وش ذا القفله يا بنت


وقفتي. قلبي

أظن ان جوجو صار لها موقف بسوق او حتى يمكن بعد ما تعرفوا على البنات

بس ماكانت عارفه ان هو نفسه اللي خطبها



يا عيني يا علوووي على هالحركات بس شاهه تستأهل هي ولطام


وين الوعد شدوووونه من امس انتظرش ولا بينتي


حرام عليش



يالله نبي بارت بسرعه ارحمي حالنا تكفين 


ما ادري ليه احس لطام بينصدم بشاهه ماراح يتوقع انها بتتزين له

واو ما استغرب انه يعصب عليها يمكن تقص شعرها او تصبغه وبيعصب

يسلمو شدونة على البارت الحلو .........مع انو القفلة بتخلينا نفكر الين نعرف سالفة جواهر مع عساف الي اعتقد اننا مابنعرفها الا بعد فترة طويلة ....... يمكن جواهر تعرضت لشي خطير وعساف كان منقدها بس كيف عرفته اذا قبل سنين اكيد انو تغير في الشكل ......جواهر شكلها حبته وبيزيد حبها له بعد ماصار نصيبها بس بتتعب مع عساف الي ماراح يعطيها وجه ببداية زواجهم وهي عاد دلوعة من دون شي ........بس ليه يأجلون زواجهم لشهرين بعيد حيل وهم يبون عساف تتحسن نفسيته والله هالشياب يعلون القلب
ه


وضحة وناصر فرحتهم بولدهم كبيرة الله يخليه لهم ويشوفونه معرس وابو بعد ويكون عمره اطول من عمر سميه


دلال الي يشوف ارتباكها وخجلها يقول غيرت رايها بنايف والله ياخوفي من جرحها لنايف الي يحبها من زمان ومتمنيها تكون له ومنتظر هاليلة بلهفة وشوق


حصة الين متى وهي معذبة حالها ومعذبة فلاح الله يشفيها وتحمل ويرتاح خاطرها العمر قدامها وان شاء كم شهر وتفرح بحمل جديد


ثمينة الله يقومها بالسلامة وتكون ولادتها سهلة وطبيعية وتقر عين طلال بشوفة ولده


ضيدان الله يعينهم عليه دلعوه كثير واحسه بيجنن شاهة اذا رجعت مع عيالها والله يعينهم عليه وعلى غيرته


عليا متى زواجها هل مع عساف والله قبل ..........احسهم طولو هم بعد ..........وحتى نورة ثلاث شهور وهي من زمان مخطوبة ليه يطولونها كذا نبي احداث كثيرة بين كل ثنائي جديد


لطام ماله حس هالبارت بس يمكن البارت الجاي بما انو شاهة خلصت نفاسها مع انو مااحس في جديد عندهم لانها طول الوقت تنام معاه في نفس الغرفة ووجهها في وجهه

من زمان عن غزل الشايب ابو ضيدان اشتقنا له خخخخخخخخخخخخ يالله خليه يرجع ويخفف الزحمة عن شقة لطام وشاهة خلي الكل يرجع كتمو على انفاس الرجال وحرمته


في انتظارك ياعسل

السلام عليكم
حبايبي اليوم ان شاء الله بينزل بارت
اختكم\شادن

السلام عليك ورحمه الله

تسلم يمينك شدونتي على البارت الراااائع جعل امك تجيب غيرك ههههههههههههه

لييييه قفلتي وما خبرتينااااااااا بقصه الجوهره وفارسها المغوااااااار عساف
اكيد انه صايره لهاااااا سالفه منذو مبطي وهو تدخل وانقذهااااااا وهي هامت به وصار فارس احلامهاا
وهو ما درى بهوى دارهااااااا

ثمينه ونهاار الله يفرح نهر بسلاكه ثمينته ولا يكدر خاطرهم احسهم اروق ثنائي بالروايه

ناصر ووضحى وضيفهم الجديد اخس يا نويصر تحبحب مرتك قدااااام جدك وامهاااتك والله انك بايعهااا
بس ماتنلام من فرحتك بسلامة وضوح وولدك الله يتمم عليكم السعاده

علياااااا وفهااد والله مشتاقه لاكشنات الي رااااح تصير بينهم وحرب داحس والغبرااااء
وودي اعرف من الفايز فيهم

ضيدااااااان يالبى الرجاجيل والله بس ما ينلام والله انه يغار لانه ظل فترة ما في الحجر
الا هو والمدلل وفجاه يجي احد نتفه ياخذ مكااانه اكيد انه يغار منه لانه
اخذ الاهتمام والحب بالرغم من ان الوضحي مو مقصره معاه ومو محسسته بالفرق
اجل الله يعين شاهه وقطاوتهااااا اذااا جات والله انه راح يهبل فيهم

حصه وفلاح
الله يعوضهم خير والله احس نهم منكسرين وفرحتهم انوخذة منهم الله يعدل حلهم ويعوضهم

شدووووونتي تسلمي ياااقلبي انتي لاخلاااااااا ولا عدم

السلام عليكم


البارت الرابع والخمسين
...........................................
في اليوم التالي
وبعد ان استأذنت من لطام للخروج لقضاء بعض حاجاتها مع ام لطام ووافق على ذلك
وتركت صغارها في رعاية الله ثم عليا في الشقه
في الشقه كان بداح يبكي بهمهمه وهي تحاول اسكاته لكن دون جدوى لذا خرجت به للصاله وتركت سعد في الغرفه نائم
حاولت اسكاته رغم تعالي بكاءه الى ان بدأ يصرخ بشده لكن ماصعق عليا ان الصغير بدأ يزرق ويسعل بشده بدأت تركض به لغرفة والدها وهي تصرخ:يــــــــــــبـــــــه يـــــــبـــه
دخلت مفجوعه لتجد والدها يستقبلها برعب وخلفه فهاد بعينين بارزتان اثر رعبه من صراخها
ابوضيدان وهو ينظر للصغير:شفيه شفيه
عليا وهي تمده لوالدها:يبه مادري شفيه
اخذ فهاد الصغير بسرعه ليمسك بقدميه وينكس رأسه للاسفل لقليل من الوقت الى ان عاد لطبيعته ثم عاد لبكاءه ليمده على عليا وهو يجلس على سريره
ليقول لها:خلاص اخذيه سكتيه
ابوضيدان وهو يجلس بتعب على السرير:وين امه ماجات
عليا بعد نوبة الرعب التي اصابتهم:شوي وبتاتي هي مشغوله شوي
نطق فهاد بصرامه:روحي تغطي بسرعه
لتوها انتبهت انها من دون غطاء لذا هربت بسرعه بالصغير لغرفتها
ابوضيدان:قم قم زين لي قهوه راسي يوجعني
فهاد وهو يخرج:ابشر
.
.
.
.
اتجه لغرفتها فهو يعلم انه لا احد في المنزل سواها هي وهو وعمه اما والده فقد ذهب ليأتي ببعض حاجيات المنزل اما لطام لازال في دوامه وعمه سيستغرق بعض الوقت ليغتسل ويبدل ملابسه ويعلم ايضا انه لايمكن ان يدخل غرفة ابنته لان ام لطام تشاركها اياها
وقف على باب غرفتها ليفتحه ويدخل ويغلق الباب خلفه ويراها تحمل بداح وتهدهده لينام لكنها حين انتبهت له تشنجت في مكانها فماذا يفعل هذا في غرفتها
همس لها بغضب:ولا كلمه ابيش في الصاله ان سمعنا تدرين وش بيسوي
فهمست بفجيعه:اطلع اطلع قبل اقولهم انك دخلت حجرتي
فهاد بلؤم:وانا بقولهم اني رحت بزين القهوه لعمي وهي اللي صوتت لي
فجعت من تفكيره فالكل سيصدقه واولهم والدها
لذا قالت له بنفاذ صبر:اخلص علي وش تبي
فهاد وهو يقترب منها مماأثار ريبتها:انتي وش مطلعش من الحجره من غير غطا ماذليتي لطام يدخل ويشوفش
عليا بخوف تحاول تغطيته:اول شي انا ادري ان لطام مهوب هنيا ولا هوب جاي ذالحين وانت في الصاله ولا انت بظاهر ثاني شي فارقني احسن لك
فهاد وهو يقترب منها اكثر:وش بتسوين يعني
عليا وهو تدفعه بصدره للخلف حيث كان لا يفصله عنها سوى عدة سنتيمترات
لتقول له بصرامه مهزوزه:فهاااد وراك
فهاد وهو ينحني ليأخذ (جلالها) الذي على السرير بجانبها ليقول لها وهو يراها تتراجع بعنف للخلف الى درجة انها كادت تسقط على ظهرها:حلالي مااحب احد يشوفه ومن تهاون به ذبحته
عليا وهو تنظر ليده التي امسك بعضدها ليحميها من السقوط:وخر عني
تركها ليتوجه للباب مغادرا الغرفه التي تعبق بانفاسه وعطره الصاخب
لكنه توقف بغضب عاصف حين قالت له:طمع العبد بعمته
.........................................................
في احد صالونات استراليا كانت تقف امام المرآه لترى ذلك الجنون الذي يسحر الالباب
ام لطام وهي تقف خلفها:يابنتي تغطي شوفي ذا البرص شلون يشبحن فيش
شاهه باعجاب بهذا التغيير:يمه ماعليش منهن قوليلي بس وش رايش في ذا التغيير
ام لطام بانبهار لازالت في سطوته:ماشاء الله تبارك الله مايحكى الا بذا الزين يامش
شاهه وهي تنظر لام لطام برجاء:يمه تكفين بقص شعري
ام لطام بفجيعه:هههئئئ والله ماتقصين شعرش لو تموتين
شاهه برجاء اكثر:تكفين يمه بس اساويه
ام لطام وهي تعود للجلوس على الكرسي:والله ماتقصين منه شعره يكفي انش صابغته ومغيره لونه
استسلمت لهذا الوضع لتعود للكوافيره وتقول:complete
لتعود لاكمال بقية تغييراتها
....................................................
في منزل ابوسعد
كانت تجلس ام شاهه وامامها حصه المرهقه
ام شاهه بألم لوضع حصه:يامش شقومش على عمرش كذا
حصه بوجع:مافيني شي جعلني قبلش آمريني شعندش مصوته لي
ام شاهه:مابي الا اشوفش يومش قطعتي فيني
حصه التي تضم تختبئ في احضان والدتها:آآآآآآآه يمه شسوي كل يوم اقوم القى نفسي هلكانه من التعب ولا ادري ليه
ام شاهه:والله يامش هذا من نفستيش اللي ماعاد تحسنت
حصه وهي تخبئ وجهها الذي امتلأ بالدموع في صدر والدتها:تعبانه يمه تعبانه كل اتذكر اللي صار واموت من الخوف والحزن قمت اكره اقعد في غرفتي قمت اكره البس هدومي لا جا المغرب يركبني الحزن
حتى فلاح احسه مل مني ومن حالتي
ام شاهه وهي تضمها لصدرها فهذه الصغيره ثكلى ومفجوعه:هذا كله يتراوا لش انتي اللي مادحرتي الشيطان ووكلتي امرش لله
حصه وهي تعتدل وتمسح دموعها:اعوذ بالله من الشيطان الرجيم
ام سعد التي اتتهم من غرفتها بعد ان صلت:سلام عليكم
ثم اردفت حين رأت حصه:يامرحبا ياحي ذا الزول مابغينا نشوفش يامش
حصه التي تقبل جبين جدتها:المرحب باقي جعلني الاوله
الجده وهي تجلس:ها على موعدنا اليوم عند المره
حصه:ان شاء الله
اتى ضيدان بفرح:حثثثه
حصه التي تلقته بحب عارم:لبى عيونك تقوله حصه
ضيدان وهو يقبل خدها:انتي وينش ماتجين
الجده:ماعاد تبينا يكفيها فليح
ام شاهه بقليل من المرح:اي بالله نساها حتى امها
حصه ببسمه مرهقه:حرام عليكم والله انكم ظالمينه لولاه ماجيتكم هو يقولي روحي اقعدي مع امش وجدتي ووسعي صدرش وانا اللي اعيي
ضيدان وهو يهمس في اذن حصه:حثه شفتي فثول يععع يزوع مثل البزران
حصه وهي تضمه:هههههههه انت اللي مقطعك الكبر
الجده:شايل(ن) شلايله عليه مايداني حتى صوته
حصه:مالومه قبل ياتي فصول وهو الشيخ والمدلع واللي مايامر على شي الا ويجاب له
ام شاهه:والله اني لاجا العصر اطرش السايق البقاله يجيب له اللي يبي
حصه وهي تنظر لضيدان وهو يلعب امامها:ضيدان مهوب طاخ الا لاشاف شاهه وان شاف شاهه وعوالها معها مدري شبيصير فيه
الجده:الله يستر منه
ثم اردفت الجده بنغزه رغم رفض ام شاهه لهذا الموضوع الذي تناقشن فيه من قبل ان تأتي حصه:حصه يامش امش ظهرت من الاربعين وابيش بياتي بكره ابيش تاخذين اخوانش عندش اليوم وبكره وجيبيهم بعد بكره
ام شاهه برفض:لا يمه حصه تعبانه والبزران بيذونها
حصه بفرح:ماعليش من حصه واخوانها بعدين يمه ابي بيجي بكره وانتي ماسويتي شي
الجده:اي والله قولي لها يامش اقولها روحي سوي مثل ذا النسوان وتقولي ماله داعي
حصه وهي تقف وتمسك بكف ضيدان:قومي يمه روحي شوفي شغلش وانا وضيدان وفصول بنشوفش بعد بكره
ام شاهه:يابنـــــ.....
حصه:يمه ماعليش منهم ازهليهم وهم عندي
ثم ذهبت بالصغار لبيتها بعد ان جهزت لهم بعض الملابس في حقيبه صغيره
............................................................ ....
في استراليا
وخاصه في غرفة عليا
التفت لها بعينيه التي تكاد ان تقتلها بعد كلمتها التي تمنت انها لم تقلها:وش قلتي
عليا بقوه كاذبه وهي تضع بداح في فراشه:طمع العبد في عمته
اقترب منها بسرعه فائقه ليمسك بعنقها بعنف وهو يهمس بصوت حارق:انا العبد انا ياعليا
عليا بصوتها المخنوق الذي صعب خروجه اثر خنقه لعنقها بين يديه:حر حرام ... يا فف .. فهاد
وعي لنفسه ليتركها بعنف ويتراجع فما فعله يحرمها عليه لكن هي من استفزته
عليا وهي تمسك بعنقه وتسعل بشده وعينيه في عينيه برعب
فهاد وهو يتجه للباب لمرة اخرى:هذي الثانيه ياعليا وكل مره اكبر من الاخرى بس الوعد قدام لاجيتي تحت ايدي
جلست بحزن وبكاءها تعالى حين سمعت صوت اغلاق الباب
............................................................ .
في منزل ام وضحه
كان ناصر يجلس مع وضحه وابنه وام وضحه بعد ان اتى بالكثير من الطعام من اجل المنزل
ناصر وهو يقبل جبين الصغير:انتو ليه ماتكلونه شفيه كش
ام وضحه:يامك هم كذا البزران اول ماياتون متنفخين ولاتم له اسبوع يفش نفاخه
وضحه وهي تجلس بجانب والدتها:بس مهوب صاير احلى
ناصر وهو يقبله مره اخرى:انا اشوفه زين من اول ماجا
ام وضحه بابتسامه:يامك مزينه في عينك الغلا
وضحه بعتب مازح:يمممه حرام عليش والله ان حمود مزيون
ام وضحه:انا بشوف ذا الزين اللي صدعتي به راسي وينه
وضحه وهي تمسك بقلبها:يمه الزين كله لافتح عيونه ودش تاكلينه
ناصر:حميّد قم افتح عويناتك
ام وضحه:ولدك خيشة نوم عطني اقومه
ثم اخذته لتجلس به بجانب والده الذي استدار لها
ثم اخذت تجر اطراف شعره لكي تؤلمه ويقوم ليصرخ الصغير بقوه
لتقف وضحه بجزع:يمه حرام عليش شوفي شلون اخلعتيه
ام وضحه بضحكه:اقعدي اقعدي بس مافيه شي ولدش مهول
ثم هدأ الصغير ليفتح عينيه الصغيرتان السوداوتين
فناصر بدأ يدمن رؤية عينيه التي ترحل به الى عالم آخر
انحنى ليقبل عينيه بلطف
ام وضحه وهي تمد الصغير لوضحه:هاش تعالي اقعدي به عند ابيه بروح اشوف العشا
جلست بالصغير في مكانها
ناصر بخبث:شقومش طاقه هناك
وضحه وهي تضم الصغير:ههههههههه من بغاني ياتيني
ناصر وهو يقف:ياوالله اللي ابيكم
جلس بجانبها لينحني ويقبل خدها:وحشتيني
وضحه بجزع:ناصر الله يهداك لاتدخل علينا امي وانت تسوي كذا
ناصر:واذا انا مسوي حرام ولا عيب
ثم اردف:فكي فكي ذا اللي مربطينه كنه مجنون
وضحه:هههههههه اسم الله عليه
ناصر باستغراب:وانا صادق ليه تربطونه كذا كنه بيطق
وضحه وهي تفك رباط الصغير:عشان تلم عظامه ولا يتمصع
ناصر وهو يتذكر زيارته لبيت عمته بالامس
ناصر بابتسامه:لو انش شفتي فصول ولدي امي وضحه قسم بالله انه صك على ولدي ماشاء الله كبر وصار حليو
وضحه بابتسامه:اكيد بيصير اكبر لانه اكبر من حمود
ناصر وهو ينظر ليدين الصغير التي يحركها بعشوائيه:لا عاد تقولين له حمود قلي له حميّد ازين
وضحه وهي تقبل كف محمد الصغير:حميّد حمود اي شي اهم شي اشوف عويناته
ناصر وهو يمسح على راس الصغير:عز الله انه صدع بي ولدش ذا
وضحه:يالبى عينه
ثم اردفت:ناصر من يشبه
ناصر:كنه نايف اخي
وضحه:عز الله انك جبتها احس انه يشبهه حييل
ناصر:الا نسخته خاصه عيونه
وضحه بصدق:جعل ربي يرزقهم الذريه الصالحه هو ودلال بنت امي
ناصر:آمين
............................................................
نعود لاستراليا
كان لتوه يدخل المنزل بتعب بعد نهار شاق
وجد شقيقه ووالده وعمه يجلسون امام قهوتهم :السلام عليكم
الجميع:وعليكم السلام
قبل رأس والده وعمه ثم اتجه لفهاد ليقبل فهاد رأسه وانفه
لطام:شلونكم
والده:حنا طيبين انت اللي شلونك
لطام:انا طيب غار والله انهم عزرو بنا
ابو ضيدان:هانت وانا ابيك فتره وتعدي
ابو لطام:انت دريت ان ابيك ناصر بيمشي الصبح
لطام وهو ياخذ فنجاله من فهاد:ليه يبه قدك تبي فرقانا
ابوضيدان:لا وانا ابيك غار العرب هناك ماعندهم احد
لطام وهو ينزل فنجاله ليقول له بخبث باسم:العرب ولا ام فيصل خاصه
ابوضيدان وهو يضحك:هههههههه امس امس شقومك علينا ذا الليل
لطام وهو يضحك:هههههههههه وجهك شاين من فرقا ام فيصل وناش (ن) حالك
ابو لطام وهو يجاري لطام:هههههه عز الله انك صادق متغير حاله
ابوضيدان بابتسامه:دامكم مبرقين في حالي اجل اي بالله قد ودنا نروح عند ام فيصل
فضحك الجميع
وبعد مرور الوقت
وقف لطام:يالله تمسون على خير
الجميع:والساري في خير
ثم اتجه لغرفته باحثا عن الراحه
.
.
.
.
.
.
كانت تقف امام المرآه تزيد روجها الاحمر القاني حين دخل عليها
اغلق الباب ليتلفت امامه فيجدها اسطورة تجلى فيها الجمال لقمته ليتساءل في نفسه هل هناك جمال موجع هكذا ام انها نوت على نحري مابها اليوم تبدو كعاصفه تبيد من امامها
كانت تقف امامه بفستانها الاسود الذي يصل الى فوق ركبتيها وشعرها البني الذي يلامس كعب قدمها وعينيها القاتلتين برسمهما بالكحل الاسود وفمها الذي يمتلئ باللون الاحمر اتجه لها مسلوب العقل
وقف امامها ليمد يده ويلامس خدها فقد شك في لحظه انها ليست ببشر
همس لها بعشق استثنائي:شاهه
فهمست له بهيام:لـــبــيه
فأغمض عينيه بألم وقذف برأسه للخلف
شاهه بقلق وهي تضع كفها التي يزينها خاتمها الماسي:لطام شفيك
لطام وهو يعود للنظر فيها:ليه كذا توجعين قلبي
صعقت:انا .....وش سويت
لطام وهو ينحني ليضمها بقوه كاد ان يكسر اضلاعها :كل شي سويتيه فيني ماخفتي الله فيني
شاهه وهي تتعلق بعنقه:اخلعتني عليك
لطام وهو يبعدها وينظر لعينيها ويقول لها:اخاف اقولش احبش تسوينن بي مثل ذيك المره
لتقول له هي:انا اللي احبك واموت فيك
وضع كفه على فمها فهكذا مشاعر منها تمزق قلبه:بس
قبلت كفه لينحني هو ويقبلها قبلة اصمتتها لعدة دقائق وكأنها تحلق في عالمه وحده وهي اميرة قلبه وروحه
ابعدها مره اخرى ليقول لها:اليوم وش جاري عليش
شاهه:فيني اللي انتي ساج منه
لطام وهو يبتسم:لا واللي حطش روحي اللي جسدي اني مانسيت ليخرج من جيبه صندوق صغير ويفتحه ويخرج منه سلسال مكتوب (شاهه) بالالماس
شهقت بعنف وهي ترى لمعة السلسال التي اجهرتها:لطام
لطام وهو يدخل يديه بين رقبتها وشعرها ليغلق السلسال على عنقها الفاتن:لبيه لبيه ياروح لطام
شاهه وهي تضمه وتذرف دموعها على صدره
لطام وهو يبعدها بجزع:شاهه شفيش
شاهه ببكاء:احبك
لطام وهو يعود لضمها:هههههههه انا اللي احبش ياام دميعه
............................................................ ......
في شقة حصه
كانت تضع فيصل على بطنها وهي تتمدد على سريرها وتناغيه:فصووول حبيبي انا فديت عمره
كان يتمدد على بطنه فوقها ويحاول ان يرفع رأسه ويراها لكن ثقل رأسه لايعينه
كانت تقبله حين دخل فلاح:سلام عليكم
حصه وهي تنتهض وتحمل فيصل:وعليكم السلام
فلاح وهو ينظر لضيدان الذي يتمدد في فراش ارضي ويتابع احد الرسوم المتحركه باندماج وفيصل الذي تحمله حصه ووجهها يشع فرحا على عكس الايام المقبله:وش ذا الاحتلال
حصه وهي تقبل جبينه:احتلال لطامي
فلاح وهو يقبل فيصل بعنف الى ان بكى:يازيييين الخدود
حصه وهي تبعد الصغير لتقول لفلاح:فلااااح ياشينك بكيته
فلاح وهو يتمدد بجانب ضيدان:احم احم
حصه وهي تلف الصغير:فلاح تكفى خله هاجع لاتقعد تحرش فيه
فلاح وهو يلكز ضيدان بمداعبه:والله ان ادبل كبده
ضيدان بضيق على من قاطع اندماجه:أووووف
فلاح وهو يقترب منه اكثر:اوف مني
ضيدان هو ينظر لحصه:حثه خليه يوخرعني
فلاح وهو يهجم عليه:لا منيب موخر وش بتسوي روني
وقف الصغير وقفز على فلاح ليبدأ كلاهما بالمصارعه
فلاح وهو يدغدغ ضيدان:ها قول انا مو رجال قول انا مورجال
ضيدان الذي تعالت ضحكاته: لا... لا...انــ.انت ممو ...رجججال
فلاح وهو يرفعه للأعلى ويهدده بان يقذفه:انا مو رجال انا
ضيدان:لا لا فثول فثزل مو رجال
فلاح وهو ينزله ويضحك:ههههههه ياقرد حظ فصول هذا هو ساكت
حصه:ههههههه لازم يحوش فيصل طشار
فلاح:ضيدان شرايك نروح انا وياك نجيب مطعم
ضيدان وهو يقفز بمرح:ايه ايه نجيب مطعم
حصه وهي تجهز رضعة فيصل:انزين البس ملابس غير البجامه
فلاح كان يقف وهو يراها ترضع شقيقها الصغير وتجادل ضيدان فتمنى للحظه ان صغيرهم الذي لم يرى النور لم يمت
قاطعه يدها التي كانت تمسك بكفه:فلاح
فلاح:لبيه
حصه بابتسامه:لبيت في منى ترا ابي بيجي بكره
فلاح وهو يضمها ويقبلها برقه في صدغها:جعل ربي يخليش لي قولي آمين
حصه وهي تضمه:ويخليك لي
............................................................ ................
نعود لاستراليا لكن في غرفة اخرى
كانت ام لطام نائمه وهي تجهز حقيبتها ودموعها لم تتوقف للحظه منذ ان حدث ماحدث بينها وبين فهاد اليوم
اثناء تجهيزها الحقيبه امسكت بجلالها الذي كانت ترتديه اليوم لتجلس على سريرها وهي تزداد في حزنها وبكاءها
ثم وقفت وهي تسمع بكاء سعد الذي بدأ الجوع يداهمه
ارتدت جلالها ونقابها وحملت الصغير واتجهت به للمطبخ لتاتي بماء ساخن
لكنه كان فيصل يجلس في الصاله
حين فتحت الباب وجدته يجلس امامها وقفت لثواني تنظر له حين التفت لها
ثم تشجعت وتقدمت لتذهب للمطبخ
وبدأت تجهز الابريق بصعوبه
لكن هناك من همس لها:هاتي البزر لاتذبحينه
ثم مد يده ليأخذه فتتلامس يديهما فتجر يدها بسرعه
فهاد وهو ينظر لها بصمت
ثم استدار ليذهب للصاله
اما هي فقد اخفت وجهها بيديها لتعود للبكاء
.
.
.
.
.
في الصاله كان يحمل الصغير في انتظار ان تاتي وتأخذه
تذكر ملمس رقبتها اليوم الذي لم يغيب لدقيقه عن عقله لكن هناك مازاد مابه هو ملمس كفها الناعمه منذ قليل
ابتسم لذكراه التي تنعش روحه لكن سرعان ماتذكر كلامها اليوم فاكفهر وجهه بحقد
لتاتي هي وتهمس:عطني سعد
نظر لها وهي تقف امامه:وش اسوي بش وابيش نشبش في رقبتي
صعقت بل ماتت احلامها التي رسمتها لمستقبلهما
اخذت الصغير وهي تهرب عنه لتبدأ في حالة انهيارها
............................................................ ...
بـــــــــــــــــــــــقــــــــ شـــــــــــــادن لـــــــــــــــــــــــــــم