اتوقع ابو متعب راح يصحى من الغيبوبة ويشوف اهلة ويتطمن عليهم وبعدين يموت
ومتعب راح يندمج مع عيال عمة ويبهرهم برجولتة وذكائه
ليلى راح تطول شوي بالسجن بس ثامر راح ينسجن معها هههههه بتقولين اشلون لانة اتوقع بيفكر يتزوجها ويحبها بس ماضيها وسجنها راح يكون عائق بينهم وكبريائة ما راح يسمحلة يتزوج وحدة كانت مسجونة
بنات عمهم عجبوني حيل واعتقد انة فيه مشاكل راح تصير بينهم بسبة رجال هههههه
هيفاء اعتقد اذا ابوها عرف انهم راحو لعمانهم بيقول لبنته تزورهم لانها عيلة تشرف وممكن يكون دورها وقف لهنا بعد صدمة مضاوي منها
ووووووو وبس ههههه
سلمت اناملك انجال وننتظرك الخميس انشاء الله
بعيش بدونك

الجــــــــــزء العــــــــــــاشر ..
----------------------------
ثامر : ماشر بس عندي شغل بسوي وانتوا اخذوا راحتكم ..
وهو يروح بنفسه لزنزاانتها ويقرب منها وينااديها ..
ثامر : ليلى لك زيااااااااااااااااااااااره ..
ليلى وهي تمسح دمووعهها : كذااااااااااب انا مالي اهل ..
ثامر : اختك مضاوي هنا ..
ليلى من الفرحه قامت من غير ملفع الا ينذهل بدموعها وخدودها الحمر ..
ثامر : سبحانك ربي .. وهو يلف وجهه ..
ليلى من غير ما تنتبه : قلي كلمني ليه تلف وجهك قلي جد انه مضاوي اختي جايه لي ..؟
ثامر وهو معطيها ظهره : تغطي وتعالي وراي ..
ليلى وهي توها تستوعب بانها ماعليها ملفع وشعرها ووجها واضح له وهي اللي دايم تخبي ملامح وجهها له ..
وهي تسرع تمسح دموعها وتلبس جلال عندها وتلحقه الى ماوصلوا البااب تشوف طوله وصلابته وصوته الخشن ..
ثامر : ادخلي وبتشوفين عمي عبدالله سلمي عليه واختك مضاوي ..
ليلى بتدخل الا ثامر يوقفها
ثامر : لحظه ..
ليلى وهي توقف وترفع راسها: نعم ..
ثامر وهو يشوف وجها : انا بيخلص دوامي بعد نص ساعه تبين شي قبل لا اطلع من الدوام
ليلى وهي تنزل راسها : لا ما ابغى شي ...
ثامر : قريت الرساله وهو يقرب منها كلمت واحد من ربعي محامي شاطر وقلت له عن قضيتك بالجوال وان شاءالله خلال يومين بناقش قضيتك ..
ليلى : مشكور ..وهي تفتح الباب ماهي فاضيه لكلامه هي مشتتاقه لاختها فوق 3 اسااابيع ما شافتها ..
ثامر وهو بيتكلم لكن شافها افتحت البااب لدرجه هذي ماهي مستحمله تشوفني يعني لدرجه ماهي حتى راضيه تسمع ردي لها ..
وما شاف الا ظلها اخر من شخص رحل ..وهو يلبس قبعته ويطلع اشوف شغله قبل لا ينتهي الدوااام ..

بالطرف الثاني
كانت ليلى مشتااقه تشوف اختها كثثثر وما صدقت انها تخلص من الغثيث ثامر ..
ودخلت الغرفه وهي كلها مشاعر اشتيااق وعتااااب وحب كبيييييييييييييييييييييييييييير ..
اول ما شافت مضاوي جلست تناديها : مضاااااااااااااااااااااااااوي
وهي تظمها باقوى شي عندها وتبكي وتشهق بفرحه وهي تقول : وحشتووووووووووووووني وربي وحشتووووووووني
مضاوي وهي مشتاقه لها: وانتي ياقلبي اكثر ياقلبي ..
مضاوي وتسمك راس ليلى وتضمه : والله فقدك يالخايسه ..
ليلى : انا مظلومه والله مظلومه مضاوي ..
مضاوي : لا تعلميني فيك انا عرفك عدل مثل ما عرف اسمي مستحيل تغلطين وهذي اكيد ناس مسوينها فيك ..وتااكدي كلنا عرفين انك بريئه ..
ليلى وهي تبكي : انا ذبحت امي
مضاوي بصوت حزين : هذا يومها وهذا المقدر والكتوب لا لا تقولين انتي السبب هذا امر ربك .. وهي تضمها لقلبها ..
ليلى ببكى : فقدكم ليه تاخرتوا كل يوم احتريكم واقول الحين بيجون الحين بيجون ..
مضاوي : صارت اشياء كثيره امنعتني اني اشوفك ..
ليلى : وشلون ابوي ولولوه ونوفا ومتعب اخوي ..
مضاوي : نوفا وخواتك بالف خير والحمدالله ومتعب ( وهي تقول بقلبها اعلمها او لا اعلمها او اسكت الا تسمع صوت )
ابو متعب : واخوك متعب بخير وكان بيجي معننا مع خواتك لكن تعرفين لقاء اصحاب جديد وقال مره ثانيه يجي ..

ليلى تعطي نظره لمضاوي وهي تقول :هذا منووو ؟
مضاوي ماتعرف وش تقول لها ..
وليلى قال لها ثامر بس ما استوعبت كلامه الانه ما تصورت بانه العلاقه راح ترجع وانه الشمل راح يلحم ..
مضاوي : هذا وتسكت
ابومتعب : انا عمك عبدالله ابو متعب ..
ليلى وهي مستغربه : عمي عبدالله من ؟
مضاوي وهي منزله راسها : يقول انه اخو ابوي ..
ابو متعب يعيطها نظره وهو يصر على اسنانه : عمك يامضاوي عمك
ليلى مو عارفه وش ترد شافت انه الجو متكهرب بينهم ..

ابو متعب : ماراح تسلمين على عمك ..
ليلى تشوف مضاوي وكانها تقول اسلم او لا ..
مضاوي هزت كتفها وكانها تقول كيفك
ليلى وهي محتاره واكتفت بانها تهلي به : هلا فيك ..
ابو متعب : وشلونك ياليلى عساك مرتاحه ..
ليلى : في احد يرتاح بالسجن الساعه عباره عن شهر واليوم كانه سنه ..
مضاوي : يابعد قلبي ياليلى ..
ليلى : تكفين مضاوي ابي اطلع وربي انا مظلوومه وربي مظلومه
مضاوي : يكفي اني مصدقتك وانه اهلك مصدقينك ..
ابو متعب : بتطلع باذن الله بتطلع
ليلى تكلم مضاوي : مضاوي ابي محامي ابي تعدون محكمتي وربي انا بريئه
مضاوي : لكن انتي ماعندك دلائل ياليلى ؟
ليلي : الا عندي وباذن الله بالقا ..
مضاوي : كيف ؟
ليلى : تذكرت اشياء مهمه وابي المحامي يساعدني عليها ..
مضاوي : ليلى انتي ماكده من اللي تقولينه ..
ليلى : اي متاكده يامضاوي هي جوزه ما غيرها اللي اقولك عنها انها تغثني ..
ابو متعب : وش اللي يثبت انها هي ..؟
ليلى : صديقاتها شاهدين انهم انها اعزمتني على عصير وانها اخذت الكيس ..
ابو متعب : مو شرط يكون هذا دليل ..
ليلى بكل عصبيه وهي تجلس باقرب كرسي : لا تسكرون الباب بوجهي انا تعبت وربي تعبت من الجلسه هنا محد عارف وشكثر اتعب هنا ..
ابو متعب وهو يوقف : حنا ما نكسرك حنا نقول لك اللي بتقوله المحكمه مو شرط هذا دليل ياليلى يابوك ..
مضاوي وهي تحظنها اكثر .: لا تتضايقين بتطلعين بتطلعين ..
ابو متعب : بعرف كيف راح تطلعينها ..
مضاوي : لو اسوي المستحيل بس تطلع اختي.. وربي ماراح يخليِكِ ولا راح يخليني لا تبكين امسحي دموعك ياقلبي ..
ابو متعب : وليه محنا اهلك ..؟

مضاوي : ...................................
ليلى : مضاوي تكفين ابي اطلع من هنا بسرعه ..
مضاوي تضرب كتفها بخفه : بتطلعين ياليلى باذن الله ..

الا يدخل عليهم ثامر الا مضاوي تغطي وجهها وليلى تتغطا عدل ..

ثامر : اسف دخلت من غير ما اظرب الباب ..
ابو متعب : خير ياثامر .؟
ثامر : ابد يا عمي لكن الزياره خلصت من ربع ساعه وانا عطيتكم وقت زياده وبصررااحه ..
ابو متعب يقاطعه : لا تكمل يابوك بنطلع الحين عارف انا المسؤوليه وانت ياولدي ما قصرت وخليتنا نقابلها بمكتبك ..
ثامر : العفو ما سوينا شي ياعمي
وعيونه على ليلى

ثامر بقلبه ..
وش في دموعك تجذبني لك ؟
من انتي ياليلى .. ليه كل ماحاولت انساك واقسي قلبي عليك يخذلني ..
ليه رجعت لك مع انه دوامي خلص ..؟
ليه اول مافتحت الباب عيوني راحت لك وما شافت الا دموعك .؟
ليه هالانسانه كل يوم احس اني اتقرب منها من غير ما اتحرك ..
الكل اسلوبي مختلف معهم الا هي ما قدرت حتى ارفع صوتي عليك ..؟
مظلومه قلبي صدقك واذا تبغين الصج انه كلي مصدقك ..

ابو متعب : يالله نستاذن الحين ياثامر وهو يقرب من ثامر وقاصد انه يضربه مع كتفه يبغااااه ينزل عينه ..
ثامر : اااه ..
ابو متعب ضحك وهو يهمس له : كل يوم عندك ما فضى لك الجو الا الحين ..
ثامر وهو يغير السالفه : عندي شغل لازم اطلع اعذرني عمي ويطلع وهو يقول
لا موانت ياثامر اللي تجيب راسك حرمه .. لا تحب كلهم يخدعونك بدموع التمااسيح
لا تطيح ياثامر بعدها محدن بيسمي عليك .. ويطلع وهو كل همه ليلى ووجها .. ويترا راح اصبر عليها وعلى عيشتها هنا ..؟
وهو يتنهد وهو يمشي بين ممرات السجن

ضامي عيونك وارتوي لونظره ..... كم منك انا ضامي ونظرتك تكفي
بعدك غدا لي صيف والشوق جمره ....تشعل بقلبي نار وان جيت تطفي
لي خاطر مكسور لقياك جبره ..... انت السبب يالي تقلدت حرفي
اليل يسهرني اذا شفت بدره .... واليل يعميني اذا غاب ولفي
مثل السراب اتبعك مافيه قطره ... حتى يشكك ناظري الين تلفي
عجل ترا لك عاشق طال صبره ... لاتستغل عشقي وتفسير ضعفي
تعبت من قلب حبس كل عبره .... ا خاف تفضحني وانا دوم اخفي


اما بالغرفه :
ابو متعب : يالله مضاوي تاخرنا ..
مضاوي : تكفى ماشبعت منها ..
ابو متعب : ان شاءالله بتطلع ..
مضاوي : متى .... بتطلع متى ؟؟
ابو متعب : لا تخافين ياليلى يابنتي عمانك موجودين ماراح يخلونك ياليلى ..
مضاوي وهي توقف : اي عمانك اللي رموا ابوك بيسعدونك ما ساعدوا ابوك بيساعدونك ..؟
ابو متعب بعصبيه : مضاوي لا تخليني اتصرف معك تصرف ثاني ؟
مضاوي : وش بتسوي يعني وانا صادقه بكل كلمه انتوا رميتوا ابوي ولا سالتوا عنه بتساعدون بنته كيف قولي كيف ..
ابو متعب : بسياره اتصرف معك وهو يمسكها مع كتفها ويجرها ..

مضاوي : اوجعتني اااااااااااااااي ..
ليلى ..: تكفى خلها تكفى لا تاذيها ..
ابو متعب : مافي احد ياذي اعياله يا ليلى وانتوا حسبت اعيالي ..
الا تجي شرطيه وهي تسحب ليلى وليلى تصيح ما ابي .. وهي تنادي اختها مضااااااوي لا تخليني هنا تكفين يامضاوي انا تعبت وربي تعبت ..

وهو يجر مضاووووي من جهه ويسحبها ويهمس باذنها : مو انا اللي تردين عليه هذا اللي علمك ابوك يا مضاوي وهو يسحيها بالقصب وهي تنادي اختها
وحتى بالممرات هدت شوي وهي تتبع عمها وتفكر وش اخرتها يا مضاوي معك وش اخرتها .. ويدخلها السياره ..

وثامر وهو يشوف عمه يركب سيارته وهو يركب سيارته عشان الغدا العايلي اللي عند عمه بمنااسبة بنات اخوه ..

-----------------------

الساعه 11

نوفا تقوم مذعوره وهي تشوف مكان مضاوي خالي ما به احد الا تقوم مفزوعه وهي تشوف حتى ملفعها وعبايتها مو هنا الا تقوم تهز اختها لولوه بصوت مرعوبه ..
لولوه : وش فيك يانوفا .؟
نوفا : مضاوي مو هنا وحتى عبايتها مو هنا ..؟
لولوه : وين بتروح يعني يمكن بالحمام ؟
نوفا : اقولج الحمام مابه احد ؟
لولوه :يمكن عندهم ؟
نوفا : من عنده ؟
لولوه : يمكن راحت تحت ..
نوفا : مضاوي ليه تروح بعبايتها وشنطتها ؟
لولوه :تتوقعين راحت وخلتنا ..؟
نوفا بصراخ : مضاوي ماتخلينا ..
لولوه : ياهيه اصحي انتي ترا حنا ببيت عمي يعني الدنيا امان .!
نوفا : لا قومي يالله البسي خلينا نطلع تحت ونشوفها واذا مو تحت نهرب من بيتهم بالقوى ..
لولوه : مدري ليه تذكريني وكانا حنا بفلم رعب ونهرب من من عماني خليهم يتكلفون فينا مو هم قاطينا ومعذبينا طول حياتنا وهم عايشين بالقصور متهنين ولا شالوا بال لنا خليهم وعيشي واكلي
وامسحي يدك بجداارهم

نوفا : انا بروح اشوفها انا قلبي يعورني ... وهي تسحب البطانيه عنها قوووووومي يا برد قلبك قومي ..
لولوه : يالله قمت قمت بصلي طيب ..
نوفا : بس وين القبله ؟
لولوه : مدري ..
نوفا : اجل قومي ننزل وبعدها نصلي ..
لولوه : يالله اجل
نوفا : البسي عبايتك يالله بننزل تحت ..
لولوه : انتي هيه لا تسوين فلم عندي وتبكين وتفضحينا ..
نوفا : اخااف صار لها شي ..
لولوه : ترا ذولا بشر نفسنا ما يشربون الدم ؟

نوفا : يووووووووو لوولوه تراني ماني رايقه ..
وهي تفتح الباب بتطلع الا ام متعب اقبالهم ..

نوفا واقفه منصدمه مو عارفه وش تقول او وش تسوي ..
ام متعب :ههه شكلي خوفتك كنت بصحيكم تتفطرون قبل الغدا ..
نوفا من غير مقدمات : وين مضاوي ..
ام متعب منصدمه : راحت ..
نوفا وهي تلتفت لولوه : شفتي شفتي انهم اطردوها ..
ام متعب تقاطعها : ومن قال طردنااها ؟ وليه لابسين عباياتكم وين بترحون ..

لولوه : بندور على مضاوي ..
ام متعب : مضاوي رايحه مع عمها ..
نوفا برعب : وين رايحه معه ؟
ام متعب : تعوذي من ابليس عمك ماراح يضرها هي رايحه معه لمشوار ..
لولوه : وين رايحه معه ؟
ام متعب : ماراح اجاوب الاني انا بنفسي ما ادري وين رايحين ..
نوفا : اصدق ما تعرفين وين ..؟
ام متعب وهي تضحك : اي اصدق الانه ابو متعب هذا تصرفه ما يعلم وين يروح الا لين يرجع كذا عودني ..
لولوه .: طيب طيب متى بيرجعون ؟
نوفا وهي تعدل ملفعها : انا لازم اشوف مضاوي اتصلي عليه ابي اتطمن عليها ..
ام متعب : طيب انزلي تحت وصدقيني بتلقينهم جايين بالطريق ..

لولوه يابنت الحلال خلينا ننزل ونجلس تحت لين تجي مضاوي ونسالها ..

نوفا :وش يضمن لي ؟
ام متعب : طيب ماراح نظرك تعالي تحت
لولوه تقرب من نوفا وتهمس لها : ليه انتي عنيده مراح يضرونه ..
ونوفا نفس الحاله ترد عليها : وش دراك انه مضاوي حيه يمكن صار فيها شي وقطوها نفس ابوي .؟
لولوه : انتي خيالك واسع انا بنزل اذا بتنزلين احلقيني وهي تروح لدرج وام متعب وهش تشوفها وهي تضحك ..
نوفا : ماراح اتحرك ..
ام متعب بضحكه : ترانا اليفين ما ناكل لحوم البشر ..
نوفا : انا مو خايفه بس ما ابي اتحرك لين تجي مضاوي .. وهي تلف ملفعها وتلحق لولوه ..

ام متعب : سبحان الله ياناديه ما توقعة بتجيبين بنات حلوات وغير هذا حريصات على بعض وكل وحده قلبها على الثانيه يارب لا يغير عليهم ..

اتذكر لما كنت بااول سنه جامعه تقول اذا جبت بنت بسميها " صمود " او غموض " كنت اضحك واقول لما تتزوجين وزوجك يرضى تسمينهم ..
الله يرحمك بس انصدمت بحقيقتك والله لو يعرف عبدالله باني اعرف ناديه وصديقتها الوحيده ما كان استقبلني ببيته بذيك السنين ..
وكل هالمصايب جت صدفه والسبب انا .. اللي خليت صديقتي ناديه تدخل بيتي وهي ماعندها لا حب ولا سوالف جايه تتحمد لي بسلامه بعواري الاول
وجايبه معها بوكيه ورد .. من هذاك اليوم شافت عبداللطيف وشكلها حبته لدرجه اتذكر يوم اسالتني عنه ..
عزاه ياعز اخت عندي ما توقعت انك تصيري سلفتي وان الكوارث طاحت براسك ..
والله اني اعرفك ياناديه عدل ويمكن اعرفك اكثر من جميع البشر عشرة 16 سنه مو قليله واللي انقال عنك كثييير عليك لكن بصحح غلطتي
في بناتك ..!!!!

وراحت تنزل من الدرج الا تشوف نوفا ولولوه جالسات بعباياتهم وجنب بعض بعد ترحيب الكل فيهم ..
هنادي : يماااااااااا هذولا وش الفرق بينهم ..؟
اماني : انتوا كوبي لدرجه ذي
عهود : ودي اعرف امكم ولا مره اغلطت فيكم ؟
عواشه : حتى لون البشره الي اعرفه التوام يختلفون بلون البشره ذولا ابد مافي شي اختلاف ..
ام ناصر : يابنات اذكرن الله ..
مزنه توها داخله من الباب وهي تدعق عيونها لا تقولون لي حوله ..؟
ام حمد : سبحان الله الخالق ازاااي صورهم ..
مزنه : يما ليه ما جبتينا توام عاد ماشاءالله بلدك ما يحتاج ام هالفصيله ؟
ام حمد ..: هههههههه دي يدوها عين اللهممه صلي على النبي عليهم ويحرصهم ..
نوفا وهي تشوف لولوه : شكلنا من كوكب ثاني ؟
لولوه : ههههههههه عادي تعةدنا ..
ندى : من الاكبر ..؟
لولوه : تتوقعين من ؟
ندى : لا قولي .؟
مزنه : اتوقع انتي اكبر ؟
هنادي : لا انا اقول نوفا .؟
عواشه : كيف تميزونهم كلهم توام يعني مافي اختلاف حتى بالعمر .؟
عهود : يالخبله في توام اكبر من توام بثواني وفي بالدقايق ..
اماني : خلاص الحمله اللي بعدها بجيب توام ..؟
هنادي : لا انا بجيب قبلك عشان اتمتع بحياتي 3 سنوات هههههههههه
ام متعب : الله يرزقكك يابنتي ..
ام ناصر : يارب يرزقك يا هنادي ..
هنادي بخجل : مشكورين ..وهي تشوف امها وتقول : سما وين خواتي نجوى وهيا

ام ناصر : خواتك طايحات بالنت الله يقربله من دخل وهن ما يناامن الا بوجه الصبح ..

اماني وهي تشوف لولوه ونوفا : عاد يامسخكم قولولي منهي اكبر ؟
نوفا وهي بدات تتاقلم وتفرح بجمعت هالبنات ..: لا نبقااك تتوقعين ؟
مزنه : قلنا توقعاتنا بس ما رديتن ..
نوفا : انا ..
ام متعب : انتي عاد منهي ؟
لولوه : يعني مافي فرق لدرجه هذي ؟
ام مشعل : اي والله ما اشوف فيه فرق ..
نوفا ويهي تخرج اذنها من ملفعها : شوفي الحلق وشوفي الاساور وشوفي بؤرة العين وحتى بالاصابع ..
والكل يلاحظ فعلا الحلق وحده اخضر والثانيه ابيض
الاساور وحده اسوار فضي والثانيه ذهبي ..
والاصابع وحده تاكل اضافرها والثانيه تربيهم ..
وبؤرت العين وحده صغيره ووحده واسعه يعني في فرق بس اللي يركز اكثر ..

اماني ..: ممكن سؤال ..
لولوه : تفضلي مع اني ما اعرف اسمك ؟ ههههههههههههههه
اماني : خلاص بعرفك على بنات عمك وعمتك وهي تشوف هنادي ترا ذي مرت اخوي هنادي متعب ..
يو جد نسيت اعرفك على نفسي انا اماني زوجة مشعل والي في بطني بدون غير محدود الجنسيه ..
هذي خالتي ام زوجي وتاشر على ام مشعل ..
ام مشعل : تو الناس ياحظي انا تعرفت علي من البارحه الباقي انتي وهنادي وبنات عمتك وضحه ..
ام ناصر : هذا اذا شفتيهمم بالنهار لا ليلهم ولا نهارهم نهار ..
ام متعب وهي تكلم نوفا ولولوه : اشلحوا عباياتكم ..؟
نوفا بلطف : ما عندنا ملابس ..
عهود : خلاص انا عندي على مقاسك ...
لولوه : شوفي انا واختي ما نلبس الا نفس الشي ..
هنادي : انا في قلبي هالسوال منو اكبر عرفنا الاختلاف بس منهي اكبر .؟
مزنه : ام حلق اخضر ..
نوفا : وش عرفك ؟
الكل ضحك ..هههههههههههههههههههههههههههه
هنادي : لااااااااااااا عرفنا انك الاكبر بس ما عرفت اساميكم ..
ام ناصر : ههههههههههههه الله يغربل ابليسكم دوختم البنات من صحو ما اشربوا شي حتى ..
ام متعب : الله يذكرك بالشهاده مخليه الخدامه تسوي لهم شاهي وفطاير بس مدري وش فيها تاخرت ..وهي تقوم للمطبخ ..
مزنه : انتوا اسمكم نوفا ولولوه صح ..
التوام : ايوه

نوفا ولولوه افرحوا بتجمع البنات وقرباتهم واضح عليها قويه ..

ندى بصرااااااااااااااااااخ : تذكرت اللي انضربت امس كانت لولوه وكانت لابسه حلق ابيض يعني نوفا الكبيره ..

هنادي :: طمنتي قلبي الله يطمن قلبس ..
عهود : واخيرا عرفت ..
لولوه وهي تشوف نوفا : لازم نغير استايلنا ونخلي بعضنا نتشاااااابه ..
ندى : خير ان شالله لنكشفكم خلاص اافركم راح تفضحكم ..
عواشه : ماشالله اوخيتي ذكيه طالعه علي ..
ندى : اقووول طسي بس براااااا انا قبل لا تنولدين وانا عارفه هالمعلومه اني اذكى منك ..



لولوه ههههههههههههه صتيني .. انا اضافري ما احب اكلها الا الخوافه نوفا دايم داكهم ..
نوفا : الاني انا من يغسل بالبيت ويكنس يعني ما يبي راعية اظافر .وهذا اول سبب اللي كشر اضاافري ..
ام حمد : دا انا اول ما تقوزت عمك والله ائوم بشغل البيت والله كان يتمنى زي الحريم اطافري طويله بس دانا ما بحبش كده ..


ام مشعل : لا والله يا هاله قبل كنت احب اربي اظافري لكن ابو مشعل ينقرف من الاضافر الطوال ..
ام متعب : يااااااو ما احب اظفري طويل ..
ام ناصر : تتذكرون الوسمه الحمرا ام لمعه يااهي اياام طحنا فيها وتذكرون مرت هذال اللي الله يذكرها كانت تحط الوسمه السوده وتقص علينا وتقول هذي حنا سوده ؟ ..

ام متعب : كيف ما اتذكرها حتى بحناها اسود ونقول هذي غاليه عند زوجها اثريها تحط فكز والدواه مال العطار ..


اماني : يااااااااو افتحن سالفة قبل وش يسكرها ..
هنادي : تعالوا انا عزمتكم بشقتي ..
عهود : شوفي من الحين اقولك ثلاجتك بفتحها ..
مزنه : ااذا عندك توكس عطينا ..
عواشه : انا ابفى بونتي ..
لولوه ونوفا اسكتن :...............

اماني : ياحليلك يعني تعزمين بنات عمك والله ما تعزمهم حرمه قبلي ..
نوفا : لا ما نبغى شي ..
لولوه : عادي انا استقبل العزااايم ..
نوفا وهي تدفها : هيه استحي خلي فيك ذرة حيااة ..
لولوه : والله انكم فله توقعة بيكون موتي هنا لكتن وربي فله ما ودي اروح بيتنا ..
نوفا بعصبيه وهي تشوف لولوه: انتي بسهوله تقتنعين لا تهمك المظاااهر بكره بتنصدمين ..
لولوه وهي منصدمه من صوتها العالي : اووص

ام متعب وحمد ومشعل وناصر < كلهم ام ترا ..
كلهن انتبهو لها وهي تصارخ .. وما شافوا الا غبار عبايتها تركض بالدرج ..
لولوه وهي منزله راسها : اسفه لكن نوفا دايما حساااسه كثير وتشبه كثير مضاوي .. بس قلبها ابيض
ام متعب وهي تمسك كتفها : عادي بيمر الوقت وبتتعود ..
ام ناصر : لا تلومينها هي شافت ويل ابوها ولا تبغى تصير نفسه او تصير حياتهم نفسه ..

لولوه : صحيح البارحه كنت متضاااايقه حيل بوجودي هنا لكن وربي اليوم تحولت نظرتي والله حيل ارتحت مدري ليه كنت اتمنى اشوف اهل ابوي وتحقق حلمي ..
ما اكذب عليكم كنت خايفه من العقااب والحين خاايفه من كلام عمي وقصة زواجي ..وانا جد ما ابي اتزوج انا بعدي صغيره ..
ام مشعل : اذا اللي اكبر منك ما تزوجوا انتي تتزوجين لا اكيد انه يضحك معك ..


ام متعب ما تبغى تثني كلمة زوجها : لا بتتزوجين جد وهو فتح معي الموضوع البارحه ..
عهود : واحد من اخواني مثلا...!!!!

ام متعب : يوم يجي بينفذ العقاااب وبيقولك من هو ..
لولوه وهي تدعي بانه اللي عطااها كف يكون بعيد كل البعد عنها ..
وهي تتكلم : من اللي عطاني كف البارحه ..
اماني : هذا اكيد فهد او حمدان ..
هنادي : اكيد الانه متعب حبيبي ما يمد يده ابد ..
ام ناصر : الله يخليك له ويخليه لك ...

مزنه : هههههههههه على بالي راح تذكرين اسم فروووسي ..
ام متعب : ههههههههههه ويمكن ياخذها عليج جاره ..
مزنه : لا ان شاءالله ..

الا الخداامه تجيب الفطووووور ..
ام ناصر : بروح ارضي نوفا ياعلها تجي ..

ندى : لا اقعدي ياعمه انا بروح ااراضيها
لولوه : لا انا بقوم صدقوني ماراح احد يعرف يراضيها هي حسااااسه مره ,,
ام متعب : على راحتك خليها تاكل شي على الاقل ..وبالمره تبدلون ملابسكم يا يمه عندكم خزانة عهود واللي يعجبكم البسوا ..
عهود : حلالكم يابنات عمي .

لولوه وهي تضحك وهي ودها تعرف منو الي راح تتزوجه وهي تهدد راح تهدم حياته..؟
وهي تقوم وتصعد الدرح وتروح لغرفه اللي فيها اختها وتفتح البااب الا تلقا نوفا ضاامه الوساده وجالسه على زاويه السرير وتبكي ..
لولوه وهي تغفل الباب وتقرب منها بخطوات متقاربه وخفيفه وتجلس جنبها وتتكلم بصوت مايل للهدوء ..
لولوه : هذا واقع يا نوفا لازم تتاقلمين عليه رضيتي ولا انرضيتي ..
نوفا : ماراح اعيش هنا ..
لولوه : لا انا ولا انتي ولا حتى مضاوي راح تقدر تمنع اذا عمي الكبير حاط بباله فكره على قولتهم لازم يسويها وفي امه خير يطلع من هالخطه

نوفا : لكن ما ابغى اعيش معهم قصب ..!!
لولوه : والله مدري لكن لازم نتحمل عارفه انك كل ماضحكتي تذكرين ابوي وسوالفه عن اخوانه وشوقه
وحزنه عليهم وطردهم له كانك تضحكين وابوك ينهان بسبب ضحتك صح هذا اللي تحسين فيه

نوفا : الا هو الاحسااس نفسه احس اني اخونه واني اضحك وانا اللي عمري ما حبيتهم ما انكر انهم مو حبوبات لكن اضحك وكل ما ضحكت تذكرت وجعة ابوي عليهم والمه عليهم ..

لولوه : قلت لك الحال من بعضه لكن يا نوفا لازم نغير الصفحه ونبدا من جديد ..
نوفا : وربي ما اقدر وربي حاولت يا لولوه اضحك بس كل ما ضحكت احس اني اجرح ابوي اكثر .. وثانيه وين مضاوي وينها من جلسنا صرنا سااعه وهي تقول بالطريق والحين لها ساعه
ما جاءت شفتي اكيد مسوين فيها شي ..

لولوه : استهدي بالرحمااااااااااان يابنت واذكري ربك تقولك الحرمه رايحه هي وعمها لمشوااااار يالله خلينا ننزل انا جوعااااااااانه وفطووورهم لذيذ شكله ..

نوفا : لا ابي الا واشوف مضاوي ..
لولوه : نوفا انا ما اجبرك تنسين ماضي ابوي وغدره بس ليه ما نفتح صفحه جديده انتي لا تنسين انه ابوي ماضيه وامي وماضيها يعني ما الومهم لو ابعدوهم ..
نوفا :: ولو الظفر عمره ما طلع من اللحم ..

لولوه : الا طااار وقرضوا وقصووا ..
نوفا : والحل وش تبغين مني ؟
لولوه : انك تنزلين عشان خاطري واجبريهم بكلمتين لين ترجع مضاوي واكلي عشاني الاني ميته جوووع وبعدين فكري فيهم المهم لازم ناكل دامنا شفنا الخير ..
نوفا وهي تضحك :خخخخخخخخهههههه هذا اللي خامك بطنك يادبه

وهي تضحك مع اختها وينزلون ويتفطرون

بالجهه الثانيه من المطبخ كان فهد يامر الخدامه انها تسوي فحم وينتطرها لين يخلص الا تجيه عهود وتفتح الثلاجه وتاخذ منه قلاص جبن ..
فهد : صح النووم توك تقومين ..؟
كان لابس شمااغ ابيض على كوبره وثوب ابيض وشاربه سكسوكه (سعبوله) وعيونه كانها مكحله
وجسمه ضعيف يعني مو مليان يعني وسيييييييم مره وابيض

عهود : لا ما قمت بس ذولا امك نست تسوي فطور لبنات عمك .
فهد : اهاااا كذا وغريبه امي ما طلبت من الفطااير ..
عهود : اسكت ما خلت شي ما طلبته وجاابته بس قالوا يبون جبن ..
فهد : هع وانتي الخدامه ؟
عهود : بنات عمي وضيفات عندنا لازم اضيفهم ..
فهد : ياجعله دووم تقومين للضيووف ..
عهود : للضيوف اللي اشتهيهم بس ..
فهد : ول يعني بس الضيوف اللي تحبينهم ؟
عهود : لالالالا تصدق يافهد ما توقعت انه بنات عمي توام بشكل ذا ..
فهد : توام توام ..؟
عهود : ما تفرق بينهم وربي ما قدرنا نفرق بينهم ..
فهد : من قصدك فيهم
عهود : وانت تعرف اساميهم ..
فهد : في احد ما يعرف اسماء بنات عمه ..
عهود : من خبرك ..
فهد: ماله داعي هالسؤال السخيف ..من هم ؟
عهود : نوفا ولولوه ..
فهد عرف انه اللي ظربها واللي جابها خالها هي لولوه ..
وقال : ومن الكبيره فيهم ؟
عهود : نوفا ..والمسكينه حساااااسه كثير ومو متقبله تعيش والله من الصبح ودها تطلع من البيت ..
فهد : هذا انتوا يالحريم شاطرين بس بالسوالف تراني تاخرت
عهود : اسكت ما دريت ؟
فهد : وشهو بعد ؟
عهود : اخر الاخبااار عن بنات عمي ..
فهد : وش اخر بلاويهم ؟
عهود : بلاوي لا ياخي هذي مصيبه لشباااب العايله ,.,,وهي تضحك ههههههههههههههههههههههه
فهد : خلصي علي الفحم بيبرد

عهود : ابوي بيزوج لولوه اللي ضربتها لواحد ماخبرنه عنه يقول بعد اسبوعين ملكتك وزواجك ..
فهد : شي طيب بس منو هذا اللي امه ما دعت له بليلة القدر ؟

عهود : يعني انت ما تعرف احد بيتزوج او ابوي مكلمه ..؟
فهد : اقول البارحه جاييين ما يمديهم بنخطبون ..!
عهود : قال لها جدامنا بانه ملكتك وخطبتك بعد اسبوعين وكان معصب حده ..


فهد بقلبه : والله منت هين يا يبه لاعبة باعصابها وعرفت كيف تنسجها بذكائك لكن عرفت خطتك وماراح اخربها لك .. وهو يضحك وياخذ الفحم بيطلع الا عهود .
عهود : الحمدالله والشكر اقولك سالفه وانت تسكت وتضحك مجنون انت ..؟
فهد بضحك : هههههههههه على غبائك اضحك يالله تاخرت بالفحم ..يوطلع
وهو في باله الف خطه وخطه يجننها فيها هالبنت اللي ما تتسمى بس من غير ما يقرب منهااااااااا ..ّ


-----------------------------

اما بالسياره كانت مضاوي عايشه الجو بروحها وكانها تلملم جروحها وتصبرها على القادم

تبكي على حال اختها المرير ... وتكتم بقلبها شهقاتها ومنظرها اللي كسر خاطر ابو متعب .. وهي ساكته
كان ودها تسوي ايه شي بس انها تخرج اختها من السجن باي حاله مظلومه ..

كسرت خاطرها وودها لو تجلس معها بالسجن تطمن عليها اكثر وتفتفض لها .. اختها ليلى اقرب الناس لها بعد مرتبة هيفاء الي هبطت الى قاع الارض ..

انصدمت من الكثير .. تمنيت لو كان ابيها على حال طيب ويستطيع عادة افراد العائله كما كانوا من قبل .. لا تستطيع البوح لا تستطيع الكتمان اكثر لا تستطيع تحمل المشاكل والمسؤوليه
كل يوم تكتشف بانه الحياة اكثر مشاكل مما توقعت ..

وتتمنى لو كانت امها الغاليه موجوده تساعدها على البعض منها .. وحقا تحتار ماذا تفعل هل ساقبل العيش معهم..!!

وهم من جرحوا ابوي واذلوه .. وحرموا حتى من الميراث .. وكل عذرهم انه ليس مذكور بالوصيه ..

وتصرخ بداخلهاااااااا :: ااااااه وين اروح انا واخواتي خلاص اجس الابواب كلها تغفلة بوجهك يا مضاوي كلها بوجهك
وين بتروحين وكيف بتعيشين ابوك واخوك متعب التعبان اللي ما تحمل الدنيا من صغره وكيف بيتحمل البلاوي الكبيره يوم يكبر ..؟
ولولوه اللي كل يوم شخصيتها تكتشفها بانها تبغى تطلع من الدائره اللي رسمتها ..
انتي يا مضاوي ما تصلحين مسسؤوووله الكل يستهين فيك ..
ونوفا الحسااسه اللي تشبه اختها بكل شي الا الشخصيه من داخل ..؟
عجزت الم العايله عجزت كل واحد بيبرز نفسه عن الثاني .. وغير مشكله ليلى ومرض متعب وطيحة ابوي وموت امي احس المصايب هدت حيلي وطولي كله ..
ودي ارتااح لكن مو ببيت اللي ظلموا ابوي واطردوه احس اني اهين ابوي

ااحساااسي بيغضب ابوي لما يستوعب بانه عايشين عن اهله اكيد بيعصب وماراح يرضى باننا نعيش عن الناس اللي ذلوا والمصيبه انهم اهله ..
ياربي سهل علي ولا تصعب علي ..

ابو متعب يسوق وعيونه على مضاوي وسكوتها الغامض يحيره وده لو يتقرب منها بس هي رافضه التقرب وحاطه بباله اهاااانة ابوها فوق كل اعتبار ..
وما يلومها على ردة فعلها وعلى كلامها الجارحه الانها على حق من يومنا ما سالنا عن اخونا الا من بعيد لبعيد ..

هذي وصية ما نقدر نخلفها وبناته او بشكل عام اعياله مو من الوصيه اللي طلبها ما عرفنه حتى باحل اخوي ولو عارفين بشلله كنا لاخلفنا الوصيه وجينااه لكن وش اللي بيقنعها الحين
هي وخواتها بانهم يجلسون عندنا بالبيت واجدد حياتهم من جديد ..
الا يتكلم اخيرا ..
ابو متعب : ها يامضاوي ما ودك تروحين لبيتكم .؟
مضاوي بلهفه : جد والله بتاخذنا لبيتنا ؟
ابو متعب : لا بوديك تاخذين اغراضكم بس .؟.
مضاوي تتكلم بهدوء : بس انا وخواتي ما نبي نعيش معكم ؟
ابو متعب : مضاوي يابنتي احسبيني نفس ابوك لو ساعه واسمعيني .. صحيح حنا غلطانه ونعترف بغلطي انا بالاساس كوني كبير اخواني .. كنت مهتم باخواني الا عبد الطيف اللي الوصيه
رفضت اني اساله حتى عنه ..

يابوك الدنيا تشغل ومع الايام انشغلنا بشركاتنا واهلنا وابوك غير بيتكم مراتين او اكثر ..وكل مره نسمع معلومه ومرات ما نسمع عنكم شي .. ويمكن اخر مع سمعنا بانه ابوك سوا حادث
بس نوعه واصابته ما سالنا لك حق تزعلين وتاخذين بخاطرك ..
وصحيح حنا غلطنا يابوك لكن الحين بنعطيكم ورثكم وبيتكم وكل شي ما نبي الا نعيد الشمل مره ثانيه حنا غلطنا وابوك هم غلط .. يا مضاوي اسمعيني واحكمي بنفسك يابنتي ..
ابوك فشل امك ووعدها بزواج وخله سيرتها على كل لساان لين شفتي انه الكل يبي يذبحها على هالفضيحه ..
وابوك هم كان من صغره راعي مشاكل حتى المدرسه اطردوا من كثر ما يطعن ربعه بسكين ..

وغير هذا سارق ذهب العجوز اللي بشارعنا ..ومدخل ابوي كل مره بالسجن ولا تلومين جدك يا مضاوي تعب كل اعياله ماخذين الشهايد ومفتخر فيهم الا هو .. حتى وهو شايب كان يسرق سيارت
جدك وياجرهم لربعه الخمه ..
ويكسب من وراهم .. وكل ما ساله جدك وين السياره قال عند رفيقي العصر بيجيبها .. كان غير عن اخواني كلاهم طبعه كان مختلف ..ومجنن خلق الله ومجنن اهله ..وامه اللي كل ليله
تقول اولدي بيضيع مني ..
لين طلع من طوره ابوي وطرده من البيت والورث من سالفة العجوز اللي سرقها وغير هذا ضربها .. وغير مصيبة امك والناس اللي تشتكي منه ..

لكن يمكن تشوفين ابوك غير عن اللي قلته الانه سنيييين مره ودخوله السجن يمكن علمه وطردة ابوي يمكن فهمته الحياة بانها راح تدوم لك مثل اهلك ,ماراح يدومون لك ..
يمكن ابوك علمكم شي ما تعلمه والدليل جمعكم وكل واحد يسال عن الثاني وكانه ما يبيكم تفرقون عن بعض وهذا اكبر دليل انه ندامااااان ولا يبي فرقةو اخوانه .؟.


مضاوي : اللي تتكلم عنه شخص ثاني ماهو ابوي ,,!
ابو متعب : قلت لك الدنيا تتغير يامضاوي وابوك تعلم اللي ما تعلمه من صغره حب الاخوان والتمسك فيهم وحب الابو بالاساس والام ..
مضاوي : لكن اللي انت تقوله امي حبها لبوي باقي لدرجه تضحك معه وتسوالف وياااه وكانت تقول ابوك اخذي يتيمه وما كان شي يختلف في ملامحم وهم يقولونه لي ..وليه طيب ابوي قالنا
بانه اهله طاردينه ..؟وامي ما قالت بانها اهلها ناوي يذبحونها بالفضيحه وهربت مع ابوي ...؟

ابو متعب : الانكم بنات ..

مضاوي : اشلون يعني ما فهمت ؟

ابو ومتعب : ماراح تفهمين الا يوم تجربين يامضاوي ابوك وامك متفقين يمكن انهم ما يخبرونكم بالسالفة امك الانها تضركم كا بنات وبكره وراكم زواج ومن يبي وحده امها اغلطت مع واحد .؟

مضاوي تنزل راسها وبهدوء : لكن عقلي ماهو مستوعب الكلام اللي تقوله امي لابسه وشكلها ما كانت بنت خراب ..
ابو متعب : امك اللي عرفته من ناس انها بالجامعه وبنت ما عليها ادب واخلاق لكن تعرفين شله تجر شله وتخرب العلبه .. واللي عرفته بانه هم ابوك كذب عليها بانها بيخطبها وبعدها بيتزوجها

وامك صدقت وبالاخير كذب عليها ويوم عرف انها حامل توهق .. وعرف ابوي بالمصيبه زووجنااه امك لايام جدام الناس بس .. وبعدها عرفنا ان امك انحاشت من بيت اهلك لمكان محدن عارفه .
هي وين .؟


مضاوي : لا تكمل الباقي عرفته لكن مو داخله مخي كيف ؟ انت ما عشت معنا وشفتهم .؟كانهم مو الشخصين اللي تتكلم عنهم .؟

ابو متعب : العشره والجو اللي هم عيشين لهم من خلا حياتهم كذا ..

وهو يشوف بيته اخوه الاجار .. ويسال ؟

ابو متعب : من متى وانتوا عايشين هنا ؟

مضاوي : تقريبا 7 سنوات ؟

ابو متعب : ماتعرفين كم مره غيرتوا بيتكم .؟

مضاوي : بصراحه يمكن ثلاث مرات يمكن ؟

ابو متعب ..يالله انزلي اخذي اغراضك واغراض خواتك وعطيني رقم صاحب الاجار بعطيه حقه ..

مضاوي : ليه؟
ابو متعب : الانكم مراح ترجوعون له ..
مضاوي : بس
يقاطعها : مضاوي ابيك تفتحين معنا صفحه جديده اذا جد تحبين اهلك وتبين مصلحتهم وما تبغين ضياعهم اسندي ظهرك بالجدار ولا تخافين ..
ولا تشيلين شي ماهو بقدرك ولا مستواك .. عمر الشجره ما عاشت من غير ماي وشمس ..!
,,
مضاوي افهمت بانه الجدار اهلها وانها تشيل المسؤوليات الانها جد اهلكتها ..وانها الشجره الي ما تقدر تعيش من غيرهم ..

تنزل مضاوي من السياره وهي فاهمه قصد عمها عدل تقول بصبر شوي وبعدها بقول قراري لا تستعجلين يا مضاوي وبعدها تندمين ..

تنزل البيتهم مع عهمها وتشوف كبسة ابو وليد في مكانها والي كانت في نفس نوفا تاكلها وهي تضحك لما تذكرت القطو اللي دخل البيت ..

ابو متعب : عجلي يابنتي الساعه وحده .. لمي اغراضك ..
مضاوي وهي منهمه بتجيمع اغراضها واغراض خواتها واخوها متعب والاشياء اللي حطتهم على صوب تبغاهم من ريحة امها وابوها ..

جلست تقريبا ساعه كامله تلم اللي تبيه والي ما تبيه ..
ابو متعب طول الوقت يشوف كرسي اخوه بيتهم غرفهم اللي الجدار يحكي بنفسه عن الزمن ويشوف صورهم البنات يوم كانوا اصغتار وابوهم ..
من غير همهم ..

ابو متعب يقرب منها : ها يا بنتي ما خلصتي ..
مضاوي : شوي واخلص بس باقي ملابسي ..
ابو متعب وهو يجلس بكنبة ليلى : هذا مكان من .؟
مضاوي وهي تشوف صورتها على الجدار : هذا سريرها ..
ابو متعب وعيونه على الصوره ويشوف مضاوي وفهمها ..

مضاوي : خلصت بس اخذ البطانيات ..؟
ابو متعب : بس ملابسكم الضروريه بسسسس ..
مضاوي : ووو
قاطعها : بيكون لكم كل شي حتى ملابسكم بس قلت هاليومين تمشون عمركم فيها لين اخلص المشاغل اللي عندي ..
مضاوي : طيب .. وهي تطلع مع عمها من البيت وهي حاظنه الذكريات الحلوه فيه .. وتعطي عمها رقم صاحب الاجار ويواعده بكره على تسليم البيت وبعدها اتصل على اصحاب اللي يشترون
الاغراض المستعمله ..

ويركبون السياره وتشوف عمها يحط كاسيت محمد عبدو ..
ويحط غنية اسمحيلي يالغرام .. ويرددها ويدندنها .. وتضحك بصمت وهي تدعي بانه الايام الجايه تكون احسن بكثيروانه اخوها بكره راح يطلع بسلامه

وصلوا البيت بعد رن ام متعب الشديد على جوال ابو متعب وهو ما رد بس اكتفى بمسج لها ومن بعدها مارن جواله ..

مضاوي وي توقف الا تشوف اقبالها شخص لابس من اصحاب المطار وشكله كابتن مثل اللي تشوفهم بالمسلسلات الانه ولا عمرها اركبت الطياره .

مضاوي : عمي منو هذا ؟
ابو متعب مستانس انه على الاقل تعبره بعمي : هذا ولد عمك عبدالوهاب ..حمد ..
مضاوي : هو يشتغل بالمطار ؟
ابو متعب : اي يشتغل بالجمارك بالتفتيش هناك ..الله يقطعه من هالدخاااااااااان اللي يشربه وكويس انه اطردوه من الدوانيه ما احب الولد يدخن لكن هو ومشعل نفس الطينه ..وغريبه
صاحبه ماهو معه ؟
مضاوي : اها ..من صاحبه ؟
ابو متعب : مشعل ..
وهي تنزل وتوصل للباب الا يطيح مفتاح البيت منها من غير قصد الا حمد وهو يسلم على عمه ..
حمد : ترا طاح مفتاح البنت اللي معك ..
ابوة متعب وهو يناديها : مضاوي ترا طاح منك المفتاح .. وهي تلف لوراء وتاخذ المفتاااح ..
وترجع للباب وهي تفتحه ..
ابو متعب : وانت ما غيرت ملابسك ..
حمد : والله ياعمي توني جاي قلت امزلي هالسجاره قبل لا ادخل والتغدا الاني اذا دخلت البيت وغيرت يمكن ما تشوفني الا بكره ..
ابو متعب : وخويك وينه .؟
حمد : يادفع البلا هو داخل ما تحمل الحر اللي برا ..
ابو متعب : وانت متى بتقطعها ياولدي تراها بتذبحك ..
حمد .: والله ودي بس هي ما تقدر تستغنى عني ..؟
ابو متعب : سمعت انك بتخطب بنت ال*****
حمد : تكفى ياعمي انا العرس ما ودي عليه ولا تقصبني خلني انا بشبااابي ..
ابو متعب : سمعت انه امك كلمة الحريم ..
حمد : لا امي سالفتها سالفه .. اقول عمي ما حرقتك الشمس ولا ريحة الدخان ضايقتك ..
ابو متعب : ههههههههه ادخل ادخل وهو يسحب السجاره ويدوسها ادخل لا بارك الله فيك لا عرس ولا نفعه ..
حمد : ههههههههههههههههههههههههههههههه



(( وش تتوقعون بالاجـــــزاء القــادمه ؟؟؟ )))

* توقعاتكم بالجزءالحااااااااااادي عشر

* مضاوي ونوفا ولولوه هل راح يرضون على عمانهم ؟

* ثامر وليلى وش مصيرهم بالجزء الثاني

* العم عبدالله وش راح يسوي بقضية ليلى وهل راح تنحل ؟؟تتوقعون ؟

* فهد وش لعبته الجايه ؟

* حمد وش سالفته مع الرفض الزواج؟

* نوفا من تشوف بالجزء القادم ؟

* هل راح تعلم ام متعب (فضه ) سالفة رفيقتها ناديه لمضاوي ؟

*متعب اخو مضاوي وش راح يقول لمضاوي بالجزء القادم ..

*عبد اللطيف ابو متعب هل راح يصحى من وعكته ؟

* وين يروحون بالجزء القادم العايله الكريم ؟

* وش سالفة نواف وندى ؟ وحمدان وعواشه ؟ ومتعب وهديل ..

* نجوى منهي وش وضعها بالروايه ؟

* منصور راح يكلم ابو متعب بس وش راح يقوله ؟


الموعد القادم الثلاثاء ..


قصتنـــــــــا في اولــــــــهـــا ..
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل
انـــــــــجال ..

الجـــــــــزء الحــــــادي عشــــــــــ{
-----------------------------------

مرات ثلاث ايام ومرات عصيبه بالنسبه لمضاوي ..

و احداث كثيره اولها بانه ابو متعب فتح بيت لاعيال اخو عبد اللطيف جنبه وكان بيت ابوهم قبل ..وان يكون هذا البيت لهم خاص للبنات عشان يخذون راحتهم مع اخوهم ..
ومتعب طلع من المستشفى بخير وعافيه لكن قاله الدكتور يبعد كل البعد من الصدمات النفسيه ..
والبيت كان روعه .. وعزمت مضاوي طوال الثلاث ايام انها تجيب ابوها عندها بالبيت ويكون تحت عيونها .. وطبعا قال الدكتور انه حالة ابوها ما تسمع تكون بالبيت ورضت مضاوي

وصار اخيرا صار عندهم بيت لحالهم.. ومضاوي تفكر وش راح تسوي وهي كل تفكيرها بس باقي قضية وحده وهي قضية اختها ليلى ..

ووعدها عمها بانه راح تطلع من السجن بواسطة محامي شاطر ومن اشخاص كبار يعرفونهم .. وتاملت خير ..

وكان البيت عباره عن طابقين الاول فيه اربع غرف وحده للتلفزيون والثانيه للخدم والثالثه جالسه داخليه ومجلس للرجال كبير وصاله كبيره ..
والطابق العلومي عباره عن 6 غرف .. مضاوي وليلى بغرفه ونوفا ولولوه بغره .. وغرفه لاخوهم .. وغرفه مخلينها لابوهم وغرفه للكوي وغرفه مسكره ..
كذا البيت زايد عليهم وكبير ما توقعوا كل هذا الكبر ..

وكانت مضاوي جالسه بغرفتها ترتبها وترتب اغراض ليلى الانه الغرفه توها تنشف من الصبغ وريحته ..
وكانت لابسه شورت على الركبه
زيتي عليه بدي حفر جيشي .. وحاطه شعرها ذيل احصان مع ربطة شعر .. ولابسه ساعتها البنيه ..
وكرمكم الله شوز" شحاطه " سكريه على خط ذهبي ..

تدخل عليها نوفا اللي كانت لابسه تنوره قصيره مكسره لونها سلفر (رمادي) عليها على فلاينه علاق (وردي فاتح ووردها رمادي )

وعليها (فلات ) فوشي ..وشعرها لابطه كبه ..وعليها تاج رمادي ..

نوفا : مضاوي لسه ما خلصتي ..
مضاوي : خلصت اغراضي وقاعده اسوي اغراض ليلى ..
نوفا وهي تمد يدها على قطعة قميص كان المفضل لليلى ..وكان القميص لونه كحلي .
مضاوي : وش فيك تمسكينه ..؟
نوفا بصوت خفيف: اشتقت لها كثييير
مضاوي وهي تمسك يد اختها : بترجع عمي وعدني انها بترجع دام القضيه كذا ويقول المحامي شاطر وباذن الله راح تطلع ..
نوفا : خافيه عليها بالسجن ..
مضاوي : ثامر ولد عمي عندها وهي بخير ..
نوفا : ماقالك عمي متى بنروح لها ؟
مضاوي : بصراحه قالي بكره على خير ..
نوفا : ااها ..
مضاوي : وين متعب ..
نوفا : جالس بغرفته يفتح اغراضه ..
مضاوي : خلاص الهسنه راحت عليكم والسنه الجايه لازم كلنا نبدي من جديد ..
نوفا : وش قصدك من جديد ..؟
مضاوي : انا بشتغل وانتي واختك واخوك المصون بتكملون دراستكم ..
نوفا : مافي سنه راحه ..
مضاوي : يكفي ضاعت عليكم سنه ..
نوفا : بس كيف ولولوه وعرسها ..
مضاوي : اي عرس انتي مصدقه هذي لعبه لعبها عمي عليها ....

نوفا : عدل اشوف محدن متشيش ..
مضاوي بتعجب : متشيش على وش ؟.
نوفا : على طاري العرس وكانهم صج مايبونا للعرس ..
مضاوي : وهذا اللي هامك العرس ليه ما تهمك الدراسه ...؟
نوفا : ماعلينا خلي الدراسه تعرفين احب الشغل اكثر من الدراسه لكن ما خبرتيني بتكملين الدروس الخصوصيه ..؟
مضاوي : اكيد ..
نوفا : كيف وانتي بوسط عماني؟ اكيد ماراح يخلونك تطلعين شبر الا تحقيق ..
مضاوي : لا تشيلين هم فكرتي بكملها يعني بكملها ..
نوفا : وهي تاخذ صوره بوسط الشنطه كانت موجوده .. تتذكرينها يا مضاوي .؟
مضاوي وهي تاخذ الصوره ببطئ : كيف ما اتذكرها هذا ابوي يوم كان مافيه الا العافيه وهذا حنا صغااار يالبي يامتعب وشحلاته ابو خدود ..
نوفا : كم عمره هنا ؟
مضاوي : تقريبا سنه بس يجنن خدوده ..
نوفا : سمين مررره عن الحين ..؟
مضاوي : يوم لك ويوم عليك يعني مو دايما يظل الانسان سمين ..؟
نوفا : هههههههههههههه انتي توحفه اذونك ناقزه ومعصقله كثيير كانك عنزه محرومه من الاكل ..
مضاوي وهي تضحك : يالله انقلعي انا الخبله معطيتك وجهه ..
نوفا : لا تكفين شوفي صورة ليلى : تنورتها باين سروالها يوم ازرق لونه رهيب ..
مضاوي : هههههههههههههه عطيني اشوفه وهي تاخذ الصوره وتضحك ..
نوفا : لا كلش كوم ولولوه توامي توم ثاني صحيح نشبه بعض لكن شوفي كشتها اعلى من كشتي ..
مضاوي : شمس الصباااح ههههههههههه ..
نوفا : يازين ابوي وه بس مزيون ما الوم امي يوم حبته ..وامي هنا كانها الفلسطنية بحجابها ..

مضاوي وهي تنزل راسها تحس بانها فقدة الكون كله فقدة الهواء اللي تشمه واللي تحس نبع الحياة منه افقده ..
نوفا بهدوء وهي تلاحظ مضاوي تغيرت ملامحها : مضاوي ..!

مضاوي : وهي تاخذ الصوره تشوف صورة امها وضحكتها وجلست تدمع عينها بصمت وكانها تبغى تدخل داخل الصور وتقبلها وتضمها ..
تحس بضيااع فضيح ومسؤليه اكبر واكبر ..
ودها لوو تشيل من الحمل شوي وتبتسم الحياة لها ولاخواتها.. صحيح انها مبسوطه بالبيت لكن بالداخل ماهي مبسوطه من عمانها مجرد اسم اخذته لاجل مصالح اخوانها وابوها
تبغى ترد الدين لاعمانها وكانها راسمه على بلوه او مصيبه المهم انها اخيرا اخذت اللي تبيه هو البيت اللي راح يضمها هي واهلها ..

بس تكمل قضية ليلى وتطلع راح ترسم الهدف بوضوح ..
نوفا : وش فيك ..؟
مضاوي : مافيني بس اشتقت ..
نوفا : اكيد بس اشتياااق ..
مضاوي وهي تشوف اختها وعيونها غرقانه : ودي تنحل كل مشاكلنا ونرد بعيشتا الحلوه اللي مدحن يكدر علينا ..
نوفا : حنا صبرنا على المشاكل واذا صبرنا بعد بيعطينا الله كل شي نبيه ..
الا تدخل عليهم لولوه وهي لابسه بنطرون جنز ازرق فاتح وعليها فلاينه مقلمه حمره باسود ..وشعرها فالته على اكتافها ..
وهي تقول : بعرف انتي ماتعرفين تحطين اغراضك الا بكبتي ؟
نوفا : تكلميني ؟
لولوه : لا اكلم جدي ..
نوفا : وش تبين ؟
لولوه : ضاقت عليك الوسيعه ما حطيتي جزماتك الا بخزانتي ؟
نوفا : اسم الله عليج بخزانتي ..
لولوه : لا والله عميا انا ما اشوف يعني وجزمتك السوده والبوت وين حاطتهم ؟
نوفا : هم بخزانتي ؟
لولوه امشي معي وشوفيهم وين يالحوله ..
مضاوي : هدي انتي ويااها وربي لا يسمعونكم الجيران ويقولون عنكم مزعجين وبناتهم ما يستحون ..
لولوه : الله واكبر الجيران عماني وعلميها وين تحط اغراضها ..
مضاوي: خلاص ياختي كبرتي المساله وهي ما يحتاج لها تكبير..!
لولوه : لا خليها تفهم وتتعلم وين تحط اغراضها ..
نوفا : تعالي وريني اغراضي اللي بخزانتك وهي اروح معها للغرفتها وتفتح نوفا خزانتها الا تشوف اللي تقول عنهم لولوه بخزانتها يعني للولوه تكذب ..
لولوه : يو من جابهم لخزانتك ؟
نوفا : ههههههههههههههههههههه انتي نسيتي انه مضاوي شرت لك نفسي يوووو نسيت اخبرك عرضت اغراضي ونسيت اخبرك انه مضاوي شرت لك نفس اغراضي ..
ولولوه : لا تو الناس على الضحك كان قلتيلي من اول ..
نوفا وهي تركض لمضاوي بحجرتها ..
نوفا : هههههههههههههه طافك لولوه ما شافت اغراضها اللي شريتهم لها البارحه.....على بالها اغراضي ..!

مضاوي سرحانه بعالمها وتفكيرها تقاطعها لولوه وهي تركض بصراخها
لولوه : طيب ليه تشترين لي نفسها ..؟
مضاوي تصحى من السرحان " اها ؟
نوفا : شكلها ماهي بالارض .؟

مضاوي : وش تببون ؟
نوفا : وش تفكرين فيه ؟
مضاوي تقوم : ولا شي عندي اشغال كثيره احسن من مقابل وجوهكم ..
تطلع من غرفتها متجهه لغرفة اخوها متعب .. تطرق الباب بهدو الا تسمع صوت متعب اللي يرد الروح وهي تفتح الباب ببتسامه
متعب : هلا وي وي < الدلع ..
مضاوي : وشهو ذا دلع ؟
متعب : اي دلع ..
مضاوي : وكيف حالك الحين ؟
متعب : بخير :
مضاوي : متاكد ؟
متعب ببتسامه : الحمدالله ..
مضاوي تسند جسمها على سريره : الحمدالله ها اشلون الغرفه والسرير ..؟
متعب : حلوه ..
مضاوي : ليه ماهي عاجبتك ؟
متعب : بلا عاجبتني كثييير بس تعودت النوم عند ابوي ماعرف انام بروحي ؟
مضاوي بضحكه : ههههههههههه وانا اقول انت رجال طلعت خواف
متعب بصرامة الرجوله : انا رجال ..
مضاوي : ايوه تعجبني كذا يالله قوم ابي اروح معك مشوار ..
متعب : بالتاكسي ؟
مضاوي : ايوه وما ابغى احد يعرف وين راحين حتى خواتك ..
متعب : طيب وين بنروح ..
مضاوي : كل شي بتعرفه بس اذا سالك وين راحين قول للجمعيه او السوق ..
متعب : بس
مضاوي تقاطعه : لا تبسبس لا تخاف مكان شوي بعيد ومحتاجتك معي ..
متعب : طيب بس البس ..
مضاوي تقرب منه وتقول : عارفه انك ما تحب تكذب لكن بنمر الجمعيه بعد ما نخلص ..
متعب : من وين لك فلوس ..
مضاوي : عمي عطاني مبلغ ادبر فيه للبيت لين يحسم ارث ابوي من جدك ..
متعب : خلاص ثواني البس ثوبي ..
مضاوي خلاص وانا بروح اغير ملابس وارجع لك ..
وهي تطلع من غرفة متعب الا تشوف التوام واقفين عند الدرج ..
مضاوي وهي توقف متعجبه : وش فيكم ؟
نوفا : ولا شي بس اول مره نشوف درج بهذا الطول قلنا نعده ؟
مضاوي وهي تدخل غرفتها : الحمدالله والشكر .

لولوه : زين كذا شمتيها علينا ..
نوفا : وش رايك نروح لبيت عمتي ؟
لولوه والله فكره ماهي بطاله واخيرا شفنا ناس كبرنا ونفسنا ..
لولوه : خلينا نمر عواشه وعهود ..
نوفا : تتوقعين عمتي موجوده ؟
لولوه : يعني بتروح مكان بهذي الساعه ؟
نوفا : ليه كم الساعه ..
لولوه : وليه وين ساعتك ماتعرفين للساعه ؟
نوفا تعطيك ابتسامه باسنان : فيها ماي

لولوه : الساعه 3 ونص الظهر يالله خلينا نغير ملابسنا وننزل لهم ..
نوفا : وااااااااو احس بيتنا حلو واحس براحه ..
لولوه ما خلتها تكمل جملتها نوفا : اااااااي وليه جريتيني ؟
لولوه : عجلي انا بلبس وبروح ..
نوفا : بلبس عبايتي ما يحتاج اغير ..
لولوه : كيفك انا بغير بلوزتي احس عرقت فيها من الشغل ..
نوفا : منك في احد يشتغل ويرقص ؟
لولوه : تعرفين تسكين ؟
نوفا :: للاسف ايه ..
لولوه تسكر الباب بتلبس الا نوفا تشوف مضاوي طالعه بعبايتها من غرفتها الا تقرب منها نوفا : وين بتروحين ؟
مضاوي : لمشوار صغير وراجعه ..
نوفا :طيب وين ؟
مضاوي توقف بعصبيه : قلت مشوار نوفا لا تصيرين عظم سمكه ببلعومي ..
نوفا عرفت انها معصبه اسكتت وهي تراقبها ..تدخل غرفة متعب وتتزل معه الدرج وشكلهم طالعين برا ..

لولوه تفتح باب حجرتها : هيــــه انتِ ليه واقفه هنا ؟
نوفا بصدمه : مضاوي اخذت متعب وراحت معه ..
لولوه : لوين ؟
نوفا وهي اكتفت بحركت كتوفها : مدري
لولوه : يالله انا بطلع تحت ..



تركب مضاوي السياره مع اخوها متعب وهو جالس جنبها : وين بتروحين ..
مضاوي : اول شي لهيفاء ..
متعب : هيفاء صاحبتك ..
مضاوي تشوفه : اللي كانت ..
متعب : وش تبغين منها حنا خلاص ماعاد نبغى احد ..
مضاوي وهي تمسح راس اخوها : لا لازم ارد لها اغراضها ..
متعب سكت ...
اول ما اوصلوا بيت هيفاء قالت لهم الخدامه انه هيفاء مسافره مع اهلها .. اشكرت مضاوي ربها انها مسافره .. عطة الصندوق الخدامه وقالت اذا جت عطيها اياها ..
وتركب التاكسي مره ثانيه ..
متعب : بنروح الجمعيه الحين ؟
مضاوي : لا بنروح لمشوار ثاني
متعب : طيب ممكن اسالك سوال ؟ بس لا تعصبي .
مضاوي تضحك : كلهم الا انت يامتعب مااقدر اعصب بوجهك ..
متعب يبتسم : طيب ليه عطيتي الخدامه صندوق ؟
مضاوي : الاني ماعاد ابغااه خلاص ..
متعب : وش فيه ؟
مضاوي تعطيه نظره على جنب وبعدها تشوف الطريق : فيه كل شي لمسته هيفاء ..
متعب سكت ...
مضاوي تقول لصاحب التاكسي عنوان المكان اللي رايحه له ..
متعب : وين هالمكان ..
مضاوي : ههههه بتعرفه ..
وفجاء يصلون للمجمع..كبير..
متعب : هذا مجمع .؟
مضاوي : عارفه لكن كنت بسويها لك مفاجاءه ..
متعب يضحك : طيب وش بنسوي هنا ؟
مضاوي وهي تنزل من التاكسي .. بتعرف كل شي بس تعال ..
متعب وهو ينزل ومندهش من المجمع الكبير ..
ويدخلونه
وتشتري لمتعب اخوها بجايم وبلاس تيشن وكل اللي في نفسه وخلصوا الا يجلسون في احد المطاعم المفتوحه كنتاكي ..
مضاوي : ها وش تحب تاكل ؟
متعب : كل هالاغراض وفيه اكل بعد ..
مضاوي : كنت تتمنى قبل تاكل قطع الدجاج اللي بالبرميل وش رايك تتحقق تامنيتك ..؟
متعب : مضاوي بس خلاص وربي احس اني بحلم ..
مضاوي تضحك : لا منت بحلم انا ناويه اجننك اليوم ..
متعب : صحيح الله اخذ مني امي لكن عوضني باغلى اخت واطيب بنت ..
مضاوي تضحك : انت غااااالي انت الرجال البيت ولازم ندللك ..
متعب : قليتها رجال يعني مو ورع تشترين لي بجايم ملونه ..
مضاوي : هههههههههههههه وياليتك اخذها اخذت بجامات رجاليه اغلى من الي بعمرك ..
متعب فجاء يصدمها بسؤال : انتي مرتاحه مع عماني .؟
مضاوي : بصراحه لا .
متعب : بس احس اني مرتاح ..
مضاوي كويس انك مرتاااح ؟.
متعب : وابيك نعيش عندهم ما ابي اطلع ..
مضاوي وهي تقرب منه : ومن قال بنطلع ..
متعب : احسك منتي مرتاح ..
تتنهد مضاوي : صح ماني مرتاحه الانه الطريقه اللي خذونا فيها غلط ..
متعب : بس عمي عبدالله ومحمد طيبين مره ..وحتى عمي عبد الوهاب طول البارحه عنده ويضحك معي ..
ولا ويضحك يوم يلقلد كلام زوجته ..
مضاوي : ههههههه ابشر لعيونك بحبهم ..
متعب : يالله انا بروح اطلبك على ذوقي بس ها الفلوس منك ..
مضاوي تضحك : طيب ياعم اطلب وانا باكل ..
وبعد ما اكلو وخلصوا مرا السوبر ماركت وشراو اللي يبغونه من حاجات البيت .. ورجعو على الساعه 6
وهي تدخل البيت وهي تضحك مع اخوها وكلهم شايلين اكياس كثيره ..
الا تتفاجاء بعمها عبدالله جالس بصاله .. وعنده شاهي وقباله نوفا ولوه ..
متعب يعطي مضاوي نظره كانها خووف ..
مضاوي تترك الاكياس وتمسك اخواها : لا تخاف انا عندك ..
حست بانه متعب ما يقدر يستقبل اكثر من الصدمات من غير شعور تركت الاكياس وراحت تمسك يده ..
ام متعب يوقف معصب : طالعه من الساعه 3 وين رحتي ..
مضاوي وهي تشوف متعب : متعب روح لغرفتك ..
متعب : بس ..
مضاوي : رووح غرفتك لاتخاف ..
ابو متعب : انا اكلمك ..
مضاوي : عمي نقدر نتكلم بغرفه بروحنا من وهي تشوف متعب اللي مو راضي يتحرك ..
فهم ابو متعب وهو يتجه للمجلس الرجاجيل ..
وتدخل وراء مضاوي :
ام متعب : وين كنتي من الساعه 3 .. ووين جوالك ؟
مضاوي : اولا رحت اجيب اغراض وثانيا جوالي ماعاد لي ..
ابو متعب : بعتيه وجبتي هالاغراض ؟

مضاوي : للاسف توقعك غلط انا رجعته لصاحبته كان لصاحبتي هيفا
ابو متعب وهو يجلس : طيب قوليلي وين رحتي كل هالوقت ..
مضاوي : قبل لا اقول لك وين رايحه ممكن اطلب منك طلب وصدقني ماهو مادي ..
ابو متعب وشكله استرااح : وشهو ؟
مضاوي : لا تعصب وقبالك اخوي متعب تعرف انه توه طالعه من نوبه والسبب الصدمات .. وانا حبيت البي كل شي تمناااه واغير جوه المتكهرب اللي من صدمات..
حبيت اطلعه واتغدى معه .. حبيت اقوله انه الدنيا حلو لو نبي نغيرها .. شريت له اغراضه اللي يتمنااها اللي بعمره ..
ابي اشتري كل شي يتمناا اللي كبره عندهم اللي يتمنون ..ابي يعتمد على نفسه وما ينسى باني حوله قريبه ..

هو ناقص حناان وهو اكثر واحد متعلق بامي .. هذا ذنبي تغضب جدامه .. كل شي بكلام نقدر نحله ليه تتجهون للعصبيه ؟

ابو متعب : المره ثانيه اي مكان تروحين له تقولينه لي وثانيه ممنوع منعا باتنا التاكاسي عندك سواقينا .. وعن قريب بدور لكم واحد .. بس لا تخوفيني عليكم ..
مضاوي وهي تشوف الدريشه : تخاااف .؟

ابو متعب : مضاوي عارف انك ما تبينا ندخل بتربيتك لاخوانك لكن لازم احد يوقف معك.. وانا خايف عليكم ؟
مضاوي : ما يحتاج طول عمرنا عايشين بروحنا وش الغريب الحين وش اللي تغير ؟ غير موتت امي ولا ابوي مثل ماهو مشلولو ..؟

ابو متعب .. متى بتفهميني ؟
مضاوي : انا فاهمه وربي فاهمه بس ياليت انتوا تفهمون انه جيتكم كلها غلط ؟
ابو متعب بعصبيه : وش غلط انتي عارفه وش تقولين ؟
مضاوي : ,,,,,,,,,,,,,,,و

ابو متعب .: ردي علي ؟
مضاوي تعطيه وجها : وقتكم حده متاخر حده متاخر تبي الصراحه انا مو قادره اتاقلم هنا ؟
ابو متعب : المهم اخوانك مو هذا اللي تقولينه ..
مضاوي : ايوه هذا اللي بيصبرني اخواني والبيت تقدر تقول هم ..
ابو متعب : ممكن اعرف الفلوس من وين لك اللي شريتي فيهم .؟
مضاوي : عندي مبلغ صغير ..
ابو متعب : من وين لك يامضاوي انا ماعطيتك لسه الارث ولا عطيتك مصروف .ليه تكذبين على خواتك وتقولين انه اللي شريتي لهم امس كانت مني ؟
مضاوي : ابيهم يحبونكم ...يمكن انا ماقدرت احبكم ..
ابو متعب : طيب من وين لك هالفلوس ؟ وكم بقى منها ؟
مضاوي : قلت لك فلوسي ..
ابو متعب وهو يلوي يدها : ببتكلمين ولا ..
مضاوي : بتضرب يعني ؟
ابو متعب : بسويها اذا مارديتي علي ..؟
مضاوي : واذا قلت لك بايعه نفسي بتصدق ..
ابو متعب الا يرميها بقوى ناحية الجدار . : وش تقولين انتي تضحكين ولا من جدك ..؟
مضاوي : وليه هالحكايه فيها لعبه ؟
ابو متعب : شكل اخواتك ماشين دربك ..
مضاوي : لاا تغلط على خواتي ؟
ابو متعب : مضاوي لا تطلعين العروق اللي بعقلي وقوليلي الحقيقه .؟\

مضاوي تحاول تغيضه: قلت لك بعت نفسي ..
عبدالله ومية جني ينقز براسه : من متى ؟

مضاوي : ليه ناوي تزوجني ؟
عبدالله يمسك زندها: ما اقول نكته انا جاوبيني .ومنووو هو ..

مضاوي : يهمك ليه يهمك امري .؟
عبدالله يصااارخ وهو يهزها :


كان خارج المجلس متعب كان يسمع الصراخ وهو يمسك الدرج خايف ودموعه بعيونه ..
نوفا تركض له وتظمه : خلاص متعب هو يكلمها ..
متعب : هو يهاوشها .
لولوه : ممو على كيفه يصاارخ خلاص انا ماراح اجلس هنا ..
نوفا : وش فيه معصب ..
لولوه وهي تسال متعب : وين رايحين ؟
متعب متسمد بس يشوف باب المجلس وهو يردد: ذبحها ذبحها ..

نوفا : لا متعب لا تقول كذا هذا بس يكلمها ..
ما دروا الا متعب يركض للمطبخ وياخذ السكينه نوفا : وين بتروح تعال ..
لولوه : وش تبي بالسكينه ..
نوفا لولوه : متعب متعب وين رايح تعال وهو يحاول يفتح الباب لكن الباب مغفل .. الا يصيح متعب : افتح اترك مضاوي اتركها خلاص انا ما احبكم ..
نوفا وهي تبعد السكين عنه وتضمه ::
لولوه تطرق الباب تبكي : تكفون خلااااااااااااص


اما بداخل ::
عبدالله : مو غريب نفس امك باعة نفسها وشرفها وبعد ما ظربها وهو يقول : من بكره تدورون بيت لكم تسمعين...!!!

مضاوي تبكي من ظرب عمها وتشوفه يطلع من الباب الا تشوف خواتها ومتعب جالس وعيونه كلها بكي ..
وهي تصيح كان شكل مضاوي مريع شعرها مفلول وجالسه وشكله كان ماسكها مع شعرها .. وظاربها كف ..

نوفا تبكي : وش فيك مضاوي ردي علي ..
مضاوي وهي تجلس عدل : مافيني شي | تمسح دموعها وتوقف وتقرب من متعب

مضاوي : متعب مافيني شي انا بخير ..
متعب يطالعها من غير ما يتكلم ..
لولوه : وش قال لك ..
مضاوي : هئ لازم نطلع من البيت من بكره ..
نوفا : انتي وش تقولين ؟
مضاوي : هو قال كذا ..
لولوه : طيب ليه ؟
متعب : وين بنروح يامضاوي .؟
مضاوي : ارضى الله واسعه يامتعب هذا انت شفت بعينك كل شي ..
نوفا : بفهم ليه يعصب طيب ؟
مضاوي تمسك خدها : لمووضوع بيني وبينه ..
لولوه .. ومن وين لنا الفلوس للاجار ماعندنا ؟
مضاوي : كل شي بينحل لكن ابيكم الحين تجمعون اغراضهم بنروح من البيت ..
نوفا : ما جلسنا فيه ثلاث ايام ؟

مضاوي : عارفه انك فرحانه لكن لازم نطلع .. وهي توقف وتروح لغرفتها وتغفل على نفسها البااب وتجلس تصييييييييييييح بقوى تصييييييييييييييييييح .....
من ضرب عمها تمنت لو قالت الحق واعترفت بانه هالفلوس فلوس الاجار اللي كانت خاشته قبل لا تعرف عمها ..
بس حبت تعرف مصرهم لو صارت مشكله اكبر من هالمشكله ..
وجلست ساعه الا تسمع صوت الباب ينطق ..
لولوه : مضاوي ردي علي ياقلبي ردي ..
نوفا : ماراح ترد عليك خليها لين تهدى ..
لولوه بخوف : وين بنروح ..
نوفا : يمكن لبيتنا القديم ؟
لولوه : ما اظن ..
نوفا : وش نسوي الحين ؟

لولوه : وينه متعب ..

مضاوي وهي تسمع صوتهم ..
نوفا : اخر مره شفته تحت وبعدها لجست معك بالغرفه ..
مضاوي وهي تقوم وتفتح الباب بسرعه وعيونها منتفخه من البكي : وينه متعب ؟
نوفا : مدري وهي تشوف منظر اختها المحزن .
تركض مضاوي لغرفة اخوها الا تشوفه جالس وشكله نايم بسريره وهي تروح تهزه متعب متعب قووم وهي تصيح تخاف انه جته نوبته ومحد حس فيه ..
متعب : ها ..
مضاوي وتحط يدها بقلبها وتتنهد : الحمدالله يارب..انك بخير ..
متعب : انا بخير بس كنت تعبان ونمت ..
مضاوي وهي تضمه : لا تخوفني .
لولوه : انتي ليه مهتمه كل الاهتمام لمتعب ؟
مضاوي : انا مهتمه بالكل مو بس متعب ..

نوفا : طيب ليه عمي فجاء قال اطلعوا وهو اللي عطانا البيت ..
مضاوي : ................

وتعطيهم ظهرها وترجع للغرفه وتغفل على نفسها ..وتمر الساعات الى ان وصلت الساعه 9

الا تدخل عليهم ام متعب وام ناصر .. ويشوفون شناط .. ويشفون متعب وخواته التوام حطين شناطهم ..

ام ناصر : وين بترحون ؟
لا نوفا ولا لولوه جاوبن على سؤالهم وكل وحده تشوف الثانيه ..

متعب : بنطلع من هنا .

ام ناصر : ليه طيب ؟

نوفا + لولوه .. : اسكت يامتعب ..

ام متعب : طيب ليه ردوا علي ..
لولوه : اظن اعرفين ..
ام متعب : اعرف وش ؟

لولوه : ماراح نتكلم كل الحكايه راح تعرفونها بكره ..
نوفا : متعب تعال ادخل غرفتك استريح ..
لولوه : متعب خلصت اغراضك ..
متعب : ايوه كل اغراضي حطيتهم بالشنطه ..
نوفا : انا سويت اغراضه لا تخافين ..
ام ناصر وهي تمسك نوفا : وش تقول اختك ذي ؟
نوفا وهي تشوف لوولوه : اسفه كل اللي اقدر اقوله

ام متعب : تتاسفين على وش ؟
متعب : كلبونا بمطلع من البيت عمي عبدالله طردنا ..
ام متعب : كيف يطردكم ؟؟
ام ناصر : انتوا اعيال اخوه وماصدق انه شافكم ..؟

نوفا : ظرب مضاوي وقالها بكره تطلعون من البيت .؟
ام ناصر : عبدالله اخوي مستحيل يسويها وش مسوين ؟.؟
لولوه : يعني لازم نسوي شي شوفي زوجها المصون ليه قال كذا اصدق يعني ماتعرفون ؟

ام متعب : لا والله ابو متعب من العصر ما شفته مشغول ولا خبرني بشي ..
ام ناصر : انا بروح لمضاوي ..

متعب يوقف على الدرج يمد يدينه : لا تروحين خلي مضاوي ترتاح من الصبح تعبانه ..
ام ناصر : لازم اكلمها واعرف السالفه ..

نوفا : لا تتعبين نفسك يا عمى ماراح تفتح الباب ..
ام متعب : طيب وش السالفه .؟

لولوه : اللي نعرفه انه عمي ظربها المغرب وقال لازم تطلع ..
متعب : عشان راحت معي للمجمع وتغدينا هناااك

ام متعب : لا هذا مو سبب يعصب فيه ابو متعب اعرفه زين ..
ام ناصر : خلني اروح فووق ..
لولوه : صدقيني ماراح تفتح لك اجلسي لين تهدى بتنزل تحت ..
ام متعب وهي تاخذ تلفون البيت وتتصل على ابو متعب تبي تعرف السالفه ..



وفي مكان ثاني كانت مضاوي تدور رقم بين الاغراض اللي تدور عنها واخيرا لقتها بشنطتها رقم ماراح تتوقع منه الا كل شر بس هذي الحيله الوحيده اللي تقدر تبتعد عن عمانها ...
اللي عرفت باي مصيبه راح يدردونها ويدردون اخوانها من البيت ,,

واخذت الكرت وتبي تتصل لكن ماعندها نقال وراحت عند احدى الغرف وشافت فيه تلفون ..
الا تسمع عمتها ام متعب تكلم زوجها عبدالله وكانت خد البيت موصل بكل البيت حتى بالتلفون الموجود بالغرفه اللي اقبال غرفة مضاوي ..
وتسمع الكلام والمفهوم انه ام متعب ما تعرف سبب الطرد والهوشه وتسمع ابو عبدالله يقول سالفه وخلاص انا مشغووول .. وماعطااها شي وغفلت التلفون

الا تمسك مضاوي التلفون وتتصل بالرقم ,,

الرجل : الووو
مضاوي بصوت واطي: السلام عليكم ..

الرجل: وعليكم السلام من معاي .؟
مضاوي : معك مضاوي .؟

الرجل : مضاوي منوو؟

مضاوي : بنت اختك ناديه ..
منصور : هلا فيك .
مضاوي : بصراااحه ..وتسكت ما تدري هي سوت شي صح او غلط ..

منصور : اسمعك ..
مضاوي : بصراحه ابي منك خدمه وابيك تساعدني فيها ..
منصور : وين عمانك ؟
مضاوي : انا اتصلت عليك ..!! يعني ما تنفع انت ؟
منصور : وش عندك .؟
مضاوي : ابيك تدور على بيت لنا ..
منصور : وليه طلبتي منا ..؟

مضاوي : مدري طلبت منك لكن اعرف انك تقدر تدور لنا بيت ..
منصور : عشان عندي كم فلس تبغين تستغليني ؟
مضاوي : شكرا ما قصرت وانا غلطانه اتصلت عليك ..
منصور :لحظه وش فيك يا مضاوي ؟
مضاوي : انا ما جيت ابغى فلوس ولا ابي منك الا تساعدني القا بيت .. عماني اللي تقول عنهم اطردوني مع اخواني وابي بيت يظمني انا واهلي ؟
منصور : وليه طردوك ..
مضاوي : بتساعدني ..؟
منصور : انا سلمتكم ومهمتي انتهت ..
مضاوي : يعني افهم منك انك منت مساعدني ؟
منصور : قلت لك مهمتي انتهت ..
مضاوي وهي تغفل الخط من غير ما تقول مع السلامه ..
وتجلس بغرفتها تفكر وش تسوي الساعه 9 وين اروح مافي الا حل واحد اني اخرج الصبح وادور لي شقه صغيره .. غرفتين وحمام ومطبخ ..

الا تسمع الباب ينطق ...
ام ناصر : مضاوي يابنتي افتحي الباب..
مضاوي مالها خلق لهم تسكت ما تتكلم .. وعجزوا يدقون ماردت عليهم خلاص تحس الارض بتخنقها .. وهي تقول : لو عرفوا بالكذبه والله ما يطقون الباب ..
عارفه اني كذبت وعارفه اني غلط لكن لازم اعرف مصيرنا وهذي مشكله من غير ما يتاكدون بيطردونا .. الله يستر بكره لا مات ابوي وش نسوي ؟

نوفا : مضاوي ردي علي صدقيني راحوا خلاص ردي علي ...
مضاوي تفتح الباب من غير ما تتكلم .: ها وش تبين انتي بعد ؟

نوفا : ما ابي شي بس خلاص شوفي وجهك مات من البكي ..
مضاوي : ومن قال لك ابكي ..
نوفا : ام متعب تحت مع ام ناصر وشكلهم ناوي على عمي نيه الله يستر منها ..
مضاوي : بكره الصبح بنمشي من هالبيت ..

نوفا: وين بنروح ؟

مضاوي : المهم نلقاء مكان نرتاح فيه من غير مشاكل ..
نوفا : وعماني ..
مضاوي تعض على اسنانها : اطردوك .خلاص انسي انه عندك احد بدنيا هذي غير اخواتك وخوك متعب ..


نوفا : خلاص فهمت ..
مضاوي : وين لولوه ومتعب ..؟
نوفا : متعب بغرفته راح ينام ..ولولوه تحت عندهم ..
مضاوي : ماراحوا ؟
نوفا تهز راسها بالنفي ..

مضاوي : فهمت خلاص بسوي لكم العشا لا تخلين متعب ينام من غير ما يتعشى وهي تنزل تحت الا تشوف لولوه جالسه بروحها ..
مضاوي : ما اشوف عندك احد ..
لولوه : اسكتي مدري وش فيهم وربي ما بغوا يرحون بس يسالوني وانا من جد ماعرف وش السالفه ؟؟
مضاوي : بيعرفونها يوم يرحون لبيت عمي ويخبرهم ..

لولوه : بس السالفه سخيفه عشان رحتي مع متعب يعصب ويطرد هذي لو صايره مصيبه كبيره وش بيسون لنا .؟
مضاوي : هههههههههه قومي بلا هذرا ساعديني على العشا ...

لولوه : وجهك متورم كثيييير ..
مضاوي تفتح باب الثلاجه : خليك منه وطلعي لي القاعده للطماط بقصه ..

وتمر الليله على الكل وجت الساعه 12 ومحد نام البيت .. لولوه ونوفا يتحاورون وش راح تسوي مضاوي بكره ووين بيرحون ..

نوفا : اقولك اسكتي ترا وربي لجيتي راسي ..
لولوه : حرام شفتي وجها متورم ؟
نوفا : شفته وياليتني ما شفته وربي وصابره ..
لولوه : تتوقعين خالي منصور يجي ياخذني ويرميني مره ثانيه هنا ؟.
نوفا : انتي لا ترجعين للخراب وربي ما راح يصير فيك شي ..
لولوه : جد خايفه ..
نوفا : انتي ما صدقتي انها تروح عنك السالفه ..
لولوه : اي والله ..




الباب يطرق ..
مضاوي عيا النوم لا يجيها : منووو ..
متعب : انا ..
مضاوي عليها بجامتها على ميمي ماوس .. وتفتح الباب ..
مضاوي بذعر : فيك شي ؟
متعب : لا مافيني شي بس ما قدرت اناااام ..
مضاوي وهي تضمه تعال نام معي وهي تفتح سرير ليلى اللي مجهزته لها وتنوم فيه متعب وتنام ..




يمر الوقت وساعات الليل الثقيله اللي مرت على الجميع اولها ابو متعب وقراره الصعب اللي قاله بلحظه ضعف ..
وبين مضاوي اللي تانيب الضمير يوجعها بانها كذبت وانه بكذبتها هذي راح تضيع نفسها واهلها بعد ..
وهي تحاول تنام ويالله قدرت تناااااااااااااااااااااااااااااام ..


صوت المنبه يصدو صوته وصوت العصافير تغني معلنتا صباح يوم جديد ..
تصحى مضاوي وتدخل الحمام كرمكم الله وتوضى وتعدل سجادتها وهي تصلي وباخر ركعه تبكي وتدعي بانه الله يسهلها بدربها ..

الا تشوف الباب ينفتح ..
نوفا وهي تجلس برف سرير مضاوي وتشوف متعب نايم بالطرف الثاني من السرير ...
مضاوي خلصت من صلاتها وهي تشوف نوفا : وش فيك ..
نوفا : تقبل الله طاعتك ..
مضاوي : منا ومنك صالح الاعمال وش فيك صاحيه ؟
نوفا : ما جاني نوم من البارحه مو قادره .... ما قدرت تكمل الا تنقز بحظن اختها وتبكي ومضاوي ما شلحت ثوب الصلاة ..
وتجلس تضم اختها :: نوفا خلاص لا تبكين ..
نوفا : بنرد مطردين من غير بيت ولا سند يستحملنا .. من غير احد يوقف معنا ..
مضاوي ترفع راس اختها : يكفي انه الله معنا ..
نوفا : ونعم بالله بس وش نهايتها يامضاوي كل يوم ببيت وكل يوم متشردين وماعندنا فلوس


مضاوي : بيحلها ربك ولا تخافين وطاري الفلوس انا عندي كم فلس يكفي ناجر شقه ..
نوفا : وش شقه شقه من غير اثااث ؟
مضاوي : بنحلها يا نوفا ربك معنا ..

لولوه : يالله خلص الفطور ..وهي تشوف نوفا بحظن مضاوي

لولوه : الحمدلله والشكر وانتي لحد الحين تبكين ياختي فليها واخيرا بناخذ الحريه يالله انا سويت فطور صحي متعب ويالله بني نتفطر قبل لا نطلع من هنا ..
والكل يقوم ويصحون متعب ويتفطرون ويخلصون ..

مضاوي : يالله الكل يلم اغراضه بتصل على التاكسي يجي ياخذنا ..
متعب : الساعه كم ؟
مضاوي : الساعه 8 الصبح ..
متعب : وليه نروح مبكر ؟
مضاوي : عشان نلقى بيت على الظهر قبل الليل ..
متعب : ووين راح نعيش ..
مضاوي : بمكان اكيد راح تحبه ..
يبتسم متعب وهو يحمل اغراضه والكل يحمل اغراضه وحتى مضاوي تسحب حقيبتها وهي تلبس عبايتها الا تشوف عمها عبدالله وعمها محمد ..


مضاوي وهي منصدمه منهم ..
محمد : يعني بتروحين من غير ما توادعينا ..
مضاوي : عمر المطرود ما يودعوونه وليه يودع وهو ومطرود ..وهي تعطي نظره حاده لعمها عبدالله
عبدالله : مافي طلع خلوا اشناطكم ..
مضاوي : لا بنطلع ..
عبدالله : شكل وجهك ما شفتيه من البارحه ..
مضاوي : شفته وعرفت درس علمني هالكفوف عدل ..
محمد : وش سويت بوجه البنت ..؟
عبدالله :قلت السالفه لك ..
محمد : مهما كان ما تسوي كذا تضربها ..
مضاوي : متعب نوفا لولوه يالله مشينا ..
محمد يمسك معصم يد مضاوي : هدي يابنتي واسمعيني ادري انه عمك عبدالله عصب وما عصب الا من هول الصدمه اللي سمعها كان قلتي لنا نبي فلوس ونعطيك من غير فضايح ..
مضاوي : ومن قال اني بعت نفسي << وهي تطول صوتها تبي عمها عبدالله يسمع ..

محمد بصدمه : اجل وش سويتي ؟
مضاوي : كل الحكايه كنت ابي اعرف لو صارت مشكله هل راح نضيع وتطردونه واثبتت كل ظنوني اننا غير مرغوب فينا واي مشكله راح نطرد ..
وانا ابيض من القطن وماعندي هالخرابيك لكن احب اعلمك ياعمي الفلوس كانت افلوس اجار بيتنا القديم اللي انت سددة فاتورته وباقة عندي فلووووسه اللي كنت خاشتهم
حبيت اونس اخوي ويوم سالتني قلت خليني اجرب واشوف بيسالون اولا وعرفت بكل سهوله حنا غير مرحب فيه بينكم ..



عبدالله .بصدمه وهو يقريب منها : تكذبين علي ؟
مضاوي : اي كنت اكذب وانا بنت شريفه والقهر انك ظربتني من غير ما تتاكد يعني بسهوله لو يقولون لك بكره مضاوي بنت اخوك سوت كذا بتطردنا ولو هي اقل مشكله راح تطردنا ..

عبدالله : وليه خليتيني اضربك هالضرب ..
مضاوي وهي تعطيه ظهره وتصييييييييح : كنت ابي اكرهكم اكثر واكثر ما ابيكم اكرهكم اكرهكم ...
محمد يقرب منها : هدي وين بتروحين يابنتي اجلسي هذا بيتك ..

مضاوي : بيتي وبيت اخواني هناك هذا مو بيتي هذا البيت اللي انطرد منه ابوي والحين انطردوا منه اعياله ..
وهي تمسك شنطتها بتطلع الا عبدالله يمسكها ..: ماراح تطلعين اقولك ..
مضاوي : الا بطلع ولا انا ولا خواتي بنجلس هنا ساعه اكثر ..


(( وش فهمتوا من هالجزء وشش الاحداث اللي اجذبتكم ؟)))



توقعاتكم بالجزء الثاني عشر ؟ << لا تقل عن سبع اسطر هع ..
عارفه هالجزء ما طلعت فيه ليلى وثامر لكن الجزء الجاي لهم بروحهم هع


الموعد القادم الثلاثاء ..


قصتنـــــــــا في اولــــــــهـــا ..
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل
انـــــــــجال ..

تعليقاتكم ياحباايبي عساني ما انحرم منكم

ابغى الرد على التوقعات او خلصتهكم للجزء

نتواصل انجال