هلا هلا بشدونة اشتقنا لك ياقلبي جعلها اخر الغيبات ......بارت جميل ورائع ....... وهذي دلول وتزوجت باقي ثلاث ننتظر اعراسهم علوي الي شكلها بتكون اخر وحدة خخخخخخخ وجواهر المستعجلة على الزواج وبتصير مثل حصيص هههه ونورة والله يعينها على الي منتظرها من ام صقر


لطام والله تطورات وصرنا نتغزل ونحكي بالحب ..... الله يديم المحبة ويخلي لكم عيالكم بصراحة خفت على شاهة من عيون الناس وبالخصوص من عيون ال دبيس موشايفين خير ابد


عليا تنصح الناس وتنسى عمرها بنشوف سناعتها اذا تزوجت فهاد هي بعد غلطتها اكبر من غلطة دلال واتمنى ماتنسى هالشي


فلاح وين بيسافر يمكن تبع العمل والله يعين حصة المسكينة ماصدقنا نفسيتها تزين شوي الا وترجع الحين للضيقة يارب تحمل قريب ويفرح قلبها


عساف كسر خاطري هو وام لطام خسارة بداح غصة بالقلب صعب نسيانها ان شاء الله ربي يعطيه بداح صغيرون ينور عليه حياته وتعلقه ببداح ولد لطام من الحنين لسميه الله يرحمه ويرحم موتانا وموتة المسلمين

جواهر اتمنى الي صار لها مع امها يكون درس لها وماتنطق كلمة الا وهي مثمنتها ومنتبهة لها واكيد بيجي اليوم الي امها بتفهمها صح


دلال هي الي جنت على حالها لذلك تصبر وتتحمل الين تبين لنايف انها تبيه زوج مو اخو وماتبي رجال غيره ..نايف صدق قلب ليلتها لحزن بس من حرقة قلبه لانوه يحبها ومايبي يزعلها ومايدري انها تغيرت الله يهديهم ومايطولون بحالتهم



شدونة في انتظارك ياعسل

السلام عليكم



البارت الثامن والخمسين
..........................................
في منزل ام وضحه
وضحه وهي تمسك بكف والدتها وقد انحدر سيل دموعها منذ اخبرتها والدتها انها سترافق شقيقها للسعوديه:تكفين يمه لاتروحين
ام وضحه وهي تضمها لصدرها بشده:يامش لاتقطعين قلبي اللي فيني مكفيني
وضحه ببكاء اليم:يمه والله لالحقش واخلي ولدي وناصر
ام وضحه وهي تبعدها وتقول لها بحزم:ان عاد قلتي ذا الحكي مره اخرى تراني بحمس بعدين خلاص انا بروح ولا باذني ماي بس الله الله في عمرش
وفي ولدش وفي اختش لاتزاعلن في يوم ولايفرقكن شي سمعتيني
وضحه وهي تتمسك بها اكثر وكأنها طفل يخاف الضياع:يمه لاتقولين كذا يمه حنا مانعيش من غيرش
تعالى بكاء الصغير الذي ارعبه اصواتهم العاليه
ام وضحه:روحي شوفي ولدش وخليني اسري خالش ينطرني عند الباب
وضحه برفض:لا مانيب مخليتش وولدي بخليه يبكي الين يسكت
دخل ناصر الغاضب من هذا الفعل:يمه ابو جابر يقول يالله
وضحه برجاء:تكفى ناصر لاتخليها تروح
ناصر وهو يبعد وضحه ويضمها له لعلها تهدأ فحالتها اصبحت هستيريه:يالله يمه
انزلت غطوتها والقت بانظارها على منزلها الذي خبأ في زواياه العديد من الذكريات وهمت بالخروج واغلقت الباب خلفها لتنهار وضحه في احضان ناصر راجيه الصبر من الله
ناصر وهو يمسك بوضحه بقلق:وضحه الله يهديش اللي يشوفش يقول انش ماعادش بشايفتها
وضحه وهي تضرب ناصر:هذي امي امي ياناصر
ناصر وهو يهدءها:متى مابغيتي تشوفنيها وديتش لها واقعدي عندها كثر مابغيتي
وضحه ببكاء:غير غير لاكانت عندي
...................................................
في منزل ابو سعد قبل ذلك بقليل
كانت تدخل هي وابناءها وخادمتها حيث تحمل الخادمه فيصل الصغير وعليا تحمل ضيدان النائم وقبلهم ام سعد المتكأه على عصاها
ابو ضيدان الذي كان يشاهد التلفاز في الصاله:هلا هلا يالله حي اهل العرس
ام سعد:الله يحيك ويبقيك ابيك وينه
ابو ضيدان:في حجرته راقد
جذب انظاره من تألقت باللون الاسود وزينتها التي زادتها صغر سن وجمال
ام سعد وهي تتذكر شاهه الفاتنه:ياوضحه انتي ماشفتي بنتش قبل تنزل للنسوان
ام شاهه الخجله من نظرات ابو ضيدان لها:شفيها يمه الزين كله
ام سعد:هذا البلا والله ماتعين خير عقب الليله وعادها مظهره عوالها عند العرب
عليا:يالبى عوالها يازينهم
ابوضيدان بخبث:يمه وضحه مفرعه في العرس ولا لا
ام سعد بجزع:اسم الله عليها ليه خبل الا عليها برقعها
ابو ضيدان بابتسامه:اشوا
اكتساها الخجل حتى اوشكت على البكاء
التفتو جميعهم حين رأوا حصه التي تدخل ومعها حقيبه صغيره
ابوضيدان بغضب:شفييييش
حصه بابتسامه:مافيني شي فلاح سافر وجيت امسي عندكم
ام سعد بقلق:صدق ياحصه ولا متخانقه معه
حصه وهي تقبل جبين جدتها:لا والله مابينا شي بس سافر وجيتكم
ام شاهه براحه:الله يقطع بليسش روعتيني
حصه وهي تجلس وتنظر لمهد فيصل الذي استيقظ:شدعوه ماتبوني جاملوني على الاقل
عليا:لا مانبيش انقلعي
ابو ضيدان بمزح:لاصار بيتش تحاكي يابنت سعد
صمتت بخجل فهي تعلم انه يقصد انها اصبحت تنتمي لذلك المنزل المجاور لمنزلهم
ام سعد وهي تقف:يالله اسمحو لي انا بروح ارقد تصبحون على خير
الجميع:وانتي من اهله
ثم تناثر الجميع للذهاب لغرفهم والنوم
.
.
.
.
.
.
في غرفة ابو ضيدان
كانت تضع فيصل في سريره رغم استيقاظه
ابو ضيدان وهي يهمس لها عن قرب:اشك ان به احد من النسوان ازين منش
ابتسمت بخجل:وانا اشك ان به احد اغلى منك في قلبي
مد يده من خلفها ليلمس خد الصغير بنعومه وهي توليه ظهرها وشعرها قد تناثر على كتفيها:تدرين ان اغلى عوالي فيصل
وضحه بصدمه:اغلى حتى من خواته الكبار
ناصر:اممم ايه لانه هو الوحيد اللي اشفقت عليه ياما تمنيت ان الله يرزقني ولد ومنش
وضحه بهمس:بس انا اغلاهم عندي ضيدان تدري ليه
صمت علامه على فضوله لمعرفة الجواب: لاني كل ماشفته تذكرت انه جا في فترة فراقنا و اللي صار وزاد حبي لك
ناصر بابتسامة هيام:انزين وش رايش
وضحه باستغراب:في ويش
ناصر بضحكه فهو يعلم برأيها في هذا الموضوع:ماودش نجيب بعد سعد ولطام وسلطان و.....
اصمتته وهي تضع كفها على فمه:انت شايفني مكينة تفريخ
تعالت ضحكاته وهو يقبل كفها:الله يخليش لي
ثم اكمل:بس بعد ابي اخوان لضيدان وفيصل
وضحه بعتب:لا ناااصر
............................................................ ..........
في شقتها فقد كانت تدخل وخادمتها خلفها تحمل الصغار
شاهه للخادمه:حطيهم في غرفتهم
دخلت الخادمه ووضعت الصغار وخرجت
ليقف لها وهو يتقدم بضحكه اعجاب:اوووه ليلنا طوييل
ضحكت برقه ونعومه مذيبه لقلبه:هههههههههه
لطام وهو يصغر فتحة عينيه بخبث:وتضحكين بعد
همست وهي تبعد عينيها عن عينيه:ليه ماجيت تاخذني
اجابها وهو يحاوط كتفيها ويتجه بها للكنبه:لاني دقيت على امش ولارديتو وعقبه ابيش قال انكم بتاتون مع امي شاهه والسايق
شاهه وهي تحاوط خصره:تفشلت في اهلي عوالي وفيصل اخي وضيدان كلهم ورا وزحمه وكل ماجيت اخذهم حلفت امي
لطام وهو يبعدها وينظر لعينيها:اجل استحيتي
همست له بدلع:امممممم
لطام بجديه:شاهه انا احس فهاد مغصوب على العرس
شاهه بجديه ايضا وهي تبتعد عنه:تدري حتى انا مرات احس عليا مهيب راضيه بس مايبون يعلموني
لطام:اسمعي بكره لارحنا المزرعه ابيش تاخذينها وتكلمينها وتشوفين وش في خاطرها وانا بحاكي فهاد ان كانهم مغصوبين ويبون الفرقا والله مايجتمعون تحت سقف واحد
شاهه:لطام جعلني قبلك مالك شغل فيهم
لطام:ياشاهه النفس ماتغصب على النفس وخلينا على البر احسن من بكره يعرسون ويجيلهم بزران ويتطلقون ويتشتتون البزران
شاهه:صادق بس بعد الشيبان مهومب راضين على الطلاق
لطام بنرفزه:ماعليش منهم اللي صار معي مانيب مخليه يتكرر مع اخي انا تحملت بس فهاد مايتحمل
ضحكت حين تذكرت شيئ
لطام وهو يعود من موجة الغضب ويبتسم:وش يضحكش
شاهه:تدري ان النسوان اليوم يقولون ذا البزر عند الشايب ولد سعد
لطام وهو يتصنع الغضب:وسكتي لها وهي تعيب علي
شاهه وهي تدخل غرفة النوم:لوانها كاذبه كان خانقتها بس هي صادقه
امسك بكفها:وانتي تشوفيني شايب عليش
نظرت له بصدمه فكيف له ان يقلب الوضع للجد وكيف هويتحسس من هذا الموضوع:شايب؟
اكملتوهي تضعيدها على صدره:لواني اشوفك شايب كان ماقعدت عندك ولا ليل وصبرت على اللي جاني منك ولا خليت عوالي في بطني واناادري اني يمكن اموت والسبه هم بس خليتهم عشان احس فيك داخلي وعشان اشوفك قدامي لاقامو يمشون ويجرون وانت تدري اني مسموح لي اني اجهضهم
اجابها وهو يضمها:خلاص يابنت الحلال دريت اني عندش غالي واغلى حتى منروحش
لكمته وهي تضحك:ياواثق وانا بعد ادري اني اغلى شي في حياتك
لطام وهو يشدد من احتضانها:انا اشهد انش صادقه
............................................................ ........
في جناح عاشقين
كانت تدخل بتعب فهي قد بذلت مجهود كبير هذه الليله
رأته جالسا وقد بدا عليه الغضب فتقدمت منه لتقول بقلق:نهار شفيك
نهار وهوكأسد تم حبسه عن فريسته:مافيني شي
ثمينه وهي تجلس بجانبه وتمسك بكفه:نهار كل ذا الضيقه لافيك شي
نهار بغضب مفرط:ثمينه خليني لحالي
ثمينه بصدمه وخوف من حالته:نهار شلون اخليك وانت كذا
نهار وهويبعد كفها بعنف ويصرخ بشده:ثمينه فارقيني
ثمينه بخوف من صرخته المرعبه:نهار شفيك
نهار وهوقد فقد اعصابه:ثمينه انقلعي من وجهي
وقفت مصعوقه من رده:انا انا يانهار تقولي انقلعي
وقف واتجه للمرآه الموضوعه في الصاله ينظر لنفسه لفتره فهو لايعي شيئ من الغضب لكنه اخافها وارعبها وهي في غرفتها بأنه كسر المرآه وهو يصرخ بشده:واللللللللللللللللله ممممممااااااااااااااااااااخليه
اسرعت بخطواتها لتتجه له لتراه وهو يتلفت في الصاله باحثا عن شيئ لتكسيره لاول مره تراه بهذا الحال خافت علة جنينها ان تفقده نتيجة غضب نهار الذي لاتعلم ماسببه
اتجه لهاتفها لتأخذه وتتصل بعمها
ابو نهار بهدوء:الو
ثمينه ببكاء خائف:يبه سلطان الحق علي نهار مدري شفيه
ابو نهار بقلق:شفيييه
ثمينه برعب:يبه يصيح وضايق
ابو نهار بغضب:رجلش ذا خبل دواه عندي
ثم اغلق الهاتف واتجه لها في جناحها وهو يسمع صراخه وهذيانه بقتل ذاك الشخص الذي ابعده والده عنه ونهره ونهاه عن القرب منه
فتح الباب دون استئذان ليجده يمسك به وهي تمسك ببطنها ويهزها بعنف:انتي ماتفهمين انقلعي مني احسن لش
صرخ به:نهاااااااار
نظر خلفه وقد ارعبت والده نظرته الغائمه بسبب الغضب
اجابه باحترام:هلا يبه
ابو نهار وهو يقترب منه حتى اصبح امامه بمسافه صغيره ثم رفع يده ليطبع كفه على خد نهار وتتعالى شهقة ثمينه:هذي عشانك سويت اللي سويته اليوم
ثم رفع كفه ومدها على خده مره اخرى ليقول بنفس الهدوء:وهذي عشانك مديت ايدك على ثمينه
ثم رفع يده للمره الثالثه لكن هناك من وقف امامه وعيناه تمتلئان بالدموع:لايبه خلاص
ابعدها من امامه ليقول لوالده بهدوء:مهيب غريبه لاضربتني وانا شايب بديت بنتك علي واهنتني قدام الرياجيل وطردتني عشان ماترملها ولا انا ماهميتك
ثم خرج من شقته بعد ان اخذ غترته
ثمنيه التي ارعبت خالها حين تعالى نشيجها وهي تتألم:يبه تكفي روح شوفه يبه
خرج والده خلفه لعله يهدئه فغضبه مخيف ومبهم الخطوات التاليه له
............................................................ ........
في غرفة حصه
كانت تتمدد على ظهرها وتتذكر وداعها له وقد سالت دموعها
حين دخلا جناحهما خلعت عباءتها والتفتت له لترى نظرات الحزن في عينيه
همست له وهي تقترب منه:فلاح ليه احس ان وراك شي
فلاح بحزن وهو يحاوط كتفيها:حصه انا بسافر للبحرين عشان عندي دوره بس مهوب هذا السبب السبب اني بعرس وبخليها هناك وبدون ماحد يدري
ابعدته ونظرت له بغضب وغيره:انت وش تقزل
فلاح وهو يحاول تهدئتها:حصه خليني افهمش
حصه بغضب يتعاظم:وش تفهمني وس اللي انا مقصره فيه معك
فلاح بغضب:اسمعيني واعرفي اسبابي
حصه برفض:ماي افهم شي بس اللي ابي اعرفه وابيه انه يوم ملكتك هو يوم طلاقي يافلاح
فلاح وهو ينظر لها بغضب:انتي وش تقولين
حصه بعصبيه:اللي سمعته
ثم اتجهت لغرفة النوم واخرجت حقيبتها وبدات بقذف الملابس فيها
دخل عليها:اسمعي طلاق مافيه طلاق وبخليش الين تهدين وبعدها بنتفاهم
ثم خرج ليتركها بعده جثه بلا روح فقد اعدم روحها بفعلته المفجعه
انهارت ببكاءها الذي كانت تهذي من بينه بكلمه واحده:اكرهك اكرهك يافلاح
............................................................ .....
في صباح اليوم التالي
استيقظت قبله واستحمت وابدلت ملابسها وتزينت كعروس طبيعيه وخرجت للصاله لتجده نائما بملابسه
تركته فهي لازالت غاضبه منه نفوره منها امس
اما هو فقد استيقظ على رائحة عطرها الصاخب يشعر للحظات بأنها مجنونه لجنون عطرها المداهم للانوف بقوه
جلس بتعب وهو يمسك بظهره فطريقة نومه امس كانت متعبه
غسل وجهه واستحم وابدل ملابسه واتجه لها في المطبخ
دخل بهدوء ليقول:السلام عليكم
دلال بهدوء فهي علمت بوجوده من رائحة عطره لقويه:وعليكم السلام
نايف الذي يحاول ان يزيح الحاجز الذي بينهما:ها وش يتسوين لنا ريوق
لم تجبه بكلمه
كرر المحاوله:وش رايش نروح نتريق برا
ايضا لم تجبه
تنهد بالم فهذا ليس حل عريسين جدد
تقدم لها ليقف بجانبها:دلال
دلال وهي تكمل عملها:.......
وضع يده على كتفها:دلال اسمعيني
ابتعدت عنه بعنف وخجل
نايف:دلال حنا اتفقنا ان حنا اخوان واللي انتي سويتيه شي مايصير بين الاخوان
نظرت له بعينيها الدامعتين:بس انا ماسويت شي وحنا عمرنا ماكنا اخوان
نايف بغضب:دلال لاتجننيني انتي بنفسش اللي قلتي ان حنا اخوان وانا هيأت نفسي لذا الشي وماراح اعاملش الا على انش اختي
دلال بغضب:ايه اختك ايه اختك لانه مايشرفني اكون مرتك وام لعوالك
اصمتها بصفعه جعلها تنخرس لكن نطقت دموعها بالمها فأي عروس تهان وتجرح في صباح اليوم الثاني من عرسها
خرج ليتركها في المطبخ لوحدها
جلس في الصاله ليقول في نفسه:ماقدر اشوفش كذا سامحيني سامحيني ياغناتي كل شي اسامحش عليه الا انش تحاولين تمحين حبش من قلبي
داهمه عطرها مره اخرى حيث اتجهت لغرفة النوم ملجاها الوحيد منذ اتت لهذا المنزل
وبعد مرور نصف ساعه دخل عليها
نايف وهو يراها على سريرها تبث حزنها له:دلال
صرخت به:اطلع اطلع برا
اقترب لها ليضمها بشكل مفاجئ:دلال اهدي اهدي
حاولت ابعاده لكن دون جدوى فهو محكم قبضته من حولها:ليه تضربني ليه
نايف بألم:لانش حديتيني على كذا
صمتت واكملت نحيبها على صدره
وبعد مرور الوقت ابعدها وهو ينظر لها بابتسامه:قومي اغسلي وجهش وتعالي نتفاهم
وقفت بصمت وذهبت لتغسل وجهها
حين دخلت الحمام نظرت لوجهها في المرآه لتنصعق:مالومه لاقال قومي اغسلي وجهش اختلع من ذا الشيفه
ثم بدأت بغسل وجهها وتنظيف من لوحة الكحل الذي رسمت به عينيها ثم خجرت له بخجل
نايف بضحكه:الحمدلله انش دلال لاني قبل شوي احسبش سكني
ضحكت بخجل من كلماته العفويه
اشار لها بجانبه:تعالي تعالي يالبكايه
جلست بجانبه
نايف بجديه:دلال انا ضربتش لانش طولتي لسانش علي ولا نيب ندمان بعد انا صارحتش لانش اختي والاخوان مابينهم اسرار صح ولا لا
دلال بغضب:لا مهوب صح حنا مو اخوان
نايف:دلال هذا امر حنا خالصين منه حنا اخوان رضيتي ولا مارضيتي بس اللي ابيه منش ان حنا نعيش حياه محترمه ومريحه من غير مشاكل الين نفترق
دلال وقد بدأت عيناها تنذر بالدموع:ليه نايف
نايف وهو يتنهد:آآآآ ه ه لاتبكين مايصير كل ماجينا نحكي قمتي تبكين
دلال وهي تمسك به:نايف انا بقولك شي بس اخاف تفهمني غلط
نايف:الاخوان مابينهم حيا قولي وانا اخيش
دلال وهي تكتم غيضها:نايف انا مابي نفترق مابيك تخليني نايف
نايف وهو يربت على كفها:ابشري والله مايفرقنا الا مشيئة الله والموت
دلال بشك:صدق ولا تسكتني
نايف وهو يحرك ارنبة انفها بخفه:افا نايف لاوع مايخلف
ضحكت بخفه وهي ترتب لمخططها الجديد
............................................................ ........
في منزل ابو سعد كانت السيارات تعج بالاغراض
ابو سعد بعصبيه:اخلصو علينا قد حنا الظهر
فهاد الذي يهمس لعساف الذي يساعده على ربط الاغراض فوق السياره:لاحظ انه قال الظهر والساعه ذالحين تسع
ضحك عساف:ههههههه الله يقطع بليسك الا تعالي ماتدري فليح وين سافر
فهاد باستغراب:يقول انه في البحرين عنده دوره مدري وش ذا الدوره اللي مادرينا بها
لطام الذي انتهى من عمله واتجه لهم:هييييه انت وهو خلو منكم الحكي واخلصو علينا خلونا نمشي
فهاد:اقول تراك غديت اعبر من جدك اصبرو وش انتو عجلين عليه
لطام وهو يضحك:ههههههههه راح فلاح وانت جيت مكانه مايسلم منكم احد
فهاد وهو يضحك:هههههههه الا تعال وش عندك متسبح تبي تصير ابيض يالاسود لاتحلم الصبغه عالقه فيك انا بس ابي اعرف بكره لاقالو عوالك يبه ليه انت اسود كذا وش ترد عليهم
لطام بابتسامه:هههههههههههههههههههههه ماعليك مني انا وياهم ننجاز من دونك
عساف بضحكه:لا انت ماتدري هو يحاتيهم لانهم من ريحة الحبايب
ثم ضحكا عليه حين قال لهم:ابو فيصل جنبني(فهو يعني انه سيسمي ابنه على اسم والد جواهر)
عساف:ضاق ابو وضحه خلص هونا هونا
لطام وهو يتجه لجده:اخلصو بس خلو منكم المناقر
وبعد وقت امروا النساء المجتمعات في بيت ابو سعد بالركوب في السيارات
عليا وهي تضحك على عمتها:يمه ثمينه اجري اجري روحي احجزي المكان اللي جنب ابي سلطان
ام نهار التي تجاريها:وش عليش مني انا وياه ايه بروح اقعد جنبه
ضحك الجميع
لكن عليا كانت ذات مزاج رائق هذا الصباح:بنات البلا من اللي مايتكلم يشتغل وهو ساكت شوفو تستعجل عشان تاخذ مكان امي شاهه وتقعد جنب ابي
الجده التي تضحك:الله يقطع شيطانش ياعليا حتى امش غرتي عليها
حصه التي تحاول ان تبين انها غير مكتئبه:وليه مهوب انتي اللي تقعدين جنب فهاد
ام نهار:ايه صادقه حصوص الظاهر انه كلا يرى الناس بعين طبعه
شاهه التي لتوها تجلهز ابناءها في احد الغرف وتلبسهم الملابس الدافئه:اكيد انها عليا صح يمه
عليا بضحكه:ياجماعه شاهه هي اللي بتسويها وتكسر القاعده
شاهه باستغراب لضحكهم:شفيكم ووش هو اللي بسويه
عليا وهي تترجى شاهه:تكفين شوشو سويها خلينا نضحك ولا مريتو على جدي افتحو الدريشه خلوه يشوفكم وانتو تروحون وتخلونه
ام سعد وهي تضربها بالعصا:عليه ووجع تبينهم يحرونه
عليا وهي تغمز لجدتها:اوه اوه الجده ماترضا
ثم اكملت وهي تهمس بصوت مسموع:علميني بس اربش خذيتي بنطلونش الجنز اللي بتكشخين فيه عند جدي عقب شوي
ضحك الجميع على خجل الجده
الجده وهي تبعدها:وضحه شوفي لش حل وجوزي قليلة الحيا ذي
ام شاهه:انا خلاص غسلت ايدي منها البنت تمردت علي
ام نهار وهي تنظر لثمنيه الصامته منذ اتت:ثمينه يامي شفيش
ثمينه بابتسامه منكسره:مافيني شي يمه بس ماشبعت نوم
عليا:الله يلوم اللي يلومش احد يقوم الساعه ست الصبح
الجده:يالله يالله اخلصن خلونا نقوم نركب السياير
ثم قام الجميع متجهين للخارج
ابو سعد:يالله يالله اركبو اركبو اعجلن
ركب الجميع
لطام وشاهه وابنيهما والجد والجده والخادمتين في سياره
وابو ضيدان وام شاهه وعليا وحصه وضيدان وفيصل الصغير والخادمه في سياره
ابو لطام وام لطام وفهاد وثمينه في سياره
ابو نهار وام نهار وعساف ونوره في سايره
لكن ثمينه لم تركب بعد وحين خرجت كان الجميع قد ذهب ولم يتبقى احد لم ترى السايره التي تقف في طرف المنازل حاولت النزول من العتبه العاليه لكنها لم تستطع لكن هناك يد امتدت لها عرفتها فهي لا تخطئ في هذه اليد
لم ترفع عيناها حتى امتلأت بالدموع نظرت له بحب فهي قلقت عليه بسبب غيابه الليلة الماضيه رغم ان خالها قد طمأنها لكنها لم ترتاح حتى راته
همس لها وهو يرى دموعها التي يكره رؤيتها منسابه على وجنتيها:هاتي ايدش
لم تجبه
همس لها مره اخرى:تعانزي علي خليني انزلش
همست له:انقلع من وجهي يانهار
............................................................ .............
بــــــــــــــــقــــــــــــــ شـــــــــــــــــادن لــــــــــــــــــــــــــــــم

هلا والله ومرحبا مليوووووون

فديت أنا الكريمه اللي عوضتنا و بغيابها ونزلت بارت اليوم بعد



الله يعين ام دميعه الخايسه عليش ههههههه
ولا عاد تحسبين هههههههه كبدي للي تعادينه خخخخخخخخخ



بارتين رووووووووعه وتهبل

وأخيرا اعرسووووووا

بس وش قصة فليح الخبل وشهو له يعرس عليها ماله عذر اصلا
ابكي خشمه لا تخليني اكرهه


نهار أكيد صقر قايله شي وخلان يعصب بس وش هالشي الله اعلم
ويستاهل اللي بتسويه ثمينه فيه



ما اقدر أنا على غزل توووحه ونصوووري ههههههه


عليا وفهاد وش الحل معاهم ننتظر الاجابه بسرعه يعني افهمي قصدي وعجلي بعرسهم

عساااف وحزنه على بداح مووووجعني الله يحفظ لنا الغواالي ولا يفجعنا بهم

لطام وشااهه. يا عيني على قصة الشايب والبنوته ههههههههههه ترى حلوووه هاااااا فهمتوني يا ناس هههههههههه أكيد ما فهمتوا قصدي خخخخخخخخخخخخخ


ان شاء الله كل العوائل والعشااااق اللي بيروحون للمزرعه يستانسووووووون قولوا امين كل اللي بيروح للمزرعه هالاسبووووووووع بالذات ربي يسعدهم وتذكروووني لأني دوووووم بتذكر حبايبي اللي في ليلاس هاااااا هههههههههههههه.


ونبي أكشنات وبااااااااااااارت طوووووووووووويل ماننبي موقف بس لا نبي روحة للمزرعه كلها في البارت الجاي هههههه صدق أني طراره واتشرط




تسلم يمينش يا قلبي على البارت وعلى الاغنيه الحلوه اللي في البارت اللي راااااااااح


ننتظرش دووووووووم يا الغلاااااااا

يسلمو شدونة على البارت ماقصرتي والله بارت شافي ووافي الله يعطيك الف عافية ..........

دلال ونايف

بصراحة دلال هي الغلطانة من الاول ولاتلوم نايف هو مولعبة بأيدها كل ماطرى شي براسها تبيه يسمع وينفذ هي الي كسرت قلبه وقالت تبيه اخو ويطلقها بعدين مافكرت الا بنفسها وماحطت ببالها مشاعره والحين حلا بعينها تعرف ترمي كلام يجرح بس لسانها ينطرم اذا جاء عند الحق ليه ماخبرته الي بداخلها بدل ماتتلاعب فيه واصلا تحمد ربها انها اخذت واحد يقدرها ويحبها


وضحة وناصر

وضحة من فراق امها تنازلت عن قرب ناصر وولدها اجل دلال شبتسوي وبعدين اكيد امها بتزورهم وهم بيزوروها وماتدري الله كريم وترجع لهم ...الظروف تتغير


فلاح وحصة

فلاح شسالفته لايكون صدق بيتزوج لانو لو يمزح ماترك حصة منهارة وتبكي وهو شاف حالتها ياخسارة اذا سواها حتى لو مضطر وواحد عرض عليه اخته او بنته خوب هذي الاعذار الي يتحججون فيها لاوبيخليها هناك بدون مايعلم احد ماادري هو يختبر حصة اذا بتعلم عليه او شي ثاني

اتمنى صدق اذا سواها يتركون البنت تقرر مصيرها مثل ماشاهة بيوم سوتها واعتقد انو ماحد احسن من احد علشان يكون درس لاي واحد يسوي سوايا فلاح حصة متعلقة فيه وحساسة وصغيرة بالعمر ماهي لعبة وتسلية له جد مقهورة عليها مو كافي الي صار لها


نهار وثمينة

نهار ماعصب الا من شي كبير والا هو ماكان معارض زواج اخته من قبل بس اكيد بدر شي من ال دبيس ومن صقر بالذات قهره والشياب يجيبون الجلطة بتفكيرهم وتحكمهم البنت عندهم سلعة يزوجونها بدون شورها الله يعين على الناس الي عقولها كذا يعني ابو نهار يضرب ولده علشان ابدى رايه بزواج اخته الوحيدة ليه هو ضامن عمره بيعيش طول العمر يوم يبي يفرق بين بنته واخوانها علشان مخطط شيبان من زين العايلة الي بيناسبها اذا اثنين من عيالهم تفكيرهم منحرف والله هو ضامن مايطلع الولد على ابوه اتمنى يصير لهم درس يعلمهم كيف يرمون بناتهم علشان مصالح مالها معنى


وبعدين نهار ليه يحط حرته بزوجته ناسي انها حامل وولادتها قريبة شبينفعه فيه صقر او ابوه اذا صار لها شي ماحد بيحترق قلبه الا هو وثمينة لازم ماتتنازل بكلمتين لانها اذا رضت بسهولة بتتكرر السالفة



ام شاهة وابو ضيدان


احلا عاشقين بصراحة شي هالاثنين حسبي الله على الي فرقهم وضيع اسرة كاملة الله يهنيهم ويخليهم لبعض ويجيبون اخوان لفيصل وضيدان خخخخخخخخخ


شاهة ولطام


بعد ماجاهم عيال صارو يعيشون عشقهم بصورة صحيحة ولطام ليه يزعل صدق فرق كبير بينه وبين شاهة بس هي راضية فيه وتبيه وتحبه بكل عيوبه لايخاف على عمره ههههه

اما موضوع فهاد اعتقد لو عرف سبب هالزواجة هو الي بيطلب من فهاد يتممها ويمكن يخبره سوايا ال دبيس واعتقد هو انقرص منهم بعد يعني نسبهم ينعاف والحمد لله مادبسو واحد من العيال ببناتهم



شدونة في انتظارك وانتظار احداث المزرعة بالبارت الجاي ونبي نعرف سالفة فليح جد انشغل بالي على حصوص