السلام عليكم

مساء الخير هذا البارت وصل
اختي (بنت الشامخ)ترا انا مازعلت ولاحظي اني قلت انش اختي والخوات مايزعلن على بعض بالعكس انتي نقدش يفيدني ويرقى بالروايه اكثر فديتش
واختي(noofy) انا ماتضايقت من ردش بالعكس ردش في كل مره ينبهني لأشياء انا نسيتها واخطيت فيها لكن انا اقصد عن البعض الاخر وخاصه بعض الردود اللي وصلتني على الخاص صراحه صدمتني حسستني ان الموقف (اوف)لايطاق وقمه في القذاره استحيت صراحه من ردهم حسيت اني اخطيت خطا فادح ولاغفران له بعدين لولا اختلاف الاذواق لابارت السلع كل انسان وله رايه في ناس عجبهم الموقف وفيه ناس اشمئزوا منه ماظنيت ان هالموقف راح يسبب معارضه كبيره لهالدرجه
وعلى فكره انا ماازعل من اي رد لأنه مثل تقويم للروايه مو هادم له
اتمنى لكم قراءة ممتعها

البارت السادس والعشرين.......................................
نعود الى بريطانيا
كانت امها تجمع اغراضها في الحقيبه وهي تلبس غطاءها
شاهه:يمه
ام شاهه وهي تنظر لها تاره وللحقيبه تاره اخرى:لبيه
شاهه بضحكة خبث اصبح وجهها اكثر جمالاً:اربش مرتاحه مع ابي
ام شاهه وهي لاتزيح عينيها المشابهه لعيني تلك الخبيثه:ان كان قصدش راحة البال فأنا الحمدلله مرتاحه اما غيره البخي
ضحكت شفاهها المزمومه:ههههههههههههههههه
ام شاهه وهي تنظر لها بحب:يازين ضحكتش يامش
صمتت خجلاً من هذا الاطراء
اكملت بحماس:ودي اخلص العلاج بسرعه عشان اعود معكم ونجهز حصوص
ام شاهه وهي تبتسم لذكرى تلك الصغيره:ياجعلني قبلها مااصغرها على العرس
شاهه بشك:يمه انتي مانتيب راضيه بعرسها
ام شاهه:الا ان شاء الله راضيه بس احس انها صغيره على بيت ورجل ةعقبه انشاء الله بزران والله يامش اني اشوف حصه تيك البنيه اللي خليتها وهي في اللفه
شاهه وهي تنظر لوالدتها بثقه:افا ياوضحه تظنينها فيني حصه تعجبش وتبيض الوجه
ام شاهه وهي تقترب منها:جعلني قبلش سنعتيهن وانتي يبيلش من يسنعش جعلهن مايبكنش
شاهه وهي تقبل كف والدتها:ولا يخلينا منش
ثم اكملت بمزاح:بس لو انش عودتي لابي قبل اعرس
ام شاهه وهي تضحك:قطع قلبش ولد سعد وصق بش
ثم ضحكتا بشده فخبر زواج تلك الصغيره قد افرحهما كثيراً وغير من نفسيتهما
اصمتهم دخول الثلاثه الذين اصغرهم اسرع ليجلس في احضان من اشتاق لها
ضيدان وهو ينظر لشاهه ببسمه عشقتها هي بجنون:يالله يالله بروح بيتنا
ابوضيدان وهو يضحك:قده بيته الرجال
لطام:استحله من ذالحين هذا لايقعد فيه يومين زياده بيطردنا منه
شاهه وهي تقبل فمه بقوه وهو يمسك بخديها:جعلني قبلك وقبل ريحك
ابوضيدان:يالله خلصتو
نهض الجميع متجهين للباب
وخرجو متجهين للشقه
.........................................
في الدوحه كانو يجلسون على السفره في الارض
ابوسعد وهو ينظر للغاضبه التي تتوعد بتلك الشقيه:وش عندش تهددينها
عليا وهي تمسك بعضد ابوسعد:تراني في وجهك يبه ماتسوي بي شي
ابوسعد وهو ينظر لعينيها اللامعتان:وش انتي مسويه
حصه بزعل:يبه تكفى لاتدخلها في وجهك
ضحك ابوسعد على غضب الصغيره المدلله:اذبحيها عندش اياها ثم قرب فمه من اذنها ليقول:لاتوجعينها
عليا وهي تقبل كتفه وهي تمثل الزعل:اي والله يالطام تقولها تفترسني وانا ناويه اجوزك
ضربتها الجده بعصاها:جعله مايزين علمش تجوزينه وانا عادني حيه
ابو سعد وهو يمسك بكفها:مالنا الا انتي ياام سعد
ام سعد بخجل فطري:جعلني ماخلا بس البلا في ذا العوبه الملكعه
شهقت عليا ببسمه:الله يسامحش ياشوشو انا ملكعه
ام سعد وهي تنظر لها بعصبيه كاذبه:انا غار معاد ودي اسمع صوتش
عليا التي تعرف نقطة ضعف جدتها رهيفة القلب:ايه تفاولين علي اني ميته ولاعاد تسمعين صوتي
الجده بجزع وهي تضوبها على رأسها:اصبحي جعل ربي يصبحش بوجع البطن
حصه والجد:ههههههههههههههههههههه
عليا وهي تنظر لهم بغيض:شفتي شمتي العذال فينا وانا اللي كان بخلي الشايب يبيع الابل ويقعد عندش
الجد وهو يقف ليتجه للمجلس:يييييوووه عودت علي ذا البنت مايسلم منها احد
وقفت عليا معه لتناوله دواءه:امش معي تراني فيني حره عليك
الجد وهو يضحك:اعقبي ياذي ماعاد توني ماكلتن الكل والجميع
بعد ان خرج الجد عادت لتبدأ الريوق مع جدتها وشقيقتها فهما يخجلان من الاكل امام جدهما
الجده:ها بتجوزنين شايبي
عليا بزعل كاذب:ترا حمسانه عليش
الجده وهي تضحك:انتي على قولة المثل اسرقي وانهبي ولسانش لايغلبي
رد عليها صراخ عليا التي امسكت حصه بعنقها:ها وش اسوي بش ذاالحين
عليا وهي تحاول ان تخلص نفسها:وش ذنبي اذا انتي اللي قمتي تسردين علي
ثم اردفت:ترا والله يان ماخليتيني بعلم امي وش قلتي
الجده وهي تشرب من فنجالها:قولي جعله مايزين علم عدونا
عليا وقد ابتعدت عنها حصه لكي لاتخبر جدتها عما قالت:يايمه بتذبحني عشانها علمتني انها بتموت على دين مصدوعها
صرخت حصه بخجل:علييييييااااااا جعلش الطرم
تعالت ضحكة الجده:ياويلي سوت سواة جدتها
عليا بفضول وهي تجلس بجانب جدتها بعنف:وش سوت جدتها
الجدة وهي تعود بذاكرتها لحين قبل زواجها بالجد
ام سعد:يامش انا قبل كني اياش ذا الحين مخروشه
عليا بعتب:يمممه حرام عليش انا مخروشه
الجده بسخريه:لا اسم الله عليش المخروشه ابيها في الجنه عندش
عليا:انا ماراح اقول شي الين تقولين لي السالفه
الجده وقد عادت للابتسامة:من عادني بزر وهم يقولون ان لطام بياخذ شاهه وانا ربيت على كذا ولاعاد ارضا ان البنات يشبحن فيه ولايحكن فيه قدامي ويوم جامره وربي نوا يفضحني في النسوان قامت وحده من عجايزنا قالت تضحك انها بتجوز لطام بنتها بحضت انا يوم مافي وجهي حيا قلت والله انه ابعد عليش من حبة كرسوعش وهي تقوم امي وتفنخني بعصاها على راسي تو النسوان وانا اقوم واطق من المقعد مهوب حيا غار ابي انظف دمي اللي غرق هدومي تصايحن النسوان ولحقني على دخلة العجوز ليني يوم التفت عليها وقلت لها والله مايتم اسبوع كون قد دخلت بيت عمي عروس
عليا بصدمه ضاحكه:والله مانتيب هينه يمه
العجوز وقد بانت ابتسامتها التي اتسعت من خلف برقعها:البلا مهوب هنيا البلا يوم قمت اكذب عليهم واتهول انه فيني وجع راس ولا خلو شي ماسوو لي وذاك الحين توه جاينا الطب وفي مناطق بعيده وذكرو لنا دكتور وحن نروح له انا وابي اللي ماله الا انا ولبوسعد يابلفيت رجلي
حصه بحماس:يمه كم عمرش ذاك الحين
الجده:ابد كبرش ولا اصغر بعد
عليا بخبث:وانا العوبه يمه منش ياشاهه
حصه بحماس وتفاعل:يالله يمه كملي
الجده:جينا الدكتور ودخلت عليه وقال لابي وابو سعد يظهرون وظهرو عقب الشين وخاصه ابوسعد يوم هنا قال الدكتور وش تنسين
انفجرتا حصه وعليا ضحكاً
عليا:يمه الدكتور يقول وش تنسين
الجده:جعلش الوهم خلييني اكمل هو مصري بس هذا معنى ماقاله المهم قلت بقواة وجه انا يادكتور مافيني شي بس ابي العرس انبهت الدكتور من قواة وجهي وقال يعني ويش تبين تصيرين عروس قلت ايه
يوم هنا قام يضحك وقالي روحي صوتي لابيش واللي معه صوت لهم ودخل ابي جعل عظامه في الجنه وهو ذال علي قاله الدكتور ان اللي فيني بيروح اذا اعرست وحنا ذاك الحين جهل ونصدق مايقال وعقبه قام علي وجوزني جدكم في اليوم الثاني من وصولنا ولات اسبوع من السالفه الا وانا داخلة على بيت عمي عروس والعجوز اللي تهاديت معها هي نفسها اللي زينت حجبتي اللي امسيت فيها انا وجدكم
تعالت ضحكات الصغيرات والجده صمتت خجلاً من فعلتها
.........................................
في لندن
هاهم يدخلون الشقه جميعهم
ام شاهه وهي تمسك شاهه:شوي شوي
شاهه بابتسامه:يمه جعلني قبلش والله مافيني شي خليني امشي عادي
ام شاهه وهي تتركها لتجلس على الكنبه:والله يامش قلبي مايطاوعني
شاهه:فديتش انتي وقلبش
ام شاهه:جعل ربي يخليكن لي انتن واخيكن
دخل الاثنان وجلسوا مقابلين نساءهم
لطام وهو يشير لضيدان:ضيدان تعال عندي
ضيدان بخوف:لا ماابي .......... وخبئ وجهه في صدر امه
ابوضيدان بأمر:ضيدان قوم روح للطام
شاهه برجاء:يبه خله شوي الين يتعود عليه وبيروح له من نفسه
وقف ابوضيدان وهو يتجه لشاهه وينتزع ذلك الصغير المرعوب ويقذف به في حضن لطام الذي استقبله بصدمه من غضب عمه المفاجئ
شاهه وهي تنظر لضيدان وقد تفطر قلبها عليه:يبه الله يهديك ليه كذا
ضيدان وهو يحاول تخليص نفسه من لطام الذي احكم بقبضته لأنه يعلم لو هرب الصغير سيضربه والده:
تعالى بكاء الصغير:سسااااههه مابي سااااهه مممماااامممما
اسرعت شاهه بخطواتها لتجلس على طرف الكنبه بجوار لطام لتمسك بكف الصغير:خلاص حبيبي اقعد وانا عندك
اقتربت منه بشده لتهمس له:ترا اذا قمت بيطقك يبه
جلس الصغير وهو يمسك بيد شاهه اما من كان يحتضنه قد تجمد من قربها
ابوضيدان بحزم:انا مااربيه وانتي تخربين
شاهه بانكسار من اجل صغيرها:يبه توه على ذا التربيه
لطام بجمود:الله يهديك يبه وش ضيدان بيفتهم
اصمتهم جميعهم وقوف ام شاهه واقترابها من طام لتحمل الصغير وتذهب به لغرفتها دون ان تنظر لاحدهم
شاهه بصدمه:شفيها امي
ابوضيدان بغضب:هذي امش اللي يخالف شوري تسويه
لكنه ضحك فجأه وهو ينظر للطام:لاتنشدين وش قوم امش انشدي عن ذا اللي جنبش
اخفضت نظرها لتراه فهي تجلس على قاعدة اليد الخاصه بالكنبه
صعقت وخجلت وانحرجت وهي تراه يغيب عن عالمهم وهو يمسك بخصله تمردت وتكدست اطرافها الطويله جداً في حضنه بسبب نزعها للفتها بعنف
سحبت خصلتها لترجعها وتدخلها بكلبس شعرها بسرعه وهمست له:لطام شفيك
ماان استوعب حتى خجل من عمه الذي تعالت ضحكاته
وقف ابوضيدان وهو يضحك:يالله انا بروح اريح الين يخلص الغدا تبون شي
لطام بارتباك:وينك رايح تعال بنروح نقعد في الحجره تيك وهو يشير لغرفه قد خصصها للجلوس فقط
ابوضيدان:ياابن الحلال ماله داعي اروح لحجرتي ابرك لي
لطام:اللي ودك
..........................................
فلاح الذي بحاول جاهداً لفتح عينيه
فهاد الذي يلكزه:فليح جدي يشبح فيك
فلاح بهمس:خله يشبح والله اني بحول من الرقاد مدري وش حاجة جمعتنا على الوجبات وجدك ماياتي الا عقب مايتقهوى عند عجوزه
فهاد بهمس:البخ البخ
ابوسعد بصوت عالي:فليح
فلاح وهو يفز:لبيه يبه
ابوسعد:وش قومك ودك تغط راسك في حليبك
فلاح مبرراً:لانفداك غار والله ودي بالرقاد
ابوسعد وهو ينظر له بخبث:ايييه ودك بالرقاد فهاد بداح وعساف وانا ابيكم قومو غطو راسه في الحنفيه وشغلو الما البارد عليه
صرخ:لالالايبه وش قومك علي
مااكمل جملته حتى سحبه الثلاثه وهم يضحكون للحمام
فلاح وهو يضربهم ويركلهم ويشتمهم:خلوووووني محق الله عليكم
تراكم رخوم ان غطستو راسي
بداح الذي كان يضحك بشده:معليه معليه امش بس
فلاح وهو يبنظر لفهاد:فهاد انا خويك تسوي بي كذا
فهاد وهو يسحبه ويكتم ضحكته:اخلص علي بس
نظر عساف::عساف انا اخيك
عساف وهو يدفعه لداخل الحمام:عشانك اخي بغسل راسك
ادخلوه للحمام واخفضو رأسه في المغسله وفتحوا صنبور الماء ليسيل على رأسه وهو يصرخ والبقيه يضحكون
.....................................
في بيروت
استيقظ وهو يشعر بانفاسها على عنقه ويوسدها ذراعه
قبلها عدة مرات وهي لم تستيقظ
ثم بدا يهزها:وضوح ياوضح
وضحه بكسل:همممم
ناصر:يالله قومي خلينا نروح نتمشى
وضحه بتعب:ناصر تكفى اليوم احس اني تعبانه
ناصر وهو يقف ويسحبها:اقول تراني عطيتش وجه قومي خلصيني
وقفت امامه بكسل شديد وعينيها مغلقتين:ناصر جعلني قبلك والله مال خلق
ثم قدفت بنفسها على صدره ليضحك وهو يوقفها ويبدأ بضرب وجهها بخفه:وضحه ان ماقمتي بأعرس عليش
ابتعدت عنه بسرعه لتنظر له بشده:نعععم وش قلت
ناصر وهو يدفعها للحمام:اقول انا لايمكن اشوف غيرش
ضحكت وهي تدخل الحمام :احسب انك قلت شي ثاني
خرجت بعد فتره لتجده قد انتهى استحمامه في الحمام الثاني
اقتربت منه بروب الحمام الذي يصل لاعلى ركبتيها:صباح الخير
ناصر وهو ينظر لها بخبث:صباح اللون الوردي
وقفت بسرعه متجهه لغرفة التبديل:انت مالك امان
ضحك وهو ينظر للتلفاز:الي يقرب من الضو يحترق
طلت عليه برأسها:لبى ذا الضو
ناصر:تراني بجيش
وضحه وهي تعود للغرفه:هونا ياكلمه ردي محلش
انتهت من لبسها ورش عطرها الذي يعشقه واتجهت للمطبخ لتجهز لهم فطور
فأذا به يدخل عليها
وضحه بابتسامه:وش عندك مشرفني
ناصر:وش اسوي قلبي جابني
وضحه بحب وهيام:آآآآه وين عاد اروح من ذا الغزل الصباحي
ناصر وهو يبتسم:يالكذوب يعني انا مااتغزل فيش كل يوم الصبح
وضحه بضحكه:ماعلينا وش مشتهي تريق
ناصر:اللي بتسوينه بآكله
وضحه وهي قد بدأت بطهي الفطور
وضحه بحيره:تدري ناصر ودي اعرف ليه ابوضيدان طلق امي وضحه
ناصر بنرفزه:وش جاب ذا السيره على الصبح
وضحه بحيره:تصدق اني بموت واعرف وش اللي خلاه يطلقها لا وياخذ البنات منها بعد
وقف بعصبيه من تلك السيره:ان عاد سمعت ذا الحكي مرة اخرى مهوب اشوا لش
وتركها ليذهب لغرفتها
وضحه:جعلني اللسنه اللي عكرت مزاجه على ذا الصبح بس انا ماقلت شي
ثم اكملت عملها وهي قد شطحت بها افكارها للأسباب التي اغضبت ناصر فجأه
.......................................
في عصر اليوم كان سعد يستشير الصغيره التي لازال لايصدق انها ستتركهم
ابولطام وهو ينظر لها بحب:ها وش رايش
ثمينه بهدوء:ماقول شي الين ياتي لطام
ابولطام بصدمه:ليه وش تفرق
ثمينه:لأني ماراح اعرس الا واخي عندي
ابولطام بغضب:ابيش من هو انا ولا لطام
ثمينه بخجل:انت ابي وعمري وقلبي بس يبه هذا لطام
ابولطام وقد عاد لهدوءه:اجل اسمعي
ثم اخرج هاتفه وضغط عدة ضغطات وجعله في وضع السبيكر
اتاه صوته الرخيم:يالله حي ابولطام
ابولطام وقد ابتسم حباً لذلك الهارب بنفسه عنه:الله يحيه ويبقيه وش الحال عليكم
لطام بهدوء:حالنا يسرك فديت راسك
ثم اردف:وش ذا الكرم ذاق تنشد مني
ضحك ابولطام:ههههههههه مهوب عشانك عشان ذا الصديع اللي عندي
لطام باستغراب:من هي
ابولطام:ثمينه اختك
لطام بقلق وغضب:وش فيها جار عليها شي
ابتسم ابو لطام:اجل والله مانيب لايمها فيك الله لايخليها
ثم اكمل:مافيها شي بس نهار خاطب اختك وانا حاكيتها وعيت تعطيني رايها قبل تاتي
لطام بحنان وحب:هي وينها
ابولطام:اي هذي عندي
لطام:عطني اياها
ابولطام:تحاك انا فاتحه سبيكر
لطام:لا عطني اياها
ابولطام وهو يمد الجهاز لها ويقول بعياره:ذالحين ماتبوني معليه مرد الكلب على القصاب
امسكت الجهاز وقد امطرت عينيها منذ سمعت صوته:لبيه
لطام وهو يبتسم:لبى روحش شلونش
ثمينه وهي تبكي:عقب ماسمعت صوتك انا طيبه
لطام:ها امي انتي وش انتي مسويه في العرب
ثمينه وهي تمسح دموعها وتهمس بخجل:ماسويت شي
لطام:لعبتي على ولد سلطان
ضحكت بخجل حين سمعت ضحكاته التي تعالت
ثمينه:لطام متى بتعود
لطام:بعود عقب اسبوع بس على شرط
ثمينه بيأس فهي تحسب انه يستهزئ بها فهي تعلم ان العمليه تحتاج وقتاً لايقل عن شهرين:ويش هو
لطام بجديه:ابيش توافقين على نهار واليوم نهار يستاهلش وكفو
ثمينه برجاء:بس لطام انــــ......
قاطعها بتحذير:وان قلت عشاني
ثمينه بيأس:اللي تشوفه يبه جعلني قبلك
لطام بفرحه:ايه هذي اختي اللي اعرفها
ثمينه بحب:جعل اختك ماتبكيك
اكملت بحزن:تكفى لطام كلمني فيديو ابي اشوف وجهك وحشتني
لطام:وبس ابشري يالله
وحول المكالمه فيديو لتتهامر دموعها بشده وهي ترى وجهه الذي تعشقه بجنون
لطام باستغراب:شفيش تبكين
ثمينه:لأني ابي احبك واشتقت لك
لطام الذي يرجع شعره الكثيف الناعم جداً:لبى عينش غمضي عين فتحي عين الا انا عندش
ثمينه بقليل من الامل:جعله يسقى ذاك اليوم
ثم اردفت:يالله تبي شي فديتك كليننا رصيد ابي
لطام:سلامتش وسلمي على امي وحبي لي خشمها وراسها مع السلامه
وانتهت المكالمه بنتائج مبهره
خرجت بالهاتف باحثه عن والدها
ثمينه وهي تمد الهاتف لوالدها:سم يبه
اخذ الهاتف وهو ينظر لوجهها:هاوش انتهى مؤتمر به
ثمينه بخجل وهي تخفض رأسها:انتهى بالموافقه
ابولطام وهو يقف ويقبل رأسها بفرح:جعلها ملكة نصارى يابيش
وخرج لتأتي والدتها من المطبخ:ها وش صار
ثمينه:اللي تبينه يمه
ضمت صغيرتها بقوه وفرح:ياجعله مبارك جعلش مرته وهو رجلش الين تموتون
ثمينه:يمه ترا لطام يسلم عليش
ام لطام بلهفه:كلمتيه شلونه وشلون صحته
ثمينه بحب:طيب ولاعليه
ام لطام ببكاء:البارحه كلمته وصوته مهوب زين
ثمينه بتطمين:اليوم انا مكلمته فيديو وشايفه وجهه مافيه الا العافيه
ام لطام بحنين:جعله طيب دايم هو واخوانه
............................................
اتته وهو يغلق هاتفه
شاهه بهدوء:تبي شي على الغدا
لطام وهو ينظر لها بجلابيتها الكحليه التي اوضحت بياضها الذي توارثته من امها:لا مابي شي معين
شاهه وهي تتقدم وتجلس بجانبه على السرير لتقول بخجل:لطام
لم يجبها ال بأنه وجه انظاره لها
شاهه وهي تلعب بأظافرها:ابي اكلم امي شاهه وابي لطام
لم يجبها سوى بانه ضغط عدة ازرار ليأتيه صوتها المحبب لهما:الو
لطام:لبى مواطي اقدامش
الجده بشهقه قويه:لططططاااام
لطام وهو يضحك:لبيه يقوله لطام
الجده وقد بدأ ينحدر صوتها للبكاء:وينك يمك قدني بصيح من يوم رحتو ماكلمتوني الا مرتين
فتح السبيكر
لطام بحب:والله يمه اني انشغلت شوي ولاتدرين فيني مارتاح الين اكلمش
الجده بحنين:ماعليك مني انت شلونك وشلون الشيخه
لطام بمزاح:هذي الشيخه تدبجني عشان اعطيها التلفون
نظرت له بصدمه ثم اشاحت بنظرها حين غمز لها بخبث
الجده بعدم تصديق:ياوجه الله الله يستر عليها لاتكسر عظامها
لطام:هههههههههههههههه افا انا ولدش
الجده:المهم علمني هي وشلونها
لطام وهو يحول مكالمه فيديو:ها شوفي بنفسش وشلونها
الجده وقد تغارقت دموعها وهي ترى صغيرتها امامها:شاهه امي انتي طيبه
شاهه التي التصقت بلطام لكي ترى ذلك الوجه المحبوب:دامني اشوفش انا طيبه
الجده باستغراب:انتو في البيت
شاهه:ايه فديتش
الجده بفرحه عارمه:ياربي لك الحمد اللي اشوفش وانتي طيبه وعند رجالش
خجلت من كلام جدتها:علميني انتي وشلونش وشعلومش
الجده:انا طيبه ولا علي
شاهه:وخواتي وجدي
الجده:كلاً طيب ويزقح اهم شي انتي
ثم اردفت بحزم:صكي تلفون ابحكي عليش
شاهه وهي تنظر للطام الي استغرب طلب الجده والضحكه على شفاهها
شاهه وهي تضع الجهاز على اذنها:هلا يمه
الجده:شلونش مع ذا الشلوقي
شاهه بخجل:كل شي زين
الجده بحزم اكثر:صدق ولا تكذبين علي
شاهه بخجل اكثر:لا صدق
الجده براحه:هاقد اشوا
الجده:ها يالله يامش مع السلامه ذا الحين ان درن خواتش بياكلني ليه ماعلمتهن
شاهه:ههههههه يالله مع السلامه فديتش سلمي على الجميع
وانتهت المكالمه لتستوعب مدى قربها منه
نظرت له بخبث
وهو ينظر لها باستغراب
اقتربت منه وقبلت خده وهربت
تجمد وتصنم وكأنه جسد خالي من الروح
........................................................
بـــــــــــــقـــــــ شـــــادن لـــــــــــم

البارت الجاي بكره فالليل ان شاء الله
اختكم\شادن

السلام عليك ورحمه الله

حيالله شدونه
الله يعطيك العافيه على البارت

بارت اليوم احسه هادي ورايق

واحلى شيء يوم الشباب خذوا فليح وسبوحه
بالماي والله ضحكت عليه ونخيلت شكله

عليا يالبى قلبها هالبنت والله انها ذهبه
وطرق تعاملها مع جدانها روووووووعه

الجده شاهه
يا فضحي فضحاه اثرك رايحه في عينها من حب لطام
انا اشهد انه يستاهل رجال سنافي
بس ضحكتني قصتهم
ابو ضيدان
وش هالقسوه على ضيدان تراه الابزر
واحسن شيء يوم خذته وضحى ولا عبرتك تستاهل خلعت الولد

لطام
مدام انك حنين وطيب مع اختك ولا ترضى عليها
اجل ليه ماتعامل شاهه بذا الحنان تراها محتاجته اكثر
تسسسسسلم يدك يالغلا ننتظرك بكره

السلام عليكم ورحمة الله وبركاته
مبروووك النجاااح شدونة والعقبال للتخرج ان شاءالله وكل الي ينتظرون النتيجة الله يوفقهم آآمــــين،،
ماااقدر على كذاا صراااحة دلعتينا حيللللل ثلاث فصووول مرة وحدة ووووناااسة ،،،
لاتزعلين اختي شدووونة من التعليق على موووقف لبنان وهو صحيح ماعجبني بس وش الي يخلي الرواية تحلى
غير المدح والنقدد وبالعكس نقدنا على بعض المواقف دليل ان الرواية روووووووعة وانش كااااتبة ماشاءالله عليك انا
بنسبة لى ذووقي صعب بالروايات وماتابع اي شي بس روايتك تعتبر قممممة اسم الله عليش وقد قالولك البنات انش تذكرينا بروايات انفااااااس الله يذكرها باااالخير ،،،وماشاء الله عليش الى من اول رواية لك تكون بأسلووووب قوووي،،،
،،،،، تعليقي على الفصلين،،،
ام شاهه من تمام الى قدام يعني استمري على حرقت قلب نويصر وخليه دايم غضبان وروحة بطرف خشمة ترا هذي 16 سنة ماهي كل والحس<<<اعتقد زي كذا المثل
شااااهه ومادراكي ما شاهه يعني وش تبي توصلة ماهي عارفة ان لطامووووة يحبها ،، وانتي ياشاهه نفس وصية امك
لطام ظلم امك بدون عرف وبدون تفاهم ولو اقول الاشياء الى انتي انحرمتي منها لاتعد ولاتحصى <<شوفي شغلش معه مايحتاج اذكرششش
فلاح وحصه مبررروك ياعسلز + نهار وثمينة يعني لو ماجى صقر متى كان ناوي يخطبها صك الاربعين وهو عزوبي،،،،
امنية( التمنى ان صقررر يتزوووج عليا مادري ليه داخل مزاجي هالصقرر نبي اكشن جديد كل واحد من الشباب تمنى وحدة اخذها فلاح ولطام ونهار وهلحين عسااف حتى اني تمنيت ان نهار يحب شاااهه )وبسسسس
بنتظاااارك حبيبتي شدووونة ،،،،،