السلام عليكم شادن أهنيك على هذه الرواية بالنسبة للبارت الأخيركان حزينا لجميع الأبطال أتمنى لثمينة أن يهون عليها مصابها أما فلاح الغبي ويحيرني دافعه لزيجة ثانية فهذا ما يستحقه

البارت الواحد والستين
............................................................ ......
كان متمدد على فراش المستشفى دون اي حركه
فهاد وهو يهمس للطام:لطام صوت للدكتور خله ياتي يشوف ليه ماقام الى ذالحين
لطام بهمس:اشش مهوب راقد
فهاد بنفس الهمس:مافتح عيونه من يوم جابوه
لطام بأسى:يكوده حتى انه يفتح عيونه
ثم اكمل وهو ينظر لنهار:روح لامي لازم واحد منا عندها
فهاد وهو يتجه للباب:ابشر
التفت لطام لنهار ليقول:ليه ماتبي تحكي وتقول ش اللي صار
فتح عينه ثم نظر للطام وهو صامت
لطام وهو يضع يده على كتف نهار:لاتنكسر وانا اخيك تفداك روحي مهيب اختي وبس
نهار وهو يصد بوجهه للجهة الاخرى:آآآآآآآآه
لطام وهو ينطر له بحزن:وش اللي صار يانهار
نهار بحزن قطع انفاسه:انا اللي دعمتها يالطام انا
لطام وقد كان يظن ذلك:هذا امر الله مالك لاانت ولا هي ايد فيه
نهار بحزن حام بوجهه:سمعت صيحتها وذبحت ولدها والله اعلم وش سويت بها بعد
لطام وهو يتنهد بحزن:آآآآه الله يشافيها ويرأف بحالها
نهار وهو يبعد لحافه وينزع ابرة المغذي:انا لازم اروح اشوفها
لطام وهو يمسك بيده التي تنزف:يابن الحلال اقعد هي ذالحين راقده ولا تحس بشي
نهار وهو يبعد لطام:هدني معليه اقعد عندها الين تقوم
ثم ذهب تاركا لطام يمشي خلفه
عندما وصلا عند البقيه
ام لطام وهي تقف بهدوءها الذي لازالت تتحلى به ثم اتجهت له
ام لطام وهي تمسك بيد نهار:اقعد ياصديع
اجلسته رغما عنه
ثم نظرت للطام:لطام رح صوت للدكتور
لطام:ابشري
التفتت لنهار ثم همست له:انا خسرت واحد ويمكن اخسر الثاني من عوالي لاتخليهم ثلاثه يامك
لم يكن له من ردة الفعل
الا انه وقف وضمها له بقوه لتتساقط دمعاتها بغزاره
وتبكي معها عيون ام سعد وام شاهه
............................................................ .....................
في صحراء كانت تجلس في احضانه باكيه راجية النسيان ان يمحو تلك الذكرى الكئيبه
مسح دمعة الشموخ التي حطمت حصون الاستقرار الذي ساد لفتره:دلال
لم تتكلم بل شدت على (دشداشته):..........
نايف وهو يبعدها لكنها رفضت بتشبثها به:خلينا نركب السياره احسن بدال ذا القعده اللي مالها داعي
وقف واوقفها معه وهو يضمها لاحضانه وكانه يخاف خدشها بنسمات الهواء
ركبا السياره وهي تمسك بيده
همست ببكاء:تذكر وش صار يانايف
نايف بألم بان في ملامح وجهه:اذكر اللي وعيت به بس اللي قبله مااذكر منه شي مااذكر
ثم هم بالصراخ وهو يضرب مقود السياره:مااذكر ماذكر مااااااااااااااااذكر
بكت وهي ترى انهياره لكن ذلك لايمنعها من سرد مأساتهما:كنت قاعده في المجلس مع ابي وهو دخل يجيب اغراض قهوته وكنت انت في ذاك الوقت توه بادي معك المرض ودايم يقولون لااحد يقرب من نايف ترى نايف يذبح
وكنت لاشفتك اموت من الخوووف ويوم شفت زولك عند باب المجلس دريت اني بموت لاني مااقدر اطق وانت ساد الباب دخلت علي وانت مهوب انت انسان مااعرفه بكيت يوم قربت مني لاني دريت مالي منجا منك بنت عمري سبع سنين وش بيفكني من رجال عمره سبع تعش سنه بكيت وانا اشوفك تشبح فيني بعيون مهيب عيون نايف بكيت وانا اشوف صدرك ينتفخ بكيت وانا اشوف ضحكتك اللي سحبت الروح مني بكيت وانا وانا..............
نايف وهو يمسك بيديها بعصبيه مفرطه:كملي كمللللللللي
دلال وهي ترى المنظر امامها وكانه لم يفت عليه اكثر من احد عشر عاما:احس بايدك اللي تلمسني بلمسات وصخه وصخخخخخخه
نايف بصراخ:بببببببببببس بببببببسسسسسس لاتكملين
دلال بانتقام لطفوله اضاعها نايف دون وعي منه:كنت اصيح بين ايديك واضربك بس انت كنت حيوان حيوان مهوب نايف انت كنت شر قدامي مهوب ولد عمي اللي يلعبني ويحبني ويوديني البقاله ويشتريلي انا وجواهر
نايف وهو يبعد وجهه عن مدى رؤيتها:وبعدها وش صار
دلال وهي تنزف الما:قطعت هدومي لاني كنت احاول افلت منك ولاقدرت
التفت لها بقوه ورعب:يعني وش ماقدرتي يعني انا صدق...........
دلال بضحكة استهزاء:دخل ابي على صياحي وامي وراه ووضحه وابعدوك عني وانت كنت تضرب ابي
اغمض عيناه خجلا والما عظيم على مافعله بعمه الذي كان مميز وله حب خاص في قلبه:آآآآآآه ه ليتني مت ولا صار اللي صار
دلال وهي تمسك بكفه:ماكنت توعى لشي هذا اللي انا متاكده منه
نايف بحزن:وبعدين
دلال وهي تغير وتبعد عينها عنه:اظهرك ابي من البيت وضربك الين اغمى عليك وبعدها دق على ابي فيصل وابي ناصر وناصر وجاو كني اشوفهم واقفين كلهم حولك وانت طايح في الحوش ووجيهم سود
كنت في حضن امي ابكي واغمض عيوني لااشوفك بس كنت التفت لك غصب وارجع اصيح الين جا ابي ناصر وشلني وقربني منك وانت غشيان وقال شوفي وش سوينا فيه عشانش بس كنت اخش وجهي في رقبته عشان مااشوفك ويوم فتحت عينك كنت انا في ذيك اللحظه التفت لك
اكمل هو بألم:وصحتي يوم شفتيني وكنت بقوم لش بس حسيت اني متكسر قومني ابي وابي محمد شفت الضيق في عيونهم وبعدها قالو لي اني تعديت على عرض ابي محمد الله يرحمه وفي ذاك الوقت كنت للحين في صدمتي من البزر اللي ذبحته بالغلط وزاد همي هم كنت اموت لاذكرتش ولا ذكرت البزر وفي كل مره ابي امسكش واسألش وش سويت بس كنتي تصيحين وتبكين وهم قايلين لي لاتقرب من دلال وعقبها دخلت المستشفى غصب وعشت فيه اسوء ايام عمري كنت اصبر عمري واقول بكره لاكبرت باخذ دلال واعوضها عن اللي سويته وطلعت وشفتش قدامي عند الباب تمنيت اطير لش واخذش في حضني واتأسف منش بس وجود ابي وابي ناصر وابي محمد الله يرحمه ماخلاني حتى اشبح فيش على راحتي
رفعت كفه لتقبلها بعمق وهي تبكي:والله اني مسامحتك من يوم شفتك طايح عقب ماضربك ابي
ضمها لقلبه لعلها تهدأ عواصف تعصف بقلبه
............................................................ .........
في منزل ابوسعد حيث يجتمعن ام نهار وعليا وجواهر وحصه والصغار
جواهر تهمس لعليا:عطيني فصول وروحي لعمتش حرام ماتت من البكي
عليا بحزن وهي تمد الصغير لجواهر:هاش
لكنه رن هاتف جواهر لتجيب عليه وهي ترى اسم والدتها على الشاشه:الو
ام ناصر بغضب شديد:ولعنه تلعن وجهش وش مقعدش عندهم ايه اكيد تبينه يشوفش ياقليلة الحيا
جواهر باحراج من صراخ والدتها الواضح:يمه الحين بجي بس لاتزعلين
ام ناصر بغضب اشد:الحييييييييين تجين دقي على اخوانش يجونش
جواهر بحرج:ابشري ابشري
سمعت ام ناصر صوت رجل يقول:احم احم ياعرب
ثم ردت عليه ام نهار:عساف يابوي لحظه شوي
فجن جنونها فصرخت:هذا اللي ذليت منه رايحه تدورينه ماكفاش اللي سويتيه تلحقينها ذي بعد
فبكت جواهر من ضغط والدتها المخجل
ام نهار بصدمه:جواهر اسم الله عليش شفيش
ثم اجتمعن حولها ليهدأنها
عليا وهي تأخذ الهاتف:الو
ام ناصر بهدوء:هلا والله
عليا:هلا ياخاله شلونش
ام ناصر:طيبه طاب
عليا:خاله شفيها جواهر
ام ناصر بجمود:مافيها شي يامي بس انا ضقت عليها شوي وزعلت
عليا وهي تسمع عمتها تقول:يابنات روحن عساف بيدخل
عليا:يالله مع السلامه
ام ناصر:مع السلامه
ثم اخذت شقيقها وذهبت للاعلى هي وحصه والصغار
دخل بغضب لم يبالي ان كان هناك احد ام لا
لكن من حسن الحظ ان عليا وحصه قد ذهبن وجواهر كانت تتجه للصاله الاخرى حين سمعته ييقول:يمه شفيكم
ام نهار بغضب:وراك
عساف:لحظه يمه بفهم شفــــــ
ام نهار وهي تدفعه للخارج:اللي ماترضاه لاختك لاترضاه لبنات الناس
خرج غاضبا من تصرف والدته لكن هناك ماجمده فجأه فهمس:هي والله هي الا هي اعرفها من بد النسوان كلهن
ثم عاد يجري دون اي وعي وهو مخطوف اللون
دخل على والدته وهو متغير المزاج:يمه طلبتش علميني من ذي
ام نهار بصدمه:انت وش تقول
عساف بقلة صبر:يمه طالبش ان تعلميني
ام نهار باصرار:اول علمني وش تبي بها
عساف وهو يجلس امام والدته:علميني يمه من هي ذي بسرعه
ام نهار بحيره:هذي جواهر مرتك
صعق بل تجمد من الصدمه:يمه اللي قبل شوي كانت هنيا جواهر بنت فيصل اكيييييد
ام نهار بقلق:يويلي اسم الله عليك عساف شفيك يامك لاتروعني عليك
عساف وهو يقف ليصرخ:جوااااااااااااهر
ام نهار بخوف:عساف شفييييك يامك انجنيت وش جرا لعقلك
عساف وهو يقف امام باب الصاله التي اختبئت فيها:جواهر انا انا.... عرفتيني انا كنت.....
ثم اخذ يضحك بصوت عالي ارعب والدته التي ظنت ان ابنها قد اصابه شيئ في عقله امسكت به بهلع:عساف يابوي شفيك فديتك
عساف وهو يضم والدته بفرح:يمه هي والله هي عرفتها
ام نهار وهي تبعده وتنظر له بنظره غريبه:عساف انت وش عرفك بجواهر
عساف وقد تجهم وجهه:هذا شي خاص فيني
ام نهار باحتقار:والله لو يسوونها كلهم ماهقيت انك تسويها لكن من سحب ثوبه توطو العرب فيه وهي سلمتك عمرها
خرجت من الصاله بقهر:ليه ماتفهمون اني مالي ذنب ولا لي شغل
ام نهار بقرف:بس بس اقطعي الله يقطع ذا الوجه ولش وجه تحكين بعد
عساف وهو يقف بغضب:يممممه جواهر مالها شغل
ثم التفت لها وهو يبتسم:جواهر اطهر من شافته عيني
اخفضت راسها وقد سالت دموعها بشده
رن هاتف ام نهار التي كانت للتو ستوبخه
نظرت للرقم ثم اجابت بصوت وقور:الو
الطرف الاخر بنفس النبره لكن اختلك بها الغضب:سلام عليكم
ام نهار:عليكم السلام مرحبا
الطرف الاخر:ام نهار فديتش انتو باب بيتكم وش لونه
ام نهار باستغراب وهي تنظر لعساف وجواهر التي لايظهر منها شيئ:بني
ثم اكملت:انتي جايه ياام ناصر
ام ناصر بصوت تحول للانكسار:ايه انا قدام بابكم
ام نهار:يامرحبا هلا
ثم اغلقت ام ناصر الخط وهي تنزل من السياره فما لايعلموه انها سمعت مادار بنهم لانها لم تغلق الهاتف واتت لتنهي هذه المهزله
ام نهار لغضب وهي توجه كلامها للاثنين:ام ناصر لاتحس بشي ماتستاهل الوجعه
ثم اتجهت للباب لتفتحه ماان رات ام ناصر حتى بدأت بالترحيب بحب:ياهلا حياها الله اقلطي ياام ناصر
ام ناصر وهي تبعد غطوتها عن عينيها وترى عساف وهو يتجه لها
عساف وهو يقبل رأسها:شلونش يمه عساش طيبه
ام ناصر بغضب:علمي مايسر ياعساف
عساف بنخوه وقد انتهض بقوه:يزين علمش وانا ماجود
ام ناصر بعصبيه:ام نهار وين جواهر
ام نهار بحيره:في الصاله تيك(وهي تشير للصاله التي فيها جواهر)
اتجهت لها بعصبيه وفتحت الباب بقوه وسحبتها بقوه وهي تسمع بكاؤها ورجاءها:يمه تكفين هديني يمه والله ماسويت شي
دفعتها بقوه تحت قدميه ثم انتزعت برقعها لتقذفه ايضا تحت قدميه لتقول:طالبتك ياعساف ان تاخذها ذالحين ولاعاد اشوفها
صرخت جواهر:لاااااا تكفين يمه ليه سويتي ليه
تقدم بهدوء ازاح لون وجهه المعتاد ورفع برقعها واتجه لها والبسها برقعها ثم قبل جبينها:انا مادري وش هي مسويه وليه انتي تبيني اخذها بذا الشكل بس والله ان اخذها ولايعرفها غيري وبرقعش ماتحذفينه انتي تامريني امر
جواهر وهي تقف وتتقدم منهم وهي تبكي:والله العظيم ماسويت شي والله
عساف وهو ينظر لها بغضب:ولاكلللللللللللللللمه
ثم نظر لام ناصر:اسمعي يمه انا باخذها بس لازم ندمدم الموضوع يعني لازم نسوي عشا والكل يدري ونعتذر باللي صار لمرت نهار ولاحد يدري غيرنا حنا الاربعه
ام نهار ببكاء:يعني صار بينكم شي اجل ليه تكذب علي وتقول ماصار شي
لم يجيبها باي شيئ لانه كان مشغول التفكير وكان يخرج من المنزل متجه للمشفى لكي يبلغ الجميع انه سياخذ زوجته بأسرع وقت
لكن ام ناصر اوقفته:عسااااااااااف
التفت نصف التفاته:سمي
ام ناصر بغموض والم يذوي بقلبها على حال صغيرتها المدلله:ذالحين مهوب بعدين تروح معك
لم يكن يريد ان يكسر من كانت تستجير به :وهي لش ياام ناصر خلوها تلحقني للسياره
صرخت بالم:لاااااااااااااااااااااااااااااااااااااااااااااااا
ام نهار بصدمه من سرعة الاحداث التي عصفت بهم على شطآن غريبة الاجواء فبعد ان كانوا في قمة الحزن هاهم يتقدمون نحو فرح مبتور بل عقيم
ام نهار بهدوء:ام ناصر خلي البنت تجهز عمرها خلي ثمينه لين تعافى والعرب تستقر اوضاعهم
ام نهار وهي تعد لبرقعها وتقترب من جواهر التي تهذي بجنون:البنت سترها في بيت رجلها
حين لمست جواهر لكي تلبسها العباءها بقية غطاءها صرخت تلك المجنونه وكانها ملسوعه:وخرررررررو عني وخرووووو انا مانيب بنتكم انا مااعرفكم انتو منتوب اهلي ..... ثم عادت لانين وبكاء موجعان للقلب
ام ناصر وهي توقفها بعنف:قومي اخلصي علي وين ذا البكا والتحسف منش يوم سويتي اللي سويتيه
ثم البستها تحت هدوءها الذي اخافهم ان يكون هدوء ماقبل العاصفه
وبعد عشر دقائق كانوا يقفون امام سيارة عساف
ام ناصر بالم:عساف وانا امك هذي مرتك سو بها مابدا لك واللي وفي خاطرك ولا احد بمحاسبك على شي
نظرت لوالدتها بحزن لكن والدتها قطعى ماتبقا من حصون الرجاء بنظرتها الحارقه
ام نهار بغضب:يالله امشو
عساف بهمس غامض:يالله مع السلامه
ثم تحركت السياره خارجه من المنزل وهل ياترى قد تعود ام لا
دخلتا ام ناصر وام نهار البيت
عليا التي كانت في استقبلاهما بغضب:وش اللي سويتوه لو درو الرياجيل محقو الدنيا علينا
ام نهار بغضب:عليا اقطعي تعلين صوتش علينا
عليا بقليل من الخجل:آسفه بس اللي سويتوه مايسويه الا اللي مرخصين بنتهم بعدين انتو شلون تتهمن جواهر بذا التهمه
حصه ببكاء:والله ماتسويها جواهر
ام ناصر وهي تلبس عباءتها:بنتي وبصري فيها
ثم اردفت:انا رايحه اعلم ابوانها واخوانها
ام نهار بجمود:لا تعلمينهم بالسالفه
ام ناصر:لازم يدرون ولا وش تنعذر منهم
ثم خرجت تاركه خلفها الثلاث الحائرات
.......................................................
في المشفى
ابوناصر وهو يجيب على هاتفه:الو نعم
ام ناصر بهدوء:سلام عليكم
ابو ناصر:وعليكم السلام
ام ناصر:ابو ناصر تعال البيت شوي وجيب معك ابي ناصر وناصر
ابوناصر باستغراب:خير فيه شي
ام ناصر بجمود:لا مافي شي بس تعالو
ابو ناصر بقلق:ماشي ماشي جايين
ثم اتجه لوالده:يبه يالله بنعود للبيت لازم ترتاح
ابو فيصل بحزم:مانيب معود الا مع ابو سعد
ايو ناصر وهو يهمس له في اذنه:يبه ام ناصر تبينا ضروري
ابو فيصل باستغراب:ارب مافيهم شي
ابو ناصر:لا انشاء الله بس تقول موضوع ضروري
وقف ابو فيصل:ها يالله مشينا
ثم اقترب من شقيقه:ابو سعد انا بعود البيت اقضي لي شغله ومعود
ابو سعد وهو يحلف:عود لبيتك ولا عاد تاتي والله ان تقعد اليـــــ......
ابوفيصل وهو يحلف:والله ان قد آتي عقب شوي ولا علي منك
ثم تركه واتجه للباب ومعه فيصل وناصر
ركبو في السياره تحت تساؤلات لامجيب لها سوى ام ناصر
ابوناصر وهو يدخل البيت:ياام نااااااصر وينش
ام ناصر وهي تقترب منهم وقد بانت عيناها الدموع
ابو ناصر بهمس قلق:شجرا لش ليه تبكين
ام ناصر وهي ترمي بنفسها على صدره:فيصل بنتك راحت مع رجلها
ابو ناصر بصدمه وهو يبعدها عنه قليلا:شتقولين انتي وشلون تروح من غير ماادري ومن غير عرسانتي وش تهذين به
ام ناصر وهي تدير ظهرها له:فيصل بنتك سودت الوجه
ابوناصر بفاجعه هلعت اضلاعه:ويش هو
دخل ناصر وهو يمسك بجده:السلام عليكم
ابو ناصر بصرخه:انتي وش تقولين
ام ناصر بخوف:ماجاك الا اللي صار
ابو فيصل بصرامه:شفيكم وش اللي صاير
ابو ناصر وهو يرفع يده ليعلم بكفه على خد ام ناصر حيث قطع برقعها
ناصر وهو يقف بين والديه بغضب:يبه ليه على امي
ابو ناصر وهو يسقط على الارض:اختك سودت وجيهنا سوددددت وجيهنا
الجد بهلع:تخسى وتعقب جويهر بنتي ولا تسويها
ناصر وهو ينظر لوالدته برجاء:يمه مهوب صحيح صح؟
ام ناصر وهي تخفض وجهها العاري
ركض للسلم متجها لغرفة شقيقته
ام ناصر بصوت عالي:مهيب هنيا راحت مع عساف
خرج مسرعا لايرى امامه سوى السواد
ابو ناصر وهو يخرج خلف ولده:ذالليل انا ذابحها
ابو فيصل بغضب:والله ماتمسونها ولا تجونها لاترووووحون
لكن لمجيب فالاثنان قد خرجا متجهان لها
............................................................ ......
بـــــــــــــــقــــــــــ شـــــــــــــــادن لــــــــــــــــــــــــــــــم

لالالالالالا وش البارتاات ذي كلها حززن ....والله مافهمت شي جواهر وش مسووويه ....نااسيه للاحداث مررررررررررره ....وعساااف الله يعسف لساانه ضروري يعبرعن مشاعرره .....ام نااصر مررره قاااسيه


في انتظاارك .لاتطوولي علينا..الله يعطيك حتى يرضيك...........

شكرا اخت شادن على البارت


بس ليه الاسلوب مختلف والاحداث كثيرة ؟؟؟؟؟؟؟

تسلمين على البارت
صدق ذكرونا وش سالفه جواهر و امها