السلام عليكم
صباح الخير على الكل والجميع
احب ارحب بالقراء الجدد واتمنى يلقون اللي يرضيهم في البارتات الجايه هم والبقيه
بالنسبه للملخص اتمنى ان تعطوني بس يومين وراح يوصلكم الملخص على الخاص ان شاء الله
آسفه على التأخير لكن غصب
ومرضاة لكم فيه بارت الليله وبكره ان كنت من الحيين ان شاء الله
اتمنى لكم قراءه ممتعه



البارت السابع والعشرون
.......................................
وانتهت المكالمه لتستوعب مدى قربها منه
نظرت له بخبث
وهو ينظر لها باستغراب
اقتربت منه وقبلت خده وهربت
تجمد وتصنم وكأنه جسد خالي من الروح
لكن استوعب ماحدث ليلحق بها بخطوات سريعه وهو ينظر لغرفة عمه لكي لايخرج ويراهم هكذا ويزداد حرجاً
دخل المطبخ حيث كان يسمع الصوت الصادر منه
كان بظنه انه سيجدها لوحدها فيستفرد بها لكنه صعق حين رآها تجلس على الكرسي ووالدتها تتذوق العام
لطام بهدوء وهو ينظر لشاهه بخبث:سلام عليكم
ام شاهه وهي تنزل برقعها بسرعه:وعليكم السلام
جلس بجانب تلك المبتسمه له:ها وش غدانا اليوم
ام شاهه بهدوء:كل خير ان شاء الله
فهي لازالت تبغضه بشده
لطام وهو يمد يديه للصغير الذي يجلس في حضن شاهه:تعال حبني
اشار الصغير برأسه رافضاً
لطام:تعال حبني واوديك الجمعيه
بدأ الصغير بالركل وتخليص نفسه
ضيدان بضيق:هديني ماابيس ابي لدام
خلص نفسه وذهب ليقبل خد لطام المليئ بالشعر
شاهه بصدمه:شوف الخاين ذالحين ماتبيني يالمعفن
ضيدان بشقاء:انتي موحلوه ساهه
شاهه بصدمه وهي تبتسم:هئ انا موحلوه ياضيدان
ثم اردفت بشقاء مماثل:انت سنفور
صرخ الصغير:لالالالالالالالا انا كبير
شاهه وهي تصرخ عليه:لا انت سنفور
ضحك لطام وام شاهه
ضيدان وقد بدأت عينيه تتحول للون الاحمر كعادته عند غضبه:انا طويل مثل لدام
حمله لطام ليقذفه عالياً وهو يضحك بقوه:الرجال يشوفني عملاق
تعالت ضحكات الصغير لترسم ابتسامات على وجوه الجالسين
انزله لطام ليمسك بيده
لكن صدمه طلب الصغير للحظات:لدام ساهه ساهه بعد
لطام:وش بعد
ضيدان وهو يقفز فرحاً:ودها فوووووق وبعدين تحت
ضحكو كلهم على طلبه
شاهه وهي تضحك:لا انت شيلني ضيدان
ضيدان بتبرير:لا انا عنونو
شاه بخبث:يعني انت سنفور
تخلص من لطام ليأخذ السكين التي بقرب ام شاهه التي كانت جالسه بجانب شاهه وتقطع الخضار الخاص بالسلطه
ضيدان وهو يرفع السكين بوجه شاهه المصدومه ومرعوبه من فعلة هذا الصغير وتهوره:اطقس
شاهه بتحذير:ضيدان ان قطيت السكين بضربك
ام شاهه وهي مذعوره:ضيدان حبيبي عطني السكين
ضيدان باصرار:لا انا بطقها عشان ماتقولي سنفور
ام شاهه وهي تقترب من الصغير:خلاص حبيبي ماتقولك سنفور بس عطني السكين
اما لطام فقد كان يقترب بهدوء منه ليأخذ السكين منه فجأه لكن الصغير فاجأهم بانه التفت على لطام فجاه
صرخت ام شاهه وهي ترى الصغير يقذف السكين على شاهه ويهرب وهو يضحك
.........................................
في منزل الجد
كانت تجلس هي واختها يتناقشان بهدوء
عليا بحماس هادئ:تدرين ان جدي قال عرسش بعد شهر يعني ياالله يمدينا
حصه بتوتر:والله انا مانيب مسويه شي الين تاتي امي
عليا بصدمه:امي ماهيب جايه ذا الحين وانتي ماعاد باقي شي على عرسش
حصه بحزنكبعدين علوي شلون اعرس وشاهه في الطبيب ومريضه
عليا بحزمكبتعترضين على حكمة ربي الله كاتب كذا
حصه بجزع:لا ان شاء الله مانيب جازعه بس يحزني اني مانيب شايفتها يوم عرسي
عليا بكبر كاذب:يكفي عليش انا
حصه وهي تضربها بخفه:والله عندش من عمرش شطه(شطه=غرور وكبر)
عليا بجديه:تدرين اني ذاله من رجعت ابي وامي
حصه باستغراب:ليه بالعكس المفروض تكونين فرحانه
ثم اردفت بفرح:انا عن نفسي احس اني ملكت الدنيا ومافيها
عليا بقلق بان في ملامحها الصغيره:تدرين حصوص لو امي الله لايقوله تعود على خوالي لايمكن نشوفها مره ثانيه
حصه بقلق نقلته لها عليا:لا ان شاء الله فالش ماقبلناه
عليا بنفس القلق:ياحصه انتي تدرين ان امي وابي طباعهم متخالفه
حصه بيقين:اذا الله راد لهم الجمعا والله ان يجتمعون لو يفرقونهم امة لااله الا الله ولو رايد انهم يفترقون بيفترقون لو وش نسوي
عليا:انا ادري بذا لكن انا ماعاد اتحمل فراق امي خلاص مع اني ماداكنتها بس والله احس اذا امي ابتعدت عنا مره ثانيه بموت من الحسره(داكنتها=عاشرتها)
ثم بدأت بالبكاء لتبكي معها حصه التي قالت:علوي تكفين لاتزيدينها علي يكفي اللي فيني
عليا بتساؤل باكي:انتي ليه تبكين
حصه بحيره باكيه:مدري
ضربتها عليا بخفه:انتي عندش فايض دموع
حصه وهي تضحك ببكاء:هههههه شسوي فيكم تهيضوني وانا على طريف
عليا وهي تمسح دموعها:ياقرد حظ فلاح بتقطعين كبده بالبكا
حصه بنرفزه خجله:الحين وش جاب طاريه
عليا وهي تنظر لجدتها التي تتقدم لها:عقب شهر بيغدي امش وابيش واختش واخيش
الجده:سلام عليكن
البنات:وعليكم السلام
الجده:وانتن هذي عادتكن كل عصريه قهوه وشاهي وبقيط(بقيط= اشياء تافهه لا لزمه لها)
عليا وهي تضحك:يمه اسمه حلويات وفطاير
الجده بنرفزه:اللي هو بتفقعن من ذا الاكل
حصه بصدمه فهي تكره الوزن الزائد بشده:يمه يعني انا متينه
الجده بصدمه:يييوووو انتي انتي قدنش بدورش تحت القشان(القشان= الاغراض)
ضحكت عليا:هههههههههههههه تستاهلين على ذا العصاقيل اللي بتمرج فلاح
الجده وهي تنغز عليا بعصاها:الحكي مهوب لها الحكي لش يالبقرة اللي ترتج
عليا بابتسامه:الله يسامحش انا بقره
ثم اردفت بغرور مضحك وكاذب:الصبح تشوفين الخطاطيب يزحفون على ركبهم عشاني
الجده وهي تنظر لها من طرف عينها:اي بالله جدش ماعاد يصك بابه من الخواطيب
ضحكت حصه
عليا وهي تدفع كتف جدتها بمزاح:افا ياشوشو تعيريني عشان بناتش اعرسن وانا لا
ضربتها الجده بعكازها بعصبيه مازحه:وراش يابنت تراش كسرتي عظيماتي
عليا وهي تقبل كتف الجده بحب وحنان شديدين:جعلني قبلش وقبل عظامش
الجده وهي تضمها فجأه بحنان عكس حالها قبل قليل:لا ان شاء الله يامش انا عجوز وشبعت من الدنيا وانتي توش مخلوقه
ثم اكملت وهي تتكلم بصوت منخفض اثر بكاء:جعل ربي مايفجعني في حداكم يامش لا من اكبربكم جدكم الى ضيدان
عليا وهي تضمها لصدرها بقوه وتمازحها لتغير مودها الذي تعكر فجأه:ايه انتي ماهمش الا الشايب
الجده وهي تدفعها عنها ممثله الغضب:انتي لسانش منشار
عليا وهي تقبلها:لأني اموت فيش وانتي مستحيه
الجده وهي تنظر لها وهي تقصد احراجها كما احرجتها:لاتموتين فيني اضعفي خففي جنوبش
عليا:هههههههههههه يمه حرام عليش وزني 65 وين عاد اغدي
الجده بغضب:ابيش تغدين مثل خواتش
عليا بدفاع وتبرير:يمه شاهه وزنها قبل المرض 55 وذا الصخل وزنها 46
الجده وهي تحسب بأصابعها
ثم هتفت بصدمه وغضب:حسبي عليش بنت بينش وبين شاهه 10 وبينش وبين حصه20
ضحكت الاثنتان لصدمة الجده الغاضبه اليوم على غير عادتها:هههههههههههههههههههههههههههههههه
الجده باصرار وامر حازم:من الصبح تصومين من العيشه كلها
عليا بصدمه وهي تبتسم:يمه تبين تذبحيني
الجده وهي تأخذ الفنجال من حصه المبتسمه:ايه ابيش تمةتين
ثم اكملت بغضب:جعل مالش اثنين غديتي ذا كبرش
حصه:يمه والله علوي متينه بس مهوب لذا الدرجه
الجده وهي تنظر لها بعصبيه:انتي اسكتي ولا لش شغل وش عليش كنش عود مركوز
عليا:خلاص ابشري من الصبح بسوي ريجيم
الجده بقهر:اقولها لاتاكلين وهي تقول بترقى الرجم ماتعلميني وش ذا الرجم اللي عندنا بترقينه(الرجم=المكان العالي)
ضحكت حصه وعليا بقوه:هههههههههههههههههههههههه
استثارت الجده:اللي يضحكن ويش هو
عليا وهي تمسح دموعها من شدة الضحك:يمه جعلني قبلش انا ماقلت رجم انا اقول ريجيييييم يعني اقلل اكلي
الجده باصرار:لا ابيش تصومين
عليا:ابشري
الجده وهي تلتفت لحصه التي لازالت تضحك:وانتي ياكريكره متى تبيني اوديش السوق
صمتت حصه فجأه بخجل:يمه خلينا ننتظر امي
الجده بغضب لامبرر له:انتي خبل عرسش معاد دونه الا شهر ولاسويتي شي وبتتنين امش اللي مهيب جايه قبل شهرين مع اختش
حصه بصدمه من غضب الجده:خلاص يمه اللي ودش بس لاتضيقين عمرش كذا
الجده وهي قد خجلت من حفيداتها فهي لاتستطيع الكتمان اكثر من هذا فهتفت لحصه:قومي يامش اجهزي عشان نروح السوق
حصه وهي تقف:ان شاء الله
ثم اتجهت للباب خارجه
وقفت عليا لتلحق بها لكن اوقفتها الجده بغضب:عليه اقعدي ابيش
اتجهت لجدتها باستغراب:لبيش
الجده وهي تشير لها لكي تجلس:اقعدي
جلست عليا بجانب الجده:خير يمه وش فيش اليوم وش مكدر خاطرش
الجده وقد تحدر صوتها للبكاء:يامش خاطري ضايق عليش
عليا وهي تضم جدتها:ليه ليه جعلني فدوة ذا الدموع
الجده وهي تمسح دموعها بطرف شيلتها:يامش ابيش تقولين لي الصدق
عليا وهي تضم كف جدتها بين كفيها:والله ماقول الا الصدق بس قولي وريحي عمرش فديتش
الجده وهي تنظر لها بعمق لكي تستشف كل حركه تصدر منها:يامش انتي متضايق عشان حصه اعرست قبلش
تجمدت حتى اطرافها الممسكه بكف جدتها مماجعل الجده تتوتر وتعود للبكاء:والله اني قلت للطام غار ماصدقني
عليا وهي تبتسم بألم:افا افا يمه قد ذي هقوتش فيني
الجده وهي تبكي:يامش لاضقتي مانيب لايمتش اختش اللي اصغر منش اعرست قبلش وذا الشي بيجلب الحكي
عليا وهي تقبل كف جدتها لتقول لها بهدوء واثق وصادق:يمه تدرين اني مااغبط قارون لماله من فرحتي باختي بعدين وش انا وش حصه حصه اختي وحياتي وروحي اللي بين ضلوعي بعدين يمه انا مابي العرس ذا الحين
الجده:هاقد اشوا والله يامش اني متخانقه مع جدش والسبه ذا الامر
عليا وهي تجلس بجانبها حيث التصقت بها:والله يمه ماهقيت انش تحسبيني خبل كذا
الجده وهي تكفكف دموعها براحه:وش تسوين بجدتش اللي خرفت
عليا التي ابتسمت وقبلت كتف جدتها:التخريف للعجايز مهوب لش انتي عادش بنت بعدين تعالي ولاتضيعين السالفه انتي ليه تبين تجوزيني حنا مااتفقنا اني اقعد عندش واني بنتش
الجده وهي تدفعها:جعله مايقعد عندي منكن وحده من غير شر غار تروحن كلكن في بيوت الرياجيل اللي يسعدونكم
عليا وهي تهجم على جدتها بقبلات نثرتها على وجهها ويديها وقدميها كعادتها حين تود اضحالك او ممازحة الجده:خيانه خيييااانه ياشوشو ماعاد تبيني
دخلت حصه وهي تبتسم:ها وش عندش تحببينها
الجده وهي تبعد عليا بقوه عنها لكن محاولاتها باءت بالفشل:جاها جنون البقر
حصه:هههههههههههههههه
..............................................
في بيروت
كانا يمشيان في احد الشوارع ويتحدثان الى ان وقفا امام احد المقاهي
ناصر وهو يشير الى المقهى:وضحه روحي اقعدي هناك انا بروح دقايق وبعود
وضحه باستغراب:وين بتروح
ناصر باستعجال:روحي انتي وانا لاجيتش عامتش
وضحه وهي تدخل المقهى:ان شاء الله
اما هو اتجه للعياده التي في الشارع الخلفي للمقهى
دخل العياده بتوتر
وقف امام الكاونتر:السلام عليكم
موظف الاستقبال:وعليكم السلام اتفزل استاز شو بتأمر
ناصر بهدوء:لوسمحت وين استلام نتايج المختبر
الموظف:في السرداب
اتجه ناصر للسرداب زأخذ النتائج وتوجه للدكتور على حسب الموعد
ناصر:السلام عليكم
الدكتور:وعليكم السلام تفضل ناصر
قعد ناصر على الكرسي المقابل للدكتور
الدكتور بابتسامه:ها كيفك ناصر
ناصر بابتسامه مماثله:الاخبار عندك دكتور
ضحك الدكتور ثم قال:خلني شوف النتائج
مد الظرف للدكتور اخذه الدكتور وبدا بقراءة النتائج
وبعد فتره رفع الدكتور عينيه لناصر وهو ينزل نظاراته الطبيه:الحمد لله ناصر هلأ كل شي تمام بس لازم نشوف المدام
استشرق وجهه وابتسم:الله يبشرك بالخير
ثم اردف:دكتور انا ماابي المدام تعرف
الدكتور بترير:انا آسف ناصر بس المدام هي اساس كل شي عملناه
ناصر بضيق:بس المدام ماتشتكي من شي بعدين انا ماسويت شي الا بعد مااكدت لي ان كل شي اوكي وماسوينا هالفحص الا زيادة تأكيد
الدكتور: بعرف بس احنا لازم نطمن على المدام لأنو هالمرض ممكن ماتظهر اعراضه وزيادة تأكيد متل مائلتلك من ئبل
ثم ابتسم بأخويه لناصر:ولازم نعطيها مقويات
بادله ناصر الابتسامه ليقول وهو يقف:معناه لازم تعرف هالسر اللي صار له سنه مخبيه
الدكتور وهو يصافحه:هي حكمة الله يالله بشوفك في الموعد الجاي ومعك المدام
ناصر:ان شاء الله
ثم خرج وهو يحمل هم اخبارها
.
.
.
.
.
.
.
كانت تجلس بهدوء وهي تنظر للخلق من حولها
لكن لفت انتباهها امرأه تحمل معها طفل صغير وزوجها برفقتها
نعم هي ...... هي كيف لي ان انساها .......... هي من صوبت اول السهام على قلبي
نعم طليقته الاولى التي اغمى عليها واصابها الانهيار في يوم زواجهما
لكنها تحمل طفلاً
ابتسمت بخفه لتهمس:يارب ترزقنا وتعطيهم اكثر
لكنها تلاشت ابتسامتها حين تذكرت حديث النساء في المجالس الذي بدأ يتلاشى من فترة قريبه
فقد اخرجت زوجته اشاعه بأنه ليس رجل بعذر انها لازالت عذراء واكدت الاشاعه زوجته الثانيه التي قالت نفس الكلام
لكن كيف وانا فقدت عذريتي في ليلة زواجنا
لكن الطفل ايضاً يأكد تلك الاشاعه فهي تزوجت مباشره بعد طلاقها بدون حتى عده وذلك بانها عذراء وبعدها بشهرين فقط وصلها خبر حمل تلك الوالقفه امام عينيها
نفضت رأسها وكأنها تنفض الافكار نفسها
ابعدت نظرها عنها لتنظر له لكن قتلها نظرته للصغير الذي بين يدي تلك الانثى الكريهه لها ولم تخفاها بسمة الالم على شفتيه
ابتسمت بستهزاء حين رأته يتقدم باتجاهها
جلس امامها:ها اربني ماتأخرت عليش
وضحه وهي تصر بأسنانها:ماودك تروح تاخذ ولدها بعد
ناصر باستغراب:من هي
وضحه بعصبيه اخفتها عن الاعين:طليقتك الاولى يالحاج متولي
ناصر بصدمه:انا لي ذا الحكي ياوضحه
وضحه وهي تغتصب الابتسامه:ايه لك
نظر لها بنظره ارعبتها:قومي قومي قدامي على الفندق انا ارويش شلون تكلمين معي
وقفا وهما يتجهان للفندق بغضب احتل الاثنين
...........................................
في لندن
اقتربا الاثنان منها بسرعه
ام شاهه وهي تمسك بيديها بذعر:فيش شي تنسين شي
شاهه وهي تنظر لعيني ذلك الذي يرفع كمها لينظر لمكان سقوط السكين
شاهه وهي تمثل الالم:آآآآآههههه يمه يوجع
امشاهه وقد زاد رعبها:وين وين اللي يوجعش
شاهه وهي تضغط على يد والدتها فنظرت والدتها لها غمزت لها شاهه بمعنى انها تكذب:ايدي يمه ايدي
لطام بجمود وهو ينظر ليدها التي قد خرج منها القليل من الدم:مافيش دم واجد
شاهه وهي ترسم معالم الالم الشديد على وجهها باحتراف:احس الدم حاير في مكان الضربه
لطام وهو ينظر لعينيها بقلق وحب:قومي اوديش الطبيب
شاهه في نفسها الفرحه:ايه هذا اللي ابيه هذي النظره اللي ابي اشوفها في عيونك بس عاده يبيلك شوي عشان تستوي يالطام
قالت وهي تتأوه:آآآآهه لا لا شوي وبيروح الوجع
لطام وهو يخرج من المطبخ:اللي ودش
ام شاهه وهي تنظر لها بابتسامه:وش عندش يابنت ناصر
شاهه وهي تنظر للأرض بخجل وهي تمثل البراءه:ماعندي شي وش بيكون عندي يعني
ام شاهه وهي تتجه لكرسيها لتكمل عملها:وش ذا اللعب الكبير ياشاهه ترا اللي يلعب بالجمره يقبل على الضو لكن احرصي من الضو
شاهه وهي تهم بالخروج:يمه انتي كبرتي السالفه
ام شاهه وهي تنظر للباب الذي خرجت من شاهه فابتسمت:بنتك ياناصر مايقربها احد الا ويحترق
اما هي ماان خرجت حتى رات والدها يخرج من غرفته وهويمسك بضيدان
ابوشاهه بقلق:فيش شي ضيدان يقول انه ضربش بالسكين
شاهه وهي تبتسم له بحب:لا فديتك مافيني الا العافيه
ضيدان الخائف بعد تعنيف والده له:انا آسف
شاهه وهي تنظر له:آسف كذا من بعيد
اتجه لها يركض فتحمله بصعوبه وتقبله
لكن اتاها لطام ليحمل الصغير وينزله
لطام بغضب:انتي خبل تشلينه وانتي يالله تشلين عمرش
التفتت تبحث عن والدها فقد لمحته وهو يدخل المطبخ
اقتربت منه لتضع يده على صدره لتهمس له بهدوء بصوتها المبحوح الآسر وعينيها التي اغرقته في بحرهما:خايف علي
ابعدها عنه برقه وهو يتجه لغرفته:تدرين ان العين من غير ماها تعمى(ماها= الماء)
شقت الابتسامه وجهها بحماس فهي راضيه عن النتائج
.........................................
بــــــــقـــــــــــــ شـــــــــادن لــــــــــــــم