كاتب الموضوع :
دهــن الــعــود
المنتدى :
الارشيف
السلام عليكم
مساء الخير على الجميع اولاً اعتذر عن انقطاعي الخارج عن ارادتي بسبب ظروف قاهره وخاصه
لكن اتمنى بارت اليوم يعجبكم ويكون رضاوه جزله مني لكم
اتمنى لكم قراءه ممتعه
البارت الثامن عشر
.................................
هاهما يقفان في مطار هيثرو
كان يجلس بجانبها على كراسي الانتظار
اقترب منها اكثر مماكان عليه من قرب:شاهه تبين اجيب لش شي تاكلينه
شاهه بضيق وتعب:لا مابي شي منك
لطام بعصبيه يحاول اخفاؤها عن انظار الناس:امسي علي
شاهه بكره:لاتحاكيني عشان ماتسمع مايغضب خاطرك
لطام بغضب قد بان في صوته المنخفض:والله ان قد تحسفين على ذا الكلمه
شاهه باستفزاز:اللي بتسويه سوه
لطام وقد حصل على نقطة ضعفها:اللي مثلش يدور رضاي من يوم خذيتش وانتي عليل
شاهه بانكسار في عينيها وعكسه في صوتها وكلامها:ماالله بحادك تصبر علي طلقني وفارقني
نظر لها وقد انكسر هو بخفاء من نظرات عينيها التائهه منذ ان حطت اقدامهم على ارض المطار واكمله هو ليقضي عليها بسهام كلماته المسمومه:نذرن على خيط رقبتي لما تلبخين ان قد تبيتين
صمتت لأنها رأت المندوب المكلف قد توجه لهم دليل انتهائه من الاجراءات
وقف لطام وهو يبتعد بالمندوب الاجنبي عن مكانها الذي تجلس فيه
وبعد مرور ربع ساعه تقريباً كان يقف امامهابوجهه المتجهم الغاضب
مد يده ليوقفها ليهمس لها بنبره جامده:روحي ادخلي في الحجره تيك عشان يفتشونش النسوان
ثم ذهب بها حتى امسكت بها الممرضه
ثم عاد ليجلس على كراسي الانتظار ويعيد الحوار الذي جرى بينه وبين المندوب الذي يخبره بأنه يجب ان تنزع زوجته غطاءها ليهمس بينه وبين نفسه:يبوني اخليها تظهر وجهها قدامهم ياوالله اللي ابطو
ثم ابتسم حين تشكل وجهها الجميل امامه:لبى الوجه والله اني صادق
ثم عاد ليكشر حين تذكر استفزازها وكرهها له قبل قليل
افاقه من سرحانه نبرة الاشمئزاز والكره في صوتها الذي قال:يالله خلصت
وقف امامها ليظهر الفارق الكبير رغم طول شاهه الفارع
امسك بيدها بتملك وذهبا للبوابه وهي تحاول التفلت منه
.......................................
نزلت من غرفتها بنفسيه سيئه للغايه
فهي تقضي اليوم ولأول مره دون ان ترى صاحبة الوجه الفاتن والقلب الحنون
اتجهت للمطبخ لتحضر الفطور
وبعد مرور دقائق عدة سمعت رنين هاتف جدتها ومن ثم سمعت جدتها وهي تقول :صبحش بالنور ياامي
رجت لترى من هذا الذي يتصل عليهم في هذا الصباح
اقتربت لتقبل رأس جدتها ثم جلست بجانبها
الجده بحنين:لا والله يامش مادقو
علمت ان من اتصلت هي والدتها
عليا بصوت منخفض:يمه لا خلصتي عطيني اياها
اومأت الجده بالموافقه
الجده:وضحه يامش هاش عليا تبيش
اخذت الهاتف:الو صبحش بالخير
ام شاهه بهدوء:صبحها بالنور والرضا
عليا:شلونش يمه
ام شاهه بقلق:والله لوني اني الى ذاالحين اتنى اتصالهم
عليا بقلق مماثل:مدري شفيهم مادقوا والله ان قلبي ماكلني
ام شاهه:ماودش تاتيني
عليا:والله انه ودي بس جدتي وابي واخي وين اخليهم
ام شاهه باستغراب:عندهم الخدامه
عليا باحراج:يمه حنا ماعندنا خدامه
ام شاهه صمتت بصدمه لتقول في نفسها:كذا تسوي في بناتي ياناصر والله ان تحسف الا ان كان مانيب بنت ناصر
ام شاهه:خلاص دامه كذا اجل عفينا عنش
عليا:ياجعلني قبلش وانا بحاكي ابي اليوم عشان نجيكم العصر
ام شاهه:يامرحبا بس جيبي اخيش معش
عليا:ان شاء الله
ام شاهه:يالله مع السلامه ولادقت عليكم اختش خليها تدق علي
عليا:ابشري مع السلامه
وتم انهاء المكالمه
الجده:ها يامش جهزتي الريوق
عليا:ايه يمه الريوق خالص
الجده وهي تقف لتوقظ زوجها:ها ياالله حطي ريوقش ابوانش بياتون ذاالحين
عليا وهي تتجه للمطبخ:ابشري يمه
.......................................
دخل الغرفه وهو يمسك بها
انتزعت يدها من بين يديه:لاعاد تلمسني احس اني نجسه من لمستك
صعق من كلمتها اتسعت عينيه بذهول ووصل مرحلة الغليان من الغضب:انا انجسش ياشاهه
شاهه وهي تجلس على الكنبه:ايه انت
انحنى وهو يمسك بطرف الكنبه عشان مايضربها ويصرخ:شاااااهه
شاهه ببرود:اقصر صوتك حنا في عماره
اوقفها وهو يعصر عضديها:انتي ماعاد فيش حيله ودواش عندي
وأخذ يسحبها للغرفه وهي تحاول مقاومته دون جدوى فهي ضئيله بالنسبه لضخامته وطوله وايضاً اعاقها المرض من الهروب
رمى بها على السرير التي منذ لامس جسدها حتى جلست برعب مما تراه امام عينيها ومخيلتها
نزع قميصه وبدأ يقترب منها فشرعت بالصراخ وقد نست ماقالته له منذ دقائق
شاهه وعينيها هلعه مما قد يحدث:لطااااااام لاتقرب مني والله مايحصلك خير فارقني
لطام وهو لايرى شيئ بسبب غضبه:اصصص ولا كلمه ولا نسيتي ان حنا في عماره
بدأت الرجفه تحتل جسدها حين امسك بيدها:لالالالالالالالالالا
كتف يديها وانحنى على جسمها الغض
واخذ يهمس لها:النجاسه ماتاتي مني النجاسه منش انتي وامش
نظرت له بعينيها وقد بدا غضب والم وصدمة الدنيا فيها
اخذت دور الهجوم:واللي انت تسويه مهوب نجاسه
لطام بقهر:شرع ربي وحقي قده نجاسه
ثم اردف وهو يقبل عنقها:انا اوريش النجاسه ذاالحين
كانت تصرخ بقوه حتى بدأ صوتها بالانحدار لنبره يستنكرها في بلعومه شاهه
شاهه وقد تشاجرت عبراتها على الخروج:تكفى لطام خلاص خلاااص
ابتعد عنها بابتسامة تشفي:ذالاحين بتبكين مهوب عندش قبل شوي ولسانش كنه منشار
اعتدلت لتجلس بارهاق وهي تمسح دموعها:اطلع برا انقلع من وجهي
ابتعد عن السرير ليلبس قميصه الملقى بجانب السرير:ترى اللي صار كان تهويشه لكن المره الجايه بيصير مايغضب خاطرش
خرج ليتركها تجدد الكره المخزون وتزيد كميته
......................................................
كانا يقفان في التدريب المخصص لطابور العرض الذي سيجرى في يوم التخرج بعد اسبوعين
نايف المتعب:فهاد الله يرحم والديك لبخ ذا اللي ينبح من صباح ربي
فهاد:ههههه اسكت لايحرمك من التخرج
نايف وهو يقف بطريقه مائله اثر التعب والسهر:اذا فيه خير يسويها
فهاد:يارجال اصبح ماتشوفه ضايق بروحه مايدانيك
اصمتهما صرخة المدرب:عسكري نايف تعال عندي
فهاد الذي يقف بجانب نايف:خخخخ تستاهلها روح اخذ شرهتك
نايف بضيق:الله يعرض لعدوك وش عاد يخلصني منه
فهاد (بعياره):وش بيسوي فيك الرجال يحبك مثل ولده وبيشرهك شرهه كبيره
صرخ المدرب:ناااااايف
نايف(بعياره):لبببببيه
ضحك البقيه
اقترب من المدرب:نعم سيدي
المدرب بغضب:على الحركات البايخه لك سجن ثلاثة ايام
نايف وهو قد اعتاد على الوضع:اللي ودك الله يحييك
المدرب بنرفزه:ياعسكري تعال اخذه للسجن
ثم التفت لنايف:وانت هذي آخر مره اشوف هالمصخره المره الجايه والله يانايف مااخليك تحضر التخرج ساااامع
نايف:حاضر سيدي
وذهب به العسكري للسجن
...............................................
خرج من غرفة النوم بعد ان استعد للذهاب الى المعرض المملوك له
ناصر:وضحه ياوضحه وضوح وينش
وضحه وهي تخرج من المطبخ بابتسامتها التي يعشقها:لبيه لبيه هذا انا ياحرك فديتك(ياحرك=دليل عل الاستعجال والاصرار)
ناصر وهو يقبل خدها:صباح الخير
وضحه:صباح الهنا والسعاده
ناصر وهو يجلس ليتناول فطوره:شعندش اليوم تأخرتي في قومتش
وضحه بخجل من تأخيرها:كنت سهرانه على الكمبيوتر
ناصر باستغراب:شعندش مهيب عادتش تقعدين على الكمبيوتر فتره طويله
وضحه بابتسامة شقاوه:كنت اطلع احلى الاماكن في لبنان
ناصر وهو ينظر لها بعشق:ترا سفرنا عقب بكره عشان نعود قبل تخرج العوال
وضحه بفرح:اليوم ان شاء الله اغراضنا جاهزه
ناصر:هههههه انا حار انتي والله الحاره
وضحه:هههههه طيب كم بنقعد
ناصر:عشرة ايام
وضحه:موكنها شوي
ناصر وهو يقف ويغمز:ياطماعه
وضحه وهي تتجه معه للباب:الوقت معك يجري بسرعه
ناصر وهو يضمها بقوه:وش عاد بتسوين فيني يابنت محمد
وضحه وهي تبادله الاحتضان:باكل قلبك
ناصر وهو يبعدها لينظر لعينيها:اكثر من كذا
وضحه وهي تومأ برأسها:اممممممم
ناصر:طيب ياماكله قلبي تبين شي
وضحه:سلامتك جعلني قبلك
خرج متوجهاً لعمله وهي عادت لتنظف شقتها وتنزل لأم ناصر كالعاده
..............................................
استيقظت من نومها المزعج
بدأت تبحث عن والدتها لم تجدها
ذهبت للحمام(اكرمكم الله)
وبعد مرور عدة دقائق كانت خارجه منه
استبدلت ملابسها وخرجت لصالة جناح والدتها
لم تجد والدتها ولكنها وجدت جواهر التي تحمل عباءتها وغطاءها متجهه للباب
فأوقفتها:جواهر
جواهر وهي تبتسم:هلا صباح الخير
حصه:صباح النور
ثم اردفت باستغراب وين رايحه وامي وينها
جواهر:انا رايحه الجامعه عندي محاضره وامي في الدوام
حصه بحزن:امممم اوكي خلاص روحي لاتتأخرين
جواهر:يالله باي
حصه بأحباط:باي
فتحت التلفاز لتشاهده ولكن عقلها شارد في غيره
تذكرت نظراته لوالدتهومزاحه معها وتذكرت ماكان يجذبها له منذ صغرها الا وهو ابتسامته
فهي خرجت لتنادي والدتها لتساعد شاهه على الوضوء
ورأته بعد مرور خمسة اعوام منذ ان تغطت عنه وهي لم تراه
لكنه بدا لها وسيم ومستلطف لكن هي تكره هكذا شخصيه
فهي تريد رجل صارم جاد لايحب المزاح كهذا
افزعها الطرق الاتي من باب الجناح
حصه:منو
الخادمه:انا ماما انا يجيب ريوق
حصه:تعالي
دخلت الخادمه بالعربه المحمله بالاكل لتضع الاطباق على الطاوله وتذهب هي بالعربه للخارج
نظرت للفطور لتقول في نفسها:الله واكبر ياحصوص قد به خدم يخدمونش
وبدأت تأكل
وبعد انتهائها عادت لمشاهدة التلفاز بتركيز لتنسى تفكيرها الساذج بذلك (المرجوج)كما سمته
وبعد ان مر من الوقت خمس ساعات قضتها لوحدها
دخلت والدتها بوجهها الذي يفتقد لأي زينه ولكنه قد بدا لمن يراها قمة الفتنه
ام شاهه: السلام عليكم
حصه وهي تقف وتقبل رأس والتها:وعليكم السلام الله يعطيش العافيه
ام شاهه وهي تنزع لفتها ونقابها:الله يعافيش ياامي ياو من الجو ماعاد تحتالين تظهرين في ذا الشمس
حصه:يمه هاتي اغراضش خليني اغسلها
ام شاهه:لا يويلي الخدامه تغسلها
حصه:هاتي اغراضش بس ترا محد يغسل هدوم البيت الا انا يعني لاتخافين على اغراضش
ام شاهه:لا مهوب صيدي بس انا خدامتي قاعده لاشغل ولا مشغله خليني احلل معاشها
حصه باستغراب:يووه يمه انتي لش خدامه لحالش
ام شاهه وهي ترفع السمتعه لتتصل عل غرفة الخدم:وش اسوي يامش استحي من اخي ومريته اني كل شوي ماخذه وحده من الخدم قلت اجيب لي خدامه واغني عمري
حصه:اي والله دامه كذا اجل مانيب لايمتش
اعطت ام شاهه اوامرها لخادمتها وبعد دقائف اتت الخادمه واخذت مايستلزم الغسيل وذهبت للأسفل
ام شاهه بعد ان استحمت واستبدلت ملابسها ببجامه مريحه وجلست بجانب ابنتها التي ترتدي (دراعه)لاتناسب سنها الصغير
ام شاهه:ها وش كليتي
حصه:جابتلي خدامتش ريوق ملوك جعله يكثر خيركم وكليت
ام شاهه:فيه العافيه وغير الريوق
حصه بصدمه:وش عاد تبيني آكل يمه
ام شاهه:عشان كذا كنش مسلوله خلاص اجل بتغدين معي
حصه:لا يمه والله اني شبعانه
ام شاهه:اقول البخي بتغدين معي يعني بتغدين انا مااحب آكل لحالي وجواهر اللي تغدا معي دايم عندها محاضرات الى العصر
حصه:الا يمه جواهر وش تدرس
ام شاهه:رسم
حصه:طيب وين بتشتغل
ام شاهه:تقول تبي تشتغل مدرسة رسم
حصه:الله يوفقها
ام شاهه:وانتي ماشوفش تداومين ترا يامش الزم ماعليش شهادتش واعتقد انش ذا السنه في الثانويه العامه
حصه بصوت قد اختلط بالعبرات:انا ماكملت
ام شاهه بصدمه:ليييه
حصه وقد بدأت تبكي:ابي عيا
ام شاهه وقد فلتت اعصابها:ابيش ذا في عقله شي
حصه:يممه لاتقولين فيه شي
ام شاهه بغضب:لا اقول فيه شي الله يقطع صيب ابي الخبلان قطعش من الدراسه وتقولين لا تقولين فيه شي
ثم اردفت بحقد:والله ان اخليه يتحسف الا ان كان امي ماحفظتني على ابي
حصه:يمه لاتخليني اتحسف اني علمتش
ام شاهه:هذا جزاي اني ابيكن تكملن دراسه وتتاخذن شهاده تنفعكن في حياتكن
ثم اردفت بحنان:يامش والله ماسرني كون شهادتي عقب ماحذفني ابيش حذفة كلب
حصه:بس يمه هو كان خايف علينا
ام شاهه:ماعلينا منه قولي لي كم سنه باقي لش
حصه بحزن:اولى وثانيه وثالثه ثانوي
ام شاهه بألم:حسبي الله عليه
ثم اردفت:يعني حصه باقي لها ثانيه وثالثه وشاهه باقي لها ثالثه بس
اومأت حصه رأسها بالموافقه
ام شاهه بحسره:انتي وعاليه اشوا الموت من شاهه حسبي عليه ماباقي لها الا سنه الله ينصفها منه
حصه وهي تقبل كف والدتها:طالبتش ماعاد تدعين عليه
ام شاهه:يامش غابني اول وتالي وزاد حرقتي يومه ماخلاكن تكملن الدراسه ولابه عذر بين
حصه بهدوء:السبب لطام هو اللي قال لابي يقعدنا وابي كان وده بكذا من قبل
ام شاهه بقهر كبير وصرخه عاليه قليلاً:آآآآآآه من لطام ياويلي من شوفه
حصه وهي تضم والدتها:يمه تكفين لاتحرقين اعصابش عشان شي تافه
ام شاهه:دراستكن شي تافه والله ان قد تعودن للدراسه وتكملن وتاخذن شهايدكن وانا بنت ناصر
.......................................
منذ ان حدث ماحدث وهي نائمه وكأنها تريد الهروب من الحقيقه المره التي حدثت
هاهي تفتح عينيها بكسل وتعتدل لتجلس وهي تستند على قاعدة السرير
شاهه وهي (تتمغط):جعله يسقى على عيني فرقا ذا المكان
وقفت بصعوبه وبدأت تتكأ على الحوائط لتصل للحمام لتغتسل
وبعد مرور وقت ليس بقصير خرجت وهي منهكه
لتتكأ على الحوائط لتصل للصاله فتجدها خاليه
جلست على الكنب
سمعت صوت اغلاق الباب
دخل دون ان ينظر لها:السلام عليكم
شاهه:وعليكم السلام
دخل للغرفه واستبدل ملابسه ببجامه وذهب للمطبخ
شاهه في نفسها:ياربي بموت من الجوع وذا يابلفيت انه حمسان مهوب ماكل
وبعد مرور نصف ساعه اشتمت رائحة الطعام
فازداد جوعها فلم تعد تستطيع المقاومه
ذهبت له في المطبخ بخطوات غير متزنه
ماأن جلست على الطاوله الموضوعه في المطبخ حتى هتفت بارهاق وتعب وكره:انا ابي اكل
لطام ببرود:قومي سوي لش اكل
شاهه بنرفزه لأنه يعيرها فقالت (بطنازه):مااستغني من خدماتك
لطام ووجه للغاز وظهره لها:آسف ماابي اطبخ لش
ثم اردف في نفسه:لعنبا الجوع اللي بيخليش تشكين جعلش تبكيني ان خليتش من غير عيشه
نظر لها ليجدها عينيها تشتعل من الغضب ثم التفت للغاز ليخبي ابتسامته على غضبها الجميل:ياناس خبل تحسبني بخليها مادرت اني مسوي العشا عشانها
وقفت بغضب واتجهت للثلاجه رغم صعوبة المشي
كان يشعر بغضبها يحتل المكان بأكمله
اما هي ماأن امسكت بباب الثلاجه حتى اختل توازنها نتيجة اغماءه
فسمع همستها:لطااام آآه
لم يلامس جسدها الارض فهو احتضنها بسرعه لتمسك هي بجيب قميصه بقوه لتقطع جيب القميص
...................................................
بــــــــــــقـــــــــــ شــــــــــادن لــــــــــــــــم
التعديل الأخير تم بواسطة ♫ معزوفة حنين ♫ ; 05-05-11 الساعة 10:54 PM
سبب آخر: تنسيق النص
|
04-05-11, 12:36 AM
جديد مواضيع قسم الارشيف
العرض العادي
