السلام عليكم
مساء الخير على الجميع
امس مانزلت بارت لكن اليوم هذا بارتين وبعد بكره فيه بارت ان شاء الله
اختي (rs-ss501)الف شكر لش على التصاميم وجلها يمنى تحج سبع مرات قولي آمين
اتمنى لكم قراءه ممتعه



البارت الثامن والعشرون
......................................
في بيروت
دفعها بقوه لداخل الجناح
ناصر بغضب:ادخلي ياقليلة الحيا
وضحه بصدمه:انا قليلة الحيا ياناصر
ناصر وهو يوقفها بعضدها:ايه قليلة حيا على ذا الحكي انا بشبح في مره مهيب محرم لي
وضحه وقد بانت تعابير الالم في وجهها:ايه تشبح فيها ولااستحيت حتى من رجالها
ناصر بغضب مضاعف وصدمه من هراء تلك المجنونه:بس بس الله يمحق عليش انتي ان حكيتي اكثر من كذا حرمتي علي
ثم تركها بعنف واتجه للباب ليخرج
وضحه وهي تمسح على عضدها فهتفت بغضب وهي تراه يخرج:وين بتروح
ناصر وهو يخرج:مالش شغل
اغلق الباب خلفه بقوه
اما هي جلست على الكنبه وهي ترمي بغطاءها على الارض بعصبيه وتبدأ في بكاء شديد
ذهب للوبي ليريح اعصابه فهي اودت بها في وديان الغضب والشده
عاد يترجم كلماتها بعقله
فأخذ يفكر قائلاً في نفسه:يعني رزقها ربي بزر اجل بيعودون العرب على حكيهم بس استاهل ماكان خذيتهن وانا داري باللي فيني لكن وش اسوي بالصديع اللي عندي لو اني اعرست ماكان وافقت تعود
ثم عاد للابتسام حين تخيل طفلاً له مثل ملامحها فعلاً سيجن ليحمله وهو يرى عينيها فيه
لكنه عقد حاجبيه دلالة الضيق مما هتفت به تلك الغاضبه المغروره النرجسيه لحبه
..............................................
في الدوحه
كانن مستمرات بعمليه البحث
عليا وهي تجلس على احد المقاعد:خلاص خلونا نريح شوي ونكمل
ام نهار وهي تمسك بحصه:خلاص انتن اقعدن مع ام لطام وانا بروح مع حصه نشتري اغراض خاصه وناتي
نوره بخبث:انا بروح معكم
ام نهار بغضب:تروحين وجع يدق نحرش يااللي ماتستحين
نوره وتضحك بصوت منخفض:يمه حرام عليش والله اني اضحك
ام نهار وتسحب حصه معها ويبتعدون:لاتروحن لاي مكن لحالكن
ثمينه التي تجلس بجانب عليا:ياخي والله التجهيز متعب اذا حنا بنقعد كذا شهر كامل
عليا وهي تنظر لها بطرف عينها:لا انتي المره الجايه تعبش مضاعف
ثمينه وهي (تقرصها) بأطراف اصابعها:البخي
عليا وهي تنظر لها بعينين غاضبتين من فتحات نقابها:ياسلقه قطعتي قلبي على ذا القبصه
ام لطام بتعي:امشن نروح السياره نقعد عند امي ابرك من مقعادنا كذا قدام العرب
توجهن الاربع للبوابه لكن الذي لم يخطر على الباب ان نهار وفلاح كانوا امامهم بالصدفه
عليا وهي تلكز ثمينه التي تتحدث مع نوره
ثمينه بصوت منخفض غاضب:نعم
عليا وهي تبتسم بخبث:حبيب القلب قدامش
شهقت ثمينه بعنف فعليا بعثرت جنود قلبها دون علمها
نوره وهي تنظر لشقيقيها الذان يسلمان على ام لطام فتقدمت لهم
نهار وهو ينظر لها:هلا النوري اجل امي وينها
نوره وهي تمسك بيده وتجيب وهي تنظر لفلاح:امي مشغوله شوي
نظر لها فلاح بعدم استيعاب
غمزت له ففهمها بسرعه
ام لطام:يالله يامكم حنا بنروح للسياره امي هناك
نهار:ماتشوفون شر يمه
التفتت ام لطام لنوره لتقول بعدم مبالاه:يالله صوتي لعليا وثمينه
ارتفع نظره بسرعه للفتاتين المبتعدتان قليلاً
لتلتقي عينيه بعينيها التي اغضت بنظرها حين رأت عينيه
انزل بصره بعجل وهو يرى من معها تلكزها بقوه الى درجة انها اوشكت ان تفقد توازنها
ثم تمتم بلاوعي وهو يشعر بها تمر هي ومن معها بقربه لكي تخرج اغمض عينيه بهيام غير آبه لمن حوله فهمس:
شفتش وزاد بي الولع والشوق
غنيتها من ساعة اقبلتي
عيني ماقد شافت كذا مخلوق
كنش على ذوقي تشكلتي
فلاح وهو ينظر له بخبث:يابوسلطان تراهم مشو
نظر له نهار بنظره هاديه متعبه:امش امش خلصني
تقدموا احدهم قد سلب والاخر متحمس ليرى شريكته الغبيه والساذجه في نظره
وقف نهار فجأه ليقول بخبث:فلاح امش خلنا نظهر
فلاح بصدمه:لالا انا اغراضي ابيها من هنيا
نهار وهو يدفعه:اخلص علي انت داري ان المره هنيا
فلاح بيأس:نهار تعوذ من الشيطان
نهار وهو يدفعه وفلاح يترجاه:ياخي لاتصير نشبه كذا
لم يجبه نهار سوى بصمت حتى ادخله السياره
.................................................
في لندن
دخل عليها وهي تعمل باخلاص
ابوضيدان بهدوء:السلام عليكم
ام شاهه وهي لم تنظر له:وعليكم السلام
ابوضيدان بحزم:ترا طيارتنا عقب بكره
ام شاهه بهدوء:خير ان شاء الله
ضيدان وهو يقف بجانب ام شاهه وهو ينظر لها بعينين خجلتين:ماما
ام شاهه وهي تمثل الزعل:انا مااكلمك
ضيدان برجاء:لا لا لا ماما انا آثف
ام شاهه وهي تنظر له بتحذير:اخر مره
ضيدان وهو يومئ بقوه:ايه اخر مره
كان ينظر لها بنظره لم تفهمها حين نظرت له فهي نظرة احتقار ام كره ام استجداء ام ......... لم تفهمها
دخلت شاهه بعجل وهي لم تنتبه لوالدها الجالس
شاهه وهي تبتسم بحماس وفرح:يمه ترا انا ولطام بننزل عقب الغدا نتمشى وبنــــــــ
اشارت لها والدتها بعينيها على والدتها وهي تبتسم تريدها ان تصمت لكي لاتسبب لها الخجل
التفتت شاهه للمكان الذي تشير عليه والدتها لتصعق بوجود والدها
شاهه وهي تخفض نظرها وقد اشتعل خجلاً فتهمس:انا استأذن
وخرجت يخطوات مسرعه لغرفتها
ابوضيدان وقد دوت ضحكته في المطبخ:هههههههههههههههههههههههههه
ثم نظر لوضحه بخبث:اثرها خفيفه ماغدت لامها
ثم خرج ليجلس في الصاله
ضحكت ان شاهه بصوت منخفض لتهمس:امها عندها جنه ياناصر اثرك ماتعرف لبنتك
اما شاهه دخلت واغلقت الباب خلفها وهي تهف على وجهها الحار
خرج هو من غرفة التبديل وهو يمسك بقميص ببجامته الت ابدلها لينام براحه
نظر لها باستغراب:شفيش؟
شاهه بخجل اكبر:فيني انك ماتستحي روح البس
نظر لها وهو يبتسم ويقترب منها الى ان اصبح لايفصله عنها سوى خطوه واحده
همس برقه وهو يضع انفه على انفها:تدرين انش احلى لااستحيتي
شاهه وهي تبعد وجهها عنه بتوتر فليس هذا ماتريده يجب ان تسيطر على الوضع همست بنفس النبره:لطام ابعد
لطام وهو ينظر لها بوله وعشق:وان ماابعدت
شاهه وهي تتدارك نفسها
وضعت يديها على صدره بدلع اضعه كما تضيع قطرات العطر في الهواء:لطام بروح اعاون امي
ابتعد عنها وهو يتذكر كلام الدكتور قال لها بحزم:من اليوم ورايح مابي اشوف ذا الحركات
نظرت له وهي تبتسم فالوضع على ماتريد واكثر:ان شاء الله
ثم فتحت الباب لتذهب لوالدتها
لطام وهو يقذف نفسه على السرير:ترا امش وابيش بيسافرون عقب بكره
تصنمت :لا لا لا كيف يتركوني معه لوحدنا فأنا غير قادره على مواجهته
تركته وذهبت لامها بهدوء
كان ينظر للسقف ويبتسم وهو يترائى له وجهها قبل دقائق
فكيف كان خذها كمرآه تتلامع
وكيف كان عنقها كساق وردة رقيقه
وكيف كانت اهدبها كأنها صف جنود الحرب
وكيف كانت شفاهها المرتعشه كطفل مصا بحمى
وكيف كان انفها عالياً كالجبل الشامخ
اغمض عينيه وهو يريد آخر صوره يراها قبل ينام هي صورة وجهها الجميل
.
.
.
.
.
.
دخلت على والدتها
همست بحزن:يمه
ام شاهه وهي تنظر لها باستغراب:لبيه
شاهه بألم وهي تنظر لوالدتها:صدق بتمشون عقب بكره
ام شاهه بابتسامه:وشفيش ضايقه كذا
شاهه وهي ترفع كتفيها بعدم علم:لانكم بتروحون وانا ماشبعت منكم
ام شاهه وهي تنزع برقعها لتعدل غطاء شعرها:عندش اللي بيلهيش
شاهه وهي تضم امها من الخلف:يمه تكفين كلمي ابي اقعدو بعد شوي
ام شاهه وهي تلتفت لها وتضمها:يامش انتو مانتو بمبطين كلها اسبوع وتلحقونا
شاهه وهي تخبئ وجهها في صدر والدتها:بس ولو انا ودي انش عندي
ام شاهه وهي تضربها بخفه على كتفها:ياكذبش انتي ودش بذا عينه تسبرش من يوم يشوفش
شاهه باستغراب وتساؤل:صدق يمه
ام شاهه بصدق:اي والله يامش وان كانش ماشفتيه فتراش عميا
ابتسمت بفرح فأن ذلك حقيقه فالحال لن يطول يعني انها ستنهي الخطه بوقت اقصر فهي بدأت تشعر بشعور مزعج وكريه حين تراه
ابعدتها والدتها:يالله روحي جهزي المواعين خليني اجهز الغدا
ذهبت بفرح سيطر على روحها لتجهز ماأمرت به والدتها
.
.
.
.
.
.
.
بعد مرور نصف ساعه كانت تدخل غرفتها لتجده يتمدد على السرير بهدوء
وقفت وهي تنظر له :كيف تلك الملامح تحمل كره وحقد فهو يبدو قمة الهدوء والنقاء لكن مافعلته يديه سيجنيه على يدي
رتبت شعرها ثم اقتربت اكثر من السرير لتهمس بصوت مبحوح:لطام يالطام
لطام وهو لايزال بين صحوه واغفاءه:همممم
شاهه وهي تضع يدها على عضده:يالله قوم الغدا
فتح عينيه بشكل مفاجئ وسريع ثم اخذ ينظر لها وهي تقف بسرعه لتقول:بسم الله عليك شفيك اختلعت واخلعتني
لطام وهو يجلس يدعك جهه بكسل:مافيني شي
ثم وقف واتجه للحمام:خلاص روحي وانا بجيكم(ثم دخل الحمام ليغسل وجهه)
لم تذهب بل وقفت تنتظره
خرج ليجدها تقف امامه
همس بصوت اجش وهو يرفع حاجبه وعلى فمه ابتسامه:شعندش والقفه
شاهه بدلع خبيث وابتسامه:اتناك عشان نروح مع بعض
ثم اقتربت وامسكت بكفه وهي تمثل البراءه والحماس:ترا انت وعدتني تطلعني اليوم تمشيني
لم يجيبها سوى انه قبل جبينها بدفء اغمضت هي عينيها براحه رغماً عنها
ابتعد وهو يقول:يالله امشي انا ذابحني الجوع
ثم خرج معها وهو يمسك بيدها
......................................................
ام نهار بغضب لتلك العنيده:حصه لا تحرقين كبدي اخلصي علي
حصه بخجل:يمه تكفين الا هذا لا
ام نهار بحيره غاضبه:وحنا خذينا شي عشان تقولين لي ال هذا كل ماطلعت شي قلتي لا
حصه وهي تشيح بوجهها بخجل:يمه انتي كل اللي تطلعينهم يفضحون اكثر منهم يسترون
ام نهار وهي تنظر لها بعدم رضا:انا الشرهه علي اللي امشي على شورش
ثم تركتها لتذهب للبائعه لتعيد كل ماتركته وتحاسب عليه تحت عدم رضا حصه الخجله
كانن يمشين في الممرات التي تؤدي للبوابه الخارجيه فقد اتصلن بام نهار التي قالت انهم في السياره
حصه:يمه صيته ترا ماراح البس ذا اللبس
ام نهار بابتسامه من تحت برقعها وثقه:الا ان شاء الله بتلبسينهم
حصه بزعل:اصلاً حتى امي ماراح ترضى
ام نهار:عاد امش بالذات هي اللي بتغصبش
نظرت لها بصدمه:لا يمكن امي مارح ترضا
ام نهار التي وقفت فجأه
ام نهار بصوت خافت:هي وبلى هي وشلون انساها
حصه وهي تمسك بكتف عمتها:يمه شتقولين
ام نهار وهي تسحبها فجأه وتسررع بخطواتها:امشي بسرعه خلينا نروح السياره
حصه وهي تنظر لها باستغراب:يمه شفـــــ .........
صمتت وهي ترى المرأه العجوز التي وقفت امامهم بطولها الفارع الذي كان بطولها هي وعمتها لكنها تحمل في عينيها التي يخبأها البرقع نظرة حزن وانكسار ومعها ثلاث شابات بمثل طولها
المرأه بهدوء:سلام عليكم
ام نهار بغضب:خير وش تبين فارقي من وجهي
المرأه بحزن ملأ صوتها:مابي شي بس ابي اسلم عليش يابنت عمي
احدىالشابات الغاضبات:يمه تعالي خليها تولي
حصه بغضب:ماينرد عليكن والله لولا ان حنا في سوق والله لارويش من اللي يولي
ام نهار وهي تضغط على يد حصه:امشي لانفتضح في امة لااله الا الله
ثم تركن المرأه ومن معها ليذهبن للبوابه تحت استغراب حصه وغضب ام نهار
حين ركبن السياره قالت حصه بحيره:يمه من ذااللي ماتستحي هي واللي معها
ام نهار بهدوء غريب:يمه تدرين من واجهت
ام سعد التي تجلس بجانبها:من ياصيته
ام نهار التي القت قنبله اصمتت ام سعد وام لطام بصاعقه:ام محمد آل دبيس
عليا بحيره:مهوب اللي تخانقوا مع العوال
اومأت ام نهار بالموافقه
صمت الجميع طول الطريق
...........................................
في لندن كانت تخرج من غرفتها وهي ترتدي غطاءها
ام شاهه:ها قدكم بتمشون
شاهه وهي ترتدي برقعها:ايه تامرين بشي يمه
ام شاهه وهي تضم الصغير الذي يشاهد التلفاز باندماج:سلامتش
خرج هو ليسلب عقلها بمظهره الانيق ليقول:مشينا
شاهه بابتسامه اخفتها عن اعينهم:يالله
لطام وهو ينظر لام شاهه باستهزاء:تامرين شي ياعمه
ام شاهه بكره:لا
امسك بكفها وهو يرسل رسالة اغاضه لام شاهه بمعنى انظري فقد ملكتها رغم ارادتكي
خرجا سويالمنه جهل نظرت الحقد في عينيها حين رأت مارأت قبل قليل
بعد مرور الوقت كانت تقف بجانبه على ضفاف احدى البحيرات
لطام بهدوء:ليه كرهتيني عقب اللي صار
شاهه بهدوء اكثر منه:لأنك صدمتني بكرهك لامي اللي انا كنت انوت فيها وفي ظني انك راح تلبيلي امنيتي اللي طلبتها منك
لطام بضحكة اسنهزاء:شلون البيها وان اللي ابعدتش منها
شاهه وقد نفرت دمعتها من تحت برقعها لكنها لم تزعزع صوتها الثابت الهادئ:هذا اللي نفرني منك
لطام بحيره:مافهمت
شاهه ولازالت عينيها على البحيره بمثل نظرته:انصدمت انك تكره امي وانت اللي حرمتني منها
لطام بتبرير:انا كنت خايف عليش انتي وخواتش
نظرت له بنظرة غريبه لم يرها من قبل:اللي صار صار وحكي في الفايت نقصان في العقل
نظر هو لها بنظرة عشق لا مثيل له لتوها هي تفهمه:والحين
شاهه وهي تعيد نظرها للبحيره:الحين انت ادرى
لطام وهويبتسم بفرح خفي عن ناظريها:احمدي ربش ان حنا برا البيت
نظرت له باستغراب وفرح فلأول مره يقول كلمه جريئه مثل هذي
لم ينظر لها بل امسك بكفها وابتعدا عن البحيره لأحد المقاهي
..............................................
في الشقه كانت تشاهد التلفاز مع الصغير لكن عقلها مع صغيراتها
كانت تفكر بحصه الصغيره جداً على الزواج
اقبل عليها بهدوء ليجلس بجانبها فيغمرها عطره المختلط بدهن العود
نظرت له ثم عادت بنظرها للتلفاز
ابوضيدان باستهزاء:استخبلتي تشبحين في الرسوم كنش بزر
ام شاهه وهي تنزع برقعها:شتسوي بي خرفت
نظر لها بصمت حين رأى ذلك الجمال الذي تركه شقي صغير واليوم ناضج ومبهر
اكملت وهي ترى نظراته:تراني ابي السوق
ابوضيدان وهو يبعد نظراته:يالله قومي البسي
نهضت لتلبس هي والصغير
وبعد ربع ساعه كانت تقف امامه وهو يرتدب البالطو الاسود
ابوضيدان وهو ينظر لها بغطاءها:اليوم حنا وراء فرجه للعالم على برقعش وعباتش
ام شاهه بستهزاء:تبيني افصخها
ابوضيدان بحزم غاضب:اذبحش
ثم اردف:يالله امشو
ثم خرجو متوجهين للسوق
...............................................
في بيروت
لتوه يدخل الجناح
اغلق الباب والتفت ليراها تجلس ببجماتها الحمراء وهي غاضبه
ابتسم بستهزاء فهو يعلم انها حين تغضب تعشق اللون الاحمر وكأنه يعب عن غضبها
ناصر بهدوء:السلام عليكم
وضحه وهي تتقدم منه بغضب:وين كنت
ناصر ببرود:مالش شغل اروح وين مابغيت وترا بكره معوادنا
صعقت
لكنها صرخت فيه بقهر:لا ماحنا بمعودين
ناصر وهو يقف امامها بعصبيه:اني ولد ابي بتمشيني على رايش
وضحه وهي تبكي لتهتف بعصبيه:انا ماصدقت ان حنا نقعد لحالنا تقولي بنعود
ناصر بأمر حازم:زين اسكتي
وضحه بعصبيه:مابي
ناصر بعصبيه:انا اقولش اسكتي
وضحه بخوف وهي تمسح دموعها بقوه:انزين خلاص
ناصر وهو يتوجه للغرفه:اجهزي وجهزي اغراضي
ثم تركها وهو يدخل غرفته لتضرب رجلها بالارض بغضب
تبعته للغرفه لتجده يخلع قميصه ليدخل الحمام ويستحم
ناصر وهو لاينظر لها:ترا بكره قبل رحلتنا بنروح للدكتور
اقتربت له بسرعه بخوف:اسم عليك فيك شي
ناصر وهو يبعدها:لا انتي اللي بتروحين
وضحه باستغراب:بس انا مافيني شي
ناصر:ادري بس راح تروحين
ثم دخل ليتركها بحيرتها
...............................................
البارت التاسع والعشرين
..............................................
في لندن كانت تشتري اغراض لحصه
وهو قد تملل من التسوق فهو لم يتسوق مع امرأه بعدها حتى بناتها
ابوضيدان وهو ينظر لساعته فوجد انه مر ست ساعات في تسوقهم حتى ان الصغير في يدها بدأ يدعك عينيه لمهاجمة النوم لهما:ماخلصتي
ام شاهه وهي تنظر للبائعه التي تغلف الاغراض:بلا خلصت
ابوضيدان بضيق :هاقد مشينا ضيدان قام يقرك عيونه من الرقاد
ام شاهه وهي تحمل الاكياس:يالله
ثم خرجوا من المحل ليوقفوا التاكسي ويذهبو للشقه
وصلوا الشقه وابوضيدان يحمل الصغير الذي نام في التاكسي
ليجدوا الاثنان يجلسان على الدرج وهما يتحدثان باندماج
ماان رؤواهم حتى وقفا
ابوضيدان وهو يمد ضيدان للطام:ليه مادقيتوا علينا
لطام وهو يحمل الصغير:ماحبينا نزعجكم وحنا تونا واصلين
فتح الباب ليدخلو لكن شاهه اوقفته وهي ترفع تلفون والدتها اي انها تود ان تلتقط لهم صوره
لطام وهو يبتسم:ماعينتي تصورين الا وانا بذا الشكل
شاهه باستغراب:ليه
لطام: ماداني البدل خليني البس ثوب
شاهه بابتسامه:لا انا ابيك كذا بالبدله وشال ضيدان
ثم بدأت تلتقط لهم صور عديده
فهي كانت تملك كاميرا خاصه بالصغير وتحمل الكثير والكثير من الصور العفويه له منذ ان ولد
دخلو الشقه وهو يضحكون
ابوضيدان الذي كان يتابع التلفاز:شفيكم ابطيتو
شاهه وهي تقاطع لطام الذي كان سيحرجها:جارنا كان يسلم على لطام
نظر لها وهي تأخذ الصغير وتدخل به لغرفتهم
جلس بجانب عمه:ماودك تقعد عندنا
ابوضيدان:يابيك المصدوع فلاح يبي يملك وكل شوي يدق علي
ضحك لطام وهو يتذكر استعجال فلاح:ههههههههه الله يهديه في عجلتن شينه
ابوضيدان:مهيب عجله الا طيار
اقتربت شاهه لتجلس بجانب والدها
شاهه برجاء:يبه تكفى لاتروحون اقعدوا شوي
ابوضيدان بجمود:لازم اعود عشان ملكة اختش
شاهه بحنين:جعلني قبلها
نظر لها بغضب لم تعرف سببه
عقدت حاجبيها بمعنى ماسبب الغضب
لم يجبها سوى انه اشاح بوجهه عنها
وقفت لتذهب لوالدتها
لكنه قال وهو متوجه لغرفته:شاهه تعالي شوي
لحقت به بخجل من والدها الذي سيفسير الموضوع بخطأ
دخلت للغرفه:هلا
لطام وهو يمسك بيدها:شاهه انا ابيش مرتي
شاهه وهو تمثل البراءه:وانا وش
لطام وهو يقربها ونه:انا ابي حقوقي
ابتعدت منه بصدمه
مما افزعه
لكنها تلاحقت الموضوع لتقول:عطني وقت يالطام الين اتعافى شوي وانا اعطيك روحي مهوب بس جسمي
ابتسم بسخريه وهويجلس على السرير فصدها له قد ارهقه:اللي ودش مانيب غاصبش على شي
لم تجبه سوى انها خرجت من الغرفه متجهه لوالدتها
دخلت غرفة والدتها بعد الاستئذان
شاهه بهدوء:السلام عليكم
ام شاهه وهي ترتب اغراضها في الحقيبه:وعليكم السلان هلا بامي
شاهه بضيق كبير:يمه انا تعبانه
اقتربت منها والدتها بجزع وخوف:اسم الله عليش وش يوجعش
شاهه وهي تقبل كف والدتها:مايوجعني شي بس متضايقه شوي
ام شاهه وهي تنظر لعينيها:وش مضايقش
شاهه وهي ترمي نفسها باحضان والدتها الدافئه:مابيكم تروحون
ام شاهه وهي تطبطب على ظهرها:والله لوتكذبين علي بعرف وش فيش
شدت من احتضان والدتها بصمت
......................................................
في بيروت
خرج من الحمام وهو يراها تجمع اغراضها بحزن الهاها حتى عن حيرتها من ذهابهم للدكتور
سحب ملابسه التي وضعتها له على السريروذهب لغرفة التبديل
وبعد ان لبس ملابسه وقف امامها ليقول:تدرين انش انتي اللي خربتي على نفسش
وضحه وهي تمسح دموعها المنهمره:ناصر الله يخليك وخر عني
ناصر وهو يوقفها بعضدها ليقول لها:وضحه انتي نرفزتيني بكلامش وانا اساساً كنت متوتر من موضوع ثاني وهذا اللي حدني على كذا
وضحه وهي تنظر له بحزن:ناصر انت تدري ان اغير عليك حتى من نفسك وانت تزيد ذا الشي بفعايلك
ناصر بصدمه:انا وش انا مسوي
وضحه وهي تبدع يده:تشبح في ولدها وتضحك كنها بتنقطع كبدك عليه
ناصر بنرفزه:وضحه رجعتي تستفزيني
وضحه ببكاء:ناصر انا مااستفزك بس هذا اللي صار
ناصر بعصبيه:وضحه انتي تدرين اني لايمكن اشبح في مره غيرش هذا اول شي ثاني شي تظنين اني برتكب الحرام
بكت بصوت عالي ندماً لما قالت فهي لم تفكر بهذا الشي فهي لم ترى سوى انه ابتسم للصغير فطنت السوء فوراً
اقترب لها ليضمها بقوه لصدره فهو في حاجه لها في هذه الليله
عانقته وكأنها تعتذر له بهذا الشكل
.................................................
عدنا للدوحه بعد الغربه
تجمعن في منزل الجد
ام سعد وهي لاتزال متوتره مماحدث:يابنات اقصرن الصوت
ام نهار وهي تهمس لوالدتها:يمه فديتش ريحي عمرش خلاص اللي راح راح
ام سعد بضيق:اريح عمري وانا كل ماشفتهم تذكرت اللي راح
املطام وهي تهمس لها ايضاً:يايمه هذولا عوالش قدامش كلهم ولافيهم الا العافيه
اومأت برأسها:معليه معليه روحن انتن وسعن صدوركن ولا عليكن مني
اتجهن للجلسه التي يحتلها ضحك البنات
الجده وهي تنظر لهن فتمتمت:الله يديم الفرحه عليكن
دخل الجد وهو يتنحنح
الجد وهو يتقدم لهن:السلام عليكم
تقدمن منه كلهن وهن يقبلن رأسه وانفه
الجد وهو ينظر لصغيرته:ها اربه ماقصر عليش شي اليوم
حصه وهي تختبئ خلف عمتها خجلاً:لا يبه جعل عمرك طويل
الجد وهو يلتفت لمن ضمت عضده وهي تقبله:ايه ترا فلوسي تعود علي وبمقرها من قلب فليح(امقرها=انتزعها)
ام نهار وهي تنظر لحصه الخجله:يبه تراك احرجتها
الجد وهو يجلس بجانب الجده:كلاً بيستحي الا ذا اللي ماتعتقني لوجه الله
عليا وهي تنظر له بعينيها الشقيه:ولانيب عاتقتك بعد وش بتسوي بي
الجد بتهديد مازح:مانيب مسوي شي غير اني بعلم عجوزي
الجده وهي تبتسم:وعجوزك تقول جعل حتى روحها فدوه لها
نوره وهي تجلس بجانب الجده:اي والله ياشوشو وانا
الجده وهي تضمها:انتي حبة العين زود على الروح
عليا وهي تنظر لجدها:يبه انت تسمع تغزل فيها وانت قاعد اعرس يبه اعرس وانا اللي بروح اخطب لك
الجده وهي تضربها لعصاها:ياوالله السوسه اقول روحي فدا لش وانتي بتجوزين شايبي علي
عليا وهي تقبل كتف جدها:عشان ماتقولين لاحد روحش غيري
الجده وهي تضحك:ههههههههه جعله ينقطع صيب ابي الخبلان كلكم روحي وشاهه ولطام فوق منكم بعد
ضحكو جميعهم
الجد وهو ينظر للجده:فوق مني ياشاهه
ام سعد بخجل وهي تعدل برقعها:استح يارجال بناتك قاعدات
عليا وهي ترفع يديها علامة الاستسلام:ها شهدتوا عليها لاتلوموني لاجوزته بنت تدقدق قدامه وتقوله من ذا الحكي الزين
الجد وهو يضحك:ههههههه سلط الله عليش بنت اشهد انش تنعشين الروح
الجده بغيره خفيه:ايه تنعش الروح يوم جابت طاري العرس لاتهقى اني بخليك لاشباب ولاشايب
ام نهار:يبه امي تغار عليك
الجد:ايه تغار ولا ماتغار هو اللي بعرس خلصت وبنتي هي اللي بتجوزني
ابتعد عنه عليا بسرعه وهي تضم الجده:انت صدقت والله مااجوزك ولااخليك تعرس على شيخة النسوان
الجده وهي تدفعها:ذا الحين ياعليه
الجد وهو يبتسم:عشان تدرين انها ماتصمل فيش وتبديش علي
الجده:اني داريه من غير ماتعلمني
الجد وهو يبحث بعينيه:الا الثمينه والحصي وينهن
ام لطام:رقن فوق
الجد وهو يبتسم لخجلهن بسبب زواجهن:يالله الخيره قد بناتي يستحن مني خلاص مانيب مجوزهن
الجده بتساؤل:الا متاكم بتملكون
الجد وهو يقف ليذهب للديوان بعد ان حقنته عليا بدواء السكر:قفي الصبح ان شاء الله لاجا ناصر ووضحه
الجده بفرحه:انت صادق
الجد:اي بالله قفي الصبح المغرب وهم واصلين ان شاء الله
ثم ذهب ليتركهم بفرحتهم
............................................................ ........
في صباح اليوم التالي استيقظ الجميع
ذهبت هي للمطبخ لتجهز الفطور لتريح والدتها اليوم
بدأت بتجهيز الفطور بهمه وتذكرت الدوحه واهلها
حين اصبحت الساعه الثامنه حيث كانت تعمل بجد دخل عليها وهو يمسك رأسه بتعب
التفتت للخلف حين سمعت صوت الخطوات لتراه يقترب منها وهو متعب
لطام:صباح الخير
شاهه وهو تتقدم منه:صباح النور
ثم اردفت:عسى ماشر وش فيك
لطام وهو يجلس على الكرسي:مافيني شي بس سويلي قهوه راسي بينفجر من الوجع
شاهه بقلق كرهته:ان شاء الله دقايق بس
وبعد ربع ساعه كانت تضع القهوه العربيه امامه وتسكب له فنجال
اخذ الفنجال ويرشفه بسرعه
شهقت بعنف:لطام الفنجال حار
لطام وهو يمد الفنجال لها:معليه صبيلي بس
سكبت له الفنجال الثاني وهي تراقبه بخوف
وبعد خمسة فناجيل متتاليه شعر بقليل من الراحه وبدأت تلين ملامحه
شاهه وهي تنظر له بقلق:ها تحس احسن
لطام وهو يرشف القهوه:ايه اشوا
شاهه وهي ترتاح:الحمدلله انت مارقدت صح
رفع نظره لها فهو لتوه ينظر لها لأن الالم لم يعاونه على رفع نظره
لطام بحيره:شلون دريتي
شاهه وهي تسكب له اقهوه:مبين من عيونك
لطام بابتسامه سخريه:ماشاء الله يعني انتي اللي نايمه
شاهه بضيق:وانت شعرفك
لطام وهو يرشف فنجاله:عرفني اللي عرفش
ثم حل الصمت الا من صوت القهوه عند سكبها في الفنجال
لطام وهو يقف:اجهزي موعدش عقب شوي
شاهه اوقفته حين قالت بخجل:لطام شلون البس وابي داخل
وقف وهو يفكر ثم قال:تعالي وراي
ثم ذهبت معه باستغراب حين وصلوا لباب الغرفة
همس لها:اسمعي بندخل تاخي غرفة تاذين هدومش وتبدلين في غرفة التبديل من غير صوت
اومأت بالموافقه
دخلوا بهدوء الى ان وصلوا الدولاب
وهو يقف خلفها
نظرت له لتهمس:وش تبي
لطام باستغراب:ماب شي انتي اللي تبين هدومش
ضحكت بصوت خافت ثم قالت:انزين ليه لاحقني
لطام وهو يبتعد عنها ليقول بجمود:اخلصي يالله
اخذت ملابسها واتجهت لغرفة الملابس وهو اتجه للحمام
وبعد مرور الوقت خرج من الحمام وهو يلف المنشفه على جزءه السفلي فقط
لكن صعق وهو ينظر لعمه وهو يتجه لغرفة التبديل
اسرع يركض وهو يمسك بالمنشفه
اوقف عمه:وين يبه
ابوضيدان وهو ينظر له باستغراب:هدومي داخل اباخذها
لطام وهو يحك رأسه بخجل:شاهه داخل
ابوضيدان بعدم مبالاه:وش جايبــــــــ ........
صمت فجأه وهو يستوعب لكن استيعابه كان خاطئ هتف بغضب:محق الله عليم انت وياها ليه ماتحاكيتو
لطام باقناع:يبه الله يهديك فهمت غلط
دفعه عن طريقه ثم استدار ليخرج وهو يهتف بغضب لكي يخفي خجله من الوضع فهو ظن ظناً خاطئ لكنه لم يفكر كيف واين لم يستوعب سوى انه قد اعاقهم:الله ياخذ عماركم بهايم ماتحاكيتوا
ثم خرج ليتركهم تحت الصدمه
دخل غرفة التبديل ليجدها تضع يديها على وجهها خجلاً مماسمعت
لطام بخجل:يابنت الحلال هو اللي فهم غلط وش تبينا نسوي
شاهه بصوت مكتوم اثر خجلها الشديد:يفضحي يلطام يافضحي في ابي
لطام وهو يبتسم على خجلها:وش يافضحش ماسوينا حرام
نظرت له بصدمه:لطام لاتشككني في عمري ماسوينا شي
تعالت ضحكاته بفرح:هههههههههههههههههههههههه
ثم قال:اني قلت لش خلينا نسويها غار عييتي يعني الحين افتضحنا بالكذب
دفعته عن طريقها وذهبت للخارج لترتدي عباءتها وغطاءها تاركته غارق في ضحكه
اتاها وهي قد انتهت
لطام بضحكه:مشينا
شاهه بخجل:لا لا الين يطلع ابي مدري شلون باقابل ابي
لطام وهو يسحبها:امشي بس موعدش بيطوف
خرجا وهي تلبس برقعها على احمرار وجهها الشديد
لكن مازاد خجلها وابتسامة لطام ان ابوضيدان كان يقف في الصاله ومعه ام شاهه والصغير النائم وحقائبهم امامهم
لطام وهو يبتسم:يبه على وين
ابوضيدان بغضب:قدمنا حجزنا بنسافر الساعه عشر
تقدم لطام وهو يقبل انف عمه:يايبه نفداك والله انك مخطي ولاصار من اللي في مخك شي
ثم همس في اذنه:الدمتور مانعنا ولا الود ودنا سويناها من قبل
اخذ فتره وهو يفكر فوجده محق اين حدث ذلك اين التفت يبحث عن تلك الخجله لم يجدها
لطام وهو يبتسم:دخلت الحجره تقول مالها وجه تقابلك
ابوضيدان وهو يتجه للباب:يارجال مانيب لايمها رح صوت لوضحه خلنا نمشي
لطام وهو يتجه للغرفه:ابشر
حين دخل وجد والدتها تقول لها وهي صامته:ماتعلميني اللي جاري ويش هو ابيش دخل علي عيونه كنها فناجيل من كبرها ويقول يالله بنعود عقب شوي
لطام وهو من اجابها:يابنت الحلالماصار شي شايبش اللي مخه فاصل
ام شاهه بجمود:معليه ابي اعرف وش صار
شاهه وهي تقبل يدها:يمه الله يهداش مافيه شي
ثم غمزت له بمعنى خلصني
لطام وهو يتقدم ويحمل الصغير الذي على السرير:يالله ابي ناصر يقول بتمشون
وقفت وهي تضم صغيرتها:شغلش معي لاجيتو
ثم بدأت بلبس عباءتها
شاهه:يمه لاتقولين لاحد ان حنا بنجي قريب ابيها مفاجأه
ام شاهه وهي تتجه للباب:ان شاء الله احرصي على عمرش
اومأت برأسها بضيق
نزل الثلاثه للسياره التي فيها ابوضيدان
لطام وهو يغلق الباب الخاص بأم شاهه بعد ان ركبت:يالله ماتشوفون شر ودي اني اوصلكم بس شاهه عندها موعد عقب شوي
ابوضيدان وهو يبتسم:يارجال الحمدلله ان حنا بنمشي ولا كان جات علوم
ضحك لطام بقوه تحت نظرات ام شاهه الحائره
مشت السياره متجهه للمطار
رفع رأسه للنافذه ليجدها تنظر لهم اشار لها بأن تنزل
وبعد دقائق نزلت له ذهبا للمستشفى
..................................................
في بيروت
كان يقف وهو يصفف شعره امام المرآه
اما هي كانت تقف خلفه وهي تلبس غطاءها
ناصر بتوتر:وضحه يالله
وضحه وهي تنظر له بابتسامه:انت اللي معطلنا
ناصر وهو يتجه للباب:يالله هذا انا خلصت
امسكت بيده لتقول له بجديه:ناصر وش فيك متوتر من ذا الموعد
ناصر بتعب وارهاق من كثرة التفكير:لا جينا الدكتور عرفتي
وضحه باصرار:وانا مانيب رايحه الين تعلمني وش فيك يعني تبيني اعرف من الغريب
ناصر وهو يجلس عل السرير ويجلسها بجانبه:وضحه انا بقولش الموضوع بس ابيش تفهمين موقفي
وضحه بقلق:تكلم ناصر والله وترتني
ناصر وهو يسرد القصه المتعبه له منذ عام كامل:آآآه يابنت الحلا هذا عقب ماطلقتش بشهرين اكتشفت انه فيني مرض الكبد الوبائي
شهقت بعنف وهي تضع يدها على فمها من الصدمه
اشار لها بأن تصمت الى حين ان ينتهي
ناصر وهو يكمل:لاتخافين ذاالحين مافنين شي
ثم اردف:كان نشط بشكل غير طبيعي وكنوا حتى الدكاتره مستغربين شدة نشاطه مع انه كانوا يعطوني ادويه تساعد على خموله بس من غير فايده المهم رحت واعرست عشان مثل مايقولون طمانة راس يوم ملكنا دريت ان الوضع مخيف وممكن اني اعديها لما قالي الدكتور كذا بعد ماعرف بالصدفه مني اني باعرس المهم اعرست ولاقربت منها حتى عشان مايصير فيها شي وبعد مده ملت البنت وطلبت الطلاق وارتحت وطلقتها
وبعدها بفتره سمعت امي تقول انه فيه ناس خطبوش انقهرت وقلت الظاهر انها ماتابت ورحت واعرس مره ثانيه من غبائي وتكرر نفس الوضع وطلبت الطلاق وبعدماطلقتها رحت لموعدي في الاردن وانصدمت لما قالي الدكتور ان المرض مو اصبح خامل المرض اختفى فجأه هذا سبحان الله من الما المقري ومن سورة البقره اللي اقراها كل ليل وبعد بيومين يوم عودت طلب مني جدي اردش وكنه بشرني يعشرة عوال من صلبي ورويته الضيقه بس والله ياوضحه اني كان ودي احب ايديه ورجيله من الفرحه المهم ردييتش وجينا هنيا للبنان اللي جا فيها دكتوري الخاص بالحاله اللي النفروض اجيه امس في الاردن بعد ماطلبت منه تحليل ثاني عشان اتأكذ
وواجهته امس وقالي ان الوضع ممتاز بس يبون يكشفون عليش عشان يتأكدون انش سليمه واليوم حنا رايحين عشان تسوين تحاليل
صمت لينظر لها فيجد ان الدموع قد شقت طريقها على خدها الذي يعشقه
وضحه ببكاء مؤلم:وليه ماعلمتني
ناصر وهو يضمها له:يابنت الحلال كل شي راح ربي لك الحمد اهم شي انتي
وضحه وهي تضمه بقوه:وكنت تبي الدكتور هو اللي يعلمني عشان انهار صدق عنده
ناصر:هههههه ترا موعدنا بيفوت
ابتعدت عنه لتقف وتعدل نفسها
ناصر وهو يقف بجانبها:يالله
وضحه بزعل:يالله
وخرجا احدهم غاضب والاخر قلق
......................................................
في نفس اليوم لكن الساعه العاشره الثانيه عشر مساءاً
كان نهار يقف في المطار بعد ان اتصل عليه عمه وقال له انه سيصل اليوم ووصاه ان لايخبر احد
كان يقف امام الحاجز الفاصل باحثاً بعينيه عن عمه
ترائى له جسد عمه الطويل الضخم بالثوب والشماغ الذي له هو نفس الجسد وكذلك بقية رجال العائله
اقبل عمه وهو يبتسم له
نهار وهو يواجه عمه بابتسامه:يالله حيهم يالله حيهم تو مانورت الدوحه
ابوضيدان ونهار يقبل رأسه:منوره باهلها شلونك
نهار وهو يقبل الصغير:طيب نفداك
ثم اردف وهو ينظر لام شاهه التي ممسكه بالصغير:الحمدلله على السلامه يمه
ام شاهه بصوت واثق:الله يسلمك يابوي وشلونك وشلون من يعز عليك
نهار وهو يحمل الصغير:كلاً طيب ولا عليهم خلاف
ثم نظر للصغير:خشمك خشمك يابوناصر
ضيدان المبتسم وضع خشمه على خشم نهار فهذه طريقة السلام التي علموه اياها
نهار وهو يضحك:ههههههههه ان شافك فهاد بيطير بك
انزل الصغير ثم اخذ يدفع العربه الحامله للحقائب
اخذوا يتحادثون وهم متجهين للسياره
ركب نهار سيارته الجيب (لاند كروزر2011)
نهاربترحيب:يامرحبا تو ماتباركت السياره
ابوضيدان:النرحب باقي بس السياره بتبارك لاركبتها بنت سعد
ضحكا الاثنين بفرح
اما ام شاهه ابتسمت حين حل طاري العروس فقد تذكرت صغيرتها
مشت السياره وفيها الكثير من الضحك والفرح والاشتياق
وصلت السياره امام الفلل الثلاثه
نهار وهو ينزل وينزل معه البقيه:حياكم
ابوضيدان وهو يشير على بوابة المنزل الخاص به:روحو البيت وانا شوي واجيكم
ثم اتجه هو ونهار للديوان
وقفت هي لفتره امام المنزل الذي امامها فهو اكبر من منزلهم القديم الذي تم استبداله
ضيدان وهو يشد يدها:ماما يالله
ام شاهه وهي تتقدم مع الصغير
فتحت الباب ودخلت بهدوء لتجد المكان فارغ والصوت عالي تلفتت لكنها لم تجد احد
تفلت الصغير واتجه لاحد الصالات وهو يركض لتسمع بعد دقائق الصراخ
.
.
.
.
.
.
كانول يجلسون جميعهم بانسجام وضحك وفرح
لكن فاجأهم دخول الصغير الضاحك
ضيدان وهو يقذف بنفسه فس احضان الجده:انا دييييت
صرخت عليا:ييييييووووووو امي جات
ثم ذهبت تركض للخارج وقد تعالت صرخات البقيه وهم يلحقون بها
خرجت من الصاله لتجد والدتها واقفه امامها
تقدمت بقوه لتضمها
عليا وهي تضحك بفرحه عارمه:يالبى عمرش فديت روحش جعلني قبلش
ام شاهه وهي تضمها:هههههههه لبى عينش شلونش
عليا وهي تبتعد مجبره من حصه التي تدفعها:دامني شفتش طيبه
حصه وهي تضم والدتها بقوه:وحشتيني فديتش الحمدلله على السلامه
ام شاهه وهي تضمها بقوه:الله يسلمش يابعدي ها وشلون التجهيز
اجابتها ام نهار وهي تبعد حصه لتسلم:كل شي ماشي تمام التمام
ام نها وهي تسلم على ام شاهه:يامرحبا والله الحمدلله على السلامه
ام شاهه بحب اخوي:الله يسلمش شلونكم وعساكم طيبين
استمر السلام الى ان قالت ام لطام:ام شاهه تفضلي حياش امي تتناش داخل
اتجهو جميعهم للداخل
ام شاهه وهي تتجه لأم سعد:شلونش يمه
ام سعد وهي تمسك بيد ام شاهه التي تقبل رأسها:انا طيبه انتو شلونكم وشلون من جيتو منهم
ام شاهه وهي تجلس بجانبها:والله ماعلهم كلهم طيبين ولاعليهم خلاف
عليا التي تقبل الصغير الرافض والذي يحاول الخلاص منها كالعاده:فديت وجهك لبى ريحة شاهه فيك يالمخنز
ثمينه:ههههههه تفدينه عقبه مخنز
صرخ الصغير بغضب:حلاااااااااص حليني
ام سعد بغضب وملل:عليه خليه جعلش الوهم دبلتي كبده
تركته وهي تضحك:اهم شي حبيته الخايس
ذهب لام شاهه ليجلس في حضنها ويقول بقهر طفولي:عليا يععععع
حصه التي تجلس بجانب والدتها امسكت به لتقبله رغماً عنه:يووووه يازين الصبيان
ضربتها الجده بالعصا:جعل عدونا الفرقا خلنه قطعتن كبده
ابتعدت حصه وهي تضحك
نوره بابتسامه:خاله وضحه شلون شاهه
ام شاهه وهي تعطي حصه عباءتها لتعلقها:والله يامش طيبه ولاعليها الا العافيه وتسلم عليكم كلكم
ثم التفتت لام لطام:ولطام يسلم عليش سلام كثير يام لطام
ام لطام بحب:جعل ربي يسلمش وياه من الشر
ام شاهه وهي تنظر لحصه التي تجلس بجانبها فتبتسم لها وتهمس لها:ها وشلون النفسيه
صمتت الصغيره وهي تبتسم بخجل
ام سعد بحيره:وش عندكم قدمتو معوادكم
ام شاهه وهي تأخذ الفنجال من عليا:ابوضيدان عنده اشغال ضروريه
عليا بابتسامة خبث:يمه ابوضيدان ولا نصور
ام شاهه وهي تنظر لها بمعنى اصمتي
عليا وهي تنظر لجدتها:شفتي يمه تهددني عشاني اقول الصدق
ضحك الجميع
ام سعد بتشفي مازح:جعلها الزين فيش انش اللي بتجوزين شايبي
اتاهم الصوت الضخم الاجش:يابنت الحلال قلنا لش ماحنا بمعرسين
ثم اردف:السلم عليكم
وقف الجميع احتراماً له
...............................................
بــــــــــــــــــقـــــــــــ شـــــــــــــادن لـــــــــــــــــم

يسلمو ياقلبي على البارتات الحلوة ماقصرتي يالغلا ربي يعطيش الف عافية ...............


شاهة بتعلق لطام صحيح وبتاخذ حقها منه لكن هي بعد قلبها بيعشقه وبتندم على لعبتها لانو صعب تكسب قلب لطام بعد عمايلها ,,,,,,,,,,,,اما لطام لسى ماعرف مين شاهة والكره الي بيكبر اذا وصلته برأت ام شاهة ماراح يرفع عينه فيها مو مثل الحين ونظراته الخايسة


اما ابو ضيدان تفكيره مثل وجهه ولا تاب من ظن السؤ بس لما يعرف الحقيقة الي بتنزل على راسه بيكون له درس كبير على غروره هو ولطام وام شاهة ماراح ترضى عليهم ببساطة وبتنتقم من الاثنين



عليا هي سكر الرواية والله ياهناه الي بياخذها وياسعده



نهار الاناني بعد ماشاف الحبيبة وكحل عينه تندل في فلاح بس يستاهل اجل حصة غبية وساذجة اجل بنشوف بعد الزواج ايش بتطلع بس ليه مايزوجون نهار مع اخوه شيب وثمينة مو قليل عمرها دامها اكبر البنات خلاص يسوو العرس جميع ماله داعي تطويل السالفة دام الجميع راضي



ناصر واخيرا عرفنا مرضه بس وضحة مصختها الي يشوفها يقول بزر حتى لو تغار مايصير تتكلم بهذا الاسلوب مع زوجها اجل زعلته الاولى مو كانت بسببها وبسبب غبائها وعنادها ومع ذلك ماتعلمت الدرس يبغي لها قرصة تجيب اجلها علشان تحسن تعاملها الغبي



ال دبيس هذول ظهورهم شكله مابيمر مر سلام والله يستر الرجال من صوب والحريم من صوب ثاني والله العالم الجاي منهم بيكون في مين



في انتظارك يالغلا

السم عليك ورحمه الله

هلا وغلا شدونه مشكوره يالغلا
على البارتين رووووووووووعه

شاهه ولطام
شاهه جالسه تلعب بالنار وياخوفي ان تكون النتايج عكسيه
ولطام ياعمري شرب المقلب ويحسب نفسه روميو زمانه

ابو ضيدان وان شاهه
اللحين وش راح تسوي يا ناصر لو عرفت حقيقة
يراءة وضوحي والله ان تتمنى رضاها مراح تحصله
وضوحي وش ردة فعلك على الحقيق الي طلعت
بس الله الله بنويصر حريه وخليه شوف وحر جوف

علوي
مدري بس اتوقع انها راح تاخذ صقر ولد ابو محمد
مدري ليه

تاصر ووضحى
اخيرا عرفنا حقيقه مرضك ياناصر
ووضحى اساتي الظن بالرجل من غير ما تتحققين من الحقيقه

تسسسسسلمين يالغلا

يعطيك العافيه على البارتين

والله كنت متوقعه تعب ناصر و الحمد لله اللي شفاه منه
بس قهرني قبل يعني يتزوج وبنات الناس لعبة عنده

وضحة ام شاهه خلها تاخذ حقها اللحين بعد ما يعرف ناصر ببرائتها

ما فهمت يوم ان الدكتور محذر لطام و شاهه ليش اجل طالب بحقوقه؟


ننتظرك بكرا

تسلم الايادي شدونه على البارتين الحلوه
الجد متى ناوي تعلم ناصر عن براءة وضحه
ناصر ولطام والصدمه بعد معرفتهم براءة وضحه
اذا عندهم رجوله يعتذرون منها بس العذر راح يعالج الجراح ماضنتي
نهار حلال عليك تشوف والمسكين التشفق و طايحه كبد لا حرام ينرحم
شاهه مالومش في الحقد على لطام كل العذاب اللي عشتيه بسبته منه
مبرك معاريسنا و عرايسنا