كاتب الموضوع :
({الحيرانه دوما})
المنتدى :
القصص المكتمله
البارت الخامس
ام فارس الي سرحت وكأنها تشوف المنظر قدامها ...........
فاطمه وهي تأشر بوجه امها: يمه يالغاليه لا تسرحين الله يخليك كملي
ام فارس وهي تمسح دمعه الي عاندتها ونزلت: كان الوقت يوم طلعو الصبح حول 10 ونص على الساعه على الساعه 1 الظهر سمعت صوت التلفون يوم رديت سمعت صوت رجال (بتكلم كأن الاحداث الحين صايره كنوع من تقمص الدور)
.....: السلام عليكم
ام فارس: وعليكم السلام ورحمة الله من معاي
.....: هذا بيت محمد الــ
ام فارس: اي نعم هذا بيته من معاي
...: ممكن اكلمه
ام فارس: هو بالشغل تبيه بشي ضروري اقدر ابلغه
....:ابيك تبلغينه اختي انه يشرفنا بالمستشفى العام ضروري
ام فارس وهي تشهق: المستشفى العام خير وش فيه
....: اذا جا راح يعرف كل شي مع السلامه
ام فارس وهي ماهي عارفه شلون تفكر ولا هي قادره تسوي شي دقت على زوجها
محمد: مرحبا
.....: البيت طالبينك
محمد(ابو فارس): ايه حول المكالمه
ام فارس وصوتها الي كله خوف: محمد
محمد: هلا يا نور عين محمد
ام فارس: الله يخليك تعال الحين البيت
محمد وهو خايف: خير نوال فيكم شي العيال فيهم شي
ام فارس: الله يخليك تعال الحين
محمد وهو ياخذ اغراضه : ان شالله اهدي انا الحين اجي
وصل محمد البيت وفكره يضرب اخماس بأسداس دخل البيت وهو خايف ان فيهم شي : خير يانوال خوفتيني
ام فارس وهي ميته من الخوف لامه عيالها مع عيال اختها: محمد دق واحد وقال لازم محمد يجي المستشفى العام
محمد : خلاص هدي اعصابك الحين اروح واطمنك
ام فارس: لا يا محمد اروح معاك الحين
محمد : يانوال وين تروحين والعيال والشغاله ماتقدر عليهم
طالعت بالعيال ياربي وين احطهم بس انا بروح يعني بروح : ما عليك بوديهم لجارتنا تنتبه لهم
محمد : يانوال استهدي بالله وقعدي معاهم
ام فارس: قلت لك لا يعني لا اروح يعني اروح
قامت بسرعه لبست الصغار جزمهم (وانتوا بكرامه)
وطلعت مع زوجها والعيال عشان تطق الباب على جارتهم
...: مين
ام فارس: انا جارتكم ام فارس
....: تفضلي
ام فارس وهي تبكي: الله يخليك انتبهي لعيالي وعيال اختي وبجي اخذهم الله يخليك لا يصير فيهم شي
....: هدي اعصابك ان شالله من عيوني لا تحاتين
ام فارس وهي طالعه: الله يعطيك العافيه الله يعطيك العافيه
راحت للسياره وركبت جنب زوجها ومشوا
محمد يبي يخفف توترها : وش قال لك اي مستشفى
ام فارس وهي تدور بعيونها كأنها مضيعه شي : المس ـــت شفى العــ ــام قالتها وصوتها يقطع من الصياح
محمد : تعوذي من الشيطان يا ام فارس ان شالله مافيه شي يخوف
ام فارس بعالم ثاني:........... ماردت عليه لكنها كانت تتكلم داخلها وتدعي يارب يارب ياكريم ما يصير لختي شي
يارب يالله مو احنا الي يبونا ان شاللله يكونون غلطانين معقوله معقوله اختي فيها شي معقوله صار لهم حادث وتعورا معقوله وجا دور الشيطان لين خلاها تجزم انهم متكسرين وبالمستشفى كل شي فكرت فيه الا انها بتفقد اختها للأبد
محمد وهو يهزها : نوال وصلنا
نزلوا وهي تمشي تحس ان الدنيا ظلما مافيها الناس الي حولها ما احد حاس بالنار الي داخلها
وقف محمد عند الاستقبال : عفوا اخوي بس اتصلوا علي قالوا لازم يحضر
الاستقبال: عفوا اسمك لو سمحت
محمد: محمد فارس الـــ
الاستقبال : تفضل معاي وكلم الي معاه عشان يقعد على الكرسي لين يرجع
كان الموضف يتقدمهم وهم وراه وترتيبهم الموضف بو محمد نوال
ام فارس كانت تمشي وعيونها تدور وتدعي ربها كانت تقرا اللوحات ياربي وين بيودينا هذا وهي تقرا طاحت عينها على مكان توها تستوعب انه ممكن يكونوا ماتوا وقفت مكانها وشهقت وصارت تبكي من غير شعور
لف محمد عليها وراح لعندها: يا نوال يا ام فارس ما يصير كذا تعوذي من بليس خلينا نشوف وش السالفه
ام فارس: محمد شوف واشرت له على اللوحه الي كان مكتوب فيها ثلاجة الموتى
محمد: يانوال ماخبرتك قليلة ايمان تعوذي من الشيطان خلينا نشوف وش السالفه ومسكها ورص على يدها كأنه يقولها لا تخافين انا معاك ما بيصير شي ان شالله
دخلهم الموضف على مكتب صغير وطلع
....: امرني
محمد: اخوي دقيتوا على البيت وطلبتوا مني الحضور
....: اسمك لو سمحت
محمد الي خلاص قلبه ولع نار حاس ان فيه شي وعيونه على مرته : محمد فارس الـــ
...: اسفين تعبناك بالحضور بس ياليت تجي معاي عشان
فاطمه الي تقاطع امها : يمه حبيبتي ما اقاطعك الا بالخير بس من اكبر انتي ولا خالتي
ام فارس وهي تمسح دموعها : أنا اكبر منها بأربع سنين كنت أعاملها زي بنتي بالضبط
فاطمه وهي حاسه بالذنب: يمه خلاص تعبتك وبكيتك الله يقطعني مو لازم اعرف
ام فارس وهي تبوس بنتها: لا يايمه عادي
فاطمه الي فرحت ان امها ماتضايقت منها عندها استعداد انها تكمل: ايه يمه وش صار
ام فارس: مشيينا وراه وانا كلي امل اني اقوى شي بشوف اختي متكسره وبحضنها وبشمها وبخليها عندي اراعيها لين تطيب ماكنت حاسه بالي حولي اشوف الدنيا ظلام الا من نور بسيط وهو نور ان اختي ما ماتت اختي عايشه ومكسره
وقفنا عند المكان الي كنت خايفه منه والي شهقت يوم مرينا من جنبه ماتحملت قعدت اصيح بصوت عالي وابوك كان يسكتني ويذكرني بالله وبجزاء الصابرين دخلنا مكان الثلاجات وانا اشوف ادراج مصفوفه بشكل مرتب
وقف جنب درج من هذي الادراج وسحبه وصار يوجه الكلام لبوك
....: تعرف صاحب هذي الجثه
محمدوهو ميت من القهر : اي نعم يا دكتور هذا عديلي زوج اخت مرتي
ام فارس بقلبها يمكن هو بس الي مات اكيد اكيد الحين بيطلعنا وبيودينا عند غرفة اختي
وبالفعل تحرك الرجال وكأنه بيطلع من الباب وحمدت ربها انها بتطلع يعني اختها عايشه ماتت زوجها بس الي مات
لكن الاقدار خليته يوقف قبل لا يوصل الباب ويفتح الدرج الي جنب الباب
.....: وهذي الجثه تعرفها
ام فارس ماتحملت تشوف وطاحت مغمى عليها
محمد وهو يمسكها عشان ماتتعور من الارض:نوااال
.....: عفوا بس تعرفها
محمد: ايه ايه اعرفها هذي اخت مرتي يا استاذ وطلع يركض بمرته عشان يسعفونها
فاطمه الي ترجع تطلع امها من خيالتها : يمه لمن توفت خالتي كم كان عمرها
ام فارس: كان تقريبا 26
فاطمه بحسره : يالله يمه صغيره
ام فارس: ايه صغيره تزوجت وعمرها 20 وبعد سنه من زواجها جابت خالد وساره
فاطمه : طيب يمه خالد وساره كيف ضلوا عندنا يعني غريبه وين اعمامهم ماخذوهم
ام فارس: ابو خالد ما عنده اخوان وامه وابوه ميتين واهله الباقين ماكنوا راضين انه يتزوج خالتك حتى لمن عرفوا بوفاته مافكروا يسألون عن عياله عشان كذا قعدوا عندي وربيتهم زي ماربيتك انتي واخوك ماكنت افرق بينكم بشي ولا كنت احسسهم ان عدم وجود امهم وابوهم بيخليهم مساكين ومو محبوبين
لين ماكبر خالد ماشالله وصار يدرس الصبح والعصر ياخذه صديق ابوه عشان يعلمه على الشغل ويدربه عشان يصير يعرف كل شي
فاطمه: يا عمريييي خالد واجد تعب
ام فارس: لا ماشالله عليه من يومه كان فطين ويعرف كان اذا رجع من المدرسه تروش وفتح دروسه وذاكر وبعدها يجي صديق ابوه وياخذه ويرجعه على الساعه 8 يتعشى ويحط راسه وينام
وقطع عليهم سوالفهم صوت اذان الفجر
ام فارس: الله اكبر من كل كبير اللع يغربل شرك يا فطيم طار الوقت
فاطمه وهي تسبل بعيونها: عشان تعرفين بس قيمة بنتك شفتي لو انك لحالك الحين كان طفشتي ويمكن لعب عليك بليس وخلاك تنامين
ام فارس:ههههههههههههههه اقول روحي لبنت خالتك شوفيها
فاطمه وهي قايمه تبوس راس امها : حاضر ماما الحين بروح اشوفها واقعدها من النوم مع اني اشك انها نامت
بالغرفه الي نايمه فيها ساره الي ماكانت نايمه اصلا وزاد بكها وهي تسمع الاذان وصارت تنتفض تحت الملحف
دخلت عليها فاطمه :ساره ياساره يله قومي اذن الفجر
ساره:............................................. ........
فاطمه وهي تقرب منها وتهزها:سوسو يا قلبي اذن الفجر قومي وبعدت اللحاف عنها وشهقت : ساره ليش كذا وجهك
ساره: مافيني شي يمكن نمت واجد عشان كذا
فاطمه: ياكذابه انتي اصلا مانمتي انتي تبكين
ساره صارت تشهق بالبكا:...................
فاطمه : ياقلبي ياساره لا تبكين قومي تعوذي من الشيطان وتوضي وصلي
ساره قامت وفاطمه تطالع فيها وتكلمت: ساره
ساره: نعم
فاطمه: سامحيني
ساره:على وشو
فاطمه: .........(سامحيني اني خليتك تبيكين اربع ساعات بس اخوك امني) انتي بس قولي مسامحتك
ساره وهي تدخل للحمام : انتي عارفه يا قلبي اني ما ازعل عليك لو مهما يصير ودخلت تتوضى عشان تصلي الفجر
بمكان اخر وبالتحديد بالمجلس خالد يلبس ثوبه عشان يروح صلاة الفجر ويدخل عليه فارس
فارس: هاه جاهز
خالد: اي نعم يله مشينا
وراحوا للمسجد مع بعض
ام فارس الي صلت الفجر وطلعت تنتظر ولد اختها عشان تسلم عليه قبل لا يمشي راحت للشغاله تصحيها عشان تسوي لعيال اخته فطور وما يروحون وجعانين
بغرفة فاطمه صلوا الثنتين بس ساره طولت بصلاتها وكانها متعمده عشان ما تنزل تسلم على اخوها الي بيروح وبيخليها
فاطمه: ساره خفي نفسك اخوك ترا بيشمي
ساره:..... ساكته طبعا لانها تصلي
فاطمه: سويره يله تراها فجر موب تراويح
ساره الي سلمت: خير شتبين
فاطمه: ما ابي شي بس عشان تنزلين تفطرين معاهم
ساره: ما ابي افطر غيره شنو تبين مشاغلتني بصلاتي
فاطمه : ابيك تنزلين انزلي يله امي تبيك
ساره:...............(ياربيييييي ما ابي اسلم عليه خله يروح بكيفه دامه وافق اني اقعد)
بغرفة الاكل الي كان فيها الكل عدا ساره
ام فارس: فطيم وبنت خالتك
فاطمه: قلت لها انك تبينها واتوقع الحين تنزل
خالد: قلتي لها انها بتروح معاي
فاطمه وهي تبتسم: ودي تيقي خلاص وعدتك وما قلت
خالد: اجل حلال عليك الاب توب
فارس: لاب توب وش لاب توبه بعد
خالد: انا امنت فاطمه انها ماتقول لساره انها بتجي معاي ومقابل سكوتها راح اعطيها الاب توب الجديد حقي
فارس بعصبيه : لايا خالد شدعوه لابك الجديد لا ماله داعي خلاص سكتت كثر خيرها بس ماله داعي اصلا انا بكره بروح اخذ لها واحد
خالد: يعني وش فرقت انا عطيتها ولا انت شريته لها؟
فارس:..........(مو عاجبه)
خالد: اذا انت تشوف اني انا افرق عنك بالنسبه لفاطمه اوكي مستعد اقطه قدامك بالزباله الي عند بيتكم ولا اعطيها اياه
الكل لف نظره الى خالد الي كان يتكلم من جد
ام فارس: لا ياوليدي شدعوه لا تقطه ولا شي منك ولا من فارس كله واحد وعليها بالعافيه
فارس: انت عارف يا اخوي اني ما اقصد اني افرق بينك وبيني بس
خالد: لا بس ولا شي الاب هديه لفطومه مني واتمنى محد يناقشني بالموضوع
بهذي اللحظه دخلت ساره الي كان وجها احمر عيونها منفخه وحمرا من كثر البكا
ساره بصوت خفيف: السلام عليكم وحبت راس خالتها
الكل وعليكم السلام ورحمة الله وبركاته
خالد الي تألم من منظر اخته الي مبين عليها انها مانامت وعيونها الي ماتبي تطالعه لعن نفسه كيف خلاها كل هالوقت تبكي عشان يعاقبها على شي ماله داعي
ام فارس: يمه فطري شفيك سرحانه
ساره: مو مشتهيه خالتي بس نزلت عشان فاطمه قالت انك تبيني
ام فارس : ايه يمه ابيك تفطرين وراكم طريق لازم تاكلين
ساره:.........!!!!!!!!!!!!!!!!!! وتطالع بالكل
فارس: ايه بتروحين مع خالد منتي قاعده عندنا ما نبيك
لفت عيونها على خالد كأنها تبيه يأكد لها الكلام طالعها وهو يبتسم بسمة اسف ويهز راسه بالايجاب
فارس وهو يكمل: وصديقة عمرك تدري من امس ولا قالت لك لانها نذله
لفت ساره بعصبيه على فاطمه: صحيح
فاطمه: اسفه ساره والله اسفه بس وعدت خالد اني ما اتكلم
ساره طالعت بخالد الي نزل راسه ما يبيها تطالعه وسوا حاله ياكل
قامت من السفره وراحت الغرفه تدور على شنطتها مالقتها وعرفت ان فاطمه نزلتها عشان تحطها بالسياره
خذت عباتها ونزلت وسلموا على خالتهم وعيال خالتهم ومع توصيات الخاله بعدم السرعه والسواقه الراكده ومسكوا طريق الرجعه
توصلون بالسلامه يا حلوين <<<<<<<<وش دخلك
وقرائه ممتعه
|
29-12-10, 12:11 PM
مساء النوور أختي الحيرانة دوما 
جديد مواضيع قسم القصص المكتمله
العرض العادي
