفاحه ودبه ماي رحت مسجد
ادور غيداء ما لقيتها تجننت طلعت من مسجد وانا اصارخ اناديها
وجفت حرمه شالتنها وغيداء تقول له ماما وين بنروح وين بتشليني
رحت اركض لها وتميت اركلها بريولي الصغيره اريدها تترك اختي
ونهايتنا فهذاك اليوم انا رحنا الملجى
مسحت دموعي ورسمت بدال الحزن الفرح ..ضحكت ضحكه صفراء وقلت له : جفت مب لزم تحكم على الكتاب من عنوانه....هذي بس بدايه طفولتي تعيسه
دكتور : غزلان انتي لزم ......
قاطعته وقلت له والابتسامه على ويهي : ترا الموت ارحم لي لن هذا شويه... مرت نص ساعه ثانيه
خلص الوقت لزم اروح
قبل لا اطلع جفت الدكتور وقلت له
غصب أضحكـ / غصب أفرح , ولكن الجروح كثآر } . . ||أحآول أبتسمـ / أمرح ’ وصوت الحزن يرثيني

طلعت من المستشفى وما اريد اروح البيت
خايفه خايفه لو عرفت غيداء اني سبب ما تسامحني
خايفه نظل طول عمارنا يتاما
: روح البحر
نزلت من السياره وريلي تغوص فرمله
بديت اصيح واصيح واصيح
ما رمت اتحمل
احس مواجع طفولتي بدت تعذبني
عمري ما قلت لشخص شو فيني
محد يعرف عن طفولتي شي
10 سننين وانا ادفن الحقد والكره والماضي فقلبي
10 سنين وانا احاول اخفي احزاني
لكن لين متى بظل جذيه
ليش الدنيا كل مره تكون عكسي
احب واحد واتزوج غيره
اهلي مش موجودين عني
لين متى بتحمل كل هذا
لمحت طيف خليفه قدامي يناديني تميت امشي للبحر
وخليفه يقول لي تعالي تعالي لي قربي اكثر خليني احظنج واخذ الامج
بديت امشي ومكان يصير عميق اكثر واكثر
وخليف هو الي قدامي
حسيت ان احد يسحبني لتحت ونزلت تحت الماي
حاولت اوقف على ارض البحر
وادفع نفسي فوق عبالي ان المسافه مترين بس
نسيت الدنيا وانا امشي خلف صوت خليفه
حاولت اطلع حاولت وحاولت ما قدرت
سمعت احد يصارخ يقول يا مينونه ظهري
لكن خليفه يناديني كيف ابعد عنه
حسيت باحــد يسحب ايدي ويطلعني من الماي
: كح كح كح
؟؟؟: انتي مينونه تريدين تنتحرين ... مينونه
رفعت راسي وجفت صقر ... .........
محمد : غزلان فيج شي ( انتبهت ان محمد موجود )
ما عرف شو اقول له .... خيفه كان يناديني ورحت له
محمد : دقنا لدريول وقال لنا انج هنيه
اشرت على صقر : ليش هو هنيه شو يريد
محمد : كان معاي فسياره
حسيت البرد يدخل عظامي بديت ارتجف
جفت صقر يحط جاكيت على ظهري
ركبت سياره وياهم وانا افكر ليش صار لي جيه
قلت : محمد لا تقول لغيداء او حد
محمد : بنتفاهم بعدين
بدت الافكــار تيي وتروح ....شو بيقول عني صقر ... شو فكره الي بياخذها عني
اكيد ما بيأمن على عياله مع وحده حاولت الانتحار مرتين
لكن ما كان ودي انتحر خليفه كان يناديني
كان يريدني جنبه
محمد : غزلان وصلنا
رفعت راسي ودخلت من الباب الخلفي ورحت للغرفه بدلت ملابسي وقعدت على سرير
سمعت صوت محمد يدق على الباب : صقر تحت يريد يجوفج
ليش شو يريد مني ... شو بقول له ... شو بيصير الحين
لبست شيلتي ورحت للمجلس
اجوف صقر وشكله معصب
: سلام عليكم
صقر : وعليكم السلام
: شحالك
صقر : بخير .... ممكن اعرف شو الي كنتي قاعده تسوينه مينونه انتي
: شو سويت
صقر : تريدين تنتحرين مره ثانيه مينونه ما تعرفين انه حرام
: الحين انت ياي عشان تسمعني هذي كلمتين وترفع ضغطي
صقر : (قعد على الكرسي وقال بكل هدواء ) انتي لزم تروحين عند دكتور نفساني
: ههههههههه ( حسيت الدموع تتجمع فعيني كان ودي اصارخ عليه ) وغيره
صقر : انتي مينونه ....هذا موقف يستحمل انج تضحكين
: شريه بليه ما يضحك .. يوم انت ما تعرف شي بليز لا تتكلم
صقر : غزلان سمعيني
: وانا ما اريد اسمعك ولا اريد اكلمك اذا خايف على عيالك هذا من حقك طلقني لنك مب مستعد ترتبط بنت مريضه بس مش من حقك تخدش حيائى ...مش من حقك تستهين فيني ..وانت ما تعرف شي من حياتي ... وغير هذا كلام ما عندي لني مش مستعده اتكلم واجادل وانا ما فيني حيل ولا طاقه لو سمحت صقر مب ناقصتنك انت بعد الي فيني يكفيني لا تكون انت والزمن عليه
هذا الي عندي وما عندي غيره مع سلامه
ظهرت من الغرفه وكل شي فيني يوجعني جفت غيداء راجعه من المدرسه وهي فرحانه
رحت لغرفتي وسكرت على عمري الباب وطرشت مسج لغيداء ( انا نايمه ما اريد احد يزعجني ولا حد يقومني لين ما اقوم بروحي )

~*¤ô§ô¤*~h~*¤ô§ô¤*~


قمت وجفت ساعه كانت 3 الظهر
بسرعه تسبحت وصليت الصبح والظهر والحين يباذن العصر
نزلت تحت وجفت الكل مجتمع
بست راس عمتي فاطمه
فاطمه : بستي كعبه
: امين يا رب
جفت علي وعيسى : وقلت لهم غريبه مجتمع الكل اليوم
علي : جفتي عيسى تغدا عدنا
: لفيت ويهي : عيل وين ساره
بدور : ( بصوت واطي ) سكتي تخاف من عيسى ما تقعد معنا وعيسى موجود
: هههههههههه شحالك عيسى
عيسى : الحمدالله
فاطمه : يما بدور قولي للخدامه تحط اكل لبنت عنج
: لا تقومين بدور اريد اقول لكم موضوع ظروري
فاطمه : خير يا بنتي
: مسكت ايد فاطمه : يما انا بسافر عند ابويه كم يوم
فاطمه : خوفتني عبالي شي صاير .. يله تروحين وترجعين بسلامه
علي : متى السفر ان شاء الله
: اليوم ساعه 7
فاطمه : اليوم .. ما باقي على طيرتج غير 3 ساعات
: امس رمست امي حنان امس وقالت انها مشتاقه لي وقلت عندي اجازه بروح لهم 3 ايام وبرجع
فاطمه : تروحين وتردين بسلامه
بدور : بنشتاق لج
: وانا اكثر بس لا تخافين راجعه لكم صرت ما اروم على فراقكم صدق انحرمت من امي وابوي لكن ربي رزقني عايلتين بدال وحده
فاطمه : لا تنسين تطمنينا عليج اول ما توصلين
: ان شاء الله ..... يله انا بقوم اعدل شنطتي
بدور : وانا بقوم اساعدج
سمعت صوت ساره وهي تصارخ .... بعدها ما وصلت الغرفع وهي تنادي على اسمي وقفت عند باب العرفه وهي تلهث : غ....رام ....غرام... خليني اخذ نفس .....غرام ..صدق انج بتسافرين
: هيه بسير اجوف امي وابوي
ساره : ممكن اطلب طلب منج
: امري
بدور : سارا عيب
ساره : وانتي راجعه يبي معاج صوره احمد
: ليش
ساره : كل يقول انه حلو
: هيه حلو ما اعرف اذا جايبه له صوره معاي او لا بس اخوه سعيد احلى
ساره : صدق
: وانتي شو لج خص
ساره : ما سمعتي
: سمعت شو ...؟؟
ساره : سمعت اليوم امايه ترمس علي تقول بيخطبون ولد من عيال عمي سيف لوحده من عايله
: اونتي شو لج خص
ساره : يمكن يكون زوجي
: هههههههههههههه ان شاء الله بيب لج صورته
بدور : قومي قومي طلعي من الغرفه ,,, تصدقين ان ما عندج سالفه
ساره : يمكن يصير زوجج يا قلبي وهي تغمز لبدور
: هههههههههـ صح يمكن يكون زوجج
بدور : انا ما اريد اتزوج
جفتها : ليش
بدور : شو اقول لج يا غرام
: قولي ليش ما بتين تتزوجين
بدور : شخص ملك قلبي ولا ناوي يرجعه لي
: ان شاء الله تتزوجون وتخلفون صبيان وبنات
بدور : ههههههههههههههههههه خلصتي حطيتي كل الي تحتاجيه فشنطه
: هيه
وقفت عند الباب وانا اجوف البيت
واهلي واقفين قدامي يودعوني
سلمت على فاطمه وساره وعيسى
وركبت سياره مع علي وبدور
بدور : لا تطولين علينا
: ان شاء الله حبيبتي
طول الطريق ساكتين
وانا افكر فاحمد كيف بجوفه ... كيف بحط عيني فعينه
سكرت عيوني وانا اتخيله قدامي
عيونه الوساع .... شعره البني .... خشمه .. ووويه طويل ... الحنطاوي لون
عضلات جسمه .... طوله .. حفظت كل شي وكل ما اغمض عيوني اجوفه قدامي
تمنيت اني انساه ولو دقيقه
اول ما سافرت عنهم كنت اغلط وانادي الكل احمد
كل ما اجوف ولد عبالي انه احمد
لين ما حاولت اني انساه
لكن يا فرحه ما تمت نسيته والحين برجع له
جفت احمد قدامي كل شبر فيه واقف قدامي
تمنيت اني امسكه
مديت ايدي اتخيل عمري المس ويهه
فجى حسيت عمري امسك شعر احد
بطلت عيني وجفت شعر علي فايدي
: اسفه
لفت بدور ويها : على شو
: ولا شي بس كلمه يت فبالي وقلتها
لفيت ويهي وكنا وصلين المطار
حسيت عمري وصلت بسرعه ولا لني كنت افكر فاحمد
بدينا نمشي وانا اعد خطوات الي تقربني من احمد
وصلت لبوابه
: يله انا بخليكم مع سلامه
حظنت بدور وجفت علي لكني انتبهت على عينه
هذا عيسى لا لا يمكن علي ... بديت اخرف
اتقربت اكثر وانا اجوف عيونه لا لا هذا عيسى مب علي
مديت ايدي وقلت له بصوت واطي : مع سلامه عيسى
ضحك وقال : مع سلامه
خلصت اجرائات الدخول واخيرا وقعدت على كرسي فطياره
وانا اجوف ارضي واهلي
ابعد عن اهلي وانا ما لقيتهم
عبالي اني ادور عنهم سهل
لكن طلع اصعب شي انك تبحث عن شي مفقود منك من سنين
وانت ما تعرف شي
يالتني فمسلسل من مسلسلات استاجذ شخص
يدور لي على اهلي
صفعت عمري خفيف ( اصحي غرام وين انتي وين مسلسلات ... لا تيئسين وادعي ربج انج بتلقين اهلج ان شاء الله خذي هذي رحله نقاهه واجازه عشان يوم ترجعين تحاولين بكل جديه ليل ونهار لين ما تلقينهم )
غمضت عيوني وانا اربط حزام


~*¤ô§ô¤*~h~*¤ô§ô¤*~


قعدت ماسكه ايده
اترجى يخليني اروح
دموعي نزلت
وشموخه عاليه مو راضي يخلني اروح
ليش ليش ... هي شو سوت لك
يكفي انك عذبتها سنين
: بليززز يبا ودني عند
عبدالله : لا
: دخيلك طلبتك .. مريضه وما عندها احد .. يبا لو سمحت
عبدالله : قلت لا يعني لا وقف وقال بكل هيبه يلى تلبسي بتروحين المدرسه
: ما اريد اروح المدرسه بغيب
عبدالله : لا تكسرين كلامي يله تلبسي بسرعه
اول مره ابوي يصارخ عليه اول مره يرفض طلبي
تلبست بسرعه وركبت سياره مع دريول ورحت المدرسه
يا ربي شو اسوي الحين كيف اجوف امي واطمن عليها
نزلت من سياره وانا اجوف دريول يبتعد اكثر واكثر
بديت امشي شويه بعيد خايفه لا احد يجوفني
لين ما حسيت اني فــ أمــان نفس العــاده
ركبت تاكسي ورحت بيت امي
وكان البيت هادي
دخلت غرفه امي ولقيتها راقده
رحت لغرفه عمتي وكانت مش موجوده
فصخت عباتي ويلست على الكرسي وطلعت مذكره ابوي اكمل اقراء
لكني وصلت الى اخر صفحه

( موضي قولي لي ماذا افعل الان ...
ها هي تمر سنتنا 10 دون اطفالنا
وانا انظر اليك واتعذب لرويتك اكثر يوم بعد يوم
كرهت روائيه طفلتنا غياهيب
تعرفين لماذا
يوم بعد يوم تكبر وتزيد شبها فيك
شعرت بانها انتي كم ودتت ان احظنها واقبل راسها
لكن شبهها بك يعل الامر اكثر صعوبه
كم اردت ان اقبلها واشجعها على تفوقها لكي
كم اردت ان اجلس والعب معها
لكنني كنت
اتذكر غرام .. غزلان .. غيداء
اتذكر ايام التي قضينناها مع بعض
كيف كنا نشكل عائله جميله
اتسائل كل يوم ...؟
اين ذهبن وماذا حدث لهن
اشعر كااني خائن
خنت ثقتهن
لا اعرف عندما اجدهن باي وجه اقابلهن
لا اعرف )
سكرت المذكره ورفعت راسي جفت عمتي نوره قدامي
نوره : غياهيب انتي شو تسوين هنيه
: بكل برود ) يايه اجوف امي
نوره : والمدرسه
: اكيد غايبه
نوره : منو يابج
جفت عبدعزيز قدامي : انا يبتها
جفت عزوز وعلمات الشكر فويهي
نوره : قومي قدامي خليني اويج المدرسه
: لا ما بروح
مسكت ايدي بقوه
: ما اريد اروح خلاص لا تغصبوني على شي ما اريده الى يوم واحد
نوره : وابوج لو عرف
: يعرف شو مسويه انا خليتها ورحت غرفه عند امي قعدت على الكرسي وانا اجوف ويهها
خايفه تزيد حالاتها وانا ما لقيت خاوتي
خايفه يصير فيها شي وما جافت اخواتي ... خايفه عمري ما اجوف خواتي شو اسوي يا رب
نمت على السرير بجنب امايه وغفيت بدون ما احس
.....
.....
.....
.....
حسيت بايد تخزني بطلت عيني بكل وجفت عزوز قدامي
: شو تريد خلني اكمل رقاد
عزوز : قومي يله خليني اوصلج المدرسه
: افففف ما اريد اودم
عزوز : الحين ساعه 1ونص يعني نص ساعهن ويدق جرس الهده ( رواح ) قومي
بطلت عيوني بسرعه وجفت الساعه لفيت ويهي يمين ويسار
: وين امي
عزوز : يالسه فصاله مع عمتي تغديها
غسلت ويهي على السريع ورحت عند امي
: يما شحالج ... ما ردت عليه كانت تاكل بهدواء
: يما انا بروح الحين وان شاء الله باجر بزوج ..... بستها على راسها وطلعت
عزوز : انتي كيف ياتي هنيه
: شو يخصك المهم يت وجفت امايه
عزوز : فرحانه بالي سويتهيه يعني لو ستناتي للعصر جان انا وديتج
: مش مهم جفتها وراتاح قلبي
عزوز : اخر مره اسئلج كيف ياتي هنيه
: بتاكسي وانا العب بظفوري
حسيت عزوز وقف سياره فنص الشاارع
لفيت ويهي وانا اجوفه ماسك سكان وييه صاير احمر
عزوز : ( يرص على اسنانه ) انتي مينونه تركبين تاكسي بروحج
: سويتها من قبل ولا صار لي شي
عزوز : ( بصراخ ) : مينونه ما تفهمين عربي ما تستحين لو جافوج الناس شو بيقولون عنج
: كم مره اقول لك الناس ما تهمني كثر ما تهمني امي .... لا تنسى ان كل هذا من امك .. امك هي الي يالسه عند راس ابوي بدونها جان ما يت بيتكم ولا ركبت تاكسي
حسيت بــ أيد عبدعزيز تبطع على خدي نزلت راسي وبديت اصيح
صح انا زودتها معاه واعرف انه ما يحب امه بس لدرجه اني اسبها
مسحت دموعي وسكت رفعت راسي وجفت عمري قدام البيت
نزلت ودخلت غرفتي وسكرت الباب
لزم اعتذذر لعبدعزيز هو الشخص الي يحبني ويهتم فيني
هو الوحيد الي يساعدني لاصارت لي مشكله فتحت لاب وتميت ادور فالنت على
علاج لمرض صدمه نفسيه
لقيت كلام واااايد لكن ولا شي دخل راسي
سكرت لاب وقررت باجر اروح مركز الشرطه
ببداء من مركز الشرطه


~*¤ô§ô¤*~h~*¤ô§ô¤*~




سمعت صوت المنبه وهو يشير الى ساعه 7:30
فركت عيوني وانا اجوف الجو من دريشه
حل ظلام قمت من سرير بكسل ورحت اتسبح ( عزكم الله )
يلست على تسريحه امشط شعري وانا تفكيري فطلال كيف اتخلص منه
كيف اخليه يبعد عني بدون مشاكل
يا ربي ساعدني رفعت راسي
: بسم الله خوفتني
غزلان : بسم الله من ويههج شو جايفه جني
: شو تسوين هنيه .. ومن متى وانتي
غزلان : من طلعتي من الحمام
: ما جفتج
غزلان : الي ماخذ عقلج يتهنابه
: جفت غزلان بنص عين وقلت لها مطلوب شو تبين ليش يايه عندي ما عندج شغل
غزلان : تاشر بايدها ... زوج المستقبل تحت يريدج
: افففف
غزلان : هذا 24 ساعه هنيه ما عندهم بيت
: ليش قاعد فوق راسج
غزلان .. لا بس يزعجني احسه غلس
: ابتسمت لها .. مب نفس ريلج ... ربطت شعري بسرعه ولبست شيلتي ما قلتي لي شو صار اليوم فاجلسه
غزلان : تلعب بظفورها ولا شي عادي
: عندج موعد بعد يومين ونحن بنسافر بعد يومين
غزلان : قدمته خليته باجر
: زين عيل بروح وياج
غزلان : نعم نعم لا حبيبتي لا تروحين وياي ولا اي شي اقول جلبي ويهج عند ريلج
ضحكت عليها ونزلت تحت اجوف فيصل
دخلت المطبخ وتخذت لي كوب عصير كوكتيل ومسكته ودخلت المجلس
جفت فيصل بلعب فتلفونه
: سلام عليكم
وقف فيصل وعليكم السلام .. هلا بطش ورش والماس المعبى فالغرش هلا بشيخه البنات
: اهلي فيصل شحالك
فيصل : بخير دامني جفت ويهج واخبارج انتي
: شربت من كوب وحطيته على طاوله متعمده ما اجيب له ... بخير الحمدالله
فيصل : قلت زوجتي الحبيبه يابت لي كوب عصير
: اشرت له على باب ... مطبخ من هنيه تريد عصير روح جيب لك
فيصل : شكلج ناويه تذبحيني بحركاتج
: بسم الله عليك
فيصل : تخافين عليه
: لا بعدين اذا مت ارفع ضغط منو بس اريد ارفع ضغطك مو اذبحك
فيصل : غيدااااااااااء
: عيونها
فيصل : تسلم اعيونج
ويدخل محمد المجلس : ايه انته
فيصل : لا اله الى الله ... نعم امر .. ناس تقول سلام ليكم مب ايه انته
محمد : ما عندكم بيت البنت تريد تدرس
فيصل : درست خلصت
محمد : لا توها قايمه من رقاد
فيصل : والله ... فديت القمر الي قام عشان خاطري
محمد : انت نصدق عمرك وايد اقول يله اجلب ويهك بيتكم بيتكم
فيصل : لا بعدني ما جفتها بعدني
محمد : اف اقول يله توكل على الله ماشي تجوفها
فيصل : اوكيه محمد يارب يرزقك ربي بابو حرمه عصبي ما يخليك تجوف حرمتك لين العرس ويعذبك
محمد : امين يله اجلب ويهك
: هههههههههههههههههه
فيصل : فديت ها الضحكه
محمد : مسك فيصل من قميصه ووصله للباب بااااااي
: زين تسوي فيه
محمد : لا تخليني ارد ادخله يله على دراستج ونادي لي غزلان
: ما اريد الحين بيجي فلم انا احبه
رحت المطبخ وجبت لي بوب كورن ( فشــار ) وبيبسي وجلكسي وسندويجات يعني كل الي احتاجه موجود عدالي سكرت ليت صــاله وحكيت مخده على الارض وقعدت
حسيت ان محمد دخل الصـاله
: حمود لو سمحت سكر باب ما اريد اي اضائه تعكر مزاجي
محمد : انتي ما عندج دراسه
: لا تخاف باجر ما عندي امتحان ولو عندي بغش الاخت محترفه فالغش
وقعدت اجوف فلمي على mbc max
: هههههههههههههههههه جوف جوف الغبي كيف طاح
محمد : هههههههههههه ... عطيني فشـــار
: روح المطبخ هذا مالي انت تاكل وايد
محمد : انتي دايما جي زطيه ماشي تفضل اخوي
: لا تسوي لي مسلسل هندي بس عشان شويه فشار
محمد : انزين اريد بيبسي
: روح ثلاجه هذيل 3 لي انا
محمد : خيبه بتشربين الثلاثه
: هيه عندك مانع
محمد : الله يعين ريلج عليج
: جب جب خلني اجوف الفلم ... وبعدين فديته ريلي مالك خص فيه
احد شغل ليت
: ( صرخت ) اييييييييييييييييييييييه الي شغل الليت يبنده لا اكسر راسه
جفت محمد يوقف قدام تلفزيون : ايه انتي وياه شو مسوين البيت سينما
: انت تستهبل انا ومنو
لفيت ويهي وجفت فيصل ببجامعه البيت نايم على كرسي الي عدالي وانا من الصبح عبالي محمد
محمد : انت انا ما طرتك من البيت ليش ترد ما عندك كرامه
فيصل : اشتقت لها
محمد : يعني رحت تبدل ملابسك وترجع ياخي شو رايك نسكنك فالملحق
فيصل : تسون فيني خير
محمد : اففففف هذا ما بيفهم
فيصل : بس طلعت ما شاء الله عليها تاكل وااايد بروحها يبالها مزانيه دوله
: ليش لا يكون اكل من جيبك
محمد : ههههههههه اقول لقط ويهك سبتك
فيصل : هههههههه حط ايده على قلبه ... انا بروح بيتنا اخلي امي تضمد جرحي
محمد : هههههههه لا تعب امك بوديك المستشفى يخيطونه لك
: ههههههههههههههههه
فيصل باس راسي وطلع حسيت ان ويهي احترق ومحمد يطالعني بنظراته
محمد : الله يخليه لج ما شاء الله عليه حبوب
دقايق وجف ابوي يدخل ومعاه فيصل
محمد : يا هو انت ما تسحتي كم مره طرتك من البيت اليوم
بو محمد : وانت ما تستحي تطرد ريال من بيتك
محمد : ابويه عذبنا اربع ووعشرين ساعه فبيتنا جوفه ياي ببجامه .... البنت ما تنتبه على دروسها بسبته
بو محمد : هيه يا وليدي قلنا ماشي زاوج لين ما تتخرج النت من ثنويه
فيصل : يعني ليش العذاب ... تكمل دراسه بيت ريلها
بو محمد : هذا شرطنا .... غيداء يما روحي جيبي شي لريلج
: يبا فيصل بيروج ينام باجر عنده داوم صح فصولي يله حبيبي مع سلامه باااااي
فيصل : طرده عيني عينك ...هههههه يله عمي انا استاذن فداعه الله
وصلت فيصل للباب وسكرته
استاذنت اروح غرفتي ادرس
جفت غزلان نايمه على سرير
مسكت تلفوني العب فيه وجفت مسجات من طلال وانه داق لي 5 مرات
ما رديت عليه غلقت تلفوني وقعدت ادرس
فيصل حبوب وااايد ويهبل
واعرف انه حبني
لكن صعب اعطي الحب بعد ما انجرحت منه
صعب ... اعطيه قلبي بعد ما انجرح وصاحبه تفنن فتعذيبه
غزلان شو سوت فاعلاج ... دري انها بتتعذب فبدايه بس
احسن لها ولصقر ولعيالهم
كيف بيكون شكلها بعد ما تجوف خليفه ...؟
كيف خليفه بيتصرف ...؟
خايفه عليها تنجرح مره ثانيه
الله يستر وتعدي ها السفره على خير يا رب






[/B]