السلام عليكم

مساء الخير على الجميع
عدت لكم بعد غياب طل امده لكن اعدكم ان اعوضكم عن ذلك الغياب
اتمنى لكم قراءه ممتعه

البارت التاسع والاربعون
...................................
في اليوم التالي
كانوا يجلسون امام قهوتهم وشاهيهم حين طرق باب الشقه
لطام وهو يقف بابتسامه:شاهه تغطي ضيفنا وصل
شاهه وهي تتجه لغرفتها:ان شاء الله
فتح لطام الباب للضيف ليتعالى الصوت:ارحب يابو سعد
الضيف:لاراحت علينا انت ابو سعد انا ابو لطام
لطام:ههههههههههه
ام لطام بترقب وصوت هامس:سعد قولي انه فهاد
لكنها انهت كلمتها وهي ترى فهاد امامها
فهاد وهو ينكب على كفيها:صملتي فيني ياام لطام
لم تعبر عن شوقها سوى بدموعها
لطام:الله يهديك زين كذا بكيتها
ام لطام بدموعها المتناثره:ابكي من فرحتي في شوفتي
فهاد وهو يقبل كتفها:لا تبكين يمه تراش توجعيني
ابو لطام ببسمة فرح:وانا مالي سلام ياالثور
فهاد وهو يقبل جبينه وانفه:كيف حالك
ابولطام بابتسامه:حالي من حالك عقب الملكه
فهاد بحرج:ان كانك مثل حالي فانت عال العال
ام لطام:اربك مستانس يابوي
فهاد وهو يضمها:دامني مقابل ذا الوجه انا مستانس
شاهه:سلام عليكم
فهاد وهو يقف و يمد كفه لها:عليكم اسلام كيف حالش يابنت ناصر
ثم ارف:والله ياخيش مدري اقولش ياام سعد ولا ام بداح
شاهه:يسرك الحال يابو لطام انت شلونك وشلون اهل الدوحه كلهم بعدين انا اسمي من اسم شايبي
فهاد:ابشرش كلهم طيبين ويسلمون عليكم وخاصه امي شاهه موصيتني احب لها الصغار
شاهه:اجل بروح اجيبهم
ثم اتجهت لغرفتها لتحضر الصغار
فلحقت بها ام لطام
لطام:تعال علمني وش سويت وش ماسويت
فهاد:ابد لا عود ابي بنحدد العرس بعد شهرين بالكثير وابدا تشطيبات جناحي
لطام:ممتاز شلون جدي والعوال كلهم
فهاد:الحمدلله كلا طيب
لطام بحزن:وعساف شلونه
فهاد بحزن مماثل:على حطت ايدك دايم وهو طاق من العرب ولا يحاكي احد ودايم سرحان وضايق
ابولطام بحزن:الله يمسح على قلبه
دخلت ام لطام وهي تحمل سعد وخلفها شاهه تحمل بداح
ام لطام وهي تمد الصغير لعمه:هاك وسم بالرحمن
فهاد وهو يحمله بحذر:اسم الله عليك
لطام:لاتحبحبه ماحنا بماخذين بنتك
فهاد وهو ينظر له بطرف عينه:من قال اني بعطيكم اياها
لطام:ههههههههههههه من زينها دامك ابيها اجل ام الجكر
فهاد:الله واكبر ياللي مقطعك الزين
ام لطام وهي تتذكر غضب ام سعد حين سماعها تلك الكلمه:ههههههههه لبى امي والله لوتدري بك ان تقطعك تقول ازين عوالي كلهم لطام
لطام بحب:لبى روحها وهي صادقه صح ياام سعد
شاهه بخجل:ابولطام هاك الثاني
لطام:ههههههههههههههههههههه
..............................................
في الدوحه
ابوسعد:ها ياخيك وش قلت
ابوفيصل:والله ياخيك انا ماعندي الا سبيل الهدى بس الراي رايها
ابوسعد بفرح:دامك موافق هذا اهم شي
ثم اردف:ياخيك قطع كبدي بشيفته ميت وهو حي
ابوفيصل:ابشر وانا اخيك اشاورها واشاور ابيها وارد لك خبر بس هو موافق
ابوسعد:وانا بطيعه يوافق غصب
ابوفيصل:ان كان مهوب موافق اجل بيطلقها عقب فتره
ابوسعد:لا ان شاء الله مهوب مطلقها
دخل فلاح:سلام عليكم ياشيباني
ابوسعد:الشايب انت وابيك
فلاح:ان كانك شباب صدق اعرس على جدتي
ابو سعد:ابد ابشر بس عرسي وعرسك في يوم واحد
فلاح:اجل مانت بمعرس
ابوفيصل بابتسامه:اقدت بنتي يوم ربطتك
فلاح بتهديد مازح :تراني بعرس
ابوفيصل:اعرس بس قبلها علمها
فلاح:والله ان تحذفني مع الدريشه
ابو سعد وابو فيصل:هههههههههههههههههههههههههههههههههههههه
فلاح:دريتو ان فهاد راح للطام
ابوسعد بشوق:ايه السلوقي ماعلمني الا يوم قده بيمشي للمطار
فلاح:وابي ناصر بعد بيروح؟
ابو سعد:ايه بيروح الله ييسر امره
............................................
في منزل ابو ضيدان
حصه:امانه علوي حبيلي شاهه
عليا الغاضبه:زييييين زيييين كم مره قلتي لي
حصه بصوت عالي:وانتي شفيش علي حطي حرتش في فهاد مهوب فيني
ام شاهه بغضب:عليا حصه خلاص عاد
حصه:يمه شفتيها شسوت فيني
عليا بغضب:شسوي انتي تنرفزين
ام شاهه بهدوء:حصوص يامي قومي لبيتش رجلش قده على وصول
حصه وهي تقف وقد فهمت قصد والدتها:ابشري يمه
بعد لحظات خرجت حصه لتنظر ام شاهه لعليا:عليا تا ضيقتش ذي وفعلش ذا بينفر الناس منش
عليا بضيق:يايمه والله مانيب طايقه حتى ثيابي اللي علي
ام شاهه:يابنتي الانسان بلاستيكه مافيه الا ذا اللسان يعني حتى في ضيقتش داري العرب بعدين الحين ضيقتش ذي مامنها فايده لااعرستي وبغيتي الطلاق مااحد بقايلش لا
عليا:يمه انا مابي اصير مطلقه فحرام اظلم نفسي واظلمه
ام شاهه بغموض:تدرن انش غريبه مره ماتدانين طاريه ومره ماتبين تظلمينه رسيني على بر
عليا بذكرى ماحدث بينها وبينه:هو مخيف ونذل وكريه وانا غبيه ومااثمن كلمتي
ام شاهه بقلق:وانتي شدراش عنه
عليا بتوتر بعد ان فاقت من عالمها:ها من حكي اخته
ام شاهه:يابنتي ماعليش من حكي اخته لاجيتيه بتعرفينه لاتحكمين عليه كذا
عليا وهي تقف وتحمل الصغير لتبدل ملابسه:انا بروح ابدل لفصول
ام شاهه بيأس:ايه لا جا الحكي طقيتي
دخل ابو ضيدان على ام شاهه:سلام عليكم
ام شاهه بضيق: عليكم السلام
ابو ضيدان بقلق:شفيش
ام شاهه:ياليتك ماغصبت عليا على فهاد
ابو ضيدان بغضب رافقه منذ ملكة عليا:بنتش ذي يبيلها تسنيع
ام شاهه:ناصر لاتظلمها اكثر
ابو ضيدان:بنتش ماتخنع الين اهدم وجهها
ام شاهه بغضب:ليه تهدم وجهها يكفيها ماجاها منك
دخلت هي بفزع:اسم عليكم شفيكم
ابو ضيدان وهو يمسك بعضدها غاضب:انتي اللي شفيش ليه ماتبين فهاد
عليا:.................
ابوضيدان بصرخه:ردددي عليي
عليا:كذا مابيه
ابوضيدان:اجل والله ان تاخذينه غصب ولا طيب
ثم اتجه للدرج مسرعا لكنه توقف ونظر لها:تجهزي بكره السفر
.....................................................
في منزل ابو نهار
في الصاله
ام نهار:يابنات خلصتن للعرس
حصه التي تضع رأسها على فخذ ام نهار:انا عن نفسي خلصت من كل شي
ثمينه:وانا بعد بس باقي اكسسواري
ام نهار وهي تنظر لابنتها الهادئه منذ علمت بخطبتها:امي النوري شفيش
نوره بهدوء:مافيني شي يمه
ثمينه بعتب:الا يمه فيها وفيها من تمت الملكه وهي متعومسه
ام نهار بحنان:يانوره يامش وش في خاطرش
نوره وهي تجلس بجانب والدتها:والله مافيني شي يمه
حصه وهي تنهض:نوره انتي ماتبين ولد آل دبيس
نوره بهدوء:انتو شفيكم انا لو ماابيه كان ماوافقت عليه
ابو نهار من الخارج:احم احم
ثم دخل:سلام عليكم
الجميع:وعليكم السلام
ام نهار:وين عوالك
ابو نهار بمزح:وش لش بعوالش وانا عندش
ام نهار باحرج كبييير:سلطاااان
ثمينه:ياعيني ياعيني
ابو نهار بضحكه:تراها بتطردني انا وانتي من الصاله
حصه:تراني ماارضا على صيوت
ابو نهار:افا تعاونتي معها علينا
ام نهار:علمني بس وين عوالك
ابو نهار:نهار و فلاح جايين وراي
ثم اكمل بحزن:وعساف مهوب هنيا طالع
اتاهم صوت فلاح ونهار:ياولد
اتجهن ثمينه وحصه لشققهن ليدخل الرجال
............................................................ ......
في المجلس
كان يتقدم بتردد فمثل هذه الخطوه ليست سهله ولا بسيطه
ابو سعد بفرح:يامرحبا تعال وانا ابيك مابه الا انا وجدك ناصر
قبل رؤوسهم ثم جلس امامهم:انا ماجيت ذا الحزه الا وانا داري ان الكل راح لبيته
الجد باستغراب وترقب:خير يابيك وش عندك
عساف بهدوءه المعتاد منذ توفي بداح:انا ابي اعرس
الجد بفرح:هذا اليوم المبارك وانا ابيك
الجد ناصر بقلق:اصبر يالطام
ثم نظر لعساف:ليه ماقلت لامك وانا ابيك
عساف:انا كنت ابي اقولها بس النسوان يبطن على مايعينن المره ونا ابي اعرس بسرعه قبل حتى نايف
الجد:ياولدي نايف مابقى على عرسه الا ثنين وعشرين يوم
عساف باصرار:ادري بس انا ابي اعرس بسرعه
ابوفيصل بابتسامة رضا:اجل مرتك عندي وانا ابيك
نظر له ابو سعد بفرح:جات يامهنا على ماتمنا
عساف:كنكم متفقين علي؟؟
ابو سعد:وش تقول في بنت ابيك فيصل
عساف برضا:نوماس بنت فيصل
ابو سعد بفرح:اجل الصبح وحنا عندكم ياناصر خطابه
ابوفيصل بفرح:يامرحبا وحياكم الله
............................................................ ..
في صباح اليوم التالي
كانت تجلس في قاعة الانتظار في المطار
لمحت والدها وهو يتجه لها
ابو ضيدان وهو يقف امامها وبغضب:يالله امشي
عليا برجاء:يبه تكفى لاتزعل علي
ابوضيدان:اخلصي علي مهوب وقته
اتجها لركوب الطائره
وبعد اعتدالهم على كراسيهم
ابوضيدان بتحذير:اسمعيني ان حسيتي خاطر فهاد بكلمه ولا فعل مهوب اشوا لش
عليا:وان حس خاطري هو
ابوضيدان بصوت الغضب الخافت:لو يقطعش ماايسمع منش كلمه فاهمه
اشاحت بوجهها عنه غاضبه
وحلقت الطائره بهم
.....................................................
في منزل ابو فيصل
الجد وهو يأخذ الفنجال من جواهر:انتي ماعندش دروس اليوم
جواهر بحب:لا فديتك الدكتوره معتذره
الجد:احسن انا ودي احاكيش بشي يابيش
جواهر:ههههههه امرني وش بتقول
ابو فيصل:جواهر يابيش انا طالبش ماتقولين لا
جواهر بقلق:والله مااردك امرني
ابوفيصل:ابيش تاخذين عساف ولد سلطان
جواهر بصدمه:؟؟؟؟؟؟؟؟؟
ابوفيصل:ها وش قلتي
جواهر بخجل:اللي تشوفه يبه
ابوفيصل وهو يقبل جبينها:لبى بنتي اللي ماتعصاني
دخل نايف بزيه الرسمي:وانتي ماتلبي الا لها
ابوفيصل:بيجيك من يلبي لك
نايف:هههههههههه
ابوفيصل بتحذير:والله لاادري يانويف انك مسوي بأمي شي مهوب اشوا لك
نايف باستغراب:امك؟؟؟
جواهر:الله واكبر نسيت اسم مرتك من عاد حنا صغار
نايف بابتسامه حين تذكر لقبها الذي يغيضهم عندما كانو صغار:ايييه بس ها يبه لاجاتني ماتصوت لها باامك
الجد:وانت بتحكمني دلول امي وبموت وهي امي
جواهر:يبه ليه انت تقولها امي من بدنا
الجد بابتسامه حب:عشانها نسخه من امي حتى في لونها
جواهر:يبه لاتوصف شي عشان بعض الناس
نايف:لا يبه ماعليك منها وصف
ابوفيصل وهو يقف:لا مانيب واصف
ثم خرج من الصاله متجه لمنزل شقيقه
نايف:جواهر انا سمعت حكي جدي شوفي وانا اخيش عساف رجال فيه خير وابركها ساعه لا صار نسيبي بس عقب مامات بداح الله يرحمه صار مهوب مع العرب وكنها صابته خفه
جواهر بقلق:بس انا مانيب راده جدي
نايف:انا مااقولش رديه بس انا انصحش وانبهش
قاطعهم دخول وضحه:صباح الخير
نايف وجواهر:صباح النور
نايف:حي الله النسيبه
وضحه التي لايرى منها سوى عينيها بسبب غطاءها:الله يحييك ويبقيك يالنسيب
دخل ناصر:ها يالعديل وش جاك على حرمنا المصون
نايف:ابد يالعديل اصبح على النسيبه
جواهر:يعني طلعتو كلكم اهل وانا اللي برا
ابوناصر:انتي اهلي انا وقلبي انا
جواهر وهي تضمها وتقبل انفه:ياهنيي اللي ماتبي الا انا
نايف بنغزه لم يفهمها الا جواهر:لا بتصير اهل لغيرك)تفجر اللون الاحمر في وجنتيها)
ناصر بعدم فهم:وش هو
نايف وهو يقف:سلامتك يالله تامروني بشي
البقيه:سلامتك
ثم انضمت لهم ام ناصر وبدأوا بتناول افطارهم
.....................................................
في جناح فلاح
حصه وهي تمد له القبعه:تكفى فلاح خلنا نروح
فلاح:انتي خبل وين نروح
حصه برجاء:خلنا نروح لاستراليا ابي اشوف شاهه وعوالها
فلاح:يازينا وحنا مدرعمين على العرب
حصه بزعل:اف
فلاح وهو يتجه للباب:حصوص جهزي شنطتي بروح للطام بكره
ثم ركض خارجا من الجناح وهي تتبعه بسرعه
حصه:والله ماترروح الا وانا معك
لكنه قد خرج
اتجهت لجناح نوره
طرقت الباب ثم دخلت:صباح الخير
نوره بهدوء:صباح النور
حصه:شفتي اخيش السخيف
نوره بابتسامه:شفيه
حصه:بيروح للطام ولاهوب ماخذني
ام ناصر وهي تدخل:احسن
حصه:لييه يمه
ام ناصر:الحين انتي حامل وتبين تسافرين
حصه:يمه انا توني
ام ناصر:ازود للشر لازم تقرين الين يثبت حملش
حصه بقهر:يعني مااشوف عوال شاهه
ام نهار:بتشوفينهم ان شاء الله لاجات
نوره:يمه انا ابي السوق اليوم
ام نهار بحب:والله يامش ركبي توجعني
ثمينه من خلفهم:انا اروح معها
ام نهار:يابنتي بتتعبين
ثمينه:لايمه انا بعد ابي السوق
ام نهار:قلتي لنهار
ثمينه:ايه يمه استاذنته
نوره:حصوص تعالي معنا
حصه:ودي بس مااقدر بعد بكره عندي امتحان
ام نهار بغضب:عندش امتحان ولانتيب بتدرسين
حصه وهي تهرب للخارج:ابشري ابشري بروح ادرس
حصه وثمينه:هههههههههههههه
ام نهار:ذا البنت هي ورجلها خبلان
نوره:يمه علوي شلون راحت وهي عندها دراسه
ام نهار:ابيها ماخذ لها عذر طبي
ثمينه:يالله النوري دقايق ونمشي اوكي
نوره:اوكي
ثم بدأن بالاستعداد
...................................................
في استراليا
شاهه وهي تضع احد صغارها في سريره:لطام
لطام بصدق وبلا شعور وهو يغلق ازرة قميصه امام المرآه:لبيه
شاهه بفرح:لبيت حاج وانا معك
لطام باحراج من كلمته:ههههههه ان شاء الله وش كنتي بتقولين
شاهه بخجل:لطام انا ابي اعود مع ابي سعد
التفت لها بقوه:نععععممم
ثم عاد للمرآه التي شهدت حزنه الذي دفنه عن عينيها:ليه
شاهه برجاء وتبرير:ابي اعود اشوف امي وابي واهلي اشتقت لهم
لطام بهدوء:انتي جيتي معي وانت داريه ان مابه معواد الا عقب سنه صح ولا لا
شاهه بحزن:صح
لطام:اجل قري في مكانش
شاهه وهي تمسك بيده:تكفى لطام بس يومين
قذف بيدها عنه ليصرخ قائلا:انتي ماتفهمين مااقدر مااقدر
...................................................
بــــــــــــــقــــــــــ شــــــــادن لـــــــــــــــــــــــــــم

الله يعطيك العاافيه باااارت خفيف ....
احس لطااام بدا يغرق في حب شاهه ...^هو من اول خاااق بس الحين بيقولهااا.....
فهاااد وعليا ....ام المعارك في استراليا هههههه الله يستر ....
فلااااح ...يا خيخه يخاف من حصحوووص ....................................ههههههههههه
ومشكووووووووره يا دهونه

تسلمين ياقلبي عل البارت الحلووو
حصه وفلااح بصرااحه ملح الروايه يهبلوووون
لطام والله شكلك طحت وحد سمى عليك اجل ما تقدر تخليها تسافر الله لايفرق بينكم
منتضرين معركة علوووي وفهاااااد

رووووووووووووعه تسلم ايدينك ياقمر
انااا وربي مشتركه بالمنتدى بس عشان اعبر لك
بمدى إعجابي بالروايه .
اممممم بصراحه مدري وش اقول لان روايتك فاقت
الوصف بالروعتها.
وانا مهما عبرت وعبرت وكتبت ....
ماراح اعبر عن جزء بسيط من إعجابي فيها .
اهم شي اذا ممكن تسجليني من تابعينك ...*

تسلم يدينش يالغلا على البارت
وحشتيني حبيبتي ..
احلى اكشن بيكون بين عليا وفهاد .. مافيني صبر ههههههههه
الله يعطيش العافية