الجزء الرابع والعشـــــــــرين 24..
------------------------------



ناصر عند الباب يترجى نوفا انها تفتح الباب ,.. ونوفا ما عطته رد جلست تبكي ..
وهي تتحلطم : بعدي عروس ويمد يده كيف لو عشت معه حساافه اني حبيته يعني يزفني جدام اخته ليه ياناصر ما توقعت منك كذا ليه تحطم قلبي ..
ليه تكسر حبك اللي دخله ما توقعتك كذا ..

وهي تشهق وتصرخ عليه : ماراح افتح لا تحاول يا ناصر ماراح افتح ..

ناصر : انا اسف يانوفا والله لحظة غضب ..
نوفا : اسف وين اصرفها بقلبي ولا بحبك اللي من اول حياتي معك ضريته...
ناصر : خلاص يانوفا علشان خاطري ..
نوفا : ماراح افتح ..
ناصر : يعني مالي خاطر عندك ؟
نوفا : ................
ناصر بود : نوفا والله احبك وانا قلت لك اسف ..
نوفا : بروح لبيتنا ..
ناصر : هذا بيتك يانوفا ..
نوفا : لا هذا مو بيتي هذا بيتك ..
ناصر : وانا وانتي واحد يانوفا لا تكبرين المساله ..
نوفا : والضرب والاهانه لي جدام اختك شي بسييييط بالنسبه لك ..
ناصر : اكيد لا بس قلت لك اسف ولحظة غضب ..
نوفا : غضبك تحطه عليها الانها هي اللي اغلطت علي مو انا .. وثانيا هي اللي جابت سيرت اختي بالغلط وانا ماراح ارضى باحد يسب خواتي حتى لو بالكلام ..وهذا
مو اي كلام يا ناصر هذا شرف ..وتتهمني بالشرف وانت راضي ليه ما توقعت منك هالسكوت بدال ما تبهذلني بهذلها ..

الا تسمع باب الشقه ينقفل ..
وطلع ناصر من الشقه وهو متحسر عن تصرفاته,,,ونزل تحت عند امه ..

كانت ام ناصر جالسه تكلم هنادي بالجوال .. وتشوف ناصر نازل وشكله متضايق .. غفلت من هنادي واعتذرت انها بتشوف من عند الباب ..
وهي تنادي ناصر .. : نااااصر يمه ..
ناصر عند الباب بيفتحه ومن غير نفس : هلا يالغاليه
ام ناصر : وش فيك ياناصر
ناصر : مافيني شي ..
ام ناصر : الا وجهك واضح انك متضايق لايكون متهاوش مع نوفا ..؟

ناصر تنهد وسكت : ..........
ام ناصر : ياولدي اصبر عليها ذي توها بزر ما تعرف شي بالعرس ..
ناصر : يما السالفه مو سالفة سهله بنتك ذي بتسبب لنا مشاكل والسبب انانيتها ووكرهها للناس ... وهي السبب اللي خلتني اتهور واضرب نوفا ..
ام ناصر تشهق : وشهو ضربتها ليه ؟
ناصر يعطيها وجها وجسم ويتنهد بصعوبه : هي قامت تسب نوفا وخواتها ونوفا طولت لسانها على نجوى بتدافع عن خواتها وهذا حقها بس بلحظة غضب ضربتها وندم والله اني ندمان اني
رفعت يدي عليها ..

ام ناصر : وانت سويت اللي تتمناه نجوى انك ضربت زوجتك بتخرب بيتك من الحين .. باول ايامك تمد يدك . لا ياناصر يمك تعال اجلس بكلمك ..

ناصر : يما تكفين مالي خلق اجلس بالبيت دقيقه ..
ام ناصر : اجلس واذكر ربك..

يجلس ناصر جنب امه وهو متضايق
ناصر : الا اله الا الله محمد رسول الله ..
ام ناصر : علمني السالفه كلها وانا بوريك بنجوى ..
ناصر : وش بقى ما سوينا فيها طق وطقيتها وكسرت راسها بس بنتك ما ترتاح الا لين اذبحها . وهذا وانا محشمها علشان توني معرس .. واخرتها تشب النار بيني وبين زوجتي ..
ام ناصر ..: مهما كان هذي اختك مالها غيرك انت وخالد يعني كثر الطق سبب لها عقده وهي طبعها كذا وش نسوي ومثل ما قلت كل شي سوينا ومانفع معها وش بقى بعد ياناصر هدي وقول
لزوجتك هذا طبعها عجزنه فيه وخليها تتصدى عنها ..
ناصر : يما نوفا مو راضيه حتى تكلمني مغفله عليها الباب ولا هي راضيه تطلع من حجرتها الا لبيت اهلها ..
ام ناصر : انت روح وانا اكلمها ..
ناصر : وش بتقولين لها ؟
ام ناصر : انا بهديها والله كريم .
ناصر : هي مابترضى الانها تقول انك فشلتني جدام اختك وانا بعدي عروس ..
ام ناصر : انت الله يهديك تسرعت ..
ناصر يتنهد بقوى : شسوي كنت احسبها نجوى الاني تعودت على ظربها وطلعت بوجهي نوفا .. وماقدرت اركز ولحظة غضب ,,
ام ناصر : اسمع ياولدي ابوك حماد عمره ما مد يده علي ولا حتى باصعب الاسباب .. وانت كل ما عصبت بتمد يدك ؟ لا ياناصر ابوك ماعلمك ترفع يدك على بنت الناس ..
مهما يكون هذي زوجتك وعرضك وحلالك ولا تنسى انها بنت خالك المريض ..
ناصر : عارف وربي عارف يايمه بس وش اسوي الحين ؟
ام ناصر : انا قلت لك خلها علي ..
ناصر : هي ماراح ترضى علي الا لما نجوى تعتذر منها ..
ام ناصر : هي قالت كذا ؟
ناصر : لا ما قالت بس اكيد هي تبغى نجوى تعتذر منها ..
ام ناصر : لا تقول شي وانت ما سمعته خلها علي وانت توكل وكل شي بينحل وانا امك ..
ناصر : والله يايمه ما اقدر اطلع من البيت احس اني متضايق بقوى ..
ام ناصر بضحكه : لدرجه هذي تحبها ؟
ناصر : كيف ما احبها يايمه ..!! هالبزر خلتني بعالم ثاني ..
ام ناصر : ههههههههههه الله يخليكم لبعض وما يفرقكم ..
ناصر : اللهمه امين ..
ام ناصر وهي تمسك كتفه : يالله رح جيب لها ورده وهديه تطيب خاطر زوجتك فيها ترا الحريم يحبن الهدايا اسالني انا ..
ناصر : هي وقفت عند هديه تبشر بمحل هدايا بس ترضى ..
ام ناصر بضحكه : خلاص رح اشتر المحل وتعال ..
ناصر : ههههههههه ماعندي فلوس المحال باجلها لوقت ثاني خليني اشتري الورده الحين وبعدها المحل ..

ناصر ما حب يضايق امه اكثر هي يكفيها انها شايله هم اخته نجوى اللي ما تسمع كلمة لا صغير ولا كبير ..
وهب يفرفشها بكلام الطيب ..


ام ناصر : هههههههه ولا تنسى تطيب خاطرها بكلمتين حلوات ترا مو بس الهديه بتراضيها بالكلام الحلو والضحك معها بتنسيها اللي صار وبترضا عليك ..
ناصر ببتسامه : ابشري يالغاليه اهم شي راضك انتي
ام ناصر : انا راضيه و الله يرضا عنك ياولدي ..
ناصر : انا طلع تبغين شي يالغاليه ..
ام ناصر : ابد سلامتك يانور عيني ..
ناصر : فمان الله ..
ام ناصر : وانت فمانه ..

يطلع ناصر والفكره تدور براسه وش يشتري من الورد واي نوع والحجم يفكرر فيه انه بيملي الغرفه كلها ورد ..

وانه بيغرقها بالكلام الحلو بس ترضى عنه .. ما حب الا نوفا ما عشق الا نوفا ما ذاب بهواها الا نوفا ..ما ضحك سنه الا بضحك نوفا ..
ما يدري كيف حياته كيف من غيرها اسبوعين معها حب الحياة كلها .. يحس زعلها غيمه سوده بحياته .
. بجد اول مره يجرب كيف الانسان اللي يحبه يزعل عليه وكيف تصير حياته من غيرها ..
مسك سكان اليساره وسيده على اقرب محل زهوور وهدايا ..


بالطرف الثاني :
نوفا اول ما اسمعت صوت تغفيلت الباب افتحت بابها تشوف ناصر طلع ..
هز في خاطرها كيف يطلع وهو زعلان وحاول كذا مره يراضيها لكن هي الرافضه .. متشتته بين غلاه وتجريحه لها ..
صحيح تضايقت من السالفه التجريح بس اول ما طلع كانه قلبها قام من مكانه وهي تقول : اكيد زعل مني اكيد زعل الاني ما رديت عليه ..
وش تسوين يانوفا الحين ..
تطلع من غرفتها وتكتشف الجناح فاضي وانه ناصر جد طلع
ما حبت تطول بالتجوال الا تسمع صوت الجوال مالها يرن ..
وتروح تركض له وتشيله من غير ما تشوف منو المتصل على بالها ناصر ..
نوفا : وينك ..
لولوه : انا لولوه وشهو ويني ؟
نوفا بصدمه : اااه لا احسبك ناصر ..
لولوه : اها قولي السلام كيفك ياختي لدرجه هذي ماخذ قلبك ناصر ؟
نوفا : السلام عليكم
لولوه : وعليكم السلام والرحمه ..اشلونك وش اخبارك ..
نوفا : تمام الحمدالله ..اشلونك انتي ..
لولوه : تمااام وينك انتي فيه ..
نوفا : بشقتي ..
لولوه : يعني ما نزلتي لعمتي ؟
نوفا : لا شكلي بنزل ..
لولوه : وش رايك تجين بيتنا بروح نسوالف مع ليلى حرام جالسه بروحها ..
نوفا : طيب متى بتروحين ؟
لولوه : الحين لو تحبين ..
نوفا : طيب البس واجيك ..
لولوه : غريبه ماراح تقولين لناصر ؟
نوفا : عادي مااراح يقول شي يالله بلبس واجيك ..
لولوه : يالله بروح لها بلقااها ضيق حلقها وبيجب معي حلا مسويته ..
نوفا : الله لولوه صارت تعرف للحلويات ..
لولوه : يالله وش نسوي ماعندي شغله وحط حرتي بالحلويات ..
نوفا : يالله غفلي بروح اغير واجيكم ..
لولوه : طيب خلاص اشوفك هناك ..
نوفا : مع السلامه ..
لولوه : مع السلامه ..

وتغفل نوفا وتفتح خزاانتها تدور لها لبس تلبسه علشان تطلع لبيت اهلها .. وتحتار وش تلبس الجنز ولا تنوره .؟ بس اخيرا اختارت بلوزه طوويله للركبه ولغنز . لونه بني مع ازرق .. كان روعه
وتاخذ لها شنطتها الجديده اللي شرتها من سوق البستان بالكويت باسبوع العسل .. وقالت بتاخذ سور علشان ما تبين انه عيونها متورمه وبتحط مكياج خفيف ..
وتاخذ شور سريع ..

وتنشف شعرها بالاستشوار .. وتحط المكياج الخفيف وهي بعدها لابسه الروب الحمام وتغني ولا فكرت بناصر تقول خليه هو اللي زعلني وبعلمه منهي نوفا خلاص ماراح اضعف وكل ما صار شي
نزلت هالدموع هذي كرامه وشرف ..

الاتسمع صوت طرق الباب الا يوقف قلبها تحسبه ناصر

من الخوف علبة العطر طاحت على ساقها .. وهي تهذري على نفسها وين بروح وين اخبي نفسي وانا اللي ساعه ونص ما رديت عليه ياويلي بيعصب الاني غفلت على نفسي
وانا خبله ليه ما غفلت الباب الرئيسي للشقه علشان اضمن انه ما يدخل علي بالوقت الحرج ولا وعلي روبي ياويلي ويلااااااه ..
الا تفتح الباب عمتها وضحه الا وجها احمر بزياده ..
ما توقعت انه عمتها بتفتح الباب بالمنظر ذا .. تحس صارت طماطه والعمه ما انتبهت على لبس نوفا ..
ام ناصر : هلا نوفا وش هالزين ..
نوفا بخجلانه ومستحيه : ها اي منك ياعمه ماخذته ..
ام ناصر : يازينك والله انه جمالك تبارك الرحمن ما يشبهني مير انتي ازين مني ..
نوفا : تسلمين ياعمه..
وبعدها تستوعب : تامرين شي ياعمه ؟
ام ناصر وبعدها مالاحظه كل فكرها محور السالفه اللي بتقولها : لا ابد يابنتي جيت اسوالف معك شوي وشكلك بتنزلين تحت ..
نوفا : لا والله بروح لبيتنا ..
ام ناصر بخوف : ليه يابنتي ترا السالفه ما تحتاج بيت اهلك مهما كان هي لحظة غضب والله انه ناصر جاني تحت متضايق ويبي يرضيك باي وسيله ..
نوفا منصدمه من اللي تقوله عمتها يعني ناصر قال لها السالفه ..؟؟

ام ناصر تكمل : اي يانوفا استعيني بربك ترا هذا بيتك مثل ما ذاك بيتك ولا تفرقينا يابنتي انا ماصدقت اخذ من بنات اخواني ما ابيهم يكرهون وانا ماعندي الا هالخوان والسبب اولدي ..
نوفا حزت بقلبها هالكلام واسكتت :...............

ام ناصر : يابنتي ترا ناصر جاني وقالي السالفه ترا والله يحبك ولو ما يحبك ما جاني وترجاني اني اكلمك وترا نجوى عجزنا يامك نكلمها ونظربها ما نفع معها شي غير انك تصديها ..
وحتى لو قالت عنك او عن خواتك كلمه طنشي يابنتي الظرب صار عندها شرب الماي
.. والشتم صار مثل الاكل ما تستانس الا لما تتهاوش مع حد ..
ما تشوفينها مكروه عند الكل .. وهنادي بنتي ما تكلمها واعقلهم هنادي وياخوفي هيا تلحقها الاني الى الحين اقدر اتحكم فيها مير ما عاد تطيعني مرات ..

نوفا : ................
ام ناصر : عاد ابيك تتراضين انتي وزوجك وهذا العرس يامك لازم فيه مشاكل تراها ملح هالحياة .. وناصر اولدي اعرفه قلبه ارحيم ورحوم ويحبك .. وياليت يابنتي ما تتزعلين معه
واذا زعلك على يوم والله لا يقوله تراني امك يا نوفا لا تقولين ام زوجي بتدافع عن ولدها تراني معك لا تخافين يابنتي وانتي بنت الغالي اخوي منتي بنت الناس ..
يعني دمك هو دمي يانوفا ..

نوفا اخجلت من كلامها واسلوبها وطيبتها من غير شعور بكت وحست بجد تمنت امها موجوده وتحظنها .. وما لقت الا حظن ام ناصر يفتح لها وتجلس تصيح بحظنها ..
ام ناصر : لا يابنتي ما ابيك تبكين قومي غسلي وجهك وخليني اشوف نوفا البنت اللي قبل دقايق كانت ورده مفتحه ..

نوفا : طيب ياعمه ..
تروح نوفا تغسل ةترجع من جديد الا عمتها تقول :ان شاءالله هونتي تروحين لبيت اهلك ؟
نوفا : لا بروح بغير جو جلستي هنا بتضايقني بروح اتسلا مع جمعت خواتي وارجع ..
ام ناصر : خلاص على راحتك يانوفا بس ها بلغتي ناصر بالموضوع الروحه ..
نوفا : ما يحتاج البيت جنب البيت ياعمه ..
ام ناصر : على راحتك ..
نوفا : بحط الميك اب وبروح لهم..
ام ناصر : على راحتك وانا بروح بشوف هيا وش تسوي .
تنزل تحت العمه وضحه وتمكيج نوفا وبعدها تلبس وتطلع من الشقتها ......


----------------


بالغرفه كان الهدوء يعم والجو غيم وخيالي من نافذت مضاوي بالمستشفى ..
جالسه والشاش على راسها ملفوف تحس بالصداع لكن احسن من قبل ..تحاول توقف بنفسها من غير مساعدت احد هالمره وهي مقتنعه
بانها قادره تساعد نفسها لكن كل محاولاتها باتت بالفشل ..
الا هالمحاوله قدرت توقف وتوصل النافذه التي سحرتها منظرها وهدوء الذي يعم الغرفه .. وكانها تريد روية الجنه التي هي فيها
قبل رحيلها لاول مره تخرج خارج اسوار الوطن وهي تردد "
ما اجمل رطوبتك بالصيف وحبات ترابك بعيني ... بجد الله عطاهم الجنه بالدنيا ونحن باذن الله الاخره لنا .."

مسكت اخيرا مقبض النافذه وهي تبتسم بنجاح محاولتها الاخيره .. وهي تشجع نفسها ببتسامه فرحه تشبه ابتسامة الطفل بالتحقيق مطلبه ..

واخيرا رائت البشر من فوق الطوايق العملاقه .. وهي تنظر للحديقه الشاسعه والبشر والمنظر الخلاب وتخزن المنظر بذاكراتها ..

وتلتفت للخلف وتراى الغرفه التي سكنتها لمدة اسبوعان ..صغيره كئيبه تشعر بالتعذيب بالجلوس داخلها ..
تمنت لو استطاعت ان تقفز وتجلس بالحديقه الخلابه هناك ..لكن تحس وهي تكتشف عكس الزجاج لصورت وجها ..
وهي تحاول ان ترفع يدها لتلمس صورة انعكاس وجها علزجاج لاحظت اختفاء الشعر التي تعتز كل بنت به .. بطوله ولونه .
وحتى ذبلان وجها وعينيها اصبحتاااه ليست كاعينين مضاوي التي تعرفها ؟.

مضاوي : والله وتغيرتي كثيير يامضاوي لا الوجه هو وجهك ولا صورت الجسم اللي اقبالك صورت جسمك وهيئتك ..
جتى العيون صارت ذبلانه .. خلاص انتهيتي المرض اخذ كل شي زين فيك ..
حتى القوى الي املكها سلبوها مني .. حتى الوحده صارت عنواني وانا الي ما اجلس بمكان واحد مقعده على هالسرير ..
لا كلمه لي ولا امر .. ولا حتى لي ونيس اتسلا معه بالكلام حمد مرتين يجيني بالمستشفى الساعه 9 الى 10 ونفس هالساعه يجيني المساء .. يعني يبري ذمته انه جالس معي ...
احس بطفش وضيقه تذبح الصدر ..
متى يمر الاسبوع على خير مشتااقه للبيت مشتاقه لابوي ومتعب .. ومشتاقه لاخواتي احس لي مده طوووويله ما شفتهم بجد وحشوني ..
كاني طير مهاجر عن ديرته رغم عنه ..بسبب الكوارث الطبيعيه وتضحك ههههه الكواراث صارت مرض يهدده بالموت اما الحياة ..

بجد الدنيا حولي غريبه ..وين كنا ..؟ ويين صرنا يا مضاوي

قبل ندور الهلله وندور لقمة نعيش منها .. امي تطلع الصبح ما ترجع الا المساء وهي هلكانه واخر الشهر تراتبها من الشغلتين ما يتعدى الالف اريال ..
وانا اللي اكذب عليها وادور لي شغل من وراها ابي اريحها وكل ما جت تسوي العشا وعيونها ذبلانه وتعبانه وغير ذا تبكي من الحاجه والفلوس الناقصه ..

وهي سرحانه تقول بهمس : تعبتي يايمه كثير من حياتك واهلك وشغلك تحملتي ابوي واعاقته وتحملتي الويل والفقر علشانه ..
بجد يا يمه جعل مثواك الجنه والفردوس .. ترتاحين فيها من هالحياة ..
بس تمنيتك يايمه جنبي تحظنيني من الوجع اللي احسه ..
هو وجع نفسي ولا داخلي ولا وجع هالراس اللي عجز يفكر ..!!
بجد لو كانت امي حيه ما تركتني لحالي .. وهي تبكي تستند راسها على النافذه محتاجتها كثير محتاجتها بكل شي بحياتي احس بتعب ما اقدر امسك المسؤوليه
ولا اني قادره اوقف بنفسي محتاجه احد معي بهذي الازمه اللي اعيشها على الاقل خواتي .. وهي تبكي اكثر ولا هي قادره ترجع لسريرها من اتعب ماسكه المقبض بشده ..
تحس بتقع باي لحظه ..واكثر الي ضايقها انها بروحها وقلبها تتسارع دقااته ...
ولا هي عارفه وش بتسوي غير انها تتمسك بالمقبض وتصبر ..بكل جروحها والمها .. وفجاء احست انها ما تقدر تركز على اصابع يدها تحس بتفلت باي لحظه غمضت عيونها واستسلمت
للوقوع باي لحظه .. وفجاءه حست بيدين تمسك خصرها من غير شعور طاحت يدها وهي تلف براسها بتشوف منو هالشخص الي انقذها من الوقوع..

الا تنصدم هو ماغيره هو كيف جاءه ..هذا ماهو وقته اللي يجي فيه دايم ..

حمد : انت بخير ..
مضاوي بصدمه : .........
حمد : ليه تعصين الاوامر وتتركين عن السرير ؟.
مضاوي بعد ما جلسها حمد بالسرير ..: كنت محتاجه اشوف الغيم والجو كان يغري وخيالي..
حمد : يعني بتذبحين عمرك علشان هالجو كان ناديتي اي سستر هنا وتساعدك ما تورطين عمرك واخرتها تتعلقين كانك الشاذي مو عارف يطلع من شجرته ..
مضاوي وقلبها دقت طبول الغضب : لو سمحت انا ما قلت ساعدني..!! كان خليتني ولا تسمعني هالكلام السم ..
حمد يجلس بالكرسي : لو خليتك كان توجعتي وتاثرتي بالوجع اكثر ويطول مكوثك هنا ماتفكرين انتي ولا خلاص شالوا الورم صرتي طفله ما تسمع الكلام ؟..
مضاوي كل شوي يتمادى بتجريحها ...

مضاوي : خلاص اذا انت مو قادر تستحمل طفلولتي وعبثي على قولتك اتركني رووح انا ما جبرتك تجلس عندي ولا جبرتك تتزوجني ..
انت من نفسك جيت وليه تجي بالاساس وهذا مو وقتك اللي تعودت عليه تجي لي بالمستشفى ..خلاص روح ولا تسمعني كلامك اللي زي السم لي ..

حمد انصدم من كلامها : ومن قال اني بروح يعني بسمع كلامك لا بجلس علشان ما تكررين الحركه البايخه واذا تبغين شي مره ثانيه قولي لسستر بضغطت زر على اليمين بتلقينها
وبتجيك اول ماتتركين الزر ..
وثانيا سالفة زواجي انتي عارفتها لا تتغبين .. وسفري لو بكيفي ما تركت بنتي علشانك ..لكن خليها بالصدمات تجي مره وحده علشان الوالد وراضااه عندي ..
ولا انتي شنو تعنين لي مجرد بنت عم واول ما نوصل كل واحد بيروح بحال سبيله كاني ماعشت معك ولا عشتي معي ..
هي فترى وتعدي يامضاوي استحميليني مثل ما استحملك ..

مضاوي بضيقه اكثر : برااااااااااا براااااااااااااا ما ابيك تسمع ما ابيك

وتجلس تبكي .. وهي ترد عليه : انت شنو مالك قلب مالك احساس حرام عليك ترمي الكلام من غير ما تحس باللي اقبالك وشهو اعراابه منك .؟
بس تفكر كيف تجرح كيف تقتل هالمشاعر ؟ اانت وش نوعك من البشر ابد خلاص ماتت مشاعرك بالاول ما كنت محتاجه اي عطف منك لكن الحين محتاجه شخص بس يطبطب علي
وينسيني الوجع والمرض ..
لكن خلاص بجد خلاص انت انسان ميت من اي احساس حتى المجامله ..وجالس تذكرني انت منو وليه وتحسسني اني عليك دين وانا اللي خليتك تترك البشر ومن تحب ولا حسستني
اني قاتله وانت المقتول اللي ناوي تنتقم منه ..؟

حمد : انا بطلع وياليت تهدين والكلام اللي قلته ياليت ما تنسينه ..
واقف عند الباب .
مضاوي : برااا ما ابي اشوف وجهك هنا تسمع ما ابي اسمع حتى صوتك ..

الا وصوتها ينخفظ وحست برعشه بقلبها وسواد يغمغم عيونها ..
بثواني الا يلتم الدكاتره عليها .. ويدخلون الوايلارت والاجهزه عليها ..
وحمد يتضايق اكثر ..ويشوف السسترات يركضون ويمسكون سريرها بعد ما قال الدكتور نقلها للوحده المشدده .. اثر تضاعفات بدقات القلب ...

ويندم حمد من كلامه .. وجلس ينتظر الدكاتره يخرجون علشان يتطمن عليها ..

------------------------------

بالبيت ..

متعب : يالله كندر لي ..
لولوه : مو على كيفك لي قطعه ..
ليلى : انا شريت منه اربع قطع يالله كل شخص ياخذ حبه
نوفا : لا انا احب المارس ..
لولوه : وووااو القهوى تجنن انتي مسويتها ياليلى ؟
ليلى : ههههههه حلوه ؟.
لولوه : اي اول مره اذوقها كذا ..
ليلى : لاول مره اعمل قهوى حلوه .
لولوه : وش رايكم بالحلا مالي ..
نوفا : حلو واول مره اذوق لك حلا ..
ليلى : وشهو حلا البسكت سهل وسخيف ..
لولوه : شي احسن من لا شي يالدبه ...
نوفا : وش اخبار مضاوي اليوم ما كلمتيها ياليلى ؟
ليلى : لا كلمة حمد يقول بعده ماراح وهو بالطريق لها . بس طمني انها بخير وقال ان شاءالله الاسبوع بيوصول يعني قريب ..

لولوه : الحمدالله هذا احلى خبر اسمعه اليوم .؟
متعب : خلاص بطلب حلا كبير على سلامتها ..
نوفا : اكيد عماني بيسون عشا لها على سلامتها ..
ليلى : اكيد وشكلهم ما يدرون انها بترجع هالاسبوع ..
لولوه : الا يدرون بكل شي يكلمهم حمد ويعطيهم الاخبار ..
نوفا : كويس
متعب : بجد البيت من غير مضاوي ولا شي ..
ليلى : متعبوووه وجع يعني انا مو مليه عينك ؟
متعب : الا بس انتي ما تسوين شي الا تدورين بالجامعات اللي تقبلك تعبت معك ..ومضاوي لا اروح معها تطلب لي وجبه او تستري علي مشروب غازي ..
ليلى : الا يعني خبرتني ما تمشي الا بكراميه اها خلاص المره الجايه ما اخذك معي ..
متعب : تخسين ما تمشين الا معي وين رحت انا رجال البيت ..
لولوه : اي رجاله عند مضاوي ههههههههههه هي اللي خلت منك رجال ..
متعب : هي بتكون بخير صح وبترجع زي اول احسن وبتعصب عليكم ..
نوفا : لا خلاص ياحبيب امك كل وحده عندها رجال ما بتعصب الا عليك او على ليلى ..
ليلى : وشهووو وشهوو حبيبتي عيدي ما سمعت ..
نوفا بضحك : الانك عزابيه بعدك ..
ليلى : وش ابي بالاوامر وعوار الراس اصلا ما راح اتزوج الا وانا ماخذه الدكتوراااه ..
لولوه : اشهدني ما خلصتها خليني امسك الثانويه العامه بعدها كلميني بالدكتورااه ..
ليلى : ههههههههههه الانك بتحلمين توصلين لها ..
متعب : انا بكون دكتور نفس ليلى علشان كل واحد اكرهه اضربه ابره ..
ليلى : لا ياحبيبي انا دكتورة اسنان
لولوه : ماني من اول حضورك يعني لو يوجعني ضرسي ما جيتك ..؟
ليلى :بترجعين لي بس بذكرك مع الايام ..
نوفا : انا افكر ادرس ..
ليلى : ماعندك شغل الحين قولي لنويصر ذا بدرس وبيخليك وان رفض روحي لعمي عبدالله يتفاهم معه ..
متعب : ليه ويني انا ؟
لولوه : وليه انت وش فيك ؟
متعب :انا رجال اكلمه وان رفض له معي اسلوب ثاني ..
تقرص خدوده نوفا : تابرني يارجال البيت
متعب : هيييه ماني بزر صغير تقرصيني ..
نوفا : بعيوني بس توك صغير ..
لولوه تكلم ليلى : وش صار معك مع نجوى ؟
ليلى : هالبنت ما بلعتها من بد البنات ..
نوفا تلف لهم : اسكتي توني متهاوشه معها ارفعت ضغطي ..
لولوه : ليه وش قالت لك هالحقيره ..
نوفا : تتكلم عندك وتقول منتي بنت واني مثلك وكل خواتي كذا واهل سحور ..
ليلى : خليك منها يعني طنشي ..
نوفا : لولا عمتي ما جت وراضتني كان ما رجعت اهم ..
ليلى : عمتي شكلها حلوه ..
نوفا : تعاملها معي عسل ..
لولوه : وليه ما تسمك بنتها ام لسان سليط ..
نوفا : ههه تعاملوا معها بشتا الطرق مانفع معهم شي غير الذبح ..
لولوه : خلوني انا اذبحها واخلصها ذي مجننتني والله ..
ليلى : انتوا ليه تحرون اعصابكم خلوها وخلونا نسوالف ونضحك الا وش اخبارك ازواجكم ..

وسوالف وضحك الى الساعه 9 ونص المساء ..


---------------------

رجع ناصر لبيتهم.. اول ما دخل ما شاف في احد البيت .. شكلهم الكل نام وفرح للفكره هذي انه الكل نايم ..
دخل اغراضه لفوق لغرفته طرق الباب مافيه احد يفتح وفتح الباب واول ما فتح الباب ما شاف احد موجود الجناح استغرب وباب الغرفه المغفله مفتوح ..
ودور بالجناح كله ..مافيه احد ..حط الاغراض والهدايه والورد ورتبهم توقع انها تحت عند امه حب يسويلها مفاجاءه ورتب وسنع الجنااح كله من الفرحه رتبه حتى وحط الهديه على السرير ..
وطلع من الجناح للدور الارضي ..

ويدور بالبيت احد لقا امه جالسه بالمطبخ تطبخ .. الا يبوس راسها ويسالها عن حالها ..
ام ناصر : بخير يسلملي حالك ..
ناصر : الا وين نوفا يايمه ؟
ام ناصر : راحت من العصر لبيت اهلها ..
ناصر بصدمه : وشهووو بيتهم ليه ؟
ام ناصر بترعبه : مارضت ياناصر ؟
ناصر : كيف يعني وعلانه بعدها ..
ام ناصر : حاولت معها بالكلام الحلو ما نفع ..
ناصر بحزن وضيقه : تكفين يما حاولي مره ثانيه فيها ..

الا تدخل نوفا وهي وغطوتها عليها وشافت ناصر واستغربت منه ..
ناصر وهو يقرب لها : كنت عارف انك بترجعين ..
نوفا وهي تشوف عمتها وكلها استغراب "
ام ناصر : هههههههههههه لا تخافين يانوفا ضحكت عليه انك رفضتي ترجعين له وشوفيه مثل مجنون ليلى يترجاني ارجعك له ..
ناصر بعصبيه :يعني تلعبين بعصابي ؟
نوفا : ههههههههه
ناصر يقرب منها ويهمس : ها عساك راضيه عني ..
نوفا تبعد عنه وتوقف عند عمتها : لا مو راضيه الا لما تتوعد جدام امك انك ماراح تكررها وتمد يدك الانه بالمره الثانيه ماراح اجلس عندك ..
ام ناصر اهمت قصدها انها تكون ورقة العهد اللي تشهد عليها ..

ناصر : خلاص والله ما اكررها ..
ام ناصر بضحكه : وانا شهدت على كلمتك ..
نوفا : وانا رضيت عليك ههه ..
ناصر : يالله خلنا نرح لجناحنا..
نوفا بضيقه : طيب ..
خافت انه الكلام يتغير بعد ما تدخل الغرفه ..

اول ما اوصلت قال ناصر : افتحي الباب ..
نوفا بتعجب : ليه انا مو انت ؟
ناصر : كيفي اقولك افتحبه ..
نوفا بخوف اقتحته من الصدمه وقفت من غبر ولا كلمه ..
ناصر : وش فيك ما عجبك ؟
نوفا تبكي : كل هذا لي ..
ناصر بضحكه : اي لك وش فيك بعدك ما دخلتي فيه اشياء بتنجني عليها
نوفا اول ما دخلت شافت الممرات كلها شموع ورود واوراق الورد كيف منتثره ومبعثره كانت خيااال .. الجناح كله شموع ورد وبالسرير كرتون صغير مغلف ..
نوفا : يجنن كلمة يجنن عليه شوي ..
ناصر : بعدك..

ويمسك الهديه المغلفه ويمدها لنوفا
نوفا : بجد يا ناصر هذا لي ..
ناصر : افتحيه ..
نوفا وهي تفتحه الا تشوفه عقد ..رووعه ..
ناصر : هذا عقد بلجيكي يعني ذهب ابيض قلت ما تحليه الا نوفا ..
نوفا بفرحه ": مشكووووور يا ناصر ...
ناصر : بس مشكور ؟.
نوفا : بجد ضاع الكلام ولا عارفه وش اقول
يقرب منها ناصر : بس ما ابيك تقولين ولا كلمه خليني البسك ..

ويعشون بليلة غراميه سعيده بعيده عن الحقد والكرهه..وكلها افراح وسعاده وضحكات ..

-------------------

لولوه تلبس بجامتها الا فهد يدخل الغرفه ..
لولوه تشوفه وتغير نظرها للمرايا وهي تشوف البجامه عدل .. وتدخل الحمام من غير كلام او سلام ..

فهد بعد ما شافها تدخل الحمام ما حب يوجع دمااغه معها غير ملابسه وينتظرها تطلع من الحمام الا ثواني الا وهي طالعه وزرافعه شعرها لفوق ومغسله وجها وقاعده تنشفه بالمنشفه ..

لولوه : السلام عليكم ..
فهد : كويس نطقتيها على بالي بتسكتين ..
لولوه : تبي شي ..؟
فهد : لا سلامتك ...
لولوه : الله يسلمك
وتروح تفتح الشرشف بتنام الا فهد يقرب منها ..
فهد : ابي عشا ..
لولوه : انا بنام ..
فهد : قومي يسوي لي عشا ..
لولوه : روح تحت وتلقا عشا من اهلك ..
فهد : انتي حرمتي وسوي لي عشا انا جوعان ..
لولوه : طيب الخدامات اكثار قول وحده منهن ؟
فهد : يعني تعاندين ؟
لولوه : فهد تكفى انا بنام قول لاي شخص تحت ..
فهد : انا وش قلت يا لولوه ؟
لولوه : فهــــــد
فهد : لا فهد ولا بطيخ قولي تم وروحي سوي .
لولوه بتحلطم اكثر : يعني البس ثوب واسويلك عشا وريحة الططبخ فهد كان قلت لي من قبل ..
فهد : المفروض انتي تتصلين علي وتقولين حبيبي تبغى عشا او لا
لولوه : وليه انت ما تتصل وليه انا اللي اتصل انت الجوعان مو انا ..
فهد : قومي يالله جدامي سويلي عشا ..
لولوه بتافف : خلاص بقوم وامري لله ..وهي تلبس مال الصلاة وتنزل ..
ارسمت ابتساامه على فهد ..
فهد : ما تجين الا بالعين الحمره ..ويرجع ينام ..
اول ما سوت العشا بيض وزيتون وجبن وخبز الا تجي لولوه متاففه وكارهه نفسها الا تشوف فهد نايم ..


لولوه : فهد قووم سويت العشا قوم تعشا ..
فهد : بنااااااااااااام .
لولوه : شنو ياروح امك شنو ..
فهد : ما تسمعين بنااام ..
لولوه : والعشا من ياكله ..
فهد : اكليه انا ما ابي ..
لولوه : اجل ليه تقولي ابي عشا ..؟
فهد : انتي طولتي وانا نمت وش ذنبي ..
لولوه : خلاص قمت يالله قوم اكل ..
فهد : ماني مشتهي ..
لولوه بصيااح : فهد اكله ولا برميه بالزباله ..
فهد : كيفك سوي اللي تبغينه انا بنام ..
لولوه بقهر " طيب
تخلي الصنيه على الطاوله وترمي الجلال الصلاة وتروح ترقد جنبه من غير ما تقرب منه الا فهد يقوم وياكله ..
لولوه : ليه تاكل توك توقل بتنام ..
فهد : جعت ومو بكيفك تمنعيني اكل ..
لولوه : فهد انت اللي تدور المشاكل ..
فهد ببتسامه : يعني انا اللي ادور المشاكل وش ذنبي جوعان وتاخرتي ونمت وش المشكله اللي تشوفينها ادورها ؟
لولوه : الانك تكذب علي وقلت انك ما تبي واخرتها قمت تاكل ..
فهد : الانك طيرتي النوم من عيني وقمت وش فيها ..
لولوه : انا الخبله اللي اتناقش معك ...
تقلب للجنب الثاني وتنام ..
وياكل فهد وهو يضحك ..

-----------------------

الدكاتره خرجوا بعد مده طويله : وحمد كله خووف ..
حمد اول ما شاف الدكتور حب يسال وش فيها ..
طبعا بالانقلش بترجمه عربي
الدكتور : انت زوجها ..
حمد : اي زوجها ..
الدكتور : هي جتها ازمه عصبيه انت تناقشت معها نقاش حاد ؟
حمد : اي بس النقاش توقعته من المرض الانها تبغى تخرج من المستشفى ..
الدكتور : الازمه اثرت باعصابها واثرت عليها ..
حمد : وكيفها الحين ..
الدكتور : الحمدلله تقدر بكره تروح للجناح بس اتمنى ما تكررها الانه حالتها الصحيه ما تسمح منك انها توتر اعصابها ..
حمد : يعني بيتاجل السفر ..؟
الدكتور : على حسب بكره نشوف حالتها ونقرر .,
حمد : طيب شكرا يادكتور اقدر اشوفها الحين ..
الدكتور ايه هي صاحيه بس معطينها مهدااءات ..
حمد : طيب بروح لها وزاشوفك بكره ..
الدكتور : طيب
ويروح حمد ويدخل الغرفه الا يشوف مضاوي صاحيه ..
حمد يقرب منها : مضاوي اسف والله ماكانت قاصد ابيك تسامحيني خلاص والله ما اكررها خلاص
مضاوي تغمض عيونها ما تبي تشوفه
حمد : مضاوي خلاص والله ما اكررها ..
مضاوي ما ترد عليه
حمد يوقف : خلاص بتطلعين وبعوضك عن الكلام اللي جرحتك فيه يمكن اكون قاسي بس صدقيني قلبي مافيه اطيب منه
..كنت متضايق لا تلوميني يامضاوي لو بقولك الحكايه بتسامحيني والله يامضاوي ..

والا وجواله يتصل الا ويشيل الجوال الا نجوى ..
حمد : وش تبغين يا نجوى ؟
نجوى : اكيد فرحان بعروستك ..
حمد : في احد يتصل هالوقت يا نجوى ..
نجوى : اشتقت لك وحبيت اتصل قلت اكيد انت عند البومه .؟
حمد : اقول غفلي وان اتصلتي مره ثانيه انا اللي بعلمك كيف تتصلين بهذا الووقت ..

ويغفل بوحهها معصب ..
نجوى : غفل بوجهي والله لوريك ياحمد حتى انت صرت تغفل الله واكبر بعد ما كنت تتمنى تسمع صوتي واسليك الحين تغفل هين ياحمد هيييين ..


------------

من اليوم الثاني ..

ابو مشعل : وش تقول ياثامر ..
ثامر : انا احبها من كانت بالسجن وتمنيتها والحين جيتك ابيك تزوجني ايااها ..
ابو مشعل : ابشر ياولدي بس انت تعرف انه اختها بالمستشفى ..
ثامر : انا ابي بس خطبه اخااف احد يخطبها قبلي يايبه ..
ابو مشعل : طيب يا ثامر بس اصبر لين تجي اختها هي ماراح تتزوج الا لما ترجع اختها ..
ثامر : اخاف تضيع مني يايبه افهمني ..
ابو مشعل : اذا خطبها احد انا اللي بمنعه ..
ثامر : ..........


(( وش تتوقعون بالاجـــــزاء القــادمه ؟؟؟ )))


خلص الجزء 25

ابي توقعات لكل شخصيه ...


قصتنـــــــــا في "" نهـــــــــــايتها ..,.!!!.
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل

وين تعغليقاتكم ..!!


شكلي بزعل .. نتواصل انجال

مسا الخير انجال يعطيك العافيه ياعسل
انا توني اخلص قراءه للروايه من اليوم قاعده عليها
بجد روايه تستحق المتابعه يعطيك العافيه مره ثانيه
وكلي شوق للبارت الجاي
تقبلي مروري

ماعندي توقعات بس اقدر اقول ان الرواية ابداع

لكي مني اجمل تحية على الرواية....

في انتظار البارت بفارغ الصبر.. تسلمي

هلا والله نجولة ماعاش من يزعلك بس انا توني قريت البارت ............ تسلم ايدك يالغلا



والله قهر هذا حمد لساته ماتزوج الحمارة الصايعة وهو يعامل مضاوي بقسوة اجل اذا اخذها كيف بتكون حياتها ياقلبي عليها بس وربي ماتدخل المخ انو بنت مو قادر عليها ولا رجال من رجال العايلة على الاقل حمد مايسكت لها ويسجل مكالماتها كلها وتهديداتها ويخلي ابوه وعمامه يتصرفون معاها


لحد الحين مصرة انو نجووه اذا تزوجت حمد مابيقدر يأدبها يعني ايش بيسوي مثلا اصلا بيندم ندم عمره على فكرته الغبية

ومضاوي راح تعاني منها كثير احسن حل مرضيها مرض خطير قبل مايرجع حمد ويسوي الفكرة الغبية الي براسه مو ماقدر على قليلة الحياء يحط حرته بهالمسكينة بغى يذبحها على الاقل يحطها بالصورة ويخليها تفكر معاه كيف يبعدها عنه ويعطيها درس والله احلى من انو يتزوجها كذا بدون مايخبر مضاوي هدفه من الزواج




نوفا وناصر

بصراحة نوفا غبية انها رضت على ناصر بسهولة كان طنشته كم يوم حتى لو ظلت معاه علشان يعمل لها اف حساب قبل مايزعلها ....... واذا مو قادر على اخته يطلع نوفا ببيت لحالها ولا يجلس مع الحقيرة العانس اخته


لولوة وفهد

لاجديد بينهم حياتهم مازالت مثل ماهي بين العناد والتحدي ....................



ثامر وليلى

ياخوفي اذا ثامر خطب ليلى رسمي تتنيذل وتقول انها تبغي تاخذ الدكتوراه اول بصراحة ساعتها من حق ثامر يبتعد عنها ويطنشها ويخليها تحس انها ممكن تخسره




في انتظار البارت الجاي على نار