الجــــــزء الثــــــــــــــــــامن
----------------------------


الا تسمع صوت البااااب يدق ..
مضاوي : من يدق بهذا الوقت ..؟
نوفا : ما ادري انتي قايله لاحد يجي بهذا الوقت ..
مضاوي : لا ..
نوفا : وش بتسوين بتفتحين الباااااب ؟
مضاوي : اكيد لا ..
ويدق البااااب صوتا يعلى كل مره ..
نوفا : مضاوي انا خااايفه ..
مضاوي :لا تخافين .. انا معك ..
نوفا : طيب شوفي منووو ..
مضاوي : طيب ...وهي توقف خلف البااااب :: منووووووووووووووو

مضاوي وهي تلتفت لاختها الخايفه : نوفا ما اسمع شي انتي تسمعين ..؟!!
نوفا : لا ما اسمع ..؟
الا الباب يطق اقوى من قبل ..
مضاوي وهي تقرب اكثر واكثر ..: من وراء البااب ..؟
الا صوت ولد صغير .. : انا
مضاوي :انت منوووا ؟
الطفل : انا يوسف ولد ام وليد ..
مضاوي وقلبها يتطمن .وهي تفتح الباب : هلا يوسف فيك شي ..؟
يوسف : لا بس امي تقول اخذ هذي طعمه ودها لبيت ام متعب صاحبي وتسال تقول اشلونكم واذا محتاجين شي تعالوا لي ..
مضاوي وهي تاخذ الصحن منه : مشكوووور يايوسف قول لامك يعطيك العافيه وحنا بخير وابشري اذا نبي حاجه بنقول لها ..

ويوسف يلف ظهره ..
مضاوي تناديه : لحظه يوسف شنو طابخه امك اليوم ؟؟
يوسف : افتحي القصدير وبتشوفينه ..
مضاوي : وهي تحط الصحن على اقرب مكان ثابت وتفتح القصدير الا تشوف نص الصحن معكرونيه ونص رز بخضار وكان الصحن كبيييييييير يعني يكفي لطبقين ..
نوفا :: يم يم اكل ..
مضاوي : جزااها الله خير على هالطبخه جد جت بوقتها وانا ميته جووووع ..
نوفا : وانا اكثر منك يادبه ..
مضاوي : بحفظ شوي لابوي لاصحه ..
نوفا : طيب لا تتاخرين انا جوعاانه موووت ..
مضاوي وهي تبتسم : طيب طيب ..
نوفا وهي وهي تدخل المطبخ تسااعدها في وضع الماااء والسفره والمعالق ..
الا تسمع صوت بالخارج وتحديدا بالصاله ..
نوفا بخوف : مضاوي في احد بالمجلس ..؟
مضاوي وهي تنتبه لها : وش تقولين ..! انتي تتهيئين ..؟
نوفا : انتي ما غفلتي الباب الخارجي لا يكون السكران عيسى جاء ..؟
مضاوي وهي بيدها سكينه : اجلسي هنا بشوووف وانتي سكري الباب عليك ..
نوفا : لا برووووح معك ..
مضاوي : قلت لك اجلسي ..
نوفا وهي بدات تبكي : ما بقى الا انا وانتي خلينا يانموت سوا او نحيا سوا انا ما اقدر اجلس بروحي ..
مضاوي وهي تضربها على راسها وتضحك : وانتي ما عندك الا هالدمووع ماشاءالله ما توقف ..!
نوفا وهي تدمع عيونها : للاسف ماعندي الا هالسلاح ..
مضاوي : يالله اخذي عصا المكنسه وانا السكين ..
نوفا وهي تمسك العصا المكنسه : طيب يالله ..
مضاوي وهي تفتح الباااااب المطبخ :: الا تصارخ :::: في احد ..؟
نوفا : والله شاطره يعني بيطلع الحرامي ولا السكير عيسا ويقول اي انا موجود ؟؟
مضاوي : وش عرفني بحركات الحرامي ..؟؟
نوفا : تصرفي ياحظي ..؟
مضاوي : طيب طيب .....
وهي تطلع خطوه عن باب المطبخ وهي تبحلق عيونها الكباار اكثر مماهم عليها ...:.منوووووو

الا تسمع صوت قرقعه بالحمام .. وهي تتجه للحمام الا تشوف ذيك القطوه اللي عفست الصاله وداخله الحمام كرمكم الله ما تعرف كيف تطلع من العفيسه اللي حولينه ...

الا مضاوي تبغى ترعب نوفا سوت هالحركاه ... نوفاااااااااااااااااااا الحقيني الحقيني اختس بتمووووووووووووت لا تطلعين بيذبحك عيسى ..

الا تسمع مضاوي بااب المطبخ يغفل بصوت عالي : الا صوت مضاوي تضحك بقوى تحس من زمان ما ضحكت كذا ..
الا تقول يؤؤؤ وهذا وهي تقول بنمووت سويه تسوي فيني كذا وتغفل الباااب يهبببب جيده هههههههه ولا وماسكه مكنسه تقول بتدخل الحرب معي وهي واقفه ما تحركت من مكااانها ول عليها ..
وهي تفتح باب الحمام كرمكم الله تخلي البسه (القطوه تطلع منه الانه المسكينه توهقت ماعرفت تطلع ههههههههه )..

الا تقرب من باااب المطبخ وتدق البااااب بصووت خفيف ومن غير ما تتكلم ..

نوفا بخوووووف وهي تصفق اسنانها وترقص : تكفى عيسى لا تذبحني تكفى ..
مضاوي من وراء الباب ميته ضحك وهي تستمر بالطرق البااب .. ..
نوفا ترتجف بصراخخخخ : يبااااااااا مضاووووووي وينكِ مضااااوي ..
مضاوي اللي خلاص افضحتها ضحكتها وجلست على الكنبه وفجرتها ضحتها بصوت عالي : ههههههههههههههههههههههههههههههههههههههه اطلعي يالخواافه اطلعي ..

نوفا وهي تفتح الباب بشويش : وين عيسى ؟
مضاوي وهي تكمل ضحكتها : هههههههههههههههههههههههههههههههههه
نوفا : وشهوو السالفه كلهاااااااااا كذابه ؟؟
مضاوي : ههههههههههههههههههههههاي يابطني وربي من زمان ما ضحكت كذا ..
نوفا : طيب طيب يامضاوي مردوده ..
مضاوي : يالخوافه تقولين بتدخلين معي للموت اثريك جباانه طلعت قطوه وضايعه بالبيت ..
نوفا : يما قطوه وش دخلها ..
مضاوي : شكلي نسيت بااب البيت مفتوح وانا اخذ الاكل من يوسف..
نوفا : اجل بروح اغفله لا تدخل علينا قطوه جديده ضاايعه ..
مضاوي : خلاص روحي غفليه وانا بروح اسوي فراشنا عند ابوي الانه ماحدن عنده ..
نوفا : بسرررعه سويه الاني جيعااااااااااااااااااااااانه بقوى ..
مضاوي : طيب طيب روحي غفلي البااب بسرعه..
نوفا : خلاص كم مره تامرين علي فهمت بروح اغفله ..

وهي تطلع من المطبخ .. متجه للبااب الرئيسي بتغفله الا ذاك الرجال الطويل يطلع بوجههاا .الا ترتبك:: .. أأأأأأأأأأأ الا تصارخ مضااااااااااااااااااااااااااااااوي ..
مضاوي ترد عليها وهي مو داريه وش شافت وهي ترد عليها : اقووووووووووول نوفا العبي على غيري ..
نوفا من الصدمه ماتحركت بس صارخت تنادي مضاوي ..

ابو متعب : بس انا ماراح اضرك ..
نوفا : م م م م ضااااااااااااوي والله ما اكذب تعالي ..
ابو متعب الا يطلع خلفه ابو مشعل وابو حمد ..

نوفا من الصدمه تيبست في مكانها والله يمكن شبر واحد ما تحركت وهي ترجف كيف وثلاث رجاجيل شياب داخلين بيت مافيه الا بنتين بعمر الزهور

.ماعرفت وش تقول او وش ترد عليهم حست بدوار الدنيا وحست انه مصيرها قريب وانه الموت يناديها تحسبهم حراميه ناااوين على شي قذر ....

نوفا وبصرخه : اااااانتوووو منووووو ..

ابو متعب : لا تخافين يابنتي انا كنت بطق الباب بس شفته مفتوح وانتي جيتي بوجهي ..
نوفا : مضااااوي والله ما اكذب تعااااااااااااااااااااالي بسسسسسسسسسسرعه ..
مضاوي وبيدهها الوسااده وهي طالعه من حجرت ابوها : لا تكذبين ترا لعبتك معـــروفــــــا .. الا ترفع راسها الا تشوف الرجاجيل واقفين قبال اختها نوفا الا الوساده تطيح من مضاوي ..
مضاوي : انتوووا منوو ومن سمح لكم تدخلون .وش تبغوون . وهي تدور شي تحطه على راسها يغطي بجامتهاوشعرها ..

ابو متعب يتقدم لها :انتي مضاوي اجل سبحان الله تشبهين سميتك كثييييير ..
مضاوي : انت منو او باالاجماع انتوا منوووا ..
ابو متعب : منتي خايفه منا ..؟
مضاوي وتمسك جوالها بيدها بعد ما اخذته من الكنبه من غير ما يحس
: انت كيف تسال هالسوال وانت داخل من غير استاذن اكيد خاااايفه لكن تعودت على المصااايب .... وترد عليه بلغه صاارمه : وش تبغوووون فينا ..!!
ابو متعب ..وهو ياخذ الجوال بكل بسااطه منها : عارف بتتصلين على الشرطه لكن بيقولون لك كيف عم يتهجم على بنات اخووه ..
نوفا بصدمه : كيف عماني اصلا ماعندنا عمااان ولا قراااايب .,
مضاوي :اظن سمعت اللي قالته اختي .. ماعندنا قرايب يعني تفضلوا وهي تاشر على الباب ..
ابو مشعل بعصبيه : تطردون اخوان ابوك اللي ايبين يشوفونه ..
مضاوي :: للاسف كنت اتمنى شوفتكم بوقت ابكر من كذا وبزمن اصغر من كذا لكن مالكم نصيب .. وهي تفتح البااب ..
ابو حمد : تطردينا من بيت اخوي قبل لا نشوفه ..؟

مضاوي : للاسف اللي اعرفه ومن جيت على هالدنيا وانا اعرف ابوي ما عنده اخوان كيف بعد 24 سنه يطلع له اخوان فلم هندي هو ؟؟
ابو مشعل : احترمي نفسك وانتبهي من تكلمين ..

مضاوي : محترمه هالشيبات اللي بلحيتكم بس ولا غيره وش احترم فيكم .. صدكم _ قسوتكم _ ظلمكم _ بخلكم _هجرانكم لاخوكم ..!
كنت اتمنى يكون لقا العايله بضروف احسن من كذا لكن لااسف جيتوا متاخرين ..
تمسك اختها نوفا وتسحبها لجنبها : ومثل ما تشوفون ما بقى من عايلته الا ثلاث اشخااص بس ..نوفا _انا _ متعب ..بس ..

ابو حمد : ابوك وينه ..؟
ابو مشعل : خلها يا عبد الوهاب بتفااهم معها ..
مضاوي : لا تتعب نفسك بتفاهم .. بتسال عن اخوك الحين للاسف جيت متاخر حيييييييييل متاخر ..
ابوو مشعل : شووفي يامضاوي انتي ما تعرفيني يوم اعصب واطلع عن طووري لا تلفين وتدوري وتقولين الغااز ما نفهمها .! سالنااك سؤال جاوبي عليه بسرعه ..
وا!ا انتي بتعلمينا هذا اللي ناقص..

نوفا بخوغ : ابوي بالحجره بغيبوبه ..
مضاوي تلتفت لها : انتي اسكتي محدن طلب منك تتكلمين ..

ابو متعب وهو يدخل الغرفه اللي خرجت منها مضاوي ..
مضاوي توقف بوجهه : وين رايح ..؟
ابو متعب :....................
وهو يدخل اوب الغرفه الا يشوف اخو نايم بسرير حولينه ادويه واجهزه للتنفس ..وينصدم ويوقف ..
مضاوي : بس لهنا وبس تعديت حدودك وانا ماراح اسمح لك او لكم تدخلون اكثر من كذا وهي تبكي ,
, اصلا انتوا ما جيتوا هنا الا جاااين تتشمتوون بابوي وهي تصارخ اكثر ...
ابو حمد : يابوك ماجينا نتشمت ولا جينا نظلم احد حنا جينا نلم اعيال اخوي وناخذ اخونا ..
نوفا : جد ..
مضاوي وهي تعصب : كذب على الناااااس كلها الا علي لا تكذب .. عيونكم تقول شمتانين باخوكم .
. وينكم وينكم يوم صحته يوم ينادي على كل واحد .. ويعلمنا على اساميكم .. وكان يتمنى يشوفكم
قبل لا ينشل وقبل لا يطيخ بالغيبوبه

ابو متعب بعصبيه وهي يندفع بوجها : منوووو الكذاااااااااب ..؟
ابو مشعل وحمد يمسكونه : حدي ابو متعب هدي ..

مضاوي : كلكم مو بس انت جاي تتشمت على اخوك .. اكيد تتمنى انه يموت على الاشيااء اللي فشلكم فيها وسبب لكم مشااكل ..
حرام عليكم والله حرام .. والحين جايين تكملونها بابوي ..
ما يكفيكم انه امي ماتت وتاختي بالسجن مظلومه واختي الثانيه مدري وين مصيرها وين راضها والحين جاييين تكملونها بابوي ..
تكفون خلااااااااااااااص يكفي انه متعب اخوي بالمستشفى من الصدمات
طايح وش بقلى لنا .. ناوين تذبحون ابوي مثل ما ذبح منصور اخته .. ناوين تكملونها وتذبحون اللي بقى لنا ..
يكفي اللي شافه بدنيااه يكفي تعذب بدنيا كثيييير يكفي انه انطرد من اهله وعزوته

يكفي انه ما نساكم ويتعذب بذكراكم وبعدها انشل وهو يتمنى بس شوفتكم والحين طاح بغيبوبه وهو يسال عنكم ..!!
خلاص تكفون ارحمونا وكفونا من شركم .. وخلنا نعيش بسلام من غير عرق ام او ابو .. يكفي اللي جانا من الدنيا يكفينا .
. وهي تطيح بالارض مهزوووم على امرها ..
نوفا تجلس جنبها وهي تضمها ...
يجلس ابو مشعل جنبها : مضاوي حنا جينا نلم الشمل اللي فرقنا ما جينا نشتم ولا جينا نتشمت على قولتك
.من قبل ودنا نلم الشمل لكن الظروف اقوى منا ..
ابو متعب يقاطعه : وهذا حنا جينا بعد ما سمعنه بانه اختك ليلى بالسجن واختك لولوه عندنا تطمني ..
ومتعب باذن الله بيتشفى وترجعون مثل ما كنتوا .. وابوك وهي يصر ويكرر الكلمه ..
ابوك قبل لا يصير ابوك هو اخوي اللي جابته امي وابوي .. وعمر الدم ما ينخلط يا مضاوي .
. ما ينخلط مثل الزيت بالماي .. ما يفترق ..
مهما بعدنا بترجع صدقيني بيرجع كل شي على وضعه ..
مضاوي ..................

ويكمل : صحيح افترقنا سنين .. لكن السبب مو منا السبب انتي اكيد عارفته والكل عارفه وصية ابوي اللي ما نقدر نعصيها .
. لكن بعد ما سالت عنكم عرفت انكم غيرتوا بيتكم القديم .. من 6 سنوات وانقطعت اخباركم ؟ ماعرفنا وين نشوفكم .. صدقيني انه سالنا عنكم ..
حتى لو ما يدري ابوك وماعاد نعرف وش صار فيكم
حتى ما عرفت انه اخوي عبداللطيف مشلول الا من اختك ليلى ولولوه ..
والله لو ادري من قبل 10 اسنين كان ما تردد ساعه في وجودي هنا ..

بتقاطعه مضاوي ...........لكن ..
يقاطعها : خليني اكمل واسمعيني وبعدها عاتبي على كيفك .. وهو يجلس على سرير اخوه وهو يشوفه مدود من غير حركه ووجهه كلها ملامح الكبر وهم وضيقه ..
وهو يكمل .. ما تردد ساعة بوجودي هنا لكن ظنيت انه عايش حياته وعرفت قبل لا 6 سنوات
انه باع بيته ولا اعرف وش السبب لكن قبل 10 اسنين عرفت انه كان يشتغل سواق للمدارسات ..
وانه جاء لابوي مره يبي يتساامح منه .. وابوي اطرده من غير ما يسمع او يعرف وش اخباره .
. ومن يومها مدري وش اخباره غير انه باع بيته اللي قبل يسكنه .. ومن هنا انقطعت اخبار ابوك ..
وماعاد ندري وش علومه ..مات ابوي وكتب بوصيته انه ما يدفنه عبداللطيف ولا يقرب من جنازته ولا له حق بالمصيب ..

مضاوي وهي تشهق : ليه ظالم ابوك ليه ظلم ابوي ..
ابو حمد : اسمحلي يابو متعب .. وهو يرد عليها جدك يامضاوي رجل شديد وشايب .
. ويومها ابوك كان شاب وطايش بشباابه يسرق عاصي لاكلام جدك .. مايرد له اي اعتبار .. ومفشلنا بالجيران
حتى بناتهم مو سلمين منه ..
ويومها كانت امك جيرانا من خلف البيت واثري ابوك كان لاعب عليهها دور انه بيتزوجها ... وفضحنا بالمصيبة امك يوم جابها اخوانها لنا بيذبحونها لو ما صحح ابوك غلطته ..
وخوالك يومها قالوا ملكه وبعد اسبوعين يطلقها الانه كانوا ناوين علة امك نيه الله يعلم فيها ...
وبعد ما ملكوا ابوك ما تحب سرق من بيت جيراننا الي قدام بيتنا مجوهرات العجوز المريضه .. وكل البصمات بصماته ..
وباليوم هذا اامك انحاشت من البيت ومحدن عرف وين مكانها وابوك بعد كم
يوم انسجن ولا خبرن عن مكان الذهب... وانسجن سنتين ..

وعرفنا بعدها انه اجر لامك شقه من فلوس الذهب .. وعرفنا انه جته بنت وهو بالسجن .. وطلع من السجن يبي يتسامح من جدك وطرده قبل لا يشرح ظروفه ..
وسسكن هو وامك وانتي وكانت امك تشتغل خياطه .. وابوك يدور وهذي السالفه اللي ما يعرفها احد منكم ..

ابو متعب يقاطعه : وهذا دليل يكفي انه نسال عنكم ونعرف وش اخباركم لكن بعد ما سوا ابوك حادث غير البيت الانه التكاليف اكثرت واخذتوا هذي الشقه اللي بدور الارضي ..

مضاوي وهي تبكي : بس بس بس وهي تمسك راسها وتبكي ..
نوفا : مضاوي جد الكلام اللي اسمعه .؟
مضاوي وهي تلف على اختها : لا اكيد مو جد ه1ي من تاليفاتهم ابوي اشرف من كذا انا عرفه عمره ماسرق ولا ظر احد ..
ابوي طيب ما شفت نفس طيبته احد.. مسمي يذكر ربه يصلي ..
نوفا لا يكسرون ابوك بعينك خليه قوي ..مضاوي تقرب من ابوها وتمسح راسه .. يبا اصحى وقول الحق لهم .. انك شريف وما سويت شي .. وانه هم من ظلمووك ..

ابو مشعل وهو يقرب من عبد الطيف : تغير كثيييير عن اخر مره شفته فيها ..
ابو حمد : اكيد تغير 24 سنه يا محمد مرت وما حسينا فيها ..
ابو مشعل : وش بتسوي يابو متعب ..؟
مضاوي وهي تنتظر الرد وهي معصبه وش بيحكمون على ابوها بعد يكفي الدنيا احكمت عليهم بالحزن ..
ابو متعب وهو شاف مضاوي تلتفت بسرعه له الا يقوم يضحك : بعالج اخوي باكبر مستشفى .. وبعالج اولده ..
وبضم بناته وبخليهم بناتي وبطلع ليلى من السجن باذن الله ..
مضاوي : لكن ما ابي اترك البيت ولا ابغى ابوي يبعد عني ..!

ابو حمد : هذا حنا عمانك سندك بعد اليوم بعد الله سبحانه ..
مضاوي بقوى : براااااااااااااااا برااااااااااااااااااا انا اقدر الم خواتي ..وحمي بيتنا .. وودي ابوي لاكبر المستشفيات واحسنها ..
ابوي مو محتاج لكم تسمعون مو محتاااج لكم ..

ابو متعب يقرب منها ويمسكها مع كتفها ويهزها بصراخ : لا تخليني اتهور واظربك..
مضاوي وهي تقرب منه اكثر : اتحدااااااااااااااك تلمس شعره بس شعره انا اكرهكم كلكم اكرهكم ..
نوفا وهي تمسك اختها من ظهرها : مضاوي هدي لا يسويها جد ..
مضاوي : ابعدي يانوفا ابعدي ذولا كذابين يحاولون يغسلون مخك بابوك وهم اخر همهم ابوك حنا ..
ابو متعب من العصبيه من ردها ما شاف الا يده تضربها كف ..وتطيح
ابو حمد : وش سويت ؟؟
ابو مشعل وهو يقرب منها بيشيلها الا هي ترمي يده بعيد .. وهي توقف تقاوم الظربه
ابو متعب : هذا اللي لازم اسويه الانه طالت الحكايه من غير معنى ..
نوفا وهي تمسك يد ابوها وتصيح : يبا اصحى شوف عماني ظربوا مضاوي اصحى قووووم تكفى ما نبي احد يمسكنا غيرك تكفى تكلم لو كلمه داافع عنا ماعندنا غيرك يارب صحي ابوي ..
ابو حمد يقرب منها : حنا مو اعداااء لكم ..؟
مضاوي : برااااااااا ما نبيكم ولا طلبناكم .. وطول عمرنا عايشين بلاكم ..
ابو متعب : شكل الكف ما صحاك ..
مضاوي : ولا راح يصحيني ..
ابو حمد : اكسر الشر يا عبدالله اكسر الشر البنت صغيره وماتعرف وش تقول ..
مضاوي : لا ماني اصغيره والدنيا علمتني اكبر من عمري ..
ابو مشعل : طيب وش تبغين وانا بننفذه باذن الله بس اهم شي تروحين معنا ..
مضاوي : الله لا يحدني عليكم ..
ابو متعب .. وهو يمسك معصمها ويجرها من بااااب غرفة ابوها لسياااره ..
مضاوي : اترككككني خلاني ما ابغى اروح معك ..
ابو متعب : ما يمشي معك الطيب بالقوى بيمشي ..
نوفا وهي تركض عند باب الرئيسي .. : مضاااوي وين بتاخذ اختي ..
ابو مشعل : وهو يمسكها : لا تخافين بياخذها وبناخذك معها ..
نوفا برعب : لكن انا مابي اروح معكم ..
ابو حمد وهو يكلم ابو مشعل : انا بتصل على الاسعاف تجي تاخذ عبد اللطيف ..وانت اخذ الصغيره وخلها مع اختها الكبيره واركب مع عبدالله الاني بلحق الاسعاف بسياارتي ..
ابو مشعل : طيب خلاص اتفقنا انت تروح مع الاسعاف وبشرنا وانا وعبدالله البنات ..
ابو حمد : طيب حلو وهو يشوف عبدالله يدخل مضاوي بالقوى وبصرااااااااااااااخ .. وهو يضحك يقول ماهي غريبه هالطبع طالعه على مضاوي الاصليه ..وسبحان الله نفس االوجهه ..

متعب : وهو يدخلها بالغصب ويدخل اختها معها .. وهي يغفل البااب ويدخل السياره مع ابو مشعل ..

ويخلون ابو حمد ينتظر الاسعااف تحظر تاخذ ابو متعب عبد اللطيف ... ..

_________________________

جالسه بزاوية غرفه والدنيا ظلمه عليها .. جالسه بوضعية حزينه ظامه رجولها لبطنها ومنزله راسها لرجولها وهي تبكي وبعدها تلمس خدها المتورم من اثاار الظربه ..
ماتعرف وش يدور حولينها بعد الكف جلست تصارخ وبعدها دخلها الغرفه المظلمه من غير ما ينطق حرف واحد .
. اخترت الزاويه لا اعرف لماذا لكن جلست لافجر قنبلة بداخلي من الضياااع

من التشتت الذي اعاني منه جلست اعد حسراتي التي ظهرت بشهقاتي المره ..
التي لم تخلد الا الدموع المره منها .. لا اعرف مالذي يجب علي فعلا سوا انني اريد ان ابكي ننعم انني بقنبله صعب ان تنفجر بسهوله.
. ولكن اسال نفسي لماذا لا ابكي كالبشر الذي حولي ..

ماالذي فعلته هل حقا مات قلبي كما يقولون البعض ..!
وهل انا اخطئت .. وهي ترد على نفسها ماالذي فعلته الصواب كل الذي فعلته غلط .. لما طعت امي ولا ابي وغير ذلك معصيه الله ..
لكن لم افعل شي يمسني بسؤوا
وهي تهز راسها بقوى .. انا بريئه هم من اوقعوني بالفخ الوقح ...

الا وطرقات البااب تطرق بقوه .ومن ثمه تنفتح ..

لولوه لا اريد ان ارفع راسي وانصدم بما حولي فانا كلي بصدمات صعبه ..
الا تسمع ذاك الصوت الذي لم تنساااه ,,
فهد : اسمعي امي لا تطولين السانك عليها ولا بوريك شي ما شفتيه بحياتك ..؟
لولوه ما زالت منزله راسها لا تريد الحديث معه تريد تجااهله وتسمع بالمثل الذي يقول من طنش مات قيض ..

فهد : انا اكلمك ..
لولوه : ..............

فهد: يعني مصره تحقيرين ؟؟
لولوه : .................
فهد وهو يقرب منها اكثر .. : اسمعي ترا هي كلمتين وبطلع " ان ما مسكتي السانك والله لمسكه لك وان ماعندك احد يربيك تراني حاظر لتربيتك
احترمي نفسك ولا تتعدين على اهل البيت "
ويطلع ويسكر البااب بقوى من خلفه ..
لولوه بضحكه استهزائيه : طيب خير شوفني اللي مدري وش اسمك ..
اجل تبغاني اسكت على وحده تبغاني اكل وهي تعايرني باهلي .. والله لطلع نجوم الظهر عليكم يا ال عبدالله ..
وهي تتذكر خواتها وش راح يكون ظنهم فيها ..

وهي تشلح ملفعها اللي خانقها من الصبح وعبايتها وتمد ظهرها على الزاويه وتحاول تتنهد او تتنفس برتيااح لكن مو قادره ..

الا تسمع اصوواااااااااااااااااات غريبه وصرااااخ والصوت مو غريب على اذنها .. يعني تعرفه .. وهي تقوم ومن مكانها وتفتح الباااب .. وقلبها طبووول ..
وهي تمشي من غير ملفعها ولا عبايتها
تحاول تثبت الصوت وهي تعرف انه الصوت قريب لها ماهي غلطانه بالصوت .. الا تسمع وحدها خلفها تقول

.......: انتي اكيد لولوه ..؟
لولوه وهي ماهي منتبه معها خير شر وهمها كله الصوت وقفه عند عتبة الدرج الواصله لطابق السفلي ..
......: ياهووووو لولوه ..؟
لولوه وهي تلتفت بخووف خافت يكون الانسان المليغ اللي شافته منساع ..
لولوه برعب : هااااااااا
عهود : هههههههه شكلك خايفه ماشاءالله وش هالجمال واخيرا شفت بنت عمي ..
لولوه وهي تشوفها بكره : منو انتي وش تبغين مني ؟
عهد وهي تغير ملامحها لصدمه : هاااا انا عهود بنت عمك عبدالله ..
لولوه : ما تشرفنا وهي تنزل للصوت اللي جذبها وتبي تشوف من ؟
عهود : هذولا خواتك توهم جايبهم ابوي ..؟
لولوه من غير ما ترد عليها وقلبها يدق وش اخرتها يالولوه عماني ما جوبونا هنا الا في سالفه كبيره وهي تنزل بالدرج بسرررعه الا تنصدم بشخااص كثار ..
عمانها عبدالله ومحمد وحريمهم وغير حرمة ابو حمد ...
وخواتها وبنات عمها محمد .. ندى وعوااشه ..
ومضاوي ونوفا ..
لولوه اول ما طاحت عيونها على مضاوي ركضت لها وضمتها وجلست تبكي ..: وش فيكم ابوي صار له شي تكلمي ابوي صار فيه شي ..
مضاوي تبكي : لا ما صار فيه شي تطمني انتي اللي اشلونك وليه سويتي فينا كذا يالولوه خليتيني اخااف عليك ..
نوفا وهي مواصله البكى ..
نوفا :: ابي اروح بيتنا ما ابي اجلس هنا ..
عبدالله : مافي رووحه لبيتكم ومن اليوم هذا بيتكم تسمعووون هذا بيتكم ..
الا تدخل العمه وضحه : عسى ماشر ياعبدالله كنت بالحووش وسمعت اصيااح ؟
عبدالله : هلا والله بام ناصر استريحي وانا اخوك وانا اعلمك بالسالفه ..
مضاوي وهي تقاطعه : السالفه واضحه ما يحتاج تقولها لاحد انا ولا خواتي بنجلس معكم ..
عبدالله : بتجلسوووا قصبن عليكم ..
مضاوي وهي تضم لولوه من جهه ونوفا من جهه ثانيه : لا انا ولا خواي يبغونكم افهموا
يابشر كيف نجلس ببيت لاحنا ولا ابونا مرغوووب فينا نكرين من جينا هالعالم والحين تبغونا نجلس اسفه ..
لا انا ولا احد من بنات عبداللطيف بتعيش هنا ..
عبدالله : شكلك ما تعلمتي يامضاوي عدلمن الكف ..
مضاوي : انا تعلمت من الدنيا اشياء كثيره واولها اني ابتعد عنكم وما عرف الا اساميكم.
. هذا اللي تبغونه حنا بقاموسكم عاااار وش تبغون بالعاار دامكم تنفرون منه ..
محمد : مضاوي قلنا لك غلطه وبنصححها ..
مضاوي : لا انتوا ما جابكم لنا غير فضيحة ليلى بالسجن انا عاارفه تبغون تخرجونها باي سبب الانها تشيل اسمكم وما تبونا نكملها ونفضحكم ..
اصلا انتوا متى اهتميتوا فينا ..؟ متى ذكرتونا ..؟ متى اصلا سالتوا عنا .
. انا عمري 24 سنه كملتها ولا عمري شفتكم ولا ثانيه عشان اسمع عنكم .. بس كنت اعرف اساميكم ..

عبدالله وهو يقرب منها ويلوي يدها والكل صارخ : بتسمعين كلامي ورجلك فوق راسك ..
وضحه : عين من الله خير وش فيها هالبنت ومنهي ..؟

مضاوي :اااااااااااااي فيك خير قولها منهي انا قولها علم الناس في فضيحتك ..قول لحرمتك المصوون منهي
انا شرفها باخوك وبناااته اللي الكل متبري منهم ..
عبدااللله يترك يدها بعنف : هذا عمتك وتاج راسك وضحه اخت ابوك ..
وضحه : هذي بنت عبداللطيف ..؟
مضاوي وهي تضم خواتها :وتجمع قوتها : اي بنت عبداللطيف متعب ال****** وافتخر ..
لكن للاسف اسمي واسمكم تشاابه اسماء بس وياليت تردونا لبيتنا انا وخواتي ..

محمد : ماراح تردين لبيتكم لا انتي ولا خواتك افهمي ..
عبدالله : شوفي اختك ذي اللي تمسكينها وتحظنيها لقيها خالك بشقة دعااره وبكل فخر يقولها .
. مضاوي وهي منصدمه وش اللي تسمعه الا تسمع تنهدات من لولوه ..
وهي تمسك كتفها وتكلمها : صحيح اللي سمعته قولي انطقي صحيح اللي سمعته ..؟
لولوه : انا شريفه يامضاوي والله شريفه ولا احد يمسكني تواجدي بالشقه بس الانه ظلموني وكتبوا الشقه باسمي ومالي
الا اني احضر لهم وان ما جيت بلغوا عن الشقه واسجنوني ..

مضاوي وهي تنصدم وهي تشوف عيون اللي حولينها مننصدمه .وهي تلتف لعمها الكبير عبدالله : ومهما كان وش تبغون غلطتها وانا اللي بتحملها ..
عبدالله : هذا عااارنا وحنا نستره ..
مضاوي :هذي اختي وانا اعرف اتصرف معها ومشكورين ما نبي منكم شي بس خلونا بحالنا ..
عبدالله : انا ولي امرها وانا اللي بحدد واختك ملكتها وزواجها بعد اسبوعين ساامعه
ومافي ولا وحده تطلع من هنا الا باذني سمعاااات ولا اتصرف معكم تصرف ثاني ترا قلت وانا يوم اقول كلمه اتحدا احد
يكسرها لي .. وهو يطلع مع محمد اخوه ..

تقرب منهم وضحه: واخيرا شفت بنات اخوي ....

لولوه وتضم مضاوي : تكفين ما ابي اتزوج تكفين خلينا نهرب انا ما ابغى اجلس هنا تكفين ..
ام متعب : الله يهديكم ابو متعب يوم يعصب محد يقرب له وكان قلتوا يصير خير ولا ان شاءلله وخليتوه يهدي وصدقوني كان شفتوا اشياء تعجبكم .. لكن انتوا عميتوا عيونكم بنفسكم ..
مضاوي :...................
ام ناصر وضحه : الله يهديك يابنتي شوفي كلمك وردك عليه مو زين لرجال كبير احترميه هذا نفس ابوك ..؟
نوفا بهمس وخوف : هذا مو ابونا ابوي اطيب منه مافي ..
لولوه : ابوي عمره ما صاارخ علينا ..
مضاوي : يحبنا ويلمنا وعمره ما بكانا ولا رفع صوته علينا ...
ام مشعل : ما يخالف يابنات هذا عمكم معصب والله مافي اطيب منه والله انا اعرف هو ماعمري شفته يعصب .. لكن الله يهديكم انتوا رفعتوا ضغطه ..
ام متعب : كان قلتوا ابشر وبعدها يحلها الف حلال ..

ندى وهي تقرب منهم : الله حياااا بنات عمي ما ضيفناكم ادري لكن الضروف كانت سررريعه وادري مو حلوه التعارف كذا المهم انكم بتعشون معنا وهذا بيسعدنا ..
وتاكدوا انه كلنا فرحانين بس كنت اتمنى شوفتكم بس بضروف احسن من كذا وهي تضحك .. ههههههههههه انا اسمي ندى تقدرون تدلعوني ندووش هع ابوي محمد ابو مشعل اللي راح ..

ام متعب : اجلسوا ليه وقفات ..
نوفا وهي تشوف مضاوي وكانها تاخذ الاذن منه ..
مضاوي وهي تجلس مع نوفا الا لولوه وقف ::
مضاوي : لولوه فيك شي .؟

لولوه وهي تشوف ام متعب : منو بيزوجني عمي ؟.
ام متعب .: انا نفسك انصدمت يابنتي ؟..

لولوه وهي تجلس وما عليها غير بجامتها اللي طلعت فيها ..
مضاوي تهمس لها : وش لابسه انتي ؟
الا تشوف ام ناصر تقرب منهم : انا عمتكم مو ناوين حتى تسلمون علي ..؟
مضاوي وقفت وباستها وحبة راسها احترلم وهي تعبااااااااااانه حدها من الصبح مو نايمه ..
ويقومون خواتها يسون نفسها ..

ام ناصر : جواكم الله خير ..
مضاوي : هذي تربية عبداللطيف اللي مو عاجبه الكل ..
ام متعب : ونعم فيك وفيه.. والله اني اتذكره يوم طلع من البيت ..
لولوه : قصدك انطرد من البيت ..
ندى : ماعلينا يا... ياربي نسيت اساميكم ..
لولوه تشوف ندى بكره : مو مهم تعرفين اسامينا ..
مضاوي : انا مضاوي الكبيره عمري 24 سنه .. وتحتِ اختي ليلى 21 سنه .. وهذي نوفا ولولوه تؤام عمرهم 18 سنه ..

ندى : ماشاءالله اشوف وجوهم تشبه بعضهم حييييييييييييل اثريكم توام بس احس كل وحده لها شخصيه غير ..
عواشه : اصلا واضح كل وحده وشخصيات وجهها
ام متعب : الحين الساعه 12 واكيد انكم تعباابنات يابنات ..
مضاوي والتعب هالكها : اي والله انا حدي تعباانه ..
نوفا وهي تقرب من مضاوي وتهمس لها : انا جوعااانه ماراح اقدر انااام ومشتهيه طبخة ام وليد اللي حطينااها بالمطبخ ..؟
مضاوي :انتي ما هامك الا بطنك ونسيتي وش مصيرنا ومصير ابوم بالمستشفى ولا وين بيودونه ..؟
نوفا : اسفه ..
وضحه : عسى ماشر ناقصكم شي ؟
نوفا رقعتها: لا بس انا ابغى بجامتي لاني ماعرف انااام الا ببجامه ..
عواشه : ذي سهله انتي تلبسين سمول صح ؟ اصغر حجم ؟
نوفا ووهي تشوف لولوه وشكلها حدها مفوله من اللي قالها عمي لها وشكله جاد في كلامه والله يستر لو يكون جد ببتزوج ..
مضاوي تقاطعها : نوفا تسالك البنت ..؟
نوفا : ها..
عواشه : انا اسمي عواشه عمري 22 سنه هع بس وجهي (فيسي ) واضح انه صغير مره صح هههههههههههه وهذي اختي الكبير ندى عمرها 27 سنه ..
وهذي عهود بنت عمي عمرها 20 وهي روحي وعمري كلها وهي تضم عهود ..
عهود : خنقتيني يادبه خلاص فهمتيهم اني غاليه بس فكيني ..
ام مشعل : يالله يبنات خلوا الضيوف يرتحون ..؟
ندى : ما يحتاج تجاوبين يانوفا المقااس واضح وثواني وراح اطرش لكم ملابس لا تخافون جديده غير مستعمله ..
مضاوي وهي كاتمه غضبها لكن التعب ماثر فيها حيل ..
ام حمد اخيرا تتكلم : خلاص يااووووم متعب انا رايحه انام لاني ما نمت العصر ..
تسمع عواشه وعهود يضحكون على لهجتها الانه ام حمد مو سعوديه عربيه ..
ودايما على هذي الحاله تجلس معهم بس ما تسوالف تخاف يتطنزون عليها وتكون مستمعه بس ..

الانه ابو حمد حبها في بلدها الانه كان يدرس واعجب فيها وتزوجها وكانت بنت حارس العماره وسر الاعجاب هي الطبخات الي تطبخهم ام حمد لابو حمد
ايام العزوبيه مما تولع فيها < جد اللي يقول اقرب طريق لقلب الرجل معدته ماغلط هع

نوفا انصدمت يوم اسمعت لهجتها مكسره خليجي ..
لولوه وهي معصبه لما اسمعت لهجتها حست بانها منصدمه كيف الشكل خليجي 100 % لكن الصوت جد خدعني اشوفها من منسااع ما انطقت ..
مضاوي وهي توقف تحس بدوخه خفيفه امسكت اقرب شي الكنبه ..
لولوه بخوف " مضاوي فيك شي ..
ام متعب .: اكيد داايخه ..
نوفا : هي من الصبح ما اكلت اصلا شي من الصبح تشتغل

ام متعب تقوم للمطبخ ..

الا ام مشعل تقول : يالله ندى عوااش البنات تعبانات تعالوا لهم بكره ..
عهود : خاله تكفين خلي عواشه تنام عندي ..
ام مشعل : لا يالله بكره وراها ترتيب غرفتها ..
عواشه : ظريبه وش اسوي ام مشعل تتكلم وانا انفذ كم ام مشعل عندنا ؟
ام مشعل :جدامي من غير كلام ..

ندى : خلاص ترا بنات عمي بكره معزومين عندنا على الغدا طيب ..
مضاوي : وهي تهز راسها وهي تحس بدوووخه.

وتطلع ام مشعل وبنااااااااااااااتها ومعهم ام حمد ..
وما بقى غير العمه وضحه ام ناصر وعهود .. الانه ام متعب راحت تسوي حاجه تاكلها مضاوي ..

الا تشوف وضحه عمتها لمتها لصدرها من غير ما تحس ...: حست بحناااااااااااان كبير ما حست بنفسها ....غفت بحظن تحس انها فاقده من زمااااااااااااااااااااااااااان

نوفا وهي تشوف اختها وتتكلم : من زمان مانامت زي هالنومه كل يوم شايله همومنا وتفكر وش راح تسوي بكره .. حتى اليوم ما اكلت ولا شي راحت تشتغل وبعدها راحت لمتعب وبعدها جت للبيت ..
لولوه : هذي مضاوي من عرفنااها وهي تحاول تزرع البسمه على الكل وخصووصا ابوي وامي ..
نوفا : لدرجه كذبت عليهم بانها توظفت وهي اصلا ما توظفة الانه بالاسااس يبغون واسطه عاليه وتمشي ..
لكن قالوا يمكن تنتظرين سنتين او اربع بعد ..
فكرت وقالت مافي الا مدرسه خصووصي .. وحتى المسكينه خلتها اقرب رفيقه لها هيفاء منعها ابوها انها تشوف مضاوي
والسبب سمعتنا وسمعة امي مسكينه اشوفها كل ليلى تشوف ملابس هيفاء
وصورها واغراضهم الشخصيه وتبكي صعب على الانساان العيش بالوحده..
هي دايما متعوده على رفيقة عمرها لدرجه في امور ما تشااورنا تروح لهيفاء تشاورها ..
تحطمت مضاوي كثير بعد رفيقتها وبعد مووت امي اللي كانت قريبه حيل من مضاوي ..
لولوه : اصلا مضاوي قريب حيل من امي وابوي ..

وضحه : الانها قريبه .. وهي تشوف وجهه مضاوي .. وتكمل كلامها :: تدرون انها تشبه امي الله يرحمها سميتها وشبيهتها كثيير نفس جملها ..
لولوه : ممكن اسالك .؟
وضحه : اسالي ياقلبي .
لولوه : ليه ما سالتوا عنا .؟
عهود : ممكن انا اجاوب .؟
لولوه بعصبيه : اظن السوال مو لك .؟
ام ناصر : لا عيب هالحكي انتوا بنات عم وخوات المفروض ما تتهاوشون ..
لولوه : خليها ساكته احسن لها ..
ام ناصر : عهود وين راحت امك ..
عهود : بترجع ياعمه ..
نوفا : انا عندي اساله مو سؤال .؟
ام ناصر : وانا ما جاوبت على اختك بعدي ..؟
نوفا : طيب جاوبي وانا بعدها ..
ام ناصر : لا بس بجاوب عليها وبكره باذن الله بجاوب على كل اللي في نفسك تسالينه ..وهي تشوف لولوه وتجاوب : جوابي بيكون بكلمتين .. هذي وصيه ماقدرنا نغيرها ..
لولوه : كيغ وصيه ماتقدرون تغيرونها ..
ام ناصر : انا تعبانه وودي اروح لبيتي ترا وراء بيت ابو متعب جنب الحووش من الخلف يعني انا على ظهر اخوي واخواني على يمينه وييساره ..
نوفا : جد كلكم جنب بعض ؟
ام ناصر :: يوو انتوا يبيلكم ايااام مو سااعه يالله وينها امك ياعهود قومي ناديها..
وهي ماسكه مضاوي اللي نايمه على رجلها ..
ام متعب تدخل على اخر جمله تقولها ..: كاني جيت لكن تاخرت وانا اعمل الشاي ..
ام ناصر : ههههههههه البنت نامت ماظن بتاكل شي خليها لبكره وماقصرتي انتي لكن خيرها بغيرها يالله انا تعباااااااااااااانه وبرقد ..
ام متعب : طيب نوم العوافي ..
ام ناصر وهي تشيل راس مضاوي وتحطه على وسادة الكنبه ..
ام متعب تقرب منها وتصحيها وتاخذها لغرفتهم هي وخواتها .. وياكل العشا نوفا ولولوه اللي جلسوا طول الليل وهم يفكرون وش راح يسون لبكره ..
ومضاوي نايمه من التعب ما سمعت ولا كلمه ..

_________

الساعه 7:34 دقيقه ..
يدخل مكتبه ويفتح الشباابيك المظلمه ويفتح الستاير ووينادي ابو انس صاحب القهوى يامره يجيب له شاي وحليب

الصباحيه وهو بمزاج متعكر الانه طول البارحه ما نام والسبب واحد ههههههههههههه الانه نام كفاايه العصر
وامه نست تصحيه ..
يقعد على كرسيه الدوار وهو يقلب الاوراق الا يجد على معبرة الاقلام ورقه .. كتب عليها رساله للضابط ثامر ضروريه ...

اخذها بيده يبي يفتحها الا رفيقه حسين داخل عليه ..
حسين : السلااااااااااااااام عليكم صباااااااااح الزفت يامعفن ...
ثامر : ههههههههه وعليكم السلام والررحمه قول صباح الفل ياصاايع ..
حسين وهو يجلس جنبه وهو ببدلته العسكريه التي تزينها النجووم ..
ثامر : خييييييييير مع انه اللي يشوفك يغسل يده يشوف الخير ..
حسين : هههههههههههههه مافي شي سوا اني جيت اسلم عليك وابشرك بانه فيه عفو اميري بيوقع خلال هاليومين يعني جيت ابشرك انك بتسويه
بالنياابه عني هالمره مو كل مره انا بعطي الاسمااء
ثامر : طيب الاسماء موجوده والضابط عامر وقع عليها تقدر تاخذها من الحين اذا تبي

حسين : لا خلها بوقت ثاني ياولد ليه كل هالبخل اعزمني على شاي حليب قهوى عصير يعني جيت عاني من رتبتي لك والحين تقولي خير ووين يجي الخير بوجهي طيب..
ثامر وهي يبطها ضحكه : خلااااااص انت معزوم على الغدا وش تبي ..
حسين : تعرف نقطة ضعفي لكن هالمره عزيمتك جت بوقت غلط الاني معزم للشرقيه اليوم وبروح وبكره ماخذ مرضيه ..
ثامر : اي مشها مرضات وحنا نجلس هنا نتعب ونكرف ..
حسين : طيب انا ما ابغى اطول عليك قهوتي بمكتبي قلت بسلم وضحك على ما تجي ..
ثامر : ههههههههههههههههههههههههههه وانا اقول غريبه قمت اثريك شايف ابو انس ومعه قهوتك هالمره انت البخيل ما جبتلي معك ..
حسين : هذي اساليب الشطااره لازم تتعلمها مني ..
ثامر : والله حاولت اتعلم لكن مبادئي ما تسمح اتعلم الخباثه ههههههههههههه
حسين : ببتعلم باذن الله يالله سلاااااااااااااام وهو يطلع من مكتب ثامر ..
ثامر : سلاااااااااااام

وياخذ الاوراق ثامر الا ابو انس مار عليه ومعطيه قهوته الا يقول ابو انس ..
ابو انس : هذي القهوى من عمي حسين ..
ثامر : هههههههههههه ابو طبيع ما يخلي طبعه يعني لازم تجيبلي شي ما احبه ..
ابو انس : انا اعرفك ما تحب القهوى بس قال على ظمانته انك تحبها ..
ثامر : هذا ناوي يدمرني ويسهرني .. ماعلينا جيب لي شاي وحليب ..
ابو انس : ابشر ..
ويرجع ثامر لاورااقه ويفتح القضاايا والاوراق ويستقبل المكالمات ونسى كل الموضوع عن الرساله ..وانشغل بالشغل وبالمراقبه بالسجن ..
وجت الساعه 12 ونص ..
بزنزانه سماح وليلى :
سمااح : الحين الساعه 12 اكيد ما شااافها ..
ليلى : لا ان شاءالله شافها انا واثقه بام جاسم ما تخذلني ..
سمااح : طيب هو مدااوم من الساعه 7 وينه للحين ما شاافها ؟
ليلى : مدري .
سماح : وش بتسوين الحين .؟
ليلى : بروح له..
سماح :وش بتقولين له ؟
ليلى : انا مشتااااقه حق خواتي والله مشتااقه وودي اشوفهم .؟
سماح : افرضي شاف الرساله وماصدق كلامك ورمااااااااا الرساله وما اهتم لك وش بيكون ساعتها ؟
ليلى : قلت لك بروووح له وبكلمه عن الموضوع اليوم قبل بكره ..
سماح ..: انتي حره ترا بلغتك ترا هو انسااان حااااااااااار مايتفاااهم ..

ليلى : طيب ... وهي توقف وتنادي ام جاسم وتطلب منها انها تشوف الضابط ثامر ظروري ..

ام جاسم : اعذرني لازم ادخل عليه واقول له اذا وافق بدخلك اذا لا اعذرني ما اقدر ..
ليلى : انتي سوي اللي تقدرين عليه وانا برضى صدقيني برضاا

ثواني الا وام جاسم ترجع للليلى وتبشرها بانه ثامر وافق انه يشوفها ويكلمها ..
وتاخذها ام جاسم له .. وعند البااب تطقه الا صوته الخشن هو هو ماتغير : ادخلي ياليلى ..
ليلى وهي تدخل وتسكر الباب وراها ..
ثامر وهو مشغول بالاوراق مارفع راسه : وش عندك ؟
ليلى : قول انك مشعول وما تبي تشوف وجهي
ثامر وهو يرفع راسه : ومن يقول ؟ طلعي لي شخص قال هالكلام ؟
ليلى : انا اقوله !
ثامر : انا مشغول صح بالاوراق بس مو معنااته اني ما ابغى اشوفك الا اني محدد وقت اشوفك باخر الدوام قبل لا اطلع ..؟
وهي يحط راسها بالورق ..
ليلى : انا ما اقدر اكلم واحد وهو باله مو معي ؟
ثامر : اظن وضيفة الاذن الانصاات ماهي العين ؟
ليلى : بس انا تعلمت كذا ما احب اقول اللي عندي وشخص مو معطيني بال ..
ثامر وهو يوقف وجلس اقبالها ويحط عينه بعينها ويقول هذا انا معك اذن وعين هذا اللي تبينه يابنت عمي ؟؟!!
ليلى وهي تستحي وتنزل عينها ..
ثامر : وانا ما تعودت اسمع وناس منزله عيونها ؟
ليلى وهي ترفعهم وتقول بلهجه سريعه ": ادري انك قريت رسالتي وماصدقتني لكن انا مايهمني صدقتني او لا لكن انا ابغى اشوف خواتي وابي محامي لي ..
ثامر وهو منصدم : ؟ اي رساله تتكلمين عنها ؟
ليلى : لا تتغاابه انا امس عطيت ام جاسم رساله ووصيتها تحطها على مكتبك ..
ثامر وكانه تذكر : اي اي صح وهي يقوم ويقلب الاوراق فوق وتحت لين شافها اخيرا .. هذي ؟
ليلى : اي ذي .؟
ثامر : كنت بقراها بس جاني صاحبي ونسيتها ..وهو يفتحها ويقرااااها



(( وش تتوقعون بالاجـــــزاء القــادمه ؟؟؟ )))

* توقعاتكم بالجزءالتاااااسع ..
لا يقل عن تسع اسطر هع ..


..




قصتنـــــــــا في اولــــــــهـــا ..
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل
انـــــــــجال ..

الجــــــــــــــــــزء التـــــــــــــاسع ..
_---------------------------------


عائلة ابو متعب الاخ الاكبر: عبدالله ..عنده شركه صغيره هو واخوانه فقط
ام متعب :فضه ..
بنتها الكبيره ( اماني ) العمر 33 سنه .. متزوجه من مشعل ولد عمها محمد ..تشتغل نائبة مديره ..
( متعب ) العمر 30 سنه .. متزوج هديل بنت عمته وضحهه ..يشتغل عقيد بالاطفاء ..

(فهده) عمره 29 سنه عزووبي .. يتشغل مهندس بالنفط
( فارس ) عمره 29 سنه ..خاطب بنت عمه مزنه عبد الوهاب ..يشتغل باحدى الوزارات الحكوميه ..

(حمدان ) 26 سنه يحب بنت عمه لكن تتوقعون من ؟.
( عهود ) 20 سنه تدرس بالجامعه تخصص ديكور ..
وبكذا خلصنا عايلة ابو متعب عبدالله ..

-----------------------------------

عايلة ابو مشعل .
( محمد ) ابو مشعل .. يشتغل مع اخوانه بشركه صغيره
( ساره ) ام مشعل ..
( مشعل ) 35 سنه متزوج بنت عمه اماني ..
( ثريه ) 33 سنه صديقة اماني ومتزوجه واحد مو من العايله .. وتجيهم من فتره لفتره ..
( ثامر ) 29 سنه يشتغل ضابط بالسجن النسائي ..
(ندى ) 27 سنه ..مخطووبه لنواف ولد عمها عبد الوهاب ..
(عواشه ) 22 سنه بالجامعه تخصص ديكور اخر سنه مع بنت عمها عهود ..


وخلصنا عايلة محمد ابو مشعل ..

-----------------------------


ابو حمد ..
( عبد الوهاب ) ابو حمد ..يشتغل مع اخوانه
( هاله ) ام حمد ..

(حمد ) 32 سنه يشتغل بالجمارك بالمطار ,,عزوبي وما يحب سيرة الزواج ..
(نواف) 31 سنه ويحب بنت عمه ندى لكن ابوه يقول مافي زواج الا يوم يتزوج اخوك ..عقيد بالا
( راشد ) 29 سنه مع ولد عمه متعب بالاطفاء عقيد ..
( مزنه ) 26 مخطووبه لفارس ولد عمها .,,,
( نوره ) 23 تنتظر التوظيف ,,

_------------------------------


العمه وضحه ..ام ناصر متوفي زوجها وهي حامل ببنتها هيا وجلست عند اخوانها وشرت بيت جنبهم ..
ناصر) 31 سنه يشتغل مهندس معماري ,,
خالد ) 29 سنه .. يشتغل بالصحه
هنادي) 27 توها متزوجه متعب ..
نجوى ) 25 سنه تنتظر التوظيف ..
هيا ) 23 سنه صديقه عهود ونوره وعواشه ..اخر كورس تخرج ..

-----------------
ما يحتاج اعرفكم بشخصيات ابو متعب عبد اللطيف ..؟
عبداللطيف<< ابو متعب
ناديه << ام متعب
مضاوي ) 24 سنه تنتظر الوظيفه
ليلى ) 21 سنه بالجامعه تخصص طب اسنان ..
نوفا + لولوه ) توام 18 سنه اخر سنه دراسيه علمي ..

متعب ) 13 سنه يدرس بالمتوسطه ..
---------------------------------------

ليلى وهي تدخل وتسكر الباب وراها ..
ثامر وهو مشغول بالاوراق مارفع راسه : وش عندك ؟
ليلى : قول انك مشعول وما تبي تشوف وجهي
ثامر وهو يرفع راسه : ومن يقول ؟ طلعي لي شخص قال هالكلام ؟
ليلى : انا اقوله !
ثامر : انا مشغول صح بالاوراق بس مو معنااته اني ما ابغى اشوفك الا اني محدد وقت اشوفك باخر الدوام قبل لا اطلع ..؟
وهي يحط راسها بالورق ..
ليلى : انا ما اقدر اكلم واحد وهو باله مو معي ؟
ثامر : اظن وضيفة الاذن الانصاات ماهي العين ؟
ليلى : بس انا تعلمت كذا ما احب اقول اللي عندي وشخص مو معطيني بال ..
ثامر وهو يوقف وجلس اقبالها ويحط عينه بعينها ويقول هذا انا معك اذن وعين هذا اللي تبينه يابنت عمي ؟؟!!
ليلى وهي تستحي وتنزل عينها ..
ثامر : وانا ما تعودت اسمع وناس منزله عيونها ؟
ليلى وهي ترفعهم وتقول بلهجه سريعه ": ادري انك قريت رسالتي وماصدقتني لكن انا مايهمني صدقتني او لا لكن انا ابغى اشوف خواتي وابي محامي لي ..
ثامر وهو منصدم : ؟ اي رساله تتكلمين عنها ؟
ليلى : لا تتغاابه انا امس عطيت ام جاسم رساله ووصيتها تحطها على مكتبك ..
ثامر وكانه تذكر : اي اي صح وهي يقوم ويقلب الاوراق فوق وتحت لين شافها اخيرا .. هذي ؟
ليلى : اي ذي .؟
ثامر : كنت بقراها بس جاني صاحبي ونسيتها ..وهو يفتحها ويقرااااها ...
ليلى تاخذ منه الورقه قبل لا يكمل قرايه ..
ثامر : وش فيك يابنت ..؟
ليلى : اقراها لما اطلع لكن انا ابغى خواتي ..؟ ابي وش ثار فيهم بعد موت امي .؟؟
ثامر : اممممم خواتك بخير ولا تخافين ..
ليلى : وش عرفك وانت ماتعرفني الا بالاسم ..؟
ثامر : وهو يشوفها ويضحك .: وش رايك باللي يقول انههم امس نايمين ببيت عمي عبدالله ؟
ليلى بصدمه : كيف يعني مافهمت .؟
ثامر : يمكن خواتك راح يشكرونك الانك انتي من جمعتيهم باعمانهم ..
ليلى : طيب كيف ؟
ثامر : مو مهم كيف لكن اجتمعوا الاخوان ..
ليلى : كيف وجدتي حالف على ابوي ما يدخل بيته ؟
ثامر : توقعتك اذكى من كذا ؟
ليلى : وش تقصد بكلامك ثمن من تتكلم معه تراني الاولى بدفعتي ..؟
ثامر : والمشكله انك غبيه في اشيااء اولها انه بيت جدي اخذه متعب ولد عمي بعد ما جدده واخذه له .وطبعا شراء من عماني ؟ يعني ابوك بيدخل بيت اخوانه ..
ليلى وهي تقوم : وشكلك ماتعرف بالوصيه شي من كثر ما سمعناها من ابوي حفظتها زين انه ما يسالون عنه ومالهم شغل فيهم ؟..


ثامر وزلة لسانه : لكن ابوك بالمستشفى لا حول له ولا قوه ولازم عمانك اللي هم ابوي وخوانه يتحركون يحمون اهله ..
ليلى وهي تجلس من الصدمه : كيف ابوي بالمستشفى قوووولي ابوي فيه شي تكلم ابوي فيه شي .. وهي تبدا بالصراخ :: لاااااااااااااا هذا اللي بقى لنا من ظهر يحمينا
وهي تبكي .. امي راحت وابوي بيعيش ما اسمح لك تقوله انه ابوي لا حول ولا قوه ابوي بيعيش تسمع لا انت ولا عمانك بيذبحونه بيعيش وبياخذنا لا انت ولا عمانك تقدرون تذبحونه ربي بيعيشه
ربي هو قادر عليه ويصبرنا ..
ثامر حس انها بتنهااار مسكها مع كتفها وهزها : اصحي اصحي ياليلى حنا ظهركم مو عدوينكم ..
ليلى وهي تبعد ايدينها عنه : لا تناديني بنت عمي ..انا بعينك وبعينهم ما اشرفهم يكفيني اللي جاني يكفيني .. وهي تطلع وتسكر الباااب بقوى ..وهي تركض لزنزانتها تبكي ولا تشكي
او تحظن من .. مشتااقه لخواتها كثيييييييييييييييييييييييييير .. وهي تنام بفراشها وتحاول تتذكر كل وحده وصورتها تخاف يجي يوم وتنمحي هالصوره اللي رسمتها ببالها ...
يعني خلاص خواتي ومتعب ساكنين عند عماني .. اكيد عايشين بجحيم واكيد عماني يعذبونهم ويعيرونهم ..
واكيد هم منعينهم يشوفوني الاني ما اشرفهم .. اكيد بيقولون انها تاجرة مخدرات ومتعاطيه ياربي غفرانك ياربي رحمتك تعبت تعبت تعبت ..ما اشتكي الا لك ..
الا بيد خلفها تصحيها من الكابوس اللي تعيشه بين نفسها وبين صراح حياتها ..

سماح : ها وش قال لك ..؟
ليلى من غير ما تشوفها معطيه سماح ظهرها وهي تمسح دموعها : ماقال شي .
سماح : كيف ما فهمت ؟
ليلى : تكفيييييييييين ياسماح حلي عن سماااايااااا خليني بروحي ..
سماح : حرام عليك لا تعذبين نفسك كثير ..
ليلى تقلب راسها لها ..: مالك خص فيني خليني برووحي ان شاءالله امووت اندمن خليني ..
سماح : بخليك الحين بس تاكدي اني برجع لك ياقلبي ..
ليلى وهي تدفن نفسها بوسادتها الصخر .. وهي تنهد وتشهق وهي تقول يالتني مت ولا عشت اللي اسمعه يارب ..

اما بالجهه الثانيه يقرا الرساله وهو مركز ويفكر ومحتار من كلامها بالرساله هل يصدقه او يكذبه .. صحيح هي بنت عمي لكن القانون قانون ..!!
ليه ماقالت من البدايه كان سهلة على عمرها اشياء كثيييره ..ليه الحين توها تنطق وتعترف ..!!
وشلون الحين بجيبها واحقق معها .....؟وهي بذي الحاله اكيد مااقدر اشوفها لكن بخيلها كم يوم تهدي نفسها وبشوف اي صاحب لي اقدر استشيره بقضيتها ..؟
وهو ياخذ الرساله ويحطها بجيبه عشان لا ينساااها ,,
وهو يشوف ساعته جت ل12 ونص قام وراح يشوف واجباته اللي بالمركز ..وهو يفكر فيها وبدموعها تمنى لو قدر يمسح دمعه وحده وتثق فيه لكن شكلها شايله بقلبها كيد لنا الله يعين ياثامر ..
ويخرج من مكتبه ..
________________

الساعه 9 الصبح ..
تصحى مضاوي وهي مفزوعه بالمكان ..تاخذ نظره حولينها الا تشوف خواتها نوفا ولولوه نايمات بسرير واحد وهي نايمه على سرير بروحها وهي تفكر وتتذكر وش صار امس من اعاصير ..
وتغيرات دارت بيوم وليله .. وتشوف خواتها بعد ما تطمنت انهم بخير وهي توقف تشوف الغرفه وتشوف نفسها بالمرايه ..

عليها بنطرون الجنز نامت فيه وهي مو متعوده تنام فيه .. وتي شيرت
بنفسجي بخيوط فضيه وشعرها المنتثر على كتفها وهي تلمه وتشوف وجها وشامتها اللي تميزها بعينها اليسار وتبرز جمالها البدوي ..
تشوف ذبلان وجها والهالات السود حولين عينها ..
وهي تحاكي نفسها : لازم اكلم عمي واقنعه لازم لا انا ولا خواتي نقدر نعيش هنا ما نقدر .. وهي تشوف الغرفه الحديثه الرووعه المزينه بديكوات غربيه ابجورات وكنبه رومانيه وسراير كانها
ابو شخصين لشخص واحد ..
مضاوي : عزاااه بيت ابوي سرير ويطلع صوت وغير هذا اذا نام فيه شخص ثاني انكسر .. وهي تتذكر متعب اخوها وابوها لازم تروح لهم وتتطمن على اخوها متعب ..
تدخل الحمام وتتوضا بس استغربت وين مكان القبله عشان تصلي وهي تاخذ عبايتها اللي معلقه قبالها الا تسمع صوت الباب ينفتح الا هي عهود ..
مضاوي : يما خرعتيني ..
عهود بصوت واطي : اسفه ماقصدي ارعبك بس حبيت اغير بجامتي ..وهي تستغرب انه مضاوي لابسه عبايتها ؟وبعدها ترد عليها .: ليه لابسه عبايتك ..؟


مضاوي : هههه بسالك وين القبله بصلي ..
عهود : بهذي الجهه وهي تاشر لها ..
مضاوي : جزاك الله خير ..
عهود وهي تفتح خزانتها : العفوو ..
وتاخذ لها بنطرون من القطن الخفيف مع بلوزه بيضه بالون الاخضر المايل للعسلي .
وتدخل الحمام ومضاوي توها تصلي وبعد ما انتهت من الصلاة .. وتشوف خواتها نايمهات وهي تعدل ملفعها ومعبايتها وهي تفتح باب الحجره تبغى تكلم عمها
الا عهود توها خارجه من الحمام .: هههههههه وين رايحه ؟
مضاوي متعكر الزاج : ليه في احد تحت ؟
عهود : امم مدري بس انتظري بصلي واجي معك ..
مضاوي : لا انا بنزل بكلم عمي .
عهود وهي تشوف الساعه : تلقينه بامكتبه الغرفه الي جنب الدرج ؟؟
مضاوي : طيب شكرا
عهود : العفوو ..
وتطلع مضاوي من الغرفه وهي تستغرب وين تروح الا تشف الدرج وهي تنزل درجه درجه الا تنصدم بانه اقبالها حريم ما تعرفهم واكثار ؟
توقف مصدومه وهي تشوف الكل يشوفه ماعرفت وش تسوي غير انها وقفت بمكانها ..
الا تقرب منها عمتها وضحه .ام ناصر ..
ام ناصر : هلا والله بمضاوي هلا والله ببنت اخوي الغالي ..
مضاوي وهي مو مصدقه اللي تشوفه واللي تسمعه.... :..............
ام متعب : تعالي تفطري امس نمتي وما تعشيتي ..
ام ناصر : اي والله يامضاوي امس عمتك فضه جزاها الف خير راحت سوتلك عشا ويوم خلصت شافتك نايمه ..
مضاوي وهي تقطع حوارهم : ابي اشوف عمي ..
ام متعب اسكتت وبعدها تكلمت ..: طيب تفطري وبعدها شوفيه ..
مضاوي : ابغى اكلمه ضروري قبل لا اتفطر ..
ام ناصر : اذا لي خاطر تفطري وبعدها كلمي عمك ترا ماهوب طالع اليوم ..
مضاوي من غير نفس : ماني مشتهيه شي ابي اكلمه ضروري ..
ام ناصر : الله يهديك طيب اشربي شاهي على الاقل ..
مضاوي منزله راسها : ..........
ام متعب افهمتها: بروح اناديه لك ...
مضاوي : لا انا بروح له ..
ام متعب : طيب شوفي ذيك الحجره جنب الدرج ..
مضاوي : مشكوره وهي تلف عليهم من غير تسلم على الموجودين ..
وهي تطرق الباب بهدوووء ..

وبطرف الثاني من المجلس ..
ام ناصر : فضه استحمليها كلها ايام وبتتاقلم الجو عليك
ام متعب وهي تشوف وضحه : بستحملها بس عشان شي واحد الانه امها ناديه ..
ام ناصر : عارفه انه ناديه تعنيلك شي كبير بس اتمنى ما تذكرينها بامها ولا تذكرين الشي اللي يربطك فيها ..
ام متعب وهي تشوف مضاوي واقفه عند الباب : ياليت اقدر اقول لها لو شي بسيط..
تقاطعهم هنادي : وين راحت ؟
ام ناصر : وينك يا هنادي يابنتي ؟
هنادي وهي تشوف عمتها ام متعب : ههههه كنت عند متعب ..
ام متعب : الله يهنيكم يابنتي ويسعدكم .ها حطيتي له الفطور ترا ماني دايم بستر عليك هذي امك بتشهد عليك..
هنادي: عما لا تفشليني جدام امي ..
ام ناصر : عوايد هنادي ما تغيرها اكيد نامت وما تسوي لزوجها الفطور ..!
ام متعب : لا والله تقوم وتسويله لكن تعرفين لازم يتاخرون وينسون يتفطرون ..
هنادي : شفتي ياام ناصر اسويله بس ما ناكل منه الانه نتاخر ..
ام ناصر : لو ماعرفك يا هنادي كان سميتك هاديل ؟
ام متعب تضحك : ههههههههههههههههههههههههههههه حاولت ادافع لكن شكل امك عارفتك زين ..
هنادي : هههههههههههههه
الا تقاطعهم ام مشعل : ها وش فيكم واقفين هنا ..؟
ام متعب ..: ابد ياختك جالسين نسوالف ..
ام مشعل : ما لقيتوا تسوالفون الا عند الممر ..
عهود : خاله وين عووواشه ..؟
ام مشعل : تقول مالها خلق وتبي تكمل نومتها ..
عهود : بروح اصحيها ..
ام مشعل : خليها تقوم ترتب فراشها ودرجها المليان تغفله مو مفتوح كانه مال السايب ..
عهود : خلاص ياعمه طلعتي فضاايحها ..
ام مشعل : وياليت تتعلم من هالفضاايح ..
ام ناصر : ياحليلها عواشه
ام مشعل : جنيه هالبنت والله ابوها مدلعها لا انا قادره عليها ..
ام متعب : اخر العنقود زي عهود ما نقدر نقول لها لا ..
ندى وهي تقاطعهم : عكسي انا اللي انهان كل ثانيه ..
ام مشعل : شوفي تراني ما ذميتك لحد الحين ..
ندى : لالا يمه مسمموووحه بس مو جدامهم وجدام وتسكت وهي تستحي ..
ام ناصر : لا تخافين ام حمد كافيه خيرها شرها وهذيك هي جالسه ياحليله ما تتدخل نفسها مستمعه ولا تظر الداب اللي تمشي عليه ..ونواف ولدها مو معنا يعني طلعي الفضايح يام مشعل
ولا تخافين ..
ام متعب : والله كل بناتي فيهن عيوب ..
الا تنقز اماني الحامل بنت ام متعب : الله واكبر الاني جيتك الصبح بشوف بنات عمي الحين بتطلعين اعيوبي يايمه ؟
ام متعب : بعرف شي واحد وينك امس اتصل عليك وجهازك مسكر ..
ندى :: استلمي ههههههههههههههههه ...
اماني : اووووص لا تعلمينها ..
ندى : ماراح اعلم بس بتفضحين نفسك ..
ام ناصر : وش فيكم تتساسرون ؟
ام مشعل : ماعرفتيهم بالبيت ندى واماني مجنناتني تقولين مره ضرات ومره حبايب ..
اماني : اصلا حنا حبايب وربي لا يغيرنا لكن جدامكم اعداء بنعرف منو معنا ومنو ضدنا ..
ندى : اي صح والدليل امس كنتي رايحه ..........
الا تمسكها اماني : لا تعلمين يافضيحه انتي ترا وربي لاقول لعمتي هاله ما تزوجك نواف ..
ام متعب : ههههههههههه الا ندى وام حمد هنا بتسكت ..
ندى : بنسكت وحنا ماااااااااااااااااااااااع
ام مشعل : ها بتعلمين ولا بتصل على اولدي بيعلمني ؟
اماني : قولي لمشعل وبيعلمك ..
ام ناصر : خلاص فكوها وتعالوا نجلس عند ام حمد ..
ندى : اي والله ماعندها احد بجلس عندها ..
اماني وهنادي : اي بدات المصالح من الحين مو للله ..
ام ناصر : ههههههههه نسيتوا شكلكم ايام قبل ..
هنادي وهي تطالع اماني : ابد ما سوينه هالحرمات صح اماني ؟
اماني وهي تغمز لها : ابد كنا مؤدبات وما نشوف عماتي خير شر الا بالمناااسبات وحتى مشعل ما شفته الا بالملكه ..
هنادي وهي تهمس لها : ودي اصدق بس قووووويه ..
اماني وهي تدفعها بخفيف: استري عشان استر عليك ..
هنادي وهي تهمس لها : لولا مو حامل كان دفيتك ..
ام ناصر : وش فيكم تتهاسون ..
ندى : هههههههه اعلم ولا اسكت ..؟
ام مشعل : اسكتي وروحي لعمتك وجلسي عندها انتي والبنات يالله امشوو بنجلس عند ام حمد .ز
ويرحون ويجلسون . ويسالون عن حالها واخبارها ..
ام متعب : ليه يام حمد ما جت مزنه ؟
ام حمد : دنا ئلت لها بس هيه عوزه تنام ..
ام ناصر : ونوره غريبه اليوم ما شفتها بالعاده هي اللي ترحب ...
ام حمد وهي تضحك : راحت هي واخوها تشتري حاجات تؤول انها عوزاها ..
ام متعب : ووين نجوى يام ناصر يادفع البلا ترا تعرفون انه عندنا غدا يعني ما يجن البنات ليه ..؟
ام ناصر : خلي بنات اخوي يصحون وبعدها اصحي هالنجوى ازعجتني ما نامت الا الساعه 6 كله من هالنت ..
ام حمد : ايوه دلوئتي البنات يام ناصر مش عوزين يدرسو كله على الزفت الجهز ده ..
ام مشعل : والله انا ياليتهم البنات انا رجال وزوجته حامل ويلعب نت ..
اماني : والله انك حبيبه ياعمه تشكين معنااتي ..
ام مشعل : والله يمك مدري متى بيهديه ربه ..
اماني : شكله بكره بولد وهو يقول انتظر لين اخلص النت ..
ام ناصر : والله مدري وش اسوي فيها وناصر اخوها مخليها على كيفها ..
مدري متى بيربي خواته ..
ام متعب : عندهم 3 ابوان يام ناصر ..
ام ناصر : ونعم فيهم والله ..
ام حمد : هي فين رايحه ؟
ام متعب : من تقصدين يام حمد ؟
ام حمد : دي بالنت اللي اسمها ايه ؟
ام مشعل : مضاوي وش فيها ؟
ام حمد : هي فين رايحه بعبايتها ..
ام متعب : هههه لا رايحه تكلم عمها ..
ام حمد :: ايوه لكن شكلها خاركه ..
ام ناصر : لا هي بتستحي تطلع ببجامه ..
ام حمد : ااها
هنادي : بروح اشوف بنات عمي النيمات..
اماني : امشي خلينا نروح ..
ندى : بتنصدمون منهن ...
اماني وهنادي بتعجب : ليه ؟

ندى : نسخه من بعض لدرجه تخربط بينهن ..
ام ناصر : لا عاد لا تكذبين مو لدرجه هذي ..
اماني : كيف ياعمه جد ما يتشاابهن ..
ام مشعل : الا يتشاابهن بس بش واحد ما يتشابهن فيه ..
ام ناصر : الا مافيهم من بعض الا خصلات بسيطه ..
ام متعب : خلاص لا يشبهن ويشبهن لجيتوا راسي .. وهي كل بالها مضاوي وش تبي من ابو متعب عبدالله ..
عهود وهي جايه ومعها عواشه ..
عهود : يوو انتوا لسه هنا تتهرجون ؟
عواشه : ليه من متى وهم على ذي الحاله ..
عهود وهي تفكر : من صحيت ..
عواشه : على خبري توك تقولين لي صاحيه وانه عندكم غدا ..
عهود وهي تضحك : كشفتيني يالهبله ..
عواشه : عرفك يعني منو عهود ماغيرك كذبك واجد هاليومين لازم نشوف له حل ..
عهود : اسكتي ترا ما ازوجك حمدان ..
عواشه : بسكت وربي بسكت فيها حميدان يالبي قلبه ..
عهود : بنات ما يمشن الا بالعين الحمرا ..
وهي تقرب من امها : ام متعب ممكن كلمه ..
ام متعب : ها ياعله ..
عهود : جزاك الله خير يا متعب الا بقول يافضه وش اخر العلوم وين راحت البنت ..
ام متعب : وووجع انا منوو وهي تمسك اذن بنتها ..
عهود : يعني مياااااانه اي ااااااي يمه توجع قرصتك ..
ام ناصر : عسى زين سوت فيك .
ام حمد : كويس انك جيتي ياعهود صحي معك مزنه وشوفي نوره هي جايه او لا ..
عهود وهي تهامس عواشه : بدينا ببتطريشات ..
عواشه : حرام عليك تراها طيبه ..
عهود : مدري ما ارتاااح لها..
ام ناصر : ما تعرفين تقصرين صوتك ياسكينه ..وهي تلتفت لعواشه : وانتي ياريا مو ناويه تتحركين وتنادين بنت عمك نوره ؟
عواشه : ابشري ياعمه بقوم الحين ..
ام ناصر : ومري بيتي وقولي لهيا خصلت الفطاير او لا ..
عهود : خلاص انا اروح لهيا وعواشه تروح لمزنه ونوره وش رايك ؟.؟
ام متعب وهي تكلمهم . : ابسرعه روحن لا تطولن وتطقنها سوالف ..
عهود وعواشه : ابشري ..وهم يطلعون ..
وام متعب ما شالت عيونها من الباب ..
اما بالطرف الثاني بالغرفه المجاوره كان هدء باول الاوقات ..
تدخل بعد سمااعها صوت الندااء لها ..
ابو متعب : هلا يامضاوي ..
مضاوي وهي منزله راسها وهي توقف بنص الغرفه : ابي اتكلم معك ..
ابو متعب : وانا اسمعك ..
وهو ينتبه انها واقفه : تعالي اقربي يابنتي وجلسي ...
مضاوي : انا بقول كلمتين وياليت تتقبلهم وتفهمني ..
ابو متعب وهو يقرب منها : انا اسمعك تكلمي ..
مضاوي : انا اقدر اربي خواتي وهي ترفع عينها له .. واقدر اعتني بابوي .. واقدر اوفر كل شي لكن انا ما ابغى اجلس هنا لا انا ولا خواتي ..
ابو متعب . وهو يجلس باقرب كنبه له .: كنت متوقع هالكلام .. لكن انتي مافكرتي كيف بتسوين كل هذا وانتي بروحك ؟

مضاوي : مافهمت .؟
ابو متعب : بوضحك لك .؟ كيف تحرصين البيت وابوك وخواتك وتطبخين لهم مثلا وتشتغلين بنفس الوقت ؟
مضاوي : احرص على ابوي الصبح واخواتي بالمدرسه ويوم يرجعون انا اشتغل وحافظ عليهم ونوفا اختي تعرف تطبخ .. وان شاءالله ماهوب ناقصنا شي ..
ابو متعب وهو يرفع راسه بقوى : وتتوقعين بخليك تسوين كل اللي براسك ؟
مضاوي : انا ما استشيرك انا جايه اعلمك ..
ابو متعب وهو يوقف بقوى : يعني جايه تعانديني وما اكفاك الكف ..؟
مضاوي : السالفه مو سالفة كف او كفين .. السالفه فيها كرامتنا انا وخواتي .. ما نبقى نجلس ببييت انهااان ابوي فيه ونمسحت كرامته واسمه ..
ما ابغى اجلس فيه انت ما تحس باللي يحس به ابوي .. انا مستحيل اضحك ببيتكم وابوي انهاااان ومطروود منكم ومطعون كان يتمنى بس شوفتكم قبل لا يموت
لكن بهذي الحاله ما اظن انه بيصحى .. حرام عليكم ..
ام متعب : حنا اخوانه ما اهناااه ولا جرحنا هذي وصية ابوي اللي هو جدك وما قدرنا نخالفها ..
مضاوي : قولوا ما قدرتوا تنفذونها عشان مصلحتكم بالفلوس ..
وهو يقرب منها بيمد يده الا هي تمد خدها له : اظرب وهين هذي اولتها وابوي عايش بتظربني اذا ابوي طول عمره ما مد يده علي بحياته الحين اللي اهانوا بيكملون اهانتهم باعياله ..
ابو متعب وهو ينزل يده ويضمها ويبكي كان مخنوق ماعرف وش يسوي بس جملتها الاخير سكته وما عرف يرد غير انه ظمها ومسح دمعته قبل لا تفضحه كارجال .. وهو يسمع يقول
هذا وابوي عايش بتظربني وبتهنونا مثل ما هنتوا ..

مضاوي وهي تدفه: ابعد انا ما ابغاكم تضمونه ولا تعبرون عن حبكم .. انا ببالي اساله تعجز السنتكم الرد عليها ردكم سخيف وماله اجابه مفهومه ..
ابو متعب : المطلوب ..!
مضاوي : نرجع زي اول وما تتقربون لنا .ولا نعرفكم ..!
ابو متعب : طيب وبعدين ..؟
مضاوي : ترجع ابوي لبيته.. وترجع اختي ليلى للبيت ..
ابو متعب : ابوك صعبه ارجعه للبيت الاني توني جاي منه والدكتور يقول حالتخ الحين الحمدالله احسن من امس وصحيح انه عاتب كيف تداونه بالبيت من غير ادويه واجهزه .؟
مضاوي : ابوي بيرجع يعني بيرجع ..
اوب متعب وهو بقرب منها : انتي راسك عنيييييييييد وشكلي بتبع معك اسلوب ثاني .
مضاوي : ببتعب صدقني بتتعب ..
ابو متعب : المفروض يسمونك متعب مو مضاوي ..
مضاوي : اعتقد انه امك نفس طبعي ولا يخذلني الظن ؟؟
ابو متعب : ابد ما يخذلك الا طبق الاصل ..
مضاوي : اليوم ..؟!!!!
ابو متعب : وش قصدك باليوم ؟
مضاوي : ترجعنا للبيت وترجع ليلى ..
ابو متعب : ليلى قضيتها قضيه ماراح تنحل الا بعد سنه الانه المحامي بيباشر قضيتها من بكره . وابوك بيجلس بالمستشفى وخروج ما راح يخرج لين اتاكد بانه بخير ,,
مضاوي : طيب رجعنا للبيت ..؟
ابو متعب وهو يشوفها بعبايتها : ملزمه ؟
مضاوي : ايوه ..
ابو متعب : وان كسرت كلامك وش بيصير لك ؟
مضاوي : قلت لك بتتعب معي ..
ابو متعب : وانا راضي بتعب ..
مضاوي : جلسه هنا مراح اجلس انا ما اقدر انام ببيت ابوي انهااان فيه انت وشهو ما تسمع ولا ما تفهم ...؟
ابو متعب : تقولين انه ابوك رابك ..؟لكن اشوفه رابك غلط وخلاك تردين على اللي اكبر منك ..؟
مضاوي وهي تقرب منه : علمني اكون ورده بين الورود وعلمني اكون اسد بين الاسود ما اكون خروف بوسط نمور ..!

ابو متعب يضحك : ماشاءالله عليك .
مضاوي : لا تضحك كثير الانك بتندم كثير ..
ابو متعب : كلك الغاز يامضاوي ..
مضاوي : بتتعب بحلها
ابو متعب : غرفتك انتي وخواتك بتكون جااهزه خلال يومين بس .. واخوك بيصير له غرفه خاصه ..
مضاوي : دامك مصر على رايك بنجلس بس تحمل مشاكلنا وعارنا ..
ابو متعب : بنشوف يامضاوي من يتحمل الثاني < وهو يضحك ومضاوي تشب ناااااااار ..
مضاوي : طيب بروح لابوي ولخوي بالمستشفى وودي اشوف ليلى من دخلت السجن ما شفتها ..
ابو متعب : ماله داعي تشوفين ابوك الاني توني جاي منه ..
مضاوي : طيب انا بشوفهم انا مو انت يعني انا باخذ لي لموزين وبروح ..
ابو متعب وهو يوقف : مشينا ..
مضاوي وهي منصدمه ... وش مشينا ..
ابو متعب : انتوا من الحين برقبتي وانا مسؤول عنكم يعني بوديك ..
مضاوي : وانا ما طلبت توديني طريقي وادله ,..
ابو متعب : فيك طولة لساان اللهمه يا كافي شرها ..
مضاوي : ماجت من عبث ..
ابو متعب : ماشاءالله الرد عنك جهاز بجيبك ..
مضاوي : لا وانت الصاج حاطته بعلب حافظه ..
ابو متعب وهو يعطيها ذيك النظر اللي تسكتها < مو عارف يتعامل معها بقوى يخاف يخسرها وتزيد بمواجعه وحب يكسر الجو ويلاطفها ويكسبها لصغه وهذي اول المحاولات ..
وهو يفتح الباب ويقول : ما تبين تمشين ..
مضاوي : باخذ خواتي .
ابو متعب : انتي بروحك وخلي خواتك ..
مضاوي : طيب بس ها بعد ما اخلص من زيارة ابوي واخوي بزور ليلى .. وباخذ ملابسنا من بيتنا ..
ابو متعب : ول كل هذا شكلنا ماراح نرجع الا المغرب وغدانا اللي مسوينه بيكلونه الدجااج ..
مضاوي : ما يهمني المهم تبغاني اجلس نفذ طلباتي ..
ابو متعب : اهااااا طلبااتك .. شوفي بس هالمره المره الجايه مااافيه ..
وهو يقول يالله انا بسياره انتظرك عند المدخل ..
مضاوي :بمشي وراك ..
ابو متعب : روحي تفطري وبعدها تعالي ..
ام متعب :؛ زين سويت يابو متعب من صحت وانا ابيها تشرب او تاكل شي ..
مضاوي وهي تبي تتكلم وترد الا اب ومتعب لاحظ ملامح وجها : لا تكثرين حكي يالله امشي ..
ام ناصر : بس هي ما ذااقت شي ..
ابو متعب : بالطريق بتعين خير ..
ام ناصر : وين رايحين ..؟
ابو متعب : رايح لمشاوير وراجع ..<< ما حب يقول وين رايح خاف يلم العايله معه ..
وهو يشوف مضاوي يالله منتي رايحه ..؟
مضاوي : الا بروح يالله وهي تطلع معه لسيارته الكشكه مرسدس سوده اخر مديل .. وهي تركب بالخلف الا تسمع
عمها يقول : تراني موب سايق لك عشان تركبي وراي ؟
مضاوي : ما تعودت اركب جدام ..
ابو متعب : اركبي جدام لا تخليني اعصب جد ..
هنا خافت ما حبت تردده ... واركبت جدام .. وطول الطريق ساكته ما تبقى تتكلم ولا كلمه ولا حتى حرف منتبهه للمناظر الطبعيه بالحي اللي يسكنونه وبالبيوت اللي اشكالها قصور فخمه ..
الا ثواني الا وهي واقف عند بااب المستشفى اللي يقول انه مستشفى اخوها متعب .. وهي تلف عليه وتقول هذا مو مستشفى اخوي متعب ..
ابو متعب : الا هو ..
مضاوي : انت ماتعرفه ..
يقاطعها : من امس وانا ماخذه من المستشفى الحكومي لمستشفى الخاص ...
مضاوي : شالون وانا ما جيت منه الا الساعه 10 تقريبا ..
ابو متعب : مافي عندي شي مستحيل بعد ما اخذتك طلعت ورحت وجبته وجتني معلومات انه نوفا كانت جاليه عنده وبعدها انتي .. واللي اخذه مو انا يعني لكون صادق بمعلوماتي
هوشخص اللي انقله وانا بعد ما تطمنت انك موجوده ببيتي رحت اتطمن عليه واشوفه بالمستشفى الجديد ..
مضاوي : وكيف عرفت كل هذا ..
ابو متعب : قلت لك عندي جواسيس وهو يضحك ههههههههههههههههههه
مضاوي تشمي اقباله ولا همها ضحكاته وهي شابه نار من عمها ..
الا تسمع صوته يقول : الدور الاول الجناح الثاني غرفى 3 ..تلقينها على اليومين .. روحي على ما اسال الدكتور عنه ..
وهي تركض للاصنصيل ..وتركبه وتضغط رقم واحد .. وتروح ويدها على قلبها متلهفه تشوف اخوها الغالي متعب ..
ينفتح الاصنصيل الا تشوف ذاك الشخص اللي شافته امس .. اللي جاب لها عصير .. وهي ما تعطيه وجهه وهي تسال ببالها كيف جاء هنا ؟
وتكمل مشوارها وتروح للغرفه رقم 3
وتفتحها الا تنصدم ..
بانه متعب جالسه وغرفته ملياانه ورد وهو جالس على الكنبه وجنااح كامل له موغرفه بسيطه..
مضاوي وهي تركض لاخوها وتضمه بقوووووووووووووووووه ": متعب حبيبي ..
متعب : مضاوي اشتقت لك ..
مضاوي وهي تبووووسه وهي تبكي : وانا اشتقت لك حيييييييييييييييل
متعب : وانا اكثر ..اشلون لولوه ..
مضاوي : ياقلبي انت عارفه بتسال عنها قلبك ابيض ما يخليك حتى وانت مريض تسال عنا ..
متعب : وخالي منصور وينه ..
مضاوي : ماراح يجينا واذا شفته صدقني لذبحه لو ادخل فيها اعدااام ..
متعب : لا يكفينا ليلى ..
مضاوي وهي تضمه اكثر : ها بشرني عنك اشلونك الحين ياقلبي ..
متعب : انا بخير بس يقول الدكتور لا تفكر كثير ..
مضاوي : طيب لا تشيل ولا تفكر ومنصور هذا امسحه من فكرك مثل قلم الرصاص كيف تمسحه المحاايه ..
متعب : ههههه طيب ..
مضاوي : اهم شي اشوف ضحكتك ..
متعب : ترا عمي جاني الصبح ..
مضاوي وهي مصدومه .: كيف جااءك توه قايل لي انه بيسال الدكتور عنك ..
متعب : جاني الساعه 6 وعلمني بالسالفه كلها وناصر ما قصر معي من الصبح وهو جاليس معي ..
مضاوي : لحظه لحظه انا مو فاهمه وش تقصد بناصر وعمي ؟
متعب : عمي عبدالله جاني الصبح وقالي عن القصه وكان معه الدكتور ومع ناصر اللي اخذني من المستشفى الحكومي للمستشفى هذا ..
مضاوي : اها كمل ..
متعب : وقالي انه لولوه اخذها منصور لبيته وانتوا ببيت عمي عبدالله وانه راح نسكن هنااك معه من اليوم ..
مضاوي : وبعد وش قال ؟..
الا تسمع عمها يكمل : وقال مافي طلعه الا على دفني ..
مضاوي وهي خافت من صوته .. :................
ابو متعب : وشفي صوتك اكله الفار ؟
مضاوي : لا بس ما توقعت بتجي ..
ابو متعب : يعني خبرك اني جيته الصبح وخرب المفاجاءه ..
مضاوي : وليه رايح لدكتور ..؟
ابو متعب : الانه قالي في تحاليل بتطلع الساعه تسع والحين الساعه عشر قلت اخذها مره وحده واسال عنه ..
مضاوي وهي توقف اقباله وبصوت منخفض : .. وش قال الدكتور عنه ..؟
ابو متعب : كل شي بخير بس يقول ممنوع الانفعال جدامه يعني اذا تبغين مصلحة اخوك لا ترفعين صوتك وتضايقينه ولا تعصينه ..
مضاوي : اعصييييه ...!!
ابو متعب وهو يجلس عند متعب ويبوس راسه : اي تعصينه الانه متعب بيجلس معي وماراح يخلي عمه وعمانه كلهم ..
مضاوي : طيب منو ناصر هذا الي جابه..؟
ابو متعب : هذا ولد عمتك وضحه ..
مضاوي : اهاااا
ابو متعب وهو يكمل : اللي جاب لك العصير والكرسوان ..
مضاوي بصدمه : ما يمديه نشر الاخبار ..؟
ابو متعب : عشان تعرفين انه عمانك ماهم هينين وخصووصا انا ..
مضاوي وهي تعطي متعب اكبر اهتمام : طيب حبيبي ماقال الدكتور متى تخرج من هنا ..؟
ابو متعب : قال بكره باذن الله ..
مضاوي وهي تتافف بصوت واطي : خلاص فهمنا انك عمنا ..
ابو متعب وهو يخلي نفسه (أصقه ) اللي ما يسمع ..
ويلتفت لها وهو يقول : يالله تطمنتي على اخوك خلينا نمشي لابوك قبل لا نتاخر ..
مضاوي : انا ما شبعت منه ..
ابو متعب : لا جاء العصر خليتك تجينه بس يالله ..
مضاوي وهي تبوس راس اخوها وتمشي مع عمها لسيارته ..وتركب السياره و ما تتكلم ولا ترد عليه ..
كل املها نخلص من ابوي وتروح تشوف ليلى اختها ..
الا سؤال ببالها ودها تساله عمها وتستفسر منه اكثر قبل لا تروح للمستشفى لابوها : ممكن سؤال ..
عمها وهو منصدم انها تكلمت الانه بالمره الاولى ما تكلمت معه وهو حب يكسر حاجز الصمت: تفضلي .
مضاوي : ليه بتزوج اختي لولوه بعد اسبوعين .؟
ابو متعب : ههههههههههههههههههههههههههه
مضاوي : اظن ما قلت نكته ؟
ابو متعب : اسف بس توقعت بتسالين سؤال ..
مضاوي : ليه هذا مو سؤال ؟
ابو متعب وهو يضحك برسم الابتساامه : الا سؤال بس سؤال اجابته بتضحكك ..
مضاوي : اشلون ؟
ابو متعب : يعني بزوجها ..
مضاوي : حرام عليك بنت عمرها 18 سنه وين تتزوج وهي ما كملت دراستها ..
ابو متعب : انا بستر عليها ماراح اعدمها ..؟
مضاوي : هي ما سوت شي غلط ::
ابو متعب : الا سوت ..
مضاوي : طيب ليه تعقبها بتزوجها واحد ما يخاف ربه و بيظلمها معه ..
ابو متعب وهو يمسك مقود السياره : كل السالفه قرصه ..
مضاوي : انت ليه تتكلم بالالغاز ..
ابو متعب وهو يلتفت لها : نفسك ما اتفاهم الا بالغاز ..
مضاوي : طيب قولي ..
ابو متعب : لين تعترفين فيني عم بقولك ..
مضاوي : بعترف بس قلي ..
ابو متعب : مع اني مو متاكد من جوابك الا بقولك الانك طلبتيني ..
مضاوي وشكلها مو عاجبها الكلام ..:................
ابو متعب : ااهااا كل الحكايه لعبه ومافي زواج وكنت اضحك عليها واشوف قوة خوفها على شرفها ..
مضاوي هنا اسكتت ..: ............
ابو متعب .: وش فيك اشوفك انطميتي ؟
مضاوي : يعني ما راح تعرس ؟
ابو متعب : ليه خايفه تدخلين العنوسه مبكر ؟
مضاوي وهي تضحك من قلب :ههههههههههههههههههه اما العنوسه كثر منها الاني ماراح اتزوج واذا فكرت بتزوج اللي قلبي يحدده ..
ابو متعب : تخسين وتعقبين وانا اخو وضحه ..
مضاوي : وانا بنت عبداللطيف اللي ما تكسر خشمه ولا تعوجه ..
ابو متعب : عفيه وهذا ظني فيك ..
مضاوي : كنت اقوس نبضك واعرف اسلوبك ..
ابو متعب : ذكيه نفس جدتك ماشاءالله عليك ..
مضاوي : سوالف لي عن جدتي مضاوي .؟
ابو متعب ويجلس يسوالف عنها عن جدتها وطبعها وسوالف ابوها مع جدتها وكل شي لين وصلوا المركز ..
مضاوي : وش هذا ؟
ابو متعب : شفتي الساعه كم ؟.
مضاوي : وحده الا ربع ..
ابو متعب .: ساعه وحنا بالطريق عشان نوصل ليلى ..
مضاوي وهي تضيح : واخيرا بشوف ليلى جد والله بشوف ليلى اختي ..
ابو متعب : ايوه بتشوفينها ..
مضاوي : لكن انت قلت بتاخذني لابوي ..
ابو متعب : ابوك محتاج لراحه وهو مثل حاله اذا رحنا لابوك تاخرنا وما تقدرين تشوفين ليلى الا الاسبوع الجاي ..

مضاوي : يالله اجل خلينا نشوفها ..
ابو متعب : ثامر ولد عمك يشتغل هنا ..
مضاوي : وش سالفتهم ناصر وثامر يعني كانوا حولينا وحنا ما نجري ؟
ابو متعب : اقولك جواسيسي بكل مكان ..
مضاوي : مشتاااقه اشوف ليلى اختي مررررررررررررررره ..
ابو متعب : بتشوفينها باذن الله ..
مضاوي وهي تدخل المممر المخيف .. وتشوف عمها يسلم على رجال طووويل وشعره تقريبا صفر .. وعيونه فيها نظرة اسد ..من الخوف .. الا يتكلم ..
ثامر : زين جيتوا ربع ساعه وتسكر الزياره ..
ابو متعب : وينها يابوك ..
ثامر : ااااااااااه بطرش لها الحين وثواني وتكون عندكم ..
ليلى : واخيرا ياعمي بشوفها وربي مشتاااقه لها ..
ثامر وفي قلبه : ما اظن بتشوفني وهي بذي الحاله ويمكن الحين تبكي من اللي صار منساع ..!
ابو متعب : وش فيك ياثامر ..؟
ثامر : ماشر بس عندي شغل بسوي وانتوا اخذوا راحتكم ..
وهو يروح بنفسه لزنزاانتها ويقرب منها وينااديها ..
ثامر : ليلى لك زيااااااااااااااااااااااره ..
ليلى وهي تمسح دمووعهها : كذااااااااااب انا مالي اهل ..
ثامر : اختك مضاوي هنا ..
ليلى من الفرحه قامت من غير ملفع الا ينذهل بدموعها وخدودها الحمر ..
ثامر : سبحانك ربي .. وهو يلف وجهه ..


(( وش تتوقعون بالاجـــــزاء القــادمه ؟؟؟ )))

* توقعاتكم بالجزءالعااااشر
لا يقل عن تسع اسطر هع ..


الخميس البارت القادم .. لا تحرموني من مشااركاتكم وتقيماتكم ><> طراره ..



قصتنـــــــــا في اولــــــــهـــا ..
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل
انـــــــــجال ..

هلا وغلا ياغلاتي تمنيت يا نفحات تعليق اطول من كذااا ؟..

نتواصل انجال

وه بس

انجااااال ,,, الله يعطيكي العااافيه على هالروايه

جذبتني من بدايتها

انقهرت وعصبت على الاحداث ...

ان شاء الله الجاي احلى

ههههه مضاوي فله هي ولسانها الطويل

ما يضيع لها حق ...


بانتظارك ياعسل يوم الحميس :)

السلام عليكم
شخبارك انجال
بارتات رائعة ومميزة عجبتني حيل واحس اني غصت معهم بلقصة وبحياتهم
اتوقع انة موضي راح تكمل دراستها الجامعية
واحس انة ولد عمها اللي ما يحب سيرة الزواج راح يعجبة ذكائها وحبها لاخوانها واهتمامهم ببعض وراح يحبها ويتزوجون بعد عناء وتعب
لولوة اعتقد ولد عمها اللي حبسها بالغرفة
راح يتزوجها