كاتب الموضوع :
دهــن الــعــود
المنتدى :
الارشيف
السلام عليكم
مساء الخير وهذا البارت وصل مثل ماقلت لكم
اما بالنسبه للأخت الحان الوفاء فأقول لها انا مأزعل من الحق واللي انتي تقولينه حق لكن والله لولا الظروف ماتأخرت عليكم لكن ارجع وأقول ان الموعد مثل ماهو سبت واثنين يمكن البعض يقول نفس كل مره توعد تخلف لكن الوعد البارتات الجايه واطلب السموحه لكل اللي مغثتهم صراحه واخليكم ذاالحين مع البارت
قراءة ممتعه ان شاء الله
البارت التاسع عشر
..................................
كان يتمدد على سريره بعد أن استحم بعد نهار عمل شاق
ذهب بفكره لذلك اليوم الذي كان هو واخوته يقفون امام ابو محمد آل دبيس
فهو شغله الموضوع وخاصه الكلمة التي كان يرددها ذلك المسن حين قال (لاتجددون الثار الاولي)وأخرى حين قال(سكتنا من الاول والحقتوه بالتالي)
فهمس بصوت خافت:وش ذا الثار اللي بينا وبينكم ياآل دبيس لازم اعرف وش اللي بينا
واستمر في التفكير ليقاطعه دخول شقيقته وهي تحمل طبق كبير يحمل الكثير من انواع الاكل:مسا الخير
اعتدل ليجلس بشكل مسقيم:مسا النور يامرحبا بالنوري
نوره وهي تجلس امامه وتضع الاكل بينها وبينه:النوري جايتك تبي تغدى معك انت تدري اني لايمكن آكل الا وانت موجود
اجابها بابتسامته التي يعشقها الجميع:وقدها اياها الا اتغدى وأنا ماأشوف الدرب وش تبين بعد
اجابتها وتقبل كفه السليمه من التمزقات:ابي سلامتك جعلني قبلك
وبدأ الاثنان بالاكل وكانا يتجاذبان الحديث كعادتهما فهو اقرب اخوتها لها
نوره:فلاح
فلاح:لبيه
نوره بخجل:ابيك اليوم توديني بيت جدي ناصر
فلاح باستغراب من هذا التواصل بعد انقطاع طويل:ليه وش عندكم
نورة:ابد بنات ابي ناصر عند امهن وضايقه صدورهن على اختهن قلنا انا وثمينه بنروح نوسع صدورهن ونلهيهن شوي
شعر بغضب يجهل سببه:امسن عند امهن
نورة بغير مبالاه فهي لم ترى دلائل الغضب في وجهه:ممممم لأ بس حصوص امست عند امها
ثار غضبه أكثر:وابي ناصر ليه يخليها تمسي عندهم وهو يدري ان عندهم عوال
نورة بفزع من ثورته المفاجأه:وانا شدراني فديتك
فلاح وهو يقف من فرط غضبه الذي يحاول ان يبعده كي لايزعل شقيقته المدلله:طيب نورة خلاص انا شبعت اخذي الغدا واظهري قدني ابي الرقاد
نورة بحنان:فلاح جعلني قبلك وش اللي شبعت وانت كليت شي عشان تشبع
فلا بنرفزه:نورة الله يرحم والديش اظهري وخليني لحالي
فأجابته بخبث:طيب بتوديني لهم ولالأ قدني شفقه على حصوص من يوم راحت شاهه وهي عند امها
رأته يستثير غضباً:لا بنت عمش ذي مافي وجهها حيا متعزبه العرب قد لها يوم كامل
ضحكت بفمها المشابه لفمه:هههههههه وانت وش حكتك من جربك
زاد غضبه من نبرة شقيقته:اقول بتروحين ولا شلون
نورة وهي تقف وتحمل (الصينيه) وتبتسم:ابشر ابشر بظهر بس لاتضيق
خرجت واغلقت الباب خلفها لتتركه يتنرفز اكثر من هذا الشعور الذي يشعر به فهو لايحبها ولكنه يريد الزواج بها لمجرد انها فرضت عليه فلماذا هذه العصبية ولكنها تظل ابنة عمي ............رباه اي اعصار هذا يطوف في عقلي
......................................................
كان يقف امام باب غرفة الملاحظة منذ ثلاث ساعات فلاأحد طمأنه عليها وكأنهم يريدون ان يعاقبونه بما فعل بها
خرج الطبيب بوجه بارد كعادة الاجانب فذهب مسرعاً بخطاه متجهاً له ليسأله عنها فيجيبه الدكتور بأن يأتي معه للمكتب
دخلا المكتب احدهم جامد الوجه والقلب واحدهم جامد الوجه وذاوي القلب جلسا متقابلين فسأل الدكتور:what happen for shaha
بنبره عمليه:The results of the tests that come to us from Qatar contain many mistakesThem to Shaha to Atani of gravity or the development of inflammation of the blood they need for the course intensive therapy to regain her health completely, but it suffers from falling permanently and this I believe that genetically they will suffer from it in many cases, including in the case of expected pregnancies that occur soon, since she is married
لطام وقد غردت عصافير الفرح في قلبه:?How long is the course Dr
الدكتور بابتسامه:Will take only twelve days only
وقف لطام ليصافح الدكتور ليذهب لها ويغرق في فتنة وجهها المحبب:ok thank you doctor
الدكتور:welcome mister latam
خرج من مكتب الدكتور فرحاً للغاية يحمل بين جنباته حباً قد يملو العالم بأسره
...............................................
لتوها تدخل مع جواهر لجناحها تحمل معها العديد والعديد من أكياس المحلات الراقية الخاصة بالمستلزمات النسائية منها الملابس والمكياج والاحذية والاكسسوارات وغيرها
جواهر بتعب:يمه وين احط الاكياس
ام شاهه وهي تجلس بجانب حصه الغاضبه:حطيها على الطاولة جعلني قبلش
وضعت الاغراض واقتربت منهن لتجلس بجانب ام شاهه :يوووه يمه احس اني ودي اقعد عشر ساعات اتسبح عقب ذا المشاوير
ام شاهه بعيارة:انا شفتش زايدة كم كيلو قلت اخليش تتخففينهم
جواهر وهي تنظر لجسمها المتميز:حرام عليش يمه والله مانيب متنانه حتى خوياتي يقولون ضعفانه
ام شاهه:هههههههه لا أضحك عليش بس اشتهيتش تروحين معي السوق
جواهر وهي تضمها بشدة وتقبل كتفها:انا كلي فدوة لش
ام شاهه وهي تقبل رأس طفلتها:ياجعلني والله قبلش
ثم اردفت وهي تنظر لتلك الصامته:شقومش ساكته
حصه بهدوء:مافيني شي
ام شاهه بحزم:انا لانشدتش من شي ردي علي
حصه وهي لاتزال تحافظ على هدوءها:ابشري بس انا صدق مافيني شي
ام شاهه وهي تنظر لها بغضب فهي تعلم لما صغيرتها غاضبه ولكنها تطالبها بالصراحه لتقع كل الحواجز التي بناها الزمن:كذا ياحصه طيب .........وذهبت لغرفتها بغضب وهي تخلف وراءها كتلة غضب وحزن واكتئاب
جواهر وهي تقترب من حصه:حصوص شفيش ضايقه
حصه بنبرة تنحدر للبكاء:جواهر الله يخليش قولي لأمي تردني للبيت
جواهر باستغراب:تردين والجمعه اليوم عندنا ولانسيتي
حصه وهي تحاول ردع القطرات التي تريد تشويه براءة وجهها:لامانسيت بس انا ابي اعود لأني تعبانه
جواهر:ابشري الحين بكلمها بس امانه ياحصه ماتطلعين الا قد ارضيتي امي
حصه وهي تريد فقط الخروج من المنزل:ابشري بس روحي قولي لها
جواهر وهي تقف لتذهب لعمتها:ان شاء الله
.
.
.
.
.
كانت ترتب الاغراض التي اشترتها في دولاب قد اشترته منذ ايام قليله
دخلت جواهر بهدوء:يمه
ام شاهه بغضب:جواهر اطلعي وصكي الباب ولاتخلين احد يدخل علي
جواهر بيأس فهي تعلم ان اعمتها ان ارادت ان تختلي بنفسها هكذا فهي في قمة عصبيتها:ابشري بس ابي اقولش ان حصه تقول تبي تعود البيت ذاالحين
التفتت بعنف لجواهر فهؤلاء الثلاث عنيدات ومستفزات بشدة لأعصابها بما فيهم تلك الصغيرة:هي قالت لش كذا
جواهر بخوف من نظرة عمتها:اي يمه
ذهبت للصالة بغضب شديد لتقف امامها وتشدها لتوقفها:انتي ماتعلميني وش جرا لش
حصه بهدوء مستفز:مافيني شي يمه
ام شاهه وهي ترمي قنبلتها:انتي غبية وجبانة وماعندش شخصية
فلم تظهر تلك الصغيرة اي انفعال مما قد زاد من غضب والدتها:يجي منش اكثر يمه
ام شاهه وهي تنفضها بشدة وتصرخ بعصبية مستنزفة :ردي احكي دافعي لا تصيرين سلبية كذا لا تصيرين مثل شاهه اللي غدت لعبة في ايد ابيها ورجلها يكفي علي وحده
حصة وقد تحفزت فمن تنعتها والدتها بالسذاجة هي امها التي ربتها وشقيقتها وصديقتها وأول حب عرفته منذ ان وعت على الدنيا وكذلك فهي تظلم شاهه فشاهه ليست سوى جبل راسي من القوة والثبات:اذا شاهه ماعجبتش فتراها هي اللي ربتني يوم حذفتيني هي اللي ماخلت احد يضربني ولا يحس خاطري من يوم اني يزر الين غديت مره عمري سبع تعش سنه وهي بزر كنها اياي هي اللي لاجا ابي يضربنا حالت بيني انا عليا وبينه هي اللي لا تكرمو علينا وطلعونا يونسونا ماتخلينا نسوي شي ولاتبي منا الا نونس عمارنا وهي تكرف في البيت وبرا البيت عرفتي ذا الحين من هي شاهه
سكتت فهي لم تظن تلك (الدلوعه المايعه) تتحول الى لبوأه شرسه بهذا الشكل حين تدخل شاهه في الحوار:عرفت عرفت يابنت بطني ياللي تعيرين امش وترفعين صوتش عليها وتظلمينها بشي هي مالها ذنب فيه
حصه وهي تقترب لتقبل رأس والدتها فدفعتها والدتها لتزأر هي ايضاً:لاتحبيني ........انا ماقلت اللي قلته الا لأني ابي مصلحتش ابيش تاخذين حقش ويوم اقول عن شاهه اللي قلته فانا صادقه شاهه يوم قالها ابيها ماتشوفين امش ماقالت
لاوالله بروح لأمي واوصلها غار ذلت منه وشاهه يوم قالها اللي الله لايعقله وجنينتي سالمه انا اللي اروح معها قالت انا ماابي الا هو لانها ذاله منه وش عاد الذل والغباء قايل
صمتت حصه من ماقالته والدتها فهي لاتعلم لماذا شاهه فعلت هكذا ولكن ماهي متيقنه منه انها لها حكمة ممافعلت او انها يائسه من ذلك:طيب يمه بدال ذا كله رديني البيت ممكن
ام شاهه بعصبيه:لا مانتيب معوده الا مع اختش
تركتها وذهبت للغرفة لتنعكف فيها كعادتها عند الغضب ولكنها كانت لاتترك على زعلها عندما كانت شاهه هنا امام الان فهي تعاقب وليست تترك
........................................................
كانو يجلسون في مقهى مخصص للشباب
ناصروهو يهدأ بعد ضحكه الذي استمر لدقائق عده والذي شاركه فيه نهار وعساف وبداح وفهاد نتيجة موقف حدث لأحد اصحاب فلاح والذي كان فلاح يرويه عليهم بطريقته المضحكة:قسم ان خويك ذا خالص هو ومرته
فلاح:لا تشوفني وانا اسمع السالفة انصرعت من الضحك وهو الخبل متنومس بها
نهار وهو يمسك ببطنه:انا بفهم شلون تحسبه هو الفار
فلاح:المقرود يوم شافها ذاله من الفار قالها روحي صبي الما في الماسورة اللي في المطبخ ماخذت كون البلا الاسود اللي هو راس رجلهاوهي تقوم وتضربه بالملاس
وعادو للضحك مره اخرى
وبعد ان هدأوا قال ناصر:فهاد نايف ليه حاجزينه
فهاد وهو يبتسم لتلك الذكرى:ابد قام يتطنز على المدرب حكم عليه سجن ثلاثة ايام
ناصر وهو يصفق بكفيه دلالة اليأس:الله يهديه هو مهوب مرتاح الين يطردونه بروحهم متسببين عليكم عقب السالفة اللي صارت
بداح وهو متضايق من سرحان عساف الدائم الذي لازمه منذ الليلة الماضية فهمس له:يااخي انت ماتشبع من ذا الهوجاس
عساف بضيق:وش عليك مني بصري
فهاد وهو ينظر لهاتفه الذي تعالت نغماته معلنه عن وصول اتصال فتح الخط:الو
فأتاه الصوت الطفولي:الو فحاد وينك
فها وهو يفتح السبيكر:ها وش تقول
انتبه الجميع مع تلك المكالمه البريئه:ادول وينك تعال ابي الوح معك هني تله نثوان
فلاح وهوو يريد ان ينرفزه كالعادة:وانت مره بعد
فصرخ بصوت عالي وحاد:لالالالالالالالالالالا انا ردال فلاح انت يع انت يع انا ماابيك انا ابي فحاد
فلاح باستمتاع:يالله يالله ياسنفور
فعاد للصراخ:فحااااااااد
فهاد:لبيه لبيه هذا انا
ضيدان بصوته الباكي:تعال
فهاد:ابشر بس يالله خل اللي عندك يجهزونك عشان بنروح باسكن روبنز
ضيدان وهو يصرخ بفرح:الوي الوي يالله فحاد بيوديني باسكن روبنز
فقد قفز قلب احدهم بسبب كان يحاول ان يبعده عن باله وتستنكره روحه لذكر اسمها
اغلق فهاد الهاتف بسرعة لذكر اسم احدى اخواته كما ينظر لهن
ناصر وهو يبتسم بفخامته المعتادة:ماشاء الله هذا ولد ابي ناصر
فهاد وهو يبتسم لرؤية ذلك الوجه في عينيه:ايه
ناصر:من هم خواله
فهاد:آل مصلح
ناصر برزانة:ونعم عرب مابهم ردى
ثم اكملوا جمعتهم التي على غير العادة
الا فهاد فقد ذهب لبيت الجد ناصر لأحضار الصغير
...........................................
قبل ذلك بقليل في بيت ابو فيصل كانن قد اجتمعن منذ ساعتين
دلال وهي تجلس بجانب نورة:بنات من تبي من كنتاكي ومن تبي من ماكدونالدز
عليا التي كانت تجلس بجانب والدتها:انا عن نفسي مابي شي
همست لها والدتها في اذنها:ترى انا اللي بدفع يعني ماعليش
عليا وهي تبتسم وتقبل خد والدتها من فوق البرقع:اموت فيك يافاهمني
دلال:اخلصن علي يعني مستحيات
ثم اردفت وهي تنظر لنورة:انتي مثلي بما ان حنا صرنا ربع
نورة بخجل من ام شاهه وام ناصر وام وضحه وبصوت منخفض:دلول لاتحرجيني قدامهم
دلول وهي تتحدث بصوت عالي:يعني انتي مستحية من امي هيا وامي شاهه وامي
نورة وهي تضرب كتف دلال بخفة بحرج:ياسخيفة لا مو مستحية هن امهاتي اصلاً
ام ناصر بحنان:اي والله يامش اماتش ولاعليش منها
ثم اردفت وهي تنظر لدلال:دلول جنبيها
دلال ببكاء مصطنع:افا يمه انا تسوين فيني كذا تبيعيني عشان ذا السلقه
ام ناصر بعدم مبالاه مصطنعه:لو تبكبكين عندي الى الصبح مانتيب كاسره خاطري
دلال بجزع مصطنع:بعد تطرديني من بيتش ياهيون
ام وضحه:ياكبر جورش يامش كبراه
وضحه وهي تقوم وتجلس بين ام ناصر وام وضحه:ياماتي الحبيبات تراني بسافر بكره الفجر مع شايبي للبنان
فهتفن الاثنتان:ماتشوفون شر
وضحه:تامرن على شي
ام وضحه:سلامتش جعلني قبلش
ام ناصر وهي تميل لوضحه:اقول
وضحه بانتباه:سمي يمه
ام ناصر بفرح ورجاء:سم الله عدوش ارب جوكم صافي
فهمت وضحه قصدها لتجيبها بما يثلج صدرها:الا ابشرش مشلعين مع المزون
ام ناصر بفرح وحب:جعله دوم ياربي مهوب يوم
فقاطعتهن دلال بازعاج:اخلصو علي وش تبون
ام شاهه:خلاص اطلبي اللي تبين
دلال وهي تنظر لهم:اكيد؟
ام ناصر:اكيد بس اخلصي علينا سدرتينا
دلال وهي تمثل الزعل:لوسمحتي هيا لاعاد تكلميني
ام وضحه:دلال ووجع
ام ناصر بجزع:يويلي وش قومش عليها ترانا نضحك
دلال:زين انش انصفتيني مره وحده
ام ناصر:مهوب عشانش عشان ماتحترق كبد اختي
دلال وهي تمثل اليأس:لاااااا انتي اليوم مالش بي
عليا:انتي من يبيش يالعله
دلال عصبيه مصطنعه:اشهدوا عليها يابني عمي تحرش فيني وانا ماقربتها
جواهر:انا بأعد الى الثلاثة انا ماطلبتي والله ان قد نتعشى من عشا البيت
دلال:لا لا لا خلاص الحين بطلب
وأجرت الاتصال
قامت عليا لتجلس بجانب حصه الصامته طول فترة الاجتماع
لتهمس في أذنها:شفيش عاقده النونه
حصه بهدوء وحزن تعرفه عليا:مافيني شي
عليا بحنان كما كانت تفعل شاهه مع تلك الصغيره العنيدة:افا ماتعلمين اختش جعلني قبلش
حصه بهمس:عليا تكفين لاتكلميني كذا ترا والله ابكي
عليا وهي تنظر لعينيها الدامعتين:الا غار فيها بكي اجل قومي خلينا نروح غرفة امي
حصه وهي تنصاع لأمر شقيقتها وتقفان متجهتان للدور الثاني
لتوقفهما امهما:وينكن رايحات
عليا:شوي وبناتي
اومأت امهما بعلامة الرضا
وأكملتا طريقهما
ماأن دخلتا للجناح حتى انفجرت حصه بالبكاء
لتفجع عليا بذلك فتضمها:شفيش
حصه:ابي اعود البيت
عليا بعدم اقتناع:ان شاء الله بس خلي الين ياتي ابي ياخذنا
حصه:لا ماابي ابي نعود ذاالحين
عليا وهي تبعدها لتنظر لوجهها:حصه ذاالحكي مهوب علي ابيش تعلميني ذاالساع وش اللي جرا
حصه وهي تمسح دموعها:اليوم خانقتني امي وضاقت علي
عليا بصدمه:ليييه
حصه بحزن:اليوم امي العصر راحت السوق يوم جات تروح قلت لها يمه لاتروحين اقعدي معي قالت لأ بروح انا وجواهر للسوق وراحت وخلتني طول اليوم لحالي وخاصه انها اليوم راحت الدوام ولاجات الا الساعه ثنتين
ولاقلت شي بس انها تروح وتخليني وانا في حاجتها ليه هي متى بتحس ان حنا بناتها وعقبه يوم جات خانقتني عشاني زعلانه (وبدأ صوتها يتحدر لحزن عظيم وبكاء سيستمر لفتره ليست بقصيره)وعقبه قامت تقول لاتصيرين مثل شاهه كنها لعبه بيدين ابيها ورجلها قلت لها شاهه ذي هي اللي ربتنا يومش حذفتينا هي اللي وقتنا من جور الزمن قالت انتي تعيريني بشي انا مالي ذنب فيه ويوم جيت اترضاها دزتني وقالت لاتجيني والى ذاالحين وهي زعلانه
عليا بهدوء:حصه هذي امش لازم انش تحملين ماتقوله وتسويه ولو حطتش حذايا لها تنومسين به انتي الى ذاالحين مااستوعبتي انها امش ومايجوز انش حتى تردين عليها
حصه وهي تبكي بشده:ياعليا يوم سمعتها تقول عن شاهه كذا حسيت كن احد مخر قلبي (مخر=انتزع)
عليا بحزم:بس هذي امش ماتـــــــ اصمتهن دخول دلال المفاجئ بوجهها الذي يشع حيويه
دلال بانفاس منقطعه:الحقو شاهه تكلم امي وضحه
ماان اكملت جملتها حتى قفزتا الاثنتان ليركضا للأسفل
.
.
.
.
.
كانت تقاوم عبرات تزاحمت عند بوابة حنجرتها:امي انتي وشلونش ذاالحين
اجابتها بصوت متعب:طيبه جعلني اسبقش
ام شاهه بحنان مصفى وعميق:لاوالله انا اللي جعلني قبلش
ثم ارفت بهمس وهي تقف لتذهب بعيدا عن النساء:ارب اللي عندش خوته زينه
اجابتها بهدوء:الله لايخليني(فهي تقصد ان الله يبقيها هي لها وليس لطام)
ام شاهه:اشوا والله يامش اني احاتيش من يوم رحتي
شاهه:انتو شلونكم وامي شاهه شلونها
سمعت اجابة والدتها المختلطة بصراخ شقيقتيها:كلنا طيبين بس دقي على جدتش
ثم اكملت بصراخ:اصبري خليني اكلمها
ومن ثم سمعت صوت عليا:لبى ولبى ياعرب من يحاكيني
شاهه بابتسامه:لبى روحش شلونش فديتش
عليا وقد انخفض معدل الازعاج عندها:انا طيبه ولاعليش مني علميني شايبش يوم تخلوا بش وش سوا
شاهه بخجل كبير:عليا وجع
عليا:هههههه لاتقولين انه عندش
شاهه:ولا من وين بكلمش
عليا بحماس:ازين
ثم اردفت بخبث:وين امسيتي اول ليله
شاهه:جعل عدوش اللسنه انتي ماتفهمين الحكي
عليا:ههههههه تكفين قولي لي انجلط يوم شافش كذا لحالش من غير محد يحول بينه وبينش
هذه المره ضحكت شاهه:ههههههههه شقومش تفاولين من اولها
عليا:لاتخلينه ينجلط حيل جلطه خفيفه انتي عادش تعبانه لاتشاليتي اضربي الرماد ولاتسمين
حصه بصوتها المتملل:علوي يالله عطيني اكلمها
عليا:حبي هاش ذا المايعه كلت كبدي تبي تحاكيش
شاهه:عطيني اياها جعلني قبلش وقبلها
عليا:يالله تمسين على خير ولاتسجين تكلمين امي شاهه تراها تتنا مكالمتكم
شاهه:ابشري
وبعد ثواني كان ذلك الصوت الحزين:الو
شاهه بحنان وحب:يالله حي ذاالبنت
حصه وقد انهمرت دموعها:الله يحيش ويخليش لي
شاهه بقلق:حصه شفيش
حصه:مافيني شي جعلني فداش بس وحشتيني
شاهه براحة:مسرع ماوحشتش يالكذوب
حصه:والله انش وحشتيني من ساعة ظهرتي من باب المستشفى
شاهه:حصوص انا احس ان فيش شي
حصه:والله اني متضايقه من غيبتش من غير شر
شاهه:والله مدري عنش المهم علميني شعندكن عند امي
حصه:ابد والله انا ممسيه عندها من يوم سافرتي وعليا وبنات عماني وبنات خوالي مجتمعين في بيت جدي ناصر
شاهه:طيب عينتي حياتي وروحي اللي عندكم
حصه وهي تنظر لضيدان الذي يستكين في حضن عليا منذ اتوا:هذا هو قبالي مرقط في حضن عليا كنه ارينب
شاهه بشجن لذلك الصغير:يالبى الخشه تكفين عطيني احاكيه
حصه:ابشري ثم خرجت من الغرفه التي كانت بها للصاله:ضيدان تعال كلم شاهه
اتى يركض ثم اجاب النداء بصوت طفولي متحمس:الووو
شاهه بفرح:لبى الالو وراعيها بابا شلونك
ضيدان:انا تيب بس انا ابي ادي عندس
شاهه:مايصير هني اللي يجيهم يعطونه ابره
ضيدان بنبرة الخوف:لا حلاص ماابي ادي بس انا بدعد تل يوم انترس
شاهه:وانا بخلص بسرعة واجي
ثم اردفت بنبرة التهديد:انت بكيت امس يوم رحت
ضيدان:سوووويه
شاهه بنبرو زعل:ياعيبك عيباه الرجال يبكي
ضيدان وهو ينفخ صدره:لا انا ماأبكي
شاهه:بعدي ابوي الشيخ اللي مايبكي
ثم اردفت:يبه عطني اللي عندك
ضيدان وهو يتوجه لعليا:ابسري
شاهه:جعل ربي يبشرني بطولة عمرك
ثم اتاها صوت عليا المرح:هلا ياامي
شاهه:هلا فيش يالله تبين شي
عليا:سلامتش فديتش
شاهه:يالله مع السلامه
وانهت المكالمه لتمد الهاتف له
شاهه بهدوء:مشكور
لطام:العفو
ثم ساد الصمت لمدة ربع ساعه
لتفجر هي القنبله:انت وش بينك وبين امي
لطام ببرود:مابينا الا الخير
شاهه بنرفزه:انا مانيب غبيه انا اشوف ذا البغض اللي بينكم
لطام بحزم:لاعاد تحاكيني بذا النبره فاهمه
شاهه بنبره العصبيه:لما تكلمني انت بأسلوب سنع انا ذيك اكلمك بنفس الاسلوب
لطام وهو يقترب منها ليمسك بفكها بقوه:انتي وبعدين معش ماتوبين
شاهه وهي تحرك وجهها يمي ويسار بعنف تريد التخلص من قيود كفيه التي لامست ترافة خدها ناصع البياض:هدني هدني
لطام بهمس مخيف ولكن ليس لها:اعتذري اول وبعدين اهدش
شاهه باصرار:والله ماأعتذر لو تموت
كان لتوه سيقدم على الخطوه التاليه لولا ان الممرضه دخلت لتبتسم لما تراه فهي ظنت انهما في وضع زوجين رومانسيين
ابتعد عنها ليجلس على كرسيه وتتقدم الممرضه وهي تخفي ابتسامتها فبدأت بحقن الدواء في علبة المغذي لتخرج بعدها دون اي كلمه
لتقول شاهه بغضب:غبيه غبيه(فهي تقصد الممرضه)
ليلقي هو القنبله العظمى:انا اكرها عشانها فاسدة
صعقت بل توقف قلبها عن ضخ الدم من هذه التهمة الموجهه لأمها
ليكمل هو ليصيبها في مقتل:وش تقولين في مره ادخلت الرجال في بيتها والبيت مافيه احد هذا وش يعني
ثم اردف وعيناه تشتعل اثر الذكرى التي بددت كل افراحه واحلامه:طبعاً المره ذي هي امش
شاهه وهي في عالم صدمتها:امي؟
لطام بقهر وغيض:ايه امش ذا اللي ماتدانيني
صمتت لتعيد التفكير فوالدتها كانت في عينيها اطهر الخلق لكن هذا المتعجرف قلب الموازين
اما هو فصمت ليمسح ملامحها التي يعشقها منذ ان كانت في المهد فذاكرته تحمل الكثير من الذكريات معها حتى ان فرقتهم والدتها عن بعض
ودام الوضع لمدة ساعتين كامله لتهتف هي بجمود:دق لي على امي
لطام برفض:العرب ممسين لاجا الصبح دقينا عليهم
شاهه بأصرار:دق لي عليها ولا عليك
لطام وهو يقترب منها لسبب هي تجهله:وانا اقولش امسي
مسح وجهها بيديه ليهتف مره اخرى:شاهه شتحسين فيه
اجابته بهدوء:مااحس بشي بس حر طول على المكيف
فهذا ماكان يخشاه فهما يجلسان في غرفة درجة التكييف عاليه فيها فهو يشعر بالبرد لكنه صعق عندما رأى قطرات العرق تتلامع على وجهها الجميل
اما هي صدمت لما هي سكنت عندما مسح عرق وجهها لما شعرت انها تريد ان يضع يديه على وجهها ولايبعدها تشعر معه بشعور كانت تكره ان تشعره وهي معه الا وهو الامان وحب الحياه
ذهب ليستدعي الممرضه لتكشف عليها
لتجيبه الممرضه بأن تلك اعراض استجابة الجسم للدواء التي تم حقنها به
فعاد لها ليجدها نائمه بسلام وخصلات شعرها الطويله جدا تمتد على صدرها محيطة بوجهها
اقترب منها ليبعد تلك الخصلات النافره وذلك لنعومتها الشديده حيث لم يستطع مشبك الشعر ان يمسك بها
همس لها بحب:ادري اني حسيت خاطرش بس والله اني اموت كل ماأذكر السالفة مااحد شاف اللي صار الا انا وانا اللي احترقت كبدي عشانش سامحيني ..........قبل جبينها وذهب ليفتح الكرسي وينام فهو متعب للغاية
.............................................
قبل ذلك
في اراضي الدوحه
بعد ان تم انهاء المكالمة جلسن بجانب بعض وكانت عليا تتحدث مع جواهر بأريحية والكل لاهي الا هي كانت تجللس بجانب شقيقتها بهدوء
قطع الجميع الاكل التي بدأت الخادمه بترتيبه على طاولة الطعام لتقول ام ناصر:يالله حياكم على عشاكن يابنات وانا وام شاهه وام وضحه عشانا هنا ........لتشير على (السفرة)التي وضعنها الخادمات وعليها عشاء تم اعداده في المنزل
تقدم الجميع على العشاء
عليا:ضيدان تعال تعشى
ضيدان وهو يأكل الايس كريم الذي اشتراه له فهاد عندما اخذه قبل قليل ثم اعاده للمنزل:لا ماابي ابي ايث كريم
دلال:مهوب منك من ذا الطرمه السين معدومه عندك
عليا:ياسلقه تعيبين على اخي
دلال وهي تمثل الخجل:ليه اجل المره تعيب على رجلها
ضحك الجميع
عليا بتهديد كاذب:اجل الزمي حدودش ولا بيت اهلش يضمش
دلال وهي تمثل الطاعه والخوف:ابشري ابشري
وعاد الجميع للأكل
كانت تود ان تضمه منذ رأته فهو يحمل رائحة تلك الغائبه وغير ذلك فهي تعشق الاطفال وهو بالذات استحل مساحه من قلبها ولكنها منذ ترى وجه والده تنبذه وبعنف اما الان وهي تراه يجلس ويأكل الايس كريم بشراهه
تود ان تضمه بقوه لبراءته المطله حتى من عينيه
ام شاهه بحنان:ضيدان حبيبي تعال عندي
اشار برأسه بالنفي فهو يهاب الناس
ام شاهه:ان جيت عندي وديتك بكره الالعاب وشريت لك حلويات واااجد
اعجبه العرض فنظر لأخته التي كانت منتبهه لهم منذ البدايه اشارت له بحماس ان يذهب لها تقدم بخطى متردده ليقف امامها فسحبته لتجلسه على فخذها وتبدأ بتأكيله وهو بين فتره وأخرى ينظر لعينيها
اما هي كانت تشعر بسعاده وهو في حضنها وكانت تقبله تارة واخرى
...............................................
بــــــــــــــــــــقـــــــــــــــ شــــادن لــــــــــم
التعديل الأخير تم بواسطة ♫ معزوفة حنين ♫ ; 13-05-11 الساعة 01:43 AM
سبب آخر: تكبير الخط
|
12-05-11, 09:12 AM
جديد مواضيع قسم الارشيف
العرض العادي
