كاتب الموضوع :
ملكهــ الحب
المنتدى :
القصص المكتمله من وحي قلم الاعضاء
البــارت الســـابع
اهذا الحب الذي كان يعيشه قيس وعنتر
اهذا الحب الذي كان يجمع بين الاحباب
اهذا الحب الذي يزوج اثنان
اهذا الحب الذي يجعلني ارضى بشخص لا احبه
والذي احبه فــ أسفل يشهد على زواجي
اهذا الحب الذي يجعل الكل فرح
الى انا تعيسه لرتباطي بشخص اخــر
ازحت الستاره وانا انظر الى الناس
وهي تاتي لتشهد حفل خطوبه غزلان وصقر
ياااااااه ما اثقلها على لساني
كم تمنيت ان تكون غزلان وخليفه
رجعت فذاكرتي الى وراء
( بو محمد : غزلان الريال بيوصل بعد شويه
: عدلت شيلتي
بو محمد : انا بنزل ايب ريــال
للحظة عرفت شكثر انا مينونه
كيف اطلب هذا الطلب كيف
يوم يدخل شو اقول له
كيف ابداء بوموضوع
سمعت حد يدق على باب
دخل بومحمد
( كيف بيكون شكله طويل قصير .... متين ضعيف ..... ابيض اسمر يا ربي شو ها السخافات )
كانت عيني على الارض وما رمت ارفعها واجوفه
ظله طويل
صقر : سلا م عليكم
: وعليكم السلام (وراسي على الارض وظله الشي الوحيد الي جفته )
بو محمد : انا بخليكم دقيقتين والباب بيكون مفتوح
ظهر بو محمد من الغرفه وانا بعدني ما اعرف كيف ابدي كلامي
صقر : شحالج غزلان
: الحمدالله
صقر : تدرسين ولا
: رفعت راسي ويالتني ما رفعت راسي ملاك على الارض كان جميل يجنن بس مب احلى عن خليفه
قلت له : طلبت من بو محمد عشان اكلمك فموضوع
صقر : امري
: استريح
صقر : عدوج الريح
: انا طلبت من بو محمد اني اجوفك وانا ودي اقول لك شي قبل كل شي
تعرف اني يتميه واهلي ما اعرف عنهم ... واختي بو محمد متبنيها ....وانا ... وانا ( بلعت ريقي ) سكنت 3 بيوت وكل مره ارجع بيتنــا قصدي الملجى
بس في شي محد يعرفه ولزم اقوله لك قبل كل شي
( بدء حزن يسيطر على خوفي ودموعي تجمعت فعيوني بس ما اريد ابكي ) .....ثالث يوم قعدنا فيه فملجى خذتنا حرمه اسمها مريم ... انا واختي كانت تربي يهال وتعلمهم على سرقه وريلها سكير.... يوم من الايام .. وسكت ...
وانا صغيره عمري 9 سنوات اع... اع........( سكت ) وانا صغيره خلاني اكبر عن عمري سنين ما فهمت الى وانا عمري 13 ما عرفت شو ناقصني الى وانا عمري 13 ...ما قلت لحد خوف الناس تفهمني غلط .. ان ما عندي اهل وخلني اطيح فمنكر ( اكتم دموعي واحاول ابين له اني قويه )
واذا انت مب مستعد انك ترتبط مع بنت شراتي تروم تقول لبو محمد برع انك خلاص هونت
صقر : شو هم لعب يهال .. بموضوعج مالي خص فيه انا بتزووج لن عيالي حبوج و اريد حد يجابل عيالي ويجوفهم وانا ما احب الخدم يعني انتي بتكونين لهم مربيه تعرفين شو مربيه لا اكثر ولا اقل .. يعني مب ام ثانيه مربيه متى ما عجبتني اروم اطلقج مثل ما اسفر المربيه وتقضين وقتج معاهم اذا ما كانت امي موجوده ولا انا ولا تصدقين عمرج وايد
ظهر من الغرفه
ما عرفت مشاعري كانت متلخبطه اصيح ولا اضحك
اصيح لنه اهاني واتهمني فشي عمري ما سويته
ولا اضحك لنه رضى فيني ولو اني غير )
سمعت صوت غيداء فرجعت للواقع
غيداء : يله صرتي عروس من قدج
: لا تستهبلين هاي خطبه بس
غيداء : هذي تسمينها خطبه اريد اعرف انتي مينونه ولا مينونه .. امس طلعتي من المستشفى واليوم الخطبه لا صدق انتي هبله
: مستعيله على عرسي
غيداء : والله ريال ما بيطير بيقعد فبيتهم
: اقول بلا استهبال يله قومي من قدامي اريد ايلس بروحي روحي غرفتج
غيداء : البيت بيتنا
:(فريت عليها المخده) يله جلبي ويهج
غيداء : هههه بسم الله حارقه اعصابج ...ريلاكس ريلاكس الدنيا حلوه
ظهرت غيداء من الغرفه وسكرت الباب بمفتاح
مشيت لين الستاره سمعت صوت تلفوني يرن رديت عليه بسرعه
لني اعرف انها غيداء تريدني افتح الباب
:غيداء بلا هبل روحي جلبي ويهج ( سمعت صوته كسر قلبي وعذبني اكثر .ليش الحين تدق لي ليش الحين)
خليفه : شحالج غزلان ..؟
: بخير الحمدالله .. نعم خليفه امر شو تريد ..!
خليفه : اريدج انتي ... غزلان ليش تسوين فيني جي .. انا شو سويت لج ... كل الي سويته اني حبيتج ...حبيتج من بين كل البنات حبيت ضحكتج كلماتج تصررفاتج ...حببتج وما اروم اعيش فالدنيا دونج
: وانا وانــا ...... وانا ..( ودموعي نزلت وكل شي فيني يريد يقول له احبك واموت فيك والله احبك )
غمضت عيوني وحسيت اني مخنوفه
تقدمت للدريشه ومسكت الستاره
حسيتها تكلمني تقول لي
غزلان تعالي ناظري محبوبج مني
بسرعه فتحت الستاره شميت ريحته .. حسيت بوجوده
صدق خليفه موجود تحت
لكن
الهزيمه والتعب مبين على ويهه
الانكسار
والخيانه
كل صفات خليفه اختفت بسبتي بسبتي
وانا اختفيت من الدنيا بسبب اهمال ابوي وامي
جفته اخر مره
وجفته وهو يطالعني ودموعه على عينه
خليفه : قولي تحبيني ... اعرف الي فقلبج واحس فيه قولي ومستعد اخطبج الحين .. مهرج عندي فايدي تجوفينه هذا مهرج وانا موجود وانتي قولي تحبيبني ووالحين بدخل المجلس واقول لهم اني انا اريدج
: بس يا خليفه انا ما اصلح لك
خليفه : كيف تعرفين ... صدقيني محد بيحبج كثري انا .... قولي انج تحبيني والحين بروح لعمي اخبطج منه الحين ... واكيد بيقبل فيني .. وانا راضي بكل شي .. واذا ما تريديني قولي ما اريدك وصدقيني بروح ولا بتجوفين ويهي مره ثانيه
كانت اصعب لحظة فحياتي كيف اقول لشخص احبه ... انا اكرهك وقلبي يصرخ ويقول احبه .... كيف اقول له ابعد عني ما اريدك وانا اكثر شخص يتمنى قربك ... بس القدر والدنيا عذبتني
ما اريدك تكرهني اكثر من جذيه
: ابعدني عني اكرهك اكرهك
وسكرت الستاره تميت اصيح بحرقه
كيف اختربت حياتي .... كرهت ابوي اكثر واكثر ... كرهت امي اكثر واكثر... كيف خلونا نعيش فبيوت ناس كل الي صار لي بسببهم ... بسبب اهمالهم
سمعت غيداء تدق على باب : غزلان غزلان فتحي الباب تعالي خلينا ننزل عشان المطوع يسمع رايج اذا موافقه او لا
مسحت دموعي وبطلت الباب
ام محمد وغيداء : مبروك حياتي
: الله يبارك فيكم
تباركون على حرقه قلبي ولا بعذاب الي بعيشه بعد حبيبي ... تباركون على فراقي ولا موت قلبي .. تباركون على شو ولا شو
غيداء : غزلان ليش تصيحين
رجعت للواقع ومسحت دموعي : اصيح من الفرحه
غيداء : اخيرا يا قلبي صرتي عروس
لبست شيلتي وتغشيت وكلمت لمطوع من وراء الباب
مطوع : سلام عليكم
: وعليكم السلام
مطوع : انتي غزلان *****
: هيه يابوي
مطوع : يا بنتي صقر بن *** خاطبنج والولد ما شاء الله عليه كامل وكمال لله
: هيه موافقه
مطوع : مكسي الدفتر وقعي
وقعت على الدفتر
مطوع :مبروك يا بنتي منه المال ومنج العيال
ام محمد : يله حبيبتي تعالي سلمي على ام ريلج
رحت وانا واحس ان خناجر وسكاكين دخلت فقلبي .....قلبي تكسر مثل الزجاج ... كثرت جروح قلبي من فراق الحبيب
سلمت على ام صقر نوره
نوره : مبروك حبيبتي
: الله يبارك فيج عموه
نوره : بس العرس بيكون احلى من جي
: ضحكت وانا لو يااخذني اليوم موافقه
خلاص ما اريد شي من الدنيا
عذبتني واستانست في عذابي وما بقى لي شي اعيش لاجله
قلت خلني اعيش ايامي وانا اربي الايتام لايصير فيهم مثلي
دخل محمد : المعرس يريد يجوف العروس
غمضت عيوني ونزلت دموعي لكني مسحتها بسرعه
ما اقواى الكلمه على اذني ما ودي اسمعها
دخلت المجلس مع محمد وجفت صقر جالس اخر مجلس
محمد : سلام عليكم
صقر : وعليكم السلام جافني ... شحالج غزلان
: بخير الحمدالله كانت عيوني حمرا واحس دموعي شلال مو ناويه توقف
محمد : اسمعني 5 دقايق ولا تطالب بزياده اذا طلبت بزياده سوف تجني على نفسك وانقصها لك
صقر : ههههههههه ان شاء الله .. جافني صقر وقال اريد اعرف متى تبين العرس
: جفته .. ما اريد عرس كبير يكفي بين الاهل
حسيت بنظرات عرفت افسرها: ان شاء الله اومر ثانيه الشيخه غزلان
: وموعد العرس على راحتك انت حدده
صقر : خلاص تم ... ظهر من مجلس وانا اجوف طيفه يختفي من قدامي ما قال مع سلامه ولا فحفظ الرحمن ... ما قال هالله هالله فعمرج ... وهو سبب في فراق اعز شخص على قلبي
اكرهكم كلكم يتني فكره اني ارد انتحر مره ثانيه
المره الاولى قمت منها والله رحمني بس المره ثانيه الله يعلم
مسحت دموعي ورحت للغرفه بحجه اني تعبانه وما نمت طول اليل من التوتر
سكرت الباب وقفلته وحطيته راسي على باب
وبديت اصيح بقوه وحرقه قلب
خليفه خليفه خليفه الشخص ودي كان يرتبط اسمي فيه .. مش صقر ... خليفه خليفه خليفه الي احبه مو صقر خليفه خليفه خليفه ....
~*¤ô§ô¤*~h~*¤ô§ô¤*~
دخلت الغرفه
رميت عمري على السرير
( ناداني محمد : غيداء غيداء
: هلا حمود
محمد : اقول لج اريد المدخن يبيه فحديقه
: انت مينون .. تريدني اروح الحديقه
محمد : هيه بسرعه قبل لا يطلعون المعازيم محد هناك لا تخافين
يا ربي شكثر احب المدخن والدخون
رحت المطبخ وحطيت العود فمدخن ودخنت شعري الطويل الاسود
وحطيته تحت فستاني
طلعت راسي من الباب ما جفت حد
وكنت مش لابسه شيله بسرعه حطيته على طاوله ورديت المطبخ اركض
لقيت امي قدامي
ام محمد : وين كنتي
: كنت اعطي المدخن لمحمد
ام محمد : عطيتيه العود
: او نسيت خذت العود من الطاوله ورحت المطبخ كنت اريد اطلع الحديقه بس سمعت محمد يقول
محمد: ها فيصل شو رايك فيها
فيصل : بقول لبوي من باجر بــ خطبها... صقر مب احسن عني
صقر : هههههههههه
محمد : اقول انت وياه ترا هذيل خواتي .....لا تقولن ايتام ومحد عندهن انا وراهم
صقر : ان شاء الله عمي محمد
محمد : بعد يكون احسن لو تناديني عمي
صقر : بخليكم تتكلمون على راحتكم
محمد : ايه فيصل فييييييصل وين رحت
فيصل : يا ربي شو جمال عليها ما شاء الله ..
محمد : ايه انت نسيت انها اختي وتتغزل فيها قدامي
فيصل :اسمعني ايه انته ياويلك اذا جفتها كل ما تجوفها تنزل عينك
محمد : هههههههههه ان شاء الله ...اومر ثانيه
فيصل : لا واختفى صوتهم )
يعني عجبتك .... لا مش انا الي عجبتك انت انعجبت فجمالي
وقفت قدام المرايه وانا اجوف
ويهي الابيض مسكت خدي
جفت عيوني وساع وخشمي السيف وشفايفي الورديه
بديت انزل وانا اجوف نفسي عارضه ازياء واجمل
ياما هذا الجمال وقعني فمشاكل
اول شي طلال .... والحين انته
هذا مو جمال هذ عذاب
بس الحمدالله على هذي النعمه
وكرهت فيصل اكثر لنه لعبه مصغره من طلال
وبنجوف انت احسن منه ولا
بس الفرق من بينكم اني اعطيت طلال حبي
لكن فيصل بخليه يتعب ويشقى لين ما يوصل لــ قلبي
بدون مساعده وبنجوف منو الشاطر انته ولا طلال
سمعت تلفوني يرن جفته وكان طلال ما رديت عليه
بدلت ملابسي بسرعه ولبست شيلتي ونزلت تحت
جفت محمد يالس على لاب توب
: حمود شو تسوي
محمد : ولا شي اسبح فنت
: شو رايك تشترك اولمبيات صاير شاطر فسباحه
محمد : هاهاهاهاهاها سخيفه
: مش اسخف عنك .. وينه خليفه عيل
محمد : خليفه ...... ســافر
: سافر ....؟!
محمد : هيه
: متى
محمد : ما اعرف الساعه 6
: يعني كان موجود فخطبه
محمد : لا راح قبل
خليفه وسفرته المفاجئه اكدت لي ان خليفه يحب غزلان ... بس يحبها ليش ما تقدم لها
وهذا خليفه ثالث شخص يأكد لي ان الحب لعب يهال وما منه فايده
رحت للمطبخ واخذت كوب ماي ورحت لغرفتي
شغلت تلفزيون ولاب توب وغلقت تلفوني
ومسكت شنطتي وطلعت لي كتب من الكتب
وبديت ابعثر كل شي
يمكن شي يشد انتباهي وانسى طلال ...
لكن في شي لزم اسويه قبل كل شي قبل لا ابدا حياه جديده
مديت ايدي تحت السرير ومسكت صندوق وسحبته بقوه
كان ثقيل
بديت ابعثر الي فيه على الارض
هذا الدفتر الي عطاني اياه طلال
هذي صورته الي طرشها لي على الايميل
هذي مداليه وكانت بدايه حبنا
رسايل وهدايه واغراض كثيره جمعتها من 5 سنين
5 سنين من وهم اسمه الحب
سحبت الكرتون للباب بس جفت عمري فمرايه
وعيوني تدمع ... تصيح على الحب الي راح
جفت السنسله الي فــ رقبتــي 5 سنوات وما شلتها
مشكتها بيدي نويت اشيلها بس خليها شويه تشهد على كرهي له
سحبت كرتون للمستودع وسكرت الباب عليه
ذكريات اريد اعيشه فــ ظلام
وبنساها يوم بعد يوم
وانتبهت على ساعه وكانت 2 الفير رحت غرفه غزلان كانت نايمه
رديت غرفتي ونمت على سرير
~*¤ô§ô¤*~h~*¤ô§ô¤*~
وانا يالسه على لاب توب مكتب سمعت صوت الباب وهو ينفتح
اخيرا افراج
بسرعه سكرت لاب ورميت عمري على كنبه ومسكت كتاب من كتب ابويه
كان عبدعزيز : انتي منو حابسج هنيه
: اكيدامك يعني في حد غيرها
عبدعزيز : ههههههههههه شو سويتي
: ولا شي المهم يوعانه في اكل
عبدعزيز : هيه روحي المطبخ تلقين كل شي
: ما ييبت لي من برع
عبدعزيز : يبته لج يبته بس خليته فمطبخ
رحت المطبخ اركض وخذت اكلي ورحت للصاله وقعدت اجوف تلفزيون وانا اكل
جفت لقطه عجبتني كثير
خلصت اكلي وانا متحمسه اني اسويها
رحت للغرفتي الي جنب المستودع وجفت الاغراض وكيف مريم فرتهم فغرفتي وصار الوسخ اكثر
ركبت فوق السرير وخذت نفس وشربت ماي ورديت اخذ نفس
: 1...2....3... ..... ( بصوت عالي يهز البيت ) يباااااااااااااااااااااااااااااااااااااااااااااااااااا
الحقو عليه ... عزززززززززززززززززززززوز .... يباااااااااااااااااااااااااااااااااااااااااااااااااااااااااا اااااااااا
لووحقو عليه ( ونزلت كم دمعه )
بسرعه اسمع صوت حد يركض ويصارخ شو فيه شو صااير ومنو الي يصارخ
عبدالله ( ابوي ) : وصل الباب وجافني على سرير .... غياهيب بنتي شو فيج ليش وقفه على سرير خوفتني شو فيج تصيحين وراه مريم وعبدعزيز
: ( بديت اصيح وانا ودي امووووووت ضحك ) يبا يبا في فــار في فــار فالغرفه لا لا مو فار لا ثعبان يبا انا خايفه في شي يتحرك لا لا جني اهى اهى اهى
مريم : بسم الله مافي شي بيتنا ... عبدالله بنتك لحقت امها وصارت مجنونه
عبدالله : فتح الليت وجاف الغرفه ..... مافي شي
: لا لا فيه كانت تحت السرير بعدين راح لتحت الاغراض
عبدالله : شو الي مخليج تقعدين فهذي الغرفه ...موجوده غرفه الضيوف
: اهى اهى مريم قالت لي اقعد هنيه لنها خلت غرفه الضيوف غرفه لملابسها
ابوي جاف مريم بنظرات حاده : نزلي بنتي نزلي روحي للغرفه الثانيه
: لا يبا والله خايفه اهى اهى
ابوي : لا تخافي من شي انا وياج قرب مني تعالي انا بمسك ايدج
مريم : مافي شي نزلي بسرعه
حظني ابوي ووصلني لغرفه الضيوف ورقدني فسرير وباس راسي
ابوي : مره ثانيه لا تسوين شي بدون ما تقولين لي واذا قالت لج مريم شي قولي لي وطلع من الغرفه
: يبا لا تروح والله اخاف ( اسوي افلام هنديه بعد )
ابوي : لا تخافين من شي بسكر الباب وسمي برحمن وبخلي الليت شغال
ظهر من الغرفه وانا مت من الضحك طلعت اعرف امثل ههههههههههههههههههه
دخل عزوز : مسوده الويه تمثلين بعد
: صدق عزوز في شي فغرفه
عزوز : توني ياي من الغرفه جلبتها فتشت فيها مافيها شي
: صدق يمكن كنت احلم او اتوهم
ظربني بمخده وظهر من الغرفه
هههههههههههههههههههههههههههههههههه
هذي بس البدايه يا مريوم
تذكرت المذكره رحت للمكتب وخذت الاوراق ورديت الغرفه بس ما كان فيني حيل اقراهم خليتهم تحت السرير
اذا ما كنت خايفه بيتنا احد يكشفني هنيه لزم اخاف الف مره مريم ما بتعديها على خير وبتفتش فالغرفه الف مره حطيت راسي على المخده ونمت وانا مرتاحه
قمت الصبح ومريم فوق راســـي
: يالله صباحك خير
مريم : قومي يله على مدرسه
: ما اريد اداوم تعبانه مريضه بطني يعورني لا لا راسي لا لا ريوليما ارعف في شي يعورني
مريم : اذا ما قمتي بظربج وبخليج صدق تتعورين
: هههههههههه بقوم بقوم
قمت من السرير وانا فكامل نشاطي تسبحت بسرعه ولبست لبس مدرسه وحطيت المذكره فشنطتي
وطلعت برع الغرفه وانا اركض
: يبا يبا لحظة بروحك وياك
مريم : روحي مع الدريول
: اريد اروحمع ابويه
عبدالله : يله عيل بسرعه كلي لج شي وركبي السياره
: رحت للطاوله خذت كوب الكوفي وركبت السياره بسرعه
قعدي كلي لج شي : لا لا ما احب افطر
وطول الطريق ونحن ساكتين
عبدالله : يه وصلنا
: مع سلامه
نزلت من السيره واخذت شنطتي
عبدالله : مصروفج
مد ايده جفتها وكان اول مصروف ابوي يعطني اياه بس ما باخذه عشان ما يحس اني مستانسه فبيته
: مشكور ما اريد منك شي غير انك ترجعني بيت امي
عبدالله : الدريول بيي ياخذج
سكرت البــاب
ومشيت وجفت الشله الي ما احبها
هند .. غيداء ..ريم .. هنادي ها الشله كل المدرسه تحبها
بنات عايله غنبيه بس
بس ما تدخل بلعومي ههههههههههههه
مشيت من عدالهم وانا مش معبره احد
الي ارده اوصل الصف وامسك مذكره واقراها اريد اعرف كل شي اليوم
~*¤ô§ô¤*~h~*¤ô§ô¤*~
صليت الفير ورحت اقعد قعدت فصــاله
احس الدنيا مو شايلتني من الفرحه
جفت سلطان ورساره وبدور
بدور : سلام عليكم
: وعليكم السلام
ســاره : عيل وين امي وعلي
: اممممممم ما اعرف ما جفت احد
سلطان : وانتي متى ناويه
بدور : سلطان
سلطان : انا بروح مع سلامه
ما اعرف ليش هذا الولد ما يحبني شو سويت له
ســاره : فطرتي
: لا بستناكم
يلسنا على طاوله الفطور وبدينا نفطر بهدواء
لين ما سمعنا صوت فاطمه
فاطمه : سلام عليكم
: وعليكم سلام
فاطمه : عيل وين اخوانكم
بدور : سلطان توه ظاهر وعلي ما جفته اليوم
فاطمه : ساره كلي بسرعه يله تاخرتو على المدرسه
ســاره : اف حتى لقمه ما اكلت
بدور :ههههههههههههه ماكله الصحن كامل وتقولين ما كلتي شي
ســاره : كيفي لا يكون ماكله من صحنج وقامت من على طاوله
جفت ســاره وبدور ياحلوهم وحلو قعدتهم
فاطمه : يما غرام عندج شي اليوم
: لا يما ماخذه اجازه بس عندي اوراق لزم اخلصها
فاطمه : خلاص عيل خلي عيسى يوديج
: دريول وين
فاطمه : راح المزرعه
: خلاص عيل بروح باجر
عيسى : لي الشرف اني اوصلج لو تبين اوصلج للقمر
جفته وبستهزاء : مشكور القمر رحت له ..وما اريدك تتعب ريولك وتوديني مكان.... اعرف اسوق وبرح بروحي
فاطمه : بس ما تعرفين الطريق
:عادي يما الي يسئل ما يتوه انا استاذن
رحت الغرفه واخذت لي شور جفت الكبيت ما عرفت شو البس لزم اشتري لي ملابس يديده
لبست بنطولون جينز وقميص وفوقه جاكيت لبست الساعه وخذت شنطتي وطلعت من الغرفه
جفت عيسى فصاله : ساعه لين ما تتلبسين
: خير شو تريد مني
عيسى : يله بستناج فسياره
جفته وهذا واثق انه بيوديني
: قلت لك ما اريدك توصلني بروح بروحي
عيسى : خلصيها ولا تطولينها يله انا فسياره تعالي بسرعه
: يا بي شو هذا لزم يوديني ... والله ما بشرد
لبست نعالي وركبت السياره
عيسى : وين الشيله وعبايه
: مالك خص
عيسى : شو انتي مب مسلمه
: مالك خص
عيسى : دريول ابوج قاعده وراء
: مالك خص
عيسى : وين بتروحين
مالك خص
عيسى : افففففففففففففف ( صرخ ) ايه انتي
: نزلت النظارات من عيني ... ليش بتظربني شرات ما ظربت بدور .. بابا انا ما اخاف من حد
عيسى : شغل السياره وبداء يسوق بسرعه كنت خيفانه مووووت ما بتكلم وفجى وقف على الاشاره
: تعرف منطقه *****
عيسى : هيه
: خلاص روح هناك
عيسى : شو عندج هناك
: يوم بنوصل بتعرف
دقايق وقال : وصلنا وين اروح الحين مدام
: دور معاي بيت رقم 19
بدينا ندور البيت كانت البيوت شعبيه وصغيره
نزل عيسى من السياره وكلم شخص ورد ركب السياره
وراح سيده للبيت
عيسى : وصلنا
لفيت ويهي وجفت ابيت كان مكسور وما يدل على حياه فيه
نزلت وعيسى نزل معاي
دقيت الباب وانا خايفه
ظهر لي طفل صغير : سلام عليكم ... نعم شو تبون
: وين امك ولا ابوك
راح الولد يركض ودقايق اجت عجوز كبيره فسن وبداء ان الزمن اثر فيها وعذبها
ولكن هذا حال الجميع الزمن والحياه بصمت فحياته
عجوز : قربو قربو
دخلنا البيت
راحت وجابت لنا كوب ماي وقالت : اسمحو لنا ما عندي غير هذا اضيفه لكم
:عيسى : مسموحه يما
عجوز : امرو يا وليدي
: تعرفين احد اسمه سعيد سالم عبدالله *****
عجوز : هيه ريلي الله يرحمه
: ( بداء الخوف يبد فقلبي ابوي مات ابوي مات ... عايشين حياه قاسيه تجمعت الدموع فعيني ) في مره بنت من بناتكم ... ضاعت ولا اختفت وهي عمرها 7 سنوات
عجوز : طول عمري اتمنى اخلف بنت بس كل خلفتي شباب
: ارتاح قلبي ... وريلج ولا مره تجوز وحده ثانيه
عجرز : لا يا بنتي
: مشكوره
عجوز : العفو بس ليش تسئلين
: كنت ادور على شخص
عجوز : ان شاء الله تلقينه
: ان شاء الله
ركبت اسليره وانا قلبي شبه ارتاح .... ليش ما فكرت فيها يمكن ابوي ولا امي ميتين
لفيت ويهي ادور على عيسى جفته يكلم العجوز وايده فايدها
وتميت انتبه وجفته يعطيها فلوس
اذا عيسى قلبه طيب لهذي الدرجه ليش يشرب خمر ... ليش يظرب بدور ... ركب السياره
عيسى : ممكن اعرف الي انتي قاعده تسيونه
: ادور على امي وابوي
عيسى : هذا مش شغل حريم
: عيل منو بيدور عليهم انت مثلا ... نص وقتك وانت استغفر الله وعلي مشغور وسلطان صغير
عيسى : هذا ما يبرر تروحين بيوت الناس
: انت مش حاس ان الشخص ضايع من اهله ولا يعرف وينهم
موجودين ولا لا .... عايشين ولا ميتين .... فنعمه ولا فقر
تعرف يوم جفتهم خفت لا يكونون امي وابوي .. ما لقو شي ياكلونه .. او نامو وهم جوعانين .. وانا اكل كل يوم شو اشتهيت .. عشت عيشه الحمدالله واهلي يوعانين ما يلقون لبس يلبسونه
جفتها العجوز لماا جفتها خفت انها تكون امي .... واصير عاقه فاهلي ... جفت يوم قالت مات خفت ان ابوي مات وانا ما جفت شكله
شغل عيسى سياره بدون ما يقول كلمه
عطيته الورقه الي فيها عناوين وبدينا نروح بيت بيت
لين الساعه 7 المغرب
ماشي منطقه ما رحنها .. وما لقيت اهلي
بدون حاسيه نزلت دموعي .... تجمع الخوف فقلبي ما عرفت كيف القى اهلي وكل الطرق انسدت فويهي
عيسى : وين نروح الحين
فتحت عيوني وانا اجوف الشوارع وما اعرف اهلي وين .. وين القاهم اي منطقه
: البيت
عيسى : ان شاء الله تلقين اهلج وانا بدور لج عنهم بس في شي لزم تعرفينه
: ( مش وقت سخافتاتك ...) شو ...؟
عيسى : يوم اخذج عمي سيف .. اسمج قصدي اسم ابوج ... اسمج الصدقي ولا مركب
: شو الفرق
عيسى : الدوله تعطي الاطفال الي مش معروفين اهلهم اسم مركب ... وانتي قاعده تدورين فصحراء يعني ماشي فايده اذا كان الاسم مركب
صدق الدينا سكرت فويهي نزلت البيت ورحت للغرفه بديت اصيح
توضيت وصليت العشاء وقعدت ادعي ربي اني القى اهلي قبل لا يفوت الفوت
|
10-01-11, 03:19 PM
جديد مواضيع قسم القصص المكتمله من وحي قلم الاعضاء
العرض العادي
