تسلم يدينك على البارت
ابي اعرف حمد ليش ما يوقف نجوى عند حدها ؟ كان خايف على سر زوجه وانكشف خلاص .. بس انه يبي يتزوجها عشان يؤدبها ماعجبتني ..
فهد حرام عليك اللي تسويه في لولوة وهي بعد صدقته المفروض ماتصدقه لانه قاهرني باسلوبه معها
لك مني احلى تحية

يسلمو نجولة على البارت الحلو ...............


فهد ولولوة

كنت متوقعة انو ليلتهم بتكون كلها مشاكل بس زين الي سواه فهد فيها صحيح المفروض مايجرحها لها الدرجة بس هي علة وعنيد وسليطة لسان على عيوبها وبلاويها شايفة حالها وحدة كانت تدير شقة مشبوهة وفيها بلاوي تحمد ربها انو في مين رضى يوسخ اسمه فيها والله لو ماسوى فهد هذا الشي مابيقدر يتعامل معاها للا سف مااحترمت تربية ابوها وجالسة تتويقح على الكل بس مابيربيها الا فهد



نوفا وناصر

عصافير الحب يجننو بس الله يستر من الحية نجوى والله احسها مريضة نفسيا كيف امها ساكتة عنها معقول كل هالرجاجيل الي بالعايلة مافيهم واحد قادر عليها لو يبغون خوالها يربونها كان هددوها انو يطردونها من عندهم ويخلونها تدلف لاهل ابوها لانو حقارتها ماتلزمهم

يعني وحدة مفلوته ككيف تبغي واحد رامية حالها عليه وشايفها مع غيره يفكر يتزوجها اذا حتى الي تطلع معاهم مستحيل يرضون فيها هذي لازم لها مستشفى مجانين لانها مو عاقلة



حمد ومضاوي

بداية حياتهم فاشلة بصراحة دام حمد حاط بباله انها بتموت ولا ماشافها الا بحالتها الي مستحيل اي رجل يتقبلها وحدة لاعب المرض فيهل ليتك خليتيه بنجوى احسن علشان تكف بلاها عن الناس


اما مخططه انو يتزوج البيومة علشان يربيها يحلم انو يقدر عليها دامه رجال لحد الحين مافضحها وهي جالسة تهددة بمسجاتها الي تعتبر دليل قوي ضدها كيف بيقدر عليها هالخبيثة بعد الزواج والله حاسة انو هي الي بتنتصر بالنهاية وشكل النهاية حزينة ............

نجول نبغي شي جديد بروايتك هذي مانبغي احزان ومأسي عند ك نجووه سوي الي بخاطرك فيها هي واختها المتخلفة


في انتظارك ياعسل

روايتك كلمة جنااااااااااااااااان قليل عليه بس ياليت تلتزمي بالمواعيد يالغلا .... انتي قلتي الخميس ومن اول استناك ماااافيش حد ...... تكفين نزلي بااااارت تكفين....

الــــــــجــــــــــزء الثـــــانــــــــي والعشـــــــــرون 22...





ومتعب يسال سبب سفر مضاوي المفاجاءه ..

وجت الساعه عشر وسافروا لولوه ونوفا .. بعد ما سلموا على الكل وقالوا انه مضاوي نايمه وتعبانه ..
وليلى صحت تودع خواتها وهي تبكي ...

وشكل لولوه تعبااانه وشكلها مو نايمه ...
وفهد اللي من اول يوم صارم معه عكس نوفا وناصر اللي شكلهم عصاااافير ..
نوفا تسال ليلى اللي شكلها تعبان : وين مضاوي تكفين بروح لغرفتها اسلم عليها ..
ليلى بخوف وتعب : لالا تكفين ما نامت الا متاخر مسكينه من البارحه ما نامت من التعب ...
لولوه ساكته وشكلها مكسوره مره
ليلى تلتفت لولوه وتسالها : وش فيك يا لولوه شكلك تعبانه ..
لولوه بخوف : اها لا مافيني شي بس ما نمت عدل ..
ام مشعل : شكل العرس طلع لولوه حرمه ..
لولوه وودها تصيح ما ودها تسافر : لولوه عادي اجلس ما اسافر ..
ام مشعل : لالا يابنتي هذي هدية عمك ابو مشعل للمعاريس يالله فيها تتعرفون على بعض اكثر .
ليلى : ليه ما ودك تسافرين يالولوه غيريبه ؟
لولوه بضيقه : ولا شي بس تعبانه واول مره ما انام عدل ..
ام مشعل بضحكه ": اكيد هذي اول ليله ماراح تنامينها عدل فيها وبعدها تتعودين يابنتي ..
لولوه وهي ودها تصرخ ودها تموت ولا ترجع لفهد اللي ذلها كسر كبريائها وشخصيتها بكلامه السام الجارح المميت ..
ودها تصرخ بس هو حذرها ان سويتي اي شي راح يفضحني وانه ويقهر خواتي ويدمر حياتهم ..

وانا خلاص كاني زوجاج انكسر ماعاد له نفعه بهذي الدنيا ..وش حيلتي دام ماعاد لي فايده .. مع اني متاكده اني بنت والله متاكده اني بنت ..
تقطع سرحانها وصوت ام مشعل

ام مشعل : لولوه فهد يبيك برا شكلكم بتمشون الحين ..
تمسها نوفا وتهمس لها : حالك ماهو عاجبني يا لولوه ..
لولوه وعيونها غرقانه دموع : .............
نوفا : لولوه فهد قالك شي ..؟
لولوه : لا بس بس ما ادري كيف بفارقكم ..
نوفا : غير هالكلام يا لولوه ..
لولوه تبعد عيونها عن عيون اختها حتى لا تكشفها : ولا شي بس تعبانه ..
ليلى : خلاص ازوواجكم ينطرونكم برا ..
نوفا : امانه ليلى بشوف مضاوي وبسلم عليها ..
ليلى بحزن : مضاوي والله تعبانه ..
لولوه : لا يكون الصداع ..؟
ليلى بصدمه : ليه انتي تدرين عنه ؟
لولوه : اعرف هالصداع دايما يجيها لكن بعد ما تاكل حبوب بندول تنام وترتاح بعدها يعني كانها حبوب منومه ..
ليلى تطمنت انه خواتها ما يعرفون شي ..

ام مشعل : يالله يا نوفا يابنتي زوجك برا ..
نوفا : يالله ياليلى مع السلامه بس امانه اول ما تصحى مضاوي بلغيها ,,
ليلى : ابشري ..
لولوه بهدوء مو طبيعي : مع السلامه وسلميلي عليها ..

متعب الا هو داخل للبيت : وليه ما تسلمون على اخوكم بعد ولا لاانكم بنات تسلمون على بعض ..
لولوه : تحبه يالله يادبه بفقدك يالله اي خبر عن الهلال وهدف قولي ..
متعب : ابشري بقولك عن الخساير اللي بتصير بالهلال .وابشرك بالنصر ..
نوفا : يالله انا بمشي تبي شي من الكويت هديه لعبه بخور عطر ....

متعب : ابد ياختي ما ابي الا سعادتكم ..
نوفا : ياالله انا استاذن ..
لولوه : مع السلامه ..
ليلى : الله يوفقكم ويسعدكم ..
وطلعون نوفا ولولوه ويركبون سيارتهم ويتجهون للمطار ...وتطلع ام مشعل معهم تشوف بيتها ..


وتجلس ليلى مع متعب اخوها ..
ليلى : متى تشتري اغراض المدرسه ؟
متعب : ليلى ياحبك للنكد بشتريهم بس مو الحين شوفي الساعه 10 .الصبح .
ليلى : عارفه بس بعد الشوي بتلقى المكتبه مليانه ناس وماتقدر تشتري ..
متعب ما علينا اخوك بيدبرها الا ماقلتي لي ليه ما تبغيني اخبر لولوه ونوفا عن زواج مضاوي وسفرها ؟
ليلى : بس لما ترجع مضاوي بتعرف منها السبب ..
متعب : طيب ليه ما قالت لي على الاقل هي دايما تعلمني كل شي ..
ليلى : متعب خلاص اسئله انا راسي يوجعني ما نمت ارحمني خلاص ..

وتوقف بتروح غرفتها الا تستوقفها كلمة متعب ..

متعب : يعني خلاص مضاوي بفقدها وبتروح عن البيت ماني متخيل البيت من غير مضاوي ..
هي اللي بتصحيني وتحرص على ملابسي وكويها وحتى تسال عني وين رحت ومتى تجي .. يعني بفقد اسئلتها الكثيره

ليلى تغير رايها وتجلس اقبال : متعب لدرجه هذي مضاوي ماثره فيك ؟
متعب : بعد موت امي والايام الي عشناها بهم وخووف مضاوي كانت كل شي بحياتنا حتى لابوي هي الوحيده ترا الي توكله ماهي السستر .. وكل ساعه تلقينها تتطمن عليه ..
وحتى بخواتي يمكن بيفقدوها ..

ليلى : كل هذا سوته ليلى بغياب امي وابوي ؟
متعب : اي ياليلى مضاوي تغيرت ماهي للي تدور الشغل ولا الدروس الخصوصيه اللي اروح معها لا مضاوي ماهي مضاوي الاوليه حتى مسكينه كذا مره تمرض والسبب انها ما تاكل ولا
تهتم بنفسها ..

ليلى : خلاص يامتعب ادعي انه الله يوفقها ..
متعب : يارب بس يارب يكون حمد يسعدها وينسيها الحياة التعب اللي كانت فيها ..
ليلى بخوف : اللهمه امين يارب وفي قلبها تقول ( يارب يشفيها )


وبعدها تقول : متعب انا بريح ساعتين على اذان الظهر صاحيني يامتعب ..
متعب : ليه ماراح تطبخين ..
ليلى : مافي الا انا وانت وخلينا نطلب من برا احسن وانا بجد تعبانه من البارحه ..
متعب : على راحتك ..
ليلى : يالله تمسي على خير ..
متعب : وانتي من خير ..
وتطلع ليلى لغرفتها هي ومضاوي .. وتفقد سريرها وهي تقول : قصدي معك شمس وقمر يعني انا ادخل السجن وانتي تحفظين الامانه وسافرتي وانا طلعت من السجن وتركتي الامانه لي ..

وتغير وتلبس بجامتها وتنام من غير تفكير من التعب ..


-------------

الساعه 11 ونص .. بالسجن
جالس يتذكر الذكريات ومحاكمة ليلى بالاخص ..
يتذكر وجهها بالمحكمه كانت اخر مره شافها جنبه واخر مره يكلمها .. وامس شافها مثل الملاك وعرفها حتى لو كانت لابسه الف قناع ..
ضحك بخفه : ههه اتذكر اول مره شفنتها بنت الذينه سحرتني وراحت ..
وبعدها سرح بعقله للجلسه وتذكر مسكت يدينها لدينه وانها خايفه من الحكم يصدر ضدها .. وانها ماراح تخرج من السجن ,,
وتذكر وتذكر وهو يضحك ..

وويتذكر لما ارعبها واغفل الباب وفضح نفسه بانه يحبها ...
وتذكر حواره قبل لا يعلن القاضي برائتها ..

ثامر ويمسك يدها اكثر : لا تخافين دامني معك ..
ليلى : انا خايفه ... خايفه كثير يا ثامر ..خايفه ارجع للسجن واجلس فيه 13 سنه جايه ...اخاف ينسوني اهلي اخاف اجلس بروحي ,,,
ثامر : ومن قال بتجلسين بروحك انا معك ياليلى معك ..
ليلى : وشهو تتمنى اني اجلس بالسجن ..
ثامر بضحكه : لا ما اتمنى بس كنتي مونستني خلال هالاشهر بفقدك بجد يا ليلى ..
ليلى بخجل : ثامر مو وقته ..
ثامر : عارف مو وقته لكن بشتاق لعيونك ولدموعك ..
ليلى : ياكذاب ..
ثامر عيونه بعيونها : كذاب ان قلت لك ما احبك ..ولا احب شوفتك واني ما اتلذذ بدموعك ..
ليلى : بس ياثامر انا بنار وانت يابرد اعصابك ..

وتذكر كيف جاء القاضي وجلس يتكلم ويتكلم وليلى تمسك يده اكثر واكثر وبقوى وثامر مبسوط ..

واعلن القاضي برائتها وتصيح ليلى وتبكي اكثر وتذكر كيف تلف عليه وتصرخ من الفرح : انا بريئه ياثامر انا بريئه شفت كيف ...

وتذكر ثامر كيف اركبت معه السياره بالطريق الي يشوفه دايما طويل هالمره الطريق صار قصير مره وتمنى انه يطووول ..

وكان مشغل غنية .. عبدالله رشاد محلاك يالغالي ..

http://www.youtube.com/watch?v=XBXIQnm58Vg


محلاك يالغالي يجالس قبالي
نورك ملا عيني ضيفك على بالي
انا حبيتك والله واغليتك
وانتا ياليتك محبوبي لحالي
ياطلعت القمرا لاتنوي المسرا
انت بغلاك اغلى يابدر ياعالي
ياكامل زينك الحل في ايدينك
اما تعنى لك ولا تعنالي
يامحدن قلي غيرك انا ملي
كانه وفى مني والله هنيالي


ليلى وهي تسمع الاغنيه وكانت على عود والصوت يالله تسمعه ,,

واخيرا تكلمت وكان الجو هدووء بشكل رهيب الكل وده يتكلم بس اكتفى ثامر انه هالاغنيه تتكلم عنه فشغلها ..
ليلى : متى بنوصل
ثامر بانتبها : بعد نص ساعه ..
ليلى : وبشوف كل اهلي هناك ؟
ثامر: اي بتشوفينهم باذن الله كلنا جنب بعض يعني بيتكم وبيتنا بينهم بيت عمي عبدالله وفي خلفكم بيت عمتي وضحه وعمي عبدالوهاب .
ليلى : ما فهمت ؟
ثامر : تخيلي البيوت مربعه كل بيت وماخذ زاويه وكل بيت بابه يصد عن الثاني بس في اشتراك بالابواب مشتركه يعني نقدر نروح لبعض من خلف حوشنا..
واذا ما فهمتي افهمك اكثر ..
ليلى : لا فهمت ..
ثامر بضحكه : وش فهمتي ؟
ليلى : انه بيتنا بظهره بيت عمتي ..وبيت عمي عبدالله بظهره عمي عبدالوهاب .,.وانت بيتكم جنب بيت عمي عبدالله ..
ثامر بذهول : ماشاءالله عليك على بالي ماراح تفهمين ..
ليلى : هههههه قل ماشاءالله ..
ثامر : ماني بقايل وش بتسوين ؟
ليلى تقراه بصوت علي : قل اعوذ برب الفلق من شر ما خلق ..
ثامر : لا تخافين عيني ماهي بحاره ,,
ليلى : طيب خلاص غير هالاغنيه ..
ثامر : ما تحبينها .
ليلى : عبدالله رشاد وش اخباري قديم ..
ثامر : عارف انه قديم اصلا شاريه علشانك وبشكل خاص لجل هالاغنيه خاااصه .. واهديها لك ..
ليلى : سمعتها وعارفتها ..
ثامر : وش فهمتي منها طيب .
ليلى : قلت لك افهما لازم توضيح يعني ..!
ثامر : طمني قلبي وريحيه بفهمك ..
ليلى : ماني بقايله ..
ثامر : طيب وش تحبين تاكلين ؟
ليلى : ليه وين بتاخذني ؟
ثامر : الاني نسيت ابلغك انه الليله زواج خواتك ..
ليلى بصدمه : اي خوات ؟
ثامر : ملكة مضاوي ونوفا وزواج نوفا ولولوه ..
ليلى : لحظه لحظه ما فهمت شي ..
ثامر: اعرفك ذكيه ..
ليلى : مو وقته قلي ..
ثامر يشرح لها ..
ليلى : وليه هالسرعه بالزواج ؟
ثامر : لاسباب ما علموني عنها ما عرفت الا اليوم الصبح مثلك ..
ليلى : مستحيل يتزوجون من غير ما يخبروني ؟
ثامر : اصلا محدن يدري بانك بانك بتطلعين سويت لهم مفاجاءه ..
ليلى : وانا اقولك وين اهلي تقول لي انهم ينطرونك وهم ما دروا عني ..
ثامر : ما علينا بتلقين الدنيا زحمه عندهم خلينا نتغذا ونملي البطن وبعدها نروح لهم وش رايك ..
ليلى : انا مشتاقه لهم ..
ثامر : انا جوعان وماعرف اسوق وانا ميت من الجوع وتلقين امي ماهي يمي ويم غداااي ..
ليلى : وين رايح؟
ثامر : اقرب مطعم ..
ليلى : لاااااااااااا


طرق الباب الا هو الضابط انور اللي قطع افكاره وسرحانه وليلى من باله ..
وكمل شغله مع رفيقه ..
---------------------

بعد مرور ست ساعات ..

تكشخت ليلى والبست ثوب قصير لونه فوشي الوردي الغامج عليه خزام اخضر تفاحي .. ورتبت شعرها ولابست من احذيت مضاوي الكعب الاسود كان يجنن .. وصار قياسها ..
ولفت شعرها كبه وحطت عليه شباصه على ورده خضرا وكانت صغيره ..
وحاطه حكل قلم داخل العين ومسكره وقلوس وردي شفاف ..
وتنزل تحت الا تشوف متعب اخوها وبيدها عبايتها وملفعها ..
متعب جالس يشوف التلفزيون : وين بتروحين ؟

ليلى وهي تشوف الساعه : اظن الوقت لاهو متاخر يامتعب بعدها الساعه 5 المغرب ..
متعب وهو يوقف : انا سالتك وين رايحه ؟
ليلى : بروح لبيت خالتي ام متعب بنتها ليلى ولاده وبروح احمد على سلامتها وابارك لهم بالمولوده ..
متعب : وش له هذا..
ليلى : انت تعرف يوم اطلع فيه رجاجيل بالبيوت تبغاني ما البس عباية ..
متعب : انا مو قصدي عن العبايه انا قصدي وش له الكشخه ذي ؟
ليلى : خلني امتع عمري ست اشهر وانا بسجن فاقده هلاشياء وثانيا انا بجلس مع حريم لاول مرره يشوفوني ..
متعب : طيب خلاص اكلتيني روحي ماعاد بسالك اي سؤال ..
ليلى وهي تضحك : طيب خلاص ولا تزعل ابيك بعد ما ارجع من بيت عمي بطلع معك متعب والله طفشانه وابغى اطلع ..
متعب : طيب بس انا عندي دراسه بكره ما اقدر اتاخر ..
ليلى " طيب ساعه بس وانا بعد بكره بروح اسجل بالجامعه
متعب بدهشه : بداومين بعد هالكارثه اللي صارت ؟
ليلى : الاني بريئه وبعلن للكل هذا .. ابيهم يشوفون وجهي انت ما شفت شلة جوزه كيف حطوها بالسجن كان مشيت وانت رافع جسمك كمله ..
متعب بضحك وفرح : اللي بيفرحني هو اني اشوفك مبسوطه وبينا ياليلى ..
ليلى : يافديتك يامتعب ..
متعب : امشي كل هذا مصلحه علشان التمشي بعد اشوي ..
ليلى : مشكلتك فاهمني هههههههههههههه
متعب : طسي زين طسي ..

وتروح ليلى لبيت ام متعب وتدخل وتشوف جماله وترتيبه وشكله كان خيالي وخصووصا غرفة الاستقبال اللي حاطين فيها اماني وبنتها ..
وتشوف هنادي وندوش ونجوى وام ناصر وام حمد وام مشعل .. وعهود اللي تقدم الحلا وتجلس عند بنت اختها ريومه
والحلاويات والشوكولاته والورود على سلامتها ..

اول ما دخلت افسخت عبايتها وملفعها ..
وكان الكل جالس مبسوط صحيح هي ما تعرف اساميهم ولا تميزهم .. لكن سلمت على كل وحده عرفت عن نفسها عليهم ..
هنادي : هلا وغلا ببنت عمي ليلى ؟
اماني : هلا فيك
وتلتفت لاماني الحمدالله على سلامتك ومبروك ما جبتي ..ها وش سميتي المزيونه
اماني : الله يسلمك ياقلبي .. سميتها ريما

ليلى : بخير والحمدالله وش اخبار عروستنا الصغونه معك ..
اماني : مزعجه بالليل وبنهار هاديه ..
ام مشعل : ذولا البزران يابنتي اول الايام ..

نجوى وعيونها على ليلى : اكملت رابعتهم ..
الكل شافها بنظرت استغراب ..

ام ناصر : نجوى وش قصدك ؟
نجوى : ولا شي يمه بس يعني اكملت رابعتهم يالله بعد انتي طقيها وتزوجي ..
ليلى بستغراب من لهجة نجوى واسلوبها : ليه احد قالك اني عانس ادور على رجال ؟

ام متعب : نجوى وش هالكلام بنت عمك ضيفه ..
نجوى بستهزاء : ودي اصدق كلهن كذا اول ماجن والحين هن تزوجن وبناتكن ما بعد حددو عرسهن هن اللي وقفن نصيب بناتكم كل وحده ما يمديها تدخل البيت الا وهي مملكه
وخاطفه شخص من العايله ..
ام ناصر بعصبيه : نجوى وجع بس تراني عجزت معك وش اسوي معك انتي مو بيتنا علشان اعرف أدبك ..
نجوى : ما يحتاج يا يمه تراها كلمت الحق ما ينزعل منها ..
ام مشعل : عيب يابنتي على الاقل احترمي بنت عمك ..
هنادي وهي تمسك ليلى : اجلسي ..

ليلى وهي توقف : قل اعوذ برب الفلق يعني حاسده خواتي على الستر ما حسدتي نفسك على نعمة العقل والام والابو .؟
وهي ترد وتقول : شكل مالنا مكان هنا ولعلمك زواج خواتي رغم عنهم والكل هنا يعرف السبب... وتطلع ..
ام متعب تمشي لها وتناديها لكن ليلى تركض لبيتهم ..

ام متعب بعد الياس من ليلى رجعت لنجوى وهي تصرخ عليها : الى متى لسانك السويط ذا يسكت ..! واذا بتكلمينها كلميها ببيتكم مو ببيتي ...وتلتفت لام ناصر وتقول .
: ياليت ياختي تربين بنتك وتعدلين اسلوبها الوقع لو كنت دراريه انها بتدخل بيتي ما خليتها تدخل لولا معزتك عندي ..
ام ناصر بياس : وش تبغيني اسوي فيها اخوانها هم اخوانها عجزوا فيها ظرب وظربوها وش اسوي فيها عنيده ولا تسمع احد ..

تقاطعها نجوى : عموما بطلع بكرامتي بس اعتذار ماراح اعتذر لها هي تستاهل هي واخوتها معهن ..وتطلع ببرود ..

ام ناصر : تتصل على خالد ولدها وشافته بالبيت وعلمته السالفه وقال انه بيشوف شغلها معها ..

ام ناصر تتسامح من تصرف بنتها نجوى من ام متعب وام متعب معصبه ..
ام ناصر : ادري يا فضه امك زعلانه بس بنتي هذي تعرفين اني ما اقدر عليها من صغرها فيها حقد العالم ولا قدرت اسوي معها شي تعرفين ناصر وخالد شبعوها ظرب لكن مافي فايده معها ..
عجزت معها كلام وكلمتها ابيها تصير نفس هنادي عجزت والله تحسبني اكرها واحب هنادي اكثر منها ..
والحين هيا اقدر عليها لكن هالنجوى صعبه الين راسها ..
ام متعب : اعذريني نجوى بنتك ما ابيها تدخل بيتي .. بعد ما خجلتني مع البنت وش يدخل البنت البيت بعد اللي سمعته اكيد بتعتقد انه الكل نفس نجوى ..

ام ناصر : خلاص امسحيها بوجهي ..
ام متعب : انا عاذرتك لكن بخاطري سالفة نجوى ..
ام ناصر : والله لخليها تجيك وتتعذرلا منك خليت خالد يادبها من جديد ما ادري متى هالبنت بتعقل ..

نجوى بالبيت تتوعد لهم بعد الظربه اللي اكلتها من اخوها وهي بغرفتها : والله والله لوريكم يابنات خالي عبداللطيف انا وراكم والله وراكم ماراح اخليكم تتهنون بلقمتكم حتى ولا بعيشتكم
لطردكم مثل ما جيتووا .. اخليكم تندموون على الساعه اللي شفتونا فيهم وازرع الكره في عيونكم ..


اما البيت ..
ليلى تدخل البيت وهي تبكي ..
متعب : وش فيك يا ليلى ؟

ليلى : خلني يا متعب خلني ..
متعب يمسكها مع يدها : وش فيك تبكين علميني احد قالك شي ..
ليلى : خواتي كيف يستحملون بنات عمي ؟
متعب : ليه هم ضايقوك بشي ؟
ليلى : وشهو ما بقى الا يظربوني خصووصا هالنجوى ..
متعب : شوفي انا ما سمعت احد يشتكي منهم ..
ليلى :الا هالنجوى من جلست وهي حاطه دوبها دوبي ..
متعب : ههههههههههه هذي كل خواتي معطينها طاف يعني ما يسمعون لها انسانه مريضه ومجدن يحبها ..
ليلى وهي تستوعب : مريضه ؟
متعب : ههههههه هي تقريبا مجنونه بعتقادي انا الانها كله تلحق الشباب بالمزرعه يعني حتى الشبااب منزعجين منها ويسترون عليها اذكر كذا مره يصيدها اخوها خالد شبعها ظرب
بس ما يفيد فيها ..وتتدرين انها تحب زوج مضاوي حمد علشان كذا تكره مضاوي الانها اخذت حبيب القلب ..
ليلى : اهاااا السالفه كذا ..
متعب : لا تضايقين عمرك بسببها ذي مجنونه وخالصه بعد ..

ليلى : كويس انك قلت لي معلومات عنها الانها بشكل مجنون ضايقتني ..
متعب : ما علينا وش رايك نطلع مو انتي قلتي بتغيرين جووو ..
ليلى بفرح : وين بنطلع ؟
متعب : وش رايك للسوبر ماركت انا مشتهي ايس كريم سنيكر ..او مارس يعني بلم السوبر كله ..
ليلى : وااااو مشتهيه شوكولاته تيم اوووت .. لي مده ما اكلته ..
متعب : يالله مسحي دموعك والبسي عبايتك خلينا نطلع ..
ليلى بفرح : يالله ياكبيرنا .,.
متعب بفرح اكثر : احم احم يالله يا مدام ليلى ..

وهم طالعين من الباب .. الا تشوف ثامر واقف مع ابوه عند الباب يتكلمون ..وشكلهم ما انتبهو لهم ..
متعب : انتظر السايق الدب يبغى له ساعه على ما يمسي ..
ليلى : يالله ننتظره وش عندنا ..
متعب : يووو ذا عمي محمد ..
ليلى : اي اشوفه ..
متعب : بروح اسلم عليه وارجع لك ..
ليلى : لا تسلم اخاف يسلنا وين رايحين ..
متعب : اخاف يشوفني ويزعل الاني ما شفته اليوم ..
ليلى بضيقه : خلاص سلم عليه بس لا تتاخر ..
متعب مبسوط : طيب
ليلى تشوفهم من بعيد وتشوف عمها محمد مبسوط من متعب وثامر التفت بسرعه لها وهي واقفه عند الباب .. شكل متعب ذكر اسمي
نزلت عيونها وبعدها ارفعتهم وشافت ثامر يشوفها ما نزل عينه ..

ثامر : طيب يامتعب لا تنسى تشتري لي بيرا توت ..
متعب : انا رؤايح اتمشى مع ليلى تقول طفشانه ..
ابو مشعل : خلاص ياولدي لا تتاخر انت واختك ..
متعب : ابشر ياعمي ..
ابو مشعل وهو يطلع من بوكه فلوس ..
متعب : لا يعمي والله عندي فلوس كثيره والحمدالله ..
ابو مشعل : خلها معك وهذي اعتبرها من ابوك ولا بزعل ..
متعب : خلاص باخذها وبجيب للدب ثامر البيرا ..
ابو مشعل : مالك شغل بالدب ثامر يعرف الجمعيه اخذ اختك وتونس معها ..
ثامر : خلاص خل السايق يولي وانا بروح الجمعيه بعد ابي لي اغراض وش رايك اخذكم معي ..
متعب : لالا اخاف ليلى ترفض ويمكن ما تروح بعد ..
ثامر : ليه لالا ليلى بتوافق وانا معها بالسجن قبل ماراح تتضايق مني ..
متعب يشوف عمه : بس
يقاطعه عمه : خله يوديكم ثامر دامه رايح للسوبر بعد اتتطمن عليكم اكثر ..
متعب يشوف ليلى واقفه وشكلها ماراح يعجبها القرار..

قرب متعب منها وهي تشوف ثامر يركب سيارته ويتجه لهم ..
ليلى : وش فيك ؟
متعب : عمي يقول خل ثامر يوديكم ..
ليلى بعصبيه : وليه ثامر ؟ كان قلت السايق عندنا ؟
متعب : قلت له بس يقول انه ثامر هم بيروح لسوبر ماركت ..
ليلى بقلق : خلاص ماراح اروح معكم ..
متعب بخوف : ليه طيب ؟
ليلى : قلت لك من الاول لا تروح لعمي بس انت عاندني وقلت بروح اسلم على عمي فشله ما سلمت عليه خذ الحين انا ماله منه بالسجن يجيني الحيين يودينا ..
متعب : خلاص هذا هو جاب سيارته ..
ليلى : الله يصبرني عليه وعل كلامه اللي ما يسكت ..

ثامر يصفط جنبهم : يالله اركبو ويركب متعب جدام وليلى وراء اخوها وثامر من النذاله يحط المنظره عليها الصغيره اللي معلقه بالسياره .. ويسوالف وليلى ولا كلمه انطقت ..

وراحوا الجمعيه وثامر عيونه على ليلى ..
ليلى تمشي مع اخوها وهو وراهم ..
متعب حس انه ليلى تضايقة ..
متعب : ثامر وش تبغى من الجميعه ؟
ثامر بتوتر : ها لا ودي اخذ اغراض لربعي بكره .وش فيك متعب ..
متعب : لا ولا شي بس اشوفك ما تشتري شي ..
ثامر بقلبه : والله وصادني هالمتعب وعرف نيتي .. وش بتسوي ياثامر مالك الا انك تشتري اغراض لسهرتك واساسا بكره ماعلي دوام ماخذ اجازه شهر ..يالله وش وراي خليني اشتري اغراض
لعواشه لها كم يوم تبغى ماكنتوش ..
ويروح عنهم ويشتري اغراض لسهرته وقال لمتعب الوعد عند الكاشير ..

ليلى بعد ما شفاته راح : ووووف اخيرا راح وهي تتجول بالجمعيه وتنبسط وتشتري اغراضها وتشتري تيم اوت .. وتشتري خل وملح ..
وكيكه وفطاير ,,
وتستمتع بالجمعيه طول وتشتري اغراضها ومشروبت والعصاير .. ويوم خلصت جت عند الكاشير مع متعب وضحك .. لين شافت ثامر يضحك بوجها ,,

تحس بخجل وبنفس الوقت تحس مشاعرها متضاربه بين حبها وبين كرهها له .. ياربي حددد قلبي بين كرهي للانسان هذا وبين حبي له .. مرات احبه ومرات اكره من مواقفه ..؟

---------------

بالكويت . الساعه 2 الظهر
. بفندق مطل على شارع الخليج في قمة الروعه ..

ناصر وقف يرمي شماغه وثوبه :اااااااه تعبت من الطريق والطياره ,,
نوفا وهي تمسك ثوبه: اول مره اركبها بس ونااسه كانك شخصيه ..
ناصر : وان شاءالله ماهي اخر مره يابعدي انتي ..
نوفا بدلع : ناصر بس من طلعنا من الرياض وانت تتغزل فيني ..
ناصر : تستاهلين يابعدي انتي كم نوفا انا عندي ..
نوفا : هي وحده وبس ولو في ثانيه لذبحتها انا ..
ناصر : ياعيني على الناس اللي يغيرون ..
بعدها يشوف عيونها ويقول : ممكن سؤال ؟
نوفا : سم ..
ناصر : نفسي اشوف عيونك ليه كل ما حطيت عيني بيعنك هربت عينك ..
نوفا : ماعرف او مو من طبعي اخز بالرجال او احط عيني بعينه ..
ناصر : بس انا حلالك ..
نوفا : شكلك تعبان بروح اطلع لك ملابس تاخذ فيهمخ شور ..
ناصر : ول تبين تهربين مني ..
نوفا : لا بس انت تعبان من الطريق ولازم تريح ..
ناصر : دامني معك اعرفي وايقني اني باتم السعاده والرحه لو ما اخذت شور حتى ..ويضمها من الخلف ..
: الله لا يحرمني منك والله من غير كيف كنت بعيش يالبزر..
نوفا وجها احمر ولا قدرت تتحرك ..: ناااصر ..
ناصر : ياعيون ناصر ..
نوفا : بس استحي ..
ناصر يلف بوجها : تستحين من زوجك انا حلالك سوي فيني اي شي .. كاني جدامك وش كان منيتك تسوينه سويه ..
نوفا : بجد ..
ناصر بتفكير وسخ : اي بجد سوي اللي بتسوينه . انا حلالك .
نوفا بضحك : طيب بسويلك شي بتنبسط فيه وتصير اعلومم وحكاوي بس اصبر شوي ..
ناصر بتفكير اوسخ شوي : بجد يالله اغمض عيني ؟ وانتي سوي اللي تحبينه ..
نوفا : وهي تاخذ سنطتها وتطلع اغراضها وفوطتها ..: لحظه مو الحين شوي شوي علي ما اقدر على الاشياء الحين ..
ناصر فاتح ايدينه : يالله تعالي بحظني تراني تعبااااااااان ..
نوفا بعد ما تاكدت كل شي موجود جدامها .: خلاص انت غفل عيونك وانا بسوي اللي يعجبك ..
ناصر : والله صج يالله بغنض عيوني ..<< وفاتح يدينه ومطلع شفايفه لجدام ..

نوفا تاخذ فوطتها وملابسه واغراضها وتركض للحمام .وتغفل على حالها ..
ناصر :يصحى على صوت تغفيلت الباب : ااااه يابنت اللذينه تضحكين علي هين يا نوفا لوريك شغل الله بس اطلعي ما اخليك ترتاحين دقيقه انا تعبااااااااااااااااااان منك يالبزر ..
نوفا وهي داخل الحمام تضحك وميته ضحك : ههههههههههههههههههههههه ماراح اطلع دامك ناوي لي نيه ..
ناصر ويوقف عند باب الحمام .. ترا اقدر افتحه ..
نوفا بخوف : بجد ..
ناصر : اي اقدر وبهذي الطريق تسهلين علي مشوار الملابس ..
نوفا عرفت انه يخوفها : اي ماتعرف بس تخوفني ..
ناصر : هههههههه اقول استعدي للاسد ,
نوفا يضحك : وشهو اسد لا خوفتني يماااااااا ..
ناصر : ااااااااااه انا اتعذب اسد جوعان ..
نوفا : مجنونه اطلع ياكلني الاسد ..
ناصر : لالا انا ناصر الاسد راح يالله حبي وحياتي متى تطلعين ..
نوفا : لين اخلص الشور ..
ناصر : لا تتاخرين خمس دقايق ابنتظر ..
نوفا : طيب طيب خلني اخلص..
ويسمع صوت الشراش والمويه ..
ناصر ويفتح الباب بشويش .. وعرف انه الباب مفتوح والخبله نوفا ماعرفت تغفله .. ويفتحه ويشوفها جالسه بالباينو ومعطيته ظهرها وشعرها رافعته لفوق وكان شكلها يجنن.. ويهجم عليها ..
نوفا : اااااااااااااااااااااااااااااااه ..نااااااااااصر لااااااااا ..

------------------------

بالجناح الثاني ..

فهد دخل ياخذ شور ولولوه تشوف المنظر من دريشة الفندق وكان الجو خيالي يهوس بشعاع الشمس . والسيارات والبحر ..
طلع فهد من الحمام (كرمكم الله ) ويشوفها سرحانه ..

فهد بهدوء : ما ودك تاخذين شور ..
لولوه اكتفت انها تاشر بعيونها على ملابسها اللي بالسرير ..
فهد فهمها وبعدها قال : طيب انا بتصل على ابوي وبلغه بوصولنا ..

لولوه اكتفت: طيب ..وتلم اغراضها وتدخل الحمام ..
فهد ياخذ جوله على الجناح شكله يجنن .. ويفتح الدريشه والهواء البارد نسم عليهم من البحر وريحة البحر الرووووعه ..
ويمسك الجوال ويبلغ ابوه بوصولهم ويغفله ..

وبعدها يتصل على الرسبشن ويطلب غدا لهم ..
ويرجع للدريشه ويشوفها الا يسوف لولوه لابسه بجامعه على ميمي بشريطتها الحمرا وخلفية التي شرت بيضه .. وعليها لقنز احمر كان شكلها خيالي ..
فهد صد عنها واكتفا انه يشوف الدريشه ..
وكان الجو هدوووووء للغايه ...
راحت لولوه وافتحت شنطتها وطلعت المشط .. وجلست تشمط شعرها الطويل ..وتشرحه وبعدها طلعت الاستشوار ونشفته من الماي ..
وفهد يلاحزها بعينه من غير ما تنتبه له ..
وبعدها اللي صدم فهد .. انها تشوف نفسها بالمنظره وعيونها تبكي وكانها وحده تبغى تصيح ..
فهد خل نفسه كانه مو منتبه لها واكتفى انه يقول : تراني طلبت غدا ..

للولوه : ....................

فهد عرف انها ماراح تتكلم واكتفه انه يرحو للكنبه ويشغل التلفزيون ويفرفر بالقنوات ..
لولوه تشوف صورتها بالمنظره البنت المكسوره البنت المنهااره .. البنت اللي ماتعرف منهي تكون الصوره اللي جدامها ماهي صورة لولوه .. لا هذي وحده ثانيه ..
لولوه البنت البنت البنت ..
عمرك يالولوه وحتى بالشق الخربانه ما كنتي وحده منهم كنتي تتحاشينهم بالحمامات علشان ما يخربونك صحيح كنتي
تحطين مكياج وحتى بعز امك ارغموك تجين لهم بمكياجك .. علشان بس زباينهم
ما يهربون .. وانا كنت جالسه مثل التحفه بالشقه ممنوع اللمس لي .. الاني خبله ورط نفسي بتوقيع وبالاخير اقتنعوا اني ماني من ميولهم قالوا يالله خلينا نحطها رسبشن علشان تتورط معنا
اذا صادوها الشرطه ما تطلع منها لفول بلا حمص ..
وانا شريفه ما اذكر مره شربت من عصايرهم او من اكلهم او من خرابهم اللي يسمونه خمر .. او من حبوبهم .. ولا مره حتى عاشرت صيته رفيقتي الي ندمت في يوم سميتها صديقتي
هي اللي ورطتني .. ويمكن فيها احسان واحد انها قالت للكل اني ما انفع لهم وابعدو عني ..

انا بنت ومتاكده ليه فهد يقول اني ......هر .. واني خربانه .. ليه يجرحني بانوثتي .. طاحت الدمعه على خدها وراحت تركض للحمام .. وتبكي وتصيح ..
فهد لاحظ انها تركض للحمام على باله فيها شي .. انصدم انها تصيح .. خلها
وقال : هذا عذاب نفسي يمكن يصحيها من اللي هي فيه وترتاح ..
لولوه : ااااااااااه ياربي اذبحني خلاص كرهت الحياة وش بقى فيها من الذل وش بقى قلي ..

فهد يطرق الباب بخفه : وش فيك لولوه تكلمي وش فيك وليه تصحين انا ما ظربتك ..؟
لولوه تسكت وتكتم شهقاتها بقلبها : امممممممممممم

لولوه بقلبها : العذاب يوم يقولك انتي منتي بنت وانك منتي شريفه .. ليه ليه ليه !!.. اكرهك يافهد اكرهك كثر ما كرهت الحشرات اللي انت منهم ..
فهد : يابنت الحلال افتحي والله مو زين تبكين بالحمام هذا مكان الشياطين . اطلعي خلاص انا اسف ..

فهد حس بندم صحيح كان ناوي يكسر راسها بس بجد كسرت خاطره بالبكي وانها ما تكلمه ..

طرق الباب وكان القرسون جايب الغدا ..
ويعطيه فهد الفلوس ويطلع ..
ويقرب من الباب ويطرقه للمره الثانيه : لولوه خلاص اطلعي وهو يحاول يفتح الباب الا هي خلف الباب...
فهد : طيب الغدا جا اذا كنتي جوعانه بتجين .. ويروح ويخليها بعد ما تعب معها ..

ويروح وياكل كم لقمه ويحفظ لها شوي من الاكل ..ويروح لكنبة التلفون ويفرفر بالقنوات وينام ..
تطلع لولوه من الحمام بعد ما تاكدت انه مافي صوت وبعد ما خرجت راسها شافته نايم على الكنبه ..
تسحبت شوي شوي بصوب السرير .. وهي ميته جوع من البارحه ما اكلت شي ..

وشافت الطاوله عليها اكل .. وتسوالف على نسفها تقول اذا اكلت بيحس فيني وبيظربني عارفه هالانسان ماعنده الا الظرب ..
ولا بيعصب ويفشلنا عند الناس ..

تتسحب من الجوع مسكر كل مخارج الخوف .. وتتقرب شوي شوي يم الطاوله .. وتشوفه يتحرك وترجع للسرير
.. وراحت تنام .. وهي ميته جووووووع
وبعد ساعتين ..

قام فهد وشافها نايمه خلاها نايمه وصحى يصلي العصر .. وتوضا وكبر وصلى ..
والا تصحى لولوه من الخوف من صوت تكبيره .. استوعبت الوظع بعد ما كانت تظن انه حلم او كابوس ..

بعد ما استوعبت قالت بتدخل الحمام قبل لا يفتح لها موضوع الحمام والصياح .. وتتفاده وجهه شوي ..
وتدخل الحمام وتوضا وطولت شوي ..
فهد بعد ما خلص من الصلاة ..يقرب من الحمام : يعني بتسكنين بالحمام مثل الصراصير ..!

لولوه : ..........................
فهد : طيب مني مصليه صلاة ربك ؟
لولوه : الا ...
فهد : كويس تتكلمين ظنيت انك ميته ..
لولوه : اطلع علشان اطلع من الحمام ..
فهد : مو على كيفك بتطلعين اطلعي من الحمام ماراح اكلك وشهو قايلين لك اسد مفترس .. اصلا لو باكلك كلك مره ما توكلين ..
لولوه بتحطيم : لا انا اخاف ..

فهد بدلع : وتخافين من اعيش طيب لا تخافين نفسي تنهيني عنك والسبب معروف خليني افرح واستغر بنفسي ..
لولوه بتحطم اكثر وهي وراء باب الحمام : دامك تعرف اني مو بنت ليه اخذتني وعاند نفسك ..
فهد : كذا مزاج ...
لولوه : حرام عليك انت حطمتني ابشرط واهنيك انك كسرتني وجبت راسي اهنيك اهنيك يافهد جبت راسي يافهد جبت راسي افرح وشمت فيني الناس شمت بنت عمك بلسان كل انسان..
وتصيح وتظم نفسها من وراء الحمام وتقول بصوت عالي
ياربي اخذني .. ياربي اخذني عند امي وريحني انا محتاجه امي محتاجه امي ابي امي اااااااااااااااا يمه ليه ما اخذتيني معك ابغى امي ابغى امي انا اكرهك يافهد اكرهك اكــــــــــــــــــــــــــرهك

ويسكت صوتها فجاءه ..

فهد بعد الكلام والمشاعر اللي اصدمته فيها صار يضرب الباب بشده ويناديها ..: لولوه ردي علي لولوه ردي علي ..

ويفتح الباب بالقوى لين انفتح ... وشافها مغمي عليها واتصل على الفندق وعلى الدكتور .. ويجيها الدكتور لباب الجناح ويكشف عليها ويقول انها ارهااق وهبوط الانه ما اكلت شي ..
عطاها مغذي وصرف نفسه فهد انه معرس وهي تستحي تاكل ..


وصرف بعض الدواء لها وهي نايمه ..


الا الجوال يتصل الا هو ناصر ..

ناصر : السلام عليكم اشلونك يالمعرس ها وش فيك لا يكون نايمين للحدين يالله ترا الجو حلو خلينا نتمشى ..
فهد بخوف : اي والله نايمين روح انت والمدام انا ولولوه بعدين نلحقكم ..
ناصر : لا عاد بتقضونها كله بالفندق ما مليت ياخي خل شي لليل ..
فهد ويحاول يمثل : وشهو بلليل لازم نحللها بعد كل صلاة ..

ناصر بضحكه : وشهو وضوء هو استغفر ربك وقم خل البنت تتنفس ونشوف هالديره الحلوه شف انا ودي امشي البحر ..
فهد : الله يهنيكم رح انت وبكره نروح معاكم ..
ناصر حس في شي حب يخليه على راحته ..: عى راحتك طيب اما انا تراني طالع ..
فهد : الله يسمح دربك واستانس ..
ناصر : ان شاءالله مع السلامه ..
فهد : مع السلامه ..

ويلف بيشوف لولوه لقاءها مفتحه عيونها وتبكي بهدوء .. يقرب منها فهد لين جلس بزاوية السرير ..
فهد : الحمدالله على السلامه ..
لولوه كتمه : .....................
فهد : خوفتيني عليك ليه توقفين قلبي وليه ما اكلتي انا مخليلك اكل ..
لولوه : ماشاءالله ممثل بارع بعد لا تمثل علي دور الانسان الخايف علي .. تقدر تطلع انا ماجبرتك روح انا ما ابغى اشوفك ..

فهد : انتي تعبانه وماراح اشره عليك بس طلبت لك اكل والحين تاكلينه جدامي .ز
لولوه : انا ابي اموت تسمع ابي اموت من الجوع خلني دامك تكرهني ليه تجبر نفسك علي ..ليه اعيش معك ليه قووول ماتت ولا تشمت فيني وتهزئني حرام عليك ليه تكرهني وتتزوجني
ليييييييييه لييييييييييه تمسك شعرها من التعب النفسي ..
فهد حس بانها خلاص تعبت نفسيتها اخذ شماااغه واغراضه من باب الجناح وطلع الانه الكلام معها وهي بذي الحاله ماراح ينفع
فتح الباب الا يشوف المطعم .. اخذ الاكل وحطه على السربر من غير ما يشوفها اكتفى انه يقول : اكلي هذا لك ولا تنتطريني بتاخر ..

وطلع للباب ..
نزل بالرسبشن يحس بصدااااااااع ما يدري وش سوى وش خربط بالبنت كان يبيها فكره جهنميه لكل صارت ضده وسبب للبنت حاله نفسيه من اول يومين لهم .,.

واحسن حل يخليها مع حالها تهدي شوي من شوفت وجهي ..
وبعدها قام بسرعه وفي باله انها ممكن تنتحر بتفكيرها وبحالتها ذي ركض بسرعه لاصنصيل وراح لغرفته اللي بدور الخامس .. وفتح الباب بسرعه ..

وشافها فاله شعرها وفاتحه الدريشه وعليها فلاينه ميمي واللغنز الاحمر لولوه بدموعها : وش تبي ..
فهد وهو يقرب منها : لا حبيت اتطمن عليك ..
لولوه : انت قلت ببتاخر ليه جيت ..
فهد : قلت لك بتطمن عليك ..
لولوه : انا بخير روح ما ابي اشوف وجهك ..
فهد : طيب اكلتي ؟
وهو يشوف انه الاكل ما لمس منه شي ..يقرب منه ويفتحه ..
لولوه : وش بتسوي ؟
فهد : بوكلك ..
لولوه : انت وشهو جنسك ؟
فهد بضحكه يحاول يفرفش الجو : سعودي ؟
لولوه : تضحك وكل هذا وتضحك فهد طلقني انا ما ابيك وانت ما تبلعني ليه عايش معي ؟ ليه متحملني على عيبي اللي اكتشفته .. خلاص نقول نصيب وهو النصيب الزفت اللي جمعني معك ..

فهد : لولوه خلاص انسي السالفه وتعالي اكلي ..
لولوه : انت زرعت شي بقلبي اسمه حقد من دخلت بيتكم ومن عرفتك وانا اكرهك يافهد ..
فهد : دامك تكرهيني ليه انتي الثانيه وافقتي علي ..
لولوه : بكل صراحه اقول لها لك كنت ناويه اوريك الويل وارد اتنقامي منك بالكف اللي عطيتينه اول مره يوم شفتك فيها وثاني كف بغرفتي ... لكن كل يوم اشوفك فيها يزززززيد كرهي فيك
مستحيل احبك مستحيل ..
فهد : انا ما قلت لك حبيني يعني كنتي ناويه تردين دينك وانتي على بالك الزواج لعبه ..!! خلاص ابشري الحين ارجعك لو تبغين اذا جد تحسبينها لعبه وتنتهي بسهوله
من غير كلام عنك ومن غير شرف ومن غير اهل بعد ..
لولوه : طلقني ..وانا اتحمل عيبي ..
فهد : طلاق ماني طلق تسمعين واكل بتاكلين قصبن عنك ولا يدي اقرب منك واعرف كيف اربيك واربي عنادك اكلي بحترام والله لتشوفين شي ماشفتيه بحياتك
والله تراني هادي لا تعصبيني ترا بتشوفيني انسان ثاني غير عن الفهد الاولي ..

لولوه بخوف :....................
فهد بعصبيه شديده : اكلي ولا كلمه ابيي منك بالاول كسرتي خاطري بس الحين خلاص انتي ما ينفع معك الا اسلوب الكلب اللي تظربينه يمشي معك ما تضربينه يخالفك ..


لولوه وتمد يدها : وتاكل بهدو وكلها خوووووووووف ..





اما نوفا وناصر على البحر ياكلون ايس كريم ويدينهم جنب بعض ويسولفون ويضحكون .. وبعد ما خلصوا جلس ناصر يحط يده على خصر نوفا ويمشي معها حافين من غير جواتي (كرمكم الله )
وكان لابس بنطرون جنز رمادي وتي شرت ابيض عليها كلام بالاسود والابيض المايل للرمادي ونظاره شمسيه .. وهي لابسه بنطرون جنز وتي شيرت طوويل للركبه وملفعها ..

وجوهم كان خيالي ووممتع ..
ناصر : شفتي البحر وش كبره ..
نوفا : اي يجنن اول مره اشوف البحر دايما اشوف بالتلفزيون ..
ناصر : خليك معي الحين وخلي التلفزيون عنك..
نوفا بضحك : وش فيه ؟؟
ناصر : احبك اكثر منه ..
نوفا : يووو اكيد بتحبني اكثر منه ..
ناصر : لا قصدي اكبر منه واوسع منه واعمق منه ..
نوفا : لا ما اقدر ..
ناصر : طيب وانتي اشقد تحبيني ..؟
نوفا بتفكير : امممممممممممم
يقطعها ناصر : وشهو تفكرين بعد ..؟
نوفا : هههههههه اصلا انت حبك ما اشبهه باحد الانك بقلبي كبيييييييييييييييير ما مثله احد ..
ناصر : غلبتيني ..
نوفا : هههههههههه الاني احبك احبك ياناصر بجد احبك ودي اصرخ بصوت عااااااااااالي واقول للناس اني احبك ..
ناصر يمسك يدها اكثر : وانا امووووووووت فيك والله يانوفا اني احبك واحمد ربي انه جمعني فيك بعد ماكنت فاقد اني اجتمع فيك ..
نوفا : لدرجه هذي ؟
ناصر : واكثر يانوفا اكثر انتي ماتعرفين حبك وش سوى فيني كنت بهاجر من الدنيا والسبب انتي .. ماصدقت خبر اللي سمعته تضايقت تمنيت اني اموت ولا اسمع الخبر ..
الاني مكلم امي اكثر من مره وتقول اصبر حسيت خلاص كل شي الا خالي عبدالله ما اقدر اوقف بوجهه هذا هو اللي رباني ما اقدر اوقف بوجه ساعدت اولده
وكنت اظن انه يحبك بعد اللي سمعته من امي جيت وخالي هو من نادني وملك لي عليك ..
نوفا : وانا ما تخيلت اكون لغيرك ياناصر ..
ناصر : ربي لا يفرقنا ولا يحرمني منك ويبعد عنا كل حااااااااااسد ..
نوفا : اللهمه امين

---------------

الساعه 9 بليل .. بالمستشفى ..

والجو باااااااااارد ... توهم يوصلون للمستشفى
صحت مضاوي بعد ازعاج واصوات ودخولها للمستشفى ..

مضاوي بتعب : ويني انا ..
حمد وهو يكلم الدكتور مو منتبه لها ..
مضاوي تلتفت وتشوف نفسها بممر والناس اللي يمرون عليها غريبين بناطير وجنزات وحريم مصلعات <يعني ماعليهم غطاء ..

مضاوي اكتفت بالنظر وتحس بتعب شديد وانه جسمها متصلب .. : ماااااي ابغى ماااي ..
يلتفت لها حمد .. تبغين شي يامضاوي ..
مضاوي وهي ماهي مستوعبه اللي تشوفه : منو انت ..
الا تشوف الممرضين يركضون فيها للغرفه وعيونها تتدور بين الليتات والناس مستغربه ..

وفجاء تستقر بغرفه ويحطون عليها الاجهوه وياخذون منها التحاليل والاشعه بمكانها ياخذونها ..
مضاوي : انا ويني ..انا ويني ولاحد يجيب عليها ..
حمد قرب منها وقال : لا تخافين بياخذون تحاليل ..
مضاوي : انت منو ..
حمد : انا حمد ..
مضاوي : انا بحلم .. ولا انا ويني ؟
حمد : لا انتي بحقيقه وحنا الحين بلندن يامضاوي وانا زوجك حمد ..
مضاوي " زوجي لندن ..؟
سكت حمد عرف انها تعبانه مره ولا هي مركزه والسبب المرض الي براسها ..
وفجاء يسمع صيااااااااااااااااااحها .. اااااااااااااااااااااااااااااااااااااااااه اااااااااااااااااااااااااااااااااااااه

الدكاتره يجتمعون فيها وبعد ساعه من التحاليل والاشعه ياخذه الدكتور البريطاني ..بجنسيه فلسطنيه ..

الدكتور : لازم نعمل لها العمليه بكره او بعد ساعتين ..
حمد : اللي تشوفه يادكتور ..
الدكتور : حالتها خطره انا سمعت تكلمها قبل شويه اذا بنتاخر بيصيب لها تلف بالمخ ويمكن ما تتذكر ولا تفكر حتى ..
حمد بخوف : والعمل ؟
الدكتور : لازم توقع الحين وبعد ساعتين بالاحسن نعمل العمليه حالتها خطره كل التحاليل ما تبشر بالخير ..
حمد : انا موافق ويوقع .. ومتى العمليه ..
الدكتور هاني : انا توني داخل المستشفى واقدر اعمل العمليه الاني باول ساعه لي عمل واقدر انادي زميل لي اليوم ماخذ اجازه يساعدني ..
الانه العمليه بتاخذ اكتر من دكتورين واو اكثر من غير الاستشاري ..

حمد : بصراحه انا ماعرف وش بمصلحتها انت سو اللي احسن لها..
الدكتور : لا يابني ده كله من ربنا احمده وادعي لزوجتك ان الله يشفيها...
حمد كل ما قال زوجتك تذكر نور مافي غير نور بتبقى زوجته .. اكتفت انه يهز راسه .. وهو يشووف مضاوي يحلقون شعرها ويحطون فيها الاجهزه ويلبسونها زي العمليات ..
يعني بتدخل العمليات بعد نص ساعه ما حبه انه يخوف اهله اكتفت انه يرسل لهم مسج انه وصل وانهم بيرتاحون ...



(( وش تتوقعون بالاجـــــزاء القــادمه ؟؟؟ )))


خلص الجزء 23.

ابي توقعات لكل شخصيه ...


قصتنـــــــــا في "" نهـــــــــــايتها ..,.!!!.
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل