السلام عليكم

مساء الخير على الجميع
بارت اليوم خاص بام شاهه وابوضيدان فأتمنى يعجبكم
اما بالنسبه لاختي بياض الصبح اقولش الروايه في البدايه كانت بس في ليلاس اما الحين لا الروايه في منتدى ثاني بعد غير ليلا

البارت الجاي ان شاء الله يوم الاحد
اتمنى لكم قراءة ممتعة



البارت الثلاثون
.....................................
اتاهم الصوت الضخم الاجش:يابنت الحلال قلنا لش ماحنا بمعرسين
ثم اردف:السلام عليكم
وقف الجميع احتراماً له
تقدمت ام شاهه لتقبل رأس عماها وانفه:شلونك يبه
ابوسعد وهو يمسك بعضدها والفرحه قد ارتسمت على وجهه:انا طيب يابنت ناصر
ثم اردف وهو يقبل جبينها:ماخاب ظني فيش ياوضحه
نظرت له باستغراب:ولانيب مخيبه ظنك دايم ان شاء الله
سحبها وهو يجلس على الكنبه
جلس الجميع
عليا وهي تنظر لجدها بلهفه:يبه وين ابي
ابوسعد:ابيش في المجلس وبياتي ذا الحين
ثم انحنى على وضحه ليقول لها بصوت خافت جعلها تتجمد لفتره:ترا الموضوع اللي انتي خابره انكشف ولااحتلت انتظر جيت اعلمش
ثم نظر لعينيها الشاخصه وبعدها بدأت تضيق اثر ابتسامه
ابوسعد بابتسامه:جعله ذا الفرح دوم مهوب يوم وانا ابيش
قبلت كتفه:يكفيني فرحتك وفرحت ابي
ابوسعد وهو ينظر لها بحب:رقابنا اليوم ذا طولها(واشار بذراعه)
ام سعد وهي تنحني لهم:وش عندكم
ثم اردفت بمزاح:ها والا تبين تجوزين شايبي مثل بنتش
ضحكوا جميعهم فرحاً لتلك الاخبار التي تثلج الصدر
ام شاهه:يبه ابي اواجه ابي وابوناصر
ابو سعد وهو يخرج تلفونه:ابشري
ثم اردف:عليا
عليا وهي تتجه له:لبيه يبه
ابوسعد وهو يمد لها التلفون:هاش اظهري لي رقم اخي
اخذته عليا واخرجت رقم الهاتف ثم مدته له:ها يبه هذا هو
وبعد ثواني اجابه ابوفيصل:الو
ابوسعد:ناصر تعال داخل وضحه تبيك
ابوفيصل بضيق وآثار غضب:ماقدر ذاالحين ولدك طايش ذاالحين علمته وقام ينافت علينا ويقول مهوب صحيح
ابوسعد وهو يقف بغضب:تعال تعال عند وضحه وانا بجيك اغسل شراعه
ابوفيصل:ابشر
وبعد دقائق تبادلا الاماكن
لكن قبل دخول ابوفيصل امسكه ابوسعد ليقول له انه اخبر وضحه بماحدث
دخل ابوفيصل وابنه ولا يوجد في الصالة سوى عليا وحصه وام شاهه
ابوفيصل وهو يبتسم بقوه لشدة فرحه:مسيهم بالخير
وقف الجميع للسلام
وبعد السلامات
ام شاهه وهي تقبل كف والدها:شلونك يبه وشلون صحتك
ابوفيصل وهو يقبل جبينها:انا طيب ولاعلي الا العافيه
ام شاهه وهي تشير لبناتها:عليا حصه ادخلن داخل
دخلن الفتيات للداخل
ام شاهه وهي تنظر لوالدها بعمق:ها وش تقول في اللي صار
ابوفيصل وهو يمسك كفها وقد تلامعت عينيه فخراً وفرحأ:قد سمعتي قولي اول ماجيتيني مطلقه والله مااصدق في بنتي اللي انا ربيتها
ثم نظرت لابوناصر:ها يابو ناصر وانت وش تقول
ابوناصر وهو يمسك بكفها وهو يرى الفرحه التي قد انطفأت منذ ستة عشر عاماً:اقول ان ذا الفرحه تسوى عندي الدنيا من غربها الى شرقها
ثم اكملوا حوار
اما في المجلس فقد كان المجلس يهتز غضباً لاهتزاز اصحابه اثر الغضب والحقيقه الغير مرحب بها
ابوسعد بغضب وهو يقف امام ابوضيدان:حنا بنكذب عليك يالهيس
ابوضيدان وهو يخفض صوته امام والده:يايبه اللي تقولونه مصيبه اذا هو صدق وبعدين وش دراكم انه صادق
ابو سعد بعصبيه:ليه مصيبه الا الخير كله واللي نقوله صدق وصدق وصدق هو عطانا رسالة ولده وعقبه جاب الهنديه وبعدين ماتعلمني وش له من فود لاقال كذا
ابوضيدان وهو يجلس فوالده لايمكن ان يكذب في مثل هذه المواضيع ولاغيرها
ابوضيدان وهو يهمس بتعب:خلاص خلاص انا ابي اروح للبيت
ابوسعد وهو يمسك بيده:اسمع ياناصر علي معور الصبيان لاتلمس وضحه ولاتقولها مايحس خاطرها ان اقلب ارضك سماك سمعتني
اومأ برأسه وهو في حالة اللاوعي لازال تحت تأثير الصدمه وقد بهت وجهه وتصلبت عظامه
واتجه لمنزله وهو منكس الرأس
وهو يستجدي القوه لمقابلتها
وهو يعيد كل ماحدث امامه
وهو يتمنى لوأنه يستطيع الهرب لكي لايراها وهو يحمل خطأ سنين مضت
وقف امام باب المنزل خجلاً ممافعله فهو الان بدور الغبي الذي لاتفكير ولاعقل له
دخل بهدوء ليسمع صوتها المبحوح يتهادى بأرق الكلمات لوالدها وشقيقها
ابوضيدان وهو يقف امام باب الصالة:سلام عليكم
الجميع:وعليكم السلام
ابوضيدان وهو يجلس مقابل الثلاثه وينظر لهم بنظره عميقه
كان يحمل فيها اسفاً لم يفهموه
وندماً تكاسلت عقولهم لتفسيره
ابوفيصل وهو يقف ومعه ابنه:يالله تمسون على خير
وقفوا جميعاً
ام شاهه برجاء:يبه اقعد تو ماشبعت منكم
ابوفيصل وهو يتجه للباب:والله يابيش قدني تعبان وابي اروح اريح
ام شاهه وهس تقبل كفه التي تمسك بها لتسنده:لا مادامك تعبان اجل مرخوص فديتك
ابوضيدان وهو ينظر لها وهي تودع والدها وشقيقها
ثم عادت له تتهادى بقوامها الممشوق الذي ينفي وجود بناتها لمن رآها
نظرت له بنظرة شماته وكره
ثم همست باستهزاء:ها اربك مانصدمت
صمت وهو يضيق عينيه وينظر لها
ام شاهه وهي تلف لجهه اخرى:جعلك من ذا الحال واردى ياناصر جعلك مبهوت دايم مثل مابهتني
ثم خرجت لتعود بعد دقائق وخلفها عليا وحصه والبقيه
عليا وهي تضمه:الحمدلله على السلامه يبه
ابوضيدان وهو يضع يده على رأسها ليهمس:الله يسلمش
ثم التفت لحصه التي تقبل كتفه:الحمدلله على السلمه
ضمها لصدره هي وشقيقتها بقوه وهو يتنهد بضيق لما فعله فيهم فكل ماحدث ليس سوى غباء منه
تندمت اقسم اني تندمت على مافعلته بكن ياصغيراتي
ثم بدأ السلام من قبل الجميع
ثم جلسوا وهم يتحدثون بمواضيع مختلفه
اما هو فقد كان صامت وينظر لوضحه بهدوء وهي بين فترات متفاوته تنظر له
بعد مرور نصف ساعه
وقف وقبل رأس والدته:يالله تمسون على خير
الجميع:الساري في خير
ام سعد:روح جعل ربي يحفظك
ثم نظرت لامشاهه بمعنى الحقي به
وقفت مجبره واتجهت معه للاعلى
كان يشعر بخطواتها خلفه لكنه لم ينظر لها
دخلو الغرفه ليتجه لسريره ويقذف بنفسه بتعب
ام شاهه وهي تقف اماه وتنزع برقعها لتقول بضيق:ها وش استفدت ذاالحين يوم شتتني انا وبناتي وكل شي كذبه
ابوضيدان وهو مغلق عينيه:وضحه مانيب في حال شي
ام شاهه بعتب مستهزء:ذالحين ذالحين ياناصر تعبت اجل وشلون لو انك تعبت ست تعش سنه مثلي وش كان بتسوي
ابوضيدان بتعب:وضحه اللي فيني ذاالحين خذا حقش مني خليني ورقبتي
جلست بجانبه على السرير لتقول بهدوء:تدري لوشاهه تدري بتموت من حرتها
اعتدل وهو ينظر لها باستغراب:ليه
ام شاهه بسخريه:ليه ليه باناصر؟
ثم اردفت:لانك حرمتها طفوله وشباب وراحه وحياه مثل خلق ربي
ناصر وهو ينكس رأسه خجلاً من تلك التي سيجن ان كرهته على مافعل بها
ابوضيدان وهو ينظر لها بحيره:وش اسوي شوري علي
ام شاهه وهي تقف امامه:ذالحين اشور عليك ماطلبت شوري يوم حذفتني في الشارع وخذيت بناتي وقذفتني في عرضي انت وولد اخيك
ابوضيدان وهو يقف بغضب:انا الغلطان اللي احكي عليش
ام شاهه بخبث:انا بعاونك بس بشروطي
ابوضيدان وهو ينظر لها بحيره:وشلون
ام شاهه وهي تنظر له بعينيها المتلهفه لفرض شروطها:ترد البنات للدراسه هذا اول شي
ابوضيدان بصدمه:ذالحين مااقدر كل وحده على ذمة رجال
ام شاهه وهي تنظر له من خلال المرآه التي امامها:اذا ماقدرت على ذا الشرط مانت بقادر على غيره ولازم تفن ذا الشي في عقد الزواج
صمت لفتره ثم قال ليفرحها:اعتبريه صار باذن الله
سرت فرحه في وجهها انار وجهها على اثرها
ثم تبعت ذلك بالبقيه قائله:الشرط الثاني شاهه تعيش معنا لااعرست عليا
ابوضيدان بعصبيه:انتي صاحيه ولامجنونه
ام شاهه ببرود:كيفك انت الخسران
كتم غيضه ليقول:خلاص مقدور عليها لطام مايعصالي امر
ثم ابتسمت بخبث عميق لتقول:والحين دوري انا ولا مانت بمرضيني
ونظرت له بنظره اذابته
ابوضيدان وهو يصد عنها ليقول:وش عندش بعد
ام شاهه وهي تنظر لظهره:انا اللي اعلم لطام باللي صار
ابوضيدان ولازال يخبئ وجهه:ليه ياوضحه تبين تشمتين في لطام
ام شاهه بحرقه:ايه ابي اشوف وجهه لادرى
ابوضيدان بضحكة سخريه:والله لوتموتين ماتشوفين شي في وجه لطام
ثم اردف وكأنه ينظر لجبل شامخ امامه:تدرين ليه لأن هذا لطام مهوب غيره لانه اللي لابركو الرجال للحمول شلها بس عيبه شي واحد
صمتت لم تجبه وكأنها تريد ان تعرف الاجابه
ابوضيدان بهمس:يحب شاهه بس حبه تعدى حتى حدود العقل
نظرت له بصدمه:هل معقوله ذلك الجامد يعشق شاهه لهذا الحد اعلم انه يحبها لكن ليس لهذه الدرجه
ام شاهه تريد ان تعرف الكثير:وليه حب شاهه عيبه
ابوضيدان وهو ينظر لها بهدوء:الا ذا الشي مااقدر اقوله لودري به احد بيموت لطام
ام شاهه بجزع:اعوذ بالله من ذا الفال الامحق
ابوضيدان:المهم وغير ذا الشرط
ام شاهه وهي تعود لماتريد:ابيك تخلي بناتي على راحتهن
ابوضيدان بحيره:وشلون على راحتهن
ام شاهه بتوضيح:يعني يلبسن اللي يبنه ويروحن وين مابغن وانت عارف بناتك مايسيرن في علم امحق ان شاء الله
ابوضيدان وكأنه لم يرضى بذلك
لكنه قال بثقه لهؤلاء الذي رباهن:ماشي معليه....... وبعد
ام شاهه بهدوء:الاحترام ياناصر الاحترام حنا ماعاد حنا بصغار الاحترام والحشمه والتقدير ضروريه عشان تمشي حياتنا
نظر لها بعمق:ولش مني ياوضحه حشمه وتقدير الين ياخذ الموت حدانا
ام شاهه وقد قذفت قنبلتها:انا في غرفه وانت في غرفه
ناصر بغضب:تبين تحرميني حقوقي ياوضحه
ام شاهه بغضب:هذا انت حرمتني من كل حقوقي سنين طويله ليه ماخفت ربك
ابوضيدان وهو يقترب لها ليهمس بنرفزه:انا ابي عوال تفهمين وش يعني ابي عوال
اغمضت عينيها بألم فهي ايضاً في حاجه ماسة للابناء تريد اخ يعاضد ضيدان ويسند بناتها بعد ان ترحل هي ووالدهم وكذلك هي من سيسندها في كبرها بعد ان يبتعدن البنات في حياتهن مع ازواجهن
نطقت وهي غاضبه:خلاص خلاص انسى الشرط الاخير
ابتسم بانتصار فهو لايريد ابناء بل يريدها هي
في بداية الامر اقنع نفسه انه سيرجعها لكي يضمن ان بناته لن يتبعنها بذلك الدرب لكن الان قد اكتشف انه لم يرجعها سوى انه خائف ان تذهب لغيره هذا اولاً وثانياً كيف لعشقه ان يموت بسهوله وهو من يقتله
لبست برقعها لتتجه للباب
ابوضيدان وهو يخلع ثوبه:وينش رايحه
ام شاهه بهدوء:العرب تحت لاراحو جيت
اومأ برأسه بمعنى اذهبي
نزلت للطابق السفلي لتجد الجميع قد ذهب لمنزله
جلست بجانب ام سعد:يمه ضيدان وين يرقد
ام سعد بحنان:قبل يرقد مع شاهه وذا الحين يرقد عند المصدع كل يوم في حجره
ام شاهه وهي تنظر لبناتها:اسمعن من اليوم ورايح ضيدان بيرقد في جناحي وانا بكره ان شاء الله بروح اجهز له غرفه
عليا:لايمه لاتجهزين اصلاً ابي مسوي غرفه لضيدان عشان يرقد فيها بس هو عيا الا عند شاهه وشاهه عيت تخليه
ام شاهه براحه:خلاص اجل شليه ياحصه حطيه في حجرته
حصه برجاء:يمه شوي بقعد معكم لاجيت اصعد خذيته معي
ام شاهه وهي تشير لها بجانبها:علميني وش سويتي ووش خلصتي
حصه وهي تجلس بجانب والدتها:ابد تونا من امس بادين نتسوق
ام شاهه:انا شريت لش كم لبسه عشان العرب اللي بيجون يقهوون وشريت لش اغراض لما نصعد ارويش اياها
عليا وهي تمثل الغضب:اي والله المشترا كله لحصيص وانا يعني انا عشاني عانس ماتشترين لي
ام سعد وهي تضع يدها على رأسها:ذاالبنت اما ذبحتني ولا ذبحتها
ضحكت ام شاهه وحصه
عليا وهي تجلس بجانب الجده:اسم الله عليش ياشوشو
الجده وهي تنظر لام شاهه:ان شاء الله انش من اهل الجنه اللي جبتيها وبتقابلينها
ام شاهه وهي تضحك:هههههههه حتى يوم جبتها تعسرت
ام سعد وهي تنظر لعليا:كل مامنها مغيث
عليا شهقت بقوه:هئئئئئئئئئئئ انا مغيثه هين(وتقوم تحبها بقوه وفي كل مكان من وجهها)
الجده بصوت مكتوم:تكفون فكوني منها
ام شاهه وهي تبتسم بفرح:بس ساعليا لاتوجعين جدتش
عليا:ماحد له شغل بيني وبينها خلوني اعاقبها على كلمتها
الجده وهي تدفعها لتبعدها عنها:فارقيني وراش
حصه وهي تمثل القرف:ياي لزقه وقرف ذا العليا
عليا وهي تنظر لها بخبث:انا لزقه وقرف على جدتي البلا في اللي لزقه وقرف على رجلها
ضحكت ام شاهه وام سعد لخجل حصه التي ضربت عليا على فخذها
حصه بخجل:عليا ووجع استحي
عليا وهي تقلد حصه برقتها:ياي فلوح حبيبي فديتك ترا انا مانيب رايحه لاهلي بقعد اقابل وجهك اللي ازين من وجيههم
ضربتها حصه بقوه:علياااااا
ام شاهه وهي تضحك بشده:الله يقطع بليسش على ذا الحكي
عليا وهي لاتزال تقلد حصه:فلوح يااغلى حتى من امي وابي
حصه وهي تريد ان تخجلها:كلن يرى الناس بعين طبعه
عليا بكذب:من ذاك اليوم تصيح وتبكي وتقول جعله يسقى لااعرست ورحت عند فلاح فديته
صدمت حصه وطارت عينيها في عليا ثم نظرت لامها وجدتها اللتان ضحكتا بقوه
صرخت بقهر:لاتصدقونها كذابه والله كذابه
عليا وهي تشير بيدها بعدم مبالاه:يابنت الحلال الكل خابرش وعارفش
وقفت حصه بغضب من عليا واخذت الصغير واتجهت لجناح والديها لتضع الصغير في فراشه
ام شاهه بعتب:عليا لاتسوين فيها كذا
عليا:ماعليش منها يمه هي داريه اني اضحك عليها
ام شاهه وهي تنظر لام سعد:ابي لطام ماجا
ام سعد:قده في حجرته وراقد
ام شاهه بحب:جعله نوم العوافي
ثم اكملوا السهر التي عاد لها حصه بعد ساعه ونصف
....................................................
بــــــــــــــــقـــــــــــ شــــــــــادن لـــــــــــــــــــــــم

يسلمو ياقلبي على البارت الحلو ..............واخيرا عرفت ياابو ضيدان الحقيقة وعرفت وضحة تفرض شروطها عليك خخخخخخ

زين سوت والله الحين هي مصدر القوة وناصلا غصبن عنه بينفذ الي تبغيه خليها تعوض بناتها عن ظلم السنين باقي نعرف ردة فعل لطام وعلى ايش ناوي وكيف بتتصرف ام شاهة مع شاهة وليه هي بالذات تبغيها تسكن معاها بصراحة هالشرط ماعجبني مهما كان لطام يبغي ياخذ راحته في بيته مع زوجته بس لطام بيرضخ لطلبها مجبر لانو هو سبب الي صار وراح يندم على الي سواه وبيتمنى رضيساعد على ى ام شاهة عليه

بس شالسبب او السر الي مارضى ابو ضيدان يخبر ام شاهة عن حب لطام الكبير لشاهة وليه لطام ممكن يموت اذا احد عرف بصراحة الفضول ذبحني


في انتظار البارت الجاي

السلام عليك ورحمه الله
تسلمين شدووووووووووووونه على البارت

ابو ضيدان ووضوح
لالالالالالا بعد ذا كله وتكابر وتنفخ وتقول كذب انت وش تبي تبي
تبين ان تصرفك الاولي هةالصح وانك ماغلطت
بس تسسسسسسسلم يابو سعد ان اشهد ان مثلك قليل يوم انك نهرته
وعلمته الصح مير ودك لخيته كف عشان يعرف حجم غلطيته
وي ياشماتي فيك يانويصر وان ان وضوح خساره فيك
لا وتقول الي فيني خذا حقك لالالالالاوالله ماخذاه يكفي عاشت مظلومه ومحرومه من يناتها 16 سنه

عجبتيني وضوحي يوم قمتي تتشرطين وهويوافق احسك صرتي في موقع القوه وهوالضعيف
واشلون مايولفق وهويتمنى يرجع كل شيء مثل قبل غصب عنه يوافق

بس وشو سرلطام الي ماخبره به ناصر عشان ما يموت
وعليا يالبى قلبك والله انتي عسل الروايه وحركاتك مع جدتك تعجبني حيييييييييل
الله بسعدك

تسلمين شدوووونه لاخلا ولاعدم