مساء الخير . .
له له شو هيدا ..

ي خيي ام وضححه تقههر تجيب العله شالخرابيط الي تقولها ليييه لييه كيذا عادي م فيها شششي لو قعدت عند بناتها بالعكس بنتها الحين محتاجتها كثير ليه تسوي كيذا , ليييه ليييه يجرح قلبي < فاصله هع ..

سخف لططام وشاهه جعلهم السلال وش جاب الفراااق , ي خييي ناس يحبون النكككد ..

دلول شكلها عقب هالصراخ لاججا حزه الصدق طاحت ههع , ي حلييل نايف واخوة مجيدهمم يهبلوووون فديييتهم . .

يمممه ي قلبي ع جواهر , بسس تستاهل محد قالها م تمسسسك لسانه انا لو منها بسم الله علي انخش في غرفتي لين يوم العرس موب هي رازه فيسها من صباح الله خير , بس بصراحه موقفها لاتحسسد عليه , انزيين تكفين شدونه قولي لنا شسالفتها انلحسس مخيخي وقسسسم ..

واااااي مرا متحمسسسه ل دلول ونويف .. < ميانه ..


زين شدونتي اعذريني انا من زمان قاريه البارت وكان ذاك الاسبوع اختبارات ولا رديت , عبالي بتنزلين بارت لانك قلتي بوكرا وراح بوكرا مننن زممممان صار له اسبوع عاد تكفييين نزلي البارت تكفييييين عشاني والله اني كل يوم اضغط ع نفسي عشان اخلص الماده بسسسرعه وادخل وفي النهايه م القى بارت تكفيييين نزلي بارت تكفيييين عشاني ..

مراح ترديني صصصصح ..!

مرحبا

شخبارتس ..؟ا

القصه عجيبه صرحه ^_*


حبيت عليا لها طعم خاص بالروايه
فهااد شكله راح يعشق عليا ويترك التهديد


لطام
بالبدايه ودي اكفخه بس اللحين حبيته
شاهه
بنت مكافحه بالحياه يارب حياته تزين ولا تنهدم

بغيت اسال هو لتس يوم محدد تنزلين فيه ...؟!

لاتبطين علينا وانا اختس ترا القلب مايصبر الفرقا


بانتظارتس =(

السلام عليكم ورحمه الله و بركاته



اشتقنا لج يا الغاليه واشتقنا لابطالج

ابي اعرف رد فعل دلول و موقف المعرس

وابي اعرف عليا شنو بتسوي مع مواقفها

ولج الشكر وايد تاخرتي علينا

اختج ام تروك

السلام عليكم
هالبارت عشان ام دميعه الخايسه
واعتذار من الجميع على هذا التأخييير بس غصب عني
حسبي الله على اللي في بالي قولو آميييييييييين


البارت السابع والخمسين
..............................................
وقفت ام شاهه متجهه لام وضحه التي منعزله تماما عنهم:ايه تكفين احكي عليها
ثم ذهبت لام وضحه لتجلس بجانبها::ام وضحه شقومش منحازه كذا ليه مانتيب جنب دلول
ام وضحه وهي تمسح دموعها:تكفين ياوضحه ياختش خليش معها
ام شاهه بقلق:شفيش
ام وضحه وقد تهدج صوتها مره اخرى:انا بسري مع اخي ذا الليل بعود لاهلي
ام شاهه وهي تمسك بكف ام وضحه بألم:انتي وش تقولين
ام وضحه ببكاء:وضحه لاتزيدينها علي ياختش
ام شاهه بتعنيف:وضحه من يواليها هي وولدها ودلال من ينبهها لاغلطت ترا مالهن صديق غيرش حتى لو كنت انا موجوده انتي غير انتي امهن
ام وضحه:ياوضحه انا مايصير اقعد هنيا اكثر من كذا
ام شاهه بغضب:من اللي مقرر ذا الشي من هو
ام وضحه:انا انا ياوضحه
ام شاهه:اسمعي ترا اللي في راسش بيضيع بناتش هذي عادات راحت واندمرت وانا اختش خليش عند بناتش لاتسوين سواتي والله ان تضيعين وتضيعينهن معش
ثم تركتها غاضبه من تلك المثاليه التي تتحلى بها ام وضحه على الدوام فهي تحمل الطيبه الزائده عن حدها
اتجهت لدلال المرتابه والتي تمسك بكفها كف شاهه الغض الناعم:ها وش اخبارها ذالحين
شاهه بمزاح:ولد اخيش بيبيت الليله
دلال التي لكزتها:شاااهه ووجع هذا وقته
ضحكت ام شاهه وشاهه
عليا التي تحمل فيصل الصغير:يمه هاش ذا البكاي
شاهه بحب:جعلني قبل امي نوره حلفت علي مااخذ عوالي
ام شاهه:ام لطام مافي منها في النسوان ثنتين
رن هاتف ام شاهه لتحمله وتنظر له ليعتريها الخجل بشده
عليا التي تضع الصغير في سريره لتجهز له رضعته:ايه اجري اجري روحي حاكيه وولدش احذفيه علي
ضربتها ام شاهه وهي ترد على الهاتف وتتجه به للصاله الملحقه بالجناح المحجوز للعروس:ياقل حياش
شاهه وهي تضحك:هههههههههه ياقرد حظ فهاد يااسم الله على حماي اللي ماسوى شي في دنياه
صمتت وهي تعود لها الذكرى المرعبه
صرخ الصغير بشده معلنا جوعه لشقيقاته
دلال بتوتر:عليا تكفين اخذيه قبل افغصه بروحي مالي خلق
عليا التي تعود للمرح:لو انه نايف كان مافغصتيه كان ضميتيه
وقفت دلال بسرعه لتلحق بها بغضب عاصف وهي تصرخ:ياقليييييييله الحياااا
عليا التي تدور حول شاهه:تكفين ياام سعد انا في وجهش
شاهه:ههههههههه تستاهلين حيلش فيها يادلال
ثم اردفت:هاتي هاتي فيصل لاتطرحينه
عليا التي تضم فيصل اكثر:لا لا خليه رهينه معي
ام شاهه التي تعود لتنصدم بما تراه:عليا جعلش اللي مانيب قايله هاتي اخيش لايطيح
عليا وهي تهرب باتجاه والدتها:يمه تكفين ذا المجنونه ناويه على ذبحي
دلال بغضب وهي تمسك بها:قليلة الادب اللي مثلش تستاهل اللي بيجيها
ثم صرخت عليا وهي تمد فيصل لوالدتها :لا لا لا دلول خلاااااص
............................................................ ...........
دخل منزل والده ليجد والدته تجلس وهي تخاطب الصغيرين وهما في سريريهما الصغيران
ام لطام وهي تنظر لسعد الذي ينظر لها بعينيه الوسيعتين دون استيعاب لما تقول:لاكبرت اخطب لك بنت شيخ مدلعه وتجيب لك عشر عوال وبنتين عشان يونسن بعض
ثم نظرت لبداح الجميييل جدا:وانت من اخطب لك من اخطب لك ايييه اخطب لك بنت عمتك ثمينه جعلني قبلها وقبل امها بس ان كانك زعلتها بزعل علييك هذي بنت الغاليه
ثم تنهدت:آآآآه ه ه ان كانها غاليه فأنت اغلى انت سمي بداح جعل عظامه في الجنه
ثم ابتسمت لهما وهي تقول:جعل ربي يخلي لكم امكم وابيكم يجوزونكم
لطام وهو ينكب ليقبل جبينها:ويخليش لهم ولنا ويطول لنا في عمرش
ام لطام بخجل:انت سمعت حكيي
لطام وهو يضم كتفيها:جعلني ماافقد صوتش يايمه
ام لطام وهي تقبل خده:ويخليك لي انت واختك واخيك
فهاد وهو يدخل بتعب:جعل اخيه مايبكيش
ام لطام وهي تسحبه حين قبل جبينها ليجلس:تعال تعال الحمدلله اني قضبتك ماتعلمني يومك مهمل العرب كذا لاحددت عرس ولاعطيت مهر وش هو له
فهاد باستغراب:تو الناس يمه
لطام:لا مهوب تو الناس ذالحين يحسبونك ماتبيها
فهاد في قلبه:وهذا الصدق
فهاد:خلاص بكره ان شاء الله احدد كل شي مع ابي ناصر
لطام:انت ياماصخ ماينذاق يامالح ماينذاق اصبر الين ناتي من المزرعه وعقبه اتفقوا
ام لطام بضيق:ياقطعا بالمزرعه والله اني مابي الا فرقاها
لطام وهو يعلم ان المزرعه تجلب لها الذكريات الحزينه:افا يمه تعارضين حكمة ربي وتجزعين
ام لطام بجزع:لا ان شاء الله مانيب جازعه بس يامك قلبي ماعاد يحب ذاك المكان
صرخ سعد بازعاج ليلتفت له الجميع
ام لطام وهي تحمله:اسم الله عليك وعلى اخيك وعمانك
ابو لطام الذي يدخل من الباب الرئيسي:وجده لا
فهاد الذي يقف للسلام على والده:لا يبه جده في القلب
ابو لطام وهو يسلم على لطام:الله لايخليني
ام لطام:كذب عليك وصدقت الكذبه
ابو لطام وهو ينحني ليقبل سعد :اني داري انها مهيب كذبه
فهاد وهو يبعد سعد من حضن والدته ويعطيه لوالده:انا بفهم ولدش منهو انا ولا ذا القطاوه
لطام وهو يمد الصغير الوالدته حين تعالى صراخه مره اخرى:رد عليك سعد
ام لطام وهي تحمل بداح:ماعاد لاحد منكم غلا كله لبداح وسعد
ابو لطام بابتسامه:اني داري من قبل
لطام:ههههههه يبه الحكي مهوب صوبك
ام لطام:وش عليك منه
فهاد:الله يحد عدونا على اقصاه حديتها على اقصاها الين قالت الصدق
ام لطام وهي تبتعد بسعد لتنومه:حكي معكم ضايع
تعالت ضحكات ابو لطام وابناءه
صرخ بداح خائفا من صوت الكبار
لطام الذي انحنى على بداح وهو يقبل فمه الصغير:ليه ليه ابو لطام يبكي
ابو لطام:تهبا ابو لطام مايبكي
فهاد وهو يصعد السلم:سكتوه قبل تجيكم امي وتحرمكم من الغدا
لطام الذي يحمل الصغير:وحنا ماذلينا الا من امي
ابو لطام وهو يقف:انا بروح اشوف ولدك وش سوى بعجوزي
ثم ذهب ليترك لطام يختلي بابنه المميز لديه اكثر من شقيقه
انحنى لاذنه وهو يهمس:اضحك وانا ابيك خلني اشوفها تراني ماشفتها اليوم طقت قبل اشوفها خلني اشوفها تضحك
تململ الصغير الذي عاد للبكاء
فخطرت على بال والده فكره
اخرج هاتفه وضغط عدة ارقام ليجيبه صوت ام شاهه:الو
لطام:الو سلام عليكم
ام شاهه:هلا يامرحبا شلونك
لطام:طيب جعلش طيبه انتي شلونش
ام شاهه:بخير جعلك بخير
لطام:يمه شاهه عندش
ام لطام:والله يامك مهيب عندي مع البنات داخل
لطام بخيبة امل:خلاص يالله مع الســــــ...
اصمته صوتها خلف والدتها:يمه قلبي ماكلني على عوالي
ام شاهه:جيتي وجابش الله رجالش على التلفون
ثم اعطتها الهاتف وذهبت لدلال التي وصل بها التوتر للقمه
شاهه بقلق:الة لطام
لطام بهدوء فهذا البركان التي تفاجأه به اكبر من سيطرته:هلا
شاهه:عوالي فيهم شي
لطام:لا بس
شاهه:بس ويش
لطام:اشتقت لش
شاهه بصدمه:نعم
لطام وهو يحاول هزم استسلامه العاصر:ولاشي خلاص مع السلامه
شاهه باستعجال:تعال تعال لطام
لطام:لبيه
شاهه عشق:لبيت حاج عيد علي وش قلت
لطام وهو محرج مما قال:ماقلت شي
شاهه بهدووء غرييب:حتى انا اشتقت لك
امسك بجهة قلبه دون شعور:متى بتجين
شاهه:امممم عقب مايخلص العرس
لطام:وش رايش اجي اخذش ذالحين
شاهه بصدمه:لالالالا وش تجيني انا مابعد خلصت
لكنها سمعت بكاء بداح لتشهق:لطام شفيه
لطام وهو ينظر للصغير الذي ينظر له بعينيه المشابهه لعينيها:مافيه شي ولدش مهول
شاهه باستعجال:يالله مع السلامه انا جايتكم
لطام وهو يقبل الصغير:لا خلاص خليش بس لاخلصتي دقي علي اجيبش ياويلش تروحين العرس قبل اشوفش
شاهه بهمس خجل:ابشروانتهت مكالمه لم تتعدى الربع ساعه
............................................................ .......
في طرف احد الشواطئ النائيه من الناس
كان يجلس بحزن فمثل هذه المناسبه تريه مدى خسارته للبداح
ابتسم وهو يتذكر وجه ذلك الصغير المعشوق والذي تمكن من قلبه خلسه بعينيه ونظرته وبكاءه فكيف لا وهو قد تخالط دمه بدم بداح
واحتل اسم بداح واعاضه في الفراق الذي اغار به على ديار الحزن
رن هاتفه منبها عن توارد رساله في هاتفه
فتحها بكسل وعدم روقان لكنه تبسم وتبسم ثم ضحك بشده وبعدها قبل هاتفه فقد كانت تلك الرساله عباره عن
صورة بداح الصغير وهو يرتدي دشداشه ويوضع على رأسه شماغ بشكل حمدانيه
رق قلبه لعيني الصغير الجميله فهو منذ اتى وهو يلزم المجلس حتى يراه ويبقى معه لوقت طويل ويحاكيه عما فعله عمه وبطولاته لعله يرسخ في عقله حتى يصبح رجلا
اغلق هاتفه وعاد ينظر للبحر المخيف
اخذ قرار في نفسه يجب ان يتزوج بسرعه من اجل ان يرزق بصغير يلهيه عن احزانه التي اصطكت به وهو يخجل ان يطلب من لطام ان يحضر الصغير فلابد من بعض الاحيان ان تكون والدته مشغوله او مزحومه
فيجب ان يعجل بزواجه من اجل ان يرى بداح في حياته هو
............................................................ .
حان موعد الزفاف
تتشرف كل من ام وضحه بنت محمد وام ناصر بن فيصل بدعوتكم لحضور حفل زفاف
نجليهما
نايف بن فيصل & ودلال بنت محمد
وذلك في مساء يوم السبت
............................................................
كانت تجلس في قمة التوتر والقلق
ام وضحه التي تقترب منها:دلول يمه شفيش
دلال:مافيني شي يمه
ام وضحه:يابنتي ترا نايف ينحط في حبة العين من زين طبعه
دلال:يمه انا قلبي موجعني مدري ليه
عليا التي دخلت عليهم:ياويلك يانايف ذا الليل بينقطع قلبك
دلال:عليا انقلعي من وجهي
عليا وهي تمثل الحزن:افا وانتي ماتدانين مني كلمة
ام وضحه بجديه:عليا خليها متوتره شوي وضايقه
عليا بجديه:يمه ولا عليش امر خلينا لحالنا شوي
ام وضحه وهي تخرج:ان شاء الله
وخرجت لتلتفت عليا على دلال:وش فيش دلول مااحسش طبيعيه
دلال بانهيار:عليا انا بقولش اللي عندي لاني ماعاد اقدر اكبت اكثر من كذا وابي احد يشور علي
عليا وهي تضع كفها على كف دلال البارده:قولي ولا هوب ظاهر منا حنا الثنتين
وبدأت بسرد قصتها وماحدث وجرى
وبعد ان انتهت قالت عليا بقليل من العصبيه:تبين الصدق يادلال انتي غلطانه وغلطش كبيير
دلال:ادري بس وش اسوي
عليا السواه عندي وانا اختش اسمعي
............................................................ ..
في طرف الجناح الخاص بالعروس
بصدمه:ومتى بتروح
هو بهدووء:عقب العرس على طول
اجابته بهدووء:فلاح لاتروح
فلاح بحزن:غصب مهوب طيب
حصه ببكاء:اخذني معك
فلاح بقلة حيله:مااقدر
سمع همس بكاءها فقال لها وهو كاره ضعفها الذي هو سببه:لاتبكيين
لم تجبه سوى شهقاتها
فلاح:عقب العرس على طول بجيش
حصه وهي تهمس:انزين
فلاح وهو يقبل هاتفه:وهذي حبه تصبرين فيها نفسش الين تشوفيني
ضحكت على استعباطه
فلاح بصدق:احبش ياخبل
حصه وهي تمسح كحلها الذي اوشك على الانتثار:وانا اموت فيك يامصدووع
...........................................................
كانت تجلس في الكوشه وقد تعلاها الجمال الحاد المبهر
حين اعلنت ام ناصر دخول ابنها:يابنات ترا المعرس بيدخل
اختفى الجميع ماعدا ام وضحه وام شاهه
وحضرت رعشتها التي جعلت والدتها تضع كفها على يديها وهي تهمس:اذكري الله
دخل وهو يتوسط عمها وجدها
اقبل الاثنين للسلام عليها بينما التها هو بالسلام على والدته وشقيقته التي ماان اقتربت منه حتى ضمها وهو يهمس لها:ليه الحزن
جواهر بهمس مماثل:مابه حزن في عرسك يالغالي
ثم ابتعدت لتقترب والدتها التي ماان تلامست كتفيهما حتى همست لها:ولش وجه تباركين بعد ولا تشوفينهم وتحسرين
اخفضت رأسها فلامجال للكلام حين تفقد ثقة اقرب انسان لك فمن سيثق بك ؟؟؟
ثم توجه لها وهو يراها بشراسة عينيها الخجلتين القلقتين
حين اقترب منها قالت له ام شاهه:لاتفهي اكثر من كذا
ضحك وهو يقبل جبينها:ماحد كاشفني الا انتي
ضمته وهي تقول:الله يبارك لكم ويبارك عليكم ويجمع بينكم بخير
جلس بجانبها وهو يسترق النظرات لها
من حين لآخر لكنه افتقد شخصا واجب ان يكون بجانب دلال في هذا الوقت انها ام وضحه التي اختفت فجأه
.......................................................
في الاسفل حيث الحفل
كانت تسير وكأنها مهرة تمردت على سيدها
وقد كانت متجهه لام لطام التي تجلس في الكراسي الاماميه
انحنت عليها وهي تقول:يمه جاش قهوه ولا لا
ام لطام وهي ترجع شعرها الذي انتثر على وجهها:جاني قهوه وشاهي وكل شي جعله يكثر خيرهم
ثم اكملت:ترا عوالش فوق مع خدامتهم
هي بحب:جعلني قبلش اتعبناش اليوم
ام لطام:جعلني الاوله لااتعبوني ولاشي هادين فديتهم
ارتفع غصنها حين سمعت اسمها من عليا شقيقتها:شاااهه
شاهه بفستانها النيلي اللامع وهي تضع خيطا مليئا بالكرستال على جبينها:هلا
عليا:ترا امي شاهه تبيش هناك
اتجهت لجدتها
حين اتتها قالت الجده وهي تشير على العجوز الجالسه بجانبها:سلمي على ام محمد
سلمت عليها وهي تقول:شلونش يمه
ام محمد بصدمه لمن تقف امامها:هلا هلا
رأت عدة فتيات عرفتهن وهن يجلسن خلف ام محمد:قوه يابنات
نمشه وهي تهمس لسعاد:تقول حنا بنات حنا رياجيل عندها
سعاد بانبهار:انا بفهم زينها ييزيد كل فتره الدبل
نوف التي تجلس بجانبهن:قولن ماشاء الله لاتذبحنها تراها جايه تسلم علينا
وقفن للسلام عليها وهن ينظرن لها بتفحص
نوف بابتسامه:شلونش شاهه ومبروك ماجبتي
شاهه بابتسامه جميله:الله يبارك فيش انتي شلونش وشلونكم يابنات
رد الجميع باصوات متفاوته:طيبه ....بخير
شاهه:وين الباقي ماجاو
نوف:والله غزيل ولدها مريض قعدت عشانه وعشان تمسك عيالي والباقين ماقدرو
شاهه:سلميلي عليهم
نوف:ابشري يوصل
ثم ابتعدت وهي تجذب انظار الجميع لها
ثمينه ذات البطن المنتفخ وهي تسلم على شاهه:شلونش
شاهه:طيبه جعلش طيبه انتي شلونش وشبون كرشش
ثمينه بابتسامه:شوفت عينش واصله حدي
شاهه:بكره لاشفتي عيونه تلاقط في المهاد تقولين اثره ماجاني شي من الوجع
ثمينه:ههههههههه اجل انتي وش سويتي يوم شفتي سعد وبداح
شاهه:انا بغيت اقحص يوم شفتهم
ثم تعالت ضحكاتهن
نوره التي انضمت لهن:مرحبا ياحلوات
شاهه:هلا هلا بعروسنا
ثم همست لها:تراش تحت الكجهر
نوره بتوتر:ادري من اليوم وهم يخزون وانا كل شوي بطيح من السحا
ثمينه:لا تكفين لاتفشلينا عقبه يقولون مانبيها
عليا:مالومه في نوره الخبله
نوره وهي تضربها بخفه على كتفها:يالخايسه هذا وانتي بنت عمي وواقفه معي صدق مالش صديق
ثمينه بخبث:لا ياعمري صديقها فهاد وغيره يطيرون
عليا:كل يرى الناس بعين طبعه
ثمينه وهي تغيض عليا:يافديته اجل نهار مثل غيرها
عليا وهي تتجهل والدتها التي تشير لها:مانيب راده عليش واثق الخطوه يمشي ملك
ضحكن على روح عليا المرحه
...............................................
رن هاتف حصه لتجيب بلهفه:الو
فلاح:يالله اطلعي لي انا برا
حصه وهي تتجه للعرفه الخاصه للكلابس:ابشر
وبعد ربع ساعه كانت تجلس بجانبه في السياره:سلام عليكم
فلاح وهي يمسك بكفها الصغير:وعليكم السلام يامرحبا بسالب العقل والقلب
ضحكت بخجل:ان كانك صادق لاتسافر
فلاح وهو يعود للقياده:عودنا على طير ياللي
حصه:متى انتهينا عشان نعود فلاح وش ذا الشغل اللي فجأه طلع
فلاح وهو ينظر لها من فتره لاخرى:كني اشم ريحة شك
اردف وهو يتصنع الكبر:ابشرش مانيب معرس عليش
حصه وهي تضربه على كتفه:وش جاب طاري العرس الا انه في قلبك
تعالت ضحكاته على غيرتها الجنونيه
............................................
نعود للحفل وبعد ان ذهب العريسين وذهبن النساء للعشاء
ذهبت عليا للفنانه وطلبت منها الغناء باسم سعد الصغير وبداح
ثم ابتعدت عنها لتبدأ الفنانه بذكر اسميهما وتقول انه اهداء خاص
الفنانه:لامالت على سعد بن لطام ولابداح بن لطام
اجتذبت هذا الكلمات عيني ام سعد وشاهه وام لطام وام شاهه والبقيه
ابتسمت بابتسامتها المميته معبره عن فرحها وهي تعتلي البست
وتكمل الفنانه:لابعمارهم ولا بابوهم وصحتهم ولا بامهم والسامع يقول آميييين وتعلت اصوات النساء:كللللللووووووووش
ثم بدأت بالغناء لتتمايل والدتهم بغصنها الريان الفاتن
وقد اتجهت لها كل من ام سعد وام لطام وام شاهه وبقية البنات
سعاد التي كانت تقف بجانب نمشه وتصفق:ياويل حالي هذي ام هذي هذي ماتعدت الاربع تعش
نمشه باعجاب:شوفي النسوان شلون يطالعونها
نوف وهي تشير على الصغيرين اللذان تحمل احدهم عليا والاخر جواهر:يااااي بنات شوفو عيالها يهبلون
سعاد:يااااربي وين عينت ذا الدشاديش على مقاسهم
نمشه:يازييينهم صغااار حيل
كانت عليا ترفع سعد الصغير للاعلى وجواهر تمده لام شاهه التي طلبت ان تحمله
............................................................ ....
في جناح العريسين
كانا يلتقطان الصور الاولى في حياتهم الجديده
نايف وهو يهمس لدلال الخجله:مادبلت كبدش
لم تجبه خجلا
نايف:اقول ماخلصنا كذا كافي
المصوره:بص بائي في الفيلم كمان تلاتين صوره
نايف بصدمه:وش ثلاثين صوره اقول اطلعي اطلعي
المصوره الغاضبه:انتا بتطردني ايه التصرف دا
نايف:قومي اكفخيني بعد اقول اطلعي قبل اخصم من الفلوس النص
المصوره التي ارتعبت:لا لا ياباشا خلاص انا حخرق واسيبكم
وخرجت من الغرفه مسرعه
نايف وهو يضع بشته وينظر لها ببرود:انتي الحين مستحيه
نظرت له بصدمه
لكنه اجابها على اسئلتها التي تبينت في عينيها:فيه اخوان يستحون من بعض
اخفضت نظرتها حزنا وخجلا فكل مانوت ان تعمل به من نصائح عليا ذهب سدا وهي تسمع كلماته المازعه للطموح الوليد
نايف وهو يجلس بجانبها:قومي بدلي وتعالي نتعشا
نهضت ببطئ واتجهت للغرفه لتبدل ملابسها غاضبة من بروده في مثل هذا اليوم
ماان اختفت عن انظاره حتى همس بتعب وحزن:هذا اول العقاب يادلال
دخلت الغرفه لتقذف بمسكتها في عرض الحائط عد ان اقفلت الباب وتجلس غاضبه:انا اوريك حنا اخوان يالخايس
ثم صمتت فجأه لتهمس:كله مني انا السبب انا السبب انا اللي قلت له ان حنا اخوان...... بس بسوي اللي قالت عليه عليا لازم ينسى ذا الشي
همت بالاستحمام والتبديل واكثرت من الزينه والعطور الفرنسيه الصاخبه ومن ثم القت نظره على مافعلته بيديها وحاز ذلك على رضاها ثم خرجت له في الصاله
كان يشاهد التلفاز في انتظارها ليبدآ بالعشاء لكن ماان هبت عاصفة عطورها المثيره للجنون حتى التفت لها بصدمه
نظر لها اعجبه شكلها المتألق بالشراسه والحده
اعجبه لونها الخمري المميز بين بشراتهم البيضاء
اعجبه اناقتها لكنه فعل عكس ذلك تماما حين هب واقفا واتجه لها لينفضها وهو يعتصر كتفيها بين يديه
قائلا بغضب:ان عااااد شفتش لبسه مثل ذا اللبس ياويلش مني يادلال انقلعي روحي بدليه يالله انقلعي
عادت ادراجها خجله من رفضه لها وحزينة على هذا الوضع المتأزم
وقد سكبت دموعها التي تغاضى غضبه عنها
ودخلت غرفتها واغلقت بابها بعنف واقفلته
...........................................................
بــــــــــــــــــــقــــــــــــ شـــــــــــــــــادن لـــــــــــــــــــــم
انا المسيكينه .. انا

انا المظيليمه .. انا

انا إللي باعوني .. هلي

بدينار باعوني .. هلي

بالقوه زوجوني .. هلي

عليه غصبوني .. هلي

واروح للملا .. علي

وأقوله ياملا .. علي

شايب وانا بنيه .. انا

انطوني فصليه .. انا

اوقع وابوس ايده .. انا

ورويحتي بيده .. انا

حسباله أنا اريده .. انا

ياحبي لهالاغنيه هذي اهداء مني لاثوره