السلام عليكم و رحمة الله و بركاته


مساء الخير و الرضا من الرحمن



تغلق القصة لــ كثرة الردود المخالفة


لــ حين عودة الكاتبة


مشرفات القسم


..
..
..

السلام عليكم
مساء الخير حبايبي انا امر في ظروف صعبه شوي فاتمني انكم تعذروني على تقصيري بس بعد ظغطت على نفسي عشان انزل هالبارت
واشكر كل اللي سألو عني وخاصه اختي غير البشر واختي عبق الرياحين الف شكر لكم واحب اقول لاختي غير البشر فعلا برسالتك رفعتي معنوياتي ورسالتك فرحتني حيييييييييل واحب اقول لاختي خير فيه شي بالعكس انتي ماضايقتيني الا ابديتي راي وانا واجب علي ارد وافهمش

واخيرا اذا كتب الله فيه بارت يوم الاربعاء اذا قدرت

اتمنى لكم قراءة ممتعه

البارت الخمسين
.............................................
شاهه بصدمه:طيب طيب ليه معصب خلاص هونت
لطام وهو يعود للجمود:انتي اللي تنرفزين انا عندي شغل وانتي ودني جيبني
شاهه بتوضيح:لا لطام انا قلت بعود مع ابي سعد
لطام بثوره عاصفه:ان عاد سمعتش تقولين بروح مع احد غيري ياويلش فاهمه
شاهه بخوف ورعب:فاهمه فاهمه
تركها وخرج وهو يسمع صراخ الصغار الذي ايقظهم بصراخه
اما هي فقد كانت مصدومه من ما حدث فلاداعي للصراخ والغضب لكن هذا هو لطام اناني لابعد حد
لبست غطاءها وحملت صغارها بصعوبه وخرجت بهم
ابو لطام حين رأى شاهه فقال بخوف:قم قم شل البزران منها
فنهض بسرعه ليحمل احد الصغار فحين اقترب منها رأى نظرة عدم الرضا عليه فهمس لها وهو يحمل بداح منها ودون ان يسمعه والديه:عمرش ماتفهميني
ثم اخذ الصغير واتجه به لوالدته
تداركت صدمتها وتقدمت بسعد لجلستهم
شاهه:صباح الخير
ابولطام وام لطام وفهاد:صباح النور
فهاد بابتسامه للطام:عطيني سعد من امه
حمله منها ومده لفهاد
فهاد وهو يحمل الصغير:هلا هلا بالنتفه
ام لطام:ذا النتفه يغدي الصبح جد عرب ان شاء الله
لطام وهو يشرب من فنجاله:ايه ويرثع في بناتك
فهاد:معصي انت وولدك من بناتي
ام لطام:جعل ربي يصلحهم
الكل:اميين
بكى بداح بين يدي جدته لتقول جدته:لبى روحك ليه ليه يبه تبكي
شاهه:يمه عطيني اياه
لطام بحزم احرج الجميع:خلييه مع امي
شاهه بهمس:ماتشوف البزر يبكي
ام لطام:قومي جيبي الدوا اللي سويته له البارحه
شاهه وهي تتجه للمطبخ:ابشري
لطام بقلق:ليه شفيه
ام لطام بحيره:والله مدري ياولدي قد له يومين وهو يكح الين ينكتم نفسه ويزرق
لطام بنرفزه خفيفه:وليه ساكتات عنه
ام لطام:يامك هذي شي ياتي البزران كلهم
لطام وهو يقف ويتجه للمطبخ:لالا لازم نوديه الطبيب
دخل ليجدها تحضر الدواء لصغيرها الذي يسعل بشده
لطام بصوت جامد:ليه ماعلمتيني ان بداح تعبان
شاهه بجمود مماثل:لو انه يهمك كان انتبهت له
لطام بغضب:انتي صاحيه شلون مايهمني هذا ولدي
شاهه بهدوء:لاتصيح علي العرب برا ويسمعونك
لطام بصراخ:همش العرب بس ماهمش ولدش
شاهه بنفس الهدوء:وانت هذي عادتك ماتثمن كلمتك
لم يصمتها سوى صفعته التي اخدرت خدها واصمتها
ابو لطام الذي شهد صفعته:لطاااام ولعنه
امسك بجيبه ليصرخ غاضبا:تمد ايدك على شاهه وانا موجود مافيك خير لو ان فيك خير كان حشمتني ياالضفعه
خرجت هي بهدوء متجهه لغرفتها دون اي همسه
ابو لطام وهو يدفع لطام بقوه بعيدا عنه:انقلع من وجهي الله ياخذ عمرك انقققلللع
خرج ابو لطام غاضبا وهو يصرخ بشتائم عده
تاركاً لطام غاضبا خلفه وانفاسه متسارعه ووجه يحتقن باللون الاحمر
..........................................................
في احد المجمعات
كانت تسير هي و ثمينه التي تسحب خطاها بسبب ثقلها
ثمينه:انتي شتبين بالضبط
نوره:ابي افصل لي عباه واشتري لي اكسسوارات للعرس
ثمينه:اجل امشي للمتحجبه
نوره:يالله
واتجهتا للمحل
.
.
.
.
.
.
.
.
في الطرف الاخر من المجمع
صقر بغضب:نمشه خمس دقايق وتظهرين انا وراي مواعيد واشغال
نمشه بابتسامة شقاوه:ابشر ابشر بس ها ترا عقب ماافصل عباتي توديني ستار بكس
صقر:امشي امشي لااذبحش
نمشه:هههههه ان شاء الله بس بتوديني
ابتسم على شقاءها الذي يمتعه دائماً
دخلت نمشه للمحل وبقي صقر في الخارج ينتظرها
كانت تبحث في العباءات عن مايعجبها
لكنها سمعت صوتا تعرفه فالتفتت لترى فتاتين احداهن حامل
نمشه وهي تقترب منهن لتتساءل:ثمينه
نظرتا لها لتقول ثمينه:هلا
نمشه وهي تتقدم:انا نمشه ماعرفتوني
تقدمت ثمينه للسلام عليها
ثمينه:شلونش وشلون البنات
نمشه:كلنا طيبين الحمدلله انتو شلونكم
ثمينه:ابشرش بخير
ثم نظرت لنوره الخجله:نمشه هذي نوره
نمشه بصدمه:هلا والله يامرحبا بمرت اخي
ثم سلمت عليها
نمشه:شلونش عساش طيبه
نوره بصوت خافت:طيبه جعلش طيبه
ثمينه:ها من لقا احبابه نسا اصحابه يانمشه
نمشه:ههههههه اتلبق عندها من ذالحين
ثمينه ونمشه:ههههههههههههه
نمشه:يالله مع السلامه الشيخ صقر مجدع اذانيي من قبل ادخل المحل اخلصي بسرعه ولا تمرسين لاتغدين هلامه
ثمينه:ههههههه حافظش ربي
ثم ذهبت بعيدا عنهن
ثمينه بمزح:ودش ذالحين لاظهرنا الا صقر قدامنا
نوره وهي تسحبها بخجل:امشي اخلصي علي
ثمينه:ههههه زين المستحين
وبعد ربع ساعه خرجتا من المحل
متجهتا لمحل اخر
لكن ثمينه همست لنوره بمزح:النوري شوفي هذاك زين الشباب
رفعت نوره نظرها بتلقائيه لترى ذاك الطويل النحيل الاسمر الغاضب على شقيقته التي تاخرت بالداخل
ثمينه بنغزه:اقول كليتي الرجال بعيونش
اخفضت نظرها خجله:وجع اصلا انا مااشوفه
ثمينه بضحكه:اخلصي اخلصي بس بروح افصل سرير ولدي
نوره:يعع من زينه بعد تفصلين له سرير
ثمينه:قده ازين منش
..........................................................
في وقت المغرب كان باب الشقه يطرق
فهاد الذي كان جالس في الصاله لوحده فالكل اعتكف في غرفته منذ ان حدث ماحدث
فتح باب الشقه ليرى عمه ومعه انثى تختبئ خلفه
فهاد وهو يقبل جبين وانف عمه:يامرحبا يالله حيهم يالله حيهم
ابو ضيدان بابتسامه:الله يحيك شلونكم
فهاد وهو يدخل عمه:طيبين ولا علينا خلاف انت شلونك وشلون اهل الدوحه
ابو ضيدان:اهل الدوحه جيت منهم وهم يبون المجي معي
فهاد:هههههههههه
ابو ضيدان:وين العرب
فهاد:ام سعد في حجرتها وابي وامي في حجرتهم ولطام مابعد جا من الدوام
ابو ضيدان:ييييووووه ابيك عين امك
فهاد:هههههههه ماعاد ينشد منا
ابوضيدان وهو يشير لعليا:روحي عند اختش
ثم نظر لفهاد:وين الحجره
فهاد وهو قد اختلا به الشك في من كانت خلف عمه:هناك ....ثم اشار لغرفة شاهه
اتجهت للغرفه بهدوء
ابو ضيدان وهو يجلس:صوت لابيك
فهاد بهدوء متناقض مع انفعاله قبل قليل:ابشر
.
.
.
.
.
.
.
طرقت الباب
شاهه التي كانت تبدل ملابس بداح الصغير:ادخل
ثم سمعت صوت ظنت انها لن تسمعه الا بعد سنه:سلام عليش ياام سعد
رفعت نظرها لتتفاجأ:يييوووو يامرحبا والله اني صادقه
ثم اتجهت لها لتضمها بقوه:وحششتتتييييينننني
عليا وهي تبادلها الاحضان:ههههه وانتي اكثر
ثم ابتعدتا عن بعض لتبادر شاهه بالسؤال:ارب امي جات معش
عليا وهي تخلع نقابها ولفتها وتتجه للصغير الملقى على السرير:لا ابي اللي جاي معي
حملت الصغير برفق لتقبله بقوه
عليا:وش ذا الزين وش ذا الحلا ياشوشو
شاهه بفرح انساها المها:هههههههههه
عليا:وهي تنظر للصغير المتمدد في السرير الخاص بالصغار:هذا من هو منهم
شاهه وهي تتجه لسعد الذي في السرير:اللي معش بدوح وهذا سعود
عليا وهي تنزل بداح لتقول لشاهه:عطيني اللي معش
ثم اردفت وهي تحمل سعد:يععع هذا مخنز نسخة ابيه
شاهه بالم من ذكر اسمه:الله يخليهم لي
عليا:آمييين
قاطعهم دخول ام لطام:سلام عليكم
شاهه وعليا:وعليكم السلام
عليا وهي تقبل جبين وانف ام لطام:شلونش يمه
ام لطام بقليل من الحزن:طيبه جعلش طيبه حي الله بنتي الثانيه
عليا بخجل:الله يحييش
ام لطام وهي تحمل بداح:ها شفتي الشيوخ من ازين فيهم
عليا بمزح:مافيهم زين يايمه
ام لطام وهي تقبل بداح:حراام عليش بداح مهوب مزيون
عليا:هههههههه بداح ازين من سعد
شاهه وهي تحمل سعد النائم:حرام عليكم وسعود يجنن
عليا وام لطام:هههههههههههههه
.........................................................
في منزل ابو سعد
ام سعد وهي تدخل الصاله:سلام عليكم
ام شاهه:وعليكم السلام هلا يمه
ام سعد بقلق:مادقو عليش المسافرين
ام شاهه:بلى دقو يومش راقده
ام سعد:ها شلونهم
ام شاهه:ابشرش طيبين ووصلو بسلامه
ام سعد:الحمدلله
ام شاهه بقلق:يمه فيش شي
ام سعد بحزن:لا ان شاء الله مافيني شي
ام شاهه:يمه انتي تعبانه
ام سعد:لا مانيب تعبانه
ام شاهه برجاء:طالبتش يمه تعلميني شفيش
ام سعد بحزن عمييق:قلبي موجعني على شاهه ياوضحه
ام شاهه بقلق:ليه اسم الله عليها شفيها
ام سعد:فيها ان لطام ماتحمله القاع اللي يسير عليها وهي عينت من الشقا والتعب اللي هدها
ام شاهه:يمه وش جاب ذا الطاري
ام سعد:جابه اني تحلمت بها حلم مهوب زين
ام شاهه:مابه الا الخير ان شاء الله
ام سعد:ان شاء الله
ام سعد:عطيني فيصل
ام شاهه وهي تمد فيصل لجدته:هاش يمه سمي
ام سعد وهي تحمل الصغير:اسم الله عليك
ثم اكملت بحنين:جعله يسقى لاشليت عوال شاهه
ام شاهه:اي والله يالبى خششهم
دخل ابو سعد:منهم ذولا اللي يالبى خششهم
ام سعد:هو به غيرهم فديتهم وفديت امهم وابيهم
ابوسعد بحب:ايييه دام فيها تفدي اجل هم لطام وشاهه وعوالهم
ام سعد بحنين:جعل ربي يعقلهم علي
ابو سعد وام شاهه:آميين
.........................................................
في قارة الغضب المستمر
لقد تم توزيع الجميع على ثلاث غرف حيث شاهه ولطام في غرفتهما وابو لطام وابو ضيدان وفهاد في غرفه وام لطام وعليا في غرفه
في غرفة شاهه كان لتوه يدخل بجموده الذي يتلبسه حين يغضب
لطام بهدوء:السلام عليكم
شاهه وهي تزيح صورته عن عينيها وهي تنظر لصغيرها الذي ينظر لعينيها مباشره:وعليكم السلام
شاهه بجمود:تعشيت
لطام وهي يخلع قميصه:مااتعشيت ولا ابيه
شاهه بالم استحوذ على قلبها:بصرك
اتجه للحمام ليبدل ملابسه وتخر دمعتها حزنا على حياتهم الزوجيه التعيسه
لكنه قاطع حزنها سعال صغيرها الشديد حملته برفق لكن الصغير بدأ يزداد في سعاله الى ان اصبح وجهه باللون الاحمر القاني وتلاه اللون البنفسجي
فصرخت هلعه:لطااااام الحقني
خرج مسرعا مرتاعا لصراخها ليجدها تقلب الصغير الذي بدأ يفقد الوعي بسبب انقطاع الاكسجيين عنه
لطام وهو ياخذ الصغير من يديها ويصرخ شفييه
شاهه التي لم يجعلها بكاءها تتكلم:مد......مدري يكح يكح الين صار كذا
فخرج به يركض ليراه فهاد الذي لتوه يخرج من المطبخ بعد ان شرب ماءا
فهاد برعب من حال شقيقه:لطاااام شفييييك
لطام الذي يفتح الباب:بداح تعبان
فخرج معه متجهان للسياره لتلحق بهم شاهه بعد ان لبست غطاءها
في السياره كان فهاد يقود السياره ولطام يقلب الصغير الذي بدأ يعود لطبيعته :شاللي صار في الصبي الين وصل لذا المرحله
شاهه بصوت متهدج:كنت البسه وبدت معه الكحه وقام يكح حييل ماعاد حتى خذا نفس الين بدا يزرق
فهاد وهو يركن السياره:ابو سعد وصلنا
نزل الجميع متجهين للبوابه
......................................................
في صباح اليوم التالي
كان غاضبا بسبب عدم راحته في نومه بسبب تلك المجنونه
دخلت عليه ببجامتها الطفوليه والتي تناسب سنها فقالت له بخجل ممافعلته:صباح الخير
نظر لها بغضب:صباح الخيبه زين
كتمت ضحكتها بسبب غضبه:افا لييه
ثم اقتربت منه لتضع كفها الناعم على كتفه:صباح الخيبه علي انا حصوص حبيبتك
دفعها برفق:اقول فارقي لااصفقش
حصه بدلع الانثوي الذي يمحو طفولتها:بيعني في السوق وش اللي مضايقك
فلاح وقد مال قلبه لكنه صمد امام دلعها الذي يذيبه:مضايقني انش ماخليتيني ارقد
ثم بدأ بتقليد صوتها الناعم:فلااااح قوم اقعد معي مستوحشه اقعد في الصااااله لحالي
ثم نهرها:انا بعرف وش تستوحشين منه
قالت له وهي تقبل كتفه بنعومه:اذا ماشفتك استوحش من العالم كله
فلاح بابتسامه حاول ان يخفيها عنها:عشان ذا الحبه رضينا عليش
ثم اردف وهو ينظر لها من خلال المرآه:الا ماقلتي لي ذيبان شلونه
حصه:هذا هو يطامر
فلاح:خليه يطامر على كيفه
حصه بغضب اصطناعي:اييييه انا بموت من الوجع مهوب انت
فلاح:اقول خلي مني العياره ولدي رجال بار بامه لايوجعها ولايمغثها
حصه:الله يعيني عليك وعليه
فلاح وهو يقبل جبينها:يالله تامرين على شي
حصه بحب:سلامتك فديتك
خرج ليقذف بقلبها على شطآن الشوق الى ان يعود لها
............................................................ ..
في المستشفى
كان الدكتور الذي يحمل الجنسيه المصريه يشرح لهم حالة الصغير
الدكتور:الطفل حامل لمرضين الاول السعال الديكي ودا اللي عملو حالة الاختناق الشديده اما المرض التاني هو التهاب الدم
نظر لها بسرعه وكأنه يقول لها انتي من قذفتي بمرضك في جوف ابني
الدكتور:وحالتو ضعيفه بما انو له توأم فأتمنى منكم انكم تراعوه وتهتموا بيه وانا هكتبلو على دوا وان شاء الله حيبأ كويس
تعالت شهقاتها بكاءا مماحدث لصغيرها
الدكتور برحمه:ماتعيطيش يابنتي حالة ابنك مش خطره لانو الفيروس فبدايتو والسعال حيروح
لم تجب سوى بأنها ضمت الصغير لصدرها بقوه مما اثار بكاؤه
لطام وهو يبعد الصغير عنها بالم يضاهي المها وقلقا يضاهي قلقها:بس ذبحتي البزر
همست له من بين بكاءها:صادق صادق انا اللي ذبحته انا اللي جبت له المرض انا الغبيه اللي ماحسبت حساب ذا الشي
اصمتها وهو يطبق بيده على فمها الصغير:تعوذي من الشيطان هذا المقدر والمكتوب
اخذ الصغير منها ليقف ويمد يده لها لكي تقف
خرجا من المكتب ليرا فهاد امامهم قلقا:ها وش قال الدكتور
لطام بهدوء:فيه سعال ديكي والتهاب دم
فهاد بأسى لحال هذا الصغير الذي لن يتحمل اي شيئ:ان لله وانا اليه راجعون
ثم اردف وهو يسمع بكاء تلك المختبئه خلف شقيقه:اذكري الله ياام سعد ماعليه الا العافيه ادعيله ان الله يشفيه
ثم قال لشقيقه الذي بانت علامات الحزن على محياه وهذه من نوادر حالاته فهو جامد في كل الاحوال:ابو سعد اخذ ام سعد وروحو الاستراحه وعطني انا الورقه اجيب الدوا
لم يتكلم فمد له الورقه ليذهب بها فهاد اما هو فقد حوط كتفيها بذراعه واتجه بها وبصغيرها للاستراحه
كان المشفى هادئ جدا بسبب قلة المرضى في مثل هذا الوقت المبكر
جلسا على كرسيين متجاورين لكن صغيرهم بدأ بالبكاء
لطام بصوت جامد:اخذيه قام يبكي
حملته برفق لتنظر له بعينيها الممتلئتان بالدموع فتخاطبه بنبره ملؤها حزن وحنان:كله مني كله مني انا الله ياخذني اللي جبت لك المرض ليتها كلها فيني ولاهيب فيك ليـــــــ.........
اصمتها بغضب هامس فكيف لا وهي تدعي لله ان يأخذها فأن رحلت من لي سواها ان كانت تعشق صغارها فانا اعشقها هي ولا سواها ان كانت تحب صغيرها المريض مره فانا احبها الاف المرات :اسكتي لااسكتش
ثار حزنها المتجلي في قلبها لينصب في ذاك المتبلد:لطاام اللي فيني كافيني لاتزيدني ان كنت ماتدانيني فارحمني على الاقل وانا في ذا الحال
بهت بل صعق اتظن تلك الساذجه اني لا احبها ياغبيه انا لااحيا دون عشقك الذي اسكرني في مراهقتي وشبابي فرفع يده ليصفعها لعلها تنتبه على حالها:غبيه
لكنه جمع قبضته ليرجعها في مكانها حين سمعها تقول:اللي يسويها مره يسويها مية مره
اخمد نيرانهم دخول فهاد:يالله مشينا
هم الجميع بالوقوف متجهين للمنزل
............................................................ .
دخل جناحه متعب ومنهك
نهار بتعب:السلام عليكم
وقفت حين راته وانطبع الحنان على صفحة وجهها الذي يعشقه حين رأته تعب للغايه:وعليكم السلام
ثم اردفت وهي تقبل جبينه:اشتقت لك
نهار وهو يضمها له بقوه رغم ذلك الحاجز الرادع:وانا ماتعبني الا شوقي لش
سحبته للكنبه لتجلسه وتخلع حذاءه:طلبتك لا عاد تتعب عمرك كذا
نهار وهو يسحبها من الارض ليجلسها بجانبه:لاقدش قدامي مثل ذالحين ينزاح التعب كله
ثم اكمل وهو يضع كفه الضخمه على بطنها:بشريني منش اليوم اربش ماتعبتي
اجابته وهي تدفن نفسها باحضانه:مابه تعب ان شاء الله
ثم وقفت بسرعه لتقول له بحماس:قوم بدل عشان نتغدا وارويك وش شريت اليوم
نهار وهو يقف:ابشري
وبعد ساعه كانو قد انتهوا من غداءهم وها هم يجلسون في الصاله يتناولون الشاي
نهار وهو يرشف من (بيالته)ها وش اللي انتي بترويني اياه
وضعت بيالتها لتقف بثقل وتتجه لغرفتها وتاتي باكياس كثييره في يدها
وضعت الاكياس على الارض وجلست امامها ثم اشارت له:تعال اقعد هنيا
اقترب ليجلس بجانبها على الارض
وهو ينظر لها بحب وهيام:ها رويني وش عندش
اخرجت له دشداشه رجاليه صغييييره جدا:وش رايك
ابتسم وابتسم لتتحول ابتاسمته لضحكات متعاليه:هههههههههههههههههههه وين عينتيها ذي
ثمينه بفرح لفرحه:هههههه مفصلتها
نهار وهو يضمها لصدره بحب:قولي امين
ثمينه براحه:امين
نهار:جعلش اللي تخطبين له وانا احضر ملكته
فردت برجاااء:آمييييييين
............................................................ ...
بـــــــــــــــقــــــــــــ شــــــــــــادن لـــــــــــــــــــــم